Si asnjëherë tjetër, treguesit e punësimit, papunësisë, “dembelëve” dhe forcës së punës shënuan rënie njëherazi duke reflektuar ngjarje më të thella se dinamikat e tregut të punës, konkretisht reduktimin e popullsisë. Të dhënat e INSTAT tregojnë se në tremujorin e parë ishin të punësuar gati 10 mijë persona më pak se në të njëjtën periudhë […]

The post Paradoksi/ Papunësia, punësimi, dembelët dhe forca e punës, të gjitha me ulje! Shkak, shpopullimi appeared first on BoldNews.al.

Luksemburgu, Irlanda dhe Belgjika janë të gjitha pretendentët kryesorë për vendin më të mirë për të punuar në Evropë, sipas gjetjeve të dy studimeve mbi ekuilibrin midis punës dhe jetës, të publikuara këtë javë.

Platforma HR Remote dhe JobLeads, një faqe ndërkombëtare pune, shqyrtuan bazat e të dhënave të disponueshme publikisht për të përcaktuar se ku janë më mirë punëtorët, transmeton Telegrafi.

JobLeads renditi vendet evropiane duke përdorur moshën e tyre të daljes në pension, orët e punuara në vit, lodhjen, normat e punës në distancë dhe ditët e pushimit mjekësor. Rezultatet më pas u standardizuan dhe u peshuan në një shkallë prej 10.

Remote vlerësoi 60 vendet më të pasura në botë sipas produktit të brendshëm bruto (GDP) në masa të tilla si siguria dhe mirëdashësia LGBTQ+, së bashku me treguesit tradicionalë të punës si paga bazë, gjatësia mesatare e një jave pune dhe festat statutore. Çdo metrikë mori një pikëzim dhe vendeve iu dha më pas një pikëzim total nga 100.

Studimet nuk u pajtuan se cili vend evropian zuri vendin e parë: për JobLeads, ky ishte Luksemburgu dhe për Remote, ishte Irlanda. Luksemburgu ofron kushte pune që janë “veçanërisht të balancuara”, zbuloi raporti i JobLeads, me një javë pune 35-orëshe gjatë afërsisht 35 viteve profesionale të punës.

Vendet e punës gjithashtu japin mesatarisht 14 ditë pushim mjekësor në Luksemburg, që është shumë më e lartë se mesatarja evropiane.

Kjo do të thotë që njerëzit e Luksemburgut kalojnë, mesatarisht, 47.8 vjet të jetës së tyre pa punuar, që JobLeads thotë se është numri i dytë më i lartë në Evropë, menjëherë pas italianëve me 51 vjet.

Megjithatë, Luksemburgu ka një shkallë pak më të lartë se mesatarja e lodhjes fizike me 11.6 përqind të punëtorëve të tyre me pagë, të cilën studiuesit besojnë se mund të lidhet me një shkallë të lartë të punonjësve me kohë të plotë që punojnë nga shtëpia.

Remote nuk e përfshiu Luksemburgun në studimin e tij, duke qenë se vlerësoi ekonomitë më të mëdha në botë.

Ai i dha vendin e parë Zelandës së Re, por Irlanda ishte shumë afër si shënuesi më i mirë në Evropë, pjesërisht sepse është ndër vendet më të sigurta për të jetuar dhe punuar, thanë studiuesit.

Në studimin e Remote, shtatë kryeqytete evropiane u renditën në 10 vendet më të mira globale për të punuar dhe jetuar, duke përfshirë Belgjikën, Gjermaninë, Norvegjinë, Danimarkën, Spanjën dhe Finlandën. Kanadaja dhe Australia plotësuan 10 vendet e para.

Shtetet e Bashkuara ranë nga vendi i 55-të në të 59-tin në listë, pak mbi Nigerinë, për shkak të rënies së sigurisë publike dhe miqësisë LGBTQ+.

Belgjika, ndërsa nuk ishte vendi kryesor në asnjërin studim, performoi mirë në të dy – duke u renditur e treta në studimin e Remote dhe e katërta në analizën e JobLeads.

Të dy studimet vunë re se belgët punonin një javë pune prej 34.1 orësh – të paktën një orë më pak mesatarisht në javë sesa kolegët e tyre në Luksemburg, Francë dhe Suedi, të cilët kryesuan raportin e JobLeads.

Belgjika renditet lart edhe në studimin e Remote, veçanërisht për festat statutore, lejen e sëmundjes dhe lejen e lindjes.

Ajo barazoi me Suedinë për shkallën më të lartë të punonjësve që raportuan një formë pune hibride ose në distancë, me 14.3 përqind. Vendi humbi pikë për moshën e daljes në pension, e cila në moshën 66 vjeç është më e lartë se vendet në krye të tabelës.

Ekuilibri punë-jetë në Gjermani shpesh konsiderohet i fortë kur krahasohet me ekonomitë më të mëdha në botë, në vend të fqinjëve të saj në Evropë.

Gjermania u rendit e katërta në studimin Remote për shkak të një rritjeje të pagesës statutore të sëmundjes së vendit në vitin 2025. Kriteret për lumturinë e përgjithshme dhe mirëdashësinë LGBTQ+ ishin rritur gjithashtu që nga anketa e Remote e vitit 2024.

Por kur krahasohet me fqinjët e saj evropianë, gjermanët janë ndër më të moshuarit që dalin në pension në moshën 67 vjeç, kanë një nga karrierat më të gjata të punës në 40 vjet dhe kanë një shkallë relativisht të lartë të lodhjes nga puna prej 10.2 përqind.

Mesatarisht, gjermanët punojnë më pak orë në javë dhe në vit sesa kolegët e tyre evropianë. Ashtu si Luksemburgu, 12 përqind e fuqisë punëtore të tyre punon nga distanca të paktën një pjesë të kohës.

Një vend u vlerësua mjaft ndryshe në dy raportet: Franca. Ajo u rendit e dyta në studimin JobLeads dhe e 16-ta në raportin Remote. Francezët punojnë afërsisht 37 vjet gjatë jetës së tyre dhe kanë moshën më të re të daljes në pension në studim, 64 vjeç, pavarësisht ndryshimeve të fundit, zbuloi studimi i JobLeads.

Ata gjithashtu punojnë një javë relativisht të shkurtër me 35.6 orë, por jo “aq pak sa mund të mendojmë”, sipas studiuesve, të cilët vunë re se Belgjika, Austria, Gjermania dhe Holanda kanë javë pune më të shkurtra.

Francezët gjithashtu kanë norma më të ulëta të lodhjes nga puna krahasuar me kolegët e tyre në Belgjikë dhe Suedi, pavarësisht se ende kanë të paktën një të gjashtën e fuqisë punëtore në punë hibride ose në distancë.

Por në nivel ndërkombëtar, Franca mezi u fut në 20 vendet e para në studimin e Remote. Asaj iu ulën pikët për politikat statutore të ditëve të sëmundjes, pagën minimale orare relativisht të ulët prej 14.12 eurosh dhe faktin që studiuesit e konsideruan atë më pak të sigurt se homologët e saj evropianë. /Telegrafi/

The post Cilat janë vendet më të mira evropiane për ekuilibrin midis punës dhe jetës? appeared first on Telegrafi.

Nga Shkëmbi i Kavajës, në Vlorë, Qeparo, Dhërmi e deri në Ksamil nga bizneset po ofrohen punë për pozicione të ndryshme në sektorin e shërbimit me paga që arrijnë deri në 250 mijë lekë në muaj, sipas një sërë njoftimesh të publikuar online nga Agjencia e Punësimit Interest Motivation Power (IPM).

Epiqendra e ofertës me rrogat më të larta për punësimin sezonal është Dhërmiu. Nga bizneset po kërkohen punëtore për pozicione të ndryshme me paga nga 120 mijë lekë deri në 250 mijë lekë në muaj.

Pozicioni më i paguar është për kuzhinierin e përgjithshëm dhe për kuzhinier sushi, me pagë maksimale nga 220 mijë deri në 250 mijë lekë në muaj. Më pak i paguari krahasuar me pozicionet e tjera në Dhërmi është shefi i sallës me pagë mujore nga 120 mijë lekë deri 150 mijë lekë.

Oferta zgjerohet edhe më tej nga bizneset në Vlorë, Qeparo, Sarandë deri te Shkëmbi i Kavajës. Në Qeparo, një nga pagat më të larta është për picier, ku ofrohen 1,800 deri në 2,000 euro në muaj, ndërsa baristët përfitojnë deri në 150,000 lekë në muaj.

Në Vlorë, pagat për picierë arrijnë deri në 200,000 lekë në muaj, ndërsa në Sarandë, kuzhinierët përfitojnë deri në 200,000 lekë në muaj.

Në Ksamil dhe zona të tjera bregdetare si Himarë, Qerret apo Shkëmbi i Kavajës, pozicionet për kamarierë, sanitare dhe menaxherë hotelesh kanë gjithashtu pagesa që variojnë nga 60,000 deri në 200,000 lekë në muaj.

Për të gjitha pozicionet e punës përveç pagës ofrohet akomodim dhe ushqim.

Përfaqësues të Agjencisë së Punësimit IMP, prezentë prej disa vitesh në treg pohuan se pagat e ofruara këtë sezon turistik për punësime sezonale janë më të larta krahasuar me vjet.

Rritja e pagave sipas tyre është ndikuar nga oferta e larta për punësime sezonale krahasuar me kërkesën që është më e kufizuar.

“Ka interesim jo vetëm nga të rinjtë, por edhe nga persona në moshë më të madhe deri në 58 vjeç. Aplikimet janë të hapura dhe punësimi mund të ndodhë brenda 2 ditëve,” theksojnë nga agjencia IPM.

Edhe Enri Jahja, kryetari i Shoqatës së Bareve dhe Restoranteve, më herët tha për Monitor se rritja e pagave për punonjësit e sektorit të shërbimeve në bare dhe restorante në bregdet ka vijuar edhe gjatë këtij viti, me një mesatare prej 10 deri në 20%.

Sipas tij pagat në jug për pozicione pune si kamarier, banakier apo profesionist për përgatitje koktejesh variojnë nga 120 mijë deri 200 mijë lekë në muaj.

Jahja tha se kjo rritje pagash është pasojë e një ekuilibri të prishur midis kërkesës dhe ofertës në tregun e punës, ku kërkesa është e ulët dhe në shumë raste pa trajnim profesional, ndërsa oferta është e lartë.

Po ashtu pagat e ofruara nga bizneset e zonave bregdetare janë më të larta se referencat e publikuara nga administrata tatimore.

Sipas listës së publikuar nga Tatimet paga minimale për kamerierët në restorante, bare dhe hotele nuk duhet të jetë më pak se 70,000 lekë në muaj. Për pozicionin e kuzhinierit/kryekuzhinierit paga referencë është 140 mijë lekë. Për menaxher restorante paga referencë është 100 mijë lekë dhe menaxher hoteli 110 mijë lekë.

Megjithëse rritjen e pagave, sektori i bareve dhe restoranteve vijon të vuajë mungesën e fuqisë punëtore. Shumë prej bizneseve po shohin si zgjidhje punësimet e huaja, me punonjës nga Filipinet, Bangladeshi, Mianmari dhe Pakistani, edhe pse shumë prej tyre e shohin Shqipërinë si vend tranzit kalimit drejt vendeve të BE-së.

Në 2 -3 vitet e fundit sektori i bareve dhe restoranteve rezulton ndër më të prekurit nga mungesa e fuqisë punëtore, referuar edhe të dhënave të indeksit të Çelësi për njoftimet e punës. Në 2022 rezultoi se pati 45,670 njoftime për vende të lira puna. Krahasuar me 2021 numri i tyre u rrit 14%.

Ndërsa në 2023 sipas Shoqatës së Bareve dhe Restoranteve industrisë i munguan përgjatë sezonit turistik 15 mijë punonjës. Kjo industri shënoi numrin më të lartë të vendeve vakante, pas sektorit fason për shkak të emigracionit./ D.Azo

Pagat e ofruara nga biznesi për punësime sezonale në bregdet

-Kuzhinier për sushi: 200,000 – 220,000 lekë/muaj

-Picier: 150,000 – 200,000 lekë/muaj

-Shef salle: 120,000 – 150,000 lekë/muaj

-Kuzhinier: 150,000 – 250,000 lekë/muaj

Kamarier: 80,000 – 120,000 lekë/muaj

Barist: 120,000 – 150,000 lekë/muaj

Picier: 1,800 – 2,000 euro/muaj

Kuzhinier: 200,000 lekë/muaj

Sanitare: 80,000 – 100,000 lekë/muaj

Kamarier bari: 60,000 – 70,000 lekë/muaj

Menaxher hoteli: 150,000 – 200,000 lekë/muaj./MONITOR

The post Punësimi sezonal në bregdet/ Kërkohen punonjës me paga deri në 250 mijë lekë appeared first on Lapsi.al.

TIRANË, 13 qershor /ATSH/ Ministrja e Shëndetësisë dhe Mbrojtjes Sociale, Albana Koçiu zhvilloi sot një takim me një grup mjekësh specialistë, që sipas Koçiut kanë dhënë kontributin e tyre në spitalet publike, përmes kontratës me Ministrinë e Shëndetësisë dhe Mbrojtjes Sociale.

Sipas Koçiut, “shumë prej tyre zgjedhin të qëndrojnë edhe pas përfundimit të kontratës, duke forcuar shërbimet në qytete si Kukës, Vlorë, Lezhë, Durrës, Fier, Elbasan, Kurbin e Kuçovë”.

Ministrja Koçiu u shpreh se “545 mjekë të angazhuar me këtë model që nga 2019, duke rikthyer shërbime aty ku mungonin”.

“Vazhdojmë të investojmë në specializime për mjekësinë familjare dhe urgjencën, me mbështetje dhe mundësi punësimi pranë vendbanimit”, tha Koçiu në një postim në rrjetet sociale.

Këto programe specializimi, ofrojnë mundësi për zhvillimin profesional dhe përmirësimin e aftësive në trajtimin e emergjencave mjekësore dhe kujdesin parësor shëndetësor. Më herët, ministrja Koçiu është shprehur se qëllimi i MSHMS mbetet rritja e cilësisë së shërbimeve shëndetësore pranë vendbanimit, duke përgatitur profesionistë të aftë dhe të specializuar në këto fusha të rëndësishme”.

Ministrja e Shëndetësisë dhe Mbrojtjes Sociale, Albana Koçiu zhvilloi sot një takim me një grup...

1 nga 8

/e.i/j.p/

The post Koçiu: 545 mjekë specialistë rikthyen shërbimet aty ku mungonin appeared first on Agjencia Telegrafike Shqiptare.

Esmeralda Topi 

Pak muaj para zgjedhjeve parlamentare të 11 majit punësimi në shtet u zgjerua. Të dhënat zyrtare nga Instituti i Statistikave tregojnë se gjatë tremujorit të parë të këtij viti numri i të punësuarve në administratën publike u shtua me 1109 persona. Faktoje.al i është referuar shifrave të INSTAT, ku numri i të punësuarve në sektorin publik arriti në 185,387 persona në fund të muajit mars. Në krahasim me të njëjtën periudhë të vitit 2024 numri i të punësuarve në shtet është shtuar me 3630 individë. 

Edhe pse ligjërisht punësimi në shtet përpara zgjedhjeve është i ndaluar, të dhënat ndër vite tregojnë se administrata publike në Shqipëri është rritur veccanërisht kur ka pasur zgjedhje. 

Rasti më tipik ishte në zgjedhjet e kaluara parlamentare të vitit 2021. Të dhënat e INSTAT tregojnë se punësimi në sektorin shtetëror u zgjerua brenda një viti me 7,812 të punësuar, apo 4,5% më shumë. 

Punësime elektorale 

“Punësimet elektorale janë një traditë e ndjekur në Shqipëri, sidomos në vitet e fundit kur në tre procese zgjedhore sistemi i patronazhizmit ka diktuar nevojën për mobilizim maksimal të burimeve njerëzore,” shprehet për Faktoje.al Afrim Krasniqi, drejtor i Institutit për Studime Politike. 

Sipas tij, ky fenomen nuk është i ri, por ka marrë përmasa më serioze në vitet e fundit, siç dëshmohet edhe nga të dhënat për vitin 2021.

“Pavarësisht se është një nga kritikat kryesore në raportet e ODHIR-it dhe OSBE-së ndër vite dhe ka pasur rekomandime për ndërhyrje në legjislacion për parandalim të një situate të tillë, progresi është krejtësisht minimal,” shton Krasniqi. 

Ai thekson se në raste të tilla, “Prokuroria dhe SPAK do të duhet të bënin një hetim të thelluar të përdorimit të burimeve shtetërore në fushatë elektorale”, ndërsa “Kontrolli i Lartë i Shtetit duhet të hetojë mbi praktikat e ndjekura, që fenomene të tilla të mos përsëriten.” Sipas tij, kjo është një çështje që “duhet trajtuar me prioritet, edhe në kuadër të procesit të integrimit europian.”

Edhe Migen Qiraxhi nga Qëndresa Qytetare thekson për Faktoje.al  rëndësinë e kësaj çështjeje, duke deklaruar se “jo vetëm ne si aktor lokal, por tashmë edhe OSBE-ODHIR përsërit se në zgjedhje përdorimi i burimeve shtetërore është një nga problemet kryesore në garën për pushtet.” 

Ai nënvizon se më shumë sesa asetet materiale, “peshën më të rëndësishme e zënë burimet njerëzore, apo nëpunësit e shtetit,” duke shtuar se “nëse ne kemi një problem me përdorimin e nëpunësve në fushatë, rritja e numrit të tyre e shumëfishon problemin dhe gjithashtu shumëfishon benefitet elektorale të partisë në pushtet.” 

Sipas Qiraxhit, kjo është një nga arsyet pse “administrata jonë vetëm rritet, aq sa të krijojë një administratë dyfish më të lartë se vendet europiane.” Ai kujton se “përgjatë pesë viteve të fundit, Qëndresa Qytetare ka denoncuar mbi 100 raste të përdorimit të administratës në fushatë dhe një pjesë e mirë e tyre janë gjetur në përdorim të shtetit për fushatë.”

Cfarë deklaroi Berisha?

Në linjë me shqetësimet mbi përdorimin elektoral të administratës publike, edhe Kryetari i Partisë Demokratike, Sali Berisha, gjatë një takimi me kryesinë e degës së PD-së në Bruksel, deklaroi se “në 11 maj nuk u bënë zgjedhje, por farsë elektorale.” 

Ai vijon të akuzoi qeverinë se ka ndërtuar “një makineri gjigante” të blerjes së votës përmes abuzimit me pushtetin ekzekutiv, duke përfshirë masa të ndaluara me ligj. Sipas Berishës, një nga mekanizmat më agresivë ishte rritja masive e punësimeve. 

“Punësoi gjatë zgjedhjeve mbi 10 mijë vetë në qeverinë vendore dhe qendrore”, deklaroi ndër të tjera Berisha. 

Përfundim 

Deklarata e Kryetarit të PD-së, Sali Berisha, se gjatë zgjedhjeve janë punësuar mbi “10 mijë vetë në qeverinë vendore dhe qendrore”, nuk mbështetet aktualisht nga të dhënat zyrtare. Sipas INSTAT, numri i të punësuarve në sektorin shtetëror për tremujorin e parë të vitit, në prag të zgjedhjeve parlamentare, është rritur me vetëm 1109 persona krahasuar me tremujorin paraardhës. Kështu, ndonëse shqetësimi për përdorimin e administratës në funksion elektoral mbetet i ligjshëm, pretendimi për 10 mijë punësime është i pasaktë në raport me burimet zyrtare si INSTAT.

Tiranë, 12 qershor /ATSH/ Zëvendësministrja e Ekonomisë, Kulturës dhe Inovacionit (MEKI), Olta Manjani mbajti fjalën e saj sot në seancën plenare të Konferencës të 113-të të Organizatës Ndërkombëtare të Punës (ILO) që po mbahet në Gjenevë të Zvicrës.

Manjani, e vuri theksin në angazhimin e Shqipërisë për të promovuar drejtësinë sociale dhe zhvillimin e qëndrueshëm, në rrugën e saj të përparimit të shpejtë drejt anëtarësimit në BE në vitin 2030.

Manjani tha se një tjetër angazhim i rëndësishëm është themelimi i Komitetit të Përbashkët Konsultativ me Komitetin Ekonomik dhe Social Evropian, siç ishte edhe organizimi i takimit të parë inaugurues në Tiranë në muajin prill të këtij viti.

Një tjetër piketë, ku zv/ministrja e MEKI-t e vuri theksin ishte edhe aderimi i Shqipërisë në koalicionin global për drejtësi sociale, në reflektim të përkushtimi të saj për promovimin e vlerave të drejtësisë sociale në vend dhe në rajon, ndërsa Shqipëria është në rolin e një vendi pionier në Përshpejtuesin Global për Vendet e Punës dhe Mbrojtjen Sociale për Tranzicione të Drejta.

Manjani tha se Shqipëria mbështet miratimin e rezolutës për Samitin e Dytë Botëror për Zhvillimin Social, që do të mbahet në Doha në nëntor 2025, duke synuar ambicien kolektive drejt zgjerimit të aksesit universal në mbrojtjen sociale.

Njëkohësisht, Manjani realizoi takime bilaterale me Drejtoreshën Rajonale për Evropën dhe Azinë Qendrore, Beate Andrees, si dhe me Ministrin e Ekonomisë dhe Punës të Republikës së Maqedonisë së Veriut, Besar Durmishi.

Zv/ministrja e MEKI-t, Olta Manjani në seancën plenare të Konferencës të 113-të të Organizatës ...

1 nga 10

/e.i/a.f/

The post Konferenca e ILO, Manjani: Shqipëria e angazhuar për drejtësi sociale dhe zhvillim të qëndrueshëm appeared first on Agjencia Telegrafike Shqiptare.

Në vitin 2024, vendet e Bashkimit Europian regjistruan pabarazi të theksuar në punësim, të cilat lidhen kryesisht me gjininë, origjinën dhe aftësinë e kufizuar.

Sipas të dhënave të Eurostat, hendeku gjinor në punësim përgjatë viti 2024 ka shënuar përmirësim me 0.2% , në raport me vitin 2023.

Diferenca mes burrave dhe grave ishte 10 %  ku 80.8% janë burra dhe 70.8 % gra.

Ekspertët kanë nxjerr në pah se kur flitet për emigrantët hendeku gjinor në punësim mes burrave dhe grave thellohet duke arritur në 18.1 %

Norma e punësimit për burrat emigrantë ishte 83.1 % ndërsa për gratë 65.%.

Të disavantazhuara në punësim gratë emigrante janë dhe në raport me gratë që jetojnë në vendin e origjinës. Sipas Eurostat, diferenca mes tyre në punësim është 15.7 %.

Nëj tjetër e dhënë shqetësuese sipas ekspertëve është hendeku në punësim mes personave me dhe pa aftësi të kufizuara,që arrin në 24.%

The post Raporti i punësimit në BE: Pabarazi të theksuara, kryesisht me gjininë appeared first on Euronews Albania.

Njohësi i politikave ekonomike, Shenoll Muharremi, ka ngritur çështjen e punësimit në Kosovë, gjersa ka folur rreth mospërputhjes së shifrave.

Shenolli në një postim në Facebook ka bërë një krahasim të punësimit në tremujorin e parë të vitit 2024 me atë të 2025, nga disa burime.

Lexoni të plotë postimin:

Tregu i Punës (Punësimi)

Aktualisht, nga mesataret e ATK dhe llogarive aktive tek Trusti, kemi mesatarisht 357,422 persona të raportuar si të punësuar aktiv në tremujorin e parë 2025. Trusti ka raportuar 337,283 llogari aktive, ndersa ATK 377,562 pagesa. ASK nuk ka raportuar ende.

Këtu në grafikon i kemi të dhënat gjithëpërfshirëse rreth punësimit në Kosovë. Janë nga ASK, Trusti (llogaritë aktive) dhe nga ATK (primaret). Periudha është tremujori i parë nga vitet 2021 deri 2025.

Nga të dhënat e ATK dhe Trusti, po kuptojmë që numri i personave të punësuar është më i vogël sesa i raportimeve të ASK. Kjo ndoshta për shkak të metodologjive.

Gjithashtu Trusti periudhat tjera të vitit raporton më shumë llogari aktive, por kjo supozohet për shkak të punësimeve të paqëndrueshme afatshkurtër që nuk vazhdojnë pastaj. Për atë arsye, shembulli është bërë nga tremujori i parë i viti i cili supozohet të jetë më reali dhe organik. /Telegrafi/

The post Mospërputhje e statistikave të punësimit? Njohësi i politikave ekonomike analizon të dhënat nga ATK, Trusti e ASK appeared first on Telegrafi.

Në vitin 2023, rreth 868 700 persona në Bashkimin Evropian ishin të punësuar si autorë, gazetarë apo gjuhëtarë. Kjo përfaqëson një ulje prej 2.5% krahasuar me vitin 2022, duke reflektuar një prirje të lehtë në rënie në këto profesione.

Gjermania zuri vendin e parë për numrin më të lartë të të punësuarve në këto fusha, me 237 600 persona, e ndjekur nga Franca (92 800), Spanja (74 200), Italia (72 300) dhe Polonia (69 600).

Megjithatë, disa vende përjetuan rritje të ndjeshme në këtë sektor. Luksemburgu shënoi një rritje mbresëlënëse prej 67.5%, ndërsa Letonia dhe Lituania regjistruan rritje përkatësisht prej 43.1% dhe 22.9% krahasuar me vitin e kaluar.

Në anën tjetër, uljet më të mëdha relative u raportuan në Qipro (-28.4%), Portugali (-27.4%) dhe Slloveni (-23.4%). Ndërkohë në industrinë e botimeve ishin mbi 76 mijë biznese aktive në BE.

Sipas të dhënave të vitit 2023, në industrinë e botimit të librave dhe periodikëve në Bashkimin Evropian operonin 76 328 ndërmarrje.

Shumica e këtyre bizneseve ishin të përqendruara në Francë (23 648), e ndjekur nga Spanja (5 910), Gjermania (5 374), Çekia (5 349) dhe Italia (4 393).

Këto shifra tregojnë një aktivitet të vazhdueshëm në fushën e botimeve, megjithëse me përqendrime të ndryshme nga një vend në tjetrin, duke reflektuar specifikat kulturore dhe ekonomike të secilit treg.

LEXONI GJITHASHTU:

• Punësimi në Shqipëri, INSTAT: Përfshirje e pakët e të rinjve, shkak arsimi i ulët
• Shtatzënia në adoleshencë sjell rreziqe shëndetësore, OBSH: 55% raste abortesh

The post Punësimi në media: Gjermania kryeson, pasohet nga Franca dhe Spanja appeared first on Euronews Albania.

Sipas të dhënave të INSTAT për vitin 2024, gjatë tre muajve të fundit të vitit, 29.9% e të punësuarve në Shqipëri ishin të vetëpunësuar. Kjo përbën një rënie të lehtë prej 0.9 pikë përqindje krahasuar me vitin 2023.

Ndërkohë, ndarja gjinore mbetet e theksuar. Meshkujt përfaqësojnë 37.5% të të vetëpunësuarve, ndërsa femrat përbëjnë vetëm 20.4%, duke nxjerrë në pah hendekun në përfshirjen e grave në sipërmarrje.

Për sa i përket grupeve të ndryshme të moshave, 55–64 vjeç është mosha që dominon në këtë drejtim, me një përqindje më të lartë të grave të vetëpunësuara. Megjithatë, vetëm 6.8% e grave në këtë grupmoshë kanë përfunduar arsimin e lartë. Kjo do të thotë që, përkundër prirjes së tyre për të pasur bizneset e tyre, niveli i arsimit është ende një pengesë për zhvillim.

Në të kundërt, meshkujt e 55–64 vjeç janë po ashtu të pranishëm në vetëpunësim, por me një diferencë të madhe në nivelin arsimor. 23.4% e meshkujve në këtë grupmoshë kanë përfunduar arsimin e lartë, duke treguar se burrat kanë mundësi më të mëdha për të pasur sukses në sipërmarrje.

Një tjetër tregues është përfshirja e të rinjve në vetëpunësim, ku meshkujt janë më të pranishëm në këtë kategori se vajzat, duke treguar se vetëpunësimi është më i zakonshëm për djemtë e rinj. Megjithatë, edhe për meshkujt, niveli arsimor mbetet i ulët, me shumë prej tyre që nuk kanë arritur të ndjekin një arsimin të plotë akademik.

Në përfundim, këto të dhëna sugjerojnë se në Shqipëri vetëpunësimi shpesh mbetet një alternativë për ata që janë jashtë sistemit formal të punës, me një përfshirje të ulët të të rinjve dhe grave në sipërmarrje, për shkak të nivelit të ulët arsimor dhe mundësive të kufizuara për zhvillim profesional.

LEXONI GJITHASHTU:

• Punësimi në media: Gjermania kryeson, pasohet nga Franca dhe Spanja
• Nis sezoni turistik në plazhet e Vlorës, temperaturat e larta sjellin qindra pushues

The post Punësimi në Shqipëri, INSTAT: Përfshirje e pakët e të rinjve, shkak arsimi i ulët appeared first on Euronews Albania.

Agjencia Kombëtare e Punësimit ka listuar 1700 vende të lira pune, në sektorë të ndryshëm të ekonomisë gjatë muajit të fundit.

Profesionet më të kërkuara janë ata që kërkojnë aftësi të mesme apo teknike. Konkretisht, punëdhënësit kërkojnë punëtorë krahu, në sektorë si ndërtimi, prodhimi dhe logjistika. Në të njëjtën kohë, vihet re një nevojë e lartë për punonjës shërbimi, kryesisht kamerierë e shitës. Lista e kërkesave përfshin edhe profesione më të specializuara, si elektriçistë, inxhinierë e mekanikë.

Por, edhe pse mundësitë për të gjetur një vend pune ekzistojnë, sfida më e madhe mbetet fuqia punëtore e kualifikuar.

Ekspertët thonë se një pjesë e madhe e të rinjve synojnë të largohen jashtë vendit, ndërsa një pjesë tjetër refuzojnë punët për shkak të pagave të ulëta ose kushteve të papërshtatshme.

Në këtë situatë, bizneset po hasin gjithnjë e më shumë vështirësi për të rekrutuar punonjës, ndërsa shteti përpiqet të rrisë ndërgjegjësimin dhe aftësimin përmes kurseve profesionale.

LEXONI GJITHASHTU:

• Shqipëria po “zbrazet”, tkurret numri i popullsisë
• Fshati i vilave bosh, më shumë se 50% e banorëve janë larguar

The post “Nga punëtorët e krahut, te inxhinierët”- Shpallen 1700 vende të lira pune në 1 muaj appeared first on Euronews Albania.

Në një moment me sfida të mëdha për Europën dhe ekonominë botërore, drejtuesit e tri partive të koalicionit të ardhshëm qeveritar në Gjermani,Unioni Kristian-Demokrat (CDU), Partia Socialdemokrate e Gjermanisë (SPD) si edhe Unioni Kristian-Social (CSU) prezantuan të mërkurën, më 9 prill 2025, në Berlin marrëveshjen e tyre për bashkëqeverisje. Në një moment me sfida të […]

The post Rregulla më të ashpra për migracionin, më pak punëtorë nga Ballkani Perëndimor appeared first on BoldNews.al.

Për të mbushur boshllëkun e krijuar në tregun e punës nga mungesa e punonjësve, qeveria e Shqipërisë ka vendosur të lehtësojë procedurat për të marrë staf nga jashtë, sidomos nga vende të treta dhe që nuk kanë të drejtën e lëvizjes së lirë drejt BE.

Me ndryshimet e propozuara në ligjin “Për të huajt” të miratuar në vitin 2021, i jepet e drejta Këshillit të Ministrave të përfaqësuar nga ministri për çështjet e punësimit që në rastin konkret është MEKI, që të lidhë marrëveshje me shtete të tjera për të marrë punonjës në varësi të kërkesave të tregut.

Kjo bëhet për të marrë sasi të mëdha punonjësish të huaj përmes marrëveshjeve me shtetet dhe jo vetëm duke u bazuar në aplikimet individuale të vetë të huajve.

A2 mëson se qeveria vijon ndërkohë negociatat me Filipinet për të marrë 40 mijë punonjës të kualifikuar për sektorin e turizmit dhe industrisë përpunuese, si dhe ka nisur negociatat me Indonezinë.

The post Qeveria shqiptare lehtëson procedurat për marrjen e stafit nga vendet e treta appeared first on Telegrafi.

Personat me arsim të mesëm zakonisht kanë një zanat ose pajisen me njohuri të forta bazë, që mund të integrohen mirë në tregun e punës, në krahasim me ata që kanë arsim fillor.

Por në Shqipëri, forca e punës me arsim të mesëm ka një normë papunësie më të lartë se personat me arsim të lartë dhe ata me arsim bazë.

Sipas të dhënave të INSTAT, shkalla e papunësisë te forca e punës me arsim të mesëm ishte 13.4% në tremujorin e fundit 2024, ndërsa tek ata me arsim 8/9-vjeçar ishte 10.6% dhe tek ata me arsim të lartë 8.4%.

Shkalla zyrtare e papunësisë në Shqipëri, në tremujorin e katërt 2024, për popullsinë 15 vjeç e lart, është 8,8%, duke shënuar një ulje vjetore me 0,8 pikë përqindje.

Në nivelin e mesëm arsimor të vendit tonë, arsimi profesional mbetet i pazhvilluar. Kjo degë bën një përgatitje më të fortë për profesionet dhe integrimin më të mirë në tregun e punë.

Në vitin akademik 2023-2024, vetëm 18% e nxënësve në arsimin e mesën ishin në shkollat profesionale. Studimet tregojnë se ata që përfundojnë arsimin profesional kanë norma më të larta punësimi se ata me gjimnaz.

Në BE, shtetet sidomos Gjermania japin stimuj për të integruar nxënësit drejt arsimit profesional dhe tregut të punës. Por në vendin tonë duke qenë se sistemi i arsimit nuk është i lidhur me tregun e punës, ndodh që me rritjen e nivelit arsimor të shtohen vështirësitë për të gjetur punë.

Sistemi arsimor dhe tregu i punës prej vitesh janë në një rreth vicioz, teksa bizneset akuzojnë qeverinë se nuk po përgjigjet me sisteme arsimore që i vlejnë tregut të punës.

Nga ana tjetër, në qarqet universitare profesorët mendojnë se bizneset shqiptare nuk po zhvillojnë degë të ekonomisë që kërkojnë kualifikim të lartë.

Një pjesë e madhe e studentëve apo të rinjve që mbarojnë universitetet punojnë në profesion që nuk kërkojnë arsim të lartë, si call center, arkëtar, kamarier etj.

Ekonomia shqiptare ende ka si avantazh konkurrues krahun e lirë të fuqisë punëtore dhe si rrjedhojë, kompanitë prodhojnë dhe eksportojnë kryesisht produkte me vlerë të shtuar të ulët (si psh fasoni) për të cilat nuk nevojitet fuqi punëtore e kualifikuar.

Mungesa e vendeve të punës me vlerë të shtuar, që kërkojnë angazhimin e profesionistëve dhe paguajnë mirë, vlerësohet si një nga arsyet se pse ka një emigracion të shtuar të njerëzve të aftë. Këto kushte pengojnë të rinjtë të integrohen në tregun e punës.

Gjatë tremujorit të katërt të vitit 2024, shkalla e pjesëmarrjes në forcat e punës për të rinjtë e moshës 15-29 vjeç është 53,6%.

Ky tregues është rritur me 2,0 pikë përqindje, krahasuar me tremujorin e katërt të vitit 2023, dhe është ulur me 2,4 pikë përqindje në krahasim me tremujorin e tretë 2024. / B.Hoxha

Burimi: INSTAT

The post Personat me arsim të mesëm vuajnë normë më të lartë të papunësisë appeared first on Revista Monitor.

Në fillim të këtij muaji, në datën 3 mars qeveria vendosi në zbatim të Kodit Zgjedhor të pezullojë të gjitha procedurat e rekrutimit në sektorin publik për periudhën e fushatës zgjedhore, pra nga 11 prilli deri në 11 maj, me qëllim që të garantohet një proces zgjedhor i rregullt dhe i drejtë. Por të dhënat […]

The post Rama “fryn” administratën me 3900 punonjës të tjerë në prag të zgjedhjeve të 11 Majit appeared first on BoldNews.al.

PRISHTINË, 17 mars/ATSH/ Presidentja e Kosovës Vjosa Osmani tha se Kosova meriton trajtim të barabartë në procesin e dialogut dhe në rrugën drejt BE-së.

Kjo deklaratë e Osmanit vjen pas takimit me përfaqësuesin e Posaçëm të BE-së, Peter Sorensen, me të cilin tha se diskutuan për dialogun Kosovë-Serbi të lehtësuar nga BE-ja, sigurinë në rajon dhe integrimin evropian të Kosovës.

Osmani, gjatë takimit të zhvilluar me të dërguarin e BE-së për dialogun, Peter Sorensen, ia ka paraqitur vërejtjet për Draftin e statutit të Asociacionit.

“Presidentja Osmani paraqiti vërejtjet e saj për Draftstatutin e Asociacionit të propozuar nga BE, vërejtje të cilat duhet të trajtohen me seriozitet në mënyrë që të parandalohet rrezikimi i funksionalitetit të shtetit të Kosovës”, thuhet në njoftim.

Sa i përket integrimit në organizata ndërkombëtare, Osmani ritheksoi rëndësinë e anëtarësimit të Kosovës në Këshillin e Evropës si dhe në organizata të tjera ndërkombëtare, përderisa ritheksoi shkeljet e vazhdueshme të Serbisë të marrëveshjeve të arritura në Bruksel, përfshirë shkeljen e nenit 4 të marrëveshjes së shkurtit 2023.

Sipas Osmanit, Kosova është e përkushtuar për reformat e nevojshme dhe theksoi se në kontekstin e dinamikave të reja gjeopolitike, Kosovës duhet t’i jepet statusi i kandidatit dhe procesi i zgjerimit të BE-së në Ballkanin Perëndimor duhet të përshpejtohet, bazuar në parimin e meritokracisë.

Ajo ritheksoi gjithashtu nevojën për heqjen e masave të padrejta të vendosura nga BE-ja, në qershor 2023, duke theksuar ndikimin e tyre negativ në jetën e qytetarëve të Kosovës, pa dallim si dhe dëmtimin e vet procesit të dialogut duke e bërë atë të pabalancuar.

“Kosova është dëshmuar tashmë si palë konstruktive në dialog, e angazhuar për paqe, demokraci e sundim të ligjit, prandaj mbajtja e masave të padrejta të BE-së ndaj vendit tonë po i dëmton jo vetëm qytetarët tanë, por edhe balancin e nevojshëm në dialog”, theksoi ajo.

Gjatë takimit u diskutua roli i NATO-s, në ruajtjen e paqes dhe sigurisë në Kosovë, krahas institucioneve të Kosovës, sikurse edhe roli i EULEX-it, në kontekstin e bashkëpunimit me partnerët ndërkombëtarë në fushën e sigurisë dhe sundimit të ligjit.

/Kosovapress/

The post Osmani në takim me Sorensen paraqet vërejtjet për draftstatutin e Asociacionit appeared first on Agjencia Telegrafike Shqiptare.

Shqipëria ka treg pune problematik në raport me rajonin dhe vendet fqinjë për shkak të informalitetit të lartë, pagave të ulëta dhe punësimit të pasigurte (pa kontrata).

Fondacioni Europian i Trajnimeve (ETF) që operon në ombrellën e BE, vërejti në një studim fundit se punësimi pa kontrata është mjaft i përhapur në Shqipëri dhe sidomos në punonjësit mbi 55 vjeç ku një e treta e tyre nuk e kanë një të tillë.

Siç shihet nga grafiku i mëposhtëm, punësimi pa kontratë në vendin tonë në të gjitha grupmoshat është më i lartë se në vendet e tjera të rajonit. P.sh. nga të rinjtë e grupmoshës 25-34 vjeç që janë punë 16% e tyre nuk kanë kontrata, niveli më i lartë rajonal. Në vendet e tjera të Ballkanit Perëndimor, punësimi pa kontratë në këtë grupmoshë është maksimumi 14% në Bosnjë  dhe minimumi 5% në Serbi, teksa në BE është 3%.

Në grupmoshën 34-44 vjeç, 17% e të punësuarve janë pa kontratë, në grupmoshën 44-54 vjeç 18%, teksa puna pa kontratë arrin kulmin në grup-moshën 55-64 vjeç me 33%.

Punësimi pa kontratë është i pranishëm më shumë te punonjësit e rinj, ata me kualifikim të ulët, ose punonjës me profesione elementare. Ndërtimi, tregtia, akomodimi, shërbimet ushqimore dhe bujqësia janë sektorët me përqindjen më të lartë të punonjësve pa kontrata.

Përqindja e punonjësve që punojnë pa kontratë është më e përhapur në vendet e Ballkanit Perëndimor se sa në BE. Gjithashtu incidenca e punësimit informal është e lartë mes punonjësve më të moshuar (mosha 55–64) në Shqipëri, Bosnjë dhe Hercegovinë, dhe Serbi, në kontrast me grup moshat e tjera. Në Shqipëri, 33% e punonjësve pa kontratë në  moshën 55–64 vjeç raportuan se punojnë në sektorë si ndërtimi, apo tregtia.

Lloji i kontratave ndikon në mënyrë të konsiderueshme në pasigurinë në punë. Në Shqipëri dhe Bosnjë dhe Hercegovinë, gjysma e punonjësve kanë frikë se do të humbasin punën në vitin e ardhshëm.

Pasiguria në punë është veçanërisht më e lartë mes atyre me kontrata të përkohshme ose pa kontratë, një model që mund të vërehet në të gjitha ekonomitë në zhvillim.

Punonjësit më të frikësuar për humbjen e vendit të punës janë të rinjtë dhe ata me një nivel të ulët ose mesatar të arsimit. Nga ana tjetër punonjësit në sektorin publik, ata në arsim dhe shërbime shëndetësore, aktivitetet financiare dhe të sigurimeve, ose transport ndihen më pak të shqetësuar për humbjen e punës se sa ata që punojnë në sektorë të tjerë.

ETF përllogarit se rreth 47% e të punësuarve në Shqipëri ishin në punë të cenueshme më 2023 që do të thotë se vuajnë një nga format e rënda (mungesa e sigurimeve, paga e ulëta) etj.

Vendi ynë ka një normë të lartë të punësimit vulnerabël, pasi metodologjitë vendase konsiderojnë të punësuar punonjësit e bujqësisë për vetë-konsum./ B.Hoxha

The post Shqipëria, me numrin më të madh të punonjësve pa kontrata në rajon appeared first on Revista Monitor.

Pas dixhitalizimit masiv në pandeminë e Covid-19, ngadalësimi i rritjes së kërkesës globale për shërbime teknologjike, po ndikon te tregu vendas i punësimit për sektorin. Kërkesa globale më tepër është e fokusuar te risitë teknologjike të fushës së Inteligjencës Artificiale. Për të garantuar qëndrueshmëri, kompanitë vendase po diversifikojnë kontratat. Për rrjedhojë, edhe oferta për punësim […]

The post Ngadalësohet Teknologjia e Informacionit, si po ndikohet tregu i punësimit në Shqipëri appeared first on BoldNews.al.

Sektori i turizmit është përfshirë në zhvillime të vrullshme prej rritjes së numrit të vizitorëve dhe zgjerimit të strukturave akomoduese, por të dhënat administrative mbi punësimin (punonjësit e deklaruar në tatime me sigurime) tregojnë se në sektorin privat, numri i të punësuarve u zgjerua me bazë vjetore vetëm 1.8% në 3-mujorin e tretë të këtij viti.

Sipas të dhënave zyrtare të INSTAT, në 3-mujorin e tretë të vitit ishin të punësuar 568 mijë persona ose 10,486 më shumë se një vit më parë në të njëjtën periudhë (1.8% më shumë). Nga ana tjetër numri i të punësuarve në sektorin publik arriti në 180,382 mijë, ose vetëm 1307 persona më shumë se tremujori i tretë 2023 (rritje 0.7%).

INSTAT nuk ka publikuar këtë vit asnjë të dhënë mbi punësimin nga Anketa së Forcës së Punës që është edhe treguesi zyrtar i papunësisë.

Të dhënat administrative mbi punësimin tregojnë se zhvillimet në tregun e punës kanë qenë të vakëta, por ato nuk japin hollësi mbi sektorët e ekonomisë.

Vitin e kaluar në tremujorin e tretë punësimi me të dhëna administrative ishte zgjeruar me 3% (16,000) në krahasim me tremujorin e tretë 2022.

Burimet nga tregu pohojnë se punësimi është përfshirë në ristrukturim të fortë vitin e fundit, ku ka rritje të papunësisë në zonat urbane si rrjedhojë e mbylljes së shumë aktiviteteve fason dhe linjat call center.

Rënia e euros ka dobësuar rëndë fitimet në sektorin e prodhimit. Të dhënat e fundit mbi PBB-në, që i takojnë tremujorit të tretë të vitit, treguan rënie të fortë të prodhimit në sektorin bujqësor dhe atë të industrisë.

Rënia e vlerës së euros në mënyrë sistematike vitet e fundit nga rreth 123 lekë mesatarisht në vitin 2021 në më pak se 99 lekë aktualisht shkaktoi humbje të konsiderueshme për sektorin e prodhimit dhe sidomos bizneset eksportuese.

Aktivitetet e fabrikave të prodhimit të veshjeve dhe këpucëve pësuan rënie të fortë këtë vit në të gjithë treguesit, prodhimin, shitjen dhe pagat.

Sipas të dhënave të INSTAT, në tremujorin e tretë të vitit 2024, indeksi i punësimit në industrinë e fabrikave të tekstilit shënoi rënie me 20.8% në krahasim me të njëjtën periudhë të një viti më parë, ndërsa indeksi i pagave në të njëjtën periudhë pësoi rënie me 21%.

Në vështirësi nuk janë vetëm fabrikat fason, por e gjithë industria që prodhon mallra dhe shërbime për eksport, të tilla se linjat agro-ushqimore, industria automative dhe sektori call -center./B.Hoxha

Burimi: INSTAT

The post Bumi i turizmit nuk ndikon në punësim, rritje anemike në korrik -shtator appeared first on Revista Monitor.

Sipas Organizatës Ndërkombëtare të Punës (ILO) migrantët luajnë një rol gjithnjë e më të rëndësishëm në tregun e punës në shtetet europiane. Për ekonominë dhe zhvillimin ata janë “të domosdoshëm”, konstatohet në raportin (16.12.2024) e ILO-së. Potuajse një në katër të punësuar në Europë është ndërkohë migrant. Veçanërisht në vendet me të ardhura të larta […]

The post Plakja e popullsisë rrit mungesën e krahu të punës në vendet e Evropës, një në katër të punësuar është emigrant appeared first on BoldNews.al.