DAMASK, 24 korrik /ATSH-DPA/ – Arabia Saudite nënshkroi sot një marrëveshje ekonomike me vlerë mbi 6 miliardë dollarë me Sirinë e shkatërruar nga lufta, duke dhënë një tjetër sinjal mbështetjeje nga monarkia e pasur me naftë për udhëheqësit e rinj të vendit.

Marrëveshjet u nënshkruan gjatë një forumi të madh biznesi saudit-sirian, i hapur sot  në Damask.

Arabia Saudite ka dhënë mbështetje politike dhe ekonomike për Sirinë që nga rrëzimi i udhëheqësit afatgjatë Bashar al-Asad në muajin  dhjetor.

Në maj, udhëheqësi de facto i Arabisë Saudite, princi i kurorës Mohammed bin Salman, organizoi  në Riad një takim mes presidentit amerikan Donald Trump dhe presidentit aktual sirian Ahmed al-Sharaa, duke shënuar takimin e parë në 25 vjet mes liderëve të dy vendeve.

Gjatë vizitës së tij në Arabinë Saudite, Trump shpalli heqjen e sanksioneve amerikane ndaj Sirisë. Edhe Bashkimi Evropian ka ndërmarrë një hap të ngjashëm.

Sipas ministrit saudit të Investimeve, Khalid Al-Falih, marrëveshjet e nënshkruara  sot mbulojnë sektorë si energjia, infrastruktura, industria, shërbimet financiare, teknologjia e informacionit dhe bujqësia.

“Do të punojmë për të inkurajuar investitorët ndërkombëtarë që të eksplorojnë mundësitë në Siri”, tha Al-Falih.

Që prej rrëzimit të al-Asadit, udhëheqja e re e Sirisë ka kërkuar njohje ndërkombëtare dhe mbështetje ekonomike për rindërtimin e vendit, i cili është shkatërruar nga më shumë se një dekadë luftë.  /Ad.Ab./

The post ARABI SAUDITE – Marrëveshje me vlerë 6 miliardë dollarë për Sirinë appeared first on Agjencia Telegrafike Shqiptare.

DYSELDORF, 14 korrik /ATSH-DPA/ – Mesfushori Granit Xhaka mund të jetë lojtari i fundit që largohet nga nënkampionëy e Bundesligës, Bayer Leverkusen, sipas raporteve të shumta gjermane.

“Sky TV” tha se 32-vjeçari zviceran me origjinë shqiptare ka “një marrëveshje verbale në parim” me klubin e Ligës Profesionale Saudite, Neom SC, për një transferim gjatë verës.

Gazeta “Bild” dhe revista sportive “Kicker” raportuan gjithashtu interesin e Neom SC.

“Sky” tha se Neom e ka informuar Leverkusenin për qëllimet e tij, me një tarifë transferimi të vlerësuar në 6,0 milionë euro për Xhakën, i cili ka një kontratë me Leverkusenin deri në vitin 2028.

Ende nuk ka marrëveshje midis klubeve, por Sky tha se bisedimet për vendimmarrjen mund të zhvillohen sot.

Nuk ishte e qartë nëse Xhaka do t’i bashkohej Leverkusenit sot  në një udhëtim në Rio de Zhaneiro për një kamp stërvitor 10-ditor.

Leverkusen tashmë ka humbur trajnerin Xabi Alonso i cili shkoi te Real Madridi, organizatorin e lojës Florian Wirtz dhe mbrojtësin e djathtë Jeremie Frimpong që shkuan te Liverpooli, dhe qendërmbrojtësin Jonathan Tah te Bayern Munich.

Leverkuseni ka sjellë gjithashtu përforcime, të udhëhequra nga organizatori i lojës Malik Tillman, i cili erdhi nga kampionët holandezë PSV Eindhoven./  /Ad.Ab./

The post GJERMANI – Xhaka drejt sauditëve të Neom SC? appeared first on Agjencia Telegrafike Shqiptare.

Arabia Saudite ka hyrë në fuqi me një sistem të ri klasifikimi për punëtorët e huaj, i ndarë në tre nivele: shumë të kualifikuar, të specializuar dhe bazë. Klasifikimi bazohet në arsimin, përvojën, aftësitë, pagën dhe moshën, dhe zbatohet përmes platformës Qiwa.

Ministria e Burimeve Njerëzore thotë se sistemi synon të rrisë cilësinë e fuqisë punëtore, të tërheqë ekspertë ndërkombëtarë dhe të përputhë aftësitë me kërkesat e tregut.

Papunësia në Mbretëri ka rënë në nivelin më të ulët historik, ndërsa emigrantët përbëjnë 44% të popullsisë dhe mbeten thelbësorë për projekte si NEOM dhe Deti i Kuq. Punonjësit mund të kërkojnë rivlerësim të profilit, ndërsa manuali me udhëzime të plota është publikuar në faqen zyrtare të ministrisë.

The post Arabia Saudite nis sistem të ri për klasifikimin e të huajve në tregun e punës, ja çfarë parashikohet appeared first on iconstyle.al.

KAJRO, 22 qershor /ATSH-DPA/- Arabia Saudite shprehu sot shqetësimin e saj të thellë dhe bëri thirrje për ulje të tensioneve pas sulmeve amerikane ndaj objekteve bërthamore të Iranit.

Monarkia e pasur me naftë theksoi nevojën për përpjekje globale për të zbutur krizën aktuale.

“Ne i bëjmë thirrje unionit ndërkombëtar të dyfishojë përpjekjet në këto rrethana shumë të ndjeshme – për të arritur një zgjidhje politike që çon në përfundimin e krizës dhe hapjen e një faqeje të re – për të arritur siguri dhe stabilitet në rajon”, tha Ministria e Jashtme Saudite në një deklaratë.

Arabia Saudite mban lidhje të ngushta me administratën e presidentit të SHBA-së Donald Trump, i cili vizitoi Riadin muajin e kaluar.

Në vitin 2023, Arabia Saudite dhe rivali i saj rajonal, Irani, ranë dakord për rivendosjen e lidhjeve të tyre pas një pauze 7-vjeçare. //a.i/

The post RIAD – Arabia Saudite bën thirrje për ulje të tensioneve pas sulmeve amerikane ndaj Iranit appeared first on Agjencia Telegrafike Shqiptare.

ARABI SAUDITE- Nuk paska një pa dy. Mario Mitajt iu shpërblyen gjithë ato sakrifica për shkak të dëmtimeve të këtij viti, dhe ia ku mori edhe një tjetër trofe.

Mbrojtësi I kombëtares shqiptare fitoi Kupën e Arabisë Saudite, pas një finaleje që Al Itihad e fitoi ndaj rivalit, Al Kadisija. Ky sukses ishte I dyti brenda pak ditëve, pasi më herët u mor titulli kampion.

Si përherë, futbollisti shqiptar ishte titullar në një finale që ishte deri diku e fortë, por fituesi I së cilës nuk është se u vu shumë në dyshim.

Karim Benzema ishte heroi kryesorë, pasi ylli I dikurshëm i Francës dhe Realit, shënoi dy gola. Obamejang shkurtoi shifrat përkohësisht në 1-2, veçse Al Itihad siguroi gjithçka me rrjetën e minutës së 81-të nga Husem Auar.

Mitaj luajti deri në fund, duke qenë si gjithmonë nga më të mirët dhe më të sigurtit në fushë. Kështu, ai mbyll me triumf të plotë sezonin e tij të parë në Arabinë Saudite, fiton dy trofetë kryesorë, dhe ndodhet në formën më të mirë të mundshme para ndeshjeve të kombëtares ndaj Serbisë dhe Letonisë në eliminatoret e Kupës së Botës./abcnews.al

BRUKSEL, 28 maj /ATSH- DPA/- Bashkimi Evropian dhe Emiratet e Bashkuara Arabe (EBA) kanë nisur negociatat për një marrëveshje dypalëshe të tregtisë së lirë, njoftoi sot Komisioni Evropian, në Bruksel.

Komisioneri i Tregtisë i BE-së, Maros Sefcovic, dhe ministri i Tregtisë së Jashtme i Emirateve të Bashkuara Arabe, Thani bin Ahmed Al Zeyoudi synojnë të arrijnë një marrëveshje në Dubai dhe ranë dakord për një plan veprimi, që do të fillojë në qershor.

Takimet fillestare do të përqendrohen në uljen e tarifave për mallrat dhe lehtësimin e shërbimeve, tregtisë digjitale dhe flukseve të investimeve.

Gjithashtu, do të shqyrtohen mënyrat se si të rritet tregtia në sektorë strategjikë, siç janë energjia e rinovueshme, hidrogjeni i gjelbër dhe lëndët e para kritike.

Sipas të dhënave të BE-së, eksportet nga Emiratet e Bashkuara Arabe përfshijnë naftë, gaz dhe metale bazë – ndërsa BE eksporton kryesisht automjete, makineri, produkte kimike dhe ushqime.

Emiratet e Bashkuara Arabe pritet të vendosin tarifa të larta për importin e duhanit, verës, pijeve alkoolike dhe ëmbëlsirave.

Tregtia aktuale arrin në rreth 55 miliardë euro (62 miliardë dollarë) në vit, me shërbime që arrijnë në rreth 39 miliardë euro.

Presidentja e Komisionit Evropian, Ursula von der Leyen tha se marrëveshja do të ndihmojë në forcimin e lidhjeve midis BE-së dhe rajonit të Gjirit.

Ajo tha se marrëveshja do të ofrojë mundësi të reja për bizneset e BE-së, ndërkohë që do të forcojë partneritetin në fusha që kanë rëndësi për qytetarët e BE-së, si energjia e rinovueshme dhe teknologjitë digjitale. //a.i/

The post BRUKSEL – BE dhe Emiratet e Bashkuara Arabe nisin bisedimet për një marrëveshje të tregtisë së lirë appeared first on Agjencia Telegrafike Shqiptare.

Në udhëtimin e tij të parë jashtë vendit që pas marrjes së postit presidenti i SHBA-së, Donald Trump, u prit në Arabinë Saudite nga një numër i madh përfaqësuesish të oborrit mbretëror dhe botës së biznesit. Gjatë aderimit në Riad avioni presidencial i Trump u eskortua nga avionët luftarakë arabo-saudit, princi i kurorës Mohammed bin Salman e priti atë personalisht në aeroport.

Arabia Saudite është stacioni i parë i Trump në kuadrin e një udhëtimi kushtuar kryesisht marrëdhënieve ekonomike në rajonin e Gjirit Persik. Pritja e përzemërt në aeroport u pasua nga një pritje madhështore në pallatin mbretëror në Riad. Limuzina e presidentit Trump u shoqërua nga një gardë kalorësish. Duke ecur në korridoret e gjata të ndërtesës impozante Trump përshëndeti dhjetëra përfaqësues sauditë të qeverisë dhe ekonomisë.

Trump dhe bin Salman nënshkruajnë marrëveshje ekonomike

Presidenti i SHBA-së në këtë udhëtim shoqërohet nga anëtarët të rëndësishëm të kabinetit dhe përfaqësues të ekonomisë, ndër të tjerë nga ministri i Jashtëm, Marco Rubio dhe këshilltari Elon Musk. Pas pjesëmarrjes në një samit të shteteve të Gjirit Persik, Trump bashkë me Musk donin të prezantoheshin në një forum investimesh. Bin Salman qysh në janar me marrjen e postit nga Trump i premtoi SHBA-së investime në shumën e 600 miliardë dollarëve.

Trump dhe bin Salman nënshkruan fillimisht një marrëveshje ekonomike dhe më pas shikonin se si ministrat e tyre vendosën një sërë marrëveshjesh duke shtrënguar duart. Ndër këto marrëveshje bën pjesë bashkëpunimi në fushën e energjisë, të drejtësisë, mbështetja e autoriteteve doganoore dhe bashkëpunimi ndërmjet Smithsonian Museum dhe institucioneve saudite. Gjithashtu të dy vendet ranë dakord për biznese në fushën e armatimeve në vlerën 142 miliardë dollarë. Arabia Saudite në bazë të këtyrë marrëveshjeve do të marrë mallra armatimi dhe shërbime nga një duzinë sipërmarrjesh të SHBA-së në sektorin e mbrojtjes. Ndër të tjera synohet modernizimi i aviacionit ushtarak saudit, i sistemeve të mbrojtjes nga ajri dhe mbrojtjes së kufijve, rrugëve detare dhe sistemeve të komunikacionit.

Trump e cilësoi bin Salman si mik

Trump theksoi gjatë vizitës raportet e mira të tij me princin e kurorës. “Unë besoj vërtetë se ne e vlerësojmë shumë njeri-tjetrin”, tha republikani në një dalje të shkurtër të përbashkët para medias në Riad përpara fillimit të bisedimeve. Trump e quajti princin e kurorës mik. Ai sërish vendosi që vizitën e parë zyrtare jashtë vendit si president ta zhvillojë në Arabinë Saudte, sepse ajo ka premtuar të investojë 600 miliardë dollarë në SHBA.

Vizita në Katar dhe në Emirate

Në forumin saudito-amerikan të investimeve, ministri saudit i Investimeve Chalid al-Falih theksoi rritjen e marrëdhënieve ekonomike midis dy vendeve: “Ndërsa energjia mbetet edhe më tej gurthemeli i marrëdhënieve tona, ne i kemi katërfishuar investimet dhe mundësitë e biznesit në mbretëri”, tha Falih. “Nëse sauditët dhe amerikanët i bashkojnë forcat, ndodhin gjëra shumë të mira.” Në forum morën pjesë edhe ministrat e Financave të të dy vendeve, Scott Bessent dhe Mohammed Al Dschadaan, si dhe shefi i Blackrock Larry Fink dhe CEO i Blackstone Stephen Schwarzman. Trump do të vazhdojë turin në Gjirin Persik edhe me vizitat në Katar dhe Emirate, ku gjithashtu në fokus do të jenë marrëdhëniet ekonomike./DW

The post Trump takon princin e Arabisë Saudite appeared first on Sot News | Lajme.

Presidenti i Shteteve të Bashkuara të Amerikës, Donald Trump, mbërriti në kryeqytetin saudit, Riad, më 13 maj, duke shënuar fillimin e një udhëtimi katër ditor në rajonin e Gjirit Persik, që do ta çojë atë në Katar dhe Emiratet e Bashkuara Arabe. Kjo është hera e dytë që Trump e ka zgjedhur mbretërinë si destinacionin e tij të parë të huaj gjatë presidencës, pasi bëri të njëjtën zgjedhje në fillim të mandatit të tij të parë në vitin 2017.

Pasi mbërriti, Trump u prit nga Princi i Kurorës Muhammad bin Salman në aeroport, ku u zhvillua një ceremoni zyrtare mirëseardhjeje, duke përfshirë një tapet mbretëror ngjyrë vjollcë dhe një ceremoni kafeje. Rrugët e Riadit ishin zbukuruar me flamuj sauditë dhe amerikanë, dhe Aeroplani i Forcave Ajrore u përcoll nga një eskortë ushtarake nga avionët luftarakë sauditë F-15 teksa zbarkoi.

Agjenda e Trump në Arabinë Saudite përqendrohet në sigurimin e marrëveshjeve të mëdha biznesi, me fokus në investimet në inteligjencën artificiale, energjinë dhe marrëveshje të konsiderueshme armësh. Ai synon të finalizojë marrëveshje që kalojnë një trilion dollarë gjatë këtij udhëtimi, megjithëse ekspertët theksojnë se një shifër e tillë do të ishte e paprecedent.

Vizita përfshin gjithashtu pjesëmarrjen në një forum investimesh, biseda dypalëshe dhe një darkë me princin e kurorës. Një nga marrëveshjet kyçe që është në tryezë gjatë vizitës së Trump është një marrëveshje bërthamore civile SHBA-Arabi Saudite, e cila do të mbështeste ambiciet e mbretërisë për të zhvilluar sektorin e saj të energjisë bërthamore.

Është e rëndësishme të theksohet se administrata Trump nuk po kërkon më nga Arabia Saudite që të normalizojë marrëdhëniet me Izraelin si një parakusht për avancimin e këtyre bisedimeve bërthamore – një ndryshim i rëndësishëm nga politika e mëparshme amerikane nën presidentin Joe Biden, kur bashkëpunimi bërthamor ishte lidhur me përparimin e normalizimit me Izraelin. Kjo ndarje e marrëveshjes bërthamore nga normalizimi me Izraelin reflekton si procesin e bisedimeve pa rezultat për paqen për shkak të konfliktit në Gaza, ashtu edhe një lëshim të madh nga Uashingtoni për Riadin.

Zyrtarët e Shtëpisë së Bardhë dhe vetë Trump kanë konfirmuar se një vizitë në Izrael nuk do të ndodhi gjatë këtij udhëtimi, megjithëse ka pasur spekulime dhe disa shpresa izraelite se ai mund të shtonte një ndalesë në Jerusalem ose Tel Aviv.

“Ne do ta bëjmë atë në një moment tjetër. Por jo për këtë udhëtim”, tha Trump javën e kaluar. Ky vendim ka shkaktuar shqetësim tek zyrtarët izraelitë, të cilët e shohin atë si një sinjal të ndryshimit të prioriteteve të SHBA-së në rajon dhe rritjes së tensioneve mes Trump dhe Kryeministrit izraelit Benjamin Netanyahu, sidomos për shkak të luftës në Gazë, politikës së presidentit ndaj Iranit dhe strategjisë së tij të përgjithshme rajonale.REL/

The post Trump arrin në Arabinë Saudite, nis turneun në Lindjen e Mesme appeared first on Sot News | Lajme.

Al Nassr pritet ta mbyllë sezonin pa asnjë trofe, një situatë që ka sjellë irritim të madh në radhët e tifozëve të klubit saudit. Pakënaqësia ka shpërthyer në rrjetet sociale, ku mbështetësit e skuadrës jo vetëm kanë kritikuar drejtuesit, por edhe yllin portugez të ekipit, Cristiano Ronaldo.

Në ndeshjet e fundit, Ronaldo është parë shpeshherë i frustruar në fushë, me reagime të ashpra ndaj bashkëlojtarëve të tij, të cilët duket se i ka fajësuar për rezultatet negative. Pikërisht këto sjellje kanë ndezur zemërimin e tifozëve, të cilët e shohin atë si një nga përgjegjësit kryesorë për dështimin e skuadrës.

Edhe pse i konsideruar si një nga transferimet më të bujshme në historinë e kampionatit saudit, 40-vjeçari që nga mbërritja e tij në Arabinë Saudite ka arritur të fitojë vetëm një trofe. Kjo ka ngritur dyshime te tifozët nëse prania e tij po i sjell vërtet vlerë skuadrës, apo thjesht po rëndon atmosferën në dhomat e zhveshjes.

Presioni ndaj Ronaldos dhe klubit pritet të rritet në javët e mbetura, me të ardhmen e tij që tashmë vihet seriozisht në pikëpyetje.

LEXONI GJITHASHTU:

• Cristiano Ronaldo bëhet i pari me 1 miliard ndjekës në rrjetet sociale
• E dua atë klub, Ronaldo: Manchester United të rindërtojë gjithçka nga fundi

The post Ronaldo i papëlqyer në Arabi, tifozët kërkojnë largimin e portugezit appeared first on Euronews Albania.

Pretendimi: Kjo video tregon aeroportin Ben Gurion në Izrael duke u sulmuar me raketa

Verdikti: E pavërtetë

——————————————————–

Një video që po qarkullon në rrjete sociale, përfshi ato shqipfolëse, pretendohet se tregon aeroportin Ben Gurion në Izrael të përfshirë nga flakët dhe nën sulm raketash.

Siç vërrehet në imazhin e mësipërm, e para gjë që duhet ta bëjë lexuesin skeptik të dyshojë është prania e një xhamie (në të majtë) pranë aeroportit izraelit.

Pamje të jashtme të aeroportit Ben Gurion dhe pamjet nga harta konfirmojnë se nuk ekziston ndonjë xhami pranë tij. 

Pamje ajrore e aeroportit Ben Gurion

Qartazi atëherë, video që po qarkullon në rrjete sociale nuk tregon aeroportin Ben Gurion në Izrael.

Gjithsesi, ende nuk dimë se çfarë tregon video.

Për të zbuluar këtë, kërkojmë për ndonjë shenjë identifikuese në video si targat e makinave, logo të ndryshme ose shenja rrugore.

Në këtë rast, na erdhi në ndihmë një emër i shkruar në një banderolë në njërën prej godinave në video: “Dar Al Fenoun”.

Një kërkim i shpejtë në Google na tregon se kompania e prodhimit të mermerit dhe granitit Dar Al Fenoun ndodhet në Zonën Industriale 15, Sharjah, Emiratet e Bashkuara Arabe.

Me anë të Google Maps, kërkojmë nëse ka ndonjë xhami pranë kësaj adrese, si ajo që shfaqet në video.

Rreth 300 metra larg adresës së Dar Al Fenoun ndodhet xhamia Al Safwan.

Pamjet nga Google Earth na tregojnë një panoramë të ngjashme me videon, me të njejtat godina. 

Sharjah në Google Earth (djathtas) dhe video që po qarkullon online (majtas)

Kështu, video që po qarkullon në rrjete sociale nuk tregon aeroportin Ben Gurion në Izrael, por një zonë industriale në Emiratet e Bashkuara.

Mbetet për tu verifikuar nëse Sharjah është sulmuar me raketa.

Një kërkim me fjalë kyçe zbulon se më 13 prill 2025, mediat vendase raportuan se “një zjarr shpërtheu në një magazinë frutash dhe perimesh në zonën industriale 15 të Sharjah.”

Në video të tjera të zjarrit në Sharjah, vërehen po të njejtat godina nga video që pretendohet se tregon aeroportin izraelit.

Video e zjarrit në Sharjah (djathtas) dhe video që po qarkullon online (majtas)

Video e zjarrit në Sharjah (djathtas) dhe video që po qarkullon online (majtas)

Gjasat janë që ‘raketat’ që duken në video janë shtuar me anë të programeve kompjuterike duke modifikuar videon origjinale.

Në mars 2025, grupi rebel Houthi nga Jemeni tha se kishte goditur një raketë balistike drejt aeroportit Ben Gurion pranë Tel Avivit. Forcat e Mbrojtjes së Izrelit (IDF) thanë se raketa u ndal para se të hynte në Izrael. Në momentin që u lëshua alarmi për sulme ajrore, aeroporti ishte i mbushur me pasagjerë të shumtë dhe dëshmitë e tyre si dhe pamjet filmike të transmetuara nuk kanë regjistruar një zjarr të përmasave të mëdha si ai në video.

The post E rreme video e aeroportit të Tel Avivit në flakë nga raketat e Houthi appeared first on Faktoje.al.

Haxhi 2025 do të shënojë herën e fundit kur pelegrinazhi vjetor mbahet gjatë sezonit të verës, e kjo për të paktën 16 vitet e ardhshme. Arsyeja përse autoritetet saudite kanë vendosur të ndërmarrin një hap të tillë, janë temperaturat e larta, që me kalimin e kohës gjithmonë e më shumë po mbërrijnë nivele ekstreme. Lajmin […]

The post Temperaturat ekstreme, Arabia Saudite: Nuk do të ketë më haxh në verë deri në 2041! appeared first on BoldNews.al.

UASHINGTON, 13 prill /ATSH/- Shtetet e Bashkuara të Amerikës dhe Arabia Saudite do të nënshkruajnë një marrëveshje paraprake për të bashkëpunuar mbi ambiciet e mbretërisë për të zhvilluar një industri bërthamore civile, u tha sot gazetarëve në kryeqytetin saudit, Riad sekretari amerikan i Energjisë, Chris Wright, sipas “Reuters”.

Wright, i cili zhvilloi një takim me ministrin saudit të Energjisë, Princin Abdulaziz bin Salman sot në mëngjes, tha se Riadi dhe Uashingtoni ishin në “rrugën” për të arritur një marrëveshje për të punuar së bashku – për të zhvilluar një program bërthamor civil saudit.

Wright, në vizitën e tij të parë në mbretëri si sekretar – si pjesë e turneut në shtetet e Gjirit – tha se detaje të mëtejshme mbi një memorandum që detajonte bashkëpunimin energjetik midis Riadit dhe Uashingtonit do të njoftoheshin këtë vit.

E ashtuquajtura “marrëveshja 123” SHBA-Arabi Saudite i referohet seksionit 123 të Aktit të Energjisë Atomike të SHBA-së të vitit 1954 – përmes së cilës qeverisë amerikane dhe kompanive amerikane u lejohet të punojnë me entitete në mbretëri për të zhvilluar një industri civile bërthamore.

Princi i kurorës saudit, Mohammed bin Salman ka thënë prej kohësh se nëse Irani do të zhvillonte armë bërthamore, Arabia Saudite do të ndiqte shembullin, një qëndrim që ka nxitur shqetësim të thellë midis avokatëve të kontrollit të armëve dhe disa ligjvënësve amerikanë – mbi një marrëveshje të mundshme bërthamore civile SHBA-Arabi Saudite.

Wright nuk përmendi një marrëveshje më të gjerë me mbretërinë, të cilën administrata e mëparshme e presidentit amerikan, Joe Biden e kishte kërkuar – e cila  përfshinte një marrëveshje bërthamore civile dhe garanci sigurie me shpresën se do të çonte në normalizimin e marrëdhënieve midis Arabisë Saudite dhe Izraelit.

Arabia Saudite, eksportuesja më e madhe në botë e naftës, po kërkon të gjenerojë energji të konsiderueshme të rinovueshme dhe të reduktojë emetimet, sipas planit të reformës së Vizionit 2030 të princit të kurorës.

Të paktën një pjesë e kësaj pritet të vijë nga energjia bërthamore. //a.i/

The post UASHINGTON – SHBA-Arabi Saudite marrëveshje bërthamore civile appeared first on Agjencia Telegrafike Shqiptare.

Bisedimet midis zyrtarëve amerikanë dhe rusë për një marrëveshje të mundshme paqeje në Ukrainë janë gati të fillojnë në Arabinë Saudite. Bisedime të veçanta mes SHBA-së dhe Ukrainës u zhvilluan në Riad mbrëmë, takim të cilin delegacioni ukrainas e ka cilësuar si produktiv, raportoi BBC. Ndërkohë, Rusia dhe Ukraina kanë vazhduar të sulmojnë njëra-tjetrën. Forcat […]

The post Bisedimet për paqe/ Delegacioni i SHBA-së dhe i Rusisë takohen në Arabinë Saudite appeared first on BoldNews.al.

Sekretari amerikan i Shtetit, Marco Rubio, do të shkojë në Xhedah të Arabisë Saudite, për bisedimet SHBA-Ukrainë. Ai do të takohet gjithashtu me princin saudit të kurorës Mohammed bin Salman Al Saud. Sekretari amerikan i Shtetit, Marco Rubio, do të shkojë në Xhedah të Arabisë Saudite, të hënën (10 mars) për bisedimet SHBA-Ukrainë, ndërsa Presidenti […]

The post Marco Rubio do të shkojë në Arabinë Saudite, për bisedime me zyrtarët ukrainas appeared first on BoldNews.al.

RIAD, 23 janar /ATSH-AFP/- Princi i kurorës saudite, Mohammed bin Salman premtoi sot se do të zgjerojë investimet amerikane në 600 miliardë dollarë, ndërsa uroi Donald Trump për kthimin e tij në Shtëpinë e Bardhë.

“Princi Mohammed, udhëheqësi de fakto i vendit eksportues më të madh të naftës në botë, e bëri këtë premtim gjatë një telefonate pas ceremonisë së betimit të Trump si president i SHBA-së”, thanë media shtetërore saudite.

Trump krijoi marrëdhënie të ngushta me Riadin në mandatin e tij të parë dhe tani pritet ta nxisë Arabinë Saudite, shtëpinë e vendeve më të shenjta të Islamit, drejt normalizimit të lidhjeve me Izraelin si një objektiv kryesor i politikës së jashtme.

“Princi i kurorës pohoi synimin e mbretërisë për të zgjeruar investimet dhe tregtinë me SHBA-në gjatë katër viteve të ardhshme, në shumën prej 600 miliardë dollarësh, dhe potencialisht përtej kësaj”, raportoi Agjencia Saudite e Shtypit.

Shtëpia e Bardhë tha se kjo ishte telefonata e parë e Trump me një udhëheqës të huaj që nga kthimi i tij në detyrë.

“Të dy liderët diskutuan përpjekjet për të sjellë stabilitet në Lindjen e Mesme, për të forcuar sigurinë rajonale dhe për të luftuar terrorizmin”, thuhet në një deklaratë.

“Për më tepër, ata diskutuan ambiciet ekonomike ndërkombëtare të Mbretërisë së Arabisë Saudite gjatë katër viteve të ardhshme, si dhe tregtinë dhe mundësitë e tjera për të rritur prosperitetin e ndërsjellë të dy vendeve”, sipas deklaratës. //a.i/

The post RIAD – Princi i kurorës i premton Trumpit 600 miliardë dollarë investime në SHBA appeared first on Agjencia Telegrafike Shqiptare.

Arabia Saudite ka finalizuar një marrëveshje për sigurimin e një lehtësimi kredie me vlerë 2.5 miliardë dollarë, njoftoi të enjten Qendra e Menaxhimit të Borxhit Kombëtar (NDMC).

Kjo marrëveshje, e cila ka një afat trevjeçar, ka për qëllim financimin e nevojave të përgjithshme buxhetore dhe është siguruar me pjesëmarrjen e tre institucioneve financiare rajonale dhe ndërkombëtare, shtoi NDMC në një deklaratë.

Ky hap përforcon përpjekjet e Arabisë Saudite për të mbështetur stabilitetin financiar dhe pritet të ndihmojë në financimin e investimeve dhe iniciativave të ndryshme të zhvillimit.
Detajet e tjera mbi kushte të marrëveshjes dhe cilët janë partnerët e kreditimit nuk janë publikuar ende, por kjo është një hap i rëndësishëm për planin ekonomik të Arabisë Saudite, i njohur si “Vision 2030,” që synon diversifikimin e burimeve të ardhurave dhe zvogëlimin e varësisë nga nafta. / abcnews.al

RIAD, 1 janar /ATSH-DPA/- Arabia Saudite dërgoi sot ndihmë humanitare në Siri, duke shënuar atë që monarkia e pasur me naftë tha se është fillimi i një transporti ajror për në vendin arab të shkatërruar nga më shumë se një dekadë lufte.

“Dy avionë sauditë të ngarkuar me ndihma u ulën në aeroportin e Damaskut”, njoftoi agjencia shtetërore e lajmeve e Sirisë SANA.

“Avioni shpërndau ushqim, strehim dhe ndihmë mjekësore”, sipas agjencisë zyrtare të lajmeve të Arabisë Saudite SPA.

Kombet e Bashkuara vlerësojnë se mbi 16 milionë njerëz në Siri tani mbështeten në ndihma humanitare – numri më i lartë që nga fillimi i luftës civile në vend në vitin 2011.

Që kur rebelët e udhëhequr nga islamistët rrëzuan liderin e Sirisë, Bashar al-Assad muajin e kaluar, ka pasur shenja miqësie midis Arabisë Saudite.

Në një intervistë për televizionin saudit “Al Arabiya” të transmetuar javën e kaluar, sundimtari de fakto i Sirisë Ahmed al-Sharaa e përshkroi Arabinë Saudite si një “vend të rëndësishëm rajonal” me të cilin Siria është e interesuar të bashkëpunojë.

“Ministri i Jashtëm i përkohshëm i Sirisë, Asaad al-Shibani ka marrë një ftesë nga homologu i tij saudit për të vizituar mbretërinë brenda kornizës së forcimit të marrëdhënieve midis dy vendeve motra”, tha Ministria e Jashtme e Sirisë në fillim të kësaj jave.

Arabia Saudite fillimisht mbështeti grupin e armatosur që pasoi një kryengritje të vitit 2011 kundër sundimit të al-Asaad.

Siria u përjashtua nga Liga Arabe prej 22 anëtarësh në vitin 2011 në shenjë proteste kundër përdorimit të forcës brutale nga qeveria al-Assad – për të ndalur kryengritjen pro-demokracisë.

Arabia Saudite ndërpreu marrëdhëniet me Sirinë në vitin 2012. Por, në vitin 2023, Siria u ripranua në Ligën Arabe dhe marrëdhëniet me Riadin u normalizuan. //a.i/

The post RIAD – Arabia Saudite dërgon ndihma humanitare në Siri appeared first on Agjencia Telegrafike Shqiptare.

TIRANË, 26 dhjetor /ATSH/ Presidenti i KOKSH, Fidel Ylli pati një bisedë në zyrën e tij me stafin e Federatës Shqiptare të Sporteve Elektronike, në prag të zhvillimit të kampionatit kombëtar.

Presidenti ndau me ta arritjet më të rëndësishme sportive të vitit 2024, nga përfaqësimet në aktivitetet botërore dhe evropiane, te suksesi i jashtëzakonshëm në Lojërat Olimpike, mbarëvajtja e Projektit të Ekipeve Sportive në Shkolla, si edhe zhvillimi i Asamblesë së Solidaritetit Olimpik në Tiranë.

Presidenti i FSHSE, Sokol Nenaj shprehu mirënjohjen për mbështetjen që ka gjetur nga KOKSH dhe konfirmoi se po punohet për krijimin e ekipit olimpik që do të përfaqësojë Shqipërinë në Olimpiadën Esports, që do të mbahet në vitin 2025 në Arabinë Saudite.

1 nga 7

/a.f/r.e/

The post Ylli: Po punohet për krijimin e ekipit olimpik shqiptar për Olimpiadën Esports 2025 appeared first on Agjencia Telegrafike Shqiptare.

Gjermania u trondit nga një sulm terrorist ku humbën jetën të paktën 2 persona dhe u plagosën 69 të tjerë të premten në mbrëmje.

Autoritetet gjermane kanë arrestuar dhe identifikuar autorin e dyshuar si Taleb A., mjek nga Arabia Saudite.

Udhëheqësi i Saksoni-Anhalt, Reiner Haseloff tha se autori kishte jetuar në Gjermani që nga viti 2006. I dyshuari është një konsulent për psikiatri dhe psikoterapi.

Disa media gjermane vunë në dukje postimet e kaluara të të dyshuarit në mediat sociale, në të cilat ai thuhet se shprehte pikëpamje kritike ndaj Islamit dhe madje kishte paralajmëruar për “rreziqet” e një islamizimi të Gjermanisë.

I dyshuari e mori me qira makinën pak para sulmit, sipas raporteve që citojnë një burim sigurie, dhe nuk njihej për autoritetet se kishte një prejardhje islamike.

The post Sulmi terrorist në Gjermani, arrestohet mjeku nga Arabia Saudite appeared first on Lapsi.al.

Pretendimi: Këto imazhe nga Arabia Saudite dëshmojnë mungesën e respektit ndaj Islamit nga ky shtet

Verdikti: Mungon konteksti

——————————————————-

Imazhe nga dy evente në Arabinë Saudite, e kritikuar së fundi në rrjet që nuk po mbështet vëllezërit muslimanë në Palestinë, po shpërndahen në rrjet me pretendimin se ato dëshmojnë mosrespektim të Qabes, monumentit të shenjtë për muslimanët, duke përdorur shëmbëlltyrën e saj në shfaqje argëtimi.

Me anë të motorit të kërkimit pamor Google Lens, Faktoje gjeti se imazhi në të majtë tregon pamje nga ceremonia hapëse e Riyadh Season 2023, një festival i përvitshëm me interpretues dhe atletë nga gjithë bota.

Struktura kubike ishte vërtet pjesë e shfaqjes, dhe ishte përbërë nga 4 ekranë ku shfaqeshin pamje të ndryshme. Imazhi i mësipërm është kapur në një moment të performancës kur ekranet po shfaqnin xixa duke rënë nga lart-poshtë, siç tregohet në videon e mëposhtme. 

Vetëm në këtë moment, që zgjat më pak se një sekondë, kuboidi i ngjasonte Qabes.

Sa i përket imazhit në të djathtë, me anë të Google Lens Faktoje gjeti imazhin origjinal, postuar më 24 tetor në Instagram. Sipas përshkrimit të fotos, ajo tregon sfilatën e koleksionit vjeshtë dimër 24/25 të Ashwaq Almarshad, në javën e modës në Riyadh.

Siç vërehet, në foton origjinale statujat përreth kubit prej xhami nuk ekzistojnë. Foto që po qarkullon në rrjete sociale është e manipuluar.

The post Arabia Saudite nuk shfaqi Qaben e shenjtë në sfilatën e modës appeared first on Faktoje.al.