TIRANË, 26 korrik /ATSH/ Autoriteti Kombëtar për Sigurinë Kibernetike (AKSK) ka hapur thirrjen për përzgjedhjen e ekipit shqiptar që do të marrë pjesë në ‘European Cyber Security Challenge (ECSC) 2025’, që zhvillohet nga 6 deri më 10 tetor në Varshavë, Poloni.

Sipas njoftimit të AKSK-së, ECSC është një garë prestigjioze ndërkombëtare për të rinjtë e moshës 14–24 vjeç, e organizuar nga ENISA, Agjencia e Bashkimit Evropian për Sigurinë Kibernetike, ku ekipe nga mbi 40 vende përballen në sfida praktike të fushës.

Sfidat përfshijnë garat për sigurinë e faqeve dhe shërbimeve web, sigurinë e aplikacioneve mobile, cryptography, reverse engineering dhe forensics.

‘European Cyber Security Challenge 2025’ është një mundësi për të rinjtë që duan të testojnë dhe zhvillojnë aftësitë e tyre në sigurinë kibernetike, në skenën më të madhe evropiane të kësaj fushe.

Ekipi përfaqësues i Shqipërisë do të përbëhet nga 10 të rinj, të cilët do të përzgjidhen përmes këtij aplikimi në adresën https://aksk.gov.al/aplikim-per-perfaqesim-ne-european…/

/e.i/ /gj.m/

The post AKSK hap thirrjen për përzgjedhjen e 10 të rinjve në garën botërore të ECSC appeared first on Agjencia Telegrafike Shqiptare.

TIRANË, 21 korrik /ATSH/ Kryetarja e bashkisë së Durrësit, Emiriana Sako përcolli sot thirrjen për profesionistë nga të gjitha fushat, që duan të japin kontributin e tyre në zhvillimin e mëtejshëm të qytetit duke u bërë pjesë e administratës publike.

Në thirrjen e bërë publike në rrjetet sociale, Sako tha se “të gjithë ata arkitektë, urbanistë, inxhinierë, ekonomistë, IT, juristë, profesionistë të shkencave sociale, pedagogë, profesionistë të sektorit të bujqësisë dhe mjedisit, etj të cilët dëshirojnë të japin kontributin e tyre në shërbim të qytetit dhe qytetarëve të Durrësit janë të ftuar të shprehin interesin e tyre”.

Të interesuarit mund të dërgojnë në email jetëshkrimin e tyre dhe një letër për shprehje interesi.

Adresa elektronike është profesioniste@durres.gov.al.

“Kjo dritare komunikimi do të shërbejë për të dërguar kërkesa, në çdo periudhë të vitit”, tha Sako, ndërkohë që u shpreh se janë hapur thirrjet për disa vende vakante në bashkinë e Durrësit.

/e.i/j.p/

The post Bashkia Durrës fton profesionistët të aplikojnë për vakancat në administratën publike appeared first on Agjencia Telegrafike Shqiptare.

Ditë e sotme, pas lutjes së Engjëllit, Papa Leo XIV, në një mesazh të fuqishëm përsëriti thirrjen e tij për t’i dhënë fund “barbarisë së luftës” në Gaza, ndërsa shprehu dhimbjen e thellë për sulmin izraelit ndaj kishës së vetme katolike në Gaza, ku humbën jetën tre civilë të pafajshëm.

Ati i Shenjtë lexoi me zë të lartë emrat e viktimave të sulmit të ndodhur të enjten – Saad Issa Kostandi Salameh, Foumia Issa Latif Ayyad dhe Najwa Ibrahim Latif Abu Daoud – duke theksuar se; “pas çdo viktime qëndron një histori dhe një familje që nuk duhet harruar”.

Papa i bëri thirrje bashkësisë ndërkombëtare që të respektojë ligjin humanitar, të mbrojë civilët dhe të ndalojë ndëshkimin kolektiv, përdorimin pa dallim të forcës dhe zhvendosjen me dhunë të popullsive.

The post Papa Leone thirrje për paqe në Lindjen e Mesme: Jepini fund barbarisë së luftës në Gaza appeared first on Albeu.com.

TIRANË, 18 korrik /ATSH/ Qendra Kombëtare e Kinematografisë (QKK) shpalli zyrtarisht thirrjen për paraqitjen e kandidaturave shqiptare në kategorinë “International Feature Film”, për edicionin e 98-të të çmimeve OSCAR, që do të zhvillohet në vitin 2026.

QKK fton të gjitha shtëpitë kinematografike dhe producentët shqiptarë që të dorëzojnë filmat e tyre pranë institucionit, si pjesë e procesit të përzgjedhjes së përfaqësuesit zyrtar të Shqipërisë për këtë kategori prestigjioze.

Afati i fundit për dorëzimin e aplikimeve është data 1 gusht 2025, dhe aplikimi duhet të bëhet pranë Qendrës Kombëtare të Kinematografisë, sipas kritereve dhe dokumentacionit të parashikuar.

/a.f//r.e//a.f/

The post Hapet thirrja për përzgjedhjen e filmit që do të garojë në “International Feature Film” në Oscars 2026 appeared first on Agjencia Telegrafike Shqiptare.

Ish-kandidati i opozitës për deputet Lefter Maliqi ka bërë thirrje urgjente për analizimin e humbjes në zgjedhjet e 11 majit. Gjatë një reagimi në rrjetet sociale, Maliqi denoncon faktin se vartësit e Berishës dhe drejtuesit politik nëpër qarqe nuk punuan për fitoren dhe për këtë duhet të ketë riorganizim të opozitës. Maliqi bën thirrje që […]

The post Maliqi: Të analizojmë humbjen, opozita të largojë të paaftët dhe servilët! appeared first on BoldNews.al.

TIRANË, 13 korrik /ATSH/ Vatra e zjarrit që ka rënë para tre ditësh në fshatin Zambish e cila u përhap në disa fshatra të tjerë, vazhdon të jetë aktive.

Lajmin e bën të ditur kryebashkiaku i Rrogozhinës, Edison Memolla.

Ai falënderon Emergjencat Civile, Forcat Zjarrfikëse të Bashkisë Rrogozhinë, punonjësit e shërbimeve, banorët e zonës, Prefekturën e Tiranës dhe ndihmat nga ajri pasi terreni për ndërhyrje është shumë i vështirë.

Sipas Memollës, “aktualisht zjarri vazhdon të jetë aktiv i përhapur në disa vatra dhe po monitorohet nga forcat që janë në terren, nuk ka banesa të dëmtuara por rreth 70-80 ha sipërfaqe me bimësi të djegur”.

“Pavarësisht temperaturave të larta, zjarri nuk nis nga hiçi. Në këto kushte ju bëj thirrje të tregoni kujdes të shtuar sepse pakujdesia po rrezikon mundin e bashkëqytetarëve në tokat e mbjella dhe në rastin më të keq mund të përhapet duke rrezikuar banesa dhe jetë njerëzish”, tha Memolla.

“Merrni përgjegjësi qytetare dhe përtej dënimit penal tregohuni njerëzor nëse dikush ka vepruar qëllimisht”, përfundon ai.

Nga aksioni për shuarjen e vatra të zjarrit në fshatin Zambishë

1 nga 8

/e.i//a.f/

The post Memolla: Vatër aktive zjarri në fshatin Zambishë, 70-80 hektarë bimësi e djegur appeared first on Agjencia Telegrafike Shqiptare.

Organizata Botërore e Shëndetësisë po u bën presion vendeve që të rrisin çmimet e pijeve me sheqer, alkoolit dhe duhanit me 50% gjatë 10 viteve përmes taksimit, në shtytjen më të madhe deri më tani për të ashtuquajturat “taksa mbi mëkatin” për të ndihmuar në trajtimin e problemeve kronike të shëndetit publik dhe për të mbështetur buxhetet qeveritare të shëndetit.

Agjencia e shëndetësisë e Kombeve të Bashkuara tha se ky veprim mund të ndihmojë në uljen e konsumit të produkteve që kontribuojnë në sëmundje të tilla si diabeti dhe disa lloje kanceri, si dhe në rritjen e shpenzimeve në një kohë kur ndihma për zhvillim është ulur në mënyrë drastike dhe borxhi publik po rritet.

OBSH-ja e paraqiti iniciativën, të cilën e quajti “3 deri në 35” në Samitin e Zhvillimit të Kombeve të Bashkuara në Sevilje. Sipas Organizatës Botërore të Shëndetësisë, kjo iniciativë tatimore mund të gjenerojë 1 trilion dollarë deri në vitin 2035, bazuar në të dhënat nga taksat shëndetësore në vende si Kolumbia dhe Afrika e Jugut.

OBSH-ja ka mbështetur taksat mbi duhanin dhe rritjen e çmimeve për dekada të tëra dhe ka kërkuar taksa mbi alkoolin dhe pijet me sheqer vitet e fundit, por kjo është hera e parë që ka propozuar një rritje të synuar të çmimeve për të tre produktet. Drejtori i Përgjithshëm i OBSH-së, Tedros Adhanom Ghebreyesus, i tha Samitit se taksat mund t’i ndihmojnë qeveritë të përshtaten me realitetin e ri dhe të forcojnë sistemet e tyre shëndetësore me paratë që mbledhin.

Për shembull, kjo mund të nënkuptojë që një qeveri në një vend me të ardhura të mesme do të rriste taksat mbi këto produkte për ta çuar çmimin nga 4 dollarë sot në 10 dollarë deri në vitin 2035, duke marrë parasysh inflacionin, tha ekonomisti i shëndetit i OBSH-së, Guillermo Sandoval.

Gati 140 vende kanë rritur tashmë taksat e duhanit dhe kështu çmimet me një mesatare prej më shumë se 50% midis viteve 2012 dhe 2022, shtoi OBSH-ja. Sandoval tha gjithashtu se Organizata Botërore e Shëndetësisë po shqyrton gjithashtu lëshimin e rekomandimeve për një taksim më të gjerë, duke përfshirë edhe ushqimet ultra të përpunuara.

The post OBSH bën thirrje për rritjen e çmimeve për sheqerin, alkoolin dhe duhanin appeared first on Lapsi.al.

Agjencia e shëndetësisë e OKB-së tha se një rritje e tillë mund të ndihmojë në uljen e konsumit të produkteve që kontribuojnë në sëmundje të tilla si diabeti dhe disa lloje kanceri, si dhe në rritjen e shpenzimeve në një kohë kur ndihma për zhvillim po bie ndjeshëm dhe borxhi publik po rritet.

Organizata Botërore e Shëndetësisë po u bën presion vendeve që të rrisin çmimet e pijeve me sheqer, alkoolit dhe duhanit me 50% gjatë 10 viteve përmes taksimit, në shtytjen më të madhe deri më tani për të ashtuquajturat “taksa mbi mëkatin” për të ndihmuar në trajtimin e problemeve kronike të shëndetit publik.

OBSH-ja e paraqiti iniciativën, të cilën e quajti “3 deri në 35”, në Samitin e Zhvillimit të OKB-së në Sevilje.

Sipas Organizatës Botërore të Shëndetësisë, kjo iniciativë tatimore mund të gjenerojë një trilion dollarë deri në vitin 2035 bazuar në të dhënat nga taksat në vende të tilla si Kolumbia dhe Afrika e Jugut.

The post OBSH bën thirrje për rritje të çmimeve të sheqerit, alkoolit dhe duhanit, zbulohet arsyeja appeared first on Sot News | Lajme.

Kompania “ONE” ka rënë në kolaps. Gjatë ditëve të fundit klientët kanë mbushur me ankesa kompaninë telefonike se po i vjedh duke mos i dhënë shërbimin e domosdoshëm të internetit. Dhjetëra abonentë të “ONE” kanë denoncuar ndërprerjen e internetit në telefon prej më shumë se një muaji, edhe pse paguajnë për plane pa limit si […]

The post Abuzimi me paketat e ofertave/ “ONE” në kolaps! Klientët: Po na zhvat, s’kemi internet appeared first on BoldNews.al.

PARIS, 22 qershor /ATSH-AFP/ – Udhëheqësit e Francës, Gjermanisë dhe Mbretërisë së Bashkuar i bënë thirrje sot Iranit “të mos ndërmarrë veprime të mëtejshme që ka të ngjarë të destabilizojnë rajonin” në përgjigje të sulmeve amerikane që synojnë vendet e tij bërthamore.

“Ne i bëjmë thirrje Iranit të angazhohet në negociata që çojnë në një marrëveshje që adreson të gjitha shqetësimet që lidhen me programin e tij bërthamor. Ne jemi të gatshëm të kontribuojmë për këtë qëllim në koordinim me të gjitha palët”, shtuan të tre udhëheqësit në një deklaratë të përbashkët.

Emmanuel Macron, Friedrich Merz dhe Keir Starmer u zotuan të vazhdojnë “përpjekjet e përbashkëta diplomatike për të ulur tensionet dhe për të siguruar që konflikti të mos përshkallëzohet ose përhapet më tej”.

Ministrat e jashtëm të tre vendeve ishin takuar tashmë me homologët e tyre iranianë në Gjenevë të premten për të provuar të rifillonin negociatat, por qasja e tyre u konsiderua menjëherë e kotë nga Donald Trump.

Ndërsa Parisi kishte shprehur më parë “shqetësim” në lidhje me sulmet amerikane, deklarata nuk dha gjykime mbi veprimin e SHBA-së.

Të tre udhëheqësit evropianë përsëritën se kishin qenë “të qartë se Irani nuk do të pajiset kurrë me një armë bërthamore dhe nuk do të përbëjë më kërcënim për sigurinë rajonale”.

“Objektivi ynë mbetet të parandalojmë Iranin nga pajisja me një armë bërthamore”, përsëritën ata./ a.jor.

The post FOKUS – Parisi & Berlini & Londra: Irani të mos ndërmarrë veprime që destabilizojnë rajonin appeared first on Agjencia Telegrafike Shqiptare.

Departamenti Amerikan i Shtetit i ka bërë thirrje qytetarëve amerikanë të largohen menjëherë nga Irani. “Bëni një plan për t’u larguar nga Irani, që nuk mbështetet në ndihmën e qeverisë amerikane. Nëse nuk mund të largoheni, gjeni një vend të sigurt në vendbanimin tuaj ose një ndërtesë të sigurt. Koha po mbaron”, thuhet në mesazhin […]

The post DASH thirrje qytetarëve amerikanë: Largohuni nga Irani appeared first on BoldNews.al.

Ministri i Jashtëm i Gjermanisë, Johann Wadephul u bëri thirrje udhëheqësve të Iranit të japin siguri të besueshme se nuk do përdorin armë bërthamore. Wadephul gjithashtu theksoi se Irani duhet të tregojë se janë të gatshëm të gjejnë një zgjidhje të negociuar, në mes të një përshkallëzimi të mëtejshëm ushtarak me Izraelin.

“Ne jemi ende të gatshëm të negociojmë një zgjidhje. Megjithatë, Irani duhet të veprojë urgjentisht… nuk është kurrë vonë për t’u ulur në tryezën e negociatave nëse dikush vjen me qëllime të sinqerta”, tha ai.

Wadephul shtoi se frika e Izraelit se Irani do të zhvillojë armë bërthamore është e justifikuar dhe se Izraeli ka të drejtë për vetëmbrojtje.

“Vendimi izraelit për të ndërmarrë diçka kundër këtij kërcënimi është i kuptueshëm”, tha ai, duke shtuar se vdekjet e civilëve nga të dyja palët ishin për të ardhur keq pas sulmeve ajrore midis dy vendeve.

The post Ministri gjerman thirrje Iranit: Nuk është vonë për t’u ulur në tryezën e negociatave appeared first on Lapsi.al.

TIRANË, 16 qershor/ATSH/ Kryetari i grupit parlamentar të Partisë Socialiste, Niko Peleshi iu drejtua sot deputetëve të opozitës nga foltorja e Kuvendit, duke u kërkuar që të jenë të pranishëm në komisione për të ecur përpara me agjendën e Parlamentit deri në mbylljen e punimeve.

Peleshi tha se në Konferencën e Kryetarëve nuk pati konsensus për miratimin e agjendës së punimeve të Parlamentit, ndërsa grupi parlamentar i PS-së është pro ecjes përpara me një agjendë të ngarkuar në 2-3 seancat e fundit të mbetura, përpara se Kuvendi të fillojë pushimet.

“Janë 20 akte për t’u miratuar. Parlamenti nuk fillon dhe mbaron në këtë foltore, por gjatë gjithë javës. Ju nuk jeni në komisione, pastaj kërkoni pse nuk futen nisma të tjera, projektligje. Kemi 20 projektakte, i bëjmë 40 po të doni, por duhet punë. Dikush duhet të punojë, të vijë në mbledhje, jo për kuorum, por për të marrë pjesë në procesin e projektakteve”, tha Peleshi.

Peleshi theksoi gjatë fjalës së tij, se grupi i PS-së e bën vetë gjithë procesin në mungesë të opozitës.

“Duhet ta dinë edhe qytetarët, ju nuk vini në komisione dhe në sa komisione që nuk krijohet kuorum, kjo vjen sepse shumë pak anëtarë të opozitës marrin pjesë nëpër komisione. Hajde t’i miratojmë projektaktet. Por, ne me apo pa ju do ta mbyllim me sukses këtë Kuvend për të filluar në shtator”, u shpreh ai.

/e.i/ /a.g/

The post Peleshi-opozitës: Janë 20 akte për t’u miratuar deri në mbylljen e Parlamentit, bëni punën tuaj appeared first on Agjencia Telegrafike Shqiptare.

Tre vendet evropiane, të cilat dje u vunë në dispozicion për bisedime me Teheranin, “duhet t’i kishin dënuar shumë qartë krimet e regjimit sionist, veçanërisht kundër centralit bërthamor të Natanzit”, shtoi zëdhënësi.

Zëdhënësi i Ministrit të Jashtëm iranian, Esmaeil Baqaei, i ka kërkuar Britanisë, Francës dhe Gjermanisë të përqendrohen në “ndalimin e agresionit të Izraelit” dhe mbajtjen e tij si përgjegjës.

The post “Ndalimi i agresionit të Izraelit”/ Teherani i bën thirrje thirrje Britanisë, Francës e Gjermanisë appeared first on Sot News | Lajme.

Deri më tani janë identifikuar zyrtarisht 𝟕 𝐟𝐞𝐫𝐦𝐚 𝐩𝐨𝐳𝐢𝐭𝐢𝐯𝐞 në 5 vatra shpërthimi krerët e të cilave po asgjësohen sipas 𝐩𝐫𝐨𝐭𝐨𝐤𝐨𝐥𝐥𝐞𝐯𝐞 𝐬𝐭𝐫𝐢𝐤𝐭𝐞 𝐯𝐞𝐭𝐞𝐫𝐢𝐧𝐚𝐫𝐞, për të frenuar përhapjen e sëmundjes.

Zgjerohet harta e zonave të prekura nga murtaja e bagëtive në vendin tonë. AKVMB bën thirrje urgjente për bashkëpunim të plotë nga fermerët!

𝐌𝐨𝐬 𝐥ë𝐯𝐢𝐳𝐧𝐢 𝐤𝐚𝐟𝐬𝐡ë𝐭!

𝐌𝐨𝐬 𝐤𝐫𝐲𝐞𝐧𝐢 𝐬𝐡𝐢𝐭-𝐛𝐥𝐞𝐫𝐣𝐞 𝐧𝐠𝐚 𝐟𝐞𝐫𝐦𝐚 𝐭ë 𝐭𝐣𝐞𝐫𝐚!

𝐑𝐞𝐬𝐩𝐞𝐤𝐭𝐨𝐧𝐢 𝐦𝐚𝐬𝐚𝐭 𝐞 𝐛𝐢𝐨𝐬𝐢𝐠𝐮𝐫𝐢𝐬ë 𝐧ë 𝐟𝐞𝐫𝐦ë

Ky është një 𝐡𝐚𝐩 𝐣𝐞𝐭𝐢𝐤 𝐩ë𝐫 𝐦𝐛𝐫𝐨𝐣𝐭𝐣𝐞𝐧 𝐞 𝐭𝐮𝐟𝐚𝐯𝐞 dhe për ndalimin e përhapjes së mëtejshme të kësaj sëmundjeje 𝐬𝐡𝐮𝐦ë 𝐧𝐠𝐣𝐢𝐭ë𝐬𝐞 𝐝𝐡𝐞 𝐬𝐡𝐤𝐚𝐭ë𝐫𝐫𝐮𝐞𝐬𝐞 për blegtorinë.

Veterinerët tanë janë në terren, në 𝐠𝐚𝐭𝐢𝐬𝐡𝐦ë𝐫𝐢 𝐭ë 𝐩𝐥𝐨𝐭ë dhe përkrah fermerëve për:

Marrjen e mostrave për analizë

Monitorimin e vazhdueshëm të gjendjes shëndetësore

Informimin dhe ndërgjegjësimin e fermerëve mbi 𝐬𝐡𝐞𝐧𝐣𝐚𝐭 𝐤𝐥𝐢𝐧𝐢𝐤𝐞 𝐭ë 𝐏𝐏𝐑-𝐬ë (temperaturë e lartë, rrjedhje nga hundët dhe sytë, diarre, vështirësi në frymëmarrje, ulje të oreksit).

Të gjithë së bashku, me 𝐤𝐮𝐣𝐝𝐞𝐬 𝐝𝐡𝐞 𝐩ë𝐫𝐠𝐣𝐞𝐠𝐣ë𝐬𝐢, mund të ndalojmë përhapjen e PPR-së dhe të 𝐦𝐛𝐫𝐨𝐣𝐦ë 𝐛𝐥𝐞𝐠𝐭𝐨𝐫𝐢𝐧ë 𝐬𝐡𝐪𝐢𝐩𝐭𝐚𝐫𝐞!

The post Identifikohen 7 ferma me sëmundjen/ Zgjerohet harta e zonave të prekura nga Murtaja e Bagëtive, ja thirrja e AKVMB appeared first on Sot News | Lajme.

Papa Leoni XIV kritikoi rritjen e lëvizjeve politike nacionaliste ne bote, teksa përsëriti thirrjet e tij për dialog. Ne meshën e se dielës ne Sheshin e Shen Pjetrit, kërkoi shembjen e mureve dhe zhdukjen e urrejtjes. “Ku ka dashuri, nuk ka vend për paragjykime, për zona ‘sigurie’ që na ndajnë nga fqinjët tanë, për mendësinë […]

The post Papa kritikon nacionalizmin/ Leoni XIV, thirrje për solidaritet mes popujve appeared first on BoldNews.al.

Ne meshën e se dielës ne Sheshin e Shen Pjetrit, kërkoi shembjen e mureve dhe zhdukjen e urrejtjes. Papa Leoni XIV kritikoi rritjen e lëvizjeve politike nacionaliste ne bote, teksa përsëriti thirrjet e tij për dialog.

“Ku ka dashuri, nuk ka vend për paragjykime, për zona ‘sigurie’ që na ndajnë nga fqinjët tanë, për mendësinë përjashtuese që, tragjikisht, tani e shohim të shfaqet edhe në nacionalizmat politikë”, ka thënë ai.

Papa nuk përmendi ndonjë vend apo politikan specifik, por para se të zgjidhej në krye të Vatikanit, ai kishte qenë kritik në rrjetet sociale për politikat e administratës së Donald Trump ndaj emigracionit.

Leoni gjithashtu kujtoi fjalët e të ndjerit Papa Françesku, i cili vërejti se në botën tonë ne jemi të gjithë të lidhur, megjithatë e gjejmë veten të shkëputur nga njëri-tjetri, të anestezuar nga indiferenca dhe të mbingarkuar nga vetmia.

Menjëherë pasi u bë papë, Leoni u zotua të punonte për unitet dhe paqe. Mesazhi i tij i parë, “Paqja qoftë me ju të gjithë”, e vendosi rëndësinë e paqes si një shtyllë të papatit të tij. Ai gjithashtu ka bërë thirrje për një paqe afatgjatë dhe të drejtë në Ukrainë dhe një armëpushim në Gaza.

The post Papa Leoni XIV, thirrje për solidaritet mes popujve, kritikon nacionalizmin appeared first on Sot News | Lajme.

Është folur sot për rëndësinë e vendosjes së një roli të ri për Evropën në sferën globale, nga Presidentja e Komisionit Evropian, Ursula von der Leyen dhe Kancelari Friedrich Merz.

“Një Evropë e pavarur – e di që ky mesazh është i çuditshëm për shumë njerëz. Por në thelb ka të bëjë me lirinë tonë“, tha znj Von der Leyen dhe paralajmëroi se “nuk duhet të kemi iluzionin se gjithçka do të jetë si më parë, se kjo nuk do të ndodhë thjesht, ndërsa bota po formësohet përsëri nga fuqitë imperialiste dhe luftërat imperialiste, nga fuqitë e mëdha që janë të gatshme të përdorin të gjitha mjetet, të drejta dhe të padrejta, për të fituar një avantazh”.

Presidentja e Komisionit foli për një “Evropë të pavarur dhe të lirë”, ndërsa kancelari gjerman theksoi se “Evropa duhet të jetë mjaftueshëm e fortë për të siguruar paqen e vet”.

“Evropa po përballet me armiq të vendosur të demokracisë”, theksoi Presidentja e Komisionit, duke përmendur luftën në Ukrainë si “shembullin më të habitshëm”.

Prandaj, nevoja për të investuar në sigurinë evropiane po bëhet gjithnjë e më urgjente, theksoi ajo, teksa foli për “një rend të ri ndërkombëtar” që do të shfaqet këtë dekadë.

“Ky rend i ri duhet të formësohet nga Evropa. Misioni ynë është pavarësia evropiane“, vazhdoi ajo dhe sqaroi se në të njëjtën kohë në sektorin ekonomik, Bashkimi Evropian dëshiron të rivendosë bashkëpunimin tregtar me SHBA-në në një bazë më të qëndrueshme.

Kancelari Merz, nga ana e tij, theksoi si një përparësi kyçe aftësinë e Evropës për t’u kujdesur për sigurinë e saj dhe për të siguruar paqen e saj, dhe siguroi se Gjermania do të bëjë gjithçka në këtë drejtim.

Ai e përshkroi Bashkimin Evropian si një “projekt paqeje” i cili ka pasur sukses brenda vendit, pas luftërave, por tani duhet të bëhet një projekt paqeje edhe jashtë vendit.

The post “Po përballemi me armiq të demokracisë, duhet të…”/ Leyen dhe Merz bëjnë thirrje për një rol të ri: Misioni ynë… appeared first on Sot News | Lajme.

Organizata Human Rights Watch, HRW ka paralajmëruar BE-në dhe Mbretërinë e Bashkuar se duhet të ndalojnë së trajtuari Ballkanin si një depo për emigrantët dhe të rishqyrtojnë planet e tyre për vendet e treta për të dërguar atje azilkërkuesit.

Në mesin e marsit, BE-ja hapi rrugën për krijimin e qendrave për migrantë përtej kufijve të saj, përmes një mekanizmi që u lejon shteteve anëtare të hapin këto qendra në vende jashtë BE-së për të dërguar atje njerëz, kërkesa e të cilëve për azil është refuzuar ose që janë detyruar të largohen nga territori i tyre.

Dy muaj më vonë, kryeministri britanik Keir Starmer njoftoi se kishte filluar bisedimet për të krijuar këto qendra kthimi jashtë Mbretërisë së Bashkuar. Edhe pse ai nuk specifikoi se me cilat vende i ka filluar këto bisedime, Ballkani është një objektiv kryesor. Starmer që atëherë ka folur me Shqipërinë, e cila tashmë strehon qendra kthimi për refugjatët që vijnë nga Italia. Dhe Mbretëria e Bashkuar njoftoi javën e kaluar një paketë investimesh prej gjashtë miliardë eurosh në Maqedoninë e Veriut.

“Në vend që ta trajtojnë Ballkanin si një vendgrumbullim për emigrantët, BE-ja dhe Mbretëria e Bashkuar mund të luajnë një rol të rëndësishëm duke mbështetur zhvillimin e sistemeve funksionale të azilit”, tha sot Human Rights Watch, duke u përqendruar veçanërisht në situatën në Bosnjë.

Më tej HRW thekson se komuniteti ndërkombëtar duhet ta ndihmojë këtë vend të përmirësojë atë që është tashmë në fuqi për të mbrojtur azilkërkuesit dhe migrantët, jo ta inkurajojë atë të marrë masa që vetëm sa do t’i përkeqësojnë gjërat.

Sipas tyre shtimi i azilkërkuesve, të refuzuar nga Mbretëria e Bashkuar ose ndoshta nga Bashkimi Evropian, në sistemin tashmë problematik të paraburgimit të Bosnjës vetëm sa do të përkeqësonte problemet ekzistuese dhe do të përkeqësonte rreziqet e abuzimit”.

OJQ-ja kujton se në vitin 2023, Bosnja u njohu statusin e refugjatit vetëm katër personave – nga 147 aplikime. Sipas Komisionerit të Lartë të OKB-së për Refugjatët, i cituar në njoftim, edhe pse ligji i azilit i vendit parashikon shqyrtimin e aplikimeve brenda gjashtë muajve, shpesh duhen gjashtë muaj vetëm për një intervistë fillestare dhe deri në 344 ditë për një vendim.

The post HRW thirrje BE-së: Mos e trajtoni Ballkanin si vendgrumbullim për emigrantët appeared first on Lapsi.al.

TIRANË, 26 maj/ATSH/ Nisja e sezonit turistik në të gjithë vendin, shoqërohet edhe me hapjen e qendrave shëndetësore verore nga veriu në jug të vendit, për t’u ardhur në ndihmë pushuesve vendas, por edhe turistëve të huaj, për një sezon të sigurt dhe të shëndetshëm.

Ministrja e Shëndetësisë dhe Mbrojtjes Sociale, Albana Koçiu ka ripërsëritur sot thirrjen për mjekët dhe infermierët në Shqipëri, që të aplikojnë për vendet e hapura të punës në qendrat shëndetësore verore në vend.

Ministrja Koçiu pohon se tashmë janë hapur 227 vende pune për mjekë dhe infermierë që do t’i bashkohen qendrave shëndetësore verore në të gjithë Shqipërinë.

“Si çdo vit, këto qendra do të jenë në gatishmëri 24/7 për të garantuar kujdes shëndetësor për mijëra pushues vendas e të huaj”, shkruan Koçiu në një postim në rrjetet sociale.

Vitin e kaluar 34 qendra shëndetësore verore ofruan shërbim shëndetësor 24 orë në 7 ditë të javës pranë zonave më të frekuentuara turistike të shpërndara gjeografikisht në të gjithë Shqipërinë.

Gjatë periudhës 1 qershor 2024 deri në 30 shtator 2024 në këto qendra shëndetësore verore u realizuan 80 765 vizita mjekësore, ku 32% u kryen për shtetas të huaj.

/a.f/r.e/

The post Koçiu: 227 vende pune për mjekë dhe infermierë në qendrat shëndetësore verore appeared first on Agjencia Telegrafike Shqiptare.