AMSTERDAM, 7 gusht /ATSH/ – Qeveria holandeze deklaroi  sot se nuk do të njohë shtetin palestinez për momentin, pavarësisht shqetësimeve në rritje të opinionit publik për situatën në Gaza.

Megjithatë, ministri i Jashtëm, Caspar Veldkamp pranoi se veprimet e Izraelit në territorin e shkatërruar nga lufta “po dëmtojnë sigurinë dhe identitetin e vet Izraelit”.

Qëndrimi i Holandës bie në kontrast me disa vende të tjera aleate të NATO-s. Franca ka paralajmëruar se do ta njohë shtetin palestinez në shtator, ndërsa Britania ka deklaruar se do ta bëjë këtë nëse Izraeli nuk merr masa për të lehtësuar vuajtjet në Gaza dhe nuk pranon armëpushim.

Duke folur në një debat të jashtëzakonshëm parlamentar për Gazën, Veldkam tha se “Holanda nuk planifikon të njohë një shtet palestinez për momentin”.

Ai gjithashtu hodhi poshtë thirrjet për ndalimin e importeve të armëve nga Izraeli, duke argumentuar se Holanda i jep përparësi prokurimeve nga burimet e brendshme dhe të BE-së përpara vendeve të treta.

Megjithatë, ai theksoi se vendi kishte marrë tashmë “masa të rëndësishme,” përfshirë ndalimin e udhëtimit për dy ministra izraelitë.

“Kjo luftë nuk është më një luftë e drejtë, ajo tashmë po dëmton sigurinë dhe identitetin e Izraelit”,  përfundoi Veldkamp.

The post AMSTERDAM – Holanda përjashton njohjen e shtetit palestinez për momentin appeared first on Agjencia Telegrafike Shqiptare.

Holanda është vendi i parë që mbështet financiarisht mekanizmin PURL (Lista e Kërkesave të Prioriteteve të Ukrainës) të NATO-s për dërgimin e armëve në Ukrainë, duke paguar 500 milionë euro, njoftoi sot Ministri holandez i Mbrojtjes, Ruben Brekelmans.

“Ukraina ka nevojë urgjente për përforcime dhe municione të mbrojtjes ajrore”, tha Brekelmans në një postim në Platformën X, duke shtuar se vendi i tij do të ofrojë 500 milionë euro për dërgimin e sistemeve amerikane të armëve (përfshirë raketat Patriot).

“Kjo do ta ndihmojë Ukrainën të mbrojë veten dhe pjesën tjetër të Evropës nga sulmet ruse”, tha ai. Një deklaratë e publikuar në faqen e internetit të Ministrisë Holandeze të Mbrojtjes tha, ndër të tjera, se vendet e tjera janë zotuar të mbështesin programin e ri.

Sipas programit, Ukraina do të jetë në gjendje të tërheqë pajisje ushtarake nga rezervat e forcave të armatosura të SHBA-së, për të cilat do të paguajnë shtetet e tjera anëtare të NATO-s. SHBA-të po japin ndihmë ushtarake në paketa me vlerë rreth 500 milionë dollarë, të cilat përfshijnë sisteme armësh dhe municione të përshtatura për nevojat e Ukrainës.

Presidenti i SHBA-së Donald Trump tha muajin e kaluar se SHBA-të po shqyrtonin dërgimin e armëve në Ukrainë që do të financoheshin nga aleatët evropianë, pa hyrë në detaje të mëtejshme në atë kohë.

The post Holanda vendi i parë që depoziton 500 milionë euro në mekanizmin e NATO-s për të financuar armët për Ukrainën appeared first on Albeu.com.

AMSTERDAM, 4 gusht /ATSH/ – Holanda do të jetë kontribuesi i parë në mekanizmin e ri të financimit të NATO-s për armatimin e Ukrainës, të quajtur “Lista e kërkesave prioritare të Ukrainës” (PURL), me një pagesë prej 500 milionë eurosh (rreth 578 milionë dollarë), njoftoi sot ministria holandeze e Mbrojtjes, sipas Reuters.

Ukraina ka nevojë për më shumë mbrojtje ajrore dhe municione tani. Si aleati i parë i NATO-s, Holanda do të dërgojë një paketë armësh amerikane me vlerë 500 milionë euro (përfshirë pjesë dhe raketa të sistemit Patriot), deklaroi ministri holandez i Mbrojtjes, Ruben Brekelmans, në një postim në X.

“Kjo ndihmon Ukrainën të mbrohet vetë dhe pjesën tjetër të Evropës nga agresioni rus”, shtoi ai.

Në një deklaratë të publikuar në faqen zyrtare të Ministrisë së Mbrojtjes të Holandës, thuhet se edhe shtete të tjera kanë premtuar financime sipas këtij mekanizmi të ri.

Presidenti amerikan Donald Trump deklaroi muajin e kaluar se SHBA-ja do të furnizojë me armë Ukrainën, por këto do të paguhen nga aleatët evropianë. Megjithatë, ai nuk dha detaje se si do të funksionojë kjo skemë.  /Ad.Ab./

The post AMSTERDAM – Holanda e para në financimin e armëve për Ukrainën përmes NATO-s appeared first on Agjencia Telegrafike Shqiptare.

KIEV, 29 korrik /ATSH-DPA/- Presidenti ukrainas Volodymyr Zelensky tha sot se vendi i tij ishte afër arritjes së një marrëveshjeje financimi me Holandën për prodhimin e dronëve në Ukrainë.

Në fjalimin e tij të mbrëmjes drejtuar kombit, Zelensky tha se priste që marrëveshja të përfundonte këtë javë.

“Do të sigurohen 400 milionë euro shtesë për kompanitë tona ukrainase, për prodhuesit e dronëve – në një marrëveshje financimi me Holandën këtë javë”, tha ai.

Ukraina, aktualisht po zgjeron prodhimin e saj të dronëve me ndihmën financiare perëndimore në mënyrë që të forcojë mbrojtjen e saj kundër Rusisë.

Zelensky kujtoi disa sulme vdekjeprurëse ruse që kishin ndodhur gjatë ditës, më i rëndi prej të cilëve ishte ndaj një burgu pranë qytetit të Zaporizhias.

“Të paktën 17 të burgosur u vranë në sulmin ajror dhe 42 të tjerë u plagosën”, tha guvernatori rajonal i Zaporizhias, Ivan Fedorov, në Telegram. //a.i/

The post KIEV – Zelensky: Ukraina shumë pranë marrëveshjes me Holandën për prodhimin e dronëve appeared first on Agjencia Telegrafike Shqiptare.

Një ngjarje e rëndë ka tronditur komunitetin e një shkolle fillore në Alblasserdam të Holandës, ku një mësues 53-vjeçar mbeti i plagosur rëndë pasi u godit me thikë. Sipas policisë, ngjarja ndodhi brenda një qendre kulturore të shkollës, ku po zhvillohej një aktivitet.

Mësuesi u përpoq të ndërhynte për të ndalur një debat të ashpër mes tre burrave, por përfundoi i sulmuar përpara disa dëshmitarëve, të cilëve më pas u ofrua ndihmë psikologjike.

Tre persona janë arrestuar në lidhje me incidentin. Njëri prej tyre, 44 vjeç, u ndalua menjëherë pranë vendit të ngjarjes, ndërsa dy të tjerët u paraqitën më vonë në një spital në Rotterdam – njëri i plagosur dhe tjetri që tentoi të arratisej, por u kap nga policia.

Ende nuk dihet motivi i konfliktit, ndërsa hetimet vijojnë dhe janë sekuestruar dy automjete.

The post Holandë: Mësuesi 53-vjeçar goditet me thikë teksa përpiqej të ndalte një sherr në shkollë appeared first on iconstyle.al.

Kryeministri holandez Dick Schoof do të thirret para Gjykatës së Qarkut në Roterdam, në një procedurë penale kundër një punonjësi të inteligjencës të dyshuar për rrjedhje të sekreteve shtetërore në Marok, njoftoi sot gjykata.

Rasti ka të bëjë me një ish-punonjës 65-vjeçar të Koordinatorit Kombëtar Holandez për Luftimin e Terrorizmit dhe Sigurisë (NCTV), i cili u arrestua në Aeroportin Schiphol në tetor 2023 kur u përpoq të fluturonte për në Marok me një numër të madh pajisjesh për ruajtjen e të dhënave, raporton NL Times.

Schoff më parë drejtoi NCTV-në, dhe kreu aktual i këtij organi, Peter-Jap Albersberg, është konfirmuar gjithashtu si dëshmitar në këtë çështje.

Në shpjegimin e vendimit të gjykatës, thuhet se ata mund të jenë në gjendje të dëshmojnë rreth “një pamjeje nga brenda të pozicionit të të dyshuarit në organizatë dhe aksesit të të dyshuarit në sekretet shtetërore dhe dokumentet konfidenciale dhe trajtimin e tyre”.

Seancat dëgjimore do të mbahen para një gjyqtari hetues dhe nuk do të jenë të hapura për publikun ose median.

I dyshuari akuzohet për komplot për t’ua dorëzuar shërbimeve të inteligjencës marokene informacionin e ruajtur në bartës të të dhënave.

Ai ishte në paraburgim për gati 20 muaj, derisa një gjykatë vendosi ta lironte me kusht në fillim të kësaj jave.

The post Skandal në Holandë, kryeministri dyshohet se i ka dhënë sekrete shtetërore Marokut appeared first on Euronews Albania.

Ndalimi i telefonave inteligjentë në shkollat ​​holandeze ka përmirësuar mjedisin e mësimdhënies.

Sipas një studimi të ri ka rezultuar se fillimisht rekomandimi për ndalimin e telefonave inteligjente në klasa, u prit me protesta, duket se ka rezultuar pozitiv.

Udhëzimet kombëtare të prezantuara në janar 2024 rekomanduan ndalimin e telefonave inteligjentë në klasa dhe pothuajse të gjitha shkollat ​​i ndoqën udhëzimet, raportoi Guardian.

Pothuajse dy të tretat e shkollave të mesme i njoftuan nxënësit që  t’i linin telefonat në shtëpi ose t’i vendosnin në dollapët e tyre në ambientet në shkollë.

Ky vendim njoftojnë autoritetet ka kontribuar për një mjedis më të mirë mësimor.

/abcnews.al/

AMSTERDAM, 4 korrik /ATSH-DPA/- Dhoma e Ulët e Parlamentit holandez miratoi dje një shtrëngim të konsiderueshëm të ligjeve për azilkërkuesit, gjë që do ta bëjë më të vështirë marrjen e azilit dhe gjithashtu ribashkimin e anëtarëve të familjes në Holandë.

Dhoma e Ulët, Dhoma e dytë, miratoi me shumicë votash dy propozimet legjislative shumë të diskutueshme.

Legjislacioni gjithashtu e bën qëndrimin në vend pa dokumente të vlefshme, si dhe ofrimin e ndihmës për njerëzit pa dokumente, një vepër penale.

Për t’u bërë ligj, projektligjet duhet të sigurojnë shumicën në Dhomën e Lartë të parlamentit, ose Dhomën e Parë, ku paketa legjislative pritet të diskutohet në vjeshtë. Mbetet e pasigurt nëse dhoma do t’i mbështesë propozimet.

Ekspertët ligjorë, këshilltarët qeveritarë, autoritetet e azilit dhe organizatat e refugjatëve paralajmëruan për rrezikun e futjes së këtyre ligjeve.

Ata argumentuan se masat ishin ligjërisht të diskutueshme dhe praktikisht të pazbatueshme. //a.i/

The post HOLANDË – Dhoma e Ulët e parlamentit miraton ligje më të ashpra për azilkërkuesit appeared first on Agjencia Telegrafike Shqiptare.

AMSTERDAM, 2 korrik /ATSH-DPA/- Holanda po ndalon fishekzjarrët e natës së Vitit të Ri. Nga fillimi i vitit 2026-2027, individëve privatë nuk do t’u lejohet më të ndezin fishekzjarrë.

Dhoma e Lartë, ose Dhoma e Parë e Parlamentit votoi dje në Hagë me shumicë votash në favor të ndalimit të fishekzjarrëve.

Dhoma e Ulët, Dhoma e dytë, e kishte miratuar tashmë atë.

“Nata e ardhshme e Vitit të Ri do të jetë e fundit kur qytetarëve holandezë do u lejohet të ndezin fishekzjarrë”, tha qeveria.

Arsyeja e ndalimit është dhuna në rritje në natën e Vitit të Ri. Në vitet e fundit, oficerët e policisë, zjarrfikësit dhe punonjësit e emergjencës janë sulmuar rregullisht me fishekzjarrë.

Njerëzit janë plagosur ose edhe vrarë nga pajisjet shpesh të rënda shpërthyese. Në disa vende, zjarret janë ndezur qëllimisht.

Në disa vende evropiane, ndezja e fishekzjarrëve është e ndaluar. Në Gjermani, rezistenca ndaj fishekzjarrëve të Vitit të Ri po rritet gjithashtu.

Kohët e fundit, megjithatë, ministrat e Brendshëm të qeverive federale dhe shtetërore nuk ishin në gjendje të binin dakord për mundësi më të mëdha për ndalimin e fishekzjarrëve në qershor. //a.i/

The post AMSTERDAM – Holanda ndalon fishekzjarrët gjatë natës së ndërrimit të viteve appeared first on Agjencia Telegrafike Shqiptare.

Përmes një postimi në llogarinë e tij persona në “Facebook”, kryeministri Edi Rama, ka ndarë foton familjare nga pritja që Familja Mbretërore ka bërë për liderët e NATO-s në Holandë.

Liderët e vendeve anëtare të Aleancës, janë bërë pjesë e kësaj pritjeje, që shënon hapjen simbolike të punimeve të samitit.

Në mesin e të ftuarve ka qenë edhe Kryeministri i Shqipërisë, Edi Rama, i shoqëruar nga bashkëshortja e tij, Linda Rama.

Çështja kryesore në samitLi është rritja e shpenzimeve të mbrojtjes, në 5%, për të cilën pritet të arrihet një marrëveshje.

The post Samiti i NATO në Holandë/ Rama ndan foton familjare nga pritja e Familjes Mbretërore appeared first on Albeu.com.

Princesha Amalia e Holandës, 21 vjeç, ra nga një kalë dhe theu krahun. Trashëgimtarja e fronit u dërgua në spital ku iu nënshtrua një ndërhyrjeje kirurgjikale.

Vajza më e madhe e mbretit Willem-Alexander e do kalërimin, me të cilin është marrë që nga fëmijëria.

Në vitin 2023, ajo u detyrua të largohej nga Holanda dhe të vendosej në Spanjë për më shumë se një vit për shkak të kërcënimeve ndaj sigurisë së saj. Emri i saj thuhet se u përmend në një komunikim midis organizatave kriminale, duke ngritur frikën e një komploti rrëmbimi. Edhe pse kërcënimi nuk është zhdukur, Princesha Amalia u kthye në Holandë vitin e kaluar.

Kur filloi studimet në Universitetin e Amsterdamit në vitin 2022, pati shumë diskutime rreth dëshirës së saj për të qëndruar në një rezidencë studentore. Megjithatë, ajo përfundimisht u detyrua të kthehej në pallatin në Hagë.

The post Aksidentohet Princesha Amalia e Holandës, thyen krahun appeared first on iconstyle.al.

Janë zbardhur emrat e 6 nga 9 të arrestuarit në Shqipëri, në kuadër të operacionit të koduar “PIETARI”, ku SPAK së bashku me autoritetet finlanedeze goditën një grup kriminal shqiptar të trafikut ndërkombëtar të lëndëve narkotike dhe sintetike. Burime bëjnë me dije se dy prej “kokave” të grupit që janë arrestruar janë shtetasit Dorjan Luzaj, […]

The post “Mbushën” Finlandën me drogë/ Kush janë dy “kokat” nga Vlora, zbardhen EMRAT e të arrestuarve appeared first on BoldNews.al.

Prokuroria e Posaçme kundër Korrupsionit dhe Krimit të Organizuar, SPAK njoftoi të martën më 3 qershor gjatë një konference për shtyp me gazetarët rezultatet e një operacioni antidrogë, të kryer në bashkëpunim me autoritetet e drejtësisë finlandeze pas një hetimi të përbashkët dyvjeçar. Sipas prokurorëve të SPAK dhe homologëve të tyre finlandez, operacioni i kryer […]

The post Goditen 4 grupe kriminale që trafikonin lëndë narkotike në Finlandë appeared first on Reporter.al.

Koalicioni qeverisës në Holandë u rrëzua të martën pasi Geert Wilders, lideri i ekstremit të djathtë dhe kreu i Partisë për Liri (PVV), vendosi të tërhiqte partinë e tij nga qeveria për shkak të mosmarrëveshjeve të thella mbi politikën e migracionit. Wilders, i cili doli fitues në zgjedhjet e nëntorit 2023 dhe udhëheq partinë më […]

The post Qeveria holandeze rrëzohet pas përplasjes për politikën e migracionit appeared first on BoldNews.al.

Koalicioni qeverisës në Holandë është rrëzuar zyrtarisht të martën, pas vendimit të liderit të ekstremit të djathtë, Geert Wilders, për të tërhequr Partinë për Liri (PVV) nga qeveria, për shkak të mosmarrëveshjeve të thella mbi politikat e migracionit.

Pas bisedimeve të shkurtra e të tensionuara mes katër partive të koalicionit të martën në mëngjes, Wilders bëri të ditur se kishte informuar kryeministrin për tërheqjen e PVV-së nga qeveria, duke theksuar se nuk mund të merrte më përgjegjësi për veprimet e kabinetit.

“Ne u bëmë pjesë e qeverisë për të zbatuar një politikë të fortë migracioni, jo për të rrënuar Holandën,” tha ai në një deklaratë për shtyp.

Wilders tha se partnerët e tij të koalicionit nuk ishin të gatshëm të mbështesnin idetë e tij për ndalimin e migracionit të azilit.

“Asnjë nënshkrim sipas planeve tona të azilit. PVV largohet nga koalicioni”, tha Wilders në një postim në X.

Wilders tha se e kishte informuar kryeministrin Dick Schoof se të gjithë ministrat nga partia e tij PVV do të largoheshin nga qeveria ndërsa nuk ka ardhur ende një reagim nga ana e Schoof.

Wilders, lideri i partisë më të madhe në parlament pas fitores në zgjedhjet e nëntorit 2023, kishte paralajmëruar në fund të majit se do të tërhiqej nga koalicioni nëse nuk miratohej brenda pak javësh plani i tij dhjetëpikësh për kufizimin e imigracionit.

Plani i propozuar nga ai përfshinte ndër të tjera:

• Mbylljen e kufijve për azilkërkuesit;
• Ndalimin e bashkimit familjar për refugjatët e pranuar;
• Mbylljen e qendrave të pritjes për azilkërkues;
• Forcimin e kontrolleve kufitare;
• Dëbimin e shtetasve me nënshtetësi të dyfishtë të dënuar për vepra penale.

Megjithatë, ekspertë të shumtë e kanë cilësuar planin si të pazbatueshëm dhe në kundërshtim me të drejtën ndërkombëtare dhe kushtetutën holandeze.

Disa analistë politikë sugjerojnë se Wilders e ka përdorur planin si një mjet strategjik për të provokuar rënien e qeverisë dhe për të kërkuar zgjedhje të reja.

Rënia e qeverisë pritet të çojë vendin drejt zgjedhjeve të parakohshme dhe të fusë Holandën në një periudhë të re pasigurie politike.

Ky zhvillim vjen në një kohë kur Holanda po përgatitet të presë një samit të rëndësishëm të NATO-s.

LEXONI GJITHASHTU:

• Holandë, gjendet kanabis në qeset me karamele Haribo, tërhiqen nga shitja
• Wilders largohet nga koalicioni, Holanda përballë pasigurive politike

The post Qeveria holandeze rrëzohet pas përplasjeve për politikat e migracionit appeared first on Euronews Albania.

Ndeshja gjysmëfinale mes Telstar dhe Den Bosh në Holandë përfundoi me kaos dhe dhunë, pas fitores 2-1 të Telstar, që siguroi kalimin në finalen për ngjitjen në elitën e futbollit holandez.

Rreth 4 mijë tifozë ishin të pranishëm në stadium, ndërsa qindra prej tyre u përfshinë në përleshje pas vërshëllimës përfundimtare. Tifozët e Telstar u futën në fushë për të festuar me skuadrën, por festimet u përshkallëzuan në dhunë kur edhe tifozët e Den Bosh u futën në fushë, të revoltuar nga humbja që u mohoi rikthimin në elitë.

Ndërhyrja e policisë ndodhi vetëm disa sekonda më vonë, për të ndarë tifozët dhe për të shmangur përkeqësimin e situatës. Mediat holandeze raportojnë se një person është plagosur rëndë në përleshjet masive që shpërthyen në stadium. Autoritetet pritet të nisin hetimet për incidentin dhe për ndëshkime të mundshme ndaj klubeve.

FC Den Bosch verliest bij Telstar in de play-offs voor promotie, en dat doet uiteraard pijn. De derde helft is daarom ook enorm spannend in Velsen. #TELDBO pic.twitter.com/BXI8XYiZ0X

— Voetbal Ultras (@VoetbalUltras) May 23, 2025

The post Video/ Kaos në Holandë pas ndeshjes Telstar–Den Bosh, tifozët përplasen në fushë appeared first on Sot News | Lajme.

Disa persona të plagosur, përfshirë një oficer policie, në sulmin me thikë të ndodhur në Holandë. Incidenti ka ndodhur herët këtë mëngjes në Hoofddorp, një qytet në Haarlemmermeer, në Holandën veriore.

Të paktën një prej të plagosurve ndodhet në gjendje të rëndë. Policia raportoi se mori një njoftim për sulmin në Fanny Blankers-Koenlaan rreth orës 6 të mëngjesit. “Ka disa të plagosur, përfshirë një koleg. Ambulanca të shumta janë në vendngjarje,” thuhet në deklaratën e Policisë së Noord-Holland.

Në vendngjarje ishte dërguar edhe një helikopter për trajtim traumatik dhe më shumë se gjashtë ambulanca, së bashku me dy ekipe për trajtimin e urgjencave. Pamjet nga vendngjarja treguan një kordon policie dhe ambulanca të parkuara përgjatë rrugës, ndërsa oficeri i plagosur u dërgua në spital.

Ndërkohë, policia ende po heton shkakun e sulmit, dhe nuk ka dhënë detaje mbi identitetin e viktimave ose natyrën e plagëve, përveç faktit që një person është në gjendje të rëndë. Fanny Blankers-Koenlaan është një zonë banimi për persona me aftësi të kufizuara.

The post Sulm me thikë në Holandë/ Disa të plagosur mes tyre, një oficer policie appeared first on Sot News | Lajme.

Dhjetëra mijëra protestues të veshur me të kuqe marshuan nëpër Hagë të dielën për të kërkuar veprime nga qeveria për të ndaluar fushatën e Izraelit në Gaza. Organizatorët e quajtën atë demonstratën më të madhe të vendit në dy dekada, me grupet e të drejtave të njeriut dhe agjencitë e ndihmës, duke përfshirë Amnesty International, […]

The post Holandë, protesta kundër Izraelit, kërkojnë ndërhyrjen për ndaljen e sulmeve appeared first on BoldNews.al.

Dhjetëra mijëra protestues marshuan sot nëpër Hagë duke kërkuar një qëndrim më të ashpër nga qeveria holandeze kundër luftës së Izraelit në Gaza, raporton Reuters.

OJQ-ja Oxfam Novib, e cila organizoi tubimin, tha se rreth 100,000 protestues iu bashkuan marshimit, shumica të veshur me të kuqe, duke shprehur dëshirën e tyre për një “vijë të kuqe” kundër rrethimit të Gazës nga Izraeli, i cili ka ndërprerë furnizimet me ndihmë mjekësore, ushqim dhe karburant.

Një procesion protestuesish kaloi pranë selisë së Gjykatës Ndërkombëtare të Drejtësisë, para së cilës Afrika e Jugut ngriti një padi duke akuzuar Izraelin për gjenocid. Vitin e kaluar, gjykata urdhëroi Izraelin të ndalonte sulmin e tij ushtarak në qytetin jugor të Gazës, Rafah.

Izraeli i hedh poshtë akuzat për gjenocid si të pabaza dhe pretendon në gjykatë se operacionet e tij në Gaza janë vetëmbrojtje dhe synojnë militantët e Hamasit që sulmuan Izraelin më 7 tetor.

Oxfam Novib theksoi se qeveria holandeze kishte injoruar ato që i quajti krime lufte të kryera nga Izraeli në Gaza dhe u bëri thirrje protestuesve të kërkonin një qëndrim më të ashpër.

Ministri i Jashtëm holandez, Kaspar Veldkamp, ​​tha më parë këtë muaj se dëshiron që BE-ja të rishikojë marrëveshjet e bashkëpunimit që ka me Izraelin.

Megjithatë, qeveria holandeze deri më tani është përmbajtur nga kritikat më të ashpra, dhe udhëheqësi i partisë më të madhe në koalicionin qeveritar, populisti anti-musliman Geert Wilders, ka shprehur vazhdimisht mbështetje të palëkundur për Izraelin, sipas Reuters.

Sipas raporteve të mëparshme nga Gaza, të paktën 130 persona u vranë në sulmet e fundit izraelite. 

LEXONI GJITHASHTU:

• I gjetën pajisje shpërthyese, arrestohet në Malin e Zi një person nga Azerbajxhani
• Ministri izraelit bën thirrje për bombardimin e rezervave ushqimore në Gaza

The post Protesta masive në Holandë kundër Izraelit: “Vija e kuqe” është kaluar në Gaza appeared first on Euronews Albania.

Një lloj morali i krishterë. Kështu mund të cilësohet sjellja e arbitrit holandez të futbollit, Xhefri Lang, pasi u godit në fushën e lojës.

Gjyqtari, që po ndante drejtësinë në një ndeshje të futbollit të fëmijëve të klubit Aleksandria 66, pati një debat me trajnerin e njërës prej skuadrave, I cili madje e goditi fort me grusht.

Skena ishte tepër e dhunshme, gjithçka ndodhi papritur, por arbitri Lang vendosi të mos e bënte të madhe.

Siç raporton e përditshmja holandeze, “De Telegraf”, ai nuk e denoncoi agresorin në polici, ndonëse forcat e rendit mbërritën në fushën e lojës.

Siç I tregoi gazetës, Lang I dha trajnerit dhunues 24 orë për t’i telefonuar e për t’i kërkuar falje.

Kështu edhe ndodhi, dhe tekniku I kërkoi një mijë herë falje për veprimin e kryer.

Lang deklaroi se nuk u shqetësua për veten, por për fëmijët që ishin nga 8 vjeç, dhe që kishin me vete dhe prindërit, ndërsa dita e tyre sportive u shkatërrua.

Arbitri në fjalë është babai I sulmuesit Noa Lang që luan për PSV Ajndhovenin, dhe që ka shënuar 14 gola e shërbyer 12 asiste këtë sezon.