Gjykata e Frankfurtit ka dënuar Federatën Gjermane të Futbollit (DFB) me një gjobë prej 100.000 eurosh për evazion fiskal në një çështje të lidhur me organizimin e Kupës së Botës 2006.

Prokurorët kishin akuzuar DFB-në për evazion fiskal në vlerën e 2,7 milionë eurove dhe kishin kërkuar një gjobë prej 270.000 eurosh, ndërsa mbrojtja i kishte mohuar akuzat. Vendimi mbyll një çështje të nisur në vitin 2024, që kishte të bënte me pagesën e 6,7 milionë eurove ndaj FIFA-s në prill të vitit 2005.

Federata Gjermane gjobitet për evazion fiskal: çfarë ndodhi

Shuma prej 6,7 milionë eurosh ishte depozituar në një llogari të regjistruar në emër të ish-presidentit të Adidas-it, Robert Louis-Dreyfus, dhe i korrespondonte 10 milionë frangave zvicerane që presidenti i komitetit organizator të Kupës së Botës, Franz Beckenbauer, i kishte marrë hua nga ish-drejtuesi për të kryer pagesën ndaj FIFA-s.

Gjykata konstatoi se paratë ishin përdorur për të korruptuar zyrtarë të FIFA-s jo fort të “pastër”, të udhëhequr nga Mohamed bin Hammam. DFB shpresonte të përfitonte 170 milionë euro ndihma nga FIFA. DFB deklaroi se rimbursimi i kredisë ishte një kontribut për ceremoninë e hapjes që më pas nuk u mbajt.

Lexo më tej: Nis revolucioni te Gjermania: Bierhoff largohet nga DFB pas 18 vjetësh

Akuzat kundër drejtuesve të atëhershëm të DFB-së u pushuan në këmbim të gjobave. Ish-presidenti Wolfgang Niersbach pagoi 25.000 euro, ish-presidenti Theo Zwanziger 10.000 euro dhe ish-arkëtari Wolfgang Schmidt 65.000 euro. Megjithatë, të tre mohuan me vendosmëri çdo shkelje personale dhe, pas pagesës së gjobave, panë që akuzat ndaj tyre ranë, duke dalë nga kjo çështje me reputacionin e dëmtuar, por jo të kompromentuar.

The post Federata Gjermane (DFB) gjobitet për evazion fiskal: çështja lidhet me Botërorin 2006 appeared first on Lapsi.al.

Të luash në Beograd nuk ka qenë asnjëherë e lehtë. Ka qenë dikur, e është edhe sot, pavarësisht se Crvena Zvezda nuk është më ajo e kampionëve të dikurshëm. Rajko Matic, i njohur më shumë si Maracana, është një nga stadiumet më sugjestionues të të gjitha kohërave. Kundërshtarët e Crvena Zvezdës nuk duhet ti bëjnë llogaritë vetëm me kundërshtarët në fushë, por edhe më tifozerinë e tmerrshme dhe tunelin e tij frikësues. Pikërisht aty, Federata serbe e futbollit ka vendosur të presë Shqipërinë në përballjen e 11 tetorit.

I futur në histori për grafitet në gjuhë cirilike, mesazhe të qarta për ti bërë kundërshtarët të druhen e kalimi para forcave të policisë është lyer tashmë bardhekuq. Një tunel i gjatë, me shkallë që zbresin e ngjiten e ku fundi nuk duket kurrë, në kohën kur brohoritjet e egra të tifozëve sa vijnë e afrohen, duke i bërë të frikësohen 11 kundërshtarët e Zvedzës dhe Serbisë, në rastet kur luan kombëtarja.

“Tuneli i Ferrit”

I gjatë më shumë se 100 hapa, kalimi që përcjell lojtarët në fushën e lojës ka pësuar një fare ristrukturimi, por ruan me vete vite tradite e frike. Impianti i ndërtuar në 1961, që mban emrin e ish-futbollistit serb Rajko Mitic, është një fortesë që i jep krahë formacionit serb në Europë dhe jo vetëm. Uefa ka kërkuar me ngulm ndërhyrje në të gjithë strukturën, ndaj dhe nën-kalimi ku Gjimshiti e të tjerët do të ecin për të dalë në fushë në sfidën kualifikuese në Grupin K pë Kupën e Botës është disi më elegant, por përsëri i mbushur me tension.

Një ecje drejt ferrit konsiderohet dhe kuqezinjtë do të përjetojnë, pas ngjarjeve të 11 viteve më pare në stadiumin e Partizanit. Tifozeria që drejtohet nga Ivan Bogdanov i “tmerrshmi”, nuk e harron dronin me flamurin me simbolet shqiptare, ndaj ajo në Beograd vetëm një ndeshje e thjeshtë nuk do të jetë.

Rajko Mitic stadium tours are about to get busier. https://t.co/ZY44Q0qXwY

— Serbian Football (@SerbianFooty) December 13, 2023

The post Serbia vendos, Shqipërinë e presin në Rajko Matic: stadiumi më sugjestionues në botë appeared first on Lapsi.al.

Përballja konfrontuese mes Lionel Messi dhe James Rodriguez gjatë ndeshjes Argentina–Kolumbi nuk kalon pa u vënë re. Ndeshja kualifikuese për Kupën e Botës 2026 ishte një rast për të sqaruar hesape të vjetra ende të hapura, fjalë që kampioni argjentinas i kishte lidhur në mendje dhe ia ktheu mbrapsht në një ndeshje të tensionuar, sidomos në fundin e saj. Shprehjet e fytyrave gjatë atij shkëmbimi të ngarkuar thonë gjithçka. Interpretimi i leximit të buzëve i bërë nga mediat e Amerikës së Jugut lejoi rindërtimin e momenteve kryesore të atij dialogu të ashpër.

Shenja e qortimit, qëndrimi pothuajse përçmues i “Pleshtit”, e lë të habitur ish-lojtarin e Real Madrid: e shikon i shtangur, belbëzon diçka, duket sikur po justifikohet, por nuk ka vlerë sepse “numri 10” nuk do të dëgjojë asgjë.

Dialogu i rindërtuar nga leximi i buzëve: “Por pse?”

Gjithçka nisi kur, rreth minutës së 70’, Enzo Fernandez u përjashtua me karton të kuq për një faull të rëndë ndaj Kevin Castano. James proteston, grumbullohen disa lojtarë të Argjentinës dhe pikërisht në atë moment afrohet Messi. Nga pamjet dallohet sesi ish-lojtari i Barcelonës e shtyn tutje, duke e larguar nga grupi dhe më pas e tërheq mënjanë për të biseduar veçmas. Të dy përpiqen të flasin duke mbuluar gojën, në mënyrë që transmetimi direkt në televizion të mos mund të rikrijojë fjalët e përdorura. Ia dolën deri në një farë pike, por ajo që duhej të dilte, doli gjithsesi në dritë.

“Por pse?”, thotë kolumbiani duke provokuar reagimin e zemëruar të argjentinasit: “Po, po… thatë që arbitri do të na ndihmonte në finale. Ti flet shumë…”. James e përtyp goditjen i habitur dhe pas ndeshjes preferoi të mos zgjatej rreth asaj që ndodhi në fushë, duke u mjaftuar të thotë: “Ajo që ndodh në fushë, mbetet në fushë”.

“VOS DIJISTE QUE NOS HABÍAN AYUDADO EN LA FINAL, HABLÁS MUCHO”

El tenso cruce entre Lionel Messi y James Rodríguez. #EliminatoriasEnTyCSports pic.twitter.com/QGexwSrQm6

— TyC Sports (@TyCSports) June 11, 2025

Mosmarrëveshjet e vjetra mes Messi dhe James Rodriguez

Mes të dyve kishte përplasje të vjetra që datojnë një vit më parë, saktësisht në fitoren e Argjentinës në finalen e Copa America. Rodriguez pati thënë se nëse Kolumbia kishte humbur, kjo kishte ndodhur “për shkak të faktorëve të jashtëm, mendoj se nuk do të kishim mundur të bëheshim kampionë. Arbitri pati një ndikim të madh dhe nuk na dha një ose dy penallti”. Deklarata që nuk i kishin pëlqyer argjentinasit Messi: zakonisht nuk reagon publikisht ndaj akuzave të tilla, por me James nuk mundi ta përmbante veten. “Flet shumë”, i tha pothuajse pa e parë fare në sy, duke e lënë me një shprehje të hutuar në fytyrë.

The post “Por pse?”, leximi i buzëve zbulon arsyen e përplasjes mes Messi e James Rodriguez appeared first on Lapsi.al.

Ndeshja mes Argjentinës dhe Kolumbisë, e vlefshme për kualifikueset e Amerikës së Jugut për Kupën e Botës 2026, ka qenë pak të thuash intensive. Një nga momentet kyçe të ndeshjes, që u mbyll më pas në barazim 1-1, ndodhi rreth minutës së 70’, kur Kevin Castaño rrezikoi seriozisht. Arsyeja? Një ndërhyrje e çmendur nga Enzo Fernández, që mund të kishte pasur pasoja shumë më të rënda.

Fernandez godet me taka në kokë Castaño

Episodi ndodhi në mes të fushës, ndërsa të dy lojtarët po përballeshin për topin. Fernández u përpoq të ndalonte kundërshtarin me këmbën shumë lart, duke e goditur me taka në kokë. Reagimi i Castaño ishte i frikshëm dhe shqetësues. Kolumbiani u shemb në tokë dhe filloi të rrotullohej, duke u dridhur gjithashtu.

Momente ankthi për Castaño

Një moment frike për të gjithë, me bashkëlojtarë dhe kundërshtarë që u afruan menjëherë. Momente tensioni, me disa lojtarë të Kolumbisë që tentuan të kërkonin drejtësi ndaj Enzo Fernández. Ky i fundit, pasi fillimisht e minimizoi thuajse ndërhyrjen e tij, kërkoi ndjesë disa herë. Një sjellje që nuk e shpëtoi nga kartoni i kuq i drejtpërdrejtë.

ROJA PARA ENZO FERNÁNDEZ

El jugador de la Selección Argentina fue expulsado después de una patada en la cabeza a Kevin Castaño. pic.twitter.com/fbNIWu9W25

— TyC Sports (@TyCSports) June 11, 2025

Para se të largohej nga fusha, argjentinasi ndihmoi Castaño të ngrihej dhe u interesua për gjendjen e tij. Mesfushori i “Albiceleste” preku ballin e kundërshtarit, ku ishin të dukshme shenjat e thumbave dhe një ënjtje e madhe. Edhe Castaño u detyrua të largohej nga loja, pasi pranoi me shumë sportivitet ndjesën e kundërshtarit. Kontrollimet e nevojshme për të përjashtuan rrezikun e pasojave të rënda: vetëm një goditje e fortë. Për Fernandez, në bazë të rregullores, gjithçka lë të kuptohet se do të ketë një pezullim me dy ndeshje me kombëtaren argjentinase.

The post Fernandez, takat në kokën e Castaño: reagimi i tij drithëron Argjentinë-Kolumbi appeared first on Lapsi.al.

Tension dhe frikë gjatë ndeshjes Finlandë-Poloni, e vlefshme për kualifikueset e Kupës së Botës 2026. Ndeshja u ndërpre në minutën e 74’ për shkak të një emergjence serioze mjekësore në tribuna, që detyroi arbitrin të ndërpriste ndeshjen dhe të fuste skuadrat në dhomat e zhveshjes. Vetëm pas një pauze prej mbi 30 minutash loja rifilloi.

Deri në atë moment, Finlanda ishte në avantazh 2-1. Ndeshja ishte hapur me epërsinë e vendasve falë një penalltie të shndërruar në gol nga sulmuesi i Palermos, Joel Pohjanpalo. Në pjesën e dytë, në minutën e 64’, erdhi dyfishimi me Benjamin Källman. Polonia ngushtoi diferencën me Jakub Kiwior, i cili e dërgoi topin në rrjetë pas një rrëmuje në zonë.

Por përpjekja për përmbysje u ndërpre papritur. Në minutën e 73’, arbitri portugez João Pinheiro ndaloi lojën pas sinjalizimit për një tifoz që ishte shembur në tribuna. Burri, sipas informacioneve të para, ishte një mbështetës i kombëtares finlandeze. Ndërhyrja e personelit mjekësor ishte e menjëhershme, ndërkohë që në fushë ra heshtje. Futbollistët, dukshëm të tronditur nga ngjarja, u mblodhën të shqetësuar në qendër të fushës, përpara se të futeshin në dhomat e zhveshjes me udhëzimin e arbitrit.

Lexo më tej: Lewandowski, te Polonia nuk e duan: lojtarët festuan heqjen e shiritit të kapitenit

Pas një ndërprerjeje të gjatë – rreth 40 minuta – situata u vlerësua e përshtatshme për të rifilluar. Dy skuadrat bënë një nxehje të shkurtër përpara se të riktheheshin në lojë, me kronometrin që rifilloi drejtpërdrejt nga minuta e 80’. Ndeshja përfundoi pa gola të tjerë: Finlandë-Poloni 2-1 rezultati përfundimtar.

Ende nuk ka një komunikatë zyrtare për gjendjen e tifozit që pësoi të fikët, por sipas asaj që raportojnë mediat lokale, ndërhyrja e ekipeve të ndihmës ka qenë e menjëhershme. Ndeshja, që rifilloi në mesnatë sipas orës lokale, la gjithsesi një jehonë të fortë emocionale, si te lojtarët, ashtu edhe te publiku i tronditur nga ajo që ndodhi në tribuna.

The post Finlandë-Poloni, ç’ndodhi në sfidën e ndërprerë për 40 minuta: skena ankthi në fushë appeared first on Lapsi.al.

Një koreografi që të jep të dridhura dhe që, duke gjykuar nga gjendja e Kombëtares italiane (ende pa trajner pas shkarkimit të Luciano Spalletti dhe refuzimit të Claudio Ranieri), ngjall vetëm keqardhje për ta. Mozaiku verdhëejeshil i dedikuar teknikut Carlo Ancelotti është emocionues: është në krye të Seleçaos prej rreth dy javësh, por ajo “Urime, Carletto” i ngjyrosur me nuancat e formacionit të Selecao e shpjegon mirë se cili ka qenë ndikimi i figurës së tij që mbërriti në një moment të vështirë.

Fitorja ndaj Paraguait (1-0) i mundësoi trajnerit të ri të 5 herë kampionëve të botës të arrijnë objektivin e parë: të kualifikohen për Botërorin 2026. E arriti me dy ndeshje nga fundi dhe falë golit të realizuar nga Vinicius, i cili deri para pak javësh ishte lojtari i tij te Real Madrid.

Pas ndeshjes, Ancelotti ka dashur të shprehë mirënjohjen e sinqertë për pritjen që ka marrë në Brazil. “Kam kaluar 15 ditë të mrekullueshme – shpjegoi në konferencë për shtyp pas takimit –. Falënderoj popullin brazilian për emocionet e bukura në stadium. Më ka pëlqyer shumë atmosfera që ishte, mungonte vetëm fitorja: ajo erdhi dhe jam shumë i lumtur”.

Se liga nesse mosaico todo verde e amarelo pro Ancelotti E vamos de mais um dia de JOGÃO do nosso Brasil!!

Quem tá ligado na telinha? Bora assistir comigo ao vivooo! https://t.co/iMDoq8ucQ4 #FutebolNaGlobo #EliminatóriasDaCopaNaGlobo pic.twitter.com/eUnKTUU43q

— TV Globo (@tvglobo) June 11, 2025

Tani pushimet…

Pasi përmbushi detyrën e parë, trajneri italian ka zbuluar çfarë do të bëjë në ditët në vijim: do të marrë frymë dhe do të pushojë pas një periudhe shumë intensive të kaluar në pankinën e Real Madrid dhe me thirrjen nga federata braziliane. Nuk do të shkëputet krejtësisht nga futbolli: është Kupa e Botës për Klube dhe do ta ndjekë si spektator i interesuar, duke marrë parasysh nevojën për të përmirësuar njohjen e plotë të lojtarëve.

“Fillimisht do të shkoj me pushime, pastaj do të shikoj Kupën e Botës për Klube dhe edhe lojtarë të tjerë që janë përreth botës – shtoi Ancelotti –. Nuk ka një listë përfundimtare për Botërorin, por më kanë pëlqyer shumë lojtarët që aktivizova në këtë grumbullim të parë”.

Pavarësisht rezultatit minimal dhe pak rasteve për gol të krijuara (edhe pse në fushë ishte një kombëtare shumë ofensive), Ancelotti e vlerësoi pozitivisht paraqitjen e Brazilit. “Luajtëm mirë në pjesën e parë, u ngadalësuam në pjesën e dytë, por kjo është normale”. Katër sulmues ose një treshe klasike, trajneri italian ka ndërmend të shfrytëzojë të gjithë potencialin në dispozicion me një kusht: “Intensiteti me dhe pa top është shumë i rëndësishëm. Për të ushtruar presion, duhet të vraposh”.

Dy ndeshjet e fundit të grupit kualifikues për Botërorin të Seleçaos janë planifikuar për në shtator, por do të jenë të parëndësishme për kualifikimin (që tashmë është siguruar): Kili dhe Bolivia janë kundërshtaret e radhës, pastaj do të duhet të futen në kalendar edhe një sërë miqësoresh për të lehtësuar punën e trajnerit në prag të Kupës së Botës.

The post Ancelotti shkon në Botëror me Brazilin, tifozët i dedikojnë koreografi dridhëruese appeared first on Lapsi.al.

“Në 15-20 minutat e parë gabuam pak, nuk ishte sjellja e duhur. Kjo është ndeshje ku duhet bërë mirë që në fillim se ata janë kundërshtar fizik dhe në çdo goditje standarte të vë në vështirësi”. Sylvinho mban diskutimin e përhershëm të skuadrave fizike me të cilat ndeshet Kombëtarja, duke u munduar të gjejë pikë mbështetje për një barazim në Letoni, që ka komplikuar kaq objektivin kualifikim. “Në pjesën e dytë më mirë, merituam më shumë. Por futbolli nuk është kush e meriton apo jo, duhet të përmirësohemi më mirë në 90 minuta. Jo e mirë pjesa e parë, më mirë në të dytën por futbolli nuk të fal”.

Sylvinho e di mirë cfarë pritej nga skuadra në Riga, por mundohet të ngatërrojë me emrat e mëdhenj të futbollit Botëror një situatë krejtësisht të qartë: “Objektivi ishte të fitonim, nëse sheh 90 minutat mendoj se kishim mundësi, merituam diçka më shumë edhe ndaj Serbisë, por në fund kur mbaron gjyqtari. Është një pikë, në letër padyshim duhej fituar, por futbolli pastaj nuk është në letër. Në letër, unë jam brazilian, në letër po nuk bëre shumë në fushë, edhe Brazili, Gjermania e Italia nuk fitojnë”.

Lexo më tej: “Bozhiqi më tha ç’duhet të bëja”: nga penalltia te goli, flasin Strakosha e të tjerët

Tekniku brazilian në fund e pranon se nga 1-1 me letonezët kemi dalë të zhgënjyer: “Është një hap mbrapa. Nuk mund të gabosh një minutë, po nuk ia dole, kështu është jeta. Nuk mund të shpërdorosh, unë kërkoj shumë nga vetja, stafi e lojtarët. E them të vërtetën, këtë i thashë në pushim, nuk mund të shpërdrosh, jeta nuk të fal, gabuam. Ndoshta mund të përfundonte 2-1 pjesa e parë për ta, mund të ndodhte, qasja ishte e gabuar, sigurisht”, përfundoi Sylvinho komentin e tij pas ndeshjes.

The post “Futbolli nuk luhet në letër”, Sylvinho vetëm justifikohet, por vendi i dytë u venit appeared first on Lapsi.al.

“Na mungoi goli i dytë, duhet të ishim më të përqëndruar. Kemi treguar që në shumë ndeshje kemi ndenjur shumë mbrapa, e kemi të vështirë të shënojmë gol. Në pjesën e parë Sylvinho normalisht nuk ishte i lumtur”. Thomas Strakosha ka një lloj kritike për vendosjen taktike të trajnerit Brazilian, edhe pse mundohet të justifikojë përfaqësimin e Shqipërisë. Por ajo kundër Letonisë ishte një ndeshje nën ton dhe pak gjëra ka për ta shpëtuar.

Strakosha, megjithatë, punën e tij e bëri, me pritjen e një penalltie që mund të kishte pasur pasoja të rëndë, nëse do të ishte shënuar. Portieri zbulon edhe bisedën me trajnerin e portierëve Ilir Bozhiqi, me të cilin u filmua të komunikonte pak para se të priste 11 metërshin: “Kemi humbur dy pikë nuk jam shumë i lumtur. Çunat kanë luftuar dhe gjynah. Asnjë nuk e shpjegon dot ecurinë e lojës sonë sonte. Bozhiqi? Më tha mendimin që kishte dhe pastaj ndodhi pritja e penalltisë, më tha të qëndroja në vend të mos hidhesha”.

Nuk duket se dekurajohet Strakosha, që nuk e sheh të përfunduar ëndërrën Botëror: “Asgjë nuk ka mbaruar, duhet të merrnim edhe dy pikë këtu. Duhet të shikojmë veten tonë, të marrim pikët brenda në shtëpi me Letoninë”.

MITAJ: “NUK KAM ÇFARË TË THEM”

“Nuk kam çfarë të them shumë gjë për këtë ndeshje, ishte një ndeshje e fortë me kundërshtar të fortë që u mbrojt gati gjithë lojën. Në pjesën e dytë bëmë shumë raste, por nuk bëmë golin”. Mario Mitaj nuk e fsheh zhgënjimin pas 1-1 me Letoninë.

Mbrojtësi madje mundohet të tregojë edhe çfarë ndodh psikologjikisht me lojtarët, kur nuk zhbllokohet ndeshja: “Të them të drejtë kur shohim që nuk bëjmë golin aq kollaj, duhet të fokusohemi të mos pësojmë. Shpresojmë që në ndeshje të tjera që të vijnë të bëjmë golat e fitojmë”.

Lexo më tej: Shqipëria ngec në Riga: Cernomordijs shënon për të dy ekipet, Strakosha pret penallti

Mitaj pastaj “dribloi” pa shpjeguar, pyetjes se përse në rastin e golit të pësuar Cernomordijs, një gjigant, u markua nga lojtari më i shkurtër I kuqezinjve, Balliu: “Ne e dinim që goditjet standarte i çojnë në shtyllën e dytë, ishte thjesht çështje shpërqendrimi, asgjë tjetër. Ne luajmë në zonë, nuk luajmë një kundër një”, e mbylli Mitaj.

ASLLANI: “NË SHTATOR DUHET SHQIPËRI TJETËR”

“Sigurisht që nuk ka qenë pjesë e parë pozitive. Nuk e di çfarë ka ndodhur, kishim fat se gabuan penalltinë dhe gjetëm golin. Nuk mund të bëhet pjesa e parë kështu sepse e dimë çfarë ëndrre kemi dhe kështu bëhet çdo gjë e vështirë”. Kristjan Asllani, dukshëm i lodhur pas 180’ në harkun e 3 ditëve, nuk mundohet të justifikohet pas barazimit në Riga. Mesfushori e kupton që ka pasoja kjo ndalesë, por shpreson që në shtator gjërt të ndryshojnë: “Të gjitha ndeshjet e vështira. Serbia ka dy ndeshje më pak, jemi në vend të dytë. Çunat do pushojnë, unë do shkoj në Botëror për klube. Më pas në shtator duhet Shqipëri tjetër”.

The post “Bozhiqi më tha ç’duhet të bëja”: nga penalltia te goli, flasin Strakosha e të tjerët appeared first on Lapsi.al.

Shqipëria dështon të fitojë në Letoni dhe vendi i dytë që mban ende tani lëkundet keq nën presionin e Serbisë, që mposhti Andorrën dhe u ngjit në 4 pikë me vetëm dy ndeshje të luajtura. Cernomordijs ishte protagonist absolut i ndeshjes me dy gola të shënuar, një për secilën skuadër. Skuadra e Sylvinho nuk impresionoi dhe me barazimin e 6 në gjashtë ndeshje në histori kundër Letonisë, rrezikon seriozisht objektivin e kualifikimit për në finalet e Botërorit 2026.

Në ndeshjen që duhet të fitonim, nuk ditëm të fitonim. Shqipëria në Riga dëshmoi edhe njëherë problemet e krijimit dhe finalizimit, duke ngecur në një barazim 1-1, kundër një Letonie modeste, që cinizmin ia lejuam vetë, me gabimet naive që në ndëshkuam atëherë kur ndeshja u duk e fituar. Në fakt, gjërat mund të kishin shkuar edhe më keq, sepse me rezultatin ende 0-0 Strakosha shpëtoi rezultatin, duke pritur penalltinë e goditur nga Ikaunieks.

Lexo më tej: Manaj humb penallti, Shqipëria ndalet 0-0 me Serbinë: Stojkovic i falet Petrovic

Sylvinho kishte ndryshuar tre nga katër mbrojtësit, dy të detyruar, ndërsa përpara bëri të njëjtat zgjedhje, duke shpërblyer moralisht madje me shiritin e kapitenit Manajn, për penalltinë e humbur me Serbinë. Ndeshjen megjithatë e zhbllokoi për teknikun brazilian jo kapiteni i tij, por ai i letonezëve. Cernomordijs devijoi në rrjetë topin e grushtuar nga portieri dhe Shqipëria e pa veten në avantazh, me një besim brenda vetes se puna kishte përfunduar.

Por prapa nuk është më Gjimshiti e as Ajeti dhe Kumbulla e Ismajli që kishin kohë pa luajtur së bashku e patën të vështirë të krijonin feeling. Mbrojtësi i Espanyol shkaktoi penalltinë në mënyrën më naive të mundshme, ndërsa Ismajli i shkoi fare pranë përsëritjes me faullin e shkaktuar mbi vijë.

Sidoqoftë, barazimin e mori përsipër Cernomordijs, që shleu gabimin e autogolit, duke ndëshkuar me kokë Strakoshën dhe duke nxjerrë në evidencë një tjetër problematikë atë që Balliu po markonte gjigantin letonez. Në pjesën e dytë askush nuk mrekulloi. Letonia mbajti fort pikën, Sylvinho me lojën e tij dhe zëvendësimet nuk mundi të bënte shumë. Gjithnjë të nxituar e të gabuar në pasimin e fundit, Broja i shuar në krahë, Muçi nuk bëri asgjë më shumë se Hoxha, ndërsa Daku e Uzuni u futën shumë vonë, me shpresën se Manaj do nxirrte dicka nga sedra për të justifikuar penalltinë e humbur 3 ditë më parë. Mbyllet 1-1, edhe njëherë paqe me letonezët, por këtë herë me dhimbjen se kemi dorëzuar diku tjetër shanset e kualifikimit në Botëror.

The post Shqipëria ngec në Riga: Cernomordijs shënon për të dy ekipet, Strakosha pret penallti appeared first on Lapsi.al.

The post BOTËRORI 2026 – Serbia fiton kundër Andorrës appeared first on Agjencia Telegrafike Shqiptare.

TIRANË, 10 qershor /ATSH/ Shqipëria do të luajë mbrëmjen e sotme në orën 20:45 në “Skonto Stadium” në Riga ndaj Letonisë ndeshjen e katërt në Grupin K kualifikues të Botërorit 2026.

Trajneri i Kombëtares, Silvinjo ka përzgjedhur formacionin me të cilin do të zbresë në fushë mbrëmjen e sotme.

Në portë do të jetë sërish portieri Strakosha. Në krahun e djathtë të mbrojtjes Balliu në qendër Ismajli dhe Kumbulla, ndërsa Mitaj në të majtë; në mesfushë do të luajnë Asllani, Shehu dhe Laçi. Në sulm Hoxha dhe Broja nga krahët, ndërsa në qendër do të jetë Manaj.

Për ndeshjen e sotme, Silvinjo nuk ka të gatshëm dy qendërmbrojtësit, Berat Gjimshiti për shkak të pezullimit për kartonë dhe Arlind Ajetit për shkak të një lëndimi muskulor në kofshën e majtë. Të dy ishin titullarë kundër Serbisë.

Veç tyre, trajneri ka lënë në tribunë sërish portierin Mario Dajsinani dhe mesfushorin Adrion Pajaziti. Ndërkohë me grupin janë bashkuar Adrian Bajrami dhe Medon Berisha.

UEFA ia ka besuar këtë takim arbitrave nga Turqia dhe Gjermania. Kryesor do jetë turku Umut Meler, me ndihmësa bashkëkombasit Kerem Ersoy, Ibrahim Çaglar Uyarcan dhe Oguzhan Çakir. Në sistemin VAR do jenë gjermanët Harms Hormers, me ndihmës Daniel Schlager.

Grupin K kualifikues e kryeson Anglia me nëntë pikë të plota pas tre takimeve të luajtura.

Shqipëria me katër pikë mban vendin e dytë (humbje në Angli, fitore në Tiranë kundër Andorrës dhe barazim po në Tiranë kundër Serbisë).

Letonia me dy ndeshje të luajtura mban vendin e tretë me tre pikë.

Më pas Serbia me një pikë pas vetëm një ndeshje të luajtur dhe në fund Andorra me zero pikë pas tre ndeshjeve të luajtura.

Ndeshja e tjetër e mbrëmjes së sotme në grupin K është Serbi – Andorra.

Grupi “K”
Ndeshjet sot ora 20:45
-Letoni-Shqipëri
-Serbi- Andorra

Klasifikimi
1. Anglia       9 pikë (3 ndeshje)
2. Shqipëria  4 pikë (3 ndeshje)
3. Letonia     3 pikë (2 ndeshje)
4. Serbia      1 pikë (1 ndeshje)
5. Andorra    0 pikë (3 ndeshje)

/gj.m/j.p/

The post Ndeshja Letoni-Shqipëri, publikohen formacionet zyrtare appeared first on Agjencia Telegrafike Shqiptare.

Letonia pret e freskët Shqipërinë në Riga, duke qenë se pa impenjimin e kuqezinjve nga Tv të shtunën. Në këtë pikë, mes mungesave e lodhjes. Sylvinho po mendon të bëjë ndryshime në raport me ndeshjen e fundit në formacionin titullar.

Strakosha rikthen besimin në portë

Performanca e lartë e Thomas Strakoshës ndaj Serbisë ishte një sinjal i qartë për të gjithë: pavarësisht faktit që nuk ka luajtur rregullisht me klubin e tij, ai mbetet një garanci mes shtyllave. Reagimet e shpejta dhe ndërhyrjet vendimtare kanë bindur stafin teknik se portieri është gati dhe, në sfidën ndaj Letonisë, ai pritet të mbrojë portën kuqezi si titullar i padiskutueshëm.

Dilemat në prapavijë: mungesa dhe zgjedhje

Mungesa e liderit të zakonshëm të mbrojtjes, Berat Gjimshiti, e kombinuar me lodhjen fizike të Arlind Ajetit, e detyron teknikun Sylvinho të mendojë për alternativa të reja. Dyshja Marash Kumbulla–Ardian Ismajli duket se është opsioni më logjik, duke qenë se kanë bashkëpunuar më parë me sukses në Ligën e Kombeve. Në krahët e mbrojtjes, Mario Mitaj pritet të ruajë vendin e tij në të majtë, ndërsa në të djathtë mund të shfaqet Ivan Balliu, që kërkon të shfrytëzojë momentin për të rikthyer pozicionin titullar. Sidoqoftë, vështirë se Sylvinho do të ndryshojë tre nga katër mbrojtësit e tij dhe Hysaj pas asaj ndeshje brilante të shtunën do të konfirmohet.

Mesfusha: balancë mes energjisë dhe kreativitetit

Evoluimi i çiftit Asllani–Shehu në mesfushë ka qenë një nga risitë pozitive të ndeshjes së fundit. Trajneri brazilian ka krijuar besim te kjo dyshe dinamike, e cila ka sjellë stabilitet dhe qartësi në ndërtimin e lojës. Nëse Shehu do të jetë në formë të mirë fizike, duke qenë se doli 5 minuta para kohe ndaj Serbisë, ai pritet të jetë sërish në formacion. Sa i përket rolit më ofensiv në mesin e fushës, konkurrenca është mes Qazim Laçit dhe Nedim Bajramit – i pari më i përqendruar në presion, i dyti më krijues në pasimet finale. Zgjedhja do të varet nga qasja taktike që Sylvinho dëshiron ndaj Letonisë.

Sulmi: mungesa, rikthime dhe prova të reja

Në vijën e sulmit, disa vendime mbeten ende pezull. Armando Broja pritet të mbulojë krahun e djathtë, duke sjellë rrezik dhe shpejtësi në tranzicion. Në majë të sulmit, Sylvinho ka dy alternativa të ndryshme: Manaj, me eksperiencën e tij dhe aftësinë për të mbajtur topin, ose Daku, i cili sjell më shumë forcë fizike dhe lëvizshmëri. Kosovari është favorit duke parë gjendjen fizike e mentale jo të mirë të Manaj pas penalltisë së humbur me Serbinë. Në të majtë, dilema është mes Arbër Hoxhës dhe Ernest Muçit – ky i fundit ende nuk ka marrë minutazh në dy ndeshjet e fundit dhe mbetet për t’u parë nëse do të ketë besimin e trajnerit këtë herë.

Në prag të sfidës ndaj Letonisë në Riga, Shqipëria kërkon të ruajë vazhdimësinë e rezultateve pozitive dhe të mbajë gjallë ëndrrën për një kualifikim historik në Botërorin 2026. Kombëtarja ka potencialin dhe grupin për ta arritur këtë objektiv – mbetet vetëm që çdo lojtar të japë maksimumin në fushë.

The post Mbrojtja e ndryshuar, Muçi kërkon një vend në formacion: Sylvinho ka dilema në sulm appeared first on Lapsi.al.

Nuk ka shumë kohë për të humbur, pas barazimit 0-0 me Serbinë, sepse të sonte Shqipëria duhet të luajë me Letoninë. Një kundërshtar gjithashtu shumë i fortë dhe një sfidë po aq vendimtare, në të cilën kuqezinjtë duhet të mbartin vlerat e një sistemi optimal difensiv, duke përmirësuar natyrisht kreativitetin para portës dhe natyrisht… finalizimin.

Një pikë me Serbinë në Tiranë, nuk është rezultati më i mirë, por nuk është as për tu hedhur poshtë, por e bën më të ethshme kërkimin e suksesit në tokën e kundërshtarit që kurrë më parë në histori nuk e kemi mundur e as na ka mundur. Në Riga kuqezinjtë shkojnë me bindjen se janë konfirmuar si një skuadër në kuptimin e plotë të fjalës në ndeshjen me ndjeshmërinë më të madhe që ekziston për Shqipërinë.

Nga duhet rifilluar…

Me vete nga Arena Kombëtare marrim një sjellje difensive praktikisht e pa të metë, me ndonjë neglizhencë të vogël në mënyrë kontroverse nga lojtari ynë më përfaqësues, Gjimishiti, skualifikimin e të cilin, ironikisht, do ta vuajmë më shumë. Pjesa tjetër ishte një shfaqje teorike e vënë në praktikë: me Mitaj e Hysaj që rikuperonin, mbivendoseshin e krijonin depërtime e konkluzione e Ajeti që ruan standardin me fanatizëm, pa zhgënjyer kurrë.

Çfarë duhet përmirësuar?

Natyrisht ka gjëra për të përmirësuar, përndryshe nuk do të ishim duke gjykuar barazimin e kaluar dhe detyrimin e fitores në Letoni, aty ku pragmatizmi duhet të jetë në nivelin më të lartë. Mesfushorët e përmbajtjes nuk është se bënë keq, me kontraste rikuperime dhe qarkullim loje, ajo që ndoshta duhet të rregullojmë është nga lojtarët e substancës, për një lidhje me organike 3/4-sulm, duke ndezuar eksplozivitetin e anësorëve dhe aftësitë e qendërsulmuesit. Emrat për të t’i sistemuar të gjitha këto janë, nga Daku që shtyn për një vend titullari me minutat brilante të luajtura ndaj Serbisë, te Muçi i harruari i Besiktas me këmbë të mira e fantazi fine, ashtu si pas kthesës pret rreziku të mund edhe të prishim mekanizmin e një skuadre funksionale.

Hamletiane, si dilemë: stabilitet apo freski fizike, kundër një Letonie që nuk ka luajtur, ashtu si ne, 72 orë më parë.

The post Shqipëria synon”pushtimin” e Letonisë për herë të parë: vendi i dytë luhet në Riga appeared first on Lapsi.al.

Kombëtarja shqiptare ka zhvilluar seancën zyrtare stërvitore në stadiumin “Skonto” të Rigës pasditen e të hënës. Vetëm mbrojtësi Arlind Ajeti është stërvitur veçmas për shkak të një shqetësimi muskulor në kofshën e majtë dhe po mbahet në vëzhgim nga stafi mjekësor. Gjendja e tij mbetet për t’u vlerësuar dhe nesër do të vendoset nëse do të jetë i gatshëm për sfidën me Letoninë.

Pas konferencës zyrtare për median të trajnerit Sylvinho dhe mesfushorit Kristjan Asllani, kuqezinjtë zbritën në fushë dhe u stërvitën për rreth një orë. Grupi është stërvitur normalisht me lojtarët që punuan në pjesën më të madhe me ushtrime me topin dhe pjesën taktike. Me kapitenin Berat Gjimshiti të skualifikuar për numër kartonësh dhe qendrorin e Bodrum, Ajeti, në dyshim, qendra e mbrojtjes mund të ndryshojë totalisht me Marash Kumbullën e Ardjan Ismajlin gati të zbresin në fushë.

Lexo më tej: Sylvinho enigmatik! Nga Manaj te Bajrami, nuk tregon as kapitenin: “Varet kush luan”

Kombëtarja do të luajë të martën në mbrëmje në orën 20:45 me orën lokale të Shqipërisë, ndaj Letonisë, sfidën e katërt të kualifikueseve të Botërorit 2026.

The post Ajeti tremb teknikun Sylvinho: mbrojtësi ka probleme, gati dyshja Ismajli-Kumbulla appeared first on Lapsi.al.

“Futbolli ka presion dhe kur punohet me Kombëtaren edhe më shumë. Ne kemi bërë 3 ndeshje, mungojnë edhe 5, koha po kalon, nuk ka kohë, për ne dhe ata. Duhet të marrim sa më shumë pikë dhe ata mendojnë njëlloj, edhe për ata është ndeshje shumë e rëndësishme. A është vendimtare? Ndoshta po, ndoshta jo, por është shumë e rëndësishme për ne dhe ata”. Sylvinho bën enigmatikun në konferencën për shtyp të vigjiljes së ndeshjes së fundit të qershorit për kualifikueset e Botërorit 2026 kundër Letonisë. Tekniku Brazilian nuk zbulon asgjë nga formacioni, duke u munduar vetëm të bëhet barrierë para Manajt.

Në mbrojtje të Manajt

Sulmuesi është vënë në qendër të kritikave, e bashkë me të edhe braziliani që e lejoi të godiste penalltinë, më pas të humbur me Serbinë, përpara Asllanit: “Sa i përket Manajt, është me eksperiencë, një titullar i kësaj skuadre, unë e njoh që nga viti 2014, kur ishte djalosh te Interi. Ka shumë personalitet, nuk është problem. Ia thashë atij e të gjithëve që përgjegjësia e zgjedhjes ishte e imja. Kur stërviten i shoh si gjuajnë e çfarë bëjnë. Ai ka aftësitë, përgjegjësia nëse gjuan ai apo një tjetër është e imja”.

Lexo më tej: “Duhet të lë veten mënjanë”: Asllani provon të bëhet lider e sfidon Letoninë

Për kundërshtarin, konsiderata është pothuaj e zakonshme me atë që Sylvinho bën para çdo ndeshje: “Sa i përket Letonisë, është një skuadër fizikisht shumë e fortë, ka lojtarë që kanë centimetra, vrapojnë mirë. Lojtarët e dinë, mund të luajë me disa sisteme me 3 në qendër. Të shohim. Është trajner shumë i mirë Nicolato, një italian dhe bën gjithçka me kodifikim, është e organizuar në fushë në të dy fazat, ka lojtarë të rëndësishëm. Në të majtën me 2-3 lojtarë mëngjërashë që të vënë në vështirësi, fizike dhe taktike”.

Kapiteni nuk ende një emër…

Asnjë informacion mbi kuqezinjtë, madje as për lojtarin që do të jetë kapiten, me Gjimshitin të skualifikuar. E kjo në vetvete është risi: “Kapiteni? Varet. Nëse luan një lojtar është ai, nëse jo, është një tjetër, kemi 2-3. Nuk e di, duhet ta shoh, e përsërit që e dyta është e vështirë, nuk është e drejtë se nuk mund të vendosësh në kushte optimale një lojtar pas 2 ditësh e gjysmë. Ndaj nuk mund të përgjigjem – tha Sylvinho, duke shtuar -. Adrian Bajrami, ka bërë gjithë ciklin me të rinjtë te ne, kombëtaret e moshave. Mëngjarash, po bën këtë sezon te Benfika me ekipin e parë, ka luajtur pak, por po luan nga pak. Mendoj në të ardhmen të provoj atë, kështu është e ardhmja, mund të vijë shpejt. Por nesër është mes 23 lojtarëve që kemi për ndeshjen”.

The post Sylvinho enigmatik! Nga Manaj te Bajrami, nuk tregon as kapitenin: “Varet kush luan” appeared first on Lapsi.al.

Kombëtarja shqiptare ka mbërritur pasditen e të dielës në Riga, ku të martën do të përballet me Letoninë, në kuadër të ndeshjes kualifikuese për Kupën e Botës. Ajo e 10 qershorit nuk është aspak një ndeshje e thjeshtë, duke qenë se përballemi me një kundërshtar që në të gjithë precedentët historikë nuk e kemi mundur dot kurrë. E vërtetë, as nuk na ka mundur, por këtë herë barazimi nuk është se bën shumë punë nëse duam vendin e dytë në Grupin K.

Departamenti i Komunikimit në FSHF bën me dije se me skuadrën nuk ka udhëtuar vetëm kapiteni Berat Gjimshiti. Kapiteni nuk do të jetë në dispozicion të trajnerit Silvinjo, pasi ka plotësuar numrin e kartonëve të verdhë dhe është i skualifikuar për këtë ndeshje. Për ta zëvendësuar është gati Ismajli ose Kumbulla, që në të dy rastet nuk do të ulnin cilësinë e prapavijës së kombëtares. Të gjithë lojtarët e tjerë kanë udhëtuar me ekipin dhe kuqezinjtë janë akomoduar në hotel dhe janë gati për seancën zyrtare stërvitore përpara ndeshjes.

Lexo më tej: Manaj humb penallti, Shqipëria ndalet 0-0 me Serbinë: Stojkovic i falet Petrovic

Shqetëson në fakt kondicioni i Julian Shehut, që doli 5 minuta nga fundi kundër Serbisë për shkak të një shqetësimi muskular. Duhet parë edhe gjendja e Brojës, që ka kohë që nuk luan një ndeshje të plotë dhe vështirë se mund të nisë dy radhazi nga fillimi brenda tre ditësh. Përmbyllja e përgatitjeve për ndeshjen ndaj Letonisë do të paraprihet nga konferenca për shtyp e teknikut të kuqezinjve Sylvinho me një lojtar të ekipit. Takimi do të luhet nesër në “Skonto Stadions”, në orën 20:45.

The post Në Riga pa alibi: ndaj Letonisë duhet arritur fitorja e parë në histori appeared first on Lapsi.al.

Nuk është rivali direkt, por ndeshja kundër Letonisë vlen më shumë se ajo kundër Serbisë.

Asnjë ekzagjerim. Ecuria në tre sfidat e para të kombëtares së Shqipërisë, pozita e saj në tabelën e klasifikimit të Grupit K dhe shpërndarja e pabarabartë e përballjeve në këto kualifikuese, e bëjnë një detyrim fitoren për kuqezinjtë në misionin e tyre për vendin e dytë.

Kjo pasi kreu i grupit është bërë shpejt pronë e Anglisë.

Shqipëria ka katër pikë, vetëm 1 më shumë se Letonia, por rivalët e ardhshëm kanë një ndeshje më pak.

Për momentin vetëm një pikë për Serbinë, pas barazimit në Tiranë, por kjo ishte vetëm sfida e parë për ata që janë kundërshtarët direktë për vendin e dytë.

Për këtë arsye, kuqezinjtë duhet të fitojnë kundër Letonisë në Riga, më pas në ndeshjen e kthimit në Tiranë, në mënyrë që të ruajnë pozicionin dhe distancën me Serbinë përpara sfidës direkte dhe asaj të zjarrit që do të luajnë në Beograd më 11 tetor.

Të gjitha këto i di mirë Silvinjo, ndërsa të besuarit e tij duhet të përsërisin paraqitjen e mirë që zhvilluan në “Air Albania”, me ndryshimin e vetëm dhe të rëndësishëm, që këtë herë duhet të fitojnë.

Për ta arritur këtë qëllim, tekniku kuqezi pritet të bëjë disa ndryshime në formacion, që lidhen me interpretuesin dhe jo me skemën. Ajo me dy sulmues që u përdor në dy ndeshjet e fundit me Andorrën dhe Serbinë pritet të aplikohet sërish  nga Silvinjo të martën kundër Letonisë./abcnews.al

Rei Manaj humbi penalltinë që mund t’i kishte dhënë fitoren Shqipërisë në përballjen me Serbinë. Lushnjari e mori topin në duar dhe kërkoi ta ekzekutonte vetë penalltinë, ndërsa në fushë ishte Asllani, që vinte nga dy penallti të realizuara me Inter në dy ndeshjet e fundit të Serie A. Një veprim i tillë ka shkaktuar debate për hierarkinë në skuadër, apo edhe kush vendos. Sylvinho pas ndeshjes ka tentuar ta mbyllë argumentin pa shpjegim: “Manaj është një lojtar i rëndësishëm për ne, marr përgjegjësitë për zgjedhjet që kam bërë. Ndodh që të humbasësh një penallti sepse është futboll, kishim përgatitur një ndeshje shumë të mirë sot”.

Tekniku Brazilian pastaj u ndal edhe te Broja, që kishte shenja të dukshme të mungesës së kondicionit. Sylvinho sidoqoftë edhe këtu kishte tjetër mendim: “Broja nuk është mësuar të luajë ndeshje të plotë, ishte shumë i lodhur në një pikë të lojës, bashkë me Hoxhën. Broja bëri një pjesë të parë shumë të mirë, ai ka aftësi shpërthyese nëse ka hapësira në fushë. Ishte një ndeshje e organizuar mirë, jam shumë krenar për lojtarët e mi dhe për njerëzit në stadium që erdhën të na ndiqnin”.

Lexo më tej: “Ata kishin frikë të luanin”, Hysaj i motivuar, Gjimshiti: “Mund të fitonim edhe 3-0”

Sylvinho mundohet ta shohtë gotën gjysëm plot, pavarësisht se përpara ka një transfertë të vështirë kundër Letonisë, një kundërshtar ndaj të cilint kemi 6 barazime në 6 ndeshje të luajtura në histori: “Është një moment i bukur për Kombëtaren, nëse vitin e kaluar kishim 16 lojtarë, tashmë kemi 22 lojtarë për rolet tona. Jam i lumtur që kam mundësi të bëj zgjedhje të ndryshme. Duke nisur që nesër do të bëjmë zgjedhjet e duhura për ndeshjen e radhës. Do duhet të rishohim çdo gjë”, u shpreh Sylvinho në përfundim të takimit.

The post “Marr përgjegjësinë e zgjedhjes”:Sylvinho s’thotë pse penalltinë nuk e goditi Asllani appeared first on Lapsi.al.

Elseid Hysaj, një lojtarët më të mirët në fushë ndaj Serbisë, ndeshje që u mbyll në barazim pa gola. Pas sfidës mbrojtësi kuqezi foli për Supersport: “Kemi bërë një ndeshje shumë të bukur. Kemi luajtur shumë mirë. Mungesa e 3 pikëve na penalizon. Duhet t’i marrim gjërat më të mira dhe të ecim përpara”.  

Mbrojtësi më pas vazhdoi, duke treguar edhe detyrat që i kishte dhënë Sylvinho: “Kam filluar shumë herët futbollin dhe duket sikur po plakem. E kishim ndjesinë që do ta fitonim ndeshjen sot. Kemi bërë shumë ndeshje si kjo sot. Trajneri më tha që të rija më mbrapa. Kjo ishte këshilla e tij. Broja ka shpejtësi të madhe dhe fizikisht është i fortë. Kemi pasur raste për të fituar ndeshje, ky është problemi”.  

Hysaj evidentoi në fund edhe intimidimin që pati kundërshtari: “Ata kishin më frikë se ne për të luajtur futboll. Ata prisnin ndonjë korne, lojë nuk zhvilluan shumë. Këto janë ndeshje që duhet t’i luajë ai që i ndjen. Duhet të futemi në fushë dhe të japim maksimumin”, u shpreh Hysaj.  

Gjimshiti: “Mund të fitonim 2 apo 3-0”

Kapiteni Berat Gjimshiti, ka theksuar se ndeshja e sotme ndaj Serbisë kishte sjellë gëzim e mërzi: “Keqardhja më e madhe? Barazimi është. Nëse sheh ndeshjen që kemi zhvilluar, jam i lumtur por edhe i mërzitur se besoj me atë penallti, nëse bëhej gol ndeshja mund të mbaronte 2 apo 3-0 për ne”.

Nuk ishte fare e lehtë, sidomos me këtë tension e presion që jemi futur në ndeshje ndaj Serbisë. Kishte shumë dhe besoj se jam shumë i lumtur për të gjithë djemtë në fushë e pankinë, se vetëm kështu shkohet para, nëse luhet me këtë guxim e zemër, duke lënë gjithçka në fushë.

Lexo më tej: Manaj humb penallti, Shqipëria ndalet 0-0 me Serbinë: Stojkovic i falet Petrovic

Shehun u befasova që kur e pashë herën e parë në stërvitje me Andorrën dhe i pyesja lojtarët ku ka luajtur se nuk e dija. Dhe thashë ka shumë për të ecur para nëse vazhdon e punon, por duhen respektuar të gjithë se dhanë gjithçka në fushë, Hysaj, Ajeti, Broja, Mitaj, të gjithë. Ekipi është kryesori, nëse do të ecësh para, ai është i pari, nëse ekipi bën mirë, mund të arrish më pas individualisht gjithçka.

The post “Ata kishin frikë të luanin”, Hysaj i motivuar, Gjimshiti: “Mund të fitonim edhe 3-0” appeared first on Lapsi.al.

Nuk ka fitues, por as humbës në derbin vullkanik të Ballkanit. Shqipëria e Serbia ndahen 0-0, me kuqezinjtë që humbën penalltinë e fitores së mundshme. Manaj gaboi nga pika e bardhë, i hipnotizuar nga Petrovic. Sylvinho ngjitet në 4 pikë dhe mban vendin e dytë përpara transfertës me Letoninë.

Pak raste e shumë intensitet

Nuk do të ishte një ndeshje e bukur për tu parë, por në planin agonistik po. Shqipëria e kërkoi presingun që në fillim e shtyrë nga një tifozeri zjarr. E megjithatë rasti i parë ishte i Serbisë. Në minutën e 6 Zivkovic provoi pa sukses, me Strakoshën vigjilent me devijimin në kënd. Replika ishte e Mitaj, por goditja nga distanca në minutën e 12 ishte qendrore për ti bërë keq Petrovic.

Pak raste e shumë faulle: Vlahovic mbi traversë me goditje dënimi, ndërsa Manaj nuk gjeti shtyllën e parë. Penalltia e humbur, shansi i artë pak ose pothuaj asgjë nga Broja, dukshëm jashtë forme. I shfaqur vetëm në dy blitze, kur ndëshkoi Pavlovic me të verdhë e në driblimin e tre kundërshtarëve me përfundim humbjen e topit. Por nuk ishte asgjë me mundësinë e shpenzuar nga Manaj. Atë penallti të fituar nga Hysaj në minutën e fundit të pjesës së parë e të pritur nga Petrovic, që mbyti festën e tifozëve.

Me Dakun e Bajrami, Shqipëri më fizike

Asnjë ndryshim në formacion për pjesën e dytë. Por në minutën e 54 ishte Strakosha që shpëtoi portën kuqezi nga goditja me kokë e Mitrovic, ndërsa e majta e Samardzic kaloi ngjitur me shtyllën. Me Dakun e Bajramin në fushë tjetër intensitet. Por në minutën e 72, klasin e tregoi vetëm sulmuesi me pasimin me takë, sepse goditja e numrit 10 ishte për tu harruar.

Lexo më tej: “Ata kishin frikë të luanin”, Hysaj i motivuar, Gjimshiti: “Mund të fitonim edhe 3-0”

Incidentet nuk munguan, fatmirësisht pa komplikuar lojën. Më shumë se një ndërprerje në minutën e 9, kur nga tribunat fluturuan sende mbi lojtarin serb që bëhej gati të kryente goditjen e këndit. Dy ndërprerje me paralajmërim nga Massa edhe në pjesën e dytë për të njëjtën arsye.

Situata në grup

Shqipëria ngjitet në kuotën e 4 pikëve, në vendin e dytë, një mbi Letoninë që ka një ndeshje më pak. Me Letoninë do të luajë në 10 qershor në transfertë. Serbia ka 1 pikë, por ka luajtur vetëm një ndeshje.

The post Manaj humb penallti, Shqipëria ndalet 0-0 me Serbinë: Stojkovic i falet Petrovic appeared first on Lapsi.al.