Në konferencën e sotme për mediat, kryetari i Partisë Demokratike, Sali Berisha ka reaguar ashpër ndaj situatës së zjarreve që kanë përfshirë vendin, duke e cilësuar atë “emergjencë kombëtare jashtë kontrollit”.

Kryedemokrati u shpreh se në dy ditët e fundit Shqipëria ka përjetuar dëmet më të rënda nga flakët në historinë e saj, me mijëra hektarë pyje, kullota dhe pemë frutore të djegura, dhjetëra shtëpi të shkatërruara, gjë të gjallë të humbur dhe viktima.

Sipas Berishës, ‘qytetarët nga jugu në veri janë lënë të pambrojtur nga shteti, ndërsa zona si Delvina, Fushë-Arrëzi dhe Gramshi ndodhen në rrethim flakësh’.

Krydemokrati akuzoi qeverinë se, në vend të mobilizimit për shuarjen e zjarreve dhe mbrojtjen e popullatës, ‘po përdor forcat e armatosura dhe policinë për të marrë pajisjet e gazetarëve’.

Berisha pretendoi se mjetet e ushtrisë nuk po përdoren për evakuime, por për “plaçkitje” të mjeteve të punës së mediave. Ai akuzoi kryeministrin Edi Rama për mungesë përgjegjësie dhe shpërdorim fondesh, duke përmendur 21 milionë euro të shpenzuara për udhëtime me çarter, 7 milionë euro për “Giro d’Italia”.

Sipas tij, këto fonde do të mjaftonin për blerjen e avionëve zjarrfikës dhe dhjetëra mjeteve të reja për emergjenca, ndërsa aktualisht po përdoren vetëm pajisje të blera 15-20 vite më parë.

Në Delvinë vijon puna intensive e forcave në terren për izolimin dhe shuarjen e zjarrit.

Kështu shkruan në një postim në rrejtin social Facebook, kryeminisri Rama.

Ndër të tjera kreu i qeverisë informon se në operacion janë angazhuar rreth 300 forca, 24 mjete dhe 2 helikopterë.

Herë pas herë gjatë këtyre dy ditëve Ministria e Mbrojtjes ka bërë thirrje urgjente për evakuim e banorëve në Gramsh edhe Delvinë.

Më parë, MM në një postim shkroi: ‘Për shkak të përhapjes së shpejtë të zjarreve në Nartë, Skënderbegas (Gramsh) dhe Delvinë, bëjmë thirrje banorëve të ndjekin udhëzimet e ekipeve të emergjencës dhe të evakuohen menjëherë drejt zonave të sigurta’.

Identifikohet dhe arrestohet autori i zjarrvënies në fshatin Iliras, nga i cili u dogjën territori i fshatit Koshtan, 3 banesa, 400 pemë frutore dhe mjedis pyjor.

“Mëngjesin e sotëm, shërbimet e Komisariatit të Policisë Tepelenë dhe ato të Stacionit të Policisë Memaliaj, në bashkëpunim me shërbimet e DVP Gjirokastër, DVP Fier dhe me zjarrfikësit, kanë bërë të mundur shuarjen e zjarrit.

Si rezultat i veprimeve hetimore dhe operacionale, të kryera menjëherë pas njoftimit se në zonën e pyllëzuar të fshatit Iliras, konkretisht në vendin e quajtur “Hams”, kishte rënë zjarr, shërbimet e Komisariatit të Policisë Tepelenë dhe ato të Stacionit të Policisë Memaliaj mundësuan identifikimin dhe arrestimin e autorit të dyshuar të zjarrvënies, shtetasit B. L., 62 vjeç, banues në këtë fshat.

Si pasojë e përhapjes së flakëve, u dogjën territori i fshatit Koshtan, sipërfaqe të konsiderueshme pyjore, rreth 400 pemë frutore dhe 3 banesa (aktualisht të pabanuara)”, thuhet në njoftimin e policisë.

Materialet procedurale iu referuan Prokurorisë së Gjirokastrës, për veprime të mëtejshme, për veprën penale “Shkatërrimi i pronës me zjarr”.

TIRANË, 13 gusht /ATSH/ Ministria e Mbrojtjes, njoftoi sot se, ekipet e zjarrfikësve te BMEC (Forcat e Armatosura) kanë arritur të ndalojnë me sukses avancimin e flakëve drejt banesave në Delvinë.

Të shpërndara në pika të ndryshme të qytetit, mjetet zjarrfikëse dhe efektivët vazhdojnë prej disa orësh luftën me zjarrin.

Ministria e Mbrojtjes vuri në dukje se efektivët janë të mbështetur nga ajri dhe kanë bashkëpunimin me strukturat lokale të emergjencave civile dhe Policinë e Shtetit.

/gj.m/j.p/

The post MM: Ekipet e zjarrfikësve ndalojnë avancimin e flakëve drejt banesave në Delvinë appeared first on Agjencia Telegrafike Shqiptare.

TIRANË, 13 gusht /ATSH/ Kryetari i bashkisë së Gramshit, Besion Ajazi i bëri apel sot banorëve të fshatrave Nartë dhe Skënderbegas të largohen nga banesat e rrezikuara nga flakët.

Në një prononcim për mediet, Ajazi tha se “situata paraqitet alarmante dhe emergjente”.

“Zjarri ka djegur e shkatërruar gjithçka. Po përpiqemi të shpëtojmë banesat. Kemi evakuuar njerëzit që në orët e para të mëngjesit. Po punojmë me të gjitha strukturat”, tha Ajazi.

“Thirrja kryesore është për banorët, të ruajnë gjakftohtësinë pa panik. Të shpëtojmë sa më shumë të mundemi, të kenë besim te këta djem që po punojmë. Kemi përdorur edhe forcën për të larguar banorët nga shtëpitë e tyre, apeli është të largohet edhe banori i fundit”, u shpreh kryetari i bashkisë Gramsh.

Situata e zjarreve në Gramsh prej ditës së djeshme është problematike, për shkak të përhapjes së flakëve. Në dy fshatrat, Nartë dhe Skënderbegas gjendja paraqitet më problematike, ndërsa po punohet intensivisht për shuarjen e zjarrit nga forcat zjarrfikëse dhe 3 helikopterë të Forcave të Armatosura.

/k.s/j.p/

The post Zjarret në Gramsh, kryebashkiaku Ajazi: Kemi përdorur edhe forcën për të larguar banorët nga shtëpitë appeared first on Agjencia Telegrafike Shqiptare.

Departamenti amerikan i Shtetit, në raportin e tij të ri mbi gjendjen e të drejtave të njeriut në botë, ka vlerësuar se në vendet e Ballkanit Perëndimor janë të kufizuara liria e shprehjes dhe liria së medias. Po ashtu, është konstatuar se presidenti i entitetit të Bosnje e Hercegovinës, Republika Sërpska, Millorad Dodik, me sulme […]

The post Liria e mediave/ Raporti i DASH “nxin” qeverinë: Rama lidhje me pronarët e mediave për të ndikuar në raportim appeared first on BoldNews.al.

Kreu i Partisë Demokratike, Sali Berisha, duke folur lidhur me situatën alarmante të zjarreve, theksoi se përgjegjës kryesor për këtë katastrofë natyrore është Kryeministrin Edi Rama dhe vjedhjet e tij. Nga selia e PD, kryedemokrati tha se edhe në rastet e zjarrvënies pa qëllim, ka përgjegjësi të gjithsecilit për të parandaluar këtë katastrofë, ndërkohë që […]

The post Situata e rënduar e zjarreve, Berisha: Përgjegjësi kryesor është Edi Rama appeared first on BoldNews.al.

Katër ditë pas ndërprerjes së transmetimit të TV News24 dhe uzurpimin e godinave të Focus Media Group nga policia dhe ushtria, ka reaguar Ambasada e Holandës në Shqipëri. Përmes një postimi në faqen zyrtare në Facebook, Ambasada e Holandës thekson se për Mbretërinë e Holandës, liria e medias dhe siguria e gazetarëve mbeten përparësi kryesore, […]

The post Uzurpimi i News24/ Ambasada Holandeze: Media e lirë dhe siguria e gazetarëve mbeten përparësi kryesore appeared first on BoldNews.al.

Ish-kryeministri Sali Berisha ka ngritur akuza se Ardi Veliu, të cilin e quajti një kriminel të damkosur, ka zbatuar urdhrin për të plaçkitur laptopët ku ndodhen dosjet e Ballukut dhe qeveritarëve të korruptuar. Berisha tha se ky akt është i drejtuar direkt nga Edi Rama. “Kurse urdhëri i zbatuar nga një kriminel i damkosur siç […]

The post Uzurpimi i News24/ Berisha: Krimineli Ardi Veliu rrëmbeu dosjet e Ballukut dhe politikanëve të korruptuar appeared first on BoldNews.al.

Nga Basir Çollaku Të mbytyr në ujë të djegur në flakë. Zjarret bëhen edhe filma do thoshte Elisa, Avionë kanë gjithandej dhe zjarret nuk po shuhen dërdëllit online syzekuqi Rama. Fshatra po digjen, po humbasin jetë njerëzish. Banorë e të sëmurë marrin arratinë me ilaçe në kurriz. Bagëtinë se ndihmon dot as Bibla e Kurani […]

The post Kur të vë flakën vota dhe syzekuqi appeared first on BoldNews.al.

Sektori i zjarrfikësve në Shqipëri, që prej Reformës Territoriale të vitit 2015, është transferuar nën administrimin e bashkive, por pa fonde dhe mjete shtesë, duke lënë shumë prej tyre pa mjetet dhe pajisjet e nevojshme për reagim efikas. Një drejtues i sektorit të zjarrfikësve në një nga bashkitë e mëdha të vendit tha në kushtet […]

The post Reforma/ Zjarrfikësit as të “njerkës as të nënës”, kompetencat e transferuan pa fonde appeared first on BoldNews.al.

Një ditë pasi Gjykata e Tiranës vendosi që t’i rikthejë godinën Grupit Panorama, komapania KAYO dhe policia ushtarake kanë refuzuar të zbatojnë vendimin. Drejtuesit e Panorama dhe gazetarët prej 3 orësh u pengohet hyrja brenda godinës që iu është dhënë me vendim gjykate, ndërsa KAYO vazhdojnë ta mbajë të uzurpuar në shkekje flagrante të ligjit. Gazetarët, […]

The post Shkelet vendimi i Gjykatës, gazetarët nuk lejohen të futen në godinën e Panoramës (VIDEO) appeared first on BoldNews.al.

Një zjarr ka përfshirë ish-fushën e grumbullimit të mbetjeve urbane në Lushnje. Zjarri i ka dalë nga kontrolli një fermeri i cili po digjte mbeturina në tokën bujqësore dhe është përhapur me shpejtësi nga era e fortë. Përmasat e zjarrit u rritën frikshëm duke mbuluar të gjithë ish-fushën e mbetjeve urbane të qytetit e cila […]

The post Zjarri përfshin ish-fushën e mbetjeve në Lushnje, flakët shumë pranë banesave appeared first on BoldNews.al.

Delvina është një nga zonat më të prekura nga zjarret në 24 orët e fundit në vendin tonë, ku qytetarët dhe zjarrfikësit po përballen me zjarre të mëdha që kanë përfshirë zonën. Sipas banorëve, terreni i vështirë po e bën ndërhyrjen pothuajse të pamundur, duke e përkeqësuar situatën nga momenti në moment. Banorët raportojnë se […]

The post Zjarri në Delvinë/ Banorët shpërthejnë në akuza: Helikopterët u vonuan, shteti mungon appeared first on BoldNews.al.

Dëmet që po shkaktojnë zjarret e këtij viti po thyejnë rekorde në dekadat e fundit. Sapo një vatër shuhet të tjera shfaqen.

Sistemi Evropian për Zjarret në Pyje thotë se deri më tani në Shqipëri janë shkrumbuar 45.6 mijë hektar pyje, ndërkohë që vjet për të gjithë vitin u dogjën në total 46 mijë hektar.

Me këtë situatë alarmante zjarresh nga veriu në jug, Instituti për Bashkitë Shqiptare kërkon nga qeveria të shpallë gjendjen e fatkeqësisë natyrore sidomos në dy bashki.

Pasi vendi të dalë nga faza emergjente, thotë Instituti, të vlerësohen dëmet dhe të dëmshpërblehen banorët për humbjet prej zjarrit.

Ministria e Shëndetësisë dhe Mbrojtjes Sociale ndërkohë ngriti mekanizmin e emergjencës për mobilizimin e të gjitha strukturave shëndetësore dhe logjistike në zonat e rrezikuara nga zjarret.

Të gjithë spitalet rajonale janë në koordinim të vazhdueshëm për mbështetjen operative të strukturave të përfshira në këtë emergjencë.

Dhjetëra qytetarë por edhe zjarrfikës janë drejtuar nëpër urgjenca për të marrë ndihmë mjekësore për shkak të problemeve të shkaktuara prej zjarreve dhe tymit.

Gjeneral Lejtnant Martin Vondrašk – Prodës: “Policia shqiptare, e vetmja në Ballkanin Perëndimor, përsa i përket modelit të bashkëpunimit me Policinë çeke.”

Drejtori i Përgjithshëm i Policisë së Shtetit, Drejtues Madhor Ilir Proda, mirëpriti sot, së bashku me drejtues të lartë të Policisë, në ambientet e Drejtorisë së Përgjithshme, Presidentin e Policisë çeke, Gjeneral Lejtnant Martin Vondrašk, të shoqëruar nga Zëvendëspresidenti i Policisë çeke, drejtues të lartë të Presidiumit të kësaj policie dhe nga Oficeri Ndërlidhës i Policisë çeke.

Qëllimi i takimit ishte intensifikimi dhe zgjerimi i bashkëpunimit dypalësh, jo vetëm në fushën e sigurisë dhe rendit publik, por edhe në menaxhimin e burimeve njerëzore, si dhe në luftën kundër krimeve kibernetike.

Drejtori Proda, gjatë fjalës së tij, e konsideroi bashkëpunimin me Policinë çeke historik, si dhe një aset të çmuar për përmirësimin e kapaciteteve policore, garantimin e sigurisë së qytetarëve tanë, që për hir të së vërtetës, nga Çekia ka një numër të madh vizitorësh e turistësh që vijnë në Shqipëri, si dhe përballimin e sfidave të kohës. Gjithashtu, Drejtori falënderoi ish-oficerin e kontaktit të Policisë çeke, z. Adriatik Shino, për punën e shkëlqyer ndër vite, që ka sjellë dhe këtë rritje të bashkëpunimit dhe besimit.

Proda ka garantuar homologun e tij se Policia e Shtetit është shumë e vendosur për të thelluar bashkëpunimin me Policinë çeke në drejtim të shkëmbimit të eksperiencave, hetimeve të përbashkëta në fushën e krimit kibernetik, përdorimit të mjeteve të avancuara dhe trajnimeve të oficerëve sipas standardeve europiane.

Ndërkaq, gjatë fjalës së tij, Gjeneral Lejtnant Vondrašk falënderoi Drejtorin e Përgjithshëm Proda për krijimin e një klime bashkëpunimi pa barriera, që ka sjellë një dëshirë dhe iniciativë të vetë drejtuesve të Policisë çeke për të bashkëpunuar me kolegët e Policisë shqiptare. Më tej, Gjenerali vlerësoi bashkëpunimin me Policinë e Shtetit si modelin më të mirë në Ballkanin Perëndimor, si dhe shprehu gatishmërinë për ta çuar më tej, duke kontribuar te sektorë të ndryshëm të Policisë, si ai kundër krimeve kibernetike, i Sallës së Komandimit dhe ai i Policisë Rrugore.

Në fund të takimit, Gjeneral Lejtnant Vondrašk ftoi Drejtorin e Përgjithshëm Ilir Proda për një vizitë në Çeki, për të diskutuar për mundësitë e Policisë çeke për ta mbështetur Policinë e Shtetit me projekte në fushat me interes të përbashkët.

Në një kohë kur disa bashki po përballen me zjarre aktive, një raport i fundit i Bankës Botërore tregon se Shqipëria është një nga vendet më të ekspozuara ndaj fatkeqësive natyrore në Europë, veçanërisht zjarreve në pyje.

Sipas raportit, 95% e bashkive shqiptare janë prekur nga zjarret në dy dekadat e fundit, ndërsa vetëm në periudhën 1995–2015 janë regjistruar 900 raste, me dëme që llogariten në 134 mijë euro.

“Shqipëria ka një nga nivelet më të larta të rrezikut nga fatkeqësitë dhe ekspozimit ndaj zjarreve në pyje, të cilat kanë prekur 95 përqind të bashkive shqiptare në dy dekadat e fundit.

Nga viti 1995 deri në vitin 2015 janë regjistruar në total 900 ngjarje të zjarreve në pyje dhe vlera e dëmeve rezulton në 13.4 milionë lekë apo 134 mijë euro”, thuhet në raport.

Sipas Bankws Botwrore, bashkitë me nivel më të lartë rreziku janë: Puka, Fushë Arrëzi, Mirdita, Himara, Delvina, Malësia e Madhe, Pusteci, Kukësi, Finiqi dhe Memaliaj.

Indeksi i rrezikut i bazuar në rrjetin CIMA vlerëson shumicën e këtyre bashkive me 3 ose më shumë nga 6, ku 6 përfaqëson rrezikun më të lartë.

Banka Botërore parashikon që deri në vitin 2050, reshjet vjetore do të bien me 8.5%, ndërkohë që do të rritet intensiteti i reshjeve ekstreme dhe periudhave të thata, duke rritur rrezikun për zjarre dhe dëme në bujqësi e infrastrukturë.

Kryetari i Pd Sali Berisha reagoi për situatën e zjarreve, duke kërkuar që të shpallet gjendja e fatkeqësisë natyrore. Kreu i PD-së hodhi akuza ndaj qeverisë duke e bërë përgjegjëse, ndësa sulmoi edhe Këshillin e Sigurisë Kombëtare, duke e cilësuar si ‘narko’ dhe që ‘vazhdon ahengje nëpër bashki’.

Qeveria është narkoqeveri. Këshilli i Sigurisë Kombëtare është narko, nuk ka preokupim qeveria për këto që ndodhi.
Edi Rama kalon nga kërcënim në një tjetër dhe unë absolutisht dënoj me forcën më të madhe, si një kriminel të shëmtuar atë që vë me qëllim zjarrin.
Por edhe zjarrvënia pa qëllim, kërkon që çdo qytetar, në çdo akt dhe në çdo hap të ketë parasysh që të mos krijojë, sepse është një natyrë e ndezur.
Kështu që në këtë kontekst, mbaj si përgjegjës kryesor të kësaj katastrofe, Edi Ramën, vjedhjet e tij.
Natyrisht temperaturat e larta janë terreni i kësaj që po ndodh dhe shpirti kriminal i individëve të caktuar që luajnë me zjarrin është ai që inicion, ndez zjarrin dhe ata meritojnë dënimin më të madh.

Delvina vijon të jetë në situatë kritike lidhur me flakët.

Ministria e Mbrojtjes njofton se ekipet zjarrfikëse kanë arritur të ndalojnë me sukses avancimin e flakëve e banesave.

“Ekipet e zjarrfikësve te BMEC (Forcat e Armatosura) kanë arritur të ndalojnë me sukses avancimin e flakëve e banesave në Delvinë.

Të shpërndara në pika të ndryshme të qytetin, mjetet zjarrëfikëse dhe efektivët vazhdojnë prej disa orësh luftën me zjarrin, të mbështetur nga ajri, dhe në bashkëpunim me strukturat lokale të emergjencave civile dhe Policinë e Shtetit.”, thuhet në njoftim.

Kryeministri Edi Rama thotë se janë mobilizuar të gjitha strukturat shëndetësore dhe logjistike në zonat e rrezikuara nga zjarret.

Përmes një postimi në rrjetet sociale, Rama shprehet se të gjithë spitalet rajonale janë në koordinim të vazhdueshëm për mbështetjen operative të strukturave.

“Ministria e Shëndetësisë dhe Mbrojtjes Sociale ka ngritur menjëherë mekanizmin e emergjencës për mobilizimin e të gjitha strukturave shëndetësore dhe logjistike në zonat e rrezikuara nga zjarret.

Të gjithë spitalet rajonale janë në koordinim të vazhdueshëm për mbështetjen operative të strukturave të përfshira në këtë emergjencë”, shkruan Rama./abcnews.al