TIRANË, 7 korrik/ATSH/ Administrata Tatimore ka nisur një fushatë informuese dhe ndërgjegjësuese të drejtuar ndaj tatimpaguesve që merren me tregtimin e produkteve bujqësore dhe blegtorale.

Kjo nismë synon të kontribuojë në formalizimin e tregut, të rrisë sigurinë ushqimore dhe të mbrojë konsumatorin.

Sipas njoftimit zyrtar nga Drejtoria e Përgjithshme e Tatimeve, për një periudhë dyjavore do të zhvillohet faza sensibilizuese, gjatë së cilës tatimpaguesit do të informohen mbi detyrimin ligjor për të shoqëruar çdo produkt me faturë tatimore të fiskalizuar.

Pas kësaj faze, një taskforcë e posaçme, e përbërë nga inspektorë të Hetimit Tatimor dhe të monitorimit në terren, do të fillojë kontrollet për të verifikuar respektimin e këtyre detyrimeve.

DPT paralajmëron se çdo rast i konstatimit të mungesës së faturës do të shoqërohet me masa ndëshkuese në përputhje me legjislacionin në fuqi.

“Fushata synon të forcojë zbatimin e ligjit dhe të vendosë barazi fiskale ndërmjet tatimpaguesve, duke rritur gjithashtu transparencën dhe besimin në zinxhirin e furnizimit ushqimor”, bën të ditur DPT. /j.p/

The post Tatimet, fushatë informuese për formalizimin e tregut bujqësor dhe blegtoral appeared first on Agjencia Telegrafike Shqiptare.

Financimi i Partive Politike dominoi mbledhjen e kësaj të hëne të Komisionit Parlamentar të Ligjeve. Deputeti socialist Erion Brace tha se përgjatë fushatës elektorale të 11 majit subjekte politike kanë përdorur para nga burime te treta, të cilat nuk janë të deklaruara. Ndaj thote, se ka ardhur koha për ndryshime ligjore.

“Edhe në këtë fushatë që shkoi kemi patur flukse të mëdha të parave nga burimet e treta që deri më tani nuk kanë patur ndonjë detyrim të bëjnë deklarim, duhet të shkojmë drejt këtij rregullimi ligjor. Këto historitë me celularin para, ja sa harxhoj unë në ditë, dhe ja sa para më japin mua në ditë, duhet të marrë fund që zgjedhjet të mos komercializohen, por të ngelen e drejtë për të zgjedhur me votë, jo për të blerë vote”

Gjatë prezantimit të Strategjisë Kombëtare kundër Ndërhyrjeve të Huaja dhe Dezinformimit, Brace vuri theksin tek forcimi I kapaciteteve për të parandaluar ndërhyrjet e huaja që mund të ndikojnë në demokracinë.

“Strategjia synon të forcojë mbroj nga forma të reja të ndikim të huaj, që rrezikojnë funksionimin e shtetit të së drejtës. Shqipëria si vend kandidat për anëtarësimin në BE dhe anëtare e NATO nuk është imune ndaj këtyre formave të reja të ndërhyrjes. Pozicioni ynë gjeopolitik na bëjnë të ekspozuar ndaj rreziqeve hibride”

Miratimi i Strategjisë Kombëtare kunder Ndërhyrjeve të Huaja dhe Dezinformimit do të mundësoje edhe mbrojtjen e sigurisë kombëtare, ekonominë dhe infrastrukturës kritike të Shqipërisë.

TIRANË, 6 qershor /ATSH/ Kryetari i Partisë Demokratike Sali Berisha në një konferencë për mediet u ndal sërish tek manipulimi i zgjedhjeve parlamentare të 11 majit.

Berisha tha se “në farsën elektorale të 11 Majit u përdorën të gjitha metodat për manipulimin e zgjedhjeve, njëra prej të cilave përdoret gjerësisht nga Putini dhe Lukashenko dhe njihet me emrin e Trenit Bullgar”.

Berisha publikoi një video ku pretendon se është përdorur “mekanizmi i manipulimit nëpërmjet Trenit Bullgar”.

Sipas Berishës “nxjerrja e një flete të plotësuar dhe të vulosur jashtë qendrës nuk mund të ketë kurrë asnjë arsye tjetër përveç Trenit Bullgar”.

“Tani, besoj se kjo gjë, një fletë e plotësuar, një fletë e vulosur, nxirret nga qendra e votimit pa u futur në kuti, është dëshmi absolute e Trenit Bullgar. Që të faktosh tjetrën, duhet të kesh kamera jashtë lokalit të shohësh atë që e merr. Po çfarë kemi të faktuar ne? Qendrat ilegale të PS rreth qendrave të votimit ku njerëzit shkonin dhe bënin shkëmbimet. Por nxjerrja e një flete të plotësuar, të vulosur, nuk mund të ketë kurrë asnjë arsye tjetër përveç Trenit Bullgar. Asnjë arsye tjetër. Ka ligje për administrimin e asaj flete. Ka shkelur çdo ligj ai komisioner që ka kryer krim të shëmtuar. Pra, ai e di që është dokument ligjor fleta e votimit dhe ai nuk pyet, ai e merr, e fsheh, pastaj i vë dy vula, voton mbi të dhe gjen rastin ta nxjerrë nga dera, siç e shihni. Kjo është gjëja më evidente”, tha Berisha.

Berisha shtoi se “kjo qendër votimi ndodhet në Elbasan, në një fshat të Elbasanit, emrin e të cilit i kam në dokumente të tjerë që do ua nisim”.

Sipas Berishës rasti duhet hetuar, ndërsa shtoi se kreu i SPAK “është bashkëautor në krimin elektoral”.

“Me dhjetëra e dhjetëra raste, ai i mbuloi të gjitha”, tha Berisha.

/m.q/a.f/

The post Berisha: Në farsën elekorale të 11 majit u përdor Treni Bullgar appeared first on Agjencia Telegrafike Shqiptare.

Gjatë garës elektorale për një vend në Kuvendin e Shqipërisë, Ina Majko, përfaqësuesja e vetme nga komuniteti rom në listën e Partisë Socialiste, postoi në faqen e vet në Facebook një video satirike të mikut të saj, aktorit Alex Seitaj.

Në videon mbështetëse, Seitaj luan rolin e nënës së tij dhe në një moment i drejtohet Majkos: “Të tëra të mirat i ke të keqen nëna, që të gjesh një burrë”.

Pas një fushate derë më derë në qarkun e Vlorës, Majko i tha BIRN se ajo që aktori tha me humor ishte në fakt një prej klisheve më të shpeshta paragjykuese me të cilën u përball vazhdimisht në terren.

“Nuk besoj që ndonjë burrë kandidat e pyesin nëse është i martuar apo ka fëmijë, por kjo mua më ndodhte shpesh,” tha Majko. “M’u krijua përshtypja se nëse do isha e martuar dhe me fëmijë, do merrja ndonjë votë më shumë,” shtoi ajo.

Ballafaqimi me stereotipet gjinore ishte vetëm ana e dukshme. Në rrjetet sociale, Majko thotë se u sulmua me komente të dhunshme dhe gjuhë urrejtjeje fillimisht se ishte pjesë e komunitetit rom dhe më pas si grua.

“Dua të them që këta janë të njëjtët persona, një racist është seksist dhe homofob njëkohësisht. Nuk mund të presësh që dikush që është seksist, të mos jetë edhe racist apo të respektojë kategori të tjera,” i tha ajo BIRN, ndërsa shtoi se “gjuha e urrejtjes ishte ende aty”

Përvoja e Majkos nuk është e izoluar. Mes 787 grave që garuan në zgjedhjet parlamentare të 11 majit, shumë prej tyre u targetuan në rrjetet sociale me gjuhë fyese, denigruese dhe urrejtjeje mbi bazë të gjinisë.

BIRN analizoi mbi 150 mijë komente të mbledhura nga faqet në Facebook të kandidateve gra nga i gjithë spektri politik në rrjetet sociale, me ndihmën e mjeteve teknologjike si Google Colab, SentiOne dhe Apify, dhe identifikoi gjerësisht përmbajtje seksiste, e cila varion deri në nëntë për qind të totalit të komenteve pa dallim force politike.

Të dhënat tregojnë gjithashtu se ndaj grave në politikë pati sulme të organizuara nga profile false, të cilat synonin që t’i paraqisnin kandidatet si “kukulla”, “të përdala” apo zgjatime të burrave në garë.

Kandidatet u targetuan pothuajse njësoj nga komentet fyese, denigruese apo gjuha e urrejtjes, pavarësisht partisë politike të cilën ato përfaqësojnë. Një diferencë e vogël në përqindje u vu re ndaj disa kandidateve të mazhorancës, të cilat u sulmuan disi më fort se të tjerat.

Aktivistët e të drejtave të njeriut paralajmërojnë se një klimë e tillë online, e shoqëruar edhe me qëndrimet seksiste të liderëve të partive politike, ndikon negativisht në përfaqësimin e grave në politikë, duke ulur vetëbesimin dhe gatishmërinë e tyre për të kandiduar në të ardhmen.

“Ndikon patjetër për disa arsye: krijon klimë frike apo dhune psikologjike, forcon stereotipet gjinore duke i cilësuar gratë apo vajzat si të paafta për të përballuar emocionalisht çështjet e politikës,” thotë Ines Leskaj, drejtuese e Rrjetit të Fuqizimit të Gruas në Shqipëri, AWEN.

“Shumë gra vendosin mos të kandidojnë apo përballen publikisht për shkak të sulmeve të mundshme apo përdorimit të figurës së tyre,” shtoi Leskaj.

Sulme seksiste të organizuara

Në zgjedhjet parlamentare të 11 majit, të cilat i dhanë një mandat të katërt pothuajse të cilësuar kryeministrit Edi Rama, numri i grave në garë si në listat e mbyllura ashtu edhe në ato preferenciale ishte i konsiderueshëm, 787 në total.

Mes tyre u zgjodhën deputete 50 gra nga katër forca politike; 34 prej të cilave nga Partia Socialiste në mazhorancë, 13 nga Partia Demokratike, 2 nga Partia Socialdemokrate dhe një mandat i diskutueshëm nga koalicioni Nisma Shqipëria Bëhet.

Numerikisht, gratë përbëjnë sot rreth 35 për qind të parlamentit të ardhshëm në Shqipëri ose 5 pikë më lart se kuotat e detyrueshme gjinore për promovimin e barazisë gjinore në politikë. Megjithatë, nën koracën e numrave fshihen sulme individuale apo të orkestruara vetëm për shkak të gjinisë.

Të dhënat e analizuara nga BIRN tregojnë se një pjesë e komenteve me gjuhë seksiste dhe denigruese për kandidatet e të dyja forcave kryesore vinin nga profile false. Një grup profilesh, që kishin në URL një pseudonim apo emër e mbiemër të supozuar, të ndarë me pikë dhe përfundonin me “.2025”, u përdorën për të sulmuar me gjuhë seksiste kandidate të të dyja forcave kryesore politike. Profile të ngjashme po ashtu bënin komente pozitive, të cilat në mjaft raste ishin të njëjta.

Një pjesë e këtyre profileve ishin lehtësisht të identifikueshme si të rreme, pasi ishin krijuar pothuajse në të njëjtën kohë, kishin numër të kufizuar ndjekësish, nuk kishin postime reale dhe fotografitë e profilit i kishin të marra nga interneti. Një pjesë e profileve që përfundonin me “.2025” ndanin të njëjtët miq dhe rezultuan të fshira pas përfundimit të fushatës elektorale.

Anita Doçi punoi gjatë fushatës si menaxhere e rrjeteve sociale për kandidaten e Partisë Demokratike, Jorida Tabaku, dhe një ndër punët e saj ditore ishte fshirja e dhjetra mesazheve fyese dhe denigruese. Doçi thotë se kishte hasur shumë raste ku në postimet nga terreni, Tabakut i shkruanin mesazhe të llojit “rri gjithë ditën rrugëve” apo “s’mendon fare për familjen, fëmijët”.

“Komente që nuk i gjen te kandidatët meshkuj,” tha ajo.

Vetë Tabaku i tha BIRN se gjatë fushatës ishin aktivizuar grupe të organizuara me qëllimin e vetëm për të sulmuar. Sulmet, sipas saj, ishin masive në ato video që u përzgjodhën prej fushatës për të prezantuar një kandidate më normale – si për shembull një video ku ajo kishte ndaluar të vishte atletet.

“Ajo video u bë nga më të ndjekurat, nuk e di me 1 milion shikime, dhe duke u futur njerëzit atje, nuk e ke idenë lloj-lloj komentesh për një atlete që vesh,” tha Tabaku.

Ajo tha se gratë shiheshin si target më i lehtë për komentuesit edhe kur nuk ishin të organizuar nga forca politike rivale.

“Ndoshta e kanë më të lehtë ta bëjnë këtë ndaj grave. U duket më e thjeshtë për të sulmuar një grua se mendojnë që ndoshta nuk ka përgjigje,” shtoi ajo.

BIRN vuri re se numri më i lartë i komenteve seksiste ishte në ato postime në rrjetet sociale që i vendosnin kandidatet në mjedise të cilat përkojnë me paragjykimet gjinore. Videot në fshat, vizitat në fasoneri si dhe takimet me fëmijë dhe të moshuar përmbanin shpesh komente seksiste dhe gjuhë të tillë. Po ashtu, postimet e grave kandidate lidhur me drejtuesit e forcave politike apo prania në të njëjtin mjedis tërhoqi më shumë gjuhë seksiste.

Në kampin e mazhorancës, kandidatet Klodiana Spahiu dhe Blerina Gjylameti thonë se u përballën me gjuhë fyese në rrjetet sociale.

“Kuptohet që nuk kanë qenë komente që të merrnin shkak nga diçka konkrete apo në lidhje me takimin, thjesht gjuhë fyese kundrejt personit tim dhe përkatësisë time partiake,” tha Spahiu.

Gjylameti, e cila nuk arriti të futej në Kuvend për një grusht votash, tha se kishte vënë re një rritje të komenteve fyese apo seksiste në javët e fundit të fushatës. Ajo theksoi gjithashtu se komente të tilla përpiqeshin që t’i fshinin për të mos nxitur më tej gjuhën e urrejtjes.

“Nga eksperienca ime personale, postimet e fushatës elektorale, sidomos në javët e fundit, u shoqëruan me vrull komentesh urrejtje politike dhe kryesisht të bazuara në të qenit grua,” tha Gjylameti.

“Çfarë përmban një gjuhë jo etike, me terminologji seksiste apo denigruese, vullnetarët që janë pjesë e stafit tim i fshijnë dhe kjo si një mënyrë që të mos nxitet më shumë gjuha e urrejtjes,” theksoi ajo.

Tolerancë institucionale dhe shoqërore

Gjuha denigruese dhe seksiste në hapësirën online konsiderohet si zgjatim i së njëjtës gjuhë të përdorur rëndom nga drejtuesit e partive politike dhe media tradicionale në Shqipëri. Për ekspertët dhe studiueset e këtij fenomeni, fushata e fundit zgjedhore vazhdoi në të njëjtin trend, duke krijuar një klimë jo të mirë për gratë që përfshihen në politikë.

Izela Tahsini, psikoterapiste dhe Profesore e Asociuar në punë sociale i tha BIRN se gjuha seksiste dhe denigruese në rrjetet sociale përforconte stereotipet e dëmshshme dhe minonte besueshmërinë e kandidateve në garë.

“Sensacionalizmi dhe gjuha seksiste, për fat të keq, nuk u eliminuan, veçanërisht në seksionet e komenteve online, duke krijuar një mjedis armiqësor për gratë në politikë,” tha Tahsini.

“Rrjedhimisht, ashtu si në zgjedhjet e mëparshme, jam e bindur se vazhdon të mbajë jashtë politikës një sërë grash”, shtoi ajo.

Edlira Gjoni, eksperte e komunikimit politik, mendon se komentet e personave anonimë në rrjetet sociale frymëzohen nga liderët e tyre politikë.

“Komentet tallëse të nisura nga politikanët apo mediat shtjelloheshin më tej në komente pa fre online, edhe në faqet e disa prej mediave të mëdha”, tha Gjoni. “Çdo person anonim ndjen se ka të drejtë të reduktojë kandidatet gra në stereotipe gjinore, duke minimizuar kështu zyrtarisht rolin e tyre si kontribuuese politike,” shtoi ajo.

Edhe Marsela Dauti, autore e studimeve mbi përfaqësimin e grave në politikë, i tha BIRN se seksizmi dhe gjuha denigruese ndaj grave ishin të ngulitura thellë në politikën shqiptare.

“Kjo është shumë e vështirë, pasi gjuha denigruese shpesh konsiderohet si pjesë normale e politikës — madje edhe nga vetë gratë politikane,” tha ajo duke theksuar se këtë e kishte vënë re gjatë një studimi për dhunën ndaj grave në politikë.

“Gjuha ofenduese apo dhuna në përgjithësi perceptohen si një kosto që duhet paguar për të qenë pjesë e jetës politike,” shtoi Dauti.

Gjatë fushatës së fundit elektorale, kryeministri Edi Rama u apeloi grave dhe i lavdëroi ato, shpeshherë përmes shprehjeve të tipit “Partia Socialiste është grua” apo “Ngjyra rozë është ngjyra e grave dhe vajzave si dhe ngjyra e Partisë Socialiste”.

Por kjo narrativë konsiderohet si “seksizëm i sheqerosur” nga Dauti, e cila theksoi se shprehje të tilla ishin përdorur për të pastruar imazhin e PS gjatë fushatës elektorale për mëkatet e veta të korrupsionit.

Ines Leskaj nga Rrjeti i Fuqizimit të Gruas në Shqipëri, AWEN, kujton një tjetër episod seksist të fushatës së Ramës, ku ai këshilloi gratë që “të përdorin aftësitë e tyre joshëse”. Në anën tjetër të spektrit politik, edhe sekretari i Përgjithshëm i Partisë Demokratike, Flamur Noka u denoncua po ashtu për përdorim të gjesteve fyese dhe vulgare.

Leskaj tha se kjo gjuhë e drejtuesve politikë tolerohet. “Toleranca institucionale dhe shoqërore është e pranishme, për shkak të mendësisë se gratë në politikë nuk janë të “fuqishme”,” tha Leskaj.

Edhe UN Women vuri re tolerancë ndaj gjuhës denigruese gjatë monitorimit të fushatës së fundit.

“Në Shqipëri ka një tolerancë institucionale dhe shoqërore ndaj gjuhës denigruese, si ndaj grave ashtu edhe burrave në politikë. Kjo ndodh për disa arsye, përfshirë mungesën e mekanizmave efektivë për të adresuar dhe ndëshkuar sjellje të tilla, si dhe normat kulturore dhe stereotipet gjinore të rrënjosura thellë në shoqëri,” tha organizata në përgjigje me shkrim.

Pabarazia në garë

Dhurata Çupi (Tyli), deputete e Partisë Demokratike prej vitit 2017, e humbi garën në Tiranë në zgjedhjet e fundit. Ajo thotë se fakti që ishte grua u përdor taktikisht për t’ia “trembur” votuesit.

“Ka shumë raste që takoja votues dhe pas meje takonin burra kandidatë të listës së hapur dhe influenconin votën kundër meje me argumentin që është grua”, tha Çupi. Sipas saj, diskriminimi pozitiv në ligj u përdor në krah të kundërt, për t’i bindur votuesit se gratë kishin vetëm një në tre vende dhe se një grua nuk do të dilte dot deputete.

Çupi thotë se ajo u diskriminua edhe nga forca e vet politike dhe u braktis gjatë fushatës në favor të burrave që ishin pjesë e garës. “Nga partia kam marrë zero mbështetje. Asnjë mbështetje. Përkundrazi ka patur raste kur lidershipi ka influencuar votën për kandidatët preferencialë,” tha ajo.

Kandidate të tjera ndërkohë vunë në dukje se gara ishte e pabarabartë. Sidomos në zonat rurale dhe qyteza ku gratë përfshihen pak në politikë dhe të takon të shohësh shpesh takime kandidatesh në prani vetëm të burrave.

“Në përgjithësi, shoqëria shqiptare është maskiliste dhe vëmendjen më të madhe e zënë burrat”, tha kandidatja Lindita Metaliaj, e cila garoi në listën e hapur të Partisë Demokratike në Lezhë.

Kandidatet e intervistuara vunë në dukje gjithashtu disbalancën financiare dhe vështirësitë për të ngritur fonde.

“[Kishte] Burra biznesmenë në garë, që shpenzimet i kishin të pakrahasueshme me buxhetin tim”, tha Çupi.

“Ngritja e fondeve për fushata elektorale është një nga vështirësitë më të mëdha që gratë kanë në krahasim me burrat, aq më tepër në kontekstin kulturor shqiptar,” tha Gjylameti nga Partia Socialiste, e cila kërkoi të kishte ndryshime ligjore në këtë pikë.

Sulmet seksiste dhe denigruese në rrjetet sociale apo gjuha e përdorur në media janë pengesa shtesë mbi këto pabarazi, të cilat në thelb duan t’i trembin dhe largojnë gratë nga politika. Për kandidate si Ina Majko, vështirësi të tilla të bëjnë të humbësh edhe besimin.

“Vajzat e gratë kur përfshihen në politikë nuk i besojnë dot më asnjë burri,” tha Majko, ndërsa shtoi se edhe një foto e pafajshme mund të kthehet në një mundësi për të të targetuar. “Kjo është e frikshme!”./ BIRN

The post “Pas perdes së fushatës!” BIRN: Gratë kandidate u sulmuan me gjuhë seksiste dhe denigruese appeared first on Sot News | Lajme.

Sali Berisha, në konferencën për media, është pyetur lidhur me drejtuesin e fushatës së tij elektorale, Chris LaCivita, nëse paratë që i kanë dhënë ia kanë vlejtur.

Berisha tha se ia kanë vlejtur, sepse “kjo është një betejë e një rëndësie të jashtëzakonshme për fatin e Shqipërisë. Kjo faktoi se farsa është dënim me vdekje i votës së lirë para se të hyjë në kuti”.

Berisha gjithashtu tha se LaCivita drejtoi fushatën më të suksesshme në histori.

“Solli ekspertizën e tij, vlerësimet e tij, bashkëpunim i ngushtë, intensive, i frytshëm, mes partisë tonë dhe Chris LaCivita dhe udhëzimet sigurisht që janë marrë parasysh plotësisht”, tha ai.

Berisha: Kontraktimi i Chris LaCivita, yllit të suksesit botëror elektoral, bashkëkryestrategut të rikthimit më të fuqishëm në historinë e njerëzimit, Presidentit Donald Trump në Shtëpinë e Bardhë, mendoj se ishte akti më i mirë dhe më i rëndësishëm që bëri PD.

Pse? Sali Berisha ka një eksperiencë të gjatë elektorale. Shumë të pasur. Por, përsëri nëse ai do të ecte në këtë fushatë elektorale pa një ekspertizë, ai do të gabonte. Pse merret këshilltari elektorale? Merret si një garant i bashkëkohësisë së fushatës. Dhe unë besoj se ai drejtoi fushatën më të suksesshme në histori. Solli ekspertizën e tij, vlerësimet e tij, bashkëpunim i ngushtë, intensive, i frytshëm, mes partisë tonë dhe Chris LaCivita dhe udhëzimet sigurisht që janë marrë parasysh plotësisht.

Kjo tregon qartë se farsa elektorale nuk fitohet kurrë nga opozita. Dhe më shumë se kurrë u faktua në këto zgjedhje. Në këtë farsë elektorale ne patëm ekspertizën më të mirë dhe bëmë fushatën më të mirë të jetës time, paraqitëm programin më transformues, por asnjë nga këto nuk e bëri opozitën fituese të farsës.

Tani, ju shtoni problemin e transparencës. Do të bëhet transparente në afatin që parashikon ligji zgjedhor. Ai ia vlente? Ia vlente shumë sepse kjo është një betejë e një rëndësie të jashtëzakonshme për fatin e Shqipërisë. Kjo faktoi se farsa është dënim me vdekje i votës së lirë para se të hyjë në kuti. Kjo është.

The post A ia vlejtën paratë që dhatë për Chris LaCivita? Ja çfarë thotë Berisha për drejtuesin e fushatës së tij appeared first on Sot News | Lajme.

Banka e Shqipërisë ka ndërhyrë përsëri në tregun valutor në muajin maj, për të frenuar valën e re të rënies të kursit të këmbimit Euro-Lek. Më datë 6 maj, kursi i këmbimit Euro-Lek zbriti në një minimum të ri historik, në nivelin e 97.99 lekëve. Burime nga tregu financiar bëjnë të ditur se, qysh të […]

The post “Narko-eurot” për blerjen e votave/ Banka e Shqipërisë ndërhyri në treg para zgjedhjeve appeared first on BoldNews.al.

Emisioni investigativ Vetting

Në vitin 2021, Kontrolli i Lartë i Shtetit do të publikonte raportin për zbatimin e buxhetit të shtetit për vitin 2020. Në raport evidentohen gjetje të cilat rëndojnë pozitat e Drejtorit të Fondit Shqiptar të Zhvillimit Dritan Agolli. Nga dokumentet zbulohet se gjatë vitit të parë të pandemisë Covid-19 janë firmosur mbi 500 kontrata për investime publike me vlerë rreth 23 miliardë lekë, pas datës 15 Tetor, në shkelje të ligjit për menaxhimin e sistemit buxhetor nga disa institucione publike. Peshën më të madhe të këtyre fondeve që janë bërë në shkelje e zë Fondi Shqiptar i Zhvillimit me vlerë 10 miliardë lekë ose rreth 100 milionë euro.

Sipas informacioneve të siguruara nga “Vetting”, me Aktin Normativ nr. 28/2020 është rritur me 3 miliardë lekë fondi për hapjen e 21 projekteve të reja, që nuk kishin kaluar ciklin e menaxhimit të investimeve publike. Sipas auditit rezulton se buxheti për vitin 2021 për këto projekte është 6.99 miliardë lekë, ndërkohë me ligj tavani buxhetor është miratuar 3.8 miliardë lekë duke lejuar ndërmarrje përtej kufirit të miratuar.

Disa nga këto projekte janë Rikualifikimi urban pranë qendrës së qytetit Vlorë me vlerë 818 milionë lekë, Rikualifikimi dhe sistemimi i Lumit Gjanica, Loti II, me vlerë 630 milionë lekë dhe Rikualifikimi i zonës turistike Golem në vlerën 667 milionë lekë. Plani përfundimtar rezulton në shumën 238 milion lekë, ndërkohë që tashmë janë lidhur 4 kontrata me afat 8 deri në 12 muaj në shumën 1.4 miliardë lekë në tejkalim të tavanit të viti 2021 në shumën 1.2 miliard lekë. Konkretisht projektet janë Ndërtimi i By Pass-it të Gjirokastrës, Ndërtimi i Rrugës Burrel-Sheshaj, Rruga e Vendit të Shenjtë Mali i Tomorrit, Loti 2, Rikualifikimi Urban dhe ndërtimi argjinaturës për mbrojtjen nga Vjosa.

Sipas kryetarit të lëvizjes “Shqipëria Bëhet” Adriatik Lapaj, mënyra se si përqendrohen fondet e Fondit Shqiptar të Zhvillimit kanë indicie për favorizime, që lidhen me politikën.

“Kjo ndodh pasi mund të jenë arsye që lidhen me lidhjet e shkurtra politike në qeverisjen e vendit, të cilat në vetvete mund të jenë shkak për korrupsion të kamufluar”, u shpreh për “Vetting” kreu i “Shqipëria bëhet”.

Sipas auditit evidentohet se Fondi Shqiptar i Zhvillimit ka bërë pagesa ndaj kompanive në vlerën 16.5 miliardë lekë për projekte që supozohej të ishin realizuar punimet në masën 62%. Por nga verifikimet rezulton se kompanitë faktikisht kishin realizuar punimet vetëm në masën 20% ose 3.27 miliardë lekë përsa i përket çështjes së Rindërtimit.

Kujtojmë se të gjitha këto lëvizje financiare me fondet publike i paraprinë zgjedhjeve parlamentare 2021, gjë e cila u kritikua ashpër edhe nga opozita e vendit.

Indiciet për favorizime ndaj kompanive private mbështeten edhe nga dokumentet e administruara nga Ministria e Financave dhe Ekonomisë. Sipas këtyre shkresave evidentohet se Fondi Shqiptar i Zhvillimit në 17 raste për 9 projekte me vlerë 398 milionë lekë ka bërë parapagim të kontratave. Konkretisht FSHZH-ja me anë të shkresës nr. 1402/4, në 14 dhjetor 2022, i ka dërguar Ministrisë së Financave dhe Ekonomisë kërkesë për miratimin e dhënies së pagesës paraprake. Disa nga këto  kontratat janë “Ndërhyrje në zona sportive dhe lodra për fëmijë ”Dua të luaj”, “Qendra Multifunksionale e Zhvillimit Rajonal, Rajoni 4, Faza 1”, “Ndërhyrja Rigjenerimi Urban në Fshatra me potencial Turistik”etj.

Por në këtë rast mbështetja për pagesat paraprake është miratuar nga Ministria e Financave duke përdorur si referencë  Udhëzimin nr. 9, datë 20.03.2018 “Për procedurat standarde të zbatimit të buxhetit”, i ndryshuar. Sipas Kontrollit të Lartë të Shtetit, këto kontrata nuk rezultojnë të jenë të një rëndësie të veçantë. Në këto kushte, auditi ka deklaruar se parapagimi i kontratave është në kundërshtim me Udhëzimin nr. 9 datë 20.03.2018 “Për procedurat standarde të zbatimit të buxhetit”, i ndryshuar dhe ligjin nr. 9936, date 26.08.2008 “Për menaxhimin e sistemit buxhetor në Republikën e Shqipërisë”, i ndryshuar.

Raportet e Kontrollit të Lartë të Shtetit dhe gjetjet e “Vetting” zbulojnë një tablo, e cila tregon se fondet publike që përdoren nuk ndjekin një proces normal prokurimi. Madje edhe vet mosdeklarimi i pasurisë nga kreu i Fondit Shqiptar të Zhvillimit ngre pikëpyetje se si janë menaxhuar paratë publike përgjatë këtyre 6 viteve.

Më 12 dhjetor 2024, Agolli do të paraqitej në SPAK, ku për rreth dy orë do të merrej në pyetje nga Prokuroria e Posaçme. Në daljen e tij nga zyrat e SPAK-ut, kreu i FSHZH-së nuk bëri asnjë koment për arsyet e marrjes në pyetje.

Ndërkohë fshatrat si zona prioritare nga Fondi Shqiptar i Zhvillimit vazhdojnë të rrudhen dhe sot fshati është më i braktisur se kurrë. Kapitali për të ndihmuar bujqit dhe fermerët nuk injektohet drejtpërdrejt te ekonomia private por në rrugë që nuk kalojnë njerëz, në depo uji që nuk ka kush t’i shfrytëzoj apo në biznese që nuk kanë njerëz që ti menaxhojnë.

Investimet janë rritur nga viti në vit, por qëllimi dhe efekti i tyre nuk ka përmirësuar ekonominë e banorëve në zonat përreth. Ky investim është përqendruar te zhvillimi dhe pasurimi i një pakice. Kjo e fundit sundon dhe po zhvillohet mbi një shumicë të shtypur, e cila sipas Bankës Botërore dhe INSTAT po varfërohet nga viti në vit.

The post “Agolli shkeli ligjin para fushatës 2021″/ Lapaj: Fondet në duart e FSHZH, indicie për favorizime që lidhen me… appeared first on Sot News | Lajme.

Premtimet elektorale të Partisë Socialiste për mandatin e katërt kapin një faturë financiare shumë më të lartë se mundësitë e buxhetit shqiptar? Programi i socialistëve kërkon mbi 29 miliardë euro, ndërsa buxheti i shtetit nuk mjafton as për gjysmën e tij. Një analizë e qendrës ALTAX zbërthen faturën e lartë të investimeve të premtuara duke […]

The post Mashtrimet/ Buxheti nuk mjafton as për gjysmat, premtime e Ramës me faturë mbi 29 mld euro appeared first on BoldNews.al.

Deputeti socialist Erion Braçe, sqaroi gjestin e bërë gjatë fjalimit përmbyllës së fushatës së PS-së. Braçe u shpreh se u bezdis nga kamera, operatori, teksa mohoi të jetë bezdisur nga fjalimi i Olta Xhaçkës, teksa thoshte “E duam Shqipërinë si gjithë Europa”.

“Më erdhi kamera dhe nuk e doja. Nuk e doja fare vëmendje. Nuk u bezdisa nga fjalia ‘e duam Shqipërinë si gjithë Europa’. E kisha me vëmendjen, nuk e doja. Kisha marrë vëmendje gjatë gjithë fushatës, nuk më duhej atë ditë.

Me Oltën kam folur vetëm dje, kishte një shqetësim me një procesverbal.”, tha Braçe.

Në zgjedhjet parlamentare, Erion Braçe, siguroi një tjetër mandat deputeti.

The post Video virale e mbylljes së fushatës të PS-së, Braçe sqaron gjestin: Nuk më bezdisi fjalimi i Xhaçkës por… appeared first on Sot News | Lajme.

Nga Afrovita Hysaj Procesi i votimit në qytetin e Vlorës nuk pati asnjë surprizë, duke reflektuar edhe ecurinë e gjithë fushatës në këtë qark.  

Një proces që nisi qetë e përfundoi po njësoj.  Fushatë pa sulme mes dy partive të mëdha, pa akuza e pa tone të larta. Fushatë në të cilën partitë nuk patën asnjë deklaratë kundër njëra tjetrës

Votimi

Votimi nisi prej orës 7.00 të mëngjesit, me vonesa në disa qendra për shkak të mos prezantimit apo votimit të disa anëtarëve të komisionit, njëjtë si vonesat në procesin e votimit në institucionin e paraburgimit, ku votimi nisi me 3 orë vonesë.

4471/2 nisi me vonesë pasi dy komisionerë u larguan për arsye familjare. Në një prej qendrave të votimit në rajonin 5, qendra 4450 pati konstatim të shpërndarjes së fletëpalosjeve për një kandidat të Partisë Socialiste. U kërkua largimi i tyre, por nuk pati pezullim.

Finiq, në fshatin Kardhikaq dhe Gravë, për shkak të mungesës së materialeve zgjedhore votimi nisi me 4 orë vonesë.

Në Sarandë gjithashtu pati vonesa në disa qendra edhe për shkak të funksionimit të kamerave monitoruese.

Megjithatë në një panoramë të përgjithshme asnjë prej rasteve nuk ka sjellë anomali për vijimin e procesit.

E qetë përtej asaj që njihet, edhe reagimi i partive opozitare.

Partia Demokratike dega Vlorë, edhe pse nuk pret të marrë më shumë mandate në Vlorë sesa lista e mbyllur, duket se iu dorëzua qytetarisë për procesin zgjedhor.

Nga kampi rozë shqetësim ishte pjesëmarrja.

Në përqindje krahasuar me zgjedhjet e vitit 2021, Vlora shfaqet gati në të njëjtat shifra, por shifra e këtij viti ka bashkë edhe votën e diasporës që tregon se vota e votuesve brenda territorit ka ardhur në rënie.

Çfarë pritet?

Partia Socialiste kërkon të mbajë 8 mandate, edhe pse është artikuluar në disa raste një mandat i 9.

Partia Demokratike kërkon të qëndrojë në 4 mandate, edhe pse partitë e vogla i kanë rrezikuar elektorat.

Megjithëse parashikimet dhe pritshmëritë, këto zgjedhje ishin më të ftohta jo vetëm për qytetarët, por edhe për kandidatët vetë.

Ndërkohë, me sy më kritik pritet të shihet procesi i numërimit të votave jo më shumë për subjektet, sesa për vetë kandidatët.

The post Zgjedhjet në Vlorë, fushatë pa surpriza dhe pa përplasje PD-PS appeared first on Faktoje.al.

TIRANË- Fushata elektorale ishte një betejë e fortë talentesh të spektaklit politik. Aleanca Madhështore në këtë fushë, e mposhti me siguri numerikisht Partinë Socialiste.

Me në krye Sali Berishën. Më i vjetri i koalicionit, u cilësua nga kundërshtari i tij si buf. Por doktori, që ka kaluar me dhjetëra fushata, kësaj radhe surprizoi me elokuencën.

Këto, u mundua t’i kompensonte me premtimet e tij madhështore.

Por doktori, më shumë se vetes, kësaj radhe i besonte kryemagjistarit të ardhur nga SHBA. Fushatuesi i tij Kris La Civita, që do të përmbyste çdo parashikim, e la doktorin shumicën e fushatës vetëm. Edhe kur erdhi, mbajti vetëm disa fjalime që nuk kalonin 3 minutat.

Nga krahu tjetër, kryesocialisti Edi Rama në fushatën për mandatin e katërt, uli ritmin në marshin e katërt. Dhe ky ritëm më i ngadaltë, e nxori nga rruga nja dy herë.

Të rinjtë në fushatë, jot ë gjithë e përballuan stresin. Shqipëria ndoshta dhe bëhet, por Saranda jo. Kandidati i Lapajt në qytetin e jugut, u kap me kokainë dhe nga mitingu përfundoi në qeli. E kisha nga lodhja, u tha policëve, dhe u lirua një ditë më vonë.

Një tjetër yll premtues, që synon parlamentin, është Klevis Balliu. Inteligjenca e tij kishte munguar prej kohësh në një fushatë elektorale.

Një tjetër personazh i pazbuluar ishte dhe Tomor Alizoti. Dikur thoshte se ishte rrogëtar, por kësaj radhe shfrenoi fantazitë e tij.

Por intelektualët nga qytetarët, nuk dallojnë shumë në PD. Në këtë aspekt, Berishës i dha një dorë Rama. Dhe i zbuloi një xhevahir të pazbuluar në Korçë. Por Vrenozi, refuzoi piktorin, dhe zgjodhi doktorin.

Megjithatë, disa personazhe ishin më origjinalë. Xhelal Mziu dhe Bledjon Nallbati, nuk surprizuan. Thjesht treguan atë që dinë të bëjnë më mirë. Mziu grushtoi një zyrtar në Dibër, kurse Nallbati një kamionist në Bilisht.

Kjo fushatë nuk pati vetëm grushte. Por edhe romanca, ndonëse në distancë. Zengjine Çaushi, ylli i fushatës së Fierit, bëri me turp, yllin e parlamentit Gazment Bardhit. Një romance kjo, qe nuk dha fryte./abcnews.al

 

Sali Berisha e përmbylli fushatën e PD me falenderime e mirënjohje, me besim të plotë që koalicioni i udhëhequr nga PD, ASHM, do të vijë në pushtet.

Fjala e Berishës në mitingun përmbyllës: 

Të dashur qytetare dhe qytetarë të Tiranës dhe mbarë Shqipërisë.

Vëllezër dhe motra, zonja dhe zotërinj.

Përshëndetjet e mia më të përzemërta ju që keni mbushur këtë bulevard, qytetarëve të Tiranës dhe mbarë Shqipërisë, vëllezërve dhe motrave tona në diasporë kudo që ndodhen donte, mirënjohjen më të pakufishme.

Të dashur miq të nderuar dhe të çmuar tanë, të pranishëm në këtë mbyllje madhështore të fushatës tonë.

Në emër tuaj, unë do i përcjell përshëndetjet më të përzemërta deputetit të Bundestagut gjerman, mikut të ditëve më të vështira të PD, opozitës shqiptare, Peter Beyer, i cili vjen sot këtu për të mbështetur fitoren e opozitës shqiptare dhe PD-në.

I nderuar zoti Beyer, mbetemi përjetë mirënjohës ndaj mbështetjes tuaj, por unë shfrytëzoj rastin tim nga kjo tribunë t’i përcjell përshëndetjet më të përzemërta kancelarit Friedrich Merz, të cilin pata rastin ta përshëndes në Valencia, dhe ta siguroj se për PD-në dhe opozitën shqiptare, fitorja e CDU-së, zgjedhja e kancelarit Merz në krye të ekzekutivit gjerman, në udhëheqje të Gjermanisë dhe Europës, konsiderohet një fat i madh, një vendim historik për Gjermaninë dhe Europën.

Siguroj se PD në qeveri do vendosë bashkëpunimin më të ngushtë me qeverinë e kancelarit Merz për rivendosjen e shtetit ligjor, ligjit, funksionimin e ekonomisë së tregut, për shndërrimin e Shqipërisë në një eksportues të mirash materiale, mallrash Made in Albania në Gjermani dhe Europë, dhe jo krim e refugjatë, siç është sot.

I dashur Lord Jackson, jemi jashtëzakonisht të nderuar me praninë tuaj këtu. Ardhja juaj në mbështetje të opozitës shqiptare dhe PD, është një ndihmë e çmuar, por është gjithashtu i një tradite të kahershme të bashkëpunimit të shkëlqyer të PD që në themelimin e saj dhe Partisë Konservatore të Britanisë së Madhe.

U siguroj se PD në pushtet do të konsolidojë gjithnjë e më shumë lidhjet dhe bashkëpunimin me Partinë Konservatore dhe vendin tuaj mik.

I dashur zoti Chris LaCivita, arkitekt i rikthimit më të madh në historinë e njerëzimit me votën e lirë, rikthimit të presidentit Donald Trump në Shtëpinë e Bardhë, mirënjohjen më të pakufishme ju për vendimin që morët të angazhoheni me të gjithë potencialin tuaj për rikthimin e PD-së dhe Sali Berishës në pushtet.

Emri juaj, ekspertiza juaj, u shndërrua me shpejtësi në eliksirin e kësaj fushate, në shpirtin e fitores së saj.

Ditën e parë, me konferencën e parë të shtypit, e shkallmove Edi Ramën duke i rënë tavolinës me grushta.

Do garantoj se nesër në mëngjes do i bjerë me kokë tavolinës.

Por i meriton të gjitha, ne jemi mirënjohës pafundësisht për vendimin që more për të na ndihmuar në një moment kritik për opozitën dhe Shqipërinë.

Dhe u garantojmë se PD në pushtet do të vendosë marrëdhëniet më miqësore, bashkëpunimin më të ngushtë me administratën e presidentit Donald Trump në të gjitha fushat.

The post Mbyllja e fushatës së PD/ Berisha: Më 12 Maj, Rama do t’i bjerë tavolinës me kokë appeared first on Lapsi.al.

Në mbyllje të fushatës së PS, Edi Rama deklaroi sot nga mitingu në Tiranë se partia Socialiste më 11 maj do të dalë me shumicën më të madhe ndonjëherë.

“Një pyetje kam, e keni seriozisht që doni të dëgjoni një fjalim timin tani? Tiranë e dashur, Shqipëri e shtrenjtë, vëllezër e motra socialistë. 

E nxorëm nga gërmadhat e viteve 90 e më pas e rilindëm. Ju jam mirënjohës nga zemra për praninë tuaj në këtë fushë dhe u rikthyem këtu, e gjithë skuadra e Tiranës tonë jo thjesht në takimin përmbyllës, por në kulmin e një tjetër rrugëtimi 4 vjecar, drejt majës ku ndodhet Shqipëria e Evropës së bashkuar.

Nuk besoj te rastësitë, nuk ka rastësi që ne jemi këtu në 9 maj në ditrën e evropës për të thënë fjalën e fundit të këtij rrugëtimi dhe për të shkuar së bashku me shumicën më të madhe ndonjëherë të shqiptarëve për të firmosur marrëveshjen evropiane, për Shqipërinë në BE” – u shpreh Rama.

“Më 11 maj, me shumicën më të madhe ndonjëherë, firmosim marrëveshjen për Shqipërinë në BE” – shpalli Rama.

The post Rama në mbyllje të fushatës: Të dielën marrim shumicën më të madhe ndonjëherë appeared first on Lapsi.al.

TIRANË- Pas takimeve elektorale maratonë nga veriu në jug, Partia Socialiste po mban këtë të premte mitingun përmbyllës të fushatës zgjedhore në Parkun Olimpik në Tiranë.

Mijëra simpatizantë dhe mbështetës të Partisë Socialiste të Tiranës janë mbledhur për të ulur siparin e fushatës zgjedhore, në kuadër të zgjedhjeve të 11 majit.

Partia Socialiste synon të fitojë mandatin e katërt qeverisë më 11 maj, ndërsa kreu i saj ka premtuar se vota e 11 majit është votë për rrugëtimin evropian të Shqipërisë.

Kryeministri i vendit Edi Rama në këtë takim përmbyllës shoqërohet nga bashkëshortja e tij, Linda Rama.

Ora- 19:45 – PS mbyll fushatën/ Manastirliu: Tirana ka folur në këtë fushatë, bashkë me PS për Shqipërinë europiane

Në mitingun përmbyllës të PS, Ogerta Manastirliu, teksa mbajti fjalën e saj, falënderoi të gjithë skuadrën e Tiranës për punën e vazhdueshme dhe për arritjen e rezultateve  sipas saj të suksesshme.

“Tirana ka folur në këtë fushatë, ka folur me qytetari, me zgjuarsi dhe me besimin për të sotmen dhe të ardhmen e Shqipërisë europiane me Edi Ramën dhe PS. Me skuadrën fituese kemi qenë në çdo cep për të thënë se 11 maji është një ditë historike dhe duhet të bëhemi të gjithë bashkë, me çdo njeri që beson tek ky vizion. Sot do të doja të ishim bashkë e gjithë skuadra e Tiranës, secili prej jush ka bërë një punë të jashtëzakonshme”, tha ajo.

Lajmi në përditësim….

Pasditen e sotme, Partia Socialiste dhe Partia Demokratike do të zhvillojnë në Tiranë tubimet e tyre përmbyllëse në kuadër të fushatës zgjedhore për zgjedhjet vendore të 11 majit 2025. Këto aktivitete përmbyllin zyrtarisht një muaj të ngjeshur fushate dhe i hapin rrugën heshtjes zgjedhore që nis menjëherë pas tyre, në pritje të ditës së votimit.

Të dy partitë e mëdha kanë paralajmëruar zhvillimin e mitingjeve të fundit në të njëjtën orë, në 19:00 të mbrëmjes. Partia Socialiste do ta mbajë aktivitetin e saj në Parkun Olimpik, ndërsa Partia Demokratike do të mbyllë fushatën në Bulevardin e Ri. Gazetarët Muhamet Veliu dhe Elda Menga kanë raportuar nga terreni për atmosferën dhe përgatitjet që po bëhen në skenat e dy forcave politike, pak orë përpara se të nisin mitingjet përmbyllëse.

The post Pak orë nga heshtja zgjedhore/ Kampi rozë dhe blu gati për takimin përmbyllës elektoral,si do duket podiumi i PS dhe PD appeared first on Sot News | Lajme.

Socialistët i kanë varur shpresat për fitore te gërryerja e votave të opozitës apo te pjesëmarrja e ulët në zgjedhje, ndërsa roli i partive të vogla pritet të jetë vendimtar për maxhorancën e ardhshme, veçanërisht në qarkun e Tiranës.

Palët politike janë duke bërë llogaritë e fundit mbi informacionin e siguruar nga makineritë elektorale përkatëse, ku perceptimi i përgjithshëm është se fati i zgjedhjeve të 11 majit do të varet nga dy faktorë: gatishmëria e elektoratit gri për të dalë në votime në mbështetje të ndonjërës prej palëve si dhe efekti aritmetikor i votave që partitë e vogla do të mund të marrin në qarqe të ndryshme, i kombinuar me faktin se shumë prej këtyre votave nuk do të mund të prodhojnë mandate, duke mundësuar më shumë mandate me më pak vota për dy grupimet e mëdha.

Rezultati i zgjedhjeve të kaluara tregon se me 49% të votave, Partia Socialiste arriti të sigurojë 74 mandate, por katër nga këto mandate erdhën drejtpërsëdrejti si pasojë e garimit veçmas të PD-së dhe LSI-së. Tani që këto dy parti garojnë bashkë, nëse rezultati i vitit 2021 del i njëjtë, PS bie në 70 mandate.

Gjithsesi, PS duket se i ka varur shpresat te fakti që një nga dy komponentët përbërës të koalicionit Shqipëria Madhështore, LSI, si makineri elektorale, duhet të ketë humbur terren akoma më shumë përgjatë katër viteve te fundit, ndërsa shumë prej elementëve të saj vendorë janë përthithur nga Partia Socialiste. Nëse makineritë vendore të ish-LSI-së, si fjala vjen, ajo e ish-deputetit Agron Çela në Shkodër apo e kryebashkiakut aktual të Himarës Vangjel Tavo në Gjirokastër, do të mund të transferojnë të njëjtën sasi votash te PS, maxhoranca do të mund të ruajë rezultatin në Gjirokastër, 3 me 1, ose do të mund ta përmirësojë atë të Shkodrës.

“Kafshimi i mollës së LSI-së” ka qenë në fakt shprehja që socialistët përdorën në zgjedhjet e vitit 2021 si strategji për fitoren në ato zgjedhje. Një analizë paszgjedhore e të dhënave sugjeron se në fakt, suksesi i socialistëve erdhi më shumë nga blerjet te PDIU se sa nga blerjet te LSI.

Llogari të tilla gjithsesi injorojnë faktin që populli nuk është dele dhe që njerëzit mund të ndryshojnë. Sakaq, ka të dhëna që sugjerojnë se edhe në qarqet tradicionalisht socialiste, qeverisja e gjatë të konsumon. Për shembull, të dhënat krahasimore të viteve 2017 e 2021 duket se sugjerojnë se elektorati i humbur i LSI-së ka pasur prirjen të shkojë te PD-ja më shumë se sa te PS-ja. Për shembull, në Fier, në vitin 2017, PS mori 104 mijë vota, por ra në 91 mijë në vitin 2021. LSI ra nga 21 mijë vota më 2017 në 12 mijë më 2021, por PD u rrit nga 47 mijë në 65 mijë. Dhe gjithashtu në Vlorë, socialistët ranë nga 65 mijë vota më 2017 në 59 mijë më 2021.

Qarqe tek dhe qarqe çift

Llogaria thjesht aritmetikore dhe sistemi zgjedhor i zgjedhur nga PD dhe PS përgjatë dy dekadave të fundit përcaktojnë disa telashe që janë në favor të njërës apo tjetrës palë. Telashi i parë lidhet me qarqet me numër mandatesh tek. Formula D-Hondt e mesatareve më të larta favorizon partinë më të madhe kundrejt partisë së dytë më të madhe, dhe partinë e dytë përkundrejt të tretës. Për shembull, nëse në një qark ka tre mandate për t’u ndarë, siç është rasti i Kukësit, dhe 100 votues zgjedhin mes dy partive, partia që merr 51 vota merr dy mandate ndërsa partia që merr 49 vota, merr një mandat. Në Shqipëri ka gjashtë qarqe të tilla: Kukës, Dibër, Lezhë, Shkodër, Berat dhe Tiranë. Siç e dalloni, katër nga gjashtë qarqet tek janë në veri të Shqipërisë dhe kanë tendencë tradicionale votimin për opozitën. Tirana dhe Berati kanë për tendencë votimin për të majtën. Rrjedhimisht, nëse në lojë do të ishin vetëm këto qarqe, socialistëve do t’i duhej të fitonin me përmbysje së paku një nga 4 qarqet me tendencë të djathtë për të kapur barazimin. Qarku që besohet se synohet për t’u fituar me përmbysje këto zgjedhje nga socialistët është Dibra. Me pesë mandate, Dibra ka votuar për opozitën më 2021, por PD fitoi me vetëm 278 vota më shumë. Gjithsesi, LSI fitoi në ato zgjedhje gati 4500 vota, të cilat, nëse i kanë mbetur asaj, dalin e teprojnë për ta ruajtur rezultatin 3 me 2 për opozitën. Për ta përmbysur Dibrën, PS-së i nevojitet të mbledhë të gjitha votat e LSI-së plus vota të tjera.

Po në të njëjtën mënyrë, një nga qarqet ku diskutohet për mandat është Kukësi, ku PD fitoi më 2021 me një diferencë prej 1,500 votash. Makineri të shumta elektorale janë duke vepruar në Kukës, përfshirë Socialdemokratët, gjë që nuk e bën përmbysjen të paimagjinueshme.

Berati është zona ku blerjet e PS nga LSI në vitin 2021 dështuan të sjellin rezultat në vota. Në Berat, PS humbi 3 mijë vota kundrejt vitit 2017, por arriti të sigurojë 5 nga 7 mandate për shkak se LSI nuk mori dot mandat dhe doli me vota të djegura. Në mënyrë që PS të ruajë rezultatin në mandate të vitit 2021, i duhet të përmirësojë rezultatin e saj të atyre zgjedhjeve me mijëra vota ose të shpresojë që partitë e reja të gërryejnë nga opozita ose që një pjesë e votuesve të opozitës më 2021 të mos dalin në zgjedhje. Secili prej këtyre skenarëve është i mundshëm, por shpresat e PS-së duket se lidhen me një përmirësim të mundshëm të rezultatit të tyre të votave të emigrimit. Për qarkun Berat sakaq kanë mbërritur 9,200 vota nga emigrimi, e barabartë kjo me 12% të votave të hedhura në 2021. Votat e emigrantëve gjithsesi duhet të vihen përballë mundësisë që një pjesë e votuesve të vitit 2021 të jenë larguar ndërkohë në emigrim dhe perceptimi i përgjithshëm është që mbështetësit tradicionalë të opozitës emigrojnë më shumë për shkak të mungesës së aksesit në strukturën shtetërore, të tilla si vendet e punës në sektorin publik.

Në çdo rast, përsëritja e rezultatit 5 me 2 në Berat ngjan shumë i vështirë për socialistët.

Në anën tjetër, misteri i madh i zgjedhjeve të së dielës është Shkodra. Qarku tradicionalisht i djathtë nxjerr 11 deputetë, por luhatshmëria në zgjedhjet e shkuara ka qenë ekstreme, nga 7 me 4 për PD-në më 2009, në 5 PD, 3 PS, 1 LSI dhe 2 PSD në zgjedhjet e kaluara. Aktualisht PSD dhe PS janë në konflikt pas katër vitesh aleance me Doshin, që deklaron si objektiv që të bëhet gurëkyç për qeverisjen e ardhshme, pra forcë përcaktuese për maxhorancën e Ramës. Doshi fitoi 3 mandate zgjedhjet e kaluara, 2 në Shkodër dhe 1 në Tiranë, ndërsa në zgjedhjet për pushtetin vendor u pozicionua për mandate shtesë edhe në qarqe të tjera.

Lezha, një qark gjithashtu me 7 mandate, është një gjëegjëzë relativisht më e thjeshtë. Herën e kaluar opozita fitoi 4 me 3, me vota edhe për një gjysmë mandati të pestë.

Tirana është gjithashtu qark që kësaj here ka numër tek mandatesh, por këtu situata është më e komplikuar dhe do të diskutohet gjerësisht më poshtë.

Qarqet çift

Ndërsa në qarqet me numër tek mandatesh formula favorizon forcën më të madhe, në qarqet çift, formula favorizon barazimin. Për shembull, nëse kemi një qark me 2 mandate dhe njëra palë fiton, fjala vjen, 60% të votave, pala humbëse merr një mandat gjithashtu.

Janë gjashtë qarqe me mandate çift dhe në të gjitha, socialistët kanë qenë në avantazh në zgjedhjet e kaluara. Këto qarqe janë Fieri, Durrësi, Elbasani, Vlora, Korça dhe Gjirokastra.

Në Durrës, PS mori 8 nga 14 mandate për shkak të votave të djegura të LSI-së, ndërsa në Elbasan mori 8 nga 14 mandate, por këtu me tepri votash. Në Vlorë mori 8 nga 12 mandate por mandati i tetë erdhi gjithashtu si pasojë e garimit veçmas të opozitës dhe në Gjirokastër gjithashtu. Në zgjedhjet e së dielës, PS duket se i ka varur shpresat në Durrës te blerjet nga LSI dhe PD për të ruajtur rezultatin e vitit 2021, ndërsa në Elbasan po shpreson të maksimizojë më tej votat e vitit 2021 për mandat të 9. Në Korçë, socialistët i fituan zgjedhjet e vitit 2021 me rezultat tepër të ngushtë dhe përmirësimi i tyre ose humbja e opozitës duhet të jetë e konsiderueshme në mënyrë që rezultati i të dielës të dalë nga barazimi i mandateve 5 me 5.

Si në qarqet tek ashtu edhe në ato çift, partitë e vogla pritet të marrin vota, por nëse do të marrin më shumë nga njëra palë apo nga pala tjetër, kjo është e vështirë të vlerësohet. Fakti është që ka më shumë parti të shkëputura nga Partia Demokratike se sa ka parti që hamendësohet se do të mund të gërryejnë nga elektorati tradicionalisht i majtë.

Tirana përcakton maxhorancën

Në total, në 11 nga 12 qarqet e vendit hamendësimi është që njëra palë mund të përmirësohet diku dhe të bjerë diku tjetër me një rezultat final të përafërt. Por loja e madhe do të luhet në Tiranë, qarku me 37 mandate, ku besohet se jeton pjesa më e madhe e elektoratit gri në vend, elektorat që, nëse zgjedhjet e shkuara tregojnë ndonjë gjë, tregojnë që këta janë mjaftueshëm të numërt si votues për të përcaktuar maxhorancën e ardhshme.

Këtu loja është e papërcaktuar për shkak se forca elektorale e partive të vogla është e panjohur. Në rast se pesë apo gjashtë parti të vogla fitojnë vota të mjaftueshme për, fjala vjen, 7 mandate, këto mandate i gërryhen respektivisht 4 forcës fituese dhe 3 forcës humbëse të zgjedhjeve të së dielës. Kaq mandate rrezikojnë shumicën e thjeshtë kombëtare të secilës palë. Por ekziston gjithashtu mundësia që të gjitha partitë e vogla të marrin, secila më vete, vota të pamjaftueshme për të prodhuar një mandat, ose vota të mjaftueshme për të prodhuar 1.9 mandate. Në rast se 5 apo 6 parti të vogla marrin nga 9 apo 10 mijë vota secila, 50 apo 60 mijë votat e tyre do të prodhojnë zero mandate dhe mandatet e humbura prej tyre do të ndahen respektivisht mes partisë së parë dhe partisë së dytë./BIRN

The post BIRN: Fushëbetejat përcaktuese të 11 majit, maxhoranca vendoset në Tiranë appeared first on Sot News | Lajme.

Kreu i PD-së, Sali Berisha ka mbajtur konferencën e fundit nga selia e PD-së para mbylljes së fushatës elektorale mbrëmjen e sotme, e cila i paraprin heshtjes zgjedhore. Berisha u shpreh se kjo është konferenca e tij e fundit si kryetar opozite, sepse pas 12 Maj do të jetë në maxhorancë.

Ai theksoi se këtë e ka ndjerë çdo shqiptar, por më së shumti kryeministri Edi Rama, theksoi Berisha.

“Do të jetë konferenca ime e fundit si kryetar opozite, pasi pas datës 12 Maj kjo opozitë do të bëhet maxhorancë e Shqipërisë.

E ka ndjerë çdo shqiptar, është ndjesia më reale, por në mënyrën më të frikshme e ka ndjerë Rama”, tha Berisha.

The post Sot mbyllet fushata elektorale/ Paralajmëron Berisha: Kjo do të jetë konferenca ime e fundit si kryetar opozite appeared first on Sot News | Lajme.

Sonte në mesnatë mbyllet fushata zgjedhore. Pas një muaji në terren, partitë politike mbyllin sot fushatën dhe më 11 maj qytetarët shqiptarë do t’i drejtohen kutive të votimit.

Dy forcat më të mëdha politike, Partia Socialiste dhe Partia Demokratike me aleatët do ta mbyllin fushatën në Tiranë, qarkun për të cilin zhvillohet beteja më e fortë për 11 mandatet.

Partia Socialiste ka njoftuar se mitingu përmbyllës do të mbahet në orën 19:30 pranë Parkut Olimpik. Nga ana tjetër, Partia Demokratike do të mbajë mitingun e saj përmbyllës në Bulevardin e Ri, duke nisur nga ora 19:00.

Kryesocialisti Edi Rama kërkon një mandat të katërt qeverisës, ndërsa opozita, e përbërë nga PD dhe aleatët e saj kërkon qeverisjen për 4 vitet e ardhshme. Për herë të parë, partitë e reja ‘kërcënojnë’ binomin PS-PD dhe kërkojnë vende në Kuvend.

Në këtë muaj fushate, PS e ka përqendruar fokusin te integrimi evropian. Kryesocialisti Edi Rama deklaron se vetëm me PS, rrugëtimi evropian do të bëhet i mundur.

Nga ana tjetër, kreu i PD, Sali Berisha flet për ndryshim, ndërsa drejtuesit e partive të tjera të reja kërkojnë votën e shqiptarëve për të larguar klasën e vjetër politike.

E shtuna, 10 maj, shënon heshtjen zgjedhore, ku ndalohet çdo lloj  politik, publikim sondazhesh apo thirrje elektorale, ndërsa të dielën e 11 majit 3.7 milionë shqiptarë do të votojnë për Kuvendin e ri.

The post E SHTUNA, HESHTJE! Në mesnatë mbyllet fushata, PS dhe PD, sot mesazhet e fundit nga Tirana për 3.7 milionë votuesit e së dielës appeared first on Albeu.com.

Emisioni “Xhadat” ishte në Fushë – Krujë në takimin përmbyllës që Edi Rama zhvilloj atje, të mërkurën, më 7 maj, ora 11:00 ku faktoj se si punonjës të Njësisë Administrative Fushë-Krujë dolën në takimin elektoral gjatë orarit të punës dhe po ashtu dhe nxënës të shkollës së mesme “Shote Galica”. Punonjësi që u ndoq nga […]

The post Faktet me VIDEO/ Si Rama përdori administratën dhe nxënësit në mitingun e Fushë-Krujës appeared first on BoldNews.al.

Teksa na ndajnë vetëm 3 ditë nga zgjedhjet e 11 Majit, është rikthyer në Shqipëri edhe Chris LaCivita, këshilltari amerikan i fushatës së demokratrëve, teksa ditën e sotme ka qenë prezent në mitngun e Shkodrës. Gjatë fjalës së tij, LaCivita tha se tani ka ardhur koha që të rrëzojnë Edi Ramën, korrupsionin, dështimin ekonomik dhe […]

The post LaCivita rikthehet në fushatën e PD: Ne kemi besim te Berisha, ka ardhur koha të rrëzoni Ramën appeared first on BoldNews.al.