Nën hijen e pemëve të parkut “Mbretëresha Geraldinë” në Burrel, takojmë 78-vjeçaren Fatmira Sulaj. Me ikjen në masë të banorëve nga fshati i saj, Batër e Vogël, pas vdekjes së bashkëshortit, ajo është zhvendosur në qendër të qytetit për t’u afruar me fëmijët dhe shërbimet kryesore.

Batër e Vogël, i formuar nga familje që për arsye bujqësore u shkëputën nga Batra e Madhe, tani është gati i braktisur. Tre fëmijët e Fatmirës jetojnë në emigracion, vajza në Itali, një djalë në Angli dhe tjetri në Turqi ku po trajtohet pas një operacioni të ndërlikuar.

“Jam me qira këtu! I kam në kurbet fëmijët”, thotë ajo për Citizens.

Shtysë për t’u larguar nga vendlindja ishte gjithashtu distanca nga spitali – në fshatin Batër taksia nuk vinte deri pranë shtëpisë dhe nevojitej barela.

Fatmira tregon se fëmijët i kanë kërkuar që ajo t’u bashkohet jashtë shtetit, por thotë se nuk e përballon dot jetën në një vend të huaj.

“Për Zotin në Angli nuk rrihet, se nuk njeh njeri; fëmijët janë në punë, vijnë në mbrëmje të lodhur.. ndenja një herë një muaj e gjysmë, herën tjetër dy muaj e gjysmë, por nuk rri dot më gjatë,” thotë ajo.

Burreli, pjesë e Bashkisë Mat, është një nga zonat më të prekura nga migrimi drejt Tiranës dhe emigrimi jashtë shtetit, një prirje që ka prekur gjithë qarkun e Dibrës. Sipas censit të popullsisë, në rreth një dekadë, Burreli humbi rreth 27% të banorëve të saj – nga 10,862 (2011) në 7,928 (2023).

Megjithatë mosha e tretë “duket rezistente” ndaj ikjes. Kjo më shumë për faktin se hasin vështirësi në integrimin në një zonë të re, që nuk është ajo ku kanë kaluar pjesën më të madhe të jetës.

Nuk largohemi nga Mati. Nga Burreli shkojmë në Gurrë të Vogël, 19 km më larg qytetit, për t’u takuar me 82-vjeçarin Imer Kurti. Ai dhe bashkëshortja refuzojnë të largohen nga kulla mbi 400-vjeçare, në pronësi të familjes. Me humor Imeri thotë se Gurra e Vogël është Evropë për të, që kur kushtet minimale si rruga, apo furnizimi me drita, janë siguruar.

“Ajri! Kur shkoj në Tiranë, se ju jeni mësuar, por unë nuk mbushem me frymë”, rrëfen Imeri, i cili ka tre fëmijë, – një djalë i jeton në Burrel, ndërsa djali tjetër dhe vajza në Tiranë. Tek ata mban shpresa për të ruajtur trashëgiminë.

“Fëmijët, ose vijnë-ose s’vijnë, punë tjetër, por më kanë thënë se ‘nuk e lëmë shtëpinë’. Bën vaki edhe e gënjejnë babanë, por më kanë thënë nuk e lëmë!” thekson Imeri.

Kurti me ironi shprehet se në Tiranë nuk ja di shtëpinë fëmijëve, duke nënkuptuar për një lidhje të fortë me fshatin dhe pavarësisht kërkesave të vazhdueshme për tu zhvendosur atje, ai shpreson se një ditë ata do të kthehen.

“Çfarë të bëj në Tiranë? Nuk mund ta lë vendin tim këtu!” thotë Imeri. “Kalamajtë nëse duan le të vijnë!”

Sistemi shëndetësor, plagë e hapur

Infrastruktura në fshatra nuk është kudo e lehtë, rruga na solli deri tek kulla e Imer Kurtit, por për të takuar kryeinfermierin e qendrës shëndetësore të Gurrës, Ibrahim Ahmatin, u detyruam të përshkruanim një pjesë në këmbë, pasi rruga nuk ishte shtruar ende deri në banesën e tij.

Ahmati e ushtron profesionin e infermierit që prej vitit ’98, ndërsa në këtë fshat e ka nisur aktivitetin në shërbim të komunës Rripë që prej vitit ’97.

“Është një lagje këtej, përtej malit, lagja Lezaj, janë 120 frymë, e ka vështirë edhe helikopteri për dimër. Madje një infermier një rast, i kishte thënë në telefon të sëmurit që merr Ibrahimin, se unë isha në Rripë, se deri kur të vi unë atje, o ke vdek, o je shëndosh, s’ke nevojë më,” tregon Ibrahimi.

Në tetë vitet e fundit, nga të dhënat e Urdhrit të Infermierit janë mbi 5,400 infermierë që kanë plotësuar dokumentacionin për Gjermani dhe Itali. Mungesa e personelit mjekësor ka sjellë që edhe shumë qendra shëndetësore të shkrihen me njëra – tjetrën.

“Suç-Gurra tashmë janë shkrirë në një qendër dhe mbulojnë 11 fshatra. Kanë bashkuar edhe Xibrin me Klosin (qendrat shëndetësore), edhe Bazin me Ulzën, që kanë qenë dy” shpjegon ai.

Mungesa e ilaçeve përveç auditimeve nga Kontrrolli i Lartë i Shtetit, artikulohet edhe vetë nga specialistët e fushës.

“Ka pas raste që kam pasur nevojë për oksigjen, që nuk e kam pasur. Kam pasur nevojë për kateter, për t’u kataterizuar, që nuk e kam pasur, ka munguar dhe jam detyruar ta çoj në spital (rajonal, pacientin),”vijon Ibrahimi.

Edhe infermier Ibrahimi ka fëmijë emigrantë, njëri në Angli, tjetri iu kthye së fundmi. “Ka tetë muaj që ka ardhur, pa asnjë punë […] e vret sedra vetë”, rrëfen ai për vështirësitë e të rinjve që rikthehen nga emigracioni.

“Gjithë ky eksod nuk është pa shkak! Nuk falet!” vijon Ibrahimi.“Më dhimbset t’ja kthej shpinën fshatit! Sa të kem këmbën dhe dorën, jam duke ndenjur këtu, kur të ngel pastaj, me shku ke fëmijët…” përfundon ai.

Fatmira, Imeri dhe Ibrahimi bluajnë të njëjtën bindje për të mos i braktisur vendbanimet. Për ata, gjithçka fillon me ajrin, historinë, rrënjët dhe shpresën se dikur fëmijët do të rikthehen dhe do t’i japin jetë shtëpive të vjetra.

Qëndrimi i tyre është simbol i rezistencës në sfondin e infrastrukturës së dobët, mungesës së investimeve dhe “ikjes” së resurseve njerëzore, që përshpejton degradimin e fshatrave.

Dëshira e brezit të tretë është për mos ti lënë sofrat, por sesa do ti rezistoj kjo dëshirë vetmisë dhe pamundësive fizike që sjell mosha, kjo mbetet për tu parë. Të vetmit që humbim nga kjo boshatisje e fshatrave drejt qytetit, qytetit drejt perëndimit, jemi ne.

The post “Rezistenca e të moshuarve ndaj largimit nga rrënjët!” appeared first on Citizens.al.

Udhëtarët që përdorin shpesh segmentin Milot-Lezhë-Shkodër, i cili tashmë është famëkeq për trafik të bllokuar në zonën e Lezhës si dhe trafik të ngadaltë përgjatë të gjithë aksit vijues për në Shkodër ka gjasa do të duhet të bëjnë durim edhe për shumë kohë për shkak se, programi buxhetor afatmesëm i qeverisë shqiptare nuk ka […]

The post 870 milionë euro për të “zëvendësuar” portin që iu fal Alabarit, rrugët e Shqipërisë në harresë appeared first on BoldNews.al.

Pesë fshatra në Njësinë Administrative Martanesh në Bashkinë e Bulqizës rrezikojnë të izolohen totalisht. Dëmtimi i tubacionit të një hidrocentrali ka bërë që rruga që i lidh ato me Krastën të çahet dhe të bëhet gati e pakalueshme. Banorët protestuan këtë të martë duke kërkuar ndërhyrjen e menjëhershme të autoriteteve, në mënyrë që të mos […]

The post Abuzim me infrastrukturën/ Shembet rruga, 5 fshatra të Martaneshit rrezikojnë të izolohen appeared first on BoldNews.al.

Shqipëria renditet e fundit në vendet e Ballkanin Perëndimor sa i përket cilësisë dhe funksionalitetit të infrastrukturës, sipas një raporti të fundit të publikuar nga Organizata për Bashkëpunim dhe Zhvillim Ekonomik (OECD). Të dhënat e raportit zbulojnë një realitet krejt tjetër nga propaganda e Qeverisë, pasi rrugët cilësohen si të pasigurta, vendi vuan nga mungesa […]

The post Raporti i OECD: Shqipëria ka rrugët më të shtrenjta dhe më të këqija në rajon appeared first on BoldNews.al.

TIRANË, 12 qershor/ATSH/ Strukturat e mbrojtjes civile zhvilluan në Gjirokastër stërvitjen “Reagimi ndaj zjarreve masive 2025”, ku demonstruan angazhimin maksimal për të qenë të përgatitura për sezonin e verës.

Ministri i Mbrojtjes, Pirro Vengu ndau sot në rrjetet sociale momente nga kjo stërvitje.

“Falë bashkëpunimit ndërinstitucional dhe mbështetjes nga UNDP dhe partnerët ndërkombëtarë, ky trajnim është një test i rëndësishëm i gatishmërisë operacionale, në një kohë kur rreziku nga zjarret është në rritje për shkak të ndryshimeve klimatike dhe ndërhyrjeve të pakujdesshme njerëzore në shumë raste”, theksoi Vengu.

Vengu u shpreh se “90% e zjarreve shkaktohen nga faktori njeri, ndaj kujdesi dhe ndërgjegjësimi janë vendimtarë”.

“Vigjilenca dhe përgjegjësia janë arma më e fortë kundër fatkeqësive natyrore”, tha Vengu.

Ministria e Mbrojtjes dhe Agjencia Kombëtare e Mbrojtjes Civile vijojnë punën për forcimin e kapaciteteve parandaluese dhe reagimin e shpejtë në terren.

/k.s/j.p/

The post “Reagimi ndaj zjarreve masive”, strukturat e mbrojtjes civile stërvitje në Gjirokastër appeared first on Agjencia Telegrafike Shqiptare.

Shqipëria, ashtu si vendet e Ballkanit në përgjithësi përballet me një boshllëk të madh financiar për të përmbushur objektivat TEN-T (rrjetit gjithëpërfshirës të infrastrukturës europiane). Në njërën anë plani i rritjes i BE-së ka sjellë fonde të konsiderueshme (6 mld euro), por kosto e lartë dhe mbi-faturimet e projekteve mbeten sfida serioze, sipas një analize […]

The post Rrjeti TENT, Shqipëria ngec në milionat që ndahen për infrastrukturën appeared first on BoldNews.al.

Kryetari i Komunës së Rahovecit, Smajl Latifi, në bashkëpunim me zëvendësministrin e Ministrisë së Mjedisit, Planifikimit Hapësinor dhe Infrastrukturës (MMPHI), Hysen Durmishi, kanë nënshkruar një memorandum të ri bashkëpunimi që sjellin investime të reja infrastrukturore në vlerë prej mbi 1.5 milion euro në komunën e Rahovecit.

Ky bashkëpunim konkretizon përkushtimin institucional për zhvillim dhe përmirësim të infrastrukturës rrugore në zonat rurale dhe urbane, përmes bashkëfinancimit të dy projekteve kyçe:

– Rregullimi i rrugës Sapniq – Nashpall, me një investim prej 894,888.00 €;

– Ndërtimi i rrugës Fortesë – Celinë, në vlerë prej 650,000.00 €.

Këto projekte pritet të ndikojnë drejtpërdrejt në lehtësimin e qarkullimit, rritjen e sigurisë në komunikacion dhe zhvillimin ekonomik të zonave përkatëse.

Kryetari Latifi falënderoi MMPHI-në për bashkëpunimin dhe mbështetjen e vazhdueshme, duke theksuar se këto investime janë dëshmi e angazhimit të përbashkët për përmirësimin e jetës së qytetarëve të komunës së Rahovecit.

The post Komuna e Rahovecit siguron 1.5 milion euro nga MMPHI për projekte të rëndësishme infrastrukturore appeared first on Telegrafi.

Teksa ndanë dhe një javë nga zgjedhjet e 11 majit, kreu i PD, Sali Berisha ka shpërndarë një mesazh urgjent për drejtuesit politik të Qarqeve, kryetarët e degëve, kandidatët për deputet, të gjithë anëtarët dhe mbështetësve të PD. Në mesazh theksohet fakti që duhet të bëhet një punë më e madhe dhe çdo përpjekje e […]

The post Zgjedhjet/ Berisha porosi urgjente strukturave: Kontaktoni çdo emigrant appeared first on BoldNews.al.

Nga Artan Hoxha Rilindja po plotëson 12 vite në qeverisje, 8 prej të cilave e vetme në timon, ndërsa po kërkon një tjetër mandat 4 vjeçar duke shmangur llogaridhënien për bilancin e shkuar e duke shpërqendruar vëmendjen përmes premtimit të anëtarësimit të përshpejtuar në Bashkimin Europian në vitin 2030-divulguar përmes metaforës së pasaportës europiane nga […]

The post 12 dështime në 12 vite appeared first on BoldNews.al.

TIRANË, 15 mars/ATSH/ Zëvendëskryeministrja, ministrja e Infrastrukturës dhe Energjisë dhe njëherësh drejtuesja politike e Partisë Socialiste në qarkun e Fierit, Belinda Balluku deklaroi sot se qeveria shqiptare ka bërë një transformim radikal në infrastrukturën rrugore, ku tashmë janë 1 mijë km rrugë të ndërtuara ose të rehabilituara në këtë 12-vjeçar.

Në fjalën e saj në aktivitetin “Infrastruktura, arritjet dhe Sfidat për Shqipërinë 2030″, ku është i pranishëm edhe Kryeministri Edi Rama, Balluku tha se “dy mandatet e fundit kanë qenë shumë të rëndësishëm për zhvillimin e infrastrukturës”.

“Në mandatin e parë Ministria e Infrastrukturës dhe Energjisë i përkiste aleatit dhe shumë punë nuk janë bërë për të thënë të drejtën, por në mandatin e dytë kur ne fillojmë, PS dhe punojmë me Ministrinë e Infrastrukturës dhe Energjisë, Autoritetin Rrugor Shqiptar dhe gjithë komponentët e tjerë që kontribuojnë në infrastrukturën rrugore dhe hekurudhore gjithçka ndryshon. Fillimisht adresuam ato që ishim më emergjente, më jetike, filluam të çonim përpara rrugë të lëna rrugëve ashtu siç e kemi thënë gjithmonë dhe për më tepër ato projekte që kishin më shumë se 10 vite që mbaheshin varur nëpër dollape, nëpër sirtare të bëra pa studim, të tenderuara pa buxhet dhe për më tepër pa asnjë lloj plani zhvillimi teknik sesi do të ndodhte”, nënvizoi Balluku.

Balluku u shpreh se “u adresuan në mënyrën më të mirë duke nisur nga bajpasi i Ferit, apo bajpasi i Vlorës, rrugë të tjera që kishin ngelur pa përfunduar. Ndërkohë në 5-vjeçarin e fundit ne vazhduam të ndërtojmë rrugë të reja duke arritur që tashmë të kemi 1 mijë km rrugë të ndërtuara në këtë 12-vjeçar ose të rehabilituara”.

Por, vijoi Balluku, nga ana tjetër ajo çfarë sot duhet të thuhet është që në mandatin e dytë në 5-vjeçarin që po lëmë pas cilësia ka qenë pjesa më e rëndësishme për çfarë ne kemi bërë.

Balluku vuri në dukje se sot ka 40 kantiere të hapura në të gjithë vendin.

“Këto kantiere nuk kanë të bëjnë as me rrugë të thjeshta dhe as me rehabilitime, kantiere që kanë të bëjnë me ndërtimin e korridoreve të reja, pasi në infrastrukturën rrugore kemi bërë transformim radikal. Duke e matur punën tonë jo thjesht nga ana sasiore, por nga ajo cilësore duke ndërtuar akse rrugore me parametra dhe kritere evropiane për të qenë të gatshëm dhe për të qenë pjesë e korridoreve që tashmë ne e kemi fituar këtë legjitimitet edhe në BE duke qenë se në vendin tonë ndërtohen dy nga korridoret më të rëndësishme Korridori 8 dhe Korridori Blu, ose Korridori Adriatiko – Jonian”, tha Balluku.

Balluku theksoi se “këto 40 kantiere përfshijnë vepra arti, të cilat ndoshta studentët e Fakultetit të Ndërtimit apo të Arkitekturës mund t’i përdornin edhe si site për t’i vizituar dhe për t’i kthyer në orë mësimore. I referohem tunelit të Murrizit, rrugës Thumanë-Kashar apo atyre akseve që kanë pasur komplikimet e tyre gjeologjike apo zgjidhjet teknike, por që sot janë dorëzuar dhe janë funksionale me sukses”.

/k.s/j.p/

The post Balluku: Transformim radikal në infrastrukturë, 1 mijë km rrugë të ndërtuara dhe 40 kantiere në zhvillim appeared first on Agjencia Telegrafike Shqiptare.

TIRANË, 29 mars /ATSH/ Kur na ndajë pak javë nga zgjedhjet parlamentare të 11 majit, Partia Socialiste shpalosi sot programin “Shqipëria 2030”. Kryeministri Edi Rama, njëherësh kryetar i Partisë Socialiste, u ndal tek infrastruktura që e cilësoi si “një nga kuajt më të fortë të betejës tonë”.

Kreu i qeverisë shpalosi fillimisht progresin në fushën e infrastrukturës gjatë qeverisjes së tij, ku nënvizoi se janë ndërtuar 935 kilometra rrugë kombëtare, mes të cilave 21 kilometra ura dhe 12 kilometra tunele.

“Nga koha kur ne kemi marrë detyrën, kemi ndërtuar 935 kilometra rrugë kombëtare, mes të cilave 21 kilometra ura dhe 12 kilometra tunele, por dua ta theksoj që nga koha kur ne kemi marrë detyrën, kemi vazhduar të punojnë me rrugët e mbetura rrugëve. Këneta e “bufit të kënetës” me daulle kanë hapur shumë kantiere për të fituar vota për të rrokanisur kokën e njerëzve me ato 10 mijë kilometrat fantazmë të rrugëve, por asnjë rrugë të vetme, një të vetme, jo vetëm që nuk e kanë përfunduar, por nuk e kanë financuar, sepse nuk kanë më një problem që një rrugë fillon nga një qeveri, vazhdon nga një qeveri tjetër. Problemi është që nuk e kanë financuar, e kanë hapur me 5 lekë, një rrugë që bën 1 mijë lekë dhe na lanë një gropë të madhe, nga e cila u desh një mandat vetëm që të dilnim nga gropa e infrastrukturës”, u shpreh Rama.

Rama theksoi se Korridori 8 dhe Korridori Blu do të jenë plotësisht përfunduar brenda mandatit të katërt, ndërsa shtoi se dhe 700 kilometra rrugë të reja do të ndërtohen brenda mandatit të katërt.

“Sot, Korridori 8, Korridori Blu për të cilin na qeshnin kur unë e thashë: është korridori i piktorit. Korridori i piktorit sot është korridor i futur në rrjetin europian, në rrjedhën e korridoreve europiane falë Samitit që bëmë këtu në 2023 me Bashkimin Europian, kemi edhe Korridorin 8, që nuk ishte i futur në rrjedhën e korridoreve europiane dhe faktikisht, qoftë njëri, qoftë tjetri, sot janë kantiere reale, janë kantiere reale me segmente të përfunduara dhe me segmente që janë në punë e sipër, dhe këtu janë të gjithë segmentet dhe të dy korridoret do të jenë plotësisht përfunduar brenda mandatit të katërt, ku do të ndërtojmë edhe 700 kilometra rrugë të reja dhe për të ngacmuar pak publikun, por ndërkohë ju do t’i keni të gjitha këto specifike sipas qarqeve. Rruga e Bregut, Dhërmi-Sarandë, brenda mandatit të katërt do të jetë një rrugë turistike, që do të vazhdojë atë nga tuneli i ri i Llogorasë, deri në Dhërmi, rruga e shumëpritur, e shumëdëshiruar dhe e shumënevojshme”, tha Rama.

“Rruga e shumëpritur Tiranë – Krujë, rruga Berat – Çorovodë do të jetë një rrugë e parametrave dhe standardeve europiane. Ura e Leklit Përmet – Çarshovë, pra do të jenë të lidhura bashkë të gjitha. Ersekë – Leskoviku, Rrëshen Burrelit, Vau i Dejës – Pukë – Fushë-Arrëz, Rruga e Vjetër Tepelenë – Vlorë, Ura mbi lumin Vjosë – Selenicë. Skrapar- Gramsh, Skrapar- Përmet, Gjirokastër- Libohovë, Poliçan- Zagori, pra, siç shihet, ose kryqëzimi i llixhave Elbasan – Gramsh, siç shihet, të gjitha këto segmente janë segmente që tani më nuk bëjnë lidhjen nga pika A tek pika B, por janë A-B-C-D dhe krijohen arterie të brendshme që lehtësojnë shumë lidhjen midis qyteteve tona turistike dhe kur shkohet në Korçë, do mund të shkohet në Përmet e në Gjirokastër pa pasur nevojë që të kthehesh dhe t’i biesh prapë nga Tirana”, nënvizoi Rama.

Duke u ndalur tek projeket për ndërtimin e rrugëve të reja dhe përfundimin e atyre që po ndërtohen aktualisht, Rama theksoi se “brenda 2026 përfundon faza e parë dhe e dytë e superstradës Tiranë-Durrës. Përfundon edhe Kombinat – Ndroq – Plepa. Maqellarë – Peshkopia përfundon këto ditë, Qukës – Qafë Plloçë, Berat – Ballaban përfundon po këtë vit”, tha Rama.

Rama u shpreh se brenda vitit 2025 hyn në funksion Qendra Kombëtare e Monitorimit të Trafikut.

“Do kalojmë në një nivel tjetër, nuk do kemi më policë nëpër rrugë, nuk do kemi më postblloqe, nuk do kemi më njerëz që dalin nga ferra me uniformë, edhe që thonë “Ndalo”, dhe ti s’di të ndalosh a mos ndalosh, se mund të mos jenë ekzaktësisht ata që thonë që janë. Synimi është që gjithë kjo infrastrukturë të përfundojë. Bindja është që do të përfundojë! Pse? Sepse të gjitha këto që thashë janë të financuara, nuk janë të vizatuara, janë të financuara nga buxheti i shtetit dhe nga fondet e marra prej WBAF-it, që është Fondi i Ballkanit Perëndimor i Investimeve që mbështeten nga Bashkimi Europian”, u shpreh Rama.

Kreu i qeverisë foli gjithashtu edhe për ndërtimin e infrastrukturës hekurudhore, duke përfshirë linjat Durrës – Prishtinë dhe Vorë – Han i Hotit, që do të bashkojnë Shqipërinë me Kosovën dhe Malin e Zi.

“Por ne nuk do të lëmë pa bërë atë që është pjesa e shumë munguar e gjithë këtyre viteve. Kemi të gjithë programin e infrastrukturës hekurudhore dhe konkretisht kemi Rrogozhinë -Pogradec, kemi Rrogozhinë – Vlorë. Kemi Durrës – Prishtinë, që është një projekt shumë ambicioz që po punojmë me qeverinë e Kosovës, jemi në fazën e projektit. Kemi Vorë – Hani i Hotit, i financuar, i tenderuar si një projekt, së bashku me Bankën Europiane për Rindërtim dhe Zhvillim, kemi Sukth – Porto Romano që është një projekt shumë i rëndësishëm, pa pasur parasysh edhe porti i ri i Durrësit”, tha Rama.

Kreu i qeverisë shtoi po ashtu se “kemi Durrës – Rrogozhinën, po ashtu pjesë e Korridorit 8, Tiranë – Rinas – Durrës, që është në 80% të punës i realizuar dhe falë gjitha këtyre ndërhyrjeve ne praktikisht, jo vetëm me rrugët, por edhe me hekurudhat futemi në rrjetin hekurudhor të rajonit; bashkohemi me Kosovën, bashkohemi me Malin e Zi, bashkohemi me Maqedoninë e Veriut. Ata i kanë trashëguar nga kohë e mëparshme dhe nuk patën një “Liri Demokraci” agresive që iu tha njerëzve: “Merrni hekurudhat dhe përdorni për të bërë gardhe për ndërtimet pa leje, që janë një mrekulli e 8-të e botës”, kështu u tha atëherë”.

Në lidhje me portin e Durrësit, Rama theksoi se ky projekt është një hap i rëndësishëm për zhvillimin e vendit.

Rama theksoi se porti i ri i Durrësit, që do të financohet nga qeveria shqiptare, do të trefishojë kapacitetin e portit të vjetër dhe do të shërbejë si një pikë kyçe për zhvillimin e tregtisë.

“Këneta thotë që ne kemi bërë krimin e madh të ndërhyrjes dhe të heqjes së portit më të vjetër në botë nga qendra e qytetit. Vetëm një mendje komplet e mbyllur, për të mos thënë e trashë, një mëndje që jeton në një qytetërim tjetër dhe ashtu jeton, mund të thotë që një port tregtar duhet të rrijë mes qytetit. Nëse ka mundësi që ai të spostohet nga mesi i qytetit dhe porti i Durrësit, që ishte në mes të qytetit do duhej spostuar dhe sikur aty të mos bëjë asgjë, thjesht do duhej marrë, ngritur peshë dhe çuar jashtë qytetit, sepse ishte një qendër kanceroze, përveçse një pseudoportë pa asnjë kusht për t’u bërë një portë për Shqipërinë 2030”, tha Rama.

Rama shtoi se porti i ri nuk do të jetë vetëm port tregtar, por do të ketë edhe krahun e vet ushtarak, porti i NATO-s.

“Porti i ri, gara ndërkombëtare është hapur, së shpejti do të fillojë nga puna, financimi është i qeverisë shqiptare, do të trefishojë kapacitetet ekzistuese, potencialin e Portit të vjetër, por mbi të gjitha do të jetë zemra e një sistemi të ri tregtie, duke krijuar mundësinë e hapjes së dy Porteve të Thata në Prishtinë dhe në Shkup, dhe duke e bërë Shqipërinë një pikë referimi në Mesdhe. Nga ana tjetër, Porti i ri nuk do të jetë vetëm port tregtar, por do të ketë edhe krahun e vet ushtarak, porti i NATO-s. Jemi shumë afër finalizimit të mbështetjes financiare nga NATO-ja. Pra, me portin ushtarak, Shqipëria rrit në mënyrë eksponenciale sigurinë e vet, duke pasur NATO-n këtu”, tha Rama.

Kryeministri përmendi gjithashtu rritjen e aksesit të shqiptarëve në fluturime, duke thënë se ky akses ka arritur nga 6% në vitin 2013, në 32% sot. Rama nënvizoi se e kanë kthyer Tiranën në aeroportin me rritjen më të lartë në Europë, tre vjet rresht, duke lënë pas Beogradin për numër pasagjerësh.

“Po aksesi i qytetarëve shqiptarë në fluturimet ajrore, e dini sa qytetarë shqiptarë kishin akses në ajër për të shkuar? Flasim për qytetarët këtu, banorë, nuk flasim për shqiptarët në emigracion. Në 2013, aksesi në fluturime ishte 6%, vetëm 6%. Sot, e dini sa qytetarë shqiptarë këtu “ku s’ka bukë për të ngrënë, këtu ku vdesin të gjithë nga uria, këtu ku njerëzit vriten rrugëve, këtu, ku s’ka më njerëz”, kanë marrë avionin? 32%. Pra, kemi rritur aksesin, sepse kemi ulur ndjeshëm çmimin e fluturimeve dhe praktikisht e kemi kthyer Tiranën në aeroportin me rritjen më të lartë në Europë, tre vjet rresht, dhe në ndërkohë kemi lënë pas Beogradin për numër pasagjerësh. Kur ne e morëm detyrën në atë aeroport hynin e dilnin 1,7 milionë pasagjerë në vit. Vitin që lamë pas ishin 11 milionë pasagjerë në Tiranë, në aeroport”, tha Rama.

Në përfundim Rama theksoi se “në 8 maj, shpresojmë do të bëjmë edhe fluturimin e pagëzimit të pistës së aeroportit të Vlorës, ku terminali do të kërkojë edhe ca kohë për shkak të vonesave me furnizimet materiale”.

/r.e/

The post Brenda mandatit të katërt ndërtim i 700 km rrugë, më 8 maj “pagëzohet” pista e aeroportit të Vlorës appeared first on Agjencia Telegrafike Shqiptare.

Orientimi në karrierë i individëve që përfundojë arsimin parauniversitar për të marrë vendime të mirëmenduara bazuar në aftësitë e tyre por edhe tendencat e tregut duket se nuk është një pikë e fortë e institucioneve në vend. Një auditim performance i Kontrollit të Lartë të Shtetit që ndalet pikërisht tek “Orientimi për Karrierë i të […]

The post Orientimi i të rinjve në karrierë “kuturu”/ KLSH: Nuk ka struktura të dedikuara appeared first on BoldNews.al.

TIRANË, 18 mars/ATSH/ Kryeministri Edi Rama deklaroi sot se 11 maji është një moment kur çdo shqiptar duhet të mendojë mirë që për çfarë do ta përdorë votën.

“Se nëse e përdor votën për tifozllëk, se nuk e dua Edi Ramën, nuk i dua këta Fadil Nasufin me kompani dhe do të votoj për kënetën se jam i kënetës, faktikisht do t’i hyjë në hak fëmijëve të vet, atyre që nuk votojnë. Ose vëllai i madh ose motra e madhe do t’i hyjë në hak vëllait të vogël ose motrës së vogël që nuk votojnë dot sepse do të hedhë kot një votë që duhet ta përdorë për futjen e Shqipërisë në BE, për të mos lejuar, bëhen zgjedhjet në datën 11, në datën 12 mund të vazhdojë numërimi”, u shpreh ai, gjatë takimit me kandidatët e PS-së për 11 majin në Berat.

Kryeministri vuri në dukje se ndërsa në Shqipëri do të vijojë të nesërmen numërimi, ekipi prej 1 000 personash që po negociojnë kapitujt për integrimin do të jetë në Bruksel.

“Do të vazhdojë numërimi po ndërkohë puna me negociatat duhet të vazhdojë. Është e hënë data 12. 1 mijë vetë duhet të shkojnë atje dhe nuk duhet të kenë asnjë shqetësim që jo po kush fitoi, jo kush s’fitoi, jo po doli bufi nga këneta, jo po erdhi ai që shet qilima fluturues persianë”, shtoi Rama.

Rama tha se ky është momenti për të hyrë në BE dhe nuk duhet humbur.

“Nuk duhet të ketë fare nga këto se përndryshe humbasim kohë dhe nëse ne humbasim kohë, ne luajmë me fatin tonë sepse kjo dritare e hapur mund të mbyllet. Ne nuk e dimë se si zhvillohen ngjarjet në vitet që vijnë, nuk e dimë. Pa pritur e pa kujtuar atje bëhet paqe, këtej plas një luftë tjetër largqoftë, këtu ndodh diçka tjetër, ata ndryshojnë qasje dhe gjërat mund të kthehen siç ishin më përpara”, vijoi Rama.

“Ndodh një tërmet diku, flas politik; vjen një forcë politike diku tjetër thotë: “’jo s’e dua unë më unë këtë punë”. Kështu që ky është momenti, ne tani duhet ta kapim dhe duhet të hyjmë brenda”, theksoi Kryeministri Rama. /j.p/

The post Rama në Berat: Nëse e përdor votën për tifozllëk, i hyn në hak fëmijëve appeared first on Agjencia Telegrafike Shqiptare.

TIRANË, 17 mars/ATSH/ Strukturat akomoduese pritën më shumë vizitorë të huaj gjatë muajit janar të këtij viti.

Instituti i Statistikave publikoi sot raportin për strukturat akomoduese, ku bëhet e ditur se numri i vizitorëve shënoi rritje me 26,9 %, ku ata jo-rezidentë shënuan një rritje prej 41,0 % dhe rezidentë 12,1 %.

Referuar raportit, vizitorët qëndruan më gjatë, teksa bëhet e ditur se netëqëndrimet gjithsej u rritën me 35,8 %, ku ato jo-rezidentë u rritën me 49,1 %, ndërsa ato nga rezidentët me 19,0 %.

Rritja më e madhe e vizitorëve jo-rezidentë u shënua në zonat jo-bregdetare me 46,5 % dhe në hotelet dhe akomodimet e ngjashme me 38,4 %.

Publikimi vlerëson se italianët kryesojnë sa i takon netëqëndrimeve në strukturat akomoduese, duke lënë pas edhe Kosovën.

“Shumica e vizitorëve jo-rezidentë të cilët u akomoduan në strukturat pritëse në Shqipëri vijnë nga Italia (21%), Kosova (18%), dhe Gjermania (6%). Mbretëria e bashkuar dhe Franca kontribuan përkatësisht me 6% dhe 5% të vizitorëve”, bën të ditur INSTAT-i. /j.p/

1 nga 2

The post Rritet numri i vizitorëve në hotele në janar, kryesojnë italianët appeared first on Agjencia Telegrafike Shqiptare.

Në konferencën e së premtes me gazetarët, kryedemokrati Sali Berisha ka dencouar skandalet me projeketet në infrastrkturë. Gjatë fjalës së tij, Berisha tha se 12 vitet e qeverisjes së Edi Ramës, janë vitet e ndalimit pothuajse të kohës për ndërtimin e infrastrukturës. Sipas liderit demokrat, përgjatë kësaj periudhe janë vjedhur së paku 11 miliardë euro […]

The post Berisha denoncon skandalet me infrastrukturën: Janë vjedhur së paku 11 miliardë euro appeared first on BoldNews.al.

Këtë të premte, në konferencën me gazetarët, kryedemokrati Sali Berisha, ka dencouar skandalet me projeketet në infrastrkturë.

Gjatë fjalës së tij, Berisha tha se 12 vitet e qeverisjes së Edi Ramës, janë vitet e ndalimit pothuajse të kohës për ndërtimin e infrastrukturës.

Sipas liderit demokrat, përgjatë kësaj periudhe janë vjedhur së paku 11 miliardë euro në projektet infrastrukturore nga 12 miliardë euro në total.

“Lubi Balluku është përgjegjëse kryesore për këto vjedhje të tmerrshme të fondeve publike në ndërtimin e rrugëve”, u shpreh Berisha.

Përsëri një urim të përzemërt, një lule të bukur për të gjithë shqiptarët këtë ditë të ndërrimit të natyrës, këtë ditë shprese, optimizmi, ditë ndryshimi.

“Sot jam këtu për të paraqitur elementët bazë të programit të PD-së për infrastrukturën e Shqipërisë.

PD, promotore e ndryshimeve më të fuqishme infrastrukturore të vendit, pas 11 majit merr përsipër kompletimin përfundimtar të ndërtimit të infrastrukturës më moderne që Shqipëria ka pasur në t gjitha kohërat.

PD gjatë viteve 2005-2013, ndërtoi dhe rindërtoi rrugë, autostrada, tunele më shumë se në të gjitha kohërat të marra së bashku në Shqipëri.

Por krahas tyre, ajo në ato vite realizoi 220 studime dhe projekte, me të cilat Shqipëria transformohej tërësisht në rrafshin infrastrukturor.

12 vitet e qeverisjes së Edi Ramës janë vitet e ndalimit pothuaj të kohës për ndërtimin e infrastrukturës.

Janë vitet e plaçkitjes më të madhe, më të jashtëzakonshme të fondeve, buxhetit publik, të përcaktuara për ndërtimin e rrugëve dhe veprave publike.

Do ndalem në disa shembuj për të ilustruar këto abuzime të tmerrshme dhe të paprecedent.

Rruga Tiranë-Elbasan u kontraktua me çelësa në dorë, me një lot, me vlerën 255 milionë euro me tunel me dy kalime.

Në qershor të vitit 2013, segmenti Ibë-Elbasan përfshirë dhe tunelet ishte tërësisht i përfunduar. Mbetën 7 kilometër, e hapur plotësisht traseja Ibë-Farkë. Këto 7 kilometra u kushtuan qytetarëve shqiptarë 215 milionë euro. U kushtuan 30 milionë euro për kilometër. Kushtuan me vjedhje 2.2 herë më shumë se sa 1 kilometër në tunel, i cili u ndërtua me 14 milionë euro kilometri.

Shembull tjetër i kësaj infrastrukture janë rrugët e ndërtuara me 10-fishin, 12-fishin e çmimit të rrugëve të ndërtuara më parë, ndërkohë që indeksi i çmimeve në ndërtim dhe punë publike, për materiale dhe të gjitha, është rritur me vetëm 32 përqind.

Nuk janë shënuar kurrë në histori vjedhje kaq të papërmbajtura siç janë shënuar në infrastrukturën e Shqipërisë.

Ka rrugë të cilat janë prokuruar dhe nuk ekzistojnë.

Ka rrugë që janë prokuruar me 73 milionë euro siç është rruga Qukës-Qafë Plloçë dhe ajo ka shkuar sot në 215 milionë euro dhe nuk është kurrkund në përfundim.

Për të mos thënë rruga Korçë-Kolonjë e cila në 18 kilometrat e para është ndërtuar me 800 mijë euro kilometri, kurse në pjesën tjetër, në 17 kilometrat e dytë, kostoja është rritur 7 herë. Mbi 5 milionë euro kilometri.

Nuk ka ndodhur, nuk mund të konceptohet një vjedhje e tillë.

Për të mos thënë Sheshi Shqiponja, rimodelimi i tij, 40 milionë euro nga Bashkia e Tiranës.

Unaza e Madhe, çmime stratosferike.

6 herë më shtrenjtë se sa 8 kilometrat e ndërtuara në kilometrat e ndërtuara para vitit 2013.

Pra, në infrastrukturë ku janë investuar 12 miliardë euro, ju garantoj se janë vjedhur më së paku 11 miliardë.

Ju lutem, vepra të përfunduara, me 65 miliardë euro buxhet të 12 viteve, është vetëm tuneli i Llogarasë, 19 kilometrat e Unazës së Tiranës të mbetura nga viti 2013 e këndej.

Është vetëm zgjerimi i Unazës së Tiranës tek Sheshi Shqiponja.

Janë 3-4 kilometra Elbasan-Librazhd.

Nuk mund të imagjinoj se ku janë zhdukur paratë.

Lubi Balluku është përgjegjëse kryesore për këto vjedhje të tmerrshme të fondeve publike në ndërtimin e rrugëve.

Dhe jo më pak Edi Rama”, tha Berisha.

The post Berisha denoncon skandalet me infrastrukturën: Janë vjedhur së paku 11 miliardë euro appeared first on Albeu.com.

TikTok, në pronësi të ByteDance të Kinës, planifikon të investojë 8.8 miliardë dollarë gjatë pesë viteve të ardhshme në zhvillimin e infrastrukturës digjitale të Tajlandës, trajnimin e burimeve njerëzore dhe iniciativat e sigurisë në internet.

Ky informacion u publikua pas një takimi midis Zëvendës Presidentes për Politikat Publike të TikTok, Helena Lersch dhe kryeministrit tajlandez Phaythongthayn Shinawatra.

Kryeministrja tajlandeze përshëndeti investimin, duke shtuar se ishte një mundësi e shkëlqyer për zhvillimin e infrastrukturës digjitale dhe Inteligjencës Artificiale në vendin e saj.

Nuk është ende e qartë nëse ky investim përfshin investimin e paralajmëruar më parë të TikTok në Tajlandë prej 3.8 miliardë dollarësh.

Kompania njoftoi në fund të janarit se një qendër e të dhënave TikTok do të ndërtohej në Tajlandë dhe do të fillonte funksionimin në vitin 2026.

Gjigantët globalë të teknologjisë e gjejnë Tajlandën një vend tërheqës për ndërtimin e qendrave të të dhënave. Amazon tashmë është zotuar të investojë 5 miliardë dollarë në vend gjatë 15 viteve të ardhshme dhe investimet janë njoftuar më parë edhe nga Google dhe Microsoft./abcnews.al

TIRANË, 26 shkurt /ATSH/ Viti 2025 ka nisur mjaft mirë për infrastrukturën e futbollit shqiptar, me investime të rëndësishme nga Federata e Futbollit.

Në dy muajt e parë të vitit janë përfunduar dy fusha të reja: një në Famullinë e Shna Prendes në Juban të Shkodrës dhe tjetra në aneksin e stadiumit “Skënderbeu” në Korçë.

Gjithashtu, ka përfunduar rikonstruksioni i plotë i stadiumit “Egnatia Arena”, ku janë instaluar: një sistem modern ndriçimi, një ekran LED perimetral, si dhe janë realizuar punime në tribuna si vendosja e stolave të rinj dhe përmirësime të tjera infrastrukturore.

Puna vazhdon me ritme të larta në disa qytete të vendit për të modernizuar infrastrukturën futbollistike.

Në “Shtëpinë e Futbollit” po ndërtohen dy fusha të reja, të cilat do t’u shtohen fushave ekzistuese që shërbejnë për ndeshje dhe stërvitje të ekipeve kombëtare. Po ashtu, në Shtoj të Shkodrës është drejt përfundimit një fushë moderne me bar artificial.

Ndërkohë, në Elbasan ka nisur puna për rikonstruksionin e një fushe me bar natyral në kompleksin sportiv “Shefqet Lamçja”, ndërsa në Gjirokastër pritet të fillojnë punimet për dy fusha të reja, pas rikonstruksionit të plotë të fushës së stadiumit “Luftëtari”.

Në javët e ardhshme, priten të zbatohen projekte të tjera infrastrukturore në disa qytete të vendit, duke vijuar përmirësimin dhe zhvillimin e mëtejshëm të kushteve për futbollin shqiptar. /j.p/

1 nga 8

The post Përmirësime në infrastrukturën e futbollit me dy fusha të reja appeared first on Agjencia Telegrafike Shqiptare.

TIRANË, 10 janar/ATSH/ Ministri i Shtetit për Pushtetin Vendor, Arbjan Mazniku inspektoi sot punimet në lotin e dytë të përroit të Gostimës në Polis Valë të Elbasanit, një investim që mbështet aktivitetin bujqësor të zonës, por edhe për banorët që jetojnë aty.

Sipas Maznikut, “ndërhyrjet infrastrukturore në Përroin e Gostimës jo vetëm që do të sigurojnë një mbështetje të qenësishme për aktivitetin bujqësor të zonës, por do të sigurojë në të njëjtën kohë edhe mbrojtjen e pronave nga goditjet klimatike, duke ofruar më shumë siguri për mirëqenien dhe aktivitetin ekonomik të të gjithë banorëve që ky investim u vjen në shërbim”.

Kryetari i bashkisë së Elbasanit, Gledian Llatja i pranishëm në këtë takim u shpreh se ky projekt është i shumëkërkuar prej vitesh nga banorët e këtij fshati.

“Është një fshat punëtor, ku të gjithë sytë i kanë nga bujqësia dhe pemëtaria. Filluam vjet, me pjesën e parë të digës që ishte dhe loti i parë, tashmë jemi në 200-metërshin e dytë, ku janë edhe katër prita tërthore që bëjnë amortizimin e përroit të Gostimës.

Është një investim i bashkisë së Elbasanit në bashkëpunim me drejtorin e Emergjencave Civile pikërisht për të shmangur të gjithë problematikat që krijon në tokën bujqësore por edhe banesat që janë pranë”, tha Llatja. /j.p/

The post Mazniku: Ndërhyrje infrastrukturore në përroin e Gostimës, mbështetje për bujqësinë appeared first on Agjencia Telegrafike Shqiptare.

Problemet infrastrukturore në Komunën e Gjakovës raportohen vazhdimisht në platformën Ndreqe.com.

Një problem i tillë që është raportuar së fundmi në qytetin e Gjakovës, është një pusetë e cila është e hapur në rrugën “Martirët e Lirisë – Çabrat”.

Kjo pusetë e hapur gjindet në një rrugë e cila përveç makinave, frekuentohet edhe nga kalimtarët të cilët lëvizin në këtë rrugë çdo ditë, të cilët apelojnë tek personat përgjegjës që probleme të tilla të rregullphen sa më shpejtë në mënyrë që lëvizja në këtë rrugë të jetë sa më e sigurtë.

Qytetarët po vazhdojnë të raportojnë në platformën Ndreqe.com për ankesat që kanë, ku më pas po intervenohet edhe nga organet përgjegjëse.

Vazhdoni të raportoni edhe më tutje për të gjitha problemet në komunat tuaja përkatëse. /Telegrafi

The post Puseta e hapur në rrugën “Martirët e Lirisë – Çabrat” shqetësim për banorët e kësaj rruge appeared first on Telegrafi.