Pas njoftimit të SPAK se ka sekuestruar pasuri me vlerë 4 mln euro në Verona të Italisë që rrjedhin nga burime të paligjshme, kryesisht nga trafiku i kokainës nga vendet e Amerikës Latine drejt Europës, ka reaguar babai i Suel Çelës Petrit Çela,

Përmes një bisede telefonike me gazetaren Klodiana Lala, Petrit Çela, ka deklaruar se ka filluar biznesin 34 vite me parë dhe se pasuria e tij është e ligjshme.

Ai deklaron se pasuria në Itali është hetuar dhe se zotëron 3 vendime gjykatash.

Çela ka reaguar ashpër dhe ndaj medias që sipas tij, po “I nxin jetën”.

Ai thotë se betejën me SPAK do ta vijojë dhe do të bëjë dokumentat publike.

Prokuroria e Posaçme kundër Korrupsionit dhe Krimit të Organizuar (SPAK) dhe Prokuroria e Veronës, kanë zhvilluar një operacion të përbashkët kundër një organizate kriminale me origjinë nga Elbasani, e përfshirë në trafikun ndërkombëtar të kokainës nga Amerika e Jugut drejt tregut europian.

Në qendër të hetimeve kanë qenë Suel Çela dhe Mario Çela, të dyshuar si drejtues të grupit që operonte në Verona, Itali.

Sipas autoriteteve, organizata kriminale ishte përgjegjëse për transportin dhe shpërndarjen e sasive të mëdha të kokainës në disa vende europiane.

Si rezultat i hetimeve të thelluara nga SPAK, Byroja Kombëtare e Hetimit dhe Guardia di Finanza e Veronës, u arrit në sekuestrimin preventiv të një sërë pasurish të paluajtshme dhe të luajtshme, llogarive bankare dhe aksioneve në një shoqëri tregtare, që kapnin një vlerë mbi 4 milionë euro.

Sekuestrimi u ekzekutua sot, më 3 korrik 2025, pas vendimit të Gjykatës së Veronës, si pjesë e masave parandaluese në kuadër të hetimeve që janë ende në zhvillim.

Autoritetet theksojnë se operacioni është një hap i rëndësishëm në çmontimin e rrjeteve të trafikimit të drogës me origjinë shqiptare në Europë.

“Për Prokurorinë e Veronës ky është rasti i parë i një organizate kriminale shqiptare, e cila investon në pasuri të paluajtshme në territorin e një shteti të Bashkimit Europian, në këtë rast, Italisë”, thuhet në njoftimin e SPAK.

Pasuritë e sekuestruara janë:

Një ndërtesë, pasuri e paluajtshme në Nogarole Rocca (Verona)

Një ndërtesë, në vlerë rreth 3 milionë euro, e përbërë nga 30 njësi (zyra dhe dyqane) (Verona)

Një llogari bankare ku depozitoheshin qiratë e zyrave dhe dyqaneve (rreth 400 mijë euro në vit)

Një shoqëri tregtare që operonte në fushën e ndërtimit, me kuota 100% në Itali.

Hetimet konstatuan se këto pasuri janë krijuar dhe financuar me përfitimet nga trafiku ndërkombëtar i lëndëve narkotike nga Amerika e Jugut në tregjet europiane. Vëmendja u përqëndrua tek një shoqëri e pasurive të paluajtshme në Itali, të cilës i dërgoheshin shifra të mëdha parash, përmes sistemit bankar. Ka rezultuar se paratë vinin nga Shqipëria, pasi organizata kriminale i transferonte të ardhurat nga një shoqëri tregtare në Shqipëri, në pronësi të dy vëllëzerve shqiptarë dhe këto shuma investoheshin në Itali në ndërtim, rikonstruksionin e ndërtesave, të cilat, më pas jepeshin me qira.

Njëri prej dy vëllezëve është shpallur në kërkim ndërkombëtar, ndërsa tjetri ndodhet në një burg në Belgjikë. Ky i fundit u arrestua në Verona, në qershor të vitit 2024, pas ekzekutimit të një urdhër-arresti, të lëshuar nga autoritetet belge, mbi dyshimet për përfshirje në një vrasje mafioze në Antëerp, si pasojë e konflikteve mes grupeve rivale të trafikut të drogës.

Për këtë të fundit ka gjithashtu një vendim të lëshuar nga Gjykata e Shkallës së Parë për Korrupsionin dhe Krimin e Organizuar, pas hetimeve të kryera nga SPAK, për veprat penale: “Vrasje me paramendim”, “Mbajtje dhe prodhim pa leje të armëve”, “Trafik ndërkombëtar të lëndëve narkotike” dhe “Pastrim të produkteve të veprës penale apo veprimtarisë kriminale”.

Falë skuadrës së përbashkët hetimore mes Prokurorisë së Veronës dhe SPAK u konstatua se përdorimi i burimeve të mëdha financiare që derdheshin nga Shqipëria në ekonominë italiane, përfaqësonte edhe hallkën përfundimtare të pastrimit të parave, të kryera nga jashtë vendit përmes një shoqërie tregtare në Shqipëri, në pronësi të organizatës kriminale. Në Shqipëri, janë kryer transaksione të dyshimta të pasurive të paluajtshme, me qëllim pengimin e gjurmueshmërisë së origjinës së paligjshme të parave dhe në këtë mënyrë organizata përfitonte shërbime të “pastruara”, me fitimin e përftuar nga transaksionet e dyshuara, të cilat mund të ripërdoreshin në investime në prona të paluajtshme, në territorin italian.

Gjithashtu janë sekuestruar pasuritë e paluajtshme dhe burimet financiare që i përkasin administratorit të një shoqërie të pasurive të paluajtshme në Verona, në pronësi të një çifti shqiptarësh, të përfshirë në të kaluarën në trafikun e lëndëve narkotike. Ata konsideroheshin si njerëzit e besuar të dy vëllezërve dhe rezultuan të figuronin në listën e pagesave të organizatës kriminale. Kontrolle janë kryer edhe ndaj subjekteve kryesore dhe ndihmësve të tyre italianë, me qëllim gjetjen e provave të mëtejshme.

Procedimi penal ndodhet në fazën e hetimeve paraprake. Për Prokurorinë e Veronës ky është rasti i parë i një organizate kriminale shqiptare, e cila investon në pasuri të paluajtshme në territorin e një shteti të Bashkimit Europian, në këtë rast, Italisë. Operacioni i kryer konfirmon rëndësinë e bashkëpunimit ndërkombëtar mes SPAK dhe autoriteteve italiane, në luftën kundër krimit të organizuar dhe pastrimit të parave.

The post SPAK sekuestroi prona me vlerë 4 mln euro në Verona, reagon babai i Suel Çelës: Pasuria e ligjshme, kam 3 vendime gjykatash në Itali appeared first on Albeu.com.

Kompania Albpetrol sh.a ka dalë me një reagim pas skandalit lidhur me ndotjen mjedisore në Parkun Kombëtar të Vjosës. Sipas deklaratës së kompanisë vendburimi i Gorisht-Koculit është një vendburim 60-vjeçar si pjesë e industrisë së nxjerrjes së naftës në këtë zonë.

Më tej shtohet se në këtë zonë për 6 dekada janë prodhuar mbetje të shumta. Kompania thekson se në zonë nuk ka asnjë aktivitet të ri ndotes prej shumë kohësh po sipas tyre kjo njollë aktiziohet nga temperatuar e larta.

Albpetrol shton se po vijon me një plan masash për të pastruar zonat e ndotura, duke i kushtuar kujdes të veçantë mbrojtjes dhe rehabilitimit te mjedisit, sidomos ne mbrojtje të Lumit Vjose.

“Kompania Albpetrol sh.a, në zbatim të detyrave të saj funksionale, gjatë viteve te fundit ka vendosur mbrojtjen e mjedisit në krye të listës së prioriteteve, si rrjedhoje e strategjive kombetare dhe vendimeve te qeverise Shqiptare, ne mbrojtje te pasurive natyrore kombetare. Në mënyrë të veçantë ky orientim është bërë i domosdoshëm, nisur nga një situatë e rënduar, e trasheguar nga shfrytëzimi per dekada me radhë, i zonave naftëmbajtëse.

Vendburimi i Gorisht-Koculit, i publikuar ditët e fundit në media, është një vendburim 60-vjeçar si pjesë e industrisë së nxjerrjes së naftës në këtë zonë. Gjatë aktivitetit kesaj zone, për 6 dekada me radhë, ky vendburim ka prodhuar mbetje te shumta, të cilat deri para pak vitesh nuk janë trajtuar sipas protokolleve teknike, te cilat ne zbatojme rigorizisht sot per eleminimin e tyre.

Kompania Albpetrol është e angazhuar plotësisht për të rehabilituar pjesën e lumit të ndërlidhur me zonën naftëmbajtëse, sipas kushteve teknike dhe hapësirave financiare në një kohë sa më të shkurtër.

Aktualisht, në zonë nuk ka asnjë aktivitet të ri ndotes prej shume kohesh. Operimet zbatojne protokollet teknike te nxjerres dhe evadimit ne perputhshmeri te manualeve dhe ne respekt te plote te mbrojtjes se mjedisit. Albpetrol po e zvogëlon çdo vit sasine e mbetjeve te trasheguara e kjo vërtetohet nga veprimet e ndërmarra zyrtarisht.

Fatqekeqisht kjo njollë aktivizohet në temperatura të larta, pasi gjatë pjesës tjeter të vitit, nuk ka rrjedhje të këtyre mbetjeve, dhe ky është një fakt tjetër që mund të provohet lehtësisht edhe nga ekspertët e mbrojtjes së mjedisit dhe raportimet e mediave.

Kompania Albpetrol do të vijojë me një plan masash të përcaktuar qartë, të pastrojë zonat e ndotura për dhjetëra vite me radhë, duke i kushtuar kujdes të veçantë mbrojtjes dhe rehabilitimit te mjedisit, sidomos ne mbrojtje te pasurise tone natyrore kombetare, Lumit Vjose,” thuhet në deklaratë.

Një grup ambientalistësh ndërkombëtarë kanë denoncuar me anë të pamjeve nga vendi i ngjarjes katastrofën natyrore që po ndodh në lumin Vjosë ku janë derdhur mbetje të naftës, uji është ndotur dhe kafshët e egra të zonës ndodhen në rrezik ekzistencial.

Konkretisht ambientalistët kanë publikuar pamje ku shihet gjendja alarmante me hidrokarburet e derdhura në lumë. Ata shprehen se nuk ka më ujë, është vetëm karburant dhe ka kafshë të ngordhura duke u përpjekur të notojnë. Gjithashtu ata ka ngritur shqetësimin edhe për mos reagimin nga ana e pushtetit për rastin alarmant.

The post Ndotja mjedisore në Parkun Kombëtar të Vjosës, reagon Albpetrol appeared first on Lapsi.al.

Presidenti i Republikës Islamike të Iranit, Masoud Pezeshkian, ka dërguar një mesazh të fortë uniteti dhe qëndrueshmirie në rrjetin X.

“Do të ecim së bashku në këtë rrugë. Do ta ruajmë Iranin së bashku. Dhe do t’i tregojmë botës se ky komb i madh është i pathyeshëm. Bashkimi ynë është fitorja.”

Kështu shkruan në X Masoud Pezeshkian, president i Republikës Islamike të Iranit.

The post “Do t’i tregojmë botës se jemi të pathyeshëm”/ Reagon presidenti iranian appeared first on Sot News | Lajme.

Pasi njoftoi sulmet “shumë të suksesshme” të SHBA-së ndaj objekteve bërthamore iraniane në Fordow, Natanz dhe Isfahan, Presidenti i Shteteve të Bashkuara Donald Trump ka dalë në në deklaratë ku u shpreh se sulmet ishin një sukses spektakolar ushtarak.

Sipas Trump objektet kryesore të pasurimit bërthamor të Iranit janë shkatërruar plotësisht. “Irani, dhunuesi i Lindjes së Mesme, tani duhet të bëjë paqe”.

Fjalimi i plotë i Trump:

Pak kohë më parë, ushtria amerikane kreu sulme masive me precizion të lartë në tre objektet kryesore bërthamore të regjimit iranian: Fordow, Natanz dhe Isfahan.

Të gjithë i kanë dëgjuar këto emra për vite me radhë, ndërsa ata ndërtonin këtë ndërmarrje tmerrësisht shkatërruese. Objektivi ynë ishte shkatërrimi i kapacitetit të pasurimit bërthamor të Iranit dhe ndalimi i kërcënimit bërthamor që përbënte shteti numër një në botë, sponsori i terrorizmit.

Sonte, mund t’i raportoj botës se sulmet ishin një sukses spektakolar ushtarak. Objektet kryesore të pasurimit bërthamor të Iranit janë shkatërruar plotësisht. Irani, dhunuesi i Lindjes së Mesme, tani duhet të bëjë paqe.

Nëse nuk e bëjnë këtë, sulmet e ardhshme do të jenë shumë më të mëdha dhe shumë më të lehta.

Për 40 vjet, Irani ka thënë: “Vdekje Amerikës, vdekje Izraelit”.

Ata kanë vrarë njerëzit tanë, duke ua hedhur në erë krahët, duke ua hedhur në erë këmbët me bomba buzë rrugës – kjo ishte specialiteti i tyre.

Ne humbëm mbi një mijë njerëz dhe qindra mijëra të tjerë në të gjithë Lindjen e Mesme dhe në mbarë botën kanë vdekur si pasojë e drejtpërdrejtë e urrejtjes së tyre, në veçanti, shumë prej tyre u vranë nga gjenerali i tyre, Qassem Soleimani .

E vendosa prej kohësh që nuk do ta lejoja këtë të ndodhte.

The post Sulmi i SHBA në Iran/ Reagon Trump: Sukses spektakolar ushtarak, tani duhet… (VIDEO) appeared first on Albeu.com.

Reperi i njohur Big Basta, është shpallur fitues i edicionit të dytë të reality show-t “Ferma VIP”, duke rrëmbyer çmimin e madh prej 100 mijë eurosh.

Pas javësh të tëra gare, përballjesh dhe sfidash, publiku ka vendosur t’i japë fitoren artistit të njohur, emri i vërtetë i të cilit është Gerald Xhari.

Menjëherë pas shpalljes së fituesit, bashkëshortja e tij, këngëtarja e njohur Vesa Luma, ka reaguar me një postim në rrjetet sociale, duke e vlerësuar jo vetëm suksesin e tij, por edhe karakterin dhe mënyrën se si ai e arriti këtë fitore.

“Fitoi qytetaria. Kjo është më shumë se fitore, më shumë se vlerë monetare. Fitoi qytetaria, durimi, qetësia, argumenti, inteligjenca. Të gjitha në një. Nuk fitoi Big Basta, fitoi Gerald Xhari që më ka bërë gruan më krenare në botë. Të dua shumë”, – shkruan Vesa Luma, duke shprehur publikisht krenarinë dhe dashurinë për partnerin e saj.

The post Vesa Luma reagon pas fotores së Big Bastës në “Ferma VIP 2”: Fitoi qytetaria, më ka bërë gruan më krenare në botë appeared first on Albeu.com.

Pas lajmit të ndarjes nga jeta të regjisorit Leka Bungo, ka reaguar edhe vajza e tij, Alba Bungo.

Në një postim në rrjetet sociale, vajza e regjisorit shkruan se i ati ndërroi jetë pas një lufte të gjatë me një sëmundje të rëndë.

Ndërsa më tej, Alba Bungo, i dedikon disa fjalë të ndjera babait të sa, ku thekson se ndjehet krenare për të.

“Sot me duhet te bej gjene me te rende te jetes time. Te te them ty mirupafshim perjetesisht. E kujt? Atij qe desha me shume ne dynja, atij qe me mesoi cdo gje, atij qe me falte cdo gje, atij qe i besoja cdo gje. I shtrenjti im qe jetove aq bukur me aq dinjitet, kot nuk te therrisja mbret. Luftove me semundjen me te rende te shekullit dhe humbe! U prehsh ne paqe dhe faleminderit qe ishe babai im.

Krenare gjithmone pafundesisht per ty, mirenjohese perulesisht per cdo gje qe me mesove dhe dhurove. Ishe dhe do jesh dashuria me e madhe ne dynja. Njerezit e medhenj jetojne ashtu sic jetove ti! E deshe dhe e respektove jeten ashtu sic vetem ti dije. Lamtumire deri sa te takohemi sic vetem ne te dy dinim. Ah sa te dua i vogli im! U prehsh ne paqe bashke me engjëjt , engjëlli im!”, shkruan Alba Bungo në rrjetete sociale.

The post Ndarja nga jeta e regjisorit, reagon vajza e Leka Bungos: Luftove me sëmundjen e rëndë dhe… appeared first on Albeu.com.

Ministri në detyrë i Bujqësisë, Faton Peci ka reaguar një ditë pas bastisjeve në Ministrinë e Bujqësisë dhe intervistimit të tij nga Prokuroria Speciale e Republikës së Kosovës.

“Jam i bindur që epilogu i këtij procesi do të jetë i njohur për ju sikurse është i njohur për rreth 30 mijë fermerë, që përfitojnë në baza vjetore subvencione dhe grante e që njëherësh janë dëshmitarët më të vëmendshëm në çdo cep të Kosovës. Ata, më së miri e dinë se në funksion të kujt, e kam kryer detyrën zyrtare”, ka shkruar ndër të tjera ai në Facebook.

Policia e Kosovës, me urdhër të Prokurorisë Speciale të Republikës së Kosovës, zhvilloi të martën bastisje në Ministrinë e Bujqësisë.

Prokurori i rastit, Admir Shala tha më 27 maj se Prokuroria Speciale ka nisur një hetim lidhur me dhënien në shfrytëzim të fabrikës për përpunimin e nënprodukteve shtazore.

LEXONI GJITHASHTU:

• Përfundon intervistimi i ministrit Peci, Prokuroria Speciale e Kosovës jep detajet
• Ministri i Bujqësisë në Kosovë merret në pyetje nga Prokuroria Speciale

The post Faton Peci reagon pas intervistimit dhe bastisjeve në Ministrinë e Bujqësisë appeared first on Euronews Albania.

Aktori Elvis Pupa ka reaguar pas lajmit të publikuar nga mediat australiane se ai dhe bashkëshortja e tij Belina Pupa akuzohen se kishin kthyer një banesë në Ascot Park të Australisë në “shtëpi bari”, ku kishin kultivuar 43 bimë kanabisi.

Ndërsa influencerja u arrestua dhe më pas u lirua me kusht, aktori është shpallur në kërkim pasi thuhet se është larguar jashtë vendit.

Elvis Pupa, në një postim në rrjetet sociale, shprehet se nuk është arratisur, siç informuan mediat australiane, por shtoi se ndodhet në Tiranë prej më shumë se 1 muaji për shkak të angazhimeve profesionale.

Sa i përket “shtëpisë së barit”, aktori i humorit shprehet se bëhet fjalë për një proces gjyqësor që është ende në zhvillim dhe se bashkëshortja e tij, Belina Pupa është e lirë.

Elvis Pupa thekson se do të përballojnë çdo situatë me qetësi, transparencë dhe respekt për të vërtetën.

Reagimi i plotë:

“Të dashur miq, ridjekës dhe bashkëpunëtorë,

Jam i detyruar të reagoj pas disa lajmeve të pavërteta dhe keqdashëse që po qarkullojnë në media, sipas të cilave unë gjoja “jam arratisur” dhe “ndodhem në kërkim”. Dua ta bëj shumë të qartë: prej më shumë se një muaji ndodhem në Tiranë, ku po zhvilloj angazhime të rregullta profesionale, të planifikuara në Shqipëri dhe më gjerë në Europë.

Çdo përpjekje për ta paraqitur këtë situatë ndryshe është një manipulim i pastër i informacionit, një keqinterpretim i qëllimshëm që synon të bëjë lajm aty ku nuk ka asgjë të jashtëzakonshme.

Sa i përket bashkëshortes sime, Belina, ajo vazhdon aktivitetin e saj profesional dhe është plotësisht e lirë. E gjithë situata që po trajtohet aktualisht është pjesë e një procesi ligjor që është ende në zhvillim, dhe siç është shprehur edhe ajo vetë, i takon drejtësisë të flasë e fundit.

Fatkeqësisht, kemi parë një keqpërdorim të rëndë të lajmit, me qëllim sensacionalizmi dhe klikimesh, ku deformimi ka marrë vendin e të vërtetës. Jetët tona janë publike, por kjo nuk i jep askujt të drejtën të abuzojë me dinjitetin e njerëzve.

Jeta vazhdon normalisht, me punën dhe përgjegjësitë tona të përditshme. Ne do të përballojmë çdo situatë me qetësi, transparencë dhe respekt për të vërtetën.

Faleminderit për mirëkuptimin dhe mbështetjen që shumë prej jush na kanë treguar.

Me respekt, Elvis Pupa”.

The post Ngriti “shtëpi bari” në Australi? Reagon Elvis Pupa: S’ka asgjë të jashtëzakonshme… appeared first on Albeu.com.

Belina Pupa, është vënë nën akuzë në Australi për kultivimin e një sasie droge të kontrolluar dhe ndërhyrje të paautorizuar në furnizimin elektrik.

Zonja Pupa, po përballet me akuzën e kultivimit të 43 bimëve kanabisi në një pronë në Ascot Park.

Sipas dokumenteve gjyqësore, ngjarja dyshohet të ketë ndodhur në periudhën 1 janar – 4 prill 2025. Ajo u paraqit në Gjykatën e Magjistraturës në Adelaide, por ende nuk ka paraqitur një deklaratë për akuzat.

Avokatët e saj kanë kërkuar ndryshime në kushtet e lirimit me kusht, për të lejuar udhëtimet e saj ndërkombëtare për arsye pune, duke theksuar se ajo ka klientë në Shqipëri, SHBA dhe Australi.

Megjithatë, prokurorët kundërshtuan këtë kërkesë.

Në respekt të parimeve të gazetarisë dhe të së drejtës për të dëgjuar versionin e së cilës palë ne i kërkuam znj. Belina Pupa një reagim publik ose sqarim mbi situatën në fjalë.

Ajo dha këtë përgjigje për Dritare TV.

“Përshëndetje Dritare TV. Bëhet fjalë për një pronë të dhënë me qira por që është me emrin tim. Gjyqi po mbahet për pasqyrimin e fakteve. Nuk mund të them asgjë më shumë, derisa çështja të mbyllet, për arsye hetimesh në radhë të parë por edhe për të qenë e qartë për të gjithë në fund, në radhë të dytë. Ju falenderoj që më pyetët përpara se të shpërndanit një lajm të përçudnuar!”, shkruan zonja Pupa në reagimin e saj për Dritare TV.

The post ‘Shtëpi bari’ bashkë me bashkëshortin Elvis?! Reagon Belina Pupa: Ja e vërteta e akuzave në Australi appeared first on Albeu.com.

Këtë të enjte, u nda nga jeta në moshën 58-vjeçare ish-kreu i Kadastrës, Artan Lame. Artan Lame, një nga figurat e njohura të jetës publike shqiptare.

Lidhur me këtë lajm të trishtë, me një mesazh ngushëllimi në “Facebook”, ka reaguar edhe kryeministri Edi Rama.

Mesazhi:

“I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë. Ngushëllime Mirelës, djalit të tyre dhe familjes e shokëve të përbashkët”, shkruan Rama.

The post Ndarja nga jeta e Artan Lames, reagon kryeministri Rama: Jam pa fjalë, ngushëllime familjes dhe miqve appeared first on Albeu.com.

Në një postim në rrjetet sociale, kryebashkiaku i Tiranës, Erion Veliaj, ka reaguar pas fitores së Partisë  Socialiste më 11 maj, ku siguroi 83 mandate, deri tani.

Veliaj shkruan se është pa fjalë dhe i përulur përballë një mbështetje kaq të madhe për kampin rozë.

Postimi i plotë:

Miqtë e mi,

Nuk di nga t’ia nis. Jam pa fjalë, krejtësisht pa fjalë, përpara kësaj vale të jashtëzakonshme mbështetjeje që fshiu çdo dyshim, çdo pretendim, çdo helm e çdo baltë që iu hodh Partisë Socialiste në këto katër vite. 🌹
Shqiptarët folën – dhe folën fort! Folën më fuqishëm se çdo herë tjetër, që prej vitit të mbrapshtë 1997, kur i treguan vendin të njëjtit personazh grotesk që guxon të rikthehet përpara shqiptarëve, edhe sot, si të ishte një “ofertë e re”. 💪🏻

Një gjë kam mësuar unë për shqiptarët: nuk harrojnë dhe nuk mashtrohen.

Ata nuk i besojnë më Saliut & co dhe 11 maji i vuri vulën këtij diskutimi.

Shqiptarët dinë të vlerësojnë ndryshimin, punën, zhvillimin dhe e dinë fare mirë që ka vetëm një forcë në këtë vend që mund ta çojë Shqipërinë përpara drejt Europës që kemi ëndërruar: Partia Socialiste e drejtuar nga Edi Rama dhe ekipi i tij.

Saliu & co nuk kanë vesh ta dëgjojnë zërin e popullit. Nuk kanë pasur kurrë sepse nuk e duan pushtetin për popullin. Që nga viti 2013 e deri sot, pas çdo humbjeje, kanë folur për vjedhje, për komplot, për një popull që nuk i meriton.

Por, nëse ka një gjë që na dallon ne socialistëve nga rivalët tanë është se ne dimë të dëgjojmë. Ne nuk jemi këtu për veten tonë – ne jemi këtu për të punuar, për të ndërtuar një të ardhme më të mirë për të gjithë shqiptarët.

Sot, unë jam krenar që jam pjesë e këtij projekti që ka transformuar Shqipërinë. Jam krenar që kam dhënë një kontribut, sado modest, në këtë rrugëtim të jashtëzakonshëm që qytetarët e mbështetën masivisht në 11 maj me votën e tyre. 🙏🏻

Sot ndihem i përunjur përpara kësaj mbështetje masive e dua të falenderoj secilin prej jush, nga veriu në jug, nga lindja në perëndim, nga Amerika në Greqi, nga Anglia në Turqi, që i besuan Partisë Socialiste.

Por, më lejoni që falenderimin më special ta ruaj per Tiranën time të dashur. Për familjen time të dytë. Për kolegët e mi të Bashkisë Tiranë dhe për ekipin e mrekullueshëm të Partisë Socialiste në Tiranë që me punën e përkushtimin e tyre arritën një fitore të paharrueshme.
Jeni të jashtëzakonshëm. Jam krenar për të gjithë ju! ❤️

The post Zgjedhjet e 11 majit/ Reagon Erion Veliaj: Jam krenar sepse dhashë edhe unë kontribut, kam mësuar se shqiptarët nuk harrojnë dhe nuk mashtrohen appeared first on Albeu.com.

“Për Partinë Demokratike procesi elektoral është procesi themelor i një shoqërie të lirë. Në këtë kontekst jam këtu së pari për të shprehur mirënjohjen për të gjithë ata komisioner dhe vëzhguesve.

Ju bëj thirrje të gjithë strukturave të PD që të bëjnë gjithçka që të mbrohet çdo votë me përkushtimin më të madh sepse çdo votë kundër regjimit meriton nderimin më të madh dhe vlerësimin më të madh”, tha Berisha.

The post Reagon Berisha: Strukturat e PD të bëjnë gjithçka që të mbrohet çdo votë appeared first on Lapsi.al.

Në një postim në platformën X, drejtuesi i fushatës së Partisë Demokratike, amerikani Chris LaCivita, ka reaguar ashpër në rrjetet sociale lidhur me procesin zgjedhor në Shqipëri.

LaCivita ka publikuar një video që, sipas tij, tregon mënyrën se si po manipulohen zgjedhjet.

“Ja si duket vjedhja e votave në Shqipëri… me mirësjellje të qeverisë së drogës të Edi Ramës”, shkruan ai.

Videoja është e njëjtë me atë që Partia Demokratike denoncoi më herët, ku disa persona që dyshohet të jenë pjesë e administratës publike, shfaqen brenda një zyre të lidhur me deputetin socialist Erion Braçe.

Pasi filmohen, ata largohen me shpejtësi nga ambienti, duke marrë me vete dokumente, çanta dhe materiale të tjera që PD i konsideron prova të manipulimit zgjedhor.

The post Zgjedhjet e 11 majit/ Reagon Chris LaCivita: Ja si vidhen votat në Shqipëri appeared first on Albeu.com.

Ditën e sotme, ndërkohë që sapo ka nisur procesi i votimit në disa qendra votimi, përmes një reagimi në llogarinë e tij personale në “Facebook”, ish-kryeministri i vendit dhe njëkohësisht kryetar i Partisë Demokratike Sali Berisha, ka bërë reagimin e parë lidhur me zgjedhjet parlamentare.

“Mirmëngjes njisha, jeni gati”? – shkruan Berisha.

Kujtojmë se PD-ASHM mban numrin 1 në fletën e votimit, ndaj edhe kreu i PD i drejtohet qytetarëve dhe simpatizantëve të kësaj force politike si “njisha”.

Në këto zgjedhje parlamentare 11 subjekte politike me 2 mijë e 46 kandidatë do të jenë në garë për 140 ulëse në Kuvend.

The post Zgjedhjet parlamentare 2025/ Reagon Berisha: Mirëmëngjes njisha, jeni gati? appeared first on Albeu.com.

Këtë të enjte, Partia Demokratike, ka reaguar pasi Departamenti i Shtetit pranoi se vendimi për kryedemokratin, Sali Berisha, ka qenë i politizuar nga administrata e mëparshme.

Përmes një deklaratë, Partia Demokratike, ka bërë me dije se Sali Berisha, tashmë mund të udhëtojë i lirë drejt SHBA.

Sipas zyrës së shtypit të Berishës, thuhet se PD vlerëson dhe përshëndet qëndrimin e Departamentit të Shtetit, të bërë publik nga media amerikane, si të drejtë dhe kthim të legalitetit, të marrë peng nga administrata Biden me lobimin e George Soros dhe Edi Ramës.

Reagimi:

Partia Demokratike vlerëson dhe përshëndet qëndrimin e Departamentit të Shtetit, të bërë publik nga media amerikane, si të drejtë dhe kthim të legalitetit, të marrë peng nga administrata Biden me lobimin e George Soros dhe Edi Ramës.

E drejta ka vonuar, por është vënë në vend, falë administratës së Presidentit Trump, fitorja e të cilit i ka shërbyer botës së lirë, me mesazhin e fortë dhe të drejtë, që u përsërit edhe në fjalën e zv. Presidentit Vance në Mynih.

Partia Demokratike, në emër të kryetarit të saj, Sali Berisha, të 26 partive të koalicionit, dhe të demokratëve, që mbajtën barrën e qëndresës, falenderon Deparatamentin e Shtetit për qëndrimin e drejte dhe parimor!

Nuk është liria për të udhëtuar e Sali Berishës, që është penguar këto vite, por është liria e popullit shqiptar për të zgjedhur udhëheqësit e vet, dhe për të pasur një opozitë që nuk e emëron pushteti.
Amerika nuk është e panjohur me këtë skenar, siç e ka dëshmuar katër vitet e fundit në gjuetinë e shtrigave kundër Presidentit Trump.

Sekretari i Shtetit, Republikani James Baker, e pat thënë, në Sheshin “Skënderbej”, 34 vite më pare: “liria funksionon”.

Ajo funksionoi edhe sot.

The post Berisha mund të vizitojë SHBA-në? Reagon Partia Demokratike: Përshëndesim qëndrimin e DASH, e drejta ka vonuar por është vënë në vend, falë administratës së Presidentit Trump appeared first on Albeu.com.

Në një deklaratë për mediat, Partia Demokratike, dega Elbasan, ka reaguar në lidhje me incidentin e ndodhur gjatë mitingut përmbyllës të në qytet, ngjarje e ndodhur dje.

Sipas demokratëve, ngjarja ishte një konflikt i natyrës krejtësisht banale mes disa të rinjve, pa asnjë lidhje me organizimin e mitingut apo me përplasje midis grupeve mbështetëse të kandidatëve.

“Nuk bëhet fjalë për asnjë tension të karakterit politik. Ky episod i izoluar po keqpërdoret nga qarqe të afërta me mazhorancën për të politizuar ngjarjen dhe për të njollosur një takim madhështor”, thuhet në deklaratën e PD Elbasan.

Partia Demokratike, thekson se mitingu në Elbasan ishte një demonstrim i fuqishëm mbështetjeje për Sali Berishën dhe vizionin e PD-së për ndryshim, ndërsa u bën thirrje qytetarëve të mos bien pre e manipulimeve dhe të qëndrojnë të fokusuar në synimin e përbashkët: fitoren e vlerave demokratike dhe të së ardhmes.

The post Incidenti në mitingun e Elbasanit, reagon dega e PD: S’ka pasur tensione politike, ishte konflikt banal mes të rinjve appeared first on Albeu.com.

Ditën e sotme, në media u publikuan disa pamje ku ish-banorja e “Big Brother”, Genta Gjalpi, teksa  shfaqej duke pasur një sjellje të papërshtatshme ndaj vajzës së mitur të partnerit të saj.

Ngjarja ka ndodhur në një supermarket në një kompleks në zonën e Yzberishtit në kryeqytet, ku banon edhe vetë Genta me partnerin e saj prej më shumë se 1 viti.

Nga pamjet e filmuar nga kamerat e sigurisë të marketit, shihet duke e kapur fëmijën nga flokët, duke u rrëzuar gjatë ndjekjes së saj dhe më pas duke e tërhequr nga rrobat me forcë, për ta nxjerrë jashtë ambientit.

Rasti u denoncua nga JOQ, teksa tek video e publikuar në rrjetet sociale ka reaguar e revoltuar edhe nëna e të miturës, e cila paralajmarëron padi ndaj Gentës.

“Unë jam nëna e fëmijës në video dhe më dridhen duart nga ajo çfarë po shoh këtu. Ky njeri që ngre dorë mbi vajzën time që ua lë në mirëbesim të atit, do të përballet me ligjin!”, – shkruan ajo.

 

View this post on Instagram

 

A post shared by JOQ STORY (@joq.story)

The post Genta e “Big Brother” i dhunoi vajzën, reagon e revoltuar nëna e të miturës: Po më dridhen duart… (VIDEO) appeared first on Albeu.com.

Bashkimi Evropian (BE) dëshiron të mbështetet te Serbia si një partnere e besueshme dhe është e nevojshme që Beogradi ta sigurojë për kursin e tij strategjik, u tha në Bruksel më 24 prill, pasi presidenti serb, Aleksandër Vuçiç, konfirmoi se do të udhëtojë për në Moskë për shënimin e Ditës së Fitores.

Në përgjigje të një pyetjeje të dërguar nga Radio Evropa e Lirë, një përfaqësues i Komisionit Evropian shtoi se Bashkimi Evropian ka qenë plotësisht i qartë me partnerët e tij, përfshirë shtetet kandidate si Serbia.

“Marrëdhëniet me Rusinë nuk mund të zhvillohen mbi parimin e ‘punës si zakonisht’ me regjimin e Vladimir Putin, veçanërisht pas agresionit të paprovokuar dhe të paarsyeshëm ndaj Ukrainës”, shtoi në përgjigjen e tij të shkruar përfaqësuesi i Zyrës për Zgjerimin dhe Partneritetin Ndërkombëtar, Guillaume Mercier.

“Me presidentin [e Rusisë, Vladimirin] Putin kam pasur gjithmonë një marrëdhënie të hapur, të sinqertë dhe miqësore, që nuk është gjithmonë e lehtë dhe e thjeshtë, sepse nuk jemi gjithmonë në një mendje, por besojmë njëri-tjetrit kur themi diçka”, tha Vuçiç.

Ai gjithashtu shtoi se ka shumë mundësi që në Moskë të udhëtojë vetëm.

“Ne duam që qeveria Gjuro Macut të paguajë çmimin, dua që ai të ketë mundësinë të punojë me Bashkimin Evropian ashtu siç duhet dhe askush të mos mund t’i thotë asgjë. Ka pak gjasa që ushtria e Serbisë të shkojë sepse do të përballej me sulme dhe sanksione të ndryshme”, deklaroi Vuçiç.

Ai shtoi se në Moskë do të bisedojë gjithashtu me Putin për një marrëveshje të re për gazin dhe për një zgjidhje për Industrinë e Naftës së Serbisë (NIS), të cilës Shtetet e Bashkuara i kanë vendosur sanksione për shkak se shumica e hisedarëve të kompanisë janë kompani ruse.

Udhëtimi i parë i presidentit të Serbisë në Rusi, që nga nisja e pushtimit rus të Ukrainës para tre vjetësh, u bë publik nga ai në fillim të marsit, pas një bisede telefonike që Vuçiç zhvilloi me Putinin.

Në deklarimet pasuese, Vuçiç insistoi se nuk e ndryshon vendimin për të vizituar Moskën, pavarësisht faktit se, siç tha ai, Perëndimi mund të përgjigjet me një formë sanksionesh.

Si kandidate për anëtarësim në BE, Serbia që nga dhjetori i vitit 2021 nuk ka hapur asnjë kapitull bisedimesh.

Përparimi i saj është bllokuar për shkak të refuzimit që të harmonizojë politikën e saj të jashtme me atë të BE-së dhe të vendosë sanksione ndaj Rusisë, për shkak të pushtimit të Ukrainës.

LEXONI GJITHASHTU:

• Studentët në Serbi, forcë politike? Gazetari: Vuçiç po bën presion, rektori u padit
• Vuçiç: Nuk kam ndryshuar vendim për ta vizituar Moskën

The post BE-ja reagon lidhur me vizitën e Vuçiç në Moskë appeared first on Euronews Albania.

Në një deklaratë zyrtare, Kisha Ortodokse Autoqefale e Shqipërisë, ka reaguar me dhimbje për ndarjen nga jeta të Papës së Romës, Françeskut.

Kisha Ortodokse Autoqefale e Shqipërisë, shpreh ngushëllime të sinqerta ndaj klerit dhe besimtarëve të Kishës Katolike, duke vlerësuar kontributin e Papës në shpalljen e Ungjillit dhe angazhimin e tij të pandalshëm për të varfërit dhe të margjinalizuarit.

Në mënyrë të veçantë, Kisha Ortodokse nënvizon përpjekjet e Papa Françeskut, për të afruar Kishat Ortodokse dhe Katolike, duke kujtuar fjalët e tij frymëzuese: “Ecim së bashku si vëllezër në rrugën e mëshirës dhe të dashurisë”.

Duke u mbështetur në fjalët e Shkrimit të Shenjtë, Kisha Ortodokse, lutet që shpirti i Papës të prehet në paqe dhe përfundon mesazhin e saj: “I përjetshëm kujtimi i tij!”.

KISHA ORTHODHOKSE AUTOQEFALE E SHQIPËRISË:

Tiranë, 21.4.2025

MBI FJETJEN E PAPA FRANÇESKUT

Duke marrë pjesë në hidhërimin për fjetjen e Papës së Romës, Françeskut, dëshirojmë të shprehim ngushëllimet tona ndaj klerit dhe besimtarëve të Kishës Romano-Katolike.

Gjatë misionit të tij si prift, peshkop dhe Papë, ai gjithmonë tregoi një përkushtim të thellë ndaj shpalljes së Ungjillit në kontekste të ndryshme gjeografike dhe kulturore, veçanërisht përmes kujdesit të tij të sinqertë për të varfërit dhe të margjinalizuarit.

Veçanërisht vlerësojmë përpjekjet e tij të sinqerta për të nxitur një mirëkuptim më të madh ndërmjet Kishës Orthodhokse dhe asaj Katolike. Sjellim ndër mend fjalët e tij gjatë takimeve me përfaqësuesit e Kishës Orthodhokse: “Ecim së bashku si vëllezër në rrugën e mëshirës dhe të dashurisë”.

Me shpresën tek Krishti i Ngjallur i Cili: “…do të fshijë çdo lot nga sytë e tyre dhe nuk do të ketë më as vdekje, as zi, as vajtim, as dhimbje, sepse bota e mëparshme mori fund” (Zb. 21:4), lutemi që Zoti ynë, Ati i mëshirshëm, t’i japë prehje shpirtit të tij. I përjetshëm kujtimi!

The post Kisha Ortodokse Shqiptare reagon për ndarjen nga jeta të Papa Franceskut: Nxiti mirëkuptim mes ortodoksëve dhe katolikëve, i përjetshëm kujtimi i tij appeared first on Albeu.com.

Bota mbarë përballet sot me lajmin e ndarjes nga jeta të Atit të Shenjtë, Papa Françeskut.

Një figurë e dashur dhe frymëzuese, ai u bë simbol i përulësisë, dashurisë dhe shërbimit ndaj më të varfërve e më të harruarve. Jeta e tij ishte një dëshmi e gjallë e vlerave të Ungjillit, dhe largimi i tij lë pas një boshllëk të madh, por edhe një trashëgimi shprese dhe besimi që do të jetojë në zemrat e miliona njerëzve.

Vatikani ka reaguar vetëm pak minuta pasi lajmi u bë i ditur për të gjithë botën ku shpreheh, ‘Françesku, u kthye në shtëpinë e Atit, i cili e gjithë jeta e tij iu kushtua shërbimit të Zotit dhe Kishës së Tij. Ai na mësoi të jetojmë vlerat e Ungjillit me besnikëri, guxim dhe dashuri’.

Deklarata:

“Më të dashur vëllezër dhe motra, me dhimbje të thellë më duhet të njoftoj vdekjen e Atit tonë të Shenjtë Françesku. Në orën 7:35 të mëngjesit të sotëm, peshkopi i Romës, Françesku, u kthye në shtëpinë e Atit, i cili e gjithë jeta e tij iu kushtua shërbimit të Zotit dhe Kishës së Tij. Ai na mësoi të jetojmë vlerat e Ungjillit me besnikëri, guxim dhe dashuri universale, veçanërisht në favor të më të varfërve dhe më të margjinalizuarve. Me mirënjohje të pamasë për shembullin e tij si dishepull i vërtetë i Zotit Jezus, ne e përgëzojmë shpirtin e Papa Françeskut në dashurinë e pafundme të mëshirshme të Zotit Një dhe Triuni.”

The post Papa Françesku ndërroi jetë një ditë pas Pashkëve, reagon Vatikani appeared first on Lapsi.al.