Tre kryetarë bashkie u arrestuan në tre qytete të mëdha në Turqinë jugore, sipas Reuters, duke vazhduar një seri arrestimesh të politikanëve të opozitës në vend.

Kryetarët e bashkive Abdurahman Tutdere nga Adiyamani, Zeydan Karalar nga Adana dhe Muhitin Bocek nga Antalia u arrestuan në bastisjet e kryera nga policia turke.

Kryetarët e arrestuar të bashkive janë anëtarë të partisë kryesore të opozitës, Partisë Republikane Popullore (CHP).

Tutdere dhe Karalar u arrestuan si pjesë e një hetimi të nisur nga Zyra e Prokurorit të Përgjithshëm Publik të Stambollit, i cili përfshin akuza për krim të organizuar, ryshfet dhe manipulim tenderash.

Karalar u arrestua në Stamboll, ndërsa Tutdere u ndalua në Ankara.

Të dy thanë në mediat sociale se u transferuan në Stamboll për hetime të mëtejshme.

Një rast i ngjashëm ndodhi në Antalia, ku Bocek u arrestua së bashku me dy të dyshuar të tjerë.

Ky hetim, i cili u krye në një rast të veçantë që lidhet me ryshfetin, përfshin edhe shumë të dyshuar të tjerë.

Arrestimet e fundit vijnë pas një vale arrestimesh të politikanëve të CHP-së në muajt e fundit, më së shumti pasi kryetari i bashkisë së Stambollit, Ekrem Imamoglu, u burgos në mars për akuza për korrupsion.

Që atëherë, Imamoglu është bërë një figurë kyçe në opozitë dhe kandidati zyrtar presidencial në zgjedhjet e ardhshme.

 

 

 

 

The post Turqi, 3 kryebashkiakë të opozitës arrestohen në hetimin për korrupsion appeared first on Euronews Albania.

Pas më shumë se katër vitesh në burg, lideri i opozitës bjelloruse, Sergei Tikhanovsky, është liruar nga autoritetet bjelloruse.

Ky vendim erdhi menjëherë pas një takimi të papritur mes presidentit Alexander Lukashenko dhe të dërguarit të presidentit amerikan Donald Trump, Keith Kellogg, në Minsk.

Lajmin e bëri të ditur bashkëshortja e tij dhe tashmë lidere e opozitës, Svetlana Tikhanovskaya, përmes një postimi në platformën X.

“I LIRË. Është e vështirë të përshkruaj gëzimin që ndjej në zemër,” shkroi ajo, duke publikuar edhe një video ku Tikhanovsky shihet duke e përqafuar atë i buzëqeshur.

Ajo falënderoi presidentin amerikan Donald Trump, të dërguarin e tij Keith Kellogg, si dhe aleatët europianë, duke theksuar se autoritetet amerikane ndihmuan në lirimin e bashkëshortit të saj.

Tikhanovsky, bloger dhe aktivist i njohur, u dënua në vitin 2021 me 18 vite burg për akuzat e “organizimit të trazirave” dhe “nxitjes së urrejtjes”, ndërsa më vonë mori edhe 18 muaj shtesë për “mosbindje ndaj autoriteteve”.

Ai ishte arrestuar në vitin 2020, pak javë përpara zgjedhjeve presidenciale, ku synonte të kandidonte kundër Lukashenkos.

Pas arrestimit të tij, bashkëshortja e tij, Svetlana, mori vendin në garë dhe u kthye në simbol të opozitës bjelloruse, megjithëse zgjedhjet u konsideruan të manipuluara nga shumica e vëzhguesve ndërkombëtarë. Sipas mediave ndërkombëtare, Tikhanovsky ka mbërritur tashmë në Vilnius të Lituanisë së bashku me 13 të burgosur politikë të tjerë, në një lëvizje që shihet si pjesë e një marrëveshjeje diplomatike më të gjerë.

The post Lirohet nga burgu pas katër vitesh lideri i opozitës në Bjellorusi appeared first on Lapsi.al.

Kandidati liberal i Koresë së Jugut, Lee Jae-Myung, fitoi zgjedhjet e parakohshme presidenciale. Në fjalimin e fitores ai tha përpara mbështetësve, se do të ketë qëllim si president, që të bashkojë popullin.

Numërimet paraprake të votave dhe sondazhet e nxirrnin Lee-në në fitore me diferencë të konsiderueshme. Fitorja e tij pritet të sjellë një ndryshim politik në Korenë e Jugut, pas krizës politike të krijuar me ligji ushtarak të miratuar nga paraardhësi i tij Yoon Suk Yeol.

Lee, para mbështetësve të mbledhur jashtë parlamentit, tha gjithashtu se do të gjente një mënyrë që vendi të bashkëjetonte me Korenë e Veriut nëpërmjet dialogut dhe komunikimit.

The post Zgjedhjet presidenciale/ Lideri i opozitës në Korenë e Jugut, Lee Jae-Myung triumfon në ‘garë’ appeared first on Sot News | Lajme.

Opozitari i njohur venezuelian Juan Pablo Guanipa, një aleat i ngushtë i udhëheqëses së opozitës María Corina Machado, u arrestua për dyshimin se drejtoi një komplot terrorist, tha sot Ministri i Brendshëm i vendit Diosdado Cabello.

“Ai mendonte se ishte i paprekshëm, i padukshëm”, tha Cabello në një deklaratë të transmetuar në televizionin shtetëror, duke treguar pamje të Guanypës, i veshur me jelekë mbrojtës, duke u arrestuar nga agjentë të maskuar, raportoi Reuters.

Cabello shtoi se 70 persona, përfshirë të huaj, janë ndaluar deri më tani për dyshime se kanë komplotuar për të kryer sulme gjatë zgjedhjeve rajonale dhe legjislative të së dielës.

Guanipa tha në një deklaratë të postuar në llogarinë e tij në rrjetin social X se arrestimi i tij ishte motivuar nga frika e qeverisë nga populli venezuelian dhe votat e tyre në zgjedhjet e vitit të kaluar.

“Vëllezër, nëse po e lexoni këtë, kjo ndodh sepse u rrëmbeva nga forcat e regjimit të Nicolas Maduros. Nuk e di çfarë do të më ndodhë në orët, ditët dhe javët në vijim. Por jam i sigurt se do ta fitojmë këtë luftë të gjatë kundër diktaturës”, tha Gwanipa.

Vëllai i Guanipas, Pedro, u arrestua në shtator të vitit të kaluar, për dyshime për korrupsion në zyrën e kryetarit të bashkisë në Maracaibo, ku ai ishte zyrtar.

 

The post Arrestohet lideri i opozitës venezueliane Juan Pablo Guanipa appeared first on Euronews Albania.

Kreu i KQZ-së, Ilirjan Celibashi, u është përgjigjur akuzave të opozitës për manipulim të votave të diasporës.

Celibashi deklaroi se i gjithë procesi ka qenë i monitoruar nga përfaqësuesit e partive politike dhe nga kamerat 24/7.

Gjithashtu, Celibashi tha se nuk ka pasur fletë të shtuara dhe as vota të trafikuara.

Është me rëndësi ta theksoj, të gjitha partitë politike e dinë këtë, që procesi i përgatitjes së dokumentacionit zgjedhor në Parkun Olimpik, dorëzimi i dokumentacionit tek operatori i shërbimit postar, është një proces që garanton 100% integritetin e procesit të votimit nga jashtë.

Kjo vlen edhe për rastin e kthimit të dokumentacionit zgjedhor nga DHL tek KQZ. Gjithë ky segment është zhvilluar nën mbikëqyrjen e përfaqësuesve të partive politike, të organizatave të shoqërisë civile. Ka qenë 24.7 i monitoruar nga kamerat.

Kreu i KQZ-së, Ilirjan Celibashi i është përgjigjur akuzave të opozitës për manipulim të votave të diasporës. Celibashi deklaroi se i gjithë procesi ka qenë i monitoruar nga përfaqësuesit e partive politike dhe nga kamerat 24/7.

Celibashi tha se nuk ka pasur fletë të shtuara dhe as vota të trafikuara.

Është me rëndësi ta theksoj, të gjitha partitë politike e dinë këtë, që procesi i përgatitjes së dokumentacionit zgjedhor në Parkun Olimpik, dorëzimi i dokumentacionit tek operatori i shërbimit postar, është një proces që garanton 100% integritetin e procesit të votimit nga jashtë.

Kjo vlen edhe për rastin e kthimit të dokumentacionit zgjedhor nga DHL tek KQZ. Gjithë ky segment është zhvilluar nën mbikëqyrjen e përfaqësuesve të partive politike, të organizatave të shoqërisë civile. Ka qenë 24.7 i monitoruar nga kamerat.

The post Ilirjan Celibashi u përgjigjet akuzave të opozitës: S’ka fletë të shtuara dhe as vota të trafikuara appeared first on Albeu.com.

Partia Demokratike po zhvillon këtë të premte një protestë, e cila ishte paralajmëruar para disa ditësh nga lideri i Partisë Demokratike, Sali Berisha.

Protesta po zhvillohet në të njëjtën kohë kur në Tiranë po mbahet edhe Samiti i VI i Komunitetit Politik Europian. Policia nuk e ka lejuar zhvillimin e kësaj protestë brenda perimetrit të sigurisë së vendosur për mbarëvajtjen e Samitit, ndaj protesta po mbahet në kryqëzimin pranë Ministrisë së Drejtësisë.

I pranishëm në protestë ka qenë edhe deputeti i Partisë së Lirisë, Tedi Blushi. I pyetur nga gazetari i Euronews Albania, Ardit Hoxha, nëse Tedi Blushi do tërhiqet nga mandati i tij duke bërë që ky mandat deputeti ti kalojë kreut të PL-së Ilir Metës, Blushi u përgjigj:

“Ju lutem të respektojmë protestën e qytetarëve për lirinë e votës. Të jeni të sigurt që Tedi Blushi dhe struktura e Partisë së Lirisë nuk kanë punuar asnjë ditë kundër Ilir Metës. Këtë pyetje duhet t’ia bëni atyre që kanë punuar ditë e natë kundër Ilir Metës. Ju e dini kush fshihet mbrapa, në kohën e duhur do i keni edhe këto përgjigje”,-tha sekretari i përgjithshëm i Partisë së Lirisë.

The post A do tërhiqet nga mandati që të hyjë Meta në parlament? Përgjigjet Tedi Blushi appeared first on Euronews Albania.

Pas pak, rreth orës 17:00, pritet të nisë protesta e opozitës pranë ministrisë së Drejtësisë, në kryqëzimin e Bulevardit Zogu I me rrugën Fortuzi.

Protesta e thirrur nga kreu i PD-së Sali Berisha mbahet paralelisht me punimet e Samitit të Komunitetit Politik Europian në qendër të Tiranës, ku janë mbledhur gjithë liderët e Europës.

Ndërkohë në zonën e Ministrisë së Drejtësisë ka prani të forcave policore, të angazhuar për mbarëvajtjen e protestës, si dhe janë vendosur kangjella për moslejimin e kalimit nga ministria e Drejtësisë për në qendër.

Berisha e thirri këtë protestë pas rezultatit në zgjedhje ku humbi përballë PS-së së Edi Ramës, pasi sipas tij këto votime ishin farsë elektorale, të manipuluara. Berisha ka si qëllim të ndërgjegjësojë liderët e Europës për mënyrën si Edi Rama zhvillon zgjedhje në Shqipëri.

The post Protesta e opozitës: Policia pozicionohet në terren, blindon Ministrinë e Drejtësisë appeared first on Sot News | Lajme.

Në analizën e saj për humbjen e opozitës në zgjedhjet e 11 majit, aktivistja Evi Kokalari nuk ka kursyer komentet për deputetët e PD, kryesisht Alizotin, Kokalari thotë se nuk mund të fitohet me njerëz si Tomor Alizoti. Përmes një postimi në Facebook Kokalari shprehet se nuk ka asnjë simpati për Alizotin ndërsa thekson se komunikimi i tij lë shumë për të dëshiruar.

“Nuk kam asnjë simpati për Tomor Alizotin. Mendoj që është totalisht ‘overrated’. Komunikimi i tij lë shumë për të dëshiruar. Gjatë betejave midis Berishës dhe Bashës, pra gjatë foltoreve, ky ndenji në hije dhe nuk u pozicionua. Ndërkohë ti thuash gjysmës të Shqiptarëve se ‘do t’ju hamë të gjallë’ është diçka që nuk përfaqëson aspak të djathtët dhe aq më tepër të persekutuarit. Realisht është ‘overrated’ që do të thotë, i mbivlerësuar pa asnjë justifikim”, shkruan ajo.

The post “Si mund të fitosh me një njeri si Tomor Alizoti”/ Shpërthen Kokalari: I thotë gjysmës së popullsisë ‘do iu hamë… appeared first on Sot News | Lajme.

Xhemal Qefalia, Deputeti i Partisë Socialiste dhe kandidat ka komentuar situatën politike në një studio televizive, duke përfshirë zgjedhjet e 11 majit.  Qefalia u shpreh se afrimi i ditës së zgjedhjeve ka sjellë një rritje të tensioneve, por theksoi se fushata elektorale ka qenë e qetë dhe normale deri tani. Ai komentoi gjithashtu ankesat e opozitës, duke i konsideruar ato si një përpjekje për të justifikuar humbjen që sipas tij do të pësojnë në 11 maj.

“Besoj se ankesat e fundit janë pjesë e një strategjie për të argumentuar humbjen. Ne kemi miratuar ligje për të ndaluar abuzimin me votën dhe kushdo që terrorizon qytetarët do të përballet me drejtësinë”, tha Qefalia, duke shtuar se fushata ka qenë e qartë dhe e sigurt për qytetarët. Sakaq, ai inkurajoi prokurorinë dhe policinë që të mbeten të vëmendshëm dhe të sigurojnë që votat e qytetarëve të numërohen siç duhet.

The post “Ankesat e opozitës, justifikim për humbjen në 11 maj”/ Deputeti i PS-së, Qefalia: Do të përballen me drejtësinë… appeared first on Sot News | Lajme.

Paraditen e sotme, në takimin e Kryeministrit Edi Rama me gratë e vajzat Kavajës, zhvilluar në pallatin e kulturës “Mustafa Krantja”, drejtuesja politike e qarkut Tiranë, Elisa Spiropali u shpreh se; “vajzat e gratë e Kavajes nuk duan të kthehen në gropë dhe në kënetë, por ta çojmë Shqipërinë në Bashkimin Europian, që qytetarët shqiptarë me Pasaportën Europiane, pasaportën e dinjitetit, të bëhen të të barabartë me qytetarët europiane.

Aleanca e vjeturinave na paska nxjerrë nga gropa një kandidat me mbiemrin Roshi. Kur janë me ne, i quajnë kriminelë; kur zhyten në kënetë, i shesin si të pastër! Më 11 maj japim shembullin e fortë që gratë e Kavajës do të votojnë për numrin 5 PS dhe Ramën.

Më 11 Maj gratë dhe vajzat e Kavajës do e thajnë kënetën, do i prijnë fitores.

Zgjedhja sot është e qartë: O me interesin kombëtar, o për hallin e një njeriu të vetëm; o me Shqipërinë, o me hallin e një familjeje të vetme; o me Ramën në Europë, o me ata e në gropë.

Ne nuk luftojmë për pushtet, qeverisja jonë është një mjet për t’u shërbyer shqiptarëve. Bashkë me gratë dhe vajzat e Kavajës, do ta nxjerrim Kavajën në krye të vendit”, tha ajo.

The post S`përmbahet Elisa Spiropali, shpërthen keq ndaj opozitës: Kur janë me ne, i quajnë kriminelë, kur zhyten në kënetë, i shesin si të pastër… appeared first on Albeu.com.

Një gjykatë tuniziane ka shpallur dënime të ashpra me burg, që variojnë nga 13 deri në 66 vjet, ndaj dhjetëra liderëve të opozitës, biznesmenëve, avokatëve dhe gazetarëve të profilit të lartë, nën akuza për komplot kundër sigurisë së shtetit dhe pjesëmarrje në një grup terrorist.

Lajmi u bë i ditur të shtunën nga agjencia shtetërore e lajmeve TAP, zhvillim ky i cili ka shkaktuar një valë kritikash të ashpra nga opozita dhe organizatat për të drejtat e njeriut, të cilat e cilësojnë procesin gjyqësor si një farsë politike dhe një shenjë të shtimit të autoritarizmit nën udhëheqjen e presidentit Kais Saied.

Në total, 40 persona janë ndjekur penalisht në këtë çështje, përfshirë emra të njohur të politikës dhe medias tuniziane. Më shumë se 20 prej tyre janë larguar nga vendi që nga momenti i ngritjes së akuzave. Midis të pandehurve që ndodhen në paraburgim që prej vitit 2023 janë figura të njohura si Ghazi Chaouachi, Issam Chebbi, Jaëahar Ben Mbrak, Abdelhamid Jlassi, Ridha Belhaj dhe Khyam Turki.

“Në tërë jetën time nuk kam qenë dëshmitar i një gjyqi si ky. Është një farsë. Vendimet janë të parapërgatitura dhe ajo që po ndodh është skandaloze dhe e turpshme,” u shpreh avokati i të pandehurve, Ahmed Souab, pak para dhënies së vendimit.

Autoritetet tuniziane pretendojnë se të akuzuarit, përfshirë edhe ish-zyrtarë të lartë si ish-kreu i inteligjencës Kamel Guizani, kanë komplotuar për të destabilizuar vendin dhe për të rrëzuar regjimin aktual.

Por opozita e hedh poshtë këtë version, duke e konsideruar një përndjekje politike të orkestruar nga Presidenti Saied, i cili që nga viti 2021 ka shpërbërë parlamentin dhe ka qeverisur përmes dekreteve, ndërsa në vitin 2022 shpërndau edhe Këshillin e Lartë Gjyqësor, institucionin që garantonte pavarësinë e drejtësisë.

“Ky regjim autoritar nuk ka asgjë për t’u ofruar tunizianëve përveç më shumë shtypje,” deklaroi Hamma Hammami, lider i Partisë së Punëtorëve, një nga forcat kryesore të opozitës.

Presidenti Saied ka mohuar akuzat për autoritarizëm, duke thënë se veprimet e tij synojnë të luftojnë kaosin dhe korrupsionin e përhapur brenda elitës politike të vendit.

LEXONI GJITHASHTU:

• Kërcënimi i Trump dhe marrëveshja për mineralet: Sa e sigurt është Ukraina?
• Marrëveshje bërthamore, Irani dhe SHBA do të zhvillojnë bisedime në Romë

The post Gjykata tuniziane dënon figurat e opozitës me 13 deri në 66 vjet burg appeared first on Euronews Albania.

Qeverisja e Agim Aliut në Ferizaj po vazhdon të kritikohet nga opozita (LDK, LVV) për cilësi të projekteve të ndryshme kapitale dhe për projekte madhore që kanë përfunduar.

Nënkalimi i qytetit, ani pse është përfolur më së shumti si projekti më kapital dhe që ka zgjidhur çështjen e kolonave brenda qytetit dhe intervenimeve të shpejta të organeve kompetente, ky projekt po vazhdon të kritikohet nga opozita me gjuhë denigruese e fyerje.

Kritikat e opozitës gjatë ditëve të fundit kanë vazhduar në forma të ndryshme dhe për projekte të tjera, përmes komenteve e publikimeve të ndryshme në rrjetet sociale nga militant të ndryshëm të subjekteve politike opozitare. Të gjitha këto, pas prezantimit të raportit vjetor të punës së kryetarit Agim Aliu.

Kryetari Aliu, nëpërmjet një postimi ka kritikuar subjektet opozitare në këtë qytet për shpifje të ndryshme, fyerje e gjuhë denigruese, madje edhe shantazhe.

Aliu, ka shpjeguar se vetëm e vërteta i shërben qytetarëve ndërkaq shpifjet nuk kalojnë.

Aliu ka shpjeguar se ndërtimi i nënkalimit ka treguar rezultate pozitive dhe ka ndikuar që organet përkatëse të realizojnë intervenimet më të shpejta brenda Republikës së Kosovës për t’i dalë në ndihmë qytetarëve.

“Ne e kemi ndryshuar qytetin por nuk e kemi ndryshuar opozitën sepse ata e kanë për obligim ta ndryshojnë vetën e tyre në mënyrë që të fitojnë besim te qytetarët. Ta kemi parasysh për ata që e luajnë rolin e moralistëve në Kuvend, ata kanë qenë penguesit kryesor të zhvillimit ekonomik dhe të përgjithshëm të Ferizajt. Unë nuk kam folur për të kaluarën sepse e kemi pasur të qartë besimin e qytetarëve se pse jemi këtu për të qeverisur, pra qytetarët kanë dashur ta ndërtojnë të ardhmen e tyre përmes një besimi të shfaqur përmes nesh”, ka thënë Aliu.

Aliu ka shpjeguar se në politikë dhe në qeverisje kanë treguar edukatë, kulturë e profesionalizëm, por nuk do të lejojnë që opozita të bën shpifje e fyerje nga më të ndryshme.

“Jo me fyerje e ofendime sepse ato janë përtej ADN-së së tyre. Pra mund të kritikohet raporti i punës, por jo në atë mënyrë të fyerjeve”, ka thënë Aiu.

Sipas Aliut, opozita vazhdimisht e përmend prokurorinë dhe përmend skandale që nuk ekzistojnë.

“Jam krenarë që qeverisja jonë nuk ka pasur dhe nuk do të ketë skandale të pretenduara për ata që flasin. Ne jemi qeverisje që i kemi bërë ftesë Prokurorisë që çdo ditë të punës sonë ta heton sepse neve na bën më me peshë dhe më me përgjegjësi e kujdes të shtuar ligjor. Madje jemi qeverisja e vetme që kemi bashkëpunuar dhe kemi qenë sinjalizues për ta hetuar çdo punë brenda komunës, kjo sepse po bëjmë punë transparente dhe llogaridhënies pa korrupsion e pa krim të organizuar”,ka shtuar Aliu./Telegrafi/ 

The post Kryetari Agim Aliu kritikon opozitën për shpifje, gjuhë denigruese, fyerje e shantazhe appeared first on Telegrafi.

Drejtësia është shndërruar në një armë politike të fuqishme në duart e regjimit, kundër opozitës, tha gjatë fjalës së tij në tryezën për drejtësinë kreu i PD-së, Sali Berisha.

‘Një drejtësi e cila në vitin elektoral, arreston si persona nën hetim drejtuesit e tre partive kryesore opozitare’, theksoi kryedemokrati Sali Berisha.

Sipas tij, ‘ky është një sistem strikt policesk, të arreston polici dhe të lënë aty, nuk flet më kush me ty.

Dhe aty janë bërë 62 përqind të burgosurve janë të paraburgosur. As diktaturat më të ashpra nuk kanë këtë përqindje’,.

Pjesë nga fjala e kreut të PD, Sali Berisha:

E treta, po kaq e rëndësishme.

Është zhdukur në këtë sistem prezumimi i pafajësisë, parimi themelor i prezumimit të pafajësisë.

Po të shkoni në popullatën e burgjeve, 62 përqind e të burgosurve në këtë vend janë të paraburgosur, persona nën hetim, persona që absolutisht shumica e tyre nuk duhet të ishin aty ku janë.

Por ky është një sistem strikt policesk, të arreston polici dhe të lënë aty, nuk flet më kush me ty.

Dhe aty janë bërë 62 përqind të burgosurve janë të paraburgosur.

As diktaturat më të ashpra nuk kanë këtë përqindje.

Po kjo ekziston se këtu nuk ka prokurorë dhe gjykatës.

Për të zbardhur vendimin i duhen 4 apo 5 muaj apo të fusësh mik për të zbardhur vendimin.

Tani, këto janë konsekuencat e rënda për qytetarin shqiptar.

Kemi edhe një problem tjetër të dokumentuar, faktik.

Kjo drejtësi ka krahun e saj politik të pamohueshëm.

Krahun politik, i cili në një moment të caktuar, në një vit elektoral, së pari në mënyrë antikushtetuese bën amnistinë e krimit elektoral.

Dosjet që ju i dini të gjithë, janë dosje të bazuara në regjistrime zyrtare, konform procedurave ligjore, 100 përqind të vlefshme. Dy dosjet, e Peshkopisë dhe e Durrësit.

Por ato, kreu i afërmendshit i hedh në kosh sepse aty del kryeministri në të dy dosjet. Del kryeministri si kapo i krimit elektoral në ato dosje.

Mirëpo nuk ka akt më të rëndë se sa amnistimi i krimit elektoral.

Sepse ajo faktikisht përbën licencë për bllokimin e rotacionit të pushtetit.

Përbën licencë për përdorimin e krimit dhe manipulim të vullnetit të zgjedhësve.

Së dyti, e thashë edhe më sipër, një drejtësi e cila në vitin elektoral, arreston si persona nën hetim drejtuesit e tre partive kryesore opozitare.

Sjellje identike me Zajedin e Tunizisë. Por Zajedi, në dallim me Zajedin e Tiranës, asnjërin prej tyre nuk e dhunoi publikisht në mes të rrugës siç veproi Lukashenko i Tiranës me Ilir Metën.

Apo siç vepruan me marrje mandatesh të Fredi Belerit dhe Ervin Salianjit.

Pra, është shndërruar në një armë politike e fuqishme në duart e regjimit.

The post Berisha: Kjo drejtësi është një armë në duart e regjimit kundër opozitës appeared first on Lapsi.al.

Në emisionin “Now” të kësaj të enjte, u diskutua lidhur me zgjedhjet e 11 majit, betejën e votave si dhe programet e shpalosura nga partitë.

Etjen Xhafaj, kandidat për deputet i PS-së, ka hedhur poshtë akuzat që opozita ka ngritur ndaj Partisë Sociliste se ata ende nuk e kanë një program.

Xhafaj tha se programi ekziston, janë diskutuar një sërë pikash në një mbledhje të mbajtur me kryeministrin dhe pritet që ky program të bëhet publik ditën e nesërme.

“Prezantimi është bërë. Kemi pasur një mbledhje me kryeministrin të 189 kandidatët e PS, ku është prezantuar pjesa më e madhe e programit dhe pastaj sigurisht që do bëhet një format i cili do të jetë më ndërveprues për të gjithë qytetarët për ta prezantuar zyrtarisht nesër”, tha ai.

Si një person i njohur tashmë me programin, Xhafaj theksoi 3 nga pikat kryesore të programit me në fokus Bashkimin Evropian.

“Nga ana ekonomike programi është punuar prej muajsh duke patur parasysh kërcimin cilësor që Shqipëria ka bërë në këto vite. Fokusi kryesor do të jetë tek Bashkimi Evropian me të gjithë masat, përgatitjet dhe përafrimet si nga ana legjislative por edhe institucionale. Kemi marrë përsipër të mbyllim pjesën ligjore dhe negociatat deri në vitin 2027, dhe pastaj të vijojmë me pjesën politike.

3 fokuset kryesore janë tek energjia ku Shqipëria duhet të jetë një eksportues neto i energjisë, tek turizmi me fokusin e zhvillimit jo vetëm të pjesës bregdetare të vendit por nëpërmjet Paketës së Maleve dhe një sërë nismash të tjera të turizmit kulturor, fetar dhe bukurinë e natyrës, dhe pika tjetër ajo e inovacionit”, u shpreh kandidati i PS, Etjen Xhafaj.

LEXONI GJITHASHTU:

• Shqiptari flet nga Kenia: Njohja e Kosovës, goditje ndaj lobimit të fuqishëm serb
• Marta Kos: Shqipëria mbyll negociatat me Bashkimin Evropian në 2027-ën

The post Xhafaj hedh poshtë akuzat e opozitës: Programi do jepet nesër, ja pikat kryesore appeared first on Euronews Albania.

Protesta e opozitës e thirrur më 15 mars kundër vendimit të qeverisë për mbylljen e tij TikTok, do të zhvillohet përpara Kryeministrisë.

Mësohet se tubimi do të nisë para godinës qeveritare në orën 19:00.

Thirrje për protestë, u bë nga kreu i PD-së, Sali Berisha, pas vendimit të kryeminstrit Edi Rama, për të mbyllur platformën në Shqipëri për 1 vit.

“Akti i bllokimit të tij për faktin se me TikTok, të rinjtë po e kritikonin dhe e përqeshnin Edi Ramën është një akt brutal, është një intolerancë e tij ndaj mendimit ndryshe”, deklaroi Berisha.

The post Protesta e opozitës kundër mbylljes së TikTok, zbulohet ora dhe vendi ku do të zhvillohet appeared first on Albeu.com.

Në Shqipëri, opozita iu rikthye të shtunën pasdite protestave, por duke u mbledhur, në ndryshime nga më parë, vetëm përpara godinës së qeverisë. Përpara disa mijëra mbështetësve të tij, kryetari i Partisë Demokratike Sali Berisha, renditi një seri akuzash ndaj kryeministrit Edi Rama dhe afera korruptive të qeverisë së tij, duke u mbështetur më së

Më pak se dy orë zgjati protesta kombëtare e opozitës, e cila u mbajt sot para kryeministrisë. Pas përfundimit të fjalimit të kreut të PD, qytetarët nisën të shpërndahen duke mbyllur në këtë mënyrë protestën. Ndërsa Berisha u nis për ne aeroportin “Nënë Tereza”, pasi do të udhëtojë në Romë. Nga Roma, Berisha do të

Ndërkohë, që opozita ka dalë në shesh të protestojë, analisti Ibsen Elezi u shpreh se Sali Berisha ka humbur dhe nuk ka çfarë ndryshon më. Ai ka theksuar në ABC News se Berishës nuk ka për çfarë t’i duhet një shanc i ri.

“Shikoja një besim të verbër se Berisha do e ndryshoj, po jo mo nuk e ndryshon se s’ka si e ndryshon. Kështu thonë që ta provojmë dhe një herë, por çfarë ndodh… Kur një ‘lider’ paraqet mungesën e transparencës dhe çdo gjë kundër demokratëve, ky është shfazim i të gjithë kësaj skene politike”.

Ndërsa, gazetari Flogert Muça tha se demokratët bëjnë çfarë u thonë doktori. Sipas tij, liria “u vra” në boulevard dhe ishte pikërisht Berisha që e vrau si atë të medias dhe qytetarit.

“Mosha e Ibseni nuk e harron se çfarë I ka bërë votës Sali Berisha në 96 me kallash. E dyta, vota është masakruar dhe këtë e dinë të gjithë. Edi Paloka thotë se si kanë vjedhur votat për Bashën në vitin 2013. Këhstu që kjo është gjellë për militantët. Demokratët tani po I tha doktori që gomari fluturon, për ata fluturon. Doktori e ka vrarë lirinë e medias, lirinë e qytetarit, e ka masakruar në boulevard.

Arsyeja kryesore që aty nuk ka frymë dhe njerëz, është që a janë gati shqiptarët të amnistojnë Berishën, Metën dhe Mediun. Kanë shumë demokratë që janë të zhgënjyer. PD nuk është akoma gati të amnistojë Sali Berishën, për ato që ka bërë në shesh”./abcnews.al

Gazetari Flogert Muça ka komentuar protestën e opozitës, si të vakët, pasi ka kaluar orari i nisjes dhe shumë pak protestues janë mbledhur.

Në një lidhje me Skype për ABC News, ai u shpreh se protesta e opozitës këtë radhë është shumë e plogësht dhe pa entuzizëm nga protestuesit. Kjo sipas tij, pasi opozita e mbaroi misionin e saj dhe e mundi Lulzim Bashën, tani nuk ka shpresa për fitore në zgjedhje.

“Mesa duket demokratët nuk e kanë marrë me shumë zjarr protestën. Ata duhet të ishin aty për të pritur doktorin. Më bën përshtypje plogështia e protestës, që është e mefshtë. Faret se kujur do ja lëri fajin doktorin.

Kjo protesët nuk ka entuziazëm. Demokratët e fituan betejën e tyre, e mundën Lulzim bashën dhe ia dorëzuan partinë Berishën. Tani duan të mundin Edi Rama. Por besimi për një fitore të mundshme të demokratëve është pothuajse zero, me sa kemi dëgjuar nëpër tavolina.

Ka efektivë policie, operatorë, civilë, ka kureshtarë, por dallga më e madhe e protestuesve nuk është. Teksa presim, gjasat janë që të jetë një protestë si gjithë të tjerat me një pjesë të vogël në shesh”, tha gazetari./abcnews.al

Gazetari Andon Kello ka raportuar live nga selia blu në pritje të fillimit të protestës së opozitës.

“Në pritje të fillimit të protestës, edhe pse duket se do të nis me vonesë siç ka nisur gjithmonë. Demokratët janë në pritje të krydemokratit Sali Berisha, I cili do udhëheq protestën, që do filloi nga selia blu.

Kjo protestë është thirrur dhe ka marrë shkas disa akuza nga ish zv. Kryeministri Arben Ahmetaj, të cilat janë hedhur poshtë nga kryeministri Edi Rama”, tha ai.

Kjo protestë pritet të zgjasë deri në orën 20:00, pasi Berisha do të niset në Itali, ku do të startojë fushatën elektorale.

Ndërkohë, pritet të mbajë fjalim përmes një videomesazhi dhe Ilir Meta nga qelia.

Kjo protestë pritet të ketë shumë pak deputet, pasi ndodhen jashtë vendin, si në Britaninë e Madhe./abcnews.al