Vështirësitë për punësimin e të rinjve me arsim të lartë janë rritur ndjeshëm më 2025. Të dhënat e INSTAT në lidhje me papunësinë e të rinjve tregojnë se në 3-mujorin e parë të vitit 2024, shkalla e përgjithshme e papunësisë tek grup-mosha 15-24 vjeç ishte 24.0%, ndërsa në të njëjtën periudhë të vitit 2025 ajo ra në 22.3%, por tek te të rinjtë me arsim të lartë norma e papunësisë erdhi në rritje.

Në 2024, ky grup kishte shkallën më të ulët të papunësisë, 18.6%, por në 2025 ajo u rrit në 22.9%, duke tejkaluar edhe ata me arsim bazë dhe të mesëm. Kjo rritje sugjeron një përkeqësim të ndjeshëm në mundësitë e punësimit për të rinjtë e diplomuar në universitet, si pasojë mbingopjes me diploma në disa fusha, mospërputhjes me nevojat e tregut të punës apo mungesës së programeve efektive të integrimit profesional.

Për të rinjtë me arsim 8/9-vjeçar, shkalla e papunësisë është rritur nga 19.8% në 2024 në 22.1% në 2025.

Të dhënat e INSTAT tregojnë se, personat me arsimim bazë kanë pasur më pak mundësi punësimi krahasuar me një vit më parë. Një rritje e tillë po reflekton zhvendosje të kërkesës së tregut të punës drejt punonjësve më të kualifikuar ose dobësimin e sektorëve që zakonisht punësojnë fuqi punëtore më pak të arsimuar.

Ndërkohë, për të rinjtë me arsim të mesëm, papunësia ka pësuar një rënie të ndjeshme nga 28.5% në 22.1%. Ky është një ndryshim pozitiv, që e vendos këtë grup në të njëjtin nivel papunësie me ata me arsim bazë.

Ulja e fortë e papunësisë për këtë kategori tregon që individët me arsim të mesëm kanë përfituar nga një përmirësim i tregut të punës, ndoshta si rezultat i një rritjeje të kërkesës për punonjës me trajnim teknik apo profesional.

Të dhënat e tregut të punës për të rinjtë tregojnë një ulje të përgjithshme të papunësisë, por me tendenca të ndryshme sipas nivelit të arsimit. Ndërsa ata me arsim të mesëm kanë përfituar më shumë nga përmirësimi i tregut të punës, ata me arsim të lartë përballen me sfida të reja që kërkojnë vëmendje të veçantë nga politika publike dhe sistemi i arsimit të lartë.

Papunësia e të rinjve me diploma është një sinjal i keq për vendin, pasi përvoja ka treguar se shumë prej tyre në vend që të përpiqet të ndërtojnë jetën në vendin e tyre zgjedhin të emigrojnë. Largimi i të rinjve është përforcuar edhe më shumë pas pandemisë dhe kjo është alarmante në kohën kur numri i tyre po ulet me shpejtësi.

Grup-moshat e reja të popullsisë tonë po tkurren me ritme rekord më shumë se kudo tjetër në Europë. Nga viti 2011 në vitin 2023 grup-mosha 0-29 vjeç është reduktuar me 44 për qind sipas të dhënave nga censet.

Mosha mesatare në Bashkimin Evropian në Janar 2025 ishte 44.7 vjeç, ndërsa në Shqipëri sipas të dhënave të INSAT, mosha mesatare e popullsisë ishte 44.3 vjeç, ndërsa në 2015 mosha mesatare në Shqipëri ishte 27.2 vjeç./MONITOR

The post Rritet papunësia tek të rinjtë me arsim të lartë për 2025 appeared first on Lapsi.al.

Vështirësitë për punësimin e të rinjve me arsim të lartë, janë rritur ndjeshëm më 2025. Të dhënat e INSTAT në lidhje me papunësinë e të rinjve, tregojnë se në 3-mujorin e parë të vitit 2024, shkalla e përgjithshme e papunësisë tek grup-mosha 15-24 v-eç ishte 24.0%, ndërsa në të njëjtën periudhë të vitit 2025 ajo ra në 22.3%, por tek te të rinjtë me arsim të lartë norma e papunësisë erdhi në rritje.

Në 2024, ky grup kishte shkallën më të ulët të papunësisë, 18.6%, por në 2025 ajo u rrit në 22.9%, duke tejkaluar edhe ata me arsim bazë dhe të mesëm.

Kjo rritje sugjeron një përkeqësim të ndjeshëm në mundësitë e punësimit për të rinjtë e diplomuar në Universitet, si pasojë mbingopjes me diploma në disa fusha, mospërputhjes me nevojat e tregut të punës apo mungesës së programeve efektive të integrimit profesional.

Për të rinjtë me arsim 8/9-vjeçar, shkalla e papunësisë është rritur nga 19.8% në 2024 në 22.1% në 2025.

Të dhënat e INSTAT tregojnë se, personat me arsimim bazë kanë pasur më pak mundësi punësimi krahasuar me një vit më parë.

Një rritje e tillë po reflekton zhvendosje të kërkesës së tregut të punës, drejt punonjësve më të kualifikuar ose dobësimin e sektorëve që zakonisht punësojnë fuqi punëtore më pak të arsimuar.

Ndërkohë, për të rinjtë me arsim të mesëm, papunësia ka pësuar një rënie të ndjeshme nga 28.5% në 22.1%.

Ky është një ndryshim pozitiv, që e vendos këtë grup në të njëjtin nivel papunësie me ata me arsim bazë.

Ulja e fortë e papunësisë për këtë kategori, tregon që individët me arsim të mesëm kanë përfituar nga një përmirësim i tregut të punës, ndoshta si rezultat i një rritjeje të kërkesës për punonjës me trajnim teknik apo profesional.

Të dhënat e tregut të punës për të rinjtë tregojnë një ulje të përgjithshme të papunësisë, por me tendenca të ndryshme sipas nivelit të arsimit.

Ndërsa ata me arsim të mesëm kanë përfituar më shumë nga përmirësimi i tregut të punës, ata me arsim të lartë përballen me sfida të reja që kërkojnë vëmendje të veçantë nga politika publike dhe sistemi i arsimit të lartë.

Papunësia e të rinjve me diploma është një sinjal i keq për vendin, pasi përvoja ka treguar se shumë prej tyre në vend që të përpiqet të ndërtojnë jetën në vendin e tyre zgjedhin të emigrojnë.

Largimi i të rinjve është përforcuar edhe më shumë pas pandemisë dhe kjo është alarmante në kohën kur numri i tyre po ulet me shpejtësi.

Grup-moshat e reja të popullsisë tonë, po tkurren me ritme rekord më shumë se kudo tjetër në Europë.

Nga viti 2011 në vitin 2023 grup-mosha 0-29-vjeç, është reduktuar me 44 për qind sipas të dhënave nga censet.

Mosha mesatare në Bashkimin Evropian në Janar 2025 ishte 44.7-vjeç, ndërsa në Shqipëri sipas të dhënave të INSAT, mosha mesatare e popullsisë ishte 44.3-vjeç, ndërsa në 2015 mosha mesatare në Shqipëri ishte 27.2-vjeç./ Monitor

The post INSTAT: Rritet papunësia tek të rinjtë me arsim të lartë më 2025 appeared first on Albeu.com.

Në vitin 2024, shqiptarët kanë udhëtuar më shumë se kurrë më parë, me mbi 4.4 milionë udhëtime të kryera brenda dhe jashtë vendit nga individë mbi 15 vjeç. Pjesa dërrmuese e këtyre udhëtimeve – plot 97,9% – janë kryer për qëllime personale, ndërsa vetëm 2,1% për arsye biznesi.

Udhëtimet jashtë vendit janë rritur ndjeshëm me 43,4% krahasuar me vitin 2023, duke reflektuar një rritje të dukshme të kërkesës për turizëm dhe lëvizshmëri ndërkombëtare. Shqipëria vazhdon të mbetet një destinacion i preferuar, sidomos për pushime dhe kohë të lirë, që përbëjnë qëllimin kryesor të udhëtimeve si brenda ashtu edhe jashtë vendit.

Përdorimi i akomodimit në hotele dhe rritja e fluturimeve me avion kanë shënuar gjithashtu rritje, duke treguar një orientim gjithnjë e më të madh drejt turizmit të strukturuar dhe ndërkombëtar.

Brenda vendit, preferenca kryesore është Tirana, e ndjekur nga Vlora dhe jashtë vendit Italia e ndjekur nga Greqia

Sipas Instat në vitin 2024, numri i udhëtimeve për qëllime personale apo biznesi (brenda apo jashtë Shqipërisë), të kryera nga individët banues në Shqipëri të moshës mbi 15 vjeç ishte 4.426.074.

Udhëtimet për qëllime personale përbëjnë 97,9% të udhëtimeve gjithsej, ndërsa udhëtimet për qëllime biznesi 2,1% të tyre. Përqendrimet më të larta të udhëtimeve të kryera janë regjistruar në muajt:

Në Shqipëri janë shënuar udhëtime për qëllime personale 3,0 milionë, ndërsa ato për qëllime biznesi 0,05 milionë.

“Pushime dhe kohë e lirë” përbën qëllimin më kryesor të udhëtimeve të kryera si në Shqipëri (54,1%) ashtu dhe jashtë saj (47,2%).

Udhëtimet e kryera jashtë Shqipërisë, kanë shënuar një rritje të konsiderueshme me 43,4 përqind, krahasuar me vitin 2023.

Në vitin 2024, akomodimi në “Hotel” shënon një rritje me rreth 8,4 pikë përqindje, krahasuar me udhëtimet e kryera në vitin 2023. Rritja më e lartë është regjistruar në transportin ajror me rreth 8,8 pikë përqindje. Numri mesatar i netëve të qëndrimit për udhëtime të kryera (në Shqipëri dhe jashtë saj) është 4,2 netë.

Vlerat më të larta të shumës së netëve të qëndrimit (në milionë) janë regjistruar në muajt Gusht, Korrik, Dhjetor dhe Qershor. Në 2024, udhëtimet e kryera brenda dhe jashtë Shqipërisë për “Pushime dhe kohë e lirë” zënë peshën më të madhe, ndjekur nga udhëtimet e kryera jashtë Shqipërisë për qëllime “Vizita te të afërm dhe miq”.

Udhëtimet sipas destinacioneve Në vitin 2024, destinacionet më të preferuara për udhëtime për qëllime personale apo biznesi në Shqipëri janë qarqet: Tiranë (15,4%), Vlorë (12,3%), Korçë (10,9%), Durrës (8,6%) dhe jashtë saj: Itali (8,6%) Greqi (7,4%), Gjermani (3,8%) dhe shtete të tjera (Angli, Francë etj.) (3,0%)./ Monitor

The post Rritet ndjeshëm numri i udhëtimeve të shqiptarëve në 2024, dominojnë Tirana e Italia appeared first on Lapsi.al.

Për periudhën janar-prill 2025 importet e grupit të qeramikës, arrijnë në një total prej mbi 102 mln kg, duke iu afruar niveleve të fillim viteve 2000, ku vendi u përball me fillimet e një bumi ndërtimor.

Ky është niveli më i lartë i regjistruar për 4 mujorin në pothuajse 16 vitet e fundit, duke tejkaluar ndjeshëm vlerat e viteve të mëparshme. Krahasuar me të njëjtën periudhë të vitit paraardhës importet e grupit të qeramikës janë rritur 29% sipas të dhënave të INSTAT. Në raport me periudhën para pandemisë së Covid-19, me vitin 2019 importet janë rritur 92%.

Pas një rënie të moderuar nga pandemia Covid-19 në vitin 2020, importet nisën të rimëkëmben. Në vitet 2021–2024, volumi i importeve për grupin e qeramikës për muajt janar–prill qëndroi mes 76 dhe 79 mln kg, duke treguar një rikuperim të qëndrueshëm.

Sipas përfaqësuesve të operatorëve të pajisjeve hidrosanitare rritja e importeve për periudhën janar-prill është ndikuar nga intesifikimi i aktiviteteve ndërtimore në vend që ka çuar edhe për një kërkesë në rritje për materiale ndërtimi, sidomos për produkte qeramike, si pllaka dhe hidrosanitarë.

Për janar-prill 2025 importet u kryesuan nga India dhe Spanja, duke zënë përkatësisht secila 23% dhe 22% të peshës së totalit të periudhës. Pjesa tjetër e importeve dominohet nga Turqia me 13% të peshës, e ndjekur nga Serbia me 12% dhe Italia me 10% të peshës së totalit.

Sipas përfaqësuesve të një prej kompanive të shitjes së hidrosanitareve rritja e importeve është e ndikuar tërësisht nga sektori i ndërtimit në jug të vendit, ku është përqendruar zhvillimi i projekteve turistike, si resorte, komplekse rezidenciale dhe hotele, por edhe të kryeqytetit.

Ndërsa kërkesa e konsumatorit familjar për hidrosanitare vijon të jetë me rënie që pas pandemisë së Covid-19, për shkak të emigracionit të familjeve të reja.

Ndonëse projektet e mëdha turistike dhe ndërtimet urbane në Tiranë mbajnë gjallë kërkesën për qeramikë, pritshmëritë e operatorëve për të ardhmen janë pesimiste, ku presin rënie të kërkesës për apartamente nga familjarët, e ndikuar nga emigracioni dhe çmimet e larta të shitjes, e cila pritet të reflektohet edhe në sektorin e tyre. / Monitor

The post Importet e hidrosanitareve rriten me 29% në janar-prill appeared first on Lapsi.al.

Qendra Kombëtare e Muzeumeve Berat njoftoi se Muzeu Ikonografik “Onufri” do të qëndrojë i hapur edhe ditëve të hëna deri në fillimin e sezonit zyrtar veror.

Ky vendim është marrë duke parë numrin gjithnjë në rritje të vizitorëve në këtë muze, por edhe në objektet e tjera të trashëgimisë kulturore në qytetin e Beratit.

Ditëve të hëna “Onufri” do të mikpresë vizitorët në orarin 09:00-14:00.

Muzeu Ikonografik “Onufri“ ndodhet në brendësi të kalasë së Beratit. Ai është përshtatur në ambientet e katedrales “Fjetja e Shën Marisë“. Kjo kishë është ndërtuar në vitin 1797, por mendohet se është rindërtuar mbi themelet e një kishe më të vjetër. Sipas të dhënave historike, katedralja ka funksionuar si e tillë deri në vitin 1967, viti i reformës ateiste, kur ambientet e komuniteteve fetare i kaluan në administrim shtetit.

Koleksioni i muzeut përbëhet nga objekte të përzgjedhura nga fondet e kishave dhe manastireve të rrethit të Beratit. Ai përbëhet kryesisht nga ikona dhe një grup objektesh liturgjike. /atsh/ KultPlus.com

Çmimet e arit shënuan një rekord të ri të hënën, ndërsa dollari u dobësua më tej, për shkak të politikave që po ndjek Presidenca e SHBA-ve me tarifat dhe mosmarrëveshjeve me Rezervën Federale.

Një onz koutohet për 3400 dollarë dhe kjo vlerë është 13% më e lartë se një muaj më parë dhe në krahasim vjetor është rritur 45%.

Por nëse shkojmë 20 vite përpara, vlera e arit është rritur me 620 për qind, që do të thotë se një investim prej 20 mijë dollarësh në vitin 2005 do të vlente sot rreth 145 mijë dollarë.

Ekspertët parashikojnë një rritje të mëtejshme dhe deri në vitin 2030, mund të shkojë deri në 7000 dollarë për onz.

Kjo e bën arin një investim tërheqës për ata që kërkojnë stabilitet dhe rritje të vlerës së pasurisë së tyre në afat të gjatë.

Ari i investuar, në formën e shufrave dhe monedhave, është i përjashtuar nga taksat si TVSH-ja dhe tatimi mbi fitimin kapital, duke e bërë atë një opsion tërheqës për investitorët që kërkojnë të ruajnë dhe rrisin pasurinë e tyre pa barrë tatimore.

LEXONI GJITHASHTU:

• Rritet çmimi i arit, arrin në rekorde historike
• Doreza e boksierit të famshëm Muhamed Ali del në ankand, ja çmimi i saj

The post Rritet ndjeshëm çmimi i arit, shënohet rekordi i ri appeared first on Euronews Albania.

Tregtia e mallrave shqiptare ka vijuar të ketë rimëkëmbje për të tretin muaj radhazi. Të dhënat e Instat konfirmojnë se në mars eksportet e mallrave arritën vlerën 35 miliardë lekë, duke u rritur me 4,9 %, në krahasim me të njëjtën periudhë të një viti më parë.

Ndikim kryesor në përmirësimin e bilancit tregtar të vendit ka dhënë nëngrupi : “Minerale, lëndë djegëse, energji elektrike” me 8,8 %“Tekstile dhe këpucë” me 1,2 %   si dhe , “Ushqime, pije, duhan”.

Performancë jo pozitive gjatë këtij muaji ka pasur grupi “Materiale ndërtimi dhe metale”  I cili është ulur me 5,8 % ndjekur nga Produkte kimike dhe plastike” .Gjatë këtij muaji rimëkëmbje ka pësuar edhe eksporti i  grupit tekstile e këpucë.

Nëse bjëmë një vlerësim të eksporteve si tremujor vlera totale e mallrave shqiptare të shitura në tregjet e huaja rezulton rreth 100 miliardë  lekë, duke u rritur me 4,7 %, ndërkohë importet e mallrave arritën vlerën 202 miliardë lekë, duke u ulur me 3,5 %, krahasuar me një vit më parë.

Deficiti tregtar arriti vlerën 102 miliardë lekë, duke u ulur me 10,4 %, krahasuar me të njëjtën periudhë të 2024.

Në muajin Mars vendet me të cilët Shqipëria ka pasur rritjen më të madhe të eksporteve, në krahasim me një vit më parë janë: Kosova  me 83,1 % ndjekur nga  Greqia me  13,2 % dhe Gjermania.

Ndërsa vendet me të cilat eksportet kanë pasur uljen më të madhe, janë: Maqedoni e Veriut ,Italia dhe Turqia . Të dhënat e tregtisë së jashtme  janë disa sinjale pozitive për ecurinë e  ekonomisë gjatë këtij viti.

Vlera e bitcoin u rrit me 2.14 për qind në 76,219.52 euro sot në orën 16:00, në bursën më të madhe në botë të kriptovalutave Binance.

Vëllimi i përgjithshëm i tregtisë së bitcoin në 24 orët e fundit ishte 25 miliardë euro, një vlerë më e lartë krahasuar me ditën e djeshme.

Indeksi i Frikës dhe Lakmisë për Bitcoin sot qëndron në 38 në kategorinë “frikë”, duke treguar se ndjenja e investitorëve është e njëjtë si dje.

Kriptomonedha solan (SOL) u rrit me 1.4 për qind në 117.79 euro dhe orteku (AVAX) me 0.06 për qind në 17.73 euro.

Kriptomonedha toncoin (TON) e Telegram-it shitet sot për 2.64 euro, që është 6.75 për qind më e lartë se dje.

Më së shumti tregtuan sot Bitcoin dhe ittrium, ndërkohë që rritjen më të madhe e shënojnë aktualisht kriptovalutat WCT, ARPR dhe ACH.

LEXONI GJITHASHTU:

• Deklaratat e Trump për kriptovalutat nxitën rritjen e Bitcoin dhe të gjithë tregut
• Vlera e Bitcoin e qëndrueshme në bursën e kriptomonedhave

The post Vlera e bitcoin rritet në 76,219 euro, tregu i qëndrueshëm appeared first on Euronews Albania.

Hendeku i thellë mes pagave dhe pensioneve ka bërë që inflacioni të rëndojë mbi të moshuarit. Rritja e pensionit mesatar ka ecur me ritme të ngadalta dhe fuqia blerëse e pensionistëve ka rënë ndjeshëm. Të dhënat tregojnë për rritje të pabarazisë mes pensionistëve dhe personave të punësuar e me gjasë hendeku do të zgjerohet gjatë […]

The post Hendeku i thellë mes pagave dhe pensioneve, inflacioni rëndon të moshuarit appeared first on BoldNews.al.

Pushtimi i plotë rus në Ukrainë dhe rritja e tensioneve gjeopolitike kanë shkaktuar një rritje të interesit “për mbijetesën” në Spanjë. Kështu, ndërtimi privat i bunkerëve është rritur me 200% që nga fillimi i luftës në Moskë në fillim të vitit 2022, sipas kompanive të industrisë.

Dhe ky medium ka fituar qasje në një që mund t’i rezistojë rrezatimit bërthamor, me dushe kundër rrezatimit, mure betoni dhe çeliku dhe dyer të blinduara. Pronari e instaloi atë për shkak të frikës së një konflikti të armatosur në Evropë.

Megjithatë, me një kosto mesatare prej 150,000 €, këto strehimore janë një luks që pakkush mund ta përballojë. Kjo ka bërë që disa qytetarë të krijojnë hapësira të sigurta në shtëpitë e tyre, duke ruajtur ushqimet që nuk prishen.

Ndërkohë, Bashkimi Evropian u ka kërkuar qytetarëve të përgatisin komplete mbijetese 72-orëshe dhe u bëri thirrje qeverive të përmirësojnë bashkëpunimin civilo-ushtarak.

Miliarda njerëz në mbarë botën, e fillojnë ditën me një filxhan kafeje. Por ky ritual i përditshëm po bëhet gjithnjë e më i shtrenjtë.

Kolumbia, Brazili dhe Vietnami, janë tre prodhuesit më të mëdhenj të kafesë në botë. Megjithatë, prodhimi i kafesë po përballet me sfida serioze.

Temperaturat e larta dhe reshjet e paqëndrueshme, po ndikojnë negativisht tek bimët e kafesë.

Sipas studimeve deri në vitin 2050, gjysma e tokave të përshtatshme për kultivimin e kafesë mund të zhduken.

Ndryshku i gjetheve

Përveç kushteve atmosferike, fermerët po luftojnë edhe me sëmundje si “La Roya”, një lloj ndryshku i gjetheve që ka shkatërruar deri në 50% të prodhimit në disa rajone të Amerikës Latine.

“Më parë, një pemë kafeje prodhonte qindra kokrra. Tani mezi nxjerrim gjysmën. Po bëhet gjithnjë e më e vështirë”, – thotë për DW Cristian Cano, kultivues kafeje në Kolumbi.

Kjo krizë ka ndikuar drejtpërdrejt edhe në tregun botëror. Vetëm në vitin 2024 çmimi i varietetit Arabica u rrit me 80%, një nga rritjet më të mëdha në dekada.

Nga një kafe e lirë, në një kafe luksi?

Në Shqipëri kafeja nuk është thjesht një pije – është një traditë, një moment social dhe një zakon i përditshëm. Por çmimet kanë filluar të rriten ndjeshëm dhe shumë vetë pyesin: A po e humbasim “kafen e lirë” si pjesë të kulturës sonë?

Sipas Enri Jahajt, kryetar i Shoqatës së Bareve dhe të Restoranteve, Shqipëria ka funksionuar për vite me një treg anormal të kafesë:

“Ne kemi qenë një treg i korruptuar në këtë aspekt, sepse nuk jemi prodhues dhe as pjekës të mëdhenj të kafesë. Shumica e kafesë që përdoret këtu është e importuar. Për vite me radhë, çmimi i kafesë në Shqipëri ka qenë më i lirë se në vendet e rajonit, gjë që nuk përkon me logjikën e tregut të lirë. Tani që rregullat janë përforcuar, rritja e pagave dhe taksave po sjell një ndryshim në treg. Kjo po ndikon drejtpërdrejt te bizneset, të cilat janë të detyruara të përshtatin çmimet, sepse kanë edhe koston e personelit. Rritja e kostove është një realitet i pashmangshëm”, thotë Jahaj.

Sa është rritur dhe sa pritet të rritet çmimi i kafesë?

“Brenda një viti çmimi i kafesë është rritur me 20%, dhe pritet të rritet edhe me 20% të tjera. Në Tiranë çmimi mesatar i një filxhani kafeje tashmë është 90-130 lekë, ndërsa në zonat elitare arrin deri në 150 lekë. Sipas parashikimeve gjatë muajve të ardhshëm çmimi minimal pritet të shkojë në 120 lekë, ndërsa ai maksimal do të mbetet në të njëjtat nivele”, shpjegon Jahaj.

A do të kthehet kafeja në luks në Shqipëri? Për momentin ajo mbetet ende një kënaqësi e përditshme për shumicën e shqiptarëve. Por me ritmet aktuale të rritjes së çmimeve, mund të vijë një ditë kur një filxhan kafeje nuk do të jetë më aq i përballueshëm sa dikur.

The post Sa është rritur dhe sa pritet të rritet çmimi i kafes në Shqipëri? appeared first on Albeu.com.

Kryeministri grek Kyriakos Mitsotakis, ka njoftuar gjatë mbledhjes së sotme të Qeverisë se paga minimale në Greqi do të rritet nga 830 euro në 880 euro (740 € neto), me synimin që deri në fund të mandatit të tij katërvjeçar, paga minimale të arrijë në 950 euro. Ai theksoi se rënia e papunësisë është rezultat […]

The post Qeveria greke rrit pagën minimale, përfitojnë dhe emigrantët shqiptarë appeared first on BoldNews.al.

Mbrëmjen e djeshme, Egli Tako, ndërpreu rrugëtimin e saj në “Big Brother Vip Albania”.

Pak para se të largohej nga shtëpia më e famshme në Shqipëri, Egli kishte 192 mijë ndjekës në llogarinë e saj në “Instagram”, e menjëherë pas kësaj i janë rritur edhe numri i ndjekësve.

Egli nga nata e mbrëmshme, numëron 203 mijë ndjekës.

Kujtojmë që Egli mbrëmë vonë doli me një njoftim, ku mes të tjerash tha se bazuar në gjendjen e saj të vështirë emocionale, ka më së shumti nevojë për përqafimet e familjarëve dhe miqve të saj.

The post Pas daljes nga “Big Brother”, Eglit i ndodh e papritura appeared first on Albeu.com.

Ekonomia ukrainase e shkatërruar nga lufta mund të rritet për 5% vitin e ardhshëm nëse arrihet një armëpushim, ka parashikuar Banka Evropiane për Rindërtim dhe Zhvillim (BERZH), por perspektivat për rindërtim varen nga një paqe e qëndrueshme.

Huadhënësi me bazë në Londër ka investuar 6.2 miliardë dollarë në projekte në Ukrainë gjatë rrjedhës së konfliktit trevjeçar, shkruan media britanike  “The Guardian”.

Ai parashikon rritjen e PBB-së për Ukrainën në 3.5% këtë vit, pasi vendi lufton me inflacionin e shkaktuar nga sulmet ruse në prodhimin e energjisë, dhe 5% në vitin 2026, nëse armiqësitë ndërpriten.

Beata Javorcik, kryeekonomistja e BERZH-it, tha se është e përgatitur të mbështesë rindërtimin e Ukrainës në rast se negociatat sigurojnë fundin e luftës.

“Ne jemi të gatshëm të investojmë kur të vijë koha”, tha ajo.

Shumë shpejt Shqipëria pritet të dorëzohet para çmimeve ende të pranueshme të kafesë në bare, pasi importet e këtij produkti po bëhen gjithnjë e më të shtrenjta.

Të dhënat zyrtare nga tregtia e jashtme, tregojnë se në muajin janar 2025 një kilogram kafe, është importuar 30 për qind më shtrenjtë se në janarin 2024.

Në janarin e vitit të kaluar, u importuan 486,619 kilogramë kafe me një vlerë totale 216 milionë lekë, ose 462 lekë për kilogram, ndërsa në janar 2025 u importuan 787,834 kilogramë kafe, me një vlerë 471,6 milionë lekë ose 598 lekë për kilogram.

Krahasimi i çmimeve të importit tregon se një kilogram kafe në janar 2025, kushtoi 30% më shumë se në janarin 2024.

Enri Jahaj, Kryetari i Shoqatës së Bar-Restoranteve, pohoi se baret në vendin tonë janë vënë në vështirësi që vitin e kaluar, për shkak se çmimi i kafesë dhe kakaos dy produktet bazë që shiten më shumë është rritur ndjeshëm vitin e fundit.

Jahaj tha se në muajt e ardhshëm mars- prill, pritet të ketë një reflektim në rritjen e çmimeve me pakicë për një filxhan kafe 10-30 lekë.

Për shkak të konkurrencës së lartë të bar-kafeve, nuk është reflektuar e gjithë rritja e çmimeve të importit tek filxhani i pakicës.

Mirëpo rritja e përgjithshme e kostove (pagat, etj) bashkë me rritjen e çmimeve të importit nuk mund të mbajë më çmimin e kafesë në nivelin aktual në një mesatare 70-150 lekë sipas zonave.

Kafeja nuk është vetëm një produkt konsumi në vendin tonë, por përfaqëson stil jetese të shqiptarëve, dita e të cilave nuk konceptohet pa kaluar disa kohë në baret për ta shijuar atë.

Konsumi i kafesë sidomos në ambientet jashtë shtëpisë, është arsye pse Shqipëria renditet ndër vendet me numrin më të lartë të barëve dhe restoranteve në Europë.

Analistët në tregjet ndërkombëtare po lajmërojnë se ndryshimet e klimës, janë duke ndikuar negativisht çmimet e mallrave bujqësore dhe sidomos kafesë dy vitet e fundit.

Tendenca drejt ngjarjeve më ekstreme të motit, do të vazhdojë të godasë rendimentet e prodhimit dhe të krijojë rritje të çmimeve, thotë një raport i “Inverto”, një kompani ndërkombëtare europiane e specializuar në menaxhimin e zinxhirëve të furnizimit.

Ngjarjet ekstreme të motit, pritet të çojnë në çmime të paqëndrueshme të ushqimeve gjatë gjithë vitit 2025, pasi çmimet e kakaos dhe kafesë janë më shumë se dyfishuar gjatë vitit të kaluar.

Viti 2024 si vitin më të nxehtë të regjistruar, një tendencë drejt temperaturave më të larta që duket se do të vazhdojë edhe në vitin 2025.

“Inverto” parashikon se një prirje afatgjatë drejt ngjarjeve më ekstreme të motit, do të vazhdojë të godasë rendimentet e prodhimit, e për rrjedhoje edhe rritje të çmimeve.

Rritjet më të larta të çmimeve vitin e fundit ishin për kakaon dhe kafenë, përkatësisht 163% dhe 103%, për shkak të një kombinimi të reshjeve më të larta se mesatarja dhe temperaturave ekstreme në rajonet prodhuese, sipas hulumtimit./Monitor

The post Deri në 30 lekë më shtrenjtë/ Rritet çmimi i kafes në lokale, ja kur pritet të nisë appeared first on Albeu.com.

Banka Botërore përllogarit se në vitin 2023, të ardhurat për frymë në Shqipëri ishin 8,575 dollarë. Të ardhurat mesatare ditore për një person në vendin tonë ishin 23.5 USD në ditë, një vlerë e përafërt me standardin e prosperitetit 25 USD në ditë të përcaktuar nga BB, si një vlerë mesatare globale të jetesës dinjitoze.

Me uljen e popullsisë me të dhënat e Cens 2023 dhe me rritjen ekonomike rreth 4% më 2024, të ardhurat mestarë ditore të shqiptarëve e kalojnë standardin e prosperitetit, por nga ana tjetër, po sipas të dhënave nga Banka Botërore, vendi ynë gjithashtu ka nivelin më të madh të varfërisë në Rajon.

Sipas rishikimeve të fundit Banka Botërore numri i personave me të ardhurave 6.7 USD në ditë (varfëria relative), do të jetë në më shumë se 20 për qind të popullsisë së vendit me 2024.

Arritja e standardeve të prosperitetit në njërën anë dhe nga ana tjetër një e pesta e popullsisë në varfëri, tregojnë pabarazinë e lartë ekonomike të vendit.

Teksa ekonomia po rritet, ajo nuk shpërndahet në mënyrë të drejtë. Të pasurit pasurohen më tej dhe të varfrit varfërohen më tej.

Banka Botërore përcaktoi standardin e prosperitetit (25 USD në ditë), me qëllim që të rrisë ndjeshmërinë ndaj çështjeve të shpërndarjes së rritjes ekonomike.

Shtetet do të duhet të evidentojnë përqindjen e popullsisë që jeton poshtë këtij hendeku, për të aplikuar më pas politikat e rishpërndarjes së drejtë.

Banka ndjek prosperitetin e përbashkët, duke monitoruar rritjen e të ardhurave mesatare në 40 për qind të popullsisë me të ardhura të ulëta. Standardi prosperiteti i vendosur në 25 dollarë në ditë (rregulluar për dallimet në barazinë e fuqisë blerëse midis vendeve), përkufizohet si faktori mesatar me të cilin të ardhurat duhen shumëzuar për të sjellë në të gjithë botën standardin e prosperitetit. P.sh për një person të ardhurat e të cilit janë 2,50 dollarë në ditë, ato duhet të 10 fishohen për të arritur standardin e prosperitetit.

Banka Botërore, thekson se Shqipëria ka një potencial të pashfrytëzuar të kapitalit njerëzor që mund të nxisë rritjen dhe zhvillimin.

Vendi përballet me sfida, si p.sh migrimi, pasiviteti ekonomik dhe nënshfrytëzimi i talenteve. Vetëm mbyllja e boshllëqeve gjinore në punësim mund të çojë në rritje të PBB-së për frymë me 12 për qind në afat të gjatë.

Mosshfrytëzimi i individëve të arsimuar po pengon gjithashtu rritjen e produktivitetit dhe kthimet nga investimet në arsim që ka bërë vendi, duke siguruar rritje të qëndrueshme./ Monitor

The post Raporti i BB-së, Shqipëria po rritet, por varfëria nuk po ulet appeared first on Albeu.com.

Rreth orës 03:30 të mëngjesit sipas kohës lokale, një tragjedi ka ndodhur në resortin e skive Kartalkaya në provincën Bolu të Turqisë, që u përfshi nga flakët e zjarrit natën e kaluar.

Ka shkuar në 66 numri i personave të vdekur nga zjarri në një hotel në vendpushimin e skive Kartalkaya.

Dhjetëra të tjerë janë dërguar në spital.

Flakët nisën në restorantin e hotelit dhe u përhapën në të gjithë ndërtesën 12-katëshe. Deri më tani, shkaqet mbeten të panjohura, sipas Hurriyet.

Sipas guvernatorit të rajonit, Abdulaziz Aydin, në hotel qëndronin 234 persona.

Në video shihen turistët të cilët tentojnë të zbresin nga dritaret duket lidhur çarçafë, ndërsa tjerët bërtasin për ndihmë.

Dy persona humbën jetën pasi u hodhën nga lartësia, tha guvernatori.

Presidenti turk Rexhep Tajip Erdogan, u informua për incidentin dhe shprehu ngushëllimet e tij për familjet e viktimave.

Kartalkaya Kayak Merkezi’ndeki bir otelde yangın çıktı.

İtfaiye ekiplerinin müdahalesi sürerken ölü ve yaralılar olduğu bildirildi. pic.twitter.com/KZ1HhTXjom

— GazeteVar (@gazetevar) January 21, 2025

Ministri i Drejtësisë Yilmaz Tundes njoftoi hapjen e një hetimi për zjarrin, duke emëruar gjashtë prokurorë dhe një ekip prej pesë ekspertësh.

The post Bilanc tragjik nga zjarri në resortin e skive në Turqi, rritet numri i viktimave appeared first on Albeu.com.

Inflacioni bazë e mbylli vitin 2024 në rritje. Sipas të dhënave nga Banka e Shqipërisë, inflacioni bazë për dhjetorin arriti në 2.5%, nga 2.34% që kishte për nëntorin. Niveli i dhjetorit ishte njëkohësisht më i larti që prej muajit mars 2024. Me bazë vjetore, megjithatë, inflacioni bazë rezultoi sidoqoftë në rënie. Në fund të vitit […]

The post Inflacioni bazë u rrit në dhjetor, arriti nivelin më të lartë në 7 muajt e fundit appeared first on BoldNews.al.

Qeveria e ka premtuar disa herë hekurudhën Tiranë-Durrës, por deri në vitin 2026 qytetarët nuk do të kenë tren. Edhe ky afat mbetet i pasigurt, pasi përfundimi i projektit mund të shtyhet përtej 2026-ës. Afatet e përcaktuara nga Hekurudha Shqiptare (HSH) për përfundimin e punimeve janë shkelur disa herë. Vjet, Citizens raportoi se sipas HSH-së, afati […]

The post Treni “Tiranë-Durrës” nuk niset as në 2025/ Shkelen afatet, kostoja rritet në 91.7 mln euro appeared first on BoldNews.al.

Teksa agjencitë punësimit po sjellin rregullisht punonjës nga Azia dhe Afrika për të plotësuar nevojat e bizneseve në disa sektorë, të dhënat zyrtare tregojnë se gjatë vitit të kaluar, numri personave që përfituan pagesë papunësie shënoi rritje (shiko grafikun e më poshtë).

Sipas të dhënave administrative mbi punësimin (të punësuar të deklaruar me pagë në tatime) në tremujorin e tretë të vitit 2024, numri i përfituesve të pagesës së papunësisë arriti në 3576 presona. Ky ishte niveli më i lartë pas krizës pandemike 2020-2021.

Programet e pagesës së papunësisë janë pjesë e politikave shtetërore të punësimit, të cilat sigurojnë mbështetjen me të ardhura të personave që humbasin vendin e punës.

Programet e Pagesës së Papunësisë, synojnë të mbështesin financiarisht të gjithë punëkërkuesit e papunë në rast papunësie për shkak të shkurtimit të vendit të punës, ndërprerjes së kontratës së punës, falimentimit të ndërmarrjes, zvogëlimit të aktivitetit etj.

Të dhënat zyrtare tregojnë se numri i personave që kanë humbur punën u rrit ne vitin e kaluar, ndërkohë që INSTAT nuk ka publikuar treguesit zyrtar të punësimit që nga tremujori i parë i vitit 2024, për shkak të ndërlidhjes së kampionit të Anketës së Forcës së Punës me të dhënat e Censit 2023.

Tregues të tjerë zyrtare si (PBB), tregojnë se sektori i industrisë është në vështirësi dhe dy vitet e fundit po përballet me falimente të bizneseve të vogla dhe të mesme si rrjedhojë e humbjeve që ka krijuar kursi i këmbimit në të ardhurat e tyre.

Burimet nga Shoqata Pro-eksport, pohojnë se së paku 10 mijë punonjës të fabrikave të prodhimit të tekstilit dhe këpucëve kanë humbur punën gjatë vitit të kaluar.

Shumë prej tyre janë integruar në sektorë të tjerë, ose janë përfshirë në programet e mbështetjes sociale (pagesa e papunësisë).

Të ardhura nga papunësia i përfitojnë personat, të cilët kanë kontribuar në sigurimin shoqëror për një periudhë të paktën 12-mujore.

Për të përfituar pagesën, ato duhet të jenë regjistruar si punëkërkues të papunë pranë zyrës përkatëse të punësimit.

Çdo përfitues paguhet në varësi të periudhës së kontributit në sigurimet shoqërore derdhur nga punëdhënësi. Për 3 muaj përfitim duhen të paktën 12 muaj kontribute të sigurimeve shoqërore. Për 9 muaj përfitim duhen së paku 5 vjet kontribute të sigurimeve shoqërore. Ndërsa për 12 muaj përfitim, duhen mbi 10 vjet gjithsej kontribute të sigurimeve shoqërore.

Zakonisht pagesa mujore e papunësisë aplikohet sa 50% e pagës minimale zyrtare, që aktualisht është 20 mijë lekë.

Institucionet financiare ndërkombëtare, kanë rekomanduar një mbështetje me të fortë financiare për punonjësit që humbasin punën.

Tregu i punës po kalon në një tranzicion të fortë me rritje të kërkesës në disa sektorë, sidomos ata që lidhen me turizmin dhe ndërtimin dhe nga ana tjetër ka një rritje të papunësisë në sektorët e industrisë./Monitor

The post Rritet numri i personave që përfitojnë pagesë papunësie appeared first on Albeu.com.