Në një kohë kur tensionet në Lindjen e Mesme kanë arritur kulmin dhe ndërhyrjet ushtarake ndryshojnë balancat e fuqisë globale, bombardimi i objekteve bërthamore iraniane nga Donald Trump shënon një moment historik me pasoja të paparashikueshme. A është kjo një goditje që do të rrëzojë një regjim të ngurtë dhe do të ndezë shpresën për ndryshim, apo një hap që do ta forcojë edhe më shumë autoritarizmin në Teheran? Ky shkrim i The New York Times zhytet thellë në kompleksitetin e regjimit iranian, tensionet sociale dhe sfidat që përcaktojnë fatin e një prej vendeve më të rëndësishme të botës, duke na dhënë një pasqyrë të jashtëzakonshme për një luftë që po zhvillohet jo vetëm në fushëbeteja, por edhe në zemrat dhe mendjet e iranianëve.

The New York Times: 

Bombardimi i objekteve bërthamore të Iranit nga Donald Trump është një ngjarje që ndodh një herë në një brez dhe që mund të transformojë Lindjen e Mesme, politikën e jashtme të SHBA-së, përpjekjet për të ndalur përhapjen e armëve bërthamore dhe potencialisht edhe rendin global. Ndërsa ndikimi i plotë i saj do të kërkojë dekada për t’u kuptuar, ajo ngre një pyetje më të menjëhershme: A do ta forcojë ky akt i jashtëzakonshëm lufte autoritarizmin e Teheranit apo do ta përshpejtojë rënien e tij?

Origjinat direkte të konfliktit SHBA-Iran datojnë që nga revolucioni i vitit 1979, i cili zëvendësoi monarkinë e lidhur me SHBA-në me një teokraci anti-amerikane. Që prej asaj kohe, Republika Islamike e Iranit ka premtuar t’i japë fund imperializmit amerikan dhe të zhdukë Izraelin. Teksa Shtetet e Bashkuara dhe Izraeli zhvilluan një fushatë ushtarake brenda Iranit me qëllimin e deklaruar për të shkatërruar kapacitetin bërthamor të tij, megjithëse rënia e regjimit, edhe pse jo një objektiv i shpallur, do të ishte një rezultat i mirëpritur për të dy vendet. Por ndonëse sulmet ushtarake mund të nxjerrin në pah dobësitë e një regjimi autoritar, ato rrallë krijojnë kushtet për ndryshime të qëndrueshme demokratike.

Shumë përpara pushtimit të Izraelit dhe sulmeve të Trump-it, republika islamike i ngjante një regjimi zombi, ideologjikisht i vdekur, por ende shtypës, e krahasueshme me Bashkimin Sovjetik në fazat e fundit. Megjithë kapitalin e madh njerëzor dhe burimet natyrore të vendit, teokratët e Teheranit qeverisin një shtet policor të izoluar ekonomikisht dhe shtypës shoqërisht, të zhytur në korrupsion dhe represion, por që qeverisin nga një piedestal moral i një teokracie islamiste. Sloganet e vazhdueshme të regjimit, “Vdekje Amerikës” dhe “Vdekje Izraelit”, asnjëherë “Rroftë Irani”, e bëjnë të qartë se prioriteti i tij ka qenë gjithmonë armiqësimi me të tjerët, jo përmirësimi i jetës së popullit të vet.

Duke qenë se regjimi refuzon të marrë në konsideratë reforma politike domethënëse, humnera midis regjimit statik të Iranit dhe popullsisë së tij dinamike, mund të thuhet se është bërë një nga më të gjërat në çdo shoqëri në botë. Ngurtësia ideologjike e regjimit dhe ambiciet bërthamore i ngjajnë atyre të Koresë së Veriut; aspiratat e popullit të tij për modernitet dhe mirëqenie e afrojnë më shumë me Korenë e Jugut. Mënyra e vetme që qeveria ka qenë në gjendje të qëndrojë në pushtet ka qenë përmes represionit të pamëshirshëm fizik dhe digjital.

Sot, regjimi ka gjasat të ketë mbështetjen e më pak se 20 përqind të shoqërisë, por deri tani ka ruajtur një aparat shtypës shumë të armatosur dhe të organizuar, të gatshëm të vrasë në masë. Në kontrast, kundërshtarët shumë më të shumtë të regjimit janë të paarmatosur, të paorganizuar dhe të pavullnetshëm të vdesin në masë. Shteti madhëron dëshmorin; shoqëria më e gjerë aspiron të ndajë xhaminë nga shteti. Kjo pabarazi i ka mundësuar regjimit të shtypë brutalisht kryengritje mbarëkombëtare, përfshirë protestat Grua, Jetë, Liri të viteve 2022 dhe 2023.

Kur iranianët u zgjuan të premten e kaluar me lajmin se të paktën një duzinë komandantësh të lartë të Gardës Revolucionare dhe shkencëtarë bërthamorë ishin vrarë nga Izraeli, të vrarë në bunkerët dhe dhomat e tyre të gjumit me dëme dytësore minimale, shumë prej tyre u gëzuan në mënyrë private. Por kur bombat izraelite filluan të binin mbi Teheran, ajo valë fillestare kënaqësie u kthye në frikë, konfuzion dhe zemërim. Të 10 milionë banorët e kryeqytetit u paralajmëruan, përfshirë nga presidenti i SHBA-së, të iknin, ndërsa disa u nxitën nga thirrje nga jashtë Iranit të ngriheshin kundër regjimit. Organizata të pavarura për të drejtat e njeriut vlerësojnë se mbi 300 civilë janë vrarë nga sulmet izraelite.

Ankthi ose zemërimi popullor për shkak të luftës nuk duhet ngatërruar me ringjalljen politike të republikës islamike. Në vend që të ndryshojë opinionin publik, pushtimi i Izraelit dhe sulmet e SHBA-së ka gjasa që me kalimin e kohës të thellojnë ndarjet ekzistuese: besnikët do të kenë më shumë municion për të urryer Amerikën dhe Izraelin, ndërsa kritikët do t’i shohin këto ngjarje si edhe një shembull tjetër se si fiksimet ideologjike të regjimit sjellin katastrofë për iranianët e zakonshëm.

Historia tregon se përfshirjet ushtarake mund ose të forcojnë, ose të rrënojnë regjimet autoritare. Lufta Koreane (1950–53) forcoi kapjen e Kim Il-sung mbi Korenë e Veriut, duke hedhur themelet për një shtet totalitar dinastik. Pushtimi i dështuar i Gjirit të Derrave, i mbështetur nga CIA në vitin 1961, e ndihmoi Fidel Castron të konsolidojë diktaturën e tij të sapolindur. Pushtimi i Iranit nga Saddam Husseini në vitin 1980 bashkoi iranianët rreth teokracisë së sapokrijuar të Ajatollah Ruhollah Khomeinit.

Por edhe e kundërta ka qenë e vërtetë. Ndërsa luftërat mund të ofrojnë një eufori afatshkurtër për disa regjime, duke nxitur zjarrin nacionalist dhe duke shmangur problemet e brendshme, efektet mund të jenë të përkohshme. Pushtimi katastrofik i Afganistanit nga Bashkimi Sovjetik në vitin 1979 në fund ndihmoi përshpejtimin e rënies së tij, junta e Argjentinës u rrëzua pas disfatës në Luftën e Ishujve Falkland në vitin 1982 dhe Slobodan Milosevic u rrëzua pas bombardimeve të NATO-s në Jugosllavi në vitin 1999. Në rastin e Iranit, katër kalorësit e apokalipsit ekonomik: inflacioni, korrupsioni, keqmenaxhimi dhe largimi i trurit, janë kronikë. Çdo unitet nacionalist ka gjasë të tretet, duke lënë vend sërish për frustrimet e përditshme ndaj sundimit klerikal.

Nëse ka një model, është ky: Luftërat kanë tendencën të forcojnë regjimet revolucionare në vitet e tyre të hershme, por poshtërimet ushtarake ekspozojnë brishtësinë e tyre në plakje. Popullsitë kanë më shumë gjasa të bashkohen rreth luftërave ekzistenciale sesa atyre të zgjedhura. Që prej krijimit të saj, republika islamike ka zhvilluar një luftë të zgjedhur kundër Izraelit, jo një të domosdoshme.

Sa e brishtë është pra Republika Islamike, teksa mendonte si ti përgjigjej Shteteve të Bashkuara? Jack Goldstone, një studiues i shquar i revolucioneve, identifikon pesë parakushte kryesore për ndryshim revolucionar: vështirësi të rënda ekonomike kombëtare; shkëputje dhe përçarje mes elitave politike dhe ekonomike; zemërim dhe padrejtësi të përhapura që nxisin mobilizimin popullor; një narrativë unifikuese rezistence që kapërcen ndarjet shoqërore; dhe marrëdhënie të favorshme ndërkombëtare, përfshirë mbështetjen e huaj për opozitën dhe tërheqjen e mbështetjes së huaj për regjimin.

Sipas këtij vlerësimi, Republika Islamike duket thellësisht e prekshme, por jo në rrezik për një kolaps të menjëhershëm. Deri tani, nuk ka shenja të dukshme përçarjeje domethënëse mes elitave të regjimit. Asnjë udhëheqës apo organizatë opozitare nuk ka arritur të kanalizojë pakënaqësinë masive shoqërore nën një “çadër të madhe”, apo të krijojë një narrativë unifikuese mjaftueshëm të gjerë për të kapërcyer ndarjet shoqërore të Iranit. Ndërsa mobilizimi popullor dhe përçarjet elitare janë të ndërlidhura dhe mund të ndodhin shpejt, aventurat e dështuara të Amerikës në Afganistan dhe Irak shërbejnë si një paralajmërim: Asnjë fuqi e huaj nuk mund të fabrikojë llojin e konsensusit kombëtar që opozita iraniane do të ketë nevojë për të pasur sukses.

Lëvizjet revolucionare bëhen të realizueshme kur tërheqin një masë kritike njerëzish, por një masë kritike njerëzish nuk do t’i bashkohet atyre derisa të besojë se ato janë të realizueshme. Edhe pse një masë kritike iranianësh sot mund të besojë se Republika Islamike nuk ka të ardhme, asnjë figurë apo lëvizje opozitare nuk ka arritur të kanalizojë pakënaqësinë masive të iranianëve drejt një alternative politike.

Pesë milionë iranianët që jetojnë jashtë vendit ende nuk e kanë kthyer pasionin dhe burimet e tyre në mbështetje domethënëse për kauzën e lirisë në atdhe. Nuk ka një kanal të besueshëm për të kanalizuar energjinë e tyre: shumica e opozitës profesionale mbetet e bllokuar në të shkuarën, e dominuar nga kultet e personalitetit, grindjet në internet dhe inatet ideologjike të pazgjidhura, sesa e përqendruar në ndërtimin e një lëvizjeje unifikuese. Pak vetë në diasporë janë të prirur të bashkohen pas fraksioneve të tilla të vjetra, dhe ata brenda vendit nuk kanë gjasa të rrezikojnë jetën për të ndërruar një kult personaliteti me një tjetër.

E megjithatë, perëndimi i udhëheqjes së Ajatollah Ali Khameneit 86-vjeçar, dhe çfarë pason më tej, po afrohet me shpejtësi. Pavarësisht dëshirës së shumicës së iranianëve për të jetuar nën një qeveri tolerante dhe përfaqësuese që punon për mirëqenien e tyre, tranzicionet autoritare priren të jenë gara brutaliteti, jo gara popullariteti, dhe zakonisht fitohen nga ata me fuqinë më të madhe për të shtypur. Në Iran, janë ushtarakët, Putinat dhe Sisit iranianë në tentativë, dhe jo reformatorët civilë, ata që janë më të pozicionuar për të marrë pushtetin. Sipas një studimi, që nga Lufta e Dytë Botërore, më pak se një e katërta e rrëzimeve të regjimeve autoritare kanë çuar në demokraci, dhe ato që kanë ndodhur si pasojë e ndërhyrjes apo dhunës së jashtme kanë pasur edhe më pak gjasa ta bëjnë këtë.

Nuk ka asgjë që thotë se Irani nuk mund të jetë përjashtimi nga ky rregull. Ai ka të gjitha cilësitë për të qenë pjesë e grupit të vendeve G20: një popullsi e arsimuar dhe e lidhur me botën, burime natyrore të mëdha dhe një identitet qytetërues me të cilin krenohet. Shtetet e Bashkuara, dhe pjesa më e madhe e botës, kanë shumë për të fituar nga një Iran post-Republikës Islamike që udhëhiqet nga interesi kombëtar dhe jo nga dogmat revolucionare. Siç ka vënë re dikur Henry Kissinger: “Ka pak kombe në botë me të cilat Shtetet e Bashkuara kanë më pak arsye për të pasur përplasje ose më shumë interesa të përbashkëta sesa me Iranin.” 

Dhe me të vërtetë, shumë iranianë mund të kenë filluar të dëshirojnë një afrimitet me Shtetet e Bashkuara. Vendimi i zotit Trump për të hedhur bomba prej 30,000 paundësh mbi Iran mund të lërë një plagë të thellë në një kulturë politike të formuar nga pakënaqësitë historike dhe një kujtesë kolektive e ndërhyrjeve të huaja, (më së shumti grushti i shtetit i udhëhequr nga C.I.A. në vitin 1953 kundër Kryeministrit Mohammed Mossadegh), që në mitologjinë e tij shpesh ka zbehur faktet historike. Megjithatë, marrëdhëniet e Amerikës pas luftës me Japoninë dhe Vietnami,  vende që dikur i shkatërroi, tregojnë se edhe plagët më të thella mund të shërohen.

Por beteja më vendimtare për të ardhmen e Iranit nuk do të zhvillohet midis Iranit dhe botës së jashtme, por brenda vetë iranianëve. Ajo përpjekje sapo po fillon. Popullsia dinamike dhe moderne e Iranit tregon se ka një dritë në fund të tunelit. Ndërsa forcat e jashtme mund të përpiqen të shpërthejnë hyrjen, vetëm udhëheqja, uniteti dhe sakrifica iraniane mund të hapin rrugën përmes saj.

Përgatiti ©LAPSI.AL 

The post NY Times: Çfarë nuk munden të bëjnë bombat në Iran appeared first on Lapsi.al.

UASHINGTON, 25 qershor /ATSH-DPA/ – Presidenti i SHBA-së, Donald Trump, i kërkon Izraelit të mos vazhdojë të sulmojë Iranin.

“MOS I HIDHNI ATO BOMBA… DËRGOJINI PILOTËT TUAJ NË SHTËPI, TANI!”, shkroi Trump me germa kapitale në rrjetin e tij Truth Social.

Sipas presidentit Trump, sulmet izraelite ”do të përbënin një shkelje të madhe të armëpushimit midis dy vendeve”.

Trump njoftoi sot se një armëpushim midis Iranit dhe Izraelit ka hyrë në fuqi, duke i nxitur palët ta pranojnë atë.

“Armëpushimi tani është në fuqi. Ju lutem mos e shkelni!”, tha Trump në platformën e tij të medieve sociale Truth Social.

Trump njoftoi se Izraeli dhe Irani kishin rënë dakord për një armëpushim të plotë mes konfliktit në rritje në Lindjen e Mesme./  a.jor.

The post SHBA – Trump: Izraeli të ndalojë hedhjen e bombave mbi Iran appeared first on Agjencia Telegrafike Shqiptare.

Sipas Reuters, Irani sapo deklaroi se përdori të njëjtin numër bombash që SHBA hodhi mbi objektet bërthamore iraniane.

Organizmi më i lartë i sigurisë në Iran deklaroi në një njoftim se forcat e armatosura iraniane përdorën të njëjtin numër bombash që SHBA kishte përdorur gjatë sulmit mbi objektet bërthamore të Iranit.

Lexo më tej: Reuters: Trump futet në ‘bunker’, po monitoron sulmet e Iranit ndaj bazave amerikane 

Në deklaratë thuhej gjithashtu se baza amerikane ishte larg zonave urbane dhe zonave të banuara në Katar.

Sipas autoriteteve iraniane, veprimi nuk përbënte asnjë kërcënim për “fqinjët tanë miqësorë dhe vëllazërorë” në Katar. ©LAPSI.AL 

The post Reagon Irani: Goditëm bazat amerikane njësoj siç na goditën ata appeared first on Lapsi.al.

Presidenti i Shteteve të Bashkuara të Amerikës, Donald Trump, ka lënë të kuptohet se mund ta mirëpresë rrëzimin e Qeverisë në Teheran, vetëm pak orë pasi anëtarë të administratës së tij ngulën këmbë se sulmet e fundit ndaj Iranit nuk kishin për qëllim të sillnin “ndryshim regjimi”.

“Politikisht nuk është e pranueshme të përdoret termi ‘Ndryshim Regjimi’, por nëse regjimi i tanishëm iranian nuk është në gjendje ta BËJË IRANIN SËRISH MADHËSHTOR, pse të mos ketë një ndryshim regjimi??? MIGA!!!”, shkroi Trump në platformën e tij, Truth Social.

Trump i tha këto fjalë vetëm disa orë pasi figura kyçe të administratës së tij, si – nënpresidenti JD Vance, sekretari i Shtetit Marco Rubio dhe sekretari i Mbrojtjes Pete Hegseth, theksuan se qëllimi i sulmeve ajrore të SHBA-së më 21 qershor ndaj objekteve bërthamore të Iranit ishte një zgjidhje e negociuar, dhe jo rrëzimi i Qeverisë islamike teokratike.

Në një konferencë për shtyp, Hegseth i përshkroi bombardimet si “operacion i saktë”, që synonin vetëm programin bërthamor të Iranit, dhe jo ushtarët apo popullin iranian.

“Kjo mision nuk kishte, dhe nuk ka të bëjë me ndryshimin e regjimit”, tha ai.

Trump “kërkon paqe, dhe Irani duhet ta ndjekë këtë rrugë”, shtoi Hegseth, duke theksuar më tej: “Këtu duhet të arrihet një marrëveshje e negociuar”.

“Regjimi iranian duhet të zgjohet dhe të thotë: ‘OK, nëse me të vërtetë duam energji bërthamore në vendin tonë, ka mënyrë për ta bërë këtë’. Kjo ofertë është ende në fuqi. Jemi të gatshëm të flasim me ta nesër dhe të fillojmë punën për këtë”, tha Rubio për rrjetin amerikan CBS.

Megjithatë, disa anëtarë të Partisë Republikane të Trumpit, kanë bërë thirrje në të kaluarën për rrëzimin e Qeverisë iraniane, përfshirë senatorin me ndikim nga Teksasi, Ted Cruz.

“Po avokoj që të përdorim trysni maksimale dhe sanksione ekonomike për të ushtruar trysni mbi regjimin në një mënyrë që mund ta nxisë rrëzimin e tij”, kishte thënë ai para sulmeve të SHBA-së ndaj objekteve bërthamore në Iran.

Zyrtarët amerikanë e paralajmëruan të dielën Teheranin, të mos hakmerret ndaj sulmeve ajrore amerikane, për të cilat Trump tha se kishin “shkatërruar” objekte kyçe bërthamore të Iranit.

Irani dhe Izraeli filluan runde të reja sulmesh ajrore kundër njëri-tjetrit në orët e hershme mëngjesin e së hënës.

Irani i shpërfilli thirrjet e menjëhershme për rikthim në bisedime, duke theksuar të drejtën për vetëmbrojtje, dhe duke thënë se Shtetet e Bashkuara do të mbajnë përgjegjësi për “pasojat e rrezikshme” të veprimeve të tyre dhe duke lënë të kuptohet se bisedimet mund të ndodhin vetëm pasi Teherani të përgjigjet.

Ministri i Jashtëm i Iranit, Abbas Araqchi, tha në një konferencë për shtyp në Stamboll se “dera e diplomacisë” duhet të jetë gjithmonë e hapur, por “nuk është kështu tani”.

Irani është duke u sulmuar dhe do të ushtrojë të drejtën e vetëmbrojtjes për aq kohë sa është e nevojshme, shtoi ai, por nuk pranoi të tregojë se çfarë veprimesh do të ndërmarrë Irani si përgjigje ndaj sulmeve të SHBA-së.

Media shtetërore iraniane raportuan se Araqchi ka mbërritur në Moskë për të zhvilluar konsultime të hënën me udhëheqës të lartë, përfshirë presidentin rus Vladimir Putin, oferta e të cilit për të ndihmuar në ndërmjetësim të negociatave me Teheranin ishte hedhur poshtë menjëherë nga Trumpi.

“Rusia është partneri ynë dhe ne gjithmonë konsultohemi”, tha Araqchi para se të mbërrinte në Moskë.

Ndërkohë, kryeministri i Izraelit, Benjamin Netanyahu, tha se Izraeli është “shumë, shumë pranë” përmbushjes së synimeve të veta pas më shumë se një jave sulmesh ajrore ndaj Iranit, përfshirë eliminimin e kërcënimeve bërthamore dhe me raketa balistike nga Teherani.

“Po ecim hap pas hapi drejt arritjes së këtyre qëllimeve, jemi shumë, shumë pranë përmbushjes së tyre”, tha Netanyahu në një konferencë për shtyp.

Ai shtoi se; “kur të jenë përmbushur synimet, operacioni do të përfundojë”.

Izraeli nisi sulme në shkallë të gjerë ndaj Iranit më 13 qershor, duke shënjestruar objektet bërthamore dhe raketore, si dhe udhëheqësit ushtarakë dhe shërbimet e sigurisë.

Shumë figura të rëndësishme ushtarake dhe shkencëtarë bërthamorë janë vrarë në sulme, e ka pranuar Irani.

Që nga nisja e sulmeve fillestare izraelite, të dy vendet kanë shkëmbyer sulme ajrore ndaj njëri-tjetrit, duke shkaktuar viktima si në radhët ushtarake ashtu edhe ato civile, si dhe dëme në prona.

Grupi me qendër në Uashington, Aktivistët për të Drejtat e Njeriut, raportoi se të paktën 950 njerëz janë vrarë në Iran gjatë sulmeve ajrore që nga 13 qershori, përfshirë 380 civilë.

Autoritetet izraelite thanë se 24 njerëz u vranë nga sulmet iraniane në Izrael./rel

The post Pas bombardimeve amerikane, Donald Trump flet për ndryshimin e mundshëm të regjimit në Iran: Nëse nuk do ta bëjnë vendin sërish madhështor… appeared first on Albeu.com.

Presidenti amerikan hodhi bomba GBU-57 në lokacionin e Fordow. “E kemi fshirë nga faqja e dheut”, tha ai. Dje, Shtetet e Bashkuara sollën bombardues B-2 në bazën në Guam. Mbërritja u “lidh” menjëherë me mundësinë e veprimeve në Iran, edhe pse “asnjë urdhër”, u tha, “nuk është dhënë ende”. Secila prej tyre peshon 14 tonelata […]

The post Çfarë është superbomba e përdorur nga SHBA për të shkatërruar centralet bërthamore iraniane appeared first on BoldNews.al.

Momentet tensionuese në Dhomën e Situatave të Emergjencës në Shtëpinë e Bardhë, ndërsa zhvillohej sulmi amerikan ndaj objekteve bërthamore të Iranit, janë kapur në fotografi që kanë qarkulluar në internet.

Fotot tregojnë Donald Trump, Sekretarin e Shtetit të SHBA-së Marco Rubio dhe pjesën tjetër të stafit të tyre duke parë zbatimin e planit të ushtrisë amerikane.

Ushtria amerikane goditi tre objekte bërthamore iraniane, teksa Shtetet e Bashkuara u përfshin në konfliktin mes Izraelit dhe Iranit, duke rritur frikën për një luftë më të gjerë në Lindjen e Mesme.

Trump njoftoi për “sukses spektakolar ushtarak” më 21 qershor, duke thënë se bombarduesit amerikanë goditën objektet bërthamore në Fordo, Natanz dhe Esfahan gjatë një përpjekjeje të përbashkët me Izraelin për të shkatërruar programin bërthamor të Iranit, pasi diplomacia dështoi ta kthente Teheranin në tavolinën e negociatave.

“Qëllimi ynë ishte shkatërrimi i kapacitetit të Iranit për pasurim të uraniumit dhe ndalimi i kërcënimit bërthamor që paraqet sponsori numër një shtetëror i terrorizmit në botë”, tha ai.

Trump, i cili vetëm dy ditë më parë tha se do të vendoste “brenda dy javësh” nëse do t’i bashkohej Izraelit në përpjekjet e tij për të shkatërruar objektet bërthamore iraniane, pretendoi se sulmet shkatërruan plotësisht objektet kyç të Iranit për pasurim të uraniumit.

The post Publikohen pamje nga Dhoma e Situatave të Emergjencës në Shtëpinë e Bardhë, ja si Trump ndoqi live sulmet e SHBA ndaj Iranit appeared first on Albeu.com.

Shtetet e Bashkuara të Amerikës, kanë ndërmarrë një sulm të koordinuar ajror dhe detar ndaj impianteve bërthamore iraniane.

Sipas një burimi amerikan për CNN, gjashtë avionë bombardues B-2 kanë hedhur 12 bomba të tipit “bunker buster”, secila prej tyre peshon 14 tonë, mbi impiantin e mbrojtur nëntokësor të Fordow-t.

Në të njëjtën kohë, nëndetëse të marinës amerikane kanë lëshuar 30 raketa “cruise” të tipit Tomahawk (Tlam) ndaj dy objekteve të tjera bërthamore: Natanz dhe Isfahan. Po sipas të njëjtit burim, një nga avionët B-2 ka goditur edhe impiantin e Natanzit me dy bomba të tjera të fuqishme “bunker buster”.

Ky sulm përbën një nga operacionet më të mëdha ajrore amerikane ndaj objekteve strategjike iraniane dhe sinjalizon një përshkallëzim të rrezikshëm në tensionet SHBA-Iran. Ende nuk ka reagim zyrtar nga Teherani.

The post CNN: Avionët B-2 hodhën 12 bomba të rënda mbi impiantin bërthamor Fordow appeared first on Albeu.com.

Pas 5 ditësh sulmesh midis Izraelit dhe Iranit, Teherani pretendon se raketat e tij balistike po mbjellin terror në zemër të armikut të tij të përjetshëm. Në anën tjetër edhe Tel Avivi po bombardon sistematikisht objektiva në të gjithë territorin iranian nga ajri, duke çuar përpara shkatërrimin e regjimit teokratik. Tensioni në Lindjen e Mesme ka marrë edhe një “ngjyrë” të fortë amerikane që në nisje, pasi postimi i Donald Trump që bëri thirrje për evakuimin e kryeqytetit iranian nxori në pah skenarë për një luftë që do t’i tejkalojë shumë kufijtë e rajonit.

SHBA- të e Trumpit, të cilat prej kohësh kanë pretenduar se luftërat janë shkatërruese dhe kundër mënyrave të tyre politike (pavarësisht nëse lufta në Ukrainë përfundoi në 1 apo 100 ditë) sot kanë një zgjedhje strategjike në përputhje me fuqinë dhe potencialin e tyre ushtarak. Uashingtoni ka mundësinë të zgjedhë t’i japë fund programit bërthamor të Iranit me sulme të përqendruara, me kryengritje sociale në vend, ose ta “zvarrisë” regjimin ekzistues në negociata në një mënyrë shumë më të rreptë, e cila tani do të ketë dijeni absolute se armët bërthamore nuk janë një opsion dhe se ato vetë kanë një datë skadimi…

Deri më tani, Trump nuk duket se ka bërë ndonjë zgjedhje specifike, pasi nga njëra anë ai ka dhënë urdhra të qarta për të transportuar luftëtarë, bombardues dhe “cisterna” ajrore në Mesdhe dhe Lindjen e Mesme dhe nga ana tjetër ai deklaron publikisht se iranianët po bëjnë thirrje dhe kërkojnë negociata. Izraeli, nga ana e tij, ka arritur përsëri, brenda 60 ditësh, ta sjellë Tel Avivin në pozicionin e partnerit të vetëm të Shtëpisë së Bardhë në rajon dhe në të njëjtën kohë të godasë atë që për kryeministrin e vendit është shtylla e karrierës së tij politike që kur u bë kreu i partisë së tij në moshën 44 vjeç, “boshtin e së keqes”.

Shtetet e Bashkuara janë aktualisht praktikisht e vetmja fuqi ushtarake – nëse pranojmë të dhënat e publikuara mbi arsenalet e fuqive të mëdha – që ka një armë të aftë t’i japë fund përfundimisht programit bërthamor të Teheranit dhe konkretisht objektit Fordoë të vendosur thellë në male.

Bomba GBU‑57 Massive Ordnance Penetrator (MOP) është një bombë amerikane me fuqi të madhe që depërton në blindazh. Me një peshë prej 13 600 kilogramësh, ky “shkatërrues fortesash” gjigant është projektuar për të neutralizuar bunkerë nëntokësorë jashtëzakonisht të thellë dhe të fortifikuar, objektiva që nuk preken nga armët konvencionale. GBU‑57 u prodhua nga Boeing për Forcat Ajrore të SHBA-së në fillim të viteve 2000 dhe konsiderohet arma më e fuqishme jo-bërthamore në arsenalin e SHBA-së.

Ajo mbart një kokë luftarake prej më shumë se 2400 kilogramësh eksplozivë dhe ka një kapacitet depërtimi që tejkalon 60 metra në beton të përforcuar. Objektivi i saj kryesor? Objekte të tilla si Fordoë, objekti nëntokësor i pasurimit të uraniumit i Iranit, i varrosur thellë në terrenin shkëmbor pranë qytetit të Qom. Megjithatë, përdorimi i MOP nuk është një çështje e thjeshtë. I vetmi avion që mund ta mbajë atë është bombarduesi i fshehtë B-2 Spirit. Edhe pse SHBA-të kanë një numër të vogël të këtyre bombave (rreth 20), ato mbeten nën kontroll të rreptë strategjik.

Izraeli, megjithëse ka avionë luftarakë të sofistikuar dhe sisteme të përparuara armësh, nuk zotëron as bombën dhe as bombarduesin e nevojshëm për ta aktivizuar atë – që do të thotë se çdo operacion kundër një objekti nëntokësor iranian do të kërkonte mbështetje të drejtpërdrejtë nga Shtetet e Bashkuara. Deri më sot, GBU-57 nuk është përdorur kurrë në luftime, duke mbetur një “mjet i fundit” në arsenalin strategjik të SHBA-së. Megjithatë, ekzistenca e tij është një mesazh i qartë fuqie dhe një mjet për ndikim në një peizazh gjeopolitik jashtëzakonisht të brishtë. ©Përgatiti LAPSI.al

The post GBU-57, bomba “gjigante” amerikane që kërcënon Iranin… por a do e përdorë Trump? appeared first on Lapsi.al.

Të paktën katër persona u vranë në Kolumbi këtë të martë, 10 qershor, pasi grupet rebele shpërthyen bomba pranë stacioneve të policisë në qytetin Cali dhe në provincën fqinje Cauca. Zëdhënës të ushtrisë dhe policisë fajësuan për sulmet grupin FARC-EMC, një organizatë e udhëhequr nga ish-anëtarë të Forcave të Armatosura Revolucionare të Kolumbisë, të cilët […]

The post Bomba në makina, të paktën katër të vdekur në Kolumbi appeared first on BoldNews.al.

Sulmet ndodhën në prag të festës së Kurban Bajramit (Eid al-Adha), një prej festave më të rëndësishme islame, duke shkaktuar panik të madh në zonat e dendura të banuara të Dahieh, ku Hezbollah ka një prani të fortë. Ushtria izraelite kishte lëshuar paralajmërime për evakuim të menjëhershëm për banorët e tre lagjeve, duke publikuar edhe një hartë me ndërtesat e shënjestruara.

Izraeli bombardoi në orët e para të mëngjesit të kësaj të premteje kryeqytetin Libanez Bejrutin duke deklaruar se kishte në shënjestër një njësi të grupit militant Hezbollah që po prodhonte drone me mbështetje financiare nga irani.

Pamjet nga vendngjarja treguan turma të mëdha njerëzish duke ikur në rrugë të mbushura me trafik, ndërsa tym i dendur u ngrit mbi ndërtesat pas shpërthimeve. Nuk pati raportime për viktima apo të plagosur.

Ministri i Mbrojtjes i Izraelit, Israel Katz, përshëndeti “ekzekutimin e përkryer” të operacionit ushtarak, duke theksuar se Libani mban përgjegjësi të drejtpërdrejtë për ndalimin e çdo veprimtarie terroriste të Hezbollahut. Sipas Forcave të Mbrojtjes së Izraelit njësia e goditur kishte prodhuar “mijëra dronë” që përdoren në sulme ndaj Izraelit.

Ndërkohë, Kryeministri libanez Nawaf Salam dënoi fuqishëm sulmet, duke i cilësuar si “sulme të qëllimshme dhe sistematike ndaj sovranitetit, sigurisë dhe ekonomisë së Libanit, veçanërisht në prag të festave dhe sezonit turistik.”

Sulmet vijnë pas një armëpushimi të brishtë që është në fuqi që nga viti 2024 mes Izraelit dhe Libanit duke I dhënë fund një konflikti 13 mujor. Gjatë luftimeve si pasoje e sulmeve Izraelite mbi 4,000 persona u vranë në Liban, shumica civilë, ndërsa mbi 1.2 milionë u zhvendosën nga shtëpitë e tyre. Izrael nga ana tjetër humbi mbi 80 ushtarë dhe 47 civilë.

The post “Goditëm grupin Hezbollah”/ Izraeli sulm mbi Bejrut, bomba në ditën e Bajramit appeared first on Sot News | Lajme.

Në qytetin gjerman të Këlnit janë zbuluar tre bomba të pashpërthyera nga Lufta e Dytë Botërore.

Si pasojë rreth 20 mijë banorë janë evakuar nga autoritetet.

Përveç banorëve, urdhra të evakuimit u lëshuan në një spital, dy azile, nëntë shkolla dhe shumë hotele e muze.

Kryetari i bashkisë tha se ky ishte operacioni më i rëndësishëm i këtij lloji në qytet që nga fundi i Luftës së Dytë Botërore.

Urdhrat e evakuimit prekën sektorin e transportit në qytetin me mbi një milion banorë, me operatorin kombëtar hekurudhor të Gjermanisë që paralajmëroi se shumë trena do të devijoheshin ose do të anuloheshin.

Tre bombat u gjetën në një lagje shumë të frekuentuar në brigjet e lumit Rajn. Bomba të pashpërthyera gjenden shpesh në Gjermani, ku shumë qytete të mëdha pësuan dëme të rënda gjatë luftës.

The post Spitale, shkolla e hotele evakuohen në Këln pas zbulimit të bombave appeared first on Lapsi.al.

Pasi u zbuluan tre bomba të pashpërthyera të epokës së Luftës së Dytë Botërore që pritet të çaktivizohen gjatë ditës, mbi 20 mijë qytetarë u evakuuan nga qendra e Këlnit, në Gjermaninë perëndimore.

Tre bombat e prodhuara në Amerikë, të zbuluara gjatë operacioneve të hënën, dy me peshë 1,000 kilogramë dhe e treta 500 kilogramë, mbajnë një detonator që aktivizohet në momentin e impaktit. Kryebashkiaku i qytetit tha se ishte “operacioni më i rëndësishëm” i këtij lloji në qytet që nga fundi i Luftës së Dytë Botërore.

Shërbimi i asgjësimit të bombave në Düsseldorf është ngarkuar me çaktivizimin e bombave.

Përveç banorëve, urdhri i evakuimit përfshin edhe një spital, dy azile pleqsh, një stacion treni, disa biznese dhe shumë restorante e hotele, si dhe nëntë shkolla dhe kopshte, tha bashkia e Këlnit në një deklaratë.

Një hartë e zonës së Këlnit që po evakuohet për të çaktivizuar tre bombat:

Lufta e Dytë Botërore mund të ketë mbaruar 80 vjet më parë, por toka në qytetet gjermane mbetet e mbushur me bomba të pashpërthyera, të cilat shpesh zbulohen gjatë punimeve të ndërtimit.

Në vitin 2017, zbulimi në Frankfurt i një bombe masive prej 1.4 tonësh çoi në evakuimin e 65,000 njerëzve. Në dhjetor 2021, një bombë shpërtheu në një kantier ndërtimi pranë stacionit të Mynihut, duke plagosur katër persona dhe duke ndërprerë trafikun e trenave.

The post Panik në Këln/ Evakuohen mbi 20 mijë banorë, Autoritetet zbulojnë 3 bomba të Luftës së Dytë Botërore në qendër të… appeared first on Sot News | Lajme.

Rreth 20,000 njerëz po evakuohen nga shtëpitë e tyre në qytetin gjerman të Këlnit, ndërsa ekspertët përpiqen të çaktivizojnë tri bomba të Luftës së Dytë Botërore.

Ky është evakuimi më i madh pas luftës në qytet dhe vjen pas zbulimit të dy pajisjeve amerikane 1,000 kg dhe një 500 kg të hënën, shkruajnë mediat e huaja, përcjell Telegrafi.

Madhësia e bombave do të thotë që një zonë rreziku prej 1,000 metrash duhet të rrethohet dhe të mbyllet.

Zyrtarët kanë shkuar derë më derë duke kontrolluar nëse bizneset dhe shtëpitë në Qytetin e Vjetër dhe zonat Deutz të Këlnit janë bosh.

Nëntë shkolla, 58 hotele, një spital, bashkia kryesore dhe zona pranë katedrales së famshme të Këlnit, e cila është e listuar në UNESCO, janë ndër vendet e shumta të ndaluara përkohësisht.

Dy strehimore janë ngritur për të prekurit.

Është raportuar se 1.5 milion bomba u hodhën në Këln gjatë Luftës së Dytë Botërore dhe ekspertët vlerësojnë se rreth 20% e tyre nuk shpërthyen plotësisht.

Disa nga këto të ashtuquajtura “bomba të pashpërthyera” ende qëndrojnë nën rrugë dhe kanë shkaktuar evakuime të shumta gjatë viteve.

Në vitin 2024, në qytet u gjetën 31 bomba, duke kërkuar 17 evakuime, duke prekur më shumë se 36,000 njerëz.

Zyrtarët e qytetit i kanë thënë Sky News se plani është të përpiqen të çaktivizojnë bombat.

Nëse kjo nuk është e mundur, atëherë një tjetër mundësi do të ishte shpërthimi i tyre në mënyrë të sigurt.

Autoritetet shpresojnë se nëse gjithçka shkon sipas planit, ekspertët e çaktivizimit të bombave do të jenë në gjendje t’i çaktivizojnë ato në kohë për t’u lejuar njerëzve të kthehen në shtëpitë e tyre deri të mërkurën në mbrëmje. /Telegrafi/

The post Një qytet në Gjermani nis evakuimin më të madh që nga viti 1945 për të çaktivizuar bombat e Luftës së Dytë Botërore appeared first on Telegrafi.

Në Këln është bërë evakuimi më i madh që nga Lufta e Dytë Botërore, zbulimit të tre bombave të pashpërthyera të hedhura nga forcat aleate 80 vjet më parë.

Rreth 20,000 njerëz po detyrohen të largohen nga shtëpitë dhe bizneset e tyre, ndërsa hotelet, një shtëpi kujdesi për të moshuarit dhe një spital po evakuohen.

Tre ura mbi Rajn janë mbyllur dhe trafiku hekurudhor është ndaluar ose devijuar.

Shkolla të shumta, kopshte, muze dhe rrjeti i tramvajit, si dhe shtëpia e orkestrës filarmonike të qytetit, janë detyruar të mbyllen pasi i gjithë qyteti i vjetër u ndalua.

Bombat pritet të çaktivizohen të mërkurën në mëngjes. Ato janë bomba të prodhuara në SHBA, dy prej 20 tonësh dhe një prej 10 tonësh.

Rreth 20,000 njerëz po detyrohen të largohen nga shtëpitë dhe bizneset e tyre në Gjermani për shkak të zbulimit të tre bombave të pashpërthyera të hedhura nga forcat aleate 80 vjet më parë. Siç raporton The Guardin janë evakuar hotelet shtëpi kujdesi për të moshuarit dhe një spital. Gjithashtu tre ura mbi lumin Rajn janë mbyllur dhe trafiku hekurudhor është ndalur ose devijuar.

Shumë shkolla, kopshte, muze dhe rrjeti i tramvajit, si dhe shtëpia e orkestrës filarmonike të qytetit, janë detyruar të mbyllen pasi të gjitha veprimet në qytetin e vjetër janë ndërprerë. Transmetuesi RTL është detyruar të zhvendosë programet e tij të lajmeve në studiot në Berlin, pasi ndërtesa e tij në Këln ndodhet brenda zonës së evakuimit me një rreze prej rreth 1,000 metrash.

Disa programe që duhej të transmetoheshin drejtpërdrejt u detyruan të regjistroheshin, ka njoftuar transmetuesi. Bombat pritet të çaktivizohen të mërkurën në mëngjes. Ato janë bomba të prodhuara në SHBA, dy prej 20 tonësh dhe një prej 10 tonësh. Ato janë zbuluar të hënën në bregun e djathtë të lumit Rajn gjatë punimeve ndërtimore pranë fabrikës së anijeve Deutz.

Të treja janë të pajisura me fitil impakti që mund të shkaktojnë shpërthim në kontakt me një sipërfaqe të fortë. Tetëdhjetë vjet pas përfundimit të Luftës së Dytë Botërore, gjetje të tilla ende nuk janë të pazakonta në Këln, i cili ishte ndër qytetet më të bombarduara të Gjermanisë gjatë konfliktit. Ende nuk dihet saktësisht se kur u hodhën bombat që presin të çaktivizohen.

Tetëdhjetë vjet pas përfundimit të Luftës së Dytë Botërore, gjetje të tilla nuk janë të pazakonta në Këln, i cili ishte ndër qytetet më të bombarduara të Gjermanisë gjatë konfliktit. Ai u godit në 262 sulme ajrore të kryera nga RAF, ndonjëherë duke përdorur bomba të prodhuara në SHBA, veçanërisht drejt fundit të konfliktit. Rreth 20,000 njerëz u vranë në sulmet me bombardime.

Natën e 30 majit 1942, qyteti ishte shënjestra e sulmit të parë me një mijë bombardues të RAF-it në një qytet gjerman. Më shumë se 1,000 avionë u dërguan, duke fluturuar në një formacion të ngushtë rrjedhë bombarduesish, dendësia e të cilit kishte efektin e mbingarkesës së radarëve dhe mbrojtjes gjermane. Vetëm këtë natë, 868 bombardues sulmuan qytetin me 1,455 ton bomba në atë që njihej si Operacioni Mijëvjeçari.

The post Panik në Gjermani/ Gjenden tre bomba të Luftës së Dytë Botërore, nis evakuimi masiv në vend appeared first on Albeu.com.

Mbrëmë rreth orës 2:50 të mëngjesit, një shpërthim ka ndodhur në rrugën Slavenskog në Zagreb të Kroacisë, duke dëmtuar dy lokale hoteliere, njoftoi policia e Zagrebit.

Sipas informacioneve fillestare, një person i panjohur ka hedhur një mjet shpërthyes që ka thyer xhamat dhe ka dëmtuar inventarin e të dy bareve.

Në momentin e shpërthimit nuk kishte njerëz në ndërtesa dhe askush nuk u lëndua. Këto janë kafenetë Bodega dhe After Eight, transmeton Telegrafi.

Forca të shumta policie dhe ekspertë mjeko-ligjorë ndodhen në vendngjarje. Rruga është e mbyllur për qarkullim të automjeteve.

Akoma nuk dihen motivet e kësaj vepre apo identitet i autorit të hedhjes së bombës në Zagreb. /Telegrafi/

The post Shpërthen një bombë në Zagreb, dëmtohen dy kafiteri appeared first on Telegrafi.

Policia e Kosovës në rajonin e Ferizajt, ka njoftuar se një qytetar nga Kaçaniku ka hasur në një mjet të pa shpërthyer dhe menjëherë ka njoftuar Policinë. Në vendin e ngjarjes kanë dalë të gjitha ekipet e dominimit të Forcës së Sigurisë së Kosovës dhe po merren me rastin.

“Eshtë raportuar se ankuesi mashkull kosovar kishte hasur në një mjet të dyshuar të pashpërthyer. Në vendin e ngjarjes kanë dal njësiti i deminimit të FSK-së dhe është bërë shpërthimi i kontrolluar i mjetit të pashpërthyer”, thuhet në raportin e Policisë së Kosovës në Ferizaj./Telegrafi/

The post Një qytetar nga Kaçaniku gjen një mjet të pashpërthyer appeared first on Telegrafi.

Një grua 38-vjeçare ka humbur jetën në Selanik të Greqisë, pasi një bombë që ajo po mbante me vete shpërtheu në duart e saj. Sipas raportimeve të policisë greke, ngjarja ndodhi në orët e para të mëngjesit të së shtunës, ndërsa gruaja dyshohet se po përpiqej të vendoste mjetin shpërthyes pranë një bankomati. Shpërthimi shkaktoi […]

The post Greqi, do të shpërthente bankën, 38-vjeçarja vdes pasi i plas bomba në duar appeared first on BoldNews.al.

Drejtori i Agjencisë Ndërkombëtare të Energjisë Atomike (IAEA), Rafael Grossi, tha sot se Irani ka materiale të mjaftueshme për të prodhuar disa bomba bërthamore, por Teherani zyrtar ende nuk posedon armë bërthamore. “Sidoqoftë, ata nuk janë larg kësaj”, paralajmëroi Raphael Grossi në një intervistë për gazetën franceze “Le Monde” disa orë para vizitës së tij […]

The post Grossi: Irani ka materiale të mjaftueshme për të bërë disa bomba appeared first on BoldNews.al.

Rreth dy milionë mina tokësore janë të shpërndara nëpër Ukrainë, sipas OKB. Do të duhen vite që ato të pastrohen. Në qytetin e Bovary, në periferi të Kiyvit, tani po ndihmojnë edhe veteranët e luftës. Është e mundimshme…dhe e rrezikshme. Një, dy tre, piip… Më shumë se dy vjet pasi ushtarët rusë u detyruan të […]

The post Ukraina sot vendi më i minuar në botë appeared first on BoldNews.al.