Një aksident ka ndodhur në Levan në Fier. Mësohet se dy automjete janë përplasur me njëra tjetrën.
Si pasojë e aksidentit një person ka humbur jetën dhe katër të tjerë janë plagosur.
Ndërkohë në vendngjarje ndodhet policia dhe grupi hetimor të cilët po punojnë për zbardhjen e dinamikës së këtij aksidenti të rëndë me pasoja fatale për jetën.
/abcnews.al/
Ish-kryeministri i Kosovës, Isa Mustafa ka dalë në mbështetje të protestës së paralajmëruar në Kosovë që do të mbahet më 7 gusht në orën 17:00. Protesta e lajmëruar nga organizata e Veteranëve të Luftës së UÇK-së, siç njoftojnë ata synon të kundërshtojë padrejtësisë e Gjykatës Speciale.
Por siç thekson më tej Mustafa, nënvizon se shëndeti jo i mirë nuk ia mundëson daljen e tij në shesh për të protestuar.
“…veteranët e luftës meritojnë solidarizim dhe përkrahje nga të gjithë për një kauzë të drejtë! Një kërkesë paqësore për drejtësi të mirëfilltë! Me Thaçin, Veselin, Krasniqin, Selimin, kemi qenë kundërshtarë politik. Kemi garuar se kush e bënë Kosovën më mirë. Por, në këtë rast, sikur ta kisha shëndetin, me 7 gusht do të isha edhe unë në Shesh”, shprehet Mustafa, në postimin e tij në Facebook.
Më tej thekson se është detyrë e gjithëve që të mbrojnë vlerat e luftës, dhe të mos lejohet rishkrimi i historisë me dëshmi të instrumenteve të pushtetit serb që ushtroi dhunë, represion dhe gjenocid në Kosovë.
“Shteti i Kosovës është rezultat i rezistencës politike të drejtuar nga Presidenti Rugova dhe i luftës së UÇK-së. Është vlerë e përbashkët”, tha Mustafa.
Më tej, ai shprehet se në kohën kur është themeluar Gjykata Speciale, kanë pasur besim në drejtësinë ndërkombëtare.
“Ne kemi pasur besim në drejtësinë ndërkombëtare kur Kuvendi i Kosovës votoi themelimin e Dhomave të Specializuara në Hagë me ligje të Kosovës. Jam dëshmitar se këtë besim të plotë e kanë pasur edhe Presidenti Thaçi dhe Kryeparlamentari Veseli, me të cilët kam punuar asokohe”.
“Gjykata u themelua me bindje se do të marrin dënimet e merituara njerëzit për të cilët faktohet se kanë kryer krime. Askujt s’do ti shkonte mendja se në vend të kësaj, bartësit kryesorë të luftës për të mbrojtur pragun e shtëpisë, me rol kyç në Rambuje, në bisedat e Vjenës, në shpalljen e pavarësisë; në kundërvënien ndaj depërtimit me dhunë të një milion shqiptarëve nga Kosova, do të cilësoheshin si ndërmarrje e përbashkët kriminale”, tha më tej ish-kryeministri.
Në fund rithekson se veteranët e luftës meritojnë solidarizim dhe përkrahje nga të gjithë për një kauzë të drejtë.
Një tjetër veprimtari e shfrytëzimit të prostitucionit është goditur pas një operacioni të zhvilluar në Durrës.
Gjatë këtij operacioni janë arrestuar dy shtetase kineze. Gjithashtu në pranga ka rënë edhe pronari i apartamenteve, pasi sipas policisë i kishte dhënë ambientet me qira, pa kontrata.
Shtatë shtetas të tjerë, dy kinezë dhe 5 shqiptarë janë proceduar penalisht.
Në cilësinë e provës materiale, u sekuestruan pasaporta të shtetaseve kineze, shuma parash, celularë, karta krediti, etj.
Nga veprimet hetimore të kryera në kuadër të këtij procedimi, rezultoi se dy shtetaset kineze të arrestuara kishin marrë me qira, pa kontrata, 2 apartamente në lagjen nr. 13, të cilat i kishin përshtatur për shfrytëzim të prostitucionit.
Në bashkëpunim me Prokurorinë, po vijojnë hetimet, pasi dyshohet se ka shtetas të tjerë të përfshirë në këtë veprimtari, e cila dyshohet se e ka qendrën jashtë vendit, pasi rezultoi se telefonatat kryheshin nëpërmjet call center-it.
Materialet procedurale iu referuan Prokurorisë së Durrësit, për veprime të mëtejshme.
/abcnews.al/
Gjatë orëve të fundit janë evidentuar 25 vatra zjarri, ndër të cilat vetëm një mbetet aktive.
Vatrat aktive sipas Ministrisë së Mbrojtjes janë në malin mbi fshatin Dhivër, bashkia Finiq. Vatra e zjarrit është aktivizuar në një sipërfaqe pyjore në lartësi, si pasojë e një shkarkese nga rrufeja dhe po mbahet nën kontroll nga MZSH lokale.
Ndërsa pas ndërhyrjeve të ekipeve zjarrfikëse zjarret janë shuar në këto zona
-Në fshatin Gryksh i Madh, bashkia Elbasan, ku në terren u angazhuan 5 mjete zjarrfikëse dhe rreth 70 forca nga të gjitha strukturat operacionale.
– Në fshatin Dhorës, njësia administrative Qendër Skrapar.
– Në fshatin Gurë-Lurë, Parkun Kombëtar Lurë, ku në terren u angazhuan rreth 60 forca.
-Në fshatin Daullas, bashkia Fier, ku u angazhuan 4 mjete zjarrfikëse dhe rreth 55 forca nga strukturat operacionale.
-Në fshatin Lusën, bashkia Kukës, ku u angazhuan rreth 30 forca.
-Në fshatin Blinisht, bashkia Lezhë, ku në terren u dislokuan 3 mjete zjarrfikëse dhe rreth 20 forca operacaionale.
-Në qytetin e Leskovikut, bashkia Kolonjë.
-Në fshatin Grudë, bashkia Shkodër.
– Në fshatin Rrjoll, bashkia Shkodër.
-Në fshatin Ngjeqar, bashkia Roskovec.
Në terren u angazhuan 39 automjete zjarrfikëse dhe 375 forca operacionale.
SPAK ka përfunduar hetimet dhe ka dërguar në gjykatë çështjen për ndikim të paligjshëm tek funksionarët e sistemit të drejtësisë.
Bëhet fjalë për Bardhi Koçin i akuzuar për veprën penale, “Ushtrimi i ndikimit të paligjshëm ndaj personave që ushtrojnë funksione publike” dhe Pranvera Meshi, e akuzuar për veprën penale, “Ushtrimi i ndikimit të paligjshëm ndaj personave që ushtrojnë funksione publike.
Bardhi Koçi cili në kohën e kryerjes së veprave penale ishte i punësuar me detyrë Auditues në Kontrollin e Lartë të Shtetit) ka kërkuar nga shtetësja Pranvera Meshi, shumën prej 1500 (një mijë e pesëqind) euro dhe ka marrë prej saj në formën e përfitimit të parregullt, shumën paraprake prej 1000 (një mijë) eurosh, me qëllim ushtrimin e ndikimit në vendimarrjen e gjyqtarit, i cili po shqyrtonte çështjen në ngarkim të saj.
Prokuroria e Posaçme Kundër Korrupsionit dhe Krimit të Organizuar, me datë 27.08.2021, mbi bazën e akteve të dërguara nga Policia Gjyqësore ka regjistruar procedimin penal nr.229, për veprat penale, “Ushtrim i ndikimit te paligjshëm ndaj personave që ushtrojnë funksione publike” dhe “Shpërdorim të detyrës”.
Në vijim të hetimeve për këtë procedim penal, përmes aplikimit të metodave speciale të hetimit është dokumentuar kryerja e veprës penale, “Ushtrim i ndikimit të paligjshëm ndaj personave që ushtrojnë funksione publike”.
Shtetasi, Bardhi Koçi, ka kërkuar nga shtetasi A.M., shumën prej 1300 (një mijë e treqind) eurosh, me qëllim ushtrimin e ndikimit tek dy funksionarë të sistemit të drejtësisë, me qëllim përshpejtimin e seancës gjyqësore për caktimin e masës së sigurimit personal ndaj shtetases N.M., e arrestuar për veprën penale, “Drejtimi i automjeteve në mënyrë të parregullt”, e parashikuar nga neni 291 i Kodit Penal.
Gjithashtu shtetasi Bardhi Koçi ka marrë përfitime të parregullta nga shtetasi, R.G., me qëllim ushtrimin e ndikimit tek ekspertët e Institutit të Policisë Shkencore.
Ky ndikim kishte të bënte me nxjerrjen e aktit të ekspertimit kimik për një sasi lënde narkotike, e cila i ishte sekuestruar shtetasit B.G, i dyshuar për veprën penale, “Drejtimi i automjeteve në mënyrë të parregullt”, e parashikuar nga neni 291 i Kodit Penal.
Prokuroria e Posaçme kundër Korrupsionit dhe Krimit të Organizuar ka dokumentuar dy episode të tjera të kryerjes së veprës penale, “Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1 paragrafi 4 i Kodit Penal, nga shtetasi Bardhi Koçi dhe po vijon hetimet për dokumentimin e rrethanave dhe fakteve të tjera që kanë dalë nga hetimet e kryera lidhur me këtë procedim penal.
Të paktën 20 persona u vranë në Gaza, pasi një kamion u përmbys, ndërsa po shpërndaheshin ndihmat ushqimore. Kamioni u përmbys mbi një turmë njerëzish që ishin grumbulluar në pritje të ushqimeve.
“Kamioni u përmbys ndërsa qindra civilë po prisnin ndihma ushqimore në zonën Nuseirat, në qendër të rripit të Gazës”, tha zëdhënësi i agjencisë së Mbrojtjes Mahmoud Bassal.
Sipas raportimeve nga mediat e huaja kamioni ishte detyruar nga ushtria izraelite që të përdorte rrugë të rrezikshme që ishin bombarduar më parë.
Toshiyuki Mimaki sot është 83-vjeç, por ishte vetëm një fëmijë kur vendi i tij përjetoi bombardimin atomik.
Tashmë në moshë të thyer dhe me fjalë të pakta, por ndërsa flet për këtë ngjarje që ka lënë pasoja të mëdha, mosha e tij duket se humbet me fuqinë e historive të tij.
Ai është një i mbijetuar i bombës atomike të Hiroshimës, një avokat i përjetshëm për çarmatimin bërthamor dhe, që nga viti i kaluar, fitues i Çmimit Nobel për Paqen.3:38
Por tani në 80-vjetorin e bombardimit, ai vjen me më shumë sesa thjesht kujtime ai ka një mesazh të fortë.
“Tani është epoka më e rrezikshme,” thotë ai, duke shtuar: “Rusia mund ta përdorë një armë bërthamore, Koreja e Veriut mund ta përdorë, Kina mund ta përdorë atë dhe presidenti Trump? Nuk po shohim ndryshim”.
“Thirrja jonë”,- siç thekson ai ka qenë një botë pa luftë.
“Ne kemi bërë thirrje e apel për një botë pa luftë apo armë bërthamore, por ata nuk po dëgjojnë”.
Mimaki tregon se ishte tre vjeç kur SHBA-të hodhën një bombë atomike në qytetin e Hiroshimës, shkruan skynews.
‘Nuk dëgjova asnjë zë’
Ishte hera e parë që një armë bërthamore ishte përdorur në luftë dhe mbahet mend si një nga ngjarjet më të tmerrshme në historinë e konfliktit.
Është vlerësuar se ka vrarë mbi 70,000 njerëz në vend, një në çdo pesë banorë, duke lëshuar një nxehtësi tokësore prej rreth 4,000 gradë Celsius, duke shkrirë gjithçka në rrugën e saj dhe duke rrafshuar dy të tretat e qytetit.
Histori të tmerrshme përhapeshin ngadalë, për kufoma të nxirë dhe lëkurë që varej nga viktimat si lecka.
“Ajo që më kujtohet është se atë ditë po luaja jashtë dhe pati një shkëndijë”, kujton Mimaki.
“Ishim 17 km larg hipoqendrës. Nuk dëgjova asnjë shpërthim, nuk dëgjova asnjë zhurmë, por mendova se ishte vetëtima.”
“Pastaj erdhi pasditja dhe njerëzit filluan të dilnin me shumicë. Disa me flokë të çrregullt, rroba të grisura, disa me këpucë, disa pa këpucë dhe duke kërkuar ujë.”
‘Qyteti nuk ishte më aty’, tregon ai.
Shkatërrimi ishte shumë i madh.
‘Njerëzit ende vuajnë’
Tre ditë më vonë, SHBA-të do të hidhnin një tjetër bombë atomike në qytetin e Nagasakit, duke sjellë një dorëzim pa kushte të Japonisë dhe fundin e Luftës së Dytë Botërore.
Deri në fund të vitit 1945, numri i të vdekurve nga të dy qytetet do të ishte rritur në rreth 210,000 dhe deri më sot nuk dihet saktësisht se sa njerëz humbën jetën në vitet në vijim nga kanceri dhe efektet e tjera anësore.
“Po ndodh ende, edhe tani. Njerëzit ende vuajnë nga rrezatimi, janë në spital”, thotë ai.
Tragjikisht, shumë nga ata që u përfshinë në bombë jetuan me stigmën për pjesën më të madhe të jetës së tyre. Keqkuptimet rreth ndikimit të rrezatimit nënkuptonin se ata shpesh shmangeshin dhe refuzoheshin për punë ose si partnerë në martesë.
Prandaj, shumë prej tyre u përpoqën ta fshihnin statusin e tyre si Hibakusha (një person i prekur nga bombat atomike) dhe tani, në moshë të shtyrë, po e kanë të vështirë të kërkojnë mbështetjen financiare që u takon.
Dhe pastaj janë plagët e mëdha psikologjike dhe problemet e shëndetit mendor që do të zgjasin gjatë gjithë jetës.
Shumë Hibakusha zgjodhën të mos flisnin kurrë për atë që panë atë ditë dhe të jetonin me fajin që mbijetuan.
Mimaki, ai rrëfen një histori se si ai dhe një vajzë tjetër e re afërsisht në moshën e tij u sëmurën me atë që ai tani beson se ishte helmim nga rrezatimi.
«Ajo vdiq, dhe unë mbijetova», thotë ai me një psherëtimë të rëndë dhe tendosje në sy.
Më pas ai ia ka kushtuar jetën e tij avokimit dhe është bashkëkryetar i një grupi të mbijetuarish të bombës atomike të quajtur Nihon Hidankyo. Anëtarëve të këtij grupi iu dha Çmimi Nobel për Paqen në vitin 2024.
“Pse këtyre qënieve të quajtura njerëz u pëlqen kaq shumë lufta?”
“Vazhdojmë ta themi, vazhdojmë t’ua themi, por nuk po ndodh asgjë ndryshe, për 80 vjet askush nuk ka dëgjuar. Ne jemi Hibakusha, mesazhi im është që nuk duhet ta krijojmë më kurrë Hibakusha-n.”
/abcnews.al/
OKB-ja i ka quajtur “alarmante” raportet në lidhje me një vendim të mundshëm për të zgjeruar operacionet ushtarake të Izraelit në të gjithë Rripin e Gazës.
Ndihmës sekretari i përgjithshëm i OKB-së, Miroslav Jenca gjatë një takimi të Këshillit të Sigurimit të OKB-së ku u diskutua mbi situatën në Gaza, tha se një veprim i tillë do të shkaktonte pasoja katastrofike dhe se mund të rrezikonte më tej jetën e pengjeve të mbetura në Gaza.
“Raportet e fundit në lidhje me vendimin e Benjamin Netanyahut për të zgjeruar operacionet ushtarake të Izraelit përmes Rripit të Gazës, nëse janë të vërteta janë tejet alarmante”, tha ai duke shtuar se “kjo do të rrezikonte pasoja katastrofike për miliona palestinezë dhe mund të rrezikonte më tej jetën e pengjeve të mbetura në Gaza”
Më tej nënvizoi se e drejta ndërkombëtare është e qartë në këtë drejtim; Gaza është dhe duhet të mbetet një pjesë integrale e shtetit të ardhshëm palestinez.”
/abcnews.al/
Ekspertët paralajmërojnë se situata në Sudan është shumë problematike. Me qindra mijëra njerëz që janë në rrezik urie.
Agjencia e Kombeve të Bashkuara për Ushqimin gjithashtu ka ngritur alarmin për urinë në një qytet të madh sudanez: në El Fashe. Një qytet ky i rrethuar prej kohësh me afërsisht 300,000 banorë, familjet nuk kanë marrë ushqim për më shumë se një vit dhe janë në rrezik të vdesin nga uria.
Programi Botëror i Ushqimit, sipas BBC-së ka deklaruar se nuk është në gjendje të shpërndajë ushqim nga toka për popullsinë në rajonin perëndimor të Darfurit. El Fasher është rrethuar nga luftëtarë paraushtarakë nga Forcat e Mbështetjes së Shpejtë (RSF), të vendosur për ta rimarrë atë nga ushtria sudaneze, për gati 16 muaj.
/abcnews.al/
I dërguari i posaçëm i Shteteve të Bashkuara, Steve Witkoff ndodhet në Moskë dhe pritet të takohet me zyrtarë të lartë rusë.
Vizita e emisarit amerikan zhvillohet vetëm dy ditë para se të skadojë afati që Shtëpia e Bardhë i ka vendosur Rusisë për të bërë përparim drejt një armëpushimi me Ukrainën.
Presidenti amerikan, Donald Trump ka paralajmëruar vendosjen e tarifave ndaj eksporteve ruse dhe sanksioneve dytësore ndaj vendeve që vazhdojnë të blejnë naftë nga Rusia – masa që synojnë të rrisin presionin mbi Moskën për t’i dhënë fund luftës së nisur në shkurt të vitit 2022.
Masat dytësore, sipas zyrtarëve amerikanë, do të shënjestronin kryesisht Kinën dhe Indinë – blerëset më të mëdha të naftës ruse.
Pas nisjes së udhëtimit të Witkoffit për në Moskë, presidenti ukrainas, Volodymyr Zelensky tha se Ukraina i ka propozuar Rusisë “qetësi në qiell” – pa sulme me raketa apo dronë, dhe pa goditje ndaj infrastrukturës civile apo energjetike.
Portugalia po përjeton një valë të re të të nxehtit, me temperatura që arrijnë në 41 gradë Celsius. Gushti mund të jetë muaji më i nxehti në 15-20 vitet e fundit, sipas “Euronews”.
Temperaturat minimale variojnë nga 16 deri në 24 gradë Celsius, ndërsa temperaturat maksimale variojnë nga 28 deri në 41 gradë Celsius.
Rajonet veriore të Portugalisë, Viana do Castelo, Braga, Porto, Vila Real dhe Bragança, janë sërish subjekt i një alarmi të kuq të të nxehtit.
“Alarmi i kuq, shkalla më e lartë, është lëshuar për shkak të vazhdimësisë së temperaturave maksimale jashtëzakonisht të larta, përveç bregdetit”, sipas Institutit Meteorologjik Portugez (IPMA).
Gushti mund të jetë më i nxehti në 15-20 vitet e fundit, në terma të përgjithshëm, veçanërisht për sa i përket temperaturave minimale, por edhe për sa i përket temperaturave maksimale.
Territori shqiptar këtë të mërkurë do të ndikohet nga kushte atmosferike relativisht të qëndrueshme.
Moti parashikohet i kthjellët e me vranësira mesatare e hera-herës deri të dendura në orët e mesditës në relievet malore, në verilindje e juglindje. Temperaturat do të variojnë nga 18-34 gradë celsius.
Vranësirat do të shoqërohen me reshje shiu me intensitet të ulët në zonën lindore të vendit, kryesisht në relievet malore, ndërsa pjesa tjetër e territorit parashikohet pa reshje.
Era do të fryjë me drejtim verilindje – veriperëndim, me shpejtësi mesatare 7m/s. Në zonat luginore dhe përgjatë vijës bregdetare, hera-herës, era do të fitojë shpejtësi 7-14m/s.
/abcnews.al/
Një aksident me dhjetëra të plagosur ka ndodhur në Rusi. Një autobus plot me pasagjerë u përplas me një kabinë në një autostradë përgjatë rrugës Lugansk-Moskë.
Në autobus ndodheshin gjithsej 48 persona, përfshirë pesë fëmijë, ndërsa 39 prej tyre u plagosën si pasojë e përplasjes.
Raportohet se pesë prej tyre ndodhen në spital në gjendje të rëndë në spital. Siç shihet në pamjet filmike, në zonë mbizotëronte mjegull e dendur, ndërsa autoritetet lokale po kryejnë një hetim për rrethanat e aksidentit.
Кадры ДТП с автобусом Луганск — Москва.
Видео: Официальная страница во “ВКонтакте” ООО “ОССП”/ТАСС pic.twitter.com/4hJgo2tRXJ
— ТАСС (@tass_agency) August 5, 2025
Dashi
Mund të ndiheni pak të tensionuar sot. Mund të përballeni me situata të papritura, ndaj ruani qetësinë dhe mos reagoni menjëherë. Komunikimi është çelësi. Merrni kohë për të reflektuar para se të flisni.
Demi
Kjo është një ditë e favorshme për çështje financiare. Mund të merrni një ofertë apo të kuptoni më mirë si të menaxhoni burimet tuaja. Në marrëdhënie personale, shmangni keqkuptimet, qartësia është thelbësore.
Binjakët
Keni shumë ide dhe energji për të ndarë me të tjerët. Sot është ditë e mirë për takime, biseda dhe plane të reja. Ruani ekuilibrin mes punës dhe pushimit.
Gaforrja
Ndjenjat janë të thella sot. Mund të ndiheni më të ndjeshëm ndaj sjelljes së të tjerëve. Kaloni kohë me njerëzit që ju kuptojnë. Mos u angazhoni në konflikte – vetëkontrolli është i rëndësishëm.
Luani
Sot ndiheni të mbushur me vetëbesim dhe dëshirë për të ndriçuar në çdo situatë. Mund të keni sukses në biseda të rëndësishme apo prezantime. Jini të vëmendshëm ndaj emocioneve të të tjerëve.
Virgjëresha
Mund të ndiheni të mbingarkuar me detaje sot. Mundohuni të mos e kritikoni veten për çdo gjë. Bëni më të mirën që mundeni dhe pranoni që jo çdo gjë është nën kontrollin tuaj. Një ditë e mirë për t’u organizuar.
Peshorja
Ka mundësi për zhvillime pozitive në marrëdhënie dhe bashkëpunime. Mund të ndiheni më të qartë për një vendim që ka lidhje me të ardhmen. Diplomacia ju ndihmon të arrini atë që dëshironi.
Akrepi
Mund të ndiheni më introspektivë dhe të tërhequr sot. Nuk është domosdoshmërisht diçka negative – shfrytëzojeni për të reflektuar dhe për të qartësuar qëllimet tuaja. Ruani energjinë për gjëra të rëndësishme.
Shigjetari
Një ditë me shumë lëvizje dhe kontakte. Mund të keni frymëzim për projekte të reja apo dëshirë për të udhëtuar. Bëni kujdes me shpenzimet impulsive. Rrini pranë njerëzve që ju mbështesin.
Bricjapi
Fokusi është tek puna dhe reputacioni. Sot mund të paraqitet një mundësi për të treguar aftësitë tuaja. Veproni me maturi dhe mos e nënvlerësoni ndikimin e veprimeve të vogla.
Ujori
Ndiheni të motivuar për të mësuar diçka të re apo për të eksploruar horizonte të reja. Një bisedë mund të hapë një derë të re. Mos e neglizhoni anën shpirtërore apo emocionale të jetës.
Peshqit
Dita kërkon thellim dhe reflektim. Shmangni shpërqendrimet dhe përqendrohuni tek ajo që ka vërtet rëndësi për ju. Intuita është shumë e fortë sot – dëgjojeni zërin tuaj të brendshëm.
Ministri i Investimeve Publike dhe Kryetari i Bordit Ekzekutiv të Partisë Nacional Socialiste Serbe (SNS), Darko Glisic, u sëmur papritur mëngjesin e kësaj të marte, ndërsa ishte i ftuar në Programin e Mëngjesit të TV Pink.
Darko Glisic nuk mundi ta përfundonte paraqitjen e tij si i ftuar, kështu që programi u ndërpre dhe ministri u transferua në Qendrën e Emergjencës. Ministri i Shëndetësisë Zlatibor Loncar konfirmoi se ishte një goditje në tru dhe se Ministri Glisic është në gjendje të rëndë.
“Ai u sëmur në një emision televiziv, u soll në spital pa ndjenja, po bëhen diagnostikime, po fillon edhe terapia… Ajo që dihet tani është se ai është në gjendje të rëndë. Është e rëndësishme që ai mbërriti në kohë nga ngjarja, domethënë nga goditja në tru, orët e para janë vendimtare” sqaron ministri serb i Shëndetësisë, ndërsa nuk ka harruar të përmendi edhe se presidenti Vuçiç ka shkuar në spital për t’u interesuar për gjendjen e Glisic.
UDARNO: Hitno prekinut program na Pinku! Glišić se šlogirao u sred emisije?!
Ministru za javna ulaganja Darku Glišiću naglo je pozlilo uživo u jutarnjem programu na Pinku. pic.twitter.com/otIuN977tP
— Mario ZNA (@MarioBojic) August 5, 2025
Vuçiç përmes një postimi në Instagram dërgoi edhe një mesazh mbështetje për të me fjalët: Mos u dorëzo. Darko Glišić lindi më 28 maj 1973 në Ub, ku përfundoi shkollën fillore dhe Shkollën e Mesme në Beograd. Pas diplomimit në Shkollën e Lartë të Inxhinierisë Civile dhe Inxhinierisë, ai fitoi titullin inxhinier.
Ai ka qene anëtar i Parlamentit Serb për dy mandate, nga viti 2003 deri në vitin 2008, ndërsa postin e ministrit e mban qe nga maji i vitit 2024. Gjithashtu ka qenë në Partinë Progresive Serbe që nga themelimi i saj dhe njihet si një nga njerëzit me të afërt të presidentit serb.
/abcnews.al/
Gazetarja Bleona Sari ka siguruar për “ABC News” foton e autorit të vendosjes së tritolit në garazhin e Elvis Kosovës disa ditë më parë.
Autori Klodian Steli, 36-vjeç banues në Fushë Krujë, është shpallur në kërkim nga policia pas zbardhjes së ngjarjes. Gazetarja Bleona Sari raportoi për ABC News se ka dyshime që autori të jetë larguar jashtë vendit.
(Klodian Steli)
Kujtojmë se ngjarja ndodhi në rrugën “Peti”, ku në portën hyrëse të garazhit të shtetasit Elvis Kosova, iu vendos një sasi lëndë plasëse.
Ky shtetas njihet ndryshe edhe si “Visi i Garave” apo “visi i makinave të shpejta” dhe rezulton se është emër i njohur për policinë.
/abcnews.al/
13 kryetarët e rinj të njësive administrative në Fier u prezantuan këtë të martë. Zv.kryeministrja Belinda Balluku kërkoi më shumë angazhim në forcimin e administratës lokale, edhe në përmbushje të angazhimit ndaj qytetarëve, të cilët në 11 maj, i dhanë socialistëve 12 deputetë në qarkun e Fierit.
“Duhet te keni në ekipe djem edhe vajza që i përgjigjen teknologjisë. Duhet të ofrojmë shërbime që të moshuarit apo të tjerë nuk i marrin dot nëpërmjet telefonit. Siç është rasti i E-Albania kur shumë noterë abuzojnë me të duke e ofruar si shërbim me pagesë. Fakti që qeveria shqiptare është votëbesuar më shumë, kryesisht në qarkun e Fierit na bën neve akoma edhe më të përgjegjshëm. Ashtu siç ata na votëbesuan ashtu duhet t’ja kthejmë ne me punën tonë”, u shpreh Balluku.
Balluku tha se prioritet duhet të jetë lirimi i hapësirave publike edhe pse në Fier problematikat janë më të pakta se në qytetet e tjera.
“Duhet të jeni në lartësinë e duhur sepse lirimi i hapësirave publike në Fier, nuk ka të njëjtën problematikë si në zona të tjera, situate është shumë e mirë. Por sërish ka ankesa nga qytetarët e ne po i procesojmë që kanë të bëjnë me parkingjet e pallateve. Edhe vetë fakti që qytetarët e mbështesin reformën për lirimin e hapësirave publike, ju duhet ta keni prioritet në punën tuaj”, ka thënë ajo.
Paralelisht edhe kryeministri Edi Rama publikoi disa pamje nga heqja e tendave të vendosura në trotuare, ndërsa thekson se aksioni do të vijojë pa ndërprerë deri në lirimin e të gjithë hapësirave të zaptuara.
/abcnews.al/
Një 27-vjeçar është arrestuar nga policia pasi u kap duke qarkulluar me armë zjarri dhe kanosi një 32-vjeçar.
Ngjarja ka ndodhur gjatë një konflikti për motive të dobëta në vendin e quajtur “Kthesa e Kamzës”, në Tiranë. Në pranga është vënë edhe vëllai i 27-vjeçari pasi sipas policisë pas ngjarjes ka fshehur armën e zjarrit.
Gjatë kontrollit të ushtruar në banesën e 27-vjeçarit, shërbimet e Policisë gjetën armën e zjarrit të përdorur në ngjarje, një sasi municioni luftarak dhe automjetin, të cilat u sekuestruan në cilësinë e provës materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
I akuzuar për vrasjen e Gentian Bejtjas, Gjykata e Tiranës ka caktuar masën e sigurisë “arrest me burg” për Flodian Plakun i njohur dhe me mbiemrin Mamo dhe Serjani.
42-vjeçari u arrestua 2 ditë më parë nga forcat operacionale në Orikum. Në dëshminë e tij të dhënë para gjykatës ai ka thënë se nuk ka lidhje me ngjarje.
“Nuk kam lidhje me ngjarjen, kam përdorur një “Golf” para 10 ditësh prandaj policia erdhi tek unë”, ka thënë ai.
Flodian Plaku u përfaqësua në gjykatë nga avokati i caktuar nga gjykata, Edvis Gorishti i cili një mase me të butë sigurie por që u refuzua.
/abcnews.al/
Login