Pas urdhri të Kryeministrit Rama, kryebashkiaku i Shkodrës Benet Beci ka mbledhur pasditen e sotme drejtorët dhe administratorët vendorë, ku këta të fundit kanë dhënë dorëheqje. Mësohet se dorëheqje ka pasur edhe në Bashkinë Malësi e Madhe, ku u bë me dije se kanë dhënë dorëheqjen administratorët e njësive administrative dhe dy zëvendëskryetarët e bashkisë. […]

The post Urdhri i Ramës/ Dorëheqje masive në bashkitë Shkodër, Malësi e Madhe dhe Lushnje appeared first on BoldNews.al.

Dorëheqja morale nuk është e kërkuar me ligj, por reflekton nivelin e integritetit të institucioneve. Në Kosovë, ky akt mbetet i rrallë dhe shfaqet kryesisht pas presionit publik. Tahir Latifi, profesor i Antropologjisë në Universitetin e Prishtinës, thotë se përgjegjësia morale shkon përtej lidhjes direkte me një dëm apo mossukses institucional. Ajo është pjesë e […]

The post Kultura e munguar e përgjegjësisë: Pse dorëheqjet morale janë të rëndësishme appeared first on BoldNews.al.

Një valë dorëheqjesh ka përfshirë Bashkinë Elbasan këtë fillim jave pas kërkesës së Kryeministrit Edi Rama. Raportohet se drejtues të niveleve të larta si dhe administratorë të njësive vendore në këtë bashki kanë paraqitur dorëheqjen e tyre në mënyrë kolektive. Po ashtu, paraditen e sotme u raportua se të gjithë administratorët e bashkisë së Korçës, […]

The post Dorëheqje masive në Elbasan! Largohen drejtues të lartë dhe administratorë të njësive vendore appeared first on BoldNews.al.

Pas ultimatumit të kryeministrit Edi Rama për ndryshime në nivelet drejtuese të pushtetit vendor, kanë nisur dorëheqjet e para në juglindje të vendit. Burime për “A2 CNN” bëjnë me dije se të gjithë administratorët e bashkisë së Korçës, në total 7, si dhe 3 administratorë të bashkisë së Kolonjës, kanë paraqitur dorëheqjen pranë kryetarëve të […]

The post Ultimatumi i Ramës, nisin dorëheqjet e administratorëve në qarkun e Korçës appeared first on BoldNews.al.

Të gjithë drejtorët e Bashkisë së Durrësit kanë dorëzuar këtë të enjte dorëheqjet e tyre.

Kjo lëvizje nga ana e tyre erdhi pas vizitës së kryeministrit Edi Rama në bashkinë e qytetit bregdetar, i cili ashtu sikurse dhe në bashkitë e tjera të vendit, Vlorë e Fier, edhe në Durrës kërkoi që drejtorët të linin postet e tyre.

Një për një, të gjithë drejtët, i kanë vendosur në tryezë kryebashkiakes Emiriana Sako shkresën e tyre të dorëheqjes, ndërkohë që mësohet se brenda kësaj bashkie është ngritur një komision i përbërë nga kryetarja dhe disa deputetë të qarkut Durrës, të cilët do të vendosin në “sitë” të gjithë drejtorët me qëllim për të vendosur se kush prej tyre do të vijojë të qëndrojë në detyrë dhe kush jo.

Pas kësaj faze, pritet të nisë edhe procesi i ristrukturimit për drejtorët rajonalë dhe institucionet e tjera në varësi të pushtetit vendor.

Lista e drejtorëve të Bashkisë së Durrësit që kanë dhënë dorëheqjen:

Roni Shqiopa: Drejtoria e Taksave dhe Tarifave Vendore

Meme Xhaferaj: Drejtoria e Shërbimit Social

Ardian Gurra: Drejtoria e Arsimit, Kulturës, Sportit, Rinisë dhe Komuniteteve Fetare

Oneda Deliallisi: Drejtoria e Auditit të Brendshëm

Ermal Lufo: Drejtoria Ekonomike

Ardian Iljazaj: Drejtoria e Shërbimeve

Valbona Qiriako: Drejtoria e Buxhetit

Lorenc Facja: Drejtoria e Projekteve dhe Infrastrukturës Publike

Lorenc Smajli: Drejtoria e Turizmit

Dhurata Gjoka: Drejtoria e Burimeve Njerëzore

Robert Dervishi: Drejtoria e Planifikimit dhe Kontrollit të Zhvillimit të Territorit

Alneida Rroshi: Drejtoria Ligjore.

Kujtojmë se përgjatë ditëve të fundit kryeministri Edi Rama ka nisur një “tur” në të gjitha bashkitë e vendit.

Fillimisht u ndal në atë të Vlorës e më pas vazhdoi me Fierin e Durrësin. Kryeministri ka theksuar nevojën për energji dhe prurje të reja në administratë, si e vetmja mënyrë për t’u qasur sfidave të kohës.

The post Kush janë drejtorët që dhanë dorëheqjen në Bashkinë e Durrësit? Zbardhen emrat appeared first on Sot News | Lajme.

Drejtorët e Bashkisë së Durrësit kanë dhënë dorëheqjen pas kërkesës së kryeministrit Edi Rama dy ditë më parë, në takimin që pati me ta. Përveç tyre, dorëheqje kanë dhënë edhe drejtuesit e ndërmarrjeve në varësi të bashkisë, si dhe kryetarët e njësive administrative në territorin e Durrësit. Raportohet se është ngritur një komision i përbërë […]

The post Pas urdhrit të Ramës, japin dorëheqjen dhe drejtorët e Bashkisë së Durrësit/ EMRAT appeared first on BoldNews.al.

Në bashkinë e Fierit kanë nisur dorëheqjet e drejtorëve me përjashtim të atyre të cilët janë emëruar pas muajit janar. Teksa kanë nisur të dorëzohen dorëheqjet në grup pranë kryetarit Armando Subashi, mësohet se disa drejtues nuk do të preken nga ‘vetëpastrimi’.

Burime thonë se në mbledhjen ku kryeministri kërkoi dorëheqjen e drejtuesve vendorë në Fier, sqaroi se emërimet e bëra pas muajit janar përjashtohen nga ky urdhër. Kështu në Fier drejtorët e OSHE, kadastrës, tatimeve, nuk do të jenë të detyruar të japin dorëheqjen pasi janë emëruar muajt e fundit.

Duke qenë se “shënjestra” e këtij aksioni politik të kryeministrit Edi Rama, janë drejtuesit e vjetër të administratës vendore. Në bashkinë e Fierit ende nuk janë dhënë dorëheqjet e dy nënkryetareve Baso Bregu dhe Suela Prifti, por është përzgjedhur emri i ri për këtë post. Behet fjalë për Nustret Avdulla, ish-deputet i PDIU , i cili iu bashkua PS pas zgjedhjeve të përgjithshme parlamentare të vitit 2021.

Po ashtu edhe pranë drejtorisë së burimeve njerëzore në bashkinë e Durrësit janë depozituar dorëheqjet e të gjithë drejtorëve në varësi nga bashkia.

The post Urdhrat e Ramës, nisin dorëheqjet e drejtorëve në Fier appeared first on Lapsi.al.

Burime nga selia rozë në Fier thanë se në mbledhjen ku kryeministri kërkoi dorëheqjen e drejtuesve vendorë, sqaroi se emërimet e bëra pas muajit janar përjashtohen nga ky urdhër.

Në Bashkinë e Fierit kanë nisur dorëheqjet e drejtorëve me përjashtim të atyre të cilët janë emëruar pas muajit janar. Teksa kanë nisur të dorëzohen dorëheqjet në grup pranë kryetarit Armando Subashi, mësohet se disa drejtues nuk do të preken nga reforma e vetëpastrimit.

Kështu në Fier drejtorët e OSHE, kadastrës, tatimeve, nuk do të jenë të detyruar të japin dorëheqjen pasi janë jo vetëm të emëruar muajt e fundit, por janë edhe figura të reja në administrate publike.

Duke qenë se “shënjestra” e këtij aksioni politik të kryeministrit Edi Rama, janë drejtuesit e vjetër të administratës vendore, në Fier tashmë dihet se kush do qëndroje dhe kush ikën. Në bashkinë e Fierit ende nuk janë dhënë dorëheqjet e dy nënkryetareve Baso Bregu dhe Suela Prifti, por është përzgjedhur emri i ri për këtë post. Behet fjalë për Nustret Avdulla, ish-deputet i PDIU , i cili iu bashkua PS pas zgjedhjeve të përgjithshme parlamentare të vitit 2021.

The post Drejtuesit e vjetër “shënjestra” e Kryeministrit/ Nisin dorëheqjet e drejtorëve në Fier, përjashtohen emërimet e… appeared first on Sot News | Lajme.

Dhëndri i Sali Berishës, Jamarbër Malltezi tregoi sot për herë të parë, se pas disfatës së 11 majit i kërkoi kreut të PD që të dorëhiqej. Në një intervistë për “Breaking” në Top News, Malltezi tha se edhe Berisha fillimisht kishte ndërmend të jepte dorëheqjen nga lidershipi i PD, por sipas tij, kur pa se çfarë ndodhi me zgjedhjet, nuk hoqi dorë. Malltezi pranoi se brenda PD ka zëra që kërkojnë lidership të ri, dhe sipas tij kjo është pozitive.

“Është gjë e mirë që brenda PD ka zëra për lidership të ri, tregon që PD është demokratike ku secili thotë atë që mendon, ndryshe nga partia tjetër, që i shkarkon me gisht të gjithë drejtorët e gjithë drejtorive duke i bërë atentat kushtetutës dhe konventave Europiane.

PD u gjuajt që të vritej, jo të dobësohej, i morën peng logon vulën e financat, E sulmuan dhe i burgosën liderët. Ka kaluar në procese vrastare. PD pas gjithë këtyre proceseve ka një lidership që do ketë nevojë të bëjë analizë dhe të gjitha me radhë. PD do futet në proces analize dhe rizgjedhjeje.

Fill pas zgjedhjeve i kam thënë vetë Berishës që nuk ja vlen më se është lodhje, ai vetë po e shihte… shqiptarët nuk e duan këtë dhe duhet të japi dorëheqjen. Por kur dolën faktet dhe dokumentet e vjedhjeve, rastet e tmerrshme nga krimet zgjedhore… Berisha e ka dhënë dorëheqjen në 2013 kur kuptoi që shqiptarët nuk e pranuan, ishte krejt normale. Berisha do priste numërimin dhe mund ta bënte, por dolën faktet që tregoi kriminalizimin e votës së diasporës.

Ne kemi treguar që jemi kundër partisë shtet. Në 10 vite sa ishte Basha, thjesht e kemi ndihmuar PD pa asnjë interes. Berisha e mori sepse PD ishte marrë peng dhe ishte kthyer monedhë këmbimi. Berishës ia mbushën stadiumin, na bëri të uleshim bashkë. Unë nuk kam ambicie politike por për çfarëdo lloj pozicioni jam i gatshëm. Jam kundër Partisë Komuniste dhe do jem kundër Ramës gjithmonë”, – tha ndër të tjera Malltezi. /TCH

The post Malltezi: Pas 11 majit i thashë Berishës të dorëhiqej, por më pas… appeared first on Lapsi.al.

Ish-zv/kryeministrja, dhe ish-ministrja e Jashtme e Kosovës, u shpreh se, Kosova po largohet nga harta e rajoni dhe Europë dhe po ngel pas në zhvillimet politike.

Politikania e njohur nga Kosova Edita Tahiri, gjatë një interviste televizive ka deklaruar se, kriza politike në Prishtinë, po ndikon shumë në zhvillimet rajonale dhe Europiane.

Edita Tahiri:

‘Ligji në Kosovë, ndryshon nga Shqipëria.

Në Shqipëri mund të jesh edhe deputet edhe qeveritar njëkohësisht, kurse në Kosovë e kemi ndryshuar këtë gjë para dy vitesh, nuk mund të jesh njëkohësisht edhe deputet dhe qeveritar.

Kurti me gjithë ministrat e vet që po vazhdojnë punën me këtë qeveri në detyrë, po shkelin Kushtetutën e Kosovës.

Kurti duhej të jepte dorëheqje nga deputet dhe të udhëhiqte qeverinë. Ne tani jemi një vakum në parlament dhe vakum në qeveri.

Në kohën kur ka qenë ngërçi dhe unë kam qenë në koalicion me Thaçin, në atë kohë nuk e kemi pasur ligjin që ndalonte të qenit deputet dhe qeveri. Në atë kohë ka qenë në rregull.

Ne bëmë ligjin që nuk mund të jesh me dy funksione. Kandidatja Albulena Haxhiu edhe ministre e Drejtësisë edhe si politikane, aq e varur nga shefi.

Me këtë rast jo vetëm goditi veten, por edhe gratë, sepse kur gratë po marrin detyra politike dhe po i dëgjojnë shefat politikë, po e dëmtojnë perspektivën e grave për fuqizim.

Në këtë kohë kur kemi hyrë në një epokë gjeopolitike, por një epokë që po vendos një paradigmë të re për paqen, Kosova ka mbetur mbrapa rrjetave ndërkombëtare.

Ne jemi shtet i vogël, por kemi aleatin e fortë, Amerikën. Kur aleati të shikon se nuk mund të formosh një qeveri, nuk ka kohë me neve.

Jemi duke humbur shumë nga dinamikat e rëndësishme që po zhvillohen, ne jemi jashtë hartës, shtet i vogël sa edhe Shqipëria. Por në kuptimin rajonal ne as nuk kishim humbur shanse të ndryshme.

A u mbaj prap Këshilli i Europës, a ishte prap mundësia për të lobuar që Kosova të bëhet anëtare. A u mbajtën takime rajonale, Kosova po prezantohet me presidente. Pse? Në mungesë të kryeministrit. E kush është ekzekutivi, kush e ka pushtetin ekzekutiv në një shtet? Kryeministri. Dhe kryeministri jonë është kërkun.

Kosova dhe Shqipëria jemi askund. Zgjedhjet në Kosovë, nuk uroi Trump. Zgjedhjet as në Shqipëri nuk ja uroi fitoren. Jemi sinqerisht në një situatë shumë të rëndë si komb, si dy shtete’.

The post “Kurti duhej të jepte dorëheqje “/ Situata politike në Kosovë reagon Tahiri: Kriza po e nxjerr Kosovën nga harta e… appeared first on Sot News | Lajme.

Mungesa e udhëheqësit suprem, ajatollah Ali Khamenei, nga syri i publikut gjatë luftës Izrael-Iran mund të jetë një moment përcaktues për udhëheqjen e tij dhe të ardhmen e Republikës Islamike.

Përderisa kryeministri izraelit, Benjamin Netanyahu, ishte gjithë kohës i pranishëm në publik – duke bërë përditë deklarata dhe duke treguar vendosmëri – Khamenei, komandanti i përgjithshëm i Iranit, pothuajse nuk u pa fare nga publiku, pasi ai publikoi vetëm dy video-mesazhe gjatë konfliktit. Një prej tyre thuhet se është incizuar në një bunker.

Teksa video-mesazhi i tretë u shfaq pas armëpushimit, debati mbi ndikimin e sjelljes së tij gjatë luftës është thelluar si në mesin e ekspertëve, ashtu edhe në opinionin publik iranian.

U fsheh për të mbijetuar
Zhdukja e Khameneit nga skena publike nuk lidhet thjesht me stilin e tij të udhëheqjes. Ajo është nxitur drejtpërdrejt nga raportimet se ai ishte në krye të listës së Izraelit për eliminim.

Ministri i Mbrojtjes i Izraelit, Israel Katz, publikisht ka konfirmuar se Izraeli në mënyrë aktive synonte vrasjen e udhëheqësit suprem iranian gjatë konfliktit, por nuk mund ta vriste pasi ai ishte “fshehur shumë thellë nën tokë”, që nënkuptoi se Izraeli “nuk pati mundësi operative” për të kryer një atentat ndaj tij.

Kërcënimi ishte aq serioz, saqë Khamenei raportohet se pezulloi çdo komunikim elektronik dhe u mbështet vetëm te ndihmësit e tij më të besueshëm. The New York Times ka raportuar se ai madje kishte caktuar se kush do të merrte postin e tij në rast se do të vritej.

Udhëheqja nën sulm?
Ky nivel i kërcënimit dhe mënyra se si reagoi Khamenei ndikuan ndjeshëm në perceptimin për udhëheqjen e tij.

“Ajatollah Khamanei ishte përgjegjës si për sjelljen e kësaj katastrofe mbi regjimin e tij, po ashtu edhe për shpëtimin e tij në një moment rreziku”, tha për Radion Evropa e Lirë, Ali Vaez, drejtor i programit për Iranin në Grupin Ndërkombëtar të Krizave.

Sulmi fillestar izraelit eliminoi një sërë komandantësh të ushtrisë së Iranit dhe ekspozoi “dobësi serioze strukturore brenda udhëheqjes dhe aparatit të sigurisë së Iranit”, tha Vaez.

Këto pengesa, të përforcuara edhe nga dëmet në arsenalin raketor të Iranit, programin bërthamor dhe bashkëpunëtorët rajonalë, e kanë futur doktrinën strategjike të Republikës Islamike në një kaos.

“Përderisa Khamenei i ka mbijetuar konfliktit, si fizikisht ashtu edhe politikisht, trashëgimia e tij është shkatërruese për shtetin”, argumentoi Vaez.

Megjithatë, disa shohin nuanca në mënyrën se si Khamenei e menaxhoi krizën.

Raz Zimmt, drejtor për Iranin në Boshtin Shiit në Institutin për Studime të Sigurisë Kombëtare, me seli në Tel Aviv (INSS), vuri në pah se pavarësisht tronditjes fillestare dhe humbjes të komandantëve të lartë, Khamanei arriti që shpejt të emëronte pasardhësit – një arritje organizative që “nuk është aspak e lehtë”, veçmas duke pasur parasysh shkallën e këtyre humbjeve.

“Pavarësisht befasisë, pavarësisht tronditjes, që sigurisht rriti paranojën e tij, mendoj se ai në fakt ai arriti të emërojë pasardhës në më pak se 24 orë”, tha Zimmt për Radion Evropa e Lirë.

Sipas tij, kjo aftësi për të ruajtur kontrollin përballë kaosit, e ka mbrojtur përkohësisht Khamenein që autoriteti i tij të mos sfidohet në mënyrë të drejtpërdrejtë.

“Do të jetë edhe më e vështirë të vihet në dyshim autoriteti i tij në të ardhmen e afërt, kryesisht për shkak se ai është i rrethuar me komandantë që kanë më pak përvojë”.

Forcimi i rolit të Gardës Revolucionare
Megjithatë, ky episod ka forcuar më shumë rolin e Korpusit të Gardës Revolucionare Islamike.

Vaez theksoi se “çdo tronditje që i është shkaktuar Republikës Islamike nga jashtë… historikisht ka kontribuar në zgjerimin e rolit të Gardës Revolucionare brenda sistemit”.

Garda Revolucionare ka dalë nga kjo krizë si shtylla kurrizore e establishmentit politik, duke mbushur shpejt boshllëqet në komandë dhe duke e pozicionuar veten si institucion i pazëvendësueshëm për mbijetesën e Iranit.

Zimmt u pajtua, duke argumentuar se “nuk shoh asnjë tjetër që mund ta zëvendësojë Gardën Revolucionare si elementin kryesor brenda elitës iraniane që mund të ofrojë siguri dhe të mbështesë ekzistencën e regjimit”.

Megjithatë, kostot strategjike të luftës me gjasë do të ngrenë pyetje të vështira në muajt e ardhshëm të cilat kanë të bëjnë “me shqetësimet për paaftësinë e Iranit për të ruajtur aftësinë parandaluese përballë Izraelit dhe SHBA-së”.

Por, ai shtoi se “mendoj që për aq kohë sa [Khamenei] është aty, dhe për aq kohë sa nuk ka arsye që ai të pensionet, Garda Revolucionare do ta mbështesë atë… dhe pastaj do të përgatitet për ditën kur të vijë pasardhësi i tij”.

Ndryshimi i balancës së pushtetit

Të dy ekspertët ranë dakord se edhe pse një grusht shteti ka pak të ngjarë të ndodhë në terma afatshkurtër, ndikimi i Gardës Revolucionare pritet të rritet gjithnjë e më shumë, veçmas pasi mosha e shtyrë e Khameneit ngre pikëpyetje për pasardhësin e tij.

Vaez paralajmëroi se Garda Revolucionare “po afrohet ngadalë drejt shqyrtimit të udhëheqjes fetare më shumë si një barrë sesa si një aset”.

Ndërkaq, Zimmt u shpreh se nuk sheh asnjë sinjal për një ndryshim të afërt të drejtimit strategjik të Iranit, as nën Khamenein dhe as nën pasardhësin e tij, diçka, që sipas tij, i përshtatet shumë mirë Gardës Revolucionare.

Pra, përderisa ka pak të ngjarë që të ketë sfida të menjëhershme ndaj sundimit të Khameneit, roli qendror i Gardës Revolucionare vetëm është rritur për shkak të luftës me Izraelin, e cila ka nxitur pyetje dhe përplasje të pushteteve që do të formësojnë të ardhmen e Republikës Islamike./ REL

The post Analiza/ Udhëheqja e Iranit drejton nga bunkeri, çfarë do të thotë për të ardhmen e shtetit? appeared first on Sot News | Lajme.

Gjyqtarja Elsa Ulliri ka paraqitur kërkesën për dorëheqje nga gjykimi i dosjes “Partizani”. Mësohet se dorëheqja është paraqitur te drejtuesi i GJKKO, Erion Bani prej 10 ditësh. Ajo argumenton si arsye se është kushërirë me deputeten demokrate Andia Ulliri.

Elsa Ulliri ishte caktuar gjyqtare relatore, ndërsa anëtarë janë Bib Ndreca dhe Rudina Palloj. Në orën 10:00 nis seanca në themel ku pritet të mësohet edhe vendimmarrja mbi kërkesën e gjyqtares. Nuk dihet nëse është pranuar apo jo kërkesa.

The post Dosja Partizani, gjyqtarja Ulliri kërkon dorëheqjen: Jam kushërirë me deputeten e PD appeared first on Lapsi.al.

Evi Kokalari, aktivistja shqiptaro-amerikane, e cila nga një mbështetëse e Sali Berishës është kthyer në një kundërshtare të tij, herë pas here thumbon me postime në rrjetet sociale. Pas zgjedhjeve të 11 majit, Kokalari ka kërkuar largimin e Berishës si kryetar të PD-së, madje e akuzon kreun demokrat se qëndrimi i tij në këtë funksion mban në pushtet Edi Ramën. Herë pas here Kokalari akuzon Berishën për pazare me Ramën, ndërsa së fundmi duket se po mat pulsin me garën për kreun e PD-së.

“E dha dorëheqjen Berisha dhe nëse po, kur është gara për kryetar të PDsë? Më informoni ju lutem!!”, është postimi i fundit i aktivistes Evi Kokalari.

Në jo pak raste Kokalari ka thënë se mund të hyjë në një garë për kreun e PD-së, për të cilën thotë se nuk është një parti konservatore, sikundër mundohen të hiqen ata që sot janë në krye të partisë më të madhe opozitare.

The post “E dha dorëheqjen Berisha?”/ Kokalari ‘ndez’ demokratët: Kur është gara për kreun e PD appeared first on Sot News | Lajme.

ATHINË, 27 qershor /ATSH/- Pesë zyrtarë të lartë të qeverisë greke, përfshirë një ministër dhe tre zëvendësministra dhanë dorëheqjen sot pas akuzave për përfshirje në korrupsion mbi keqmenaxhimin e subvencioneve bujqësore të Bashkimit Evropian, sipas AP.

Çështja rrjedh nga keqmenaxhimi i supozuar i subvencioneve të BE-së për bujqësinë midis viteve 2019 dhe 2022 nga një agjenci qeveritare, e njohur me akronimin grek OPEKEPE, e ngarkuar me trajtimin e fondeve.

Sipas Zyrës së Prokurorit Publik Evropian, një numër i konsiderueshëm individësh morën subvencione përmes agjencisë bazuar në deklarata të rreme, duke përfshirë pretendimet për zotërim ose dhënie me qira të kullotave që në fakt ishin tokë publike.

Zyra e prokurorit dërgoi një dosje të çështjes në parlamentin e Greqisë këtë javë, duke përfshirë akuzat për përfshirjen e mundshme të ministrave të qeverisë në një skemë mashtrimi të organizuar.

Anëtarët e parlamentit gëzojnë imunitet nga ndjekja penale në Greqi, i cili mund të hiqet vetëm me votim parlamentar.

Në një letër dorëheqjeje drejtuar kryeministrit sot, ministri i Migracionit dhe Azilit, Makis Voridis mbrojti pafajësinë e tij, duke thënë se po jepte dorëheqjen për t’u përqendruar në pastrimin e emrit të tij.

Voridis shërbeu si ministër i Bujqësisë nga mesi i vitit 2019 deri në fillim të vitit 2021.

Kryeministri Kyriakos Mitsotakis pranoi dorëheqjen e tij, si dhe ato të zëvendësministrave të Punëve të Jashtme, Bujqësisë dhe Ushqimit, dhe Qeverisjes Digjitale, dhe të sekretarit të përgjithshëm të Bujqësisë dhe Ushqimit.

Komisioni Evropian njoftoi këtë muaj se do të ulte shumën e subvencioneve bujqësore për Greqinë me 5%, në një total prej 392 milionë eurosh.//a.i/

The post ATHINË – Ministrat grekë japin dorëheqjen pas skandalit të subvencioneve bujqësore të BE-së appeared first on Agjencia Telegrafike Shqiptare.

Kreu e demokratëve, Sali Berisha ka komentuar zgjedhjet e pjesshme në disa bashki të vendit, kryetarët e të cilave dhanë dorëheqje për t’u bërë deputetët. Berisha tha se zgjedhjet e pjesshme lokale pritet të jenë një tjetër farsë, pasi sipas tij me kryeministrin aktual, nuk ka zgjedhje. “Do të zhvillohet farsa e radhës. Ne themi që do të zhvillohet farsa e radhës. Me Edi Ramën ka vetëm farsë, kjo është e vërteta”, tha Berisha.

Ai është pyetur nga gazetarët nëse do ta zbatojë statutin e PD, në pikën e dorëheqjes së kryetarit në rast të humbjes së garës elektorale. Berisha u shpreh se statute i PD bën fjalë për rastet kur zgjedhjet realizohen të lira dhe jo kur ato janë një farsë. “Statuti bën fjalë për zgjedhje, jo për farsë. Të lutem mos e keqinterpreto statutin.

Nëqoftëse statuti do shkruante për farsë dhe unë mund të jap dokumente origjinale që dëshmojnë se vetëdijen e Sali Berishës për farsën, pra nëse unë do kisha shkrojtur farsë, unë jam dakord me ty, por nuk kam shkruar farsë, por zgjedhje.

Jo farsë, farsa është kryesorja. Farsa. Sepse unë mund të nxjerr dokumente në të cilat me qartësi të madhe kam folur për farsa gjatë këtyre viteve. Pra nuk është se i mungonte fjalorit tim politik nocioni farsë. Nuk mund të më mungonte, kurrsesi”, u shpreh Berisha.

The post A do e zbatojë ‘nenin’ e dorëheqjes? Berisha: Statuti bën fjalë për zgjedhje, jo për farsë appeared first on Sot News | Lajme.

Pas më shumë se dy dekadash në krye të klubit durrsak, Edmond Hasanbelliu ka vendosur të largohet nga posti i presidentit të Teutës. Përmes një njoftimi zyrtar, klubi konfirmoi dorëheqjen e tij, duke mbyllur një kapitull të gjatë prej 26 vitesh në krye të skuadrës. Ai mbetet figura më jetëgjatë në historinë e Superiores në këtë rol.

Një rrugëtim i gjatë me mbi 1100 ndeshje

Hasanbelliu mori drejtimin e Teutës në janar të vitit 1999 dhe që nga ajo ditë nuk u ndal së kontribuari për klubin e qytetit të tij. Nën drejtimin e tij, skuadra zhvilloi më shumë se 1100 takime zyrtare, duke e bërë atë presidentin me më shumë ndeshje të drejtuara në futbollin shqiptar. Kjo përvojë e gjatë dhe konsistente e vendos në një pozicion unik në historinë e sportit kombëtar.

Deklarata e dorëheqjes: Falënderim dhe besim për të ardhmen

Në fjalët e tij të fundit si president, Hasanbelliu shprehu mirënjohje për të gjithë bashkëpunëtorët ndër vite. “Me keqardhje njoftoj dorëheqjen time. Pas një periudhe të gjatë përkushtimi, kam vendosur të hap një kapitull të ri në jetën time profesionale dhe personale,” u shpreh ai. Megjithatë, theksoi se do të ruajë një lidhje të fortë emocionale me klubin dhe njerëzit që ka njohur në këtë rrugëtim.

Kulmi i arritjeve: Titulli kampion dhe trofetë e tjerë

Nën udhëheqjen e presidentit Hasanbelliu, Teuta përjetoi një nga periudhat më të suksesshme në historinë e saj. Kulmi i këtij suksesi u arrit në sezonin 2020/21, kur skuadra u shpall kampione e Shqipërisë. Përveç titullit kampion, Teuta fitoi edhe tri herë Kupën e Shqipërisë dhe dy herë Superkupën, duke ndërtuar një palmares të lavdishëm.

Trashëgimia e një drejtuesi vizionar

Dorëheqja e presidentit Hasanbelliu shënon një ndërrim epokal për Teutën dhe futbollin shqiptar në tërësi. Trashëgimia e tij mbetet e lidhur ngushtë me zhvillimin e klubit, sukseset sportive dhe stabilitetin institucional që ofroi për më shumë se një çerek shekulli. Në historinë e Superiores, ai do të mbetet si simbol i vazhdimësisë dhe përkushtimit.

The post Fundi i një epoke, Hasanbelliu dorëhiqet nga Teuta: “Jam gati për një kapitull të ri” appeared first on Lapsi.al.

Shefi i komisariatit të Himarës, Neritan Buzi, ka dhënë dorëheqjen nga detyra këtë të shtunë. Nuk dihen ende arsyet se pse Buzi dha dorëheqjen nga drejtimi i komisariatit të Himarës. U raportua se Neritan Buzi pas dorëheqjes është transferuar në policinë e Qafë Botës.

The post Jep dorëheqjen shefi i Komisariatit të Himarës appeared first on BoldNews.al.

Komandanti i Gardës së Republikës, Ermal Onuzi, ka dorëzuar dorëheqjen nga posti i tij. Lajmi konfirmohet nga burime të mediave, teksa ende nuk dihen arsyet e dorëheqjes së tij. Ermal Onuzi qëndroi në këtë post për më pak se në një vit, teksa u emërua në shtator të vitit të kaluar, kur zëvendësoi në krye […]

The post Më pak se një vit në krye të Gardës, jep dorëheqjen Ermal Onuzi appeared first on BoldNews.al.

Situata te Serbia nuk shfaqet aspak e qetë, para ndeshjes me Kombëtaren shqiptare. Në qendër të kritikave është vendosur trajneri Dragan Stojkoviç, për listën e përzgjedhur.

Stojkoviç nuk është kursyer aspak në konferencë për shtyp. Këtë herë ka folur me emra të përveçëm, pas kritikave që ka dëgjuar. Gjithçka nisi me portierin e Romës dhe ftesën e munguar ndaj tij.

“Është në dorën e Svilarit, jo në timen. Mos prisni që të shkoj në Romë, mund të dal për ndonjë drekë, për një kafe, të shikoj një ndeshje, por të shkoj të lus dikë, kjo nuk do të ndodhë. Jo vetëm për Svilarin, por askënd.

Keni bërë gabime. Shumë mirë, gjithë të mirat, secili ka të drejtë të marrë vendimet e veta. Është në dorën e tij të pranojë nëse ka dëshirë. Atëherë tha se donte t’i përkushtohej klubit të vet sepse kishte mundësi të futej si portier titullar, deshi të përqendrohej aty. E shfrytëzoi mundësinë dhe më vjen shumë mirë për këtë.

A jam unë problemi? Menjëherë pas kësaj konference jap dorëheqjen. Ndoshta jo menjëherë, por nesër, nëse kjo është e vërtetë. Por mendoj që nuk është e vërtetë. Këta janë lojtarë që panë që nuk ka vend për ta dhe pastaj thonë “Unë po tërhiqem”.

Ekipi ndryshon, lojtarët thirren sipas meritës. Mendoni që Lazoviçi nga Verona, që çdo vit lufton për të mos rënë nga liga, është ajo që i duhet Serbisë? Dmitroviç? Portier i shkëlqyer, por vendosa për Petroviçin. Kam gabuar? Jo, nuk kam. Dhe cili është problemi? Dmitroviçi është i zemëruar? Edhe unë jam i zemëruar që nuk e fituam ndeshjen kundër Sllovenisë.

Përmendët Radonjiçin. Cili është problemi? Nuk e dua? Nuk më është simpatik? Nuk më pëlqen modeli i flokëve të tij? Ai po e shkatërron veten, po e shkatërron Zvezdën, po e shkatërron përfaqësuesen, ose po vetëshkatërrohet. Ky është problemi i tij. Dhe doni të më thoni që e meriton të jetë në kombëtare? Si të ishim të gjithë të çmendur.

Po flas hapur… për disa lojtarë nuk dua të përmend emra, ajo që luajnë nuk ka lidhje me realitetin. Çfarë ofron që të jesh këtu? Në bazë të çfarë? Unë tani thërras Radonjiçin dhe më pyesni pse e thirra, çfarë të them? T’ju gënjej: ‘E dini, ai sprinti kundër Shtutgartit…?’ Nuk luhet për një sprint.

Gjithçka është sipas meritës, le të zemërohen me mua sa të duan, kjo është puna e tyre, gjithmonë do të zemërohen ata që nuk luajnë. Për aq kohë sa jam unë këtu, unë do të vendos kush do të luajë. Është detyra e lojtarëve të tregojnë dhe të vërtetojnë se kam pasur të drejtë që i kam thirrur. Përgjegjësia është e madhe dhe duhet ta kuptojnë këtë”, u shpreh Stojkoviç ndër të tjera.

The post Trajneri i Serbisë shpërthen në konferencë, sulmon lojtarët para ndeshjes me Shqipërinë: Jap dorëheqjen menjëherë nëse… appeared first on Sot News | Lajme.

Tedi Blushi, Këshilltari në Këshillin Bashkiak të Tiranës, ka paraqitur zyrtarisht dorëheqjen nga mandati i tij si këshilltar bashkiak. Tedi Blushi ka qenë një nga figurat publike aktive të Partisë së Lirisë dhe i angazhuar në çështje të administrimit vendor në kryeqytet.

Në një shkresë zyrtare drejtuar Këshillit Bashkiak të Tiranës, për dijeni edhe Kryekomisionerit Shtetëror të Zgjedhjeve, Ilirjan Celibashi, Blushi deklaron se vendimi vjen si pasojë e kualifikimit të tij si deputet në listën fituese të Qarkut Tiranë në zgjedhjet e 11 majit 2025.

“Pasi u kualifikova në listën fituese të Qarkut Tiranë si deputet në Kuvendin e Shqipërisë, paraqes kërkesën time për dorëheqje nga mandati i anëtarit të Këshillit Bashkiak Tiranë”, shkruan Blushi në letrën me datë 30 maj 2025.

The post Zbardhet shkresa/ Pas zgjedhjes deputet, Tedi Blushi jep dorëheqjen nga Këshilli Bashkiak i Tiranës appeared first on Sot News | Lajme.