TIRANË, 31 korrik /ATSH/ Drejtuesi i Prokurorisë së Posaçme Kundër Korrupsionit dhe Krimit të Organizuar, Altin Dumani, tha sot se strategjia e ndjekur gjatë zgjedhjeve për krimet zgjedhore pati efekt parandalues.

Në një takim informal me gazetarët, Dumani vlerësoi edhe bashkëpunimin me Prokurorinë e Përgjithshme dhe Komisionin Qendror të Zgjedhjeve.

“Fokusi kryesor është krimi zgjedhor. Pritëm që KQZ-ja të shpërndante mandatet dhe të konsiderohej i mbyllur procesi zgjedhor. Jeni informuar herë pas here për krimin zgjedhor. SPAK ka qenë i angazhuar që nga marsi e deri në përfundim të procesit zgjedhor. Strategjia pati së pari, efekt parandalues dhe e ka dhënë këtë efekt. Bashkëpunimi me Prokurorinë e Përgjithshme dhe Komisionin Qendror të Zgjedhjeve ishte efektiv”, u shpreh ai në bashkëbisedimin me gazetarët jashtë kamerave.

Kreu i Prokurorisë së Posaçme tha se kallëzimet për shitblerje votash nuk janë shoqëruar me prova konkrete, por me indicie dhe dyshime.

“SPAK ka pasur kontakt të drejtpërdrejtë, me përfaqësues të subjekteve politike, me policinë dhe prokuroritë e rretheve. Prokurorët e deleguar në rrethe kanë dëgjuar të gjitha pretendimet që kanë pasur edhe subjektet politike në kohë reale”, tha Dumani.

Sipas Dumanit, në total janë administruar 193 materiale kallëzuese, ku 80 prej tyre janë bërë nga qytetarët.

Kreu i SPAK tha se nga 43 raste të regjistruara, një është dërguar në gjyq, një është pezulluar dhe një tjetër është përcjellë për kompetencë.

“Janë arrestuar dy vetë në flagrancë. Ka 16 vendime gjykate për kontrolle. Rezultatet kanë qenë të kënaqshme. Janë gjetur prova për çështjet që i kemi në proces. Prokurorët i kanë prioritet çështjet e krimeve zgjedhore”, tha ai. Kreu i SPAK-ut shtoi se në 43 raste është vendosur mosfillim, pasi nuk ka pasur elementë të veprës penale.

Dumani komentoi edhe draftin për Kodin e ri Penal.

Siç raportuan mediet duke publikuar detaje nga bashkëbisedimi informal, Dumani ka theksuar se Kodi Penal ka nevojë për ndryshime, ndërsa shtoi se SPAK nuk është përfshirë në hartimin e tij.

“Për debatin e Kodit të ri Penal, ka një rëndësi jetike për shtetin ligjor, priten diskutime, është normale. Debati i parë që duhej të ishte bërë: A ishte i nevojshëm Kodi i ri apo të punohej mbi Kodin aktual? Unë vetë besoj që ka nevojë për ndryshime, për shembull neni për narkotikët, të ndahet sipas sasisë dhe llojit të drogës. Është një draft. Ne nuk e kemi marrë zyrtarisht. Nuk jemi përfshirë në hartimin e tij. Kur të na vijë do ta analizojmë dhe do të mbajmë një qëndrim”, është shprehur Dumani sipas raportimeve në medie nga gazetarët e pranishëm në takimin informal.

Dumani është pyetur edhe për vendimin e Gjykatës Kushtetuese rreth çështjes së sekuestrimit të celularëve pa vendim gjykate, duke deklaruar se “nuk komentojmë, jemi të detyruar t’i zbatojmë”.

Për fitoren e Thoma Gëllçit në Strasburg, Dumani tha se nuk ishin vënë në dijeni nga Avokatura e Shtetit për rastin. Dumani tha për gazetarët se në Strasburg kanë shkuar të dhëna të pasakta.

“Avokatura e Shtetit nuk na vuri në dijeni për rastin “Gëllçi” në Strasburg. Ka pasur një mungesë të theksuar koordinimi, duke na ulur mundësinë për të mbrojtur vendimmarrjet tona. Kanë shkuar të dhëna të pasakta. Thoma Gëllçi është arrestuar, ndërkohë që në Strasburg është dërguar informacion sikur është vetëdorëzuar”, tha Dumani.

I pyetur nga gazetarët nëse kanë frikë se mund t’u kufizohen kompetencat, Dumani u shpreh se “nëse politika vendos të mos bëjë ndryshime apo që SPAK nuk është më i nevojshëm, apo t’i reduktojmë pavarësinë, ky është vendim i politikës”.

“SPAK u krijua edhe si rezultat i vullnetit të partnerëve ndërkombëtarë. Është institucioni më i besuar. E kemi ndërtuar këtë besim në 5 vite e 8 muaj punë”, tha Dumani.

Kreu i SPAK është pyetur nga gazetarët gjatë këtij takimi informal edhe për rastin e Erion Veliajt dhe akuzat e tij ndaj Prokurorisë së Posaçme.

“Nuk i përgjigjemi të pandehurve, vetëm në rrugë ligjore kur ka pretendime, kur sillen memo nga avokatët. Kjo është forma proceduriale. Dosja “Veliaj” është ndarë edhe në një fraksion tjetër dhe po hetohen disa fakte penale”, tha Dumani.

/m.q/r.e/

The post Dumani: Strategjia për krimet zgjedhore e dha efektin parandalues, Kodi Penal ka nevojë për ndryshime appeared first on Agjencia Telegrafike Shqiptare.

Kreu i SPAK, Altin Dumani zhvilloi sot një takim me dyer të mbyllura me gazetarët, ku në qendër të diskutimit ishte krimi zgjedhor në kuadër të zgjedhjeve parlamentare të 11 majit. Dumani bëri me dije se janë depozituar disa kallëzime për shitblerje votash, por sipas tij, ato nuk janë shoqëruar me prova konkrete. “Strategjia e […]

The post Krimet zgjedhore/ Dumani: Në total ka pasur 193 materiale të administruara appeared first on BoldNews.al.

TIRANË, 16 korrik /ATSH/ Komisioni Qendror i Zgjedhjeve, Prokuroria e Përgjithshme dhe SPAK, për javë me radhë shqyrtuan të gjitha denoncimet që lidhen me krimet zgjedhore.

Komisioneri Shtetëror i Zgjedhjeve, Ilirjan Celibashi, gjatë një interviste për Klan News, bëri një vlerësim të bashkëpunimit të institucionit që ai drejton me dy institucionet e tjera të drejtësisë.

“Një eksperiencë e suksesshme, edhe pse kam konstatuar që për një pjesë të politikës, ky bashkëpunim nuk ka marrë vlerësimin që në gjykimin tim do duhej ta merrte”, tha ai.

Kryekomisioneri Celibashi tregoi numrin e procedimeve penale për të cilat ka një hetim dhe tipologjitë e krimeve që janë konstatuar më shumë.

“Janë rreth 139 procedime penale, të cilat janë trajtuar ose janë në proces trajtimi nga SPAK. Denoncimet lidhen kryesisht me presionin ndaj administratës publike, përdorimin e aseteve publike, shitblerjen e votës”, theksoi ai.

Celibashi sugjeroi se bashkëpunimi me të tre institucionet duhet të formalizohet në ligj.

“Kjo eksperiencë duhet të shtrihet dhe në zgjedhjet e ardhshme, dhe ndoshta mund të ketë nevojë që kjo formë e bashkëpunimit të jetë e formalizuar dhe në ligj, të jetë më e institucionalizuar”, shtoi ai.

Rregullat e garës duhet të ndryshojnë, sipas drejtuesit të KQZ, edhe për administratën publike.

“Duhet të vendosen disa limite të sjelljes së përfaqësuesve të administratës publike, duke filluar nga niveli më i lartë, kryeministri, ministri etj.”, nënvizoi Celibashi.

Për rezultate konkrete, kryekomisioneri Celibashi tha se do të duhet kohë deri në përfundimin e hetimeve nga institucionet ligjzbatuese.

/gj.m//r.e//a.f/

The post Krimet zgjedhore, Celibashi: 139 procedime penale appeared first on Agjencia Telegrafike Shqiptare.

TIRANË, 27 qershor /ATSH/ Kryetari i Partisë Demokratik Sali Berisha nga selia blu foli sërish sot për atë që ai e cilëson “farsa elektorale” e zgjedhjeve parlamentare të 11 majit.

Berisha tha se farsa elektorale është çështje kryesore edhe në Asamblenë e Këshillit të Evropës.

“Ka tri ditë që në Asamblenë Parlamentare të Këshillit të Evropës, farsa elektorale është çështje kryesore në seanca plenare dhe në mbledhje të grupeve dhe të komisioneve. Mos harroni se Këshilli i Evropës është institucioni që ka dy shtylla kryesore: zgjedhjet e lira dhe shtetin ligjor”, tha Berisha.

Berisha po ashtu publikoi të dhëna që, sipas tij, faktojnë “farsën elektorale”. Sipas Berishës, kutitë e votimit u mbushën jashtë dhe u zëvendësuan në qendrat zgjedhore.

“Sot kam sjellë këtu për të informuar shqiptarët për gjetjet në një seri kutish votimi të hapura, në shqyrtimin e materialeve të votimit në këto kuti, çka është edhe qëllimi kryesor i kërkesave të PD. Mund të them se këto qendra votimi që rreshtoj këtu dhe shumë e shumë të tjera, ngjallin dyshime të forta se përveç “trenit bullgar” është përdorur edhe mbushja dhe zëvendësimi i kutive të votimit me kuti të tjera”, u shpreh Berisha.

Sipas Berishës, “këto ishin dokumentet e 12 qendrave të votimit, të cilat në asnjë lloj rrethane këto kuti nuk mund të pranohen si kutitë e vërteta të qendrave të votimit, por si kuti të ndërruara apo të ardhura nga selia e PS apo dhe vetë nga qendrat ilegale të patronazhistëve”.

“Këto të dhëna hedhin poshtë përfundimisht farsën elektorale të 11 majit 2025 dhe pikërisht bazuar në këto të dhëna dhe qindra e mijëra të tjera që kemi paraqitur para jush, PD deklaron se këto zgjedhje janë të paligjshme, se këto zgjedhje janë një farsë e vërtetë elektorale, të cilat nuk shprehin vullnetin e shqiptarëve dhe nuk do njihen nga PD”, u shpreh Berisha.

/m.q//a.f//r.e/

The post Berisha: Kutitë e votimit u mbushën jashtë dhe u zëvendësuan në qendrat zgjedhore appeared first on Agjencia Telegrafike Shqiptare.

TIRANË, 18 qershor/ATSH/ Kryetari i grupit parlamentar të Partisë Demokratike, Gazment Bardhi, në takimin e 19-të të Komitetit Parlamentar të Stabilizim-Asociimit në Strasburg, tërhoqi vëmendjen për krimet zgjedhore në Shqipëri.

Bardhi iu drejtua Komisionit Europian, ndërsa solli në vëmendje funksionimin e taskforcës së SPAK, Prokurorisë së Përgjithshme dhe KQZ-së, në zgjedhjet parlamentare të 11 majit.

“Përfaqësuesja e Parlamentit Europian foli për ngritjen e një taskforce me pjesëmarrjen e SPAK-ut, Prokurorisë së Përgjithshme dhe KQZ-së. Kjo taskforcë u ngrit për të monitoruar krimet zgjedhore dhe ndërtoi një strategji të përbashkët institucionale për t’i luftuar ato. Ishte një veprim që duhej përshëndetur”, u shpreh ai.

Por, Bardhi nënvizoi se “fakti është se më 20 shkurt, kryeministri Edi Rama, në një dalje publike, i kërkoi Prokurorisë së Posaçme të ndalojë menjëherë çdo veprim në terren, duke thënë: ‘Mos i survejoni partitë politike, ndaloni ndjekjen e tyre, mos cenoni të drejtat e qeverisë dhe mos ushtroni trysni ndaj administratës'”.

“Që nga ai moment, më 20 shkurt 2025, e deri në përfundim të zgjedhjeve, rezultoi se jo vetëm që prokurorët e Prokurorisë së Posaçme nuk u panë më në terren, por nuk pati asnjë rezultat konkret për parandalimin e krimeve zgjedhore”, theksoi ai.

Bardhi tha se “mund të ketë çështje nën hetim dhe procedime në zhvillim, por nëse rezultatet e këtyre hetimeve i marrim në vitin 2030, ato nuk ndihmojnë aspak në ndëshkimin real të krimeve zgjedhore”.

“Pyetja ime për Komisionin Europian është: Në procesin e integrimit, është më e rëndësishme të kemi rezultate konkrete, apo projekte të shkruara vetëm në letër? Sepse ajo që ndodhi ishte një përpjekje e mirë që mbeti vetëm në letra, në realitet ka zero rezultate””, theksoi ai.

/m.m/a.f/r.e/

The post Bardhi në Strasburg: Asnjë rezultat konkret për parandalimin e krimeve zgjedhore appeared first on Agjencia Telegrafike Shqiptare.

Pak ditë më parë, në media u raportua se oficerët e BKH-së, me urdhër të SPAK kishin kryer kontrolle në Elbasan, në bazë të një procedimi për krime zgjedhore, teksa subjekt i kontrollit ishte edhe banesa e deputetit të PS-së, Luan Duzha. Po ashtu u raportua dhe se në një prej banesave ishin gjetur 200 […]

The post Luan Duzha mohon kontrollet nga SPAK: Nëse kam blerë një votë, unë shkoj me qejf në burg appeared first on BoldNews.al.

Struktura e Posaçme Kundër Korrupsionit dhe Krimit të Organizuar (SPAK) në bashkëpunim me Byronë Kombëtare të Hetimit (BKH) kanë intensifikuar përpjekjet për hetimin dhe dokumentimin e krimeve zgjedhore në Qarkun e Elbasanit, një nga zonat më të ndjeshme dhe problematike gjatë proceseve elektorale të fundit.

Në këtë kuadër, një delegacion i përfaqësuesve të lartë të SPAK dhe BKH zhvilloi një takim të rëndësishëm pune me drejtuesin e Prokurorisë së Rrethit Gjyqësor Elbasan, Kreshnik Ajazi.

Takimi u fokusua në shkëmbimin e informacioneve operacionale, shqyrtimin e ecurisë së çështjeve penale të hapura dhe analizimin e praktikave hetimore që po ndiqen për identifikimin dhe ndëshkimin e autorëve të përfshirë në manipulime zgjedhore.

Burime pranë hetuesve bëjnë me dije se po hetohen disa raste konkrete që lidhen me blerje vote, kërcënime ndaj votuesve, përdorim të paligjshëm të burimeve shtetërore gjatë fushatës si dhe përfshirje të personave me precedent penal në fushatat elektorale si dhe që është bërë kontroll në banesën e një deputeti socialist të Elbasanit.

Kontrolle janë ushtruar edhe në banesën e një biznesmeni, ku janë sekuestruar një sasi e konsiderueshme parash si edhe dy telefona celularë.

TIRANË, 24 maj /ATSH/ Prokuroria e Përgjithshme njoftoi sot se deri në datën 22 maj janë regjistruar 107 kallëzime penale për krimet zgjedhore.

Prokuroria bën të ditur se burim i njoftimit të veprave penale për kallëzimet e mësipërme kanë qenë, policia gjyqësore në 64 raste, SPAK në 17 raste, subjekte politike në 9 raste, kryesisht në 11 raste dhe shtetas në 6 raste.

Kallëzimet e mësipërme janë regjistruar 10 në Prokurorinë Fier, 5 në Prokurorinë Sarandë, 4 në Prokurorinë Durrës, 33 në Prokurorinë Tiranë, 3 në Prokurorinë Gjirokastër, 4 në Prokurorinë Kukës, 8 në Prokurorinë Lezhë, 17 në Prokurorinë Dibër, 2 në Prokurorinë Vlorë, 4 në Prokurorinë Korçë, 3 në Prokurorinë Shkodër, 12 në Prokurorinë Elbasan dhe 2 në Prokurorinë Berat.

Nga kallëzimet e mësipërme janë regjistruar gjithsej 47 procedime penale për krimet zgjedhore.

Procedimet penale janë regjistruar në Prokurorinë pranë Gjykatës së Shkallës së Parë të Juridiksionit të Përgjithshëm Fier gjithsej 7 procedime.

Në Prokurorinë pranë Gjykatës së Shkallës së Parë të Juridiksionit të Përgjithshëm Gjirokastër gjithsej 3 procedime.

Në Prokurorinë pranë Gjykatës së Shkallës së Parë të Juridiksionit të Përgjithshëm Elbasan gjithsej 9 procedime.

Në Prokurorinë pranë Gjykatës së Shkallës së Parë të Juridiksionit të Përgjithshëm Durrës gjithsej 1 procedim.

Në Prokurorinë pranë Gjykatës së Shkallës së Parë të Juridiksionit të Përgjithshëm Dibër, gjithsej 7 procedime.

Në Prokurorinë pranë Gjykatës së Shkallës së Parë të Juridiksionit të Përgjithshëm Shkodër gjithsej 2 procedime.

Në Prokurorinë pranë Gjykatës së Shkallës së Parë të Juridiksionit të Përgjithshëm Sarandë gjithsej 2 procedime.

Në Prokurorinë pranë Gjykatës së Shkallës së Parë të Juridiksionit të Përgjithshëm Kukës gjithsej 1 procedim.

Në Prokurorinë pranë Gjykatës së Shkallës së Parë të Juridiksionit të Përgjithshëm Korçë gjithsej 2 procedime.

Në Prokurorinë pranë Gjykatës së Shkallës së Parë të Juridiksionit të Përgjithshëm Vlorë gjithsej 1 procedim.

Në Prokurorinë pranë Gjykatës së Shkallës së Parë të Juridiksionit të Përgjithshëm Lezhë gjithsej 3 procedime.

Në Prokurorinë pranë Gjykatës së Shkallës së Parë të Juridiksionit të Përgjithshëm Tiranë gjithsej 9 procedime.

Gjithashtu i janë dërguar për kompetencë SPAK 6 kallëzime penale nga Prokuroria Durrës, Lezhë, Dibër dhe dy procedime penal nga Prokuroria Fier dhe Shkodër.

Nga kallëzimet penale të regjistruara, është vendosur mosfillimi për 16 prej tyre. 8 nga Prokuroria Tiranë, 2 nga Prokuroria Kukës, 3 nga Prokuroria Dibër, 1 nga Prokuroria Sarandë, 1 nga Prokuoria Fier dhe 1 nga Prokuroria Elbasan.

Një procedim penal i regjistruar nga Prokuroria Dibër, është kërkuar dërgimi për gjykim me një person të pandehur, pa masë sigurimi personal dhe një procedim penal i regjistruar nga Prokuroria Gjirokastër është dërguar në gjykatë me kërkesë për pushim.

Gjithashtu për një procedim, në Prokurorinë Gjirokastër, është kërkuar në gjykatë zhvillimi i gjykimit të drejtpërdrejtë.

Janë arrestuar në flagrancë 7 persona për veprat penale në fushën e zgjedhjeve, 4 në Prokurorinë Tiranë, 1 në Prokurorinë e Elbasanit, 1 në Prokurorinë Lezhë dhe 1 në Prokurorinë e Fierit.

Prokuroria njoftoi se është dhënë urdhër ndalimi për 4 persona nga Prokuroria e Elbasanit, teksa bëhet e ditur se kallëzimet e tjera janë në fazë verifikimi.

The post Krimet zgjedhore, Prokuroria e Përgjithshme: 107 kallëzime appeared first on Agjencia Telegrafike Shqiptare.

Sali Berisha denoncoi ditën e djeshme se në fshatin Pekisht të Elbasanit, në një bar-kafe në pronësi të kryeplakut Dervish Beqiri, janë gjetur materiale zgjedhore dhe shuma të konsiderueshme parash, sipas tij për të blerë votat. Pas kërij denoncimi, policia ka proceduar penalisht pronarin e lokalit, Dervish Beqirin. Policia njofton se gjatë veprimeve të kryera […]

The post Fletë votimi të falsifikuara, para dhe pushkë, procedohet pronari i lokalit që u denoncua nga Berisha appeared first on BoldNews.al.

SPAK zbarkon në Bashkinë Klos, sekuestrohen telefona dhe shoqërohen disa zyrtarë. Ashtu si në disa qytete të tjera, Prokuria e Posaçme po heton mbi krimet e mundshme zgjedhore…

vijon…

The post SPAK zbarkon në Bashkinë Klos, sekuestrohen telefona dhe shoqërohen disa zyrtarë, ja për çfarë dyshohet appeared first on Sot News | Lajme.

Një javë pas përfundimit të zgjedhjeve të 11 majit 2025, Struktura e Posaçme kundër Korrupsionit dhe Krimit të Organizuar (SPAK) dhe Byroja Kombëtare e Hetimit (BKH) vijojnë punën në terren për hetimin e krimeve të mundshme zgjedhore të ndodhura në Qarkun e Elbasanit.

Burime zyrtare konfirmojnë se hetimet janë përqendruar si në fazën parazgjedhore, ashtu edhe në ditën e votimit. SPAK dhe BKH po mbledhin prova, dëshmi dhe materiale që mund të dokumentojnë raste të tilla si blerje vote, kërcënime ndaj votuesve, shfrytëzim i paligjshëm i administratës publike nga ana e disa kryebashkiakëve për qëllime elektorale apo përfshirje të disa bizneseve të mëdha si edhe të grupeve të strukturuara kriminale në procesin zgjedhor.

Grupet hetimore janë duke analizuar pamjet filmike, komunikimet elektronike dhe të dhëna të tjera me qëllim zbardhjen e plotë të çdo rasti që mund të përbëjë shkelje të ligjit zgjedhor dhe atij penal. SPAK ka theksuar se do të ndjekë penalisht çdo individ apo grup që ka tentuar të cënojë integritetin e votës dhe besimin e qytetarëve në procesin demokratik.

Gjatë mëngjesit të fundjavës që lamë pas SPAK dhe BKH zbarkuan në Elbasan, Peqin, Librazhd, dhe disa zona të tjera ishin në fokus të dokumentimit të krimeve të mundshme zgjedhore të ndodhura në këtë rajon, i cili ka qenë në monitorim të rreptë prej disa javësh nga të gjitha strukturat e zbatimit të ligjit.

The post Krimet zgjedhore/ SPAK dhe BKH hetime në Elbasan për përfshirje të grupeve kriminale në proces appeared first on Sot News | Lajme.

Pas qytetit të Kavajës, ku BKH kontrolloi ambjentet e banesës së Elvis Rroshit dhe 4 personave të tjerë, mëngjesin e sotëm një njësi e Byrosë Kombëtare të Hetimit ka mbëritur në qytetin e Elbasanit, për të kryer kontrollin e disa banesave. Kontrollet janë kryer edhe me mbështetjen e Policisë së Qarkut. Bëhet fjalë për ekzekutimin […]

The post Krimi zgjedhor/ SPAK merr telefona në Elbasan, kontrolle në biznese dhe disa banesa appeared first on BoldNews.al.

Policia e Shtetit njoftoi të dielën, më 18 maj, se në kuadër të hetimeve për krime zgjedhore ka ushtruar kontroll fizik në banesat e pesë shtetasve të dyshuar, mes tyre edhe ish-kryetari socialist i Bashkisë së Kavajës, Elvis Rroshi, pasi dyshohen për korrupsion aktiv në zgjedhje. Sipas policisë, kontrollet janë ushtruar në bashkëpunim me oficerët […]

The post Policia sekuestron celularët e Elvis Rroshit dhe të katër personave të tjerë, dyshohen për korrupsion në zgjedhje appeared first on Reporter.al.

TIRANË, 18 maj /ATSH/ Një 27-vjeçar i shpallur në kërkim më 5 maj për krime zgjedhore dhe armëmbajtje pa leje është arrestuar sot dhe vënë nën hetim nga policia në Lezhë.

Policia njoftoi se “në vijim të komunikatës së datës 05.05.2025, ku është shpallur në kërkim shtetasi Xh. S., 27 vjeç, si një nga autorët e dyshuar për veprat penale “Kanosja apo dhunimi i pjesëmarrësve në zgjedhje” dhe “Mbajtja pa leje dhe prodhimi i armëve, armëve shpërthyese dhe i municionit”, ju informojmë se: Më datë 18.05.2025, nga Forcat e Posaçme Shqiponja në DVP Lezhë, u bë e mundur lokalizimi dhe kapja e shtetasit të shpallur në kërkim policor, Xh. S., 27 vjeç, banues në Lezhë”.

Sipas policisë “në përfundim të veprimeve dhe pas konsultimit me Prokurorin, ky shtetas do ndiqet në gjendje të lirë”.

Materialet procedurale në ngarkim të këtij shtetasi i kaluan Prokurorisë pranë Gjykatës së Juridiksionit të Përgjithshëm Lezhë, për hetime të mëtejshme.

/a.f/

The post Në kërkim për krime zgjedhore, procedohet penalisht 27-vjeçari në Lezhë appeared first on Agjencia Telegrafike Shqiptare.

Ish-kryebashkiakut të Kavajës, Elvis Rroshit i është sekuestruar celulari me urdhër të SPAK. Më tej bëhet me dije se është ushtruar kontroll edhe ndaj banesës së tij.

Dyshohet se sekuestro i celularit dhe ushtrimi i kontrollit të banesës ka ardhur pasi Rroshi ka kryer krime zgjedhore.

Përveç Roshit, janë ushtruar kontrolle edhe në persona të tjerë dhe janë sekuestruar edhe 3 aparate celularë.

The post Kr*met zgjedhore/ Ish-kryebashkiakut të Kavajës, Elvis Rroshi i sekuestrohet celulari me urdhër të SPAK, kontrolle edhe në banesë appeared first on Albeu.com.

Ish-kryetarit të Bashkisë së Kavajës, Elvis Roshit, i është sekuestruar celulari me urdhër të SPAK. Sekuestrimi i celularit i është bërë pasi ka dyshime se është i përfshirë në krime zgjedhore. Megjithatë, nuk ka masë sigurie ndaj tij. Raportohet po ashtu se po ushtrohen kontrolle nga Byroja Kombëtare e Hetimit së bashku me Policinë e […]

The post Krime zgjedhore/ SPAK i sekuestron telefonin ish-kryebashkiakut të Kavajës, Elvis Roshi appeared first on BoldNews.al.

Kryebashkiaku i Vaut të Dejës, Kristian Shkreli të cilit i është sekuestruar telefoni nga SPAK, i është përgjigjur edhe aludimeve mbi marrjen në hetim të tij.

Shkreli ka thënë se është i gatshëm të bashkëpunojë me çdo instancë shtetërore, dhe se është në terren aty ku banorët e kanë votëbesuar për të shërbyer.

SPAK ka sekuestruar telefonin e kryebashkiakut Shkreli, në kuadër të hetimet për krime zgjedhore.

/abcnews.al/

Ditën e sotme, Struktura e Posaçme Kundër Korrupsionit dhe Krimit të Organizuar (SPAK) dhe Byroja Kombëtare e Hetimit (BKH), kanë ndërmarrë një tjetër aksion të gjerë, në kuadër të hetimeve për krime zgjedhore, duke u fokusuar në qytetin e Shkodrës.

Sipas burimeve paraprake, në Shkodër janë shoqëruar disa persona që dyshohen për përfshirje në veprime të paligjshme gjatë zgjedhjeve të 11 majit.

Të njëjtat burime sqarojnë se të shoqëruarit janë mbështetës të Partisë Socialdemokrate (PSD). Aksioni është zhvilluar me urdhër të Gjykatës së Posaçme për Korrupsion dhe Krimin e Organizuar (GJKKO), në bashkëpunim me Policinë e Shtetit dhe ka përfshirë kontrolle personale dhe të automjeteve.

Në të njëjtën kohë, veprime të ngjashme janë kryer edhe në Fier, në bashkëpunim me Policinë Vendore, lidhur me një tjetër procedim penal në hetim për veprimtari të dyshuar kriminale në kuadër të procesit zgjedhor.

The post SPAK dhe BKH aksion në Shkodër, shoqërohen disa persona të dyshuar për krime zgjedhore appeared first on Albeu.com.

SPAK e BKH kanë zhvilluar këtë të mërkurë një tjetër aksion në Shkodër. Mësohet se janë shoqëruar disa persona te dyshuar për krime zgjedhore, sipas burimeve paraprake, mbështetës të PSD. Aksioni për kontroll personal dhe të automjeteve është bërë me vendim të GJKKO. Veprime ditën e sotme janë kryer edhe në Fier në bashkëpunim me […]

The post SPAK dhe BKH tjetër aksion në Shkodër, shoqërohen disa mbështetës të PSD appeared first on BoldNews.al.

Prokuroria e Përgjithshme shpërndau për mediat të mërkurën më 14 maj informacion përmbledhës për kallëzimet, procedimet penale dhe arrestimet e kryera gjatë javëve të fundit në lidhje me krimet zgjedhor. Në njoftim thuhet se deri të hënën, në prokuroritë e juridiksionit të përgjithshëm janë depozituar gjithsej 87 kallëzime, prej të cilave 49 nga policia gjyqësore, […]

The post Prokuroritë e rretheve regjistruan 34 procedime penale për krime zgjedhore appeared first on Reporter.al.