Ditën e sotme, një automjet është shkrumbuar nga flakët në autostradën Tiranë-Durrës, në afërsi të kryeqytetit.

Raportohet se flakët kanë shkaktuar dëme materiale, ndërsa fatmirësisht nuk ka pasur dëme në njerëz.

Sakaq, drejt vendngjarjes kanë shkuar forcat zjarrfikëse për të neutralizuar flakët, ndërsa shkaku i tyre ende mbetet i paqartë.

The post Shkrumbohet nga flakët makina në autostradën Tiranë-Durrës appeared first on Albeu.com.

Në orët e para të mëngjesit rreth orës 00:40, një aksident i rëndë është regjistruar në autostradën Tiranë–Durrës, në afërsi të zonës së Marikajt, ku ka humbur jetën një 19-vjeçar dhe kanë mbetur të plagosur dy persona të tjerë.

Tiranë/Informacion paraprak:

Rreth orës 00:40, në autostradën “Tiranë-Durrës”, në zonën e “Marikaj”, një 18-vjeçar, dyshohet se ka humbur kontrollin mbi drejtimin e automjetit dhe për pasojë, automjeti ka dalë nga rruga.

Nga aksidenti ka humbur jetën pasagjeri në automjet, një 19-vjeçar, ndërsa janë dëmtuar drejtuesi i mjetit dhe pasagjeri tjetër, të cilët ndodhen në spital, nën kujdesin e mjekëve.

Grupi hetimor vijon punën për përcaktimin e shkakut të aksidentit dhe sqarimin e rrethanave.

The post Aksident i rëndë në autostradën Tiranë-Durrës/ Humb jetën 19-vjeçari, pamje nga vendi i ngjarjes appeared first on Albeu.com.

Mbrëmjen e djeshme, më 09 korrik 2025, rreth orës 23:20, në autostradën Tiranë–Durrës, u regjistrua një aksident me pasojë vdekjen e një personi, në një segment të dyshuar si i paaksesueshëm për qarkullim.

Sipas informacionit paraprak, shtetasi F. Z., rreth 38-vjeç, duke drejtuar automjetin e tij, ka përplasur një biçikletë me të cilën po udhëtonte shtetasi E. M., 66-vjeç. Si pasojë e përplasjes së fortë, 66-vjeçari ka ndërruar jetë në vendngjarje.

Drejtuesi i automjetit është shoqëruar në Komisariatin e Policisë për veprime të mëtejshme procedurale.

Grupi hetimor ndodhet në vendin e ngjarjes dhe po punon për zbardhjen e plotë të rrethanave dhe shkaqeve të aksidentit.

Autoritetet nuk kanë dhënë ende detaje nëse 66-vjeçari ishte në një segment të lejuar për lëvizjen me biçikletë.

The post Aksident me vdekje në autostradën Tiranë–Durrës appeared first on Albeu.com.

Në pikun e sezonit turistik dhe kur degradimi ka arritur kulmin qeveria u kujtua së fundmi të hedhë sytë në autostradën Tiranë – Durrës. Me një fond 77 milionë lekë apo 770 milionë euro Autoriteti Rrugor Shqiptar synon që të zbatojë një kontratë që lidhet me përmirësimin e shtresave asfaltike të segmentit Vorë-Ura e Dajlanit. […]

The post Tiranë–Durrës, qeveria kujtohet që është emergjencë kur degradimi arrin kulmin! Hapet tenderi appeared first on BoldNews.al.

Një sulm me thikë ka ndodhur ditën e djeshme në rrugën dytësore Tiranë-Durrës. Mësohet se një person i paidentifikuar ka goditur me mjet prerës në dorë një 41-vjeçar.

I plagosuri ndodhet në spital, jashtë rrezikut për jetën.

Ndërkohë policia po punon për identifikimin dhe kapur autorin.

“Më datë 04.07.2025, në rrugën dytësore Tiranë-Durrës, një person ende i paidentifikuar, ka goditur me një mjet prerës (thikë), në dorë shtetasin R. A., 41 vjeç, i cili ndodhet në spital jashtë rrezikut për jetën.

Punohet për identifikimin dhe kapjen e autorit.”- njofton policia.

Materialet procedurale iu referuan Prokurorisë së Tiranës, për veprime të mëtejshme.

The post E rëndë/ Sulm me thikë në rrugën dytësore Tiranë-Durrës, plagoset një 41-vjeçar appeared first on Sot News | Lajme.

Dy aksidente të njëpasnjëshme janë regjistruar në autostradë, pranë mbikalimit të Fllakës në Durrës. Burimet mediatike bëjnë me dije se në total janë përfshirë 8 makina. Nuk dihen ende rrethanat e aksidentit. Aktualisht raportohet për dëme materiale, ndërkohë që policia dhe ambulanca kanë mbërritur në vendngjarje. Gjithashtu mësohet se aksidenti ka shkaktuar trafik në autostradë.

The post Aksident i shumëfishtë në Durrës, përplasen 8 makina/ VIDEO appeared first on BoldNews.al.

Tetë vetura janë përfshirë sot në dy aksidente, ku si pasojë është bllokuar autostrada Tiranë-Durrës.

Euronews.al bën të ditur se dy aksidente të ndodhura pothuajse në të njëjtin vend dhe brenda pak minutash nga njëri-tjetri, kanë shkaktuar kaos në qarkullim paraditen e sotme në aksin Durrës-Tiranë, pranë mbikalimit të Fllakës.

Në total janë përfshirë tetë automjete, duke bllokuar për disa minuta të dy krahët e autostradës dhe duke shkaktuar trafik të rënduar në orët e pikut.

8 makina përfshihen në aksident, bllokohet autostrada Tiranë-Durrës
Dy aksidente të ndodhura pothuajse në të njëjtin vend dhe brenda pak minutash nga njëri-tjetri, kanë shkaktuar kaos në qarkullim paraditen e sotme në aksin Durrës-Tiranë, pranë mbikalimit të Fllakës. pic.twitter.com/ZoRsCQxMH2

— Euronews Albania (@EuronewsAlbania) June 20, 2025

The post Tetë vetura përfshihen në dy aksidente, bllokohet autostrada Tiranë-Durrës appeared first on Telegrafi.

Teksa qeveria krenohet me milionat turistë, situata me trafikun e rënduar vijon të jëtë një nga problematikat më të mëdha që ka vendi ynë. Këtë të diel, në autostradën Tiranë-Durrës radha e automjeteve në trafikun e rënduar ka arritur me kilometra. Një vështrim në Google Maps, trafiku i rënduar fillon nga Vora dhe përfundon në […]

The post Radhë kilometrike, trafik i rënduar në autostradën Tiranë-Durrës appeared first on BoldNews.al.

Një automjet është përfshirë nga flakët mesditën e sotme në autostradën Tiranë-Durrës, në afërsi të fshatit Marikaj.

Ngjarja ka shkaktuar shqetësim te drejtuesit e tjerë të mjeteve që ndodheshin në zonë, por fatmirësisht nuk raportohet për të lënduar.

Shkaku i djegies së automjetit mbetet ende i paqartë. Policia dhe shërbimet zjarrfikëse ndodhen në vendin e ngjarjes, ndërsa vijojnë hetimet për të zbardhur rrethanat e plota të incidentit.

The post Makina përfshihet nga flakët në autostradën Tiranë-Durrës, shkaku ende i paqartë appeared first on Sot News | Lajme.

Kryeministri Edi Rama ka ndarë disa pamje nga kantieri i punës për zgjerimin e superstradës Tiranë-Durrës.

Në një status në Facebook Rama shprehet se tashmë është faza II dhe se punimet kanë ecur me ritme shumë të mira.

Gjithashtu thekson se realizimi fizik ka arritur në masën 50 %.

Një trafik i rënduar dhe i pazakontë është shënuar gjatë ditës së sotme në dalje të Tiranës. Një situatë problematike e kaotike u regjistrua për shoferët në autostradën Tiranë-Durrës. Trafik i rënduar u shënua nga Qafa e Kasharit deri në hyrjen e qytezës së Vorës. Nuk dihet nëse ky trafik ka lidhje me punimet në […]

The post Trafik i rënduar në autostradën Tiranë-Durrës appeared first on BoldNews.al.

Trafik i rënduar raportohet në autostradën Tiranë-Durrës, pranë Vorës.

Siç shihet në zonën pranë Vorës, makinat po presin prej gati 2 orësh në rradhë që të lëvizin sadopak dhe qarkullimi është tepër i ngadaltë.

Nuk dihet se çka ndodhur, por autostrada nga Vora deri në Astir është në bllok total. Asnjë shpjegim nuk ka nga Policia e Shtetit, ndonëse dëgjohen sirena policie dhe autoambulancash që kalojnë më vështirësi.

Nisur edhe nga ardhja e sezonit veror, ky aks që është kryesor në Shqipëri, do të jetë edhe më keq, pasi lëvizjet do të shtohet shumë më shumë me ardhjen e turistëve dhe të emigrantëve. Sakaq, zgjerimi i autostradës që po vijon, duket që të jetë edhe një shkak i trafikut të përditshëm në këtë autostradë.

The post Bllokohet autostrada Tiranë-Durrës, makinat mbi dy orë në trafik të rënduar, ja arsyeja appeared first on Albeu.com.

Kryeministri Edi Rama ka shpërndarë në rrjetet sociale një përditësim mbi ecurinë e punimeve për zgjerimin e superstradës Tiranë–Durrës. Ai theksoi se puna që po bëhet do të sjellë një aks rrugor me standarde të larta, të cilat do të përmirësojnë ndjeshëm kushte për sigurinë dhe komfortin e drejtuesve të mjeteve dhe pasagjerëve.

“Kjo është pamja e superstradës Tiranë–Durrës në përfundim të punimeve që po bëhen aktualisht për zgjerimin e saj.

Një aks me kushte dhe parametra tërësisht europiane të sigurisë rrugore, si dhe me të gjithë elementët e tjerë të mobilimit urban, ndriçim dhe gjelbërim, për t’iu përshtatur më së miri zonave të banuara që përshkon,” shkruan Rama në postimin e tij. Punimet janë në përfundim e sipër, dhe sipas kryeministrit, shumë shpejt qytetarët do të mund të shijojnë përmirësimet e mëdha në këtë rrugë kyçe për zhvillimin ekonomik dhe turistik të vendit.

The post Superstrada Tiranë-Durrës, Rama ndan pamjet: Kushte dhe parametra tërësisht europiane appeared first on Sot News | Lajme.

TIRANË, 2 prill /ATSH/ Modernizimi i infrastrukturës ekzistuese po vijon në një tjetër aks të rëndësishëm siç është superstrada Tiranë – Durrës, e cila do të kthehet në një autostradë të kategorisë A, duke shtuar korsitë e lëvizjes për një lehtësim të ndjeshëm të trafikut.

Kryeministri Edi Rama u shpreh sot në rrjetet sociale ndërsa postoi pamje nga punimet se “kjo autostradë do të lehtësojë ndjeshëm qarkullimin e automjeteve të panumërta në këtë aks dhe do t’i japë Tiranës një hyrje ende më dinjitoze, ndërsa Shqipërisë Turistike një frymëmarrje të re”.

Kryeministri Edi Rama dhe zv/kryeministrja dhe ministre e Infrastrukturës dhe Energjisë Belinda Balluku inspektuan dje punimet që po kryhen në kantierin e këtij aksi.

Rama sugjeroi që hyrja për në kryeqytet të jetë e veçantë për sa i përket arkitekturës, duke përfshirë më shumë elementë artistikë.

“Duhet të vihen pemë të larta e mbase duhet të gjejmë një mënyrë të krijojmë një mur dekorativ, një lloj ndarëse dekorative. Mund të gjejmë një gjë që të bëhet shumë bukur midis të dyjave. Duhet menduar, duhet një gjë artistike se është hyrja e kryeqytetit. Ndoshta mobilizojmë të gjithë arkitektët, të bëjnë një copë secili dhe të bëhet si korridor artistik”, u shpreh ai.

Kryeministri kërkoi po ashtu edhe hartimin e një masterplani për të shmangur problemet e krijuara nga trafiku i brendshëm. /r.e/

The post Rama: Superstrada Tiranë-Durrës, frymëmarrje e re për Shqipërinë turistike appeared first on Agjencia Telegrafike Shqiptare.

Punonjëset e një magazine në autostradën Tiranë-Durrës përfundojnë në spital për shkak se kanë shfaqur probleme me frymëmarrjen.

Më datë 11 mars, janë paraqitur në spital, 6 punonjëse në një magazinë në autostradën Tiranë-Durrës, të cilët kanë shprehur probleme respiratore.

Pasi kanë marrë asistencë mjekësore, 6 shtetaset janë larguar në banesa.

Lidhur me këtë rast materialet iu referuan Prokurorisë, e cila po punon për vlerësimin e rastit.

The post Punonjëset e një magazine në autostradën Tiranë-Durrës përfundojnë në spital me probleme me frymëmarrjen appeared first on Sot News | Lajme.

Më 11 mars 2025, gjashtë punonjëse të një magazine në autostradën “Tiranë-Durrës” janë paraqitur në spital, duke shfaqur probleme respiratore. Pas marrjes së asistencës mjekësore, ato janë larguar nga spitali dhe janë drejtuar në banesat e tyre. Policia ka referuar materialet procedurale në Prokurori, e cila ka nisur hetimet për vlerësimin e rrethanave të këtij […]

The post Përfundojnë në spital 6 punonjëse e një magazine në autostradën Tiranë-Durrës appeared first on BoldNews.al.

Në shkurt të vitit 2021, zyrtarët shqiptarë premtuan gjatë ceremonisë së nënshkrimit të kontratës se linja hekurudhore Tiranë- Durrës, bashkë me një segment të ri drejt Rinasit, do të rehabilitohej brenda 30 muajsh dhe do të kushtonte 69.6 milionë euro në total. Por katër vite më vonë, linja hekurudhore nuk ka përfunduar ende, ndërkohë që […]

The post Hekurudha Tiranë – Durrës, zgjatje afatesh dhe rritje kostosh appeared first on BoldNews.al.

Zgjerimi i autostradës Tiranë-Durrës me nga dy korsi në secilën anë, ku njëra do të shërbejë për emergjencat, do ta kthejë atë nga autostradë e kategorisë “B”, në autostradë të kategorisë “A”.

Zëvendëskryeministrja, njëherësh ministre e Infrastrukturës dhe Energjisë, Belinda Balluku përcolli sot pamje nga kantieri duke bërë të ditur se punimet kanë avancuar.

“Në autostradën Tiranë-Durrës po avancojmë përditë punimet për finalizimin e këtij projekti të rëndësishëm”, u shpreh ajo.

Shtimi me 4 korsi jep mundësinë për shpejtësi deri në 130 km dhe e sjell në parametrat e të gjitha autostradave të reja që po ndërtohen.

Segmenti i parë ku po ndërhyhet është 6 km, nga Kthesa e Kamzës deri në Mbikalimin e Rinasit.

Përveç zgjerimit me dy korsi, i gjithë trupi i rrugës do të ribëhet me shtresa rrugore dhe asfaltike, për shkak se tashmë kjo rrugë ka mbaruar ciklin e jetës.

Ajo ishte parashikuar për një fluks makinash prej 40 mijë mjetesh në 24 orë, ndërsa tani në pikun e fluksit shkon edhe 94 mijë mjete. Rehabilitimi dhe zgjerimi i të gjithë rrugës kushton 250 milionë euro.

Zgjerimi i autostradës Tiranë-Durrës pritet të lehtësojë ndjeshëm qarkullim e automjeteve mes kryeqytetit dhe qytetit bregdetar, veçanërisht gjatë sezonit veror.

The post Balluku: Avancojnë punimet për zgjerimin e autostradës Tiranë-Durrës appeared first on Telegrafi.

Personi që shihni në fotot e mëposhtme, është 28-vjeçari Gëzim Muçaj, i cili humbi jetën në aksidentin tragjik të regjistruar në orët e para të mëngjesit të kësaj të hëne, rreth orës 05:05, në autostradën “Tiranë-Durrës”.

Viktima ishte drjetues i një fugoni që fillimisht u përplas me trafikndarësen. Pas aksidentit, 28-vjeçari së bashku me tre pasagjerët në mjet, Eduart Ripa, Ervin Qira dhe Shkëlqim Doçi, dolën në rrugë për të parë dëmet që i ishin shkaktuar fugonit.

Gjatë kohës që po qëndronin në rrugë, ata janë përplasur nga automjeti që drejtohej nga shtetasi Ismail Laçe.

Si pasojë e aksidentit të dytë, Gëzim Muçaj, humbi jetën në vendin e ngjarjes, ndërsa 3 pasagjerët mbetën të plagosur dhe u dërguan me urgjencë në spitalin e Traumës.

Viktima dhe tre të plagosurit në momentin e aksidentit po shkonin në punë. Gëzim Muçaj ishte nga Zall Bastari dhe punonte me mjetet e tonazhit të rëndë.

Ai kishte lindur pas 6 motrave dhe për këtë gëzim të madh që i solli familjes Muçaj, prindërit ia kishin vendosur emrin Gëzim.

I riu jetonte në Kamëz dhe më parë ka punuar edhe si faturino për autobusët e kësaj linje.

Policia raportoi se shoferi Ismail Laçe është shoqëruar në Komisariat, ndërsa grupi hetimor vijon punën për sqarimin e rrethanave të aksidentit.

The post Erdhi në jetë pas 6 motrave, ky është 28-vjeçari që u aksidentua për vdekje në aksin Tiranë-Durrës (FOTOT) appeared first on Albeu.com.

Një 28-vjeçar ka gjetur vdekjen dhe tre të tjerë kanë mbetur të plagosur rëndë pas një aksidenti tragjik në autostradën “Tiranë-Durrës”.

Viktima dhe 3 të aksidentuarit ndodheshin në një furgon dhe po shkonin në punë. Pasi furgoni është përplasur kanë dalë të shohin dëmtimet, në ato momente një automjet ka ardhur me shpejtësi dhe i ka përplasur.

28-vjeçari ka ndërruar jetë teksa po transportohej në spital ndërsa 3 të aksidentuarit e tjerë ndodhen tek Spitali i Traumës në gjendje të rëndë.

Tiranë/Informacion paraprak

Rreth orës 05:05, në autostradën “Tiranë-Durrës”, shtetasi Gëzim Muçaj, rreth 28 vjeç, duke drejtuar automjetin, ka humbur kontrollin mbi drejtimin e tij dhe si pasojë automjeti është përplasur me trafikndarësen.

Pasi ka dalë dalë nga automjeti, bashkë me 3 pasagjerët, gjatë kohës që qëndronin në rrugë, ata janë përplasur nga automjeti me drejtues shtetasin Ismail Laçe.

Për pasojë, shtetasi Gëzim Muçaj ka humbur jetën, ndërsa 3 pasagjerët e automjetit të tij janë dërguar në spital, për mjekim.

Shtetasi Ismail Laçe është shoqëruar në Komisariat, për veprime të metejshme proceduarale.

Grupi hetimor vijon punën për sqarimin e rrethanave të aksidentit.

The post Aksident i rëndë në autostradën Tiranë-Durrës, një i vdekur dhe tre të plagosur appeared first on Telegrafi.