Kampioni i Kosovës, Drita e Gjilanit, ka shënuar fitore të rëndësishme me rezultat 2:1 ndaj Differdanges nga Luksemburgu, në ndeshjen e parë të play-off-it të Conference League, të zhvilluar në stadiumin “Fadil Vokrri” në Prishtinë.

Heroi i takimit ishte Albert Dabiqaj, i cili në minutën e 30-të shënoi golin e parë dhe më pas, në minutën e 78-të fitoi penalltinë vendimtare.

Differdange arriti të barazojë përkohësisht rezultatin në minutën e 65-të me një goditje të fuqishme nga distanca të Buch, por Besnik Krasniqi nuk gaboi nga pika e bardhë duke i dhënë fitoren Dritës 2:1.

Ky rezultat e vendos skuadrën e Zekirija Ramadanit një hap larg fazës së grupeve, megjithatë gjithçka do të vuloset në ndeshjen e kthimit në Luksemburg, ku Drita do të kërkojë të shkruajë historinë në arenën evropiane./KultPlus.com

Në një mbrëmje të nxehtë evropiane në “Fadil Vokrri”, Drita ka bërë një hap të madh drejt fazës së grupeve të Ligës së Konferencës, duke mposhtur 2–1 Differdangen nga Luksemburgu në ndeshjen e parë të play-offit.

Skuadra gjilanase e nisi furishëm dhe pas disa rasteve të krijuara, por Albert Dabiqaj dhe Arb Manaj, nuk shënuan nga pozita ideale.

Nuk vonoi goli, ku ishte Albert Dabiqaj ai që në minutën e 30-të gjeti rrugën e rrjetës, duke shpërthyer atmosferën në tribunat e stërmbushura me tifozë bardhekaltër.

 

30′ | DABIQAJ GIVES DRITA THE LEAD!

Drita 1-0 Differdange 03 #UECL | #ConferenceLeague
pic.twitter.com/VxT83GZwHh

— Kosovo Football (@kosovarfootball) August 21, 2025

Me epërsinë minimale u mbyll pjesa e parë, ndonëse Differdange tentoi të reagojë me kundërsulme të shpejta.

Në minutën e 65-të, mysafirët arritën të barazonin me golin e Andreas Buch, duke ngrirë për një moment stadiumin.

Por Drita nuk u dorëzua. Dhjetë minuta para fundit, Drita fitoi penallti.

Besnik Krasniqi mori përgjegjësinë nga pika e bardhë dhe me qetësi shënoi për 2–1, duke rikthyer epërsinë dhe shpresën për historinë.

Ndeshja përfundoi me tensione. Në minutat shtesë, pas ndërhyrjes së VAR-it, Boris Mfoumou i Differdange u ndëshkua me karton të kuq për një faull të ashpër, duke lënë ekipin e tij me një lojtar më pak.

Drita tashmë udhëton në Luksemburg me një avantazh të çmuar dhe me ëndrrën e madhe për të prekur fazën e grupeve të një gare evropiane, një sukses historik për klubin dhe futbollin kosovar. /Telegrafi/ 

The post Drita afër historisë – fiton përballjen e parë ndaj Differdange appeared first on Telegrafi.

Skuadra kampione e Kosovës, Drita, sot zhvillon ndeshjen e parë të play-offit në Ligën e Konferencës kundër ekipit nga Luksemburgu, Differdange. Përballja do të luhet në stadiumin “Fadil Vokrri” në Prishtinë, me fillim nga ora 20:00.

Ky duel është i një rëndësie të veçantë për gjilanasit, të cilët kanë mundësinë të shkruajnë historinë duke u kualifikuar për herë të parë në fazën e grupeve të një kompeticioni evropian.

Drita e njeh mirë kundërshtarin, pasi vetëm pak javë më parë e eliminoi në raundin e parë kualifikues të Ligës së Kampionëve, duke e mposhtur në të dyja ndeshjet, me rezultatet 1-0 dhe 3-2.

Ndeshja e kthimit zhvillohet javën e ardhshme në Luksemburg, ndërsa rezultati i kësaj sfide do të jetë vendimtar për ëndrrën evropiane të kampionëve të Kosovës./KultPlus.com

Drita do të zbresë në fushë të enjten në stadiumin “Fadil Vokrri” për t’u përballur me Differdange nga Luksemburgu, në ndeshjen e parë të turit të dytë të Ligës së Konferencës.

Skuadra gjilanase ka kujtime të mira nga përballjet e kaluara me Differdangen, të cilin e kishte mposhtur dy herë në korrik – fillimisht 1-0 në Gjilan dhe më pas 3-2 në Luksemburg.

Trajneri Zekirija Ramadani e sheh këtë sfidë si një “finale të dytë”, duke u bërë thirrje lojtarëve të tregojnë durim dhe disiplinë në të dyja fazat e lojës.

“Na pret një ndeshje e vështirë. Differdange është ekip i disiplinuar dhe mbrohet mirë. Duhet të kemi qasje profesionale dhe të shfrytëzojmë hapësirat. Do të isha i kënaqur edhe me një fitore minimale, për aq kohë sa nuk pranojmë gola”, u shpreh Ramadani në konferencën për media.

Edhe pse në letër Drita konsiderohet favorite, trajneri ka insistuar se në fushë gjithçka është e hapur: “Favoritë jemi vetëm në letër. Në fushë jemi të barabartë. Duhet ta tregojmë epitetin e favoritit me lojë dhe rezultat.”

Gjilanasit nuk janë në formën më të mirë, pasi pas fitoreve ndaj Differdanges kanë regjistruar pesë humbje rresht, përfshirë edhe disfatën e fundit ndaj Ferizajt në Superligën e Kosovës. Sidoqoftë, Ramadani është optimist se ekipi do të reagojë.

Një mungesë e rëndësishme për Dritën do të jetë ajo e kapitenit Rron Broja, i pezulluar nga UEFA për dy ndeshje pas kartonit të kuq kundër FCSB-së.

Për Ramadanin, arritja në fazën grupore të Ligës së Konferencës nuk do të ishte vetëm sukses sportiv, por një kapitull historik për klubin dhe futbollin kosovar.

“Një kualifikim i tillë nuk është thjesht sukses, është histori. Hera e parë mbahet mend gjithmonë. Duhet të luftojmë për ta shkruar këtë histori”, shtoi ai.

Drita sezonin e kaluar u ndal në plejof nga Legia e Varshavës, një kundërshtar shumë më i madh se Differdange. Këtë herë, shpresat janë që skuadra gjilanase ta bëjë hapin e madh dhe të shkruajë faqen e re të historisë evropiane. /Telegrafi/

The post E kanë mposhtur dy herë, por Ramadani nuk nënvlerëson Differdangen appeared first on Telegrafi.

Ferizaj ka shënuar fitore ndaj Dritës me rezultat 1-0 në javën e parë të Superligës së Kosovës. 

Vendasit e nisën shumë mirë takimin, duke reazliuar që në start me një super gol të Jakup Berishës. 

Gjërat shkuan me keq për Dritës, që mbeti me 10 veta në fushë, pasi Raddy Ovouka u ndëshkua me karton të kuq. 

Pjesa e dytë nuk solli me gola të tjerë edhe pse rastet nuk munguan nga të dyja ekipet. 

Arb Manaj kishte rast të mirë në mesin e kësaj pjesë loje, por portieri vendas lëshon portën dhe zë topin.  

Një nisje shumë e mirë e kampiontit nga Ferizaj, ndërsa kampioni Drita ende duket se është me mendje në garat evropiane. /Telegrafi/  

The post Ferizaj mposht kampionin me golin e Jakup Berishës  appeared first on Telegrafi.

Ferizaj dhe Drita do të përballen në kuadër të javës së parë në Albi Mall Superligën e Kosovës për edicionin 2025/2026. 

Kampioni në fuqi i Kosovës nuk do të ketë një punë aspak të lehtë ndaj ekipit të drejtuar nga Arsim Abazi, duke marrë parasysh se sa ‘arrë e fortë’ janë ata si vendas. 

Në takimin e fundit të zhvilluar mes këtyre dy skuadrave sezonin e kaluar, ishte pikërisht Ferizaj që kishte triumfuar me rezultat të ngushtë 2-1. 

Të dy trajnerët kanë vendosur që të futen në fushë me përbërjen më të mirë në dispozicion. 

Kjo ndeshje pritet të nis me fillim nga ora 16:30. 

Formacionet zyrtare: 

Ferizaj: Jovanovski, Ramusa, Iljazi, Shabani, Selmani, Nafiu, Berisha, Neziri, Sadriu, Gligorov, Avdulli. 

Drita: Pas pak…

The post Formacionet zyrtare: Ferizaj – Drita appeared first on Telegrafi.

Pas dy muajsh pushim dhe ndeshjeve të klubeve tona në garat ndërkombëtare, Superliga e Kosovës kthehet në aksion me edicionin 2025/26, një edicion që pritet të jetë sërish i fortë, pasi që diferenca mes klubeve mbetet i ngushtë.  

Në edicionin e shkuar, favorit kryesor llogariteshin Drita dhe Ballkani, që sërish janë në mesin e më të mirëve dhe do të tentojë të luftojnë për titullin e kampionit. 

Drita shihet si më e favorizuar, pasi që edhe të ardhurat nga garat evropiane janë më të mëdha për dallim me të tjerat, ndërsa do të luajë në play-off të Ligës së Konferencës, për të tentuar fazën e grupeve.  

Gjilani ka bërë përforcime të mëdha dhe shihet si një nga ekipet që mund t’iu prish punë Dritës dhe Ballkanit. 

Llapi dhe Prishtina, kanë bërë ndryshime, por shihet si më të dobëta se sa sezonin e shkuar, ndërsa Ferizaj ka arritur të ruaj boshtin. 

Malisheva dhe Dukagjini, po ashtu kanë ruajtur boshtin, ndërsa kanë bërë edhe goditje në pozitë të rëndësishme.  

Në elitë është kthyer Drenica, që gjithmonë i jep hijeshi kampionatit, ndërsa për herë të parë në këtë nivel do të luajë edhe Prishtina e Re. Kjo bën që Superliga e Kosovës të jetë shumë e paparashikueshme dhe me përballje tepër të forta.  

Telegrafi Sport ua sjell një analizë për secilin skuadër, ku përfshihet formacioni i mundshëm, përforcimet, vitet në elitë, trajneri dhe lojtari kryesor. 

Drita, kampioni aktual, do ta luajë sezonin e 23-të në elitë, ndërsa në Evropë vazhdon të garojë në raundin e play-offit të Ligës së Konferencës, ku do të pëballet më Dundelaggen për një vend në fazën e grupeve. 

Drita shihet sërish si favoriti kryesor për titull edhe këtë sezon, ndërsa sezonin e shkuar tubuan 74 pikë. 

Trajner mbetet Zekirija Ramadani, që tashmë e njeh ambientin në klub, pasi është në vitin e tretë dhe solli titullin e kampionit deri disa xhiro para fundit, sezonin e shkuar. 

Skuadra është përforcuar me emra si Vesel Limaj, Liridon Balaj, Endrit Morina, Kristal Abazaj dhe Leutrim Rexhepi.   

Nga skuadra janë larguar emra si Kastriot Selmani, Melos Zenuaj, Florjan Smakiqi dhe Ensar Huruglica.  

Si lojtari kryesor i gjilanasve është Ron Broja, ndërsa aty janë edhe emra si Arb Manaj, Besnik Krasniqi, Egzon Bejtullahi dhe Albert Dabiqaj. 

Vlera e Dritës në transfermakt llogaritet të jetë 6.6 milionë euro. 

---

 Tri herë kampioni i Kosovës, shihet si favorit edhe këtë vit pasi ka pasur afrime të rëndësishme këtë afat kalimtar, ndërsa ky kampionat do të jetë sezoni i tyre i dhjeti në elitë e futbollit kosovar. 

Sezonin e shkuar ata e mbyllën me 62 pikë, ndërsa në Evropë kanë arritur deri në rrethin e tretë të fazës eliminatore të Ligës së Konferencës, ku u eliminuan nga Shamrock Rovers.   

Trajneri mbetet Orges Shehi, i cili erdhi sezonin e shkuar, duke sjell qetësis në skuadër. Këtë vit ka tension në klub, pasi kërkohet të kthehet te titulli i kampionit që e humben sezonin e shkuar.  

Klubi ka larguar lojtar si Queven, Bernard Karrica, Eris Abedini, Elamando Gjini, Astrit Thaqi, Altin Aliji dhe Uheid Hoxha.  

Ballkani është përforcuar me emra si  Diar Vokrri, Adnan Golubovic, Ardit Deliu, Elvis Letaj dhe Ivica Batarel, ndërsa ka vazhduar huazimet e Albert Diene dhe Valentin Serebe. 

Ballkani vazhdon të ketë një organik të pasur, me emra si Bajram Jashanica, Gentrit Halili, Almir Kryeziu, Ëahlid Hamidi dhe Sunday Adetunji. 

Vlera e Ballkanit në transfermakt llogaritet të jetë 5.5 milionë euro 

---

Për Malishevën do të jetë sezonin i pestë në elitë, ndërsa sezonin e shkuar e mbylli në vendin e tretë me 53 pikë, duke arritur për herë të dytë garat evropiane, ku u eliminua nga Vikinguri në raundin e parë të Ligës së Konferenecës. 

Skuadra do të drejtohet nga Qatip Osmani, i cili zëvendësoi Bekim Isufin, ndërsa klubi ka humbur disa nga lojtarët kryesorë të skuadrës, ndërsa kanë afruar edhe lojtarë të ri. 

Xhemajl Ibishi, Samuel Opeh, Krenar Dulaj dhe Omer Bajraktari janë transferuar nga Malisheva në këtë afat kalimtar. 

Nga klubi është larguar një lojtar i rëndësishëm si Drilon Hazrollaj, ndërsa po ashtu boshëllak kanë lënë edhe Farjon Bunjaku dhe Vesel Limaj. Emra të tjerë që janë larguar janë Hadis Veseli, Ibrahim Cervadiku, Jerin Hadergjinaj, Arber Prekazi dhe Amrush Bujupi. 

Lider i skuadrës pritet të jetë edhe këtë vit kapiteni Dren Kryeziu, i ndihmuar nga Etrnik Brruti që tashmë është kthyer në lojtarë të rëndësishëm në Superligën e Kosovës. 

Vlera e Malishevës në transfermarkt llogaritet të jetë 4  milionë euro.   

---

Sezonin e shkuar Gjilani e zunë venin e katërt me 51 pikë, ndërsa sezoni aktual do të jetë i 21-ti për Gjilanin në elitën e futbollit të Kosovës. 

Me ardhjen e kryesisë së re, klubi është stabiluzar dhe ka afruar lojtarë me emër, duke u llogarit edhe këtë vit si njëri nga pretendentët për vendet e para. 

Trajneri i njohur shkupjan Ardian Nuhiu, kishte batica dhe zbatica sezonin e shkuar, por që kryesia e klubit arriti t’i besojë deri në fund. 

Klubi gjilanas ka afruar emra si Lorik Bosnjaku, Ennur Totre, Besart Krivanjeva, Mevlan Adili, Mario Zebic, Mehdi Çoba, Vokli Laroshi, Redi Kasa, Astrit Thaqi, si dhe të riun Haris Isufi.  

Nga klubi janë larguar emra si Kushtrim Shabani, Kenan Haxhihamza, Besir Ramadani, Marko Roganovic dhe Jamal Arago. 

Lojtari kryesor llogaritet Armend Thaqi, por aty janë edhe Lorik Boshnjaku dhe Edi Basa, ndërsa ka edhe emra të tjerë si Robert Rrahmani dhe Ylli Ibrahimi që do të vazhdojnë shpërthimin edhe këtë kampionat. 

Vlera e Gjilani në transfermarkt llogaritet të jetë 5.31 milionë euro. 

---

Ishte kthye në elitë sezonin e shkuar dhe ia arriti të bëjë një futboll të fortë, duke e mbyllur në vendin e pestë, ndërsa ky do të jetë sezoni i 18-të i Ferizajt në elitën e futbollit kosovar. 

Ferizaj arriti të tubojë 50 pikë, duke qenë në garë për vendin e tretë deri në xhiron e fundit. 

Trajneri do të jetë Arsim Abazi, që i drejtoi edhe në vitin e shkuar, ndërsa klubi ka në gjirin e saj një miks lojtarët intersantë, me 12 transferime që erdhën vetëm në këtë afat kalimtar. 

Betim Haxhimusa vazhdon të jetë kapiten dhe lider i ekipit, ndërsa në skuadër ka edhe emra si Valmir Nafiu, Qlirim Abduli dhe Ardit Topallaj. 

Jakup Berisha, Refikfaik Selmani, Harhys Steëart, Ardit Ilazi, Ergys Peposhi, Mexhit Neziti, Gabriel Groznica, Alban Shabani, Rejan Thaçi, Hardis Aliu dhe Riad Murseli janë afrimet e ferizajasve. 

Nga klubi janë larguar emra si Arlind Shabani, Edon Sadriu, Albion Kurtaj, Enhar Cakolli dhe Marko Musulini. 

Vlera e Ferizajt në transfermarkt llogaritet të jetë 3.21 milionë euro. 

---

Sezonin e shkuar Prishtina e mbyll në vendin e gjashtë me 48 pikë, por fituan Kupën e Kosovës nga Llapi, duke luajtur në garat evropiane. 

Në krye të skuadrës është Arsim Thaqi, ndërsa janë larguar dhe ofruar shumë lojtarë në këtë afat kalimtar. 

Janë afruar emra si Mario Ilievski, Djordje Saletic, Hamdi Namani, Valmir Veliu, Blend Baftiu, Akileu Ndreca, Gjelbrim Taipi, Drin Bajraktari, Dren Zeqiri, Luis Mota dhe së fundmi Gladwin Curiel.  

Por largimet ishin të dhimbshme dhe me shumë kualitet, pasi katër lojtarë tashmë kanë zgjehdur klube jashtë vendit si Albin Krasniqi, Drilon Islami, Ron Raçi dhe Dion Gallapeni.  Po ashtu janë larguar edhe Roland Soboëale, Alex Gnapi, Dashmir Elezi dhe Junior Ngatta. 

Lider në skuadrën llogariten dyshja Ardian Limani dhe Leotrim Kryeziu. 

Vlera e Prishtinë sipas tranfermakt është 5 milionë euro.  

---

Dukagjini do ta zhvillojë sezonin e tetë në total në elitën e futbollit kosovar, ku edhe këtë vit në krye të skuadrës do të jetë trajneri Ismet Munishi. 

Sezonin e shkuar ata e mbyllën në vendin e shtatë me 48 pikë, ku me mund e siguruan mbijetesën pak para fundi. 

Klubi ka ruajtur boshtin e sezonit të shkuar, ndërsa ofruar në skuadër emra si Kushtrim Gashi, Redon Syla, Eldonit Shaqiri, Hektor Krasniqi, Egzon Lekaj dhe Norik Krasniqi. 

Largimet janë të shumta dhe disa prej tyre ishin me rëndësi për Dukagjinin si Hekuran Berisha dhe Faton Neziri. Po ashtu janë larguar edhe Vlad Khomutov, Elbrima Jatta, Leart EMini, Etienne Tare dhe Ilir Syla.   

Lider i skuadrës në fushë është kapiteni Altin Merlaku, por edhe emra si Elton Basriu, Mërgim Pefqeli dhe Hugo vazhdojnë të jenë aty për ta thënë fjalën e tyre. 

Vlera e Dukagjinit në transfermakt është diku mbi 2 milionë euro. 

---

Llapi sezonin e shkuar e mbylli në pozitën e tetë me 47 pikë duke luajtur në barazh ku shpëtoi me penallti ndaj Vushtrrisë. 

Ky do të jetë sezonin e 15-të i Llapit në elitën e futbollit kosovar, ndërsa klubi ka investuar sërish në skuadër të që paktën të arrihen garat evropiane. 

Tahir Batatina vazhdon të mbetet trajner, ndërsa klubi po ashtu ka larguar disa lojtarë me emër. 

Nga klubi janë larguar emra Diar Vokrri, Hamdi Namani, Valmir Veliu, Granit Jashari, Blend Baftiu, Ergyn Ahmeti, Vokli Laroshi, Avni Selmani, Albion Miftari, Gentri Limani, Mergim Cërnavërni, Ahmet Januzi, Art Hoti dhe Se-yoon Cheon. 

Por Llapi nuk ka qëndruar duar kryç, pasi ka ofruar mbi  20 lojtarë, ku ndër emrat më të rëndësishëm janë Kushtrim Shabani, Hasan Hyseni, Edon Sadriu, Fuad Ajvazi, Luan Leshi, Axel Gnapi, Bujar Idrizi, Keneth Emeka Okafor dhe Parient Elanga. 

Lojtari kryesor këtë sezon pritet të jetë Arnor Ramadani, i ndihmuar nga shumë të tjerë si Besar Musolli, Ardit Tahiri, Elvri Gashjani dhe  Arianit Hasani. 

Vlera e Llapit në transfermakt është diku mbi 3.71 milionë euro. 

---

Prishtina e Re vjen si kampion i Ligës së Parë, Grupi B, ku me 69 pikë la në vendin e dytë Vushtrrinë, ndërsa do të jetë sezoni i parë në elitën e futbollit kosovar. 

Trajner është Elon Berisha, që arriti t’i fus në elitë, ndërsa drejtor sportiv është emëruar Shpëtim Babaj. 

Prishtina e Re ka ofruar 14 lojtarë në këtë afat kalimtar, ndërsa emrat më interesant janë Arlind Shabani, Adrijan Rudovic, Ergyn Ahmeti, Amos Dabet, Florjan Smakiqi, Elivs Prençi, Donat Hasanaj, Drilon Fazliu, Toni Gomes dhe talenti i madh Aron Babaj. 

Nga klubi janë larguar emra si Bleon Sekiraqa, Vigan Ademi, Fati Ismajli, Kreshnik Bahtiri, Dardan Jashari, Labinot Jetullahu, Egzon Bislimi, Agustin Rojas dhe Suad Sahiti.   

Vlera e skuadrës llogaritet të jetë 1.2 milion euro, por shumë lojtarë nuk janë të vlerësuar, pasi disa prej tyre kanë luajrtur në Ligën e Parë. 

---

Kuqezinjtë u kthye në elitën e futbiollit kosovar pas dy vitesh mungesë, duke dal kampion të Ligës së Parë në Grupin A me 58 pikë. 

Drenica do ta luajë sezonin e 24-të në elitën e futbollit kosovar, dhe mbetet klubi i dytë me më shumë vite në Superligë, por pa ndonjë sukses të jashtëzakonshëm. 

Bylbyl Sokoli që arriti t’i kthejë ne elitë mbetet trajner i skuadër, ndërsa Drenica ka bërë disa afrime cilësore në këtë afat kalimtar.  

Klubi kuqezi ka afruar emra si Ronaldo Chacon, Granit Jashari, Indrit Prodani, Christian, Eneid kodra, Kenan Haxhihamza, Tiago Gomes, Erisildo Smaci dhe Jeton Krasniqi. 

Nga Drenica janë larguar emra si Mohamed Fofana, Ermal Veliqi, Shpresim Zogu, Arjon Ymeri dhe Diellon Beseni. 

Vlera e Drenicës në transfermarket llogaritet të jetë mbi 2 milionë euro.  

---

/Telegrafi/

The post SPECIALE | Fillon Superliga e Kosovës 2025/26 – njihuni me formacionet e mundshme, trajnerët dhe liderët e të gjitha skuadrave elitare për këtë edicion appeared first on Telegrafi.

Drita nuk ka arritur ta bëjë përmbysjen ndaj ekipit rumun, Steua e Bukureshtit në raundin e tretë kualifikues në Ligën e Europës., duke pësuar humbje edhe në ndeshjen e kthimit në Prishtinë. Kampionia e Kosovës humbi 1-3 në stadiumin “Fadil Vokrri”, pasi paraprakisht kishte pësuar disfatë 3-2 në Bukuresht. Miqtë e nisën fuqishëm ndeshjen me […]

The post Europa League/ Steaua eliminon Dritën, kampionët e Kosovës vijojnë garën në Ligën e Konferencës appeared first on BoldNews.al.

Pas pjesës së parë, FCSB po fiton ndaj Dritës me rezultat 2-0 në ndeshjen e kthimit të raundit të tretë të Ligës së Evropës.

Goli i parë për ekipin rumun u shënuan nga Juri Cisotti, i cili realizoi me kokë pas një krosimi perfekt, vetëm pas 30 sekondash lojë.

Nuk vono shumë, David Miculescu, në minutën e 18-të mposhti portierin gjilanas Faton Maloku duke e çuar topin në këndin e poshtëm të djathtë të portës për 2-0.

Me këtë rezultat dhe fitoren 3-2 në Bukuresht një javë më parë, rezultati i përgjithshëm shkon në 5-2, duke i pakësuar gjasat e kampionit tonë gjithçka për kualifikimin.

Drita pati një mundësi për penallti në minutën e 24-t, por gjyqtari nuk e dha.

Gjilanasit duhet të reagojnë në pjesën e dytë për të rikthyer shanset, ndërsa mysafirët rumunë synojnë të ruajnë avantazhin dhe të sigurojnë një fitore vendimtare për të kaluar më tej në garë. /Telegrafi/ 

The post FCSB shkon në pushim me dy gola epërsi ndaj Dritës – goli i parë erdhi pas 30 sekondash appeared first on Telegrafi.

Drita do të përballet sonte me FCSB në ndeshjen e kthimit të raundit të tretë të Ligës së Evropës, ku pas paraqitjes inkurajuese në Bukuresht një javë më parë, gjilanasit janë të vendosur të shkruajnë histori para tifozëve të tyre në “Fadil Vokrri”.

Në duelin e parë, kampioni i Kosovës kishte befasuar me epërsi 0-2, por rumunët përmbysën gjithçka në pjesën e dytë, duke fituar 3-2 dhe duke lënë të hapur garën për kualifikim.

Trajneri Zekirija Ramadani për këtë ndeshje ka vendosur të luajë në portë me Faton Maloku, ndërsa mbrojtja përbëhet nga Besnik Krasniqi, Egzon Bejtullai, Raddy Ovouka dhe Blerton Sheji.

Në mesfushë treshja e zakonshme, Ron Broja, Albert Dabiqaj dhe Vesel Limaj, që tashmë ka fituar besimin e trajnerit.

Sulmi përbëhet nga Arb Manaj në qendër, ndërsa kah krahët vijnë Veton Tusha dhe Liridon Balaj.

Në anën tjetër, te FCSB luajnë në sulm Miculescu, Edjouma, Cisotti dhe Birligea.

---

Drita: Maloku, Be. Krasniqi, Bejtullai, Ovouka, Sheji, Broja, Dabiqaj, Limaj, Balaj, Tusha, Manaj.

FCSB: Tarnovanu, Cretu, M, Popescu, Ngezana, Pantea, Sut, Chiriches, Miculescu, Edjouma, Cisotti. Birligea.

---

/Telegrafi/ 

The post Formacionet zyrtare, Drita – FCSB: Ramadani ndryshon rreshtim, kërkohet fitorja historike appeared first on Telegrafi.

Pas fitores 3-2 në Bukuresht, kampioni i Rumanisë, FCSB ka zbarkuar sot në Prishtinë, ku do të përballet me kampionin tonë Dritën në ndeshjen e kthimit në Stadiumin “Fadil Vokrri” në Prishtinë.

Biletat për këtë ndeshje e vlefshme për raundin e tretë eliminator të Ligës së Evropës, po shiten me ritme të larta, deri tani mbi 6 mijë, ku me gjasë në ditën e ndeshjes do të kemi stadiumin e mbushur.

Edhe këtë herë, sikurse në Bukuresht, tifozët mysafir mungojnë, por megjithëse presidenti i FCSB-së, Gigi Becali, nuk e mori lehtë çështjen e sigurisë, gjë që në Kosovë duket qesharake.

Ai dërgoi rreth 20 truproja në Kosovë për të shoqëruar ekipin, duke e cilësuar si një masë të nevojshme pas disa “fjalëve të dëgjuara” për të, shkruan Sport.ro, gjë që e bën edhe me qesharake situatën, pasi çdo klub që ka ardhur në Kosovë është pritur dhe përcjell me respekt.

“Nuk dua t’i turpëroj, por e kuptova që ata folën për mua. Nuk thashë asgjë dhe nuk do të them asgjë, sepse nuk dua të nxis dhunë. Thjesht vendosa të dërgoj rreth 20 truproja në Kosovë, sepse kështu duhet të jetë”, kishte deklaruar Becali, disa ditë më parë për Fanatik.

Presidenti i FCSB, Becali, njihet për veprime dhe deklarata skandaloze, ku pothuajse në të gjitha ndeshjet vendos për formacionin startues. Ai edhe vendimin e truprojave e ka marr pasi ka “dëgjuar diçka”, pa pasur ndonjë fakt që në Prishtinë nuk ka siguri për klubet mysafire që udhëtojnë këtu.

Megjithatë, FCSB do të zbresë në fushë pa dy lojtarë të rëndësishëm: Risto Radunovic dhe Denis Alibec, të cilët mungojnë për këtë përballje vendimtare.

Në Prishtinë pritet një atmosferë e nxehtë sportive, me Dritën që ka një rast të artë që të fitojë dhe ta shoh vetën minimalisht në fazën e grupeve të Ligës së Konfernecës. /Telegrafi/

The post FCSB duket e përgatitur, por paksa edhe qesharake – presidenti i klubit rumun dërgoi në Prishtinë 20 truproje për ekipin e tij appeared first on Telegrafi.

Veprat më të mëdha të artit e shohin aktin e të parit ndryshe. Nga “Portreti i Arnolfinive” i Jan van Eyck-ut (1434), me pasqyrën në formë sy-peshku që shtrembëron realitetin, te “Një bar në Folies-Bergère” i Édouard Manet-it (1882) me lojën e ndërlikuar të shikimeve dhe reflektimeve, këto piktura luajnë me perspektivën tonë dhe ofrojnë një pasqyrim të çastit dhe çuditshmërisë së botës. Disa piktura e kryejnë këtë magji më fshehurazi, pa ndonjë pasqyrë në dukje. Merrni për shembull veprën e Georges Seurat, “Banjat në Asnières” (1884), një pikturë që, në vështrimin e parë, duket si një përshkrim i thjeshtë i verës, por që, me një vrojtim më të thellë, e çjerr perceptimin tonë me një pasion dhe intensitet që e bën po aq të rëndësishme sot sa ç’ka qenë ndonjëherë.

Në pamje të parë, kjo pikturë gjigante me përmasa 2m x 3m, shumë më e madhe se çfarë vizitorët e galerive ishin mësuar të shihnin, duket si një festim i madh i relaksimit veror, duke përjetësuar çastet e pushimit të punëtorëve pranë fabrikave aty afër, teksa lahen në diellin që i pastron nga pluhuri i fabrikave të errëta, “mullinjtë satanikë” për të cilët ka shkruar William Blake. Drita që ndriçon lëkurën e zbehtë të punëtorëve u jep atyre një madhështi klasike, një lloj nderimi që zakonisht i rezervohej heronjve mitologjikë apo figurave historike. Por nëse shikoni më nga afër, trupat e tyre, që duken të fortë dhe të qetë, papritur fillojnë të shthuren, kthehen në një rrjet të lirshëm të pigmenteve që pulsojnë, ngjyra të pastra që duken sikur vibrojnë. Punëtorët janë në të njëjtën kohë të rëndë dhe të lehtë. Nën duart e Seurat, drita, elementi më bazik i perceptimit, nuk është më thjesht ndriçim, por një substancë që mund dhe duhet të shpërbëhet dhe të rindërtohet. Kjo pikturë nuk është thjesht një skenë e pushimit veror, ajo është një analizë e thellë e iluzioneve që na verbojnë, një përpjekje për të hequr velat sociale dhe psikologjike që formojnë mënyrën si e shohim botën. Ajo sheh në brendësi të jetës së gjërave.

Për të zbuluar kuptimet e fshehura të pikturës, na nevojitet një çelës dhe një udhërrëfyes. Fatmirësisht, Seurat na i ka dhënë të dyja, të fshehura në vend të dukshëm, pranë qendrës së pikturës. Aty, mbi supet e përkulura të një djaloshi pa këmishë, me flokë të sheshta nën një kapele të portokalltë, ndodhet një oxhak i hollë që nxjerr tym, një nga shumë oxhaqet që çajnë qiellin e nxehtë. Ky oxhak, që në njëfarë mënyre ndërpret vizionin e Seurat, është edhe arsyeja që ky vizion ekziston. Ai buron nga një nga fabrikat në lagjen Clichy, qendër e prodhimit të qirinjve në Francën e shekullit XIX, një industri shumë fitimprurëse e bërë e mundur falë shkencëtarit Michel Eugène Chevreul, kimist francez që formuloi një teori për ngjyrat me ndikim të jashtëzakonshëm. Pikërisht mbi këtë teori është ndërtuar çdo centimetër i kësaj pikture.

Kur Seurat filloi punën për “Banjat në Asnières” në vitin 1884, ai ishte vetëm 24 vjeç, i trajnuar në École des Beaux-Arts, një ndër shkollat më prestigjioze të artit në Paris. Gjatë studimeve, ai has për herë të parë idetë e Chevreul mbi ngjyrën, të përmbledhura në traktatin “Ligji i kontrastit të njëkohshëm të ngjyrave” (1839). Chevreul arriti në përfundimin se vendosja përkrah njëra-tjetrës e dy ngjyrave komplementare e bën secilën më të gjallë. Ky ishte një zbulim i thjeshtë por revolucionar, që ndikoi në art dhe shkencë.

Ndryshe nga impresionistët që e përdorën këtë teori si frymëzim poetik, Seurat e pa atë si një ligj shkencor që duhej zbatuar me përpikëri. Ai e konceptoi pikturën si një provë matematike të ligjit të Chevreul, duke vendosur ngjyrat me kujdes të madh: mishin portokalli pranë ujit blu-jeshil, barin me tone lejla të verdhë, vijat blu rreth lëkurës së ngrohtë të djemve, të gjitha për të krijuar kontrast dhe vibrim vizual.

Në këtë mënyrë, Seurat shfrytëzon ngjyrën për të shuar dallimet shoqërore, duke e zbuluar “shpirtin e ngjyrës”, të pastruar nga paragjykimet. Ky përpunim i saktë i pigmentit çoi në shpikjen e pointilizmit, teknika me pika të vogla që përzihen në syrin e shikuesit, jo në paletën e artistit. Kjo teknikë debutoi plotësisht te piktura e tij e famshme pasuese “E diela në La Grande Jatte” (1884). Edhe pse “Banjat” nuk u pikturua fillimisht me pika, Seurat u kthye mbi të më vonë (1886–87) për të shtuar këto “pikla”, sidomos nuanca blu kobalti në kapelen e djaloshit që thërret me duar te goja, duke e bërë të “vibrojë” para syve tanë.

Që nga fillimi, Seurat ishte i vendosur që kjo pikturë të mos ishte thjesht një tjetër pamje verore, por një manifest vizual që shpallte një mënyrë të re të të parit botën, larg formave të jashtme, drejt ngjyrës së pastër dhe perceptimit të sinqertë. Ai bëri dhjetëra skica me vaj dhe vizatime me laps, i bindur se kjo do të ishte vepra që do ta vendoste në piedestal. Ai e paraqiti atë në Salon-in zyrtar, por u refuzua.

Megjithatë, nuk u dorëzua. U bashkua me artistë të tjerë të refuzuar si Paul Signac dhe Odilon Redon, dhe së bashku krijuan Grupin e Artistëve të Pavarur, duke organizuar një ekspozitë alternative. Por, për fat të keq, përmasat e mëdha të pikturës dhe dendësia e ekspozitës (me mbi 400 vepra) bënë që piktura e Seurat të vendosej në një qoshe pa rëndësi dhe të mos merrte vëmendjen që meritonte. Kritikët e kohës ishin konfuzë: njëri tha se “nuk guxonte të tallej me të”, ndërsa një tjetër e quajti “e shëmtuar”, “vulgare” dhe “e keqe në çdo drejtim”.

Do të kalonin 50 vjet derisa kjo pikturë të njihej si një moment i rëndësishëm në historinë e artit. Pas shumë vitesh në duar private, në vitin 1924 u ble nga “Galeria Tate” në Londër, gjë që i dha profil të ri. Kur u vendos siç duhet në një hapësirë muzeale, ku vizitorët mund ta sodisnin siç duhej, “Banjat në Asnières” filloi të shihej për atë që është vërtet: një distilim i bukurisë së verës dhe një mrekulli moderne e të parit./BBC/KultPlus.com

Në Rumani po frikësohen, pasi Drita mund ta eliminojë FCSB nga rrethi i tretë i Ligës së Evropës dhe t’i shkaktojë humbje të madhe financiare.

Ndeshja e parë e zhvilluar në Bukuresht i takoi vendasve me rezultat të ngushtë 3-2, por Drita tregoi se mund të përballet edhe me kësi kundërshtarë të mëdhenj.

Gazeta e madhe rumune ‘Fanatik‘ ka shkruar për mundësinë se si Drita mund t’i humbas miliona euro FCSB-së dhe presidentit të tyre Gigi Becali.

“FCSB mund të përballet me një rënie të ndjeshme të të ardhurave nëse eliminohet nga Drita në raundin e tretë paraprak të Ligës së Evropës, duke kaluar në play-off-et e Ligës së Konferencës. Kjo do të ndikonte direkt në bonuset nga UEFA dhe fitimet nga shitja e biletave”.

“Në rast se kampioni rumun e kalon Dritën, atëherë do të përballet me Aberdeen në play-off të Ligës së Evropës. Një sukses në këtë fazë do t’i siguronte FCSB-së një total minimal të garantuar prej rreth 4.66 milionë eurosh, plus bonuse të tjera nga rezultatet në grup dhe koeficienti UEFA, që mund të arrijnë deri në 8 milionë euro”.

“Nëse skuadra eliminohet nga Liga e Evropës por arrin fazën kryesore të Ligës së Konferencës, bonusi minimal do të ishte 3.52 milionë euro, duke humbur mbi një milion euro krahasuar me pjesëmarrjen në Ligën e Evropës. Shumat për fitoret dhe barazimet janë gjithashtu më të ulëta, dhe numri i tifozëve tërheq më pak të ardhura nga shitja e biletave”.

“Skenari më i keq për FCSB është eliminimi nga Drita dhe humbja ndaj fituesit midis Levadia Tallinn dhe Differdange. Në këtë rast, klubi do të sigurojë vetëm 1.36 milionë euro, përfshirë bonusin për eliminim dhe bonusin solidariteti nga UEFA”.

“Sezoni i kaluar ishte shumë më fitimprurës: FCSB arriti në raundin e 16-tave të Ligës së Evropës dhe mblodhi rreth 20 milionë euro, duke kombinuar çmimet nga UEFA dhe të ardhurat nga shitja e biletave. Një sukses i ngjashëm këtë sezon duket i vështirë për t’u arritur”.

“Kjo situatë tregon qartë rëndësinë e rezultateve në garat evropiane për stabilitetin financiar të klubeve si FCSB, ku diferenca midis pjesëmarrjes në Ligën e Evropës dhe Ligën e Konferencës mund të jetë 2–4 milionë euro ose më shumë”, ka shkruar Fanatik.ro.

Drita dhe FCSB do të takohen të enjten me fillim nga ora 20:00 në stadiumin ‘Fadil Vokrri’.

Gjilanasit do të mundohen të kalojnë tutje ku për Dritën do të ishte hera e parë që arrin në Play-Off të Ligës së Evropës. /Telegrafi/ 

The post Rumunët llogaritin humbjet e milionave euro që mund t’ua shkaktojë Drita appeared first on Telegrafi.

Teksa jemi në kulmin e sezonit turistik, Velipoja mbrëmjen e kësaj t marte ndodhet në errësirë për shkak të ndërprerjes së energjisë elektrike. Sipas raportimeve nga banorët dhe pushuesit, mungesa e energjisë ka nisur që prej orës 19:00 dhe po shkakton shqetësim të madh, veçanërisht për bizneset që funksionojnë gjatë orëve të mbrëmjes. Aktualisht, nuk […]

The post Velipoja “zhytet” në errësirë, i ndërpritet energjia në kulmin e sezonit turistik appeared first on BoldNews.al.

Një gjest i thjeshtë, i përditshëm, i shumëzuar me miliarda: ndezja e dritës. Por nëse do të ndodhte kudo në të njëjtën kohë, efekti do të ishte shumë më kompleks nga sa mund të imagjinohet. Nuk ka të bëjë vetëm me energjinë: është një eksperiment që prek fizikën, ekologjinë dhe marrëdhënien tonë me natën.

Ndikimi i parë do të ishte energjia. Çdo llambë e ndezur është një thirrje e menjëhershme për rrjetin elektrik, i cili duhet të përgjigjet menjëherë me një furnizim ekuivalent të energjisë.

Kjo ndodh sepse ekuilibri midis furnizimit dhe kërkesës duhet të jetë konstant: rrjeti nuk e “konservon” energjinë elektrike në sasi të mëdha, por e shpërndan atë në kohë reale. Nëse ky ekuilibër prishet, edhe vetëm për disa sekonda, sistemi mund të shembet. Një ndërprerje e energjisë, siç e shohim shpesh në verë, nuk është e largët.

Centralet e qymyrit dhe ato bërthamore, ndërsa janë të fuqishme, kanë kohë reagimi të ngadaltë. Centralet me gaz natyror janë më të shkathëta dhe përdoren pikërisht në orët e pikut. Burimet e energjisë së rinovueshme, varen nga kushtet e motit që nuk mund të programohen: dielli nuk shkëlqen sipas kërkesës dhe era ndjek ritmet e veta.

Edhe bateritë e magazinimit që janë gjithnjë e më të përhapura nuk janë ende të afta të mbështesin një qytet të tërë për periudha të gjata kohore.

Por ka një faktor tjetër që duhet marrë në konsideratë: nuk ka një rrjet të vetëm global të energjisë elektrike. Çdo vend, ose grup vendesh, ka një sistem autonom, shpesh të ndërlidhur, por edhe të aftë të izolohet shpejt. Kjo do të thotë që një ngjarje ekstreme në një pjesë të botës nuk ka gjasa të ketë efekte të valëzuara në një shkallë globale.

Megjithatë, edhe pa një kolaps të përgjithshëm, efektet do të ishin të dukshme diku tjetër. Vizualisht, për shembull. Një kulm i njëkohshëm në ndriçim do ta amplifikonte në mënyrë eksponenciale fenomenin e ndotjes nga drita.

Qielli i natës do të errësohej nga një shkëlqim i shpërndarë, i njohur si shkëlqim qielli, i nxitur nga drita që reflektohet nga pluhuri dhe sipërfaqet urbane. Yjet do të zhdukeshin, të mbuluara nga një vello artificiale që tashmë na pengon të vëzhgojmë Rrugën e Qumështit nga qytetet. /zero1.al

The post Çfarë ndodh nëse të gjitha dritat në botë ndizen në të njëjtën kohë? appeared first on Albeu.com.

TIRANË, 7 gusht /ATSH/ “Drita” nuk arriti ta mbrojë avantazhin e dy golave në sfidën e parë të raundit të tretë të Europa League kundër FCSB-së në Bukuresht, duke u mposhtur me rezultatin 3-2, në një ndeshje dramatike që ndryshoi krejtësisht rrjedhë në pjesën e dytë.

Skuadra nga Gjilani e nisi shkëlqyeshëm takimin, duke befasuar vendasit me dy gola të shpejtë nga Veton Tusha dhe Arb Manaj, që i dhanë një epërsi të madhe dhe entuziazëm për një rezultat historik.

Megjithatë, FCSB reagoi pas pushimit, duke shënuar tre gola dhe përmbysur gjithçka në favor të tyre para tifozëve të vet.

Pavarësisht humbjes, shpresat e Dritës për një kualifikim historik në fazën ‘play-off’ të Europa League mbeten të hapura.

Gjilanasit do të kërkojnë përmbysjen e madhe në ndeshjen e kthimit, që do të zhvillohet javën e ardhshme në stadiumin ‘Fadil Vokrri’ në Prishtinë.

/gj.m/r.e/

The post Europa League, “Drita” përmbyset 3-2 nga FCSB në Bukuresht appeared first on Agjencia Telegrafike Shqiptare.

Drita nuk ia ka dalë të sigurojë një rezultat pozitiv në transfertën e Ligës së Europës përballë FCSB në Bukuresht. Kampionia e Kosovës është mundur nga ajo e Rumanisë me shifrat 3-2, në një ndeshje ku me pak kujdes mund të merrte një rezultat shumë të rëndësishëm. Skuadra kosovare gjeti shpejt golin me Tushën që […]

The post Europa League/ Drita shpërdoron avantazhin e dy golave, mundet në Rumani appeared first on BoldNews.al.

Drita është mysafire e FCSB për përballjen në kuadër të parakualifikimeve për në fazën e ligës në Ligën e Evropës.

Ndeshja që fillon në ora 20:30 do të zhvillohet në stadiumin “Arena Nationala”.

Drita shpreson që të nxjerr një rezultat pozitiv në këtë udhëtim të vështirë, për të synuar kalimin tutje nga “Fadil Vokrri” në javën e ardhshme.

Formacionet zyrtare:

FCSB: Tarnovanu, Cretu, Graovac, Popescu, Pantea, Chiriches, Sut, Miculescu, Popescu, Cisotti, Birligea.

Drita: Maloku. B. Krasniqi, Broja, Ovouka, Bejtullai, Limaj, Dabiqaj, Ajzeraj, Tusha, Ble. Krasniqi, Manaj. /Telegrafi/

The post Formacionet zyrtare: Drita synon rezultat pozitiv në udhëtim te skuadra rumune appeared first on Telegrafi.

Klubi kosovar Drita ka mësuar tashmë kundërshtarin e radhës në rast se ia del ta kalojë FCSB-në. 

Shorti i hedhur sot (e hënë) ka vënë përballë gjigantin skocez Aberdeen, si kundërshtar të mundshëm të gjilanasve në fazën ‘play-off’ të Ligës së Evropës. 

Pas tri ditësh (e enjte), Drita do të luajë ndeshjen e parë të rrethit të tretë kualifikues për Ligën e Evropës ndaj FCSB. 

Ndeshja e parë do të luhet në Rumani, teksa ajo e kthimit në ‘Fadil Vokrri’ do të luhet më datë 14 gusht. 

Kujtojmë se Drita garat evropiane fillimisht i kishte nisur në Ligën e Kampionëve, duke e kaluar me lehtësi rrethin e parë pas triumfit me rezultat të përgjithshëm 5-2 ndaj Differdange 03. 

Të besuarit e Zekirija Ramadanit më pas u eliminuan nga Copenhageni në rrethin e dytë me rezultat të përgjithshëm 3-0 pas dy ndeshjeve, duke bërë që rrugëtimin ta vazhdojnë në Ligën e Evropës./Telegrafi/

The post Drita do të luajë me gjigantin skocez në rast se e kalon FCSB-në appeared first on Telegrafi.

Drita do të përballet me FCSB (ish-Steaua Bukuresht) në rrethin e tretë të Ligës së Evropës.

Kampioni i Kosovës, ka një arsye më shumë për të synuar kualifikimin ndaj FCSB-së në raundin e tretë të Ligës së Evropës. Nëse arrin të eliminojë ekipin rumun, Drita do të jetë në mesin e skuadrave të favorite (të renditura më lart) në fazën Play-Off.

Sipas projeksioneve të publikuara, fituesi i përballjes FCSB / Drita është renditur me koeficient 22,500, çka është më i lartë se shumica e kundërshtarëve potencialë që janë ‘unseeded’.

Kjo do të thotë se në fazën Play-Off, Drita do të shmangte përballje me emra të njohur si Shakhtar Donetsk, Legia Varshavë, Malmo, Copenhagen, Braga, Panathinaikos, PAOK, Young Boys apo Anderlecht, të cilët ndodhen në anën e skuadrave të favorizuara në short.

Në vend të tyre, skuadra kosovare do të përballej me ekipe më të kalueshme si Sigma Olomouc, Lincoln / Noah, Samsunspor, apo edhe RFS/Kups, që kanë koeficient shumë më të ulët dhe nuk janë në mesin e skuadrave të mëdha evropiane.

Ky pozicion i favorshëm në short është një mundësi historike për Dritën që, në rast të kalimit të FCSB-së, të ketë një rrugë më të lehtë drejt fazës së grupeve të Ligës së Evropës.

Ndeshja e parë ndaj FCSB-së luhet në Rumani, ndërsa takimi i kthimit zhvillohet në Kosovë, ku Drita do të ketë përkrahjen e zjarrtë të tifozëve të saj.

Kualifikimi do të ishte jo vetëm një sukses për klubin, por edhe një moment historik për futbollin kosovar në arenën evropiane.

Kujtojmë që vetëm nëse arrin të eliminojë Steauan e Bukureshtit do të jetë një sukses për Dritën, pasi gjilanasit automatikisht do të siguronin grupet e Ligës së Konferencës dhe pastaj në Play-Off do të kërkonin të futeshin në grupet e Ligës së Evropës. /Telegrafi/ 

The post Nëse eliminon Steauan, Drita do të shmangë emrat e mëdhenj në Play-Off të Ligës së Evropës appeared first on Telegrafi.