Juventus e ka mbyllur sezonin e tij në Botërorin për Klube duke u eliminuar në 1/8 kundër Real Madrid. Një aventurë e nisur në mënyrën më të mirë për bardhezinjtë që kishin fituar dy ndeshjet e para para se të rrëzoheshin kundër Manchester City dhe pastaj kundër Merengues. Në mes, një aventurë, ajo amerikane, sigurisht pozitive për Juventus që ka arritur të forcojë edhe më shumë grupin me trajnerin e tij të ri, Igor Tudor, duke konsoliduar lidhjen e të gjithë lojtarëve të skuadrës. Një mundësi edhe për tu takuar me shokët e vjetër Alex Sandro dhe Danilo.

E re, por edhe ish, pasi pikërisht në grumbullimin bardhezi në Shtetet e Bashkuara kanë kaluar për një përshëndetje si Alex Sandro dhe Danilo. Juventusi e ka publikuar të gjithë në një video përmbledhëse të transmetuar në kanalet e tij zyrtare, ku është vënë në dukje i gjithë rrugëtimi i bërë nga skuadra gjatë Botërorit. Por pikërisht për vizitën e dy brazilianëve ka një detaj që ka bërë të qeshin tifozët bardhezi dhe lidhet me momentin kur Alex Sandro ritakohet ballë për ballë me Daniele Ruganin: Cambiaso dhe Pinsoglio nuk arrijnë të përmbajnë të qeshurat.

Lexo më tej: Juventus firmos me Jonathan David: akordi gjatë natës, gati vizitat mjekësore

Mbrojtësi është kthyer nga huazimi te Ajax dhe Tudor e klubi ka vendosur ta mbajnë në skuadër. E mirë paraqitja e tij gjatë Botërorit për Klube dhe sigurisht, edhe nga ana numerike, përfaqëson një alternativë të shkëlqyer pas kthimit te Chelsea i Renato Veiga. Rugani është një lloj veterani i skuadrës bardhezi, sidomos me Massimiliano Allegri në pankinë. Ta shihje përsëri në grumbullim me Juventus ka qenë pra një surprizë për Alex Sandro që mbeti i habitur pasi u ritakua ballë për ballë me ish-shokun e tij të skuadrës.

Fjala e Alex Sandro e bëri Cambiaso të qeshë me lot

Alex Sandro e sheh, e shikon në sy, e përshëndet dhe pastaj lëshohet: “Oh, ti nuk vdes kurrë!”. Një frazë sarkastike e brazilianit që bën të shpërthejë së qeshuri vetë Cambiaso i cili ishte aty pranë, por edhe Pinsoglio që ndërkohë kishte mbërritur prej pak kohësh. Referenca është për qëndrimin e tij të gjatë te bardhezinjtë dhe për aftësinë e Ruganit për të mbetur gjithmonë te Juventusi pavarësisht shumë ndryshimeve në shoqëri, në skuadër, në trajnerë dhe drejtorë sportivë. Një moment argëtimi në mes të një Botërori për Klube jo krejtësisht për t’u harruar për Juventusin.

The post Reagimi i Alex Sandro kur sheh Ruganin ende te Juventus: Cambiaso qesh me lot appeared first on Lapsi.al.

Argjira Spanca ishte e ftuar në emisionin “Hap Ç’ju” me Visjan Ukcenaj dhe Cubi Metkaj, ku ndau me publikun një rrëfim të sinqertë për rrugëtimin e saj profesional dhe jetën personale.

Moderatorja foli me pasion për përfshirjen e saj në emisionin “She’s On Top” në Top Channel, duke e cilësuar si një projekt ku ka investuar shumë energji, përkushtim dhe kreativitet. Ajo vlerësoi formatin si një mundësi frymëzuese për të sjellë në vëmendje gra të fuqishme dhe histori suksesi.

Gjatë bisedës, vëmendje mori edhe aspekti personal i jetës së saj. E pyetur nga Cubi nëse ajo dhe partneri i saj, balerini Graciano Tagani, po planifikojnë të bëhen prindër, Argjira u përgjigj me qetësi:

“Jam në një fazë që thjesht e kam lënë në dorë të Zotit. Mendoj realisht që kur të vijë, do vijë.”

The post “Do vijë…”/ Graciano Tagani dhe Argjira Spanca së shpejti prindër? appeared first on iconstyle.al.

Juventusi po hyn në një verë të mbushur me lëvizje, ku nuk përjashtohet një mini-revolucion brenda skuadrës.

Plot 11 lojtarë nga ekipi aktual janë vendosur në listën e transferimeve, ndërsa drejtuesit e klubit po shqyrtojnë të gjitha ofertat që mund të sjellin përfitime financiare apo riorganizim teknik.

Pa përfshirë emrat që do të rikthehen nga huazimet – si rasti i Tiago Djalos që pritet të huazohet sërish – formacioni i lojtarëve që mund të largohen përbëhet nga: Mattia Perin; Lloyd Kelly, Daniele Rugani, Jonas Rouhi; Filip Kostic, Timothy Weah, Douglas Luiz, Samuel Mbangula; Nico Gonzalez, Dusan Vlahovic, Arek Milik.

Kontrata dhe prapaskena – kush mund të largohet më parë?

Në këtë listë, situatat janë të ndryshme. Vlahovic, Kostic dhe Rugani janë nën kontratë deri më 2026, çka e bën më të ndërlikuar shitjen e tyre, përveç nëse ofrohet një çmim i majmë. Perin dhe Milik e kanë kontratën deri më 2027, ndërsa Weah, Mbangula dhe Rouhi janë të lidhur me klubin deri në 2028.

Treshja Douglas Luiz, Nico Gonzalez dhe Lloyd Kelly e kanë të nënshkruar marrëveshjen deri në vitin 2029.

Sidoqoftë, drejtori i përgjithshëm Damien Comolli është i hapur për bisedime për çdo lojtar, me kusht që oferta të jetë e favorshme dhe vetë lojtari të dëshirojë largimin.

Nga largimet te mundësitë

Synimi i Juventusit është që t’i hapë rrugën një projekti të ri, por pa përsëritur gabimet e së kaluarës. Një vit më parë, klubi ndërtoi një ekip të ri me nëntë afrime të reja dhe çdo lëvizje e gabuar mund të ndikojë në ekuilibrat brenda dhomës së zhveshjes. Ndërkohë, klube si Nottingham Forest janë afër me Timothy Weah dhe Samuel Mbangula, që mund të jenë ndër të parët që lënë Torinon.

Gjithashtu, Juventusi vazhdon bisedimet me PSG për Randal Kolo Muanin dhe me Porton për Francisco Conceicaon, me synimin për të zgjatur qëndrimin e tyre në klub.

A është ky rruga e duhur për të ndërtuar një Juventus të ri fitues? Mbetet për t’u parë, ndërsa Comolli dhe trajneri Igor Tudor mbajnë përgjegjësinë për vendimet që do të formësojnë sezonin 2025/26. /Telegrafi/ 

The post Juventusi vendos 11 lojtarë në shitje – të gjithë emrat, një mini revolucion te “Zonja e Vjetër” appeared first on Telegrafi.

Uragani Erick është forcuar ndjeshëm duke arritur kategorinë 4 dhe konsiderohet aktualisht një stuhi “jashtëzakonisht e rrezikshme” ndërsa po i afrohet bregdetit jugor të Meksikës.

Qendra Kombëtare e Uraganeve e SHBA-së (NHC) njoftoi se erërat maksimale të qëndrueshme të stuhisë kanë arritur në 230 km/h dhe pritet të forcohen më tej në orët në vijim.

Sipas parashikimeve, uragani do të zbarkojë në tokë gjatë ditës së enjte, me shtetet Oaxaca dhe Guerrero që pritet të preken më rëndë. Një paralajmërim për uragan është lëshuar përgjatë një segmenti 500-kilometërsh të bregdetit të Paqësorit, nga Acapulco deri në Puerto Ángel. Qytetarët në këto zona janë paralajmëruar për përmbytje të rrezikshme dhe dallgë të mëdha që kërcënojnë jetën.

Presidentja meksikane Claudia Sheinbaum u ka bërë thirrje qytetarëve të ndjekin vetëm informacionet zyrtare dhe të shmangin çdo dalje të panevojshme. Ajo apeloi që të gjithë ata që jetojnë në zona të ulëta apo pranë lumenjve të zhvendosen menjëherë në strehimore. Po ashtu, banorët e zonave malore janë paralajmëruar për rrëshqitje të mundshme dheu për shkak të reshjeve të dendura që pritet të sjellë stuhia.

Autoritetet meksikane kanë ngritur rreth 2,000 strehimore emergjente në shtetet Chiapas, Guerrero dhe Oaxaca, ndërsa mbi 18,000 punonjës të emergjencës janë mobilizuar për të ndihmuar në përgatitje dhe evakuime. Erick pritet të jetë uragani i parë që godet Meksikën këtë sezon, i cili zgjat nga qershori deri në fund të nëntorit.

LEXONI GJITHASHTU:

• Ministrat e jashtëm britanikë, gjermanë e francezë do takohen me homologun iranian
• Zyrtari iranian: Nëse SHBA-të ndërhyjnë, do t’u japim një mësim agresorëve

The post Uragani Erick godet Meksikën, qeveria bën thirrje për evakuim urgjent appeared first on Euronews Albania.

Uragani Erick, i cili u forcua në një stuhi të kategorisë 2, po i afrohet bregdetit jugor të Meksikës me erëra deri në 155 km/h.

Qendra Kombëtare e Uraganeve në SHBA paralajmëron për reshje të dendura, përmbytje dhe rrëshqitje dheu që mund të rrezikojnë jetën.

Pritet që Erick të arrijë kategorinë 3 kur të afrohet me tokën të enjten.

Paralajmërime për uragan janë dhënë nga Acapulco deri në Puerto Angel, ndërsa banorëve u kërkohet të strehohen.

Presidentja Claudia Sheinbaum u ka bërë thirrje qytetarëve të ndjekin udhëzimet dhe të qëndrojnë të sigurt.

Nndërsa guvernatorja e Guerrero-s ka mbyllur shkollat dhe ka përgatitur 582 strehimore.

Stuhia pritet të kalojë pranë Acapulcos, që u godit rëndë nga uragani Otis vitin e kaluar.

Autoritetet janë në gatishmëri për të shmangur përsëritjen e pasojave tragjike të mëparshme. /Telegrafi/

The post Uragani Erick i afrohet brigjeve të Paqësorit, kërcënon Meksikën me përmbytje appeared first on Telegrafi.

Presidenti turk Recep Tayyip Erdogan ka shprehur gatishmërinë e Turqisë për të ndërmjetësuar në krizën mes Iranit dhe Perëndimit për programin bërthamor të Teheranit, gjatë një bisede telefonike me presidentin amerikan Donald Trump të zhvilluar të dielën.

Sipas një deklarate zyrtare nga Presidenca e Turqisë, Erdogan i tha Trumpit se Ankara është e gatshme të luajë rol aktiv për të ndihmuar në zgjidhjen e mosmarrëveshjeve që kanë përshkallëzuar situatën dhe kanë çuar në përplasje mes Izraelit dhe Iranit.

Erdogan paralajmëron për “katastrofë që mund të djegë gjithë rajonin”

Gjatë telefonatës, Erdogan përshëndeti deklaratat e fundit të Trumpit për mundësinë e arritjes së një marrëveshjeje paqeje mes Teheranit dhe Tel Avivit, duke e inkurajuar që të marrë veprime konkrete.

“Kërkohet veprim i menjëhershëm për të shmangur një katastrofë që mund të vërë flakën të gjithë rajonit,” u shpreh Erdogan sipas deklaratës zyrtare.

Kriza bërthamore mes tensioneve ushtarake

Kjo lëvizje vjen në një moment të tensioneve në rritje midis Izraelit dhe Iranit, pas sulmeve të fundit izraelite dhe njoftimeve se Trump ka bllokuar një plan izraelit për eliminimin e liderit suprem iranian, Ajatollah Khamenei.

Turqia, me pozicionin e saj gjeopolitik mes Lindjes së Mesme dhe Evropës, shpreson të luajë një rol të balancuar diplomatik, duke tentuar të ndalë përshkallëzimin e mëtejshëm ushtarak.

The post Erdogan telefonatë me Trump, zbardhen detajet nga diskutimi appeared first on Sot News | Lajme.

12 vjet më parë, një nga ngjarjet që u mbajt për javë me radhë në qendër të mediave ndërkombëtare ishte një video që tregonte se kryeministri i Anglisë David Cameron harroi në pub vajzën e tij 8-vjeçare.

Të gjitha mediat, përfshi dhe televizionin publik BBC News e raportoi si lajm, duke zbatuar të gjitha standardet mediatike. Video mbulonte imazhet dalluese të vajzës, tregonte ngjarjen dhe itinerarin si ndodhi dhe merrte ekspertë të cilët jepnin stastika sa të shpeshta ishin këto raste mes prindërve. Në fund ishte kontaktuar dhe çifti Cameron të cilët tahnë “se ndjemë të lehtësuar që e gjetëm e që kjo mund t’i ndodhë kujtdo”.

Paralelisht një debat shumë i madh u shtrua për diskutim në media: A mundet që një fëmijë 8-vjeçar të vihet për 1 muaj në qendër të raportimeve në media vetëm se babai i saj është kryeministër? Përse nuk ishin subjekt i raportimeve të ngjashme mijra famijë që u ka ndodhur e njëjta gjë? Përse duhet të rrezikohen trauma psikologjike te një minoren dhe të cënohej privatësia se si një familje kalon pasditen e saj?

Këto pyetje u rrëzuan me të tjera pyetje: A përbën interes për publikun fakti që kryeministri harron në pub fëmijën e tij? A kemi të bëjmë me një kryeministër të papërgjegjshëm në qeverisje, kur ai është i tillë në jetën familjare?

Kjo ngjarje mu kujtua nga ajo që po ndodh orët e fundit me investigimin që transmetoi një dje emisioni Piranjat. Kryetarja e komanduar e Bashkisë Tiranë, bashkëshorti dhe fëmija e saj, përdorin 3 automjete dhe 3 shoferë të paguar me paratë publike për nevoja personale. E vënë përballë këtij fakti, në vend që të kërkojë ndjesë apo të japë një sqarim njerëzor mbi rrethanat familjare që e kanë detyruar të bëjë këtë abuzim, znj. Ristani nis të fyejë gazetarin!

Përplasja Ristani-Pirianjat/ AGSH: Dënojmë gjuhën fyese dhe denigruese

Asnjë ndryshim për nga niveli i arrogancës me parardhësin e saj, asnjë përgjegjësi- përkundrazi, bën deklarata që nxisin gjuhë urrejtje ndaj gazetarëve dhe misionit të tyre. Edhe pas transmetimit të emisionit nuk kishte reflektim, por kërcënim për hetime penale se i është përndjekur dhe cënua jeta private e fëmijës.

Nëse znj. Ristani do të ishte e shqetësuar për fëmijën, nuk do të përdorte atë gjuhë përpara kamerave se do të ç’eduktonte fillimisht fëmijën e saj. Nëse do të ishte vërtet e shqetësuar për të, nuk do t’i mësonte se si vidhet dhe abuzohet me fondet e shtetit që minoren.

Por tema këtu nuk është morali që tenton të na komunikojë ajo, e as morali që duhet t’i bëjmë ne një nëne, qoftë dhe kur është kryetare bashkie. Pika kryesore këtu është se me fondet publike fëmija i saj shoqërohet në shkollë, bashkëshorti në punë dhe vetë ajo në palestër. Pra logjika e kësaj familje është që fëmijës nuk ka përse t’i shkelet privatësia se mamaja e tij ka post publik, por mund të përfitojë nga benefitet e pushtetit dhe t’i falet çdo abuzim sepse është minoren!

Me sa pashë, Piranjat kishin zbatur çdo standard etike. Çdo fjalë në tekst ishte e faktuar me pamje dhe dokumenta, ishin pyetur të dyja palët, znj.Ristani dhe bashkëshorti dhe ishin shmangur pamjet që tregonin shoqërimin e fëmijës. Personalisht po të isha në vend të znj. Ristani në deklaratë do të nxisja këto standarde gazetarie.

Çështja është se zyrtarët këtu te ne nuk duan që gazetaria të ketë standarde, sepse kur nuk ka standarde pushteti e kontrollon më mirë. Në vitet 50’ në Angli, stafi i kryeministrit Clement Attlee e tregonte si anekdodë kur pyetej se cila ishte frika më e madhe e tij, “Gazetat në mëngjes-thonin.” Ndaj ky është dallimi mes medias së lirë dhe asaj të kapur: kur media është e lirë të rrëzon nga pushteti, e kur kapet të mban. Kush del nga kjo radhë sulmohet me çdo formë, ndonjëherë drejtpërdrejt nga pushteti e ndonjëherë duke përdorur vetë gazetarët.

Marrë nga Facebook i autores Ola Xama

The post Ola Xama: A mund të mbrohet vajza e saj me gjuhën që përdor shefja e bashkisë appeared first on Lapsi.al.

Me rastin e 26-vjetorit të vrasjes së akademikut dhe veprimtarit të shquar, Fehmi Agani, nesër, me datë 13 maj, do të hapet ekspozita përkujtimore me titull “Kontributi atdhetar – intelektual dhe politik i akademik Fehmi Agani”, në sallën e Akademisë së Shkencave dhe Arteve të Kosovës.

Ekspozita organizohet nga Muzeu Kombëtar i Kosovës, në bashkëpunim me Akademinë e Shkencave dhe Arteve të Kosovës dhe Shoqatën “Sali Çekaj” në Zvicër, duke synuar të nderojë jetën dhe veprën e tij.

Ceremonia e hapjes do të përfshijë fjalë përshëndetëse nga Kryetari i Akademisë së Shkencave dhe Arteve të Kosovës, Akademik Mehmet Kraja, si dhe fjalë rasti nga Drejtoresha e Muzeut Kombëtar të Kosovës, znj. Vjollca Aliu, Akademik Hivzi Islami, dhe bashkautorët e ekspozitës Ph.Dc. Besnik Kraci dhe Dr. Sadik Krasniqi.

Në këtë ngjarje do të flasë gjithashtu Mentor Agani, djali i akademikut Fehmi Agani. Autorët e ekspozitës, Besnik Kraci dhe Sadik Krasniqi, kanë bashkuar dokumente, fotografi dhe materiale të tjera që ndriçojnë rolin historik të Fehmi Aganit si intelektual, akademik dhe politikan që kontribuoi në proceset paqësore dhe diplomatike të Kosovës drejt pavarësisë.

Ekspozita do të hapet më 13 maj 2025, në ora 12:00, në Prishtinë./KultPlus.com

Një takim që do të mbledhë ndër investitorët më me ndikim në botë, liderë të njohur biznesi, dhe krerë shtetesh do të mbahet në datat 16 dhe 17 maj. Për herë të parë do të mbahet në Shqipëri samiti ekonomik ndërkombëtar Future Investment Initiative Europe. Samiti, që përkon dhe me takimin e Komunitetit Politik, do të organizohet në Teatrin Kombëtar të Operas dhe Baletit, dhe do të inagurohet më 17 maj në pjesën e tij kryesore nga presidenti francez Emanuel Macron, në vizitë zyrtare në kreyqytetin shqiptar dhe kryeministri Edi Rama.

“Investoni në një Evropë të Lidhur”, është slogani i këtij samiti, si një thirrje për kontinentin evropian që të bashkëpunojë dhe veprojë në kushtet kur gjendet përballë transformimit ekonomik e tensioneve gjeopolitike.

Në program thuhet se brishtësia dhe fragmentimi po drejtojnë ekonominë globale, ndërkohë që parashikimet e institucioneve financiare tregojnë për ngadalësim të ekonomisë për shkak të tensionet gjeoekonomike dhe presionet e vazhdueshme inflacioniste.

“Evropa mund t’i transformojë tensionet tregtare në mundësi, duke u shfaqur si një dritë e kohezionit ekonomik në një botë gjithnjë e më të ndarë”, thuhet në dokumentet e këtij samiti special. Në këtë edicion special të samitit do të diskutohen 8 fusha kyçe. Fragmentimi dhe gjeoekonomia, siguria dhe pavarësia energjetike, inteligjenca artificiale dhe robotika, kujdesi shëndetësor, industria e prodhimi, tregtia, turizmi dhe inovacioni në sipërmarrje.

Samiti i fundit është zhvilluar në muajin shkurt në Miami, ku pjesëmarrës ishte presidenti amerikan Donald Trump. Vetëm në samitet e organizuar nga ‘Future Investment Initiative Europe’ janë lidhur marrëveshje me vlerë mbi 200 miliardë dollarë në sektorë të ndryshëm të ekonomisë dhe në vende nga gjithë bota.

The post “Investoni në një Evropë të Lidhur”/ Ja data kur do të mbahet Samiti Ekonomik Ndërkombëtar… appeared first on Sot News | Lajme.

Një ngjarje aspak e hijshme ka ndodhur në “Ferma VIP 2”, ku një debat i ashpër ka shpërthyer mes dy fermerëve: Big Mama dhe Alba. Përplasja mes tyre mori përmasa shqetësuese, kur në kulmin e nervozizmit, Big Mama nuk kurseu fjalët e rënda ndaj Albës, duke e ofenduar publikisht me epitetet: “pise femër”, “njeri pa […]

The post E papritur! Big Mama pështyn dhe shan në serbisht Albën – VIDEO appeared first on BoldNews.al.

Kryeministri i Kosovës, Albin Kurti, ka përkujtuar 25-vjetorin e vrasjes së intelektualit dhe politikanit të shquar, Fehmi Agani, i cili u rrëmbye dhe u vra nga forcat serbe më 6 maj të vitit 1999, gjatë kohës së luftës në Kosovë.

Në një postim në rrjetet sociale, Kurti kujtoi momentet tragjike të ndaljes së trenit që po udhëtonte drejt Maqedonisë dhe rrëmbimit të pasagjerëve, mes të cilëve ishte edhe Agani. Ai theksoi se humbja e tij përfaqëson një plagë të thellë për popullin shqiptar, duke e quajtur atë një figurë me rëndësi të jashtëzakonshme për politikën dhe shkencën në Kosovë.

“Ishte 6 maji i vitit 1999, pak më shumë se një muaj para mposhtjes dhe largimit përfundimtar të forcave serbe nga Kosova, kur ata e ndalën një tren që po shkonte drejt Maqedonisë. Mes shumë qytetarëve të tjerë që po udhëtonin atë ditë, ishte dhe politikani i shquar dhe sociologu i mprehtë Fehmi Agani, i cili periudhën e atëhershme po e bashkëvuante me të gjithë të tjerët edhe pse angazhimin e kishte të një dinamike dhe rezonance aq të madhe për kohën. Nga ndalja e trenit, ndërrimit të kahjes së tij, kthimit të detyruar në Fushë Kosovë dhe rrëmbimit të pasagjerëve, ishte një çast. Një çast që zgjati sa një përjetësi, e që mori me vete dhe veprimtarin tonë të shtrenjtë. Trupi i Fehmi Aganit u gjet të nesërmen në afërsi të Lipjanit”, ka shkruar Kurti.

Tutje, ai është shprehur se me këto akte kriminale dhe masakra të njëpasnjëshme, regjimi serb tentoi të linte plagë të thella e të na privonte nga mendjet e shquara e të ndritura të vendit.

Kurti ka shtuar se humbja e Aganit ishte më shumë se humbje njerëzore, sepse ishte humbja e një filozofi, magjistri të shkencave politike e doktor shkencash të sociologjisë.

“Krimet e Serbisë nuk falen e harrohen. Plagët janë të pashërueshme. Mungesa e drejtësisë vendore e ndërkombëtare duhet të marrë fund. Lavdi për jetën, veprën dhe sakrificën e Fehmi Aganit!”, ka përfunduar Kurti.

Presidentja e Republikës së Kosovës, Vjosa Osmani, ka përkujtuar sot akademik Fehmi Aganin, në përvjetorin e vdekjes së tij.

“Sot, në përvjetorin e vrasjes së akademik Fehmi Aganit, përkujtojmë me nderim një prej mendjeve më të ndritura të rezistencës sonë paqësore”, u shpreh Osmani.

Tutje, ajo ka shtuar se Agani besoi te fuqia e vlerave njerëzore edhe në kohën kur bota heshti përballë krimeve të Serbisë në Kosovë.

“E vrau pikërisht ajo makineri gjenocidale serbe e cila frikësohej nga mençuria e tij që ngjallte shpresë. Kujtimi dhe vizioni i tij mbetet udhërrëfyes për brezat që besojnë se liria dhe dinjiteti mbrohen me çdo kusht”, është shprehur tutje presidentja./KultPlus.com

Gani Gërmia është konkurrenti i radhës që u largua nga spektakli Ferma VIP 2.

Ai ishte në një televotim me fermerët si: Big Bastën, Erandin, Andrean dhe Ylli Dreshajn.

Është ndërprerë rrugëtimi i gazetarit pak javë pasi është bërë pjesë e këtij formati.

“Dua t’iu falenderoj të gjithëve. Ka qenë një nga eksperiencat më të mira. Ajo që me penalizoj ka qenë cigarja. Mi ka lidhur këmbë e duar, nuk kam mundur të luajë lirshëm”, u shpreh ai.

Tutje tha: “Do të mbetet një nga senet më të mira. Do më mungojnë shumë fermerët”.

Ganiu ashtu siç e ka tradita zgjodhi kryefermerin. Ai i dha titullin kryefermer këngëtares Big Mama.

I njëjti ka qenë pjesë edhe i Big Brother VIP Kosova në edicionin e dytë.

The post Gani Gërmia eliminohet nga gara në Ferma VIP 2 appeared first on Albeu.com.

Urgjentisht pushoni ta lani tiganin tuaj menjëherë pas përdorimit

Rekomandimi është që ta lini anash në një kohë derisa tigani të ftohet tërësisht.

Vetëm atëherë gërryeni mbetjet të cilat kanë mbetur në të dhe me leckë letre hiqni tepricën e yndyrës e cila ka mbetur pas pjekjes.

Të gjitha këto veprime janë të rëndësishme para se tiganin ta zhytni në ujë dhe ta lani me sfungjer.

Po qe se tiganin në të cilin keni fërguar e lani menjëherë pas përdorimit, e gjithë mbetja e vajit do të mbetet në gypin shkarkues, transmeton Telegrafi.

Yndyrat dhe vajrat mund të shkaktojnë bllokadën e cila më vonë çon në mbylljen e gypit shkarkues dhe arrijnë në burimet natyrale të ujit dhe i ndotin edhe më shumë liqenet, përrenjtë, lumenjtë dhe detet tona.

Thonë që sikur të kishit derdhur një litër vaj në enëlarëse mund të ndotni së paku një milion litra ujë.

Prandaj, mos përtoni që para larjes tiganin ta fshini me leckë letra apo me peshqir. /Telegrafi/

The post Nëse menjëherë pas fërgimit keni larë tiganin tuaj, keni gabuar appeared first on Telegrafi.

Marrëdhënia mes dy banorëve të “Ferma VIP”, Albës dhe Ganiut është krisur qëkur ky i fundit, pa lejen e konkurrentes iu fut në shtrat kur ajo po pushonte.

Pas asaj situate një tjetër debat i ashpër ka ndodhur mes tyre pasi sipas Albës Ganiu teksa ka kaluar në një hapësirë të ngushtë i është ngjitur pas trupit.

E nervozuar nga ky veprim, Alba ka kapur për krahu fermerin për t’i bërë të ditur që të mos veprojë më ashtu, mirëpo situata ka agravuar në ofendime me Albën e cila e ka quajtur gazetarin “Pis mashkull”.

Sherri mes tyre:

Alba: Ty po të flas (kap për krahu Ganiun, ky i fundit përplaset me tavolinën).

Alba: Po, të shtyj, dhe e bërë me qëllim. Kur e sheh që s’ka hapësirë mos më kalo mua të ngjitesh mbrapa trupit, pis mashkull, mashkull i dobët

Ganiu: Ik, largohu. Largohuuu (e ndërsa Alba i kërkon llogari, Ganiu nuk i përgjigjet).

The post “Pis mashkull! Mos m’u ngjit nga mbrapa”/ Plas debati mes Albës dhe fermerit appeared first on Sot News | Lajme.

Debati i ashpër mes Albës dhe Ganiut ka prekur edhe Limin. Shkak është bërë hyrja e Ganiut në shtratin e Albës gjatë kohës që kjo e fundit po flinte gjumë. Limi u shpreh se Ganiu ka cënuar emrin, krevatin dhe partneren e tij. Ai deklaroi se priste një reagim tjetër nga fermerët dhe jot ë bëheshin bashkë e të sulmonin Albën.

Pjesë nga biseda:

Limi: Ganiu ka kaluar çdo cak. Ka cënuar emrin tim, krevatin tim dhe partneren tim. Unë këtu kam një shoqëri të pastër, dhe nuk e prisja që edhe vajzat të cënonin hapësirën time. Me Big Mamën u ula dhe u sqarova. Për gjithë moshën e tretë, që janë më profesionistë dhe më artistë se ne, prisja një reagim ndryshe. Por po bëhen të gjithë bashkë pa asnjë arsye.

Federik: Nuk pashë një qëllim të keq nga Ganiu, sikur donte të përdhunonte dikë. Ne skema kemi parë edhe nga Limi.

Alba: Ishte pa lejen time.

Federik: Bravo Alba, e shfrytëzove bukur.

The post Ganiu iu fut në shtrat Albës, Limi: Askush se prek partneren time! appeared first on Sot News | Lajme.

Kryetari i Partisë Demokratike, Sali Berisha ka ironizuar sloganin e Partisë Socialiste për zgjedhjet e 11 majit. Në 12 yjet që PS ka në slogan ka vendosur 12 persona, eksponentë socialistë, të cilët ndodhen prapa hekurave. Ndërsa në qendër, Berisha ka vendosur një mi, që sipas drejtuesit të fushatës së PD, amerikanit Chris LaCivita është […]

The post Nga Veliaj tek Beqja, Berisha ironizon sloganin e PS: Yjet “europiane” appeared first on BoldNews.al.

Në kuadër të pjesëmarrjes së saj në Forumin Diplomatik të Antalias, Presidentja e Kosovës, Vjosa Osmani, ka zhvilluar një takim të veçantë me Presidentin e Turqisë, Rexhep Taip Erdogan, ku vlerësimet dhe mesazhet e miqësisë nuk munguan.

Përmes një postimi në rrjetet sociale, Osmani e cilësoi Erdoganin si një “lider që i ka qëndruar gjithmonë pranë Kosovës, në çdo sfidë dhe në çdo sukses”, duke e quajtur atë një mik të dëshmuar të vendit, zë të fuqishëm për të drejtat e popullit të Kosovës dhe shtyllë të fortë mbështetëse gjatë procesit të shtetndërtimit.

Presidentja theksoi se marrëdhëniet ndërmjet Kosovës dhe Turqisë janë ndërtuar mbi besim, respekt dhe vizion të përbashkët, dhe se Turqia do të mbetet një partner kyç për paqen, sigurinë dhe zhvillimin në rajon.

Osmani po qëndron në Turqi me ftesë të Presidentit Erdogan, për të marrë pjesë në edicionin e katërt të Forumit Diplomatik të Antalias, i cili u hap sot dhe do të zgjasë dy ditë. Ngjarja organizohet nga Ministria e Punëve të Jashtme të Turqisë, nën patronazhin e Presidentit turk, dhe këtë vit trajton temën: “Rikthimi i Diplomacisë në një Botë të Fragmentuar”.

Tema e forumit pasqyron sfidat aktuale globale dhe nevojën urgjente për rikthimin e diplomacisë si një forcë stabilizuese, në një kohë kur tensionet ndërkombëtare janë në rritje. Marrë pjesë liderë, diplomatë dhe përfaqësues nga e gjithë bota, për të ndarë ide dhe strategji për një bashkëpunim më të qëndrueshëm ndërkombëtar.

The post Vjosa Osmani takon Erdogan, zbulohen detajet appeared first on Sot News | Lajme.

“Shqipëria 2030 në BE, vetëm me Edin dhe PS”, Është ky slogani që do ta shoqërojë Partinë Socialiste gjatë fushatës elektorale për zgjedhjet parlamentare të 11 majit. Me delirin në kulm, Rama ka vendosur që ta personalizojë fushatën. Me shokët e partisë që po i shkojnë një nga një në burg, Rama synon më shumë […]

The post Rama personalizon PS-në, zbulohet slogani i fushatës appeared first on BoldNews.al.

“Shqipëria 2030 në BE! Vetëm Me Edin dhe PS”, është slogani me të cilin do të dalë në fushatë oferta politike e Partisë Socialiste për zgjedhjet parlamentare të 11 Majit.

Socialistët kanë nisur përgatitjet e skenës që do të përdoret për hapjen e fushatës. Ideja e sloganit është premtimi për të ecur para drejt integrimi në BE, drejt pasaportës europiane, drejt zhvillimit perëndimor, që ka qenë edhe lajtmotiv i takimeve që Edi Rama ka zhvilluar gjatë muajit prill.

Por kur shton “Vetëm me Edin” shfaqen edhe një herë tiparet e narcizit, simptomat e një pushteti të zgjatur dhe të personalizuar nga një individ, kritika këto që Edi Ramës ia kane vënë ne dukje edhe më parë.

The post “Vetëm me Edin…” zbulohet slogani i PS në fushatën e 11 Majit appeared first on Lapsi.al.