Bashkimi Evropian ka miratuar paketën e 18-të të sanksioneve kundër Rusisë, në një përpjekje të re për të intensifikuar presionin ekonomik ndaj Kremlinit për shkak të agresionit të vazhdueshëm në Ukrainë.

Lajmi u konfirmua nga shefja e diplomacisë së BE-së, Kaja Kallas.

Për herë të parë që nga fillimi i masave ndëshkuese, BE ka vendosur një ulje të çmimit tavan për naftën ruse, duke e zbritur në 47.6 dollarë për fuçi, një përpjekje kjo për të reduktuar më tej të ardhurat ruse nga eksportet energjetike.

We are standing firm.

The EU just approved one of its strongest sanctions package against Russia to date.

We’re cutting the Kremlin’s war budget further, going after 105 more shadow fleet ships, their enablers, and limiting Russian banks’ access to funding. (1/3)

— Kaja Kallas (@kajakallas) July 18, 2025

Paketa e re përfshin gjithashtu edhe sanksione ndaj 22 bankave ruse, të cilat luajnë rol kyç në financimin e luftës; kufizime ndaj disa bankave kineze, të cilat janë identifikuar si mbështetëse të operacioneve financiare të Rusisë; masa ndëshkuese ndaj rafinerisë së Rosneft-it në Indi, një pikë kyçe për përpunimin e naftës ruse dhe veprime kundër gazsjellësve Nord Stream dhe Nord Stream 2, të cilët mbeten simbole të varësisë energjetike të dikurshme të Evropës ndaj Rusisë

Sipas zyrtarëve të BE-së, paketa e re fokusohet gjithashtu në “mbylljen e skemave të errëta” dhe në ndalimin e bashkëpunëtorëve ndërkombëtarë që ndihmojnë Rusinë të anashkalojë sanksionet.

“Pa këto rrugë të dyta, ekonomia ruse do të fillojë të mbytet më shpejt,” thuhet në deklaratën zyrtare nga Brukseli.

Ndryshe, paketa e re me sanksione ndaj shtetit rus pritet të hyjë në fuqi brenda javës. /Telegrafi/

Nord Stream pipelines will be banned.
A lower oil price cap.

We are putting more pressure on Russia’s military industry, Chinese banks that enables sanctions evasion, and blocking tech exports used in drones. (2/3)

— Kaja Kallas (@kajakallas) July 18, 2025

For the first time, we’re designating a flag registry and the biggest Rosneft refinery in India.

Our sanctions also hit those indoctrinating Ukrainian children.

We will keep raising the costs, so stopping the aggression becomes the only path forward for Moscow. (3/3)

— Kaja Kallas (@kajakallas) July 18, 2025

The post BE-ja miratoi një nga paketat më të forta të sanksioneve kundër Rusisë appeared first on Telegrafi.

Real Madrid tani është i okusuar në shitjen e lojtarëve, pasi finalizoi transferimin e Alvaro Carreras më herët këtë javë. 

Fran Garcia është përfolur shumë për një kalim te Milani në ditët e fundit, ndërsa tani edhe një tjetër mbrojtës që ka qenë pjesë e ekipit të parë pritet të largohet. 

Me ardhjen e Dean Huijsen, Real Madridi ka aktualisht në dispozicion pesë qendërmbrojtës: Dean Huijsen, Antonio Rudiger, Eder Militao, Raul Asencio dhe David Alaba, ndërkohë që edhe Joan Martinez pritet t’i bashkohet grupit të ekipit të parë gjatë muajve në vijim, pasi është rikuperuar nga një dëmtim në ligamentin e gjurit (ACL) që e pësoi verën e kaluar. 

Numri i madh i alternativave që ka në dispozicion trajneri Xabi Alonso dhe që mund të shtohet edhe më shumë nëse Ibrahima Konate transferohet këtë verë, e bën të pamundur që Jacobo Ramon të ketë një rol në skuadrën e parë të Real Madridit për sezonin 2025/2026. 

Për këtë arsye, sipas Diario AS, lojtari pritet të kërkojë largimin. 

Jacobo, i cili fitoi zemrat e tifozëve pasi shënoi golin e fitores kundër Osasunës në maj, nuk ka ndërmend të rikthehet te ekipi i Castillas, ndaj dëshiron të largohet dhe Real Madridi nuk do t’i bëjë pengesa. 

Skuadra e Serie A, Como, që sezonin e kaluar bleu Nico Paz nga Real Madridi, është shumë e interesuar për Jacobo Ramon, ndërsa interesim kanë shfaqur gjithashtu edhe Real Betis, Levante dhe Rayo Vallecano. 

Real Madridi dëshiron të mbajë kontrollin mbi 20-vjeçarin duke përfshirë një klauzolë riblerjeje dhe një përqindje nga shitja e ardhshme në çdo marrëveshje që do të arrihet./Telegrafi/

The post Mbrojtësi i Real Madridit dëshiron largimin – katër klube e duan transferimin e tij appeared first on Telegrafi.

Prokuroria Themelore në Prizren ka bërë të ditur se ka kërkuar nga Gjykata Themelore në Prizren, caktimin e masës së paraburgimit në afat prej 30 ditësh, ndaj të pandehurit I.K., për shkak të dyshimit të bazuar se i njëjti ka kryer veprën penale “Keqpërdorimi i pozitës apo autoritetit zyrtar”.

Sipas një njoftimi për media bëhet e ditur se i pandehuri I.K në cilësi të zyrtarit doganor në pikë kalimin kufitar në Vërmicë ka lejuar të kalojë pa u kontrolluar një furgon i cili bartëte mall komercial, patika të ndryshme sportive në vlerë prej 11,457.60 euro.

Tutje në njoftim thuhet se me këto veprime i pandehuri në vlerën prej mbi 3 mijë euro ka dëmtuar buxhetin e Kosovës.

Lexoni më poshtë kërkesën e Prokurorisë Themelore në Prizren:

Sipas kërkesës së prokurorisë, me datë 16.07.2025, rreth orës 19:17min, në Pikën Kufitare në Vërmicë, i pandehuri I.K., në cilësi të zyrtarit doganor i caktuar në PKK në Vërmicë, duke shfrytëzuar detyrën apo autoritetin zyrtar i tejkalon kompetencat e tij zyrtare, ashtu që në kundërshtim me rregullativën ligjore që ka pasur për detyrim të ndal veturën, të hap bagazhin dhe të bëjë kontrollimin e veturës, i njëjti me qëllim nuk e hap bagazhin e veturës dhe nuk bënë kontrollimin, në atë mënyrë që automjeti- furgoni i markës “Mercedes Sprinter 316 CDI”, të cilën e drejtonte A.K., hynë në pikën kufitare dhe e parkon automjetin në kabinën nr.6, dhe fillon të komunikojë me të pandehurin, të cilit ia jep një letër dhe pastaj kthehet për të marr dokumentet dhe futet deri tek dera e kabinës ku ishte duke punuar i pandehuri I.K., dhe pas bisedës së shkurtër, të cilët duke qenë në dijeni se brenda kabinave ka video incizim me audio, të dy dalin jashtë dhe bisedojnë edhe disa sekonda, pastaj drejtuesi i furgonit A.K., largohet me furgon duke mos u kontrolluar fare, ndërsa i pandehuri I.K., në të dhënat “SEED”, regjistron se furgoni i lartpërmendur është i zbrazët, ku pastaj furgoni lëviz në rrugën e vjetër afër pikë kalimit kufitar në Vërmicë – Prizren, saktësisht afër një Restauranti duke lëvizur në drejtim te Prizrenit ndalet nga njësia për antikontrabandë të cilët kanë sinjalizuar automjetin në fjalë duke përdorur dritat rotative dhe borinë, dhe pas kontrollimit të automjetit rezulton të jetë i ngarkuar me mall komercial patika te ndryshme sportive në vlerë prej 11,457.60 €, duke ju shmangur detyrimeve doganore në vlerë prej 3,414.36 €, me të cilat veprime i pandehuri në vlerën e cekur prej 3,414.36 €, ka dëmtuar buxhetin e Republikës së Kosovës.

Prokuroria Themelore në Prizren, vazhdon të mbetet e përkushtuar në luftën ndaj kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin. /Telegrafi/

The post “Mbi 3 mijë euro dëmtim të buxhetit të Kosovës”, Prokuroria e Prizrenit kërkon paraburgim për zyrtarin doganor appeared first on Telegrafi.

Ambasadori i Kosovës në Maqedoninë e Veriut Florian Qehaja, në emisionin “PodGo” në Telegrafi Maqedoni, ka folur për rrugën Tetovë – Prizren, për të cilën tha se është në fazën e projektimit të tunelit dhe se e njëjta do ta shkurtojë distancën në 50 minuta vozitje nga njëri në qytetin tjetër.

“Jemi në fazën e projektimit, nuk kemi dilemë që do të realizohet, por synojmë që ky vullnet politik të përkthehet edhe në punë konkret në terren. Nuk dorëhiqemi në atë që duhet ta lidhim më afër Tetovën me Prizrenin. Jemi në fazën e projektimit të tunelit, i cili do të jetë 6 kilometër, më i madh se ai i Kalimashit, në këtë fazë nuk ka dinamikë shumë të madhe”.

“Ngecja për momentin është në Fakultetin e Ndërtimtarisë në Shkup. Po ta kishim ne këtë punë do ta respektonim më shumë. Kemi interes strategjik dhe nuk kemi dilema a do të bëhet, por kur do të bëhet”, tha mes tjerash ambasadori Qehaja.

Ai foli edhe për rrugën Shkup – Bllacë, për të cilën tha se është më e arritshme të realizohet./Telegrafi/

The post Qehaja për rrugën Tetovë – Prizren: Jemi në fazën e projektimit të tunelit, nuk kemi dyshime se do të bëhet appeared first on Telegrafi.

Ardon Jashari thuhet se nuk pozoi me shokët e tij të ekipit të Club Brugge për një foto ekipore të enjten, ndërsa vazhdon të shtyjë për një transferim te Milani këtë verë.

Sipas La Gazzetta dello Sport, ylli shqiptar po shtyn përpara për një transferim te Milani këtë verë dhe nuk mori pjesë në foton zyrtare të ekipit dje.

Gazeta italiane këmbëngul se Jashari dëshiron të transferohet në San Siro vetëm në afatin kalimtar të verës 2025, por klubi i tij ende nuk e ka pranuar propozimin e fundit të Milanit me vlerë 32.5 milionë euro plus 2 milionë euro bonuse.

Pas d’Ardon Jashari sur la photo de classe de Bruges!

(@LashKokiashvili) pic.twitter.com/JRu3iw3z5Q

— Actualité – Serie A (@ActualiteSerieA) July 17, 2025

Jashari rifilloi stërvitjen me pjesën tjetër të ekipit në fillim të kësaj jave, por po bëhet gjithnjë e më i pakënaqur në Brugge, duke pasur parasysh se dëshiron të transferohet në Milano sa më shpejt të jetë e mundur.

22-vjeçari është i vetëdijshëm se nuk do të marrë pjesë në ndeshjet miqësore para-sezonale të Milanit në turneun e tyre aziatik, por shpreson të bashkohet me Rossonerët në fillim të gushtit.

Negociatat midis Milanit dhe Club Brugge janë zvarritur për javë të tëra, kështu që Rossonerët kanë rinisur bisedimet edhe për mesfushorin e Valencias, Javi Guerra, i cili shihet si alternativa kryesore ndaj Jasharit. /Telegrafi/

The post Ardon Jashari refuzon foton me ekipin e Club Brugge, shtyn përpara transferimin te Milani appeared first on Telegrafi.

Tyla tërhoqi gjithë vëmendjen teksa mbërriti në klubin e natës Phonox në Brixton, me një veshje që nuk kaloi pa u vënë re – reçipeta dantelle jeshile neoni dhe pantallona të shkurta xhins.

Këngëtarja 23-vjeçare shfaqi stilin e saj të guximshëm dhe u shfaq plot vetëbesim përpara performancës së saj në një mbrëmje intime me fansat.

Në të njëjtin event, Stormzy u shfaq në mënyrë më të përmbajtur, me tuta gri dhe syze të errëta, duke shmangur vëmendjen, por jo zhurmën në medie, shkruan DailyMail.

Reperi 31-vjeçar po përflitet gjerësisht pas publikimit të këngës “Sorry Rach!”, ku flet për një lidhje të re dhe dëshirën për të krijuar familje.

Teksti ka bërë që fansat të spekulojnë për një histori të re dashurie dhe përfundimisht përmbylljen e kapitullit me ish-të dashurat e tij Maya Jama dhe Victoria Monet.

Ndërkohë që Maya ka konfirmuar se ajo dhe Stormzy nuk do të rikthehen më bashkë, vëmendja tashmë është përqendruar tek identiteti i vajzës misterioze që ka frymëzuar reperin – një lidhje që ai vetë e quan “gati për martesë”.

Dikur i adhuruar për stilin e tij të ashpër dhe mesazhet e fuqishme, Stormzy po përballet me kritika për ndryshimin e kursit artistik, me albumin e fundit që nuk ka arritur pritshmëritë.

Por, edhe mes kritikave dhe thashethemeve, ai vazhdon të mbetet një nga emrat më të lakuar në skenën britanike. /Telegrafi/

The post Tyla shkëlqen në Brixton me një paraqitje të guximshme dhe stil unik në skenë appeared first on Telegrafi.

Në Spitalin Pediatrik “Sheika Fatima” në Prishtinë është inauguruar një laborator i ri modern, si rezultat i bashkëpunimit mes Presidencës së Kosovës dhe fondacionit nga Emiratet e Bashkuara Arabe, “Khalifa Foundation”.

Sipas një postimi në rrjetin social në Facebook të presidencës bëhet e ditur se ky laborator do t’i mundësojë këtij institucioni publik shëndetësor të realizojë shumicën e analizave, brenda vetë spitalit pediatrik

“Falë angazhimit të Presidentes së Republikës së Kosovës, Vjosa Osmani, dhe përkrahjes së vazhdueshme të donatorit tonë të rregullt, ‘Khalifa Foundation’, dje në Spitalin ‘Sheika Fatima’, është inauguruar laboratori i ri. I pajisur me teknologji bashkëkohore, ky laborator do t’i mundësojë këtij institucioni publik shëndetësor të realizojë shumicën e analizave, brenda vetë spitalit pediatrik. Kjo do të ndikojë drejtpërdrejt në përmirësimin e efikasitetit, cilësisë dhe qasjes së qytetarëve në shërbime më të avancuara laboratorike, me theks të veçantë tek fëmijët, të cilët janë përfituesit më të ndjeshëm dhe më të rëndësishëm të këtyre investimeve”, thuhet në njoftim.

Po ashtu siç bëhet e ditur një pjesë e konsiderueshme e pajisjeve të reja do të përdoret në repartin e neonatologjisë, aty ku kujdesi mjekësor është vendimtar për jetën e bebeve dhe nënave.

“Presidentja Osmani ka shprehur mirënjohje të thellë për popullin e Emirateve të Bashkuara Arabe dhe, në veçanti, për Lartmadhërinë e saj, Sheika Fatima bint Mubarak Al Ketbi, për kontributin e çmuar dhe bashkëpunimin e vazhdueshëm në përmirësimin e sistemit shëndetësor në Kosovë”, thuhet ndër të tjera në njoftim. /Telegrafi/

The post Inaugurohet laboratori i ri pediatrik në QKUK appeared first on Telegrafi.

Policia e Kosovës ka njoftuar se është ekstraduar nga Austria një personi të kërkuar për vjedhje të rëndë.

Në njoftimin e bërë nga policia thuhet se i njëjti është dërguar për vuajtje të dënimit.

“Sot, në Aeroportin Ndërkombëtar të Prishtinës, Njësiti për Menaxhimin e Urdhëresave të stacionit të Podujevës, ka realizuar pranimin e një personi të kërkuar me dy urdhëresa aktive të gjykatës, për veprën penale “Vjedhje e rëndë”. I kërkuari është ekstraduar në Kosovë,sot rreth orës 01:00, në bashkëpunim me autoritetet austriake dhe ato vendore. Menjëherë pas pranimit, ai është dërguar për vuajtje të dënimit (1 vit e 6 muaj)”, vijon njoftimi.

Mes tjerash thuhet se Policia e Kosovës vazhdon angazhimin për zbatimin e ligjit dhe sjelljen para drejtësisë të personave të shpallur në kërkim./Telegrafi/

The post Ekstradohet nga Austria një personi i kërkuar për vjedhje të rëndë appeared first on Telegrafi.

Kryetari i njërit prej tre krahëve të Aleancës për Shqiptarët, Zijadin Sela, tha se bashkimi me koalicionin e Frontit Evropian, të udhëhequr nga BDI-ja e Ali Ahmetit, nuk është humbje e filozofisë së kryetarit të PDSH-së, tashmë të ndjerë, Arbën Xhaferit, nga partia e të cilit u formua ASH.

Sela për “Tëvë“ përmendi dy arsye pse iu bashkua një koalicioni të tillë. E para, sipas tij, ishte pamundësia për të marrë pjesë zyrtarisht në zgjedhje për shkak të mosmarrëveshjes për vulat e partisë, dhe e dyta, tha se mospjesëmarrja në zgjedhje do të thoshte dorëzim, gjë që, sipas tij, do t’i bënte të lumtur të gjithë kundërshtarët politikë.

“Po ju thamë shkurt e shqip për shkak se ka pas vetëm dy zgjidhje. Një mos të marr fare pjesë në zgjedhje, sepse për të marrë pjesë në zgjedhje duhet të kesh vulat e partisë, kontekst që sot e kësaj dite ekziston. Tjetra, në betejat më të mëdha në drejtim të sterkamzave politike dhe betejave tjera që ka pas me bllokun politik maqedonas dhe unë nuk mundesha të dorëzohesha aq lehtë, të gjithë kundërshtarët e mi politik do të gëzoheshin që ia arritën qëllimit”, ka thënë Sela./Telegrafi/

The post Sela: Koalicioni i ASH-së me BDI-në nuk është humbje e filozofisë së Arbën Xhaferit appeared first on Telegrafi.

Pas muajsh spekulimesh me Interin, tani sulmuesi i Manchester United, Rasmus Hojlund, është në shënjestrën e rivalëve të qytetit, Milan. 

Sipas ekspertit të Sky Sport Italia, Gianluca Di Marzio, ‘Rossonerët’ kanë kontaktuar Manchester United në 24 orët e fundit për të pyetur mbi disponueshmërinë e Hojlund. 

Për një kohë të gjatë ai ishte përfolur për një kalim te Interi, por zikaltrit tashmë e kanë lënë pas këtë pistë, pasi kanë siguruar shërbimet e Ange-Yoan Bonny nga Parma dhe po besojnë gjithashtu te lojtari i të rinjve, Pio Esposito. 

Nuk është sekret që Milani po kërkon një sulmues qendror të fuqishëm për trajnerin e ri Max Allegri, dhe Hojlund i përmbush të gjitha kriteret. 

Ai ka përvojë në Serie A me Atalantan, edhe pse qëndroi në Bergamo vetëm një vit përpara se të transferohej te Manchester United në vitin 2023 për 77.8 milionë euro plus bonuse. 

Hojlund ka hasur vështirësi për të siguruar minuta në ‘Old Trafford’, duke shënuar 10 gola dhe dhënë katër asistime në 52 paraqitje zyrtare sezonin e kaluar. 

Nëse Milani do të tentojë transferimin, marrëveshja do të mund të bëhej vetëm në formë huazimi me të drejtë blerjeje në fund të sezonit./Telegrafi/

The post Milani rivalizon Interin në garën për transferimin e Rasmus Hojlund appeared first on Telegrafi.

Nga: Robert Shrimsley / The Financial Times
Përkthimi: Telegrafi.com

Gjatë një dite të fundit të lirë për ministrat e kabinetit, Peter Kyle, sekretari për Shkencë dhe Teknologji [i Mbretërisë së Bashkuar], mbajti një prezantim mbi inteligjencën artificiale [IA], ku përfshiu edhe shembullin e një kompanie të njohur të shërbimeve financiare, që kishte pushuar mijëra punonjës nga puna – edhe pse të ardhurat e saj po rriteshin ndjeshëm.

Paralajmërimi i tij ishte se kjo prirje do të përsëritet gjerësisht. Edhe pse kursimet e tilla dhe rritja e produktivitetit do të mirëpriteshin në shërbimet publike, ndikimi i IA-së, në tregun e punës, po tërheq vëmendjen në nivelet më të larta të qeverisë. Morgan McSweeney, strategu dhe shefi i stafit të kryeministrit, foli me entuziazëm për librin Republika teknologjike [The Technological Republic] – një vepër me ton egoist, por me vlera, nga drejtori ekzekutiv dhe këshilltari ligjor i Palantir-it. Libri argumenton se IA-ja duhet të lidhet me nevojat kombëtare, duke shprehur shqetësimin se shumë nga pionierët e industrisë udhëhiqen më shumë nga interesat personale teknologjike dhe financiare, sesa nga ato shoqërore.

Figurat e larta në qeveri e krahasojnë ndikimin e mundshëm të IA-së me revolucionin e parë industrial. Megjithatë, ka shumë të panjohura për ta pranuar pa rezerva këtë paralelizëm. Vlerësimet për ndikimin e IA-së në punësim, ndryshojnë shumë nga njëra-tjetra, dhe rrallë janë optimiste. Një sondazh i fundit tregoi se pozicionet e shpallura për të diplomuarit, në Mbretërinë e Bashkuar, ishin 33 për qind më pak krahasuar me vitin e kaluar, megjithëse ndikonin edhe faktorë të tjerë.

Përballë kësaj pasigurie, shpesh është më e thjeshtë të përqendrohesh te problemet e menjëhershme, si p.sh. ta vendosësh Mbretërinë e Bashkuar në anën e duhur të revolucionit të IA-së. Ministrat flasin për përparimet në shëndetësi, mbrojtje dhe arsim, si dhe për ekspertizën e kërkimit shkencor dhe të universiteteve britanike. Kyle po shqyrton gjithashtu si mund të shfrytëzohet pasuria e të dhënave, nga shërbimet publike, për të siguruar që përfitimet të mbeten në Britani.

Megjithatë, ia vlen të merret parasysh analogjia me revolucionin industrial, edhe nëse është e papërsosur. Gjatë disa dekadave, shoqëria u transformua rrënjësisht duke çuar në krijimin e një klase industriale punëtore; në një sërë reformash sociale, industriale dhe arsimore; në zgjerimin e së drejtës së votës për popullsinë e rritur; dhe, në zëvendësimin e liberalëve me një forcë të re – laburistët. Ndoshta më me rëndësi, u formua një klasë e mesme që po rritej e që u bë shtylla kurrizore e demokracisë liberale dhe kapitalizmit.

Nuk është e nevojshme ta pranosh plotësisht këtë krahasim, për të kuptuar ndikimin e thellë që do të ketë këtë herë mbi politikën demokratike. Filizat e parë të populizmit mund të gjurmohen që në zhvendosjen nga industria e rëndë, duke çuar në rënien e qyteteve dhe komuniteteve dikur krenare për prodhimin industrial. Kjo gjithashtu e ka përshpejtuar ndryshimin e laburistëve nga roli tradicional si partia e klasës së sindikalizuar punëtore.

Të gjithë mund të shohin se një tronditje po afrohet, por dimë shumë pak për natyrën e saj. Një studim qeveritar i vitit 2023 identifikoi punët më të ekspozuara ndaj IA-së. Tani është duke u zhvilluar një analizë e re e gjerë brenda të gjitha departamenteve qeveritare.

Një rënie e qëndrueshme e punësimit në profesionet fitimprurëse mund të ketë pasoja të gjera politike. Duke hartuar profesionet në rrezik, sipas zonave elektorale, anketuesi James Kanagasooriam vëren se ndikimet më të mëdha do të ndihen në zonat e pasura jugore. Kjo perspektivë – ku punonjësit me kostum janë në rrezik, ndërsa vendet për punë fizike janë më të sigurta – përmbys ndikimet e mëparshme të revolucioneve industriale dhe mund të krijojë një klasë të re humbësve ekonomikë.

Pasojat mund të përfshijnë përqendrime më ekstreme të pasurisë, më pak vende pune me paga të mira dhe ndryshime në madhësinë dhe strukturën e bazës tatimore. Studentët mund të shmangin marrjen e borxheve të mëdha për diplomat që ofrojnë të ardhura të ulëta. Ideja e një brezi të tradhtuar do të përhapet gjithnjë e më shumë. Çfarë mund të kërkojnë votuesit në terma mbrojtjeje – dhe si do të financohet ajo?

Në versionin më dramatik të parashikimeve, ky ndryshim mund të zvogëlojë klasën e mesme që ka ofruar stabilitet politik, duke zgjeruar grupin e njerëzve me pasuri dhe ndjesi përkatësie ndaj shoqërisë, e të cilët ndihen të përfaqësuar nga sistemi dhe establishmenti. Si do ta riorientonte ky ndryshim demografik politikën partiake?

Mjafton të shikosh rritjen aktuale të partive populiste, për të parë se si ndryshon politika kur zhduket kënaqësia e përbashkët – dhe kjo ndodhi para ardhjes së IA-së. E djathta tradicionale tashmë është përçarë, dhe e majta po pëson erozion. Konservatorët nuk janë më partia e të kënaqurve, dhe partia Reform UK e Nigel Farageit përqafon politikat e majta ekonomike. Ekziston një grup që po kërkon zgjidhje alternative dhe po humb besimin te shteti. Tani, imagjinoni që vetë votuesit e establishmentit – ata që nuk janë mësuar të humbasin – të kalojnë në rreshtin e të pakënaqurve.

Laburistët kanë vendosur të jenë entuziastë për IA-në, gjë që ndoshta është vendim i mençur, pasi ludizmi [lëvizja e dikurshme kundër teknologjisë] rrallë funksionon. Por, ata duhet gjithashtu të ofrojnë përgjigje për mënyrën se si të mbrojnë elektoratin nga ky tranzicion teknologjik dhe më tej.

Sfida nuk kufizohet vetëm te punët. Përparimet në të dhëna, analizë imazhesh dhe mbikëqyrje do t’i vënë udhëheqësit gjithnjë e më shumë përballë kompromiseve midis lirive civile dhe rendit publik. Dhe, teknologjia po depërton në vetë demokracinë – jo vetëm përmes përmbajtjes së rreme. Një sondazh i brendshëm i Laburistëve zbuloi se një në katër votues kishte përdorur ChatGPT-në për informacion gjatë zgjedhjeve të fundit.

Mund të ndodhë që alarmi të jetë i tepruar, dhe se IA-ja do të krijojë vende të reja pune teksa zhduk të tjerat – megjithatë, ritmi i ndryshimit është vetë thelbi i sfidës.

Por, ndryshimet e mëdha gjithmonë reflektohen në politikë. Po sikur revolta e ardhshme të vijë nga vetë establishmenti liberal? Kur fitimtarët, mbi të cilët mbështeten strukturat e shoqërisë dhe demokracisë, bëhen humbës, atëherë siguritë e vjetra mund të zhduken shumë shpejt. /Telegrafi/

The post Politika përballet me llogaridhënien për inteligjencës artificiale appeared first on Telegrafi.

Një vizatim nudo dhe një shënim me emrin e Donald Trump janë zbuluar në një koleksion letrash për ditëlindjen e Jeffrey Epstein në vitin 2003. Presidenti amerikan mohon çdo lidhje dhe paralajmëron padi ndaj mediave.

Një letër që mban emrin e presidentit Trump dhe përfshin një vizatim të një gruaje të zhveshur është zbuluar në një koleksion letrash të dhuruara për ditëlindjen e 50-të të Jeffrey Epstein, sipas një raporti të publikuar të enjten nga Wall Street Journal.

Në vizatim, nënshkrimi “Donald” shfaqet në një pozicion të papërshtatshëm në trupin e figurës femërore, dhe përmban një tekst të daktilografuar që përfundon me fjalinë “Gëzuar ditëlindjen – dhe u bëftë çdo ditë një sekret tjetër i mrekullueshëm”.

Presidenti amerikan ka mohuar kategorikisht çdo lidhje me këtë letër, duke deklaruar në një intervistë për Wall Street Journal “unë kurrë nuk kam bërë vizatime në jetën time. Nuk vizatoj gra. Nuk është gjuha ime. Nuk janë fjalët e mia.”

Ai e ka cilësuar letrën si të falsifikuar dhe ka kërcënuar me padi ndaj gazetës dhe pronarit të saj, Rupert Murdoch, raporton cnn.

Më vonë gjatë së enjtes, Trump publikoi një mesazh në rrjetin Truth Social, ku njoftoi se kishte urdhëruar prokuroren, Pam Bondi të publikojë çdo dëshmi përkatëse nga juria e madhe, me kushtin e miratimit gjyqësor. Bondi reagoi menjëherë në platformën X, duke thënë se ishte e gatshme ta bënte këtë të premten, megjithëse procedurat ligjore mund të kërkojnë më shumë kohë.

Trump gjithashtu akuzoi Wall Street Journal se kishte shpërndarë një “lajm të rremë” dhe konfirmoi se do të padiste gazetën, grupin NewsCorp dhe vetë Rupert Murdoch. “Presidenti Trump do të padisë The Wall Street Journal, NewsCorp, dhe Murdoch së shpejti,” thuhej në postimin zyrtar.

Raporti ka ngjallur reagime të forta në rrjetet sociale. Zëvendëspresidenti amerikan, JD Vance e quajti historinë “marrëzi e plotë”, ndërsa figura të tjera të njohura të kampit konservator dolën në mbrojtje të Trump. Aktivistja Laura Loomer shkroi se “letra është krejtësisht e falsifikuar” dhe se Trump “nuk shkruan në veturë shkrimi, por me marker të zi.” Ndërsa Charlie Kirk theksoi se gjuha e përdorur në letër “nuk përputhet fare me mënyrën si flet Trump.”

Letra ishte pjesë e një albumi të përgatitur nga Ghislaine Maxwell, bashkëpunëtorja e ngushtë e Epsteinit, e dënuar për trafik seksual të të miturve. Ky album, që përmbante letra nga Trump dhe personalitete të tjera, është përfshirë më vonë në hetimet e Departamentit të Drejtësisë.

Kujtojmë se Trump ka qenë i fotografuar me Epstein në disa raste në vitet 1990 dhe 2000, dhe emri i tij është shfaqur në regjistrat e udhëtimeve të aeroplanit privat të pedofilit të ndjerë. Megjithatë, Trump ka pohuar se marrëdhënia me Epstein kishte përfunduar shumë kohë përpara se ky i fundit të dënohej për herë të parë në vitin 2008.

Ndërkohë, Departamenti i Drejtësisë javën e kaluar deklaroi se Epstein kishte kryer vetëvrasje dhe se nuk ekziston një “listë klientësh”, duke mbyllur hetimin dhe duke refuzuar të publikojë dokumente të tjera. Kjo ka shkaktuar zemërim mes shumë mbështetësve të Trumpit, të cilët prisnin transparencë të plotë nga administrata aktuale.

Në përgjigje, Trump ka sulmuar hapur bazën e vet politike, duke e quajtur fokusin ndaj çështjes Epstein si një “mashtrim të ri” dhe duke i etiketuar si “republikanë budallenj dhe të pamatur” ata që kërkojnë hetim të mëtejshëm. /Telegrafi/

The post Wall Street Journal publikoi një letër ditëlindjeje që Trump i dërgoi pedofilit Epstein appeared first on Telegrafi.

Leandro Castan pretendon se Roma ia fshehu diagnozën e tumorit në tru, dhe ai e mësoi atë nga rrjetet sociale. 

Braziliani ka folur më parë për momentin kur jeta e tij ndryshoi plotësisht në shtator 2014, kur u tërhoq nga ndeshja e Romës në Serie A kundër Empolit në pjesën e parë, sepse nuk ndihej mirë. 

Situata u përkeqësua me shpejtësi dhe ai tha se mëngjesin tjetër ndihej sikur po vdiste. 

Në një intervistë të re për Corriere della Sera, Castan dha detaje edhe më tronditëse për ngjarjet që pasuan, përfshirë edhe faktin se nuk iu komunikua diagnoza. 

“Ata më dërguan në shtëpi pas analizave, mjeku i klubit ishte i shqetësuar, por nuk më tregoi se çfarë kisha. 15 ditët e para ishin më të këqijat, mezi qëndroja në këmbë, vjellja, humba 20 kilogramë dhe nuk kisha aspak forcë”. 

“Në fillim, Roma zgjodhi të ma fshihte gjithçka. Vendosa të izolohesha dhe të largohesha nga rrjetet sociale, por një ditë e hapa telefonin. Një artikull në Twitter thoshte: ‘Leandro Castan ka tumor në tru, mund të vdesë”. 

“Frika më pushtoi krejtësisht. Ende nuk e dija se çfarë kisha. Askush nuk më kishte thënë asgjë, as klubi, as mjekët. Askush. Vetëm më thoshin: ‘Qetësohu’”. 

“M’u kujtua që gjyshi im kishte vdekur nga tumor në tru dhe mendova se do të më ndodhte e njëjta gjë”, ka thënë Castan. 

Castan iu nënshtrua një operacioni në tru, por iu deshën dy vjet për t’u rikuperuar plotësisht nga një ndërhyrje kaq e rëndë. 

Megjithatë, ishte mendimi për t’u rikthyer në futboll që e shtyu të pranonte operacionin. 

“Duhej të mësoja të jetoja nga e para. Bëra gjithçka për t’u rikthyer në nivelin që isha. Gjithçka. Por nuk ishte e mundur”, përfundoi ai./Telegrafi/

The post Trondit ish-ylli i Romës: Klubi nuk më tregoi se kisha tumor në tru, e mësova në Twitter appeared first on Telegrafi.

Perla evropiane krenohet me plazhet mahnitëse, malet, qytetet historike dhe trashëgiminë kulturore, shkruan Lauren Haughey në të përditshmen britanike “Mirror”.

Një eksperte udhëtimesh, Jordynn, e cila ndan aventurat e saj në TikTok, ka rekomanduar Shqipërinë si një vend të veçantë, me plazhe marramendëse, male dhe qytete të paharrueshme.

Sipas saj, perla e fshehur është një parajsë edhe për turistët me një buxhet të kufizuar, falë çmimeve të përballueshme për ushqim dhe akomodim.

“Këto nuk janë Filipinet, kjo nuk është Zvicra, nuk është Greqia, kjo nuk është Italia, as Tajlanda! Nuk është as Portugalia! Kjo është Shqipëria”, tha ajo në një postim në TikTok.

“Ky vend na habiti vërtetë. Shqipëria ndodhet midis Greqisë dhe Malit të Zi dhe ju ofron një përvojë kaq të larmishme.. mes maleve, detit të kristaltë dhe të qetë dhe plazheve të mrekullueshme në jug, kulturës dhe historisë së pasur në qytet, qyteteve të vjetra me kalldrëm dhe vendeve të Trashëgimisë Botërore të UNESCO-s – me çmime të përballueshme”, tha ekspertja.

“Shqipëria i ka vërtet të gjitha. Mund të vizitoni shumë vende: Shkodrën, Valbonën, Thethin, Tiranën, Beratin, Gjirokastrën, Sarandën, Himarën, çdo vend ofron diçka të ndryshme. Qëndrova dy javë në Shqipëri dhe mund të kisha qëndruar lehtësisht një muaj të plotë”, tha ajo.

Edhe pse kaloi vetëm një javë në Shqipëri, Jordynn ndjeu se mund ta kishte zgjatur me kënaqësi qëndrimin e saj në një muaj të plotë, duke pasur parasysh shumëllojshmërinë e përvojave që ofron ky vend evropian.

Ajo rekomandon një vizitë në Tiranë, kryeqytetin e Shqipërisë, i njohur për muzetë e tij të pasura, ndërtesat historike dhe jetën e gjallë të natës.

Për adhuruesit e plazhit dhe ushqimeve të detit, qyteti bregdetar i Sarandës është gjithashtu një vend që duhet vizituar me patjetër.

Mos humbisni gjithashtu Gjirokastrën – një qytet magjepsës i listuar si Vend i Trashëgimisë Botërore të UNESCO-s, rreth një orë larg me makinë nga Saranda.

Byreku është padyshim një nga gatimet më të famshme të Shqipërisë, i cili shpesh mund të blihet në dyqanet lokale.

Turistët që pëlqejnë ëmbëlsirat mund të tundohen gjithashtu nga Bakllavaja e famshme e vendit – një tjetër ushqim i shijshëm me arra e zhytur në shërbet. /ATSH/

The post E përditshmja britanike “Mirror”: Eksploroni Shqipërinë – perlën evropiane me plazhe mahnitëse, male dhe qytete historike appeared first on Telegrafi.

Marrëveshja e Uashingtonit ka shkaktuar një përplasje mes ish-bashkëpartiakëve, presidentes Vjosa Osmani dhe deputetit të LDK-së, Avdullah Hoti.

Dikur të njohur për respektin dhe vlerësimin e ndërsjellë, sot ata shkëmbejnë akuza ndaj njëri-tjetrit, transmeton Telegrafi.

Hoti ditë më parë ka deklaruar se presidentja para disa vitesh e quante Marrëveshjen e Uashingtonit, si cenim të rendit kushtetues dhe rrezik për shtetin, ndërsa sot, ajo e quan “marrëveshje të mirë”.

“Osmani, që dikur e quante Marrëveshjen e Uashingtonit cenim të rendit kushtetues dhe rrezik për shtetin, sot – pas 5 vitesh – e quan “marrëveshje të mirë” dhe madje pretendon se “e kemi zbatuar”. Kjo është ajo që ndodh kur fitimi dhe mbajtja e pushtetit bëhet më i rëndësishëm se interesi shtetëror”, kishte theksuar Hoti.

Por, një përgjigje ndaj Hotit e bëri ditën e enjte, presidentja Vjosa Osmani.

Në një deklarim për media, Osmani e quajti Hotin “njeriun më jorelevant”, duke thënë se nuk dëshiron të humbë kohë me të.

“Hoti është njeriu më jorelevant, në të cilin nuk dua të humbë asnjë sekondë. Nëse doni ta bëni si pyetje tuajën se a është zbatuar marrëveshja apo jo, vetëm Serbia e akuzon Kosovën për moszbatim të marrëveshjeve”, tha Osmani.

Përplasja nuk mjaftoi me kaq, Hoti bëri sërish një reagim ndaj presidentes, duke e akuzuar për mungesë të rezultateve gjatë mandatit të saj pesëvjeçar në krye të shtetit.

“Pesë vite në shërbim të agjendës shtetrrënuese të bashkë-mashtruesit. Ky është problemi që ka Vjosa. Kjo e ka hallin se do të mbetet në histori si mashtruesja më e madhe e elektoratit djathtist të LDK-së,” ka shkruar Hoti në Facebook.

Kjo përplasje ndërmjet Hotit dhe Osmanit nxiti edhe disa reagime të zyrtarëve të LDK-së, të cilët në profilet e tyre në rrjetet sociale shpërndanë fotografi të Hotit bashkë me presidentin të SHBA-së, Donald Trump./Telegrafi/

The post “Mashtruese” dhe “Jorelevant”, si nisi përplasja ndërmjet Avdullah Hotit dhe Vjosa Osmanit appeared first on Telegrafi.

Komunikacioni në rrugët e vendit po zhvillohet pa ndërprerje, nëpër rrugë të thata. Intensiteti i komunikacionit në akset rrugore jashtë mjediseve urbane është rritur. Në vendkalimet kufitare nga ana e Maqedonisë, nuk ka pritje të gjata për hyrje dhe dalje nga vendi.

LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

Nga 1 korriku deri më 31 gusht, në rrugët shtetërore në Maqedoni u vendos regjim i përkohshëm veror i trafikut, i cili ndalon lëvizjen e automjeteve të rënda transportuese me një masë totale mbi 15 tonë, gjatë fundjavave dhe në ditët me temperatura jashtëzakonisht të larta.

The post Rritet intensiteti i komunikacionit, nuk ka pritje në pikat kufitare appeared first on Telegrafi.

Pas videos virale ku drejtori ekzekutiv i kompanisë Astronomer, Andy Byron, u pa në një moment intim me drejtoreshën e burimeve njerëzore të firmës, Kristin Cabot, bashkëshortja e tij Megan ka bërë një veprim domethënës në rrjetet sociale.

Ajo ka hequr mbiemrin e burrit të saj nga profili i saj në Facebook, në atë që shumë e kanë parë si një shenjë të qartë reagimi ndaj situatës.

Momenti që shkaktoi zemërim të madh në internet ndodhi gjatë një koncerti të Coldplay në Boston, ku Byron u kap nga “kamera e puthjes” me Cabot.

Pas transmetimit në ekran gjigand, Cabot u duk e turpëruar dhe u përpoq të mbulonte fytyrën, ndërsa Byron u përpoq të shmangte vëmendjen duke u kthyer.

Reagimi nuk vonoi nga publiku online. Një përdorues i rrjetit X (ish-Twitter) vuri re ndryshimin në profilin e Megan Byron, e cila ka dy fëmijë me CEO-n.

“Gruaja e Andy Byron tani e ka larguar mbiemrin e tij nga Facebook dhe i ka lënë komentet hapura! Çfarë akti elegant! Bravo Megan”, shkruante postimi që mori mbështetje të gjerë.

Komentet dhe mbështetja për Megan u shumuan, me shumë përdorues që i bënë thirrje të kërkojë divorc dhe të “marrë çfarë i takon”, ndërsa videoja vazhdon të bëjë xhiron e rrjetit. /Telegrafi/

Meme of the day: Coldplay concert camera catches cheating CEO on big screen

During a Coldplay concert in Boston, the livestream camera accidentally caught a tender moment between Andy Byron, CEO of U.S. tech company Astronomer, and the company’s head of HR, Kristin Cabot.

All… pic.twitter.com/TlcodY9CCv

— NEXTA (@nexta_tv) July 17, 2025

The post Gruaja e CEO-së së Astronomer heq mbiemrin e burrit pas videos virale në koncertin e Coldplay appeared first on Telegrafi.

Pas tri dekadash familjes Onbashi iu kthye prona. Ajo ishte në gjendje të mjerueshme por Onbashi tha se do ta bëj të pamundurën që ta kthej për banim.

Në momentin që hyri në banes, Seidit iu kthyen shumë kujtime nga fëmijëria.

“Ishte ndjenjë e vecantë të kthehem pas 30 vitesh në banesën tonë, edhe pse po e shihni nuk është në gjendjen e mirë, por prapë se prapë është banesë e jona të cilën e kanë fituar me punë prindërit e mi. Jam e lumtur që e kemi fituar rastin dhe është një fitore e nënës timë, pasi babai ka ndërruar jetë”, ka thënë Onbashi.

Agjencia për Verfikim të Pronës përmes zyrës së saj në Mitrovicë ka bërë të ditur se procesi i kthimit të banesave vazhdon.

Ndryshe deri tani dhjetëra familjeve iu janë rikthyer pronat e tyre legjitime. /RTK/Telegrafi/

The post Pas 30 vitesh, familjes Onbashi i kthehet banesa në veri të Mitrovicës – Seidit i rikthehen kujtimet e fëmijërisë appeared first on Telegrafi.

Ky është ekipi që Xabi Alonso ka në mendje për Real Madridin sezonin e ardhshëm, një projekt që synon shkathtësi dhe thellësi në çdo linjë. Vizioni i trajnerit është për një ekip të strukturuar, me profile të larmishme, alternativa për çdo pozicion dhe aftësinë për të modifikuar sistemin sipas nevojave të kundërshtarit ose momentit të ndeshjes.

Me nënshkrimet e siguruara tashmë dhe të tjera që ende nuk janë finalizuar, bordi i Real Madridit po zbaton planin e hartuar për të forcuar çdo sektor të fushës.

Mbrojtja do të jetë gurthemeli i Real Madridit të ri, me një mbrojtje me tre lojtarë që do të ofrojë siguri dhe priza të pastra nga mbrojtja. Dean Huijsen dhe Antonio Rudiger do të alternohen në të majtë, ndërsa Aurelien Tchouameni dhe Eder Militao do të ndajnë rolin e qendrës, me Ibrahima Konate – një nga kërkesat e Xabit – që do t’i bashkohet krahut të djathtë. Si zëvendësues, shfaqet Asencio, duke siguruar thellësi në atë pozicion.

Mbrojtësit e krahut do të jenë dinamikë, me Alvaro Carreras dhe Ferland Mendy në të majtë, ndërsa Trent Alexander-Arnold do të konkurrojë me Dani Carvajal në të djathtë. Të dy krahët do të jenë kyç si në mbrojtje ashtu edhe në sulm.

Një mesfushë e re te Real Madridi?

Në mesfushë, Xabi Alonso planifikon të vendosë Enzo Fernandezin, objektivin e tij kryesor për këtë verë, si forcën organizuese përpara mbrojtjes. Krahas tij, Federico Valverde dhe Arda Guler do të sigurojnë ekuilibër dhe fuqi sulmuese nga linja e dytë. Kjo strukturë do të lejojë një mesfushë sulmuese të dyfishtë me Jude Bellingham dhe Franco Mastantuono, ky i fundit një lojtar i ri me perspektivë të sapo nënshkruar që premton talent dhe qetësi në linjën e treçerekëve.

Në sulm, Kylian Mbappe do të jetë përgjegjës për pozicionin e sulmuesit qendror, me Gonzalo dhe Endrick si zëvendësues. Në krahë, Vinicius Jr. do të fillojë i padiskutueshëm në të majtë, me pritjet për të shtuar një tjetër sulmues anësor për të cilin do të ndahen rreth 50 milionë euro. Ky lojtar do të jetë çelësi për të ruajtur konkurrencën e brendshme dhe për të ofruar opsione sulmuese.

Real Madridi po mendon edhe për largime

Para finalizimit të këtyre nënshkrimeve, klubi synon të lirojë hapësirë me disa largime të rëndësishme. Dani Ceballos, Brahim Diaz, Rodrygo Goes, Fran Garcia, David Alaba, dhe madje edhe Eduardo Camavinga janë në listën e transferimeve. Shitjet, përveç gjenerimit të të ardhurave, do të lirojnë pagat dhe do t’u hapin rrugë përforcimeve që trajneri ka kërkuar.

Kjo do të krijonte një skuadër të ekuilibruar, të thellë dhe taktikisht fleksibile, të gatshme për t’u përballur me sezonin sfidues të ardhshëm me qëllimin për të garuar për të gjithë titujt. /Telegrafi/

The post Kjo është skuadra e ëndrrave të Xabi Alonsos te Real Madridi – në secilën pozitë nga dy yje appeared first on Telegrafi.

Shërbimi Meteorologjik Ushtarak bëri të ditur se ditën e premte vendi ynë do të ndikohet nga kushte atmosferike të qëndrueshme.

Moti parashikohet i kthjellët në pjesën më të madhe të territorit ndërsa në orët e mesditës deri ato të pasdites vonë në relievet kodrinore – malore vranësira kalimtare të cilat në relievet malore hera-herës do të jenë deri të dendura. Në relievet malore në juglindje reshje shiu të herëpashershme afatshkurtra dhe të dobëta në orët e mesditës deri ato të pasdites.

Era do të fryjë me drejtim veriperëndim – jugperëndim me shpejtësi mesatare 6 m/s, ndërsa përgjatë vijës bregdetare dhe në zonat luginore era hera-herës do të fitojë shpejtësi 7-12 m/s, shoqëruar me valëzimin në dete të forcës 1-2 ballë. /ATSH/

The post Mot i kthjellët me temperatura deri 35 gradë Celsius në Shqipëri appeared first on Telegrafi.