Shegë Beqiri është një nga figurat më të shquara të skenës profesionale kosovare, duke mbajtur sot dy pozita kyçe: Drejtoreshë e Administratës në kompaninë Kujtesa dhe Këshilltare në Komunën e Prishtinës. Ajo është gjithashtu nënë e dy fëmijëve dhe së fundmi është zgjedhur brand ambasadore e GWC Diaspora Prishtina, duke dëshmuar ndikimin dhe angazhimin e saj në komunitet.

Me mbi dy dekada përvojë në sektorin e telekomunikacionit, Shega ka ndërtuar një karrierë të spikatur në disa prej kompanive më prestigjioze të industrisë në Kosovë. Përkushtimi, profesionalizmi dhe dëshira për sfida të reja janë shtyllat mbi të cilat ajo ka ndërtuar suksesin e saj.

Si një nënë vetëushqyese dhe profesioniste e suksesshme, Shega arrin të balancojë me kujdes karrierën dhe jetën familjare, duke u bërë shembull i fuqizimit të grave dhe vendimmarrjes me përgjegjësi. Përmes prezencës dhe angazhimit të saj, ajo synon të frymëzojë gratë që të hyjnë në rolet e udhëheqjes dhe të kontribuojnë në zhvillimin e institucioneve dhe të vendit.

Shegë Beqiri është një figurë që dëshmon se lidershipi i vërtetë nuk është vetëm të arrish rezultate, por edhe të krijosh ndikim të qëndrueshëm për gjeneratat e ardhshme.

Roli i saj si brand ambasadore e GWC Diaspora Prishtina i jep mundësinë Shegës të promovojë iniciativa që lidhin diasporën me vendin, të krijojë projekte zhvilluese dhe të ndërtojë ura bashkëpunimi mes komuniteteve lokale dhe atyre jashtë vendit. Ky rol përforcon imazhin e saj si një udhëheqëse që jo vetëm menaxhon me sukses pozita profesionale, por edhe investon në komunitet dhe në të ardhmen e Kosovës. /Telegrafi/

 

View this post on Instagram

 

A post shared by Global Woman Club Diaspora (@globalwomanclubdiaspora)

The post Shegë Beqiri zgjidhet brand ambasadore e GWC Diaspora Prishtina si shembull i lidershipit dhe fuqizimit të grave në Kosovë appeared first on Telegrafi.

Në një botë me ritëm të shpejtë dhe të dixhitalizuar, fëmijët përballen me sfida të shumta emocionale dhe prindërit mund t’i ndihmojnë ata me këtë në disa mënyra.

Fëmijëria dikur konsiderohej një periudhë pa shqetësime, por ekspertët thonë se të rinjtë po përjetojnë gjithnjë e më shumë lodhje emocionale. Megjithatë, komunikimi i hapur, vendosja e kufijve dhe prioritizimi i shëndetit mendor janë çelësi për të rritur një brez që lulëzon emocionalisht, jo vetëm akademikisht.

Lodhja emocionale tek fëmijët është një problem që kërkon vëmendje. Fëmijët e sotëm jetojnë në një kulturë “gjithmonë aktiv”, me studime deri vonë në mbrëmje, fundjava të ngarkuara dhe kohë të lirë të kaluar në mediat sociale. Një problem tjetër është se lodhja emocionale shpesh interpretohet si përtaci, mungesë disipline ose menaxhim i dobët i kohës. Në realitet, është një shenjë se nxënësit janë të mbingarkuar dhe u mungon mbështetja.

Duke folur për këtë, Dr. Koneru Lakshman Havish tha se së pari është e rëndësishme të merret në konsideratë që lodhja emocionale është reale dhe e vlefshme.

“Në vend që ta shohim dhe ta matim suksesin vetëm në terma të notave dhe arritjeve, duhet të marrim në konsideratë gjendjen mendore dhe qëndrueshmërinë”, këshillon ai.

Ai thekson rëndësinë e krijimit të një mjedisi të sigurt ku fëmijët mund të flasin hapur pa frikën e gjykimit.

“Së dyti, kufijtë janë të rëndësishëm. Inkurajoni kohën pa teknologji, gjumin e mjaftueshëm dhe momentet e lojës ose kohën e qetë. Këto nuk janë luks, ato janë thelbësore për ekuilibrin emocional”, thekson Havish.

Ai shton se shkollat duhet të mendojnë për uljen e ngarkesës së punës dhe integrimin e të nxënit social-emocional.

Si një këshillë të fundit, ai përmend rëndësinë e shembujve.

“Studentët kanë nevojë për modele që demonstrojnë vetë ekuilibër. Të rriturit që demonstrojnë cenueshmëri, vendosin kufij të shëndetshëm dhe vlerësojnë shëndetin emocional mund t’u japin studentëve leje të bëjnë të njëjtën gjë”, përfundon ai.

The post Pse lodhja emocionale po bëhet gjithnjë e më e zakonshme tek fëmijët appeared first on Telegrafi.

Një grup lojtarësh me reputacion të lartë po e nis sezonin e ri duke qëndruar jashtë fushës, shkak afati kalimtar i hapur dhe mundësi të reja.

Midis tyre janë portieri gjigant Gianluigi Donnarumma, sulmuesi i shpejtë Antony, ylli i Newcastle Alexander Isak, raketa Ademola Lookman dhe sulmuesi Rasmus Hojlund.

Të gjithë kanë treguar vlerën e tyre në nivele të larta, por këtë verë përballen me sfida të reja.

Rasti Donnarumma

Donnarumma (26), kampion i Evropës me Italinë në 2021 dhe një nga figurat kyçe të PSG-së sezonin e kaluar, nuk është më pjesë e planeve të trajnerit Luis Enrique.

Shkaku kryesor është refuzimi i portierit për të rinovuar kontratën e tij që skadon në qershor 2026.

PSG tani e ka portierin e ri , ndërsa Manchester City e ka futur në radarin e tij si zëvendësues të Edersonit.

Situata Isak

Alexander Isak (25) ka njoftuar largimin nga Newcastle United pas disa mosmarrëveshjeve me klubin.

Sulmuesi suedez, i cili shënoi 23 gola sezonin e kaluar, ka tërhequr interesin e Liverpoolit.

Ai theksoi se vendimi i tij është për të mirën e të gjithëve: “Kur premtimet thyhen dhe besimi humbet, marrëdhënia nuk mund të vazhdojë”.

Antony dhe Hojlund

Antony, i huazuar te Real Betis nga Manchester United, ka lënë një përshtypje të fortë me krahun e tij të djathtë, duke ndihmuar ekipin të arrijë finalen e Ligës së Konferencës.

Ndërkohë, Hojlund mbetet një opsion në radhët e Man United, por klubi po shqyrton situatën e tij për të menaxhuar labirintin ekonomik dhe sportiv pas transferimeve të fundit.

Lookman drejt një aventure të re

Ademola Lookman, ylli nigerian i Atalantës, ka konfirmuar dëshirën për të ndryshuar ambient. “Pres me padurim të punoj me klubin për të gjetur një zgjidhje miqësore për të gjitha palët sa më shpejt të jetë e mundur,” shkroi ai në rrjetet sociale.

Atletico Madrid është një nga klubet që e ndjek me interes këtë verë.

Një verë e ngjeshur dhe vendimtare

Këta lojtarë, të gjithë me kontrata të vlefshme dhe treg të konsiderueshëm, po përballen me një verë të ngjeshur transferimesh.

Sezoni i ri Serie A dhe Ligën Premier premton të sjellë ndryshime të mëdha, ndërsa ekipet dhe lojtarët përgatiten për sfidat e ardhshme. /Telegrafi/ 

The post Ortek telenovelash dhe yjesh: Donnarumma, Antony, Hojlund, Isak, Lookman… appeared first on Telegrafi.

Kryetari i Drenasit, Ramiz Lladrovci, ka reaguar ashpër ndaj deklaratave të deputetit të PDK-së, Abelard Tahiri, i cili tha se në Drenas kandidati i PDK-së përkrahet me sy mbyllur dhe se PDK-ja e ka fituar këtë komunë, e jo kryetari aktual.

Përmes një postimi në Facebook, Lladrovci i është drejtuar Tahirit me tone ironike, duke i kujtuar akuzat e kaluara brenda partisë.

“Sonte, ish-ministri meteor, e riktheu ‘Dadën Razë’, paska folë për zgjedhjet në Drenas. Vëmendje: disa i përvetësojnë meritat e dikush i ka ato. Vetëm një pyetje, ish Ministër: kur shkon në selinë me logo, në Drenas, a përqafoheni edhe me ata që të quajtën ‘i biri i spiunit’ para katër vjetëve?”, shkroi Lladrovci.

Ky përplasje e re brenda PDK-së vjen në prag të zgjedhjeve lokale, ku gara në Drenas shihet si një nga më të fortat brenda partisë.

The post Lladrovci, Tahirit: A përqafoheni me ata që ju quajtën ‘i biri i spiunit’? appeared first on Telegrafi.

Jo, Bashkimi Evropian nuk ka ndaluar përdorimin e kondicionerëve. Atëherë, pse evropianët ende rezistojnë ndaj tyre?

Në një verë kur muzika nuk arriti të prodhonte asnjë hit të paharrueshëm, një temë arriti t’i mbante të gjithë gjallë: marrëdhënia e vështirë e Evropës me kondicionimin e ajrit.

Nuk është një debat i ri. Çdo disa vite, kur temperaturat rriten, ndarja transatlantike mbi zakonet e ftohjes rikthehet, raporton euronews.

Por këtë vit, ai u bë jashtëzakonisht i ashpër, duke shkaktuar tensione kulturore midis evropianëve dhe amerikanëve pothuajse po aq sa tarifat e presidentit amerikan, Donald Trumpit apo mosmarrëveshjet për të ardhmen e Ukrainës, transmeton Telegrafi.

Amerikanët, të habitur që evropianët mund të jetojnë pa ftohje të vazhdueshme, mbrojtën kondicionerin e tyre të dashur me të njëjtën fanatizëm sikurse italianët me recetën e picave apo francezët bezdisen kur të huajt shkatërrojnë “gjuhën frënge”.

Numrat e kësaj ndarjeje janë të dukshëm: gati 90 për qind e familjeve amerikane kanë kondicioner, krahasuar me rreth 20 për qind në Evropë, me disa vende që janë shumë më poshtë kësaj shifre.

Në Francë, kjo temë ka hyrë edhe në arenën politike, ku udhëheqësja e ekstremit të djathtë Marine Le Pen kërkon një plan të madh infrastrukture për kondicionimin e ajrit.

Ndërkohë, media ndërkombëtare si Financial Times dhe Wall Street Journal paralajmëruan se adoptimi i ngadaltë i teknologjisë së ftohjes në Evropë po kushton jetë njerëzish.

Kritikët shkojnë deri aty sa fajësojnë rregulloret e BE-së (apo vetë politikën kryesore mjedisore Green Deal) që i mbajnë evropianët të djersitur.

Mit i ndalimit të kondicionerëve

Si shumica e gjërave në BE, edhe kondicionimi i ajrit vjen me një akronim.

“Flluska e Brukselit” nuk flet për kondicionerët si njerëzit e zakonshëm, por për HVAC-in, domethënë sistemet e ngrohjes, ventilimit dhe ajrosjes/kondicionimit të ajrit.

Por a i urren vërtet Brukseli kondicionerët?

Pavarësisht se çfarë nënkuptojnë disa kritikë, BE-ja kurrë nuk i ka ndaluar sistemet HVAC. As rregullat e saj nuk e kufizojnë në mënyrë drastike instalimin e tyre.

Ajo që rregullon BE-ja janë llojet e sistemeve të lejuara, duke vendosur kufizime për ftohësit e dëmshëm, kërkesa për efikasitet më të lartë dhe udhëzime për ndërtesat.

Arsyeja është e thjeshtë.

Evropa është angazhuar të bëhet neutrale ndaj klimës deri në vitin 2050. Nëse lihet pa kontroll, një rritje e madhe e kondicionerëve joefikas do ta bënte të pamundur këtë qëllim.

Pra, Brukseli nuk është kundër ftohjes, thjesht dëshiron që teknologjia të përputhet me politikën klimatike.

Çfarë djalli… gaz

Pjesa qendrore e kësaj përshtatjeje politike është rregullorja e fundit e përditësuar për gazrat F, e cila parashikon eliminimin e hidrofluorokarbureve (HFC), gazra të fuqishëm serrë që përdoren në shumë sisteme tradicionale të ftohjes, deri në vitin 2050.

Përmes këtyre rregullave, prodhuesit po shtyhen të adoptojnë alternativa më të pastra si dioksidi i karbonit dhe amoniaku.

Disa aktorë të industrisë argumentojnë se kjo ka ngadalësuar rritjen e tregut të pompave të nxehtësisë, një teknologji që siguron ngrohje, ftohje dhe ujë të ngrohtë.

Brukseli kundërpërgjigjet se shkaqet reale janë rënia e çmimeve të gazit, subvencionet më të dobëta dhe kujdesi i konsumatorëve, duke vënë shpresën te një valë modele të reja pa HFC që tashmë po dalin në treg.

Direktiva për Ekodesign, një tjetër pjesë e këtij mozaiku, vendos standarde minimale efikasiteti. Kjo në praktikë ndalon modelet më pak efikase dhe shtyn prodhuesit drejt dizajneve më ekologjike.

Këto rregulla lidhen me Direktivën për Performancën Energjetike të Ndërtesave, që kërkon përmirësime në stoqet e banesave të vjetra në Evropë përmes izolimit më të mirë dhe, natyrisht, ngrohjes dhe ftohjes më të gjelbër.

Të dy masat pasqyrojnë të njëjtin parim: BE-ja nuk po tenton të shkatërrojë klimatizimin, por thjesht dëshiron që ai të bëhet në mënyrë të qëndrueshme.

Veçoritë kombëtare…

Shumica e rregulloreve praktike për kondicionimin e ajrit vijnë nga shtetet anëtare, megjithatë.

Spanja, Italia dhe Greqia, për shembull, kufizojnë temperaturat në ndërtesat publike gjatë verës, shpesh jo më poshtë se 27 gradë Celsius.

Qëllimi është kursimi i energjisë, sidomos gjatë krizave të furnizimit.

Disa qendra historike qytetesh kufizojnë instalimin e njësive të jashtme të kondicionerëve për arsye estetike.

Ekzistojnë edhe shqetësime mjedisore. Studimet tregojnë se njësitë e kondicionimit mund të rrisin temperaturat jashtë në zonat urbane të dendura me disa gradë, duke përkeqësuar efektin e njohur si “ishulli i nxehtësisë”.

Por këto janë përjashtime, jo një shpjegim për përdorimin e përgjithshëm të ulët në Evropë.

…dhe rezistenca kulturore

Pjesa tjetër e kësaj historie qëndron në histori dhe kulturë.

Evropa Jugore ndërtoi qytetet e saj për t’u përballur me nxehtësinë: mure të trasha, dritare të hijshme dhe planifikim rrugësh të dizajnuara për të maksimizuar qarkullimin e ajrit.

Kjo është edhe arsyeja pse ngjyra e bardhë dominojnë peizazhet piktoreske të vendeve mesdhetare si Santorini në Greqi ose Vieste në Itali: sipërfaqet e ndritshme reflektojnë dritën e diellit dhe nxehtësinë rrezatuese, duke ndihmuar që ambientet e brendshme të qëndrojnë më të freskëta.

Në Evropën Veriore, nga ana tjetër, verat dikur ishin mjaft të buta saqë ftohja rrallëherë ishte e nevojshme.

Kondicionimi i ajrit, kur u shfaq në Evropë, shihej si një luks ose madje si një rrezik për shëndetin. Shumë evropianë ende besojnë se ekspozimi ndaj ajrit të ftohtë mund të të sëmurë, dhe stereotipi që AC është për njerëzit e pasur vazhdon të ekzistojë.

Çështja e energjisë

Pastaj është edhe problemi i parave.

Energjia elektrike në Evropë është shumë më e shtrenjtë se në SHBA, dhe kriza energjetike e vitit 2022 e forcoi edhe më shumë këtë fakt.

Edhe pse çmimet që nga ajo kohë janë stabilizuar, kostoja shtesë e përdorimit të një kondicioneri mbetet e papërballueshme për shumë familje.

Kondicionimi i ajrit përbën vetëm rreth 0.6 për qind të konsumit të energjisë elektrike në familjet e BE-së, por pjesa e tij po rritet shpejt.

Valët e nxehtësisë të qershorit dhe korrikut 2025 rritën kërkesën ditore deri në 14 për qind. Çmimet arritën mbi 400 euro për MWh në Gjermani dhe 470 euro për MWh në Poloni, edhe pse energjia diellore regjistroi nivele rekord.

Kjo rritje e kërkesës tregon sfidën që kemi përpara. Rrjeti energjetik i Evropës, që është tashmë i ngarkuar, duhet të përgatitet për verë më të nxehta dhe nevoja më të mëdha për ftohje.

Çfarë vjen më pas?

Pra, jo, Brukseli nuk urren kondicionerët. Por dëshiron të sigurojë që teknologjia e ftohjes të përshtatet me qëllimet më të gjera klimatike dhe energjetike të Evropës.

Komisioni Evropian gjithmonë ka bërë të qartë se shtetet anëtare janë më të përshtatshme për të vendosur për masat specifike të kursimit të energjisë.

Por gjithashtu po përgatit sektorin energjetik të BE-së për një epokë me valë të nxehtësisë më të shpeshta dhe më të forta, duke u fokusuar te ruajtja e energjisë, ndërkonektiviteti dhe rezistenca e rrjetit.

Kjo nuk përjashton një ndërhyrje të veçantë në sektor në afat mesëm, megjithëse momentalisht nuk është parashikuar asgjë konkrete.

Në fund, adoptimi i ulët i kondicionerëve në Evropë nuk është pasojë e ndalimeve apo armiqësisë burokratike. Është më shumë një përzierje e kulturës, kostos, traditës dhe politikës.

Dhe ndërsa verat bëhen gjithnjë e më të nxehta dhe valët e nxehtësisë bëhen normale, ky balancim do të testohet më shumë me çdo vit që kalon. /Telegrafi/

The post Flladi artificial ndanë evropianët dhe amerikanët appeared first on Telegrafi.

Romanca midis yllit amerikan të muzikës pop Katy Perry dhe ish-kryeministrit kanadez Justin Trudeau, e cila kohët e fundit tërhoqi vëmendjen e mediave botërore, sipas burimeve të huaja, tashmë ka marrë fund.

Edhe pse u panë për darkë së bashku në Montreal, dhe Trudeau më vonë ndoqi një nga koncertet e saj, entuziazmi fillestar duket se u shua shpejt. Komunikimi midis tyre është dobësuar ndjeshëm në javët e fundit, dhe arsyeja kryesore thuhet se është axhenda e tyre e ngjeshur dhe presioni publik.

“Nuk ka asgjë negative në lidhje me këtë. Ata thjesht nuk janë më në komunikim të vazhdueshëm. Kjo mund të ndryshojë, por tani për tani, kështu është. Është qetësuar situata”, tha burimi.

Sipas burimeve pranë çiftit, ish-kryeministri kanadez nuk ishte i përgatitur për kaq shumë vëmendje të shkaktuar nga marrëdhënia e tyre.

“Ishte vetëm takimi i parë dhe fotot përfunduan menjëherë në media. Atij nuk i pëlqeu”, zbuloi një burim për Daily Mail. Gjithashtu u shtua se Perry nuk është në humor për një lidhje serioze tani për tani, duke pasur parasysh se ajo ende po rikuperohet nga ndarja me aktorin Orlando Bloom.

“Ajo është e zënë, ai është i zënë. Po ndodhin shumë gjëra dhe ngazëllimi fillestar është zbehur”, tha burimi.

Pavarësisht se shumë veta u habitën nga lidhja e tyre, burimet pohojnë se mes tyre kishte një tërheqje të fortë dhe “lidhje të menjëhershme”. Megjithatë, për momentin – sipas një burimi të brendshëm – ata janë vetëm miq, pa ndonjë dramë apo konflikt të veçantë në sfond.

Si kujtesë, Justin Trudeau u divorcua nga gruaja e tij Sophie Gregoire në vitin 2023 pas 18 vitesh martesë. Ata kanë tre fëmijë. Megjithatë, Katy Perry konfirmoi së fundmi fundin e marrëdhënies së saj afatgjatë me Orlando Bloom, me të cilin ka një vajzë, Daisy. /Telegrafi/

The post “Nuk janë në komunikim të vazhdueshëm”, a ka mbaruar romanca e Katy Perryt me ish-kryeministrin kanadez Justin Trudeau? appeared first on Telegrafi.

Ndahet nga jeta gjykatësi i njohur amerikan, Frank Caprio, i njohur për dhembshurinë në sallën e gjyqit.

Gjykatësi amerikan Frank Caprio, i cili u bë i njohur ndërkombëtarisht për qasjen e ngrohtë dhe njerëzore ndaj drejtësisë, ka ndërruar jetë të mërkurën në moshën 88-vjeçare.

Lajmi u bë i ditur nga familja e tij përmes rrjeteve sociale.

Caprio ka shërbyer për katër dekada në Gjykatën e Qarkut në Providence dhe u emërua gjykatës në vitin 1985. Ai fitoi zemrat e publikut përmes serialit televiziv “Caught in Providence”, i cili u nominua për çmimin prestigjioz “Daytime Emmy Award” në vitin 2021. Klipet nga sallat e gjyqit ku ai dëgjonte me kujdes dhe dhembshuri historitë e qytetarëve u bënë virale në rrjetet sociale.

Në janar të vitit 2023, Caprio njoftoi largimin nga detyra, ndërsa në fund të po atij viti u diagnostikua me kancer të pankreasit.

“Gjykatësi Frank Caprio u nda nga jeta në paqe, pas një beteje të gjatë dhe të guximshme me kancerin. Ai ishte i dashur për dhembshurinë, përulësinë dhe besimin e palëkundur në mirësinë e njerëzve. Përmes punës së tij, ai preku jetët e miliona njerëzve dhe la pas një trashëgimi të thellë të mirësisë dhe drejtësisë. Do të kujtohet jo vetëm si një gjykatës i nderuar, por edhe si bashkëshort, baba, gjysh dhe mik i përkushtuar,” thuhet në deklaratën e familjes.

Në nder të tij, familja u bën thirrje të gjithëve që të përhapin më shumë dhembshuri – ashtu siç bënte ai çdo ditë të jetës së tij. /Telegrafi/

The post Vdiq gjyqtari i famshëm amerikan, Frank Caprio – ishte i njohur për dhembshurinë në sallën e gjyqit appeared first on Telegrafi.

Prej vitesh, Manchester United është kritikuar për shpenzimet e mëdha në merkato dhe kontratat e majme të dhëna lojtarëve që shpesh nuk e justifikojnë koston.

Fatura e pagave në “Old Trafford” tregon qartë pabarazitë mes yjeve kryesorë dhe talenteve të rinj të klubit.

Nën drejtimin e Ruben Amorimit, disa lojtarë vazhdojnë të përfitojnë paga astronomike, ndërsa të rinjtë premtues marrin vetëm një pjesë të vogël të kësaj shume.

Lojtarët me pagat më të ulëta

Ayden Heaven — 4,000 £ / ~4,720 € në javë;

Toby Collyer — 4,000 £ / ~4,720 € në javë;

Harry Amass — 5,000 £ / ~5,900 € në javë;

Tyler Fredricson — 5,000 £ / ~5,900 € në javë;

Chido Obi — 15,000 £ / ~17,700 € në javë.

Lojtarët me pagat më të larta

Casemiro — 350,000 £ / ~413,000 € në javë;

Bruno Fernandes — 300,000 £ / ~354,000 € në javë;

Marcus Rashford — 300,000 £ / ~354,000 € në javë (aktualisht i huazuar te Barcelona);

Jadon Sancho — 250,000 £ / ~295,000 € në javë;

Mason Mount — 250,000 £ / ~295,000 € në javë.

Ky hendek i madh financiar mes lojtarëve tregon sfidat e brendshme të United-it dhe pasojat e kontratave të gjata e të kushtueshme, të cilat jo gjithmonë reflektojnë performancën në fushë. /Telegrafi/

The post Pesë lojtarët me pagat më të ulëta dhe pesë më të larta te Man United appeared first on Telegrafi.

Në SHBA, muri që ndodhet në kufirin me Meksikën po lyhet me ngjyrë të zezë, një masë e re që ka nisur të zbatohet nga autoritetet. Por, pse po bëhet kjo?

Qëllimi kryesor i këtij ndryshimi është të pengojë migrantët që përpiqen të kalojnë ilegalisht kufirin.

Autoritetet besojnë se duke e bërë murin të zi, ai do të thithë më shumë nxehtësi nga dielli gjatë ditës, raporton cnn.

Për shkak të kësaj, metali i murit do të ngrohet shumë më shumë, duke e bërë pothuajse të pamundur ngjitjen ose kalimin e tij.

In America, the wall on the border with Mexico is being painted black. But why?

The authorities expect this will discourage migrants from attempting illegal crossings.

The idea is simple: in the heat, the metal will get much hotter, making it nearly impossible to climb such… pic.twitter.com/eApQ2sVU7c

— NEXTA (@nexta_tv) August 20, 2025

Në kushte të nxehtësisë ekstreme, kontakti me një mur të tillë mund të jetë i rrezikshëm, madje dhe i dhimbshëm, gjë që pritet të dekurajojë ata që mendojnë të kalojnë kufirin në mënyrë të paligjshme.

Puna për të lyer murin ka nisur tashmë, dhe plani është që të mbulohet gjithsej 1120 kilometra gjatë gjithë kufirit me Meksikën.

Kjo është një nga përpjekjet e vazhdueshme të qeverisë amerikane për të forcuar sigurinë kufitare dhe për të kontrolluar më mirë fluksin e emigrantëve.

Në fund të fundit, kjo masë synon të përmirësojë kontrollin dhe të zvogëlojë rreziqet që lidhen me kalimet ilegale në një nga kufijtë më të gjata tokësore në botë. /Telegrafi/

The post Muri në kufirin SHBA–Meksikë po ngjyroset me të zezë – çfarë po synojnë autoritetet amerikane? appeared first on Telegrafi.

Eberechi Eze është lojtar i Arsenalit pas arritjes së një marrëveshjeje verbale mes të gjitha palëve të përfshira.

Crystal Palace do të përfitojë mbi 70 milionë euro, pasi Eze zgjodhi të bashkohet me Arsenalin duke lënë pas ofertën e Tottenhamit.

Ky transferim shënon një fitore të madhe për klubin londinez, i pasi rivali i madh Tottenham, ka qenë në bisedime të avancuara për disa ditë, por nuk kishte arritur të mbyllte marrëveshjen.

 

BREAKING: Eberechi Eze to Arsenal, here we go! Verbal agreement in place between all parties.

Crystal Palace to receive package in excess of £60m as Eze preferred #AFC over Spurs.

Arsenal win race over Tottenham, been in advanced talks for days but never sealed. pic.twitter.com/nUN2gXXjgY

— Fabrizio Romano (@FabrizioRomano) August 20, 2025

Arsenali përforcohet kështu në mesfushë me një nga talentet më të spikatura të Ligës Premier, duke rritur presionin ndaj rivalëve dhe duke treguar ambiciet për sezonin që ka nisur.

Transferimi pritet të finalizohet zyrtarisht në ditët në vijim, pas përfundimit të detajeve të fundit dhe formaliteteve mes klubeve dhe lojtarit. /Telegrafi/ 

The post E kryer, Eberechi Eze do të vesh fanellën e Arsenalit appeared first on Telegrafi.

Kryetari i Aleancës për Ardhmërinë e Kosovës (AAK), Ramush Haradinaj, ka komentuar dështimin e zgjedhjes së kryeparlamentares, duke kritikuar Vetëvendosjen dhe kryetarin e saj, Albin Kurti.

Në emisionin Debat Plus, Haradinaj tha se ideja që Lista Serbe dhe presidenti serb, Aleksandar Vuçiq, mund ta ndihmojnë LVV-në dhe Kurtin është e pasuksesshme dhe nuk ka asnjë vlerë.

“Ideja që Lista Serbe dhe Vuçiq do ta ndihmonin VV-në nuk do të funksionojë më. Edhe nëse Lista Serbe ndihmon, kjo nuk ka peshë, sepse nuk ka vlerë reale”.

“Nuk kemi asnjë marrëveshje apo marrëdhënie me Listën Serbe. Nëse Kurti dhe VV-ja dëshironin të bashkëpunonin me ta, mund ta bënin menjëherë me Glauk Konjufcën ose me deputetë të tjerë,” tha Haradinaj.

Ai theksoi se LVV-ja nuk ka nevojë për mbështetjen e Listës Serbe dhe e konsideroi të paefektshme çdo “trekëndësh” bashkëpunimi mes Kurtit, Listës Serbe dhe Vuçiqit.

The post “Trekëndëshi Kurti-Lista Serbe-Vuçiq nuk funksionon”, thotë Haradinaj appeared first on Telegrafi.

Gjermani Luc Ackermann, një nga emrat më të njohur në freestyle motocross (FMX), ka realizuar një nga stunt-et më të guximshme të sporteve ekstreme.

Ai ka kryer një backflip spektakolar midis dy kamionëve në lëvizje, në një autostradë gjermane, duke lënë pa fjalë fansat e motorsportit në mbarë botën.

Videoja e publikuar nga Red Bull u bë virale brenda pak orësh, duke mbledhur mbi 8 milionë shikime vetëm në gjashtë orët e para.

Performanca është cilësuar si një nga momentet më ikonike të motocross-it modern, duke ngritur më tej reputacionin e Ackermann si një pilot i pakrahasueshëm.

Stunti, i emërtuar Red Bull Bridge Traverse, kërkoi koordinim të jashtëzakonshëm. Ackermann nisi nga një kamion që lëvizte me shpejtësi 20 km/h, përshpejtoi motoçikletën e tij deri në 54 km/h dhe arriti një shpejtësi lansimi prej 74 km/h.

Në ajër, ai ekzekutoi një Tsunami Backflip, duke kaluar një barrierë autostrade 9 metra të lartë dhe duke u ulur në kamionin e dytë që ishte në lëvizje. Distanca e kapërcimit ishte 40 metra, ndërsa hapësira midis dy kamionëve arrinte 23 metra, me një tolerancë kohe brenda vetëm 0.5 sekondash.

Përgatitja për këtë mision ishte po aq e rëndësishme sa edhe vetë kërkimi. Nën mbikëqyrjen e Thomas Stoggl, drejtor i Qendrës së Performancës së Atletëve në Thalgau, u analizuan faktorë të shumtë si shpejtësia e motoçikletës, këndet e lansimit, trajektorja e fluturimit dhe kushtet atmosferike. Kjo e shndërroi stunt-in në një operacion të kontrolluar me saktësi shkencore.

Në momentin vendimtar, sinjali për nisje iu dha nga vëllai i tij, Hannes. “Nëse nuk do të nisesha me shpejtësinë dhe momentin e duhur, gjithçka do të përfundonte në një përplasje. Ishte një sfidë e jashtëzakonshme”, u shpreh Ackermann pas suksesit. Ai shtoi se ndjenja pas zbritjes ishte “e pabesueshme” dhe pranoi se tensioni gjatë përgatitjeve ishte aq i madh, sa festimi i arritjes ishte shpërthyes.

Ky stunt i ri e forcon edhe më tej statusin e Luc Ackermann si një nga yjet më të mëdhenj të FMX. Ai tashmë mbahet mend si piloti më i ri që ka realizuar një backflip me motoçikletë dhe fitues i një titulli të madh në X Games 2021.

Me këtë projekt, Red Bull tregon edhe një herë se sportet ekstreme nuk janë vetëm spektakël, por një kombinim i guximit, kreativitetit dhe shkencës. Arritja e Ackermann mbetet një dëshmi se motocross-i freestyle ka hyrë në një epokë të re, ku kufijtë shtyhen vazhdimisht dhe emocionet arrijnë nivele të papara më parë. /Telegrafi/

The post Luc Ackermann bën histori – thyen kufijtë e sporteve ekstreme me një stunt të jashtëzakonshëm appeared first on Telegrafi.

Mjete ajrore që nuk i përkasin institucioneve të Kosovës e as KFOR-it  para më shumë se një muaj kanë fluturuar mbi të paktën dy institucione shumë sensitive të vendit.

Këta dronë që dyshohet që janë të Serbisë kanë fluturuar mbi Burgun e Sigurisë së Lartë dhe sipas burimeve të televizionit, madhësia e dronëve, i përngjante dronëve bujqësor.

Njëra ndër pikat ku dyshohet që dronët serb kanë marr pamje është edhe aeroporti i Dumoshit ku së fundmi është marr në pronësi nga Forca e Sigurisë së Kosovës dhe kjo është njëra ndër pikat më të afërta me kufirin me Serbinë që i takon Ushtrisë së Kosovës.

Dukagjini posedon këto pamje që nga fillimi i hetimit për këtë rast dhe fillimisht misioni paqeruajtës në Kosovë, KFOR kishte konfirmuar se kanë filluar monitorimin e pastaj duke mos specifikuar detajisht kujt i përkasin, thanë se nuk kanë paraqitur kërcënim për sigurinë.

“Lidhur me pyetjet tuaja, pas shqyrtimit të çështjes, vëzhgimet tona nuk kanë zbuluar ndonjë kërcënim për sigurinë në zonë. Ne do të vazhdojmë të monitorojmë nga afër situatën në bashkëpunim të ngushtë me palët e interesuara të sigurisë”, kanë thënë nga KFOR-i, raporton RTVDukagjini.

Për ekzistencën e tyre mbi institucione të Kosovës është njoftuar fillimisht Policia e Kosovës dhe e njëjta në koordinim me KFOR-in po merret me këtë çështje.

Madje sipas drejtorit të Policisë, ka edhe raste tjera ku janë vërejtur dronët e dyshimtë.

“KFOR është përgjegjës për monitorimin e hapësirës ajrore të Kosovës. Ka pas disa informacione për fluturime që kanë pa qytetarët dhe ne angazhojmë njësitë tona sipas nevojës por në atë pjesë, nuk kemi pas ndonjë rast që kemi rrëzu ndonjë dronë. Ne e kemi njoftu KFOR-in, ata janë duke u marr me këtë punë dhe ne në bashkëpunim me ta jemi  t’u punu”, ka thënë Hoxha.

Informata kishte shkuar edhe tek institucioni tjetër përgjegjës për hapësirën ajrore në Kosovë, Aviacioni Civil i Kosovës të cilët poashtu kanë konfirmuar se kanë pranuar njoftimin mbi operimet e pa-autorizuara të mjeteve ajrore pa pilot mbi zonat të cilat i ka përmendur televizioni.

Ish-aeroportin e Dumoshit, Qeveria e Kosovës ia dha në shfrytëzim para një viti FSK-së me arsyetimin që është e një rëndësie të veçantë strategjike për vendosjen e kapaciteteve ushtarake të vendit në atë hapësirë.

Ndërsa në Burgun e Sigurisë së Lartë pos shumë të dënuarve, aty gjenden edhe të dyshuarit për terrorizëm në sulmin e Banjskës të vitit 2023.

The post Dyshime për dronë serbë në Kosovë – KFOR-i dhe Policia intensifikojnë monitorimin appeared first on Telegrafi.

Ambasada e Gjermanisë në Prishtinë ka reaguar pas nënshkrimit të marrëveshjes së bashkëfinancimit midis komunave të Prishtinës dhe Fushë-Kosovës me Kompaninë Rajonale të Ujësjellësit Prishtina, një hap i përbashkët drejt lumenjve më të pastër dhe trajtimit të ujërave të zeza në Kosovë.

“Në një kohë shumë të gjatë, ujërat e zeza të patrajtuara kanë ndotur lumenjtë e Kosovës, si Sitnica, duke kërcënuar shëndetin e njerëzve dhe mjedisin. Me mbështetjen e Bashkëpunimit Gjerman, Prishtina dhe Fushë-Kosova kanë vendosur ta ndryshojnë këtë”, thuhet në njoftim.

Sipas ambasadës, projekti synon modernizimin e rrjetit të kanalizimeve dhe kolektorëve kryesorë të ujit në Prishtinë, Graçanicë, Fushë-Kosovë dhe Obiliq. Kontributet financiare janë:

Prishtina: 9 milionë euro

Fushë-Kosova: 2 milionë euro

Qeveria gjermane: 42 milionë euro grant përmes KfW

Në fazat e ardhshme, projekti do të përfshijë një Impiant modern për Trajtimin e Ujërave të Zeza në Fushë-Kosovë, që do t’i shërbejë rreth 500,000 banorëve të rajonit. Ky impiant mbështetet financiarisht edhe nga BE-ja, Franca, BERZH dhe WBIF, dhe është plotësisht në përputhje me standardet e Bashkimit Europian.

Ambasada thekson se ky projekt e çon Kosovën një hap më afër integrimit evropian dhe një mjedisi të pastër për qytetarët.

The post Gjermania, 42 milionë euro Prishtinës e Fushë Kosovës për trajtimin e ujërave të zeza që ndotnin lumenjtë appeared first on Telegrafi.

Shoqata e Gurthyeve dhe Betonjerkave, pjesë e Lidhjes së Bizneseve të Kosovës, ka ngritur alarmin për gjendjen kritike të sektorit minerar në vend.

Sipas saj, më shumë se 100 kompani të licencuara po mbahen të bllokuara, ndërsa investime milionëshe dhe qindra vende pune janë në rrezik falimentimi.

Shoqata thekson se shkaktarët e kësaj gjendjeje janë:

Mosfunksionimi i bordeve dhe departamenteve përkatëse;

Ligjet e pakoordinuara ndërmjet institucioneve;

Bllokimi i mbi 100 kompanive të licencuara sipas ligjit të ri të vitit 2023;

Qindra lëndë të mbetura pa trajtim në Bordin e Minierave;

Vonesat e pajustifikuara nga institucionet;

Shtrenjtimi i energjisë elektrike, që po pengon prodhimin.

Në të njëjtën kohë, Kosova po importon sasi të mëdha zhavorri nga Serbia, ndërsa kompanitë vendore mbahen të bllokuara, gjë që dëmton industrinë vendore dhe rrezikon stabilitetin e sektorit ndërtimor, të hyrat e shtetit dhe vendet e punës.

Shoqata ka bërë thirrje të qartë për institucionet:

Formoni institucionet pa vonesa!

Harmonizoni ligjet dhe ndalni bllokadat!

Jepni mbështetje sektorit vendor për të shpëtuar vendet e punës dhe ekonominë e vendit!

Sipas Shoqatës, nëse nuk ndërmerren veprime të menjëhershme, pasojat për industrinë minerare dhe zhvillimin ekonomik të Kosovës do të jenë të pariparueshme, njofton Telegrafi.

The post Lidhja e bizneseve: Kompanitë vendore bllokohen, ndërkohë që Kosova importon zhavorr nga Serbia appeared first on Telegrafi.

Leon Avdullahu, që kaloi te Hoffenheim këtë verë nga Basel, ka mbetur të vendos se kë do ta përfaqësojë, Kosovën apo Zvicrën, me Dardanët që i kanë bërë thirrje sot gjatë ditës.

Zvicra ditëve të fundit është futur fuqishëm në garë për ta bindur mesfushorin e ri t’i bashkohet përfaqësueses së tyre, ku ka luajtur në të gjitha grupmoshat.

Në këtë situatë, tifo-grupi i njohur “Dardanët” ka marrë iniciativën për të bërë një thirrje publike drejtuar lojtarit, duke e ftuar të zgjedhë Kosovën si kombëtare të tij.

“Leon, Kosova është vendi i gjyshit e babait tënd. Ti je shqiponja që gëzon kombin, sepse vetëm këtu nuk je i huaj. Nuk kemi bërë asnjëherë më parë një thirrje të tillë, por për ty po bëjmë përjashtim”.

“Leon do të thotë Luan, e luani është i fortë vetëm aty ku është i përfaqësuar me shpirt. Te Kosova nuk do të jesh asnjëherë i huaj, por gjithmonë i Dardanëve”.

“Mos harro, Leon: këtu vlen, këtu çmohesh, këtu do të të duan pa interes. Hajde me Luanët, aty ku zemra të rreh më fort”, shkruajnë Dardanët. /Telegrafi/ 

The post “Hajde te Kosova, aty ku zemra rreh fortë” – Dardanët me thirrje të fuqishme për Leon Avdullahun appeared first on Telegrafi.

Në Mbretërinë e Bashkuar, inteligjenca artificiale ndihmoi fëmijët të dëgjojnë përsëri zërin e nënës së tyre pas 25 vjetësh.

Sara Ezekiel humbi aftësinë për të folur dhe për të lëvizur duart për shkak të sklerozës laterale amiotrofike (ALS) në vitin 2000, kur lindi fëmija i saj i dytë.

Gjatë pesë viteve të para, ajo mbeti e heshtur, më pas përdori një ndërfaqe të të folurit me një zë robotik.

In the UK, AI helped children hear their mother’s voice again after 25 years

Sara Ezekiel lost the ability to speak and move her hands due to amyotrophic lateral sclerosis (ALS) in 2000, when her second child was born.

For the first five years, she remained silent, then used a… pic.twitter.com/tNB9wPcXxk

— NEXTA (@nexta_tv) August 20, 2025

Pas 20 vjetësh, teknologjia i lejoi fëmijët e saj të dëgjonin përsëri zërin e saj.

Një kompani londineze, e specializuar në teknologjitë për njerëzit me aftësi të kufizuara, krijoi një ndërfaqe personale audio bazuar në një regjistrim të vjetër VHS.

Pavarësisht cilësisë së dobët të tingullit, inteligjenca artificiale arriti të rikrijojë zërin e Sarës. Rezultati i mahniti edhe fëmijët e saj, të cilët tani mund “të ndjejnë” praninë e saj përmes zërit të saj. /Telegrafi/

The post Inteligjenca artificiale i ndihmoi fëmijët të dëgjonin përsëri zërin e nënës së tyre pas 25 vitesh appeared first on Telegrafi.

Lidhja e veçantë mes prindërve dhe fëmijëve është e paçmueshme, dhe një video në Instagram e ka treguar në mënyrë perfekte magjinë e marrëdhënies mes një babai dhe vajzës së tij.

Videoja, ku vajza e vogël ndriçohet nga lumturia sapo sheh babanë e saj, është bërë hit viral dhe ka prekur zemrat e shikuesve në mbarë botën.

Videon e ka publikuar në profilin @themessymamalife nëna e vajzës së vogël.

 

View this post on Instagram

 

A post shared by Vic O’Leary (@themessymamalife)

Në pamje, beba është ulur në dysheme dhe luan me lodra e libra ilustrues.

Në momentin kur babai hyn në dhomë, fytyra e saj ndryshon plotësisht – shfaqet një buzëqeshje nga njëri vesh te tjetri, dhe me duar lëshon sinjale që dëshiron të shkojë në përqafimin e tij.

Babai menjëherë e kupton thirrjen e saj dhe e ngre në krahë. Vajza në duart e tij rrezaton, siç kanë përshkruar shumë vetë, “lumturi të pastër”. Videoja ka mbledhur 2.3 milionë shikime. /Telegrafi/

The post Vogëlushi çmendet nga lumturia kur sheh të atin appeared first on Telegrafi.

Është e vështirë të imagjinohet Audi pa unazat e tij, por kohët e reja sjellin zakone të reja. Unazat janë jashtë loje, AUDI është në modë. AUDI është krijuar së bashku nga Audi dhe SAIC, një kompani e madhe kineze e automobilave.

Kjo markë është e orientuar drejt tregut kinez dhe fokusohet në automjetet elektrike. Tani ka filluar paraporositja e modelit të parë, E5 Sportback-it modern.

E5 Sportback është një makinë elektrike e madhësisë së mesme, me dizajn sportiv dhe performancë të lartë. Çmimi në paraporosi ndryshon nga 28-37 mijë euro, ndërsa prezantimi zyrtar pritet në shtator.

Audi ofron gjithsej katër versione në paraporosi: dy me motor në pjesën e pasme dhe dy me të katër rrotat aktive. Pra, çmimi është më se i favorshëm.

Për një Audi të tillë në Evropë do t’ju duhej të shtonit të paktën edhe njëzet mijë euro të tjera, por kështu është në Kinë. Konkurrenca në atë treg është e jashtëzakonshme, ndërsa lufta e çmimeve ka marrë përmasa të paparashikuara.

Përndryshe, ajo që do t’i tërheqë veçanërisht kinezët është fakti se AUDI i parë është i pajisur me një ekran LED masiv prej 59 inçësh në kabinë.

Në përgjithësi, automjeti ka një sistem me tension të lartë prej 800 voltësh dhe ofrohet me një ose dy motorë.

Fuqia ndryshon nga 299 deri në 788 kuaj/fuqi. Bateritë janë të disponueshme në tri madhësi: 76,2 kWh, 83,3 kWh dhe 100 kWh, me një autonomi nga 618 deri në 770 km sipas sistemit kinez të matjes (CLTC). Automjeti gjithashtu mund të karikohet për një distancë prej 370 km në vetëm 10 minuta. /Telegrafi/

The post Audi e parë ‘pa unaza’ del në shitje – çmimi është një befasi e madhe appeared first on Telegrafi.

Deputeti i PDK’së, Abelard Tahiri ka treguar se pse partia e tij ka votuar kundër kandidates së VV për kryetare të Kuvendit, Donika Gërvalla.

Tahiri në emisionin Pressing në T7 tha se PDK ka votuar kundër një njeriu që ka deponuar dosje kundër krerëve të UÇK’së në Gjykatën Speciale.

”Ne Donika Gërvallën e njohim edhe nga një përspektiv tjetër, jo vetëm si vajza e Jusuf Gërvallës. Ajo në një intervistë thotë: Unë kam bërë disa investigime, kam përgatitur dosje për krerët e UCK dhe i kam deponuar aty ku duhet. Ajo pyetet se a i ke deponuar në Gjykatën Speciale ajo thotë: Po”.

Tutje, Tahiri thotë se janë ndjerë të turpëruar kur në Këshillin e Sigurimit, kryediplomati serb, ia kujton Gërvalles se ka qenë një nga njerëzit që kanë kontribuar në këtë Gjykatë.

“Ne e kemi votuar kundër një njeri që ka deponu dosje në Gjykatën Speciale të fabrikuar. Ajo është shqiptari i parë që ka fabriku dosje edhe e ka deponu në Gjykatën Speciale. Ne jemi ndje të turpëruar si qytetar të Kosovës kur ministri i Jashtëm serb, në Këshillin e Sigurimit ia kujton që : ju jeni një nga njerëzit që keni kontribu në këtë Gjykatë”, tha ajo.

The post Tahiri për kandidimin e Gërvallës: Shqiptarja e parë që ka deponuar dosje në Speciale appeared first on Telegrafi.