TIRANË, 4 gusht /ATSH/ Ambasadori i Gjerminisë në Shqipëri, Karl Bergner vizitoi javën e shkuar një shkollë verore arkeologjike në Pogradec me studentë dhe staf pedagogjik nga Shqipëria, Gjermania, SHBA, Maqedonia e Veriut, Turqia dhe Kina.

Ambasada gjermane në Tiranë vuri theksin tek angazhimi dhe entuziazmi i pjesëmarrësve që ishin mbresëlënës.

Njëkohësisht, Ambasada thekson se, shkolla është një shembull i bukur se si bashkëpunimi shkencor mund të kontribuojë në mirëkuptimin mes popujve.

Në periudhën e Neolitit (që është tema e shkollës verore), kufijtë nuk kishin aspak rëndësi; akoma më shumë kishin rrjetet tregtare ndërkufitare (shpeshherë me mijëra kilometra).

Gjetjet nga gërmimet dëshmojnë në mënyrë mbresëlënëse se çfarë roli të rëndësishëm ka pasur pellgu i Korçës që në periudhën e Neolitit.

Shkolla verore është një bashkëpunim mes Universitetit të Këlnit, Universitetit të Tiranës, Universitetit Goce Delčev të Shtipit (Maqedonia e Veriut) dhe Institutit të Arkeologjisë pranë Akademisë së Shkencave të Shqipërisë. Ajo mbështet punën e “Korça Regional Neolithic Project”, një bashkëpunim mes Institutit të Arkeologjisë në Akademinë e Shkencave të Shqipërisë, Universitetit të Këlnit dhe University at Buffalo.

1 nga 5

/gj.m/r.e//a.f/

The post Bergner viziton shkollën verore arkeologjike në Pogradec appeared first on Agjencia Telegrafike Shqiptare.

VARSHAVË, 17 korrik /ATSH-AFP/ – Polonia tërhoqi ambasadorin e saj nga Hungaria, pasi autoritetet hungareze i dhanë statusin e refugjatit ish-zëvendësministrit polak të Drejtësisë,  i cili kërkohet për korrupsion, njoftoi sot ministria e Jashtme polake.

Marrëdhëniet midis Polonisë dhe Hungarisë, të dyja anëtare të Bashkimit Evropian, janë përkeqësuar ndjeshëm që nga humbja e partisë nacionaliste ”Ligj dhe Drejtësi” (PiS), me të cilën Orban ishte i afërt, në zgjedhjet parlamentare të tetorit 2023 në Poloni, dhe ardhja në pushtet në Varshavë e forcave pro evropiane të udhëhequra nga Donald Tusk.

Ministria e Jashtme polake tha se ambasadori kishte “përfunduar mandatin e tij më 15 korrik”.

Ky vendim vjen pas “gjestit armiqësor ndaj Republikës së Polonisë, përkatësisht dhënies së azilit politik ish-zëvendësministrit Marcin Romanowski, i kërkuar për vepra penale”, thuhet në mesazh.

Romanowski, anëtar i partisë PiS, akuzohet për disa vepra penale nga gjykatat polake duke përfshirë tentativën e përvetësimit të gati 40 milionë eurove nga një fond që ai mbikëqyrte për viktimat e krimit.

I kërkuar sipas një urdhërarresti evropian, politikani u zhduk në fillim të dhjetorit pasi Asambleja Parlamentare e Këshillit të Evropës (PACE) i hoqi imunitetin dhe një gjykatë urdhëroi arrestimin e tij.

Hungaria konsideroi se nuk kishte asnjë garanci se çështja e tij do të “trajtohej në mënyrë të paanshme dhe të lirë nga çdo ndikim politik në vendin e tij të origjinës”./    /Ad.Ab./

The post POLONI – Varshava tërheq ambasadorin nga Hungaria appeared first on Agjencia Telegrafike Shqiptare.

TIRANË, 12 korrik /ATSH/ Ish-ambasadori i Gjermanisë, Werner Daum ka ndërruar jetë në moshën 82-vjeçare.

Ai është gjetur i pajetë në një hotel në Durrës.

Ish-diplomati ndodhej për një vizitë në Shqipëri, dhe dy ditë më parë, mori pjesë së bashku me Sali Berishën në inaugurimin e shtatores së dëshmorit të demokracisë, Josif Budo në Kavajë.

Werner Daum shërbeu si ambasador në Shqipëri nga viti 1987 deri në vitin 1990, pikërisht në kohën kur nisi lëvizja kundër regjimit komunist.

Ai hapi dyert e ambasadës gjermane për shqiptarët, duke dalë kundër udhëzimeve të qeverisë së tij.

Në një intervistë të dhënë më vonë, ai pranoi se bëri këtë gjë qëllimisht, duke e ditur se eksodi masiv i shqiptarëve do sillte edhe rrëzimin e regjimit komunist.

Ish-ambasadori Daum mbërriti në Shqipëri pak ditë më parë për të marrë pjesë në ceremoninë e inaugurimit të shtatores së Josif Budos në Kavajë, ku ishte i pranishëm edhe kreu i PD, Sali Berisha.

Daum u nderua me një Certifikatë Mirënjohjeje nga kryebashkiaku i Kavajës, Fisnik Qosja, për kontributin e tij në momentet historike të vitit 1990. /j.p/

The post Ndërron jetë në Durrës ish-ambasadori gjerman, Werner Daum appeared first on Agjencia Telegrafike Shqiptare.

TIRANË, 3 korrik /ATSH/ Ambasadori italian në Tiranë, Marco Alberti tha sot, në një intervistë televizive, se në Shqipëri duhet që të vijnë edhe shoqëritë e mëdha italiane.

Duke folur për bashkëpunimin ekonomik me Italinë, Alberti theksoi se është e nevojshme që të kemi praninë e shoqërive të mëdha si në mbrojtje, shëndetësi, bujqësi.

“Strategjia do të jetë vijimi i mbështetjes së ndërmarrjeve të vogla dhe të mesme dhe të përthithim edhe interesin e shoqërive të mëdha italiane në Shqipëri. Nuk është e vërtetë që në një vend të vogël mund të ushtrojnë veprimtarinë e tyre vetëm shoqëri të vogla, është e nevojshme që të kemi praninë e shoqërive të mëdha si në mbrojtje, shëndetësi, bujqësi, këto duhet që të vlerësohen më tej dhe ne do t’i mbështesim këto sektorë. Ne do të japim ndihmesën tonë në bashkëpunim me autoritetet shqiptare që klima e biznesit në Shqipëri të jetë më tërheqëse. Ka edhe një proverb që thotë “është më thjesht që të mbjellësh dhe të kultivosh në kopsht që të tërheqësh sa më shumë praninë e fluturave”, dhe ne këtë po bëjmë, po punojmë sa më shumë tokën e kopshtit”, tha ai.

Ambasadori Alberti foli edhe për rrugëtimin e vendit drejt Bashkimit Evropian. Sipas tij “Shqipëria po vijon me shpejtësi në procesin e reformave, gjithashtu negociatat janë hapur dhe tashmë më shumë se kurrë Shqipëria ndodhet shumë pranë hapit përfundimtar, anëtarësimit në BE”.

/m.q//r.e//a.f/

The post Alberti: Në Shqipëri duhet të vijnë edhe shoqëritë e mëdha italiane appeared first on Agjencia Telegrafike Shqiptare.

TIRANË, 20 qershor/ATSH/ Zëvendëskryeministrja, njëherësh ministre e Infrastrukturës dhe Energjisë, Belinda Balluku, priti sot në një takim zyrtar ambasadorin e ri të Mbretërisë së Spanjës në Shqipëri, Gabriel Cremades Ventura.

Gjatë takimit, të dy palët vlerësuan marrëdhëniet shumë të mira dhe miqësore mes Shqipërisë dhe Spanjës, duke theksuar nevojën për thellimin e mëtejshëm të bashkëpunimit dypalësh, veçanërisht në fushat e energjisë, infrastrukturës dhe zhvillimit të qëndrueshëm.

Zëvendëskryeministrja Balluku shprehu mirënjohjen për mbështetjen e vazhdueshme të Spanjës ndaj procesit të integrimit evropian të Shqipërisë, ndërsa ambasadori Cremades theksoi angazhimin e tij për të kontribuar në forcimin e marrëdhënieve mes dy vendeve, si dhe për të nxitur bashkëpunime konkrete në sektorë strategjikë. /j.p/

The post Thellim i bashkëpunimit dypalësh, Balluku priti ambasadorin e ri të Spanjës appeared first on Agjencia Telegrafike Shqiptare.

Ambasadorja e Izraelit, Galit Peleg, shtjelloi të martën arsyet pse vendi i saj e goditi Iranin fundjavën e shkuar dhe si kundërshtari i saj po rrezikonte të krijonte bombat e para bërthamore brenda pak muajve.

“Ne e dimë kush janë fqinjët tanë. Ne e dimë kush është Irani. Tashmë është e qartë për të gjithë se Irani është “koka e gjarprit”, forca kryesore që dërgon përfaqësuesit e vet për të krijuar destabilitet në Lindjen e Mesme”, tha ajo në një intervistë për emisionin “Ekspres” në RTSH.

Diplomatja izraelite shprehu sigurinë se sulmet e fundit e kanë dobësuar regjimin iranian, si rezultat edhe satelitët e saj në rajon, si Hamasi apo Hezbollahu, duke mos e fshehur optimizmin se dikur fqinjët e Izraelit do të jetojnë në paqe me njëri-tjetrin. Sipas ambasadores Peleg, dobësimi është dukur edhe nga reagimi që ka pasur Teherani në këto pesë ditë shkëmbimesh të ashpra raketore nga të dyja frontet.

“Ne e prisnim që iranianët do të reagonin. Mendoj se ishim të përgatitur edhe për një reagim më të ashpër. Nuk e prisnim që ata të rrinin ulur dhe të përballonin sulmet izraelite pa reaguar. Por mendoj se është shumë e qartë që, nëse krahasojmë arritjet e Izraelit me atë që po ndodh si reagim, mendoj se reagimi nuk është shumë i fortë,” deklaroi znj. Peleg.

Ajo shtoi se Tel-Avivi deri tani e ka fituar mbështetjen e SHBA-së dhe vendeve kryesore europiane në këtë përballje me Iranin për kauzën antibërthamore.

“Nuk e di si do të ndikojë kjo në bashkëpunimin për çështje të tjera, por për këtë çështje nuk ka dyshim se ekziston një lloj “koalicioni i pashkruar”, jo një koalicion ushtarak në kuptimin klasik, por kemi dëgjuar disa nga udhëheqësit evropianë që janë shprehur se janë të gatshëm të dërgojnë forca për të ndihmuar Izraelin në interceptimin e raketave. Pra, ju e shihni që po ndodh një ndryshim, pa dyshim. Ndoshta është një bashkëpunim i përkohshëm (ad hoc), nuk e di. Do të presim dhe do të shohim çfarë do të thotë historia për këtë,” tha ambasadorja e Izraelit./ RTSH

The post Ambasadorja izraelite në Tiranë: Irani është “koka e gjarprit” appeared first on Lapsi.al.

TIRANË, 13 qershor /ATSH-Gjergji Mima/ Ambasadori i Gjermanisë në Shqipëri, Karl Bergner deklaroi se, Shqipëria ka përparuar me shpejtësi të madhe në hapjen e kapitujve të negociatave për anëtarësimin në BE.

Duke iu përgjigjur interesimit të Agjencisë Telegrafike Shqiptare në një konferencë për shtyp lidhur me procesin e integrimit të Shqipërisë drejt Bashkimit Evropian si dhe  zhvillimin e lidhjeve më të forta ekonomike midis dy vendeve tona, Bergner përgëzoi Shqipërinë dhe qeverinë shqiptare për hapjen e katër prej gjashtë grupkapitujve në 8-9 muajt e fundit, teksa theksoi se, skuadra negociuese e Shqipërisë ka bërë një punë shumë të mirë në nivel negociues.

Ambasadori Bergner theksoi se, Gjermania është e surprizuar nga shpejtësia e Shqipërisë në rrugëtimin drejt BE.

Bergner theksoi se “bashkëpunimi gjerman ka një kuptim për ne. Do të thotë që ne punojmë me partnerët lokalë dhe përpiqemi të akomodojmë kërkesat, nevojat e vendit. Dhe nga ajo që dëgjoj, pranimi në BE është një nevojë e përbashkët për të gjithë shqiptarët, pavarësisht nga partitë politike, nga qeveria, nga opozita. Pra, kjo është një dëshirë që duam ta promovojmë gjithashtu”.

“Mund ta keni parë se ka një dinamikë të fortë, sigurisht, në pesë ose gjashtë muajt e fundit me hapjen e grupkapitujve të parë. Pra, ndoshta jo të gjithë janë të njohur me termat. 35 kapitujt e negociatave për pranimin në BE janë ndarë në gjashtë grupkapituj që po hapen në një farë mënyre radhazi. Dhe duhet ta përgëzoj Shqipërinë dhe qeverinë shqiptare për hapjen e katër prej këtyre gjashtë grupkapitujve në tetë ose nëntë muajt e fundit. Që nga tetori i vitit të kaluar, ku janë hapur dy grupkapituj vitin e kaluar, dy në gjysmën e parë të këtij viti, dhe është një shans shumë, shumë i mirë dhe mendoj se procesi ka filluar në fakt për miratimin e hapjes së kapitujve të mbetur”, tha ai.

“Dhe ajo që mund të shohim është që në nivel teknik skuadra negociuese e Shqipërisë ka bërë një punë shumë të mirë në vetëm 8-9 muaj, ky është një rekord në negociatat e BE-së dhe jam shumë besimplotë që kapacitetet e skuadrës teknike është mjaftueshme për të hapur kapitujt e tjerë deri në fund të vitit. Në këtë kuadër më duhet të përgëzoj qeverinë shqiptare, popullin shqiptar për shpejtësinë e negociatave”, theksoi ambasadori gjerman.

“Do të thoja në të njëjtën kohë që jam shumë i vetëdijshëm që kjo është një sfidë shumë e madhe, kjo dinamikë e re që është krijuar dhe për ta bërë më pak teknike, do të thoja se deri tani në hapjen e grupkapitullit të parë ishte si në një ndeshje futbolli, ku flitet për taktika, kush do të jetë në skuadër etj. Por kur vjen fishkëllima e parë dhe ndeshja nis, është një çështje krejtësisht tjetër. Dhe ne mund ta ndiejmë si ambasadë, duhet ta them, sepse kërkon më shumë burime, në fakt, për analizën e procesit të negociatave, por kjo është, sigurisht, e vërtetë edhe për qeverinë shqiptare, administratën shqiptare si të tillë, dhe kjo është arsyeja pse unë tashmë jam pak a shumë, duke u zotuar se Gjermania jo vetëm që do të vazhdojë bashkëpunimin në përgjithësi, por në veçanti për integrimin në BE”, theksoi ambasadori gjerman.

Ambasadori Bergenr theksoi se, Gjermania është e surprizuar nga shpejtësia e Shqipërisë në rrugëtimin drejt BE.

“Nuk duhet të ishim të surprizuar, por jemi të surprizuar nga kjo shpejtësi gjithashtu dhe do të shohim drejt çështjeve si partneritetet administrative dhe në çdo mënyrë të mundshme për të forcuar kapacitetet e administratës së Shqipërisë në zbatimin e marrëveshjes së BE-së. Në këtë kontekst, ne do të përqendrohemi shumë në çështjet që janë ngritur, për shembull në raportin e fundit të progresit të BE-së vitin e kaluar, të cilat janë fusha ku të ashtuquajtura thelbësore siç janë sundimi i ligjit, qeverisja e mirë dhe lufta kundër korrupsionit”, u shpreh Bergner.

“E di, dhe jam shumë i lumtur që e ndajmë këtë fokus me qeverinë e Shqipërinë, ata janë zotuar ta bëjnë. Dhe për t’i trajtuar këto çështje, të cilat janë çështje që gjithashtu shqetësojnë shumë shqiptarë me të cilët kam folur. Pra, në këtë kontekst, mund të premtoj se bashkëpunimi gjerman, jo vetëm që vazhdon, por gjithashtu punon në këtë drejtim dhe është shumë i vetëdijshëm për këtë fakt dhe për këtë fokus, dhe kjo gjithashtu do të çojë në një, le të themi, ripërshtatje të bashkëpunimit tonë në këtë kuptim”, tha ai.

“Jam shumë i bindur se Shqipëria mund të arrijë shumë nga objektivat që i ka vendosur vetes dhe ne do ta shoqërojmë Shqipërinë”, u shpreh ambasadori Bergner.

Duke folur për mbështetjen e Gjermanisë në vendin tonë, Bergenr tha se, “ne e filluam bashkëpunimin këtu me bashkëpunimin financiar që në vitin 1988. Pra, ne jemi partneri më i gjatë i bashkëpunimit dypalësh të Shqipërisë dhe vazhdojmë kështu. Pra, ne jemi një partner i besueshëm, kemi qenë me Shqipërinë në kohë të mira dhe të këqija dhe mendoj se këtu hyn vërtet në lojë miqësia. Ne përpiqemi të mbulojmë fushat që promovojnë dhe mbështesin zhvillimin ekonomik të Shqipërisë”.

Në veçanti, shtoi ai, “në fushën e ndërmarrjeve të vogla, ka dy fusha, por në veçanti në fushën e ndërmarrjeve të vogla dhe të mesme, shohim shumë shembuj për këtë, promovimin e startup-eve, kompanive të vogla që pamë në Tiranë dhe zona të tjera”.

“Ne e bëjmë këtë në të gjithë vendin në fushën e bujqësisë, promovojmë agroturizmin, sepse mendojmë se duam të krijojmë burime të qëndrueshme të ardhurash për njerëzit, veçanërisht në zonat rurale dhe zonat ku nuk ekzistojnë shumë alternativa”, u shpreh Bergner.

Ai theksoi se, “ne po përqendrohemi gjithashtu në fushën e infrastrukturës në disa nga projektet, menaxhimin e ujërave të zeza, furnizimin me ujë, prodhimin dhe shpërndarjen e energjisë elektrike. E gjithë kjo gjithashtu me një përpjekje për të mbështetur stabilitetin ekonomik, qëndrueshmërinë ekonomike të Shqipërisë sepse, për shembull, këto linja 400 volt që pamë, që janë të nevojshme për t’u lidhur me vendet fqinje, janë një kontribut për stabilitetin e vendit. I gjithë zhvillimi ekonomik do të varet nga çështja e furnizimit me energji”.

Në këtë kontekst, vijoi Bergner, “është e rëndësishme të përmendet se Gjermania nuk kontribuon vetëm në kohë. Nuk ka të bëjë vetëm me pajisjet, por edhe projektet e infrastrukturës vijnë me një kontribut të ndërtimit të kapaciteteve, me trajnime, etj., sepse edhe ky është një faktor i rëndësishëm. Dhe ky është një mësim i nxjerrë nga vendet e tjera se është e nevojshme në fakt të forcohet edhe kapaciteti lokal për të drejtuar projektet sapo të tërhiqen gjermanët”.

“Pamë kaq shumë shembuj të kësaj, sepse Gjermania nuk po vendos vetëm një automjet në fushë dhe u thotë, bëni çfarë të doni me të. Por ne duam t’u mundësojmë njerëzve ta bëjnë këtë, të përmbushin ëndrrat dhe dëshirat e tyre. Kemi parë kaq shumë shembuj, nëse më kujtohet kompania e makaronave, nëse më kujtohen “Netët Shqiptare” dhe projekte të tjera që kemi parë, për të realizuar vërtet ëndrrat e tyre”, tha ai.

“Mendoj se kjo është pritshmëria që ka Shqipëria, që kanë shqiptarët në përgjithësi, për të jetuar një jetë në një vend që i mundëson ata të përmbushin ëndrrat e tyre sipas mundësive të tyre dhe me një fushë loje të barabartë për të gjithë. Dhe kjo është diçka që duam të kontribuojmë”, u shpreh më tej ambasadori gjerman.

Gjatë fjalës së tij, ambasadori theksoi vazhdimisht bashkëpunimin e ngushtë me BE-në dhe donatorë të tjerë të mëdhenj. “Ekipi Gjermania” është gjithmonë një lojtar konstruktiv brenda “Ekipit Evropë”, theksoi ai.

/a.g/

The post Bergner për ATSH: Të surprizuar nga shpejtësia e Shqipërisë në hapjen e kapitujve të negociatave appeared first on Agjencia Telegrafike Shqiptare.

PRISHTINË, 5 qershor/ATSH/ Presidentja e vendit, Vjosa Osmani, ka pritur në takim ambasadorin e Mbretërisë së Bashkuar në Kosovë, Jonathan Hargreaves.

Në takim u diskutua për zhvillimet e fundit politike në vend, përfshirë situatën e krijuar nga moskonstituimi i Kuvendit të Kosovës, si dhe për raportet bilaterale ndërmjet dy vendeve, njoftoi Presidenca përmes një njoftimi në Facebook.

“Presidentja Osmani dhe Ambasadori Hargreaves theksuan rëndësinë e vazhdimit të bashkëpunimit të ngushtë ndërmjet Republikës së Kosovës dhe Mbretërisë së Bashkuar në fusha me interes të përbashkët, si mbrojtja, sundimi i ligjit dhe zhvillimi ekonomik”, thuhet në njoftim.

Vendi është zhytur në një ngërç politik pasi që Kuvendi nuk po bëhet, rrjedhimisht as qeveri të re nuk mund të ketë.

Tutje, sipas njoftimit, Osmani aty theksoi rëndësinë e thellimit të partneritetit strategjik ndërmjet Republikës së Kosovës dhe Mbretërisë së Bashkuar “veçanërisht në fushën e mbrojtjes dhe sigurisë, si garanci për paqen dhe stabilitetin në vend dhe në rajon”. /KosovaPress/

The post Osmani takon ambasadorin e Mbretërisë së Bashkuar appeared first on Agjencia Telegrafike Shqiptare.

PRISHTINË, 4 qershor /ATSH/ Presidentja Vjosa Osmani priti sot në takim ambasadoren e Holandës, Karin Boven, atë të Finlandës Matti Nissinen dhe ambasadorin e Suedisë Jonas Westerlund.

Takimi u fokusua në zhvillimet e fundit në vend, situatën e krijuar pas mos konstituimit të Kuvendit, si dhe në bashkëpunimin bilateral me shtetet përkatëse në fusha të ndryshme.

Osmani ka falënderuar ambasadorët e akredituar në Prishtinë për mbështetjen e vendeve të tyre në rrugëtimin e integrimit të Kosovës në strukturat euroatlantike, raporton KosovaPress.

The post Osmani takoi ambasadorët e tri shteteve evropiane appeared first on Agjencia Telegrafike Shqiptare.

Që prej dhjetorit të vitit 2020, Gent Gazheli është drejtori i Përgjithshëm i Doganave të vendit. Gazheli e pa veten drejtor fill pas shkarkimit si ambasador, kohë kur ai u kritikua pasi u mbylli telefonin gazetarëve italianë të “Le lene”, të cilët e telefonin nga Siria dhe i kërkonin t’i ndihmonte me dokumentacionin për të […]

The post Kontrabanda në Dogana/ Si përjashtohet Gent Gazheli sa herë që vartësit i kapen në vjedhje flagrante appeared first on BoldNews.al.

TIRANË, 28 maj /ATSH/ Ministri i Mbrojtjes, Pirro Vengu zhvilloi një bashkëbisedim me ambasadorët e vendeve të Bashkimit Evropian në Tiranë.

Në këtë takim Vengu diskutoi mbi investimet në mbrojtje dhe zhvillimin e kapaciteteve prodhuese të industrisë ushtarake, në një moment kur forcimi i shtyllës evropiane të NATO-s është një temë mjaft aktuale.

Vengu theksoi se, investimet në mbrojtje që sjellin përfitime edhe në fusha civile, nxisin inovacionin dhe gjenerojnë vlerë të shtuar ekonomike në vendin tonë, përbëjnë një prioritet të rëndësishëm në agjendën e Qeverisë shqiptare.

Në këtë kontekst, ministri Vengu vlerësoi vendimin e Bashkimit Evropian për të përfshirë Shqipërinë në mekanizmat dhe projektet e përbashkëta në fushën e mbrojtjes.

1 nga 15

/a.f/

The post Vengu me ambasadorët e vendeve të BE: Investimet në mbrojtje, prioritet i qeverisë appeared first on Agjencia Telegrafike Shqiptare.

TIRANË, 28 maj /ATSH/ Ambasadori i Italisë në Shqipëri, Marco Alberti ka folur sot në një intervistë televizive për rrugëtimin e Shqipërisë drejt Bashkimit Evropian.

Alberti u shpreh se, “zgjedhja e hyrjes në BE është zgjedhje e bërë nga populli shqiptar dhe nga qeveria e tij. Detyra jonë është ta shoqërojmë këtë zgjedhje, ta bashkëndajmë procesin e negociatave që do të çojë në hyrjen në BE. Shqipëria ka ecur shpejt dhe ne këtë e shohim në bazë edhe të rrugëtimit të negociatave. Pak ditë më parë u hap grup-kapitulli i tretë për rritjen gjithëpërfshirëse dhe të qëndrueshme”.

“Në këtë proces Italia e ndihmon Shqipërinë, është partnere e Shqipërisë dhe besoj se e ardhmja jonë është të transformojmë miqësinë, që ka qenë gjithmonë, në një partneritet. Hyrja në BE është një terren prove. Italia e mbështet dhe do të mbështesë reformat që Shqipëria po çon përpara, që janë të nevojshme, por besoj se fati i përbashkët është ai i pjesëmarrjes në BE”, tha ambasadori italian.

Duke folur për Javën e Kulturës Italiane, e cila nis në datën 1 qershor dhe zgjat deri në datën 8 qershor, Alberti u shpreh se, “kemi zgjedhur të ndërtojmë programin rreth një fjale që është: E ardhmja. E ardhmja e popujve tanë, sepse miqësia midis qeverive tona, duhet të gjenerojë edhe një perspektivë të ardhme. Kemi zgjedhur dy fjalë kyçe: bashkëpunimin, pra jo Italia në Shqipëri, por Italia me Shqipërinë, të ndërtojmë rrugëtimin së bashku. Dhe fjala tjetër është: ndërveprimi, të punojmë bashkë. Prandaj programi lind si rezultat i bashkëpunimit midis subjekteve italiane, si ambasada, por edhe falë subjekteve shqiptare si Ministria e Ekonomisë, Kulturës dhe Inovacionit dhe qyteti i Tiranës”.

Ai tha se, “eventet kryesore shkojnë nga arti, do të kemi një ekspozitë të mrekullueshme të Enzo Cucit në 5 qershor. Do të kemi modën, si shprehje e punës italiane. Në Shqipëri ka një kreativitet që mund të ndikojë në sektorin e modës. Kemi koncerte të muzikës klasike. Do të kemi orkestrën rinore të Magna Grecia që do të luajë në Vlorë. Kemi “Neri per Caso”. Kemi xhazin në Berat. Do të kemi dhe muzikën e Ermal Metës. Një koncert të madh, zgjodhëm amfiteatrin e Butrintit. Do të kemi “Street Food” në 8 qershor në Pazarin e Ri. Një mundësi për të shijuar për të provuar ushqimet italiane. Shumë shprehje të kulturës italiane të ndërtuara së bashku me shqiptarët”.

Për marrëveshjen e zhvilluar midis dy vendeve për njohjen e pensioneve, Alberti u shpreh pozitiv, teksa cilësoi se është meritë e Shqipërisë që arrin të tërheqë të huajt.

Sipas ambasadorit, në vendin tonë janë zyrtarisht 3000 shtetas italianë, teksa cilëson se 800 janë studentë. Ai theksoi se komuniteti italian ka një interes të shtuar për Shqipërinë, duke përfshirë shpërnguljen e shumë sipërmarrësve italianë, profesorë apo mjekë në vendin tonë.

“Janë rreth 3000 shtetas italianë, zyrtarisht të regjistruar, por besoj se janë të paktën 30 mijë shtetasit italianë. Janë të shumtë ata që zgjedhin Shqipërinë, ose për të studiuar, 800 janë studentët italianë, ose për të jetuar në fazën e pensionit, në të cilin ata duan të zbulojnë një vend të ri. Dhe është një komunitet italian i cili po ndryshon me sipërmarrës, profesorë, mjekë. Pra, një interes në rritje ndaj këtij vendi. Unë besoj se kjo është meritë e Shqipërisë, që ka tërhequr burime të reja, njerëz të tjerë të interesuar për të”, tha ambasadori italian.

Kujtojmë se kjo marrëveshje hyn në fuqi më datë 1 qershor 2025. Marrëveshja për njohjen e periudhave kontributeve mes Shqipërisë dhe Italisë, u jep mundësinë emigrantëve shqiptarë që të trajtohen me pension në Itali dhe në Shqipëri në të njëjtën kohë.

Sipas shifrave zyrtare, janë rreth 500 mijë shtetas shqiptarë dhe rreth 4 mijë shtetas italianë të cilët do të jenë përfitues të pensioneve në Itali dhe Shqipëri, të cilët do të sigurojnë bashkimin e periudhave kontributive, duke bërë të mundur që asnjë vit pune të mos humbasë.

/r.e/a.f/

The post Integrimi në BE, ambasadori italian: Shqipëria ka ecur shpejt appeared first on Agjencia Telegrafike Shqiptare.

TIRANË, 20 maj /ATSH/ Ambasadori i Bashkimit Evropian në Shqipëri, Silvio Gonzato mori pjesë në çeljen e ekspozitës së Bulevard Art Media Institute, kushtuar lirisë.

Gonzato u shpreh se, “arti është një nga mjetet më të fuqishme që kemi për të frymëzuar pranimin, dialogun dhe përfshirjen”.

“Dje, me mbështetjen e BE-së dhe përkushtimin e Valentina Bonizzi dhe kuratorëve të tjerë, Bulevard Art Media Institute hapi një ekspozitë të dedikuar lirisë: lirisë për të ekzistuar; lirisë për të dashuruar; lirisë për të folur hapur për barazi”, theksoi ai në një postim në rrjetet sociale.

“Duke u fokusuar në kreativitetin dhe përvojat personale të artistëve queer, ekspozita sjell së bashku vepra nga talente shqiptare dhe ndërkombëtare, duke nxitur një shprehje të fuqishme kolektive”, nënvizoi Gonzato.

“Për mua, ishte një moment i veçantë për të rikonfirmuar një të vërtetë të thjeshtë: në një shoqëri të drejtë dhe të barabartë, ka vend për të gjithë ne, pavarësisht kë dashurojmë”, shtoi ai.

1 nga 4

/r.e/

The post Gonzato: Arti, një nga mjetet më të fuqishme për të frymëzuar pranimin, dialogun dhe përfshirjen appeared first on Agjencia Telegrafike Shqiptare.

TIRANË, 20 maj/ATSH/ Kryetari i bashkisë Elbasan, Gledian Llatja, priti në një vizitë zyrtare ambasadorin e Azerbajxhanit në Shqipëri, Anar Huseynov.

Gjatë vizitës, kryebashkiaku Llatja shoqëroi ambasadorin Huseynov në ambientet e Bibliotekës “Qemal Baholli”, një nga institucionet më të rëndësishme kulturore të Elbasanit.

Me këtë rast, ambasadori Huseynov dhuroi disa tituj në gjuhën shqipe mbi kulturën, historinë dhe ekonominë e Azerbajxhanit, duke pasuruar më tej fondin e bibliotekës dhe duke thelluar bashkëpunimin kulturor mes dy vendeve.

Biblioteka e qytetit të Elbasanit mbart një trashëgimi të pasur kulturore, përfshirë fondin e albanologjisë të studiuesit të njohur Lef Nosi, si dhe një arkiv të gjerë materialesh të digjitalizuara që pasqyrojnë historinë dhe zhvillimin kulturor të vendit.

Kjo vizitë shënoi një moment domethënës në rritjen e ndërsjellë të lidhjeve kulturore dhe nxitjen e dialogut mes dy popujve miq.

1 nga 6

/k.s/a.f/

The post Ambasadori i Azerbajxhanit dhuron libra për bibliotekën “Qemal Baholli” në Elbasan appeared first on Agjencia Telegrafike Shqiptare.

Në Prokurorinë pranë Gjykatës së Shkallës së Parë të Juridiksionit të Përgjithshëm, Fier u zhvillua sot një takim me Prokurorët e Prokurorisë së Posaçme (SPAK) dhe Ambasadorin e Bashkimit Europian në Shqipëri, Silvio Gonzato.

Gjatë këtij takimi, u diskutua mbi rëndësinë e procesit zgjedhor, rolin e prokurorisë në këtë proces, si dhe rëndësinë e veprimeve hetimore të shpejta dhe efektive.

Prokuroria pranë Gjykatës së Shkallës së Parë Juridiksionit të Përgjithshëm Fier shpreh vullnetin e plotë dhe gatishmërinë për evidentimin dhe hetimin e menjëhershëm të rasteve që prekin zgjedhjet e lira dhe sistemin demokratik të zgjedhjeve.

The post Krimet zgjedhore/ Ambasadori i BE takim me prokurorët e Fierit dhe SPAK-ut appeared first on Lapsi.al.

PRISHTINË, 9 maj /ATSH/ Në kuadër të shënimit të Ditës së Evropës është hapur panairi në sheshin “Nëna Terezë” në Prishtinë, me stendat e shteteve anëtare të BE-së dhe Zyrës së BE-së në Kosovë.

Ambasadori i BE-së në Kosovë, Aivo Orav, tha se dëshira e tij e sinqertë është që Kosova të integrohet në Bashkimin Evropian sa më shpejtë që është e mundur.

Sipas tij, Bashkimi Evropian është projekt i paqes më i suksesshmi në botë. “Jam shumë i lumtur të jem sot – në shesh – të festoj Ditën e Evropës. Kjo ditë na jep neve kohën madje dhe obligimin për të shikuar prapa se çfarë ka bërë Bashkimi Evropian, si dhe për të ëndërruar për të ardhmen. Bashkimi Evropian është projekti i paqes më i suksesshëm në botë, që nga krijimi i tij nuk është bërë asnjë luftë në territor të BE. Gjithashtu besoj se duhet të jetë ëndrra jonë për të ardhmen që të vazhdojë kështu. Sigurisht, dëshira ime e sinqertë është që Kosova të integrohet në BE sa më shpejtë që është e mundur”, tha ai.

Në anën tjetër ambasadori mbajti edhe një fjalim para të pranishmëve të cilët ishin mbledhur për të festuar Ditën e Evropës.

Para stendave të secilit vend anëtarë të BE-së u mblodhën shumë qytetarët të cilët ishin të interesuar për kulturën dhe traditat e shteteve anëtare të BE-së.

/Kosovapress/

The post Ambasadori i BE-së: Shpresoj që Kosova të integrohet sa më shpejt në familjen Evropiane appeared first on Agjencia Telegrafike Shqiptare.

Ambasadori i BE në Tiranë, Silvio Gonzato zhvilloi një takim me kryekomisionerin Ilirjan Celibashi. Takimi i tyre vjen ndërsa na ndajnë edhe 9 ditë nga zgjedhjet parlamenatre të 11 majit. Në një prononcim për mediat pas takimit, Gonzato u pyet edhe për lobimin 6 milionë dollarësh të PD.

“Nuk bëj komente. Do të pres autoritetet kompetente”, ka deklaruar ambasadori i BE.

Ndërkohë, i pyetur për përgenjeshtrimin e lajmit të portalit të familjes Berisha, ku pretendohej se ai ka hequr nga raporti i OSBE emra banditësh dhe policësh të përfshirë në krim elektoral, ambasadori tha se BE është këtu për të mbështetur Shqipërinë dhe jo për të manipuluar gjërat. Nga ana tjetër, Prokuroria e Posaçme po kryen veprime hetimore mbi veprën penale të pastrimit të parave në lidhje me kontratën e lobimit të firmosur mes Partisë Demokratike dhe një kompanie në Shtetet e Bashkuara të Amerikës.

Hetuesit pritet të sekuestrojnë dokumentacionin dhe kontratën e lidhur mes kompanisë lobuese në SHBA dhe Partisë Demokratike vlera e të cilës shkon në 6 milionë dollarë në harkun kohor të dy viteve. Nga ana tjetër në SPAK pritet të thirren të gjithë personat që kanë dijeni për lidhjen e kësaj kontrate mes të cilëve edhe sekretari i përgjithshëm i Partisë Domokratike Flamur Noka që ka firmosur dokumentin.

Një ditë më parë SPAK njoftoi zyrtarisht nisjen e hetimeve pas publikimit në media të detajeve të kontratës. Sipas kontratës thuhet se në total për dy vite Berisha duhet t’i paguajë kompanisë 6 milionë dollar, 250 mijë dollarë në muaj. Ndërsa garantori i kontratës është shqiptaro-amerikani Nuredin Seci, me origjinë nga Tropoja, njëkohësisht anëtar kryesie i shoqatës Vatra në Neë Jersey. Kontratën e ka firmosur sekretari i përgjithshëm i PD, Flamur Noka, dhe ish këshilltari i presidentit Trump, Carlo Trujillo, në cilësinë e Presidentit të kompanisë lobuese ‘Continental Strategy’.

Në kontratë, emigranti 72-vjecar elektricisto-alpinist Nuredin Seci dhe fondacioni fantazmë “Make Albania Great Again”, janë zotuar të paguajnë kompaninë Continental Strategy, 250 mijë dollarë në muaj, dhe 6 milionë dollarë deri në vitin 2027.

The post Lobimi 6 mln dollarësh i PD në SHBA, ambasadori i BE: Nuk bëj komente, presim SPAK të flasë appeared first on Sot News | Lajme.

TIRANË, 10 prill /ATSH/ Prezenca e OSBE-së dhe Prokuroria e Përgjithshme organizuan sot një tryezë teknike për forcimin e rolit të prokurorëve në luftën kundër krimeve zgjedhore.

Kreu i Prezencës së OSBE-së në Shqipëri, ambasadori Michel Tarran, në fjalën e tij u shpreh se, “integriteti zgjedhor qëndron në themel të çdo shoqërie demokratike”.

“Sigurimi i zgjedhjeve të lira dhe të ndershme kërkon institucione të forta, llogaridhënie, transparencë dhe angazhim të palëkundur ndaj shtetit të së drejtës”, theksoi ai.

“Prokurorët, oficerët e policisë gjyqësore dhe përfaqësuesit e Policisë së Shtetit kanë detyrën thelbësore të hetimit, ndjekjes finale dhe luftës kundër krimit zgjedhor”, tha Tarran.

Tarran theksoi se, “megjithëse është bërë përparim raportet përfundimtare të ODIHR për zgjedhjet parlamentare të vitit 2021 dhe ato vendore të vitit 2023 vënë në dukje se krimi zgjedhor, në veçanti shitblerja e votës, keqpërdorimi i burimeve të administratës dhe frikësimi i votuesve vazhdojnë të jenë çështje shqetësuese”.

“Të dyja raportet rekomandojnë që organet ligjzbatuese të bëjnë çdo përpjekje për të identifikuar dhe hetuar në mënyrë të pavarur të gjitha akuzat për shkelje zgjedhore, përfshirë shitblerjen e votës, presionin ndaj votuesve dhe keqpërdorimin e burimeve të administratës në mënyrë të plotë, të shpejtë dhe transparente”, tha Tarran.

Ambasadori u shpreh se, “votuesit duhet të informohen në mënyrë sistematike për mekanizmat përkatës, lidhur me raportin e shkeljeve, përfshirë mbrojtjen e sinjalizuesve dhe garancitë kundër hakmarrjes”.

Tarran vlerësoi masat paraprake dhe të bashkërenduara të ndërmarra nga zyra e Prokurorit të Përgjithshëm, Komisionit Qendror të Zgjedhjeve, SPAK-u dhe Policisë së Shtetit për sfidat që lidhen me krimet zgjedhore.

“Veprimet tuaja të përbashkëta dhe individuale pasqyrojnë vullnetin e fortë institucional për të mbrojtur integritetin e zgjedhjeve”, tha ai.

Gjithashtu, Tarran, mirëpriti theksin që i është  vënë transparencës dhe informimit në kohë të publikut për hetimet e krimeve zgjedhore.

“Ne vlerësojmë që organizatat e shoqërisë civile dhe media kanë rol të rëndësishëm për realizimin e mbikëqyrjes së pavarur duke plotësuar përpjekjet institucionale për të ekspozuar krimet zgjedhore dhe për ta fuqizuar llogaridhënien”, tha Tarran.

“Në gjuhën shqipe ka një shprehje të vjetër “Gur, gur bëhet kalaja”. Çdo përpjekje kontribuon në një qëllim më të madh. Qëllimi ynë i përbashkët është i qartë të sigurohemi që shkeljet zgjedhore, jo vetëm të identifikohen, por edhe të hetohen dhe ndiqen penalisht pa vonesa dhe në mënyrë të plotë, duke përforcuar kështu besimin e publikut në procesin demokratik”, tha ambasadori i OSBE-së.

Në tryezë morën pjesë Prokurori i Përgjithshëm Olsian Çela, zëvendësdrejtori i Përgjithshëm i Policisë së Shtetit, Sokol Bizhga dhe Komisioneri Shtetëror i Zgjedhjeve, Ilirjan Celibashi si dhe prokurorë, oficerë të policisë gjyqësore, Policia e Shtetit dhe organizata të njohura të shoqërisë civile. /j.p/

The post Tarran: Hetim në mënyrë të pavarur të gjitha akuzave për shkelje zgjedhore appeared first on Agjencia Telegrafike Shqiptare.

TIRANË, 4 prill /ATSH/ Ambasadori i Bashkimit Evropian në Tiranë, Silvio Gonzato deklaroi sot se, Komiteti i Përbashkët Konsultativ do të japë kontributin e vetë për një proces negociatash më gjithëpërfshirës dhe më transparent.

I pranishëm në takimin inaugurues të Komitetit të Përbashkët Konsultativ me Komitetin Ekonomik dhe Social të BE, Gonzato u shpreh se, ky takim është një provë tjetër që Shqipëria po ecën përpara me integrimin e saj evropian.

“Ashtu siç e tha edhe Komisionerja Kos gjatë takimeve të saj në Shqipëri i gjithë ky proces është një proces, i cili përfshin të gjithë shoqërinë, pra nuk mund të lihet vetëm për qeverinë dhe për Kuvendin, por që organizatat e shoqërisë civile duhet të luajnë një rol të rëndësishëm në këtë proces”, tha Gonzato.

Ai theksoi se, “vendet do të duhet që të përfshijnë shoqërinë civile në të gjithë punën që do të bëhet përpara se të bëhen pjesë e familjes tonë. Arsyeja për këtë është sepse të ecësh përpara me anëtarësimin në BE kërkon angazhim politik, mbështetjen e qytetarëve dhe përfshirjen aktive të shoqërisë civile”.

“Ky Komitet i Përbashkët Konsultativ që po lançojmë sot krijon pikërisht këtë gjë, hapësirën e duhur për shoqërinë civile që të luajnë rolin e tyre. Që do të thotë organizatat e shoqërisë civile, partnerët socialë, shoqatat e punëdhënësve, sindikatat dhe të gjitha organizatat e tjera”, theksoi ambasadori i BE.

Sipas tij, shoqëria civile mund të japë kontribut në këtë proces.

Gonzato nënvizoi se, “një shoqëri civile aktive në përkufizimin saj më të gjer është jetike për të bërë të mundur që qytetarët të kenë ndikimin e duhur që të marrin në dorë të mirat e reformave që sjellin anëtarësimin”.

Nga ana tjetër, shtoi ai, “qeveria mund të përfitojë nga ekspertiza që ka shoqëria civile në sektorë të ndryshëm, nga njohuritë tyre, për procesin e negociatave dhe këtu duhet që shoqëritë civile të luajnë një rol proaktiv në platforma të ndryshëm, për konsultim apo për pjesëmarrje në vendimmarrje, qofshin këto platforma të ndryshme të integrimit evropian apo të tjera”.

Gonzato u shpreh se, “në kontekstin e anëtarësimit në BE pjesëmarrja dhe konsultimi i shoqërisë civile në vendimmarrje është një pjesë shumë e rëndësishme e atyre temave që ne i quajmë themelore”.

“Për këtë arsye qeveria dhe Kuvendi kanë ndërmarrë disa angazhime si pjesë e udhërrëfyesit për funksionimin e institucioneve demokratike që u miratuan vitin e shkuar, synimi i të cilit është që të krijohet një hapësirë e duhur për të gjithë qytetarët. Pra një mjedis për shoqërinë civile duke përshirë edhe një klimë tatimore më të favorshme me stimujt e ndryshëm, si edhe me një kuadër fleksibël për ata që duan të punojnë si vullnetarë”, tha Gonzato.

Ambasadori i BE nënvizoi se, “vënia në zbatim e udhërrëfyesit do të jetë aspekti kyç për të matur edhe ecurinë që do të bëhet gjatë negocimit të grup-kapitullit numër 1”.

“Ne vlerësojmë gjithashtu edhe që qeveria e Shqipërisë me ndihmën dhe mbështetjen e  BE-së ka kryer vlerësimin e dokumentit të vetë strategjik për bashkëpunimin me shoqërinë civile, e cila përfundoi në 2023-in”, tha ai.

Tashmë, shtoi Gonzato, “ka ardhur koha që qeveria në formë të gjerë dhe transparente të ndajë përfundimet e këtij vlerësimi që ka bërë dhe që të shikojmë dhe të punojmë më pas për rekomandimet”.

“Ne na duhet pikërisht një punë gjithëpërfshirëse dhe pjesëmarrëse për miratimin e strategjisë së re, duke detajuar gjithashtu çdo hap të mundshëm të dakordësuar për mbështetjen për shoqërinë civile”, tha ai.

Gonzato u shpreh se, “BE po dyfishon përpjekjet e saj që të promovojë një shoqëri civile të pavarur dhe aktive, kyçe kjo për demokracinë dhe në këtë kontekst edhe mediet e pavarura janë tejet të rëndësishme”.

Ai ritheksoi “vlerësimin për rolin që ka luajtur presidenti Ropke për lancimin e kësaj nisme, dhe natyrisht edhe qeverinë e Shqipërisë, që u bë kaq shpejt”.

“Kam besim që Komiteti i Përbashkët Konsultativ do të japë kontributin e vet për një proces negociatash më gjithëpërfshirës dhe më transparent si dhe një bashkëpunim më të plotë dhe të shëndetshëm ndërmjet autoriteteve nga njëra anë dhe partnerëve socialë dhe shoqërisë civile nga ana tjetër, për reformat që ka përpara Shqipëria”, tha më tej Gonzato.

/a.f//r.e/

The post Gonzato: Shoqëria civile të japë kontributin e saj në procesin e integrimit në BE appeared first on Agjencia Telegrafike Shqiptare.

TIRANË, 3 prill /ATSH/ Ambasadori i Bashkimit Evropian në Tiranë, Silvio Gonzato deklaroi sot se, Bashkimi Evropian është mbështetës ndaj politikave sociale në Shqipëri.

Në fjalën e tij në takimin “Dialogu social në vendet e Ballkanit Perëndimor”, Gonzato theksoi se, politikat sociale duhet të jenë në fokus, pasi sipas tij, shihet një pasiguri në raport me vendin e punës nga të rinjtë, duke parë dëshirën e tyre për emigrim.

“Dialogu social luan rol në shëndetin e Shqipërisë dhe është pjesë e rëndësishme e politikave sociale dhe të punësimit që janë edhe pjesë e grup-kapitullit numër 3 që do të çelet shumë shpejt”, tha ai.

“Dialogu social nuk është i rëndësishme vetëm për anëtarësim, por edhe për kohezionin. Të rinjtë shpesh janë të shqetësuar për të ardhmen dhe kjo sjell dëshirën për të emigruar, sepse kanë pasiguri për punën”, u shpreh ambasadori.

Sipas tij, “kjo mund të vijë edhe prej punësimit informal, pasi nuk paguhen ditët kur nuk janë mirë me shëndet”.

Shqetësim tjetër, theksoi Gonzato, “është cilësia e arsimit. Por edhe korrupsioni, është pengesë e madhe për të rinjtë që të realizojnë ëndrrat”.

Sipas tij, mungon një sistem që bazohet te merita.

“Na duhet një dialog social dhe domethënës. Shpesh OJQ-të janë në pozitë më të mirë se zyrtarët për të folur me të rinjtë”.

“Bashkimin Evropian e keni në krah për t’ju ndihmuar me punësimin dhe dialogun social, përmes Planit të Rritjes, që adreson çështjet socio-ekonomike në Shqipëri, por edhe në Ballkanin perëndimor në tërësi”, tha Gonzato.

1 nga 10

/r.e//a.f/

The post Gonzato: Plani i Rritjes adreson çështjet socio-ekonomike në Shqipëri appeared first on Agjencia Telegrafike Shqiptare.