Kur Nacho Sánchez Amor, raportuesi i Parlamentit Evropian për Turqinë,u shfaq para kamerave rreth dhjetë ditë më parë, ai dukej dukshëm i tronditur. Pasi vizitoi kryetarin e burgosur të Stambollit, Ekrem Imamoglu, socialdemokrati ishte shumë i qartë kur tha: “Rasti Imamoglu është plotësisht i sajuar”.

Sánchez Amor, tha se lideri i opozitës “është në burg sepse kandidati i Erdoganit nuk mundi ta mposhtte atë”. Amor theksoi se zyra e prokurorit të Stambollit ka detyrën e shkatërrimit politik të Imamoglut. “Kjo është ajo që do t’ua përcjell kolegëve të mi evropianë”, shtoi ai.

Ish-kryetari i bashkisë së Stambollit dhe kandidati presidencial i partisë kryesore të opozitës CHP është mbajtur në burg në Silivri që nga 19 marsi. 54-vjeçari akuzohet për korrupsion, themelim të një organizate kriminale dhe mbështetje të terrorizmit, ndër të tjera. Rreth 130 persona janë arrestuar në hetimin kundër tij deri më tani – numri po rritet pothuajse çdo ditë për shkak të bastisjeve të reja.

Imamoglu ende gëzon mbështetje dhe solidaritet të madh. Partia e tij, Partia Republikane Popullore (CHP), organizon rregullisht protesta në të gjithë vendin. Megjithatë, kjo mbështetje mund të dobësohet së shpejti.

Shpresat edhe në burg
Imamoglu njihet si një politikan i afërt me popullin, karizmatik dhe i aftë për të mobilizuar masat. Për vite me radhë ai ka qenë rivali më i fortë i Presidentit turk Rexhep Tajip Erdogan. Në Stamboll, një qytet me miliona banorë, ai i mundi kandidatët e Erdoganit tre herë, gjë që i dha fund pathyeshmërisë së AKP-së.

Falë këtyre sukseseve, Imamoglu ka performuar me besim në rritje. Pas humbjes së opozitës në zgjedhjet presidenciale dhe parlamentare në maj 2023, politikani popullor ushtroi presion mbi partinë e tij për reforma. Në kongresin e partisë në vjeshtën e të njëjtit vit, me mbështetjen e tij të fortë, një kandidat i zgjedhur prej tij – Özgür Özel – u zgjodh si kryetar i ri i partisë dhe e gjithë udhëheqja u zëvendësua. Që atëherë, CHP ka filluar të fitojë gjithnjë e më shumë mbështetje. Vitin pasardhës, ai fitoi zgjedhjet lokale të vendit.

Imamoglu që atëherë është konsideruar si një kandidat i mundshëm presidencial dhe u nominua zyrtarisht në mars.

Një gjyq dramatik kundër CHP-së
Me burgosjen e Imamoglu-t dhe politikanëve të tjerë të opozitës, CHP-ja ka qenë nën presion të madh në muajt e fundit. Tani ajo përballet me një sfidë tjetër të madhe: një gjyq dramatik kundër partisë. Më 30 qershor 2025, një gjykatë në Ankara mund të anulojë zgjedhjen e udhëheqjes aktuale të partisë nga Kongresi i mbajtur në nëntor 2023.

Disa mbështetës të ish-kryetarit të partisë Kemal Kilicdaroglu kanë pretenduar parregullsi në procesin zgjedhor dhe kanë ngritur akuza penale. Ata akuzojnë krahun reformist të Özel dhe Imamoglu për blerjen e votave të delegatëve.

Imamoglu po përballet me akuza të shumta në burg – me të drejtë?

Një gjyq i manipuluar politikisht
Mediat e afërta me Erdoganin dhe autoritetet kanë kohë që përpiqen të minojnë unitetin e partisë më të madhe të opozitës me raportimet e tyre, besojnë mbështetësit e CHP-së. Pretendimet se ish-kryetari i partisë dhe i gjithë kampi i tij janë viktima të intrigave të brendshme të partisë po përhapen qëllimisht.

Nëse kjo është bërë vërtet sistematikisht, atëherë qëllimi ndoshta është arritur: brenda CHP-së dhe midis mbështetësve të saj, krahët kundërshtarë po sulmojnë njëri-tjetrin dhe po shkëmbejnë fyerje dhe akuza të rënda.

Sipas politologut Baris Övgün, opozita kështu po “bie në kurthin e autoriteteve”, të cilat prej kohësh kanë përdorur taktikën e ndarjes së krahëve të ndryshëm brenda partive opozitare me qëllim dobësimin e unitetit të tyre.

“Më 30 qershor, gjyqtarët mund të shkarkojnë udhëheqjen aktuale të partisë me vendimin e tyre”, tha Övgün në një intervistë me DW. Megjithatë, ai beson se shpallja e vendimit ndoshta do të shtyhet me qëllim që të thellohen më tej përçarjet brenda CHP-së dhe të krijohet përshtypja në publik: “Shikoni, ata as nuk mund ta drejtojnë partinë, atëherë si do ta drejtojnë shtetin?”/dw

Kreu i Partisë Mundësia, Agron Shehaj, ka shuar zërat se ai do të kandidojë në zgjedhjet e ardhshme lokale për Bashkinë e Tiranës.

Shehaj propozoi bashkëpunim mes të gjitha forcave opozitare dhe mbështetjen e një kandidature të përbashkët, jo politike, me qëllim maksimizimin e shanseve për të fituar Bashkinë e Tiranës. Ai e konsideroi këtë si alternativën e vetme reale për një përmbysje të balancave aktuale në kryeqytet.

“Jo, nuk kam ndër mend të kandidoj. Mendoj se mundësitë që opozita të mundë kandidatin e PS-së janë shumë të vogla sidomos në kushtet që jemi, ku thjesht shohim rezultatet e zgjedhjeve të Tiranës. Ekziston një mundësi për këtë, dhe mundësia është nëse ne do vendosim të gjithë bashkë të kandidojmë dhe mbështesim një kandidat jo politik. Të gjejmë një kandidat, anëtar të asnjë partie politike, por një kandidat teknik që gëzon respektin e shoqërisë shqiptare”, deklaroi Shehaj në emisionin Now në Euronews.

The post Propozimi i Shehajt: Opozita me kandidat të përbashkët në zgjedhjet për Bashkinë appeared first on Lapsi.al.

Kryeministri Edi Rama në rubrikën e rikthyer “Sy më sy” ka ironizuar opozitën, duke u thënë komentuesve të shohin në ç’derexhe janë katandisur kundërshtarët pasi sipas tij e marrin lehtë popullin.

“Është arsyeja më bindëse dhe më kuptimplotë e krenarisë që populli shqiptar më kupton më mirë dhe më shumë se ç’mund të pretendoja. Duke më dhënë një mijë e një arsye t’i qëndroj besnik edhe të bëj të pamundurën për të bërë sa më shumë për këtë vend dhe njerëzit e këtij vendi falë besimit dhe pushtetit që buron nga ky popull. U kam thënë atyre që e marrin lehtë dhe miqve në rrjete sociale, që është një popull që të jep ujë në bisht të lugës. Ju mund të ndiqni të tjerët gjatë këtyre ditëve se në ç’derexheje janë katandisur për të kuptuar se ç’ndodh kur e merr lehtë këtë popull”, tha Rama.

The post Rama ironizon opozitën: Shihni në ç’derexhe janë katandisur, e marrin lehtë popullin appeared first on Lapsi.al.

Kryeministri Edi Rama vijoi sot me rubrikën “Sy më sy” teksa iu përgjigj pyetjeve të komentuesve në rrjetet sociale. Rama foli për herë të parë në këtë rubrikë me komentuesit, pas zgjedhjeve të 11 majit ku mori mandatin e katërt.

Kryeministri nuk la pa ironizuar opozitën dhe Berishën, duke thënë komentuesve shikoni në ç’derexhe janë katandisur pasi sipas tij marrin lehtë popullin. Rama thotë se populli atij i dha besimin për mandatin e katërt.

Rama: Është arsyeja më bindëse dhe më kuptimplotë e krenarisë që populli shqiptar me kupton më mirë dhe më shumë se ç’mund të pretendoja. Duke më dhënë një mijë e një arsye ti qëndroj besnik edhe të bëj të pamundurën për të bërë sa më shumë për këtë vend dhe njerëzit e këtij vendi falë besimit dhe pushtetit që buron nga ky popull që u a kam thënë atyre që e marrin lehtë dhe miqve në rrjete sociale, që është një popull që të jep ujë në bisht të lugës. Ju mund të ndiqni të tjerët gjatë këtyre ditëve se në ç’derexheje janë katandisur për të kuptuar se ç’ndodh kur e merr lehtë këtë popull.

The post “Populli më kupton më mirë se ç’pretendoja”/ Rama ironizon opozitën: Shikoni në ç’derexhe janë katandisur appeared first on Sot News | Lajme.

Kreu i grupit parlamentar të opozitës, Gazment Bardhi, ka kërkuar ndërprerjen e seancës plenare në Kuvend, duke theksuar se ajo nuk mund të nisë pa u siguruar kuorumi minimal i nevojshëm.

“Sipas rregullores dhe çdo organi kolegjial, mbledhja e Kuvendit nuk mund të fillojë pa patur minimalisht 70 deputetë në sallë. Është përgjegjësia e Kryetares që të nisë seancën vetëm kur ky kuorum është i plotësuar,” u shpreh Bardhi.

Ai i kërkoi kryetares së Kuvendit të ndërpresë seancën dhe të njoftojë deputetët, për të garantuar pjesëmarrjen e nevojshme. “Kur nis mbledhja e Kuvendit, duhet të jenë të paktën 70 deputetë. Kështu që ndërprisni seancën, njoftoni deputetët dhe pastaj fillojmë,” theksoi ai.

Edhe Flamur Noka dha të njëjtin argument, duke theksuar se “keni nisur seancën në kundërshtim me rregulloren, në sallë nuk ka as 55 deputetë. Nuk ka kuorum”.

The post Opozita kërkon ndërprerjen e seancës plenare, Bardhi: Nuk mund të nisë pa kuorumin minimal, thërrisni deputetët appeared first on Sot News | Lajme.

Analisti Arben Meçe ka komentuar seancën e sotme plenare në Kuvend, ku nisi me tensione mes opozitës dhe mazhorancës. Mece, u shpreh se Berisha nuk e pranon ende humbjen. Ai theksoi se përsa kohë që të jetë ish-kryeministri Berisha, Parlamenti nuk do të jetë asnjëherë në normalitet.

“Berisha problemin e vet të partisë do ta transmetojë në Parlament. Përballë kësaj humbje, referuar statusit të PD duhet të japë dorëheqje. Por Berisha nuk mund ta lëshojë kaq lehtë pronën e vet. Kemi thënë prej kohësh që Berisha është pronar i PD. Është absurde të mendosh që Berisha do të japë dorëheqjen. I vetmi argument që ai do të ndërtojë është i lidhur me atë që e prezantoi si farse elektorale. Edhe pse ambasada amerikane uroi popullin shqiptar për zgjedhje. Berisha zgjedhjet nuk pranon”, tha Meçe.

Meçe u shpreh gjithashtu se kjo situatë nuk pritet të ndryshojë dhe se në shtator nuk do të ketë qetësi parlamenti. Analisti tha se PD është pronë e Berishës dhe pronari po e mban peng pronën.

“Grupi që zgjodhi Berisha në listat e mbyllura është ndryshe grupi i sherrit. Mund ta quajt edhe grup paramilitar. Ai do të vijë në Parlament në shtator dhe do ta mbajë në këtë gjendje. Kjo gjendje nuk është normale në demokraci. Kemi përballë “21 Janarin” dhe përballë “Partizanin”, kemi edhe CEZ/DIA që kaloi në gjykim. Kemi privatizimin e hidrocentraleve të Shqipërisë. PD është pronë e Berishës, pronari nuk mban peng pronën.

Ka një popull opozitar që nëse nuk e ka kuptuar, tashmë populli opozitar dhe PD janë institucione që janë shumë larg njëri-tjetrit. Rënia 30 % e PD në themel të tregon që një popull opozitar është tërhequr dhe e ka braktisur PD. Dhe ne do të shohim edhe që gjithë Kryesia e PD, titullarët e institucioneve janë në grup parlamentar, shto edhe grupi i zjarrit do të bëjnë politikë që thjesht do të ndërtojnë kauzën që çështja e PD është mbrojtja e Berishës”, tha ai

The post “Parlamenti nuk do të ketë qetësi nga Berisha”, Meçe: Kauza e opozitës, mbrojtja e ish-kryeministrit appeared first on Sot News | Lajme.

Kreu i Parisë Demokratike Sali Berisha ka marrë pjesë sot në një konferencë për shtyp ku tha se opozita nuk mund dhe nuk duhet të presë vjeshtën. Pas rezultatit në zgjedhje Berisha deklaroi se janë duke përpiluar raportin që do u dërgohet ndërkombëtarëve. Ai shtoi se ajo që e konsideron si farsa elektorale e 11 majit u paralajmërua botërisht, nga të gjithë ata që i besojnë votës së lirë.

Pjesë nga fjala e Berishës:

Opozita nuk mund dhe nuk duhet të presë vjeshtën. E kam thënë dhe e them, këto zgjedhje treguan se Edi Rama është i aftë të bëjë gjithçka, të paguajë çdo çmim, për ti shndërruar në farsë. Opozita do të bëjë gjithçka për tu kthyer shqiptarëve votën e lirë. Sot shqiptarët nuk kanë vetëm zërin e opozitës. Sot shqiptarët kanë zërin e 108 partive politike të Internacionales Demokrate të Qendrës. Kanë zërin e 87 partive politike të Partisë Popullore Europiane.

Kanë zërin e 83 partive politike të Bashkimit Ndërkombëtar Demokrat, të cilat paralajmëruan se Shqipëria nuk zhvillon zgjedhje, por zhvillon farsa elektorale. Farsa elektorale e 11 majit u paralajmërua botërisht, nga të gjithë ata që i besojnë votës së lirë. Vetëm në rezolutën e Valencias, ku kanë votuar forcat e qendrës së djathë të mbarë Europës, sanksionohet se Edi Rama po blen vota, dhe është para datës 11 maj, po blen vota me lek, po blen vota me kanabis. Do merrni ju vesh së shpejti se cili është krimi me kanabis. Shumë shpejt do njiheni me përmasat me krimin me kanabis.

Po blen vota me punësime, po blen vota me prokurorime. Defakto Valencia i hodhi në kosh zgjedhjet e 11 majit. Partia Demokratike dhe Aleanca për Shqipërinë Madhështore po përpilon raportin të cilin do të ua paraqesë të gjitha forumeve, institucioneve ndërkombëtare dhe qeverive të vendeve të lira. Natyrisht fjalën e fundit do ta thonë qytetarët shqiptarë. Kush është i gatshëm të sakrifikojë për votën e lirë. Kush mendon dhe beson se, ky vend pa votën e lirë nuk ka të ardhme, duhet të ngrihemi dhe të mos pranojmë kurrë një farsë të tillë të shëmtuar, ku Xhabaftët, Troplinët, Çelët, Bajrët, diktojnë rezultatet e zgjedhjeve.

The post “Po përpilojmë raportin që do u dërgohet ndërkombëtarëve!”/ Berisha: Opozita nuk mund dhe nuk duhet të presë vjeshtën appeared first on Sot News | Lajme.

Analisti Ilir Demalia tha se tashmë kreu i PD Sali Berisha, nuk është një faktor politik dhe se opozita do të shkërmoqet.

Demalia u shpreh se brenda PD ka kërcënime mes tyre. Ai shtoi se ky informacion i vjen nga një kandidate për deputete nga listat e hapura të demokratëve.

“Berisha nuk është faktor politik, nuk di ndonjë vend që opozita të sillet kështu. Ajo parti do shkërmoqet dhe do mbeti një bunker me ushtarë.

Nuk pres frymë të re në PD. Jo më larg se pardje, një deputete më dha një mesazh që i kishte dërguar Noka që duhet të jenë përpara ‘SKAPIT’ kur të kishte detyrimin për paraqitje Berisha. Ajo ishte kandidate për listat e hapura dhe pata një debat me të më parë. I thashë eja fol në podcastin tim, ndërkohë mu përgjigj që nuk flitet sepse ne PD të kërcënojnë dhe kemi frikë. Nëse ne kemi frikë që na kërcënojnë, dil nga partia. Janë njerëz që nuk e meritojnë mandatin e deputetit”, tha Demalia.

The post “PD drejt shkatërrimit”/ Demalia lëshon ‘bombën’: Brenda opozitës ka kërcënime appeared first on Sot News | Lajme.

Kreu i Partisë Mundësia, Agron Shehaj ka reaguar për zgjedhjet parlamentare të 11 majit, ku shprehet se ‘e pamundura, ndodhi’.

Shehaj siguroi dy mandate, të për cilën shprehet se është ‘thyer një mur që dukej i pakalueshëm’, ndërsa shton se ‘puna e vërtetë fillon tani’.

Ndër të tjera, Agron Shehaj falënderon votuesit, vëzhguesit, kandidatët dhe këdo që e ka mbështetur.

Reagimi i Shehaj:

E pamundura, ndodhi.

Pavarësisht frikës së mbjellë natë për natë, pavarësisht një sistemi të ngritur për të mos lënë askënd të ri të ngjitet, pavarësisht propagandës, pushtetit dhe establishmentit.

Luftuam, u përballëm dhe ia dolëm.

Dy mandate. 50 mijë qytetarë që na besuan. Pa premtime boshe. Pa lojëra. Pa pazare. Pa “më jep të të jap”. Kemi thyer një mur që dukej i pakalueshëm. Por puna e vërtetë fillon tani.

Ne do të jemi aty, me zë, me fakte, me qëndresë. Për çdo qytetar që na dha votën. Për çdo shqiptar që pret më shumë.

Për të gjithë ata që na kanë ndjekur nga larg, që kanë shpresuar, por nuk kanë besuar plotësisht se ndryshimi ishte i mundur…

Nuk ka më kohë për të qëndruar spektatorë apo për të pritur një shpëtimtar. Ejani! Bashkohuni me ne!
Me mbështetjen tuaj, çdo gjë është e mundur. Partia Mundësia është opozita e shekullit 21. E ndershme. E vërtetë. Moderne. E vendosur.

Një opozitë që sheh nga e ardhmja, një e ardhme që na përfshin të gjithëve. Faleminderit nga zemra çdo votuesi, vëzhguesi, koordinatori, kandidati, kandidati nga diaspora, ambasadorëve të Partisë Mundësia, pjesëmarrësve në takime dhe të gjithë atyre që na kanë mbështetur, haptazi apo në heshtje.
Faleminderit të gjithëve!

The post Agron Shehaj: Luftuam, u përballëm dhe ia dolëm. Jemi opozita që sheh nga e ardhmja appeared first on Lapsi.al.

TIRANË, 5 maj/ATSH-Maela Marini/ Kryeministri Edi Rama, njëkohësisht kryetar i Partisë Socialiste kërkoi sot votën në 11 maj për të shtyrë Shqipërinë përpara, por edhe “për të tharë kënetën”, që sipas tij, “është fatkeqësi kombëtare dhe plagë antieuropiane në mes të trupit të Shqipërisë”.

Përmes një videomesazhi në rrjetet sociale, Rama komentoi deklaratat e opozitës e cila pretendon manipulime me votën e diasporës.

“Klithmat e bufit të kënetës dhe kuak-kuak-et e kënetës u shtrinë tani edhe jashtë kufijve duke paralajmëruar vjedhjen e madhe. Një nga salamandrat blu kishte nxjerrë ca zarfe në rrugë dhe pretendonin se ishin zarfet të kapur nuk e se si dhe nga kush etj. Drejtuesi ynë politik për diasporën ka bërë një sqarim shumë të qartë për këtë se zarfe mund të mbledhësh edhe nga shtëpia jote dhe kur je skllav i bufit edhe shtëpinë tënde e kthen në llogore kënete dhe mund t’i fotografosh në rrugë dhe të thuash ja këto po i bën narkoregjimi. Por këto nuk i ha njeri”, tha Rama.

Kryeministri bëri thirrje që “të gjithë së bashku të fokusohemi që edhe për këtë arsye, një rrugë e dy punë, të shtyjmë Shqipërinë përpara dhe të përshpejtojmë tharjen e asaj kënete që është fatkeqësi kombëtare dhe është një plagë antieuropiane në mes të trupit të Shqipërisë”. /j.p/

The post Rama: Në 11 maj të përshpejtojmë tharjen e “kënetës”, fatkeqësi kombëtare dhe plagë antieuropiane appeared first on Agjencia Telegrafike Shqiptare.

TIRANË, 28 prill/ATSH/ Kryeministri i Shqipërisë, Edi Rama, njëherazi kryetar i Partisë Socialiste, gjatë një takimi me mbështetës të PS-së në Petrelë, komentoi akuzat e ngritura së fundmi në medie për përpjekje nga ana e tij për t’u takuar me djalin e Presidentit të SHBA, Donald Trump, në Beograd.

Rama tha se pas personave që po përdorin një narrativë të tillë qëndron kreu i opozitës.

“Sot kishte futur në lojë, nëpërmjet një “çyryku” që mban afër familjen e presidentit Trump. Sipas tij, unë paskam bërë përpjekje për të shkuar në Beograd, prandaj dhe nuk vajta për t’i dhënë lamtumirën e fundit Papës në Vatikan. Po prisja të shkoja në Beograd, ku do të shkonte djali i presidentit Trump, aty me vëllaun tim, Vuçiç do futesha aty si “fanti spathi” e ta përshëndesja. Po kjo nuk u bë e mundur dhe dështoi”, tha Rama.

Kryeministri bëri të ditur se për këtë situatë u detyrua të reagojë edhe vetë familja e Presidentit.

“Por kur sheh se detyrohen njerëzit e familjes së presidentit të SHBA të mohojnë këtë çmenduri, të vjen turp se në fund të ditës, atje nuk e di njeri, e nuk e njeh njeri, përveç këtyre që marrin 6 milionë dollarë për ta njohur. Me 6 milionë dollarë, vjen “latifi” e na e prezanton të gjithëve, vjen “latifi” pa problem fare”, u shpreh Rama.

Problemi është, vijoi Rama, se pa ato 6 milionë dollarët as nuk e di njeri kush është.

“Çfarë u mbetet në mend, u mbetet Shqipëria. Ky është një udhëheqës shqiptar. Kjo është një forcë konservatore shqiptare, një çmenduri totale. Nuk di njeri, të qeshë apo të qajë”, vijoi më tej Rama.

Ai më tej foli edhe për udhëzimin e PD për të mos lejuar kandidatët e PD-së për deputet të komentojnë kontratën e PD-së për lobim në SHBA.

“Më e bukura, kishin shpërndarë një trakt, ku udhëzoheshin të gjithë kandidatët e “kënetës” të mos shkojnë në medie, pasi sipas tyre, ngaqë unë jam i tmerruar se po më afrohet dita e fundit, paskam imponuar që në të gjitha mediet të flitet vetëm për kontratën. Dhe që të mos spostohet vëmendja e popullit nga programi i Shqipërisë madhështore, duke vajtur këta e shpjeguar ku i gjetën 6 milionë dollarë”, deklaroi Rama. /j.p/

The post Përpjekje për t’u takuar me djalin e Trump, Rama: Njerëzit e familjes së presidentit të SHBA u detyruan të mohojnë këtë çmenduri të opozitës appeared first on Agjencia Telegrafike Shqiptare.

TIRANË, 27 prill/ATSH/ Kryeministri Edi Rama ndau sot në rrjetet sociale një video të animuar ku ironizon drejtuesit e opozitës.

Rama e ka cilësuar Teatrin e Kukullave të së dielës këtë serial humori me personazhe të politikës në vend nën titullin “Bufi dhe Tiku drejt bashkimit”.

Në video bëhet fjalë për një skenar satirik dhe ironik të tre opozitarëve, kryetarit të Partisë Demokratike, Sali Berisha, kryetarin e Nismës Shqipëria Bëhet, Adriatik Lapaj si edhe drejtuesin politik të Koalicionit Euroatlantik, Lulzim Basha.

/k.s/

The post Rama ndan videon satirike “Bufi dhe Tiku drejt bashkimit” appeared first on Agjencia Telegrafike Shqiptare.

Deputeti i Partisë Socialiste dhe kandidati për Tiranën, Pandeli Majko kërkoi të sajojë një metaforë të sforcuar sa i përket opozitës dhe zgjedhjeve. Sipas Majkos, pas 11 majit, opozita do të ndryshojë për qeverinë socialiste, duke mos qenë PD, por Brukseli.

“Pas zgjedhjeve të 11 majit, opozita do të ndryshojë për qeverinë socialiste. Nuk do të jetë më PD, opozita do të përbehet nga administrata e Brukselit” – u shpreh Majko.

Sipas Pandeli Majkos, Brukseli do të fusë qeverinë në një “këmishë force” dhe do të ndryshojë qasjen ndaj procedurave dhe legjislacionit.

Pas rikthimit në realitet, Majko komentoi edhe opozitën në vend. Sipas kandidatit për deputet, opozita shqiptare është ndarë në disa fraksione dhe nuk ka më unitet, siç kishte ndodhur në vitin 2005 kur u gjet një gjuhë e përbashkët mes grupeve opozitare.

Sipas tij, opozita ka një qëndrim të qartë për drejtësinë, ku ka shpallur se do të shpërbëjë SPAK-un. “Është një doktrinë që ka përfaqësues një njeri që drejton opozitën, ‘të mitë janë të pafajshëm, të fajshëm janë ata të palës tjetër’,” tha Majko në studion e lajmeve në News24. ©Lapsi.al 

The post Perla e Pandeli Majkos: Pas 11 majit opozita jonë nuk do jetë PD, por Brukseli appeared first on Lapsi.al.

Kryetari i Aleancës për Ardhmërinë e Kosovës (AAK), Ramush Haradinaj, ka thënë se partia e tij është e interesuar që të zgjidhet kryetari dhe nënkryetarët e Kuvendit të Kosovës.

“Beteja politike nuk është zhvilluar asnjëherë për kryetar Kuvendi dhe për konstituim Kuvendi. Më vjen keq që Lëvizja Vetëvendosje (LVV) s’po ka mirëkuptim për kalimin e kësaj situate”, është shprehur ai në hollin e Kuvendit, pasi kandidatja e LVV-së për kryetare të Kuvendit, Albulena Haxhiu, nuk i mori votat e nevojshme. Qëndrimet tona sa i përket Qeverisë i dini, jemi për qeveri të opozitës, nëse LVV-ja gjen zgjidhje tjetër, të shohim si do të ec tutje. Do të ishte në interesin e tyre ta prezantojnë një kandidaturë unifikuese, të kalojë ky bllokim”, ka deklaruar kreu i AAK-së.

Haradinaj ka thënë se përgjegjësia për dështimin e seancës për konstituimin e Kuvendit bie mbi LVV-në. “Faji bie mbi atë që s’ka shumicë, apo që ka shumicë po s’ka vota”, është shprehur ai. Haradinaj ka folur edhe për mundësinë e shpërbërjes së Kuvendit dhe shkuarjes drejt zgjedhjeve të reja, teksa ka thënë se “edhe për të shkuar në zgjedhje duhet dakordimi i opozitës”.

The post “Jemi për qeveri të opozitës”/ Kryetari i (AAK), Ramush Haradinaj: Për të shkuar në zgjedhje duhet dakordimi i… appeared first on Sot News | Lajme.

TIRANË, 18 prill/ATSH-Maela Marini/ Kryeministri Edi Rama, njëherësh kryetar i Partisë Socialiste iu përgjigj sot atyre që e akuzojnë për përdorimin e gjuhës ofenduese në fushatë.

Në një takim me komunitetin e Njësisë 6, Lagjja 14, Kashar, Rama u shpreh se nuk e kuppton dot se si një burrë normal mund të hidhet me kokë në kënetë.

“Kush vjen dhe ju thotë t’i jepni votën që të bëjnë Shqipërinë Madhështore ata nuk janë normal. Pastaj mbasi të keni njohur bufin e kënetës nuk keni fare se çfarë të kërkoni më se aty ka kukumjaçka, bretkosa, zhapikë, gjithëfarëlloj speciesh të tjera që janë realisht ashtu. Si ka mundësi që janë akoma vërdallë? Sepse gjysma e burrave të Shqipërisë janë çyryk”, u shpreh Rama.

Rama tha se i mjafton fakti se PS-në e mbështesin 56% e grave dhe vajzave të Shqipërisë. “Nëse na mbështesin 56% e grave dhe vajzave, 56% e votuesve të parë, ne na duhet vetëm gjysma e burrave të na mbështesin, ata që janë normal dhe ne jemi më shumë se sa ishim 4 vjet më parë në parlament. Më thonë që janë shqetësuar e revoltuar shumë pse them unë se ‘gjysmat e burrave janë çyryk’. Unë nuk e kuptoj dot si një burrë normal mund të niset dhe të shkojë të hidhet në kënetë me kokë. Nuk e kuptoj dot se si një prind sot kur ka përpara shumë të qartë rrugën, dhe jo të thënë nga unë ose ne por nga BE, që Shqipërisë i kemi dhënë planin për të mbyllur negociatat në 2027, të dëgjojë këto dhe të shkojë me kokë në kënetë”, tha Rama.

Rama tha se PS ka një skuadër me njerëz që kanë bërë dhe dinë çfarë duhet të bëjnë.

“Nëse, marrim dhe shikojmë skuadrën e tyre çfarë lidhje ka Tirana me kënetën, një recetë shumë të thjeshtë”, vijoi Rama, ndërsa u solli në vëmendje të pranishmëve në këtë aktivitet katër ngjarje si Gërdeci, janari 2011, vitet 1996, 1997, për të kuptuar se kush është pala kundërshtare që kërkon votën për të bërë Shqipërinë madhështore. /j.p/

The post Rama: Kërkojnë votën për Shqipërinë Madhështore ata që bënë ’97 dhe Gërdecin appeared first on Agjencia Telegrafike Shqiptare.

TIRANË, 16 prill/ATSH-Maela Marini/ Kryeministri Edi Rama, njëherësh kryetar i Partisë Socialiste kujtoi sot firmat piramidale, ndërsa u shpreh se “Sudja, Rrapush Xhaferi, Vehbi Alimuça janë emrat e Shqipërisë Madhështore”.

Në një takim me të rinjtë e njësive 1, 2 dhe 3 në Tiranë, Rama foli për opozitën ndërsa u shpreh se “këta të qilimave që kanë të re vetëm fytyrën dhe moshën, asnjë gjë tjetër”.

“Ka dhe nga këta që shesin qilima. I keni parë ju? Janë ca që thonë ‘’jemi të rinj ne,  jemi forca të reja’’. Shitësa qilimash fluturues. Dalin në rrugë për të shitur qilima. ‘Hajde hip në qilim se do të të fluturoj unë’. I ka provuar Shqipëria qilimat fluturues. Pyesni prindërit tuaj, si ju shkoi ‘’fluturimi’’ në ’97 me Suden dhe me Rrapush Xhaferin. Në ’96. Ju as nuk i dini kush janë këto emra. Këto emra janë emrat e Shqipërisë madhështore; Sudja, Rrapush Xhaferi, Vehbi Alimuça edhe se ç’ka qenë dhe një tjetër, Ceno, Ceno. 4 veta që çmendën dynjanë; që i thoshin shqiptarëve “hajdeni ju, fusni 1 merrni 2. Të hënën fut 1 milion lekë, të premten merr 2 milionë lekë’’. U bë deti kos dhe bufi i kënetës thoshte ‘’futuni, futuni se janë para të pastra kapitalizmi. Erdhi, do e bëjmë  Shqipërinë madhështore’’. E ka provuar një herë”, u shpreh Rama.

Ndaj Rama tha se 11 maji nuk është tifozllëk për fanellën e partisë. “Sot këtu nuk ka as flamuj, s’ka asnjë flamur të PS-së. Këtu janë flamuri më i bukur në botë kuqezi dhe flamuri i ëndrrës më të bukur kombëtare, flamuri i BE-së”, shtoi ai.

Po ashtu, Rama theksoi faktin se sot BE është e rëndësishme dhe për sigurinë. “Nuk ka qenë deri dje siguria fizike, siguria territoriale një problem por e pamë dhe e shikoni përditë që lufta nuk është film dokumentar. Lufta po ndodh në kufi të Europës. BE ka një plan për t’u armatosur. Ne si do bëjmë tani? Do rrimë do merremi tani e lagu s’e lagu Kujtim Gjuzi bishtin e mustaqes? Për mustaqet e Kujtim Gjuzit do luftojmë ne në 11 maj?”, shtoi ai.

Rama foli edhe për primaret e PD-së ndërsa shtoi se “më shumë deputetë ka nga Big Brother sesa nga primaret”. /j.p/

The post Rama kujton firmat piramidale: Janë emrat e Shqipërisë Madhështore appeared first on Agjencia Telegrafike Shqiptare.

TIRANË, 14 prill/ATSH/ Kryetari i Partisë Demokratike, Sali Berisha u shpreh sot se “fillimi i fushatës elektorale ka sjellë një shpërthim të besimit tek opozita”.

Në një konferencë për shtyp, Berisha u shpreh se “programi i PD-së po bën fole çdo ditë e më shumë në mendjet dhe zemrat e qytetarëve shqiptarë”.

Berisha vlerësoi se hapja e fushatës elektorale me datën 11 prill në sheshin “Nënë Tereza” ishte ndër më të bukurat që ai shesh ka njohur ndonjëherë.

“Por, po kaq ishte edhe konventa e PD-së, ku delegatët e saj, por edhe të ftuar, mirëpritën me entuziazëm të madh dhe optimizëm programin e PD për Shqipërinë Madhështore në katër vitet që vijnë. Breshia ishte një pikë kulmore tjetër e këtij programi, e këtij turi, e kësaj fushate. Një entuziazëm i papërshkruar, një optimizëm dhe vendosmëri e madhe e shqiptarëve në diasporë për datën 11 maj, për fitoren e PD-së dhe rotacionin e pushtetit”, tha ai.

Duke folur për takimin me shqiptarët në Breshia të Italisë, kreu i PD tha se “ishte shumëfishi krahasuar me Milanon e mbushur me patronazhistë”.

“Kjo ishte finalja e fushatës së tyre, unë me njerëz, ai me klikime të blera. Ne do të bëjmë gjithçka që ky program të bëhet pjesë e mendimit të qytetarëve, e debatit, duket i garantuar se në mënyrë absolute, pikë për pikë, do të zbatohet”, shtoi kreu i PD, Sali Berisha.

/m.m/r.e/

The post Berisha: Entuziazëm dhe optimizëm për programin e PD appeared first on Agjencia Telegrafike Shqiptare.

TIRANË, 13 prill /ATSH/ Kryeministri Edi Rama, njëherësh kryetar i Partisë Socialiste, ironizoi sërish sot përmes bufit të kënetës deklaratat e kryetarit të Partisë Demokratike, Sali Berisha.

Rama publikoi në rrjetet sociale një video me buf, ndërsa në sfond dëgjohen deklaratat e Berishës i cili shprehet se “mashtrimi i Edi Ramës me pasaportën evropiane u gris”.

“Përçartja s’ndalon…”, shkruan Rama, ndërsa publikoi videon me deklaratat e Berishës.

Kryeministri Rama ka zgjedhur simbolin e bufit dhe të kënetës për të përshkruar gjendjen e opozitës sot.

/k.s/j.p/

The post Rama ironizon deklaratat e Berishës: Përçartja s’ndalon appeared first on Agjencia Telegrafike Shqiptare.

TIRANË, 11 prill/ATSH-Maela Marini/ Kryeministri Edi Rama, njëherësh kryetar i Partisë Socialiste, shprehu sot bindjen se vetëm një magji mund ta shpëtojë nga disfata opozitën dhe disfatën në 11 maj do e ketë më të madhe se ajo e vitit 1997.

Në një takim me gratë socialiste, Rama u shpreh se kush e do flamurin kombëtar më shumë se flamurin e “kënetës” dhe çdo moçalishteje rreth saj, duhet si qytetar t’i bashkohet PS-së në 11 maj.

Rama tha se PS është sot e vetmja zgjedhje e duhur në vendin dhe kohën e duhur për të vazhduar punën ditë-natë dhe për të mbyllur negociatat për anëtarësim në BE.

“Ata që do të dëgjojnë këtë apel nuk do të bëhen anëtarë të PS-së. Le ta mbajnë teserën e partisë, por ta thajnë “kënetën” që të shpëtojnë partinë. Shqipëria në 11 maj duhet të japë një mesazh: “Ne, populli shqiptar, pa dallim bindjesh partiake, e duam Shqipërinë sa më parë në familjen e bashkuar europiane””, tha Rama.

Rama kujtoi se “këneta” thotë se nuk është prioritet hyrja në BE, por “Shqipëria madhështore”.

“Thonë do ta shkrijmë SPAK në 11 maj. Po kur flasin për Amerikën dhe Presidentin amerikan sikur e kanë komshi që hyjnë e dalin për salcë kosi? Për të krijuar idenë se vërtetë hyjnë e dalin në Shtëpinë e Bardhë, kanë paguar me të gjithë puplat e kokës dhe trupit të bufit edhe një këshilltar që e quajnë “magjistari” dhe përpiqen të trullosin kë të munden: “Erdhi sherifi, erdhi Latifi”. “Bufi” e di më mirë se unë, më mirë se të gjithë që vetëm një magji mund ta shpëtojë nga disfata dhe disfatën në 11 maj do ta ketë më të madhe nga viti ’97”, shtoi Rama.

“Që ka në krye të tyre një tufë delirantësh që mendojnë se janë madhështorë, këtë e morëm vesh, por janë kaq shumë budallenjtë që iu shkojnë pas, ky do të jetë kurioziteti i tyre më 11 Maj. Si gjithmonë premtime dhe përbetimet madhështore deri ditën e zgjedhjeve, më pas fillojnë thirrjet madhështore në darkë, do të dalin edhe disa makina madhështore me flamuj, dhe më pas fillojnë klithmat madhështore për vjedhjen madhështore të një fitoreje madhështore deri në zgjedhjet e tjera”, ironizoi Rama opozitën.

/r.e//a.f/

The post Rama: Disfata e opozitës më 11 maj, më e madhe se e ’97-s appeared first on Agjencia Telegrafike Shqiptare.

TIRANË, 8 prill/ATSH-Maela Marini/ Kryeministri Edi Rama iu përgjigj sot një komentuesi në rrjetet sociale i cili e pyet se kur do ta bëjë debatin publik me opozitën.

Në një komunikim live në rrjete sociale për mes rubrikës “Sy m’sy”, Rama sqaroi se debatin publik ka vite që e bën përditë.

“Me cilën opozitë do të bëj debatin publik? Kam vite që e bëj debatin publik përditë e përditë. Debati publik është në sytë e të gjithëve. Për çfarë debati publik e ke fjalën, për cilën opozitë? Nuk e kuptoj këtë”, iu përgjigj Rama komentuesit.

Më herët në një deklaratë në medie, kryetari i PD-së Sali Berisha ka bërë një ftesë të hapur për debat publik me kryeministrin Rama. /j.p/

The post Rama: Debatin publik kam vite që e bëj përditë në sy të të gjithëve appeared first on Agjencia Telegrafike Shqiptare.