Në Shqipëri sot festohet Dita Kombëtare e Rinisë, e shpallur festë zyrtare që prej vitit 2009. Kjo datë përkujtohet çdo vit në nderim të të gjithë studentëve të dhjetorit 1990 dhe gjithë rinisë shqiptare.

34 vite më parë një grup studentësh dhe pedagogë i dhanë “grushtin” e parë diktaturës, duke përmbysur regjimin 50-vjeçar komunist, përmes disa protestave që organizuan nga zona e Qytet Studentit, në drejtim të sheshit të kryeqytetit.

Me postera “E duam Shqipërinë si gjithë Europa”, të rinjtë kërkuan ngritjen e sistemit të vlerave perëndimore dhe të shtetit të së drejtës; integrimin në Europë dhe garantimin e pluralizmit politik si bazë kryesore për një shoqëri të lirë e demokratike.

Lëvizja Studentore e vitit 1990 është e vetmja Lëvizje paqësore që ndryshoi historinë e Shqipërisë. Natën e 8 dhjetorit , rreth 300 studentë nisën atë që më vonë u quajt Lëvizja Studentore ‘90. Shkak u bë fillimisht fikja e dritave në Qytetin Studenti. Të organizuar ata marshuan nga Qyteti Studenti drejt qendrës së Tiranës.

Atë natë, marshimi i tyre ndaloi mes qytetit të tyre dhe bulevardit të Tiranës, pa mundur të kryqëzohej me rrugën e asnjë prej intelektualëve apo pedagogëve. Rradhët e tyre ishin shtuar minutë pas minute dhe turma kishte mbërritur deri në 1000 vetë…

Por në errësirë, policë me skafandra, sambistë (forcat speciale) dhe agjentë të shumtë të Sigurimit të Shtetit u shfaqën nga të gjithë anët. Ata përdorën çdo mjet për t’i thyer… Por studentët nuk u ndalën, as atë natë dhe as në ditët që pasuan.

Të nesërmen me 9 dhjetor, studentët konfirmuan një kërkesë të qartë drejtuar Ramiz Alisë, e ndarë në disa pika, ku kërkonin në vija të përgjithshme pluralizmin politik, lirinë e fjalës dhe përshpejtimin e reformave demokratike.

Protestat do të vazhdonin edhe për dy ditët në vijim deri në datën 11 dhjetor në mbrëmje kur në takim me Ramzi Alinë u konfirmua edhe pluralizmi politik, të cilin e shpallën menjëherë pas kthimit nga ai takim, duke nisur edhe organizimet për themelimin e Partisë Demokratike.

Lëvizja Studentore do të vijonte me organizime e protesta edhe në ditë te para të vitit 1991 deri në ditët e grevës së urisë, kulmuar mesditën e 20 shkurtit 1991, kur Studentët të mbështetur nga pedagogët dhe shumë qytetarë të Tiranës, zbarkuan në sheshin Skënderbej, duke rrëzuan përfundimisht diktaturën komuniste dhe duke sjellë për shqiptarët lirinë e munguar gjatë pothuaj gjysmë shekulli.

Sot afro tre dekada më vonë, kemi një Shqipëri ende në tranzicion, një Shqipëri ndryshe nga ajo që ëndërruan mijëra studentë që protestonin shesheve në fund të 1990 e në fillim të 1991. Ata ëndërronin një “Shqipëri si gjithë Europa”. Por Shqipëria ende pret në dyert e Europës, edhe pse janë hedhur hapa mjaft të rëndësishëm integrimi. /LAPSI.al

The post Historia/ Ç’ndodhi natën e 8 dhjetorit 1990 në Qytetin Studenti appeared first on Lapsi.al.

Drejtuesit e lartë të PD-së ia lanë të rinjve të forumit demokrat të kujtojnë 8 Dhjetorin 1990, përjashtuar Sali Berisha.

Kreu i PD-së iu bashkua të rinjve, në sheshin ku 34 vite më parë, një grup studentësh dolën dhe nisin protestën e parë studentore.

Familjarët e Azem Hajdarit munguan por Berisha kujtoi disa momente të Azem Hajdarit në krye të asaj që më vonë do të quhej si Lëvizja Studentore.

“Nuk po protestojmë për një gotë çaj, z.President, iu përgjigj, Azem Hajdari. Po protestojmë për fatet e lirisë”.

Jo në vijë të parë por Berisha tregoi një episod me atë vetë protagonist.

“Më kërkuan, a mund të na përfaqësosh? Jo, u thashë, unë përfaqësoj Sali Berishën, por unë ju mbështes ju”.

Si në çdo përkujtim të kësaj ngjarjeje, në epokën e fundit, demokratët flasin për goditjen e një regjimi të ri sipas tyre. Dhe Berisha drejpërdrejt i referohet Xhorxh Sorosit dhe vendimit për ta shpallur ‘non grata’ 3 vite.

“Nje politikan gjysme pensionist dhe ky ishte Sali Berisha, që kishte dhënë dorëheqjen 8 vite më parë, por që qendronte njëlloj si në diktaturën e parë, në vitet e fundit të saj, si avokat i interesit publik mbronte interesin publik”.

Por fitorja e Trumpit shihet nga Berisha edhe forcë për të, në këtë rikthim të tretë të tijin.

“Maskat ranë. Kërkohet nga ne sulm, sulm dhe vetëm sulm”.

Ky aktivitet që nisi në Qytet Studenti, vijoi me një marshim deri tek Kryeministria, ku Berisha ia la fjalën mesazheve që përcollën të rinjtë demokratë./abcnews.al

TIRANË, 8 dhjetor /ATSH/ Ministri i Shtetit për Pushtetin Vendor, Arbjan Mazniku foli sot në podkastin “Zëri i të rinjve të dëgjohet”, i organizuar me rastin e 8 Dhjetorit, Ditës së Rinisë. Ministri tha se puna e tij e drejtpërdrejtë lidhet me këtë target të shoqërisë, ndërsa sfidat e të rinjve janë si në arsim, punë, teknologji, sipërmarrje, shoqëri, struktura e familjes etj.

“Të rinjtë duhet të ndajnë mendjen për rrugën që secili do të ndjekë, si individ, si grupim apo si shoqëri. Detyra jonë është që t’u krijojmë një hapësirë të shëndetshme për vendin se ku duhet të punojnë, studiojnë, etj. Puna ime lidhet me bashkitë dhe unë besoj se bashkitë janë institucioni shtetëror i cili është më afër njerëzve në përditshmëri. Ne kemi bërë një punë sistematike për t’i ndihmuar bashkitë që të krijojnë programe të posaçme për t’i mbështetur të rinjtë”, tha ai.

Bashkë me ministren e Shtetit për Rininë dhe Fëmijët, shtoi ai, “kemi ndikuar në krijimin e këshillave rinorë në të gjitha bashkitë, si një mekanizëm që të ketë një strukturë të posaçme që merret me punët e rinisë.

I kemi mbështetur bashkitë që kur bëjnë programet e financave të kenë linja të posaçme buxhetore për programe që fokusohen të rinia, i kemi shtyrë që të kenë aktivitete të posaçme për sportin dhe jo vetëm”.

Ministri Mazniku theksoi se përveç politikave të posaçme për rininë, vetë të rinjtë duhet të kenë një rol horizontal në të gjitha politikat e vendit, nga ato sociale, arsimore, shëndetësore apo të infrastrukturës, duke dhënë kotributin e tyre në këto politika.

/r.e/

The post Mazniku: Këshilla rinorë në të gjitha bashkitë e vendit për programe të dedikuara të rinjve appeared first on Agjencia Telegrafike Shqiptare.

TIRANË, 8 dhjetor /ATSH/ Ministrja e Shtetit për Rininë dhe Fëmijët, Bora Muzhaqi foli në podkastin “Zëri i të rinjve të dëgjohet”, në kuadër të aktiviteteve që po organizohen me rastin e 8 Dhjetorit, Ditës së Rinisë, në zonën e parkingut nëntokësor në sheshin “Skënderbej”.

Muzhaqi u shpreh se të qenit ministër është një nga punët më të bukura që dikush mund të imagjinojë, por që njëherësh vjen me shumë përgjegjësi dhe objektiva.

“Në këto tre vite e kam kuptuar se çdo të thotë të përgjigjesh ndaj çdo të riu dhe çdo fëmije. Strategjia Kombëtare e Rinisë është një nga dokumentet më të mira që kemi bërë për rininë. Një dokument që mbulon periudhën 2022-2029 dhe ka si fokus arritjen e objektivave për t’i bërë të rinjtë më të aksesueshëm me gjërat në Shqipëri, nga pjesa e punësimit, arsimit, por edhe mirëqenia e tyre. Një paketë e tërë me shumë objektiva, që monitorohet dhe lajmi i mirë është fakti që deri tani jemi 80% të monitoruar, që do të thotë se puna është bërë. Të rinjtë kanë gjithmonë kërkesa që ndryshojnë çdo ditë, ndaj strategjia jonë lëviz shpesh sipas kërkesave dhe nevojave që të rinjtë kanë”, tha ajo.

Ministrja Muzhaqi theksoi se çdo program hartohet në konsultim me të rinjtë, për një përfshirje më masive të nevojave dhe ideve të tyre.

“Aktualisht po konsultojmë ndryshime në ligjin për rininë dhe po diskutojmë një ligj për vullnetarizmin që po bëhet në konsultim me ta dhe komentet e tyre i kemi integruar në pjesën e ligjit.

Pas përfundimit të orarit mësimor, të rinjtë duan sport, art dhe zeje dhe aktivitete konstruktive që i përfshijnë. Ne jemi duke shtrirë gamën e këtyre aktiviteteve në të gjithë vendin”, tha Muzhaqi.

/r.e/

The post Strategjia Kombëtare e Rinisë, Muzhaqi: 80% e monitoruar appeared first on Agjencia Telegrafike Shqiptare.

TIRANË, 8 dhjetor  /ATSH/ Ambasadori i Bashkimit Evropian, Silvio Gonzato uroi sot 8 Dhjetorin, Ditën e Rinisë.

“Gjatë këtij viti, kam pasur rastin të takoj shumë të rinj shqiptarë të talentuar. Energjia, idetë dhe angazhimi i tyre mund ta shtyjnë vendin më tej në rrugën drejt BE-së”, theksoi Gonzato.

“Integrimi i Shqipërisë në Bashkimin Evropian varet gjithashtu nga përfshirja aktive dhe zërat e qytetarëve të ardhshëm të BE-së. Nëse aspironi ta shihni vendin tuaj si pjesë e familjes evropiane, bëjeni zërin tuaj të dëgjohet dhe kontribuoni përmes përkushtimit, edukimit dhe pjesëmarrjes tuaj aktive në shoqëri”, u shpreh Gonzato.

“Evropa është këtu për t’ju qëndruar pranë dhe do të vazhdojë t’ju mbështesë në realizimin e ëndrrave tuaja këtu në Shqipëri. BE-ja është e përkushtuar për krijimin e mundësive, forcimin e arsimit dhe ndërtimin e një shoqërie ku të rinjtë shqiptarë mund të lulëzojnë dhe të formojnë të ardhmen e ndritur që meritojnë”, theksoi Gonzato.

/r.e/

The post 8 Dhjetori, Gonzato: Evropa është këtu për t’ju qëndruar pranë appeared first on Agjencia Telegrafike Shqiptare.

Në Ditën Kombëtare të Rinisë, deputetja e Partisë Demokratike, Jorida Tabaku, ka shprehur shqetësimin e saj për situatën e vështirë në të cilën ndodhet rinia shqiptare. Përmes një video-mesazhi të postuar në rrjetet e saj sociale, Tabaku ka ngritur zërin për largimin masiv të të rinjve nga Shqipëria dhe për mungesën e mundësive që ata hasin në vend.

“ Rinia sot është si Shqipëria sot: më e varfër, më e dëshpëruar dhe në ikje. Një e treta e të rinjve janë të papunë, 40% e forcës aktive janë larguar, universitetet po zbrazen dhe shkollat po mbyllen. Sot, rinia nuk po shihet më si promotori i ndryshimit të shoqërisë dhe ekonomisë, ” tha Tabaku.

Deputetja theksoi se rinia shqiptare ka një potencial të jashtëzakonshëm dhe se të rinjtë tanë kanë treguar sukses në fusha të ndryshme si biznesi, shkenca dhe mjekësia – por, për fat të keq, këto arritje po realizohen jashtë kufijve të Shqipërisë.

“ Dëshira jonë është që ata të kenë mundësi të arrijnë këtu, në Shqipëri, të përfshihen në vendimmarrje, sipërmarrje dhe në të gjitha fushat e jetës. Të rinjtë duhet të jenë forca që ndryshon këtë vend, ashtu siç ndodhi më 8 dhjetor 1990, kur rinia ndryshoi një sistem të tërë me forcën dhe energjinë e tyre, ” shtoi Tabaku.

Ajo bëri thirrje për një përfshirje më të madhe të rinisë në proceset vendimmarrëse dhe zhvillimore, duke e konsideruar rininë si një forcë të pashtershme për të ardhmen e Shqipërisë.

“Duhet të kujtojmë çdo ditë që të rinjtë janë forca integrale e këtij vendi. Duhet t’u japim mundësi për t’i përfshirë në çdo proces, që ata të bëjnë ndryshimin dhe ta çojnë Shqipërinë përpara,” përfundoi deputetja.

The post Dita e Rinisë, Tabaku ngre alarmin: Rinia shqiptare është thesar i paçmuar, sot po detyrohet të largohet nga Shqipëria appeared first on Sot News | Lajme.

Të rinjtë e Forumit Rinor të Partisë Demokratike kanë zhvilluar një marshim me rastin e 8 dhjetorit, Ditës së Rinisë. Pas fjalimit të mbajtur nga kreu i PD, Sali Berisha në Qytet Studenti, ata kanë marshuar drejt Kryeministrisë. Të rinjtë u vendosën para godinës së qeverisë, ku mbajtën edhe fjalime. Pjesë e manifestimit është edhe

“Lindëm në Demokraci, jetojmë në diktaturë”. Me këtë parullë nisi marshimi i Forumit Rinor të Partisë Demokratike nga “Qyteti Studenti” drejt kryeministrisë. I pranishëm ishte dhe kreu i PD Sali Berisha. Ai nderoi studentët e Dhjetorit ‘90, ndërkohë që theksoi se sot jetojmë në kushtet e një diktature të re.

“Sot nderojmë këtë ngjarje të madhe në kushte e një diktature të re në të cilën të gjitha puishtetet janë në dorë të një njeriu, të një antishqiptari që nuk njeh as kod e as moral”, tha Berisha.

Ai u shpreh se demokratët janë të sigurtë në fitore në zgjedhjet e 11 Majit dhe sipas tij PD do të pastrojë Shqipërinë.

Pas fjalimeve në “Qytetin Studenti” Forumi Rinor i Partisë Demokratike nisi marshimin drejt Kryeministrisë, për të nderuar aktin heroik të studentëve që ndezën flakën e demokracisë në Shqipëri.

Shqipëria kujton sot një nga ngjarjet më të rëndësishme të historisë së saj kur 34 vite më parë nisi Lëvizja Studentore që solli demokracinë në vend.

Më 8 Dhjetor 1990, një grup studentësh e pedagogësh të Universitetit të Tiranës, u bënë iniciatorë e protagonistë të protestave që sollën rënien e sistemit komunist dhe lindjen e demokracisë.

LEXONI GJITHASHTU:

• 8 Dhjetori, Dita Kombëtare e Rinisë
• Dita Kombëtare e Rinisë, Ambasada e SHBA: Studentët formësuan të ardhmen!

The post PD marshim në nder të Lëvizjes Studentore, Berisha: Vendi nën një diktaturë të re appeared first on Euronews Albania.

TIRANË, 8 dhjetor /ATSH/ Në përkujtim të 8 Dhjetorit 1990, Ditën e Rinisë, Forumi Rinor i Partisë Demokratike marshoi për të nderuar aktin heroik të studentëve që ndezën flakën e demokracisë në Shqipëri.

Marshimi nisi nga Qyteti Studenti për të vijuar drejt Kryeministrisë.

Marshimit iu bashkua edhe kryetari i Partisë Demokratike, Sali Berisha.

Në fjalën e tij në Qytetin Studenti, Berisha u shpreh se, regjimi, me propagandën e tij, fliste çdo ditë për demokratizimin, por vriste çdo javë të rinjtë, të cilët niseshin për të kaluar në botën e lirë.

Berisha shprehu mirënjohjen ndaj të gjithë pjesëmarrësve në këtë marshim.

“Mirënjohjen më të thellë ndaj jush që, keni ardhur sot këtu për të nderuar veprën e pavdekshme të studentëve liberatorë dhe tribunit legjendar të tyre, Azem Hajdari, më 8 dhjetor të vitit 1990”, tha Berisha.

“Ne kemi patur një histori të dhimbshme dhe të vështirë. Në vitin 1912, u shpall Pavarësia e kombit dhe liria e tij. Në vitin 1944, më 28 nëntor, populli ynë u çlirua nga një pushtim i jashtëm, për të rënë po atë ditë me një pushtim të brendshëm barbar, më mizorin që kohërat kanë njohur, në diktaturën staliniste të Enver Hoxhës”, theksoi kreu i PD.

Kjo diktaturë, shtoi Berisha, “në 46 vite të ekzistencës së saj vendosi mbi shqiptarët shtypjen më të egër që ata kishin njohur në tërë historinë. Vendosi diktaturën më të thellë të izolimit të tyre, sa kurrë ndonjëherë në histori. Vendosi tiraninë e urisë dhe skamjes që, shqiptarët s’e kishin njohur kurrë më parë nëpërmjet hiperkolektivizimit”.

Berisha tha se, “rënia e Murit të Berlinit dhe revolucionet demokratike të vitit 1989, pavarësisht prej tyre, Shqipëria mbetej siç e cilësonte partia staliniste dhe diktatori i fundi, si bastioni ose ‘kështjella buzë Adriatikut’ e socializmit”.

“Regjimi, me propagandën e tij, fliste çdo ditë për demokratizimin, por vriste çdo javë të rinjtë, të cilët niseshin për të kaluar në botën e lirë. Dhe jo vetëm i ekzekutonte, por i sillte dhe i zvarriste kufomat e tyre në qytetet: Shkodër, Gjirokastër, Sarandë, Korçë, vetëm e vetëm për të terrorizuar popullatën”, u shpreh ai më tej.

Pikërisht, në këto rrethana, nënvozoi Berisha, “34 vite më parë, një grup studentësh dalin në darkë në këtë shesh dhe nisin protestën e parë studentore në historinë e vendit”.

Berisha u shpreh se, studentët ndanë epoka me lëvizjen e tyre.

“Ata ndanë epoka me lëvizjen e tyre. Ndarjen e epokave rrallë i takon njerëzve t’i përjetojnë. Ata vërshuan në mbarë vendin dhe mbollën kudo pemën e pluralizmit, themeluan PD. Organizuan grevën epike të urisë, po në këtë qytetet në atë ndërtesë që sot e bllokon diktatura”, tha Berisha.

“730 e studentëve u ngujuan për të çliruar shqiptarët nga kurthi më i keq që ata kishin përjetuar në të gjitha kohërat, kurthi i Enver Hoxhës, dhe fituan”, theksoi Berisha.

Berisha gjithashtu u shpreh në fjalën e tij se, PD do të shkojë në zgjedhjet e 11 majit e sigurtë në fitore.

“PD, kaloi një kalvar, por nuk u mposht, por qendruam të pamposhtur. Qendruam të pamposhtur për vlerat që besonim. Sot, muajin e fundit, ju keni marrë, Opozita shqiptare ka marrë, shqiptarët kanë marrë mbështetjen ndërkombëtare të jashtëzakonshme në tërë historinë e tyre”, tha Berisha.

“Në mbarë botën është denoncuar Shqipëria, narkoshteti i parë dhe i vetëm në Evropë. Shqipëria, vendi me të cilat të gjitha pushtetet janë në duart e një njeriu. Shqipëria, vendi në të cilin, shteti dhe krimi janë një sipërmarrje e përbashkët. Shqipëria, vendin në të cilin procesi elektoral është shndërruar në fasadë elektorale”, u shpreh ai.

Pra, shtoi Berisha, “maskat ranë. Kërkohet nga ne sulm, sulm dhe vetëm sulm. Le të ngrihemi ne, në lartësinë e idealeve të atyre që shembën diktaturën komuniste për të shembur diktaturën më të keqe që kanë njohur shqiptarët, diktaturën e drogës, krimit dhe vjedhjes së tyre”.

Berisha garantoi se, “ky pushtim me sulmin tuaj do shkrihet si bora para diellit të nxehtë dhe ne do shkojmë në zgjedhje të 11 majit të sigurtë në fitoren, të sigurtë se do pastrojmë shtëpinë tonë që Zoti të hyjë brenda në këtë shtëpi”.

“Shqipëria është ‘Toka e Zotit’ dhe nuk mund të dalë kurrë prej duarve të tij. Ndaj dhe, të vazhdojmë mosbindjen civile, të vazhdojmë betejën. Është radha jonë! Garantoj çdo të ri dhe të re se, qeveria e PD në programin e saj në epiqendër do kenë të rinjtë shqiptarë, shkollimin, punësimin, rolin e tyre” theksoi Berisha.

Pas fjalës së tij, të rinjtë marshuan drejt Kryeministrisë. Parulla kryesore e tyre ishte “Lindëm në demokraci, jetojmë në diktaturë”.

Rruga e tyre u shoqërua me thirrje të ndryshme si ato të studentëve të Dhjetorit ’90. “Liri demokraci” dhe “E duam Shqipërinë si gjithë Europa” ishin disa nga brohorimat e tyre.

Me mbërritjen para kryeministrisë ato u shndërruan me kërkesën kryesore të Partisë Demokratike gjatë mosbindjes civile të nisur kohët e fundit. Të rinjtë kërkuan qeveri teknike.

Marshimi i tyre u shoqërua edhe me disa manekinë ku ishin vendosur fotot e kryeministrit Edi Rama, por edhe disa prej ministrave dhe kryebashkiakut të Tiranës, Erion Veliaj.

Berisha kujton takimin e Azem Hajdarit me Alinë: “Nuk po protestojmë për një gotë çaj, po protestojmë për fatet e lirisë”

“Duke kuptuar se, beteja me studentët, ishte beteja më e vështirë për të, alarmoi diktatorin, i ftoi ata në mesnatë t’i presë në një sallë të universitetit”, kujtoi sot Berisha.

Azem Hajdari me një grup syresh u paraqitën në takim.

“Për cfarë po protestoni?” – i pyeti, Ramiz Alia.

“Nuk po protestojmë për një gotë çaj, z. President, – iu përgjigj Azem Hajdari. – Po protestojmë për fatet e lirisë.”

Më datën 9, ora 8 të mëngjesit, kujtoi Berisha, studentët iu bashkuan vendimit solemn për t’i pushtuar regjimit sheshin e pushtetit, sheshin qendror të Tiranës dhe u nisën drejt tij.

Ai tha se së bashku me shkrimtarin e njohur, Besnik Mustafaj dhe kinoastin, Kujtim Çashku, mësuan se ishin nisur drejt qytetit dhe u nisën drejt tyre. U gjetën përballë tyre në rrugën e Elbasanit, segmentin midis Liceut Artistik, dhe sot, rezidencës së ambasadorit italian. Ishin shumë afër, pak metra.

“Azem Hajdari, ngrihej mbi supet e tyre me thirrjet: poshtë dinastia, poshtë diktatura, liri demokraci!”, kujtoi Berisha.

Ndërkohë, ata djem dhe vajza ishin të rrethuar nga forca sambiste, polici, gardë, ushtri. Shumë e shumë herë më numerikë, sesa ishin ata.

/r.e/

The post Berisha marshim me të rinjtë e FRPD-së: Protestë për fatin e lirisë appeared first on Agjencia Telegrafike Shqiptare.

Forumi Rinor i Partisë Demokratike së bashku me kreun e kësaj force politike kanë mbajtur këtë të diel, me rastin e 8 Dhjetorit, Ditës së Rinisë, një aktivitet dhe homazhe pranë bustit të Azem Hajdarit, duke kujtuar Lëvizjen Studentore, e cila nisi si sot, 34 vite më parë, duke rrëzuar diktaturën dhe solli demokracinë. Të […]

The post 8 Dhjetori/ FRPD dhe Berisha marshojnë nga Qytet Studenti te Kryeministria: Jemi në diktaturë! appeared first on BoldNews.al.

Në Ditën Kombëtare të Rinisë, deputetja e Partisë Demokratike, Jorida Tabaku, ka shprehur shqetësimin e saj për situatën e vështirë në të cilën ndodhet rinia shqiptare.

Përmes një video-mesazhi të postuar në rrjetet e saj sociale, Tabaku ka ngritur zërin për largimin masiv të të rinjve nga Shqipëria dhe për mungesën e mundësive që ata hasin në vend.

“ Rinia sot është si Shqipëria sot: më e varfër, më e dëshpëruar dhe në ikje. Një e treta e të rinjve janë të papunë, 40% e forcës aktive janë larguar, universitetet po zbrazen dhe shkollat po mbyllen. Sot, rinia nuk po shihet më si promotori i ndryshimit të shoqërisë dhe ekonomisë, ” tha Tabaku.

Deputetja theksoi se rinia shqiptare ka një potencial të jashtëzakonshëm dhe se të rinjtë tanë kanë treguar sukses në fusha të ndryshme si biznesi, shkenca dhe mjekësia – por, për fat të keq, këto arritje po realizohen jashtë kufijve të Shqipërisë.

“ Dëshira jonë është që ata të kenë mundësi të arrijnë këtu, në Shqipëri, të përfshihen në vendimmarrje, sipërmarrje dhe në të gjitha fushat e jetës. Të rinjtë duhet të jenë forca që ndryshon këtë vend, ashtu siç ndodhi më 8 dhjetor 1990, kur rinia ndryshoi një sistem të tërë me forcën dhe energjinë e tyre”, shtoi Tabaku.

Ajo bëri thirrje për një përfshirje më të madhe të rinisë në proceset vendimmarrëse dhe zhvillimore, duke e konsideruar rininë si një forcë të pashtershme për të ardhmen e Shqipërisë.

“Duhet të kujtojmë çdo ditë që të rinjtë janë forca integrale e këtij vendi. Duhet t’u japim mundësi për t’i përfshirë në çdo proces, që ata të bëjnë ndryshimin dhe ta çojnë Shqipërinë përpara”, përfundoi deputetja.

 

MESAZHI I PLOTË

Rinia sot është si Shqipëria sot: më e varfër, në ikje, e zbrazur nga potenciali i saj më i çmuar. Sot, një e treta e të rinjve janë pa punë, dhe 40% e forcës aktive, kryesisht e përbërë nga të rinj, janë larguar nga vendi. Universitetet janë gjithnjë e më të zbrazura, klasat mbyllen dhe një mungesë e theksuar e shpresës reflektohet në gjendjen e rinisë shqiptare.

Rinia shqiptare ka një potencial të jashtëzakonshëm. Të rinjtë tanë shkëlqejnë në fusha të ndryshme si biznesi, akademia, mjekësia apo shkenca. Por, për fat të keq, suksesin e arrijnë jashtë kufijve të vendit. Shqipëria nuk po arrin t’i mbajë, t’i integrojë dhe t’i përfshijë në proceset vendimmarrëse dhe zhvillimore.

Para 34 vitesh, më 8 dhjetor 1990, të rinjtë ndryshuan sistemin me forcën, energjinë dhe potencialin e tyre të jashtëzakonshëm. Partia Demokratike, forca e parë opozitare, u ndërtua mbi mbështetjen e rinisë dhe e sheh atë ende sot si motor të ndryshimit të vendit. Në këtë Ditë të Rinisë, le të kujtojmë potencialin e pamatë që ka rinia jonë.

Fakti që sot rinia është duke u larguar, duhet të na nxisë të ndryshojmë situatën jo vetëm për brezin aktual, por edhe për brezat që vijnë. Është detyra jonë të krijojmë kushte që të rinjtë të qëndrojnë dhe të kontribuojnë këtu. Shqipëria ka një rini të jashtëzakonshme, një thesar të paçmuar që mund të bëjë ndryshime të mëdha.

Të rinjtë tanë ia dalin kudo, por qëllimi është që ata të shkëlqejnë këtu, në vendin tonë. Ne duhet t’u japim hapësirë në vendimmarrje, në sipërmarrje dhe në çdo fushë tjetër, duke i trajtuar si partnerë të vërtetë dhe jo si dekor politik. Rinia nuk është vetëm e ardhmja, por edhe e tashmja e vendit.

Në politikë, në ekonomi, në arsim dhe administratë publike, përfshirja e rinisë do të sillte ndryshime rrënjësore. Ne duhet të krijojmë politika që i mbështesin të rinjtë, qoftë përmes fondeve për startup-e, përfshirjes në këshilla lokale e kombëtare, apo mbështetjes së ideve të tyre.

Unë kam një thirrje për të gjithë të rinjtë shqiptarë: bëni diferencën! Ashtu siç keni ndryshuar sistemin 34 vite më parë, mund ta ndryshoni edhe situatën aktuale. Ju jeni shtysa e çdo procesi, duke nisur nga ai politik e deri te integrimi europian. Besoj plotësisht se rinia shqiptare është ndër më të veçantat dhe më të mirat, jo vetëm në rajon, por në të gjithë botën.

Por është detyra jonë t’ju japim mundësinë që ju takon – një mundësi për të ndërtuar një Shqipëri të re, më të drejtë dhe më të zhvilluar. Nuk duhet t’ju kujtojmë vetëm në Ditën e Rinisë, por çdo ditë, sepse ju jeni forca integrale e këtij vendi.

The post 8 dhjetori/ Jorida Tabaku: Rinia shqiptare është thesar i paçmuar, por sot po detyrohet të largohet nga Shqipëria appeared first on Albeu.com.

TIRANË, 8 dhjetor /ATSH/ Presidenti i Partisë së Lirisë, Ilir Meta uroi sot 8 Dhjetorin, Ditën Kombëtare të Rinisë.

Meta publikoi një video në rrjetet sociale, teksa shpreh “mirënjohje të veçantë ndaj Lidershipit Heroik të Azem Hajdarit, të gjithë djemve dhe vajzave, që 34 vite më parë, duke vrarë frikën i prinë me guxim, kurajë e patriotizëm Lëvizjes Studentore që e futi Shqipërinë në rrugën e Lirisë dhe të Demokracisë”.

“Unë besoj shumë në shpirtin energjik të të rinjve të Shqipërisë për të marrë në dorë fatet e tyre dhe të mbarë vendit, sot më shumë se kurrë, kur pluralizmi politik, liria dhe demokracia janë nën agresionin e një regjimi të dhunshëm”, thekson Meta në një postim në rrjetet sociale.

Meta nënvizon se, “kjo është rruga për të ndaluar shpopullimin dhe garantuar një Shqipëri që u përket të rinjve”.

Presidenti i Partisë së Lirisë, Ilir Meta ndodhet në burg, pasi u arrestua më 21 tetor, nën dyshimet për disa vepra penale, “korrupsion” në 3 raste, “pastrim parash” dhe “fshehje të pasurisë”.

/r.e/

The post 8 Dhjetori, Meta: Mirënjohje të veçantë ndaj lidershipit heroik të Azem Hajdarit appeared first on Agjencia Telegrafike Shqiptare.

TIRANË, 8 dhjetor /ATSH/ Sekretari i Përgjithshëm i Partisë së Lirisë, Tedi Blushi, së bashku me Sekretarin për Rininë, Lazerin Gjeçaj dhe drejtues të LRI-së, me rastin e 8 Dhjetorit, mbajtën homazhe në Qytetin Studenti tek busti i Azem Hajdarit.

Në fjalën e tij Blushi u shpreh se, “sot është dita për t’u përulur me mirënjohje ndaj lidershipit historik dhe frymëzues të Azem Hajdarit, ndaj brezit të të rinjve dhe të rejave që 34 vite më parë i prinë Lëvizjes Studentore që çoi në përmbysjen e regjimit diktatorial”.

“Është dita sot për të  vlerësuar studentët e Dhjetorit ’90”, një prej të cilëve ka qenë edhe presidenti i Partisë së Lirisë, z. Ilir Meta, i cili sot ndodhet në një masë ekstreme izolimi”, theksoi Blushi.

Nga Qyteti Studenti, Blushi i ftoi të gjithë të rinjtë dhe të rejat e Shqipërisë, “në veçanti ata të rinj që lindën në Demokraci, por që sot janë në Diktaturë, që t’i prijnë një misioni dhe angazhimi historik për të marrë në dorë fatet e tyre, fatet e Shqipërisë në mbrojtje të lirisë dhe të demokracisë, që sot janë të rrezikuara më shumë se kurrë nga një pakicë uzurpatore që ka shpopulluar vendin me mbi 1 milion shqiptarë, shumica e të cilëve janë të rinj dhe të reja”.

“Ndaj kësaj diktature, armike më të egër të rinisë, nevojitet një aksion i fuqishëm rinor për t’i shkurtuar ditët këtij regjimi”, u shpreh Blushi.

Presidenti i Partisë së Lirisë, Ilir Meta uroi sot 8 Dhjetorin, Ditën Kombëtare të Rinisë.

Meta publikoi një video në rrjetet sociale, teksa shpreh “mirënjohje të veçantë ndaj Lidershipit Heroik të Azem Hajdarit, të gjithë djemve dhe vajzave, që 34 vite më parë, duke vrarë frikën i prinë me guxim, kurajë e patriotizëm Lëvizjes Studentore që e futi Shqipërinë në rrugën e Lirisë dhe të Demokracisë”.

“Unë besoj shumë në shpirtin energjik të të rinjve të Shqipërisë për të marrë në dorë fatet e tyre dhe të mbarë vendit, sot më shumë se kurrë, kur pluralizmi politik, liria dhe demokracia janë nën agresionin e një regjimi të dhunshëm”, thekson Meta në një postim në rrjetet sociale.

Meta nënvizon se, “kjo është rruga për të ndaluar shpopullimin dhe garantuar një Shqipëri që u përket të rinjve”.

Presidenti i Partisë së Lirisë, Ilir Meta ndodhet në burg, pasi u arrestua më 21 tetor, nën dyshimet për disa vepra penale, “korrupsion” në 3 raste, “pastrim parash” dhe “fshehje të pasurisë”.

/r.e/

The post 8 Dhjetori, PL: Mirënjohje ndaj lidershipit historik të Azem Hajdarit appeared first on Agjencia Telegrafike Shqiptare.

TIRANË, 8 dhjetor /ATSH/ Kryetarja e Kuvendit, Elisa Spiropali dha sot një mesazh me rastin e 8 Dhjetorit, Ditës Kombëtare të Rinisë.

“8 Dhjetori, Dita Kombëtare e Rinisë, simbolizon pasionin e vajzave e djemve shqiptarë, si një faktor thelbësor ndryshimi, për ta kthyer Shqipërinë në familjen e saj natyrale”, u shpreh Spiropali.

“Ajo thirrje e brendshme që buçiste së jashtmi, “E duam Shqipërinë si e gjithë Europa!”, ishte më e fortë se çdo parrullë, kongres, antimiting, ishte, mbi të gjitha, esenca e vet historisë shqiptare në kontradiktën e të qenurit një nga bërthamat e vjetra të kontinentit, dhe njëkohësisht e ndarë përdhunshëm nga kjo përkatësi prej pushtimit osman dhe komunizmit totalitar”, theksoi Kryeparlamentarja.

Sot, vijoi Spiropali, “ecim më shpejt dhe jemi më pranë se kurrë Shqipërisë së ëndërrimtarëve dhe luftëtarëve të dhjetorit, në një proces intensiv negociatash, me objektivin e qartë Shqipëria në BE brenda vitit 2030”.

“Ecim drejt kësaj ëndrre, tashmë një realitet i prekshëm, duke lënë pas fantazmat e komunizmit dhe shëmbëlltyrat e këqija të tyre, idhujt e rremë të tranzicionit, bartësit e gjuhës së urrejtjes dhe përçarjes, minuesit e bashkëjetesës, të bashkuar në aspiratën tonë madhore!”, përfundoi mesazhin e saj Kryetarja e Kuvendit, Elisa Spiropali.

/r.e/

The post 8 Dhjetori, Spiropali: Lëmë pas fantazmat e komunizmit dhe minuesit e bashkëjetesës appeared first on Agjencia Telegrafike Shqiptare.

TIRANË, 8 dhjetor /ATSH/ Kryetari i Partisë Demokratike-Demokratët Euroatlantikë, Lulzim Basha përkujtoi sot 8 Dhjetorin, Ditën e Rinisë dhe Lirisë, duke vlerësuar guximin dhe vizionin e studentëve të Dhjetorit ’90.

Në një postim në Facebook, Basha thekson se, kjo ditë shërben si një kujtesë për sakrificën ndaj diktaturës dhe si një thirrje për ndërtimin e një të ardhmeje më të mirë.

Basha u bën thirrje të rinjve shqiptarë që të ndjekin shembullin e studentëve të Dhjetorit dhe të punojnë për një Shqipëri ku talenti, merita dhe mundësitë reale janë prioritet. Ai theksoi rëndësinë e ruajtjes së lirisë dhe demokracisë si trashëgimi e çmuar, duke apeluar për përkushtim të vazhdueshëm për një epokë të re shprese, zhvillimi dhe drejtësie.

“Është një moment reflektimi mbi idealet e tradhtuara të atij Dhjetori nga ata që e mbajtën peng Shqipërinë duke përvetësuar dhe vonuar ëndrrën e Shqipërisë si Evropa”, shkruan Basha në postimin e tij.

/r.e/

The post 8 Dhjetori: Basha: Moment reflektimi mbi idealet e tradhtuara nga ata që e mbajtën peng Shqipërinë appeared first on Agjencia Telegrafike Shqiptare.

Kryetari i Partisë Demokratike-Demokratët Euroatlantikë, Lulzim Basha, ka përkujtuar sot 8 Dhjetorin, Ditën e Rinisë dhe Lirisë, duke vlerësuar guximin dhe vizionin e studentëve të Dhjetorit ’90. Në një postim në Facebook, Basha thekson se kjo ditë shërben si një kujtesë për sakrificën ndaj diktaturës dhe si një thirrje për ndërtimin e një të ardhmeje më të mirë.

Basha u bën thirrje të rinjve shqiptarë që të ndjekin shembullin e studentëve të Dhjetorit dhe të punojnë për një Shqipëri ku talenti, merita dhe mundësitë reale janë prioritet. Ai theksoi rëndësinë e ruajtjes së lirisë dhe demokracisë si trashëgimi e çmuar, duke apeluar për përkushtim të vazhdueshëm për një epokë të re shprese, zhvillimi dhe drejtësie.

“Është një moment reflektimi mbi idealet e tradhtuara të atij Dhjetori nga ata që e mbajtën peng Shqipërinë duke përvetësuar dhe vonuar ëndrrën e Shqipërisë si Europa” – shkruan Basha në postimin e tij.

Postimi i Bashës:

Këtë 8 Dhjetor, përulemi me respekt para guximit dhe vizionit të studentëve të Dhjetorit ’90, të cilët ndezën flakën e lirisë dhe demokracisë në zemrat e shqiptarëve. Ata u ngritën kundër një diktature të pamëshirshme dhe i dhanë fund një epoke të errët, duke hapur dyert një kapitulli të ri për Shqipërinë.

Kjo ditë është jo vetëm kujtesë për të kaluarën, por edhe një thirrje për të ardhmen. Është një moment reflektimi mbi idealet e tradhëtuara të atij Dhjetori nga ata që e mbajtën peng Shqipërinë duke përvetësuar dhe vonuar ëndrrën e Shqipërisë si Europa, por edhe një moment vetëdijësimi për të mësuar nga gabimet e të shkuarës, e për t’i lënë pas ato. Për të ndërtuar një Shqipëri ku çdo i ri të ketë mundësi reale për të realizuar ëndrrat e tij, për të ndërtuar familjen e tij, për të punuar sipas talentit dhe meritës dhe për të fituar një pagë të dinjitetshme, pa qenë i detyruar të largohet nga vendi i tij, nga të afërmit, miqtë dhe të dashurit e zemrës.

Në këtë 8 Dhjetor, dua t’i ftoj të gjithë të rinjtë e Shqipërisë të marrin shembull nga ata studentë të guximshëm, të besojnë te fuqia e tyre dhe të mos pranojnë asnjëherë më pak se ajo që meritojnë. Shqipëria jonë ka nevojë për energjinë, talentin dhe idealizmin tuaj, për t’i hapur dyer një tjetër kapitulli të historisë sonë, për një epokë të re shprese, zhvillimi, meritokracie dhe drejtësie.

Bashkë, me vendosmëri dhe besim, ne mund të ndërtojmë një të ardhme më të mirë për çdo shqiptar. Në këtë ditë të shënuar, të ndalemi dhe të kujtojmë se liria dhe demokracia janë trashëgimia jonë e çmuar, por ato kërkojnë përkushtim të vazhdueshëm për t’u mbrojtur dhe forcuar.

Gëzuar Ditën e Rinisë dhe Lirisë!

The post Studentët e ’90-s, Basha për 8 Dhjetorin: Është koha për të reflektuar mbi ata që vonuan ëndrrën e Shqipërisë si Europa appeared first on Sot News | Lajme.

Presidenti i Partisë së Lirisë, Ilir Meta ka dhënë një mesazh nga burgu lidhur ne 8 Dhjetorin, Ditë Kombëtare të Rinisë. Meta shprehet besimplotë se të rinjtë do të marrin në dorë fatet e tyre dhe të vendit. Në mesazhin e shpërndarë në rrjetet sociale, Meta thotë se pluralizmi politik, liria dhe demokracia janë nën agresionin e një regjimi të dhunshëm.

“Gëzuar 8 Dhjetorin, Ditën Kombëtare të Rinisë! Mirënjohje të veçantë ndaj Lidershipit Heroik të Azem Hajdarit, të gjithë djemve dhe vajzave, që 34 vite më parë, duke vrarë frikën i prinë me guxim, kurajë e patriotizëm Lëvizjes Studentore që e futi Shqipërinë në rrugën e Lirisë dhe të Demokracisë.

Unë besoj shumë në shpirtin energjik të të rinjve të Shqipërisë për të marrë në dorë fatet e tyre dhe të mbarë vendit, sot më shumë se kurrë, kur pluralizmi politik, liria dhe demokracia janë nën agresionin e një regjimi të dhunshëm. Kjo është rruga për të ndaluar shpopullimin dhe garantuar një Shqipëri që u përket të rinjve”, thuhet në mesazhin e Metës.

The post Dita e Rinisë, Meta nga qelia: Demokracia dhe pluralizmi politik po vuajnë agresionin e pushtetit appeared first on Sot News | Lajme.

Këtë të diel shënohet Dita Kombëtare e Rinisë. Prej vitit 2009, me vendim të marrë nga Kuvendi i Shqipërisë, kjo datë përkujtohet si festë kombëtare në nderim të të gjithë studentëve të dhjetorit 1990 dhe gjithë rinisë shqiptare.

Më 8 dhjetor 1990, një grup studentësh e pedagogësh të Universiteteve të Tiranës, u bënë iniciatorë e protagonistë të kthesës së madhe historike, protestave paqësore që sollën rënien e sistemit komunist dhe lindjen e demokracisë.

Me shprehjen “E duam Shqipërinë si gjithë Europa”, të rinjtë kërkuan ngritjen e sistemit të vlerave perëndimore dhe të shtetit të së drejtës; integrimin në Europë dhe garantimin e pluralizmit politik si bazë kryesore për një shoqëri të lirë e demokratike.

Rezistenca e tyre i dha fund epokës të gjatë të vetëizolimit duke i hapur kështu rrugën e ekonomisë së tregut dhe shoqërisë së hapur.

Lëvizja Studentore e vitit 1990 është e vetmja Lëvizje paqësore që ndryshoi historinë e Shqipërisë.

LEXONI GJITHASHTU:

• Nesër 8 Dhjetori, të rinjtë e PD paralajmërojnë marshim-protestë
• Berisha me drejtuesit e qarqeve: Së shpejti nisin takimet me diasporën

The post 8 Dhjetori, Dita Kombëtare e Rinisë appeared first on Euronews Albania.

TIRANË, 8 dhjetor  /ATSH/ Sot, në Ditën Kombëtare të Rinisë, Presidenti i Republikës, Bajram Begaj, përkujtoi lëvizjen studentore antikomuniste të dhjetorit ’90, që shënoi fillimin e vendosjes së pluralizmit në Shqipëri.

Në një mesazh të posaçëm, Presidenti Begaj nderon të gjithë të rinjtë që 34 vjet më parë u ngritën kundër regjimit diktatorial dhe frymëzuan lëvizjen popullore, e cila çoi në rrëzimin e komunizmit.

Presidenti Begaj vlerëson guximin e atij brezi studentësh me vizion Perëndimor, që kërkonin liri e demokraci, ndërsa shprehet se “sot festojmë shpirtin rinor të brezave që do ta çojnë gjithnjë përpara Shqipërinë”.

“Sot,  shkruan Presidenti i Republikës,  të gjithë frymëzohemi nga akti qytetar dhe politik i dhjetorit ‘90 për të bërë realitet aspiratën e shprehur në thirrjen epike: “E duam Shqipërinë si gjithë Evropa!”

“34 vjet më parë, studentët progresistë shqiptarë ndryshuan rrjedhën e historisë së Shqipërisë.   Lëvizja popullore, që rrëzoi diktaturën dhe çoi në lindjen e pluralizmit, nisi dhe u frymëzua nga studentët. Lëvizja e Dhjetorit ‘90 ishte ndezja e flakës së një populli në kërkim të lirisë, demokracisë dhe vlerave perëndimore”, thuhet në mesazhin e Presidentit të Republikës, Bajram Begaj.

“Më 8 Dhjetor, Ditën Kombëtare të Rinisë, ne nderojmë lëvizjen e brezit të studentëve që rrëzuan diktaturën dhe festojmë shpirtin rinor të brezave që do ta çojnë gjithnjë përpara Shqipërinë”l, shkruan Begaj.

“Sot, të gjithë frymëzohemi nga akti qytetar dhe politik i dhjetorit ‘90 për të bërë realitet aspiratën e shprehur në thirrjen epike: “E duam Shqipërinë si gjithë Evropa! Nder përjetë!”, përfundon mesazhi i  Presidentit të Republikës, Bajram Begaj.

The post 8 dhjetori, Begaj: Studentēt ndryshuan rrjedhën e historisë së Shqipërisë appeared first on Agjencia Telegrafike Shqiptare.

TIRANË, 8 dhjetor  /ATSH/ Ambasada e Shteteve të Bashkaura të Amerikës në Tiranë dha sot me rastin e 8 dhjetorit,  Ditës Kombëtare të Rinisë.

“Sot, Shqipëria feston Ditën Kombëtare të Rinisë, duke shënuar 34 vjet që kur studentët dhe të rinjtë shqiptarë u ngritën kundër një prej regjimeve më të ashpra komuniste të Evropës, duke shënuar rënien e tij dhe duke formësuar të ardhmen e kombit”, thekson ambasada amerikane.

Ambasada nënvizon se, më 8 dhjetor kujtojmë ata që luftuan për demokraci.

“Rinia e sotme vazhdon të formësojë të ardhmen e Shqipërisë dhe Shtetet e Bashkuara qëndrojnë me ju ndërsa ecni përpara në rrugën tuaj drejt anëtarësimit në BE”, thuhet më tej në mesazhin e ambasadës së SHBA.

Sot shënohet 8 Dhjetori, Dita Kombëtare e Rinisë.

E shpallur prej vitit 2009 nga Kuvendi i Shqipërisë, kjo datë përkujtohet si festë kombëtare në nderim të të gjithë studentëve të dhjetorit 1990 dhe gjithë rinisë shqiptare.

Më 8 dhjetor 1990, një grup studentësh e pedagogësh të Universiteteve të Tiranës, u bënë iniciatorë e protagonistë të kthesës së madhe historike, protestave paqësore që sollën rënien e sistemit komunist dhe lindjen e demokracisë.

 

The post Ambasada e SHBA: Më 8 dhjetor kujtojmë ata që luftuan për demokraci appeared first on Agjencia Telegrafike Shqiptare.