BERLIN, 23 qershor /ATSH-DPA/ – Ministri gjerman i Mbrojtjes, Boris Pistorius i përshkroi sulmet amerikane ndaj objekteve bërthamore iraniane si “lajm të mirë” për Lindjen e Mesme, por edhe për Evropën, duke thënë se ”operacioni ndihmoi në eliminimin e një kërcënimi të madh”.

Duke folur në një intervistë me transmetuesin publik ARD, Pistorius tha se përshkallëzimi ushtarak nuk është kurrë i dëshirueshëm.

”Megjithatë, nëse pretendimet nga Izraeli dhe Shtetet e Bashkuara janë të sakta”, tha ai, ”Irani kishte bërë përparim të konsiderueshëm drejt zhvillimit të një arme bërthamore”.

“Gjëja kryesore, besoj unë, është para së gjithash se një kërcënim i madh është eliminuar”, tha Pistorius.

Ai shtoi se eliminimi i këtij kërcënimi ishte “lajm i mirë për Lindjen e Mesme dhe Lindjen e Afërt, por edhe për Evropën”.

I pyetur për legjitimitetin e sulmeve sipas ligjit ndërkombëtar, Pistorius tha se ”Izraeli kishte të drejtë për vetëmbrojtje” dhe se ”SHBA-ja ka marrë përgjegjësi në këtë rajon”./ /os/

The post BERLIN – Pistorius: Sulmi amerikan ndaj Iranit një lajm i mirë për LM dhe Evropën appeared first on Agjencia Telegrafike Shqiptare.

Ministri i Mbrojtjes Boris Pistorius i ka premtuar ndihma të tjera miliardëshe Ukrainës në fushën ushtarake për armatime. Me presidentin ukrainas Volodymyr Zelenskyj ai ra dakord për prodhimin e përbashkët të armatimeve. Pistorius tha gjatë vizitës në Kiev, se synohet që Ukraina të mbështetet shpejt me sisteme. Krahas shtatë miliardë eurove të miratuara muajt e fundit do të vihen në dispozicion edhe 1,9 miliardë euro. Me këto para mund të paguhen pjesërisht sistemet e armatimit me rreze të madhe veprimi, të cilat do të prodhohen në Ukrainë.

“Këto sisteme mund të vihen në muajt e ardhshëm në dispozicion”, tha Pistorius në një konferencë të përbashkët shtypi me presidentin ukrainas, Zelensky. “Sa ka të bëjë me prodhimin, ne do të flasim edhe për prodhimin në Ukrainë si dhe në Gjermani”, tha Zelensky gjatë konferencës së shtypit. Po ashtu do të bisedohet edhe “për armët tona me rreze të gjatë veprimi, dronët tanë dhe teknologjinë e raketave ukainase, për dronë si dhe për mundësi të tjera.

Pistorius: Rusia nuk ka interes për zgjidhje paqësore

Ministri i Mbrojtjes Pistorius mbërriti në mëngjesin e së enjtes (12.06.2025) në kryeqytetin e Ukrainës. Me të mbërritur në stacionin e trenit në Kiev, ministri gjerman i Mbrojtjes dënoi intensifikimin e sulmeve ajrore të Rusisë ndaj Ukrainës, të cilat “janë jashtëzakonisht të fuqishme dhe të rrezikshme me një numër të madh kokash shpërthyese dhe sulme me dronë.” “Ky është një sinjal i qartë nga Moska: Nuk ka interes për një zgjidhje paqësore ndërkohë, por po sulmohen me ashpërsi të vazhdueshme e madje gjithnjë e më shumë sektorë civilë në Ukrainë”, vuri në dukje Pistorius. Ai nënvizoi, se udhëtimi i tij në Kiev tregon, që edhe qeveria e re vazhdon të jetë në krah të Ukrainës./DW

The post Pistorius deklaron në Kiev bashkëpunim të ri me Ukrainën appeared first on Sot News | Lajme.

KIEV, 12 qershor /ATSH-DPA/ – Ministri gjerman i Mbrojtjes, Boris Pistorius mbërriti sot në Kiev dhe deklaroi se do të fliste me udhëheqësit ukrainas rreth konfliktit të vazhdueshëm në vend dhe do të diskutonte ndihmën shtesë ushtarake.

Duke folur menjëherë pas mbërritjes së tij, Pistorius dënoi sulmet e fundit ajrore ruse në Ukrainë, të cilat përfshinin lëshimin e një numri të madh raketash dhe sulme me dronë duke i përshkruar ato si jashtëzakonisht të dhunshme dhe kërcënuese.

Sipas Pistorius, modeli i sulmeve sinjalizon se ”Moska aktualisht nuk ka interes për një zgjidhje paqësore dhe në vend të kësaj po vazhdon fushatën e saj me forcë të paepur duke synuar gjithnjë e më shumë zonat civile”.

Ministri i Mbrojtjes tha se vizita e tij nënvizoi angazhimin e qeverisë së re të Gjermanisë për të mbështetur Ukrainën.

Më parë këtë javë, Ukraina raportoi sulmin më të madh rus me dronë që nga fillimi i luftës më shumë se tre vjet më parë, duke përfshirë 479 dronë ”Shahed” së bashku me disa raketa balistike dhe hipersonike.

Pistorius, së bashku me homologun e tij britanik John Healey, ka marrë një rol udhëheqës në ndihmën ushtarake për Ukrainën, ndërsa mbështetja nga Shtetet e Bashkuara nën presidentin Donald Trump mbetet e pasigurt.

Në një takim të kohëve të fundit në Bruksel, Pistorius kërkoi përpjekje më të forta ndërkombëtare për të forcuar mbrojtjen ajrore të Ukrainës.

Ai theksoi rëndësinë në rritje të luftës elektromagnetike, duke përfshirë sigurimin e komunikimeve ukrainase, mbledhjen e inteligjencës, ndërprerjen e sinjaleve ruse dhe mbrojtjen nga sulmet me dronë.

Gjermania është ofruesja e dytë më e madhe i ndihmës ushtarake për Ukrainën pas SHBA-së./  a.jor.

The post FOKUS – Pistorius mbërrin në Kiev për bisedime mbi ndihmën ushtarake appeared first on Agjencia Telegrafike Shqiptare.

Ushtria gjermane, Bundeswehr, do të ketë nevojë për rreth 50,000 deri në 60,000 trupa shtesë për të përmbushur kërkesat e përditësuara të mbrojtjes të NATO-s, mes kërcënimit në rritje nga Rusia, ka thënë të enjten ministri i Mbrojtjes, Boris Pistorius.

Gjermania po kërkon të përshtasë pozicionin e saj ushtarak në përgjigje të planeve të NATO-s për mbrojtje kolektive, ndërsa aleanca vazhdon të mbështesë krahun e saj lindor pas pushtimit të Ukrainës nga Rusia.

“Ne supozojmë, por ky është vetëm një vlerësim i përafërt për të qenë të qartë, se na duhen rreth 50,000 deri në 60,000 ushtarë më shumë në forcat e armatosura të përhershme sesa kemi sot”, ka thënë Pistorius në një takim të NATO-s në Bruksel, shkruajnë mediat e huaja, përcjell Telegrafi.

Pistorius pranoi se planet për një sistem rekrutimi vullnetar më proaktiv mund të mos jenë të mjaftueshme për të kapërcyer hendekun ndërsa Gjermania përshtatet me një pozicion gatishmërie për luftë.

Dhe ndonëse rekrutimi mund të jetë i nevojshëm tani, tha ministri, ai “nuk ka asnjë dobi tani sepse nuk kemi kapacitet as në kazermë dhe as në stërvitje”.

“Kjo është arsyeja pse këto kapacitete duhet të rriten”, ka shtuar ministri gjerman. “Deri atëherë, zbatohet pjesëmarrja vullnetare”. /Telegrafi/

The post Gjermanisë i duhen deri në 60,000 trupa shtesë, thotë shefi i Mbrojtjes appeared first on Telegrafi.

Ministri i Mbrojtjes i Gjermanisë, Boris Pistorius, akuzoi të martën Rusinë se po luan me kohën në bisedimet e paqes për Ukrainën, në vend që të jetë vërtet e interesuar për një armëpushim.

Pistorius u tha gazetarëve në Bruksel se presidenti rus Vladimir Putin “po fliste vetëm për një armëpushim sipas kushteve të tij”, që përfshin bllokimin e Ukrainës që të bëhet anëtare e NATO-s dhe tërheqjen e Kievit nga territoret e pushtuara.

“Putin po luan qartë me kohën, për fat të keq duhet të themi se Putini nuk është vërtet i interesuar për paqen”, tha ministri gjerman i Mbrojtjes, transmeton Telegrafi.

“Ky është vlerësimi im. Nuk ka një orar”, shtoi Pistorius duke folur për negociatat e vazhdueshme të armëpushimit, në të cilat Kremlini ka refuzuar vazhdimisht të bjerë dakord për një marrëveshje armëpushimi 30-ditore të propozuar nga SHBA-të.

Rusia dhe Ukraina do të fillojnë “menjëherë” negociatat e armëpushimit, tha të hënën Presidenti i SHBA-së, Donald Trump, pas telefonatave të ndara me udhëheqësit e të dy vendeve që synonin të nxisnin përparimin drejt përfundimit të luftës trevjeçare.

Lexo po ashtu Trump thotë se është gati të "tërhiqet" nga bisedimet Ukrainë-Rusi nëse "nuk arrihet përparim"

Nuk është e qartë se kur ose ku mund të zhvillohen bisedime ose kush do të marrë pjesë. Putin tha se procesi do të kërkojë kohë.

Pistorius vuri në dukje gjithashtu se Moska e kishte sulmuar më tej Ukrainën që nga fillimi i negociatave, duke përfshirë sulmin më të madh me dron që nga fillimi i luftës në rajonet e Kievit, Dnipropetrovskit dhe Donetskut në fillim të kësaj jave.

“Gjermania do të mbështeste Bashkimin Evropian në vendosjen e sanksioneve të mëtejshme kundër Rusisë”, shtoi Pistorius.

Ai sinjalizoi rritjen e objektivit të shpenzimeve të mbrojtjes të Gjermanisë në 5% të GDP-së së saj – një rritje e madhe e reklamuar nga Trump dhe një kërcim i madh nga buxheti aktual i vendit që është rreth 2%.

“Gjermania nuk do të ishte në gjendje të përmbushte objektivat e saj të NATO-s me një buxhet mbrojtjeje prej 3%”, tha Pistorius ndërsa hapi derën për shpenzime më të larta të mbrojtjes nëse do të ishte e nevojshme.

Lexo po ashtu BE do të shtojë presionin mbi Rusinë për të nxitur paqen – Kaja Kallas jep detajet

“Nuk bëhet fjalë për arritjen e 5% brenda një viti. Plani është ta arrijmë këtë brenda 5 deri në 7 vjetësh duke rritur buxhetin e mbrojtjes me 0.2% në vit. Gjëja më e rëndësishme është të fillojmë të plotësojmë vërtet kërkesat e NATO-s”, shtoi ai.

Komentet e tij bazohen në ato të bëra nga Ministri i ri i Jashtëm i Gjermanisë, Johann Wadephul, në të cilin ai mbështeti shtysën e Trump që anëtarët e NATO-s të rrisin shpenzimet e mbrojtjes deri në 5% të GDP-së nga objektivi ekzistues prej 2%. /Telegrafi/

Kancelari Friedrich Merz ka premtuar gjithashtu të rrisë kapacitetet mbrojtëse të Gjermanisë, duke u zotuar ta bëjë Bundeswehr-in e dobët ushtrinë më të fortë në Evropë dhe të shfrytëzojë lehtësimin e fundit të rregullave të frenimit të borxhit të vendit për të liruar para për shpenzimet ushtarake.

The post Rusia po luan për të fituar kohë në negociatat e paqes në Ukrainë, thotë ministri gjerman i Mbrojtjes appeared first on Telegrafi.

BERLIN, 29 prill /ATSH-DPA/- Ministri gjerman i Mbrojtjes, Boris Pistorius tha sot se kërkon të forcojë vendin kundër sulmeve kibernetike, ndërsa vizitoi forcat e mbrojtjes kibernetike.

“Këto sulme kanë një objektiv të qartë. Ato janë pjesë e luftës hibride. Ato shërbejnë për të trazuar dhe dobësuar shoqërinë tonë dhe kështu destabilizojnë natyrshëm demokracinë tonë”, tha ai gjatë manovrave “Mburoja e Mbyllur” në rajonin Lower Rhine.

“Sulmet hibride janë një kërcënim në rritje dhe shumë serioz. Ne tani po i përjetojmë ato çdo ditë në zona të ndryshme”, tha Pistorius.

Ai foli gjithashtu për pamjet e dronëve dhe përpjekjet e spiunazhit, përpjekjet për të hyrë në kazerma, dëmtimin e kabllove të të dhënave dhe linjave të furnizimit në Detin Baltik, si dhe ndërprerjet në sistemin GPS, shembuj të cilat Gjermania i ka parë me shqetësim vitet e fundit.

Forcat e mbrojtjes kibernetike e Bundeswehr-it morën pjesë në manovrat “Mburoja e Mbyllur” së bashku me 36 vende të tjera, përfshirë vende nga Indo-Paqësori.

Kjo është manovra më e madhe dhe më komplekse në botë e organizuar nga NATO. Simulon sulme në kohë reale që duhet të zmbrapsen dhe përfshin autoritete të ndryshme kombëtare të policisë dhe sigurisë. //a.i/

The post BERLIN – Pistorius paralajmëron për rreziqet e sulmeve hibride appeared first on Agjencia Telegrafike Shqiptare.

Gjermania i ka kërkuar Ukrainës të mos e pranojë propozimin e fundit të paqes të Donald Trump, duke e quajtur atë të ngjashëm me “kapitullim”.

Trump i ka propozuar Kievit të lëshojë territore të mëdha në këmbim të një armëpushimi me Rusinë.

Dhe ministri gjerman i Mbrojtjes, Boris Pistorius tha se ndërsa Ukraina e di se mund të duhet të ndahet nga një pjesë e territorit, ata “nuk duhet të shkojnë aq larg sa propozimi i fundit nga presidenti amerikan”, shkruajnë mediat e huaja, përcjell Telegrafi.

“Ukraina vetë mund të kishte marrë një vit më parë atë që përfshihej në atë propozim, është i ngjashëm me një kapitullim. Nuk mund të dalloj ndonjë vlerë të shtuar”, i tha ai transmetuesit publik gjerman ARD.

E ashtuquajtura “oferta përfundimtare” e Trump përfshin njohjen e Krimesë nga SHBA-ja si pjesë e Rusisë dhe njohjen jozyrtare të kontrollit rus të pothuajse të gjitha zonave të pushtuara që nga pushtimi i vitit 2022, raportoi Axios më parë këtë javë.

Gjithashtu, do ta ndalonte Ukrainën të bashkohej me NATO-n dhe do të hiqte sanksionet e vendosura ndaj Rusisë që nga viti 2014.

Deklarata e tij vjen ndërsa SHBA-të po e shqyrtojnë nëse do të vazhdojnë si ndërmjetës, siç ka thënë Marco Rubio.

Diplomati më i lartë i SHBA-së i tha rrjetit partner amerikan të Sky, NBC News, se “nuk mund të vazhdojmë t’i kushtojmë kohë dhe burime kësaj përpjekjeje nëse ajo (paqja) nuk do të realizohet”.

Ai tha se një marrëveshje duhet të arrihet së shpejti.

“Java e fundit ka qenë vërtet për të kuptuar se sa afër janë këto palë në të vërtetë dhe a janë ato mjaftueshëm afër saqë kjo meriton një investim të vazhdueshëm të kohës sonë si ndërmjetës”.

Megjithatë, Rubio nuk tha se sa gjatë është e gatshme administrata Trump të presë për një përparim. /Telegrafi/

The post “Mos e pranoni ofertën e Trumpit për ‘kapitullim'” – është mesazhi i fundit i Gjermanisë për Ukrainën appeared first on Telegrafi.

Një agjent i specializuar në bunkerë dhe strehimore emergjente ka njoftuar se kërkesa në Gjermani është rritur në mënyrë dramatike.

Vitin e kaluar, ministri gjerman i Mbrojtjes Boris Pistorius deklaroi se gjermanët “duhet të jenë gati për luftë deri në vitin 2029”.

Tani, bëhet e ditur se qeveria po rrit shpenzimet e mbrojtjes dhe prodhuesit e makinave po shqyrtojnë ripërdorimin e fabrikave për të prodhuar furnizime ushtarake pasi vendi përballet me mundësinë që Evropa së shpejti të përballet me një konflikt të plotë.

Si pjesë e tranzicionit në një bazë lufte, një kompani ka identifikuar një treg të veçantë: një shërbim agjentësh për strehimin bërthamor.

Pronari menaxhues i Bunker Makler gjerman, Peter Aurnhammer, tha se kërkesa për objekte të mbrojtura nga shpërthimi është rritur “shumë ndjeshëm”.

Klientët e kompanisë së tij janë të shpërndarë në të gjithë Gjermaninë dhe gjithnjë e më shumë njerëz po krijojnë strehimore.

Raportohet se Gjermania ka një numër të madh strehimoresh dhe bunkerësh të mbetur nga Lufta e Dytë Botërore dhe Lufta e Ftohtë, por shumë prej tyre kanë nevojë për riparim ose rinovim.

Sipas faqes së internetit të Bunker Makler, “nuk ka asnjë strehë të vetme publike për civilët në Gjermani”.

“Zhvillimet politike gjatë vitit të kaluar kanë çuar në një ndryshim të qëndrimeve në shoqëri, kështu që familjet tani po ndërmarrin hapa për të garantuar sigurinë e tyre”, tha ai.

Kompania gjithashtu u ofron njerëzve mundësinë për të siguruar vende paraprakisht në rast se ndodh një sulm bërthamor, shkruan euronews, përcjell Telegrafi.

Bunker Makler gjerman ofron gjithashtu vende në të ashtuquajturat “hotele strehuese” nën një program që përgatit parkingje nëntokësore për t’u përdorur si strehimore në gjendje të jashtëzakonshme.

Kur nevojitet, garazhet mund të pastrohen nga veturat, portat e tyre të mbyllen, shtretërit dhe furnizimet të vendosen dhe sistemet e ventilimit të aktivizohen.

Kompania ofron hapësira që kushtojnë midis 35 dhe 89 € në ditë në kohë paqeje dhe 85-180 € në ditë gjatë emergjencave.

Abonimet fillojnë në kohë paqeje, me kontrata që zgjasin nga shtatë deri në 10 vjet.

Ndërsa paketa më e shtrenjtë përfshin një hapësirë ​​në strehë, një dhomë në një hotel me 4 yje, furnizime ushqimore të garantuara për tre muaj, dhe një zonë Wellness dhe spa.

Paketa më e lirë përfshin vetëm një hapësirë ​​në strehë — dhe shërbimi i hotelit nuk mund të përdoret jashtë gjendjes së jashtëzakonshme.

Ndryshe, agjentë të tjerë të pasurive të patundshme në të gjithë Gjermaninë kanë përfituar nga zhvillimet e fundit politike dhe kanë filluar të ofrojnë bunkerë.

Sipas një raporti të Bundestagut Gjerman të këtij janari, ka 579 strehimore, me rreth 478,000 hapësira strehimi të mbetura nga 2,000 origjinale që u ndërtuan në ish-shtetet e Gjermanisë Perëndimore.

Ato përfshijnë garazhe nëntokësore, stacione treni dhe spitale të mbrojtura që u ndërtuan për sulmet ajrore në Luftën e Dytë Botërore.

Megjithatë, sipas shifrave, asnjë prej objekteve të mbrojtjes civile të vendit nuk është funksional.

Qeveria vendosi të braktisë konceptin e strehimoreve në vitin 2008 dhe “të ndërpresë mirëmbajtjen funksionale të strehimoreve publike” pasi Evropa po jetonte në kohë relativisht paqësore.

Ndryshe, Zvicra njoftoi në fund të vitit të kaluar se do të shpenzonte rreth 250 milionë euro për përmirësimin e strehimoreve të saj emergjente.

Sipas ligjit zviceran, çdo qytetar duhet të ketë akses në një strehë, dhe çdo ndërtesë e re duhet të ketë një të ndërtuar brenda.

Strehimoret kanë dyer të përforcuara për t’u mbrojtur kundër shpërthimeve bërthamore – por tani për tani, shumë njerëz po i përdorin ato si bodrume vere. /Telegrafi/

The post “Alarm për luftë” – Gjermania nis ndërtimin e bunkerëve për t’u mbrojtur nga shpërthimet bërthamore appeared first on Telegrafi.

BERLIN, 19 mars /ATSH-DPA/ – Ministri gjerman i Mbrojtjes, Boris Pistorius hodhi poshtë sot marrëveshjen e arritur nga presidenti amerikan, Donald Trump dhe homologu i tij rus, Vladimir Putin për të ndalur sulmet në infrastrukturën energjetike në Ukrainë për 30 ditë.

Pistorius i tha transmetuesit gjerman ZDF se marrëveshja e arritur gjatë një telefonate mes dy liderëve ishte një “dështim”.

”Sulmet ruse në infrastrukturën civile të Ukrainës po vazhdojnë”, vuri në dukje Pistorius, pasi u raportuan sulme në disa zona të Ukrainës gjatë natës, përfshirë një spital.

“Putini po luan një lojë”, argumentoi ministri i Mbrojtjes.

“Jam i sigurt se presidenti amerikan nuk do të jetë në gjendje të qëndrojë mënjanë për një kohë të gjatë”, theksoi ai.

”Jam shumë i sigurt se do të vijë një moment kur ai do të reagojë, ai do të duhet të reagojë, në përputhje me forcën dhe reputacionin e Shteteve të Bashkuara të Amerikës”, shtoi Pistorius.

Ai paralajmëroi se kushtet e Putinit për një armëpushim të plotë njëmujor synojnë të dobësojnë Ukrainën, në mënyrë që Rusia të armatoset më tej dhe të përqendrojë më shumë trupa në kufirin me Ukrainën ose në territoret e pushtuara.

Pas bisedës telefonike mes dy presidentëve, Kremlini tha se Putini bëri një sërë kërkesash, përfshirë ndalimin e dërgesave të armëve dhe ndarjen e informacionit sekret me Ukrainën, përpara përfundimit të plotë të luftimeve.

Megjithatë, Trump më vonë i tha ”Fox News” se Putini nuk këmbënguli për ndalimin e menjëhershëm të të gjithë ndihmës për Ukrainën.

Presidenti ukrainas, Volodymyr Zelensky tha se ishte i hapur ndaj idesë, por se i duheshin më shumë detaje./ /b.n/

The post GJERMANI – Pistorius shpërfill pauzën e Putinit për sulmet në infrastrukturën energjetike ukrainase appeared first on Agjencia Telegrafike Shqiptare.

Ministri gjerman i Mbrojtjes, Boris Pistorius, kritikoi administratën amerikane për bërjen publike të lëshimeve ndaj Rusisë, përpara se të fillonin bisedimet e reja të paqes për Ukrainën.

Sekretari amerikan i Mbrojtjes, Pete Hegseth, tha të mërkurën në një mbledhje të NATO-s në Bruksel se rivendosja e kufijve të mëparshëm të Ukrainës është joreale, se Ukraina duhet të heqë dorë nga aspiratat për t’u bashkuar me aleancën e NATO-s dhe se trupat amerikane nuk do të shërbejnë si paqeruajtëse.

Dhe Pistorius të enjten kritikoi atë qasje ndaj bisedimeve të paqes, shkruajnë mediat e huaja, përcjell Telegrafi.

“Sipas mendimit tim, do të ishte më mirë të flitej për anëtarësimin e mundshëm të Ukrainës në NATO ose humbjen e mundshme të territorit të vendit vetëm në tryezën e bisedimeve dhe të mos e hiqja nga tavolina paraprakisht”, ka thënë Pistorius në Bruksel.

Ishte gjithashtu e rëndësishme që evropianët ishin të përfshirë në negociata të tilla, tha ministri gjerman.

Në fund të fundit, ato do të ishin një pjesë thelbësore e një rendi të ri.

Kujtojmë se Sekretari amerikan i Mbrojtjes, Pete Hegseth, ka thënë se një mision i mundshëm paqeruajtës që mund të vendoset në Ukrainë si pjesë e garancive të sigurisë nuk do të përfshijë trupat amerikane.

Në të njëjtën kohë, Hegseth theksoi se kthimi në kufijtë e Ukrainës para vitit 2014 është një “objektiv jorealist”, duke shtuar se “ndjekja e këtij qëllimi iluzion vetëm do të zgjasë luftën dhe do të shkaktojë më shumë vuajtje”. /Telegrafi/

The post Ministri gjerman i mbrojtjes kritikon SHBA-në “për lëshimet ndaj Rusisë” appeared first on Telegrafi.

Ministri gjerman i Mbrojtjes Boris Pistorius ka thënë se Berlini nuk mund të përballojë të shpenzojë 5% të PBB-së së tij për ushtrinë, siç kërkon presidenti amerikan Donald Trump nga vendet anëtare të NATO-s.

Nevoja për të investuar më shumë në mbrojtje është “e padiskutueshme”, por ka kufij për atë që Gjermania mund të bëjë, vuri në dukje Pistorius në një intervistë me gazetën Tagesspiegel të shtunën.

Ai shpjegoi se “5% e PBB-së tonë do të korrespondonte me 42% të buxhetit federal. Kjo do të ishte pothuajse çdo e dyta euro e shpenzuar nga qeveria federale, 230 miliardë euro.”

“Konkurrenca për përqindje edhe më të larta largon vëmendjen nga çështja aktuale në fjalë. Është thelbësore që ne t’u shpjegojmë qytetarëve tanë se me çfarë kërcënimesh përballemi dhe t’u tregojmë mënyrën më të mirë të mundshme për t’u mbrojtur”, argumentoi ministri.

Megjithatë, ai pranoi se “Gjermania do të duhet të shpenzojë më shumë për mbrojtjen e saj në të ardhmen, madje edhe më shumë se 2% e PBB-së së saj të arritur tani”.

Trump, i cili ka kritikuar prej kohësh aleatët evropianë të Uashingtonit për mos kontributin e mjaftueshëm në NATO, shprehu idenë e rritjes së objektivit të shpenzimeve të bllokut gjatë një konference për shtyp në fillim të janarit, përpara inaugurimit të tij.

“Ata të gjithë mund ta përballojnë atë, por duhet të jenë në 5%, jo 2%,” këmbënguli ai, duke shprehur zhgënjimin që “Evropa është në pritje për një pjesë të vogël të parave që kemi” kur bëhet fjalë për investimet në mbrojtje.

Më parë, Trump paralajmëroi se nën udhëheqjen e tij, SHBA nuk do të mbrojë vendet e NATO-s që nuk arrijnë të përmbushin angazhimet e tyre financiare.

Presidenti lituanez Gitanas Nauseda mbështeti plotësisht objektivin e Presidentit të SHBA-së prej 5% gjatë një interviste me Newsweek të enjten.

“Nuk mund të ndihesh kurrë i sigurt duke jetuar në këtë pjesë të botës, sepse ne kemi këtë fqinj dhe do ta kemi akoma pas njëqind apo dyqind vjetësh”, tha Nauseda, duke iu referuar Rusisë.

Ministri gjerman i Mbrojtjes Boris Pistorius ka thënë se Berlini nuk mund të përballojë të shpenzojë 5% të PBB-së së tij për ushtrinë, siç kërkon presidenti amerikan Donald Trump nga vendet anëtare të NATO-s. Nevoja për të investuar më shumë në mbrojtje është “e padiskutueshme”, por ka kufij për atë që Gjermania mund të bëjë, […]

The post “Nuk e përballojmë dot”, Gjermania kundërshton kërkesën e Trump për shpenzimet ushtarake appeared first on BoldNews.al.

BERLIN, 18 janar /ATSH-DPA/- Ministri gjerman i Mbrojtjes, Boris Pistorius tha se vendit do t’i duhen më shumë fonde për mbrojtjen në afat të mesëm, pas përfundimit të afatit të fondit special për modernizimin e ushtrisë.

“Pasi të mbarojë fondi special, do të na duhen të paktën 85 miliardë euro nga viti 2028. Kjo përbën 30 miliardë më shumë se sot”, tha Pistorius në një intervistë për gazetën “Süddeutsche Zeitung”.

Fondi special prej 100 miliardë eurosh u krijua në vitin 2022 për të rindërtuar ushtrinë gjermane, ose Bundeswehr, në vazhdën e pushtimit rus të Ukrainës.

Në vitin 2024, shpenzimet e parashikuara për mbrojtjen e Gjermanisë ishin rreth 52 miliardë euro, e cila – e kombinuar me fondin special – arrin në rreth 2% të produktit të brendshëm bruto (PBB) të vendit.

Pistorius tha se Gjermania duhet të synojë të paktën 3% të PBB-së në shpenzimet e mbrojtjes.

“ Shpenzimi i të paktën 3% të PBB-së, do të thotë pak më shumë se 120 miliardë euro bazuar në PBB-në e sotme”, tha ai duke theksuar se Gjermania ishte larg këtij objektivi. //a.i/

The post BERLIN – Pistorius: Gjermanisë i duhen 30 miliardë euro më shumë për mbrojtjen nga viti 2028 appeared first on Agjencia Telegrafike Shqiptare.

Ministri gjerman i Mbrojtjes, Boris Pistorius, ka mbërritur në Kiev të Ukrainës.

Sipas mediave të huaja, përcjell Telegrafi, vizita nuk ishte paralajmëruar paraprakisht për arsye sigurie.

Pistorius do të zhvillojë takime me presidentin e Ukrainës, Volodymyr Zelensky, dhe ministrin e Mbrojtjes, Rustem Umerov.

Ai i tha agjencisë gjermane të lajmeve dpa se dëshiron të diskutojë ndihmën e mëtejshme për Ukrainën në Kiev dhe të marrë një ide për situatën aktuale ushtarake.

“Për mua është e rëndësishme të tregoj me këtë udhëtim se ne vazhdojmë të mbështesim aktivisht Ukrainën. Ky është një sinjal se Gjermania, si vendi më i madh i NATO-s në Evropë, qëndron në krah të Ukrainës”, citohet të ketë thënë ministri.

Vizita vjen më pak se një javë para inaugurimit të Donald Trump si president i SHBA-së dhe pak më shumë se një muaj para zgjedhjeve të parakohshme në Gjermani.

Mbrëmjen e mëparshme, Pistorius diskutoi ndihmën evropiane për Ukrainën me kolegët e tij nga Polonia, Franca, Italia dhe Britania e Madhe në Varshavë, në veçanti forcimin e industrisë së mbrojtjes ukrainase.

“Nëse ka para, nëse ka kapacitet për prodhimin e armëve, atëherë vetë Ukraina do t’i sigurojë trupat e saj materiale dhe armë sa më shpejt të jetë e mundur”, ka thënë më tej ministri. /Telegrafi/

The post Ministri gjerman i Mbrojtjes në një vizitë të paparalajmëruar në Ukrainë appeared first on Telegrafi.

Gjermania, Polonia, Britania, Franca dhe Italia do të zbatojnë sa më shpejt që të jetë e mundur objektivat e reja të NATO-s lidhur me armët dhe numrin e trupave, për të cilat Aleanca pritet të bjerë dakord, u zotua të hënën ministri gjerman i Mbrojtjes Boris Pistorius.

Kreu i Komitetit Ushtarak të NATO-s, admirali Rob Bauer , i tha më herët agjencisë së lajmeve Reuters NATO synon të marrë një vendim mbi objektivat e reja për armët dhe numrin e trupave këtë verë.

Aleanca ushtarake dhe politike perëndimore ka qenë nën trysni jo vetëm pas sulmit rus në shkallë të gjerë ndaj Ukrainës në vitin 2022, por edhe së brendshmi, mes thirrjeve të Presidentit të zgjedhur të Shteteve të Bashkuara, Donald Trump, për të rritur nivelin e shpenzimeve ushtarake nga vendet anëtare.

Ministrat e mbrojtjes të NATO-s do të përpiqen të arrijnë një marrëveshje për objektivat e aftësive të reja disa javë përpara se udhëheqësit e tyre të takohen në Hagë më 24-26 qershor, tha për Reuters admirali holandez Rob Bauer.

Në takimin e nivelit të lartë në Hagë do të diskutohet gjithashtu për rritjen e objektivit ekzistues të shpenzimeve ushtarake të NATO-s prej 2 për qind të prodhimit të brendshëm bruto, në 3 për qind, I paraqitur nga disa ekspertë si një objektiv i ri i mundshëm. Zoti Trump, i cili kthehet në Shtëpinë e Bardhë më 20 janar, kohët e fundit kërkoi një objektiv të ri shpenzimesh të mbrojtjes në nivel prej 5 për qind.

Duke folur pas një takimi me 4 homologët e tij në qytezën polake Nowa Wies, zoti Pistorius mirëpriti vendimin e NATO-s për të arritur një marrëveshje për objektivat e reja të aftësive të Aleancës në qershor, dhe jo në tetor, sikurse ishte parashkuar, një lëvizje që siç tha ai ishte nxitur nga Gjermania. “Në këtë mënyrë fitojmë kohë dhe ne mund të fillojmë shumë më herët zbatimin e objektivit,“ u tha zoti Pistorius gazetarëve.

Në të njëjtën kohë, ai hodhi poshtë përpjekjet e zotit Trump që vendet anëtare të NATO-s të rrisin shpenzimet e mbrojtjes në 5 për qind të Prodhimit të Brendshëm Bruto, duke argumentuar se kjo do të ishte e barabartë me më shumë se 40 për qind të buxhetit total të Gjermanisë.

“Pyetja thelbësore për mua është: Sa shpejt arrijmë ne … çdo aleat, të përmbushim objektivat e reja të NATO-s? … Sa shpejt jemi plotësisht në gjendje të mbrohemi kur është e nevojshme?“ tha zoti Pistorius.

Ministri i Mbrojtjes së Francës, Sebastien Lecornu, tha se buxhetet ushtarake do të vazhdojnë të rriten, por nuk dha një shifër për një objektiv të ri të NATO-s. “Gjendja është më e keqe se sa gjatë Luftës së Ftohtë… Ne mund të mposhtemi pa u pushtuar”, tha ai, duke iu referuar sulmeve kibernetike.

Ministri polak i Mbrojtjes Wladyslaw Kosiniak-Kamysz tha se në takimin e ardhshëm të Grupit të Pesë Vendeve në Paris do të diskutohet mbi financimin e Aleancës dhe zhvillimin e industrisë së armëve në Evropë.

LEXONI GJITHASHTU:

• Libani përzgjedh kandidatin për kryeministër, Hezbollahu shpreh pakënaqësinë
• Sloganet e fushatës në Kosovë: Partitë nisin takimet, ja çfarë thonë gazetarët

The post Pistorius: Aleatët e mëdhej europianë do i zbatojnë me shpejtësi objektivat e NATO-s appeared first on Euronews Albania.

Ministri gjerman i Mbrojtjes, Boris Pistorius, ka thënë të dielën se Gjermania duhet të jetë e përgatitur për t’iu kundërvënë çdo sulmi hibrid nga Rusia, që përfshin fushata të mediave sociale të dizajnuara për të ndihmuar partitë e ekstremit të djathtë dhe populiste.

“Putini po angazhohet në sulme hibride dhe Gjermania është veçanërisht në fokus”, ka thënë Pistorius për gazetat Funke Mediengruppe në komentet e publikuara të dielën, shkruajnë mediat e huaja, përcjell Telegrafi.

“Ai na njeh mirë,…”, shtoi ministri i mbrojtjes, një socialdemokrat.

“Injorimi i këtij kërcënimi,… nuk do ta bëjë atë më të vogël, por më të madh”.

Ai theksoi se sulmet kanë të bëjnë me infrastrukturën e Gjermanisë, furnizimin me energji, aktivitetet në Detet e Veriut dhe Baltik, si dhe shkeljet e hapësirës ajrore.

Një pjesë e strategjisë së Putinit është të shqetësojë dhe përçajë shoqërinë tonë, paralajmëruar Pistorius.

Ndërsa kur u pyet nëse Gjermania është aty ku duhet të jetë ushtarakisht, Pistorius tha: “Ne jemi në një rrugë të mirë”.

Siç kujtojnë mediat, vetëm këtë vit janë nisur 97 projekte të mëdha me vlerë 58 miliardë euro (60.5 miliardë dollarë), duke tejkaluar rekordin e vitit të kaluar.

Por, ai mendon se ka vend për përmirësim.

“Ne kemi transferuar shumë materiale në Ukrainë. Përveç kësaj, industria ka nevojë për kohë për të rritur kapacitetet e prodhimit për të prodhuar armë dhe municione”. /Telegrafi/

The post Ministri gjerman i Mbrojtjes paralajmëron sulm hibrid nga Rusia – tregon format që mund të përdorë Putini appeared first on Telegrafi.

BERLIN, 22 dhjetor /ATSH-DPA/- Ministri gjerman i Mbrojtjes Boris Pistorius tha sot se Gjermania duhet të ishte e përgatitur për t’iu kundërvënë çdo sulmi hibrid nga Rusia, që përfshin fushata të medieve sociale të dizajnuara për të ndihmuar partitë e ekstremit të djathtë dhe populiste.

“Putini po angazhohet në sulme hibride dhe Gjermania është veçanërisht në fokus”, tha Pistorius për “Funke Mediengruppe”.

“Ai na njeh mirë, Putini di si të depërtojë”, shtoi ministri i Mbrojtjes.

“Të shpërfillësh këtë kërcënim sepse na bën të ndihemi të pakëndshëm nuk do ta bëjë atë më të vogël, por më të madh”, shtoi ai.

Një sulm hibrid është një lloj sulmi kibernetik me anë të të cilit një aktor keqdashës përdor më shumë se një mjet për të hyrë në një pajisje ose rrjet ose për të kryer një lloj tjetër sulmi.

Pistorius sugjeroi se sulmet kishin të bënin me infrastrukturën e Gjermanisë, furnizimin me energji, aktivitetet në Detet e Veriut dhe Baltik, si dhe shkeljet e hapësirës ajrore. //a.i/

The post BERLIN – Pistorius paralajmëron për rrezikun e një sulmi hibrid nga Rusia appeared first on Agjencia Telegrafike Shqiptare.

Ministri gjerman i Mbrojtjes Boris Pistorius tha sot se vendi po shqyrton mundësinë e rritjes së numrit të ushtarëve në forcat e armatosura në 230,000.

Forcat e armatosura të Gjermanisë, Bundeswehr, aktualisht numërojnë rreth 180,000 anëtarë të uniformuar, që është rreth 20,000 më pak se objektivi aktual prej 203,000 ushtarësh, për shkak të problemeve të gjata të rekrutimit, raportoi Reuters.

Duke folur në parlamentin në Berlin, Pistorius theksoi se NATO planifikon të prezantojë objektiva të reja, më të rrepta për numrin e trupave dhe armëve deri në vitin 2025, në përputhje me përkeqësimin e situatës së sigurisë për shkak të luftës në Ukrainë.

Sipas vlerësimeve të mëparshme të NATO-s, nevojiten 35 deri në 50 brigada shtesë për t’u mbrojtur kundër një sulmi të mundshëm rus , i cili përfaqëson midis 105,000 dhe 350,000 ushtarë.

Gjermanisë, e cila normalisht siguron rreth 10 për qind të aftësive të NATO-s, mund t’i kërkohet të kontribuojë me tre deri në pesë brigada shtesë, që arrijnë në mes 20,000 dhe 30,000 trupa.

Kjo do të nënkuptonte formimin e një divizioni tjetër përveç treve që Berlini tashmë po pajis.

Ministria gjermane e Mbrojtjes nuk ka dashur të komentojë këto plane.

LEXONI GJITHASHTU:

• Gjermania kundër planit të Izraelit: Mos e dysfishoni popullsinë në Lartësitë Golan
• Gjermania në alarm, dronë misteriozë mbi bazën ajrore amerikane në Ramstein

The post Pistorius: Gjermania po shqyrton rritjen e numrit të ushtarëve në 230,000  appeared first on Euronews Albania.

Lajmi se Oscar Pistorius, ish-kampioni paralimpik që ka kaluar 9 vjet në burg për vrasjen e ish-të dashurës së tij, Reeva Steenkamp, dhe është në lirim me kusht që nga janari, ka një të dashur të re – që ngjan shumë me modelen e vrarë nga Pistorius më 14 shkurt të vitit 2013 – ka shkaktuar reagime të forta nga familja e Reeva. Nëna e saj e ka paralajmëruar të dashurën e re të Pistorius, Rita Greyling, se “vrasësi i vajzës së saj ende ka probleme me zemërimin”, ndërsa motra e Steenkamp ka qenë edhe më e ashpër ndaj Pistorius: “A është kaq i sëmurë sa të kërkojë një kopje të Reeva? Më duket se pas vrasjes së Reeva, ai donte ta zëvendësonte me dikë tjetër”. E pastaj, duke iu drejtuar të dashurës së re të Pistorius: “Mos është çmendur? Si mund të mbyllësh sytë natën dhe të flesh me një burrë që ka shtënë katër plumba që kanë dëmtuar trupin e një gruaje që ai thoshte se e donte?”.

Pistorius – që nga dita kur është liruar ka kërkuar të mos duket shumë dhe jeton në një vilë të mbrojtur të xhaxhait të tij, Arnold – është parë kohët e fundit me Ritan Greyling, vajzën e një fermeri shumë të pasur, dhe disa miq të ngushtë kanë deklaruar se lidhja mes tyre ka filluar tre muaj më parë. Ngjashmëria e të dashurës së re me Reeva është në fakt e dukshme.

Lexo më tej: Vrau të fejuarën me shotgun për Shën Valentin: ish-atleti paralimpik Pistorius lëshohet pas 9 vitesh burg

Simone Steenkamp, motra e madhe e Reeva, ka qarë kur ka lexuar lajmin për Pistorius, i cili jo vetëm ka nisur të rindërtojë jetën e tij, por gjithashtu ka gjetur një grua të re pas vetëm nëntë vjetësh në burg. Familja e Reeva nuk ka besuar kurrë versionin e ish-atletit, i cili ka thënë gjithmonë se është zgjuar në mëngjes duke menduar se një hajdut po hynte në shtëpi, pa ditur se e dashura e tij ishte në banjë. E vërteta në gjyq është vendosur ndryshe, duke e cilësuar si një vrasje: Pistorius, në kulmin e një grindjeje për xhelozi, ka qëlluar vajzën përmes derës së banjës, duke e vrarë me vetëdije.

Motra e ish-dashurës së vrarë: “Si mund të mbyllësh sytë natën?”

“Shikoj fotot e kësaj gruaje dhe tani më vijnë dridhura – ka thënë Simone për Daily Mail nga shtëpia e saj në Port Elizabeth, Afrikën e Jugut –. Ajo që më trishton është që ngjan kaq shumë me Reevan time. Ka të njëjtin trup, të njëjtën fytyrë dhe të njëjtët flokë, madje edhe të njëjtat sy. A është kaq i sëmurë sa të kërkojë një kopje të saj? Më duket se pas vrasjes së Reeva, ai donte ta zëvendësonte me një tjetër? Pyes veten si mund një grua të mbyllë sytë natën dhe të flejë me një burrë që ka shtënë katër plumba që kanë dëmtuar trupin e një gruaje që ai thoshte se e donte. Ata plumba ishin Black Talon, të cilët janë të paligjshëm për përdorim në kafshë, por ai ka shtënë një në kokën e Reeva dhe tre të tjerë në trupin e saj, duke bërë gjëra të tmerrshme. Si mund ta përqafojë një grua një burrë që e di që ka atë kafshë të fshehur brenda vetes?”

“Kjo më tregon edhe më shumë se ai nuk ka pendim për atë që i bëri Reeva – vazhdoi motra e modeles së vrarë nga Pistorius –. Reeva ishte e magjepsur nga Oscar për tre muajt e parë dhe padyshim që e njëjta gjë ka ndodhur edhe me këtë grua, por më pas ai bëhet gjithnjë e më autoritar. Ai u bë shumë posesiv dhe Reeva donte të largohej, por Oscar nuk e lejoi. Unë gjithmonë do të jem e bindur që atë natë ajo e mbylli lidhjen dhe ai humbi kontrollin. Nëse nuk mund ta kishte më, askush nuk mund ta kishte, prandaj mori armën dhe e qëlloi. E vrau. Ata ishin plumba specialë që shpërthenin kur preknin trupin e njeriut.”

Këshilla për të dashurën e re të Pistorius: “Fli me një sy hapur”

Më pas ka ardhur paralajmërimi për Rita Greyling: “Kjo grua e re e di që një gjykatës e ka shpallur fajtor për vrasje, që do të thotë se duhet ta dijë se ai ka qenë i aftë të bëjë një gjë të tillë ndaj një gruaje, por ajo fle me të? Nuk kam asgjë kundër saj, por do ta paralajmëroj të flejë me një sy hapur. Ai ka brenda vetes mundësinë për të bërë përsëri atë që ka bërë me Reeva dhe nuk dua që kjo të përsëritet. Do të ketë gjithmonë probleme me zemërimin dhe deri diku mund ta kuptoj, pasi ka pasur një fëmijëri shumë të vështirë: i kanë amputuar këmbët që kur ka lindur dhe nëna e tij ka vdekur kur ai ishte 15 vjeç. Babai i tij vdiq dhe ai u shpërngul te xhaxhai, kështu që jeta ka qenë e vështirë për të dhe e kuptoj, por fatkeqësisht zemërimi që ka brenda tij ka shpërthyer dhe ka çuar në një vrasje. E di që si pjesë e lirisë së tij me kusht duhet të ndjekë kurse për menaxhimin e zemërimit dhe për dhunën ndaj grave, por për sa më përket, ai gjithmonë do ta ketë brenda vetes. Jam shumë e tronditur që ai ka zgjedhur një grua që ngjan kaq shumë me Reeva-n time. Nuk mund të mos mendoj se pasi e zhduku një Reeva, mori një tjetër.”

Kush është Pistorius dhe e dashura e tij Rita?

Pistorius u lirua në një valë polemikash më 5 janar, kur iu dha liria me kusht. I njohur si atleti i parë që fitoi një medalje në një garë botërore me atletë të rregullt (argjendi në stafeten 4×400 në Kampionatet Botërore të Taegu në 2011), ai nuk ka pushuar kurrë së thëni se e ka vrarë aksidentalisht 29-vjeçaren Reeva. Tani, në moshën 38 vjeç, po përpiqet të rindërtojë jetën e tij, jeton në një shtëpi të vogël në oborrin e vilës së xhaxhait të tij të pasur Arnold, e cila është e mbrojtur nga roje private, dhe ka një lidhje stabile prej disa muajsh me 33-vjeçaren Rita.

Ajo është një këshilltare e suksesshme biznesi, vajza e një fermeri të pasur dhe të njohur, BP Greyling, një nga figurat më të rëndësishme të botës së bujqësisë në Afrikën e Jugut, si dhe një mikeshë e vjetër e familjes. Një burim pranë Pistorius ka deklaruar: “Ai po përpiqet të rindërtojë jetën e tij në mënyrë diskrete, duke shmangur bare dhe restorante dhe duke qëndruar larg publikut, kalon pa u vënë re. Ai po përpiqet ngadalë të ribashkohet me shoqërinë, por e bën këtë përmes familjeve me të cilat është i lidhur për dekada.”

The post I vrau të motrën, këshillë të dashurës së re të Pistorius: “Si mund të flesh me të?” appeared first on Lapsi.al.

Nënkryetarja e Partisë Socialdemokrate, Anke Rehlinger e sheh partinë e saj SPD të pozicionuar mirë për zgjedhjet e parakoshme parlamentare më 23 shkurt me Olaf Scholz si kandidat për kancelar. Partia ka një bazë të mirë tani, për të qenë fituese në zgjedhje, tha Rehlinger për RBB. “Olaf Scholz është kancelar dhe duhet të qëndrojë […]

The post Zgjedhjet e parakohshme në Gjermani, DW: Pas vendosjes së kandidaturës pro Scholzit SPD kërkon unitet appeared first on FaxWeb.