Ministrat e Mbrojtjes dhe të Jashtëm të BE takohen në Kopenhagen. Çfarë është e gatshme të ofrojë Evropa për të mbrojtur Ukrainën? Këto javë janë periudhë ulje-ngritjesh për evropianët.  Njëherë ata lihen mënjanë dhe as nuk merren në konsideratë, kur Presidenti i SHBA-së, Donald Trump negocion me kreun e Kremlinit, Vladimir Putin. Pastaj befas ata […]

The post Çfarë është e gatshme të ofrojë Evropa për të mbrojtur Ukrainën? appeared first on BoldNews.al.

KOPENHAGË, 29 gusht /ATSH-DPA/  – Shefja e diplomacisë së BE-së, Kaja Kallas, dënoi ashpër një valë sulmesh të rënda ajrore mbi Kievin, ku humbën jetën mbi një duzinë njerëzish, mes tyre edhe fëmijë, dhe bëri thirrje për sanksione të reja ndaj Moskës.

“Këto sulme tregojnë se Putini po tallet me çdo lloj përpjekjeje që bëhet për paqe”, tha Kallas, teksa mbërriti në një takim dyditor të ministrave të mbrojtjes dhe punëve të jashtme të BE-së në Kopenhagë.

“Ajo që duhet të bëjmë është të rrisim presionin ndaj Rusisë,” shtoi ajo, duke theksuar se sanksionet e reja mbi eksportet e energjisë dhe shërbimet financiare ruse “do t’i dëmtojnë më shumë”.

Përveç masave ndëshkuese ndaj Rusisë, Kallas u bëri thirrje vendeve të BE-së të vazhdojnë furnizimin e Kievit me armë.

“Ukrainës i nevojitet tani e gjithë mbështetja ushtarake”, tha ajo.

Ministrat e mbledhur në kryeqytetin danez do të diskutojnë gjithashtu garancitë e sigurisë për Ukrainën pas përfundimit të luftës.

Sipas Kallas, BE-ja mund të mbështesë Kievin duke vazhduar trajnimin e ushtrisë ukrainase dhe duke forcuar industrinë e mbrojtjes së vendit, përveç angazhimeve të vendeve anëtare individuale.

Megjithatë, ajo pranoi se dita pas luftës “nuk është afër, nëse shohim çfarë po bën Putini”. /Ad.Ab./

The post KOPENHAGË – Kallas: Putini po tallet me përpjekjet për paqe në Ukrainë appeared first on Agjencia Telegrafike Shqiptare.

Diplomatja më e lartë e Bashkimit Evropian ka paralajmëruar kundër presionit ndaj Ukrainës për t’i lëshuar territoret Rusisë, si pjesë e një marrëveshjeje të ardhshme paqeje.

Ne nje interviste per BBC, Kaja Kallas  tha se kerkesa per te lejuar Rusinë të mbajë territoret ukrainase ishte një “kurth i Putin “.Ukraina ka refuzuar vazhdimisht t’ia lëshojë Donbasin Kremlinit në këmbim të paqes, megjithëse Trump theksoi nevojën për “shkëmbim territoresh”.

Kallas , qe ndodhet në “listën e të kërkuarve” nga Kremlini, foli gjithashtu gjatë për garancitë “e besueshme dhe të forta” të sigurisë për Ukrainën.

Ajo pranoi se nuk kishte shumë “hapa konkretë” për një forcë penguese në këtë fazë të negociatave.

“Garancia më e fortë e sigurisë është një ushtri e fortë ukrainase”, tha ajo, duke nënvizuar rëndësinë e vendosjes së garancive që “nuk janë vetëm në letër”.

Kallas tha se u takon shteteve anëtare të “koalicionit të të vullnetshëmve” të përcaktojnë saktësisht se çfarë mund të kontribuojnë dhe se ende nuk ishte e qartë se në çfarë kapaciteti do të vepronin këto forca.

Kremlini i nënvlerëson bisedimet me Zelenskyn, ndërsa Trump paralajmëron se Putini mund të mos dëshirojë të bëjë marrëveshje.

Kallas tha se në samitin e Alaskës Putini mori “gjithçka që donte” dhe kjo do ta bente me te interesuar  për të negociuar një marrëveshje paqeje.

“Ai u prit shumë mirë dhe donte që të mos vendoseshin sanksione, gjë që edhe e arriti. “Putini thjesht po qesh, jo duke i ndaluar vrasjet, por duke i shtuar ato”, tha Kallas. “Po harrojmë se Rusia nuk ka bërë asnjë lëshim të vetëm.”

Ajo shtoi se BE kishte përgatitur paketën e 19-të të sanksioneve për të ushtruar presion mbi udhëheqësin rus për diskutime të mëtejshme.

Shefja e politikës së jashtme të Bashkimit Evropian, Kaja Kallas tha se Brukseli do të vazhdojë të rrisë presionin ndaj Rusisë, duke synuar financimin dhe strukturat që mbështesin luftën në Ukrainë.

Kallas deklaroi se BE po përgatit një tjetër paketë të re të sanksioneve kundër Rusisë. Deklarata e Kallas erdhi pas një videokonference të Këshillit Evropian mbi luftën në Ukrainë. Takimi u zhvillua vetëm një ditë pas takimit të jashtëzakonshëm të presidentit ukrainas dhe udhëheqësve evropianë me Presidentin e SHBA-së Donald Trump në Uashington.

Sipas saj, “uniteti midis udhëheqësve evropianë në video-konferencë ishte i dukshëm”, ndërsa theksoi se i ka vendosur çështjet që lidhen me sigurinë e Ukrainës dhe sanksionet kundër Rusisë si përparësi kryesore përpara javës së ardhshme, kur do të takohen ministrat e jashtëm dhe të mbrojtjes të BE-së.

Gjithashtu shtoi se garancitë e sigurisë duhet të jenë të forta dhe të besueshme, në mënyrë që të parandalohet rigrupimi dhe sulmi i Rusisë përsëri.

Shefja e politikës së jashtme të Bashkimit Evropian, Kaia Kalas, deklaroi të martën se BE-ja do të vazhdojë të godasë ekonominë e luftës së Rusisë dhe se paketa e radhës e sanksioneve kundër Moskës pritet të jetë gati muajin e ardhshëm.

Gjatë një video-konference me Këshillin Evropian, Kalas theksoi se “uniteti mes liderëve të BE-së ishte i dukshëm” dhe se ajo ka vendosur sigurinë e Ukrainës dhe sanksionet ndaj Rusisë në krye të axhendës për takimin e ardhshëm të ministrave të jashtëm dhe të mbrojtjes së BE-së, javën që vjen.

“Nuk mund t’i besojmë presidentit rus për asnjë premtim apo angazhim,” shkroi Kalas në një postim në rrjetet sociale. “Prandaj, garancitë e sigurisë duhet të jenë të forta dhe të besueshme, për të parandaluar që Rusia të rimblidhet dhe të sulmojë sërish.”

The post Kaja Kallas: BE ka gati paketën e re të sanksioneve ndaj Rusisë! Nuk mund t’i besojmë Putinit appeared first on Albeu.com.

BRUKSEL, 16 gusht, /ATSH-ANSA/ – Vendosmëria e Trump për një marrëveshje paqeje “është thelbësore. Realiteti i hidhur është se Rusia nuk ka ndërmend ta përfundojë këtë luftë së shpejti, deklaroi përfaqësuesja e Lartë e BE-së Kaja Kallas në një deklaratë.

”Ndërsa delegacionet po takoheshin, Rusia nisi sulme të reja kundër Ukrainës. Putini vazhdon t’i zvarrisë negociatat dhe shpreson t’ia dalë mbanë. Ai u largua nga Anchorage pa u zotuar t’i japë fund masakrave”, theksoi Kallas.

”SHBA-të kanë fuqinë ta detyrojnë Rusinë të negociojë seriozisht. Moska nuk do ta përfundojë luftën derisa të kuptojë se nuk mund të vazhdojë”, theksoi Kallas. /os/

The post BRUKSEL – Kallas: Moska do ta përfundojë luftën kur nuk mund ta vazhdojë më atë appeared first on Agjencia Telegrafike Shqiptare.

Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas tha sot se çdo marrëveshje midis Uashingtonit dhe Moskës për t’i dhënë fund luftës në Ukrainë duhet të përfshijë Ukrainën dhe Bashkimin Evropian.

Kallas gjithashtu theksoi se ajo do të thërrasë një takim të ministrave të jashtëm evropianë të hënën për të diskutuar hapat e mëtejshëm.

“SHBA-të kanë fuqinë ta detyrojnë Rusinë të negociojë seriozisht. Çdo marrëveshje midis SHBA-së dhe Rusisë duhet të përfshijë Ukrainën dhe BE-në, pasi është një çështje për sigurinë e Ukrainës, por edhe për sigurinë e të gjithë Evropës”, tha Kalas në komentet e dërguara me email.

The post Kaja Kallas: Çdo marrëveshje midis SHBA-së dhe Rusisë duhet të përfshijë Ukrainën dhe BE-në appeared first on Albeu.com.

Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas, deklaroi se SHBA ka fuqinë për të detyruar Rusinë të ulet seriozisht në tryezën e bisedimev, lidhur me një armëpushim në Ukrainë.

Në një deklaratë për mediat, Kallas u shpreh çdo marrëveshje mes Shteteve të Bashkuara dhe Rusisë për përfundimin e luftës në Ukrainë duhet të përfshijë detyrimisht edhe Ukrainën dhe Bashkimin Evropian, shkruan Sky News.

“SHBA-të kanë fuqinë ta detyrojnë Rusinë të negociojë seriozisht. Çdo marrëveshje midis SHBA-së dhe Rusisë duhet të përfshijë Ukrainën dhe BE-në, sepse është çështje e sigurisë së Ukrainës dhe të gjithë Evropës”, tha Kallas përmes një deklarate dërguar me email.

Kallas shtoi se të gjitha territoret e pushtuara përkohësisht i përkasin Ukrainës.

“Një marrëveshje nuk duhet të shërbejë si trampolinë për agresion të mëtejshëm rus kundër Ukrainës, aleancës transatlantike dhe Evropës”, shtoi ajo./abcnews.al

Komisioni Evropian ka propozuar pezullimin e qasjes së Izraelit në fondet e Bashkimit Evropian për start-up në fushën e teknologjisë, teksa presioni rritet për shkak të situatës së rënduar humanitare në Gazë.

Kjo lëvizje nga Brukseli vjen në kohën kur disa shtete të BE-së po kërkojnë hapa konkretë kundër Izraelit në dritë të rritjes së frikës për uri të thelluar në territorin palestinez të shkatërruar nga lufta.

“Edhe pse Izraeli ka njoftuar një pauzë të përditshme humanitare të luftimeve në Gaza… situata mbetet e rëndë”, tha Komisioni Evropian në një deklaratë.

Propozimi për të pezulluar pjesërisht përfshirjen e Izraelit në programin gjigant të kërkimeve Horizon do të diskutohet nga 27 vendet anëtare të BE-së të martën.

Një pezullim i tillë kërkon miratimin e shumicës së shteteve anëtare në mënyrë që të hyjë në fuqi.

BE-ja ka hasur vështirësi në marrjen e masave lidhur me konfliktin në Gaza, pasi është e ndarë mes përkrahësve të Izraelit dhe atyre që kanë qëndrim më të favorshëm ndaj palestinezëve.

Shefja e diplomacisë së BE-së, Kaja Kallas, këtë muaj paraqiti një sërë opsionesh për të ndëshkuar Izraelin, pasi ky i fundit u gjet fajtor për shkelje të marrëveshjes së bashkëpunimit me BE-në mbi baza të të drejtave të njeriut.

Brukseli po ashtu tha se kishte arritur një marrëveshje me Izraelin për të rritur qasjen e ndihmave humanitare në Gaza.

Teksa BE-ja thotë se Izraeli ka ndërmarrë disa hapa për të zbatuar premtimet për rritjen e ndihmës humanitare, ende mbetet shumë për të bërë.

Pezullimi i pjesshëm i qasjes në programin Horizon është një nga masat më të kufizuara që Brukseli mund të ndërmarrë.

Por diplomatët dhe zyrtarët theksojnë se kjo lëvizje është një hap i parë për t’i sinjalizuar Izraelit se blloku është i gatshëm të ndërmarrë masa, nëse situata në Gazë nuk përmirësohet.

Brukseli tha se propozimi do të nënkuptonte ndalimin e qasjes në financim për “start-up”-et izraelite që veprojnë në fusha si teknologjia e dronëve, siguria kibernetike dhe inteligjenca artificiale.

Në vitin 2024, Izraeli ishte ndër tre vendet kryesore me numrin më të madh të kompanive që garonin për fonde, krahas Gjermanisë dhe Francës.

Me mbi 2 milionë banorë të Gazës që përballen me uri dhe kequshqyerje, Izraeli iu nënshtrua presionit ndërkombëtar gjatë fundjavës dhe njoftoi një “pauzë taktike” ditore në luftime në disa zona.

Të hënën, kamionë me ushqim arritën te banorët e uritur të Gazës pasi Izraeli premtoi të hapë korridore të sigurta për ndihma, por agjencitë humanitare paralajmëruan se nevojiten sasi shumë më të mëdha për të shmangur urinë masive./REL/

Rusia po përdor gjithnjë e më shumë armë kimike në Ukrainë në një përpjekje për të nënshtruar vendin, duke shkaktuar sa më shumë dhimbje dhe vuajtje të jetë e mundur, tha të martën diplomatja më e lartë e Evropës, Kaja Kallas.

Duke folur me gazetarët pas një takimi të ministrave të Punëve të Jashtme në Bruksel, politikania estoneze citoi raportet e inteligjencës gjermane dhe holandeze që tregojnë se Moska ka përdorur armë kimike të paktën 9,000 herë që nga fillimi i pushtimit të plotë të Ukrainës – dhe tani po rrit përdorimin e tyre, transmeton Telegrafi.

“Ndërsa shërbimet e inteligjencës po thonë se kjo po intensifikohet, mendoj se është [përdorimi i armëve kimike nga Rusia] shqetësuese”, tha Kallas.

“Kjo tregon se Rusia dëshiron të shkaktojë sa më shumë dhimbje dhe vuajtje në mënyrë që Ukraina të dorëzohet. Dhe, e dini, është vërtet e padurueshme”, shtoi ajo.

Shumica e vendeve në botë, përfshirë Rusinë, kanë nënshkruar një konventë ndërkombëtare të vitit 1993 që ndalon përdorimin, prodhimin, zhvillimin ose grumbullimin e armëve kimike.

Rusia është një nga 65 vendet që jo vetëm që kanë nënshkruar Konventën e Armëve Kimike, por edhe e kanë ratifikuar atë.

Komentet e Kallas shtojnë një ndjenjë alarmi në rritje në kryeqytetet e BE-së se Rusia po përshkallëzon fushatën e saj për të nënshtruar Ukrainën, duke lëshuar sulme gjithnjë e më të mëdha çdo natë me raketa.

Sulmi në përkeqësim, i cili përkon me një ofensivë të vazhdueshme verore nga Rusia, e shtyu presidentin e SHBA-së, Donald Trump të njoftojë të hënën se do të mbështeste një projektligj që penalizon Moskën nëpërmjet tarifave të fuqishme mbi eksportet ruse.

Megjithatë, fakti që Trump ka thënë se do të miratojë sanksionet dytësore kundër Rusisë vetëm pas 50 ditësh nëse presidenti rus Vladimir Putin nuk e ndal sulmin e tij me vullnetin e tij, ka çuar në zhgënjim në Evropë dhe Ukrainë.

Njoftimi i Trump se do të lejojë NATO-n të blejë armë amerikane për Ukrainën, po i shqetëson gjithashtu zyrtarët evropianë.

E pyetur për këtë veprim, Kallas tha se ajo mirëpriti mundësinë e dërgimit të më shumë armëve në Ukrainë, por shtoi se Evropa “do të donte të shihte SHBA-në të ndante barrën”.

Megjithatë, Trump ka thënë se SHBA-të nuk do të vazhdojnë të financojnë mbrojtjen e Ukrainës.

“Ne nuk do ta blejmë, por do ta prodhojmë dhe ata do të paguajnë për të”, tha Trump, duke iu referuar aleatëve “shumë të pasur” evropianë.

“Nëse ne paguajmë për këto armë, kjo është mbështetja jonë, është mbështetje evropiane”, shtoi Kallas. /Telegrafi/

The post Rusia rrit përdorimin e armëve kimike kundër Ukrainës, thotë Kallas appeared first on Telegrafi.

BRUKSEL, 15 korrik /ATSH/- Bashkimi Evropian po kërkon përditësime nga Izraeli mbi zbatimin e një marrëveshjeje të re për të ofruar ndihmë humanitare në Gazë, tha sot diplomatja më e lartë e bllokut, Kaja Kallas, sipas AP.

Ministrat e Jashtëm të 27 vendeve anëtare të BE-së u takuan në Bruksel pas një marrëveshjeje të re për ndihmën në Gazë, e cila u arrit kryesisht nga shefja e politikës së jashtme të BE-së, Kallas, dhe ministri i Jashtëm Izraelit, Gideon Saar.

Saar u takua dje me udhëheqësit e BE-së, pasi ranë dakord javën e kaluar për të lejuar ushqimin dhe karburantin e nevojshëm në enklavën bregdetare prej 2,3 milionë banorësh, të cilët kanë duruar më shumë se 21 muaj luftë.

“Ne kemi arritur një mirëkuptim të përbashkët me Izraelin për të përmirësuar vërtet situatën në terren dhe nuk ka të bëjë me dokumentin, por me zbatimin e këtij dokumenti”, tha Kallas para takimit të Këshillit të Punëve të Jashtme.

“Për sa kohë që nuk është përmirësuar situata humanitare, atëherë nuk kemi bërë mjaftueshëm,” tha ajo, përpara se të bënte thirrje për armëpushim.

Detajet e marrëveshjes mbeten të paqarta, por zyrtarët e BE-së kanë hedhur poshtë çdo bashkëpunim me Fondin Humanitar të Gazës – të mbështetur nga Izraeli për shkak të shqetësimeve etike dhe të sigurisë.

Hapja e më shumë kalimeve kufitare dhe lejimi i më shumë kamionëve me ndihma në Gazë është përparësi, por zyrtarët thonë se do të donin të ngrinin një stacion monitorimi në kalimin Kerem Shalom.

Kallas tha se ministrat do të diskutojnë gjithashtu programin bërthamor të Iranit, shqetësimet mbi zhvillimet në Gjeorgji dhe Moldavi, si dhe sanksionet e reja ndaj Rusisë.

Vendet evropiane si Irlanda, Holanda dhe Spanja kanë bërë thirrje gjithnjë e më shumë që lidhjet e BE-së me Izraelin të rivlerësohen pas luftës në Gazë.

Një raport nga Komisioni Evropian gjeti “indikacione” se veprimet e Izraelit në Gazë po shkelin detyrimet e të drejtave të njeriut në marrëveshjen që rregullon lidhjet e tij me BE-në – por blloku është i ndarë në lidhje me masat që duhet të marrë kundër Tel Avivit.

Lufta në Gaza filloi pasi militantët e udhëhequr nga Hamasi sulmuan Izraelin jugor më 7 tetor 2023, duke vrarë rreth 1200 njerëz dhe duke marrë peng 251 të tjerë, shumica e të cilëve janë liruar në armëpushimet e mëparshme.

“Izraeli u përgjigj me një ofensivë që ka vrarë më shumë se 58 000 palestinezë, më shumë se gjysma e tyre gra dhe fëmijë”, sipas Ministrisë së Shëndetësisë së Gazës. //a.i/

The post BRUKSEL – BE kërkon më shumë informacion nga Izraeli mbi zbatimin e marrëveshjes së ndihmës për Gazën appeared first on Agjencia Telegrafike Shqiptare.

BRUKSEL, 15 korrik  /ATSH-DPA/ – Përfaqesuesja e lartë e politikës së Jashtme  të Bashkimit Evropian, Kaja Kallas, tha se shpreson që blloku të mund të vendosë shumë shpejt për një paketë të re sanksionesh ndaj Rusisë.

“Jemi shumë, shumë afër”, tha ajo, duke shtuar se pret një vendim “sot ose nesër”.

Ministrat e Jashtëm të BE-së takohen sot në Bruksel për sanksione te reja ndaj Rusisë dhe luftën në Ukrainë si  tema kryesore të agjendës në bisedime

Grupi i propozuar i masave ndëshkuese synon sektorët financiarë dhe të energjisë të Rusisë në përgjigje të refuzimit të presidentit Vladimir Putin për të rënë dakord për një armëpushim pa kushte në Ukrainë, por jo të gjithë 27 anëtarët e BE-së deri më tani e kanë miratuar paketën.

Kallas tha se e mirëpriti njoftimin e SHBA-së se po dërgon armë mbrojtëse në Ukrainë, duke shtuar se shpreson “se ata do të marrin të gjitha që ju janë premtuar”./  /Ad.Ab./

The post BRUKSEL – Kallas: BE-ja shumë, shumë pranë vendosjes së më shumë sanksioneve ndaj Rusisë appeared first on Agjencia Telegrafike Shqiptare.

BRUKSEL, 14 korrik /ATSH-ANSA/- Ka pasur disa sinjale se më shumë kamionë dhe furnizime po mbërrijnë në Gazë, por Bashkimi Evropian nuk sheh përmirësim të mjaftueshëm në terren, tha sot shefja e politikës së jashtme të BE-së, Kaja Kallas, përpara një takimi me zyrtarë të lartë të Lindjes së Mesme dhe BE-së, në Bruksel.

“Situata në terren, në Gazë është serioze. Është një gjë të nënshkruash marrëveshje në letër dhe një tjetër t’i zbatosh ato”, tha Kallas.

BE-ja arriti një marrëveshje me Izraelin javën e kaluar për të përmirësuar situatën humanitare në Rripin e Gazës, duke përfshirë rritjen numrit të kamionëve me ndihma dhe hapjen e pikave të kalimit dhe rrugëve të caktuara të ndihmës.

“Më kërkuan të hartoja një listë me sanksione, tani u takon 27 vendeve të vendosin se çfarë duhet të bëjnë”, tha Kallas duke iu referuar masave te mundshme kundër Izraelit për shkelje të të drejtave të njeriut.

Në qershor të vitit 2025, Spanja, Irlanda dhe Sllovenia kërkuan pezullimin e Marrëveshjes së Asociimit BE-Izrael.

Suedia gjithashtu i ka kërkuar Këshillit Evropian të miratojë sanksione kundër ministrave izraelitë që promovojnë aktivitete të paligjshme të vendbanimeve dhe punojnë në mënyrë aktive kundër një zgjidhjeje të negociuar me dy shtete.

Në përputhje me rrethanat, përfaqësuesja e Lartë e BE-së për Punët e Jashtme dhe Politikën e Sigurisë, Kaja Kallas ka propozuar një listë të sanksioneve ndaj Izraelit, të cilat do të diskutohen në Këshillin e ardhshëm të BE-së. //a.i/

The post BRUKSEL – BE: Ndihma për Gazën e kufizuar, pavarësisht marrëveshjes me Izraelin appeared first on Agjencia Telegrafike Shqiptare.

BRUKSEL, 10 korrik /ATSH-DPA/ – Izraeli ka pranuar “masa të rëndësishme” për të përmirësuar situatën humanitare në Gaza, deklaroi përfaqësuesja e Lartë e Bashkimit Evropian për Punët e Jashtme, Kaja Kallas.

Në një deklaratë, Kallas tha se Izraeli ka rënë dakord për një rritje të konsiderueshme të numrit të kamionëve të ndihmës humanitare që hyjnë në Gaza çdo ditë, hapjen e disa kalimeve kufitare shtesë dhe rihapjen e rrugëve të shpërndarjes së ndihmës, si dhe shpërndarjen e ushqimit, duke përfshirë edhe përmes furrave të bukës dhe kuzhinave publike.

Masat shtesë përfshijnë rifillimin e furnizimeve me karburant për objektet humanitare, mbrojtjen e punonjësve të ndihmës dhe riparimin e infrastrukturës jetësore, duke përfshirë furnizimin me energji elektrike dhe ujë.

“Këto masa janë ose do të zbatohen në ditët në vijim, me mirëkuptimin e përbashkët se ndihma në shkallë të gjerë duhet t’i dorëzohet drejtpërdrejt popullsisë dhe se do të vazhdojnë të merren masa për të siguruar që të mos ketë devijim të ndihmës për Hamasin”, theksoi ajo.

“Ne mbështetemi te Izraeli për të zbatuar çdo masë të rënë dakord”, shkroi Kallas në një postim të veçantë në platformën e mediave sociale X./    /os/

The post BRUKSEL – BE marrëveshje me Izraelin për të rritur ndihmën humanitare në Gaza appeared first on Agjencia Telegrafike Shqiptare.

Shefja e diplomacisë së Bashkimit Evropian, Kaja Kallas, ka reaguar pas sulmeve amerikane ndaj objekteve bërthamore iraniane, duke bërë një thirrje urgjente për qetësi dhe vetëpërmbajtje.

‘I bëj thirrje të gjitha palëve të bëjnë një hap pas, të kthehen në tryezën e negociatave dhe të shmangin çdo përshkallëzim të mëtejshëm’, ka shkruar Kallas të dielën në një postim në rrjetin social X.

Ajo theksoi rëndësinë e rikthimit të dialogut diplomatik për të shmangur një krizë më të gjerë në rajon.

The post BE kundër SHBA-ve?/ Ja reagimi i shefes së diplomacisë evropiane që nxiti dyshime në rrjet appeared first on Sot News | Lajme.

Veprimet e Izraelit në Rripin e Gazës nuk janë në përputhje me parimet e përcaktuara për bashkëpunimin e tij të ngushtë me Bashkimin Evropian, sipas një rishikimi të brendshëm të BE -së të ndarë me shtetet anëtare.

Ministrat e Jashtëm të BE-së vendosën në maj të rishikojnë nëse Izraeli ishte akoma duke iu përmbajtur parimeve themelore të Marrëveshjes së Shoqatës së BE-Izrael.

Këto përfshijnë që marrëdhëniet midis palëve me marrëveshjen bazohen në respektimin e të drejtave të njeriut.

Raporti i rishikimit, i përgatitur nën drejtimin e shefes së politikës së jashtme të BE-së, Kaja Kallas përfundon se ”veprimet e Izraelit në Rripin e Gazës shkelin këtë parim themelor”.

Zbulimi i referohet, në veçanti, bllokut izraelit të furnizimeve të ndihmës në Rripin e Gazës, ku jetojnë rreth dy milionë palestinezë.

Izraeli ka bllokuar ndihmën për të arritur në territorin bregdetar të shkatërruar për gati tre muaj, duke deklaruar se grupi palestinez islamik Hamasi po përfitonte nga furnizimet.

Që nga maji, ai lehtësoi bllokadën duke ridrejtuar ndihmën përmes themelit të diskutueshëm humanitar të Gazës.

Shtetet anëtare të BE -së tani përballen me pyetjen se si t’i përgjigjen analizave.

Opsionet e tyre variojnë nga pezullimi i marrëveshjes aktuale deri në shqiptimin e sanksioneve ekonomike.

BRUKSEL, 20 qershor /ATSH-DPA/ – Veprimet e Izraelit në Rripin e Gazës nuk janë në përputhje me parimet e përcaktuara për bashkëpunimin e tij të ngushtë me Bashkimin Evropian, sipas një rishikimi të brendshëm të BE -së të ndarë me shtetet antare.

Ministrat e Jashtëm të BE-së vendosën në maj të rishikojnë nëse Izraeli ishte akoma duke iu përmbajtur parimeve themelore të Marrëveshjes së Shoqatës së BE-Izrael.

Këto përfshijnë që marrëdhëniet midis palëve me marrëveshjen bazohen në respektimin e të drejtave të njeriut.

Raporti i rishikimit, i përgatitur nën drejtimin e shefes së politikës së jashtme të BE-së, Kaja Kallas, përfundon se ”veprimet e Izraelit në Rripin e Gazës shkelin këtë parim themelor”.

Zbulimi i referohet, në veçanti, bllokut izraelit të furnizimeve të ndihmës në Rripin e Gazës, ku jetojnë rreth dy milionë palestinezë.

Izraeli ka bllokuar ndihmën për të arritur në territorin bregdetar të shkatërruar për gati tre muaj, duke deklaruar se grupi palestinez islamik Hamasi po përfitonte nga furnizimet.

Që nga maji, ai lehtësoi bllokadën duke ridrejtuar ndihmën përmes themelit të diskutueshëm humanitar të Gazës.

Shtetet anëtare të BE -së tani përballen me pyetjen se si t’i përgjigjen analizave.

Opsionet e tyre variojnë nga pezullimi i marrëveshjes aktuale deri në shqiptimin e sanksioneve ekonomike.

Holanda ishte një nga vendet e shumta që akuzoi faktin se Izraeli shkelte parimin themelor të respektit për të drejtat e njeriut në sjelljen e tij në luftën e Gazës.

Diskutime intensive mbi marrëveshjen e partneritetit me Izraelin tashmë kishin ndodhur vitin e kaluar me iniciativën e Spanjës dhe Irlandës./  /os/

The post BRUKSEL – BE: Veprimet e Izraelit në Gaza nuk janë në përputhje me parimet e BE-së appeared first on Agjencia Telegrafike Shqiptare.

Shefja e diplomacisë e Bashkimit Evropian, Kaja Kallas, tha se Rusia “s’ka shanse” kundër NATO-s, por aleanca duhet “të qëndrojë e bashkuar” përballë një Moske armiqësore.

Duke folur para mbajtjes së samitit të NATO në Holandë, ku anëtarët e aleancës janë në presion nga Shtetet e Bashkuara për të rritur shpenzimet për mbrojtje, Kallas paralajmëroi se vetëm rritja e shpenzimeve për mbrojtje nuk mjafton për të frenuar Kremlinin.

“Sot, kundër NATO-s dhe BE-së, Rusia s’ka shanse. Por, ne duhet të qëndrojmë të bashkuar”, tha Kallas para Parlamentit Evropian në Strasburg.

“Kur udhëheqësit e NATO-s të takohen javën e ardhshme, mbajtja e unitetit në aleancë është prioritet më i madh sesa rritja e shpenzimeve për mbrojtje”, shtoi kryediplomatja evropiane.

Udhëheqësit e NATO-s po synojnë që të arrijnë pajtim për rritjen e buxheteve për ushtritë kur të takohen në Hagë javën e ardhshme.

Por, aleanca – ku nga 27 vendet anëtare, 23 prej tyre janë shtete të BE-së – po përballet me dilema sa i përket përkushtimit të SHBA-së ndaj mbrojtjes së Evropës.

Të martën, udhëheqësit e Grupit të Shtatë vendeve më të industrializuara në botë (G7) – ku bëjnë pjesë vendet e NATO-s sikurse Italia, SHBA-ja, Franca, Gjermania, Mbretëria e Bashkuara dhe Kanadaja – si dhe Japonia nuk arritën të dilnin me një qëndrim të përbashkët për të dënuar Rusinë për sulmet kundër Ukrainës. Trump u largua nga samiti – që u mbajt në Kanada – para se ai të përfundonte.

Presidenti amerikan, Donald Trump, po tenton që përmes negociatave t’i japë fund luftës së Rusisë kundër Ukrainës, që nisi në shkurt të vitit 2022.

Kallas tha se forcimi ushtarak i Rusisë paraqet kërcënim për sigurinë e Evropës dhe të komunitetit transatlantik.

“Vitin e kaluar, Rusia shpenzojë më shumë në mbrojtje sesa të gjitha shtetet e BE-së së bashku. Këtë vit, Rusia po shpenzon më shumë në mbrojtje sesa në sektorin e shëndetësisë, arsimit dhe politikave sociale së bashku”, tha ajo.

“Ky është një plan afatgjatë për një agresion afatgjatë. Ju nuk shpenzoni kaq shumë në ushtri nëse nuk planifikoni që ta përdorni ushtrinë”, shtoi Kallas.

BE-ja ka lansuar një nismë që synon mbledhjen e 800 miliardë eurove për të ndihmuar shtetet anëtare që të forcojnë mbrojtjen.

Një ditë më parë, Brukseli bëri publik planet për të rritur prodhimin e industrisë së mbrojtjes në Evropë.

Shefja e diplomacisë e Bashkimit Evropian, Kaja Kallas, tha se Rusia “s’ka shanse” kundër NATO-s, por aleanca duhet “të qëndrojë e bashkuar” përballë një Moske armiqësore.

Duke folur para mbajtjes së samitit të NATO në Holandë, ku anëtarët e aleancës janë në presion nga Shtetet e Bashkuara për të rritur shpenzimet për mbrojtje, Kallas paralajmëroi se vetëm rritja e shpenzimeve për mbrojtje nuk mjafton për të frenuar Kremlinin.

“Sot, kundër NATO-s dhe BE-së, Rusia s’ka shanse. Por, ne duhet të qëndrojmë të bashkuar”, tha Kallas para Parlamentit Evropian në Strasburg.

“Kur udhëheqësit e NATO-s të takohen javën e ardhshme, mbajtja e unitetit në aleancë është prioritet më i madh sesa rritja e shpenzimeve për mbrojtje”, shtoi kryediplomatja evropiane.

Udhëheqësit e NATO-s po synojnë që të arrijnë pajtim për rritjen e buxheteve për ushtritë kur të takohen në Hagë javën e ardhshme.

Por, aleanca – ku nga 27 vendet anëtare, 23 prej tyre janë shtete të BE-së – po përballet me dilema sa i përket përkushtimit të SHBA-së ndaj mbrojtjes së Evropës.

LEXONI GJITHASHTU:

• Erdogan: Irani ka të drejtë legjitime për vetëmbrojtje kundër sulmeve të Izraelit
• Trump tha se po shqyrtonte ndërhyrjen amerikane në Iran, rritet çmimi i naftës

The post Kallas: Rusia s’ka shanse kundër NATO-s, aleanca qëndron e bashkuar appeared first on Euronews Albania.

Përfshirja e Shteteve të Bashkuara në sulmet mes Izraelit dhe Iranit do ta çonte Lindjen e Mesme në një konflikt më të gjerë.

Kështu tha përfaqësuesja e Bashkimit Europian për politikën e jashtme, Kaja Kallas.

“Kur bëhet fjalë për përfshirjen e Shteteve të Bashkuara, atëherë kjo patjetër do ta përfshijë rajonin në një konflikt kufitar dhe kjo nuk është në interesin e askujt. Dhe nga telefonata ime me Sekretarin e Shtetit Rubio, ai theksoi se gjithashtu nuk është në interesin e tyre të përfshihen në këtë konflikt”, thotë Kallas.

Shefja e diplomacisë europiane theksoi se tashmë që bisedimet mes Shteteve të Bashkuara dhe Iranit kanë mbetur pezull, Europa ka rolin e saj për të luajtur, në mënyrë që të mos e lejoje Teheranin të zotërojë armë bërthamore. Ajo shtoi se diplomacia, është zgjidhja e vetme ne këtë konflikt.

Kallas tha gjithashtu se Bashkimi Evropian po koordinon evakuimin e qytetarëve të saj nga zona e konfliktit në Lindjen e Mesme.

Ndërkohë, Mbreti Abdullah II i Jordanisë i tha Parlamentit Evropian se zgjerimi i operacioneve ushtarake të Izraelit kundër Iranit është një kërcënim për njerëzit kudo.

Në fjalimin e tij para ligjvënësve të BE, Abdullah tha gjithashtu se vazhdimi i ofensivës së Izraelit në Rripin e Gazës nuk do të shkatërrojë vetëm infrastrukturën, por edhe barrierat mbrojtëse që përcaktojnë sjelljen morale.

Abdullah tha se zgjidhja e vetme e qëndrueshme për konfliktin ne Gaza është një marrëveshje e drejtë paqeje dhe i bëri thirrje BE për mbështetje.

/abcnews.al/