Një influencuese meksikane u gjet e vdekur brenda një kamioni së bashku me bashkëshortin dhe fëmijët e saj. Viktimat janë 32-vjeçarja Esmeralda Ferrer Garibay, bashkëshorti i saj 36-vjeçar, djali i tyre 13-vjeçar dhe vajza 7-vjeçare .

Trupat u gjetën javën e kaluar në Guadalajara, por identitetet e tyre u zbuluan vetëm dje, raporton The Sun.

Familja ishte zhvendosur së fundmi në qytet për të jetuar dhe punuar atje.

Autoritetet dyshojnë se bashkëshorti i Garibay ishte shënjestra e sulmit, por hetimet vijojnë ende dhe pritet që të hedhin dritë mbi ngjarjen makabre.

/abcnews.al/

Ukraina ka shkatërruar dy ura brenda Rusisë duke përdorur disa dronë të lirë për të goditur depot e minave dhe municioneve të fshehura atje nga forcat ruse.

Dy urat ishin pranë kufirit me rajonin e Kharkiv të Ukrainës po përdoreshin nga ushtria ruse për të furnizuar trupat e saj.

Për shkak të rëndësisë së tyre strategjike, urat ishin të minuara – në mënyrë që ushtria ruse të kishte mundësinë t’i hidhte në erë në rast të një avancimi të papritur të Ukrainës.

Ukraina i është kundërpërgjigjur sulmeve ruse duke shkatërruar urat në rrugët që të çonin drejt Kievit. Ky veprim vonoi përparimin rus dhe mbrojti kryeqytetin ukrainas.

Në rastin e dy urave në Rusi, ushtria ukrainase mësoi për depot e minave dhe i përdori ato në avantazhin e vet.

Read More...

Një tërmet me magnitudë 5.5 ballë të shkallës Rihter ka goditur Japoninë, njoftoi Qendra Sizmologjike Evropiane-Mesdhetare.

Sipas raportimeve, epiqendra e tërmetit ishte në det të hapur në Paqësor, në lindje të ishullit Honshu.

Ndërsa, Epiqendra ishte në një thellësi prej 35 kilometrash, rreth 11 kilometra larg qytetit të Sendait me një popullsi prej një milion banorësh.

Ushtria izraelite ka deklaruar se është në fazat fillestare të sulmit në Gaza. Zëdhënësi i IDF Avichay Adraee njoftoi se forcat ushtarake po operojnë me forcë të madhe në periferi të qytetit.

Ndërkohë mijëra persona janë zhvendosur për shkak të bombardimeve të vazhdueshme.

Ndërsa sipas raportimeve të dhëna nga ministria e shëndetësisë së Gazës, të paktën 63,025 palestinezë janë vrarë dhe 159,490 të tjerë janë plagosur në sulmet izraelite në Gaza që nga 7 tetori 2023.

Ndërsa në 24 orët e fundit, u vranë të paktën 59 palestinezë, përfshirë 23 kërkues ndihmash.

/abcnews.al/

Këshilli i Lartë Gjyqësor dhe kryeministri Edi Rama janë përplasur në distancë këtë të premte pas kritikave të kreut të qeverisë për gjyqtarët që japin vendime në dëm të interesit publik.

Fillimisht ishte KLGJ, e cila tha se deklarata të tilla cënojnë figurën dhe dinjitetin e gjyqtarëve si dhe minojnë pavarësinë e pushtetit gjyqësor.

“E vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë. Po ashtu, çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse.”, thuhej në reagimin e Këshillin të Lartë Gjyqësor.

E menjëhershme ishte përgjigja e kryeministrit, i cili tha se Këshilli i Lartë Gjyqësor, përpara se të flasë për minim të pavarësisë duhet të shqetësohet për cilësinë e drejtësisë, si edhe të garantojë publikun se vendimet që merren nga gjykatësit në dëm të tij, nuk kalojnë pa u analizuar.

“KLGJ ka harruar gjithashtu se si instanca më e lartë e vetëqeverisjes së gjyqësorit, ka jo vetëm të drejtën po edhe detyrën të marrë seriozisht shqetësimet e palëve të cënuara nga vendime qorre të gjykatësve, të cilat në këtë rast janë të ububushme për nga mungesa e ndjeshmërisë ndaj interesit publik.”, shprehet Rama në reagimin e tij.

Sa i përket thirrjes së Këshilli te Lartë Gjyqësor për të bërë ankesë në një gjykatë më të lartë vendimet e evidentuara, Rama kishte këtë përgjigje.

“KLGJ ka harruar edhe të tjera gjëra më shumë rëndësi, por të paktën ka thënë një të vërtetë që më gjen shumë dakord, duke nënvizuar se “çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse”, gjë për të cilën e kam informuar në çdonjërin nga rastet publikun, se do të bëjmë duke iu drejtuar pikërisht KLGJ dhe ILD si “institucionet përkatëse”, tha më tej Rama.

/abcnews.al/

Akuzat e vazhdueshme të viktimës ndaj autorit në Shkodër për vjedhjen e portofolit dyshohet të jetë shkaku I vrasjes në fshatin Abat të Dukagjinit.

Pasi u vetëdorëzua tek autoritetet policore të Shkodrës në orët e para të së premtes, Ndoc Maçaj ka dhënë dëshminë e tij përpara grupit hetimor.

Autori deklaroi se e kreu krimin pas një konflikti të vazhdueshëm me Piro Prronin, pasi ky i fundit e akuzonte se prej një muaji I kishte vjedhur portofolin, veprim të cilin 58-vjeçari Ndoc Maçaj e mohon.

Iu betova që nuk e kisha vjedhur unë. Ka qenë kjo fjalia që Maçaj ka deklaruar përpara hetuesve e se pavarësisht insistimit të tij, viktima vijonte e akuzonte.

Mbrëmjen e së enjtes, teksa qëndronin bashkë, ai ka treguar se 61-vjeçari e kishte akuzuar sërish dhe e kishte ofenduar, e për këtë arsye, autori nxori armën dhe e qëlloi.

Krimi ndodhi në fshatin Abat të Dukagjinit, ndërsa pas vrasjes, Ndoc Maçaj u largua nga vendngjarja për t’u dorëzuar vetëm pak orë më vonë, së bashku me armën e krimit tek uniformat blu.

Megjithatë, hetimet vijojnë në disa pista, me qëllim zbardhjen e plotë të krimit.

/abcnews.al/

Jo vetëm ndryshime në kabinetin qeveritar por sesioni i ri politik pritet të sjellë ndryshime edhe në strukturën e komisioneve parlamentare.

Për këtë legjislaturë të 11-të, socialistët pritet të propozojnë 11 komisione parlamentare nga 8 që janë aktualisht.

Burime për “Abc News” thanë se të paktën dy komisione do të ndahen, ndërsa Komisioni për Politike të Jashtme do të bashkohet me atë për Çështjet Europiane. Ky i fundit, i cili deri më tani, drejtohej nga opozita pritet të drejtohet nga mazhoranca.

E për ta kompensuar këtë opozitës pritet ti kalojë drejtimi i Komisionit për të drejtat e njeriut, i cili do të dale nga ndarja e Komisionit të Ligjeve.

Po ashtu edhe Komisioni për Veprimtarinë Prodhuese pritet të shkrihet në tre komisione të tjera: përkatësisht burimet natyrore, infrastruktura dhe bujqësia.

Po ashtu edhe komisioni i posaçëm  “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian, do të jetë i përhershëm por me një fushë veprimi më të gjerë.  Gjithashtu pritet të ketë propozime edhe për ndryshimin e emërtimeve të komisioneve dhe uljen e numrit të anëtarëve.

Kjo ndarje parashikohet të bëhet edhe për të lehtësuar punën parlamentare, në përmbushje të angazhimeve që vijnë nga negociatat për anëtarësimin e Shqipërisë në Bashkimin Europian.  Për të gjitha këto do të duhen ndryshime në rregulloren e parlamentit. Ky i fundit pritet të nisë punimet me 12 shtator.

Një tjetër tragjedi në brigjet e Spanjës. Të paktën 69 persona kanë vdekur dhe dhjetëra të tjerë rezultojnë të zhdukur pasi një varkë u përmbys në brigjet e Mauritanisë.

Roja bregdetare tha se të paktën 19 persona janë shpëtuar, ndërsa ende vazhdojnë kërkimet për pasagjerë të tjerë. Sipas dëshmive në varkë dyshohet se ishin rreth 160 persona kryesisht nga Gambia dhe Senegali.

Udhëtimi i rrezikshëm përmes Oqeanit Atlantik është bërë një rrugë gjithnjë e më e zakonshme për emigrantët që përpiqen të arrijnë në Evropë.

/abcnews.al/

Ylli i Hollivudit George Clooney eci dje në mbrëmje mbi në tapetin e kuq të Festivalit të Filmit në Venecia, së bashku me gruan e tij Amal, duke përshëndetur fansat dhe duke pozuar për selfie pavarësisht se nuk ndihej mirë.

”Aktori 64-vjeçar është diagnostikuar me sinusit”, tha menaxheri i tij duke shtuar se mjeku i tij e këshilloi të kufizojë aktivitetet e tij në ditët në vijim për t’u rikuperuar.

Sinusiti është një inflamacion i mukozave në sinuse. Më herët dje, Clooney humbi konferencën për shtyp për “Jay Kelly”, filmin e drejtuar nga Noah Baumbach në garë, në të cilin ai luan me Adam Sandler dhe Laura Dern.

Sandler u tha gazetarëve se “yjet e filmit sëmuren gjithashtu”, ndërsa Dern shtoi se Clooney ishte “i shkatërruar” që nuk mori pjesë.

Clooney kishte mbërritur në Lido në Venecia të mërkurën para hapjes së festivalit të filmit, por anuloi intervistat për shkak të sëmundjes.

Edicioni i 82-të i Festivalit të Filmit në Venecia u hap me filmin më të fundit të Paolo Sorrentinos.

Interpol ka arrestuar në Holandë Hasan Uzun, një shtetas turk 46 vjeçar të lidhur me ISISA i  cili kishte bashkëpunuar me grupin terrorist në një plan për të vrarë e të ndjerin Papa Françesku, përgjatë një vizite të atit të shenjtë në Trieste vitin e shkuar.

Mbi arrestimin e 46-vjeçarit Turk ishin angazhuar, Prokuroria e Triestes, Shërbimet e inteligjencës Italiane si dhe Interpol. Uzun është ekstraduar drejt Italisë dhe aktualisht ndodhet në burgun e Corneos në Trieste.

Hetimet dhe pamjet e kamerave të Sigurisë kanë zbuluar deri më tani pamje të 46-vjeçarit i cili kishte lënë një pistoletë automatike dhe një karikator me 14 fishekë brenda një karroce të braktisur, pranë një bari të stacionit të trenit në Trieste vetëm një ditë përpara se Papa të vizitonte këtë qytet Italian një vit më parë.

Policia thotë se videot e kamerave të sigurisë tregojnë shtetasin turk i cili pasi la armën në karrocën e braktisur, u largua dhe më pas dy burra u afruan pranë saj. Por përpara se dy burrat e paidentifikuar të afroheshin për të gjetur armën ajo ishte gjetur nga një punonjëse e lokalit e cila kishte telefonuar autoritetet.

Pasi kishte lënë valixhen ku ndodhej arma, Uzun bleu një kartë Italiane duke shkatërruar kartën e mëparshme dhe udhëtoi drejt Milanos. Destinacioni i tij më pas ishte Zvicra, por ai u kthye në kufi për shkak të dokumenteve të pavlefshme.

46-vjeçari shfaqej në këto lëvizje me një burrë me këmishë blu.

Hetuesit rindërtuan të gjithë sekuencën e ngjarjeve, duke evidentuar mungesën e lidhjeve mes Uzun dhe Italisë apo vendeve të tjera të Bashkimit Europian. Pikërisht përkimi kohor mes pranisë së tij dhe mbërritjes së Papës bëri që të shpallej alarmi antiterrorizëm.

Gjatë vizitës dhe fjalës së tij në Trieste në 7 korrik të vitit të shkuar Papa Françesku nuk dha asnjë detaj mbi këtë kërcënim, por mbajti fjalimin e tij duke I kërkuar besimtarëve katolikë ta mbanin besimin e tyre të patrazuar nga të këqijat e kësaj bote.

Kancelari gjerman, Friedrich Merz tha se lufta e Rusisë në Ukrainë mund të vazhdojë për “muaj të tërë” pavarësisht përpjekjeve të fundit të udhëhequra nga Shtetet e Bashkuara për t’i dhënë fund konfliktit.

Duke folur së bashku me presidentin francez, Emmanuel Macron, në Francë, Merz tha se ai nuk ka “iluzione” për mundësinë e një përfundimi të shpejtë të luftës dhe u zotua se “ne nuk do ta braktisim Ukrainën”.

Merz tha se nuk ishte “i befasuar” nga vonesat e vazhdueshme të Kremlinit mbi përpjekjen e presidentit amerikan, Donald Trump, për të organizuar bisedime të drejtpërdrejta mes liderit rus, Vladimir Putin, dhe homologut të tij ukrainas, Volodymyr Zelensky. “Ajo është pjesë e strategjisë së këtij presidenti rus”, tha ai.

Bashkimi Europian i jep goditjen e fundit Albin Kurtit. Asnjë zyrtar evropian nuk do ta takojë kryeministrin në detyrë, derisa të jetë në funksion një qeveri me mandat të plotë.

Kolegët e Klan Kosova kanë zbuluar ekskluzivisht letrën e dërguar Kurtit nga shefat e Misioneve të BE-së, ku flitet për pakënaqësitë ndaj ekzekutivit në detyrë, ky hap shënon izolimin e plotë të kësaj qeverie nga ndërkombëtarët.

Ish-ambasadori i Kosovës në Shqipëri, Syle Ukshini gjatë intervistës në emisionin “Balkan Update” në ABC News, ai tha se në politikën në Kosovë duhet të ketë një bashkëpunim më të madh dhe se qeveria e brendshme e Kosovës duhet të ishte më e konsoliduar, por sipas tij e gjithë energjia u harxhua me sulme dhe kritika.

Ai gjithashtu tha se pozicionimi i Kosovës në arenën ndërkombëtare është i rëndësishëm. Më tej Ukshini shtoi se sipas tij opozitarizmi i sotëm në Kosovë është më i zbehtë

“Duke parë që kanë njëlloj komoditeti dhe mos-nxitim për ta kaluar këtë ngërç është një mesazh për t’i thënë që nëse dëshironi të keni marrëdhënie të plota me evropianë duhet të dilni nga kjo situatë. Pra e kanë lexuar këtë komoditetin e njerëzve që rrinë në karrige të pushtetit dhe ky është një mesazh për t’i thënë që duhet të ndryshojë kjo linjë. Demokracia në Ballkan dhe veçanërisht demokracia shqiptare në përgjithësi, kanë nevojë për një mbikëqyrje nga lart. Shpesh BE e tepron por mendoj që duhet edhe një ndërhyrje me masë. E keqja është që ne në Kosovë nuk kemi president, por kemi një zonjë që kujdeset më shumë për situatën e familjarëve të saj”, ka thënë ndër të tjera ai.

/abcnews.al/

Kërcënim për ministrin e Brendshëm të Serbisë, Ivica Daçiç. Në Qeverinë e Serbisë ka mbërritur një zarf i adresuar për ministrin e Brendshëm, brenda të cilit janë gjetur tre plumba. Njoftimi është dhënë nga Ministria e Punëve të Brendshme serbe.

Sipas njoftimit, zarfi është evidentuar të enjten “gjatë procesit të rregullt të ndarjes së postës”.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e Ministrisë së Brendshme serbe.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit. Ivica Dacic njihet si një nga bashkëpunëtorët me të ngushte të presidentit serb Aleksandër Vucic.

Ai ka shërbyer si zëvendëskryeministër i Serbisë që nga viti 2022 dhe ministër i punëve të brendshme që nga viti 2024.

/abcnews.al/

Presidentja Vjosa Osmani ka kërkuar formimin sa me të shpejt të institucioneve në Kosovë, duke theksuar se çdo ditë e humbur është në dëm të qytetarëve të vendit.

“Që Kuvendi të konstituohet urgjentisht, që Qeveria të zgjidhet urgjentisht, çdo ditë e humbur është e humbur për Kosovën, për popullin e saj, për perspektivën tonë euroatlantike, kështu që shpresoj të gjendet një zgjidhje në përputhje me Kushtetutën sa më parë të jetë e mundur”, ka thënë presidentja Osmani.

Ndërsa kryeministri në detyrë, tashme me marrëdhënie të shkëputura zyrtarisht me ndërkombëtarët, nuk pranoj të komentonte mbi  zhvillimet politike në vend dhe as largimin e ministrit të tij Liburn Aliu.

Ushtruesve të funksioneve me të larta zyrtarë në vend, ju bashkua në një aktivitet jashtë Kuvendit për herë të parë edhe kryeparlamentari i ri Dimal Basha.

Treshja udhëheqëse u bënë bashkë në homazhet e Monumentit të Personave të Zhdukur, në përkujtim të Ditës Ndërkombëtare të të Zhdukurve me Dhunë.

Homazhe bënë edhe ambasadorë të akredituar në Kosovë, familjarë të të zhdukurve dhe qytetarë me mesazhin e zbardhjes se fatit të personave të zhdukur me dhune në Kosovë.

/abcnews.al/

Presidenti i Ukrainës Volodymir Zelensky ka deklaruar se bisedimet mbi garancitë e sigurisë së Ukrainës duhet të trajtohen në lartësinë e duhur.

Ai nënvizoi se Ukraina do të presë deri më 1 shtator, duke qenë në të njëjtën linjë me aleatët për të parë nëse presidenti rus Vladimir Putin do të ulet në tryezë ose jo për t’i dhënë fund luftës.

“Ne duam të shohim gatishmërinë e vërtetë të Rusisë për të marrë pjesë në bisedime. Nëse nuk e bën, presim një reagim nga partnerët tanë”, tha ai.

/abcnews.al/

Read More...

Një aksident me vdekje ka ndodhur në Kavajë. Mësohet se rreth orës 14:00, në aksin Rrogozhinë-Kavajë, një shtetas ka përplasur me automjetin që drejtonte, këmbësorin 83 vjeç, i cili si pasojë e plagëve të marra ka humbur jetën.

Drejtuesi i automjeti është shoqëruar në komisariat.

Grupi hetimor është në vendngjarje dhe po punon për sqarimin e rrethanave të aksidentit.

/abcnews.al/

Donald Trump nënshkroi një dokument duke i hequr mbrojtjen speciale Kamala Harris nga Shërbimi Sekret, duke përmbysur një urdhër të paraardhësit të tij Joe Biden që e kishte zgjeruar mbrojtjen e saj përtej asaj që kërkohej ligjërisht.

Vendimi i Trump u njoftua në një letër të titulluar “Memorandum për Sekretarin e Sigurisë Kombëtare”.

Teksti thotë se “të gjitha masat e sigurisë përtej atyre të parashikuara me ligj” për ish-nënpresidenten po ndërpriten, duke hyrë në fuqi më 1 shtator 2025.

Sipas ligjit federal, ish-presidentëve u jepet mbrojtje për jetë, ndërsa ish-zëvendës presidentët kanë të drejtë për gjashtë muaj mbrojtje pas përfundimit të mandatit të tyre.

/abcnews.al/

Forcat izraelite kanë vrarë të paktën 16 palestinezë në Gaza dhe kanë plagosur dhjetëra në jug të enklavës, kanë thënë zyrtarët lokalë të shëndetësisë, teksa banorët raportuan bombardime të intensifikuara ushtarake në periferi të qytetit të Gazës.

Ushtria po përgatitet të marrë Qytetin e Gazës, qendrën më të madhe urbane të enklavës, pavarësisht thirrjeve ndërkombëtare ndaj Izraelit për ta rishqyrtuar këtë, nga frika se operacioni do të shkaktonte viktima të konsiderueshme dhe do të zhvendoste afërsisht një milion palestinezë që strehohen atje.

Në qytetin e Gazës, banorët kanë thënë se familjet po largohen nga shtëpitë e tyre, shumica duke u drejtuar drejt bregdetit, ndërsa forcat izraelite bombarduan periferitë lindore të Shejaia, Zeitoun dhe Sabra.

Vdekjet e së enjtes e çuan në 71 numrin e palestinezëve të vrarë nga sulmet izraelite në 24 orët e fundit, sipas ministrisë së Shëndetësisë së Gazës.