Policia e Kosovës ka bërë një reagim zyrtar lidhur me alarmin për bombë në Parlamentin e Kosovës. Sipas njoftimit të policisë kërcënimin me bombë në Kuvend u dërgua me mesazh. Policia e Kosovës deklaroi gjithashtu se ka angazhuar njësitë kompetente për adresimin e këtij rasti pasi ka evakuuar gjithë të pranishmit nga godina. “Sot, me […]

The post Alarmi në Kuvendin e Kosovës/ Policia jep detaje: Kërcënimi me bombë erdhi nëpërmjet sms-ve appeared first on BoldNews.al.

Të dalësh lakuriq gjatë një telefonate do të jetë më e vështirë për përdoruesit e Apple. Kompania ka miratuar disa bllokime të reja për pajisjet e saj, të cilat do t’i shohim në përditësimet e ardhshme. Sistemi operativ iOS 26 do të revolucionarizojë seksionin “mesazhe”, por edhe Wallet dhe CarPlay.

iPhone do të jenë në gjendje të njohë një trup lakuriq, duke bllokuar paraprakisht video-telefonatën në FaceTime. Kjo mënyrë synon të shmangë momentet e sikletshme në telefonata dhe në të njëjtën kohë synon të mbrojë ata që e dinë se bashkëbiseduesi në anën tjetër është pa rroba.

“Vërtet do ta shikosh lakuriq? Mund të të bëjë të ndihesh në siklet”, është ky një nga paralajmërimet që do të lexojmë në celularin tonë. Varet nga ne të vendosim nëse do ta marrim rrezikun apo jo. Apple kishte njoftuar që muajin e kaluar se me iOS 26 do të përfshinte mjete të reja për mbrojtjen e të miturve, duke përfshirë bllokimin e përmbajtjes eksplicite në video-telefonata dhe errësimin automatik të imazheve me lakuriqësi në albumet e përbashkëta.

Megjithatë, tani e dimë se funksioni i ri i FaceTime nuk do të kufizohet vetëm për llogaritë e fëmijëve. Bllokimi kundër lakuriqësisë do të jetë një mënyrë për të mbrojtur të gjithë përdoruesit, jo vetëm më të vegjlit.

Megjithatë ideja e të qenit “i kontrolluar” nga një sy i pamatur dhe teknologjik është paksa e frikshme. Edhe pse kompania e themeluar nga Steve Jobs sqaron se analiza e imazheve dhe videove zhvillohet vetëm brenda pajisjes. Shkurt, asnjë të dhënë nuk do të dalë nga telefoni ynë, me gjithë respektin e duhur për hamendësimet apokaliptike oruelliane. ©LAPSI.al

The post Apple nuk do lejojë më video-telefonatat lakuriq appeared first on Lapsi.al.

Presidenti amerikan Donald Trump dhe ai rus Vladimir Putin kanë diskutuar konfliktin në Ukrainë dhe zgjidhjen e tij të mundshme në një bisedë të gjashtë telefonike mes dy liderëve.

Të dy udhëheqësit u përqendruan në zbatimin e marrëveshjeve të arritura nga Moska dhe Kievi gjatë bisedimeve të drejtpërdrejta në Stamboll gjatë muajve të fundit.

Moska do të vazhdojë të kërkojë një zgjidhje diplomatike për konfliktin e vazhdueshëm, por nuk do t’i lërë shkaqet rrënjësore të tij pa u adresuar, deklaroi Putin gjatë bisedës. Trump, nga ana tjetër, i bëri thirrje presidentit rus të ndërpresë armiqësitë sa më shpejt të jetë e mundur, sipas ndihmësit presidencial Yury Ushakov.

Megjithatë, të dy presidentët nuk diskutuan një takim të mundshëm, tha Ushakov. Megjithatë, ata mbuluan një gamë të gjerë temash, duke përfshirë përshkallëzimin e fundit midis Izraelit dhe Iranit, zhvillimet në Siri dhe situatën në Lindjen e Mesme, sipas ndihmësit.

The post Tjetër telefonatë Trump-Putin, por ende pa dakordësi appeared first on Lapsi.al.

PARIS, 1 korrik /ATSH-AFP-ANSA/ – Presidenti francez, Emmanuel Macron i bëri thirrje homologut të tij rus, Vladimir Putin për një armëpushim sa më shpejt të jetë e mundur në Ukrainë.

Dy presidentët folën për më shumë se dy orë për Iranin dhe Ukrainën.

”Macron dhe Putin trajtuan në thelb çështjet më të rëndësishme të situatës ndërkombëtare, Iranin dhe Ukrainën”, sipas Pallatit Elisee.

Presidenti francez Emmanuel Macron foli me homologun e tij rus Vladimir Putin për herë të parë që nga shtatori 2022.

”Ai nënvizoi mbështetjen e palëkundur të Francës për sovranitetin dhe integritetin territorial të Ukrainës dhe bëri thirrje për vendosjen, sa më shpejt të jetë e mundur, të një armëpushimi dhe nisjen e negociatave midis Ukrainës dhe Rusisë për një zgjidhje të fortë dhe të qëndrueshme të konfliktit”, deklaroi Pallati Elisee.

”Macron i kujtoi homologut të tij përgjegjësitë e anëtarëve të përhershëm të Këshillit të Sigurimit të OKB-së, pra Francës dhe Rusisë, për çështjen bërthamore dhe këmbënguli në urgjencën që Irani të përmbushë detyrimet e NPT-së, Traktatit për Mospërhapjen e Armëve Bërthamore, dhe në veçanti në bashkëpunimin e plotë me IAEA-n, inspektorët e së cilës duhet të jenë në gjendje të rifillojnë punën e tyre menjëherë”, shtoi Elisee.

Ndërkohë, Putin paralajmëroi Macronin se çdo marrëveshje paqeje në Ukrainë duhet të jetë afatgjatë.

”Për Vladimir Putinin, konflikti ukrainas është një pasojë e drejtpërdrejtë e politikave të shteteve perëndimore”, sipas Kremlinit.

”Lidhur me Iranin, të dy presidentët kanë vendosur të koordinojnë përpjekjet e tyre dhe të flasin së shpejti në mënyrë që të ndjekin së bashku këtë çështje”, tha presidenca franceze./  a.jor.

The post PARIS – Macron i kërkon Putinit një armëpushim sa më shpejt të jetë e mundur në Ukrainë appeared first on Agjencia Telegrafike Shqiptare.

Klipi, në të cilin Paetongtarn e quajti atë “xhaxha” dhe kritikoi një komandant ushtarak tajlandez, shkaktoi zemërim publik dhe një peticion për shkarkimin e saj, të cilin gjykata po e shqyrton tani.

Gjykata Kushtetuese e Tajlandës ka pezulluar nga detyra kryeministren Paetongtarn Shinawatra, i cila është nën presion në rritje për të dhënë dorëheqjen për shkak të bisedës së saj telefonike të publikuar me ish-liderin kamboxhian Hun Sen.

Kjo mund ta bëjë Paetongtarn politikanen e tretë në klanin e fuqishëm Shinawatra i cila ka dominuar politikën tajlandeze për dy dekadat e fundit që humbet pushtetin para se të përfundojë mandatin e saj.

Koalicioni i saj qeverisës tashmë po lëkundet me një shumicë të vogël pasi një aleat kyç konservator e braktisi atë dy javë më parë. Të martën, Paetongtarn kërkoi përsëri falje, duke shtuar se qëllimi i telefonatës së saj me Hun Sen ishte më shumë për vendin.

“Nëse do ta dëgjonit me kujdes, do ta kuptonit se nuk kisha qëllime të këqija. Kjo është ajo në të cilën do të përqendrohem dhe do të shpenzoj kohë për ta shpjeguar plotësisht”, tha ajo.

Thirrja kishte të bënte me mosmarrëveshjen kufitare midis dy vendeve , megjithëse tensionet janë rritur përsëri që nga fundi i majit kur u vra një ushtar kamboxhian. Audioja e publikuar zemëroi veçanërisht ligjvënësit konservatorë, të cilët e akuzuan atë për qetësimin e Hun Sen dhe minimin e ushtrisë së Tajlandës.

The post Gjykata e Tajlandës pezullon nga detyra Kryeministren e vendit/ Shkak një telefonatë me… appeared first on Sot News | Lajme.

KIEV, 29 qershor /ATSH-ANSA/ – Rusët sulmuan Ukrainën me një numër rekord prej 537 dronësh dhe raketash gjatë natës.

Forcat Ajrore Ukrainase folën për një “sulm të kombinuar në shkallë të gjerë” që përfshinte edhe bombardues strategjikë Tu-95MS dhe avionë MiG-31K.

Sipas Forcave Ajrore, rusët lëshuan 477 dronë (211 të rrëzuar dhe 225 të zhdukur nga radari); 4 raketa Kh-47M2 Kinzhal; 7 raketa balistike Iskander-M/KN-23 (një e rrëzuar); 41 raketa lundrimi Kh-101/Iskander-K (33 të rrëzuara dhe një e zhdukur); 5 raketa Kalibr (4 të rrëzuara); 3 raketa S-300″. Sulmet arritën, ndër të tjera, edhe rajonet e Kievit dhe Lvivit. /os/

The post KIEV – 537 raketa dhe dronë godasin Ukrainën gjatë natës appeared first on Agjencia Telegrafike Shqiptare.

Real Madridi thuhet se po përgatit një lëvizje për të nënshkruar me qendërmbrojtësin e Liverpoolit, Ibrahima Konate, këtë verë sipas Caught Offside.

26-vjeçari ka refuzuar një ofertë të re kontrate nga Liverpooli, pasi është ndjerë i zhgënjyer me propozimin që favorizonte bonuset mbi pagën bazë.

Konata ka kontratë deri në vitin 2026, por situata e fundit ka nxitur frikën e një skenari të ngjashëm me largimin e Trent Alexander-Arnold.

Roli i tij i rëndësishëm në suksesin e Liverpoolit sezonin e kaluar, ku ishte titullar në 28 ndeshje të Ligës Premier, e bën atë një objektiv kryesor për Realin.

Liverpooli dëshiron të shmangë humbjen e tij pa përfituar financiarisht, por negociatat për kontratën e re janë bllokuar.

Reali pritet të monitorojë nga afër zhvillimet dhe mund të lëvizë sapo të hapet afati kalimtar veror. /Telegrafi/ 

The post Konate refuzon sërish kontratën e re të Liverpoolit, alarmohet gjiganti evropian appeared first on Telegrafi.

Liverpooli po kalon momente tensioni në zyrat e klubit. Pas largimeve të fundit dhe negociatave të vështira me disa prej yjeve të tij, tani edhe Ibrahima Konaté ka refuzuar ofertën e parë për rinovimin e kontratës.

Mbrojtësi francez, që do të hyjë në vitin e fundit të kontratës në korrik, ka ndërprerë bisedimet dhe ka shprehur pakënaqësinë ndaj formulës së propozuar nga klubi.

Sipas The Guardian, përfaqësuesit e lojtarit po kërkojnë rritje të pagës bazë, pasi oferta aktuale mbështetet kryesisht në bonuse të lidhura me paraqitjet.

Kjo skemë nuk e ka bindur Konaten, sidomos kur krahasohet me rinovimet më të favorshme të shokëve të skuadrës si Salah dhe Van Dijk.

Ky zhvillim ka ndezur alarmet në Anfield, vetëm pak kohë pas humbjes së bujshme të Alexander-Arnold, i cili u transferua te Real Madridi për vetëm 12 milionë euro.

Konaté (26 vjeç) është kthyer në shtyllë të mbrojtjes që nga transferimi i tij nga Leipzig në vitin 2021. Por me drejtuesit e rinj të klubit dhe nën drejtimin e trajnerit të ri Arne Slot, Liverpooli nuk duket i gatshëm të bëjë lëshime financiare për asnjë lojtar – për të shmangur gabimet e së kaluarës.

Lexo po ashtu Të gjitha lajmet nga Liverpool

Situata nuk kufizohet vetëm te Konaté. Andy Robertson ka kontratë deri më 2026, por është në radar të Atletico Madridit, ndërsa portieri Caoimhín Kelleher është larguar tashmë drejt Brentford për 21.2 milionë euro.

Për të mbushur boshllëqet në mbrojtje, Liverpooli ka vënë në shënjestër emra të rinj. Jarell Quansah, një talent i akademisë, pritet të transferohet te Bayer Leverkusen. Parat nga shitja do të përdoret për të financuar ardhjen e një qendërmbrojtësi të ri.

Emri më i përfolur është ai i Marc Guéhi nga Crystal Palace, i cili ka njoftuar se nuk do të rinovojë dhe kërkon një klub që i garanton minuta në fushë për të qenë gati për Kampionatin Botëror të ardhshëm. Newcastle dhe Tottenham po ashtu janë të interesuara për të.

Megjithë investimet e mëdha në sulm, përfshirë Florian Wirtz dhe Jeremie Frimpong, me një kosto totale prej 171 milionë euro, dilemat më të mëdha të Liverpoolit mbeten në prapavijë. E ardhmja e Konaté do të jetë vendimtare për të kuptuar drejtimin që do të marrë klubi gjatë verës. /Telegrafi/ 

The post Tronditje te Liverpooli: Konate refuzon rinovimin – rrugës për t’u larguar sikurse Arnold appeared first on Telegrafi.

25 persona janë vënë në pranga nga policia në Tiranë pas operacionit “Blloku 33”. Mësohet se pas hetimeve disa mujore policia ka goditur disa grupe kriminale të cilat shisnin drogë në lokalet e natës në Tiranë. Policia njoftin se janë lëshuar 33 masa sigrie ngatë cilat 25 u ekzekutuan me sukeses.

24 të arrestuarve u është caktuar masa “arrest në burg” ndërsa një personi i është caktuar masa “arrest në shtëpi”. Policia po vijon punën për kapjen e 8 personave të tjërë që janë shpallur në kërkim. Të arrestuarit janë nga mosha 19 deri në 53 vjeç.

The post Goditen disa grupe kriminale që shisnin drogë në lokalet e natës appeared first on Lapsi.al.

Trump refuzon propozimin e Putinit për të ndërmjetësuar në tensionet Iran-Izrael

Presidenti i Shteteve të Bashkuara, Donald Trump, ka bërë të ditur se ka zhvilluar një bisedë telefonike me presidentin rus Vladimir Putin më 17 qershor, gjatë së cilës ka refuzuar një ofertë të Rusisë për të ndërhyrë si ndërmjetës në konfliktin mes Iranit dhe Izraelit.

“Fola me të dje,” tha Trump për gazetarët në Shtëpinë e Bardhë, duke mos zbuluar detaje të mëtejshme nga biseda, sipas raportimit të agjencisë ruse Interfax.

Trump bëri të qartë se aktualisht nuk e konsideron të nevojshme ndërhyrjen e Rusisë në këtë çështje dhe i sugjeroi Putinit që të fokusohej në problemet e brendshme të vendit të tij. “Ai më propozoi të ndihmonte në ndërmjetësim. I thashë: ‘Bëj një nder, më mirë merru me vendin tënd. Le të ndërmjetësojmë më parë për Rusinë. Me pjesën tjetër merremi më vonë’”, u shpreh Trump.

The post ‘Më bëj një nder…’, Trump zbulon telefonatën me Presidentin Putin, ja çfarë i kërkoi appeared first on Sot News | Lajme.

MOSKË, 14 qershor /ATSH-DPA/ – Presidenti rus, Vladimir Putin dhe presidenti i SHBA-së, Donald Trump kanë folur në telefon për herë të tretë brenda një muaji.

Tema kryesore këtë herë ishte “përshkallëzimi i rrezikshëm i situatës në Lindjen e Mesme”, njoftoi të shtunën agjencia shtetërore ruse e lajmeve TASS.

Këshilltari i Putinit, Yuri Viktorovich Ushakov, i tha TASS se Putin kishte dënuar edhe një herë sulmet izraelite ndaj objekteve bërthamore iraniane dhe objektivave ushtarake.

Në të njëjtën kohë, presidenti rus ofroi të ndërmjetësojë në konflikt.

Shkëmbimet e fundit të të burgosurve midis Ukrainës dhe Rusisë u diskutuan gjithashtu gjatë bisedës telefonike.

Putin riafirmoi gatishmërinë e Rusisë për të vazhduar bisedimet me palën ukrainase pas qershorit.

Rusia ka qenë në luftë me Ukrainën për më shumë se tre vjet pas nisjes së një pushtimi në shkallë të plotë.

Sipas Ushakov, Putin gjithashtu e uroi Trump për ditëlindjen e tij të 79-të.

Trump më vonë tha se Putini kishte telefonuar për të “më uruar shumë mirë ditëlindjen” në një postim në platformën e tij Truth Social.

Ai vuri në dukje se ata kishin folur për një orë dhe ranë dakord që luftimet midis Izraelit dhe Iranit duhet të mbarojnë.

Trump tha se i tha gjithashtu Putinit se lufta në Ukrainë duhet të mbarojë.

Por, ata kaluan më pak kohë duke diskutuar atë konflikt krahasuar me Lindjen e Mesme.

Të premten, Putin foli gjithashtu në telefon me presidentin iranian, Masoud Pezeshkian dhe kryeministrin izraelit, Benjamin Netanyahu./  a.jor.

The post FOKUS – Putin dhe Trump diskutojnë konfliktin në Lindjen e Mesme appeared first on Agjencia Telegrafike Shqiptare.

Irini Qirjako, një nga zërat më të dashur të muzikës popullore shqiptare, është shumë më tepër se një këngëtare është një gur themeli i polifonisë toske, një zë që ka lëkundur emocione në skenat brenda e jashtë vendit.

E quajtur me të drejtë “bilbili i polifonisë”, Irini Qirjako rrëfen në “Pas Mesnate” me lot në sy dhe zë të dridhur se Asambli ku u formua është më shumë se një institucion për të është vetë jeta, vetë rrënja e saj si artiste.

“Kur ngjitem në atë skenë, jam tjetër njeri,” thotë ajo, duke dëshmuar se arti i vërtetë nuk lind nga ambicia, por nga dashuria e pamatshme për atë që je dhe për atë që u jep të tjerëve.

“U preka, sepse janë emocione. Një karrierë e gjatë artistike, është një jetë e tërë me kolegë dhe koleget. Një dashuri e madhe, një përkushtim i madh dhe një punë kolosale. Asambli për mua është shpirti im, kur ngjitem në atë skenë jam tjetër njeri. Në atë skenë u skalita si artiste, u linda dhe u rrita në atë skenë për vite të tëra, më njohu gjithë publiku dhe diaspora shqiptare në atë institucion, që është institucioni më i lartë i artit shqiptar.”

Disa ëndrra lindin në heshtje, mes mureve të një shtëpie të thjeshtë, aty ku zëri i një fëmije ngjan si një pëshpëritje e fatit. Irini Qirjako, një nga ikonat e muzikës popullore shqiptare, tregon se e nisi rrugëtimin e saj artistik pa e ditur që po ndërtonte një legjendë.

Ishte vetëm pesë vjeçe kur këndonte për qejfin e saj, pa skenë, pa publik, por me një shpirt të mbushur me tinguj. Ishte komshia ajo që e dëgjoi përmes oxhakut dhe tha me bindje: “Irini do të bëhet një artiste e madhe.” Dhe ashtu ndodhi. Sepse talenti, kur lind me pasion dhe përkëdhelet nga zemra, nuk mund të qëndrojë i fshehur  ai e gjen rrugën drejt dritës. Irini Qirjako është sot një zë që jo vetëm këndon, por frymëzon.

“Kam qenë pesë vjeçe dhe këndoja shumë, këndoja për qejfin tim në shtëpi. Mbaj mend që këndoja këtë këngën “më dërgoi babai me shqerra”. Nuk më  kishte pikasur asnjë përveç komshies, shtëpitë tona ishin një katëshe dhe oxhaku jonë, korrespondonte me oxhakun e asaj. Dhe mbaj mend që kur vinte mamaja nga puna i thoshte që “Irini do të bëhet një artiste e madhe”, mamaja nuk e besonte, por do ti që ma ndolli.”/abcnews.al

Rajmonda Shundi është një aktore e njohur shqiptare, e cila ka lënë një shenjë të thellë në skenën teatrale dhe kinematografike të vendit. Ajo është e njohur për interpretimet e saj të fuqishme dhe përkushtimin ndaj artit.

Një nga projektet më të spikatura të saj është krijimi i teatrit privat “Zonja e Bujtinës” në Tiranë, së bashku me bashkëshortin dhe kolegun e saj, aktorin dhe dramaturgun Naun Shundi.

Ky teatër ka ofruar një hapësirë intime për shfaqje teatrore, promovime librash dhe aktivitete kulturore, duke kontribuar në pasurimin e jetës artistike të kryeqytetit.

Në emisionin “Pas Mesnate” në ABC News ajo vjen me një rrëfim ndryshe. Sot njihet si një aktore, por në fakt është “një këngëtare” që u vendos të bëhej aktore. Edhe pse ka studiuar për kanto dhe ka qenë soprano, ajo tregon se kurrë nuk ka kënduar në publik, por në emision ajo “mposht komplekset” dhe ia merr këngës.

“Kam studiuar 13 vite kanto dhe kam qenë një soprano në koloraturë. Kur është kjo tema e të kënduarit, unë ngaqë asnjëherë nuk e kam provuar dhe në atë vetminë time, unë gjithmonë filloja mërmërisja. Në publik unë nuk e kam dashur asnjëherë që ta provoj.”

Aktorja dhe bashkëshorti i saj, duket kanë sfiduar dashurinë dhe janë kurorëzuar për herë të dytë, këtë Rajmonda Shundi e lidh me krizat që çdo çift kalon.

“Është normalitet, çdo çift ka krizat e veta. Befas ne kur fillojmë që formojmë jetët tona, kur kthehemi pas në këto thëniet që dikur i kemi marrë kështu si shabllon dhe thua ç’lidhje ka kjo me mua, nuk qëllon. Por, befas sapo fillon jetën tënde dhe u kthehesh atyre shablloneve që ke krijuar dhe fillon e konsumohet lidhja në ato vitet e para. Çdo histori është një libër më vete.”/abcnews.al

Rejsi Prosi ka lindur në Tiranë në një familje muzikantësh. Filloi “rrugëtimin” e saj në piano që në moshën 6-vjeçare. Talenti i saj dhe pasioni për muzikën e çuan atë në Universitetin e Artit në Austri, ku vazhdoi studimet nën drejtimin e mentorëve të njohur.

Rejsi është fituese e shumë konkurseve në të gjithë Europën, veçanërisht në Itali, Slloveni dhe në Republikën Çeke. Në vitin 2022 ajo u nderua me çmimin e parë në një konkurs muzike në Francë.

Ajo ka arritur suksese edhe në Maqedoninë e Veriut, ku është nderuar me çmime absolute. Rejsi Prosi ka perfromuar në Spanjë, Austri, Gjermani dhe Shqipëri. Debutimin e parë në orkestër e bëri në moshën 10-vjeçare. Në emisionin “Pas Mesnate” në ABC Neës ajo ndan pasionin dhe dashurinë e madhe që ka për pianon dhe artin, një dashuri e ushqyer që në formimin e saj nga familja.

“Në përditshmëri unë jam shumë e mbyllur dhe e ndrojtur në karakter, por kur ngjitem në skenë nuk e di sikur futet diçka brenda meje. Kam një lloj tjetër sigurie. Pianoja për mua është jeta ime. Unë jam rritur në Teatrin e Operas dhe të Baletit, prindërit punonin atje dhe më merrnin me vete, që dy vjeçe kam shkuar atje.

Kam dëgjuar shumë muzikë klasike dhe kjo më ka bërë që ta dua kaq shumë, të njoh shumë repertor klasik dhe sigurisht të mësoja dhe instrumentet. E kam mësuar pianon që kur kam qenë e vogël dhe sigurisht që më pëlqente shumë. Më pëlqente si instrument shumë, instrumenti më i madh që kisha parë”, tha Rejsi Prosi./abcnews.al

Pas matjes me aparatin matës të zhurmave, muzika e gjeneruar nga lokali rezultoi me decibel më të lartë se limiti i lejuar.

Pas ankesave të shumta të banorëve, policia e Sarandës ka ushtruar mbrëmjen e djeshme kontroll në lokalin e natës “Foga” në Ksamil.

Për këtë biznesi u gjobit me 100.000 lek të reja. Policia e Sarandë pritet të intensifikojë kontrollet e këtij lloji në gjithë territorin e vijës bregdetare.

Mësohet se është viti i parë që policia në Sarandë pajisjet me aparat të specializuar për matjen e ndotjes akustike.

The post Sezoni veror/ Ndotja akustike, policia ‘fillon punën’, gjobit lokalin e natës pas ankesave të banorëve appeared first on Sot News | Lajme.

Sezoni veror daton edhe me pikun e aktiviteteve për artistët shqiptar. Të shumtë janë këngëtarët që sjellin produksione të reja pikërisht në këtë sezon, për të shtuar edhe fitimet e tyre. Në klubet më në zë të vendit, çdo natë ka të ftuar këngëtarë, çfarë e bën atmosferën për turistët edhe më elektrizuese. E për […]

The post Këngëtarët rrisin tarifat për sezonin e verës/ Ja çmimet e larta që kërkojnë për një natë në koncert appeared first on BoldNews.al.

Edith Mihali është një prej personaliteteve të skenës lirike shqiptare. Mjeshtre e Madhe dhe Artiste e Merituar, e kompletuar me studime për artet të nisura që në vogëli. Baroi Akademinë e Arteve, sot Universiteti i Arteve, me dy diploma, atë të kantos dhe muzikës. Ka kryer studime pas universitare në Konservatorin Superior të Parisit. Fillimisht punon mësuese, kurse në vitin ’75 bëhet një nga protagonistet e Teatrit të Operash dhe të Baletit në të gjitha shfaqjet me prestigjioze të institucionit. Ka sjellë në skenë një sërë vepra shqiptare, por dhe ndërkombëtare. Pedagoge në Universitetin e Arteve, Edith Mihali ka marrë shumë çmime dhe ka marrë pjesë në shumë skena ndërkombëtare. Ajo quhet padyshim një diva e skenës, dhe në emisionin “Pas Mesnate” në ABC News, ajo vjen me një rrëfim ndryshe dhe mjaft të sinqertë.

Meritën për futjen e saj në botën e artit Edith Mihali ia kushton mamasë së saj, e cila edhe pse nuk ishte e përfshirë në të e donte fort artin. Një mirënjohje shpreh he për të gjithë njerëzit që e drejtuan dhe mësuar, artistët e mëdhenj që i dhanë shtysën për të kapur majat.

“Është punë e gjatë, por unë preferoj shumë që të flas shpejt dhe pak. Unë kam 10 vite që nuk jam fare në skenë dhe është një brez apo më shumë që nuk të njeh fare se kush je. Prandaj më mirë të më njohin duke kënduar se sa duke folur për veten, sepse njeriu flet, por varet se sa e besueshme është. Kështu që unë kam pasur një fat që ime më e ka dashur artin. Pavarësisht se nuk i përkiste këtij profesioni, ajo më ka drejtuar tek Liceu Artistik, duke dhënë një konkurs dhe duke filluar fillimisht violinën, pastaj kritikën e muzikës, pastaj jeta ka ardhur përmes vështirësive, por edhe nja fati.

 Thonë që jeta asnjëherë nuk vjen për të keq dhe duke pasur drejtues të shkëlqyer në atë periudhë në gjitha institucionet e artit, që nga Liceu Artistik, Akademia e Arteve, Konservatori, apo edhe Teatri i Operas, të gjitha ata që e drejtonin kanë qenë shumë të përkushtuar dhe shumë dashamirës për të bërë gjënë më të mirë për këtë vend. Kështu që unë këtë fat e kam pasur. Vunë re talenti time, të dhënat e mia për këtë profesion dhe më drejtuan për në Universitetin e Arteve”, tregoi artistja.

E shkëputur për gati 10 vite nga skena Edith Mihali dëshiron që të mos flasë shumë, por të lërë njerëzit dhe të rinjtë ta njohin përmes artit dhe zërit të saj./abcnews.al

Një punë kërkimore voluminoze, e mbështetur në dokumente arkivore të panjohura më parë për publikun, hedh dritë mbi mënyrën se si prodhoheshin dhe kontrolloheshin filmat në kohën e diktaturës komuniste në Shqipëri. Studiuesja dhe arkivistja Eriona Vyshka ka sjellë së fundmi një libër të ri, ku trajton procesin e ndërlikuar të filtrimit të filmave në Kinostudion “Shqipëria e Re”, duke u mbështetur në dokumente të ruajtura në Arkivin Qendror të Shtetit.

Vyshka, e cila është përgjegjëse për katalogimin dhe menaxhimin e koleksioneve filmike dhe ka redaktuar disa katalogë të rëndësishëm më parë, në emisionin në “Pas Mesnate” në ABC News sjell në këtë libër një analizë të periudhës 1954–1994, duke zbuluar detaje të panjohura për mënyrën se si kontrollohej çdo fazë e një filmi.

Sipas saj, procesi nuk përfundonte me xhirimet apo montazhin. Pasi filmi përfundonte, ai duhej të kalonte disa filtra vlerësimi. Por momenti më vendimtar ishte shfaqja e filmit para udhëheqësit komunist Enver Hoxha. Fati i filmit vendosej nga reagimi i tij. “Të gjithë në oborr prisnin me padurim nëse do të kalonte apo do të censurohej,” tregon Vyshka.

Ajo thekson se libri përmban dokumente autentike, ndër to 42 procesverbale të mbajtura me dorë nga persona të paidentifikuar, të cilët kishin ndjekur të gjitha mbledhjet e filtrave dhe komisioneve. Sipas saj, këta ishin shpesh gazetarë të redaksive ose punonjës të Kinostudios.

“Është një punë voluminoze që kam bërë prej viti të kaluar. Më është dashur kohë shumë. Në arkivin tonë ne kemi 42 procesverbale të mbledhjeve të mbajtura me shkrim dore nga personi përgjegjës që ndiqte të gjitha. Nuk identifikohej me emër. Mendoj se kanë qenë disa sepse edhe shkrimi i dorës ishte i ndryshëm. Këto kanë qenë gazetarët e redaksive ose të Kinostudios që ishin prezentë në çdo mbledhje të të gjitha filtrave, të komisioneve. Të gjitha librat janë të ndryshëm. Libri i redaksisë është më vete, i kohës paraprake është më vete, e kështu me radhë të çdo filtri tjetër”, tha Eriona Vyshka.

Një qytet me shumë tradita ku edhe shkrepja e parë e fotografisë shqiptare është bërë në Shkodër, në qytetin e Marubëve. Në Pas Mesnatë, rrëfehet fotografja Orestia Kapidani, e cila ecën në gjurmët e Marubit.

Pas mesnatat i konsideron një moment qetësie, por edhe frymëzimi.

“Kanë nevojë mendimet për qetësi dhe qoftë përjetimet e ditës, qoftë edhe një punë që e kam përfunduar apo jam duke e përfunduar, reflektimi mbi të për mua ka nevojë për qetësi, dhe këtë e gjej në momentin kur pjesa më e madhe është në gjumë.

Fotografia ka pjesën teknike me kufizimet e veta dhe nata më jep mundësinë që edhe fotgrafinë ta shtri në kohë, momentin e shkrepjes. Më pëlqen ky momenti i qetësisë së natës, i reflektuar në fotografi. Përgjithësisht jam me apparat me vete, nuk shkëputem prej tij. Përgjigjem edhe në udhëtimet që bëj edhe sikur të jenë skica, ti bëj me film.

Sot kemi edhe mjetet moderne, por në përgjithësi e dua shumë foton me film. Fotografia analoge është pjesë që kam më përzemër sepse të ngadalëson procesin dhe unë pëlqej ta pres atë imazhin që të vijë në momentin kur lahet filmi, nuk dua ta shoh më parë, dua të surprizohem prej tij.

Nëse mbaron magjepsja nuk ka kuptim, dhe magjepsjen më të madhe e kam te fotografia analoge që më le të presë, më jep edhe supriza, ndonjëherë edhe të pakëndeshme, por janë gabimet teknike që janë të domosdoshme. Ndodh që edhe një problem teknik kthehet në art.” -thotë ajo./abcnews.al

Gjuha e trupit është mjaft e rëndësishme për koreografin dhe balerinin e njohur Gentian Doda. Karrierën e tij e nis në Teatrin be Operas dhe Baletit për të vijuar më pas në skenat më të njohura të Europës. Gjatë këtyre viteve ai ka performuar si balerin e parë në rolet protagoniste me produksione klasike dhe neoklasike.

Në vitin 2011 Doda u bë një artist i pavarur, ku vijuan bashkëpunime shumë të rëndësishme me artistë të huaj, por megjithatë asnjëherë nuk i ka humbur lidhjet me Shqipërinë.

Të gjithë e mbajnë mend dhe për kauzën e lumit Vjosa ku u bë dhe një shfaqje, por tani ai i është futur dhe botës së kinemasë me filmin e shkurtër ‘303’, ku është nderuar dhe me çmime bashkëkohore.

Në emisionin “Pas Mesnate” në ABC News ai vjen me një rrëfim krejtësisht ndryshe dhe të sinqertë. Ku zbulon se për të baleti ka qenë thjeshtë një rastësi, ose më saktë aksident, siç ai preferon ta quajë.

“E imja ka qenë komplet aksidentale. Unë e kam filluar baletin në moshën 16-vjeçare dhe kemi qenë ndër të parët që kemi thyer këto rregullat që në balet nuk futesh vetëm në moshën 10-vjeçare. Pata shumë mbështetje edhe nga profesorët e mi, të cilët vunë re talentin tim. Ishte një periudhë tranzicioni nuk ndjehesha shumë mirë, kisha kërcyer nëpër dasma valle popullore, por nuk e mendoja se do të arrija ndonjëherë në këto nivelet e teatrit. Por, kur iu futa lojës”, tha balerini./abcnews.al