Shqipëria është përfshirë nga zjarre të mëdha ditët e fundit. Situata paraqitet e vështirë në disa zona ku janë urdhëruar shpërngulje teksa të paktën një person ka humbur jetën.

Zjarret dolën nga kontrolli në Gramsh pasditen e së martës dhe po kështu ditën e sotme duke nxitur autoritetet të largonin banorët e tetë fshatrave: Nartë, Skënderbegas, Kullolas, Bletëz, Menkollarë, Ërmenj, Harunas dhe Zenelas.

Në mbrëmje situata u bë kritike edhe në Delvinë, ku u urdhërua gjithashtu largimi i banorëve. Njësoj, në Poliçan u urdhëruan edhe banorët e fshatrave Vokopolë, Zhapokikë, Plashnik dhe Panarit.

Sipas Ministrisë së Brendshme, pesë helikopterë janë angazhuar për shuarjen e flakëve, tre në Gramsh, dy në Delvinë.

Ministria e Mbrojtjes raportoi të mërkurën për 10 mijë forca në terren duke u përballur me 24 vatra aktive zjarresh të 24 orëve të fundit.

Shqipëria në flakë

Temperaturat e larta dhe thatësia e gjatë e kësaj vere ka ndihmuar në përhapjen e zjarreve, ku në disa raste ato kanë qenë edhe të qëllimshme.

Vatrat e para u raportuan më 12 qershor në Qeparo, pasuar nga mali i Krastës më 18 qershor.

Vetëm gjatë atij muaji, sipas ministrisë së Mbrotjjes pati 134 raportime zjarresh në të gjithë vendin: Tiranë, Durrës, Lezhë, Berat, Gjirokastër, Fier, Elbasan, Shkodër, Korçë dhe Vlorë.

Në korrik, numri u trefishua në 373 dhe prirja e lartë e zjarreve vijoi edhe gjatë muajit gusht, favorizuar edhe nga temperatura ekstreme mbi 40 gradë celsius.

Deri të mërkurën, 13 gusht, situata u cilësua kritike me rreth 210 vatra zjarri, ndërsa pati edhe një viktimë në fshatin Skënderbegas, ku zjarri dogji edhe shtëpi.

Ministri i Brendshmëm Ervin Hoxha deklaroi se gjatë muajit gusht ka pasur 59 zjarre të mëdha dhe 961 të vogla.

Kodi Penal në fuqi, përkatësisht neni 206/a parashikon 5 deri në 8 vite burg për shkatërrimin me dashje përmes zjarrit, të fondit pyjor dhe çdo njësie të ngjashme me të, me pasoja të rënda materiale.

“Ndërkaq, kur vënia e zjarrit të qëllimshëm ka shkaktuar pasoja të rënda për pronën, shëndetin ose jetën e njerëzve apo dëme të rënda dhe të zgjatura në kohë ndaj mjedisit, dënohet nga 10 deri në 20 vjet burg”, thuhet në Kodin Penal.

Sipas Ministrisë së Brendshme, në vitin 2025, deri më tani policia ka proceduar 120 persona për zjarrvënie të qëllimshme dhe ka arrestuar vetëm 21 persona.

Shqipëria pa kapacitete për parandalimin e zjarreve

“Janë rreth 10 mijë forca të angazhuara në terren”, u shpreh Ministri i Brendshëm Hoxha të martën nga Gramshi, ndërsa ishte në ndjekje të situatës së renduar nga zjarret.

Përpos premtimeve për të zgjeruar kapacitete për emergjencat civile, Shqipëria nuk ka në dispozicion avionë për fikjen e zjarreve. Në terren janë vetëm zjarrfikësit dhe skuadrat e emergjencës, të cilat vuajnë nga mungesa e mjeteve dhe veshjeve të duhura.

Edhe këtë vit, Shqipëria është mbështetur në Mekanizmin Evropian, duke marrë ndihmë përmes avionëve “Canadair”, të posaçëm për fikjen e zjarreve.

Ky shqetësim është përcjellë edhe nga Kryeministri Edi Rama, i cili përmes një komunikimi në rrjetin social Twitter e relativizoi situatën me vendet e tjera fqinje.

“Duke i siguruar të gjithë se kemi këto ditë mjete nga ajri më shumë se çdo vit më parë, […] i ftoj të gjithë të ngrenë një pyetje: Po fqinjët tanë, Greqia dhe Italia apo Turqia dhe Spanja, që po përcëllohen më keq se çdo vit tjetër kanë vallë mungesë avionësh?”, u shpreh Kryeministri në Twitter.

Shpallja e gjendjes së jashtëzakonshme

Në fshatrat e Gramshit, të cilat u përfshinë nga flakët janë djegur rreth 40 banesa, ndërsa dëme të konsiderueshme ka edhe në kullota dhe fonde pyjore.

Sipas legjislacionit shqiptar ka dy raste kur shpallet gjendja e jashtëzakonshme: kur kemi cenim të rendit publik dhe kur kemi emergjence civile në territore të caktuara.

Edhe pse vendi ynë ka përjetuar situata të vështira për shkak të situatave që lidhen me zjarret apo përmbytjet, asnjëherë qeveria nuk ka shpallur gjendje të jashtëzakonshme.

Shpallja e saj do të aktivizonte të gjitha strukturat shtetërore dhe mund të kërkonte rishikim të buxhetit.

Përvoja e përmbytjeve në Shkodër tregon se mungesa e shpalljes pengon dëmshpërblimin e qytetarëve.

Në një situatë të ngjashme me zjarret, ku dëmet dhe pasojat janë të rënda për qytetarët që gjithçka kanë është shtëpia dhe bagëtia, mosbesimi se do të dëmshpërblehen qëndron aty.

The post Shqipëria mes flakëve appeared first on Citizens.al.

Ministria e Arsimit dhe Sportit u distancua nga zbatimi i projektit të kushtueshëm “Smart City” përmes një përgjigje për BIRN, pavarësisht se 20 shkolla publike janë parashikuar që të përfitojnë kamera inteligjente dhe detektorë me qëllim rritjen e masave të sigurisë. Sipas Ministrisë së Arsimit, ligji për ratifikimin e marrëveshjes së huasë me Fondin e […]

The post Ministria e Arsimit distancohet nga zbatimi i projektit “Smart City” appeared first on Reporter.al.

Një grup ekspertësh të huaj mbërritën në shkollën 9-vjeçare “Jeronim De Rada” në Tiranë në muajin maj dhe pasi vëzhguan sistemin aktual të kamerave të sigurisë, bënë disa matje dhe u larguan nga ambientet e shkollës. Vizita e pazakontë lidhej me projektin e kushtueshëm qeveritar “Smart City”, i cili premton që të instalojë mijëra kamera […]

The post Kamera mbi kamera: Projekti ‘Smart City’ në shkolla ngre pikëpyetje për të dhënat personale appeared first on Reporter.al.

Qeveria ka premtuar shlyerjen e detyrimeve ndaj ish-punonjësve të televizionit “Ora News”, i cili prej vitit 2020 është nën administrim publik. Deklarata erdhi pas denoncimeve të rreth 80 ish-punonjësve për mos pagim të kontributeve shoqërore dhe shëndetësore.

Në një deklaratë për shtyp, ministria e Brendshme pranoi se për shkak të vështirësive financiare, këto pagesa nuk janë kryer. Ajo tha se për këtë situatë Agjencia e Administrimit te Pasurive te Sekuestruara dhe Konfiskuara (AAPSK) ka kryer një auditim dhe shtoi se personat përgjegjës janë referuar në prokurori.

“Në përputhje me legjislacionin […] të gjitha detyrimet e prapambetura ndaj punonjësve të shoqërisë, përfshirë edhe pagesat e kontributeve të sigurimeve shoqërore, do të adresohen në mënyrë të plotë dhe transparente,” theksoi ministria.

Sipas ish-punonjësve, deklarata e ministrisë nuk zgjidh asgjë dhe synon vetëm mbrojtjen e AAPSK-së. Ata thonë se u intereson pagesa e kontributeve të papaguara, jo masat ndaj ish-menaxherëve.

AAPSK e ka çuar çështjen në SPAK, por ish-punonjësit janë të shqetësuar pasi radiotelevizioni ka kërkuar falimentimin dhe kjo u rrezikon pagesat që u takojnë me ligj.

Rrjeti “SafeJournalists” kërkon hetim dhe shlyerjen e pagesave

Rrjeti i Gazetarëve të Sigurt (SafeJournalists) dhe Federata Evropiane e Gazetarëve (EFJ) reagoi duke mbështetur kërkesat e ish-punonjësve për pagesat e kontributeve.

Ata përmendën faktin se, më 19 qershor 2025, dhjetë ish-punonjës dorëzuan ankesë zyrtare në institucionet shtetërore. Në ankesë dokumentoheshin dorëheqje të detyruara, pushime të paligjshme dhe kontrata të ndërprera pa njoftime paraprake.

Nga ana tjetër rreth 80 ish-punonjës pretendojnë se janë hequr padrejtësisht nga regjistrat zyrtarë të punësimit. Veprime të pretenduara se kanë ndodhur gjatë periudhës 2024-2025.

SafeJournalists dhe EFJ i bënë thirrje institucioneve që të garantojnë hetim të pavarur dhe pagesa të menjëhershme.

Historia e administrimit të Ora News dhe RTV Ora

Shoqëria aksionere “Ora”, njohur rëndomtë si “Ora News” u themelua në vitin 2006 dhe një vit më vonë i kaloi në pronësi sipërmarrësit Ylli Ndroqi për 25 milionë lekë. Falë investimeve, televizioni i formatit informativ, fitoi vëmendje të konsiderueshme të publikut.

Në vitin 2010 Ndroqi bleu dhe kompaninë italo-shqiptare “TeknoTrade” për 26.5 milionë lekë, të cilën e rikonceptoi si “Channel One” dhe pak vite më vonë si “RTV Ora”, të cilën e zhvendosi pranë selisë së “Ora News” në ish-Kinostudio.

Ndroqi i shiti 70% të aksioneve të “RTV Ora” në vitin 2019, ndërkohë që një vit më vonë, në gusht 2020 të dy televizionet u vendosën nën sekuestro – ashtu sikurse pasuritë kryesore të Ndroqit, rreth 10 kompani, prona dhe makina luksoze.

Masa u mor me urdhër të SPAK pas dyshimit se pasuritë e Ndroqit ishin kryesisht produkte të pastrimit të parave. Gjatë kësaj periudhe, gazetarët dhe organizatat e medias denoncuan presionin ndaj pavarësisë editoriale të këtyre televizioneve.

Me vendime të shkallës së parë (2022) dhe Apelit të Gjykatës së Posaçme (2023) “Ora News” dhe 30% të aksioneve të “RTV Ora” u konfiskua nga shteti. Prej asaj kohe, ajo ndodhet tërësisht nën administrimin e Agjencisë së Administrimit të Pasurive të Sekuestruara dhe Konfiskuara.

Lexo gjithashtu:

• Administrimi shtetëror i “Ora News” lë pa paguar kontributet e punonjësve

The post Ministria premton zgjidhje, ish-punonjësit e “Ora News” kërkojnë pagesat e sigurimeve appeared first on Citizens.al.

Organizata të shoqërisë civile që përfaqësojnë komunitetet rome dhe egjiptiane i janë drejtuar me një shkresë zyrtare ministrisë së Brendshme, duke i kërkuar zbatimin e vendimit të qeverisë për ngritjen e një komisioni të posaçëm për vetëdeklarimin e përkatësisë etnike.

VKM-ja e datës 26 dhjetor 2024, e miratuar në bazë të ligjit për pakicat kombëtare, përcakton kriteret, dokumentacionin dhe procedurat për mbledhjen e të dhënave për identifikimin e personave që u përkasin pakicave kombëtare përmes një komisioni të posaçëm pranë ministrisë së Brendshme.

Gentian Sejrani nga Qendra “Drejtësi Sociale”, tha për Citizens.al, se mungesa e këtij komisioni po ndikon drejtpërdrejt në jetën e përditshme të anëtarëve të komuniteteve.

“Në qoftë se një person [nga pakicat kombëtare] do që të marrë një vërtetim që i përket minoritetit egjiptian apo rom për arsye se do të fitojë nga bursa, përjashtimi i taksave vendore, apo nga çdo lloj programi tjetër që është pozitiv për të, nuk e përfiton dot sepse duhet të ketë këtë vërtetimin,” shpjegon Sejrani.

Sipas organizatave, mos-ngritja e këtij komisioni po pengon qasjen e komuniteteve në shërbime bazë si ulja në çerdhe, librat falas apo përfitimi nga kuotat në arsimin e lartë.

Më parë, vërtetimet jepeshin nga vetë organizatat e shoqërisë civile, por pas hyrjes në fuqi të VKM-së së vitit 2024, kjo praktikë nuk lejohet më – tashmë përkatësia etnike njihet vetëm kur vërtetimi lëshohet nga institucionet shtetërore.

Sipas relacionit që shoqëron vendimin e qeverisë, komisioni i vetëdeklarimit mblidhet të paktën dy herë në vit, ose sa herë që një e katërta e anëtarëve të tij e kërkon këtë.

Komisioni shqyrton dhe vlerëson formularët e personave që deklarojnë përkatësinë, më pas i pasqyron të dhënat në lista brenda 30 ditëve nga depozitimi i formularëve dhe në raste të veçanta, kur ka dyshime për saktësinë e vetëidentifikimit, kryhen verifikime duke kërkuar të dhëna nga regjistrat civilë.

Vendimi për konfirmimin ose jo të vetëidentifikimit duhet të jepet brenda 60 ditëve nga nisja e verifikimeve e më pas njoftohen personat përkatës. Sipas vendimit të qeverisë, për vendimet e komisionit ka dhe mundësi apelimi.

Mungesa e funksionalitetit të këtij komisioni është kthyer në pengesë serioze për qytetarët që i përkasin komuniteteve egjiptiane dhe rome për të përfituar nga të drejtat e garantuara me ligj.

Ky komunitet mbetet ndër më pak të përkrahurat dhe përfaqësuarat në sistemin politik shqiptar. Fakti se për të kërkuar dhe mbrojtur të drejtat e tyre vijojnë të angazhohen 13 organizata, e konfirmon një gjë të tillë.

Në zgjedhjet e 11 majit 2025, pesë kandidatë që përfaqësonin komunitetet rome dhe egjiptiane (Ardit Çela PSD, Ina Majko PS, Rivelino Çuno PD, Apostol Kosturi e Martin Braho Lëvizja Bashkë) u përfshinë në listat zgjedhore të partive të ndryshme politike. Megjithatë, asnjë prej tyre nuk arriti të sigurojë një vend në Kuvend, duke e theksuar më tej nevojën për përfaqësim të strukturuar dhe përkrahje institucionale.

Lexo gjithashtu:

• Gjykata Evropiane dënon shtetin shqiptar për segregim të fëmijëve romë dhe egjiptianë
• ‘Premtime në baltë’: Jeta e komunitetit rom dhe egjiptian në skajet e politikës

The post Burokracitë pengojnë deklarimin e etnisë për komunitetin rom dhe egjiptian appeared first on Citizens.al.

TIRANË, 2 korrik /ATSH/ Aplikacioni “Agjencia Dixhitale” është tashmë aktiv në të dy sistemet kryesore të telefonave celularë dhe mund të shkarkohet nga çdo qytetar i interesuar.

Gjatë prezantimit të këtij aplikacioni nga AMP, ministri i Brendshëm Ervin Hoxha u shpreh se “Agjencia e Mbikëqyrjes Policore ka ndërtuar dhe vënë në funksion një aplikacion të ri mobil, “Agjencia Dixhitale”, që u ofron qytetarëve një mjet të ri, të drejtpërdrejtë dhe të thjeshtë për të raportuar çdo shkelje apo abuzim nga punonjës të Policisë së Shtetit, Gardës së Republikës apo Shërbimit Zjarrfikës, tre autoritetet që monitorohen nga kjo Agjenci”.

Ky aplikacion është i disponueshëm falas për të gjithë, si në sistemin iOS ashtu edhe në Android, dhe mund të shkarkohet e përdoret nga çdo qytetar, në çdo kohë dhe nga çdo vend, duke mundësuar raportim edhe në kushte anonimati të plotë.

Rreth aspekteve teknike dhe mundësive që ofron ky aplikacion, foli drejtori i Përgjithshëm i AMP Florian Sulejmani.

“Në një kohë kur vendi ynë po përjeton një rritje të ndjeshme të vizitorëve të huaj, veçanërisht gjatë sezonit turistik, kjo platformë dixhitale rrit sigurinë publike duke kontribuar në imazhin e Shqipërisë si një vend mikpritës që i jep prioritet dhe transparencë në standartet europiane të shërbimeve. Për ne, në qendër të veprimtarisë së përditshme qëndron qytetari. Angazhimi ynë i palëkundur është ndërtimi i një sistemi që garanton drejtësi, siguri dhe respekt të plotë për të drejtat e njeriut”, tha Sulejmani.

Të pranishëm në këtë aktivitet ishin drejtues të AMP, Ministrisë së Brendshme dhe misionit ICITAP.

Duke folur rreth qëllimeve fundore që nxitën krijimin e këtij aplikacioni, Ministri Hoxha nënvizoi se “përmes tij dhe përmes forcimit të platformave ekzistuese, dërgojmë një mesazh të qartë se në Shqipëri nuk ka vend për abuzim me uniformën, nuk ka vend për pandëshkueshmëri, nuk ka vend për heshtje përballë padrejtësive”.

“Krahas kanaleve ekzistuese të denoncimit, si numri jeshil 0800 90 90, tashmë prej vitesh në funksion, aplikacioni i ri përfaqëson një hap të rëndësishëm drejt modernizimit të administrimit të ankesave dhe forcimit të integritetit institucional”, – tha gjithashtu ministri i Brendshëm në fjalën e tij.

“Kjo është një kulturë e re ku qytetari dëgjohet. Ky aplikacion përfaqëson një hap modernizimi, është risi në përputhje të plotë me strategjinë e dixhitalizmit të qeverisë shqiptare. Në anonimat të plotë ne i mbyllim plotë abuzimeve, detyra e policëve është për të shërbyer dhe jo për të abuzuar. Askush nuk është mbi ligjin. Autoritetet nuk mund jenë kudo por syri dhe veshi i qytetarit janë aleatët tanë më të fortë”, deklaroi Hoxha.

1 nga 3

/gj.m/j.p/

The post Aplikacioni “Agjencia Dixhitale”, në duart e qytetarëve për të raportuar çdo shqetësim appeared first on Agjencia Telegrafike Shqiptare.

TIRANË, 18 qershor /ATSH/ Projekti “BE për Migracionin-EU4Migration” u lançua sot në Tiranë, me pjesëmarrjen e përfaqësuesve të lartë të Ministrisë së Brendshme, delegacionit të Bashkimit Evropian në Tiranë, Policisë së Shtetit, organizatave ndërkombëtare partnere IOM Albania dhe institucioneve shqiptare.

Ministria e Brendshme vlerëson këtë projekt si një instrument strategjik në funksion të përmbushjes së standardeve evropiane për menaxhimin e migracionit, azilit dhe mbrojtjes së kufijve, në përputhje me angazhimet e vendit në kuadër të procesit të integrimit evropian, veçanërisht Kapitullin 24 “Drejtësia, Liria dhe Siguria”.

Projekti EUMigration, që do të zbatohet deri në fund të vitit 2028, nuk është vetëm një ndërhyrje teknike, por një nismë gjithëpërfshirëse që synon forcimin e kapaciteteve institucionale për menaxhimin e migracionit të ligjshëm dhe të parregullt; përmirësimin e politikave të azilit në përputhje me acquis-në e BE-së; ndërtimin e strukturave të qëndrueshme për kthimin dhe riintegrimin; luftë më efektive ndaj kontrabandimit të migrantëve, përmes shkëmbimit të informacionit dhe bashkëpunimit ndërinstitucional; rritjen e aksesit të migrantëve, refugjatëve dhe azilkërkuesve në shërbime sociale, ekonomike dhe arsimore.

Zv.ministri i Brendshëm Besfort Lamallari veçoi si një komponent të veçantë të projektit, ngritjen e Qendrës Kombëtare të Pritjes për fëmijët migrantë të pashoqëruar, në përputhje me standardet më të larta ndërkombëtare, arritje domethënëse për mbrojtjen e një grupi vulnerabël.

“Përpjekjet tona janë të përqendruara në sigurimin e komplementaritetit ndërmjet projekteve, me qëllim që të shmanget mbivendosja e aktiviteteve dhe të garantohet mbulimi i të gjitha nevojave reale të sistemit kombëtar. Shembull konkret i këtij bashkërendimi është ndërthurja e aktiviteteve të projektit “EU4Migration” me iniciativën rajonale “Mbështetje Rajonale për Menaxhimin e Migracionit me fokus tek mbrojtja në Ballkanin Perëndimor – Faza III”, ku janë identifikuar aktivitete të përbashkëta si zhvillimi i Planit Kombëtar të Kontigjencës dhe Masterplanit Kombëtar për Menaxhimin e Migracionit”, theksoi zv.ministri Lamallari.

Projekti është tërësisht i lidhur me zbatimin e Strategjisë Kombëtare të Migracionit 2024–2030 dhe Planit të saj të Veprimit. Projekti do të kontribuojë në përkthimin e dokumenteve strategjike në veprime konkrete, duke përmirësuar efikasitetin e sistemit kombëtar dhe ndihmuar vendin të përballojë sfidat aktuale dhe të ardhshme në këtë fushë.

Ministria e Brendshme shprehu mirënjohje për mbështetjen që Bashkimi Europian ofron dhe rolin kyç të organizatave partnere si IOM, UNHCR, EASO, FRONTEX, të cilat garantojnë zbatim të suksesshëm dhe në përputhje me standardet më të larta europiane.

Projekti përfaqëson një platformë të hapur bashkëpunimi dhe besimi, ku nuk është thjesht përfituese e asistencës, por partnere aktive në ndërtimin e një sistemi të drejtë, funksional dhe të integruar të menaxhimit të migracionit. /j.p/

The post Lançohet projekti EU4Migration, Lamallari: Mbështetje në përballimin e sfidave aktuale dhe atyre të ardhshme appeared first on Agjencia Telegrafike Shqiptare.

TIRANË, 16 qershor /ATSH/ Ministri i Brendshëm, Ervin Hoxha priti sot në një takim Zëvendëspresidenten e Policisë Federale Kriminale Gjermane (BKA), Martina Link.

Gjatë takimit, Hoxha bëri me dije se diskutuan për “forcimin e mëtejshëm të bashkëpunimit mes Policisë së Shtetit dhe BKA-së, një partneritet që ka dhënë rezultate të prekshme në luftën kundër krimit të organizuar dhe trafiqeve”.

“Vlerësova kontributin gjerman në rritjen e kapaciteteve tona dhe theksova vullnetin e ndërsjellë për të çuar më tej bashkëpunimin, me më shumë operacione të përbashkëta, shkëmbim informacioni dhe mbështetje teknike”, thekson Hoxha.

Ministri nënvizoi se “siguria është sfidë e përbashkët dhe partnerët tanë, si Gjermania, janë aleatë të çmuar në këtë angazhim”.

/m.q/ /a.g/

The post Hoxha takon zv.presidenten e BKA: Gjermania aleate e çmuar në siguri appeared first on Agjencia Telegrafike Shqiptare.

TIRANË, 10 qershor /ATSH/ Ministri i Brendshëm, Ervin Hoxha kërkoi të ndërmerren masa për parandalimin, ndërhyrjen e shpejtë dhe efikase në raste zjarresh, por edhe për identifikimin dhe ndëshkimin e çdo autori të zjarrvënieve të qëllimshme.

Gjatë takimit me 61 drejtues të Shërbimit Zjarrfikës në vend, ministri Hoxha u shpreh se “të dhënat e viteve të fundit na dëshmojnë se në shumë raste, zjarret shkaktohen drejtpërdrejt nga veprimtaria e pakujdesshme ose qëllimisht e dëmshme e vetë njerëzve”.

Këto mesazhe u dhanë gjatë një takimi të mbajtur pranë ambienteve të Stacionit Zjarrfikës në Kinostudio, Tiranë, ku morën pjesë Prefekti i Tiranës, drejtues të Agjencisë Kombëtare të Mbrojtjes Civile dhe zyrtarë të tjerë të emergjencave etj.

Duke folur rreth problematikave të zjarrvënieve të qëllimshme, ministri i Brendshëm kërkoi të hetohet çdo rast dhe të procedohet penalisht kushdo që, me dashje apo nga pakujdesia, shkakton zjarr në mënyrë të qëllimtë.

“Asnjë rast nuk duhet dhe nuk do të mbetet pa përgjegjës. Zjarri nuk është thjesht një fenomen natyror, është shpesh një akt kriminal”, apeloi Hoxha.

Në lidhje me masat për përballimin e problematikave gjatë sezonit veror, ministri vuri theksin tek bashkëpunimi mes strukturave të ndryshme dhe te parandalimi.

“Përballë sfidave me zjarret, ne kemi nevojë për më shumë se sa reagim. Duhet parandalim. Për këtë, na duhet një bashkëpunim i ngushtë me të gjitha strukturat vendore të emergjencës, me njësitë administrative, me kryepleqtë, me shoqërinë civile dhe vetë qytetarët”, u shpreh Hoxha.

Më tej ai nënvizoi se “duhet të forconi koordinimin në nivel vendor, të kryeni inspektime paraprake në zonat me risk të lartë, të rrisni gatishmërinë dhe të zbatoni planet lokale të emergjencës!”

Njëkohësisht Ministri Hoxha bëri me dije se po punohet në drejtim të pajisjes së strukturave zjarrfikëse me mjete dhe ambiente sa më të përshtatshme pune.

“Ministria e Brendshme, do të sigurojë gjithë mbështetjen institucionale për t’ju pajisur me mjetet, informacionin dhe mbështetjen e nevojshme. Stacione të reja, si ky ku po zhvillojmë këtë takim sot, këtu në Kinostudio do të shtohen. Mjete të reja do të sigurohen, përmes buxhetit të shtetit, fondeve të bashkive apo donatorëve. Këta të fundit janë prezentë dhe dua të shpreh një falënderim për kontributin e vyer të tyre”, tha Hoxha.

Për sa i përket bashkëpunimit ndërinstitucional, Ministri i Brendshëm theksoi se “po punojmë ngushtë me Agjencinë Kombëtare të Mbrojtjes Civile si dhe Ministrinë e Mbrojtjes, për të rritur kapacitetet tona kombëtare në luftën kundër zjarreve”.

Në mbyllje të fjalës së tij, Ministri kërkoi një angazhim të menjëhershëm të strukturave të shërbimit zjarrfikës, me qëllim e parandalimit përpara ndërhyrjes.

“Të bashkëpunojmë ngushtë, sepse vetëm të bashkuar mund të jemi efektivë në mbrojtjen e mjedisit, të jetës dhe të pronës së qytetarëve”, tha Ministri i Brendshëm.

/m.m/a.f/

The post Hoxha me drejtuesit e Shërbimit Zjarrfikës: Fokusi tek parandalimi, zjarrvënia e qëllimshme është akt kriminal appeared first on Agjencia Telegrafike Shqiptare.

Deputeti i Partisë Socialiste Plarent Ndreca, i cili është në gjykim nga Gjykata e Posaçme Kundër Korrupsionit dhe Krimit tër Organizuar – për abuzim me tenderat në kohën kur ishte Sekretar i përgjithshëm i Ministrisë së Brendshme, ka ndërmarrë të enjten një sulm publik ndaj Inspektorit të Lartë të Drejtësisë (ILD) se ka refuzuar të […]

The post Në gjyq për abuzim me tendera, deputeti socialist vë në shënjestër ILD-në appeared first on Reporter.al.

TIRANË, 27 maj /ATSH/ Nën drejtimin e zëvendësministrit të Brendshëm, Andi Mahila u zhvillua sot mbledhja e parë e Komisionit për Njohjen e Pakicave Kombëtare, me pjesëmarrjen e të gjithë përfaqësuesve të institucioneve të përcaktuara, Komitetit të Pakicave Kombëtare dhe përfaqësues të shoqërisë civile.

Ministria e Brendshme njoftoi se “ky është një hap i rëndësishëm për të siguruar ushtrimin e të drejtave specifike të personave që u përkasin një pakice kombëtare, të cilat janë të nevojshme për mbrojtjen e identitetit dallues të pakicave kombëtare, si një përbërës thelbësor i një shoqërie të integruar dhe që garantojnë mosdiskriminimin dhe barazinë e plotë para ligjit”.

Gjatë mbledhjes u diskutuan kërkesat e para dhe rastet e paraqitura nga qytetarët, si dhe u përcaktuan hapat konkretë për vijimin e shqyrtimeve të tyre në përputhje me vendimet e miratuara nga Këshilli i Ministrave në zbatim të Ligjit “Për mbrojtjen e pakicave kombëtare në Republikën e Shqipërisë”.

Ky proces synon të forcojë mbrojtjen e të drejtave të pakicave kombëtare, të promovojë barazinë në shoqëri, si dhe të realizojë përmbushjen e standardeve ndërkombëtare në këtë fushë.

/a.f/r.e/

The post Zhvillohet mbledhja e parë e Komisionit për Njohjen e Pakicave Kombëtare appeared first on Agjencia Telegrafike Shqiptare.

Gazetari Ferdinand Dervishi, përmes një postimi në rrjetet sociale, ka denoncuar një skandal që përfshin Ministrinë e Brendshme dhe Policinë e Shtetit. Sipas tij, më 22 Shkurt të vitit të kaluar, në pikën kufitare të Qafë Thanës është ndaluar një automjet “Mercedes Benz” e Agjencisë së Mbikëqyrjes Policore, që dyshohet se i përkiste drejtuesit të […]

The post Denoncimi i gazetarit Dervishi: Makina e ministrisë së Brendshme kontrabandon flori (FOTO-DOKUMENTE) appeared first on BoldNews.al.

TIRANË, 10 prill /ATSH/ Ministri i Brendshëm Ervin Hoxha dhe Drejtori i Policisë Rrugore, Altin Qato ishin në një nga pikat e kontrollit në hyrjen lindore të Tiranës, për të inspektuar masat që janë ndërmarrë për menaxhimin e trafikut.

Ministri Hoxha foli mbi rëndësinë e sigurisë rrugore, si një nga elementët kyç për qarkullimin e lirë të mjeteve, njerëzve dhe mallrave, në të gjitha akset. Policia Rrugore ka në përdorim mjete teknologjisë së lartë, përfshirë dronë e makina inteligjente, të cilat skanojnë çdo drejtues mjeti që tejkalon normat e shpejtësisë dhe ndëshkon në kohë reale kundërvajtjet rrugore.

Drejtori i Policisë Rrugore, Altin Qato informoi se në vijim të masave parandaluese, është rritur monitorimi i akseve rrugore, veçanërisht në ato që janë identifikuar si njolla të zeza. Rreth 70% e ngjarjeve rrugore ndodhin për shkak të tejkalimit të shpejtësisë, e kjo ka qenë një nga arsyet kryesore që ka sjellë rritjen e masave të kontrollit.

Qato shtoi se monitorimi kryesor është ai i tejkalimit të shpejtësisë nga përdoruesit e rrugës, si dhe respektimi i sinjalistikës rrugore nga këmbësorët.

“Kemi identifikuar akset problematike dhe shkeljet më të zakonshme, si shpejtësia, përdorimi i telefonit dhe parakalimi i gabuar. Po ashtu, Policia Rrugore ka një flotë pajisjesh, të cilat monitorojnë çdo strukturë vendore dhe çdo vit shtohen në buxhet për të forcuar këto kapacitete”, shtoi ai.

Ministri Hoxha gjithashtu nënvizoi se janë duke u forcuar kapacitetet për të siguruar rrugë të sigurta, sidomos në periudhën e zhvillimit të infrastrukturës.

“Rrugët që janë në zhvillim kërkojnë një siguri rrugore të shtuar dhe më shumë vëmendje nga Policia Rrugore”, u shpreh ministri.

Policia Rrugore ka ndërtuar një plan të detajuar për të menaxhuar flukset e mjeteve në akset kombëtare në prag të sezonit dhe për të minimizuar ngjarjet me pasoja.

Ky plan përfshin përdorimin e mjeteve, patrullime të shpeshta dhe, së shpejti, hapjen e Qendrës Kombëtare të Monitorimit të Trafikut, për të kontrolluar dhe garantuar sigurinë në kohë reale.

Po ashtu, Policia Rrugore është përgatitur për të menaxhuar ngjarje të rëndësishme si Giro d’Italia, ku qindra çiklistë do të garojnë në territorin shqiptar, dhe Samiti i Komunitetit Politik Europian, që do të mbahet në maj. Paralelisht, po punohet për zhvillimin e projektit ‘Smart City’, i cili do të sjellë përmirësime të mëtejshme në infrastrukturë, duke integruar teknologjinë për të ndihmuar në parandalimin e aksidenteve dhe rritur sigurinë rrugore. /j.p/

The post Hoxha: Rritje e sigurisë dhe masa shtesë për monitorimin e trafikut rrugor appeared first on Agjencia Telegrafike Shqiptare.

TIRANË, 8 prill /ATSH/ Ministria e Brendshme dhe Kompania Shtetërore IdentiTek ShA e prodhimit të dokumenteve biometrike kanë njoftuar disa risi të rëndësishme, që sjellin përfitime për qytetarët, duke synuar modernizimin dhe përmirësimin e shërbimeve.

Sipas njoftimit të kompanisë shqiptare IdentiTek, qytetarët nuk do të kenë nevojë të harxhojnë kohë për të blerë kuponë në postë për pasaportë, apo letërnjoftime elektronike, pasi të gjitha pagesat mund të kryhen online, duke e bërë procesin më të shpejtë dhe më të lehtë.

Ky është një hap i rëndësishëm drejt ofrimit të shërbimeve më të avancuara dhe efikase për qytetarët, duke kursyer kohë e mund. Një tjetër risi, është se IdentiTek ofron mundësinë e prodhimit të ID kartave apo Letërnjoftimeve Elektronike në një kohë shumë më të shpejtë, përmes një pagese shtesë.

Ministri i Brendshëm Ervin Hoxha dhe administratorja e IdentiTek, Freskida Halilaj panë nga afër procesin në një zyrë aplikimi.

Ministria e Brendshme dhe IdentiTek sot lançon dy procese shumë të rëndësishme, të cilët do t’i vijnë në ndihmë qytetarëve për lehtësimin e të gjitha procedurave për sa i përket aplikimit online për marrjen e një kuponi dhe vazhdimin e procedurave për prodhimin e kartave të identitetit (ID).

Së pari, qytetarët shqiptarë do të kenë mundësi që nëpërmjet platformës në IdentiTek të aplikojnë për kuponin elektronik  dhe më pas të vijojnë me prodhimin e kartave të identitetit. Së dyti, ky është një proces, që i cili vjen në ndihmë të gjithëve qytetarëve duke lehtësuar edhe një herë veprimet e tyre për marrjen e kartës. Sot, ne mund të prodhojmë kartat e Identitetit nëpërmjet një afati kohor nga një deri në tri ditë. Kjo do të bëjë edhe një herë shkurtimin maksimal të të gjitha afateve të pritjes për prodhimin e kartës së identitetit.

Administratorja e IdenTitek i bëri të ditur ministrit Hoxha se së fundmi kjo kompani është anëtarësuar në  Drejtorinë e Çelësave Publik (DCP), në Organizatën Ndërkombëtare të Aviacionit Civil, që do të thotë se pasaportat tona kanë një siguri më të lartë duke qenë se ne futemi në një rrjet ndërkombëtar e jemi vendi i 99-të, që jemi anëtarësuar nga 103 vende, pjesë e kësaj organizate.

“Pra, pasaporta jonë ka një siguri shumë të lartë duke luftuar në këtë mënyrë terrorizmin, por duke përmirësuar edhe imazhin e pasaportës sonë në arenën ndërkombëtare. Kjo pasaportë do të jetë e vështirë për t’u falsifikuar. Ne kemi një standard të ri të sigurisë së pasaportës shqiptare, e cila do të jetë shumë afër me vendet e Bashkimit Europian. Kjo është shumë e vërtetë, pasaportat tona aktualisht identifikohen në mënyrë automatike nëse janë origjinale ose jo, pra nëse janë gjeneruar nga IdentiTek, ose jo”, tha Halilaj.

“Sot ne kemi lançuar kuponin elektronik, i cili e bën eksperiencën e qytetarit shumë më të thjeshtë duke qenë se aktualisht nuk do duhet më të paraqiten fizikisht pranë Postës apo përfaqësive diplomatike, por mund të drejtohen direkt tek faqja jonë e internetit dhe me dy-tri hapa shumë të thjeshtë, ata mund të pajisen me kuponin elektronik dhe më pas të procedojnë me aplikimin për dokumentet biometrike”, shpjegoi Administratorja e IdentiTek.

Ndryshimet u përgjigjen kërkesave të shumta nga qytetarë shqiptarë, që jetojnë e punojnë jashtë, e nuk kanë mundësi të presin dy javë për të rinovuar ID kartën. /j.p/

Nga procedura për pajisjen online me mjete identifikimi

1 nga 2

The post Hoxha dhe Halilaj: Nga sot, blerje online e kuponit për ID apo pasaportë dhe shkurtim afatesh appeared first on Agjencia Telegrafike Shqiptare.

TIRANË, 28 mars /ATSH/ Adresimi i sfidave të trafikimit të qenieve njerëzore ishin në qendër të disa takimeve të organizuara në disa qytete të vendit.

Gjatë muajit mars, Prezenca e OSBE-së, së bashku me Ministrinë e Brendshme dhe Agjencinë Shtetërore për të Drejtat dhe Mbrojtjen e Fëmijës ishin në Shkodër, Vlorë dhe Durrës për të adresuar sfidat e trafikimit të qenieve njerëzore, me fokus të veçantë te shfrytëzimi i fëmijëve dhe i shtetasve të huaj.

Punonjës të mbrojtjes së fëmijës, oficerët për hetimin e trafiqeve të Drejtorive Vendore të Policisë si dhe përfaqësues të Prefekturave, si pjesë e Komiteteve Rajonale Antitrafik, u angazhuan në diskutimin mbi forcimin e mekanizmave bashkërendues ndërmjet institucioneve vendore për përmirësimin e identifikimit dhe të referimit të viktimave të mundshme të trafikimit.

Prezenca e OSBE-së mbetet një partnere e përkushtuar në luftën kundër trafikimit të qenieve njerëzore në Shqipëri dhe do të mbështesë institucionet shqiptare në zhvillimin e takimeve të tilla edhe në qarqe të tjera të vendit.

1 nga 14

/a.f/

The post OSBE dhe MB takime për adresimin e sfidave të trafikimit të qenieve njerëzore appeared first on Agjencia Telegrafike Shqiptare.

TIRANË, 21 mars /ATSH/ Shqipëria përmbylli me sukses vlerësimin e GRECO-s për angazhimin intensiv në parandalimin e korrupsionit në qeverisjen qendrore dhe forcat e sigurisë.

I pranishëm në aktivitet, ministri i Brendshëm Ervin Hoxha, në fjalën e tij u fokusua tek puna e bërë për sa i përket luftës dhe parandalimit të korrupsionit në strukturat e Policisë së Shtetit.

Sipas Hoxhës, ky raund i vlerësimit të GRECO-s është dëshmia më e qartë e një angazhimi tejet serioz të Policisë së Shtetit.

“Ky raund vlerësimi i GRECO – (i përmbyllur me sukses për vendin tonë, me 24 rekomandime, gjysma e të cilëve janë fokusuar në vlerësimin e imtësishëm të performancës së Policisë së Shtetit), – është dëshmia më e qartë e një angazhimi tejet serioz të institucioneve tona të sigurisë, përkatësisht, Policisë së Shtetit. Përmbushja e rekomandimeve është rezultati faktik i gjithë përpjekjeve, për të forcuar çdo hallkë integriteti në Policinë e Shtetit, agjencinë më të madhe ligjzbatuese në vend”, tha Hoxha.

Hoxha bëri një përmbledhje të disa prej akteve që Ministria e Brendshme ka ndërmarrë në drejtim të luftës dhe masave për parandalimin e korrupsionit.

“Së pari, në përmbushje dhe zbatim të rekomandimeve të GRECO-s, në prioritetet vjetore të Ministrisë së Brendshme dhe institucioneve të varësisë, janë planifikuar masa dhe aktivitete konkrete, që përfshijnë ndryshime strukturore, hartim aktesh ligjore e nënligjore, inicim procesesh të reja pune në institucion, si dhe trajnime të vazhdueshme”, tha Hoxha.

“Specifikisht dua të përmend këtu ligjin “Për Policinë e Shtetit”, miratuar në korrik 2024, i cili është i bazuar në modelet më të mirat të njësive homologe, duke adresuar plotësisht çdo rekomandim të GRECO. I gjithë ky proces është zhvilluar me asistencën më të mirë të BE-së dhe Këshillit të Evropës. Gjej rastin këtu t’i falënderoj për mbështetjen proaktive dhe për mënyrën shumë profesionale, me të cilën na bashkëshoqërojnë në rrugëtimin e forcimit të sigurisë”, u shpreh Hoxha.

Ministri Hoxha shtoi se “Ministria e Brendshme dhe institucionet e varësisë kanë miratuar dhe zbatuar Planet e Integritetit për periudhën 2022 – 2024. Në përfundim të periudhës 3-vjeçare, Ministria e Brendshme ka nisur punën për hartimin e Planit të ri të Integritetit dhe Planit të Veprimit për periudhën 2025 – 2028. Dokumenti i ri do të shërbejë si një udhërrëfyes për forcimin e transparencës, llogaridhënies dhe standardeve etike në strukturat e Ministrisë së Brendshme, në luftën kundër korrupsionit dhe promovimin e integritetit institucional”.

“Së treti, me mbështetjen e projektit EU4LEA është hartuar një analizë e kuadrit ligjor për të kufizuar rreziqet e korrupsionit dhe konfliktit të interesit në lidhje me donacionet dhe sponsorizimet për Policinë e Shtetit. Gjetjet e kësaj analize janë reflektuar në ligjin e ri “Për Policinë e Shtetit”, që ndalon pranimin e donacioneve nga subjekte të ndryshme”, shtoi ministri.

Sipas Hoxhës, “Ministria e Brendshme dhe Policia e Shtetit kanë bashkëpunuar ngushtësisht me Këshillin e Europës për adresimin e rekomandimit të GRECO-s për përmirësimin e politikave për ofrimin e shërbimeve shtesë nga Policia e Shtetit duke marrë parasysh rreziqet për korrupsion dhe konfliktin e interesit”.

Hoxha tha se “Policia e Shtetit ka ndërmarrë një hap të rëndësishëm në forcimin e etikës dhe integritetit profesional me miratimin e Manualit të Etikës Policore, që përmban udhëzime të qarta mbi parimet e etikës, integritetin, konfliktin e interesit dhe vendimmarrjen etike, duke përfshirë shembuj konkretë për situata të ndryshme”.

Një tjetër arritje e rëndësishme, sipas Hoxhës, “është krijimi i Këshillave Konfidencialë të Policisë së Shtetit, të cilat do të ofrojnë këshillim konfidencial për punonjësit mbi etikën, integritetin, konfliktin e interesit dhe procedurat disiplinore”.

“Në zbatim të ligjit të ri, përzgjedhja e drejtuesve të lartë të Policisë së Shtetit është realizuar sipas kritereve ligjore të përcaktuara, përmes një konkurrimi transparent, ku shpalljet dhe rezultatet janë bërë publike”, shtoi më tej Hoxha.

“Së fundi, në zbatim rekomandimit të GRECO-s edhe punonjësit e “Illyrian Guard” u nënshtrohen të njëjtave masa ligjore dhe rregullatore si punonjësit e Policisë së Shtetit, në procedurat e prokurimit publik dhe të rekrutimit të personelit sipas kuadrit ligjor në fuqi”, tha ministri.

Ministri theksoi se këto “arritje janë një dëshmi e angazhimit të palëkundur në nivel politikëbërjeje nga i gjithë aparati i Ministrisë së Brendshme si dhe, – në nivel zbatimi – nga Policia e Shtetit”.

“Ambicia jonë është që të jemi pjesë e një procesi përsosjeje dhe vetëpërmirësimi të vazhdueshëm”, tha ministri.

/r.e/

The post Parandalimi i korrupsionit, Hoxha: Vlerësimi i GRECO-s, dëshmi e angazhimit serioz të Policisë së Shtetit appeared first on Agjencia Telegrafike Shqiptare.

Prokuroria dhe Gjykata e Posaçme denoncuan Policinë e Shtetit se injoroi kërkesat e Gardës së Republikës për të mbrojtur perimetrin e jashtëm të godinës nga mbështetësit protestues të Erion Veliajt, duke vënë në rrezik jetën dhe shëndetin e gjyqtarëve dhe prokurorëve. Prokuroria dhe Gjykata e Posaçme deklaruan përmes dy njoftimeve të premten se Policia e […]

The post Shteti kundër shtetit/ BIRN: Policia akuzohet për shkelje të ligjit në protestën pro Veliajt appeared first on BoldNews.al.

TIRANË, 11 shkurt /ATSH/ Ministri i Brendshëm Ervin Hoxha hapi sot takimin e radhës së Nënkomitetit “Drejtësia, Liria dhe Siguria” mes autoriteteve shqiptare dhe atyre të BE-së në kuadër të negociatave për anëtarësim.

Delegacioni i BE-së kryesohej nga Sigrid Brettel, kreu i Njësisë për Zgjerimin, në Komisionin Europian, ndërsa nga pala shqiptare, morën pjesë deputetë të Kuvendit, kreu i SPAK Altin Dumani, Prokurori i Përgjithshëm Olsian Çela, drejtuesja e BKH-së Aida Hajnaj, e zyrtarë të tjerë të lartë të agjencive ligjzbatuese në vend.

Gjatë fjalës, ministri Hoxha renditi disa nga arritjet e Ministrisë së Brendshme, në kuadër të procesit të përafrimit me acquis të BE-së, duke nënvizuar miratimin e disa ligjeve apo strukturave të reja që kanë detyrë parandalimin dhe luftën kundër krimit.

Hoxha vuri në dukje bashkëpunimin shumë të suksesshëm mes autoriteteve ligjzbatuese të Shqipërisë me ato të vendeve europiane.

“Evidentohet një bashkëpunim i shtuar me shtetet anëtare të BE-së, nëpërmjet Aplikacionit të Sigurt të Rrjetit të Shkëmbimit të Informacionit (SIENA), pjesëmarrjes aktive në Platformën Multidisiplinare Evropiane kundër Kërcënimeve Kriminale (EMPACT), apo bashkëpunimit me Agjencinë e Bashkimit Europian për Trajnimin në Zbatimin e Ligjit (CEPOL), ku vazhdon të punohet dhe pritet nënshkrimi i Marrëveshjes fillestare të Bashkëpunimit me Akademinë e Sigurisë,” theksoi Ministri i Brendshëm.

Një pikë tjetër, të cilës i kushtoi vëmendje të posaçme ishte migracioni, për të cilin ministri Hoxha tha se Shqipëria “ka një kuadër gjithëpërfshirës ligjor dhe institucional për fushën e migracionit” dhe se bashkëpunon ngushtë me partnerët europianë për kontrollin e frenimin e këtij fenomeni.

Pas ceremonisë së hapjes, nënkomiteti do të vijojë diskutimet për dy ditë përmes tryezës teknike. /j.p/

The post Mblidhet nënkomiteti “Drejtësia, Liria dhe Siguria”, Hoxha: Bashkëpunim i shtuar me shtetet anëtare të BE-së appeared first on Agjencia Telegrafike Shqiptare.

TIRANË, 3 shkurt /ATSH/ Zëvendësministri i Brendshëm Julian Hodaj thotë se është rritur perceptimi i qytetarëve për nivelin e sigurisë në vend dhe gjatë vitit 2024 është ulur numri i vrasjeve.

Në një intervistë për mediet, duke folur mbi barometrin e sigurisë në Shqipëri, një anketim i financuar nga qeveria suedeze për matjen e perceptimit publik rreth sigurisë, më së shumti rreth punës së Policisë së Shtetit, Hodaj theksoi se “65% e të anketuarve e vlerësojnë punën e policisë të mirë ose shumë mirë dhe 82% e të anketuarve ndihen të sigurt në qytetin ku ata jetojnë. Në 12 vite, perceptimi i qytetarëve për korrupsion në radhët e policisë është ulur me 21%.”

Sa i takon krimeve dhe vrasjeve, Hodaj tha se “ky fenomen ka ardhur me ulje që nga viti 2012”.

“Në 2012 janë vrarë 125 njerëz në vit, ndërsa në 2024 është 41 numri i ngjarjeve të rënda me pasojë humbjen e jetës. Pra kjo tregon tri herë më pak vrasje për vitin që lamë pas. Patjetër që nuk jemi atje ku duhet, sepse do donim shumë që këto shifra të ishin zero. Vrasje dhe aksidentet në rrugë është shumë vështirë që të ulen drejt zeros, por sa më shumë afrohemi drejt zeros, aq më shumë punë na duhet të bëjmë ne”, tha Hodaj.

Në këtë kontekst, zv.ministri shpjegoi se sondazhi i orienton vendimmarrësit për të vënë re nëse nismat ligjore apo rregullatore janë të duhurat, impaktin që kanë në publik, rezultatet që prodhojnë, të cilat kryqëzohen dhe me të dhëna të tjera.

Duke vazhduar më tej, Hodaj nënvizoi se studimi ofron një tablo të qartë të zhvillimeve dhe ndryshimeve që kanë ndodhur në punën e Policisë së Shtetit gjatë viteve, e parë nga sytë e qytetarëve.

“Anketa ka nisur në vitin 2013 dhe është realizuar çdo dy vjet, duke përdorur të njëjtën metodologji, të njëjtat pyetje dhe duke siguruar që rezultatet të jenë të matshme dhe të krahasueshme me njëra-tjetrën dhe perceptimi i publikut sa vjen dhe rritet.”, tha Hodaj.

“A jemi atje ku duam? Besoj se asnjëherë nuk do të jemi aty ku duam por jemi në shifra shumë të kënaqshme dhe jemi shumë afër mesatares evropiane. E thënë më shifra mund të themi që 82% e shqiptarëve ndihen të sigurt në Shqipëri. Sipas të dhënave të sondazhit kjo siguri ka të bëjë që nga siguria e të ecurit vetëm nëpër rrugët e vendit, që nga marrëdhënia që ka me Policinë e Shtetit, që kanë me komunitetin, që kanë të bëjnë mbi mënyrën se si ata ndihen ne raport me institucionet shtetërore”, tha Hodaj. /j.p/

The post Hodaj: 82% e qytetarëve ndihen të sigurt, më pak kriminalitet e vrasje në 2024-ën appeared first on Agjencia Telegrafike Shqiptare.

TIRANË, 23 janar /ATSH/ Qytetarëve shqiptarë përveç kartës fizike të identitetit do t’u krijohet mundësia që të pajisen edhe me letërnjoftim digjital.

Në Komisioni për Çështjet Ligjore, Administratën Publike dhe të Drejtat e Njeriut, zëvendësministri i Brendshëm Andi Mahila prezantoi projektligjin për disa ndryshime “Për letërnjoftimin elektronik të shtetasve shqiptarë”.

Mahila theksoi se qëllimi i këtij projektligji është “krijimi i mundësisë për pajisjen me letërnjoftim digjital e-ID për të gjithë shtetasit e pajisur me letërnjoftim elektronik në kuadër të digjitalizimit, modernizimit të sistemeve elektronike, si dhe zbatimin e skemave të sigurta të shërbimeve e-ID”.

Mahila tha më tej se, kjo nismë është pjesë e Strategjisë Ndërsektoriale Axhenda Digjitale e Shqipërisë dhe planin e veprimit 2022-2026.

“Propozimi për ndryshimin e këtij projektligji vjen në një linjë me listën unike të projekteve me rëndësi kombëtare, ku projekti i identitetit digjital për shtetasit shqiptar është pjesë e listës”, tha Mahila.

Sipas Mahilës “ndryshimi i ligjit do të krijojë një bazë të ligjshme për pajisjen e shtetasve shqiptare me letërnjoftim digjital duke e lejuar këtë proces të realizohet në përputhje me standardet e BE-së dhe garantuar përputhshmërinë me standardet ndërkombëtare”.

“Qëllimi është për të kontribuar në modernizmin e administratës publike si dhe të lehtësojë aksesin e qytetarëve në mjedisin digjital”, u shpreh Mahila.

“Kjo ndërhyrje do të kontribuojë në zhvillimin ekonomik social dhe institucional të vendit duke përmirësuar jetën e qytetarëve dhe duke rritur konkurrueshmërinë e Shqipërisë në arenën ndërkombëtare”, tha Mahila.

Mahila shtoi se projektligji ka si qëllim përmirësimin dhe standardizimin e mënyrave të identifikimit të qytetarëve në ambientin digjital.

Sipas Mahilës projektligji “standardizon identifikimin e qytetarëve në nivel evropian dhe implementon një identitet digjital të përbashkët, i cili mund të lehtësojë komunikimin dhe bashkëpunimin me institucionet dhe bizneset evropiane”.

“Në mungesë të një kuadri ligjor, identifikimi digjital nuk mund të përdoret si mjet i njohur zyrtarisht për transaksione administrative, publike ose private”, tha Mahila.

“Kjo iniciativë përfaqëson një hap të madh para drejt një të ardhme më të sigurt më efikase dhe më të digjitalizuar për të gjithë qytetarët shqiptarë për të cilët do të punojmë së bashku për ta bërë këtë vizion një realitet të prekshëm për të gjithë”, u shpreh Mahila.

Në fund të diskutimeve, kryetarja e Komisionit për Çështjet Ligjore, Administratën Publike dhe të Drejtat e Njeriut, deputetja e Partisë Socialiste, Klotilda Bushka tha se mazhoranca është pro kësaj nisme, e cila synon vijimin e modernizimit dhe digjitalizimin, duke lehtësuar dhe përmirësuar jetën e qytetarëve .

/r.e/a.f/

The post “Ligjet” pro letërnjoftimit digjital, Mahila: Të sigurta, sipas standardeve të BE-së appeared first on Agjencia Telegrafike Shqiptare.