TEL AVIV, 7 korrik /ATSH-ANSA/ – Ushtria izraelite njoftoi se kishte goditur infrastrukturën e rebelëve Houthi në Jemen, në portin e Hodeidahut dhe në zonat e tjera të kontrolluara nga kryengritësit e mbështetur nga Irani.

Ushtria më vonë tha se zbuloi dy raketa të lëshuara nga Jemeni drejt Izraelit, ku sirenat e sulmeve ajrore u dëgjuan në disa vende.

”Sulmet nga Forcat Ajrore dhe Marina Izraelite shënjestruan portet jemenase të Hodeidahut, Ras Issas dhe Salifit si dhe termocentralin Ras Al-Kathib”, tha ushtria izraelite në një deklaratë./    /os/

The post TEL AVIV – Izraeli sulmon objektivat e rebelëve Houthi në Jemen appeared first on Agjencia Telegrafike Shqiptare.

Pretendimi: Ky imazh tregon pasojat e sulmeve me raketa iraniane në Tel Aviv

Verdikti: Foto e manipuluar

————————————————————–

Ndërsa Izraeli dhe Irani shkëmbejnë sulme me raketa prej gati një jave, në rrjete sociale, përfshi ato shqipfolëse, po qarkullon një imazh që pretendohet se tregon Tel Avivin në flakë pas një sulmi raketor iranian.

Me anë të motorit të kërkimit pamor Google Lens, Faktoje gjeti një imazh të ngjashëm në një postim në Twitter. 

Në imazhin origjinal, forma e tymit është e njëjtë si në imazhin e mësipërm, por nuk duket si zjarr. Megjithatë, struktura e ndërtesave në imazh është e njëjtë. Kjo duket qartësisht kur krahasohen të dy imazhet.

Përveç kësaj, një përdorues tjetër ndau një pamje të ekranit të ngjashme me këtë foto më 13 qershor. Kjo pamje e ekranit duket se është marrë nga agjencia e lajmeve Al Jazeera Arabic.

Kanali ndërkombëtar i lajmeve raportoi sulmin në Tel Aviv natën e 13 qershorit. Një raport në YouTube nga CNN tha se raketat iraniane po depërtonin në Kupolën e Hekurt të Izraelit dhe tymi po ngrihej nga ndërtesat e qytetit. Sipas gazetarëve të CNN, tinguj shpërthimesh u dëgjuan si në Jerusalem ashtu edhe në Tel Aviv. Megjithatë, raporti i plotë tregoi një re tymi pas sulmit dhe jo një zjarr si në imazhin që po qakullon në rrjet.

Në shumë video-reportazhe të tjera, përfshirë Al Jazeera dhe SKY Neës, vërehet një re tymi e ngjashme me imazhin e mësipërm, por asnjë skenë me zjarr apo dritë të kuqe. Një video-reportazh nga Al Jazeera tregon pamje të tymit të bardhë në të cilin forma e tymit është e ngjashme me imazhin e mësipërm.

The post I manipuluar imazhi i Tel Avivit në flakë appeared first on Faktoje.al.

Një raketë iraniane goditi një rrokaqielli në rrugën Jabotinsky në Ramat Gan, afër qendrës së Tel Avivit dhe rreth 200 metra nga bursa e diamanteve të qytetit.

Vendasit thanë se një biznes picash u godit më së shumti nga forca e sulmit, por disa blloqe apartamentesh të vjetra u shkatërruan gjithashtu nga forca e shpërthimit.

Nuk pati raportime të menjëhershme për viktima. Pas gjashtë ditësh lufte, banorët ishin mësuar të nxitonin drejt strehimoreve të tyre, transmeton Telegrafi.

“Ishte si një bombë atomike. Një tërmet”, tha Asher Adiv, një 69-vjeçar që jeton në një bllok apartamentesh aty pranë.

Nëna e tij ishte një hebreje iraniane nga Isfahani dhe Asher u rrit duke folur persisht. Ai kishte ide të forta për atë që duhet të ndodhte më pas.

“Populli iranian duhet të bëjë një revolucion dhe t’i dëbojë ajatollahët.  Ne nuk po luftojmë vetëm për Izraelin. Ne po luftojmë për të gjithë botën. I kërkojmë Trump të hyjë brenda dhe ta zgjidhë problemin”, tha Asher.

Presidenti amerikan, i cili tani po shqyrton opsionet e tij ushtarake, ishte tema e parë që shumica e banorëve vendas donin të ngrinin, ndërsa u mblodhën pranë stacioneve të policisë për të parë ndihmësit e parë që kryenin punën e tyre midis rrënojave dhe xhamave të thyer.

Gruaja e Asherit, Anny, një emigrante nga Maroku që erdhi në Izrael në vitin 1969, tha se mendonte që Izraeli do të fitonte edhe pa ndërhyrjen e SHBA-së.

“I thoni Donald Trumpit të jetë pranë nesh. Ai duhet t’i bombardojë ata për të përfunduar centralet bërthamore. Ne jemi qytetarë të pafajshëm, por ata na kërcënojnë gjatë gjithë kohës dhe thonë se duan të na vrasin. Nuk kishim zgjidhje tjetër. Pamë çfarë ndodhi më 7 tetor. Populli ynë është i fortë dhe elastik. Ne do të vazhdojmë të luftojmë dhe do t’i përfundojmë centralet bërthamore të Iranit ose ata do të na përfundojnë”, shtoi ajo. /Telegrafi/

Eastern Tel Aviv suburd of Ramat Gan hit in this mornings Iranian missile barrage causing extensive damage.

This district is home to the Israel Diamond Exchange—the world’s largest diamond trading complex. pic.twitter.com/9akUDKGxC4

— Yama Wolasmal (@YamaWolasmal) June 19, 2025

The post Raketa balistike iraniane godet një rrokaqiell në qendër të Tel Avivit appeared first on Telegrafi.

Shefi i Shtabit të Forcave të Armatosura të Iranit, i është drejtuar banorëve të Tel Avivit dhe atyvre në Haifa, që duhet të evakuohen sa më shpejt të jetë e mundur për të shpëtuar jetën e tyre. Gjenerali Major Abdolrahim Mousavi thotë gjithashtu se “operacionet e kryera deri më tani kanë qenë një paralajmërim për parandalim” dhe një “operacion ndëshkues” nga Irani “do të kryhet së shpejti”.

Source

TEL AVIV, 16 qershor /ATSH-AFP/ – Vetëm vrasja e ajatollah Ali Khameneit “do t’i japë fund konfliktit” midis Izraelit dhe Iranit, deklaroi sot kryeministri izraelit, Benjamin Netanyahu.

“Nuk do të çojë në një përshkallëzim të konfliktit, por do t’i japë fund konfliktit”, u përgjigj udhëheqësi izraelit kur u pyet në lidhje me kundërshtimin e Donald Trump ndaj planit të Izraelit për të larguar udhëheqësin suprem të Iranit.

I pyetur nëse Izraeli do ta shënjestronte vërtet Khamenein, Benjamin Netanyahu tha se vendi i tij po bënte atë që duhej të bënte./   /os/

The post TEL AVIV – Netanyahu: Vetëm vrasja e ajatollah Ali Khameneit i jep fund konfliktit appeared first on Agjencia Telegrafike Shqiptare.

Një valë raketash iraniane është lëshuar mbrëmjen e kësaj të diele ndaj qyteteve të mëdha të Izraelit. Ushtria izraelite IDF njoftoi se kishte marrë “raporte për sulme” në disa qytete të gjithë vendin.

Pavarësisht se shumica e tyre u shkatërruan në ajër, shërbimet e emergjencës kanë marrë raportime për një raketë që ka goditur “një nga vendbanimet” në qytetin portual bregdetar verior të Haifës.

“Në këtë fazë, nuk janë marrë raportime për viktima, por ka pasur dëme materiale” – thanë zyrtarët izarelitë. Pamjet nga Haifa tregojnë kolona të trasha tymi që ngrihen në qiellin e natës mbi qytet.
“Ne i kërkojmë publikut të qëndrojë larg vendeve të shpërthimeve dhe t’u bindet udhëzimeve të policisë në terren” – shtoi Policia e Izraelit. Shërbimi i ambulancave të Izraelit tha se dy persona janë dërguar në spital. Disa shpërthime u dëgjuan edhe në Jerusalem sipas BBC.
Televizioni shtetëror i Iranit tha se vendi ka sulmuar Tel Avivin, Haifën dhe qytete të tjera “me dhjetëra raketa dhe dronë iranianë”.

Ai gjithashtu raporton se raketat kanë tejkaluar “shtresat e sistemit mbrojtës izraelit”, por ushtria izraelite nuk e ka komentuar ende. Shpërthimet mund të dëgjoheshin në qiellin e natës mbi Jerusalem dhe Tel Aviv. ©LAPSI.al

The post PAMJET/ Valë raketash iraniane ndaj Izraelit, disa i shpëtojnë mbrojtjes ajrore appeared first on Lapsi.al.

Rreth 150 raketa janë lëshuar nga Irani në drejtim të qyteteve kryesore të Izraelit në valën e parë hakmarrëse të Teheranit, që erdhi pas atij sulmi kirurgjikal të ushtrisë izraelite, që i mori jetën komandantëve kryesore të Gardës Revolucionare dhe shkencëtarëve që çonin përpara programin bërthamor të vendit. Sipas mediave në Izrael, IDF I ka njoftuar tanimë civilët se mund të largohen nga…

Source

Izraeli është aktualisht nën sulm raketor nga Irani. Sipas zëdhënësit të ushtrisë, pak minuta më parë janë dëgjuar sirenat në disa zona të vendit, pasi janë identifikuar raketa të nisura nga Irani drejt Izraelit. Është lëshuar thirrja që popullsia të ndjekë me përpikëri udhëzimet e Komandës së Mbrojtjes Civile, ndërsa njësitë kundërajrore janë angazhuar për të përgjuar dhe neutralizuar raketat…

Source

Mediat ndërkombëtare raportojnë në këto momente se në kryeqytetin e Izrelit, Tel Aviv janë duke u dëgjuar shpërthime të fuqishme.

Mësohet se sapo ka nisur një sulm masive me dronë dhe raketa nga Irani si hakmarrje për atë që ndodhi natën e kaluar. BBC shkruan se sulmet janë përqendruar në Izraelin qendror ndërsa shpërthime raportohen edhe në Jerusalem.

Sipas të njëjtave burime, re të mëdha tymi shihen që ngrihen mbi Tel Aviv. Tymi po mbulon edhe ndërtesat e larta përreth. Nuk është e qartë nëse kjo është pasojë e raketave iraniane apo e shpërthimeve të tyre në ajër nga sistemet mbrojtëse.

“Po raportonim drejtpërdrejt nga hoteli ynë në Jerusalem për BBC Neës kur pamë dy dronë që fluturonin mbi kokat tona dhe dëgjuam një shpërthim. Nuk është e qartë nëse ky tingull ishte një sulm apo një asgjësim i njërit prej tyre. Pak çaste më parë, sirenat dhe alarmet e emergjencës ishin ndezur duke sinjalizuar njerëzit të qëndronin pranë strehimoreve” – raportoi gazetari i BBC.

Një konferencë informuese e ushtrisë izraelite u ndërpre pasi zyrtarët thanë se prisnin një sulm iranian. Ushtria izraelite thotë se Irani nisi raketa drejt Izraelit pak kohë më parë dhe sistemet e saj të mbrojtjes po punojnë për të ndaluar kërcënimin.Izraeli konfirmoi sot edhe sulmin në uzinën bërthamore të Isfahanit. Në një reagim udhëheqësi suprem i Iranit, Ali Khamenei, paralajmëroi se forcat iraniane do të “veprojnë me forcë” kundër Izraelit. Duke shkruar për X, ai paralajmëron se ata “nuk do të shpëtojnë të padëmtuar nga ky krim”. ©LAPSI.al

The post Nis hakmarrja iraniane, luftë në qiellin e Tel Avivit (PAMJE LIVE) appeared first on Lapsi.al.

Mijëra udhëtarë në mbarë botën po përballen me anulime të shumta të fluturimeve këtë të premte, pasi Izraeli nisi sulmin ndaj Iranit. Hapësira ajrore përgjatë Iranit, Irakut, Izraelit dhe Jordanisë u zhyt në kaos pasi Izraeli nisi një valë raketash ndaj Iranit gjatë natës. Kjo shkaktoi devijim të dhjetëra fluturimeve duke lënë mijëra pasagjerë të bllokuar.

Aeroporti “Ben Gurion” i Tel Avivit është i mbyllur deri në një njoftim të mëtejshëm dhe kompanitë kryesore ajrore, përfshirë Emirates, Lufthansa, Air France, United dhe Delta, kanë anuluar fluturimet drejt rajonit.

Edhe fluturimet mes Tiranës dhe Tel Avivit janë anuluar këtë të premte. Pas sulmit, Irani, Iraku, Jordania dhe Siria mbyllën gjithashtu hapësirën e tyre ajrore. Autoritetet e aviacionit në Iran kanë mbyllur hapësirën ajrore të vendit deri në njoftim të mëtejshëm, sipas raporteve të medias shtetërore.

9-second video of the clearing of Iranian and Iraqi airspace. pic.twitter.com/VZLWbmk9sC

— Flightradar24 (@flightradar24) June 13, 2025

Kufiri lindor i vendit me Iranin është një nga korridoret më të ngarkuara të trafikut ajror në botë, ku kalojnë shumë fluturime nga Evropa në Azi. Eurocontrol vlerëson se të paktën 1 800 fluturime janë prekur deri më tani vetëm për në Evropë dhe anasjelltas.

Trafiku ajror po devijohet ose në jug, nëpërmjet Egjiptit dhe Arabisë Saudite, ose në veri, nëpërmjet Turqisë, Azerbajxhanit dhe Turkmenistanit. 29 fluturime me 2427 pasagjerë u devijuan për në Qipro. 20 fluturime nga Evropa dhe SHBA-të zbarkuan në Larnaka dhe 9 në Pafos.

Pasagjerëve iu ofruan dhoma hoteli, thanë mediat lokale. Nëse keni një fluturim të rezervuar për në vendet e prekura, përfshirë Libanin, Jordaninë dhe Azerbajxhanin, ju këshillohet të monitoroni nga afër faqet e internetit të linjave ajrore dhe aeroporteve për përditësime. /LAPSI.al

The post PAMJET/ Avionët shmangin Lindjen e Mesme, anulohen fluturimet Tiranë – Tel Aviv appeared first on Lapsi.al.

Pesë persona janë plagosur nga sulmet me raketa balistike të Iranit ndaj Izraelit, sipas njoftimit të shërbimit izraelit të urgjencës, Magen David Adom.

Njëri prej tyre është në gjendje të moderuar, ndërsa katër të tjerë kanë marrë plagë të lehta nga shrapnelët. Të plagosurit janë dërguar në spitalet e Tel Avivit për trajtim, ndërkohë që forcat e sigurisë po punojnë për izolimin e zonave të goditura.

Në një deklaratë drejtuar popullit iranian përmes një videoje të publikuar mbrëmjen e kësaj të premteje, kryeministri izraelit Benjamin Netanyahu theksoi se lufta e Izraelit nuk është kundër civilëve iranianë, por kundër regjimit që, sipas tij, ka sjellë vendin në prag të shkatërrimit. Ai i bëri thirrje qytetarëve të Iranit të “ngrihen dhe të lejojnë që zërat e tyre të dëgjohen”, duke theksuar se e kupton vuajtjen e tyre nën regjimin aktual.

Netanyahu paralajmëroi se ky nuk është fundi i përgjigjes izraelite. Sipas tij, regjimi iranian “nuk e di se çfarë e ka goditur, ose çfarë do ta godasë”, duke e përshkruar si më të dobëtin ndonjëherë.

Izraeli ka shkatërruar impiantin më të rëndësishëm të pasurimit të uraniumit të Iranit, një “pjesë të madhe” të arsenalit të tij të raketave balistike, komandantë të lartë ushtarakë dhe shkencëtarë të lartë bërthamorë gjatë ditës së kaluar, pretendoi Netanyahu në një deklaratë.

LEXONI GJITHASHTU:

• “Dy avionë luftarakë janë rrëzuar”, Irani lëshon qindra raketa balistike në Izrael
• Ministri i Mbrojtjes i Izraelit: Irani kaloi vijat e kuqe, qëlloi raketa mbi civilë

The post 5 të plagosur në Tel Aviv, Netanyahu: Regjimi iranian nuk e di çfarë do ta godasë appeared first on Euronews Albania.

Pas përshkallëzimit të situatës në Lindjen e Mesme, janë anuluar fluturimet mes Shqipërisë dhe Izraelit.Ministria e Jashtme e Izraelit po ashtu ka urdhëruar mbylljen e të gjitha misioneve diplomatike dhe pezullimin e shërbimeve konsullore në të gjithë botën, përfshirë edhe ambasadën në Shqipëri.

‘Në dritën e zhvillimeve të fundit, misionet izraelite në mbarë botën do të mbyllen dhe shërbimet konsullore nuk do të ofrohen. Një formular online është i disponueshëm për izraelitët jashtë vendit për të raportuar vendndodhjen dhe statusin e tyre aktual.

Ju lutemi plotësojeni atë për të ndihmuar Ministrinë e Punëve të Jashtme të qëndrojë e përditësuar. Në rast emergjence ose fatkeqësie, kontaktoni menjëherë Dhomën e Situatave të Ministrisë.

Kontrolloni rekomandimet e Këshillit të Sigurisë Kombëtare për vendin ku ndodheni aktualisht, si dhe udhëzimet e përgjithshme të sigurisë për izraelitët jashtë vendit:

a. Shmangni shfaqjen e simboleve hebraike ose izraelite në hapësirat publike.

b. Përmbahuni nga postimi i detajeve të identifikueshme në lidhje me vendndodhjen tuaj ose planet e udhëtimit në mediat sociale.

c. Shmangni pjesëmarrjen në tubime ose ngjarje të mëdha që lidhen me Izraelin ose komunitetet hebraike.

d. Bashkëpunoni me forcat lokale të sigurisë dhe ndiqni udhëzimet e tyre menjëherë nëse ekspozoheni ndaj aktivitetit armiqësor.

e. Qëndroni shumë vigjilentë në vendet publike.

f. Në rast emergjence, kontaktoni misionin në vendin e rezidencës duke përdorur numrat e emergjencës që shfaqen në faqen “Na Kontaktoni”.’– thuhet në njoftimin e Ambasadës.

The post Anulohen fluturimet Tiranë-Tel Aviv, mbyllet edhe ambasada e Izraelit appeared first on Lapsi.al.

Pas përshkallëzimit të situatës në Lindjen e Mesme, ku Izraeli ka ndërmarrë një seri sulmesh ndaj objektivave strategjike në Iran, janë anuluar fluturimet mes Shqipërisë dhe Izraelit.

Sipas të dhënave nga faqja zyrtare e Aeroportit Ndërkombëtar të Rinasit, janë anuluar dy fluturime nga Tel Aviv drejt Tiranës dhe një fluturim nga Tirana drejt Tel Avivit.

Një prej avionëve nga Tel Aviv duhej të mbërrinte në Tiranë në 15:40 dhe tjetri në 16:20, por të dy janë anuluar.

Ndërkohë, nga Tirana ishte parashikuar një fluturim në orën 17:20 drejt Tel Avivit, por edhe ai është anuluar.

Ndërkohë, në mbrëmje vonë në 23:30 parashikohet një tjetër fluturim nga Rinasi në Tel Aviv, por edhe ai me shumë gjasë do të anulohet si të tjerët.

The post Çfarë ndodhi? Anulohen fluturimet Tiranë-Tel Aviv dhe anasjelltas, ja arsyeja appeared first on Albeu.com.

Pas sulmit ajror të Izraelit ndaj Iranit, disa kompani ajrore kanë ndryshuar itineraret dhe kanë anuluar një pjesë të fluturimeve në Izrael dhe zona të tjera në Lindjen e Mesme.

Ndër linjat e prekura janë edhe ato mes Tiranës dhe Tel Avivit ku sipas të dhënave nga faqja zyrtare e Aeroportit Ndërkombëtar të Rinasit, janë anuluar dy fluturime nga Tel Avivi drejt Tiranës dhe një fluturim nga Tirana drejt Tel Avivit.

Avioni i parë nga Tel Avivi duhej të mbërrinte në Tiranë në orën 15:40 dhe i dyti në 16:20, por të dy këto fluturime janë anuluar.

Po ashtu, është anuluar edhe fluturimi i orës 17:20 nga Tirana drejt Tel Avivit.

Nisur nga situata aktuale, mendohet se edhe fluturimet e ardhshme në këtë linjë mund të anulohen.

Pas sulmit të Izraelit ndaj Iranit të premten, disa kompani ajrore ndërkombëtare kanë anuluar, shtyrë ose ndryshuar rrugët e fluturimeve të tyre.

Të dhënat nga Flightradar24 tregojnë se shumë linja ajrore janë shmangur nga hapësirat ajrore mbi Izrael, Iran, Irak dhe Jordani, ndërsa kompanitë po përpiqen të devijojnë rrugët për të garantuar sigurinë e pasagjerëve dhe ekuipazheve.

Zonat me konflikt të shtuar në të gjithë rajonin po bëhen një barrë serioze për operacionet dhe fitimet e kompanive ajrore, ndërsa përbëjnë gjithashtu një rrezik të madh për sigurinë.

Ndërkohë, linja ajrore siriane ka pezulluar të gjitha fluturimet, ndërsa Jordania dhe Iraku kanë mbyllur hapësirat e tyre ajrore për shkak të tensioneve në rritje.

Siria ka njoftuar gjithashtu mbylljen e plotë të hapësirës ajrore, duke shkaktuar devijime të mëdha në trafikun ajror ndërkombëtar në Lindjen e Mesme.

LEXONI GJITHASHTU:

• Natë e zezë në Teheran, media shtetërore: Mbi 70 të vrarë nga bombardimet izraelite
• Macron komenton mbi sulmet izraelite ndaj Iranit: Palët të ushtrojnë përmbajtje

The post Sulmi i Izraelit ndaj Iranit, anulohen fluturimet Tiranë-Tel Aviv dhe anasjelltas appeared first on Euronews Albania.

TEHERAN, 13 qershor /ATSH-DPA/ – Banorët në Teheran janë shprehur të tronditur nga vala e sulmeve izraelite në kryeqytetin iranian dhe pjesë të tjera të vendit.

Një 38-vjeçar nga Teherani i tha DPA-së se ishte i shqetësuar për të ardhmen.

“Radhët në pikat e karburantit janë të gjata dhe ka shumë forca sigurie në rrugë”, tha ai.

“Si iranian – megjithëse jam i pakënaqur me qeverinë – jam i trishtuar nga sulmi dhe pres hakmarrje. Vrasja e gjeneralmajorëve është tronditëse”, tha burri, duke iu referuar vdekjes së udhëheqësve të lartë ushtarakë në sulmet e synuara.

Një grua që ishte duke bërë pazar tha se shpresonte që bankat të mos mbylleshin “sepse kjo do të ishte kaotike”.

Menaxheri i një dyqani tha se qeveria ishte ekspozuar nga sulmet dhe kjo e bëri të ndihej i paqartë.

“Frikë apo gëzim? Fatkeqësisht, gëzimi është më i madh se frika për mua”, tha ai.

Një gazetar iranian tha se sulmi ushtarak ndaj vendit ishte i papranueshëm.

“Kam frikë dhe shpresoj që vendi të mos zhytet në një kaos edhe më të madh”, tha ai.

Pas sulmeve të mëdha të Izraelit ndaj Iranit, edhe jeta publike në Izrael është ndalur kryesisht.

”Izraeli urdhëroi mbylljen e shkollave, dyqaneve dhe zyrave, duke lejuar vetëm supermarketet të mbeten të hapura për mallrat thelbësore”, raportoi të premten gazeta izraelite ”Haaretz”.

Me një hakmarrje të pritur nga Irani, shërbimet izraelite të emergjencës u kanë bërë thirrje qytetarëve të dhurojnë gjak.

”Qendrat tregtare, vendet e ngjarjeve, institucionet kulturore dhe vendet fetare janë gjithashtu të mbyllura. Parada e Ditës së Rrugës Christopher në Tel Aviv – ngjarja më e madhe LGBTQ në Lindjen e Mesme – e planifikuar për këtë fundjavë, është anuluar”, shtoi ”Haaretz”.

Komanda e Frontit të Brendshëm Izraelit i ka këshilluar banorët të qëndrojnë pranë strehimoreve kundër bombave ose të kërkojnë strehim në ndërtesa publike si shkollat, sipas raportit./ a.jor.

The post TEHERAN/TEL AVIV – Qytetarët i frikësohen kaosit pas sulmeve izraelite appeared first on Agjencia Telegrafike Shqiptare.

TEL AVIV, 26 maj /ATSH-DPA/ – Fondacioni Humanitar i Gazës (GHF) tha se do të fillojë shpërndarjen e ndihmës humanitare në Rripin e Gazës sipas një mekanizmi të ri që shihet me skepticizëm të madh nga ofruesit aktualë të ndihmës, përfshirë Kombet e Bashkuara.

Deri në fund të javës, fondacioni thotë se do të arrijë te më shumë se një milion palestinezë, gati gjysma e popullsisë së përgjithshme prej rreth 2,2 milionë banorësh.

Transmetuesi izraelit ”Kan” raportoi, duke cituar zyrtarë izraelitë, se e para nga katër qendrat e shpërndarjes së GHF do të hapet sot në Rripin e Gazës.

”Pakot me ushqime do t’u shpërndahen popullsisë nga këto qendra shpërndarjeje. Fondacioni gjithashtu planifikon të ndërtojë më shumë”, thotë raporti.

Kombet e Bashkuara janë kritike ndaj fondacionit, pjesërisht sepse thonë se civilët mund të gjenden në mes të zjarrit të kryqëzuar gjatë rrugës për në qendrat e shpërndarjes dhe se udhëtimi drejt tyre mund të jetë një pengesë e pakapërcyeshme për të moshuarit dhe të sëmurët.

Drejtori Ekzekutiv i GHF-së, Jake Wood njoftoi më parë dorëheqjen e tij nga fondacioni, duke thënë se ”kjo minon parimet humanitare”.

Wood është një veteran i ushtrisë amerikane, i cili themeloi një shërbim reagimi humanitar të quajtur ”Team Rubican” dhe gjithashtu drejton një platformë online për kompanitë që  dhurojnë ndihma./   /os/

The post GAZA – GHF fillon shpërndarjen e ndihmave humanitare appeared first on Agjencia Telegrafike Shqiptare.

TEL AVIV, 26 maj /ATSH-DPA/ – Qeveria izraelite ka hedhur poshtë propozimin e fundit për armëpushim dhe lirimin e pengjeve në Rripin e Gazës, raportuan mediet lokale.

”Propozimi i marrë nga Izraeli nuk mund të pranohet nga asnjë qeveri përgjegjëse”, citohet të ketë thënë një zyrtar i lartë anonim nga ”Times of Israel”, pa dhënë detaje të mëtejshme.

Sipas faqes së lajmeve ”Ynet”, propozimi u paraqit nga një biznesmen palestinezo-amerikan i cili thuhet se ka qenë prej kohësh i përfshirë në negociata të drejtpërdrejta me grupin ekstremist palestinez Hamas.

Sipas transmetuesit arab ”Al-Mayadeen”, i lidhur me Hezbollahun, propozimi përfshin një armëpushim 70-ditor për t’u lejuar të dyja palëve të negociojnë përfundimin e luftës, ndërsa Hamasi duhet të lirojë pesë pengje që janë ende gjallë dhe trupat e pesë të tjerëve nga Gaza.

Drafti është shumë larg propozimit të zhvilluar nga i dërguari special i SHBA-së, Steve Witkoff, citohet të ketë thënë një zyrtar izraelit.

Drafti i paraqitur së fundmi nga Witkoff bën thirrje për lirimin e 10 pengjeve të gjalla në këmbim të një armëpushimi 45-60-ditor.

Sipas burimeve izraelite, të paktën 20 pengje mbahen ende gjallë në Rripin e Gazës, ndërsa fati i tre të rrëmbyerve të tjerë është i pasigurt./   /os/

The post TEL AVIV – Izraeli hedh poshtë propozimin e fundit për armëpushim në Gaza appeared first on Agjencia Telegrafike Shqiptare.

Një 28-vjeçar me shtetësi amerikane dhe gjermane, Joseph Neumayer, u arrestua të dielën në aeroportin John F. Kennedy në New York, pasi u dyshua se tentoi të digjte ambasadën amerikane në Tel Aviv, Izrael. Ai u deportua nga autoritetet izraelite pas gjetjes së pajisjeve shpërthyese në një çantë shpine pranë ambasadës. Sipas Departamentit të Drejtësisë […]

The post Tentoi të digjte ambasadën amerikane në Tel Aviv, arrestohet 28-vjeçari në New York appeared first on BoldNews.al.

Një 28-vjeçar me shtetësi amerikane dhe gjermane, Joseph Neumayer, u arrestua të dielën në aeroportin John F. Kennedy në New York, pasi u dyshua se tentoi të digjte ambasadën amerikane në Tel Aviv, Izrael.

Ai u deportua nga autoritetet izraelite pas gjetjes së pajisjeve shpërthyese në një çantë shpine pranë ambasadës.

Sipas Departamentit të Drejtësisë së SHBA-së, Neumayer u paraqit në gjykatë dhe po mbahet në paraburgim.

Prokurorja e Përgjithshme Pamela Bondi deklaroi se i pandehuri akuzohet për planifikim të një sulmi shkatërrues që synonte ambasadën dhe kërcënonte jetën e amerikanëve dhe të Presidentit Trump.

Zyrtarët thanë se Neumayer kishte mbërritur në Izrael në prill dhe më 19 maj u përpoq të hyjë në ambasadë me një çantë shpine, ku mbanin tre kokteje Molotov, bomba të vogla të lëngut të ndezshëm, që mund të përdoren për të shkaktuar zjarr.

Ai gjithashtu pështyu një rojë të ambasadës dhe më pas u largua me shpejtësi, duke lënë pas çantën.

Policia më pas e arrestoi në hotelin ku qëndronte. Në mediat sociale, ai kishte bërë thirrje për sulme ndaj ambasadës dhe kishte kërcënuar amerikanët dhe Presidentin Trump, duke përdorur fjalë të rënda dhe kërcënuese.

Neumayer po përballet me akuza serioze që mund të rezultojnë me dënim deri në 20 vjet burg.

Arrestimi i tij vjen pas një sulmi tjetër të dhunshëm në Uashington DC, ku një person i armatosur vrau dy anëtarë të stafit të ambasadës izraelite jashtë një muzeu hebraik. Autoritetet po hetojnë lidhjen mes ngjarjeve.

Sekretarja e Sigurisë Kombëtare e SHBA-së pritet të marrë pjesë në një përkujtimore për viktimat në Izrael.

LEXONI GJITHASHTU:

• Izraeli vendos të gjithë brigadën e këmbësorisë dhe të blinduar të ushtrisë në Gaza
• Izraeli bombardon Gazën, një djalë katërvjeçar palestinez vdes nga uria

The post Tentoi të digjte ambasadën amerikane në Tel Aviv, arrestohet 28-vjeçari në New York appeared first on Euronews Albania.

TEL AVIV, 21 maj /ATSH-ANSA/ – Kryeministri izraelit, Benjamin Netanyahu tha në një konferencë për shtyp në Jerusalem se qëllimet e luftës ishin të ndërlidhura dhe se Izraeli “është gati për një armëpushim të përkohshëm, nëse lind mundësia”.

Sipas tij, “patjetër që ka edhe 20 pengje të tjerë gjallë dhe deri në 38 pengje të vdekur dhe se nuk mund ta pranojmë një krizë humanitare në Gaza’’.

‘’Ne e dimë që Hamasi plaçkit një pjesë të konsiderueshme të ndihmës dhe e shet pjesën tjetër me çmime të fryra për të financuar ushtrinë e tij terroriste’’, theksoi ai.

“Ne i eliminojmë ata dhe ata rekrutojnë. Në fund të operacionit ‘Tanket e Gideonit’, të gjitha zonat e Rripit të Gazës do të jenë nën kontrollin e sigurisë izraelite dhe Hamasi do të mposhtet’’, theksoi Netanyahu në një konferencë për shtyp.

Kryeministri Benjamin Netanyahu tha se ishte gati t’i jepte fund luftës “nën kushte të qarta që do të siguronin sigurinë e Izraelit”.

Në konferencën e tij të parë për shtyp në 163 ditë, ai renditi kërkesat për t’i dhënë fund konfliktit: ‘’Të gjithë pengjet të kthehen në shtëpi, Hamasi të dorëzojë armët, udhëheqja e tij të dëbohet nga Rripi, Gaza të çmilitarizohet plotësisht dhe ne zbatojmë planin e Trump”./   /os/

 

The post TEL AVIV – Netanyahu: Gati për një armëpushim të përkohshëm appeared first on Agjencia Telegrafike Shqiptare.