Buxheti i viteve 2026-2028 do të fokusohet tek mbrojtja dhe pensionet. Programi afatmesëm i botuar në Fletoren Zyrtare projekton rritje progresive të fondeve që do të jepen për Ministrinë e Ekonomisë për politikat e pensioneve dhe Ministrinë e Mbrojtjes për angazhimet në rritje për buxhetin e NATO-s.

Në vitin 2026 vjen buxheti për insititucionet do të jëtë 4.8 miliardë dhe Ministria e Ekonomisë do të marrë afro 700 mln euro nga 570 që menaxhon këtë vit, ndërsa buxheti i mbrojtjes nga 520 milionë euro do të rritet në 607 milionë euro deri në vitin 2028.

Ministria e Shëndetësisë, e cila ka edhe pjesën kryesore të buxhetit, do të ketë një rritje të lehtë, nga 800 milionë euro në 820 milionë euro në 2028.

Ndërsa buxheti i infrastrukturës do të organizohet me planin e projekteve, pasi nga 690 milionë euro, fillimisht do të rritet në 760 milionë euro dhe më pas të ulet në 715 milionë euro në vitin 2028.

Ndërkohë nga ana tjetër, bie në sy reduktimi i buxhetit për drejtësinë e në veçanti për SPAK. Për Prokurorinë e Posaçme, buxheti do të faturojë 18 mln euro në vit, nga 23 që ka dhënë gjatë viteve të fundit, pritet të reduktohet me 5 mln euro.

The post Qeveria rrit buxhetin për pensionet dhe mbrojtjen/ Shkurtime për SPAK-un appeared first on Sot News | Lajme.

Gjatë 24 orëve të fundit janë raportuar 16 vatra zjarri, nga të cilat 4 mbeten ende aktive. Këto vatra janë evidentuar në bashkitë e Elbasanit, Finiqit, Tiranës, Vorës, Durrësit, Fierit, Kuçovës, Poliçanit, Hasit, Vaut të Dejës, Matit dhe Mirditës. Vatrat aktive janë si më poshtë: * Bashkia Elbasan: Në vendgrumbullimin e mbetjeve vijon puna për […]

The post Situata e zjarreve në vend, ministria e Mbrojtjes: Në 24 orë u raportuan 16 vatra, 4 ende aktive appeared first on FaxWeb.

TIRANË, 1 korrik /ATSH/ Ministri i Mbrojtjes, Pirro Vengu ka deklaruar në një intervistë televizive se, Shqipëria, me shtimin e buxhetit për Mbrojtjen, si pjesë e një marrëveshjeje të dakordësuar me Aleancën e NATO-s, do të shkojë drejt prodhimit të dronëve luftarakë.

Ai tha se vendi ynë është në negociata me vende si Izraeli, Turqia dhe Emiratet e Bashkuara Arabe.

Vengu nënvizoi se janë hapur nëntë negociata ku vetëm dy prej tyre janë përfunduar.

“Ne duam që të sigurojmë që shpenzimet në blerje armatimi t’i shpenzojmë që ai të prodhohet në vendin tonë dhe këto të kthen në investim për vlerë të shtuar në vendin tonë. Do prodhojmë mjete të blinduara, për rijetëzimin e industrisë ushtarake, kemi nëntë negociata në proces, dy janë përfunduar me sukses sa i përket mjeteve ushtarake. Dhe kemi një negociatë të përmbyllur për uniformat. Kemi negociata në proces për municionet të kalibrit të vogël dhe të mesëm. Po ashtu jemi në negociata me prodhimin e dronëve luftarakë në Shqipëri. Kemi negociata me vende si Izraeli, Turqia dhe nga Emiratet e Bashkuara Arabe”, tha ai.

Ministri tha se do të ketë një dyfishim të buxhetit të mbrojtjes.

Teksa komentoi edhe samitin e NATO-s në Hagë, ai tha se presidenti i SHBA, Donald Trump rikonfirmoi nenin 5 të NATO-s, i cili thotë se kur një vend i NATO-s sulmohet, atëherë futen në luftë edhe vendet e tjera.

“Trump rikonfirmoi në samit Nenin 5 dhe gatishmërinë e lidershipit amerikan sa i përket angazhimeve që burojnë nga ky nen. Është evidente në të gjithë deklaratën e samitit dhe kemi edhe një nen tjetër neni 3 që është detyrimi i aleatëve që të krijojnë kapacitete vetëmbrojtëse, ky ka qenë argumenti i palës amerikane për rritjen e buxhetit të mbrojtjes dhe sigurisë me 5%. Pati një vendimmarrje unanime nga të gjitha aleatët. Ne kemi sot 2,01 të GDP të dedikuar për mbrojtjen dhe ajo që kërkohet nga deklarata e samitit është rënë dakord që në 10 vite të rritet në 3,5% të PPB. 3,5 në 10 vite është rritje e buxhetit 0,15% vit më vit pra po shkojmë drejt një dyfishimi i buxhetit aktual dedikuar për mbrojtjen”, tha ai.

Teksa u ndal te situata e zjarreve në vend, ministri Vengu u shpreh se, në shumicën e rasteve kanë arritur që të shuajnë zjarret dhe se ato janë të qëllimshme.

Ai tha se do të ketë edhe avion që do të vihen në dispozicion të emergjencave civile, për të bërë të mundur përballimin e situatës nga zjarret në vend.

“Vitet e fundit kemi pasur një rritje të buxheti për kapacitet operacionale, kemi katër helikopterë që bëjnë ndërhyrje nga ajri, brigadat e emergjencave civile që janë në dispozicion dhe forcat e armatosura. Ne po investojmë që bashkitë të fuqizohen me mjete dhe me pajisje.  Në dy javët e fundit kemi 50 zjarre në ditë, ku shumica dërrmuese janë të qëllimshme. Ne mesatarisht rezulton që shumica shuhen dhe ku ka kërcënim të banesave, ndërhyjmë. Deri tani kemi arritur t’i mbijetojmë me kujdes, patjetër që ka të bëjë dhe ndërgjegjësimi i qytetarëve. Jemi duke bërë një blerje për luftimin e zjarreve. Do kemi një avion ku do të përdoren për emergjencat civile apo situatave të kësaj natyre”, u shpreh ministri Vengu.

Vengu foli edhe lidhur me investimin në Portin e Durrësit.

“Investimi për Portin e Durrësit fillon këtë vit. Janë duke u finalizuar procedurat dhe është investim që i shërben edhe qëndrueshmërisë ushtarake”, tha ai.

Ministri tha se kanë nisur tashmë edhe përgatitjet për samitin e NATO-s që do të mbahet në Shqipëri në vitin 2027.

Vengu theksoi se, ende nuk është përcaktuar qyteti se ku do të zhvillohet samiti.

“Përgatitjet kanë nisur prej kohësh, ekipi shqiptar ka qenë i përfshirë edhe në organizimin e samitit në Hagë dhe ky vendim reflekton edhe një besim sa i përket rolit që ka Shqipëria në rajon dhe është një grup i ndërtuar nga shumë institucione dhe është një përfshirje gjithështetërore dhe jemi duke vlerësuar vendin dhe infrastrukturën e nevojshme dhe masat që duhet që të merren. Nuk është përcaktuar vendi ende. Por tradita është që bëhen në kryeqytete”, tha ai.

/gj.m//a.f//r.e/

The post Vengu: Dyfishim i buxhetit të mbrojtjes, do të prodhojmë dronë luftarakë e mjete të blinduara appeared first on Agjencia Telegrafike Shqiptare.

TIRANË, 29 qershor /ATSH/ Ministria e Mbrojtjes njofton se nga 58 vatra zjarri të  raportuara gjatë 24 orëve të fundit, vetëm 1 ka mbetur aktive.

Nga raportimet në Qendrën Kombëtare Operacionale të Emergjencave Civile, 8 vatra zjarri janë raportuar në qarkun e Lezhës, të cilat janë shuar brenda pak orësh. Mbetet aktive vatra e zjarrit në një sipërfaqe pyjore me pishë dhe bimësi të përzier, në fshatin Markatomaj, njësia administrative Zejmen, bashkia Lezhë. Në vendngjarje kanë shkuar 4 automjete zjarrfikëse me personelin përkatës dhe banorë të zonës të cilët kanë punuar dhe izoluar vatrën e zjarrit rreth orës 05:45.  Vijon puna për shuarjen për shuarjen e trungjeve brenda sipërfaqes së përshkuar nga zjarri, të cilët të ndihmuar nga era vetëndizen herë pas here.

Në qarkun e Beratit janë raportuar 5 vatra aktive, gjatë 24 orëve të fundit, të cilat janë arritur të neutralizohen.

Në qarkun e Gjirokastrës janë shuar 2 vatrat e raportuara, gjatë orëve të fundit.

Edhe në qarkun e Fierit janë shuar të 8 vatrat e zjarrit të raportuara, kryesish në sipërfaqe me shkurre dhe bimësi.

Në qarkun e Elbasanit u arritën të neutralizohen 3 vatrat e zjarrit në sipërfaqe me bimësi në fshatin Petresh, Labinot Fushë dhe Kodër Bujaras.

Në qarkun e Tiranës janë raportuar 12 vatra zjarri, në bashkitë Tiranë, Kavajë, Rogozhinë, të cilat kryesisht kanë qenë në sipërfaqe me bimësi. Të gjitha këto vatra janë neutralizuar në kohë. Një prej vatrave të zjarrit u raportua në shtëpinë e fëmijëve “Zyber Hallulli”, në një dhomë në katin e katërt të godinës. Zjarri u shua brenda pak minutave, ndërsa pati vetëm dëme materiale.

Në qarkun e Durrësit u raportuan 5 vatra zjarri, të cilat gjithashtu u izoluan nga forcat në terren.

Nga 2 vatra u raportuan në qarqet Shkodër e Korçë dhe 3 vatra në Vlorë. Të gjitha janë neutralizuar në kohë të shpejtë.

Por si pasojë e këtyre zjarreve janë djegur rreth 32 ha sipërfaqe me bimësi, por edhe një sipërfaqe e konsiderueshme me lis, arra, dhe rrënjë ulliri.

Në operacionet për shuarjen e zjarreve u angazhuan 85 automjete zjarrfikëse, 557 forca operacionale, 1 automjet zjarrfikës me 5 efektivë dhe 1 helikopter nga Forcat e Armatosura.

Sipas parashikimeve të Institutit të Gjeoshkencave, për ditën e sotme pritet nivel rrezik “I LARTË” në qarqet Lezhë, Durrës, Tiranë dhe Fier, ndërsa në qarqet e tjerë pritet nivel rrezik “I MODERUAR”.

Të gjitha strukturat e Mbrojtjes Civile mbeten të angazhuara në monitorim të situatës për shkak të temperaturave të larta.

U bëjmë thirrje të gjithë qytetarëve të jenë të kujdesshëm gjatë këtyre ditëve të nxehta dhe të kërkojnë ndihmën e strukturave vendore në çdo rast nevoje.

/a.f/

The post Në 24 orë u shuan 57 vatra zjarri, vetëm një mbetet aktive appeared first on Agjencia Telegrafike Shqiptare.

Deri në vitin 2035, shtetet anëtare synojnë të shpenzojnë pesë përqind të prodhimit të tyre ekonomik përkatës për mbrojtje çdo vit. Kjo u deklarua në deklaratën përfundimtare të samitit të NATO-s në Hagë. Presidenti i SHBA-së Donald Trump i përshkroi rezultatet e samitit si një moment historik, duke thënë se ai do të mbetet në histori si “Angazhimi i mbrojtjes i Hagës”.

Në deklaratën përfundimtare të samitit të tyre në Hagë, shtetet e NATO-s u zotuan të arrinin objektivin e ri të investimit, deri në vitin 2035, të 5% të Produktit të tyre të Brendshëm Bruto (PBB) në mbrojtje dhe “shpenzime të lidhura me mbrojtjen dhe sigurinë”, një nivel që nuk është arritur që nga Lufta e Ftohtë. Deri tani, objektivi ishte 2%.

Sekretari i Përgjithshëm i NATO-s Mark Rutte pranoi se një rritje e tillë nuk do të kishte qenë e mundur pa presionin e Presidentit të SHBA-së Donald Trump. Rutte e vlerësoi republikanin për arritjen e “asaj që asnjë president amerikan nuk e ka arritur në dekada”.

“Aleanca më e fortë në histori”

Kështu, shpërbërja e Aleancës së Atlantikut të Veriut, për të cilën u druajtën shumë njerëz pas fitores në zgjedhje të Trumpit në vitin 2024, duket se është shmangur.

Trump
Trumpi e pranoi shprehimisht detyrimin për të ndihmuar: “Unë e mbështes këtë, prandaj jam këtu”, tha ai në Hagë. “Nëse nuk do ta mbështesja këtë, nuk do të isha këtu.” Sipas detyrimit për ndihmë të ndërsjellë të NATO-s, në bazë të Nenit 5 të Traktatit të Atlantikut të Veriut, një aleat mund të mbështetet në mbështetjen e të tjerëve: një sulm kundër një anëtari të NATO-s do të konsiderohet një sulm kundër të gjithëve.

Në deklaratën përfundimtare, NATO përshkruhet si “aleanca më e fortë në histori”. Ajo mbetet e bashkuar dhe e vendosur për të mbrojtur miliona qytetarë që jetojnë brenda aleancës.

Në të kaluarën, Trumpi kishte krijuar pasiguri nëse Shtetet e Bashkuara mbeteshin të përkushtuara ndaj marrëveshjes themelore të NATO-s. Gjatë fushatës zgjedhore, ai madje kërcënoi të ndihmonte vetëm ato vende që, sipas mendimit të tij, shpenzonin mjaftueshëm për mbrojtje. Megjithatë, në Hagë, Trumpi e quajti marrëveshjen mbi objektivin e shpenzimeve që ai vetë e kishte propozuar “të jashtëzakonshme”.

Friedrich Merz: “Askush të mos guxojë të sulmojë NATO-n, askund”

Kancelari gjerman Friedrich Merz e quajti samitin “historik” dhe theksoi se Gjermania nuk do të rrisë shpenzimet e mbrojtjes për shkak të Trumpit, por për shkak të situatës aktuale të rrezikshme. “Rusia nuk kërcënon vetëm Ukrainën; Rusia kërcënon të gjithë paqen, të gjithë rendin politik të kontinentit tonë”.

Merz
Merz theksoi se partnerët evropianë të NATO-s, në veçanti, duhet të “bëjnë më shumë në vitet e ardhshme” për të siguruar aftësitë e tyre mbrojtëse. Megjithatë, Spanja dhe Sllovakia njoftuan se nuk ndiheshin të detyruar të përmbushnin objektivin prej 5%, pavarësisht se kishin miratuar deklaratën përfundimtare.

Presidenti ukrainas Volodymyr Zelensky, i cili mori pjesë në samit si i ftuar, luajti vetëm një rol mbështetës në këtë rast. Në deklaratën përfundimtare, solidariteti me Ukrainën kufizohet në një fjali: “Aleatët riafirmojnë angazhimet e tyre të përhershme kombëtare për të mbështetur Ukrainën, siguria e së cilës kontribuon në sigurinë tonë.”

Vitin e kaluar, NATO premtoi 40 miliardë euro ndihmë për Ukrainën dhe u zotua ta mbështesë atë në “rrugën e saj të pakthyeshme” drejt anëtarësimit në NATO. Ky formulim i fundit, i cili ishte jashtëzakonisht i rëndësishëm për Ukrainën, është hequr nga deklarata. Kryeministri hungarez Viktor Orbán ishte veçanërisht i qartë: “NATO nuk ka punë në Ukrainë.” /DW

The post Si i detyroi Donald Trump vendet e NATO-s të rrisin shpenzimet 5% për Mbrojtjen appeared first on Sot News | Lajme.

Liderët e vendeve anëtare të Organizatës së Traktatit të Atlantikut Verior (NATO) pritet të pajtohen për objektivin e ri të madh për shpenzime në mbrojtje në një samit të aleancës që mbahet të mërkurën në Hagë. Kërkesa për rritje të shpenzimeve vjen nga presidenti amerikan, Donald Trump. Ata pritet të pajtohen që vendet anëtare të NATO-s të shpenzojnë 5 për qind të prodhimit të tyre të brendshëm bruto – në mbrojtje dhe për investime të lidhura me mbrojtjen dhe sigurinë.

Kjo është rritje e konsiderueshme, në krahasim me synimin aktual prej 2 për qind, që është miratuar në samitin e aleancës në Uells më 2014. Por, targeti i ri do të matet ndryshe. Vendet anëtare të NATO-s pritet të shpenzojnë 3.5 për qind të prodhimit të brendshëm bruto në mbrojtje, përfshirë armët dhe trupat ushtarake. Pjesa tjetër prej 1.5 për qind fokusohet në investime të lidhura me sigurinë – sikurse adaptimi i rrugëve, urave dhe porteve për pajisje ushtarake, në siguri kibernetike dhe mbrojtje të gazsjellësve të energjisë. E jashtëzakonshme për shumicën prej tyre.

Janë 22 vende të aleancës me 32 anëtarë që shpenzuan 2 për qind të prodhimit të brendshëm bruto apo më tepër në mbrojtje gjatë vitit të kaluar. Në tërësi, vendet anëtare kanë shpenzuar vitin e kaluar 2.61 të prodhimit të brendshëm bruto të NATO-s në mbrojtje, sipas vlerësimeve të aleancës. Mirëpo, kjo shifër ndryshon nëse analizohen vendet individualisht. Për shembull, Polonia shpenzon më shumë se 4 për qind të prodhimit të brendshëm bruto në mbrojtje, duke e renditur këtë shtet të parin në këtë drejtim. Në fund të listës është Spanja me 1.3 për qind.

Më 2035. Objektivi mund të ndryshohet pas një rishikimi që planifikohet të bëhet më 2029. Është e vështirë që të saktësohet me numra, sepse gjithçka do të varet se sa të mëdha do të jenë këto ekonomi në të ardhmen. Po ashtu, NATO-ja aktualisht nuk i mat shpenzimet në kategorinë e mbrojtjes dhe të investimeve në sektorin e sigurisë – prandaj nuk ekziston një vlerë fillestare e krahasimit. Por, vendet e NATO-s kanë shpenzuar mbi 1.3 trilion dollarë në mbrojtje më 2024, në krahasim me gati 1 trilion me çmimet e vitit 2021. Nëse të gjitha vendet e NATO-s do të shpenzonin 3.5 për qind të prodhimit të brendshëm bruto në mbrojtje vitin e kaluar, shifra do të shkonte në 1.75 trilion dollarë.

Kjo do të thotë se arritja e objektivit mund të nënkuptojë qindra miliarda dollarë më shumë në vit, në krahasim me shpenzimet aktuale. Lufta e Rusisë në Ukrainë, shqetësimet për një kërcënim potencial nga Rusia në të ardhmen dhe presioni amerikan, i kanë shtyrë kryeqytetet evropiane që t’i rrisin shpenzimet në mbrojtje dhe të planifikojnë rritje edhe më të madhe në të ardhmen.

“Rusia mund të jetë e gatshme të përdorë forcë ushtarake kundër NATO-s brenda pesë vjetëve”, ka thënë Sekretari i Përgjithshëm i NATO-s, Mark Rutte më herët gjatë muajit.

Evropa është duke u përgatitur, gjithashtu, për mundësinë që nën udhëheqjen e presidentit Trump, Shtetet e Bashkuara do t’i tërheqin disa trupa ushtarake nga Evropa.

“Amerika nuk mund të jetë në çdo vend gjatë gjithë kohës, dhe as nuk duhet të jetë”, ka thënë Sekretari amerikan i Mbrojtjes, Pete Hegseth më herët gjatë vitit.

NATO-ja është pajtuar këtë muaj për kapacitete të reja ushtarake – për trupat ushtarake, njësitet ushtarake, armët, dhe pajisjet që NATO-ja beson se secili shtet duhet t’i ketë për të mbrojtur veten dhe aleancën. Këto targete janë konfidenciale, mirëpo Rutte ka thënë se shtetet janë pajtuar që duhet investuar më tepër në “mbrojtje ajrore, aeroplanë luftarakë, tanke, dronë, personel dhe logjistikë”.

Jo. Kryeministri spanjoll, Pedro Sanchez ka thënë se shteti i tij mund t’i përmbushë objektivat ushtarake duke shpenzuar vetëm 2.1 për qind të prodhimit të brendshëm bruto. Qeveria e tij e ka miratuar një draft-deklaratë përmes së cilës përcakton se nuk synon të shpenzojë më shumë. Disa analistë kanë thënë se ka shtete që janë shprehur të gatshme për t’i rritur shpenzimet, ndonëse nuk do të kenë kapacitete.

Aleatët e NATO-s ndajnë një pjesë shumë më të vogël të ekonomisë së tyre për mbrojtje, në krahasim me Rusinë, mirëpo së bashku, ato shpenzojnë shumë më tepër sesa Moska. Shpenzimet e Rusisë në ushtri janë rritur për 38 për qind më 2024, duke arritur në 149 miliardë apo 7.1 për qind e l prodhimit të brendshëm bruto, sipas Institutit të Stokholmit për Kërkime Ndërkombëtare të Paqes (SIPRI).

Kina, shteti i dytë më i madh në botë për shpenzime ushtarake, vlerësohet të ketë ndarë 1.7 për qind të prodhimit të brendshëm bruto në këtë drejtim, sipas SIPRI-it. Në vendet anëtare të NATO-s, mbrojtja e zë një hapësirë të vogël në buxhetet shtetërore. Shpenzimet ushtarake përbënin 3.2 për qind të shpenzimeve qeveritare në Itali, 3.6 për qind në Francë dhe 8.5 për qind në Poloni më 2023, sipas të dhënave të SIPRI-t. Në Rusi, atë vit, shpenzimet ushtarake përbënin 19 për qind të shpenzimeve qeveritare./ REL

The post Çfarë do të thotë objektivi i ri i NATO-s për shpenzime në mbrojtje? appeared first on Lapsi.al.

Ambasada Amerikane në Tiranë ka ndarë në rrjetet sociale një postim ku thekson ndikimin që do të ketë investimi i 5% të Prodhimit të Brendshëm Bruto në mbrojtje.

Teksa në Hagë zhvillohet samiti dyditor i NATO-s, ambasada shprehet se, nën udhëheqjen e Donald Trump, 32 aleatët pritet të marrin vendime të rëndësishme.

Në postim theksohet se investimi prej 5% në mbrojtje do të ketë ndikim edhe përtej ushtrisë.

Ambasada e Shteteve të Bashkuara në Tiranë ka theksuar përmes këtij postimi rëndësinë e investimeve në mbrojtje. Sipas saj, presidenti amerikan Donald Trump ka luajtur një rol kyç në këtë drejtim:

“Nën udhëheqjen e Presidentit Trump, 32 aleatë pritet të marrin vendime të rëndësishme dhe me ndikim të gjerë. Investimi i 5% të PBB-së në mbrojtje do të na bëjë më të fortë, por ndikimi i tij shkon përtej ushtrisë,” shkruan Ambasada Amerikane në Tiranë.

Postimi i plotë Ambasadës Amerikane

Nën udhëheqjen e Presidentit Trump, 32 aleatë pritet të marrin vendime të rëndësishme dhe me ndikim të gjerë. Investimi i 5% të PBB-së në mbrojtje do të na bëjë më të fortë, por ndikimi i tij shkon përtej ushtrisë.Na ndiqni për më shumë.

Samiti dyditor i NATO-s në Hagë ka nisur sot dhe ka për qëllim t’i dërgojë një mesazh presidentit të Rusisë, Vladimir Putin, se Aleanca është e bashkuar, pavarësisht kritikave të mëparshme të presidentit amerikan, Donald Trump, ndaj saj, dhe se është e vendosur ta zgjerojë dhe përmirësojë mbrojtjen për të frenuar çdo sulm nga Moska. Samiti dhe deklarata përfundimtare e tij do të jenë të shkurtra dhe të përqendruara në përgjigjen ndaj thirrjes së Trump për të shpenzuar 5 për qind të Prodhimit të Brendshëm Bruto, një rritje e madhe nga pragu i tanishëm prej 2 për qind.

Aleatët evropianë nuk duhet të shqetësohen për përkushtimin e Shteteve të Bashkuara ndaj NATO-s, tha të martën Mark Rutte, shefi i aleancës ushtarake, duke folur para një samiti ku pritet të miratohet një synim i ri për shpenzime të mëdha.

Rutte e përshkroi çështjen e shpenzimeve si një pengesë dhe irritim të madh, për faktin se ne nuk po shpenzojmë sa duhet si evropianë dhe kanadezë, dhe ata duan që të barazohemi me atë që shpenzon SHBA-ja. Samiti i NATO-s është i pari në të cilin merr pjesë Presidenti i SHBA-së, Donald Trump, që kur ai mori detyrën në janar për mandatin e tij të dytë.

The post Ambasada Amerikane në Tiranë: 5% e PBB-së në mbrojtje do forcojë sigurinë kombëtare appeared first on Euronews Albania.

Kancelari gjerman, Friedrich Merz ka paralajmëruar se presidenti i Rusisë, Vladimir Putin e kupton vetëm gjuhën e forcës dhe që samiti “historik” i NATO-s, që nis të martën në Hagë, synon të garantojë paqen në Evropë për gjeneratat e ardhshme.

Merz i ka thënë Parlamentit të Gjermanisë disa orë para samitit se Putini vazhdon të jetë i vendosur që Ukraina duhet të jetë pjesë e Rusisë.

Ai është zotuar se Berlini do të paguajë “pjesën që i takon” për të mbrojtur Evropën.

Presidenti amerikan, Donald Trump është rrugës për në Hagë, për të marrë pjesë në samitin e parë të NATO-s prej vitit 2019, ku liderët pritet të zotohen se do të shpenzojnë 3.5 për qind të bruto prodhimit të brendshme në mbrojtje dhe 1.5 për qind shtesë në infrastrukturë të përafërt.

LEXONI GJITHASHTU:

• Trump mbërrin në Amsterdam për samitin e NATO-s
• Zyrtari rus: Pezullimi i eksporteve të armëve nga Serbia do të verifikohet në terren

The post Gjermania zotohet, do paguajë pjesën që i takon për mbrojtje të Evropës appeared first on Euronews Albania.

Kancelari gjerman, Friedrich Merz ka paralajmëruar se presidenti i Rusisë, Vladimir Putin e kupton vetëm gjuhën e forcës dhe që samiti “historik” i NATO-s, që nis të martën në Hagë, synon të garantojë paqen në Evropë për gjeneratat e ardhshme.

Merz i ka thënë Parlamentit të Gjermanisë disa orë para samitit se Putini vazhdon të jetë i vendosur që Ukraina duhet të jetë pjesë e Rusisë.

Ai është zotuar se Berlini do të paguajë “pjesën që i takon” për të mbrojtur Evropën.

Presidenti amerikan, Donald Trump është rrugë për në Hagë, për të marrë pjesë në samitin e parë të NATO-s prej vitit 2019, ku liderët pritet të zotohen se do të shpenzojnë 3.5 për qind të bruto prodhimit të brendshme në mbrojtje dhe 1.5 për qind shtesë në infrastrukturë të përafërt.

Para nisjes së samitit, Sekretari i Përgjithshëm i NATO-s, Mark Rutte u ka thënë kolegëve evropianë që të mos shqetësohen për përkushtimin amerikan ndaj aleancës perëndimore dhe të fokusohen në investim në mbrojtje dhe që të mbështesin Ukrainën.

Ai ka insistuar se presidenti amerikan dhe lidershipi i lartë janë të “përkushtuar plotësisht” në NATO.

Rutte ka thënë se Evropa dhe Kanadaja tashmë janë zotuar për të ndarë mbi 35 miliardë dollarë si ndihmë për Ukrainën këtë vit.

Dhjetë njerëz janë vrarë në sulmet ruse në Ukrainë të martën, ndërsa kancelari gjerman ka thënë se secili tentim për të dërguar Rusinë në tavolinën e negociatave ka qenë i pasuksesshëm.

Sulmet raketore në qytetin lindor Dnjipro dhe në qytezën e afërt Samar, kanë lënë të vrarë 11 persona dhe kanë plagosur 150 të tjerë, sipas shefit rajonal, Serhiy Lysak.

Një numër fëmijësh janë plagosur në sulmin në Dnjipro, pasi raketa e ka dëmtuar një kopsht fëmijësh dhe një tren pasagjerësh.

Një tjetër sulm raketor në Sumi ka lënë të vrarë tre persona, përfshirë një fëmijë.

Presidenti ukrainas, Volodymyr Zelensky ka arritur në Hagë dhe pritet të takohet me presidentin amerikan, Donald Trump në margjina të samitit të NATO-s.

Ky do të jetë takimi i tyre i parë prej takimit të zhvilluar në prill në Vatikan, në ditën e funeralit të Papa Françeskut.

REL

The post Gjermania: Do të paguajmë pjesën që na takon për mbrojtjen e Europës appeared first on Lapsi.al.

TIRANË, 21 qershor /ATSH/ Ministri i Mbrojtjes, Pirro Vengu, ka zhvilluar një vizitë pune në qytetin e Shkodrës, ku është takuar me drejtues vendorë për të diskutuar mbi përforcimin e kapaciteteve të reagimit në raste emergjencash dhe rritjen e sigurisë në zonat e thella të qarkut.

Në një postim në rrjetet sociale, ministri Vengu theksoi angazhimin e Ministrisë së Mbrojtjes dhe Agjencisë Kombëtare të Mbrojtjes Civile për ndërtimin e një sistemi funksional dhe të qëndrueshëm të reagimit emergjent, si në nivel lokal ashtu edhe kombëtar.

Një nga projektet kryesore të prezantuara është krijimi i Qendrës Rajonale të Emergjencave Civile për qarkun e Shkodrës, që do të shërbejë si pikë koordinuese për reagim të shpejtë dhe efikas në rast fatkeqësish natyrore ose situatash të jashtëzakonshme.

“Jemi të përkushtuar për përmirësimin e infrastrukturës parandaluese dhe për rritjen e pranisë së Forcave të Armatosura në territor”, tha Vengu, duke shtuar se bashkëpunimi ndërinstitucional dhe afrimi i strukturave të sigurisë pranë komuniteteve mbetet një prioritet për sezonin veror dhe më tej.

1 nga 11

The post Vengu: Krijojmë Qendër Rajonale të Emergjencave Civile në Shkodër appeared first on Agjencia Telegrafike Shqiptare.

BRUKSEL, 19 qershor /ATSH/- Qeveritë e Bashkimit Evropian kanë arritur një marrëveshje mbi një skemë të BE-së prej 1,5 miliardë eurosh (1,73 miliardë dollarë) – për të financuar investimet në mbrojtje – megjithëse disa vende u ankuan se dispozitat e “Blerjes së Produkteve Evropiane” ishin shumë kufizuese, thanë dje në mbrëmje diplomatët, raportoi “Reuters”.

Qeveritë kanë patur mosmarrëveshje për më shumë se një vit – lidhur me propozimin e Komisionit Evropian për një Program Industrial të Mbrojtjes Evropiane (EDIP) – pjesë e një përpjekjeje më të gjerë për t’u riarmatosur – të nxitur nga pushtimi rus në Ukrainë, në vitin 2022.

Gjatë diskutimeve, Franca kërkoi rregulla të rrepta për të nxitur industrinë evropiane, ndërsa vende të tilla si Holanda argumentuan se nevojitej më shumë fleksibilitet për të blerë armë nga Shtetet e Bashkuara të Amerikës, Britania e Madhe dhe vende të tjera.

Sipas marrëveshjes përfundimtare, të paktën 65% e kostove të komponentëve të një artikulli të financuar – sipas skemës – duhet të kishte origjinën në BE ose në disa vende të asociuara, me disa përjashtime.

“Liderët nga 27 vendet e BE-së pritet ta miratojnë marrëveshjen të hënën”, thanë diplomatët në kushte anonimiteti.

Më pas, do të jetë subjekt i negociatave me Parlamentin Evropian përpara se të hyjë në fuqi.

“Ne e mbështesim plotësisht qëllimin e rritjes së sigurisë dhe qëndrueshmërisë evropiane përmes rritjes së bashkëpunimit dhe investimeve në mbrojtje”, thanë në një deklaratë të përbashkët, grupi prej 10 vendesh – Holanda, Estonia, Letonia, Lituania, Republika Çeke, Bullgaria, Rumania, Kroacia, Sllovakia dhe Finlanda.

“Megjithatë, ne përballemi me një kërcënim urgjent ndaj territorit dhe interesave evropiane”, thuhet në deklaratë.

Ata thanë se industria mbrojtëse e BE-së “varet ende – veçanërisht në afat të shkurtër dhe të mesëm – nga komponentët kritikë, teknologjitë dhe njohuritë nga vendet e treta me të njëjtat mendime, në veçanti aleatët transatlantikë”.

Pavarësisht kundërshtimeve të tyre, vendet thanë se nuk donin të pengonin fillimin e negociatave me Parlamentin Evropian.

Zyrtarët e BE-së thanë se buxheti prej 1,5 miliardë eurosh për programin në sektorin e mbrojtjes ishte modest – por kriteret u kundërshtuan ashpër pasi ai mund të sigurojë fonde më të mëdha në të ardhmen. //a.i/

The post BRUKSEL – BE arrin marrëveshje për investimet në mbrojtje appeared first on Agjencia Telegrafike Shqiptare.

Temperaturat e larta dhe rrezet e diellit intensive mund të shkaktojnë probleme të shumta me lëkurën, prandaj është e rëndësishme të dini se si të kujdeseni dhe të mbroni atë. Ja disa këshilla kryesore për të mbrojtur lëkurën tuaj nga dielli gjatë verës:

-Përdorni gjithmonë krem kundër diellit

Zgjidhni një krem me SPF 30 ose më të lartë dhe që mbron si ndaj rrezeve UVA dhe UVB. Aplikojeni 30 minuta para ekspozimit në diell dhe riaplikojeni çdo 2 orë, ose pas larjes dhe djersitjes.

-Qëndroni në hije gjatë orëve të pikut

Rrezet e diellit janë më të forta midis orës 10:00 – 16:00. Kufizoni ekspozimin direkt në diell në këtë interval dhe zgjidhni ambiente të freskëta ose me hije.

-Vishni rroba të lehta

Zgjidhni rroba të lehta, me mëngë të gjata dhe nga materiale që frymojnë. Përdorni një kapelë me strehë të gjerë për të mbrojtur fytyrën, veshët dhe qafën. Mos harroni edhe syzet e diellit me filtra UV për të mbrojtur sytë.

-Hidratohuni vazhdimisht

Dielli dhe nxehtësia mund të shkaktojnë dehidrim, i cili ndikon edhe në lëkurë. Pini shumë ujë gjatë ditës, sidomos nëse jeni në plazh apo nën diell. Nëse ndjeni që po skuqeni, largohuni menjëherë nga dielli dhe freskohuni.

The post Si të mbroni lëkurën nga rrezet e diellit gjatë verës, 4 këshillat kryesore që duhet të ndiqni appeared first on Sot News | Lajme.

TIRANË, 12 qershor/ATSH/ Strukturat e mbrojtjes civile zhvilluan në Gjirokastër stërvitjen “Reagimi ndaj zjarreve masive 2025”, ku demonstruan angazhimin maksimal për të qenë të përgatitura për sezonin e verës.

Ministri i Mbrojtjes, Pirro Vengu ndau sot në rrjetet sociale momente nga kjo stërvitje.

“Falë bashkëpunimit ndërinstitucional dhe mbështetjes nga UNDP dhe partnerët ndërkombëtarë, ky trajnim është një test i rëndësishëm i gatishmërisë operacionale, në një kohë kur rreziku nga zjarret është në rritje për shkak të ndryshimeve klimatike dhe ndërhyrjeve të pakujdesshme njerëzore në shumë raste”, theksoi Vengu.

Vengu u shpreh se “90% e zjarreve shkaktohen nga faktori njeri, ndaj kujdesi dhe ndërgjegjësimi janë vendimtarë”.

“Vigjilenca dhe përgjegjësia janë arma më e fortë kundër fatkeqësive natyrore”, tha Vengu.

Ministria e Mbrojtjes dhe Agjencia Kombëtare e Mbrojtjes Civile vijojnë punën për forcimin e kapaciteteve parandaluese dhe reagimin e shpejtë në terren.

/k.s/j.p/

The post “Reagimi ndaj zjarreve masive”, strukturat e mbrojtjes civile stërvitje në Gjirokastër appeared first on Agjencia Telegrafike Shqiptare.

Italia ka rikonfirmuar mbështetjen e saj për rritjen e shpenzimeve të mbrojtjes brenda kuadrit të partneritetit evropian dhe ka bërë thirrje për një armëpushim të përkohshëm në Ukrainë për të lehtësuar fillimin e negociatave të paqes me Rusinë.

Deklarata u bë nga ministri i Jashtëm italian, Antonio Tajani, gjatë një konference informative në Romë, sipas raportimeve të korrespondentit të UNN.

“Italia synon arritjen e një armëpushimi për të paktën 30 ditë, që do të krijonte hapësirë për negociata konstruktive mes Ukrainës dhe Rusisë,” tha Tajani. Ai shtoi se Italia është angazhuar në mënyrë aktive për të gjetur një zgjidhje diplomatike që do të sillte stabilitet afatgjatë në rajon.

Në të njëjtën kohë, qeveria italiane po intensifikon përpjekjet për të rritur shpenzimet e saj për mbrojtjen, në përputhje me kërkesat e NATO-s dhe në bashkëpunim me vendet e tjera të Bashkimit Evropian.

“Diskutuam çështje kyçe që lidhen me mbrojtjen evropiane dhe bashkëpunimin mes vendeve anëtare. Të gjithë besojmë në rëndësinë e këtij bashkëpunimi. Jam optimist dhe besoj se do të arrihet një marrëveshje e rëndësishme që do ta kthejë samitin e ardhshëm të AIA-s në një sukses të madh,” deklaroi ministri.

LEXONI GJITHASHTU:

• NATO zgjeron aftësitë satelitore për të monitoruar situatën në Ukrainë
• Putin u shpreh ngushëllime autoriteteve indiane për rrëzimin e avionit

The post Italia forcon bashkëpunimin në mbrojtje me BE-në dhe NATO-n appeared first on Euronews Albania.

KIEV, 12 qershor /ATSH-DPA/ – Ministri gjerman i Mbrojtjes, Boris Pistorius mbërriti sot në Kiev dhe deklaroi se do të fliste me udhëheqësit ukrainas rreth konfliktit të vazhdueshëm në vend dhe do të diskutonte ndihmën shtesë ushtarake.

Duke folur menjëherë pas mbërritjes së tij, Pistorius dënoi sulmet e fundit ajrore ruse në Ukrainë, të cilat përfshinin lëshimin e një numri të madh raketash dhe sulme me dronë duke i përshkruar ato si jashtëzakonisht të dhunshme dhe kërcënuese.

Sipas Pistorius, modeli i sulmeve sinjalizon se ”Moska aktualisht nuk ka interes për një zgjidhje paqësore dhe në vend të kësaj po vazhdon fushatën e saj me forcë të paepur duke synuar gjithnjë e më shumë zonat civile”.

Ministri i Mbrojtjes tha se vizita e tij nënvizoi angazhimin e qeverisë së re të Gjermanisë për të mbështetur Ukrainën.

Më parë këtë javë, Ukraina raportoi sulmin më të madh rus me dronë që nga fillimi i luftës më shumë se tre vjet më parë, duke përfshirë 479 dronë ”Shahed” së bashku me disa raketa balistike dhe hipersonike.

Pistorius, së bashku me homologun e tij britanik John Healey, ka marrë një rol udhëheqës në ndihmën ushtarake për Ukrainën, ndërsa mbështetja nga Shtetet e Bashkuara nën presidentin Donald Trump mbetet e pasigurt.

Në një takim të kohëve të fundit në Bruksel, Pistorius kërkoi përpjekje më të forta ndërkombëtare për të forcuar mbrojtjen ajrore të Ukrainës.

Ai theksoi rëndësinë në rritje të luftës elektromagnetike, duke përfshirë sigurimin e komunikimeve ukrainase, mbledhjen e inteligjencës, ndërprerjen e sinjaleve ruse dhe mbrojtjen nga sulmet me dronë.

Gjermania është ofruesja e dytë më e madhe i ndihmës ushtarake për Ukrainën pas SHBA-së./  a.jor.

The post FOKUS – Pistorius mbërrin në Kiev për bisedime mbi ndihmën ushtarake appeared first on Agjencia Telegrafike Shqiptare.

Taylor Swift mori një urdhër të përkohshëm kufizues kundër një fansi në Kolorado pasi ai dyshohet se vizitoi shtëpinë e saj në Los Angeles disa herë dhe këmbënguli se ajo është nëna e fëmijës së tij.

Artistja paraqiti urdhrin kufizues të premten, duke pretenduar se Brian Jason Wagner “bëri deklarata të ndryshme rreth jetesës në pronën time”, “duke qenë në një lidhje me mua … duke besuar se unë jam nëna e djalit të tij … [dhe] kishte nevojë të më takonte personalisht”, sipas një dokumenti ligjor të marrë nga Page Six. “Të gjitha këto janë të pavërteta dhe të shkëputura nga realiteti.”

Sipas dokumentit, Swift, 35 vjeç, pretendoi se Wagner ndaloi për herë të parë në shtëpinë e saj në Los Angeles në vitin 2024 dhe u kthye disa herë atë korrik.

“Në të paktën një nga rastet në korrik 2024, Z. Wagner mbante një shishe qelqi që mund të ishte përdorur si armë”, thuhet në dokumente.

Këngëtarja e “Lover” pretendoi se Wagner ndaloi në shtëpinë e saj në maj 2025, duke deklaruar se “ishte atje duke pyetur për një mik (përsëri, kjo është plotësisht e pavërtetë)”.

Ekipi i sigurisë së Swift zbuloi më vonë se Wagner dikur ishte në burg dhe dyshohet se i kishte shkruar letra të gjata nga qelia e burgut fitueses së çmimit Grammy “rreth dashurisë së tij për  të, një marrëdhënie romantike me të (e cila nuk ekziston) dhe histori të tjera plotësisht të sajuara rreth përfshirjes së tij në jetën e saj personale”.

Dosja thotë se ai dyshohet se gjeti një mënyrë për të vendosur adresën e këngëtares së “Cruel Summer” në patentën e tij të drejtimit dhe se i dërgoi kërcënime stafit të Swift me anë të email-it.

“Nuk kam asnjë marrëdhënie me z. Wagner dhe nuk jam takuar kurrë dhe as nuk kam komunikuar me të”, këmbënguli ajo, duke pretenduar se ka “frikë nga një dëm i menjëhershëm”.

Urdhri i përkohshëm kufizues u dha të hënën dhe do të skadojë më 30 qershor.

The post Taylor Swift merr urdhër mbrojtje ndaj fansit të saj appeared first on Lapsi.al.

BRUKSEL, 4 qershor /ATSH/ – Ministrat e Mbrojtjes të Organizatës së Traktatit të Atlantikut Verior (NATO) do të takohen më 5 qershor para samitit të madh vjetor që do të mbahet më 24 dhe 25 qershor, kur 32 krerët e shteteve të aleancës ushtarake, përfshirë presidentin amerikan, Donald Trump, do të mblidhen në Hagë.

Takimi ka të bëjë vetëm me një gjë: paratë. Në këtë takim zyrtarët pritet të bien dakord për objektivin e ri të shpenzimeve të NATO-s.

Teksa shumica e anëtarëve të aleancës tani shpenzojnë 2 për qind të Bruto Prodhimit të Brendshëm në mbrojtje, objektivi i radhës është 3.5 për qind, apo shpenzim për kapacitete ushtarake sikurse janë tanket, raketat dhe municionet.

Sipas zyrtarëve të NATO-s, të cilët folën për Radion Evropa e Lirë, vetëm Spanja ka problem me objektivin prej 3.5 për qind, por pritet të bëjë kompromise në takimin ministror.

Spanja është një nga pak shtetet që ende nuk përmbush bazën e shpenzimeve prej 2 për qind, duke arritur vitin e kaluar vetëm më 1.28 për qind dhe rritja e shpenzimeve ushtarake që ishte parashikuar, duket se është bllokuar për momentin.

Çështja në Madrid lidhet me premtimin e kamotshëm të Qeverisë së qendrës së majtë ndaj partnerëve të koalicionit për t’i bërë gjuhë zyrtare të Bashkimit Evropian gjuhën katalanase, baske dhe galiciane. Por, një çështje e tillë kërkon unanimitet në mesin e shteteve të bllokut, gjë të cilën Spanja dështoi ta siguronte kur kjo çështje u vendos në agjendën në Bruksel më 27 maj.

Ndërsa çështja e gjuhëve nuk është përjashtuar plotësisht, ende nuk është caktuar asnjë datë për një vendim të mundshëm mbi këtë temë.

Një tjetër objektiv

Objektivi prej 3.5 për qind nuk është çështja e vetme që pret një vendim. Po ashtu duhet të ketë një objektiv shpenzimesh prej 1.5 për qind në atë që mund të cilësohet si objektiv i butë, duke bërë që totali i shpenzimeve të arrijë në 5 për qind të Bruto Prodhimit të Brendshëm.

Një nga çështjet kryesore tani, me negociata që pritet të vazhdojnë deri në samit, është se çfarë lloj shpenzimesh mund të përfshihen në atë 1.5 për qind. Sigurisht kjo do të përfshinte forcimin e përgatitjes civile dhe mbrojtjen kibernetike, por aleatët po lobojnë që të përfshihet pothuajse çdo gjë. Sipas zërave që qarkullojnë, Gjermania dëshiron që këtu të përfshihet edhe financimi për transmetimin e Deutsche Welle.

Cili është qëndrimi i SHBA-së për shpenzimet?

Ka qenë pikërisht Trumpi ai që ua ka bërë të qartë aleatëve evropianë në NATO se duhet të shpenzojnë më shumë për mbrojtje. Diplomatë evropianë, me të cilët ka biseduar Radio Evropa e Lirë, thanë se Uashingtoni thjesht dëshiron që objektivi prej 3.5 për qind të shkruhet në një dokument në takimin e Hagës, dhe nuk i intereson shumë se çfarë përfshin pjesa tjetër prej 1.5 për qind.

Shtetet e Bashkuara do të donin që nga një rritje e mundshme e shpenzimeve evropiane për mbrojtje të përfitonte industria amerikane e armëve. Megjithatë, me zinxhirin e furnizimeve në Amerikën e Veriut që është i mbingarkuar, do të kishte kuptim që një pjesë e prodhimit amerikan të vendosej në Evropë. Me fjalë të tjera: të blesh produkte amerikane në Evropë. Për shembull, sistemet Patriot do të prodhoheshin në Gjermani ose avionët F-35 në Itali.

Po Ukraina? Do të ketë, të paktën, një sesion të Këshillit NATO-Ukrainë gjatë takimit të ministrave më 5 qershor. Por, një gjë e tillë ka pak gjasa të ndodhë edhe në samitin në Hagë, pasi pjesëmarrja e presidentit ukrainas, Volodymyr Zelensky, ende nuk është konfirmuar.

Një ditë para takimit ministror, do të mblidhet edhe Grupi i Kontaktit për Mbrojtjen e Ukrainës (i njohur edhe si grupi Ramshtajn), një aleancë prej 57 shtetesh që koordinon ndihmën ushtarake për Kievin. Për herë të parë që nga krijimi i këtij grupi tre vjet më parë, sekretari amerikan i Mbrojtjes nuk do të jetë i pranishëm në takim, shkruan REL.   /os/

The post FOKUS – NATO drejt rritjes së shpenzimeve për mbrojtje appeared first on Agjencia Telegrafike Shqiptare.

BRUKSEL, 4 qershor /ATSH-DPA/ – Statusi i refugjatit të mbrojtur të ukrainasve në Bashkimin Evropian duhet të zgjatet për një vit tjetër, tha sot Komisioni Evropian.

Në dritën e luftës së vazhdueshme dhe situatës së paqëndrueshme në Ukrainë, organi ekzekutiv i BE-së propozoi një zgjatje deri në mars 2027.

Shtetet anëtare mund ta miratojnë propozimin në një takim javën e ardhshme.

Statusi i refugjatëve ukrainas aktualisht rregullohet nga Direktiva e BE-së për Mbrojtje të Përkohshme.

Ata nuk duhet të kalojnë nëpër procedurat e zakonshme të azilit dhe kanë qasje relativisht të mirë në tregun e punës dhe përfitimet sociale.

Sipas komisionit, mbi 4,3 milionë njerëz kanë ikur nga Ukraina në Bashkimin Evropian që nga fillimi i luftës.

Gjermania ka pranuar numrin më të madh të refugjatëve, me mbi 1,2 milionë.

“Shtetet anëtare duhet të përgatiten gjithashtu për një kohë kur refugjatët ukrainas do të jenë në gjendje të kthehen në shtëpi”, tha komisioni.

Qeveritë duhet të sigurohen që ka perspektiva të tjera për shtetasit ukrainas, si në formën e vizave të punës ose të studentëve.

“Refugjatët gjithashtu duhet të marrin më shumë informacion në lidhje me opsionet e kthimit dhe të jenë në gjendje të vizitojnë vendin e tyre më lehtë”, deklaroi komisioni.

Presidentja e Komisionit Evropian, Ursula von der Leyen, tha se BE do ta mbështesë Ukrainën për “për aq kohë sa të duhet”.

“Sot, ne propozojmë të zgjerojmë mbrojtjen e BE-së për ukrainasit që ikin nga lufta”, postoi ajo në X.

“Ne gjithashtu po i mbështesim ukrainasit në zgjedhjet e tyre dhe po hapim rrugën për kthimin e tyre të sigurt në shtëpi”, theksoi ajo.

Magnus Brenner, komisioneri evropian për punët e brendshme dhe migracionin, njoftoi krijimin e një të dërguari special të BE-së për ukrainasit.

Ai tha se statusi i mbrojtjes së përkohshme për shtetasit ukrainas mund të përfundojë gjithashtu para marsit 2027, në rast të një armëpushimi të qëndrueshëm.

Në një konferencë për shtyp, zëvendëskryeministri ukrainas Oleksiy Chernyshov i nxiti ukrainasit të kthehen në atdheun e tyre sapo kushtet ta lejojnë.

“Ata janë shumë të nevojshëm në tregun e punës për të ndërtuar një ekonomi të re dhe të fortë”, argumentoi ai./ /os/

The post BRUKSEL – Mbrojtja e përkohshme për ukrainasit në vendet e BE-së zgjatet deri në vitin 2027 appeared first on Agjencia Telegrafike Shqiptare.

BRUKSEL, 4 qershor /ATSH-DPA/- NATO po planifikon të zgjerojë ndjeshëm aftësitë e saj ushtarake për të forcuar frenimin dhe mbrojtjen kundër kërcënimit të vazhdueshëm rus, me plane për të rritur objektivat ekzistuese me rreth 30%, sipas burimeve të aleancës.

Objektivat e reja përfshijnë rritjen e rezervave të raketave me rreze të gjatë veprimi dhe dronëve, si dhe forcimin e sistemeve të mbrojtjes ajrore dhe artilerisë.

Për të përmbushur këto objektiva, vendet anëtare të NATO-s pritet të marrin objektiva të azhurnuara të planifikimit kombëtar.

Objektivat pritet të miratohen nesër zyrtarisht në një takim të ministrave të Mbrojtjes së NATO-s në Bruksel.

Megjithatë, arritja e objektivave të reja do të jetë sfiduese, ndersa zyrtarë të lartë ushtarakë thonë se vendet anëtare tashmë po mbeten rreth 30% larg objektivave ekzistuese.

Objektivat e sakta kombëtare mbeten të klasifikuara, megjithëse disa detaje pritet të publikohen pas takimit të nesërm.

Në Gjermani, burimet ushtarake vlerësojnë se Bundeswehr – siç quhen forcat e armatosura gjermane – mund të duhet të rritet me një numër të lartë pesëshifror nga madhësia e saj aktuale prej rreth 182,000 trupash për të përmbushur kërkesat.

Priten gjithashtu investime të konsiderueshme në sistemet e mbrojtjes ajrore. //a.i/

The post BRUKSEL – NATO planifikon forcimin e mbrojtjes për shkak të kërcënimit të vazhdueshëm rus appeared first on Agjencia Telegrafike Shqiptare.

UASHINGTON, 3 qershor /ATSH-AFP/ – Presidenti amerikan, Donald Trump do të marrë pjesë në samitin e NATO-s të planifikuar për 24-25 qershor në Hagë, Holandë, njoftoi sot zëdhënësja e tij Karoline Leavitt.

Që kur u rikthye në pushtet, presidenti amerikan u ka kërkuar vazhdimisht anëtarëve të aleancës së mbrojtjes të rrisin ndjeshëm shpenzimet e tyre ushtarake.

Përsa i përket shpenzimeve të NATO-s edhe kryeministri britanik Starmer është zotuar të shpenzojë 2,5% të Produktit të Brendshëm Bruto për mbrojtje nga prilli 2027, me qëllim rritjen e kësaj shume në 3% gjatë parlamentit të ardhshëm – një afat kohor që mund të shtrihet deri në vitin 2034.

Por, sekretari i përgjithshëm i NATO-s, Mark Rutte, mendohet se po nxit aleatët të zotohen të shpenzojnë 3,5% për ushtrinë me një 1,5% të mëtejshëm për masa që lidhen me mbrojtjen, ndërsa aleanca i përgjigjet veprimeve të presidentit rus Vladimir Putin në Ukrainë./   /os/

The post SHBA – Trump do të marrë pjesë në samitin e NATO-s appeared first on Agjencia Telegrafike Shqiptare.