Në një analizë të drejtpërdrejtë në emisionin “Real Story” në ABC News, analisti Arben Meçe komentoi zhvillimet më të fundit që lidhen me përballjen ligjore të kryebashkiakut të Tiranës, Erion Veliaj, si dhe solli në vëmendje raste të tjera të ngjashme në skenën politike shqiptare.

Meçe theksoi se ndryshe nga rasti i Jamarbër Malltezit, i cili ndodhet në fazë gjykimi për një vepër penale, apo Sali Berishës, që ndonëse përballet me akuza të rënda është ende i lirë, Veliaj po kalon një proces ku ka të drejtë të kërkojë ndryshimin e masës së sigurisë, ndërsa vazhdon të deklarojë pafajësinë e tij.

Sipas Meçes, situata ndaj Veliajt është kthyer në një përplasje mes ligjit dhe perceptimit publik, ku shumë qytetarë shohin një lloj ndëshkimi nga ana e kryeministrit Rama, një ide që ai e hodhi poshtë, duke argumentuar se Rama po qëndron jashtë këtij procesi dhe është i përqendruar në menaxhimin e punëve të qytetit.

“Jamarbër Malltezi e kishte kaluar fazën e deklarimit të veprës penale dhe ishte në gjykim. Berisha është me vepër penale sot dhe është i lirë. Veliaj ka të drejtë të kërkoj ndryshimin e masës së sigurisë. Erion Veliaj të gjitha deklaratat e i ka që unë jam i pafajshëm, ai nuk e pranon fajësinë. Ne jemi në një pistë ligjore dhe në një debat politik për Erion Veliajn. Jo më shumë se sa një orë më parë dy miqtë më takojnë dhe më thonë pse Edi Rama po dënon Erion Veliajn. Sepse kanë këtë perceptim, ndërkohë që Rama nuk është i përfshirë fare. Rama qëndron në distancë dhe është i fokusuar që të zgjidhë hallet që ka qyteti. Sali Berisha po paralizohet sepse prodhoi VKM dhe prodhuan korrupsion dhe normalisht duhet të pranojë që të japë dorëheqjen”, tha analisti./abcnews.al

Vijon zvarritja e gjyqit ndaj Berishës. Edhe në seancën e dytë për aferën “Partizani” avokatet shkuan me një strategji të qartë.

Analisti Arben Meçe në një intervistë në “News Line” në ABC News tha se zvarritja e gjyqit të Berishës, tashmë nuk aspak surprizë. Më tej nënvizoi se me dosjen “Partizani” po tejkalohen të gjitha afatet ligjore.

“Artifica e përdorur sot është një absurditet i madh. Të arrijë një person që ka status të pandehur tashmë dhe të rrëzojë gjithë sistemin, të dali individi dhe të kundërshtojë prezencën e institucionit, çfarë mund të thuash? Kjo është një gjë që duhet dalluar mirë në pozicionin politik e ligjor. Berisha kur nuk njohu vendimin e SPAK e procedura. Berisha ka hapur një precedent tjetër që thotë nuk njoh Kushtetuesen. Të bëhen ankimime të kësaj natyre që të goditet rendi kushtetues, më duket absurde. Por mendoj që sistemi ynë i drejtësisë do të mbajë një qëndrim ndaj këtij precedenti”, tha ai.

Shtyerjen e gjyqit, Meçe e ka konsideruar një “show” të ish-kryeministrit Berisha, Gjithashtu nënvizoi se kërkesa për rrëzimin e trupës gjyqësore sipas tij është qesharake.

Berisha po mbijeton dhe të gjitha këto ngjarje në analizë, nuk janë ngjarje. Pritshmëria e Berishës është që sa më shpejt të prodhohet një ngjarje që më pas të kapet me të. Shumë funksionarë shtetërore që kanë kaluar në SPAK, fitoren më të madhe të tyre e kanë daljen në kauzë të PD. Të dalë i pandehur dhe të kërkojë rrëzimin e Gjykatës, kjo është absolutisht e paligjshme dhe e penalizueshme që në pretendim”, tha më tej ai.

/abcnews.al/

TIRANË- Kryetari i Partisë Demokratike, Sal Berisha e gjeti më në fund arsyen e vërtetë e aksionit  për prishjen e ndërtimeve pa leje në zonë e Thethit. Ai u shpreh se Rama shembi ndërtimet pa leje në Theth, sepse Thethi është “blu” në bindjet politike.

Analisti Arben Meçe, i ftuar në “Tirana Live”, u shpreh se Sali Berisha tezën e tij politike e ka mbështetur  tek ndasia mes shqiptarëve, sidomos mes veriut dhe jugut.

Boshti i politikës së këtij  kanë qenë këto të dyja tezat. Ai mbështetjen kryesore ka në ndasinë veri-jug, dhe domosdoshmërinë e një konflikti.. deri në të armatosur”, theksoi ai.

Ai theksoi se Berisha dhe njerëzit e tij tenton ta shesë aksion in në Theth si aksion kundër veriut, por kjo nuk është e vërtetë, sepse aksioni ka synuar subjektet, të cilat kanë ndërtuar pa leje.

“Të gjithë aksionin që ka ndërmarrë qeveria shqiptare, në Theth, PD dhe Sali Berisha në veçanti tenton ta adresojë si një goditje ndaj veriut. Në Theth janë 40 subjekte që janë goditur, nuk përfaqësojnë Thethin dhe zonë e Thethit”, tha ai./abcnews.al

Prokuroria e Posaçme (SPAK) ka përfunduar hetimet paraprake dhe ka dërguar për gjykim ish deputetin e PS-së, Jurgis Çyrbja, kunatin e tij Ahmet Masha, i njohur si “Meçe”, si dhe për një prej personazheve të njohur të botës së krimit në Durrës, Altin Hajri. Çyrbja është marrë i pandehur si i dyshuar për kryerjen e […]

The post SPAK dërgon për gjykim Jurgis Çyrbjan dhe Altin Hajrin, 5 akuza ndaj ish-deputetit të PS appeared first on BoldNews.al.

Analisti Arben Meçe thotë se Ervin Salianji është viktimë e kreut të PD, Sali Berisha.

Në emisionin “Real Story” në ABC News, Meçe u shpreh se Salianji e kuptoi që ishte braktisur, kur u fut brenda ambienteve të PD.

“Salianji u konfigurua si figurë politike me babalen. Gjatë kohës që ishte në burg, i vinin mesazhe që Saliu e bënte hero. Ditën që doli nga burgu, intersitën e parë nga burgu, tha, falenderoj Sali Berishën dhe Ilir Metën. Ihste strategji për t’iu afruar Berishës, që të futet në PD. Kur u fut në PD, kuptoi që ishte i abandonuar nga militantët e PD dhe strukturat e larta të partisë. Ai pati qendrime të ekuilibruara në favor të Berishës. Berisha tha, Salianji ka për detyrë të ndjekë çështjen në Strasburg  dhe nuk i dha vend në PD. Këtu Salianji e kuptoi që ishte viktimë e Berishës. Më pas, Salianji lëshoi deklaratë, që ishte për akt lufte. Duhet të mobilizohemi militantët e PD, që ta shpëtojmë partinë. Doli në rolin e liderit. Salianji kuptoi që luftën e ka me PD. Berishës, Salianji nuk i duhet më.”, theksoi ai./abcnews.al

Analisti Arben Meçe thotë se në dosjen e kryebashkiakut të Tiranës, Erion Veliaj, nuk ka vepër penale.

Në emisionin “Real Story” në ABC News, Meçe u shpreh se për Veliajn nuk ka prova.

“Erion Veliaj do prishë prova, cilën provë do prishë? Nuk ka asnjë. Unë këtë po them, nuk ka asnjë. Cilat janë provat që do të prishë? Nuk është burgu që pengon intimidimin. Unë po ngre çëstje? E ke parë çështjen? Nuk ka prova more zotëri. Unë të them që nuk ka prova. Nuk ka edhe dëshmitarë, nuk kanë të bëjnë me Erionin. E ka përdorur thotë vetë Erioni. Unë kam ndenjur 7 vjet te shtëpia e vjehrrit, se nuk kisha shtëpi zotëri. Në këtë kuadër, cili është përdorimi i tij? Është prodhimi i një infrastrukturë të shoqërisë. Kur unë bisedoj me njerëz të ligjit, Gjykata e Lartë dhe e Apelit nuk i shohin çështjet në hollësi, por sheh, Erion Veliaj i plotëson kushtet për t’u larguar nga burgu. Nuk po gjykohen provat e Erion Veliajt. Nuk do të dalë nga burgu ai”, theksoi ai./abcnews.al

TIRANË- Analisti Arben Meçe u shpreh në “Real Story” se çështja “Partizani” nuk është një çështje pronësie, por një mekanizëm i pastrimit të parave.

Ai theksoi se ky mekanizëm është zbuluar nga SPAK dhe është provuar se Sali Berisha është përfitues i drejtpërdrejtë i kësaj aferë nëpërmjet vendimmarrjeve të qeverisë.

Çështja partizani nuk është çështje pronësie, por pastrim parash nga Jamarbër Malltezi.

“Është dokumentuar mekanizmi i pastrimit të parave. Përfituesi i kësaj vendimmarrje, Sali Berisha në këtë rast nuk goditet si kryeministër, nuk goditet si VKM, por goditet si përfitues i drejtpërdrejtë i gjithë kësaj afere nëpërmjet vendimmarrjeve të qeverisë.

Pra është identifikuar Sali Berisha si përfitues dhe jo si një person që ka firmosur VKM, por pastaj të del se të gjithë këtë VKM janë bërë për përfitime, por SPAK është dokumentuar përfitimi”, tha ai./abcnews.al

Analisti Arben Meçe, i ftuar në emisionin “Real Story” në ABC News, theksoi se te kjo çështje që tashmë ka kaluar për gjykim, hetimet kanë dokumentuar prova të qarta korrupsioni që datojnë që nga viti 2014.

Sipas Meçes, fenomeni qëndron përtej individëve të përfshirë dhe përfaqëson thyerjen e pandëshkueshmërisë, me një akt të rëndë falsifikimi që implikon jo vetëm figura të njohura politike, por edhe një grup të strukturuar.

Ai nënvizoi gjithashtu rëndësinë e goditjes së “miteve kolegjiale”, duke theksuar se lidhjet korruptive nuk janë gjithmonë vetëm brenda familjeve, por shpesh lidhen me vendimmarrje kolektive që e kalojnë kuadrin e një individi të vetëm.

“Çështja ‘Partizani’ tashmë ka kaluar për gjykim. Fenomeni nuk është vetëm gjykimi, pjesë e gjykimit është pjesa fundore që ka pasur ky proces. Është procesi i pandëshkueshmërisë, do të thotë që nuk duhet të vëmë më në dyshim aftësitë e drejtësie.

Koncepti i pandëshkueshmërisë quhet i thyer. Këndvështrimi i dytë lidhet me akt-padinë, ku është dokumentuar korrupsioni. Që nga viti 2014 dhe deri në vitin 2023 ka fakte dhe prova që familja Berisha është e përfshirë në korrupsion. Zemra e dosjes nuk është Berisha, ku dikush që është zëdhënësi i Berishës brenda ditës bëhet trashëgues i një shumë marramendëse parash. Dokumenti që është paraqitur për shitjen e aksioneve është i falsifikuar.

Kemi të bëjmë me një akt falsifikimi që është njësoj i një grupi të strukturuar. SPAK ka arritur që të zbulojë korrupsionin. Mesazhi i tretë ka të bëjë me goditjen e miteve kolegjiale. Jo gjithmonë lidhjet korruptive janë familjare. Në kuadër çdo vendimmarrje kolektive në dosjen Berisha konsiderohet e ezauruar në konceptin procedural. Nuk jemi vetëm në kuadrin e një personi të vetëm, por të një grupi”, tha analisti./abcnews.al

Analisti Arben Meçe ka komentuar procesin e rinumërimit të votave që deri më tani nuk ka sjellë asnjë ndryshim të rezultatit.

Meçe gjatë intervistës u ndal edhe tek pretendimet e opozitës, se në zgjedhjet parlamentare, është realizuar mënyra e manipulimit, njohur si “treni bullgar”, ndërsa nënvizoi se kjo nuk është aspak e vërtetë.

Po ashtu ai tha se nuk ka asnjë të dhënë që të flasë për një mekanizëm blerje të votave.

“Kur flitet për votën politike që është debati më i madh dhe pretendohet se do zbuloheshin prova dhe fakte që do zbulonin shkelje, kjo mund të themi se nuk ka aspak asnjë provë. Nuk është zbuluar asnjë person i vetëm, pasi vjedhje e trenit bullgar që pretendon PD është masive. Është edhe e lexueshme. Të bësh tren bullgar në një zonë duhet të angazhosh njerëz. Pra deri më tani nuk është identifikuar asnjë rast i vetëm i trenit bullgar. Kur vjen puna nga blerja e votave është një gjë e debatueshme”, tha ai.

Gjithashtu Meçe tha se këto janë pretendime të ngritura nga PD vetëm për të mos pranuar realitetin.

Analisti theksoi se e keqja më e madhe e Partisë Demokratike është kreu i saj Sali Berisha. Sipas tij, ish-kryeministri e ka kthyer PD në një pronë personale të tij. I ndalur tek deklaratat e Berishës në Parlament, shtoi se artikulimet e ish-kryeministrit janë totalisht pa seriozitet.

“Nuk ikën Sali Berisha nga prona e vet. Nuk flitet për PD si pjesë e sistemit demokratik, por për një sekt drejtuar nga Berisha dhe një pronë që e sheh në shërbim të tij”, theksoi ai, duke nënvizuar: “E them me bindjen se kemi pasur në këto zgjedhje një nga proceset më të mira. Edhe raporti i OSBE/ODHIR tregoi se ishte një proces konkurrues”.

The post “Nuk ka pasur asnjë rast të vetëm për “trenin bullgar”, Meçe: PD, pronë personale e Berishës appeared first on Sot News | Lajme.

Analisti Arben Meçe ka komentuar procesin e rinumërimit të votave që deri më tani nuk ka sjellë asnjë ndryshim të rezultatit.

Meçe gjatë intervistës në “News Line” në ABC News u ndal edhe tek pretendimet e opozitës, se në zgjedhjet parlamentare, është realizuar mënyra e manipulimit, njohur si “treni bullgar”, ndërsa nënvizoi se kjo nuk është aspak e vërtetë.

Po ashtu ai tha se nuk ka asnjë të dhënë që të flasë për një mekanizëm blerje të votave.

“Kur flitet për votën politike që është debati më i madh dhe pretendohet se do zbuloheshin prova dhe fakte që do zbulonin shkelje, kjo mund të themi se nuk ka aspak asnjë provë. Nuk është zbuluar asnjë person i vetëm, pasi vjedhje e trenit bullgar që pretendon PD është masive. Është edhe e lexueshme. Të bësh tren bullgar në një zonë duhet të angazhosh njerëz. Pra deri më tani nuk është identifikuar asnjë rast i vetëm i trenit bullgar. Kur vjen puna nga blerja e votave është një gjë e debatueshme”, tha ai.

Gjithashtu Meçe tha se këto janë pretendime të ngritura nga PD vetëm për të mos pranuar realitetin.

Analisti theksoi se e keqja më e madhe e Partisë Demokratike është kreu i saj Sali Berisha. Sipas tij, ish-kryeministri e ka kthyer PD në një pronë personale të tij. I ndalur tek deklaratat e Berishës në Parlament, shtoi se artikulimet e ish-kryeministrit janë totalisht pa seriozitet.

“Nuk ikën Sali Berisha nga prona e vet. Nuk flitet për PD si pjesë e sistemit demokratik, por për një sekt drejtuar nga Berisha dhe një pronë që e sheh në shërbim të tij”, theksoi ai, duke nënvizuar: “E them me bindjen se kemi pasur në këto zgjedhje një nga proceset më të mira. Edhe raporti i OSBE/ODHIR tregoi se ishte një proces konkurrues”.

Ish-prokurori Arjan Ndoja ka dëshmuar ditën e sotme në seancën gjyqësore në GJKKO ndaj Plarent Dervishajt dhe Julian Meçës në lidhje me atentatin e regjistruar më 1 nëntor të vitit 2019 tek mbikalimi i Shkozetit, teksa në atë ngjarje mbeti i vrarë Andi Maloku, shoferi i ish-prokurorit Arjan Ndoji, teksa ky i fundit bashkë me […]

The post “Një djalë ke, hiqe nga Shqipëria”/ Arjan Ndoja tregon bisedë me babain e Julian Meçes appeared first on BoldNews.al.

Analisti Arben Meçe, komentoi raportin e publikuar të komisionit Evropian për Shtetin e së Drejtës në Shqipëri. Në raport listohen boshllëqe dhe probleme me të cilat vijon të përballet sistemi gjyqësor dhe institucionet shqiptare të Drejtësisë.

Ndërkohë puna e SPAK u vlerësua nga Brukseli, ndërsa raporti po ashtu thotë se kjo strukturë e re e drejtësisë ka besim të lartë nga publiku dhe këtë e ka dëshmuar me goditjen e rasteve të korrupsionit në nivele të larta.

Gjatë intervistës në emisionin “Real Story” në ABC News, Meçe tha se SPAK ka prodhuar një profil të qartë të luftës kundër krimit të organizuar apo edhe kundër korrupsionit. Sipas Meçes një betejë që SPAK duhet dhe sipas tij do ta fitojë është ajo e krimeve zgjedhore.

“Ballafaqohemi me një sistem drejtësie që unë e quaj të shkatërruar. SPAK ka prodhuar një profil të qartë kundër krimit të organizuar, kundër korrupsionit dhe ka dhënë shembuj të rezultateve të suksesshme të tij. Nuk ka asnjë rezultat të krimit zgjedhor. Do ketë rezultat? Është një betejë që them se do e fitojë, kemi dy zona si Malësia e Madhe dhe Kavajë, pasi ekziston një precedent  dhe SPAK do tregojë që ka qenë aktiv, sepse shkeljet janë të përmasave të tilla që janë në shkelje. Jemi ende në hetim, ai po kërkon në gjithë Shqipërinë të bëhet rinumërimi. SPAK-u prodhon prova dhe fakte të mjaftueshme që ia shpie edhe KAS, dhe menjëherë KAS urdhëron pavlefshmërinë dhe dalin në rezultatin e tretë të SPAK që edhe në krimin zgjedhor ka rezultuar i suksesshëm.

Nga ana e tij analisti Frrok Çupi  vlerësoi raportin e BE, ndërsa tha se vendosi standarde të rëndësishme për drejtësinë në Shqipëri.

“Vendosi standardin që në Shqipëri drejtësia po bën punën  e duhur, ka goditur në zyrtarë të lartë. Tha që SPAK në Shqipëri do të jetë jetëgjatë. Edhe institucionet e re të drejtësisë, BE tha se duhet rinovuar herë pas herë drejtësia, pra la të kuptohej se ka nevojë për rinovim. Po ashtu tha se duhet të përsoset mbi bazat e meritës. Dhe një tjetër mesazh ishte se nuk duhen goditur, por që janë të kritikueshëm. Shpejtësia në gjykim është në nivele të ulëta dhe në konkluzion, pra parandalimi ka humbur. Pasi parandalimi është parimi bazë i drejtësisë”, tha ai.

Analisti Arben Meçe, i ftuar në emisionin “Real Story” në ABC News, ka komentuar zhvillimet paszgjedhore duke theksuar se rezultati i zgjedhjeve është reflektim i një fryme të qartë qytetare, më shumë kundër Sali Berishës sesa pro Partisë Socialiste.

Sipas Meçes, analiza e të dhënave tregon një trend të vazhdueshëm rënie-ngritje për opozitën, ndërsa fajin për rezultatin ai ia atribuoi strukturave të Partisë Demokratike, të cilat, sipas tij, nuk arritën të mbrojnë votën dhe lejuan që të krijohej perceptimi i një “vjedhjeje”.

Meçe kritikoi ashpër ata shprehjen e shumëdëgjuar të Berishës “trenin bullgar”, që sipas tij, me interesa të ngushta politike po fajësojnë votuesit dhe militantët e vet, duke e cilësuar këtë qasje si “tradhti ndaj 30 mijë vëzhguesve dhe mbështetësve”.

“Për të kuptuar ngjarjen mjafton që të shikosh kapërcimin. Nëse do të isha në krahun e PD, për të luftuar se në cilin vend ishte kapërcimin dhe bëja grafikun. Më rezulton që trendi është gjithmonë në rënie-ngritje. Këto zgjedhje kishin një frymë, dhe këto janë një produkt të një fryme. Kjo frymë lidhet me organizmin e PS dhe me revoltën e qytetarëve.

Pra vota më shumë se sa për PS, ishte kundër Berishës. Në këtë kuadër është e thjeshtë që ta paraqesësh me grafikë. Nuk po qëndroj në krahun e atyre që bënë “vjedhjen”, po qëndroj në krahun e  atyre që kishin detyrë që të mbronin vjedhjen. Sepse i bien 35 mijë anëtarë të devotshëm, të PD që kanë lejuar këtë frymë që të bëhet kjo vjedhje.

Nëse do të pranojmë që fryma erdhi si prodhim i një mekanizmi të trenit bullgar, atëherë me këtë lëvizje që po bëhet me interesa të ngushta politike, po cenohet interesa e kësaj trupe, dhe kjo gjëja më e poshtër sepse ti praktikisht të gjithë fabulën e trenit bullgar  po e bën mbi tradhtinë që po të bëjnë 30 mijë militantë dhe vëzhgues të tu”, tha analisti./abcnews.al

Analisti Arben Meçe ka komentuar procesin rinumërimit të votave, kërkuar nga kandidatë të PD. Në një intervistë në “News Line” në ABC News, Meçe tha se zgjedhjet e 11 majit ishin tërësisht normale dhe se vëzhgimi ishte gjithëpërfshirës.

“Këto zgjedhje kanë qenë nën një vëzhgim të rreptë. Komisionet tona të zgjedhjes përbëhen nga 7 veta ku gjysma janë të opozitës dhe gjysma të pozitës. Gjithë kjo armatë do të jetë e shëmtuar”, ka thënë ai.

Po ashtu nënvizoi se janë 25 mijë persona, njerëz të besuar të PD që janë marrë nga këtë proces dhe tani kërkohet rinumërim, të cilën analisti e cilësoi si një turp dhe një iniciativë që ofendon po njerëzit e vet.

“E zëmë se ke dyshime të arsyeshme në një vend dhe është normale. Por nëse këtë pretendim e shtrin në gjithë Shqipërinë bën akuzën më të rëndë morale, njeriun më të besuar e vë në dyshim absolut. Tani më të besuarit e tu i shpall të blerë. Tani me çfarë trupe do bëhet rinumërim, kur njerëzit e tu i vë në dyshim. Kjo është shumë e shëmtuar. Tani jemi në kushtet e shpërdorim të një të drejte ligjore. Pasi përdoren si një mekanizëm i një pengimi.

Më tej Meçe nënvizoi se Partia Demokratike prej kohësh është marrë peng nga Berisha.  Ish-kryeministri Berisha me sjelljen e tij tha Meçe nuk po tregon seriozitet dhe se treni bullgar që pretendon Berisha, është sipas tij thjesht qesharake.

“Kemi KZAZ ku dy anëtarë të PD thonë dua të numërohet gjithë Tirana, pastaj thonë dua të rinumërohet gjithë Vlora, Korça, pra po abuzohet me liri. Gjithë kjo lëvizje që po bëhet, është fryma më e shëmtuar. Këto zgjedhje ka qenë më të mirat, por po biem viktimë e interesave të ngushta të Berishës. Janë të gjitha improvizime. Shqiptarët janë njerëz që iu punon inteligjenca dhe nuk duhen ofenduar kaq shumë. Ne të gjithë së bashku kemi rënë në këtë kaos, “në dorë të Berishës”, tha më tej ai.

/abcnews.al/

Lufta e fortë e Gerond Meçes për të shtënë në dorë kontratën 7.5 milionë euro për përmirësimin e sistemit informatik të Thesarit të shtetit duket se ka shkuar kot. Edhe pse Advanced Business Solutions e Meçes paraqiti ofertën më të ulët në tender, Agjencia Kombëtare e Shoqërisë së Informacionit vendosi të shpallë fitues bashkimin e […]

The post Sistemi i Thesarit/ AKSHI “gostit” me 7 mln euro HORIZON-in e Ermal Beqirajt dhe Communication Progress appeared first on BoldNews.al.

Ish-deputeti i Partisë Demokratike, Arben Meçe, ka akuzuar Sali Berishën se po prodhon artificialisht krizë në vend dhe në Parlament, duke përdorur çështjen zgjedhore për interesa personale dhe duke rrezikuar seriozisht komisionerët dhe numëruesit e PD-së me ndjekje penale.

Meçe deklaroi se Berisha po përdor të gjitha mekanizmat për të bllokuar procesin zgjedhor dhe për të çuar vendin drejt një përplasjeje politike.

“OSBE dhe ODIHR thanë qartë se zgjedhjet ishin të realizuara më së miri në aspektin teknik. Sot, komisionerët dhe numëruesit e PD-së rrezikojnë procedime penale për shkak të pretendimeve që vetë Berisha po i ngre pa prova. Faktet janë në procesverbalet që implikojnë përfaqësuesit e PD-së,” u shpreh Meçe në një intervistë televizive.

Sipas tij, qëllimi final i Berishës është të krijojë një situatë të tensionuar që në shtator të përdorë si argument për të ngritur një krizë më të madhe zgjedhore dhe për të kërkuar ndërhyrje ndërkombëtare.

“Dy anëtarë të KAS-it, të propozuar nga opozita, kanë vendosur të shtyjnë procesin, duke e kthyer këtë në një instrument bllokues për të zvarritur procesin,” tha Meçe.

Ai komentoi edhe vizitën e fundit të Berishës në Bruksel, duke e cilësuar si një lëvizje për të ndërtuar një krizë të qëllimshme me ndihmën e politikës greke në Partitë Popullore Evropiane (PPE).

“Berisha po përpiqet të ngrejë një mision faktmbledhës për Shqipërinë përmes PPE-ve, ku është përfshirë edhe partia greke Demokracia e Re, por partitë nuk kanë të drejtë ligjore të ngrenë këto misione vetë,” shpjegoi ai.

Meçe theksoi se Berisha e përdor Parlamentin si një skenë për të prodhuar krizë dhe për të ruajtur pozitat e tij personale.

“Parlamenti nuk do të gjejë kurrë qetësi për sa kohë që Berisha është aty. Ai kërkon gjithmonë një armik të ri, madje së shpejti do ta kërkojë edhe brenda partisë së tij,” u shpreh Meçe.

Duke iu referuar historisë së PD-së, ai solli në kujtesë tentativat e dështuara për ta larguar Berishën dhe kulturën e brendshme të partisë që, sipas tij, funksionon mbi bindjen absolute ndaj tij.

“Në vitin 1996, kur disa flisnin për largimin e Berishës, të nesërmen shkonin dhe i raportonin. Është e njëjta situatë edhe sot, nuk ka lëvizje reale brenda PD-së, ka vetëm lëvizje të kontrolluara nga Berisha,” tha Meçe.

Në fund, Meçe ngriti akuza të rënda duke thënë se Berisha ka futur në Parlament figura të lidhura me grupet kriminale. Ai përmendi konkretisht deputetin Ndoja, për të cilin tha se është i lidhur me grupin kriminal më të rrezikshëm në Durrës.

“Ky grup kontrollonte vjedhjet dhe pronat në Gjirin e Lalëzit dhe kishte lidhje të forta kriminale. Berisha është arkitekti i krijimit të këtyre grupeve,” përfundoi Meçe.

The post ‘Berisha po krijon artificialisht krizë politike’, Meçe: Ja si po i rrezikon komisionerët demokratë appeared first on Sot News | Lajme.

Analisti Arben Meçe i ftuar në një studio televizive komentoi zhvillimet sa i takon situatës në kampin demokrat pas humbjes së zgjedhjeve të 11 majit.

Analisti u ndal më tej tek lëvizja e anëtarëve të PD të cilët kanë kërkuar rinumërim, të cilën e cilësoi si një reagim që godet tezën e farsës së artikuluar nga Berisha.

Sipas Meçes, humbja e Berishës ishte më keq se në vitin ’97, ndërkohë që prej liderit të opozitës është ngritur teza e farsës por në fakt nuk ka asnjë provë që e dëshmon.

Arben Meçe:

“Pas zgjedhjeve dhe një humbje të jashtëzakonshme të Berishës më keq se në vitin ‘97, pritet që brenda PD të ketë lëvizje. Duke marrë parasysh se çfarë përfaqëson PD në lidhje dhe me familjen Berisha, ngritja e zërit të anëtarëve të partisë është gati gati e pamundur.

Ata që e panë veten të përdorur në këtë proces është parë një fenomen ku me të drejtë dikush mund të ngrejë pretendime për vjedhje votash brenda llojit.

Berisha ngriti tezën e farsës, që zgjedhjet janë të manipuluara. Deri më sot, përveç retorikës së vetë Berisha nuk ka asnjë provë dhe anëtarët që e ndjejnë veten e përdorur i kanë kërkuar rinumërim të votave. PD nuk ka kërkuar rinumërim sepse bie teza e Berishës për farsë. Kjo iniciativë e anëtarëve është një reagim për të goditur tezën e Berishës”.

The post “Rinumërimi, reagim për të goditur ‘tezën e farsës’/ Reagon ashpër analisti: Humbja e Berishës, më keq se në ‘97… appeared first on Sot News | Lajme.

Analisti Arben Meçe ka komentuar seancën e sotme plenare në Kuvend, ku nisi me tensione mes opozitës dhe mazhorancës. Mece, u shpreh se Berisha nuk e pranon ende humbjen. Ai theksoi se përsa kohë që të jetë ish-kryeministri Berisha, Parlamenti nuk do të jetë asnjëherë në normalitet.

“Berisha problemin e vet të partisë do ta transmetojë në Parlament. Përballë kësaj humbje, referuar statusit të PD duhet të japë dorëheqje. Por Berisha nuk mund ta lëshojë kaq lehtë pronën e vet. Kemi thënë prej kohësh që Berisha është pronar i PD. Është absurde të mendosh që Berisha do të japë dorëheqjen. I vetmi argument që ai do të ndërtojë është i lidhur me atë që e prezantoi si farse elektorale. Edhe pse ambasada amerikane uroi popullin shqiptar për zgjedhje. Berisha zgjedhjet nuk pranon”, tha Meçe.

Meçe u shpreh gjithashtu se kjo situatë nuk pritet të ndryshojë dhe se në shtator nuk do të ketë qetësi parlamenti. Analisti tha se PD është pronë e Berishës dhe pronari po e mban peng pronën.

“Grupi që zgjodhi Berisha në listat e mbyllura është ndryshe grupi i sherrit. Mund ta quajt edhe grup paramilitar. Ai do të vijë në Parlament në shtator dhe do ta mbajë në këtë gjendje. Kjo gjendje nuk është normale në demokraci. Kemi përballë “21 Janarin” dhe përballë “Partizanin”, kemi edhe CEZ/DIA që kaloi në gjykim. Kemi privatizimin e hidrocentraleve të Shqipërisë. PD është pronë e Berishës, pronari nuk mban peng pronën.

Ka një popull opozitar që nëse nuk e ka kuptuar, tashmë populli opozitar dhe PD janë institucione që janë shumë larg njëri-tjetrit. Rënia 30 % e PD në themel të tregon që një popull opozitar është tërhequr dhe e ka braktisur PD. Dhe ne do të shohim edhe që gjithë Kryesia e PD, titullarët e institucioneve janë në grup parlamentar, shto edhe grupi i zjarrit do të bëjnë politikë që thjesht do të ndërtojnë kauzën që çështja e PD është mbrojtja e Berishës”, tha ai

The post “Parlamenti nuk do të ketë qetësi nga Berisha”, Meçe: Kauza e opozitës, mbrojtja e ish-kryeministrit appeared first on Sot News | Lajme.

Analisti Arben Meçe thotë se mesazhi i SHBA, ku uronte popullin shqiptar për zgjedhjet e 11 majit, është goditje për kreun e PD, Sali Berisha.

Në emisionin “Real Story” në ABC News, Meçe u shpreh se SHBA i certifikoi zgjedhjet, teksa Berisha lufton për mos njohjen e procesit.

“Qëndrimi i SHBA është qëndrimi më zyrtar, atë që certifikoi procesin zgjedhor, jo rezultatet. Procesi do të kalojë në të gjitha fashat zgjedhore. Është shumë e rëndësishme që procesi të jetë i njohur. Lufta e Berishës është që të mos njohë zgjedhjet. Amerikanët e mbyllën këtë kapitull, pjesa e Berishës, e farsës, u godit. Ky është proces normal që zhvillohet. SPAK po spastron çdo infeksion të këtij procesi, do japë goditje. Këto shkelje ligjore nuk do shpëtojnë, nga procesi që SPAK po e vazhdon me qetësi. Janë ngjarje që duhen goditur”, theksoi ai./abcnews.al

Babai i Luis Meçes ka folur për Euronews Albania pas incidentit që ndodhi sot në gjykatë, ku prokuroria e çështjes e përjashtoi nga seanca.

Ai shpjegoi se si ndodhi debati me prokuroren Alma Felaj, e cila pretendonte se Martini dhe Luisi kishin komunikuar në celular ditën e diel duke u shprehur se “mbase prindërit kanë qenë në gjumë dhe nuk dinë për bisedat”.

Babai i Luisit, djalit i i cili mbeti i plagosur, tregoi se djemtë kishin ardhur me të me makinë pas ndeshjes së futbollit që kishin luajtur në Kavajë dhe më pas Luisi kishte fjetur që në orën 9 dhe nuk kishte pasur biseda përmes telefonit.

“I thashë zonjës prokurore se djemtë kanë ardhur me mua nga Kavaja dhe nuk kanë qenë vetëm. Luisi ka fjetur që në orën 9. Ajo më tha ti nuk e di se çfarë kanë folur ata në darkë. Pretendimi i prokurores ishte që Martini dhe Luisi kanë biseduar të dielën në darkë për tu organizuar për takimin  e së hënës me Marion. Aty reagova dhe i thashë se djemtë nuk kanë folur në darkë, ndërsa ajo më tha që ti nuk di se ke fjetur. U revoltova dhe i thashë: ‘Më fal, por ti nuk mund të më ofendosh mua në këtë mënyrë, sepse je pikërisht ti që ke fjetur mbi dosje për 6 muaj, ndërsa ne po na digjet shpirti për ata fëmijë’. Ditën e dielë ata nuk kanë komunikuar në darkë, kanë qenë në Kavajë, kanë pasur ndeshje futbolli dhe i kam sjellë në Tiranë, kanë qenë me mua”, tha babai i Luisit.

Ai theksoi gjithashtu se ka pasur disa elementë gjatë seancës që e bënin të mendonte se duan që të mos e zbardhnin çështjen, ndërsa sipas tij prokuroria u nxeh dhe e nxorri jashtë.

Kujtojmë se këtë të enjte u zhvillua seanca gjyqësore në Gjykatën e Tiranës për vrasjen e të miturit Martin Cani, i cili dyshohet se u vra nga bashkëmoshatari i tij, Mario Përlleshaj, pranë shkollës “Fan Noli”.

Gjatë seancës së sotme pesë të mitur janë marrë në pyetje si dëshmitarë, dhe në seancë kanë qenë të pranishëm prindërit dhe një psikologe.

Seanca e radhës është caktuar për 28 maj, ku do të pyeten edhe 8 dëshmitarë të tjerë, të mitur që kanë dijeni për ngjarjen.

Kujtojmë se 14-vjeçari Martin Cani humbi jetën pasi u godit me thikë nga një bashkëmoshatar i tij pranë shkollës “Fan Noli”.

Në këtë ngjarje, shoku i Martinit, Luis Meçja, mbeti i plagosur rëndë, por fatmirësisht ka bërë një rikuperim të plotë dhe tani gëzon shëndet të plotë.

LEXONI GJITHASHTU:

• Gjyqi për vrasjen e Martin Canit, babai i Luis Meçes përplaset me prokuroren
• EKSKLUZIVE/ Flet për herë të parë për ‘Review’ Luis Meçe: Më gjuajti me thikë 6 herë

The post Babai i Luis Meçes tregon incidentin me prokuroren, pse më nxorri nga seanca appeared first on Euronews Albania.