Detaje të reja janë zbardhur lidhur me ngjarjen që ka tronditur paraditen e sotme veriun. Trupi i 23-vjeçarit, Renis Dobra u gjet pranë liqenit të Shkopetit, ndërsa dyshohet se i riu është vrarë.

Sipas raportimeve, Dobra që po lëvizte i vetëm me makinë është ndjekur nga një tjetër automjet nga qyteti i Burrelit deri në Ulëz të Shkopetit. Lidhur me këtë grupi hetimor ka sekuestruar pamjet filmike të disa kamerash sigurie brenda qytetit të Burrelit, por në pjesën tjetër ku ka vijuar ndjekja mungojnë kamerat. Ka dyshime se i riu është rrëmbyer, dhunuar dhe më pas është hedhur bashkë më automjetin e tij pranë liqenit.

Siç u raportua më herët në trupin e viktimës janë konstatuar shenja të dukshme dhune, përfshirë mavijosje në zonën e fytit. Këto shenja përforcojnë dyshimet se i riu është mbytur fillimisht me litar dhe më pas është hedhur në zonën e Shkopetit, me qëllim për të fshehur krimin, por do të jetë autopsia e Mjekësisë Ligjore që do të përcaktojë shkaqet e vdekjes.

Hetimet janë përqendruar në dy pista kryesore. E para lidhet me një përplasje të mundshme për shkak të parcelave të kultivuara me kanabis dhe pista e dytë ka të bëjë me një konflikt të mundshëm për motive xhelozie apo lidhje sentimentale. Gjithashtu Dobra nuk ka precedentë të rëndë kriminalë dhe njihej vetëm për disa raste vjedhjesh.

The post Vrasja e Renis Dobrës/ I riu u ndoq nga një makinë nga Burreli deri në Ulëz appeared first on Lapsi.al.

Detaje të reja janë zbardhur mbi ngjarjen e rëndë që tronditi këtë të mërkurë veriun e vendit, ku trupi i pajetë i 23-vjeçarit Renis Dobra u gjet pranë liqenit të Shkopetit. Sipas raportimeve dyshohet se i riu është ndjekur nga një makinë tjetër që nga Burreli deri në zonën e Ulëzës, ku mendohet se ka […]

The post Renis Dobra u ndoq me makinë nga Burreli në Ulëz, sekuestrohen pamjet e kamerave appeared first on BoldNews.al.

TIRANË, 5 qershor/ATSH/ Policia e Matit ka dhënë detaje mbi aksidentin e ndodhur sot rreth orës 19.10, në vendin e quajtur “Ish Agjensia”, në Burrel, ku shtetasi A.L., 38 vjeç, duke drejtuar automjetin tip “Benz”, është përplasur me një automjet tjetër me drejtues shtetasin L.K., 36 vjeç.

Si pasojë e përplasjes, kanë mbetur të lënduar dy drejtuesit e automjeteve dhe 4 pasagjerë që udhëtonin me to,  të cilët po marrin ndihmë mjekësore në spital.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.

/a.f/

The post Aksident rrugor në Burrel, policia: 6 persona të plagosur appeared first on Agjencia Telegrafike Shqiptare.

Një aksident i rëndë rrugor ka ndodhur pasditen e sotme në zonën e quajtur “Ish Agjensia” në Burrel, ku dy automjete të tipit “Benz” janë përplasur kokë më kokë. Si pasojë, gjashtë persona kanë mbetur të plagosur, përfshirë një fëmijë 8-vjeçar.

Një nga automjetet transportonte një familje me tre anëtarë, ndërsa mjeti tjetër drejtohej nga një person i vetëm. Fëmija 8-vjeçar dhe një tjetër i plagosur janë dërguar me urgjencë në spitalin e Traumës në Tiranë për ndihmë të specializuar mjekësore.

Policia ka bërë të ditur se aksidenti ndodhi rreth orës 19:10 dhe se drejtuesit e mjeteve janë identifikuar si shtetasi A.L., 38 vjeç, dhe L.K., 36 vjeç. Të dy janë mes të plagosurve, së bashku me katër pasagjerët që udhëtonin me ta.

Forcat policore dhe grupi hetimor ndodhen ende në vendin e ngjarjes dhe po punojnë për të përcaktuar shkakun e aksidentit, i cili për momentin mbetet i paqartë.

The post Detaje nga aksidenti në Burrel/ Dy “Benz”-a u përplasën kokë më kokë, policia: Mes të plagosurve, edhe një fëmijë appeared first on Sot News | Lajme.

Gjashtë persona kanë mbetur të plagosur nga aksidenti i ndodhur pasditen e sotme në Burrel. Përmes një njoftimi, Policia bën të ditur se aksidenti ka ndodhur në vendin e quajtur ‘Ish Agjensia’. Si pasojë e përplasjes, kanë mbetur të lënduar dy drejtuesit e automjeteve (një 38 dhe një 34-vjeçar) dhe 4 pasagjerë që udhëtonin me […]

The post Aksidenti në Burrel, policia: 6 të plagosur! Mes të plagosurve është një fëmijë appeared first on BoldNews.al.

Gjatë persona kanë mbetur të lënduar nga përplasja e dy makinave në vendin e quajtur “Ish Agjensia”, në Burrel.

“Rreth orës 19.10, në vendin e quajtur “Ish Agjensia”, në Burrel, shtetasi A.L., 38 vjeç, duke drejtuar automjetin tip “Benz”, është përplasur me një automjet tjetër me drejtues shtetasin L.K., 36 vjeç.

Si pasojë e përplasjes, kanë mbetur të lënduar dy drejtuesit e automjeteve dhe 4 pasagjerë që udhëtonin me to, të cilët po marrin ndihmë mjekësore në spital.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit”, njoftoi policia.

The post Aksident në Burrel/ Përplasen dy makina, plago*en gjashtë persona appeared first on Albeu.com.

Policia ka arrestuar 24-vjeçarin Egri Koçi i cili akuzohet për diegien e një automjeti gjatë orëve të para të mëngjesit të datës 01.06.2025, në Burrel. Policia ka shpallur në kërkim edhe autorin tjetër, 24-vjeçarin Jurxhin Sada. Ndërkohë, nisi procedimi në gjendje të lirë për shtetasin R. K., 23 vjeç, për veprën penale “Moskallëzimi i krimit”. […]

The post Dogjën automjetin në Burrel, arrestohet një nga autorët, shpallet në kërkim tjetri/ EMRAT appeared first on BoldNews.al.

Një 24-vjeçar i shpallur në kërkim është vendosur në pranga nga policia në Burrel. Gjykata e Tiranës e ka dënuar të riun me 2 vite e 7 muaj burgim, për prodhim dhe shitja e narkotikëve.

“Shërbimet e Komisariatit të Policisë Mat, në vijim të punës për lokalizimin dhe kapjen e shtetasve të shpallur në kërkim, kapën në qytetin e Burrelit, dhe ndaluan shtetasin J.C., 24 vjeç, banues në Burrel. Gjykata e Tiranë e ka dënuar këtë shtetas, me 2 vite e 7 muaj e 16 ditë burg, për veprën penale “Prodhimi dhe shitja e narkotikëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme”, njoftoi sot policia.

The post I shpallur në kërkim për trafik drōge, vihet në pranga 24-vjeçari në Burrel appeared first on Lapsi.al.

I ardhur nga Kosova në ndihmë të autoriteteve shqiptare për kërkimin e 29-vjeçarit shqiptar të zhdukur pas shembjes në zonën e Qafë-Burrelit në Klos, Deni Hameli, kryetari i ekipit të shpëtim-kërkimit malor në Kosovë foli në një intervistë për emisionin People në Euronews Albania.

Hameli tha se ka dy ditë që ndodhet në terren për të ndihmuar në operacionin e kërkimit ndërsa shtoi se operacioni është shumë i vështirë për shkak të rrezikshmërisë së lartë në zonë dhe mundësive për rrëshqitje të tjera, të cilat do të vinin në rrezik jetën e ekipit të kërkimit.

Sipas tij, për kërkimet në këtë rast janë të nevojshme pajisje specifike dhe qen gjurmues, pasi terreni është shumë i vështirë dhe i rrezikshëm.

“Sapo mbërritëm aty, kuptuam se incidenti ishte i përmasave të mëdha dhe përtej pritshmërive tona. Perimetri i rrëshqitjes ishte rreth 5 kilometra, dhe gjithë inertet e nxjerra nga miniera e kromit kishin krijuar një ortek të madh. Në zonën ku ndodhi ngjarja kishte edhe dy pellgje uji që paraqesin rrezik për rrëshqitje të mëtejshme,” – u shpreh Hameli.

Ai shtoi se ndërhyrja në këtë terren është e pamundur pa një zgjidhje të dytë teknike, që përfshin largimin e ujit me pompa dhe ndërtimin e një argjinature për të parandaluar rrëshqitje të tjera.

“Nga vëzhgimi i zonës nuk është parë as ekskavatori me të cilin punonte 29-vjeçari. Bëmë disa shpime me mjete të posaçme, por pa rezultat. Rrëshqitja ka qenë aq e fuqishme, sa mund të kishte shkatërruar edhe një qytezë, nëse do të ndodhej përballë saj,” – tha ai.

Hameli theksoi nevojën për përdorimin e pajisjeve të sofistikuara për kërkim në terren të vështirë, si qen gjurmues apo aparatura me sonarë dhe rreze speciale, por tha se ekipi i tyre nuk i posedon këto mjete.

“Jemi në komunikim me autoritetet për të kërkuar ndihmë nga ndonjë shtet tjetër që mund të disponojë pajisje të tilla,” – përfundoi ai.

Kujtojmë se incidenti ndodhi para pesë ditësh, kur 29-vjeçari Ardit Beshiri po punonte me ekskavator në stokun e fabrikës së kromit. Çarja e papritur e rezervuarit dhe vërshimi i ujërave dhe inerteve e zuri të riun bashkë me mjetin që drejtonte.

LEXONI GJITHASHTU:

• Fadromisti u zu nga masivi i mineralit në Burrel, arrestohet tekniku i kompanisë
• U përplas nga furgoni në aksin Klos-Burrel, ndërron jetë të Trauma 4-vjeçari

The post Eksperti: Për gjetjen e 29-vjeçarit në Burrel duhen pajisje specifike e qen gjurmues appeared first on Euronews Albania.

Me kërkesën e autoriteteve shqiptare, një kontingjent i Forcës së Sigurisë së Kosovës, i specializuar në kërkim-shpëtimin urban, është dislokuar në Bashkinë Klos, në zonën e quajtur “Qafa e Burrelit”, për të marrë pjesë në operacionin e shpëtimit pas një rrëshqitjeje masive të dheut.

Në njoftimin e bërë për media thuhet se ngjarja ka mbuluar një punonjës që ishte duke punuar në fabrikën e përpunimit të kromit.

“Ekipet e kërkim-shpëtimit, në bashkëpunim me autoritetet shqiptare, kanë nisur operacionin duke angazhuar personel, pajisje të specializuara dhe ekipe K9, me synimin për realizimin e një ndërhyrjeje të suksesshme”, thuhet në njoftim.

Lexo po ashtu "Rrezikshmëri e lartë në terren", Shërbimi i Kërkim-Shpëtimit Malor i Kosovës njofton se kanë pezulluar kërkimet për 29 vjeçarin në Burrel

Ndryshe, shembja e inerteve zuri poshtë 29-vjeçarin Ardit Beshiri teksa po punonte me fadromë për sistemimin e mineralit të kromit, i cili përpunohej në fabrikën e pasurimit në Qafë Burrel, e cila menaxhohej nga një kompani kineze. Ngjarja ndodhi të shtunën e kaluar.

Ndërkohë, për gjetjen e trupit të 29-vjeçarit kanë nisur kërkimet prej tre ditësh, por ende pa rezultat, pasi pajisjet e kërkimit nuk po e lokalizojnë vendin për shkak të masivit të madh të mineralit. /Telegrafi/

The post Rrëshqitja masive e dheut, FSK nis kërkimet për 29-vjeçarin në zonën e quajtur “Qafa e Burrelit” appeared first on Telegrafi.

Prej më shumë se 48 orësh, në zonën e Qafës së Burrelit vijojnë pa ndërprerje kërkimet për gjetjen e 29-vjeçarit Ardit Beshiri, i cili u zhduk të shtunën teksa punonte me eskavator në një fabrikë përpunimi të kromit. I riu u zuri poshtë një masiv i madh dheu dhe rëre pas çarjes së një rezervuari në objektin industrial.

Sipas burimeve nga vendngjarja, në momentin kritik, Beshiri ndodhej në anën e poshtme të terrenit, ku pritet të ketë qenë më i ekspozuar ndaj përmbytjes së menjëhershme nga uji dhe materiali i akumuluar gjatë procesit të përpunimit të kromit. Deri tani, nuk është gjetur asnjë gjurmë e trupit të tij, ndërsa janë identifikuar vetëm disa pjesë të mjetit eskavator që ai po përdorte.

Në operacionin e kërkimit janë angazhuar forcat e kërkim-shpëtimit të AKSEM-it, forcat e Armatosura, Policia e Shtetit, banorë të zonës si dhe familjarët e 29-vjeçarit, të cilët apelojnë për shtimin e kapaciteteve dhe burimeve në këtë operacion, duke theksuar vështirësitë që sjell terreni malor dhe prania e madhe e materialit të rrëshqitur.

Autoritetet lokale ende nuk kanë dhënë një afat për përfundimin e kërkimeve, ndërsa situata mbetet kritike dhe e ndjeshme për familjen e të riut.

The post Burrel/ Vijojnë kërkimet për 29-vjeçarin e zhdukur në fabrikën e përpunimit të kromit appeared first on Sot News | Lajme.

Duke folur në një takim elektoral në rrethin e Matit, kryetari i PD-së, Sali Berisha, bëri një premtim tjetër duke thënë se nëse PD vjen në pushtet, do të ketë ulje të mëdha në çmimet e ndërtimeve.

“Ky program është për çdo qytetar të këtij vendi. Garantoj se do të ketë ulje të madhe në çmimet e ndërtimeve. A e dini ju se ata e kanë dhjetëfishuar taksën mbi sipërfaqen e ndërtimit? Ajo ishte 2 përqind të kostos, ndërsa tani është 10 përqind të çmimit të shitjes. Po ashtu, 3 përqind taksa sociale do të hiqet. Në këtë mënyrë, një ndërtues që do të paguante 400 mijë lekë, do të paguajë vetëm 40 mijë lekë. Do të paguajë shumë më pak,” tha Berisha.

Ai theksoi gjithashtu se nuk do të ndalen me kaq, por do të ndërtohen ndërtesa sociale.

“Ne do të ndërtojmë ndërtesa sociale, gjersa të mbyllim në mënyrë përfundimtare kanalet e narkoeurove që po helmojnë Shqipërinë dhe po largojnë shqiptarët,” tha Berisha.

Berisha theksoi se Shqipëria do të bëhet madhështore, duke garantuar se pasuritë e vendit do të jenë të qytetarëve dhe se me këto masa do të rritet zhvillimi i vendit.

“Made in Mat, Made in Albania do të jetë krenaria jonë kombëtare. Mesatarja do të hiqet. Nuk do të ketë më mesatare për të hyrë në universitete. Tarifat e universiteteve do të pjesëtohen me 4 për çdo student. Studentët që do të marrin bursë, do të kenë 200 euro bursë, sa për minimumin jetik. Po ashtu, pas përfundimit të studimeve, qeveria do t’u paguajë studentëve sigurimet shoqërore për një vit. Çdo çift i ri do të marrë një çati dhe 30 mijë euro grant për të paguar interesat e kredisë,” tha Berisha.

LEXONI GJITHASHTU:

• Dosja “Partizani” shtyhet sërish, vendimi për Berishën do të merret pas 11 majit
• Berisha shfaqet me qeleshe në takimin e Mirditës: Kjo është java e njishave

The post Berisha premton ulje të çmimeve të ndërtimit dhe grante për çiftet e reja appeared first on Euronews Albania.

Këtë të hënë, në kaudër të zgjedhjeve të 11 majit, kryetari i Partisë Demokratike, Sali Berisha,  zhvilloi një takim në Burrel ku u shpreh se ish-kryebashkiaku i Burrelit, Agron Malaj, është një nga hajdutët më të mëdhenj të qeverisjes vendore në Shqipëri.

Gjithashtu, Berisha tha se skema e aferës “5D” të Bashkisë Tiranë, ndodh në Mat dhe kudo.

Sipas tij, në vend që biznesmenët të aplikojnë dhe të fitojnë tendera, i bllokojnë dhe i marrin vetë me familjarët.

Lideri i opozitës u shpreh se ish-kryebashkiaku ka një vëlla me emrin Fatos, që sipas tij, “vjedh tendera” në Tiranë.

Berisha iu drejtua kryeministrit Edi Rama, duke i thënë se je i pashpresë.

“Po ndërtojmë rrugë, thotë. Aty janë vjedhjet më të tmerrshme. Do u jap një shifër. Rruga e Kombit është rruga të cilën vetë Behteli e ka shpallur një nga projektet më të vështira që ka realizuar në botë. 27 metra e gjerë, ka kushtuar 10 milionë euro kilometri me gjithë tunelet e gjata të Kalimashit. Rruga e Arbrit, 27 kilometrat e mbetura, 10 metra të gjera, kanë kushtuar 11 milionë euro kilometri.

Prisni. Po i lëmë zonat malore. Po zbresim në fushë. Rruga Lushnje-Fier me 4 korsi ka kushtuar 1 milion euro kilometri e ndërtuar me kompani italiane. Në vitin 2012 kemi përfunduar rrugën Levan-Vlorë. Ajo është rruga më e gjerë në Shqipëri, 35 metra e gjera. Ajo kushtoi gjithsej 2.4 milionë euro. 2.4 milionë euro kur në një kohë kur rruga te Ura e Limuthit kushton 20 milionë euro. Unaza 17 milionë euro. Pra, o miq, çfarëdo që jeni, të cilës parti që i përkisni, shikoni se si vidheni në mënyrë të pamëshirë nga këta hajdutë.

Ato para mund të ishin pensione sot dhe ju duhet të kishit një pension 450 euro sot. Nuk është vetëm kaq, janë 130 milionë euro të djegësit të Tiranës, që nuk ka një tullë të vendosur. Paratë tuaja të zhdukura. 130 milionë euro janë 812 mijë pensione. Të zhdukura. Miq, nuk është pra një problem partie. Është një problem qytetari, është një problem kombëtar.

Çfarëdo bindje të kesh, nuk mund të pajtohesh kurrë me kriminelë të tillë. Po 5D-ja, këtu në Mat është, kudo. Çfarë bënë këta? Në vend se biznesmenët të aplikojnë, të fitojnë tendera, i bllokuan, i marrin vetë me familjarët.

Ky Agron Malaj këtu, ky është një nga hajdutët më të mëdhenj të qeverisjes vendore në Shqipëri. Ky ka një vëlla që quhet Fatos. A e dini ju se Fatosi është një hajdut i pamëshirë i tenderave në Tiranë? Pra, Agroni nuk ngopet me ato që vjedh ju matjanëve. Nuk i dalin. Po me Fatosin dhe Erion Veliajn kanë vjedhur dhjetëra miliona euro qytetarëve të Tiranës për punë, ujësjellësa, etj.

Këta ndajnë paratë njëri me tjetrin. Këta ndjekin modelin Rama. Sepse Edi Rama është sot i vetmi kryeministër në Europë që ka oborrin 8300 metër katrorë tokë, të tërën të plaçkitur, të grabitur. Që ka sarajet, dy herë më të gjata se sarajet e Enver Hoxhës, i cili ishte një gjakësor, por sarajet nuk i regjistroi në emër të vet, as të fëmijëve. I regjistroi pronë të shtetit. Kurse këto saraje janë pronë e Edit”, u shpreh ish-kryeministri Berisha.

The post Zgjedhjet e 11 majit/ Berisha: “5D është edhe në Mat”, Agron Malaj është një nga hajdutët më të mëdhenj appeared first on Albeu.com.

TIRANË, 5 maj /ATSH/ Kryetari i Partisë Demokratike Sali Berisha zhvilloi sot takimin përmbyllës elektoral për zgjedhjet parlamentare të 11 majit në qytetin e Burrelit.

Gjatë fjalës së tij, Berisha u ndal tek prezantimi i programit të PD-Aleanca për Shqipërinë Madhështore.

Sipas Berishës “me 11 maj, matjanët ndahen nga një regjim që në 10 vite i varfëroi ata në mënyrën më të frikshme”.

“Ne më 11 maj, matjanet dhe matjanët, shqiptaret dhe shqiptarët kudo që janë, në Shqipëri dhe jashtë vendit, ndahen nga e keqe e dytë e madhe që u ra në 34 vite si asnjë kombi tjetër në Europë dhe në botë. Ndahen nga një regjim që i shkretoi ata më shumë se çdo pushtim tjetër në historinë tonë”, u shpreh Berisha.

“Ndahen nga një regjim që në 10 vite bëri që Mati të ketë në një vit vetëm 13 lindje, ndërkohë që qindra zogj të Matit të bëjnë foletë në dherat e tjera”, tha Berisha.

“Nga viti 2007 deri në vitin 2014, numri i qytetarëve në Mat dhe në Shqipëri është rritur nga viti në vit. Pra nuk është se kishim rroga kaq të larta, as pensione kaq të larta, por kishte një gjë: rrogat rriteshin çdo vit. Pensionet rriteshin çdo vit”, tha Berisha.

Berisha shtoi se “nga viti 2013 gjer sot, pensionisti shqiptar që merrte pension mesatar 143 mijë lekë, merr gjithsej 172 mijë lekë pension mesatar. Por 57 për qind e tyre nuk marrin pension të plotë, marrin pension të pjesshëm dhe të stërpjesshëm”, tha Berisha.

Berisha tha se në ndërtimin e rrugëve janë vjedhur para publike.

“Po ndërtojmë rrugë, thotë. Aty janë vjedhjet më të tmerrshme. Do ju jap një shifër. Rruga e Kombit është rruga të cilën vetë Behteli e ka shpallur një nga projektet më të vështira që ka realizuar në botë. 27 metra e gjerë, ka kushtuar 10 milionë euro kilometri me gjithë tunelet e gjata të Kalimashit. Rruga e Arbrit, 27 kilometrat e mbetura, 10 metra të gjera, kanë kushtuar 11 milionë euro kilometri.

“Në vitin 2012 kemi përfunduar rrugën Levan-Vlorë. Ajo është rruga më e gjerë në Shqipëri, 35 metra e gjera. Ajo kushtoi gjithsej 2.4 milionë euro. 2.4 milionë euro kur në një kohë kur rruga te Ura e Limuthit kushton 20 milionë euro. Unaza 17 milionë euro”, tha Berisha.

Berisha hodhi akuza në dhe drejtim Agron Malajt, ish-kryetar bashkie, aktualisht kandidat për deputet i PS-së duke deklaruar se vëllai i tij merr tenderë në Tiranë. /j.p/

The post Berisha në Mat: Më 11 maj ndahemi nga një regjim që vetëm varfëroi në 10 vjet appeared first on Agjencia Telegrafike Shqiptare.

Kreu i PD-së, Sali Berisha ka deklaruar se vjedhjet më të mëdha që bëhen janë në ndërtimin e rrugëve në vend. Nga takimi elektoral me banorët në Burrel, Berisha hodhi akuza ndaj qeverisë duke u shprehur se “fondet, paratë tuaja, pensionet dhe rrogat tuaja i vjedhin”. Ai u shpreh se shqiptarët vidhen pa mëshirë duke theksuar se ato para sot mund të ishin pensione për të moshuarit.

“Kur i kërkuram të votojë pensionin minimal 200 euro tha “biem në katastrofë”. Nuk janë çështje partiake këto, dhembshuria nuk ëhstë virtut i një partie, por i qenies njerëzore.

Kurse këta, çfarë bëjnë, fondet, paratë tuaja, pensionet dhe rrogat tuaja i vjedhin. Po ndërtojmë rrugë thonë, aty janë vjedhjet më të tmerrshme miq. Rruga e Kombit ka kushtuar 10 mln euro km me gjithë tunelet e gjata. Rruga e Arbrit, kanë kushtuar 11 mln euro km. Unaza 17 mln euro. Cilido partie që i përkisni shikoni si vidheni pa mëshirë, ato para mund të ishin pensione sot. Sot duhet të kishit pension 450 euro. Janë 130 mln euro të djegësit të Tiranës që nuk ka një tullë të vendosur, të taksave të tuaja. 130 mln euro janë 812 mijë pensione të zhdukura”, tha Berisha.

The post “’Po ndërtojmë rrugë thonë’, aty janë vjedhjet më të tmerrshme”/ Berisha: Ato para mund të ishin pensionet tuaja sot appeared first on Sot News | Lajme.

Prej dy ditësh 29-vjeçari Ardit Beshiri rezulton i humbur pas çarjes së një rezervuari uji pranë fabrikës së përpunimit të kromit në zonën e quajtur Qafë-Burrel, në Klos. Kushëriri i Beshirit, Mevlan Taraj ka apeluar për ndihmë që të ndërhyjnë institucionet shtetërore që të ndihmojnë me gjetjen e trupit të të riut. Taraj u shpreh […]

The post Shembja masivit të kromit/ Kushëriri i 29-vjeçarit: Nuk po gjejmë dot trupin! Duhen aparatura të posaçme appeared first on BoldNews.al.

Është vënë në pranga 44-vjeçari Admir Lala, drejtues teknik i kompanisë kur për shkak të shembjes së një masivi kromi në Klos është zhdukur një 29-vjeçar, i cili u zu poshtë bashkë me një fadromë. Sipas policisë, 29-vjeçari më iniciale A.B., nuk është gjetur që prej ditës së djeshme. I riu ishte duke punuar me […]

The post Punëtorin e zuri posht kromi, arrestohet tekniku i kompanisë! 29-vjeçari akoma nuk është gjetur appeared first on BoldNews.al.

Një ngjarje e rëndë është regjistruar pasditen e sotme në një fabrikë kromi në Burrel.

Policia njofton se një masivë dheu është shembur, duke zënë poshtë një nga punëtorët, së bashku me automjetin e punës.

“Rreth orës 14:00, në qafën e Burrelit, në fabrikën e pasurimit të kromit, e marrë me qira nga një shoqëri kineze, shtetasi A.B., teksa po punonte me një automjet fadromë për gërryerjen e një rezervuari, dyshohet se është shembur një masiv dheu dhe, për pasojë, ka zënë poshtë punëtorin bashkë me mjetin e punës”, informon policia.

Sakaq, shërbimet e Policisë dhe ato të ekipit të urgjencës po punojnë për gjetjen e punëtorit të zhdukur.

Në vendngjarje ka mbërritur edhe grupi hetimor që po punon për zbardhjen dhe dokumentimin e rrethanave të saj.

The post Shembet masivi i kromit në Burrel, zë poshtë punëtorin dhe fadromën appeared first on Telegrafi.

Një ngjarje e rëndë është regjistruar pak minuta më parë në zonën e njohur si Qaf Burrel, ku një masiv minerali që grumbullohej nga përpunimi i kromit është shembur, duke marrë me vete një mjet tip fadrom me të cilin po punonte një i ri.

Nga shembja e stogut është çarë edhe një rezervuar uji që ishte krijuar nga puna e fabrikës së përpunimit të kromit të varfër, e për pasojë ka marrë me vete mjetin.

Në vendngjarje kanë mbërritur forcat e policisë e dhjetra banorë të cilët po kërkojnë për drejtuesin e mjetit fadrom.

Fabrika që përpunohej minerali i kromit ishte marrë me qera pak muaj më parë nga dy shtetas kinez.

The post Shembet masivi i kromit në Klos, merr para fadromën bashkë me drejtuesin, detajet e para appeared first on Sot News | Lajme.

BURREL- Një masiv dheu ka zënë poshtë drejtuesin e një fadrome në fabrikën e pasurimit të kromit, në vendin e quajtur si “Qafa e Burrelit”.

Kjo fabrikë thotë policia është marrë me qira nga një shoqëri kineze.

Shërbimet e Policisë së bashku me ekipet e emergjencës ndodhen në vendin e ngjarjes dhe po punojnë për gjetjen e punëtorit. Punëtori ishte duke punuar me fadromë për gërryerjen e një rezervuari.

Njoftimi i Policisë: 

Rreth orës 14:00, në qafën e Burrelit, në fabrikën e pasurimit të kromit, e marrë me qira nga një shoqëri kineze teksa po punonte me një automjet fadromë për gërryerjen e një rezervuari, dyshohet se është shembur një masiv dheu dhe, për pasojë, ka zënë poshtë punëtorin bashkë me mjetin e punës.

Shërbimet e Policisë dhe ato të ekipit të urgjencës po punojnë për gjetjen e tij.

Grupi hetimor ndodhet në vendngjarje dhe po punon për zbardhjen dhe dokumentimin e rrethanave të kësaj ngjarjeje.