Kostandin Dramolli është i riu nga Korça i cili sulmoi me gurë godinën e bashkisë së qytetit të tij, pasi nuk pajtohej me aksionin e Edi Ramës për prishjen e lokaleve apo lulishteve të qytetarëve, për lirimin e hapësirave publike. Ish-portieri i Skënderbeut dhe Bylisit, i cili la futbollin për t’iu futur muzikës rrep me […]
Fundjava solli në Pazarin e Vjetër të Korçës një udhëtim muzikor nga zemra e Arbërisë, aktivitetin ArbNight – Ethno Pulse.
Ky aktivitet u organizuar nga Qendra e Artit, Kulturës dhe Inovacionit, në bashkëpunim me COD-in (Qendra për Hapje dhe Dialog) si dhe me mbështetjen e Bashkisë Korçë.
Mes tingujve të historisë dhe atmosferës magjike të rrugicave korçare, publiku u magjeps nga interpretimet e veçanta të fizarmonicistit arbëresh Pierpaolo Petta nga Piana degli Albanesi (Sicili), i shoqëruar nga këngëtari Bledi Polena dhe kitaristi Nuçiel Doko, shkruan atsh.
Koncerti pati pjesë të rralla të folklorit arbëresh të Sicilisë, si dhe këngë të dashura të muzikës arbëreshe, duke e bërë këtë mbrëmje të paharrueshme për qytetarët dhe turistët që qëndruan për ta shijuar deri në fund. ArbNight solli në çdo hap, një kujtim ku çdo tingull fliste arbërisht.
TIRANË, 23 korrik/ATSH/ Komiteti i Mbrojtjes Civile zhvilloi një mbledhje të përbashkët me Prefekturën e qarkut Korçë, për të diskutuar rreth situatës së krijuar nga zjarret.
Prefekti i Korçës, Nertil Jole bashkë me drejtorin e përgjithshëm të Mbrojtjes nga Zjarri dhe Shpëtimit në Ministrinë e Brendshme, Arben Cara, në takimin me drejtues të stacioneve të MZSH-ve dhe përgjegjësit e sektorëve të emergjencave civile dhe pyjeve pranë bashkive të qarkut, kërkuan angazhim maksimal të të gjitha strukturave për të pasur një vëmendje më të shtuar, duke marrë shkas edhe nga temperaturat më të larta që priten në ditët në vijim.
Jole tha se “takimi kishte fokus rritjen e bashkëpunimit midis strukturave në nivel qarku për përballimin e situatave të zjarreve, forcimin e masave parandaluese, rritjen dhe forcimin e kapaciteteve reaguese, gatishmërisë së punonjësve, mjeteve dhe pajisjeve të ndërhyrjes zjarrfikëse, etj.”.
“Zjarrëvëniet rrezikojnë jetën dhe pronën, ndotin ndjeshëm mjedisin dhe kërkojnë shpenzime financiare për t’i përballuar”, u shpreh ai, ndërsa theksoi se mbrojtja e pyjeve dhe pasurisë është detyrë e të gjithëve.
Prefekti i Korçës, Nertil Jole zhvilloi në mbledhjen e Komitetit të Mbrojtjes Civile në nivel k...
Agjencia Kombëtare e Planifikimit të Territorit (AKPT) organizoi konkurse projektimi për stadiumet e Durrësit, Vlorës dhe Korçës, por procesi mban hije dyshimi për konflikte të mundshme interesi. Arkitektë të përfshirë në juritë e përzgjedhjes kishin lidhje me studiot fituese të projekteve.
Konkurset e dyshimta
Në vitin 2023, AKPT organizoi konkurse për rijetëzimin e stadiumeve: “Niko Dovana” (Durrës), “Flamurtari” (Vlorë) dhe “Skënderbeu” (Korçë). Morën pjesë 42 studio, të cilat paraqitën gjithsej 86 projekte.
Fituesit u shpallën në prill 2023. Për Durrësin, u përzgjodh 51N4E & Plan Comun. Në Korçë, fitoi bashkimi Cebra & ARUP & UNO. Ndërsa në Vlorë, u përzgjodh XDGA me partnerë shqiptarë dhe të huaj.
Por nëse kthehemi pas dhe shqyrtojmë procesin, përzgjedhja ngjall dyshime për mungesë transparence dhe konflikte të mundshme interesi. Juritë patën anëtarë që kishin lidhje me disa nga studiot pjesëmarrëse.
Rasti më shqetësues ishte ai i studios belge XDGA. Themeluesi i saj, Xaveer de Geyter, ishte në jurinë e stadiumit të Durrësit, ku fitoi 51N4E. Ai rezulton të ketë pasur lidhje me administratorin e 51N4E, Johan Anrys.
Juritë e konkurseve, arkitektët e nënvizuar ishin gjithashtu pjesëmarrës në garë/Citizens.al
Anrys është bashkëthemelues i studios lokale “iRI”, në të cilën ka qenë aksioner – të paktën deri në prill 2023. XDGA ka punuar me “iRI”-n në disa projekte, për shembull për zhvillimin e PDV-së për zonën e ish-Gardës.
Pra de Geyter, në jurinë e Durrësit, mori përsipër të vlerësonte si fitues projektin e bashkëpunëtorit të tij Anrys.
Peter Wilson, Špela Videčnik dhe Diogo Brito, nga juria e Korçës, ishin në kushte të tjera konflikti të mundshëm interesi. Ngjashëm Marco Casamonti, Jesus Hernandez dhe Odile Decq, nga juria e Vlorës. Po ashtu Pablo Bofill dhe Caterina Memeo nga juria e Durrësit.
Ky grup arkitektësh ishin në juri pavarësisht se studiot e tyre kishin garuar për projektet e stadiumeve.
AKPT tha për Citizens.al se juritë vepruan në fazën e dytë. Ato u ngritën pas një përzgjedhjeje paraprake që u ishte bërë projekteve nga një komision teknik.Sipas AKPT-së, pjesëmarrja e këtyre arkitektëve në juri nuk përbënte konflikt pasi studiot e tyre ishin eliminuar nga gara.
Megjithatë, rasti i XDGA-së nxjerr në pah lidhjet e ngushta të rrjetit ndërkombëtar të studiove.
Nga konkurset bie në sy anashkalimi i pushtetit vendor në Vlorë. AKPT ka marrë në juri ministren e Kulturës Elva Margaritin dhe jo kryetarin e Bashkisë Dritan Leli – asokohe në marrëdhënie të trazuara politike me kryeministrin Rama.
Qeveria i pagoi projektet me fonde publike, pa siguruar investitorë konkretë për ndërtimin e tyre. Ndërkohë dy vite më pas ajo ka nisur t’ua ofrojë për zhvillim privatëve përmes Korporatës së Investimeve Shqiptare (KISH).
Rasti i parë është ai i stadiumit “Niko Dovana” në Durrës, thirrja për të cilën u hap nga KISH këtë javë.
Lidhja në bashkëpunime mes 51N4E dhe XDGA/Citizens.al
Paratë publike për projekte private
Qeveria i pagoi studiot fituese për projektet e tre stadiumeve dhe zonave përreth me 1.2 milionë euro. Pagesat u kryen për “Planet e Detyruara Vendore” për secilin projekt.
Për stadiumin e Durrësit, “Niko Dovana”, 51N4E dhe Plan Comun u paguan me 368 mijë euro.
Megjithatë, deri në fillim të vitit 2025, asnjë investitor nuk ishte paraqitur për realizimin e tyre. Projekti i stadiumeve mbeti në nivel vizualizimi 3D, pa ndonjë plan konkret zbatimi.
Kryeministri Rama njoftoi në prill 2025 se KISH po përgatiste garën për zhvilluesit. Por Korporata nuk kishte hapur asnjë thirrje konkrete për investitorë.
Në faqen zyrtare, projektet u shfaqën pa përshkrim dhe pa afate të caktuara, së paku deri në qershor.
Më 19 qershor 2025, qeveria miratoi një VKM për transferimin e stadiumit “Niko Dovana” te Korporata. Ajo autorizohej për negocim të drejtpërdrejtë me investitorë privatë për kontrata zhvillimi.
Procesi përjashton garën për projekt-idenë, që në raste të tjera u lihet investitorëve. Në këtë rast, qeveria pagoi vetë për projektet, duke i dorëzuar privatëve një paketë të gatshme.
KISH hapi të mërkurën, datë 9 korrik, thirrjen për investitorë me afat deri më 15 shtator.
Njësoj si në rastin e stadiumit “Selman Stërmasi” dhe ish-“Qemal Stafën” nuk janë dhënë garanci se cilat klube futbolli do të luajnë në të. Teuta për shembull, aktualisht ka mbetur pa stadium.
Projekti 51N4E dhe Plan Comun shtrihet në mbi 76 mijë m² truall dhe parashikon përveç stadiumit (27 mijë m²), zhvillimin e një qendre multifunksionale, njësi hotelerie, tregtare dhe rezidenciale.
Sipas specifikimeve, partneri privat duhet të ketë kapacitete financiare dhe likuiditet apo mundësi financimi për së paku 9.5 milionë euro.
Kriteri bazë në kualifikimin e ofertave do të jetë mundësia e dhënies së 45% të sipërfaqes për publikun dhe avantazh do të ketë ai investitor që ofron përqindjen më të lartë.
Deri më sot KISH ka hapur disa gara për zhvillimin e pronave publike. Gara më e fundit ishte ajo për Pallatin e Sportit “Asllan Rusi”, thirrja për të cilën u zgjat deri në fund të muajit korrik.
Më herët janë shpallur fituesit për “VOID Tower”, stadiumin “Selman Stërmasi” dhe vilat qeveritare në Velipojë dhe Vlorë.
Për herë të parë, publikut i jepet mundësia të shohë nga afër ikonën e Shën Marisë në Korçë, një nga veprat më të rralla të artit ikonografik shqiptar. Kjo ikonë i përket kishës së Mborjes, një kishë që sot nuk ekziston më, por që ka lënë pas një trashëgimi të jashtëzakonshme shpirtërore dhe artistike.
Restauratori i njohur Genti Proko shpjegon se kjo ikonë daton në fundin e shekullit XIV dhe fillimin e shekullit XV, dhe dallohet për një veçori të rrallë: është pikturuar në të dy anët. Në njërën anë paraqitet figura e Shën Marisë, ndërsa në anën tjetër është realizuar skena e Kryqëzimit, përcjellë KultPlus.
“Kjo ikonë përfaqëson një punim të rrallë për nga teknika, koha dhe përmbajtja. Dyfaqësia e saj tregon për përdorim liturgjik të veçantë dhe na lidh me një etapë të hershme të ikonografisë sonë”, tha restautori Proko.
Ndërkohë, një tjetër ikonë me rëndësi të veçantë, ajo e “Joanit Pagëzorit”, ka përfunduar procesin e restaurimit pas disa muajsh pune të përkushtuar në laboratorin e Konservimit dhe Restaurimit, pranë Muzeut Kombëtar të Artit Mesjetar në Korçë.
“Ikona kishte pësuar dëmtime serioze në të gjitha komponentët e saj, por tashmë ajo është restauruar dhe e gatshme për t’u ekspozuar. Është një pasuri që meriton të shihet nga publiku”, tha Marjana Lara, drejtore e muzeut.
Muzeu i Artit Mesjetar, në kuadër të një qasjeje të re ndaj publikut, prezanton herë pas here ikona që nuk janë ekspozuar më parë, duke i ofruar si vizitorëve vendas, ashtu edhe atyre të huaj, mundësinë për të zbuluar thesare të rralla të trashëgimisë sonë kulturore./KultPlus.com
TIRANË, 30 qershor /ATSH/ Prokuroria e Korçёs përfundoi hetimet dhe dërgoi nё gjyq shtetasit Zh. B. dhe E.Gj. pёr kryerjen e veprës penale “Shpёrdorim i detyrёs”.
Prokuroria e Korçës njoftoi sot se “nga hetimet mbi procedimin penal rezultoi se këta shtetas me detyrё drejtoreshë e Drejtorisë së Urbanistikës dhe Përgjegjës i Sektorit të Kontrollit dhe Zhvillimit të Territorit në Bashkinë Korçë, tё cilёt pёr shumё vite kanё ushtruar detyrën si inxhinierё pranё Zyrёs sё Urbanistikёs nё Bashkinё Korçё dhe kanё pasur detyrё tё kontrollojnë aplikimet e bёra nga qytetarët apo bizneset pёr pajisjen me leje pёr kryerjen e ndërtimeve tё reja apo punimeve tё tjera ndёrtimore, vlerësimin e dokumentacionit, miratimin e lejes, etj, kanё aplikuar taksë në shkallë me të ulët në 18 raste nga 8%, në 3% dhe 2 raste nga 4% në 3%”.
“Nё rastin objekt hetimi, pёr ndёrtimin e njё kompleksi me 4 pallate nё lagjen nr.3 tё qytetit tё Korçёs, dy drejtuesit e Urbanistikёs sё Bashkisё Korçë, kanё miratuar lejen e ndёrtimit pёr shfrytёzim si kompleks turistik dhe subjekti ka paguar taksёn 3% pёr ndikimin nё infrastrukturë për ndërtimet e reja, nё njё kohё kur taksa pёr ndikimin nё infrastrukturё pёr ndёrtimet e reja me qёllim banimi, apo njёsi tregtare shёrbimi, pёr zonёn ansambёl arkitektonik tradicional nё qytetin e Korçёs, ёshtё pёrcaktuar 8% e çmimit tё shitjes pёr metёr katror. Subjekti nuk i ёshtё pёrmbajtur kushteve tё lejes sё ndёrtimit, ka paguar 3% taksёs ndikim nё infrastrukturё, kur duhej tё paguante 8%, njё shmangie prej 36000 Euro nё vlerё monetare nga Taksa e ndikimit nё infrastrukturё vetёm nga ky subjekt. Shmangia e taksës nga 8% nё 3%, ёshtё bёrё me miratim tё drejtuesve tё Zyrës sё Urbanistikёs Bashkia Korçё”, njoftoi Prokuroria e Korçës.
Nga sa mё sipёr, sipas prokurorisë rezulton se me veprimet e tij shtetasit E.Gj. dhe Zh. L. i kanё konsumuar elementet e veprёs penale “Shpёrdorimi i detyrёs”, dhe duhet tё mbajnё pёrgjegjёsi penale.
“Ata favorizuan subjektet ndёrtuese nё 18 raste, ku taksa 8% për ndërtim me qëllim shitje është reduktuar padrejtësisht në 3% ose 4% dhe nё dy raste nga 4% nё 3%, duke shkaktuar dëm ekonomik për Bashkinë Korçë. Si dhe kanё miratuar vёrtetime për pajisjen me certifikatë përdorimi, duke fshehur qëllimin tregtar të ndërtimit edhe kur ishte e qartë se ishin shitur apartamente. Po kёshtu, shtetasi E.Gj. ka firmosur raporte me pёrmbajtje tё pavёrtetё, nuk ka respektuar kompentencat pёr kontrollin e ndёrtimit dhe kanё shkaktuar dёm ekonomik pёr Bashkinё Korçё”, njoftoi prokuroria e Korçës.
Policia e Korçës ka finalizuar me sukses operacionin e koduar “Varrezat”, duke bërë të mundur arrestimin e autorit të disa rasteve të vjedhjes së bazamenteve prej mermeri në varrezat e qytetit.
I ndaluari është B.M., 48 vjeç, banues në fshatin Vloçisht të Maliqit, i cili ushtronte aktivitet në fushën e shërbimeve funerale.
Ai akuzohet se në kohë të ndryshme ka hyrë në varrezat e Korçës dhe ka kryer vjedhjen e pllakave prej mermeri dhe graniti, të cilat i merrte në punishten e tij dhe i shiste.
Materialet procedurale i janë referuar tashmë Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprën penale “Dhunimi i varreve”, parashikuar nga neni 118 i Kodit Penal.
Policia e Korçës ka arrestuar një ish-të dënuar për vrasje, pasi ai ishte nën hetim disa javor nga strukturat policore, ndërsa i janë gjetur dhe sekuestruar armë dhe drogë.
Nga burime policore bëhet me dije se në pranga ka rënë 25-vjeçari Fabian Muçollari nga qyteti i Pogradecit.
Fabian Muçollari nuk është një emër i panjohur për policinë e Korçës, pasi në vitin 2016 i riu nga Pogradeci vrau bashkëmoshatarin e tij, Fabio Hila.
Muçollari ka vuajtur dënimin për rreth 7 vite pranë IEVP Drenovë.
Të dielën Agjencia e Mbikëqyrjes Policore sekuestroi në një mjet që udhëtonte drejt Greqisë 6 kg heroinë, armë dhe municione. Gjykata e Korçës ka pezulluar nga detyra 4 policët e pikës kufitare të Kapshticës.
Në seancën për caktimin e masës së sigurisë, gjykata e vlerësoi të paligjshëm arrestimin në flagrancë të:
-N/komisar Ylli Dushku me detyre Pergjegjes Turni ne PKK Kapshtice
-Inspektor Franc Bylyku me detyre N/specialist kontrollor ne PKK Kapshtice
-Inspektor Lirim Hymetllari me detyre Trupe shërbimi ne PKK Kapshtice
-Inspektor Denion Myteberi me detyre Trupe shërbimi kontroll vija e dyte ne PKK Kapshtice, duke caktuar si masë sigurie atë të pezullimit nga detyra.
Ndërsa për drejtuesin e mjetit ku u gjet lënda narkotike dhe armët, Valmir Balliu, gjykata caktoi masën e sigurisë arrest me burg, për akuzën e trafikut ndërkombëtar të lëndëve narkotike dhe armëve, e mbetur në tentative.
Karnavalet kthyen çdo rrugë dhe shesh të Korçës në skenën nga ku shpërthyen ngjyrat, ritmet dhe fabulat të cilat shpërfaqën traditat shekullore. 22 grupe artistike vendase dhe 6 grupe nga Greqia, Mali i Zi, Bullgaria dhe Polonia u bënë pjesë e tyre.
Paradës iu bashkuan banorë të qytetit dhe vizitorë të fundjavës. Nga personazhet e mitologjisë, heronjtë e historisë, simbole teatrale dhe deri tek fabula stigmatizuese të fenomeneve aktualë, çdo hap i paradës, ishte një histori plot mbresa dhe emocione.
Artistët nga Bullgaria dhe Greqia sollën në Festival fabula interesante nga tradita e vendeve të tyre
“Ne vijmë nga Bullgaria. Ky është grupi ynë që përfaqëson një dasmë tradicionale bullgare. Me veshjet tona, ne trembim shpirtrat e këqij dhe bëjmë që të dukemi të frikshëm, që ti largojmë ata. Është hera jonë e parë këtu, është me të vërtetë shumë bukur.”
“Ne vijmë nga Greqia dhe jemi ëngjëj të Parajsës. Jemi shumë të lumtura që po përfaqësojmë shtetin tonë. Është hera jonë e parë këtu. Është e mrekullueshme. Njerëzit këtu janë shumë të sjellshëm, na pëlqen shumë qyteti. Faleminderit shumë që na mirëpritët.”
Atmosfera e veçantë zgjati deri në mesnatë. Festivali i Karnavaleve u mbyll me “Carnaval Party” në “Pazarin e Vjetër”./abcnews.al
Shtohen rastet e dhunës në familje në juglindje të vendit për vitin 2025. Rastet sipas specialistëve të fushës janë rritur për shkak të kushteve të vështira ekonomike, emigracionit dhe xhelozisë.
Sipas psikologes Çiljeta Simaku ajo çfarë shqetëson më tepër është tërheqja e palëve të dhunuara kur janë në proces gjyqësor.
Një gjë e tillë pranohet edhe nga avokati Kristiano Koçibelli por shton se ka pasur jo pak raste kur gjykata e Korçës ka vazhduar hetimin pa praninë e palës së dhunuar në seancë gjyqësore.
Burime zyrtare pranë drejtorisë vendore të Policisë së Korçës bëjnë me dije se gjatë periudhës Janar – Maj, ka më shumë se 95 raste dhune në familje e në gjithë këto raste personat e dhunuar janë pajisur me urdhër të menjëhershëm mbrojtje.
Një tjetër operacion antidrogë është zhvilluar në orët e para të mëngjesit të kësaj të hëne nga Policia e Korçës.
Në njoftimin e saj policia thotë se ka arrestuar burrë dhe grua, Zini dhe J. Çiço, si dhe 36-vjeçarin Olger Shullëri.
Ata akuzohen për veprën penale “Prodhimi dhe shitja e narkotikëve”, kryer në bashkëpunim, pasi 55-vjeçari Zini Çiço ka qenë pasagjer në mjetin e drejtuar nga 36-vjeçari Olger Shullëri kur gjatë kontrollit në automjet dhe gjatë kontrollit fizik ndaj tyre, efektivët kanë gjetur sasi lënde narkotike kokainë dhe një shumë parash.
Më pas, gjatë kontrollit në banesat e tyre, u gjet një sasi lënde e dyshuar narkotike kokainë, e ndarë në dhjetëra doza gati për shitje dhe 2 peshore elektronike.
Në vijim të operacionit, gjatë kontrollit në subjektin (parukerinë) e shtetases J. Çiço, bashkëshortja e 55-vjeçarit Zini Çiço, u gjet një sasi lënde e dyshuar narkotike cannabis sativa, e ndarë në doza gati për shitje.
Policia thotë se 36-vjeçari Olger Shullëri, banues në Korçë, ka qenë i dënuar më parë për veprën penale “Prodhimi dhe shitja e narkotikëve”.
Materialet procedurale të operacionit antidrogë “Next” i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Njoftimi i policisë
Policia e Korçës si rezultat i hetimeve të bazuara në informacionet policore, ka organizuar dhe finalizuar operacionin e koduar “Next”.
Si rezultat i operacionit u arrestuan në flagrancë për veprën penale “Prodhimi dhe shitja e narkotikëve”, kryer në bashkëpunim, shtetasit:
Ç., 55 vjeç dhe J. Ç., 43 vjeçe (bashkëshortë), banues në Korçë;
Sh., 36 vjeç, banues në Korçë, i dënuar më parë për veprën penale “Prodhimi dhe shitja e narkotikëve”.
Shërbimet e Policisë, në lagjen nr. 4, Korçë, gjatë kontrollit në automjetin me drejtues shtetasin O. Sh. dhe pasagjer shtetasi Z. Ç., dhe gjatë kontrrollit fizik ndaj tyre, kanë gjetur sasi lënde narkotike kokainë dhe një shumë parash. Më pas, gjatë kontrollit në banesat e tyre, u gjet një sasi lënde e dyshuar narkotike kokainë e ndarë në dhjetëra doza gati për shitje dhe 2 peshore elektronike.
Në vijim të operacionit, gjatë kontrollit në subjektin (parukerinë) e shtetases J. Ç., u gjet një sasi lënde e dyshuar narkotike cannabis sativa, e ndarë në doza gati për shitje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Një person me rrezikshmëri të lartë është arrestuar në Tiranë.
Në pranga ka rënë Klement Zguro (Kaçolli), 43 vjeç, banues në Tiranë, i dënuar me11 vite burg për vrasje me dashje dhe armëmbajtje pa leje.
Gjykata e Apelit Korçë e ka dënuar këtë shtetas me 11 vite burgim, për veprat penale “Vrasja me dashje” dhe “Armëmbajtja pa leje”. 43-vjeçarit i kanë mbetur për të vuajtur 8 vite e 11 muaj burgim.
43-vjeçari iu dorëzua DVP Korçë, për veprime të mëtejshme procedurale.
Ky është Donald Piperi i cili për disa vite ka punuar si emigrant në Norvegji dhe Hungari, aty ku ka bërë më shumë se një punë për të përballuar jetesën.
Në kushte të vështira në emigrim, ai vendosi të rikthehet në Korçë, aty ku tashmë ka dhe një biznes të vogël privat.
“Atje ku po jetoja nuk po fitoja të ardhurat e duhura. Unë arrita bëra e kursin, thashë do e provoj do kthehem, kam e shokët që janë kthyer, ata me shtynë. Hapa biznesin, po ecën mirë. Mendoj se vendi jot është më i miri, në darkë shkon në familje. Unë bëra dy punë, ndërtim dhe berberanë sepse nuk më dilte, plus qera të shtrenjta, nuk po rrija dot. Besoj se akoma më mirë do bëhet por me pak sakrificë arrihet, në vendin tënd flet shqip”, Donald Piperi.
Gjatë viteve të fundit sipas drejtoreshës së formimit profesional në Korçë, Adela Myteberi, është shtuar numri i të rinjve përfshi dhe ato të kthyer nga emigracioni të cilët kërkojnë një formim profesional pranë kësaj qendre.
“Interesi ka ardhur në rritje, ka patur shumë të rinj që kanë përfunduar arsimin e lartë që kanë ardhur në arsimi profesional por kemi e të rinj që janë kthyer nga emigrimi dhe kërkojnë të marrin nje zanat. Aktualisht profesionet me të kërkuara janë kursi i kuzhinës, kursi i elektrikut, berber gjithashtu dhe kursi parukeri”, tha Myteberi.
Gjatë këtyre viteve ka patur një interes të shtuar edhe për shkollat profesionale në qarkun e Korçës duke u orientuar më shumë drejt tregut të punës.
Një 42- vjeçar është proceduar nga Policia e Korçës pasi dyshohet se ka përndjekur një 29-vjeçare.
Materialet procedurale i kaluan Prokurorisë pranë Gjykatës, për veprime të mëtejshme.
Njoftim i Policisë:
Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi penal për shtetasin D. R., 42 vjeç, banues në Korçë, pasi dyshohet se ka përndjekur një 29-vjeçare.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Policia e Korçës ka arrestuar dy vëllezër, me iniciale R. D., 30 vjeç, dhe A. D., 24 vjeç, nën akuzën e “Prodhimit dhe shitjes së narkotikëve”, kryer në bashkëpunim.
Forcat e Policisë ndaluan automjetin ë lagjen nr. 14 të qytetit, me të cilin lëviznin të dyshuarit. Gjatë kontrollit të mjetit dhe atij fizik, u gjet një sasi e lëndës së dyshuar narkotike kokainë, e ndarë në doza dhe e gatshme për shitje. Kontrollet të mëtejshme në banesat e të arrestuarve çuan në zbulimin e një sasie shtesë të kokainës.
Në total, si prova materiale janë sekuestruar 41.1 gramë kokainë, 3 aparate celularë dhe një automjet që përdorej për shpërndarjen e lëndës narkotike.
Sipas Policisë së Shtetit, njëri nga të arrestuarit, R. D., ka qenë më parë i dënuar për të njëjtën vepër penale, ndërsa vëllai i tij, A. D., ka qenë i dënuar për drejtim të automjetit në mënyrë të parregullt.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Janë numëruar tre kutitë e para me vota në Pustec, ku shihet kryesimi i Partisë Socialiste ndaj koalicionit PD-Aleanca për Shqipërinë Madhështore.
Nga numërimi i këtyre tre kutive, PS ka siguruar 419 vota, ndërsa PD–Aleanca për Shqipërinë Madhështore 208 vota.
Në total, kjo bashki ka 8 kuti votimi, nga të cilat 3 janë numëruar tashmë. Me 5 kuti të mbetura, trendi i votave tregon se PS pritet të fitojë në këtë bashki minoritare.
Ndërkohë, në KZAZ-të e tjera po përfundon procesi i dorëzimit të kutive dhe pritet që numërimi të nisë para mesnate.
Vijon procesi i numërimit dhe brenda pak orësh mund të kemi edhe rezultatin e parë në këtë bashki, e cila ka numrin më të vogël të zgjedhësve.
Paralelisht me Pustecin po numërohen edhe votata e diasporës për qarkun e Korçës.
Kujtojmë se votat e diasporës do të numërohen në “Parkun Olimpik” ku janë ndarë 12 grupe numërimi për çdo qark.
Policia e Korçës ka reaguar në lidhje me dy video të publikuara nga kandidati i PD-së për Korçën, Edmond Spaho, ku pretendohej se një kandidat i PS-së ka ofruar shuma parash në këmbim të votave të banorëve të fshatit Podgorie-Maliq.
Sipas policisë, nga analizimi i videove nuk u konstatua ndonjë veprim i kundraligjshëm që ka të bëjë me shitblerjen e votave.
Policia njofton se ka proceduar një 34-vjeçar, i cili ka kryer videon, duke e akuzuar atë për veprime që pengojnë zbulimin e së vërtetës.
Policia thotë se, pas verifikimeve, ka proceduar penalisht nën akuzat për “Veprime që pengojnë zbulimin e së vërtetës” shtetasin A.P., 34 vjeç, banues në Podgorie, Maliq, me precedentë të mëparshëm kriminalë dhe i dënuar për vepra penale në fushën e prodhimit dhe shitjes së narkotikëve dhe krimeve kundër personit.
Sipas policisë, shtetasi A.P. ka refuzuar vënien në dispozicion të Policisë për ekspertimin e pajisjes me të cilën ka kryer këtë regjistrim, duke u bërë shkak për pengimin e hetimeve të mëtejshme nga strukturat ligjzbatuese.
“Nga veprimet hetimore të kryera, kontrollet dhe deklaratat e marra nga shtetasit që shfaqeshin në këto pamje dhe kandidatit për deputet, shtetasit A.J., nuk u konstatua ndonjë veprim i kundraligjshëm që ka të bëjë me shitblerjen e votave. Gjithashtu, nga analiza e pamjeve filmike dhe verifikimeve të kryera, rezulton se shtetasi A.P. ka qenë personi që ka kryer regjistrimin audio-video i cili ka refuzuar vënien në dispozicion të Policisë për ekspertimin e pajisjes me të cilën ka kryer këtë regjistrim”, thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
Kujtojmë që këto dy video u pulbikuan nga kandidati i PD-së për Korçën, Edmond Spaho.
Një pensionist 74 vjeçar nga një fshat pranë Maliqit udhëton çdo mëngjes me autobus drejt Korçës për t’i dhënë mbesës së tij mundësinë e një shkollimi më të mirë. Ndërsa pret që mbesa të mbarojë mësimin në trotuarin përballë shkollës 9-vjeçare “Pandeli Llambi Cale”, burri shfaq zhgënjim të dukshëm ndaj politikës dhe mendon se fushata […]
Në Sanatoriumin e Spitalit të Korçës, paraditen e kësaj të mërkure ka ndodhur një situatë e pakëndshme dhe problematike. Një rojë i dehur ka hyrë në pavion dhe ka sharë e ofenduar stafin e infermierëve, gjithashtu ka goditur dhe një familjar të një pacienti.
Mësohet se roja i Sanatoriumit ka qenë në gjendje të dehur, kur është futur në pavion dhe në dhomat e të sëmurëve, duke i sharë e ofenduar.
Pas kësaj, ka ndërhyrë stafi mjekësor ku edhe me këta të fundit (infermierët) është grindur dhe më pas ka goditur një familjar të një pacienti të shtruar. Është lajmëruar policia e cila ka ndërhyrë për të qetësuar situatën, ndërsa ka bërë edhe shoqërimin e rojës në komisariat./abcnews.al
Login
