Një gjykatë në Moskë të hënën ka nisur procesin gjyqësor ndaj të akuzuar për përfshirje në sulmin e vitit të kaluar në sallën e koncerteve të Moskës, në të cilin kanë vdekur 149 persona.

Sulmi në sallën “Crocus” të Moskës më 22 mars 2024 ishte më i keqi në Rusi prej vitesh. Mbi 600 u plagosën, raporton AP.

Një fraksion i grupit të Shtetit Islamik ka marrë përgjegjësinë për masakrën në të cilën persona të armatosur qëlluan njerëzit që po prisnin një shfaqje nga një grup i njohur roku dhe më pas i vunë flakën ndërtesës.

Presidenti i Rusisë, Vladimir Putin, dhe zyrtarët e tij kanë pohuar vazhdimisht, pa paraqitur prova, se Ukraina kishte një rol në sulm. Kievi ka mohuar fuqimisht çdo përfshirje.

Të hënën, një gjykatë ushtarake në Moskë ka nisur gjyqin e 19 të dyshuarve të akuzuar për përfshirje.

Ata përfshinin katër të dyshuar për të shtëna, të gjithë të identifikuar si qytetarë të Taxhikistanit, të cilët u arrestuan disa orë pas sulmit. Menjëherë pas arrestimit të tyre, ata u paraqitën në një gjykatë të Moskës me shenja të rrahjeve të rënda.

Komiteti Hetues ka njoftuar më parë këtë vit se gjashtë të dyshuar të tjerë ishin akuzuar në mungesë dhe ishin vendosur në listën e të kërkuarve të Rusisë për rekrutimin dhe organizimin e trajnimit të katër prej autorëve të dyshuar. Komiteti ka thënë se qëllimi i sulmit ishte “destabilizimi i situatës në Rusi”./REL

GAZA, 31 korrik /ATSH/ – Më shumë se 50 palestinezë u vranë dhe 400 të tjerë u plagosën ndërsa prisnin ushqim pranë një kalimi në veri të Gazës, thonë burime të  një spitali, ndërsa i dërguari special i SHBA-së Steve Witkoff mbërriti në Izrael, sipas BBC-së.

Pamjet filmike treguan viktima nga incidenti pranë kalimit Zikim duke u çuar me karroca në spitalin al-Shifa në qytetin e Gazës.

Agjencia e Mbrojtjes Civile e drejtuar nga Hamasi në Gaza tha se forcat izraelite qëlluan mbi turmat e mbledhura rreth kamionëve me ndihma. Ushtria izraelite tha se trupat qëlluan “të shtëna paralajmëruese”, por se “nuk ishte në dijeni të ndonjë viktime”.

Witkoff do të takohet me zyrtarë izraelitë të cilët po shqyrtojnë masa ndëshkuese kundër Hamasit pasi bisedimet për armëpushim dhe lirimin e pengjeve ngecën javën e kaluar.

Ai gjithashtu thuhet se do të vizitojë vendet e shpërndarjes së ndihmave të drejtuara nga Fondacioni Humanitar i Gazës (GHF) i mbështetur nga Izraeli dhe SHBA-të, mes zemërimit ndërkombëtar në rritje për situatën e rëndë humanitare në territorin palestinez.

Ministria e shëndetësisë e Gazës  raportoi shtatë vdekje të tjera të lidhura me kequshqyerjen, duke e çuar totalin në 154 që nga fillimi i luftës.

Kjo ndodhi një ditë pasi ekspertët globalë të sigurisë ushqimore të mbështetur nga OKB-ja paralajmëruan se “skenari më i keq i urisë” “po ndodh aktualisht” midis popullsisë prej 2.1 milionë banorësh.

Agjencitë e OKB-së kanë thënë gjithashtu se ka uri masive  në Gaza dhe kanë fajësuar Izraelin, i cili kontrollon hyrjen e të gjitha furnizimeve nëyonë. Por Izraeli ka këmbëngulur se nuk ka kufizime në shpërndarjen e ndihmës dhe se “nuk ka uri”.

Pavarësisht kësaj, katër ditë më parë zbatoi masa që, sipas saj, synojnë të ndihmojnë OKB-në dhe partnerët e saj të mbledhin ndihmë nga kalimet dhe ta shpërndajnë atë brenda Gazës, duke përfshirë “pauza taktike” të përditshme në operacionet ushtarake në tre zona dhe krijimin e asaj që i quan “korridore të caktuara humanitare”. /Ad.Ab./

The post GAZA – Mbi 50 të vdekur dhe 400 të plagosur pas sulmeve izraelite appeared first on Agjencia Telegrafike Shqiptare.

Të paktën 18 refugjatë kanë humbur jetën dhe rreth 50 të tjerë konsiderohen të zhdukur, pasi një varkë u mbyt pranë brigjeve të Tobrukut gjatë fundjavës. Lajmi u bë i ditur nga Organizata Ndërkombëtare për Migracionin (IOM), e cila citon burime lokale për këtë ngjarje tragjike. Deri më tani, dhjetë persona janë shpëtuar nga autoritetet. […]

The post Pëmbytet varka me refugjatë në Detin Mesdhe, 18 të vdekur dhe dhjetëra të zhdukur appeared first on BoldNews.al.

Të paktën 60 persona kanë humbur jetën nga një zjarr i madh që përfshiu një qendër tregtare pesëkatëshe në qytetin Kut të Irakut, bëjnë me dije zyrtarët lokalë. Zjarri shpërtheu mbrëmjen e së mërkurës në qendrën tregtare “Corniche Hypermarket”, e cila ishte hapur vetëm një javë më parë.

Pamjet e shpërndara në rrjetet sociale tregojnë zjarrfikës duke shpëtuar njerëz nga çatia e ndërtesës, ndërsa mediat shtetërore raportojnë se shumë persona ende rezultojnë të zhdukur. Guvernatori i rajonit, Mohammed al-Miyahi, e cilësoi ngjarjen si një “tragjedi dhe fatkeqësi”, duke paralajmëruar ndjekje penale ndaj pronarit të qendrës tregtare. Në nderim të viktimave, janë shpallur tre ditë zie.

Flakët përfshinë disa kate të qendrës, ndërsa zjarrfikësit luftonin për orë të tëra për shuarjen e tyre. Deri në orën 04:00 të mëngjesit, ambulancat vijonin të transportonin të plagosur drejt spitaleve në qytetin që ndodhet rreth 160 kilometra në juglindje të Bagdadit.

Sipas Ministrisë së Brendshme të Irakut, nga zjarri kanë humbur jetën 61 persona, shumica prej të cilëve kanë ndërruar jetë nga asfiksia në banjot e qendrës. Deri më tani, janë identifikuar vetëm një pjesë e viktimave, pasi 14 trupa janë gjetur tërësisht të karbonizuar. Ndërkohë, 45 persona janë shpëtuar nga ndërtesa nga ekipet e zjarrfikësve.

“Na ka goditur një katastrofë,” rrëfen për AFP Nasir al-Quraishi, një mjek në të pesëdhjetat, i cili humbi pesë anëtarë të familjes së tij në zjarr. “Shkuam në qendër për të darkuar dhe për t’i shpëtuar ndërprerjeve të energjisë elektrike në shtëpi. Një kondicioner shpërtheu në katin e dytë dhe menjëherë shpërtheu zjarri. Nuk mundëm të iknim.”

Ali Kadhim, 51 vjeç, ka kërkuar të afërmit e tij, kushëririn, bashkëshorten dhe tre fëmijët e tyre – në spitalin kryesor dhe në vendngjarje, por ende nuk ka informacion për fatin e tyre.

Ndërsa Moataz Karim, 45 vjeç, ka identifikuar trupat e dy të afërmve të tij, njëri prej të cilëve kishte nisur punë në qendër vetëm tre ditë më parë. “Këtu nuk kishte asnjë sistem për shuarjen e zjarrit,” tha ai për AFP, ndërsa priste informacione për një të tretë të zhdukur jashtë Institutit të Mjekësisë Ligjore.

Kryeministri i Irakut, Mohammed Shia al-Sudani, ka shprehur ngushëllimet për familjet e viktimave dhe ka urdhëruar nisjen e menjëhershme të hetimeve për shkaqet e zjarrit. Ai ka kërkuar gjithashtu të evidentohen të gjitha mangësitë dhe të ndërmerren masa të rrepta për të parandaluar përsëritjen e ngjarjeve të tilla.

Sipas autoriteteve, qendra tregtare përfshinte edhe një restorant dhe ishte hapur vetëm një javë më parë. Ngjarja rikthen në vëmendje shqetësimet për mungesën e standardeve të sigurisë në ndërtesat publike në Irak, një vend që përballet prej dekadash me keqmenaxhim dhe korrupsion.

Kujtojmë se në vitin 2023, mbi 100 persona humbën jetën nga një zjarr në një dasmë në veri të Irakut, ndërsa në vitin 2021, mbi 90 persona vdiqën pas një zjarri në repartin e izolimit për pacientët me Covid në qytetin Nasiriya./abcnews.al

ISLAMABAD, 15 korrik /ATSH-DPA/ – Më shumë se 100 persona kanë humbur jetën gjatë javëve të shirave të rrëmbyeshëm të musoneve dhe përmbytjeve të menjëhershme në Pakistan, thanë sot zyrtarët, mes paralajmërimeve për mot më të keq që e pret kombin e Azisë Jugore.

”Shirat që filluan nga veriperëndimi në qershor tani janë përhapur në të gjithë vendin, duke shkaktuar përmbytje të menjëhershme dhe duke shkaktuar përmbytje të qyteteve”, tha Agjencia Kombëtare Kundër Fatkeqësive.

”Shumica e 100 vdekjeve të regjistruara u shkaktuan nga shembja e çative dhe mureve, ndërsa strukturat e vjetra u shembën pas javësh shirash të rrëmbyeshëm”, tha agjencia në përditësimin e fundit  dje në mbrëmje.

”Më shumë se 200 persona u plagosën, shumica në provincën qendrore të Punjabit, ku rrugët dhe shtigjet në disa qytete mbetën nën ujë për orë të tëra të martën”, shtoi ajo./ /Ad.Ab./

The post PAKISTAN – Mbi 100 viktima pas shirave të rrëmbyeshëm appeared first on Agjencia Telegrafike Shqiptare.

Një person ka humbur jetën pas një aksidenti që ndodhi sot në fshatin Nabërgjan të Pejës.

Lajmin e ka konfirmuar për Telegrafin Fadil Gashi, zëdhënës i Policisë së Kosovës për rajonin e Pejës.

The post E rëndë/ Aksident me vdekje, raportohet për 1 viktimë dhe 4 të plagosur (Detajet) appeared first on Sot News | Lajme.

BERLIN, 7 korrik /ATSH-DPA/-  Gjermania regjistroi më shumë se 2 000 vdekje nga drogat ilegale në vitin 2024 për të dytin vit radhazi, sipas shifrave zyrtare – ndërsa ekspertët paralajmëruan për përdorim të opioideve sintetike të rrezikshme.

“Një total prej 2 137 vdekjesh nga droga u regjistruan në të gjithë vendin vitin e kaluar, nga 2 227 në vitin 2023”, tha Hendrik Streeck, Komisioner i Qeverisë Federale për Varësinë dhe Drogat.

Streeck tha se autoritetet duhet të reagojnë ndaj përhapjes së substancave të reja ilegale, veçanërisht në mesin e popullatave të reja.

Sipas tij, vdekjet nga droga janë rritur me 14% nga viti në vit për personat nën 30 vjeç.

Konsumi i përzier është një problem i madh: në 1 707 raste fatale, u zbuluan disa substanca të tilla si, heroina, zëvendësues të opioideve si metodoni, kokaina e fortë dhe amfetaminat.

Pati një rritje të ndjeshme të vdekjeve që lidhen me opioidet sintetike, të cilën Streeck ia atribuoi ndalimit të opiumit të vendosur nga talebanët në Afganistan.

Fushat afgane të lulekuqes janë shkatërruar në shkallë të gjerë, ndërsa opioidet e prodhuara në laborator gjithnjë e më shumë po zënë vendin e tyre.

Streeck tha se opioidet sintetike si nitazen ose fentanil, të cilat mund të jenë deri në 500 herë më të fuqishme, përdoren gjithashtu shpesh si aditivë.

Vdekjet që lidhen me drogën kanë qenë në rritje për vite me radhë. //a.i/

The post GJERMANI – Regjistrohen mbi 2 000 vdekje nga drogat ilegale në vitin 2024 appeared first on Agjencia Telegrafike Shqiptare.

TEKSAS, 7 korrik /ATSH/- Të paktën 81 persona janë konfirmuar të vdekur dhe 41 të tjerë rezultojnë të zhdukur pas përmbytjeve të premten në Teksas, sipas BBC-së.

Shumica e viktimave ishin në Kontenë Kerr, ku një kamp vajzash të krishtera i vendosur buzë lumit u përfshi nga përmbytjet, duke shkaktuar vdekjen e një numri fëmijësh ndërsa shumë të tjerë janë raportuar të zhdukur.

Zona të tjera ku janë regjistruar vdekje përfshijnë kontenë Travis,  kontenë Burnet, kontenë Williamson, kontenë Kendall dhe kontenë Tom Green.

Shifrat po ndryshojnë me shpejtësi ndërsa ekipet e shpëtimit vazhdojnë të kërkojnë për të zhdukurit, dhe zyrtarët thonë se numri i të vdekurve do të vazhdojë të rritet.

Tre ditë pas përmbytjes, një nga përpjekjet më të mëdha të kërkim-shpëtimit në historinë e Teksasit po zhvendoset drejt një operacioni rimëkëmbjeje.

Guvernatori i Teksasit, Greg Abbott tha se autoritetet nuk do të ndalen para asgjëje – për t’u siguruar që çdo person i zhdukur të gjendet.

Katastrofa ndodhi para mengjesit të së premtes, ndërsa lumi u rrit 8 metra në harkun kohor prej 45 minutash, ndërsa shumica e kampistëve ishin duke fjetur.

Disa kampistë të rinj dhe drejtori i kampit, Richard “Dick” Eastland ishin mes të vdekurve.

Ekziston gjithashtu një pasiguri rreth asaj se sa njerëz të tjerë ndodheshin në zonë për fundjavën e 4 korrikut dhe sa prej tyre mund të ishin prekur nga përmbytjet. /Ad.Ab./ /a.i/

The post TEKSAS – Të paktën 81 të vdekur nga përmbytjet appeared first on Agjencia Telegrafike Shqiptare.

Një tragjedi e madhe ka përfshirë Teksasin qendror, ku së paku 78 persona janë konfirmuar të vdekur dhe 41 të tjerë janë ende të zhdukur pas përmbytjeve të mëdha që goditën rajonin të premten.

Gjashtëdhjetë e tetë nga viktimat, përfshirë 28 fëmijë, janë regjistruar në Qarkun Kerr, ku një kamp vajzash buzë lumit u përmbyt.

Deri tani, 10 vajza dhe një këshilltar nga kampi Mystic nuk janë gjetur ende, duke shkaktuar shqetësime të mëdha për fatin e tyre. Zyrtarët paralajmërojnë se numri i viktimave mund të rritet, pasi kërkimet vazhdojnë nën kushte të vështira, me rreziqe si gjarpërinjtë helmues dhe balta e thellë që pengojnë ekipet e shpëtimit.

Në 24 deri në 48 orët e ardhshme, stuhitë e tjera janë të pritura në rajon, çka mund të vështirësojë edhe më shumë operacionet e shpëtimit. Guvernatori i Teksasit, Greg Abbott, tha se autoritetet po bëjnë gjithçka të mundur për të gjetur personat që ende mungojnë, duke shtuar se ishte tmerruese të shihje atë që përjetuan fëmijët e vegjël në kamp.

Përmes një deklarate, Presidenti Donald Trump shpalli gjendje të jashtëzakonshme për Qarkun Kerr, duke aktivizuar Agjencinë Federale të Menaxhimit të Emergjencave (FEMA) për të mbështetur operacionet e shpëtimit. Trump e cilësoi ngjarjen si një tragjedi të tmerrshme dhe premtoi mbështetje të plotë për shtetin.

Në Romë, Papa Leoni XIV u lut për viktimat e përmbytjeve dhe familjet e tyre, duke i ofruar ngushëllim dhe mbështetje shpirtërore.

LEXONI GJITHASHTU:

• Aksident i rëndë në Ukrainë: Përmbyset autobusi, 1 i vdekur dhe 17 të plagosur
• Vrau tre të afërmit e saj me kërpurdha vdekjeprurëse, australianja shpallet fajtore

The post Mbi 70 njerëz të vdekur dhe dhjetëra të zhdukur nga përmbytjet në Teksas appeared first on Euronews Albania.

Të paktën 32 persona kanë humbur jetën ku mes tyre janë 14 fëmijë   si pasojë e përmbytjeve masive që goditën Shtetin e Teksasit  në Shtetet e Bashkuara të Amerikës pasditen e të premtes. Zona më e prekur ishte ajo përgjatë lumit Guadalupe.

Prej më shumë se 24 orësh të paktën 27 vajza nga një Kamp Veror I Krishterë, i cili ishte vendosur në Kerr Country rezultojnë të zhdukura.

Guvernatori i Tekas-it, Greg Abbott, njoftoi në një konferencë për shtyp se operacionet e kërkim-shpëtimit do të vazhdojnë pa ndërprerje gjatë orëve dhe ditëve në vijim. “Burimet për përballimin e kësaj tragjedie janë të pakufizuara,” theksoi ai. Presidenti Donald Trump, gjatë një deklarate nga Air Force One, u zotua për ndihmë federale duke thënë: “Do të kujdesemi për ta.”

Shërbimi Kombëtar i Motit shpalli një emergjencë përmbytjeje për Kerr County, pasi stuhi të fuqishme shkarkuan deri në 30 cm reshje brenda pak orësh.  Zyrtarët shtetërorë kishin paralajmëruar që të enjten për mundësi përmbytjesh, por sasia e reshjeve tejkaloi çdo parashikim. “As radarët nuk e parashikuan këtë,” tha, drejtori i Menaxhimit të Emergjencave në Tekas. Në një moment dramatik, zyrtarët raportuan se lumi Guadalupe u rrit me 8 metra brenda vetëm 45 minutash. Shumë zona banimi, kampe dhe parqe për automjete u dëmtuan rëndë.

Autoritetet Amerikane njoftuan pasditen e kësaj të shtune se kishin evakuuar 850 banorë nga rajonet e prekura. Guvernatori Abbott ka firmosur një dekret për shpalljen e gjendjes së jashtëzakonshme, duke hapur rrugën për ndihmë emergjente federale. Ndërkohë, Garda Bregdetare dhe Agjencia Federale për Menaxhimin e Emergjencave janë angazhuar në terren për të ndihmuar operacionet e shpëtimit dhe evakuimit. Autoritetet lokale mbeten të përqendruara në gjetjen e të zhdukurve dhe ndihmën për të prekurit nga kjo fatkeqësi natyrore  e paprecedentë.

/abcnews.al

Të paktën katër persona kanë humbur jetën dhe dhjetëra të tjerë rezultojnë ende të zhdukur pasi një traget u fundos pranë ishullit turistik të Balit në Indonezi, njoftuan autoritetet të enjten.

Anija, e cila mbante 53 pasagjerë dhe 12 anëtarë të ekuipazhit, u fundos rreth orës 23:20 me orën lokale (15:35 GMT) të mërkurën, ndërsa po udhëtonte nga Banyuwangi, në bregun lindor të ishullit Java, drejt Balit.

Sipas Agjencisë Kombëtare të Kërkimit dhe Shpëtimit në Surabaya, 29 persona janë shpëtuar deri tani, ndërsa operacionet e kërkim-shpëtimit po vazhdojnë në det të hapur për të gjetur të zhdukurit.

Ende nuk është përcaktuar zyrtarisht shkaku i fundosjes, por sipas operatorit të tragetit, anija kishte raportuar probleme me motorin pak para se të zhdukej nga radarët.

Shumica e pasagjerëve të mbijetuar janë banorë të qytetit bregdetar Banyuwangi, ndërsa të tjerë vinin nga zona të ndryshme të ishullit Java, sipas një liste të publikuar nga autoritetet.

Presidenti i Indonezisë, Prabowo Subianto, i cili ndodhet në Arabinë Saudite për një vizitë zyrtare, ka urdhëruar një reagim të menjëhershëm emergjent, duke theksuar rëndësinë e mobilizimit të të gjitha burimeve për kërkim dhe ndihmë.

Ngjarja tragjike ka rikthyer vëmendjen mbi sigurinë detare në arkipelagun indonezian, ku incidentet me anije janë të zakonshme për shkak të standardeve të ulëta të mirëmbajtjes dhe mbingarkesës. Autoritetet kanë premtuar një hetim të plotë për zbardhjen e plotë të rrethanave të fundosjes.

LEXONI GJITHASHTU:

• Izraeli jep dritën jeshile për marrëveshjen e pengjeve, pritet përgjigjja e Hamasit
• Refuzohet lirimi me kusht për këngëtarin Daddy, përballet me 20 vite burg

The post Fundoset trageti në brigjet e Balit, katër të vdekur e dhjetëra të zhdukur appeared first on Euronews Albania.

Të paktën 24 persona, gjysma e të cilëve fëmijë, kanë vdekur në Pakistan nga përmbytjet e menjëhershme ose shembjet e shtëpive të shkaktuara nga shirat e rrëmbyeshëm që nga fillimi i sezonit të musoneve të mërkurën.

“Përmbytjet e rrëmbyeshme vranë 11 persona, përfshirë katër fëmijë dhe tre gra, ndërsa gjashtë persona u plagosën” dje, ndërsa “56 shtëpi u dëmtuan, nga të cilat gjashtë u shkatërruan plotësisht”, tha një raport nga Autoriteti i Menaxhimit të Fatkeqësive të provincës Khyber Pakhtunkhwa, në pjesën veriperëndimore, e cila kufizohet me Afganistanin.

Raporti tha se 10 persona në Luginën Swat u rrëmbyen nga një lumë që doli nga shtrati.

The post ‘Çmendet’ moti/ Stuhia pritet të bëjë ‘kërdinë’ në këtë vend, raportohet për 24 të vdekur appeared first on Sot News | Lajme.

Të paktën tetë persona kanë humbur jetën pas një aksidenti tragjik me tullumbace me ajër të nxehtë në qytetin e Praia Grande në Brazil.

Guvernatori i shtetit të Santa Catarina, Jorginho Mello, njoftoi se ngjarja ndodhi të shtunën në mëngjes, kur balona po fluturonte me 21 pasagjerë në bord.

Në një postim në X, Mello konfirmoi se 13 persona arritën të mbijetonin nga ky aksident, ndërsa tetë të tjerë fatkeqësisht humbën jetën. Ekipet e shpëtimit janë duke punuar me intensitet në vendngjarje për të realizuar operacione kërkimi dhe për të gjetur individët e mbetur.

“Jemi të gjithë të tronditur nga aksidenti,” tha guvernatori Mello, duke shprehur ngushëllimet dhe mbështetjen për të mbijetuarit dhe të afërmit e viktimave. Aksidenti ka shkaktuar një reagim të madh në Brazil, ku shërbimet emergjente dhe autoritetet po vazhdojnë të jenë të angazhuara në hetimin e shkaqeve të këtij incidenti tragjik.

Balão pega fogo e cai em Praia Grande em Santa Catarina, imagens de grupo de WhatsApp. pic.twitter.com/uSADC0jZfc

— Rangel Campos Machado (@rangelmachado87) June 21, 2025

The post Video/ Rrëzim fatal i balonës me 22 persona, të paktën 8 të vdekur në Brazil appeared first on Euronews Albania.

Numri i viktimave nga sulmi i fundit me raketa të forcave ruse në Kiev është rritur në 28, ndërkohë që më shumë se 130 persona kanë mbetur të plagosur, sipas raportimeve të fundit nga autoritetet ukrainase. Ky sulm, i cili përfshiu përdorimin e raketave dhe dronëve, është cilësuar si një nga më të rrezikshmit që nga fillimi i vitit.

Në lagjen Solomyansky të kryeqytetit ukrainas, një pallat nëntëkatësh është shkatërruar plotësisht nga shpërthimi i një rakete, duke lënë të bllokuar shumë banorë nën rrënoja. Ekipet e shpëtimit kanë punuar pa ndalim për të nxjerrë trupat e pajetë dhe për të shpëtuar të mbijetuarit. Nga 28 viktimat, 23 janë nxjerrë nga ky pallat, ndërsa 5 të tjerë janë gjetur në pjesë të tjera të qytetit. Shpërthimi ka shkaktuar gjithashtu dëme të konsiderueshme në ndërtesat përreth dhe ka vështirësuar operacionet e shpëtimit për shkak të vazhdimit të sulmeve ajrore.

Presidenti ukrainas, Volodymyr Zelensky, ka dënuar ashpër këtë sulm, duke e cilësuar atë si një akt të papranueshëm të agresionit ndaj civilëve. Ai ka bërë thirrje për mbështetje ndërkombëtare dhe për dënimin e veprimeve të tilla nga Rusia. Po ashtu, ai ka theksuar rëndësinë e forcimit të mbrojtjes ajrore të vendit për të parandaluar sulme të ngjashme në të ardhmen.

Ky incident ka shkaktuar tronditje të thellë në mesin e popullsisë dhe ka nxitur reagime të shumta nga organizatat ndërkombëtare për të drejtat e njeriut dhe nga shtetet perëndimore, të cilat kanë kërkuar masa të menjëhershme për të ndaluar agresionin rus dhe për të mbrojtur jetën e civilëve ukrainas./abcnews.al

Një helikopter që transportonte pelegrinë hindu është rrëzuar në Indi. Shtatë personat në bord humbën jetën

Aksidenti ndodhi pak minuta pasi helikopteri u ngrit, thanë zyrtarët, në atë që duhej të kishte qenë një fluturim 10-minutësh.

Zyrtarët thanë se rrëzimi besohet të jetë shkaktuar nga kushtet e këqija të motit. Autoritetet thonë se kanë nisur një operacion kërkim-shpëtimi dhe pritet të rishikojnë protokollet operative për fluturimet në rajon.

Aksidenti ndodhi tre ditë pasi një fluturim i “Air India” u rrëzua më pak se një minutë pas ngritjes nga aeroporti i Ahmedabadit, duke vrarë të paktën 270 persona./abcnews.al

Të paktën katër persona u vranë në Kolumbi këtë të martë, 10 qershor, pasi grupet rebele shpërthyen bomba pranë stacioneve të policisë në qytetin Cali dhe në provincën fqinje Cauca. Zëdhënës të ushtrisë dhe policisë fajësuan për sulmet grupin FARC-EMC, një organizatë e udhëhequr nga ish-anëtarë të Forcave të Armatosura Revolucionare të Kolumbisë, të cilët […]

The post Bomba në makina, të paktën katër të vdekur në Kolumbi appeared first on BoldNews.al.

Të paktën 24 persona u vranë teksa po prisnin në një qendër shpërndarjeje ndihmash në Rafah të Gazës, raporton La Repubblica. Ushtria izraelite ka pranuar të shtënat, duke thënë se po heton ngjarjen. Ushtria thotë në deklaratën e saj se nuk i ka penguar njerëzit që të arrinin në qendrën e shpërndarjes së ndihmave. Sipas […]

The post Ushtria izraelite qëllon drejt turmës që po priste për ushqim në Rafah, Hamasi: Të paktën 24 të vdekur appeared first on BoldNews.al.

Raportime të reja nga Gaza flasin për një tjetër incident fatal pranë një qendre shpërndarjeje ndihmash në qytetin jugor të Rafahut, ku sipas Ministrisë së Shëndetësisë të drejtuar nga Hamasi, 24 civilë palestinezë janë vrarë dhe dhjetëra të tjerë janë plagosur.

Ushtria izraelite (IDF) ka konfirmuar se ka qëlluar pranë kompleksit të ndihmave pasi kishte identifikuar “disa të dyshuar”, por shton se po shqyrton raportimet për viktima civile. “Forcat qëlluan në një zonë ku u identifikuan individë të armatosur, pranë një vendi shpërndarjeje ndihmash. Jemi duke shqyrtuar pretendimet për viktima”, thuhet në një deklaratë të IDF-së.

Agjencia e Mbrojtjes Civile e kontrolluar nga Hamasi pretendon se forcat izraelite hapën zjarr me tanke dhe dronë ndaj mijëra njerëzve që po prisnin për ndihma, duke shkaktuar viktima dhe panik.

Drejtori i përgjithshëm i Spitalit Nasser në Khan Younis konfirmoi se spitali ka pranuar trupat e 24 viktimave dhe 37 të plagosurve, shumica prej të cilëve me plagë nga të shtënat me armë zjarri. “Të gjithë ishin civilë që prisnin ndihma humanitare”, deklaroi ai.

Ky është incidenti i dytë brenda pak ditësh pranë një qendre shpërndarjeje në Rafah. Të dielën, sipas Ministrisë së Shëndetësisë në Gaza, 31 persona u vranë dhe rreth 200 të tjerë u plagosën në një ngjarje të ngjashme, për të cilën Izraeli mohoi çdo përgjegjësi, duke i quajtur raportimet “të pasakta”.

Ndërsa situata humanitare në Gaza përkeqësohet, tensionet ndërkombëtare rreth veprimeve të Izraelit në Rafah po rriten. Incidentet me civilë pranë qendrave të ndihmës po bëhen gjithnjë e më të shpeshta, duke shkaktuar zemërim dhe thirrje për hetime të pavarura.

LEXONI GJITHASHTU:

• VIDEO/ Shpërthim në uzinën e motorëve në Rusi, një i lënduar rëndë
• Koreja e Jugut voton në zgjedhjet e parakohshme pas shkarkimit të presidentit Yoon

The post Incident tjetër fatal pranë një qendre ndihmash në Rafah, 24 të vdekur appeared first on Euronews Albania.

Një turmë e madhe njerëzish të dëshpëruar sulmuan një depo ushqimore në Gazën qendrore të enjten, tha Programi Botëror i Ushqimit i OKB-së, ndërsa situata për popullsinë e Rripit mbetet e tmerrshme. Pamjet filmike treguan mijëra njerëz që sulmuan depon e Al-Ghafari në Deir al-Balah dhe morën qese me miell dhe kuti me ushqim. Në […]

The post Depoja ushqimore sulmohet nga turma e uritur/ Kaos në Gaza, katër të vdekur appeared first on BoldNews.al.

Ditën e djeshme një aksident i rëndë ka ndodhur në Kolumbi. Një autobus me studentë dhe profesorë univeristeti teksa po shkonin në ekskursion u përplas. Si pasojë u vranë 10 persona dhe 11 të tjerë u plagosën.

Shoferi humbi kontrollin e automjetit, i cili po transportonte 26 pasagjerë nga Tolima në Quindio.

Universiteti Humboldt ka shpallur dy ditë zie pas humbjes së dhimbshme të disa kolegëve, studentëve, profesorëve dhe administratorëve në aksident.

Autobusi mbante 22 studentë, dy mësues dhe një oficer komunikimi, tha rektori i universitetit Diego Fernando Jaramillo Lopez.

The post Përplaset autobusi me studentë dhe profesorë në Kolumbi, 10 të vdekur dhe 11 të plagosur appeared first on Sot News | Lajme.