MEKSIKO SITI, 9 gusht /ATSH/- Meksika tha se ushtria amerikane nuk do të hyjë në territorin e saj – pas raportimeve se presidenti Donald Trump ka udhëzuar Pentagonin të shënjestrojë kartelet e drogës në Amerikën Latine, sipas BBC.

“Shtetet e Bashkuara të Amerikës nuk do të vijnë në Meksikë me ushtrinë”, tha presidentja Claudia Sheinbaum.

“Ne bashkëpunojmë, por nuk do të ketë pushtim. Kjo absolutisht përjashtohet”, shtoi ajo.

“New York Times” raportoi dje se Trump kishte nënshkruar në mënyrë të fshehtë një direktivë për të filluar përdorimin e forcës ushtarake në tokë të huaj.

Në një deklaratë për BBC-në, Shtëpia e Bardhë tha se prioriteti kryesor i Trump është mbrojtja e atdheut.

Direktiva e raportuar duket se vjen pas një urdhri ekzekutiv të nënshkruar nga Trump, këtë vit – që zyrtarisht i përcaktonte tetë kartele droge si entitete terroriste – gjashtë prej të cilave janë meksikane.

Duke folur me gazetarët, Sheinbaum tha se qeveria meksikane ishte informuar se një urdhër mbi kartelet ishte nënshkruar dhe se nuk kishte të bënte me pjesëmarrjen e ndonjë personeli ushtarak.

“Nuk është pjesë e ndonjë marrëveshjeje. Kur është ngritur në diskutim, ne gjithmonë kemi thënë ‘Jo'”, tha ajo.

Më herët, Sheinbaum tha se vendimi i Trump për të përcaktuar kartelet si terroristë nuk mund të ishte një mundësi për SHBA-në për të pushtuar sovranitetin e Meksikës.

Të enjten, sekretari amerikan i Shtetit, Marco Rubio tha se përcaktimi si entitete terroriste – do të ndihmonte SHBA-në të shënjestronte kartelet, duke përfshirë edhe përmes agjencive të inteligjencës dhe Departamentit Amerikan të Mbrojtjes.

“Ne duhet të fillojmë t’i trajtojmë ato si organizata të armatosura terroriste, jo thjesht organizata që merren me trafikun e drogës”, tha Rubio.

Raporti i “New York Times” tha se direktiva e nënshkruar nga Trump ofron një bazë zyrtare për mundësinë e operacioneve të drejtpërdrejta ushtarake kundër karteleve, si në det ashtu edhe në tokë të huaj.

Në muajt e fundit, Meksika ka bashkëpunuar me SHBA-në për të frenuar fluksin e paligjshëm si të emigrantëve ashtu edhe të drogës përmes kufirit SHBA-Meksikë.

Qershori shënoi numrin më të ulët të kalimeve kufitare të regjistruara ndonjëherë, sipas të dhënave nga Dogana dhe Mbrojtja Kufitare e SHBA-së, dhe javën e kaluar, ambasadori i SHBA-së në Meksikë, Ronald Johnson, tha se sekuestrimet e fentanilit në kufi ishin ulur me më shumë se gjysmën. //a.i/

The post MEKSIKË – Sheinbaum përjashton planin ushtarak të Trump në territorin meksikan kundër karteleve të drogës appeared first on Agjencia Telegrafike Shqiptare.

Autoritetet në shtetin qendror meksikan të Guanajuato thanë se 32 trupa u gjetën në një pronë në komunën e Irapuato dhe gati gjysma e tyre janë identifikuar.

Zyra e prokurorit të shtetit të Guanajuato tha të hënën nëpërmjet X se trupat u gjetën në varre klandestine në pronën në komunitetin e La Calera në anën veriore të Irapuato, rreth 320 kilometra (200 milje) në veriperëndim të Qytetit të Meksikës, shkruajnë mediat e huaja

Ekipet mjeko-ligjore kishin punuar në vend që nga 30 korriku, thanë prokurorët. Autoritetet po punonin për të identifikuar trupat e mbetur.

Zbulimi erdhi më pak se dy muaj pas të shtënave masive në një festë rruge në Irapuato që la 12 persona të vdekur.

Guanajuato ka vuajtur dhunë të vazhdueshme në vitet e fundit, ndërsa Karteli i fuqishëm i Gjeneratës së Re Jalisco lufton grupin vendas të krimit të organizuar Santa Rosa de Lima.

Shteti regjistroi më shumë se 1,500 vrasje nga janari deri në korrik.

Grupet e krimit të organizuar shpesh i varrosin viktimat e tyre në varre klandestine. Numri aktual i të zhdukurve është gati 132,000.

The post Zbulim makabër, gjenden 32 trupa të pajetë në ‘varre sekrete’ në Meksikë appeared first on Albeu.com.

Autoritetet në shtetin qendror të Meksikës, Guanajuato, kanë zbuluar 32 trupa të pajetë në një pronë në komunën e Irapuatos, ku afro gjysma e tyre janë identifikuar deri më tani. Sipas Zyrës së Prokurorit të Shtetit, trupat u gjetën në varre të fshehta në zonën e La Calera, në pjesën veriore të Irapuatos, rreth 320 […]

The post Meksikë: 32 trupa të pajetë gjenden dy muaj pas masakrës në një festë appeared first on BoldNews.al.

32 trupa të pajetë janë gjetur në një pronë private në komunën Irapuato, në shtetin meksikan Guanajuato, një nga zonat më të përgjakshme të vendit. Sipas autoriteteve, trupat u zbuluan në varre të fshehta në zonën La Calera, aty ku ekipet mjeko-ligjore po punonin që prej 30 korrikut.

Zbulimi tronditës vjen vetëm dy muaj pas një masakre tjetër në Irapuato, ku u vranë 12 persona në një festë lagjeje.

Guanajuato ndodhet në qendër të një lufte të egër mes Kartelit Jalisco dhe grupit rival Santa Rosa de Lima, që e ka kthyer shtetin në një nga më të dhunshmit në Meksikë, me mbi 1,500 vrasje vetëm këtë vit.

Autoritetet po përpiqen të identifikojnë viktimat, ndërsa numri i të zhdukurve në rang kombëtar mbetet alarmant: gati 132 mijë persona.

Një Meksikë që kërkon drejtësi, por gjen vetëm varre të heshtura.

The post Meksikë, ferri nën tokë: Zbulohen 32 trupa në varre klandestine appeared first on iconstyle.al.

UASHINGTON, 31 korrik /ATSH-DPA/- Presidenti i SHBA-së, Donald Trump tha sot se po i jep Meksikës, partnerit më të madh tregtar të vendit, një pezullim 90-ditor të tarifave të reja – për të arritur një marrëveshje tregtare.

Trump shkroi në platformën e tij “Truth Social” se kishte biseduar me presidenten meksikane. Claudia Sheinbaum në telefon, duke e përshkruar diskutimin e tyre si “shumë të suksesshëm”.

Status quo-ja do të vazhdojë ndërsa të dyja palët vazhdojnë negociatat.

Ndërkohë, shumica e mallrave meksikane vazhdojnë të përballen me një tarifë prej 25%.

Në korrik, Trump paralajmëroi se do të rriste normën me 30%.

Sheinbaum shprehu kënaqësinë e saj pas telefonatës.

“Ne shmangëm rritjen e tarifave të njoftuara për nesër dhe fituam 90 ditë për të ndërtuar një marrëveshje afatgjatë përmes dialogut”, shkroi ajo në platformën X.

Tarifa më të larta do të aplikohen për importet amerikane nga shumë vende nga e premtja, ndërsa fillon faza tjetër e politikës tregtare ndëshkuese të Trump.

Disa vende, përfshirë Britaninë e Madhe dhe Japoninë, kanë arritur tashmë marrëveshje me qeverinë amerikane për të ulur tarifat.

Bashkimi Evropian ra dakord për një marrëveshje tregtare me SHBA-në të dielën pas disa muajsh bisedimesh me rrezik të lartë.

Sipas marrëveshjes, eksportet në SHBA do t’i nënshtrohen një tarife bazë prej 15%. //a.i/

The post SHBA – Trump pezullon tarifat ndaj Meksikës për 90 ditë të tjera appeared first on Agjencia Telegrafike Shqiptare.

SHBA- Ekipet e ndërtimit filluan punën në fazën tjetër të murit kufitar SHBA-Meksikë pranë Ciudad Juarez, Meksikë, pas miratimit të fundit të një buxheti për emigracionin.

Punëtorë dhe makineri të rënda u panë pranë kufirit, ndërsa më shumë se 11 kilometra barrierë e re do të ndërtohet pranë Santa Terezës, në shtetin Texas.

Kjo fazë është pjesë e përpjekjeve të vazhdueshme për të zgjeruar dhe përforcuar barrierën kufitare, që synon frenimin e kalimeve të paligjshme dhe rritjen e sigurisë kufitare.

Ky veprim ka shkaktuar kritika nga grupet e të drejtave të njeriut dhe të avokimit të emigrantëve, të cilët argumentojnë se bën pak për të adresuar shkaqet rrënjësore të emigrimit.

Presidenti amerikan, Donald Trump, gjatë mandatit të tij kishte marrë hapin e parë për të zbatuar projektin e ngritjes së murit në kufirin me Meksikën, që ishte një nga premtimet më të rëndësishme gjatë fushatës zgjedhore/abcnews.al

NJU MEKSIKO, 18 korrik /ATSH-AA/ – Ekipet e ndërtimit filluan punën në fazën tjetër të murit kufitar SHBA-Meksikë pranë Ciudad Juarez, Meksikë, pas miratimit të fundit të një buxheti për emigracionin.

Punëtorë dhe makineri të rënda u panë pranë kufirit, ndërsa më shumë se 11 kilometra barrierë e re do të ndërtohet pranë Santa Terezës, në shtetin Teksas.

Kjo fazë është pjesë e përpjekjeve të vazhdueshme për të zgjeruar dhe përforcuar barrierën kufitare, që synon frenimin e kalimeve të paligjshme dhe rritjen e sigurisë kufitare.

Ky veprim ka shkaktuar kritika nga grupet e të drejtave të njeriut dhe të avokimit të emigrantëve, të cilët argumentojnë se bën pak për të adresuar shkaqet rrënjësore të emigrimit.

Presidenti amerikan, Donald Trump, gjatë mandatit të tij kishte marrë hapin e parë për të zbatuar projektin e ngritjes së murit në kufirin me Meksikën, që ishte një nga premtimet më të rëndësishme gjatë fushatës zgjedhore.  /os/

The post FOKUS – SHBA fillon fazën e re të ndërtimit të murit në kufirin me Meksikën appeared first on Agjencia Telegrafike Shqiptare.

Bashkimi Evropian dhe Meksika kanë shprehur zhgënjim pas kërcënimit të presidentit amerikan, Donald Trump për vendosje të tarifës prej 30 për qind në importet e tyre nga 1 gushti. Meksika e ka kritikuar atë që e ka quajtur “marrëveshje të padrejtë” dhe ka insistuar që sovraniteti i saj është i panegociueshën, derisa shefja e BE-së, […]

The post BE-ja dhe Meksika kritikojnë propozimin e Trumpit për tarifë 30% appeared first on BoldNews.al.

MEKSIKO SITI, 25 qershor /ATSH/ – Të paktën 10 persona u vranë dhe shumë të tjerë u plagosën nga një sulm me armë zjarri në një shtëpi në qytetin qendror meksikan, Irapuato dje në mbrëmje, perfhire fëmijë, thanë autoritetet, sipas “Reuters”.

“Është një vrasje e shumëfishtë për të cilin po kryhet një hetim,” tha presidentja meksikane, Claudia Sheinbaum në një konferencë për shtyp sot në mëngjes, duke shtuar se midis të vrarëve ishin edhe fëmijë.

Autoritetet e sigurisë thanë në një deklaratë se kishin nisur një operacion për të gjetur personat përgjegjës për sulmin.

Media lokale raportoi se të shtënat kishin ndodhur gjatë një feste fetare.

Zyra e prokurorit të përgjithshëm në Guanajuato, shteti qendror ku ndodhi sulmi, konfirmoi sulmin.

“Sipas të dhënave paraprake, 10 persona janë vrarë dhe disa të tjerë janë plagosur nga të shtënat me armë zjarri”, tha zyra e sigurisë civile në Irapuato, në një deklaratë. //a.i/

The post MEKSIKË – Të shtëna me armë në një shtëpi, të paktën 10 të vrarë, përfshirë fëmijë appeared first on Agjencia Telegrafike Shqiptare.

Uragani Erick po merr forcë me shpejtësi të madhe dhe pritet të godasë bregun jugor të Meksikës në Oqeanin Paqësor deri të enjten, me intensitet të kategorisë 3, njoftoi Agjencia e Mbrojtjes Civile në vend.

Aktualisht, Erick është uragan i kategorisë 2, me erëra të qëndrueshme që arrijnë deri në 175 km/h, por kushtet atmosferike favorizuese parashikojnë një forcim të mëtejshëm të stuhisë. Qendra Kombëtare e Uraganeve e SHBA-së paralajmëron se Erick do të sjellë erëra shkatërruese dhe përmbytje të rrezikshme për zonat jugore të Meksikës.

Presidentja Claudia Sheinbaum ka bërë thirrje urgjente për qytetarët: “Qëndroni të informuar nga burimet zyrtare, shmangni daljet e panevojshme dhe qëndroni në ambiente të sigurta.”

Parashikimet tregojnë se uragani do të prekë mes Oaxaca-s dhe Guerrero-s, ku reshjet mund të arrijnë deri në 50 centimetra, duke rritur rrezikun e rrëshqitjeve të dheut në zonat malore. Përgatitjet janë në nivel të lartë: mbi 2,000 strehimore emergjente janë ngritur në Chiapas, Guerrero dhe Oaxaca, ndërsa më shumë se 18,000 punonjës emergjence janë mobilizuar për t’u përballur me situatën.

The post Uragani Erick po forcohet me ritëm alarmant, parashikohet të godasë bregun jugor të Meksikës si stuhi e kategorisë 3 appeared first on iconstyle.al.

Kryetarja e një fshati në shtetin jugor meksikan të Oaxacës u vra në një breshëri të shtënash të dielën, pasi katër persona të armatosur sulmuan zyrën e saj në bashki. Raportohet se nga të shtënat u vra edhe një këshilltar.

Kryetarja e bashkisë Lilia Garcia u vra herët të dielën në komunitetin e San Mateo Pina. Katër sulmues që udhëtonin me skuterë, hynë në bashki dhe e vranë Garcian duke hyrë me forcë në zyrën e saj, ku ndodhej edhe viktima e dytë këshilltari i qytetit Eli Garcia.

The post Meksikë/ 4 persona futen me forcë në bashki, ekzekutojnë kryebashkiaken appeared first on Lapsi.al.

Presidentja e Meksikës, Claudia Sheinbaum, ka njoftuar se vendi i saj do të shpallë masa të reja ekonomike në përgjigje të tarifave të reja mbi çelikun dhe aluminin të vendosura nga presidenti amerikan, Donald Trump. Në një deklaratë të dhënë për mediat ndërkombëtare, Sheinbaum i ka cilësuar këto tarifa si “të padrejta”.

Masat e reja pritet të bëhen publike javën e ardhshme, sipas agjencisë Reuters. Ato do të hyjnë në fuqi në rast se nuk arrihet një marrëveshje tregtare mes dy vendeve.

Ndërkohë, presidenti Trump ka nënshkruar një urdhër ekzekutiv që rrit ndjeshëm tarifat për importet e çelikut dhe aluminit, duke i dyfishuar ato nga 25% në 50%.

Shtetet e Bashkuara janë ndër importuesit më të mëdhenj të çelikut në botë, menjëherë pas Bashkimit Evropian. Furnizuesit kryesorë të metalit për SHBA-në janë Kanadaja, Brazili, Meksika dhe Koreja e Jugut.

The post Tarifat e Trump, Meksika paralajmëron kundërmasa ekonomike: Të padrejta appeared first on Sot News | Lajme.

Një aksident tragjik ka ndodhur në shtetin meksikan Nuevo Leon, ku një autobus turistik është përmbysur, duke shkaktuar vdekjen e të paktën 11 personave dhe plagosjen e 17 të tjerëve.

Ngjarja ndodhi teksa autobusi po udhëtonte nga Monterrey drejt Tampico. Sipas guvernatorit të zonës, mes viktimave janë edhe dy fëmijë të moshës 5 vjeç.

Të dhënat paraprake sugjerojnë se shoferi mund të jetë përgjumur gjatë drejtimit të mjetit, duke bërë që autobusi të godasë një barrierë mbrojtëse dhe më pas të përmbyset.

Autoritetet lokale kanë nisur hetimet për të sqaruar plotësisht rrethanat e aksidentit, ndërkohë që të plagosurit po marrin trajtim mjekësor në spitalet e zonës.

The post Përmbyset autobusi me turistë në Meksikë, raportohet për 11 të vdekur, mes tyre dy fëmijë appeared first on Sot News | Lajme.

Të paktën 11 persona humbën jetën dhe 17 të tjerë u plagosën pasi një autobus u përmbys në Nuevo Leon. Guvernatori i zonës tha se autobusi turistik ishte nisur nga Monterrey për në Tampico.

Mes viktimave ndodhen edhe dy të moshës 5 vjeç.
Sipas informacioneve paraprake dyshohet se shoferi është përgjumur ndërsa ka qenë në timon, duke bërë që autobusi të godasë një nga barrierat mbrojtëse dhe me pas të përmbyset.

Dymbëdhjetë persona u vranë dhe tre të tjerë u plagosën kur një zjarr shpërtheu në një klinikë rehabilitimi nga droga në Meksikën qendrore. Zjarre të tjera ose sulme vrasëse janë regjistruar kohët e fundit në qendrat e varësisë nga droga që nuk kontrollohen nga autoritetet. Këto struktura shpesh bëhen shënjestra për kartelet e drogës për të rekrutuar anëtarë – në disa raste, nëse të varurit nga droga rezistojnë, ata ekzekutohen.

Zjarri shpërtheu në komunën e San José Iturvide. Anëtarët e shërbimit të hetimit penal dhe zyra e prokurorit të shtetit po kryejnë një hetim për të përcaktuar shkaqet dhe autorët e mundshëm të tragjedisë.

Trupat u transferuan në shërbimin mjeko-ligjor dhe të plagosurit janë shtruar në spital. Në prill, një sulm ndaj një klinike rehabilitimi nga droga në shtetin Sinaloa (veriperëndim) rezultoi në vdekjen e nëntë personave dhe plagosjen e pesë të tjerëve.

Një zjarr në një qendër rehabilitimi nga droga në Meksikë në shkurt vrau pesë pacientë dhe detyroi evakuimin e dhjetëra të tjerëve. Shteti i Guanajuato është një qendër e rëndësishme industriale, ku ndodhen fabrikat e prodhuesve kryesorë të automobilave (Mazda, Toyota), si dhe destinacione të njohura turistike.

Megjithatë, në të njëjtën kohë ajo është e shkatërruar nga dhuna, veçanërisht për shkak të konflikteve të pamëshirshme midis Kartelit të Gjeneratës së Re Jalisco – një nga bandat më të fuqishme meksikane – dhe kartelit lokal Santa Rosa de Lima, si për kontrollin e rrugëve të trafikut të drogës ashtu edhe për kontrabandën e karburantit.

The post 12 të vdekur nga zjarri në një qendër rehabilitimi droge në Meksikë appeared first on Lapsi.al.

MEKSIKO SITI, 1 qershor /ATSH-AFP/ – Qendrat e votimit u hapën sot në Meksikë për zgjedhjen e paprecedentë të të gjithë gjyqtarëve të Gjykatës Supreme dhe të të gjithë sistemit të drejtësisë, një reformë e nxitur nga e majta në pushtet.

Kjo gjykatë përbëhet nga nëntë anëtarë.

Gati 100 milionë votues pritet të marrin pjesë në qendrat e votimit, të cilat u hapën në orën 08:00 (14:00 GMT) për të zgjedhur edhe 881 gjyqtarë dhe magjistratë në nivel federal, dhe gati 1 600 në 19 nga 32 shtetet.

Abstenimi ka të ngjarë të jetë i lartë pavarësisht popullaritetit të presidentes, Claudia Sheinbaum, e cila lëshoi ​​një apel të fundit dje për të votuar për të luftuar “korrupsionin” brenda gjyqësorit./  a.jor.

The post MEKSIKË – Fillojnë zgjedhjet unike në botë për gjyqtarët e sistemit të drejtësisë appeared first on Agjencia Telegrafike Shqiptare.

Autoritetet meksikane kanë zbuluar trupat e 17 personave në një shtëpi të braktisur, me viktima të dyshuara të krimit të organizuar, që prej vitesh e ka mbërthyer vendin.

Zyra e Prokurorisë së shtetit të Guanajuato njoftoi të martën se trupat u gjetën në qytetin Irapuato, një zonë e njohur për përplasjet e dhunshme mes grupeve kriminale.

Trupat e 16 viktimave ishin në faza të ndryshme dekompozimi: 11 burra, 2 gra dhe 3 persona të paidentifikuar për shkak të gjendjes së rënduar të trupave.

Një trup tjetër u gjet të nesërmen, duke e çuar në 17 numrin e viktimave ndërsa në vendngjarje u gjetën edhe thika, hanxharë, lopata dhe mjete të tjera.

“Trupat janë dërguar për analizë dhe identifikim në laboratorët mjeko-ligjorë,” njoftoi Prokuroria.

Kriza e dhunës në Guanajuato

Shteti i Guanajuatos është një nga më të prekurit nga dhuna në Meksikë. Vetëm në vitin 2024, aty u shënuan mbi 3,100 vrasje – më shumë se 10% e totalit kombëtar. Nga fillimi i vitit 2025, janë regjistruar mbi 1,260 viktima vrasjesh dhe mbi 3,600 persona të zhdukur.

Kjo valë dhune është pjesë e luftës për kontrollin e tregjeve të paligjshme mes Kartelit të Gjeneratës së Re të Jalisco-s (JNGC), tashmë shpallur organizatë terroriste nga SHBA, dhe Kartelit rival lokal Santa Rosa de Lima (SRL).

Morgët e mbingarkuara dhe dhimbja e familjarëve

Morgët në Meksikë janë të mbushura me trupa të paidentifikuar – vlerësimet variojnë nga 50,000 deri në 72,000 trupa që prej vitit 2024. Prokuroria bëri me dije se deri tani janë identifikuar pesë prej viktimave të gjetura në Irapuato.

Një shtet me kontraste të forta

Përkundër trashëgimisë së pasur kulturore dhe atraksioneve turistike, Guanajuato është kthyer në një fushë beteje për grupet kriminale. Shteti mbetet një nga fortesat e fundit të Partisë së djathtë PAN, që ndodhet në opozitë ndaj qeverisë aktuale të majtë (MORENA).

LEXONI GJITHASHTU:

• Një person i armatosur vret ndihmësit e kryetares së bashkisë të Meksikos në rrugës
• 7 të rinj meksikanë qëllohen për vdekje në një festë kishtare

The post Valë e re dhune në Meksikë, gjenden 17 trupa të pajetë në një shtëpi të braktisur appeared first on Euronews Albania.

17 trupa u gjetën nga autoritetet në një shtëpi të braktisur në provincën e Guanajuato-s, në Meksikë. Guanajuato njihet si provinca më e dhunshme në Meksikë për sa i përket numrit të vrasjeve të regjistruara çdo vit, siç njoftoi zyra e prokurorit të hënën në mbrëmje. Trupat u gjetën gjatë hetimeve në Irapuato, një nga qytetet në Guanajuato të shkatërruara nga krimi i organizuar…

Source

TIRANË, 21 maj/ATSH/ Rektori i Universitetit të Tiranës, Prof. Dr. Artan Hoxha së bashku me përfaqësues të stafit akademik të Fakultetit të Drejtësisë, zhvilloi një vizitë zyrtare në Universitetin Panamerican në Guadalajara, Meksikë.

Kjo vizitë u zhvillua në kuadër të marrëveshjes së bashkëpunimit ndërinstitucional, me mbështetjen e Ambasadorit të Meksikës në Itali dhe jo rezident në Shqipëri, Carlos Eugenio Garcia de Alba.

Delegacioni shqiptar u prit nga rektori i këtij institucioni, Abraham Mendoza Andrande dhe përfaqësues të lartë akademikë.

Gjatë takimeve, palët ritheksuan angazhimin për zgjerimin e bashkëpunimit, veçanërisht në fushën e drejtësisë, përmes shkëmbimeve akademike, bashkëpunimit në kërkimin shkencor dhe organizimit të përbashkët të aktiviteteve akademike.

Në kuadër të programit, pedagogët e Fakultetit të Drejtësisë zhvilluan leksione të hapura dhe vizituan ambientet laboratorike të kampusit.

Universiteti Panamerican, një ndër institucionet private më prestigjioze në Meksikë, është i njohur për cilësinë e kërkimit shkencor në fushën juridike dhe bashkëpunimet me universitete të njohura ndërkombëtare.

1 nga 3

/k.s/a.f/

The post Universiteti i Tiranës dhe ai Panamerican i Meksikës, bashkëpunim në fushën e drejtësisë appeared first on Agjencia Telegrafike Shqiptare.

Të paktën 21 persona kanë humbur jetën në një aksident rrugor në Meksikën qendrore, sipas një zyrtari lokal. Përplasja e tri automjeteve ka ndodhur në një autostradë në shtetin Puebla, ka njoftuar Samuel Aguilar Pala, një zyrtar i qeverisë lokale, raporton BBC. Pala ka thënë se 18 persona kanë vdekur në vendngjarje dhe tre të tjerë më vonë në spital.

Disa të tjerë janë lënduar dhe po marrin ndihmë mjekësore, ka shkruar ai në X. Sipas mediave lokale, në aksident janë përfshirë një kamion cisternë, një autobus dhe një furgon. Gazeta meksikane “La Jornada” raporton se përplasja ka ndodhur kur kamioni po tentonte të tejkalonte furgonin.

Me kalimin në korsinë e kundërt, kamioni ka goditur autobusin dhe më pas është përplasur me furgonin, përpara se të binte në një luginë poshtë dhe të shpërthejë në flakë. Ka pasur disa aksidente të rënda në autostrada në Meksikë vitet e fundit. Në shkurt, dhjetëra njerëz vdiqën në një aksident autobusi në Tabasco në Meksikën jugore.

The post Aksident tragjik, raportohet për të paktën 20 persona të vdekur appeared first on Sot News | Lajme.