Moti i nxehtë i zgjatur po ndryshon qytetet e Evropës, ndërsa temperaturat mbi 32 gradë Celsius zgjaten deri në vjeshtë.

Ndërsa temperaturat globale vazhdojnë të rriten, qytetet evropiane përjetojnë nxehtësi ekstreme për shumë më gjatë sesa muajt tradicionalë të verës.

Disa qytete në Evropë tani përballen me temperatura të larta deri në pesë muaj në vit, sipas një studimi të ri nga organizata “Climate Resilience for All”.

Lexo po ashtu Si ndikon ndryshimi i klimës në valët e nxehtësisë?

Analiza, e udhëhequr nga ekipi meteorologjik i kësaj OJQ-je, shqyrtoi të dhënat e temperaturave nga viti 2019 deri në 2023 në 85 qytete në mbarë botën, raporton euronews.

Ajo u përqendrua në ditët e para dhe të fundit kur secili qytet arriti temperaturën 32 gradë Celsius, një kufi për nxehtësi ekstreme që paraqet rreziqe serioze për shëndetin dhe mjedisin.

Ata zbuluan se të ashtu-quajturat ‘sezone të nxehtësisë’ nuk kufizohen më vetëm në muajt e njohur të verës dhe tani zgjasin shumë më gjatë.

Në mesatare, ekipi i udhëhequr nga shkencëtari i klimës Dr. Larry Kalkstein, thotë se sezonet e nxehtësisë zgjasin mesatarisht 214 ditë në qytetet që kanë studiuar. Ditë shumë të nxehta kanë ndodhur në çdo periudhë të vitit në 20 nga 85 qytetet e studiuara.

Ku po zgjat më gjatë sezoni i nxehtësisë në Evropë?

Në Evropë, sezonet e nxehtësisë tani zgjasin shumë më tepër se sa dikur konsideroheshin muajt e verës.

Studimi thotë se Athina në Greqi përballet tani me një nga sezonet më të gjata të nxehtësisë në kontinent, me temperatura të larta që zgjasin rreth 145 ditë, nga mesi i majit deri në fillim të tetorit.

Tirana, kryeqyteti i Shqipërisë, renditet në vend të dytë në listën e “Climate Resilience for All” me 143 ditë nxehtësi ekstreme.

Lexo po ashtu Një shenjë pak e njohur e goditjes nga nxehtësia që nuk duhet ta injoroni kurrë pasi mund të jetë vdekjeprurëse

Në Portugali, sezoni i nxehtësisë në Lisbonë zgjat rreth 136 ditë, nga vonë pranvera deri në fillim të vjeshtës. Madridi në Spanjë përjeton një sezon nxehtësie prej 119 ditësh, që shtrihet nga fundi i majit deri në mes të shtatorit.

Zyrtarët në Paris po përgatiten për një ngrohje prej 4 gradë Celsius, por kryeqyteti francez tashmë sheh gati tre muaj nxehtësi ekstreme, me temperatura mbi 32 gradë Celsius nga mesi i qershorit deri në mes të shtatorit.

Munichu dhe Varshava kanë sezone më të shkurtra por përsëri të rëndësishme të nxehtësisë, që zgjasin rreth një deri në dy muaj.

Pse janë problem sezonet më të gjata të nxehtësisë?

Hulumtimet e mëparshme kanë gjetur se ndryshimi i klimës i shkaktuar nga njeriu shtoi mesatarisht 30 ditë nxehtësi ekstreme për rreth gjysmën e popullsisë së botës vitin e kaluar.

Kjo do të thotë katër miliardë njerëz të ekspozuar ndaj temperaturave të zgjatura dhe të rrezikshme.

Studimi i bërë nga World Weather Attribution, Climate Central dhe Red Cross Climate Centre shqyrtoi periudhën nga maji 2024 deri në maj 2025.

Ai gjeti se ndryshimi i klimës të paktën dyfishoi numrin e ditëve të klasifikuara si “nxehtësi ekstreme” në 195 nga 247 vendet dhe territoret që analizuan, krahasuar me mesataren e mëparshme.

Lexo po ashtu Paralajmërimi i frikshëm: Rreth 4,500 njerëz mund të vdesin në tri ditët e ardhshme nga vala e të nxehtit në Evropë

Evropa është një nga rajonet që tashmë po përjeton pasojat më të dukshme dhe vdekjeprurëse të ngrohjes globale.

Periudhat e zgjatura të nxehtësisë tregojnë se si klima e kontinentit po ndryshon dhe shqetësimet për shëndetin dhe infrastrukturën që vijnë me këtë ndryshim.

“Kjo analizë e bën të qartë: nuk mund ta trajtojmë më nxehtësinë thjesht si një pjesë normale të verës”, thotë Kathy Baughman McLeod, CEO e Climate Resilience for All dhe shtoi se “‘sezoni i verës’ që shumë prej nesh njohën dikur, ka ikur.”

Pse qytetet janë kaq të nxehta?

Studimi thekson efektin e ishullit urban të nxehtësisë, ku qytetet bëhen më të nxehta se zonat rurale përreth për shkak të infrastrukturës së dendur dhe hapësirave të kufizuara të gjelbra, si një faktor kryesor që përkeqëson stresin nga nxehtësia në qendrat urbane të Evropës.

“Qytetet që nuk janë projektuar kurrë për nxehtësinë tani përballen me goditje dhe strese të reja nga nxehtësia”, shpjegon Baughman McLeod.

Me sezonet e nxehtësisë që zgjaten shumë përtej muajve të njohur të verës, qeveritë dhe planifikuesit e qyteteve përballen me një sfidë të rëndësishme: si të mbrojnë njerëzit nga valët e nxehtësisë që po bëhen gjithnjë e më të shpeshta dhe të zgjatura?

Lexo po ashtu Raport alarmues i shkencëtarëve: Gjysma e popullsisë botërore përballet me të paktën 30 ditë nxehtësi ekstreme

Kohëzgjatja e ndikimit të kërcënimit nga nxehtësia kërkon strategji si rritja e hapësirave të gjelbra urbane, përmirësimi i dizajneve të ndërtesave, caktimi i zonave të freskëta për strehim dhe zhvillimi i sistemeve paralajmëruese.

Por, pavarësisht kërcënimit në rritje, masat e planifikimit dhe reagimit të qeverive për nxehtësinë, sipas Baughman McLeod, ose nuk ekzistojnë fare, ose janë shumë të pamjaftueshme për shkallën e krizës.

“Është thelbësore që të përhapim ndërgjegjësimin dhe kuptimin për nxehtësinë ekstreme, në mënyrë që qeveritë, bizneset dhe punëdhënësit të menaxhojnë rreziqet dhe ndikimet me urgjencën që këto kushte kërkojnë”, tha ai. /Telegrafi/

The post Pesë muaj verë në Evropë – vetëm një qytet para Tiranës appeared first on Telegrafi.

Një heshtje therëse ka mbuluar qytetin Gondomar në Portugali, ku mijëra njerëz janë mblodhur për t’i dhënë lamtumirën e fundit futbollistit të Liverpool-it, Diogo Jota. 28-vjeçari humbi jetën nëë nëj aksident tragjik, vetëm 11 ditë pas martesës, duke lënë pas bashkëshorten dhe tre fëmijët e tij të vegjël.

Ylli portugez, fitues i Premier League me Liverpool-in dhe Nations League me Portugalinë, u nda nga jeta në një aksident automobilistik gjatë kthimit drejt Anglisë, ku po përgatitej për fazën stërvitore verore. Jota ishte këshilluar të shmangte udhëtimet me avion për shkak të një ndërhyrjeje të vogël kirurgjikale, por rruga e tij fatkeqësisht nuk përfundoi kurrë.

“Një tragjedi që shkon përtej futbollit,” e quajti klubi Liverpool vdekjen e tij, ndërsa mijëra tifozë u mblodhën pranë stadiumit Anfield për të vendosur lule, shalla dhe për të kënduar në kor këngët kushtuar atij.

Jordan Henderson nuk i mbajti dot lotët kur vendosi një kurorë me një mesazh prekës: “Prehu në paqe, miku im, bashkë me vëllain tënd André. Do na mungosh të gjithëve.”

Mohamed Salah e përshkroi humbjen si tronditëse: “Jam pa fjalë. Deri dje nuk besoja se ekzistonte diçka që do më trembte të kthehesha në Liverpool.”

Në shenjë homazhi, portreti i Jotës u shfaq në fund të këngës “Live Forever” gjatë koncertit të ribashkimit të grupit Oasis në Cardiff, duke ngritur në këmbë një stadium të tërë. Edhe rivali lokal Everton vendosi kurora pranë Anfield, ndërsa ish-klubi i Jotës, Ëolves, mbuloi stadiumin Molineux me homazhe.

Varrimi i Jotës do të mbahet këtë të shtunë në orën 10:00, në Igreja Matriz de Gondomar, ku pritet të jenë të pranishëm personalitete nga bota e futbollit dhe fansa nga e gjithë bota.

LEXONI GJITHASHTU:

• Futbollisti i njohur i Liverpool humb jetën në një aksident tragjik në Spanjë
• “Ishe fantastik”- Jurgen Klopp mesazh prekës për vdekjen tragjike të Diogo Jotës

The post “Lot dhe heshtje”- Portugalia i jep lamtumirën Diogo Jotës appeared first on Euronews Albania.

Ndërsa një valë e re e nxehtësisë ka goditur Evropën, një studim i fundit ka zbuluar se disa nga vendet më të mëdha të kontinentit kanë pësuar humbjet më të mëdha ekonomike gjatë shekullit të XXI-të për shkak të fatkeqësive natyrore dhe ndryshimeve klimatike.

Sipas raportit të fundit të Agjencisë Evropiane të Mjedisit (EEA), vendet si Gjermania, Italia, Franca dhe Spanja kanë pësuar humbje të konsiderueshme ekonomike që arrijnë në qindra miliarda euro, duke theksuar rëndësinë e përballimit të sfidave klimatike në rajon.

Në periudhën 1980–2023, Evropa ka përjetuar më shumë se 790 miliardë euro humbje ekonomike të shkaktuara nga ngjarje ekstreme të motit dhe fenomene klimatike.

Nga këto humbje, Gjermania kryeson me rreth 180 miliardë euro, duke u renditur si vendi me humbjet më të mëdha totale, transmeton Telegrafi.

Italia dhe Franca pasojnë me 135 dhe 130 miliardë euro, ndërsa Spanja ka regjistruar humbje prej 97 miliardë euro, shkruan euronews.

Megjithatë, nëse analizohen vetëm humbjet e shekullit të XXI-të, fotografia ndryshon pak.

Pas vendeve kryesore, gjashtë shtete të tjera anëtare të Bashkimit Evropian – Austri, Belgjika, Çekia, Portugalia, Rumania dhe Sllovenia – kanë pësuar humbje ekonomike relativisht të ngjashme, që ndryshojnë midis 12 dhe 15 miliardë euro. Kjo tregon se sfidat klimatike po përhapen në mënyrë më të barabartë në të gjithë rajonin.

Sipas Panelit Ndërqeveritar të Kombeve të Bashkuara për Ndryshimet Klimatike (IPCC), intensiteti dhe frekuenca e fenomeneve klimatike ekstreme, si përmbytjet dhe valët e nxehtësisë, janë rritur në disa rajone evropiane dhe parashikohet që këto fenomene të vazhdojnë të shtohen me përkeqësimin e ngrohjes globale.

Këto ngjarje kanë qenë shkaktarët kryesorë të dëmeve ekonomike në të gjithë Bashkimin Evropian.

Edhe pse humbjet në vendet më të pasura dhe të zhvilluara duken të mëdha, ato zakonisht kanë një ndikim më të vogël në ekonominë e tyre kombëtare sesa humbjet më të vogla që pësojnë vendet më të varfra dhe më pak të zhvilluara.

Vendet më të pasura kanë më shumë mjete për t’u rikuperuar dhe ndajnë më pak nga buxhetet e tyre publike për rimëkëmbjen nga katastrofat natyrore.

Në Evropën Perëndimore dhe Qendrore, vende si Sllovenia, Belgjika dhe Gjermania përjetojnë humbje më të mëdha për kilometër katror, ndërsa vendet në Evropën Lindore dhe Veriut, përfshirë Finlandën dhe Estoninë, vuajnë më pak nga dëmet financiare.

Sllovenia ka regjistruar humbjet më të mëdha për frymë, duke arritur në 8,733 euro për banor gjatë periudhës 1980–2023, ndjekur nga Luksemburgu, Zvicra, Italia dhe Spanja.

Në anën tjetër, vendet me humbjet më të ulëta për kokë banori janë Kosova me vetëm 10 euro, Mali i Zi me 41 euro dhe Islanda me 87 euro.

Raporti i EEA-së thekson se humbjet për frymë ndryshojnë më pak se humbjet për kilometër katror dhe shumë vende kanë vlera të ngjashme në këtë aspekt.

Sa i përket sigurimit ndaj rreziqeve klimatike, shumica e vendeve evropiane kanë zhvilluar sisteme private të sigurimeve për mbrojtje kundër rreziqeve natyrore të lidhura me klimën.

Këto sigurime mbulojnë individët, familjet, kompanitë, institucionet dhe qeveritë, duke u siguruar pagesa të shpejta pas ngjarjeve katastrofike dhe duke ndihmuar në rimëkëmbjen e shpejtë të të prekurve.

Mesatarja e humbjeve të sigurimit në 27 vendet anëtare të Bashkimit Evropian është rritur nga 2.5 miliardë euro në vitin 2009 në 4 miliardë euro në vitin 2023, duke reflektuar rritjen e ndërgjegjësimit dhe nevojën për mbrojtje më të madhe ndaj fatkeqësive natyrore.

Franca dhe Spanja kanë ndërtuar sisteme kombëtare sigurimi që operojnë nëpërmjet partneriteteve publike-private, por megjithatë, të paktën 16 vende të BE-së vazhdojnë të kenë një hendek mbrojtjeje të sigurimit mbi 90 për qind.

Vetëm Danimarka ka arritur të sigurojë mbulim për më shumë se 50 për qind të humbjeve të saj ekonomike nga fatkeqësitë natyrore, duke treguar një nivel më të lartë të përgatitjes dhe mbrojtjes ndaj ndryshimeve klimatike.

Kjo tregon se ende ka shumë për të bërë në nivel evropian për të përmirësuar mbrojtjen financiare dhe rezistencën ndaj sfidave që sjell klima në dekadat e ardhshme. /Telegrafi/

The post Ndryshimet klimatike po godasin ekonominë e Evropës – pse jo edhe Kosovën? appeared first on Telegrafi.

Ky është momenti kur një aeroplan mezi arrin të prek pistën për shkak të erërave të forta, që e frynin sa në anën e majtë ashtu dhe në të djathtë.

Turistët nga Nuremberg, Gjermani, po mbërrinin në një nga “aeroportet më sfiduese për pilotët”, aeroportin e Madeirës në Portugali, ​​kur shpërtheu kaosi.

Aeroplani u lëkund nga njëra anë në tjetrën ndërsa afrohej ngadalë drejt pistës, përpara se të kërcente në tokë ndërsa ulej në ishullin portugez më 30 qershor.

Aeroporti i Madeirës, ​​zyrtarisht i quajtur aeroporti ndërkombëtar Cristiano Ronaldo, është i njohur për shkëmbinjtë e tij të pjerrët dhe erërat e paparashikueshme, që do të thotë se pilotët kërkojnë trajnim të veçantë për t’u ulur atje, transmeton Telegrafi.

Një pasagjere, e cila pretendoi se ishte në fluturimin A320 të Marabu Airlines, e quajti atë një “ulje të tmerrshme”.

“E tmerrshme. Ishte me gunga, lëvizte para dhe mbrapa. Ulja ishte e tmerrshme, pati një shpërthim të fortë. Mendova se aeroplani do të ndahej”, shtoi ajo.

Sipas një llogarie në YouTube që filmoi uljen në një transmetim të drejtpërdrejtë, ishte “një provë e vërtetë aftësish dhe guximi” për pilotin.

Të paktën katër fluturime u devijuan nga aeroporti i Madeirës më 30 qershor për shkak të “kushteve të pafavorshme të motit”, raportoi Correio da Manhã.

Kjo ndikoi në tre fluturime nga Londra dhe një tjetër nga Vilniusi. /Telegrafi/

The post Erërat e forta lëkundnin aeroplanin sikur të ishte nga “letra” derisa po zbriste në pistën e aeroportit Madeira të Portugalisë appeared first on Telegrafi.

Cristiano Ronaldo reagon keq ndaj një tifozi ndërhyrës. Edhe tepër. Deri në atë pikë sa të provokojë një qëndrim hakmarrës nga kampioni portugez që i jep atij një leksion të mirë. E ngrin me një shikim qortues, pastaj, përballë këmbënguljes së fansit që nuk respekton radhën, i rezervon një gjest përçmimi. Një video që qarkullon në rrjet tregon se çfarë ka ndodhur, duke filluar nga pakënaqësia e yllit luzitan që nuk ka asnjë problem të ndalet për t’u lënë një kujtim njerëzve që e presin: qoftë një foto, një autograf apo një dedikim, CR7 përpiqet t’i kënaqë të gjithë por tregohet i padurueshëm kur dikush e kalon pak nivelin e tolerancës.

CR7 u jep autografe tifozëve

Aty pranë ndodhet edhe truproja e tij: i bën një shenjë mirëkuptimi, duke lënë të kuptohet se gjithçka është në rregull dhe se mund ta menaxhojë ai situatën. Episodi ka ndodhur në Mynih të Bavarisë, me rastin e finales së Nations League të fituar nga Portugalia kundër Spanjës me penallti. Pesë herë fituesi i Topit të Artë zbret nga një minivan së bashku me partneren, Georgina Rodriguez. Ajo merr një drejtim tjetër, ai zgjedh të bëjë të lumtur tifozët.

Nuk ka shtyrje, prandaj vendos të kalojë para tyre duke u përpjekur t’u përgjigjet kërkesave të tyre. Por ka një, megjithatë, që është më i paduruari nga të gjithë: nuk do të lërë të ikë rasti, kur do ta shohë sërish kaq afër një futbollist të kalibrit të CR7? Dhe atëherë lirohet: e kupton që lojtari është gati ta kalojë dhe frikësohet se nuk do të mund t’i afrohet, kështu që del nga radha dhe i del përpara me celular në dorë, gati për të bërë selfien. Nuk do të duhej ta kishte bërë kurrë.

Cristiano Ronaldo i bezdisur nga ndërhyrja e tifozit

CR7 e ndien veten “nën markim të ngushtë”, shprehja e fytyrës tregon mirë se e ka pranuar me shumë dëshirë të keqe atë sjellje: ndalet, për të mos i rënë tifozit sipër, dhe kur kupton se ai vazhdon të qëndrojë aty, i ngrirë, fillimisht i hedh një shikim të ashpër, pastaj i pëshpërit diçka të tipit “oh…” e shoqëruar me një gjest të qartë me dorë.

I bën të qartë: qetësohu, ka për të gjithë. Është një paralajmërim por nuk mjafton, burri nuk ka asnjë qëllim të tërhiqet: do një foto me portugezin. Ronaldo, i palëkundur, pothuajse e largon pastaj i tregon vendin: ndalet me një tifoz tjetër dhe lejon që ta fotografojë një djalë që kishte respektuar radhën dhe kishte qenë mjaftueshëm i sjellshëm për të mos iu hedhur sipër.

@geldmrfifa_ Ronaldo nimmt sich Zeit für die Fans am Flughafen in München #football #cristianoronaldo #nationsleague #goat #live #aura #fans #geldmrfifa_ #munich #airport #cr7 #portugal #siuuuu #ronaldo #foryou #viral # # ♬ Originalton – Geldmrfifa

The post Cristiano Ronaldo i jep një leksion tifozit të pasjellshëm: truproja e pa duke qeshur appeared first on Lapsi.al.

Në moshën 40-vjeçare, Cristiano Ronaldo jo vetëm që është ende vendimtar me golat e tij, por tregon se ka ende të paprekur një uri të pashtershme për fitore, gjë që përkthehet në një ngarkesë të madhe agonistike në fushë – siç e tregon gjesti (sidoqoftë qartësisht antisportiv) që pesë herë fituesi i Topit të Artë bëri gjatë finales së Nations League të fituar me penallti nga Portugalia e tij ndaj Spanjës të dielën e kaluar. Pas verifikimit nga VAR që konfirmoi golin e përkohshëm 1-1 të skuadrës luzitane, Ronaldo i tërhoqi veshin Oyarzabal, i cili nga ana e tij nuk reagoi aspak, ndërkohë që Cristiano shtrëngonte dhëmbët me inat, duke zbuluar gjendjen e tij shpirtërore të tërbimit.

Cristiano Ronaldo i shkul veshin Oyarzabal

Po luhej pjesa e parë e ndeshjes, kur në minutën e 26’ Nuno Mendes shënoi golin e barazimit, pasi pesë minuta më herët Zubimendi kishte kaluar Spanjën në epërsi. Goli, megjithatë, ishte ende në verifikim, me kontrollin e VAR-it në vazhdim, dhe pikërisht në ato momente Ronaldo pati një përplasje me Mikel Oyarzabal, duke ia kapur më pas veshin dhe duke e tërhequr pasi goli u konfirmua – duke përfituar nga fakti që gjyqtari sapo ishte kthyer për të treguar qendrën e fushës për rifillimin e lojës.

Ronaldo’s reaction to Oyarzabal after the Portugal goal check is funny af pic.twitter.com/Lf54WuhzaZ

— Wan (@wanbeece) June 8, 2025

Një gjest që ka shkaktuar reagime në rrjete sociale, mes kritikave për mungesën e fair-play të portugezit dhe lavdërimeve për konkurrueshmërinë e tij ende në nivele maksimale. Ronaldo la gjurmë më pas edhe në mënyrën që i ka ardhur natyrshëm për më shumë se 20 vite: duke u futur në listën e golashënuesve. Goli i barazimit 2-2 në pjesën e dytë ishte i tij, pasi Oyarzabal kishte shënuar ndërkohë golin e dytë për Spanjën.

Rezultati nuk ndryshoi më as në kohën shtesë. U arrit kështu te penalltitë, ku Portugalia triumfoi falë të vetmit gabim nga pika e bardhë i Moratës. Ronaldo nuk mundi të merrte pjesë në serinë vendimtare të penalltive, pasi u detyrua të largohej nga loja për shkak dëmtimi në fund të kohës së rregullt, por ishte gjithsesi protagonist në ato momente emocionuese, duke u filmuar mes lotësh pas penalltisë së fundit të realizuar nga Ruben Neves që i dha Portugalisë Nations League.

The post CR7 i shkuli veshin Oyarzabal në finale: tradhtohet nga shtrëngimi i dhëmbëve appeared first on Lapsi.al.

Në vitin 2024, fëmijët përballeshin me një rrezik më të lartë të varfërisë ose përjashtimi social sesa të rriturit.

Megjithatë, pati një rënie të vogël prej 0.6 për qind në numrin e fëmijëve që përballeshin me këtë rrezik në Bashkimin Evropian nga viti 2023 në 2024.

Në vitin 2024, 19.5 milionë fëmijë në BE ishin në rrezik të varfërisë ose përjashtimit social, sipas të dhënave më të fundit të Eurostat-it.

Ndërmjet viteve 2023 dhe 2024, përqindja e fëmijëve në rrezik të varfërisë ose përjashtimit social në BE u ul pak nga 24.8 në 24.2 për qind, shkruan euronews.

Në nivel shtetëror, Bullgaria raportoi përqindjen më të lartë në vitin 2024, me 35.1 për qind, e ndjekur nga Spanja me 34.6 për qind dhe Rumania me 33.8 për qind.

E kundërta e këtyre vendeve, Sllovenia (11.8 për qind), Qipro (14.8 për qind) dhe Republika Çeke (15.4 për qind) regjistruan shifrat më të ulëta. Italia ishte i vetmi vend i BE-së që nuk përjetoi asnjë ndryshim, duke mbetur në 27.1 për qind.

“Institucionet e shtetit të mirëqenies luajnë një rol të madh në mbrojtjen e fëmijëve nga varfëria”, tha Alba Lanau Sanchez, studiuese nga Universiteti Pompeu Fabra.

“Vendet me sisteme të fuqishme të mbrojtjes sociale priren të kenë norma më të ulëta të varfërisë tek fëmijët”, shtoi ai.

Lexo po ashtu Shqiptarët, më optimistët në Ballkan, eurobarometri: Serbët janë më të dëshpëruarit, urrejnë NATO-n dhe BE-në

Rreziku i varfërisë ose përjashtimit social ishte gjithashtu më i lartë për fëmijët sesa për të rriturit në vitin 2024.

Fëmijët në BE ishin në një rrezik më të lartë të varfërisë ose përjashtimit social (24.2 për qind) krahasuar me të rriturit (20.3 për qind), duke rezultuar në një diferencë prej 3.9 për qind.

Në mbarë vendet e BE-së, 20 prej tyre përjetuan një rrezik më të lartë tek fëmijët, me diferencat më të mëdha të regjistruara në Spanjë (10.5 për qind), Maltë dhe Rumani (të dyja me 7.3 për qind) dhe Francë (7.2 për qind).

Faktori i arsimit

Fëmijët, prindërit e të cilëve kishin arsim më të lartë, kishin më pak gjasa të ishin në rrezik të varfërisë ose përjashtimit social.

Në vitin 2024, 61.2 për qind e fëmijëve në BE që jetonin me prindër me arsim jo më të lartë se niveli i mesëm i ulët (arsim i detyrueshëm) ishin në rrezik të varfërisë ose përjashtimit social.

Për fëmijët me prindër që kishin përfunduar arsimin e lartë (universitar), kjo përqindje ishte vetëm 11.0 për qind.

Kjo krijon një hendek prej 50.2 për qind në rrezikun e varfërisë bazuar në nivelin arsimor të prindërve.

Në nivel kombëtar, ky hendek ishte mbi 50 për qind në 16 vende të BE-së.

Hendeku më i vogël u vërejt në Danimarkë, Portugali dhe Estoni, ndërsa diferencat më të mëdha u regjistruan në Rumani, Çeki dhe Bullgari.

Pse është Spanja ndër vendet me normat më të larta?

Megjithëse Spanja ka një GDP më të lartë se Bullgaria apo Rumania, sistemi i saj i taksave dhe përfitimeve përmendet shpesh nga studiuesit si një nga arsyet kryesore për normat e larta të varfërisë së fëmijëve.

Në vitin 2021, Spanja shpenzoi vetëm 1.3 për qind të GDP-së së saj për politikat familjare, krahasuar me mesataren e OECD-së prej 2.3 për qind.

“Mbështetja financiare direkte për familjet ishte veçanërisht e kufizuar”, tha Lanau Sanchez.

“Skemat e përfitimeve në para të lidhura me fëmijët në Spanjë tradicionalisht kanë ofruar përfitime për dhjetëshat më të larta të të ardhurave përmes lehtësimeve tatimore, të cilat familjet me të ardhura të ulëta nuk mund t’i përfitojnë, ndërsa pak ose aspak mbështetje ka shkuar për familjet me të ardhura të ulëta”, pohoi ai.

Spanja gjithashtu ka prezantuar Ndihmën Minimale për Jetesë (IMV) në vitin 2021 dhe Shtesën për Mbështetjen e Fëmijës në vitin 2022, duke arritur në 502,310 familje, sipas të dhënave të Sigurimeve Shoqërore të Spanjës.

Megjithatë, mbetet e paqartë se sa shumë këto programe kanë përmirësuar kushtet e jetesës për familjet me fëmijë.

“Kritikat aktuale theksojnë mangësitë e IMV-së, përfshirë barrierat administrative (që rezultojnë në norma të larta të mos-përfitimit), kufizime ligjore për qasjen që prekin grupe të caktuara si të rinjtë, personat në situatë rruge, migrantët pa dokumente dhe ata që kanë mbërritur rishtazi, si dhe mbulim të kufizuar për familjet me të ardhura të ulëta, por jo në varfëri ekstreme”, tha Sanchez.

“Megjithatë, na mungon kërkimi akademik i thelluar për mënyrën se si IMV-ja e ka transformuar më gjerësisht sistemin e mbrojtjes sociale, duke zëvendësuar përfundimisht forma të tjera të mbështetjes, siç janë skemat rajonale të të ardhurave minimale”, përfundoi ajo. /Telegrafi/

The post Ku janë fëmijët më të cenueshëm ndaj varfërisë në BE? appeared first on Telegrafi.

Portugalia mposht Spanjën dhe fiton Nations League. Vendimtare ishin goditjet nga pika e bardhë, me gabimin e Moratës që i kushtoi shumë shtrenjtë “Furive të kuqe”. Protagonist i madh i ndeshjes, edhe një herë tjetër, Cristiano Ronaldo, i cili fitoi trofeun e radhës në karrierën e tij. Ish-lojtari i Realit, Juventusit dhe United-it përjetoi emocione të forta përpara këtij triumfi.

Ishte pikërisht ai që shënoi golin e barazimit përfundimtar 2-2, i cili i lejoi Portugalisë ta çonte ndeshjen në shtesa dhe më pas në penallti. Penallti në të cilat nuk mundi të merrte pjesë për shkak të një dëmtimi që e detyroi Ronaldon të largohej nga fusha. Pavarësisht gjithçkaje, sulmuesi gjithmonë i freskët e ndoqi sfidën nga stoli, me shumë emocion.

Lexo më tej: Tifozi bie nga tribuna, humb jetën: tragjedi gjatë Portugali-Spanjë në Nations League

Përveç se i inkurajonte shokët, gjatë penalltive, Cristiano Ronaldo nuk deshi as të shikonte. Pas penalltisë së humbur nga Morata, CR7 iu afrua shokëve të tjerë në stol dhe nisi të qajë, duke mbuluar fytyrën me duar. Vetëm nga reagimi i atyre që kishte përreth, portugezi e kuptoi se kombëtarja e tij kishte fituar. Dhe këtu Ronaldo shpërtheu.

Cristiano Ronaldo’s reaction to the last penalty.

What a video.
pic.twitter.com/wY8ie7JXNq

— TC (@totalcristiano) June 8, 2025

Fillimisht, lotët e pakontrollueshëm dhe përqafimet me portugezët e tjerë. Pastaj u ul në fushë për të shijuar triumfin. Emocionalisht shumë i prekur, Ronaldo nuk arriti të përmbahej. Lot të pandalshëm për futbollistin që vjen pas lamtumirës me Al Nassr, i cili më pas deklaroi: “Sot ishte e rëndësishme të fitonim. Duhet t’i përgëzoj shokët e mi të skuadrës, arrita të bëj histori. Edhe trajnerin, i cili është sulmuar padrejtësisht këto ditë. Ne dhamë gjithçka edhe për të dhe jam shumë i lumtur. Dëmtimi? Pata një problem të vogël në kofshë. Lotët janë pasojë e faktit që ky është një titull, një trofe.”

The post Ronaldo në lot pas triumfit të Portugalisë në Nations League: nuk sheh as penalltitë appeared first on Lapsi.al.

Gjatë finales së Nations League mes Portugalisë dhe Spanjës, një tifoz ka rënë nga tribuna e “Allianz Arena” dhe pak më pas ka ndërruar jetë. Lajmi është dhënë nga UEFA, e cila fillimisht nuk dha asnjë detaj, madje as mbi kombësinë e personit të ndjerë, për të cilin mendohet se është spanjoll, duke marrë parasysh edhe mesazhin ngushëllues të trajnerit të Spanjës, De la Fuente.

Burri ra nga tribuna e “Allianz Arena” në Mynih

Portugalia dhe Spanja po luanin pjesën e parë shtesë në finalen e Nations League dhe, në minutat e fundit, një burrë ra nga tribuna dhe më pas humbi jetën. Dinamika e aksidentit nuk është e qartë. Ajo që dihet është se burri ra nga pjesa e sipërme e stadiumit, duke rënë rreth 5 metra në zonën në të djathtë të tribunës së shtypit.

Lexo më tej: Portugalia thërret djalin e Cristiano Ronaldos: hera e parë për të me kombëtaren

Gjendja e tij u duk menjëherë e rëndë. Mjekët ndërhynë menjëherë, e imobilizuan burrin, por nuk arritën t’ia shpëtonin jetën. Stafi mjekësor dhe ai i sigurisë së “Allianz”-it e rrethuan zonën me shirita dhe e mbuluan me mbulesa për të penguar tifozët, shtypin dhe fotografët që të shihnin skenën.

Ngushëllimet e UEFA-s dhe trajnerit të Spanjës

Komunikata e shkurtër e UEFA-s: “Ka pasur një emergjencë mjekësore në ‘Munich Arena’ dhe, pavarësisht përpjekjeve mjekësore për t’ia shpëtuar jetën, burri, për fat të keq, ndërroi jetë në orën 00:06. Mendimet tona janë me të afërmit e tij në këtë moment të vështirë”. Ndërkohë, trajneri spanjoll De la Fuente ka deklaruar: “Para së gjithash, dua të shpreh ngushëllimet e mia për familjen e një tifozi që ka ndërruar jetë. Kjo na bën të kuptojmë se çfarë është vërtet e rëndësishme në jetë”.

#NationsLeague pic.twitter.com/BbbeNDyKTS

— UEFA EURO (@UEFAEURO) June 8, 2025

The post Tifozi bie nga tribuna, humb jetën: tragjedi gjatë Portugali-Spanjë në Nations League appeared first on Lapsi.al.

Portugalia është fituesja e Ligës së Kombeve për këtë sezon, pasi ka mundur Spanjën në fund përmes “ruletës ruse”, ku luzitanët u treguan më të saktë. Sfida nisi vrullshëm për të dy ekipet, por spanjollët kaluan të parët në avantazh në minutën e 21-të. Pas një aksioni të shpejtë të spanjollëve dhe një topi të […]

The post Portugalia fiton Ligën e Kombeve, Ronaldo dhe portieri Costa heronjtë e finales ndaj Spanjës appeared first on BoldNews.al.

Pas humbjes në gjysmë0finale përballë Portugalisë, sot Franca ka fituar me rezultatin e pastër 2-0 “finalen e vogël” kundër Gjermanisë për t’u renditur e treta në Ligën e Kombeve. Ndeshjen më mirë e nisi kombëtarja gjermane të cilët rrezikuan në dy raste përmes Nick Woltemade dhe Karim Adeyemit, por Mike Maignan nuk lejoi të mposhtej. […]

The post Franca “ngushëllohet” me vendin e tretë në Ligën e Kombeve, fiton “finalen e vogël” ndaj Gjermanisë appeared first on BoldNews.al.

Spanja ka fituar përballë Francës në ndeshjen e vlefshme për gjysmëfinalen e Ligës së Kombeve. Sfida që u zhvillua në Stutgart, përfundoi me fitoren 5-4 në favor të spanjollëve. Për “Furinë e Kuqe”, shënoi dygolësh Lamine Yamal. Ndërsa rrugën e rrjetës e gjetën edhe Nico Williams, Mikel Merino dhe Pedri. Ndërkohë që golat për Francën […]

The post Spanja eliminon Francën mes 9 golash, derbi iberik në finalen e Ligës së Kombeve (Video) appeared first on BoldNews.al.

Tashmë është bërë rutinë: kur Cristiano Ronaldo është në fushë, pushtimi (i saj) është pothuajse i sigurt. Dhe kështu ndodhi para gjysmëfinales së Nations League, kur gjatë nxehjes një tifoz arriti të shmangte të gjithë sigurimin dhe t’i afrohej kampionit spanjoll: një skenë e parë dhe riparë në ndeshjet e fundit ndërkombëtare të sulmuesit, që shpesh është në shënjestër të personazheve në kërkim të një selfie-je dhe pak sekondave famë. Por këtë herë ndërhyrja në fushë nuk ishte edhe aq miqësore, sepse djali tentoi ta ndiqte dhe më pas ta kapte nga supet, ndërsa mbante telefonin në duar, duke u përpjekur të bënte një foto me të.

Pushtimi i fushës ndërpreu nxehjen e Cristiano Ronaldo

Ishin sekonda paniku në fushë para fillimit të ndeshjes mes Gjermanisë dhe Portugalisë, gjysmëfinalja e Nations League. Të gjithë lojtarët po bënin nxehjen për t’u përgatitur për ndeshjen, kur papritur një djalë zbret me vrap nga tribuna: është i shpejtë dhe i zgjuar dhe kështu arrin të mos ndalohet nga punonjësit e sigurisë që ndodheshin pranë tij. Për pak çaste tifozi u gjend në fushë dhe praktikisht e sulmoi portugezin Cristiano Ronaldo, i cili po bënte ushtrimet e tij vetëm pak centimetra larg tij.

Pushtuesi i fushës u përpoq ta përqafonte, pasi e kishte ndjekur dhe e kishte kapur nga supet, në përpjekje për t’iu afruar dhe për t’i kërkuar një foto. Portugezi u tërhoq mënjanë duke ruajtur qetësinë dhe ndërkohë mbërritën edhe tre punonjës sigurie, të cilët arritën ta tërhiqnin me forcë djalin për ta larguar, në mënyrë që skuadrat të mund të vazhdonin nxehjen në siguri. Nuk është hera e parë që dikush përpiqet të ketë kontakt me Cristiano Ronaldon kur ai është në fushë – një situatë që shqetëson edhe trajnerin Roberto Martinez, i cili ka frikë për sigurinë e lojtarëve të tij.

Fan rushes Ronaldo during warm-up.. pic.twitter.com/vRu6dy6sGN

— Goalrushtv_ (@Goalrushtv_) June 4, 2025

The post Cristiano Ronaldo ndiqet në fushë nga një tifoz para ndeshjes: përpiqet ta kapë appeared first on Lapsi.al.

Portugalia sërish në finalen e Ligës së Kombeve, pas asaj në vitin 2019, kur triumfoi ndaj Holandës. Luzitanët mposhtën me përmbysje 1-2 Gjermaninë në Mynih në një sfidë tepër emocionuese, ku vendosi goli i Cristiano Ronaldos. Pjesa e parë, nuk prodhoi gol, duke u mbyllur me shifrat e bardha, ndërkohë që në fragmentin e dytë […]

The post Portugalia “gjunjëzon” Gjermaninë në Mynih, CR7 dërgon luzitanët në finalen e Nations League appeared first on BoldNews.al.

Nations League ka zbuluar finalistin e parë, dhe nuk është Gjermania vendase. Ashtu siç ndodhi në Kampionatin Evropian, Nagelsmann dhe të tijtë përjetojnë një zhgënjim të madh brenda në shtëpi dhe eliminohen: fiton 2-1 Portugalia. Ndeshja ishte vënë në binarët e duhur për gjermanët, në epërsi në minutën e 48’ me Wirtz, por zëvendësimet e luzitanëve e ndryshuan plotësisht ndeshjen: Conceição (63’) dhe Cristiano Ronaldo (68’) e çojnë ekipin portugez në finale.

NDESHJA

Duke pritur Spanjë-Francë, ja finalisti i parë i Nations League 2024/25: është Portugalia, që eliminoi vendasit e Gjermanisë. Ashtu siç ndodhi në Evropian, gjermanët nuk arritën të festojnë në fushën e tyre: në epërsi në fillim të pjesës së dytë, u përmbysën dhe humbën 2-1. Fillimisht ishte Portugalia që bëri lojën, me një goditje të dobët të CR7, më pas ngjitet në lojë Gjermania dhe ishte vendimtar Diogo Costa. Portieri i shpëtoi luzitanët si ndaj Woltemade, titullar që në fillim, ashtu edhe ndaj Goretzka: reagues për “njeriun e merkatos” edhe ndaj Wirtz.

Kështu shkohet në pushim me rezultatin 0-0, por rezultati u zhbllokua vetëm tre minuta pas fillimit të pjesës së dytë. Ishte pikërisht Florian Wirtz, i kërkuar nga Liverpool dhe i vlerësuar me 150 milionë: kombinim me Kimmich dhe gol me kokë. Martinez reagoi me një treshe zëvendësimesh: dolën Trincao, Joao Neves dhe Ruben Neves, u futën Semedo, Chico Conceição dhe Vitinha. Pikërisht organizatori i PSG e ndryshoi ndeshjen dhe të tijtë, pas pesë minutash, barazuan shifrat duke shfrytëzuar pasimin e rikthyer. Goli i 1-1 mban firmën e Francisco Conceição, që mposhti ter Stegen nga njëzet metra.

Lexo më tej: Cristiano Ronaldo largohet papritur nga Arabia: “Mbaroi. Faleminderit të gjithëve”

Pas edhe pesë minutash vjen edhe përmbysja, me një aksion të shkëlqyer me top në këmbë të Nuno Mendes dhe finalizimin me sukses të Cristiano Ronaldo (68’): goli i 137-të me Kombëtaren.

Nagelsmann u përpoq t’i sulmojë kundërshtarët me Adeyemi, që iu afrua barazimit: goditje pranë shtyllës. Por rrethimi gjerman nuk pati sukses, me Portugalinë që u mbrojt me rregull në shtesë dhe fitoi 2-1, duke iu afruar edhe golit të tretë me Conceição (shpëton ter Stegen). CR7 dhe shokët e tij do të ndjekin titullin në Nations League: të dielën finalja kundër Spanjës ose Francës.

The post Portugalia, finalistja e parë e Nations League: Conceicao e CR7 përmbysin Gjermaninë appeared first on Lapsi.al.

Portugalia ka përmbysur shifrat ndaj Gjermanisë duke kryesuar 2-1 gjysmëfinalen e Ligës së Kombeve. Pas golit të Wirtz në minutën e 48-të, luzitanët janë përgjigjur shumë shpejt duke shënuar dy gola të shpejtë. Fillimisht realizoi i sapofuturi në lojë Francisco Conceicao në minutën e 63-të. GJERMANI-PORTUGALI- SHIKO GOLAT  Vetëm 5 minuta më pas, Cristiano Ronaldo […]

The post Spektakël në Mynih, Portugalia përmbys Gjermaninë me Cristiano Ronaldon (Video) appeared first on BoldNews.al.

Gjermania ka shënuar golin e avantazhit përballë Portugalisë në gjysmëfinalen e Ligës së Kombeve. Për “panzerat” realizoi Florian Wirtz në minutën e 48-të. Sulmuesi goditi bukur me kokë pas një pasimi spektakolar nga Kimmich duke mposhtur portierin Costa i cili gjatë pjesës së parë bëri disa ndërhyrje shpëtimtare. Florian Wirtz‍ pic.twitter.com/6UCKqqgJNj — The Anfield Talk […]

The post Gjermani-Portugali/ Zhbllokohet supersfida, Wirtz kalon në avantazh “panzerat” appeared first on BoldNews.al.

Gjermania dhe Portugalia do të masin forcat në orën 21:00. Ndeshja gjysmëfinale e Ligës së Kombeve do të luhet në Mynih. Të dyja skuadrat nuk përballen bashkë nga vera e vitit 2021 teksa asokohe luanin në grupin e Euro 2020 dhe Gjermania fitonte 4-2. Tashmë janë publikuar formacionet zyrtare nga Nagelsman dhe Martinez. Ronaldo udhëheq […]

The post Ndeshja e parë pas 4 vitesh, Gjermania dhe Portugalia publikojnë formacionet zyrtare appeared first on BoldNews.al.

Kampionati Europian U-17  do të mbyllet të dielën në mbrëmje me finalen mes Francës dhe Portugalisë, e cila do të zhvillohet në “Arenën Kombëtare” në orën 20:30. Franca kërkon të rikthehet te trofeu pas tre vitesh mungesë, ndërsa Portugalia do të synojë të hakmerret për finalen e humbur vitin e kaluar, duke tentuar kësaj here […]

The post Euro U-17/ Francë-Portugali, finalja në stadiumin “Arena Kombëtare” appeared first on BoldNews.al.

Një rrjet i madh i trafikut të drogës që vepron në të gjithë Alentejon e Portugalisë është shkatërruar nga Policia e Sigurisë Publike (PSP) e Evora, pas një operacioni gjithëpërfshirës që u shtri në Montemor-o-Novo, Lisbonë dhe Samora Correia.

Hetimi një vit e gjysmë arriti kulmin me arrestimin e 13 të dyshuarve – nëntë burra dhe katër gra të moshës nga 19 deri në 45 vjeç.

Gjashtë mbeten në paraburgim.

Bëhet e ditur se autoritetet kapën rreth 135,695 doza hashash, 697 doza kokainë dhe 85 ekstazi, shkruan euronews, përcjell Telegrafi.

Policia konfiskoi gjithashtu rreth 60,000 euro para të gatshme, pesë automjete, një motoçikletë, dy bombola me oksid azoti dhe dy armë zjarri – një pistoletë 6.35 mm dhe një pushkë gjahu me diametër 12.

“Kjo është një nga konfiskimet më të mëdha në vitet e fundit, jo vetëm për PSP, por për të gjithë rajonin”, tha nënkomisioneri i PSP, Nuno Albardeiro në një konferencë për shtyp.

Raportohet se goditja filloi me një arrestim në Evora dhe u përshkallëzua me 29 urdhra kërkimesh të koordinuara në të gjithë rajonin, duke përfshirë edhe distriktin Santarem.

Zyrtarët e PSP-së e përshëndetën operacionin si një goditje vendimtare kundër një sipërmarrjeje kriminale të sofistikuar dhe të gjerë. /Telegrafi/

The post Policia shkatërron rrjetin e trafikut të drogës në Portugali appeared first on Telegrafi.