Deputeti Fatmir Mediu, i ftuar në emisionin “Real Story” në ABC News, ka komentuar zhvillimet e fundit gjeopolitike dhe ndikimin e SHBA-së në skenën ndërkombëtare. Ai theksoi se administrata amerikane, me në krye Donald Trump, po rikthen disa prej traditave të hershme diplomatike të Uashingtonit, duke e pozicionuar sërish Amerikën si një fuqi dominuese globale.

Sipas tij, jemi përballë një rikthimi të disa prej pozicioneve tradicionale të diplomacisë amerikane, të cilat, sipas tij, ishin dëmtuar apo lënë pas dore në vitet e fundit.

Mediu vlerësoi se kjo qasje nuk është një risi ekskluzive e Trump, por pjesë e një kthimi në një filozofi më të hershme të politikës së jashtme amerikane, që synon rikthimin e ndikimit global të SHBA-së. Ai e cilësoi Trump si një president atipik, por me vizion të qartë gjeopolitik, i cili, sipas tij, ka goditur drejtpërdrejt rivalët strategjikë të Amerikës, me theks të veçantë mbi Kinën dhe Iranin.

“Trump ka përcaktuar qartë se cili është rivali i tij, dhe ai është Kina. Ndërhyrjet e tij kanë shkaktuar një krizë të thellë në ekonominë kineze”, u shpreh Mediu. Ai shtoi gjithashtu se qasja e Trump ndaj marrëdhënieve mes Iranit dhe Izraelit ka pasur ndikim të jashtëzakonshëm në balancat gjeopolitike në Lindjen e Mesme.

Në përfundim, Mediu theksoi se nën drejtimin e Trump, SHBA po e rikthen rolin e saj jo vetëm si një fuqi ekonomike dhe ushtarake, por edhe si një shtyllë kyçe në arkitekturën e sigurisë globale, përfshirë brenda NATO-s.

“Unë mendoj që ka një rikthim të disa pozicioneve të SHBA në  raport me gjeopolitikën. Kjo diplomaci nuk është vetëm e Trump ka qenë e hershme. Është një rikthim i disa traditave amerikane, të cilat u dëmtuan rishtazi. Shkuan shumë larg nga sa ne mund ta mendonim. Për sa i përket Trump, dihet që është një President atipik, që ka atë këndvështrimin si president. Ai është një njeri që i ka pasur të gjitha gjërat me bollëk, dhe ajo që i kishte munguar është pushteti që ka tani.

Është president që jo vetëm që po e kthen Amerikën në forcë, po bën dhe një gjeopolitikë të re në mbarë botën. Kina po zhvillohej me ritme të tilla, që sipas ekspertëve ishte e pakonkurrueshme edhe nga Amerikan, në tregti, ekonomi, apo ushtri. Trump e ka përcaktuar qëndrimin e vet e ka gjetur se kush rivali i tij dhe padyshim që është Kina. Raporti që mori Trump me Kinën solli një krizë në ekonominë kineze. Lëvizjes e Trump ndaj Iran-Izrael pati një efekt të jashtëzakonshëm gjeopolitik. Trump e ka çuar në një nivel tjetër fuqinë e Amerikës, si fuqi e NATO-s”, tha Mediu./abcnews.al

Marrëdhëniet mes Shqipërisë dhe Shteteve të Bashkuara të Amerikës, ndikimi historik i fuqive të mëdha dhe sfidat gjeopolitike në rajon, ishin në qendër të diskutimit mbrëmjen e kësaj të enjteje në emisionin “Real Story” në ABC News.

Eksperti i marrëdhënieve ndërkombëtare, Ledion Krisafi, theksoi se shqiptarët kanë kërkuar gjithmonë mbështetjen e një fuqie të jashtme, duke përfituar historikisht nga roli dominues i SHBA-ve pas Luftës së Dytë Botërore.

“Shqiptarët kanë kërkuar gjithmonë një fuqi të jashtme. Në këtë pikë për të zëvendësuar Austro Hungarinë me SHBA. Ishin dhe një situatë historike krejt tjetër, ndryshuan situatat politike në atë pikë dhe jam i bindur që populli shqiptar ka përfituar më shumë se kushdo tjetër nga fuqia Amerika. Por, ndryshoi sistemi kombëtar SHBA u bë fuqia më e madhe botërore në atë periudhë saqë shqiptarët përfituan nga kjo fuqi amerikane. Nuk mendoj se e kanë zgjedhur drejtpërdrejt Amerikën ne”, tha Krisafi.

Ndërsa deputeti Fatmir Mediu nënvizoi rëndësinë strategjike të faktorit shqiptar dhe të Adriatikut në interesat amerikane në Ballkan, duke paralajmëruar për rritjen e ndikimit të aktorëve të tjerë globalë si Rusia dhe Kina në rajon.

“Unë mendoj se kemi dashur vetë që ta fusnin veten në qendër të Amerikës. Në fakt marrëdhëniet kanë ngecur dhe kanë evoluar shumë pozitivisht. Interesi amerikan është padyshim i lidhur me Ballkanin, është lidhur sidomos me Mesdheun për arsye gjeopolitike dhe në këtë aspekt faktori shqiptar dhe Adriatiku është goxha i rëndësishëm. Ky ka qenë dhe shkaktari i tërheqjes së forcave të tjera si Rusisë dhe Kinës. Dhe një nga arsyet më të mëdha që diskutohet sot është penetrimi i Rusisë dhe Kinës në Ballkan”, u shpreh Mediu./abcnews.al

Në emisionin “Real Story” në ABC News, me një panel të ftuarish Paskal Milo ish-ministër i Jashtëm, deputeti Fatmir Mediu, Ledion Krisafiu, ekspert i Marrëdhënieve Ndërkombëtare dhe Mentor Beqa ekspert i çështjeve ndërkombëtare diskutuan për raportet e reja të SHBA më botën, duke u fokusuar te raporti i Amerikës me Shqipërinë.

Gjatë intervistës në emisionin “Real Story”, eksperti Ledion Krisafi, tha se shqiptarët kanë qenë një popull që u masakruan nga fqinjët, por edhe të ndarë. Ndërsa theksoi se shoqëria shqiptare e shihte Amerikën si të vetmin vend që nuk kishte interes për të ndarë territor, por edhe si një shpëtim.

“Është një popull që nga fqinjët u masakrua, nga pjesa tjetër e Evropës u nda më dysh. Ndërsa Amerikën e shihnin si të vetmin vend që nuk prisnin ndarje. Austro-Hungaria e vetmja që i kishte mbështetur në luftës së parë botërore u shpërbë. Pra Amerikën e shihnin si të vetmin vend që nuk kishte interes për të ndarë territorin shqiptar”, tha ai.

Ndërsa gjatë fjalës së tij, Fatmir Mediu tha se Shtetet e Bashkuara të Amerikës krijuan raporte me regjimin komunist, duke thënë se brenda shoqërisë shqiptare Amerika mbeti një ëndërr e madhe.

“Kanë vendosur krijuesin më pas njerëzit. Pra raportit nuk është me qeverinë por me të drejtat. Unë mendoj që ndonjëherë e kemi veshur edhe në mënyrë artificiale këtë raportin me Amerikën. Hapi i parë i një marrëdhënie të qëndrueshme të interesin tonë ka qenë i pavarësisë. Më pas për shkak të rrethanave që ne u lamë brenda bllokut komunist. Amerika tentoi, por tentativa që ne përpiqemi t’i ekzagjerojmë”, u shpreh ai.

/abcnews.al/

Në emisionin “Real Story” në ABC News, deputeti Fatmir Mediu dhe eksperti i çështjeve ndërkombëtare Mentor Beqa folën mbi marrëdhënien historike dhe aktuale të Shqipërisë me Shtetet e Bashkuara të Amerikës.

Mediu u shpreh se dikur politika shqiptare tregonte seriozitet në raport me SHBA-të, ndërsa sot kjo marrëdhënie po zbehet për shkak të qëndrimeve jo të përputhshme.

“Interesi i shqiptarëve ishte që të krijonin një aleancë të madhe dhe të kishe në krah SHBA-të ishte një kënaqësi shumë e madhe. Sot jemi në rrethana të tjera. Atëherë kemi qenë serioz, kurse sot nuk jemi serioz, sepse dalin nga goja e kryeministrit gjëra që nuk duhet të dalin. Flasin me gjuhën institucionale, por jo me gjuhën e tyre personale”, tha Fatmir Mediu.

Ndërkohë, Beqa theksoi se ideja amerikane ka qenë gjithmonë një burim frymëzimi për elitën shqiptare dhe shoqërinë në tërësi, duke u rrënjosur thellë në identitetin politik dhe kulturor të vendit.

“Ideja amerikane në Shqipëri ka qenë e hershme, ndoshta edhe para krijimit të verë Shqipërisë. Gjithmonë Shqipëria ka pasur idenë që të jetë në gjurmët e Amerikës. Amerika dhe ideja amerikane ka qenë një frymëzim i jashtëzakonshëm edhe në intelektualëve të botës. Edhe një pjesë e madhe e elitës shqiptare ka marrë nga ajo perëndimorë. Ideja Amerikane ka qene gjithmonë prezente”, tha Beqa./abcnews.al

Fatmir Mediu është paraqitur mesditën e kësaj të marte në GJKKO për seancën e radhës lidhur me tragjedinë e Gërdecit, ku ish-ministri i Mbrojtjes është marrë i pandehur.

Procesi aktualisht ndodhet në fazën e leximit të 150 pyetjeve dhe pikave të kontestimit që po lexon ish-ministri dhe që ka lexuar vetëm gjysmën e tyre. Kjo procedurë do vijojë edhe disa seanca, derisa Mediu të mbarojë objeksionet për ekspertimin.

Mediu akuzohet për shpërdorim detyre, pasi sipas SPAK janë shkelur procedurat e ngritjes së fabrikës së demontimit në Gërdec, pranë një zone të banuar si dhe ato të municioneve. Vetë Mediu i ka kundërshtuar akuzat e ngritura dhe gjithashtu gjetjet e ekspertëve. Gjyqi për Mediun vijon që prej prillit 2023 dhe ndodhet ende në fazën e kundërshtimeve që ish-ministri i mbrojtjes po bën ndaj akt-ekspertizës së sjellë nga ekspertët.

Rihapja e çështjes ndaj Mediut u vu në lëvizje pas 12 vitesh me iniciativën e familjes Durda, e një prej viktimave të shpërthimit në 15 mars 2008, në ambientet e ish “Brigadës së Tankeve”, ku humbën jetën 26 persona dhe qindra të tjerë u plagosën.

The post Masakra e Gërdecit në fokus sërish / Fatmir Mediu në seancë gjyqësore te GJKKO appeared first on Sot News | Lajme.

Kreu i PR-së dhe një njohës i mirë i marrëdhënie ndërkombëtare, Fatmir Mediu, thotë se tensionet në rritje mes SHBA-së dhe Iranit bëjnë që të lindë nevoja e një analize të thellë të brendshme në Shqipëri, “për të parë se kush janë rreziqet që na kërcënojnë neve dhe masat që duhen marrë”. ”Duhet që të bëjmë një analizë të koordinuar, që vjen si informacion nga burimet e inteligjencës…

Source

Ish-ministri i mbrojtjes Fatmir Mediu ishte këtë të hënë i ftuar në “Now me Erla Mëhillin” ku ka komentuar mbi konfliktin Iran-Izrael.

Sipas tij konflikti në lindjen e mesme është një konflikt i lashtë dhe është shumë i vështirë për t’u zgjidhur. Në këtë konflikt sipas Mediut ka disa faktorë, ekonomik, politik dhe religjioz.

Ai bëri një analizë se përse Izraeli vendosi të sulmojë Iranin të premten.

“Një ditë më parë, agjencia në Vienë e cila mbikëqyr procesin ngriti alarmin se Irani nuk po pranonte më proceset e verifikimit të pasurimit të Uraniumit në centrifugat. U tha se brenda një jave Irani mund të arrinte të ndërtonte armë atomike dhe më pas edhe raketa balistike nukleare. Kjo do e bënte situatën shumë më të komplikuar dhe shumë më të vështirë”,-tha Mediu.

Ai shtoi se një ndikim ka patur edhe afati kohor i caktuar për marrëveshje nga Donald Trump, i cili u la kohë 60 ditë.

Ish-ministri tha gjithashtu se Irani ka qenë një problem i madh për SHBA-të

“Në Dhjetor në takimin që ka bërë IDU në Uashington, Waltz shpjegoi se problemi më i madh për SHBA-në ishte Irani. Për herë të parë kam dëgjuar aty që Irani kishte tentuar të rrëzonte avionin e presidentit Donald Trump, gjatë fushatës elektorale.

LEXONI GJITHASHTU:

• Turistja sllovake mbytet te Shkëmbi i Kavajës, çfarë thotë policia
• Devoll, përlotet fermeri: Si mi ekzekutuan 170 krerë bagëti për frenimin e murtajës

The post “Irani tentoi të rrëzonte avionin e Trump”, Mediu: Pse Izraeli sulmoi pikërisht tani appeared first on Euronews Albania.

Ish-ministri i Mbrojtjes dhe deputeti i opozitës Fatmir Mediu i ftuar në një intervistë televizive komentoi për stërvitjen e NATO-së në Ballkan, “Defender 25”.

Sipas tij, marin fund aludimet nëse administrata Trump e ka seriozisht angazhimin për Aleancën e Atlantikut të Veriut. Mediu thotë se kjo stërvitje është një test për trupat amerikane. Më tej thekson se pozitive është dhe angazhimi i Kosovës në këtë stërvitje si i vetmi vend jo-anëtar i NATO-s.

Mediu: Është në stërvitje, organizimi ushtarak amerikan. Ka synim për të parë sa shpejt dhe efektivitet dislokohen në distancë të madhe trupat amerikane për të mbrojtur interesat e sigurisë dhe për të mbrojtur pjesën lindore të NATO. Ka vlerë të madhe politike dhe ushtarake. Janë 18 vende. Faza e parë ka filluar më 18 prill me zhvendosjen drejt Europës, pastaj drejt Baltikut, në aspektin ajror, dhe pastaj angazhimi në trupa dhe shtrirje gjeografike. Ndërveprimin ushtarak në vendet e NATO është element i rëndësishëm. Nga pikëpamja e komandos kontrollit.

Përfshin dhe rajone të rëndësishme: Artiku, Deti i Zi, pjesa e Mesdheut, që ka problemet e veta. Ajo që është pozitive angazhimi i Kosovës, si i vetmi vend jo anëtar i NATO. Ndodh se e para një politikë ushtarake amerikane pas pikëpyetjeve për administratën Trump, veprim konkret, e dyta vlen si deterancë për atë që ndodh në Rusi. Krijon qasje optimale. Dhe për Kosovën për problematikën që ka Ballkani me provokimet e ardhur nga Serbia.

Është një proces i marrëdhënieve, Amerika është qendra e gravitetit të NATO-s. Dhe NATO i krijuar për të mbrojtur Europën. Është një gjë që vendoset në test edhe me stërvitje. Ndodhja në këtë kohë i jep vlerë dimensionit historik që zoti Trump e pranon apo jo NATO. Dy komanda ka NATO, operacionalen dhe transformim.

The post “Veprim konkret nga administrata Trump për Aleancën”/ Defender 25 në Ballkan, Fatmir Mediu:Pozitive angazhimi i Kosovës appeared first on Sot News | Lajme.

Kryetari i Partisë Republikane, Fatmir Mediu, është shprehur se opozita ka përcjellë në Shtetet e Bashkuara një raport ku evidentohen shkeljet zgjedhore të 11 majit, raport i cili sipas tij bazohet edhe në raportin paraprak të OSBE-ODIHR.

Komentet Mediu i bëri në emisionin ‘ÇdoKënd’ me gazetaren Merita Haklaj, ku u pyet se përse SHBA-të nuk e kanë uruar ende kryeministrin Edi Rama për fitoren e zgjedhjeve të 11 majit.

Mediu tha gjithashtu se aktualisht brenda Bashkimit Europian është një situatë jo e mirë dhe sipas tij, kjo është arsyeja që një pjesë e liderëve të Europës gjenden krah kryeministrit Edi Rama.

Ai shtoi gjithashtu se pavarësisht se flitet për hyrjen e Shqipërisë në Bashkimin Europian brenda vitit 2030, aktualisht shtetet kryesore të BE-së janë kundër zgjerimit.

Pjesë nga diskutimi në studio:

Pyetje: Pse SHBA nuk e ka uruar Ramën për fitoren e zgjedhjeve?

Mediu: Po marr sot pjesën europiane. Europa sot ka një problem të madh, ka nevojë për një histori suksesi dhe histori suksesi quan zgjerimin në Ballkanin Perëndimor. Deri para disa kohësh histori suksesi konsiderohej Mali i Zi, pavarësisht problemeve që ai vend ka me Serbinë dhe Rusinë.

Dhe kështu sjellja fashinante e Ramës për të treguar përralla dhe asnjë realitet shqiptar është bërë një histori e pranueshme, duke treguar që Shqipëria është një vëmendje skajore për BE-në. Nga një sinjal që ne kemi marrë në Bruksel, na thonë shiko, Europa kështu është, Komisioni, etj, etj.

Mos harroni një gjë, nëse marr Presidentin francez që thotë se Shqipëria duhet të jetë pjesë e BE-së deri në 2030, është pikërisht Franca që nuk pranon zgjerimin e BE. Është pikërisht Franca që sajoi këtë Komunitetin Politik të Europës.

Është pikërisht Merz dhe nuk thotë asnjë fjalë për zgjerimin dhe është skeptik. Në IDU u tha se janë frenuar emigrantët nga Afrika për të shkuar në Itali, duke u thënë se do të përfundojnë në Shqipëri, që është jashtë Europës.

Pra Shqipëria shihet si gogoli për të frenuar emigrantët nga Afrika. Përsa i përket SHBA-ve, ne kemi përcjellë një raport në SHBA me problematikat e zgjedhjeve, bazuar edhe në raportin e OSBE-së. Kjo duket sikur është një luftë për Berishën, jo.

Kjo është një luftë për të garantuar zgjedhje të lira dhe të ndershme.

The post Pse SHBA nuk e ka uruar ende Ramën për fitoren në zgjedhjet e 11 majit? Ja si përgjigjet Fatmir Mediu appeared first on Albeu.com.

Kreu i Partisë Demokratike, Fatmir Mediu shprehu pakënaqësinë e tij për rezultatin e zgjedhjeve parlamentare për opozitën, por nuk vonoi të lëshonte akuza ndaj kryeministrit Rama dhe qeverisë se me makinerinë e tyre zgjedhore, në bashkëpunim me bandat, i grabitën ato.

E teksa bën përgjegjës kryeministrin për gjendjen e rëndë të demokracisë në vend, Mediu shprehet se sjellja e kreut të qeverisë ndryshon kur ka përballë ndërkombëtarë, të cilëve sipas tij iu ofron një realitet tjetër.

“Rama bën të kundërtën me faktorin ndërkombëtar. Një servilizëm ekstrem, një show, vetëm për të marrë vëmendjen e tyre. I gatshëm të japë çdo gjë që të marrë mbështetje. Historikisht është i tillë. Edhe procesi i integrimit nuk ka gjë substanciale. Kur nuk respektohet e drejta e votës, nuk garantohet siguria e jetës, nuk është një drejtim evropian, por autokratik. Këtë dramë nuk duhet parë si një dramë opozitare, por ne po arrijmë në një pikë ku nuk ka më zgjedhje dhe duket sikur është e pranueshme. Ku po shkojmë”, tha Mediu.

The post “Shqipëria drejt autokracisë”, Mediu shpërthen: Rama grabit zgjedhjet me banda, mashtron ndërkombëtarët appeared first on Sot News | Lajme.

Kreu i PR-së, Fatmir Mediu flet për ditët e fundit të fushatës elektorale, përpara zgjedhjeve të 11 majit dhe frymën që ai ka gjetur në terren. Teksa përmendi një garë të vështirë dhe për shkak të ndarjes së opozitës në disa kampe, Mediu risolli në vëmendje grupet kriminale dhe patronazhistët e PS që po zhvillojnë fushatën e tyre në hije. “Kam parë një frymë pozitive gjatë gjithë takimeve.

Source

GJKKO ka shtyrë seancën gjyqësore për ish ministrin e Mbrojtjes, Fatmir Mediu, i cili eshte nen hetim per dosjen Gerdeci. Shkak është bërë mungesa e gjyqtares, Irena Gjoka, e cila ka paraqitur një raport mjekësor.

Në seancën e 22 prillit Fatmir Mediu tha se trajtim i municioneve ishte kompetencë ekskluzive e Forcave të Armatosura (FA) dhe jo e Ministrit të Mbrojtjes. Sipas tij, çdo vendim i qeverisë shoqërohej me një urdhër të ministrit dhe më pas me një urdhër ose udhëzim të shefit të Shtabit të Përgjithshëm të FA.

The post Shtyhet seanca për ish ministrin Fatmir Mediu, zbulohet arsyeja appeared first on Sot News | Lajme.

Fatmir Mediu flet për angazhimin e Criss LaCivita strategut amerikan në fushatën e opozitës. Kreu i PR-së tha se Criss LaCivita është çdo ditë në kontakt të ngushtë me shtabin elektoral të koalicionit ”Partia Demokratike-Aleanca për Shqipërinë Madhështore”. ”Të gjithë e njohin se çfarë është Edi Rama, nëse doni t’i vendosim epitete, mund ta gjejmë fare kollaj: mashtrimi është e para…

Source

Një dekadë pas votimit unanim në Kuvend të ligjit për dekriminalizimin e politikës, dy forcat kryesore në zgjedhjet e 11 majit, Partia Socialiste dhe Partia Demokratike, kandidojnë në lista të mbyllura dhe të hapura një duzinë personash që po hetohet aktualisht nga Prokuroria e Posaçme, SPAK. Pavarësisht se korrupsioni është një nga problemet madhore të […]

The post ‘Politika sfidon drejtësinë’ me kandidatët nën hetim për çështje korrupsioni appeared first on Reporter.al.

TIRANË, 13 prill /ATSH/ Kryetari i Partisë Republikane, Fatmir Mediu, deklaroi sot se Shqipëria madhështore, është ajo e fëmijëve, dinjitetit dhe nderit.

Në fjalën e tij në takimin e “Aleancës për Shqipërinë Madhështore” me shqiptarët që jetojnë dhe punojnë në Breshia të Italisë, Mediu tha se, “shqiptarët nuk duan pasaportën, por liri. Duan shtetin e shqiptarëve dhe jo pushtetin e krimit”.

“Europian je kur lirinë tënde e krijon me familjarët e tu në Shqipëri. Shqipëria madhështore, është ajo e fëmijëve, dinjitetit dhe nderit. Shqipëria madhështore është vota juaj më 11 maj”, tha ai.

“Vota për nr.1 do të ndikojë për ëndrrat dhe pronat tuaja”, iu drejtua ai të pranishmëve në takim.

“Të krijojmë një Shqipëri me dinjitet, një vend ku rriten fëmijët tanë. Kjo është Shqipëria Madhështore. Shqipëria është më e bukur, më madhështore kur jetojmë bashkë të gjithë”, tha ai.

“Ju treguat që jeni jo të zakonshëm, por të jashtëzakonshëm. Nuk u përkulët përballë pushtetit, pasi ju dhe veç në duhet të përulemi përpara të mirës, dinjiteti dhe kombit shqiptar. Luftoni këto ditë që kanë ngelur dhe sillni në rrugën tuaj gjithë shqiptarët në Itali. Votoni numrin 1! 11 maji, është dita juaj”, iu drejtua Mediu të pranishmëve. /j.p/

The post Takimi me shqiptarët në Breshia, Mediu: Të krijojmë një Shqipëri me dinjitet appeared first on Agjencia Telegrafike Shqiptare.

Ish-ministri i mbrojtjes Fatmir Mediu që është marrë i pandehur për shpërdorim detyre në lidhje me dosjen Gërdeci, po kundërshton përballë gjykatës ekspertizën tekniko ushtarake.

Mediu në fjalën e tij tha se shpenzimet për transportn e municioneve nuk kanë qenë kompetencë e ministrisë së tij, por transporti në cdo rast është bërë nga Forcat e Armatosura.

“Sipas urdhrave të Shtabit të Përgjithshem, del qartë, që shpenzimet për transportin e municioneve nuk kanë qenë pjesë e kompetencave të Ministrit të Mbrojtjes. Sipas ligjit për buxhetin, fondet e donatorave për demontim, konsiderohen si pjesë e buxhetit të Ministrisë së Mbrojtjes, qoftë grante, qoftë kredi”, kundërpërgjigjet pas akuzave ish-ministri Mediu.

The post Dosja “Gërdeci”/ “Shpenzimet për transportin e municioneve, s’ishin pjesë e kompetencave të Ministrit”, flet ish… appeared first on Sot News | Lajme.

Sot pritet nëse Mediu do jetë prezent siç ka deklaruar, pasi kërkon t’i japë vetë konkluzionet mbrojtëse për ekspertizën tekniko-ushtarake. Pas shpërthimit vdiqën 26 persona dhe qindra të tjerë u plagosën. Gjykata e Posaçme pritet të zhvillojë sot seancën e radhës për masakrën e Gërdecit, ku shpërthimi katastrofik i fabrikës së demontimit vrau 26 njerëz të pafajshëm dhe plagosi qindra të tjerë.

I pandehur është ish-ministri i Mbrojtjes në qeverinë “Berisha” në atë kohë, deputeti republikan Fatmir Mediu, i cili prej kohësh ndodhet në SHBA dhe bën herë pas here postime për pastrim imazhi, duke e përdorur edhe si justifikim për zvarritje proceduriale. Disa prej seancave të fundit janë shtyrë për shkak se ai ka qenë jashtë vendit dhe nëpërmjet avokatëve është shprehur se do i paraqesë vetë konkluzionet mbrojtëse. Edhe seanca e fundit e parashikuar e 7 prillit u shty dhe gjyqtarja Irena Gjoka paralajmëroi avokatët e deputetit që akuzohet për shpërdorim detyre në lidhje me atë ngjarje, se nuk do tolerojë më.

Edhe SPAK ka kërkuar që të mos shtyheshin seancat pa fund, por sot (11 prill) do të pritet nëse ky gjyq do zhvillohet, i parashikuar për në mesditë. Edhe në këtë proces po ndiqet e njëjta praktikë si me dosjen e aferës “Partizani”, ku të pandehur janë kreu i PD-së Sali Berisha dhe dhëndri i tij Jamarbër Malltezi, bashkë me 3 të tjerë. Ky proces në seancë paraprake u shty sërish sot për të martën e ardhshme nga GJKKO, pasi mungoi avokati i Xhimi Begejas, që kishte dorëzuar raport mjekësor si i sëmurë. Sipas avokatit Henrik Ligori, Mediu duhet të jetë vetë i pranishëm për të paraqitur komentet mbi akt ekspertimin tekniko ushtarak. Ndërkohë, avokati i familjarëve Dorian Matlia kërkoi që pretendimet të paraqiten njëherë me shkrim për ekonomi gjyqësore.

Prokurori Klodian Braho e quajti të pajustifikuar mungesën e Fatmir Mediut dhe kërkoi seancën e kaluar që të vazhdonte seanca në prani të mbrojtësit të tij ligjor, gjë që u kundërshtua nga ky i fundit. Gjyqtarja Irena Gjoka vendosi të shtyjë seancën duke i tërhequr vëmendjen Mediut, që mungesa të kësaj natyre nuk do të konsiderohen më në seancat e ardhshme.

The post “Dosja Gërdeci”/Ish-ministri Fatmir Mediu, paraqitet në GJKKO, mbahet sot seanca e rradhës appeared first on Sot News | Lajme.

Kreu i PR-së, Fatmir Mediu flet për takimet e opozitës për zgjedhjet e 11 majit. Për të qëllimi ishte që të tregoheshin shqetësimet për situatën në Shqipëri. ”Prej kohësh, opozita shqiptare ka zhvilluar kontaktet e veta, ndoshta pak të vonuara me PE-në CDI e Kongresin Amerikan e tashmë edhe me Asamblenë e Këshillit të Europës. Qëllimi ka qenë të njohin situatën në Shqipëri, një situatë që ishte…

Source

Shtyhet për në datë 7 prill seanca gjyqësore në ngarkim të ish-ministrit Fatmir Mediu për tragjedinë e Gërdecit. Shkak u bë mungesa e tij i cili kishte një ftesë në Kongresin Amerikan nga data 24 mars deri në datën 1 prill. Sipas avokatit Henrik Ligori, Mediu duhet të jetë vetë i pranishëm për të paraqitur […]

The post “Gërdeci”/ Shtyhet gjyqi për Mediun, ish-ministri mungoi në seancë appeared first on BoldNews.al.

Kreu i Republikanëve, Fatmir Mediu ka marrë garancinë e përfaqësuesve të OSBE për të ndjekur nga afër zgjedhjet në Shqipëri, zgjedhje që sipas tyre duhet të jenë të ndershme dhe të lira.

Në takimin e Vjenës të OSBE PA, Mediu shprehet se Kongresmeni Joe Wilson, njëkohësisht Kryetar i Komitetit të Helsinkit në Kongresin Amerikan tha se do njekin nga afër procesin zgjedhor.

Mediu theksoi gjithashtu se në takimin me Sekretarin e Përgjithshëm të Asamblesë, Roberto Montella dhe ekipin që do vëzhgojë zgjedhjet, në emër të opozitës ka kërkuar që drejtimi i këtij misioni të jetë i balancuar, si një nga kriteret kryesore të Asamblesë Parlamentare të OSBE, gjë të cilën ia kërkoi dhe bëri prezent edhe Presidentes së Asamblesë Pia Kuama, duke kërkuar një mision fakt mbledhës përpara zgjedhjeve të 11 majit.

Statusi

Në takimin e Vjenës të OSBE PA. Kongresmeni Joe Wilson Kryetari Komitetit të Helsinkit në Kongresin Amerikan tha se do njekim

Me vëmendje zgjedhjet në Shqipëri dhe ato duhet të jenë të lira dhe të ndershme.

Po në të njëjtin shqetësim dikutova dhe me

Kongresmenin Marc Veasey dhe me përfaqësusen e SHBA në Vjenë mike e vjetër e Shqipërisë Janice Helëig.

Kryetari i Parlamentit Auatriak përshëndeti takimin vjetor të OSBE PA

Po ashtu zhvilluam një takim

Me Sekretarin e Përgjithshëm të Asamblesë Roberto Montella dhe ekipin që do vëzhgojl zgjedhjet. Në emër të opozitës i kërkova që drejtimi i këtij misioni të jetë i balancuar si një nga kriteret kryesore të Asamblesë Parlamentare të OSBE, gjë të cilën ja kërkova dhe bëra prezent dhe Presidentes së Asamblesë Pia Kuama, duke kërkuar një mision fakt mbledhës përpara zgjedhjeve të 11 majit.

The post Mediu në takimin e OSBE: Kërkova mision faktmbledhës në Shqipëri përpara zgjedhjeve të 11 majit appeared first on Albeu.com.