Presidenti i SHBA, Donald Trump, ka lënë të hapur një dritare shprese për përfundimin e luftimeve në Rripin e Gazës, duke deklaruar se “ekziston një mundësi shumë e mirë” që të arrihet një armëpushim brenda ditëve në vijim.

Deklarata e tij erdhi pas takimit të zhvilluar të martën në Uashington me kryeministrin izraelit Benjamin Netanyahu, një bisedë intensive që pasoi takimin e mëparshëm vetëm një ditë më parë.

“Kemi një mundësi reale për paqe këtë apo javën që vjen,” u shpreh Trump para gazetarëve, duke theksuar përkushtimin amerikan për të ndërmjetësuar ndalimin e përshkallëzimit në Lindjen e Mesme.

Dy liderët diskutuan zhvillimet e fundit në Gaza dhe skenarët për një ndërprerje të zjarrit që do të sillte një lehtësim për civilët dhe një stabilitet të përkohshëm në rajon.

The post Trump flet për armëpushim të mundshëm në Gaza: Kemi një mundësi reale për paqe këtë ose javën tjetër appeared first on iconstyle.al.

Të dielën, sulmet ajrore izraelite në Rripin e Gazës shkaktuan vdekjen e të paktën 38 palestinezëve, sipas burimeve spitalore, në një moment ku negociatat për një armëpushim po arrijnë një pikë kritike, raporton The Guardian. Spitali Nasser në qytetin jugor Khan Younis konfirmoi se 18 persona u vranë në zonën bregdetare al-Mawasi, e mbushur me tenda […]

The post 38 të vrarë në Gaza nga sulmet izraelite, teksa bisedimet për armëpushim hyjnë në fazën vendimtare appeared first on BoldNews.al.

Pas më shumë se 21 muajsh luftë, shpresat për një armëpushim në Gaza po rriten ndërsa kryeministri izraelit Benjamin Netanyahu takohet me presidentin e SHBA-së, Donald Trump, në Uashington. Gjatë një konference për media, Trump theksoi se ishte “shumë i vendosur” për të ndihmuar në arritjen e një marrëveshjeje që do të sillte fundin e këtij konflikti, duke shtuar se ai besonte se “do të kemi një marrëveshje këtë javë.”

Ndërkaq, Netanyahu, i cili ka udhëhequr Izraelin gjatë gjithë kësaj periudhe të tensioneve, shprehu besimin se bisedimet me Trump mund të përshpejtojnë një marrëveshje për armëpushimin. “Po punojmë për të arritur marrëveshjen që është diskutuar, sipas kushteve që kemi rënë dakord,” tha Netanyahu përpara se të nisej për në Uashington. Ai shprehu shpresën se diskutimet mund të sjellin një rezultat pozitiv për të cilin gjithkush po shpreson.

Në të njëjtën kohë, bisedimet indirekte midis Izraelit dhe Hamasit kanë rifilluar në Katar për një propozim të sponsorizuar nga SHBA-të për një armëpushim 60-ditor dhe për një marrëveshje për lirimin e pengjeve. Këto bisedime janë në një fazë delikate, me shumë paqartësi nëse dallimet e thella midis palëve mund të kapërcehen.

Në Izrael, të shtunën në mbrëmje, u zhvilluan protesta masive, ku qytetarët kërkuan që qeveria të nënshkruante një marrëveshje që do të mundësonte kthimin e rreth 50 pengjeve nga Gaza, të paktën 20 prej të cilëve besohet të jenë ende gjallë.

Ky zhvillim ka shkaktuar një valë tensioni dhe pasigurie, por bisedimet për armëpushim mbeten në fokus, ndërsa pasiguria përfundimtare e një marrëveshjeje vazhdon të mbetet e paqartë.

LEXONI GJITHASHTU:

• OKB: Qindra mijëra afganë detyrohen të largohen nga Irani
• Sulmet me dronë ukrainas shkaktojnë kaos në trafikun ajror të Rusisë

The post Shpresat për armëpushim në Gaza pas 21 muajsh luftë, Netanyahu viziton SHBA-në appeared first on Euronews Albania.

E diela nuk është thjesht dita para së hënës. Është një mundësi për t’u shkëputur nga rutina, për të marrë frymë më thellë dhe për të bërë diçka që gjatë javës shpesh e lëmë pas dore: kujdesin ndaj vetes.

Ja disa ide të thjeshta por të këndshme që mund të bësh sot:

Një shëtitje në natyrë – qoftë edhe një park afër shtëpisë, ajri i pastër dhe pak diell bëjnë mrekulli për mendjen dhe trupin.
Lexo një kapitull nga një libër i lënë përgjysmë – ose nis një të ri që të tërheq.
Gatuaj diçka ndryshe – një mëngjes i ngadaltë me recetën që ke ruajtur në telefon prej muajsh.
Meditim ose yoga në shtëpi – vetëm 10 minuta heshtje mund të ndryshojnë gjithë ditën.
Shkëputu pak nga rrjetet sociale – dhe lidhu më shumë me njerëzit rreth teje ose me vetveten.
Shiko një film që të ngroh shpirtin – jo për të kaluar kohën, por për të kënaqur veten.
Shkruaj mendimet e tua – si ndihesh, çfarë do të lësh pas, çfarë do të marrësh me vete në javën që vjen.

E diela është ftesë për qetësi, jo për produktivitet.
Mos u ndje fajtor për pushimin. Ndjehu mirënjohës për të.

The post Është e diel, dita perfekte për të ngadalësuar ritmin dhe për të bërë diçka për veten appeared first on iconstyle.al.

Kryeministri izraelit, Benjamin Netanyahu, do të vizitojë Shtetet e Bashkuara të hënën për një takim me Presidentin Donald Trump. Vizita pritet të fokusohet në festimin e fitores së Izraelit dhe SHBA-së kundër Iranit dhe diskutimin e një propozimi për një armëpushim në luftën e vazhdueshme në Gaza.

Kjo është hera e tretë këtë vit që Netanyahu takon Trump, i cili ka pretenduar se SHBA-të dhe Izraeli kanë “shkatërruar” programin bërthamor të Iranit dhe ka kërcënuar me rifillimin e bombardimeve nëse Teherani rinis aktivitetet bërthamore.

Javën e kaluar, Trump njoftoi se Izraeli kishte rënë dakord për një armëpushim 60-ditor në Gaza, një hap që do të mundësonte përpjekje për përfundimin e luftës 21-mujore. Në anën tjetër, Hamasi dha një përgjigje “pozitive” ndaj propozimit të ndërmjetësuar nga Katar dhe Egjipti për armëpushimin.

LEXONI GJITHASHTU:

• I kërkuar ndërkombëtarisht për trafik droge, kapet në Qafë Thanë 34 vjeçari
• Përmbytjet në Teksas: 51 të vdekur dhe mbi 850 të shpëtuar

The post Netanyahu viziton të hënën SHBA-në, fokusi në propozimet për armëpushim appeared first on Euronews Albania.

Hamasi ka pranuar propozimin për armëpushim dhe marrëveshjen për pengjet, megjithëse ka kërkuar disa ndryshime të vogla në formulim, raporton Reuters.

“Ne u kemi dorëzuar ndërmjetësve, Katarit dhe Egjiptit, përgjigjen tonë ndaj propozimit për armëpushim“, tha një zyrtar i Hamasit për Reuters në kushte anonimiteti. “Përgjigja e Hamasit është pozitive dhe mendoj se duhet të ndihmojë dhe lehtësojë arritjen e një marrëveshjeje“, shtoi zyrtari.

Trump tha të martën se Izraeli kishte rënë dakord “me kushtet e nevojshme për të finalizuar” një armëpushim 60-ditor, gjatë të cilit do të bëheshin përpjekje për t’i dhënë fund luftës së aleatit të SHBA-së në enklavën palestineze.

Netanyahu ka thënë vazhdimisht se Hamasi duhet të çarmatoset, një qëndrim që grupi militant, i cili mendohet se mban 20 pengje të gjalla, deri më tani ka refuzuar ta diskutojë.

Netanyahu do të takohet me Trumpin në Uashington të hënën. I pyetur nëse Hamasi kishte rënë dakord me marrëveshjen e fundit të armëpushimit, Trump tha: “Do ta mësojmë gjatë 24 orëve të ardhshme”. /LAPSI.al

The post Hamasi pranon propozimin e SHBA-së për armëpushim me Izraelin dhe lirimin e pengjeve appeared first on Lapsi.al.

Agjencia e lajmeve Reuters raporton se Hamasi ka pranuar armëpushimin 60-ditor në Gaza të propozuar nga SHBA, dhe marrëveshjen për lirimin e pengjeve, duke kërkuar disa ndryshime të vogla.

“Kjo është pozitive dhe duhet të ndihmojë në arritjen e një marrëveshjeje”, ka deklaruar një zyrtar palestinez i njohur me bisedimet për Reuters

Plani i marrëveshjes u miratua këtë javë edhe nga ministri izraelit për Çështjet Strategjike, Ron Dermer, gjatë vizitës së tij në Uashington.

Sipas planit të armëpushimit, të raportuar edhe nga gazeta izraelite Haaretz, tetë pengje të gjalla do të lirohen ditën e parë të ndalimit të luftimeve, ndërsa dy të tjerë do të lirohen në ditën e 50-të.

Plani përfshin gjithashtu një kthim të fazuar të trupave të pengjeve izraelitë që kanë humbur jetën: pesë trupa në ditën e shtatë të armëpushimit, pesë të tjera në ditën e 30-të dhe tetë të fundit në ditën e 60-të.

Në total, sipas këtij plani, do të lirohen 10 pengje të gjalla dhe do të kthehen trupat e 18 të tjerëve. Marrëveshja, e hartuar nga Katari, bazohet në të ashtuquajturin “korniza Witkoff”, e propozuar nga i dërguari amerikan, Steve Witkoff.

Reuters shkruan se grupi i Hamasit dëshiron garanci se negociatat për t’i dhënë fund luftës do të zhvillohen gjatë armëpushimit 60-ditor dhe se armëpushimi do të zgjatet nëse është e nevojshme, derisa të dyja palët të arrijnë marrëveshje.

Po ashtu, Hamasi dëshiron që Kombet e Bashkuara të përfshihen përsëri në ofrimin e ndihmës, që të sigurojë përmbushjen e nevojave humanitare, duke përfshirë funksionimin e furrave të bukës, dhe që Izraeli të mos e kufizojë atë ose ta përdorë si levë ndikimi gjatë bisedimeve.

The post REUTERS: Hamas pranon propozimin e SHBA për armëpushimin 60-ditor dhe lirimin e pengjeve appeared first on Sot News | Lajme.

Sipas një raporti të gazetës britanike The Times, udhëheqësve të lartë të Hamasit me seli në Doha u është kërkuar të dorëzojnë armët si pjesë e përpjekjeve për arritjen e një marrëveshjeje armëpushimi me Izraelin.

Raporti vjen pas deklaratës së Presidentit amerikan Donald Trump, i cili tha të mërkurën se Izraeli ka pranuar kushtet e armëpushimit të propozuara nga Shtetet e Bashkuara.

Grupi terrorist Hamas po zhvillon diskutime për një marrëveshje që synon t’i japë fund agresioneve, tërheqjen e forcave ushtarake dhe sigurimin e ndihmave për popullin e Gazës, raporton The Times.

Sipas gazetës, urdhëri për dorëzimin e armëve i është dhënë udhëheqësve më të lartë jashtë Gazës, përfshirë negociatorin kryesor Khalil al-Hayya dhe figura të tjera kyçe si anëtari i byrosë politike të Hamasit, Zaher Jabareen, një nga themeluesit e krahut ushtarak të grupit në Bregun Perëndimor.

LEXONI GJITHASHTU:

• Arrestime masive në doganën greke, pezullohet kalimi i automjeteve në Qafë Botë
• Forcat izraelite vrasin të paktën 25 persona në Gaza

The post Një armëpushim i mundshëm? Udhëheqësit e Hamasit urdhërohen të dorëzojnë armët appeared first on Euronews Albania.

GAZA, 2 korrik /ATSH-DPA/ – Në deklaratën e parë zyrtare që nga postimi i presidentit të SHBA-së Donald Trump, sipas të cilit ”Izraeli ka rënë dakord për kushtet e nevojshme për një armëpushim 60-ditor në luftën e Gazës”, Hamasi tha se ”ndërmjetësit po bëjnë përpjekje intensive për të kapërcyer dallimet midis palëve dhe për të arritur një marrëveshje kornizë që do të lejojë hapjen e një raundi serioz negociatash”.

”Po i qasemi situatës me shumë përgjegjësi duke zhvilluar konsultime kombëtare dhe duke diskutuar propozimet që na janë paraqitur, me qëllim arritjen e një marrëveshjeje që do të sigurojë fundin e agresionit, tërheqjen e forcave dhe ndihmën humanitare emergjente për popullin tonë në Rripin e Gazës”, tha Hamasi.

”Izraeli ka rënë dakord për kushtet e nevojshme për një armëpushim 60-ditor në luftën e Gazës dhe tani i takon Hamasit ta pranojë marrëveshjen”, tha dje në mbrëmje presidenti i SHBA-së, Donald Trump.

“Gjatë periudhës dymujore, Shtetet e Bashkuara të Amerikës do të punojnë me të gjitha palët për t’i dhënë fund konfliktit”, shkroi Trump në platformën e tij Truth Social.

“Shpresoj, për të mirën e Lindjes së Mesme, që Hamasi ta pranojë këtë marrëveshje sepse situata nuk do të përmirësohet, por vetëm do të përkeqësohet”, tha Trump në postimin e tij./  /os/

The post GAZA – Hamasi: Po vlerësojmë planin për armëpushimin 60-ditor me Izraelin appeared first on Agjencia Telegrafike Shqiptare.

Propozimi për armëpushim në Gaza është një moment i rëndësishëm, por ka ende shumë pyetje pa përgjigje. Deri më tani dimë vetëm që Izraeli ka rënë dakord për një armëpushim 60-ditor për shkak të politikave të tij të brendshme, por nuk është e qartë se cilat propozime do duhet të pranojë Hamasi dhe çfarë pritet […]

The post Pse Benjamin Netanyahu do vetëm një armëpushim 60-ditor, jo të përhershëm? appeared first on BoldNews.al.

Hamasi dhe Izraeli shprehën qëndrimet e tyre të mërkurën në prag të bisedimeve mbi thirrjen e Uashingtonit për armëpushim në Rripin e Gazës.

Derisa grupi militant – i shpallur organizatë terroriste nga SHBA-ja dhe fuqitë e tjera – la të kuptohej se është i hapur për një marrëveshje, kryeministri i Izraelit, Benjamin Netanyahu, u zotua se “nuk do të ketë Hamas” në Gazën e pasluftës.

Asnjëra palë nuk tha troç se e pranon propozimin e presidentit amerikan, Donald Trump.

Hamas këmbënguli në qëndrimin e vet të kahershëm se çdo marrëveshje duhet të sjellë përfundimin e luftës në Gazë.

Trump tha të martën se Izraeli ishte pajtuar për një armëpushim 60-ditor në Gazë dhe i bëri thirrje Hamasit ta pranojë marrëveshjen para se të përkeqësohen edhe më shumë kushtet për të.

Presidenti amerikan është duke e rritur trysninë mbi Qeverinë izraelite dhe Hamasin që të arrijnë pajtueshmëri për armëpushim, marrëveshje për pengjet dhe për t’i dhënë fund luftës.

Trump tha se koha prej 60-ditësh do të përdorej për të punuar drejt përfundimit të luftës. Por, Izraeli thotë se nuk do ta pranojë përfundimin e luftës derisa Hamasi të jetë mposhtur.

Trump theksoi se marrëveshja mund të arrihet qysh javën e ardhshme.

Por, reagimi i Hamasit, që theksoi kërkesën e vet për përfundimin e luftës, ngriti pikëpyetje nëse oferta e fundit nga ai mund t’i ndërpresë vërtet luftimet.

Zyrtari i Hamasit, Taher al-Nunu, tha se grupi militant është “i gatshëm dhe serioz për të arritur një marrëveshje”.

Ai theksoi se Hamasi është “i gatshëm ta pranojë çdo nismë që qartazi çon në përfundimin e plotë të luftës”.

Një delegacion i Hamasit pritet të takohet të mërkurën në Kajro me ndërmjetës nga Egjipti dhe Katari për të diskutuar propozimin, sipas një zyrtari egjiptian që foli në kushte anonimiteti.

LEXONI GJITHASHTU:

• Propozimi i Trump për armëpushim në Gaza, reagon Netanyahu: Hamasi do të zhduket
• Hamasi dyfishon kërkesat: Marrëveshja për pengjet vetëm nëse përfundon lufta

The post Hamas shprehet i hapur për armëpushim, por Netanyahu thotë se… appeared first on Euronews Albania.

Presidenti i SHBA-së, Donald Trump, njoftoi të martën në mbrëmje përmes një postimi në Truth Social se Izraeli ka rënë dakord me kushtet për të finalizuar një armëpushim 60-ditor në Gaza. Gjatë kësaj periudhe, sipas tij, do të punohet me të gjitha palët për t’i dhënë fund konfliktit.

Trump bëri me dije se përfaqësuesit e tij zhvilluan një takim të gjatë dhe produktiv me zyrtarët izraelitë, ndërsa theksoi rolin e Katarit dhe Egjiptit në përpjekjet për të sjellë paqen, duke shtuar se këto vende do të paraqesin një propozim përfundimtar për armëpushimin.

“Shpresoj që Hamasi ta pranojë këtë marrëveshje, sepse situata nuk do të përmirësohet – do të përkeqësohet vetëm,” deklaroi Trump.

Nga ana tjetër, Ministri izraelit i Çështjeve Strategjike, Ron Dermer, informoi të dërguarin amerikan në Lindjen e Mesme, Steve Witkoff, se Izraeli ka pranuar propozimin për armëpushim dhe marrëveshje për lirimin e pengjeve dhe është gati të nisë bisedime të ngushta me Hamasin për finalizimin e marrëveshjes, njoftoi një zyrtar i lartë izraelit të mërkurën.

Më herët gjatë ditës së martë, Trump kishte deklaruar për gazetarët se pret që marrëveshja e armëpushimit të arrihet deri javën e ardhshme, kur kryeministri izraelit Benjamin Netanyahu do të vizitojë Shtetet e Bashkuara.

LEXONI GJITHASHTU:

• Senati Amerikan miraton me vështirësi projektligjin e madh të Trump
• Ushtarët e plagosur të IDF-së: Lufta në Gaza të vazhdojë derisa Hamasi të mposhtet

The post Trump: Izraeli pranon kushtet për armëpushim 60-ditor në Gaza, fillojnë bisedimet appeared first on Euronews Albania.

Presidenti francez, Emmanuel Macron i bëri thirrje presidentit rus, Vladimir Putin të pranojë armëpushimin në Ukrainë sa më shpejt të jetë e mundur. Dy presidentët folën për mbi dy orë për Iranin dhe Ukrainën, telefonata e parë që prej fillimit të agresionit rus. “Macron dhe Putini trajtuan në thelb çështjet më të rëndësishme të situatës […]

The post Macron i kërkon Putinit armëpushim të shpejtë në Ukrainë appeared first on BoldNews.al.

Të paktën 34 persona janë vrarë në Gazë si pasojë e sulmeve izraelite, kanë bërë të ditur autoritetet shëndetësore të Gazës.

Sulmet është raportuar të kenë nisur të premten dhe kanë vazhduar në mëngjesin e së shtunës. Në mesin e të vrarëve janë 12 persona në stadiumin e qytetit të Gazës, ku po strehoheshin njerëzit, sipas stafit të spitalit Shifa.

Raportimet për sulmet vijnë teksa presidenti amerikan, Donald Trump ka thënë se marrëveshja për armëpushim mund të arrihet brenda javës tjetër.

Duke pranuar pyetje nga gazetarët në Zyrën Ovale të premten, presdidenti ka thënë se “po punojmë në Gazë dhe po përpiqemi të kujdesemi për të”.

Një zyrtar në dijeni me zhvillimet i ka thënë agjencisë së lajmeve Associated Press se ministri izraelit për Çështje Strategjike, Ron Dermer, do të arrijë të Uashington javën e ardhshme për të diskutuar armëpushimin në Gazë, situatën me Iranin dhe tema tjera.

Bisedimet janë ndalur dhe kanë vazhduar disa herë prej kur Izraeli ka thyer armëpushimin e fundit në mars dhe ka vazhduar fushatën ushtarake në Gazë, duke e përkeqësuar edhe më tej krizën humanitare.

Rreth 50 pengje vazhdojnë të jenë në Gazë, dhe më pak se gjysma e tyre besohet se janë gjallë. Ata janë pjesë e rreth 250 pengjeve që janë marrë nga Hamasi – grup palestinez i shpallur terrorist nga Shtetet e Bashkuara dhe fuqi tjera – në sulmin kundër Izraelit, më 7 tetor 2023, duke nxitur kështu luftën që vazhdon tash e 21 muaj.

Si pasojë e luftës janë vrarë mbi 56.000 palestinezë, sipas autoriteteve shëndetësore të Gazës. Prej tyre, shumica besohet se janë gra dhe fëmijë.

Shpresat për marrëveshje janë rritur me përfshirjen e Trumpit në këtë çështje.

Hamasi ka thënë se është i gatshëm t’i lirojë pengjet në këmbim të përfundimit të luftës në Gazë.

Kryeministri izraelit, Benjamin Netanyahu, ka thënë se do t’i japë fund luftës vetëm pasi të çarmatoset Hamasi, diçka që grupi e ka hedhur poshtë.

Ndërkohë, palestinezët e uritur janë duke jetuar në situatë të përshkruar si katastrofike.

Pas bllokimit të të gjitha ndihmave për dy muaj e gjysmë, Izraeli e ka lejuar një pjesë të vogël të ndihmave në territorin e Gazës në mesin e muajit maj.

LEXONI GJITHASHTU:

• Erdogan tregon bisedën me Trump: Kërkova angazhim për paqe në Gaza dhe Ukrainë
• Situata e zjarreve në vend, Ministria e Mbrojtjes: 9 vatra zjarri në 24 orë

The post Të paktën 34 persona të vrarë në Gazë teksa rriten shpresat për armëpushim appeared first on Euronews Albania.

UASHINGTON, 28 qershor /ATSH-DPA/ – Presidenti i SHBA-së Donald Trump deklaroi se një armëpushim në Gaza mund të arrihet javën e ardhshme.

“Mendoj se është afër”, u tha Trump gazetarëve në Shtëpinë e Bardhë duke shtuar se sapo kishte folur me disa nga palët e përfshira.

“Ne mendojmë se brenda javës së ardhshme do të arrijmë një armëpushim”, tha ai.

Ai nuk dha detaje të mëtejshme, duke e lënë të paqartë se çfarë fshihej pas deklaratës së tij optimiste.

Ndërmjetësit në Katar dhe Egjipt kanë punuar prej kohësh për të ndërmjetësuar një marrëveshje të re armëpushimi midis Izraelit dhe milicisë islamike palestineze Hamas.

Si pjesë e një marrëveshjeje të tillë, pengjet e mbetura nga Izraeli në Gaza pritet të lirohen dhe shumë të burgosur palestinezë në burgjet izraelite do të lirohen.

Konflikti aktual filloi kur Hamasi dhe grupe të tjera pushtuan Izraelin më 7 tetor 2023, duke vrarë 1 200 persona dhe duke marrë peng 250 të tjerë.

Izraeli më pas u përgjigj me një sulm në Gaza që deri më sot ka vrarë më shumë se 56 300 njerëz dhe ka plagosur më shumë se 132 600 sipas Ministrisë së Shëndetësisë të kontrolluar nga Hamasi.

Shifrat nuk bëjnë dallim midis ushtarakëve dhe civilëve./ a.jor.

The post SHBA – Trump: Një armëpushim në Gaza mund të arrihet javën e ardhshme appeared first on Agjencia Telegrafike Shqiptare.

Presidenti i Turqisë, Recep Tayyip Erdogan, u tha udhëheqësve në samitin e NATO-s se armëpushimi mes Izraelit dhe Iranit duhet të bëhet i përhershëm, duke bërë thirrje edhe për një armëpushim në Gazë, në mënyrë që të lehtësohet kriza humanitare atje, bëri të ditur zyra e tij.

Turqia, anëtare e NATO-s, është kritike e ashpër e Izraelit dhe luftës së tij kundër Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – në Gazë.

Gaza ka pësuar shkatërrime të mëdha, pas dy vjetësh luftë dhe popullsia e këtij territori është zhvendosur – me raste edhe disa herë – që nga 7 tetori 2023, kur nisi lufta.

Gjatë samitit në Hagë, Erdogan ka zhvilluar bisedime me udhëheqësit e Francës, Gjermanisë dhe Britanisë me të cilët ka biseduar për tensionet rajonale, lidhjet dypalëshe, raportet me Bashkimin Evropian dhe bashkëpunimin në industrinë e mbrojtjes.

Ndërkaq, mbrëmjen e së martës ai u takua edhe me presidentin amerikan, Donald Trump.

“Presidenti Erdogan ka mirëpritur armëpushimin mes Izraelit dhe Iranit dhe është shprehur se situata ka nevojë që të kthehet në një qetësi afatgjatë. Ai po ashtu tha se kriza humanitare në Gazë sa vjen e rëndohet dhe se atje kërkohet po ashtu në mënyrë urgjente një armëpushim afatgjatë”, tha Zyra e Erdoganit, pas takimeve të udhëheqësit turk me presidentin francez, Emmanuel Macron.

Disa persona duke filmuar predhat mbi Doha të Katarit më 23 qershor, të cilat rezultuan me disa shpërthime. Irani e ka marrë përgjegjësinë për sulmin kundër bazës ushtarake amerikane.

Thirrje të ngjashme ai bëri edhe gjatë takimit me kancelarin gjerman, Friedrich Merz, ku shtoi se duhet të gjendet një zgjidhje për krizën humanitare në Gazë.

Ndërkaq, sa i përket problemeve mes Teheranit dhe Uashingtonit, Erdogan tha se ato duhet të zgjidhen vetëm përmes diplomacisë, duke shtuar se të gjithë duhet të punojnë për një paqe të qëndrueshme në Lindjen e Mesme.

“Mirëpresim armëpushimin e arritur përmes përpjekjeve të presidentit Trump”, tha Erdogan, duke shtuar se pret që palët t’i përmbahen armëpushimit.

Më 24 qershor hyri në fuqi armëpushimi mes Izraelit dhe Iranit, pasi palët zhvilluan luftë për 12 ditë rresht. Izraeli nisi sulmet ndaj Iranit më 13 qershor, duke thënë se synon që të parandalojë Teheranin të posedojë armë bërthamore.

Më pas, më 22 qershor, SHBA-ja kreu sulme ndaj tri ndërtesave bërthamore të Iranit, duke deklaruar më pas se ka shkatërruar plotësisht programin bërthamor të Republikës Islamike. Irani u kundërpërgjigj me sulme ndaj një baze ushtarake amerikane në Katar, edhe pse sulmi ishte më shumë simbolik dhe nuk pati viktima.

Erdogan edhe në të kaluarën ka kërkuar armëpushim në Gazë. Ai po ashtu ka shprehur mbështetje për Hamasin, duke thënë se askush nuk mund ta detyrojë Turqinë që ta shpallë këtë grup organizatë terroriste.

E gjithë popullsia e Gazës, sipas agjencive të Kombeve të Bashkuara, është buzë zisë së bukës.

Lufta në Gazë nisi pasi Hamasi në tetor të vitit 2023 sulmoi jugun e Izraelit, duke vrarë afër 1.200 persona dhe duke rrëmbyer afër 250 të tjerë. Si pasojë e ofensivës izraelite, në Gazë janë vrarë më shumë se 56.000 persona. /REL

The post Erdogan bën thirrje për armëpushim në Gazë appeared first on Sot News | Lajme.

Ndërmjetësi kryesor i luftës në Gaza, Katari, ka njoftuar se ka nisur një përpjekje të re për një armëpushim me Hamasin, duke thënë se bisedimet janë intensifikuar.

“Komunikimet tona me ndërmjetësit vëllezër në Egjipt dhe Katar nuk kanë ndaluar dhe janë intensifikuar në orët e fundit”, tha zyrtari i Hamasit, Taher al-Nunu.

Megjithatë, ai paralajmëroi se grupi “nuk ka marrë ende ndonjë propozim të ri” për t’i dhënë fund luftës.

Presidenti i SHBA-së, Donald Trump, tha se po bëhet “përparim i madh” për t’i dhënë fund luftës së Izraelit në Gaza, ndërsa një përpjekje e re për armëpushim fillon më shumë se 20 muaj që nga fillimi i konfliktit.

Trump e lidhi optimizmin e tij për “lajme shumë të mira” të afërta me një armëpushim të rënë dakord të martën midis Izraelit dhe Iranit.

The post Përfundon lufta Gaza-Izrael? Hamasi konfirmon bisedimet për armëpushim appeared first on Sot News | Lajme.

UASHINGTON, 25 qershor /ATSH-AA/ – Presidenti i SHBA-së, Donald Trump tha se “në Gaza ka një përparim të madh” ndërsa ka njoftuar se përfaqësuesi i tij i posaçëm për Lindjen e Mesme, Steve Witkoff, i ka thënë se armëpushimi në Gaza është shumë afër.

Trump u takua me sekretarin e përgjithshëm të Aleancës, Mark Rutte, përpara sesionit të liderëve të Samitit të NATO-s tnë Hagë të Holandës.

Duke iu përgjigjur pyetjeve të gazetarëve, Trump foli lidhur me situatën e fundit të armëpushimit Izrael-Iran.

“Progresi është shumë i mirë, mendoj. Shumë i mirë. Avionët izraelitë u kthyen mbrapsht dje. Isha krenar për ta. Ata u ngritën sepse menduan se kishte një shkelje. Teknikisht ata kishin të drejtë, por kjo nuk do të kishte dhënë rezultat shumë të mirë. Dhe ata i kthyen avionët mbrapsht”, deklaroi Trump.

Për konfliktin midis Izraelit dhe Iranit, presidenti amerikan tha “ata patën një grindje të madhe si dy fëmijë në oborrin e një shkolle”.

Trump tha se ai mendoi se do të ishte e lehtë t’i “linte të dyja palët të grindeshin” për një kohë dhe pastaj t’i ndalte ato.

Lidhur me situatën në Gaza, Trump tha se përfaqësuesi i posaçëm për Lindjen e Mesme, Witkoff, i ka thënë atij se armëpushimi në Gaza është shumë afër duke theksuar se “ka një përparim të madh në Gaza”.

Lidhur me agjendën e samitit, Trump rikujtoi se dëshiron që aleatët të rrisnin shpenzimet e tyre të mbrojtjes në 5 për qind të Produktit të tyre të Brendshëm Bruto (PBB).

“NATO do të forcohet shumë”, tha presidenti amerikan./   /os/

The post SHBA – Trump: Armëpushimi në Gaza është afër appeared first on Agjencia Telegrafike Shqiptare.

Një armëpushim i ndërmjetësuar nga ish-presidenti Donald Trump ka hyrë në fuqi mes Iranit dhe Izraelit, pas 12 ditësh përplasjesh ajrore. Të dyja palët kanë shpallur “fitore”, ndërsa SHBA ndërhyri me bombardime në mbështetje të Izraelit për të goditur objektet iraniane të pasurimit të uraniumit.

Ndërkohë, zyrtarë amerikanë theksojnë se objektet bërthamore të ndërtuara nën tokë nuk janë shkatërruar plotësisht, ndryshe nga sa pretendon Trump. Shtëpia e Bardhë i cilësoi këto vlerësime si “të gabuara”.

Presidenti i ri iranian, Masoud Pezeshkian, shprehu gatishmërinë për dialog me SHBA-në, ndërsa Irani pretendon se veprimtaria e tij bërthamore është paqësore.

Në përplasjet e fundit u vranë mbi 600 qytetarë iranianë dhe 28 izraelitë. Dialogu për paqe afatgjatë mbetet i hapur, por situata ende është e brishtë.

The post 12 ditë përballje, 1 armëpushim dhe shumë pikëpyetje për paqen! Ç’po ndodh? appeared first on iconstyle.al.

Armëpushimi i ndërmjetësuar nga presidenti i Shteteve të Bashkuara të Amerikës, Donald Trump, mes Iranit dhe Izraelit, është duke u zbatuar të mërkurën, një ditë pasi të dyja vendet treguan shenja se lufta ajrore ka përfunduar, të paktën tani për tani. Të dyja palët shpallën fitoren të martën pas 12 ditëve luftë, në të cilën […]

The post Armëpushimi po zbatohet, i dërguari i Trump: Bisedimet për paqe me Iranin janë “premtuese” appeared first on BoldNews.al.