Zëvendësministri në detyrë i Infrastrukturës, Hysen Durmishi, ka njoftuar për ecurinë e shpejtë të punimeve në dy urat e reja që po ndërtohen mbi lumin Ibër në Mitrovicë.

“Paradite themeli i bregorës, e pasdite themeli i mesit të urës. Intensitet i paparë ndonjëherë në ndërtimin e urave në Kosovë. Në shtator do të kalojmë me vetura, e këmbë në trotuare”, ka shkruar Durmishi.

Projekti i ndërtimit të këtyre urave llogaritet se kap vlerën e afro 3 milionë euro.

Ndërkohë, për këtë kontratë ka nisur hetim Prokuroria Speciale, për të vlerësuar përputhshmërinë me procedurat ligjore të ndjekura gjatë tenderimit./Telegrafi/

The post Durmishi për urat e reja mbi Ibër: Intensitet i paparë ndonjëherë në ndërtimin e urave në Kosovë appeared first on Telegrafi.

Sulmuesi i Real Madridit, Rodrygo, vazhdon të jetë në qendër të spekulimeve për një largim të mundshëm nga “Los Blancos”.

Megjithatë, raportimet e fundit sugjerojnë se vetë futbollisti nuk është i prirur të largohet nga klubi.

Gjatë një shëtitjeje në rrugët e New Yorkut, ku po qëndron me Realin për Kupën e Botës për Klube, Rodrygo u ndalua nga disa tifozë për foto dhe autografe.

Në një moment, një prej tyre e pyeti drejtpërdrejt: “A do të shkosh te Arsenali?”.

Reagimi i Rodrygos ishte i menjëhershëm: shprehja e tij e fytyrës ndryshoi dukshëm dhe ai vendosi të mos përgjigjej fare. Thjesht u kthye dhe u largua në heshtje.

Ky reagim ka ngjallur diskutime në rrjetet sociale, me shumë që e interpretojnë si një sinjal të qartë se braziliani nuk është i interesuar për një kalim te Arsenali – ose thjesht është i lodhur nga spekulimet e vazhdueshme. /Telegrafi/

The post Pyetet nga një tifoz ‘do të shkosh te Arsenali?’, reagimi i Rodrygos i thotë të gjitha appeared first on Telegrafi.

Lëvizjet politike rivale që debatojnë të ardhmen e Kaledonisë së Re njoftuan një marrëveshje për të krijuar një shtet të ri – por jo plotësisht të pavarur nga Franca.

Fraksionet pro dhe kundër pavarësisë në territorin francez përfunduan bisedimet në Bougival, në periferi të Parisit, me një kompromis që do t’i jepte Kaledonisë së Re autonomi të re – duke i dhënë potencialisht territorit një shans për të ecur përpara nga trazirat e dhunshme të vitit të kaluar.

Kryeministri francez François Bayrou e quajti atë “një marrëveshje me rëndësi historike” në një postim në X.

Nouvelle-Calédonie : fierté d’un accord à hauteur d’Histoire : organisation unique d’un “ÉTAT DE NOUVELLE-CALÉDONIE” AU SEIN DE L’ENSEMBLE NATIONAL, INSCRIT DANS LA CONSTITUTION DE LA RÉPUBLIQUE FRANÇAISE”. Honneur aux courageux négociateurs, merci à M. Valls. C’était possible !

— François Bayrou (@bayrou) July 12, 2025

Ai përshëndeti marrëveshjen për një “organizim unik” të një shteti të ri të Kaledonisë së Re brenda “kornizës kombëtare” të Francës dhe të sanksionuar në kushtetutën franceze.

Bëhet e ditur se banorët e arkipelagut të Paqësorit dhe ish-kolonisë penale franceze kanë qenë prej kohësh të ndarë për të ardhmen e tyre.

Pasardhësit francezë duan që Parisi të ruajë pushtetin, ndërsa populli indigjen Kanak kërkon vetëvendosje, shkruan Politico.

Në maj të vitit të kaluar, shpërthyen trazira pasi parlamenti francez propozoi një ndryshim në rolin zgjedhor që do të dobësonte fuqinë politike të lëvizjes pro-pavarësisë.

Les Nouvelles Caledoniennes raportoi se marrëveshja – teksti i së cilës nuk ishte publikuar – lejoi krijimin e një kombësie të Kaledonisë së Re, që do të thoshte se banorët e ishullit mund të bëheshin shtetas të dyfishtë.

Marrëveshja tani përballet me një referendum në Kaledoninë e Re dhe një votim në parlamentin francez.

Në një deklaratë, grupet besnike franceze vunë në dukje se marrëveshja përfshinte “lëshime nga të gjitha palët”.

Ata thanë se do të krijonte “një kombësi të Kaledonisë së Re të pandashme nga kombësia franceze”.

Marrëveshja përfshin gjithashtu angazhime nga Franca për të ndihmuar në zhvillimin ekonomik, veçanërisht në sektorin strategjikisht të rëndësishëm të nikelit të vendit.

Ministri francez i Drejtësisë, Gérald Darmanin, tha se marrëveshja do t’i jepte Kaledonisë së Re “fuqi të zgjeruara, një elektorat të pangrirë dhe njohje të mundshme ndërkombëtare”. /Telegrafi/

The post Arrihet marrëveshja historike, Franca bie dakord për krijimin e shtetit “Kaledonia e Re” appeared first on Telegrafi.

Referuar anketave të fundit që shprehien përqindjes së lartë ku 40 përqind të qytetarëve mendojnë se vendi po shkon në drejtim të gabuar, ka pasur reagim nga Aleanca për Shqiptarët.

Sipas ASH-së ky perceptim dominues vërteton atë që kjo parti nga ngritur si shqetësime serioz se Maqedonia e Veriut ndohdte në kurs të gabuar politik dhe gjeosztrateghik i cili po e largon vendin nga vlerat euroatlantike

Komunikat e plotë e ASH-së për media

Sipas të dhënave nga anketa më e fundit e realizuar nga MKD.mk në bashkëpunim me agjencinë e specializuar për hulumtime të opinionit publik Market Vision, qytetarët e Maqedonisë së Veriut mbeten të ndarë në vlerësimet e tyre për drejtimin që ka marrë vendi. Në pyetjen “Në cilin drejtim mendoni se po shkojnë punët në Maqedoninë e Veriut?”, 40.5% e të anketuarve shprehen se vendi po shkon në drejtim të gabuar, krahasuar me vetëm 34.3% që besojnë të kundërtën.

Ky perceptim dominues negativ konfirmon atë që Aleanca për Shqiptarët e ka ngritur me kohë si shqetësim serioz që Republika e Maqedonisë së Veriut ndodhet në një kurs të gabuar politik dhe gjeostrategjik, i cili e largon vendin nga vlerat euroatlantike dhe i afrohet rrezikshëm ndikimeve të huaja destruktive.

Këto shqetësime nuk janë vetëm të brendshme. Ato u artikuluan qartë edhe në Raportin e fundit të Parlamentit Evropian, i cili thekson ndikimin gjithnjë e më të madh të fushatave të dezinformimit dhe ndërhyrjeve të huaja në vendet e Ballkanit Perëndimor – përfshirë Maqedoninë e Veriut – duke vënë në dukje rolin destabilizues të qeverive të Hungarisë dhe Serbisë në avancimin e interesave strategjike të Rusisë dhe Kinës në rajon.

Përballë këtij realiteti alarmant, Aleanca për Shqiptarët u bën thirrje drejtuesve shtetërorë që të reflektojnë me përgjegjësi të plotë dhe të ndalin çdo qasje destruktive ndaj Bashkimit Evropian dhe Shteteve të Bashkuara të Amerikës. Po ashtu, kërkojmë që të ndërpriten menjëherë të gjitha lidhjet dhe komunikimet me “botën serbe” dhe aksin ruso-kinez, të cilat rrezikojnë integritetin demokratik dhe të ardhmen euroatlantike të vendit.

Kjo thirrje drejtohet sidomos ndaj përfaqësuesve shqiptarë në qeveri, përkatësisht liderëve të koalicionit VLEN, të cilët janë të obliguar të reflektojnë mbi këtë gjendje të rëndë dhe të tërhiqen nga një qeveri pa legjitimitet etnik, pa përkrahje shumicë dhe me orientim konfliktuoz ndaj Perëndimit.

Qëndrimi i Aleancës për Shqiptarët është i qartë, nuk synojmë pushtetin por kërkojmë ndalimin e politikave antishqiptare dhe antiperëndimore të kësaj qeverie. Ajo që kërkojmë është presion politik dhe qytetar mbi qeverinë aktuale që të ndalë orientimin e rrezikshëm dhe të kthehet në rrugën e integrimeve evropiane.

Aleanca për Shqiptarët ishte pjesë e qeverisë, por zgjodhi të largohet kur ky kurs u deformua. Të gjithë të tjerët që ndihen të kërcënuar nga zëri opozitar, duhet të kuptojnë se ne nuk ua zëmë vendin – por ua tregojmë drejtimin.

Se jemi në rrugë të drejtë dhe në përputhje me pritshmëritë e qytetarëve, këtë e dëshmojnë qartë edhe sondazhet më të fundit, të realizuara nga agjenci relevante dhe profesionale, të cilat flasin në mënyrë të padiskutueshme në favor të Aleancës për Shqiptarët dhe në dizfavor të thellë për përfaqësuesit e koalicionit VLEN. Ky është momenti që ata të reflektojnë me seriozitet, të kthehen te populli, dhe të ndjekin zërin e shumicës shqiptare, që sot kërkon qartazi orientim të vendosur pro-perëndimor dhe përfaqësim dinjitoz në skenën politike.

The post ASH: Nuk synojmë pushtetin, por ndalimin e politikave antishqiptare dhe antiperëndimore të qeverisë aktuale appeared first on Telegrafi.

Këngëtari i njohur, Blero, ka bërë një postim në Instagram që ka shtuar dyshimet për një lidhje të re.

Edhe pse ai nuk ka dhënë ndonjë konfirmim të drejtpërdrejtë, një fotografi e publikuar së fundmi ka nxitur reagime në rrjet.

Në imazhin e ndarë me ndjekësit, Blero shihet duke vozitur, ndërsa në krah i qëndron dora e një vajze misterioze që I vendos dorën në krah.

Identiteti i saj mbetet i panjohur, por kjo pamje e ka bërë të qartë se këngëtari mund të jetë në një kapitull të ri personal.

Kjo ka ardhur pas raportimeve, përmes së cilave Blero u përfol se ishte parë në shoqërinë e një vajze të re.

Postimi në Instagram vetëm sa e ka shtuar zhurmën përreth jetës së tij sentimentale.

Edhe pse nuk është bërë asnjë deklaratë zyrtare, fansat janë duke komentuar gjerësisht dhe spekulojnë për një lidhje të mundshme.

Mbetet për t’u parë nëse Blero do të ndajë më shumë detaje në ditët në vijim. /Telegrafi/

The post Blero ngjall dyshime për një lidhje të re me një postim në Instagram appeared first on Telegrafi.

Barcelona duhet të finalizojë largimet për të rikthyer rregullin 1:1 në La Liga  dhe Marc-Andre Ter Stegen është një nga kandidatët kryesorë për t’u larguar. 

Më herët gjatë kësaj jave, portieri gjerman është informuar nga Hansi Flick se nuk bën pjesë në planet për sezonin e ardhshëm, dhe për rrjedhojë, ekziston dëshira nga klubi për ta larguar atë. 

Paga e lartë e Ter Stegen është ndër më të lartat në skuadër, ndaj largimi i tij do të ishte shumë i rëndësishëm për të mundësuar regjistrimin e përforcimeve të reja, që do të bëhen nga tani e deri në fund të verës, përfshirë Joan Garcia, i cili do të jetë portieri titullar i katalanasve sezonin e ardhshëm. 

Pavarësisht se i është bërë e qartë se nuk do të luajë, Ter Stegen nuk është i gatshëm të largohet nga Barcelona. 

Megjithatë, kjo nuk do të thotë se ai nuk do të ketë mundësi për të siguruar një vend titullari diku tjetër  dhe aktualisht, shansi më i mirë i tij është në Turqi. 

Sipas Sabah Spor, Galatasaray është gati të lëvizë për Ter Stegen sapo të finalizojë marrëveshjen për Victor Osimhen. 

Gjigantët turq e shohin portierin e Barcelonës si zëvendësuesin ideal të Fernando Musleras, i cili së fundmi është larguar dhe është kthyer në Amerikën e Jugut. 

Sezoni i ardhshëm është vendimtar për Ter Stegen. Ai nuk ka qenë kurrë portieri titullar i Gjermanisë në një Kupë Bote, por për momentin, e ka fanellën e titullarit në prag të turneut të verës së ardhshme në Amerikën e Veriut.  

Kjo situatë mund të ndryshojë, nëse ai nuk luan rregullisht sezonin që vjen./Telegrafi/

The post Gjiganti evropian do të bëjë përpjekje konkrete për transferimin e Ter Stegen appeared first on Telegrafi.

Ka mbërritur në Kosovë, në vizitën e tij të parë, Ndihmës Sekretari i Shtetit, Brendan Hanrahan.

Këtë e ka bërë të ditur përmes një postimi Ambasada e Shteteve të Bashkuara të Amerikës në Kosovë.

Hanrahan është pritur nga e ngarkuara me punë në këtë ambasadë, Anu Prattipati.

“Këtë mbrëmje, e ngarkuara me punë në detyrë Anu Prattipati pati kënaqësinë të mirëpriste zyrtarin e lartë të Byrosë për Çështje Evropiane dhe Euroaziatike të Departamentit të Shtetit, Brendan Hanrahan, në vizitën e tij të parë në Kosovë. Ne presim me padurim një fundjavë produktive me takime dhe vizita për të përforcuar prioritetet e SHBA-së për stabilitetin rajonal, sigurinë dhe prosperitetin ekonomik”, thuhet në njoftimin që e ka bërë ambasada e SHBA-së në Prishtinë.

Ndërkohë pritet që me zyrtarin e lartë të Shteteve të Bashkuara do të takohet edhe kryeministri në detyrë, Albin Kurti, i cili do të jetë në darkën e punës të organizuar nga Prattipati.

Pritet që gjatë qëndrimit të tij në Kosovë, Hanrahan të takohet edhe me liderë politikë, derisa ditë më parë kishte zhvilluar takim me presidenten e shtetit Vjosa Osmani gjatë qëndrimit të saj në Shtetet e Bashkuara./Telegrafi/

The post Ndihmës Sekretari i Shtetit arrin në Kosovë, SHBA thekson prioritetet për stabilitet dhe zhvillim rajonal appeared first on Telegrafi.

Zakonisht fillon me ndjesinë e mpirjes në duar dhe këmbë, për shkak të qarkullimit të dobët të gjakut

Humbja e qimeve në këmbë, veçanërisht në pjesët më të ulëta të gjymtyrëve, mund të jetë shenjë e një sëmundjeje e cila, nëse komplikimet nuk trajtohen, mund të ketë pasoja fatale.

Diabeti është një sëmundje që ka marrë përmasa epidemike, sidomos në vendet e zhvilluara dhe te personat mbi 50 vjeç. Kur zbulohet herët dhe kontrollohet mirë, pacienti mund të jetojë normalisht. Problemi qëndron te fakti që diabeti shpesh quhet “sëmundje e heshtur”, prandaj mund të ketë luhatje të sheqerit pa u vërejtur. Për këtë arsye, mjekët këshillojnë që të paktën një herë në vit të kontrollojmë nivelin e sheqerit në gjak dhe të vëzhgojmë simptomat që mund të tregojnë vështirësi në mbajtjen nën kontroll të glikemisë.

Kontrolloni analizat e gjakut

Nëse lëkura e këmbëve dhe shputave tuaja duket e lëmuar dhe vini re rënie të dukshme të qimeve në këmbë, sidomos në pjesën e poshtme të tyre, pa qenë kjo pasojë e depilimit të vazhdueshëm, atëherë është koha të kontrolloni gjakun. Është e mundur të keni nivele të paqëndrueshme të sheqerit në gjak.

Dr. Kenneth Harless, specialist për diabetin, shpjegon se humbja e qimeve në pjesët e poshtme të gjymtyrëve mund të jetë tregues i neuropatisë diabetike, një dëmtim i nervave periferikë që ndodh kur diabeti nuk kontrollohet si duhet. Neuropatia diabetike është një komplikim i diabetit që çon në qarkullim të dobët të gjakut, dëmtim të mëtejshëm të nervave në gjymtyrët e poshtme dhe si pasojë, mund të shkaktojë rënie të qimeve në këmbë, transmeton Telegrafi.

Shfaqen edhe simptoma të tjera

Neuropatia diabetike zakonisht fillon me ndjesinë e mpirjes në duar dhe këmbë, për shkak të qarkullimit të pamjaftueshëm të gjakut.

– Sa më i avancuar të jetë niveli i neuropatisë diabetike, aq më i madh është edhe humbja e qimeve në këmbë, veçanërisht në zonat afër shputave, thotë dr. Harless. Këtë e vërteton edhe një studim i vitit 2019, në të cilin morën pjesë 107 pacientë, dhe që tregoi se humbja e qimeve mund të jetë tregues i dëmtimit të nervave. Simptoma të tjera mund të jenë turbullimi i përqendrimit (“mjegulla cerebrale”), ngadalësimi i shërimit të plagëve, probleme me shikimin dhe mundësia e dëmtimit të veshkave.

Diabeti dhe paradiabeti

Shkaqet kryesore të diabetit të tipit 2 janë ushqyerja e pashëndetshme me yndyra dhe sheqerna të këqij, obeziteti dhe mungesa e aktivitetit fizik. Pacientët zakonisht ndjejnë uri të shtuar, nevojë për urinim të shpeshtë dhe lodhje të vazhdueshme. Në disa raste, mund të bëhet fjalë për paradiabet – kur niveli i glukozës në gjak (5.7 deri 6.9 mmol/L) është mbi vlerat normale, por ende nën pragun diagnostikues për diabet. Vlerat normale të glukozës janë 3.5-6.1 mmol/L.

Te personat me paradiabet vërehen nivele të larta të sheqerit në gjak, ndërsa nëse nuk merren masa, kjo gjendje mund të kalojë në diabet të tipit 2. Lajmi i mirë është se kjo është një gjendje metabolike e kthyeshme, niveli i sheqerit mund të kthehet në normalitet dhe të parandalohet kalimi në diabet. /Telegrafi/

The post Humbja e qimeve në këmbë sinjalizon një sëmundjeje serioze, paralajmërojnë mjekët appeared first on Telegrafi.

Organizata e Veteranëve të Luftës, Shoqata e Invalidëve të Luftës, Shoqata e Familjeve të Dëshmorëve, Shoqata e të Burgosurve Politikë dhe Shoqëria “Lëvizja”, kanë reaguar pas lajmit se më 17 korrik do të merret vendimi për mocionin e dorëzuar nga ish-krerët e UÇK-së në Dhomat e Specializuara në Hagë.

Në reagim thuhet se ky moment është një test për drejtësinë dhe për të vërtetën, ku i bënë thirrje trupit gjykues që në këtë vendim të mos i mbyllë sytë para të vërtetës.

“Lufta jonë çlirimtare ka qenë e drejtë, e pastër dhe e ndërtuar mbi themele të lirisë e dinjitetit kombëtar. Çdo përpjekje për ta njollosur atë është padrejtësi ndaj popullit dhe ndaj historisë sonë”.

“I bëjmë thirrje trupit gjykues që në këtë vendim të rëndësishëm të mos i mbyllë sytë para së vërtetës të luftës sonë çlirimtare. Ky është një moment vendimtar që kërkon respektim të parimeve të drejtësisë me ndershmëri”, thuhet në reagim.

Tutje, këto organizata thanë se populli shqiptar dhe bashkësia ndërkombëtare presin një vendim që sipas tyre, respekton sakrificën për liri dhe jo një vendim që i shërben padrejtësisë.

“Ne besojmë në pafajësinë e luftëtarëve tanë dhe do të qëndrojmë gjithmonë përkrah tyre. 16 korriku do të jetë dita kur do të shihet se a është e politizuar kjo gjykatë apo ende ka në të jurist profesional dhe të paanshëm”, thuhet në reagim.

The post Mocioni për Thaçin dhe të tjerët, OVL-UÇK: Ky moment është një test për të vërtetën appeared first on Telegrafi.

Mesfushori i Chelseat, Enzo Fernandez, ka treguar për një përvojë të frikshme gjatë një ndeshjeje në Kupën e Botës për Klube, duke zbuluar se është rrëzuar në fushë për shkak të marramendjes së shkaktuar nga temperaturat ekstreme.

Zëvendëskapiteni i “Bluve” e përshkroi situatën si jashtëzakonisht të rrezikshme dhe ngriti shqetësime serioze për sigurinë e lojtarëve në kushte të tilla atmosferike.

“E vërteta është se nxehtësia ishte e pabesueshme. Në një moment gjatë ndeshjes, fillova të ndihesha keq”, deklaroi mesfushori argjentinas.

“U shtriva përtokë sepse më merreshin mendtë. Të luash në ato temperatura është jashtëzakonisht e rrezikshme”.

Temperaturat në Filadelfia, ku u zhvillua ndeshja, kanë arritur deri në 39°C. Ndeshjet janë planifikuar sipas orareve të transmetimit në Evropë, gjë që ka shtuar kritikat ndaj FIFA-s për menaxhimin e kohës së ndeshjeve në kushte klimaterike ekstreme.

Fernandez u bëri thirrje organizatorëve që të rishikojnë oraret e fillimit të ndeshjeve për të mbrojtur mirëqenien e futbollistëve dhe për të ruajtur cilësinë e lojës në nivelin më të lartë. /Telegrafi/

The post Fillojnë ankesat nga lojtarët e Chelseat para finales me PSG-në appeared first on Telegrafi.

Vijojnë prishjet e ndërtesave pa leje në Theth. Këtë të shtunë [12 korrik] atje shkuan edhe përfaqësues të Partisë Demokratike. Bardh Spahia tha se pamjet aktuale zona nuk i ka provuar as përballë serbëve.

“Për hir të së vërtetës këto pamje nuk i ka provuar kjo zonë që prej hordhive serbe dhe përballjes së banorëve patriotë të kësaj zone. Është hera e parë që në gjithë këto vite Theth dhe dukagjini përballet me një dhunë të tillë, me një terror të paprecedentë, të paarsyeshëm, të paargumentuar”, tha ai.

Spahia akuzoi kryeministrin Edi Rama “si një besprerë tipik”.

“Pasi u dha fjalën se jo vetëm do t’i lejonte, madje i bëri thirrje të investonin emigrantët e shumtë të kësaj treve në këtë zonë, i dhunon sot dhe i hedh në lumë investimet dhe kursimet e një jete të tërë”, tha ai duke e cilësuar aksionin si hakmarrje pasi zona nuk votoi Partinë Socialiste më 11 maj.

Ndërkohë Luçiano Boçi duke komentuar aksioni tha se zhvillohet pasi “nuk përputhet me oreksin e Edi Ramës.

“Duke goditur qytetarë e Thethit kërkon të rrëmbejë edhe këtë perlë të Shqipërisë”, tha Boçi duke akuzuar se Rama do t’ia japë atë “klientëve të tij”./TV Klan

The post Spahia: Pamjet aktuale zona e Thethit nuk i ka provuar as përballë serbëve appeared first on Telegrafi.

Një studim i fundit ndërkombëtar ka zbuluar një të vërtetë intriguese: rajoni i Mesdheut mbetet epiqendra e erotizmit, ku burrat mesdhetarë renditen si partnerët më pasionantë dhe romantikë në botë

Sipas të dhënave të mbledhura nga aplikacioni i njohur i takimeve Wisp, burrat italianë, spanjollë dhe grekë dominojnë listën për sharmin, aftësinë për flirt dhe përvojën e paharrueshme që ofrojnë në marrëdhënie intime.

Kush janë më “të nxehtit” në planet?

Italianët ruajnë vendin e parë me plot 21% të të anketuarve që i përshkruajnë si dashnorët më romantikë, të ëmbël dhe të paharrueshëm.
Spanjollët ndjekin me 15%, të famshëm për energjinë, humorin dhe gjestet pasionante.
Grekët mbajnë vendin e tretë me 14%, duke u vlerësuar për spontanitetin, temperamentin e zjarrtë dhe mikpritjen e tyre.
Brazilianët, të njohur për sensualitetin dhe ritmet e sambës, zënë vendin e katërt me 11%.
Francezët, të quajtur shpesh “magjistarët e romancës”, marrin 9%, duke ruajtur reputacionin e tyre si mjeshtra të flirtit.
Më pas përmenden portugezët, suedezët dhe australianët, të cilët, megjithëse me përqindje më të ulëta, vazhdojnë të vlerësohen për qasjen relaksuese dhe të hapur ndaj marrëdhënieve.

Kush mbetet pas?

Në fund të listës qëndrojnë britanikët, me vetëm 4%, ndërsa gjermanët zënë vendin e fundit me 3%. Diferenca, sipas ekspertëve, lidhet me stilin më të përmbajtur të këtyre kulturave, ku humori i thatë dhe rezervimi shpesh i zbehin pikat e romancës klasike, transmeton Telegrafi.

Pse pikërisht Mesdheu?

Sipas Sylvia Linzalone, zëdhënëse e Wisp, arsyeja është kombinimi i kulturës ekspresive dhe vetëbesimit natyral:

“Në Itali apo Spanjë, kontakti me sy, komplimentet spontane dhe bisedat plot gjallëri janë pjesë e jetës së përditshme. Romanca është po aq natyrale sa dielli që ngroh brigjet e Mesdheut. Edhe një bisedë në dyqan buke mund të tingëllojë si një flirt i ëmbël,” thotë ajo.

Nga ana tjetër, Linzalone shton me humor: “Britanikët mund të jenë mjeshtër të çajit të pasdites, por kjo nuk ndezin fishekzjarrë në shtrat.”

Udhëtimet: kur romanca ndizet më shumë

Sipas këtij sondazhi, aventura më pasionante lindin pikërisht gjatë udhëtimeve:

Rreth 36% e të anketuarve kanë përjetuar historinë më të paharrueshme të dashurisë gjatë pushimeve jashtë vendit.
Gati 20% pranojnë se janë dashuruar me dikë të huaj dhe shpeshherë i konsiderojnë këto lidhje si më të zjarrta se ato në vendin e tyre.

Ekspertët e marrëdhënieve thonë se udhëtimi i bën njerëzit më spontanë, më të çlirët dhe më të hapur ndaj aventurave emocionale, larg rutinës së përditshme.

“Pasioni nuk ka të bëjë me përsosmërinë fizike apo financiare, por me aftësinë për të jetuar momentin dhe për të krijuar intimitet të vërtetë,” thekson Linzalone.

Një klishe që qëndron

Në fund të ditës, duket se stereotipet për burrat mesdhetarë si flirtues, pasionantë dhe romantikë nuk janë thjesht klishe pa bazë. Klima e ngrohtë, historia e pasur kulturore, ku arti dhe muzika ndërthuren me një stil jetese që vlerëson ndjenjat dhe kënaqësinë – të gjitha i mbajnë ende burrat e Mesdheut në majë të listës globale të dashurisë dhe erotizmit. /Telegrafi/

The post Ku pulson erotizmi i botës? Burrat mesdhetarë kryesojnë si partnerët më të dëshiruar në botë appeared first on Telegrafi.

Koalicioni VLEN ka numëruar sot të arriturat e kësaj qeverisje në sektorin e bujqësisë.

Sipas tyre, që nga fillimi i mandatit janë paguar mbi 9 miliardë denarë subvencione të papaguara dhe janë ndërmarrë disa masa për mbrojtjen e produkteve vendore.

Njoftimi i plotë:

Me lejoni që sot t’ju informoj për masat konkrete që kemi ndërmarrë në sektorin e bujqësisë, pylltarisë dhe ekonomisë së ujërave – sektorë që përbëjnë shtyllën e jetës rurale dhe të sigurisë ushqimore në vend.

Subvencionet dhe pagesa direkte

Prej fillimit të mandatit tonë, janë paguar mbi 9 miliardë denarë subvencione të papaguara dhe aktuale për mbi 70.000 bujq, duke zhbllokuar vonesat që i kemi trashëguar dhe duke rikthyer besimin e bujqve tek shteti.

Kemi realizuar shumicën e masave dhe nënmasave të parashikuara në Programin vjetor të pagesave direkte, përfshirë:

– 2.43 miliardë denarë për prodhuesit e duhanit – subvencioni më i lartë ndonjëherë.

– 602 milionë denarë për lopët e shënuara (masë bazë dhe shtesë).

– 656 milionë denarë për prodhimin dhe dorëzimin e qumështit.

– 221 milionë denarë për delet e shënuara dhe 177 milionë denarë për qengjat e dorëzuar në thertore.

– 179 milionë denarë për bletarinë.

– 625 milionë denarë për kulturat bujqësore, përfshirë farën e certifikuar.

Masa ndërhyrëse për bujqit

Për të përballuar sfidat në treg, kemi miratuar masa ndërhyrëse si:

– 5 denarë për kg për prodhuesit e kumbullës.

– 3 denarë për kg për grurin e dorëzuar nga viti i kaluar.

– 6 denarë për kg për orizin e grumbulluar në vitin 2024.

– Rritje 100% e subvencioneve për elbin – nga 6.000 në 12.000 denarë për hektar.

Rritje rekord në çmimin e duhanit

Me përkrahje të drejtpërdrejtë dhe koordinim me blerësit e duhanit:

– Çmimi i blerjes u rrit nga 375 në 400 denarë/kg.

– Subvencioni u rrit nga 80 në 100 denarë/kg.

Kjo solli çmimin më të lartë historik për blerjen e duhanit dhe ndikoi në:

– Rritje prej 4.5 miliardë denarësh në çmimin eksportues.

– Zgjerim të sipërfaqeve të mbjella me duhan: nga 12.959 ha në vitin 2024, në 14.475 ha për vitin 2025.

Rritje e tregtisë bujqësore dhe kontraktimeve

Sipas Entit Shtetëror të Statistikës, kemi një rritje prej 5% në blerjen dhe shitjen e produkteve bujqësore në tremujorin e parë të vitit 2025 krahasuar me atë të 2024.

Janë lidhur mbi 2.100 kontrata për sipërfaqe prej 5.942 hektarësh.

Investime për bujqësinë moderne

Nga Programi për Zhvillim Rural, janë hapur thirrje publike për:

– Masa 112 – mbështetje për bujqit e rinj (18–40 vjeç), me grant 10.000 euro për nisje të aktivitetit bujqësor.

– Masa 121 – modernizimi i ekonomive bujqësore: për traktorë, mekanizëm ndihmës, sisteme ujitjeje dhe investime për prodhim vere, pijeve alkoolike dhe birrës me kapacitet të vogël.

Nga IPARD programi, janë shpallur thirrje për:

– Masa 7 – Diversifikimi i fermave dhe zhvillimi i bizneseve rurale, me fond 14 milionë euro.

– Masa 1 – Investime në asete themelore, me fond 7.4 milionë euro.

Po punojmë me intensitet për akreditimin e masave të reja të IPARD 3.

Ujërat, pylltaria dhe infrastruktura

Siguruam 250 milionë denarë për pagat në NP “Pyjet Kombëtare” dhe 100 milionë denarë për SHA “Ekonomia e Ujërave”, për të shlyer pagat e vonuara që i trashëguam nga qeveria e kaluar.

Investuam 132 milionë denarë shtesë për infrastrukturën e ujitjes, në gjithë territorin, përveç programit ekzistues mbi 7 milionë euro.

Me ndërmjetësim të drejtpërdrejtë të zëvendësministrit Albrim Hoxha, u zgjidh ngërçi për vazhdimin dhe përfundimin e projektit të sistemit të ujitjes në Kolibar – Cërvicë të Kërçovës, një projekt i rëndësishëm për bujqit dhe tokat e atij rajoni.

Mbështetje për institucionet shkencore dhe arsimin bujqësor

Janë ndarë 61.5 milionë denarë për:

– Institutin e Duhanit – Prilep,

– Institutin për Blegtori dhe Peshkim,

– Fakultetin për Shkencat Bujqësore dhe Universitetin e Tetovës.

Thjeshtim i procedurave dhe reforma ligjore

U thjeshtuan procedurat – bujqit tani dorëzojnë deklaratën e prodhimit vetëm një herë në vit për të përfituar subvencione.

U sollën ndryshime ligjore në:

– Ligjin për pyje,

– Ligjin për tokën bujqësore,

– Ligjin për gjahun dhe gjuetinë,

– Ligjin për fitofarmaci.

Po përgatisim një ligj të ri për bujqësinë dhe zhvillimin rural, për të cilin tashmë është mbajtur debat publik.

Është kryer analizë e Strategjisë Kombëtare për Bujqësi dhe Zhvillim Rural, dhe po përgatitet rishikimi i saj.

Policia pyjore dhe mbështetja për shoqatat

U pranua kërkesa e sindikatës së pavarur për njohjen e stazhit të beneficuar për pjesëtarët e policisë pyjore – kjo do të hyjë shumë shpejt në fuqi.

Në vitin 2025 janë mbështetur 54 shoqata me gjithsej 10.9 milionë denarë për panaire dhe aktivitete promovuese në zonat rurale.

Të nderuar qytetarë,

Këto nuk janë vetëm shifra. Janë ndryshime reale në jetën e bujqve, fermerëve, punëtorëve pyjorë dhe gjithë atyre që jetojnë dhe punojnë në fshat.

Si Koalicion VLEN, kjo periudhë flet vetë: kemi qenë pranë bujqve shqiptarë.

Gjatë kësaj kohe kemi dëshmuar me vepra përkushtimin tonë ndaj zhvillimit të bujqësisë dhe mbështetjes së bujqve shqiptarë. Kemi rritur subvencionet, kemi mbështetur fermerët e vegjël dhe kemi hapur mundësi të reja për investime në sektorin rural.

Angazhimi ynë ka qenë i qartë: një bujqësi më e fortë, më moderne dhe më e drejtë për të gjithë.

 

The post VLEN: Nga fillimi i mandatit kemi paguar mbi 9 miliardë denarë subvencione të papaguara për bujqit, kemi investuar për një bujqësi të fortë dhe të sigurt appeared first on Telegrafi.

Ekipi i Kosovës në CS2 ka pësuar humbje ndaj Lituanisë në fazën çerekfinale, duke mbyllur kështu rrugëtimin e tyre në Kampionatin Evropian të eSports që po zhvillohet në Prishtinë. 

Lituanezët ia dolën që këtë seri ta mbyllin me rezultat 2-0 pas triumfit fillimisht në Anubis pastaj në Ancient. 

Pavarësisht atmosferës elektrizuese që mbizotëroi në palestrën ‘1 Tetori’, djelmoshat kosovarë nuk ia dolën që të avancojnë tutje. 

Megjithatë, duhet duartrokitur paraqitja e Kosovës deri në këtë fazë dhe ne u dëshirojmë suksese në karrierat e tyre respektive./Telegrafi/

The post Përfundon rrugëtimi i ekipit të Kosovës në CS2 në Kampionatin Evropian të eSports  appeared first on Telegrafi.

Komisioni Evropian do të ndërmarrë të gjitha hapat e nevojshëm për të mbrojtur interesat e BE-së, duke përfshirë miratimin e kundërmasave proporcionale nëse është e nevojshme, njoftoi presidentja Ursula von der Leyen pas njoftimit të presidentit të SHBA-së Donald Trump se ai do të vendoste tarifa prej 30% për mallrat nga BE-ja.

“Ne mbetemi të gatshëm të vazhdojmë të punojmë drejt një marrëveshjeje deri më 1 gusht. Në të njëjtën kohë, ne do të ndërmarrim të gjitha hapat e nevojshëm për të mbrojtur interesat e BE-së, duke përfshirë marrjen e kundërmasave proporcionale nëse është e nevojshme.”

Trump njoftoi sot se duke filluar nga 1 gushti, tarifat prej 30% do të zbatohen për shumicën e mallrave të BE-së të importuara në SHBA, përcjell Telegrafi.

E njëjta përqindje vlen edhe për Meksikën.

“Ne kemi diskutuar marrëdhënien tonë tregtare me Bashkimin Evropian për vite me radhë dhe kemi arritur në përfundimin se duhet të largohemi nga këto deficite tregtare të gjata, të mëdha dhe të vazhdueshme”, shkroi Trump në një letër drejtuar von der Leyen.

Presidentja e Komisionit theksoi se BE-ja vazhdimisht i ka dhënë përparësi një zgjidhjeje të dakorduar me SHBA-në, e cila pasqyron angazhimin për dialog, stabilitet dhe një partneritet konstruktiv transatlantik.

Sipas saj, tarifat prej 30% do të prishnin shumë zinxhirët e furnizimit transatlantik, në dëm të bizneseve, konsumatorëve dhe pacientëve në të dy anët e Atlantikut. /Telegrafi/

The post BE-ja njofton menjëherë përgjigjen ndaj tarifave të Trumpit appeared first on Telegrafi.

Arsenali ka arritur një marrëveshje surprizë me Chelsean për transferimin e anësorit Noni Madueke, në një operacion që do t’i kushtojë “Topçinjve” plot 60 milionë euro.

Ky veprim ka ngjallur reagime të përziera, sidomos duke marrë parasysh kërkimin e vazhdueshëm të Arsenalit për një sulmues klasik.

Edhe pse Madueke ofron shkathtësi, moshë të re dhe potencial, një pjesë e tifozëve të Arsenalit kanë shprehur skepticizëm për këtë investim, duke pasur parasysh formën e paqëndrueshme të lojtarit dhe disa çështje disiplinore të së kaluarës.

Madueke është lënë jashtë skuadrës së Chelseat në disa raste, përfshirë një përjashtim pas një paraqitjeje të dobët në stërvitje, dhe më pas u injorua nga trajneri Enzo Maresca për gjysmëfinalen e Kupës së Botës për Klube.

Burime të brendshme në klubin londinez raportojnë zhgënjim për progresin më të ngadaltë se sa ishte parashikuar. Që nga transferimi i tij nga PSV për 30 milionë euro, ai ka realizuar vetëm 20 gola dhe 9 asiste në 92 paraqitje.

Një faktor kyç në këtë marrëveshje ka qenë presioni financiar i Chelseat. Klubi u gjobit së fundmi me 30 milionë euro nga UEFA për shkelje të rregullave financiare, dhe kjo shumë mund të arrijë deri në 78.5 milionë.

Shitja e Madueke shihet si një hap për të balancuar bilancet dhe shmangur sanksione të mëtejshme – përfshirë ndalim transferimesh në garat evropiane.

Pavarësisht kritikave, Madueke është entuziast për transferimin dhe ka rënë dakord me kushtet personale të një kontrate pesëvjeçare me Arsenalin.

Ky lëvizje i shtohet një liste të gjatë transferimesh midis dy rivalëve londinezë, ndërsa të dy klubet po përgatiten për sezonin e ri me ambicie të mëdha. /Telegrafi/

The post Te Chelsea ishin të zhgënjyer me atë që bëri Madueke pasi që arriti marrëveshje me Arsenalin appeared first on Telegrafi.

Ben Affleck u shfaq si një baba i përkushtuar ndërsa iu bashkua ish-bashkëshortes Jennifer Garner dhe dy prej fëmijëve të tyre në një ndeshje bejsbolli në Boston, në Fenway Park.

Aktori 52-vjeçar u pa duke kaluar kohë me Garner dhe fëmijët e tyre Fin, 16 vjeç, dhe Samuel, 13 vjeç, ndërsa vajza e madhe, Violet, mungonte në këtë dalje familjare.

Ndërkohë që mbështeste ekipin vendas Red Sox, Affleck shfaqej i qetë dhe pranë Garner, me të cilën ka ruajtur një marrëdhënie të qëndrueshme bashkëprindërore pas ndarjes së tyre në vitin 2018, shkruan DailyMail.

Aktori ka folur më parë me respekt për ish-bashkëshorten, duke e quajtur një partnere të shkëlqyer në rritjen e fëmijëve të tyre.

Dalja publike e Benit vjen pak kohë pas publikimit të një kënge të re nga Jennifer Lopez, “Wreckage Of You”, e cila shihet si një reflektim emocional mbi ndarjen e tyre.

Ben Affleck and Jennifer Garner are front row at the Red Sox game

Are you with them or fading? pic.twitter.com/sZYc1IZNQT

— Fliff (@fliff) July 11, 2025

Lopez ka ndarë me fansat se kënga lindi gjatë një nate të vetmuar pas një periudhe të vështirë personale dhe profesionale për të.

Megjithatë, Affleck duket se po gjen stabilitet pranë familjes dhe ka marrë mbështetje nga Garner gjatë gjithë kësaj periudhe.

Dyshja janë parë shpesh së bashku në aktivitete familjare dhe kanë treguar se, pavarësisht ndarjeve dhe sfidave personale, qëndrojnë të bashkuar për të mirën e fëmijëve të tyre. /Telegrafi/

The post Ben Affleck kalon kohë me Jennifer Garner dhe fëmijët pas publikimit të këngës emocionale të Jennifer Lopez appeared first on Telegrafi.

Bisedimet mes Real Betis dhe Inter për Kristjan Asllanin kanw marrw fund, pasi mesfushori shqiptar preferon të qëndrojë në Serie A, mes interesimit nga Bologna dhe Fiorentina. 

Ditët e fundit ishte raportuar se Real Betis kishte dërguar përfaqësues në Itali për të negociuar me Interin për Asllanin dhe me Milanin për Emerson Royal. 

Sipas Sport Mediaset, tentativa për të transferuar reprezentuesin shqiptar është braktisur, për dy arsye: oferta e Betisit ishte shumë e ulët dhe vetë lojtari nuk ishte i bindur nga destinacioni. 

Në vend të kësaj, Asllani preferon të mbetet në Serie A, ku ka alternativa të vlefshme,  më konkretisht Bologna dhe Fiorentina e Stefano Piolit. 

Edhe pse është nën kontratë me Interin deri në qershor 2028, klubi zikaltër duket se beson se ka ardhur momenti që Asllani të largohet, duke synuar një transferim përfundimtar me çmim 18-20 milionë euro. 

Kjo do të thotë se çdo ofertë duhet të jetë për një shitje të plotë, ose të paktën për një huazim me detyrim blerjeje, nëse përmbushen kushte të caktuara. 

Asllani është një produkt i akademisë së Empolit dhe u bashkua me Interin në vitin 2022 për një shumë totale prej 15.7 milionë euro./Telegrafi/

The post Kristjan Asllani refuzon Betisin – ka dy oferta brenda Italisë appeared first on Telegrafi.

Imagjinoni të blini një çantë, jo sepse ju duhet, por sepse mbart shpirtin e një epoke, ADN-në e stilit të një ikone dhe statusin e simbolit që për dekada i ka rezistuar çdo trendi. Një çantë e tillë, origjinal i Jane Birkin, sapo është shitur për një shumë marramendëse prej 10 milionë dollarësh

Ndërsa Parisi gumëzhin nga emocioni i Javës së Modës Haute Couture, shtëpia e ankandeve Sotheby’s bëri lëvizjen e dekadës në botën e modës, nxori në ankand prototipin origjinal të çantës më të famshme në botë. Bëhet fjalë për modelin e parë që shtëpia luksoze Hermès e punoi në vitin 1984 për aktoren dhe këngëtaren e njohur Jane Birkin.

Një ikonë stili e lindur në avion

Kjo çantë nuk lindi në një studio dizajni, por krejt rastësisht, në avion. Gjatë një udhëtimi nga Parisi për në Londër, Jane u përpoq të ngrinte shportën e saj të preferuar të thurur nga Portugalia në raftin mbi sedilje, por dera u hap dhe të gjitha gjërat u derdhën në kabinë. Pranë saj ishte ulur Jean-Louis Dumas, asokohe drejtor ekzekutiv i Hermès. Duke parë skenën, i tha: “Duhet të keni një çantë që i mban të gjitha këto.” Ajo iu përgjigj: “Atëherë bëjeni – si gjysmë valixhe!” Dhe ai e bëri.

Në pjesën e pasme të një qeseje avioni e skicuan idenë me dorë. Një vit më vonë, Jane mbajti në duar një çantë lëkure të zezë që do të ndryshonte përgjithmonë standardet e modës, transmeton Telegrafi.

Ankandi që fshiu kufirin mes modës dhe mitit

Çanta, e realizuar sipas asaj skice dhe e përdorur nga Jane Birkin për nëntë vite, ka gjetur tashmë një pronar të ri. Në një ankand në Paris, ky artefakt mode u shit për plot 10 milionë dollarë. Blerësi i ri është një koleksionist nga Japonia që bëri ofertën përmes telefonit dhe mbeti anonim. Oferta e tij ishte dyfish më e lartë se çmimi fillestar, ndërsa gara zgjati vetëm rreth dhjetë minuta.

Çanta ruhet ende në gjendjen e saj origjinale, të përdorur, me gjurmë të dukshme të jetës së përditshme. Brenda saj janë lënë madje edhe mbetjet e copëzave të thonjve që Birkin i kafshonte, ndërsa në rrip varen akoma etiketat e vjetra. Inicialet J.B. në kapak i japin edhe më shumë vlerë emocionale.

Kush nuk e ka ëndërruar?

“Birkin” ndër vite është shndërruar në “kutinë e shenjtë” të aksesorëve të modës. Disa nga pronarët më të njohur të saj janë Jimmy Choo (me 200 çanta), Victoria Beckham (mbi 100), Kim Kardashian (më shumë se 30), si dhe Cardi B, Lady Gaga, Paris Hilton, madje edhe Jeffrey Star. Por prototipi? Ai ka qenë gjithmonë i paarritshëm.

Tani, 40 vjet pas lindjes së saj, kjo çantë e veçantë po ndryshon kontinent dhe pronar. Nga një ikonë stili, në një donacion humanitar (Jane e dhuroi për luftën kundër AIDS-it në vitin 1994), ajo ka mbërritur në destinacionin e ri të koleksionistit – Japoninë.

Pse “birkin” vlen miliona?

Sepse nuk është thjesht një çantë. Është histori, një tregim për një grua që nuk e kërkoi kurrë glamurin, por e rishkroi atë. Birkini simbolizon forcën e thjeshtësisë, rehatinë dhe autenticitetin dhe për këtë arsye do të mbetet gjithmonë në majë të mitologjisë së modës. /Telegrafi/

The post Çanta Birkin – ‘kutia e shenjtë’ e modës, u shit për 10 milionë dollarë appeared first on Telegrafi.

Në episodin më të ri të emisionit “Arena e Yjeve”, i ftuar është një nga figurat më të njohura të futbollit kosovar, Hekuran Kryeziu, ish-kapiten i Kombëtares dhe ish-mesfushor i spikatur në Superligën e Zvicrës. Kryeziu rrëfen për herë të parë në detaje rrugëtimin e tij, sfidat, prapaskenat e transferimeve dhe momentet më të paharrueshme në karrierë.

Ai zbulon se si nisi të merrej me futboll në moshë të re, duke e trashëguar dashurinë për lojën nga familja. “Gjithçka nisi natyrshëm. Në shtëpinë tonë gjithmonë është folur për futboll”, tregon Kryeziu.

Një nga rrëfimet më interesante është ai për transferimin e dështuar te Juventusi. “Ishte gjithçka gati, madje kalova edhe testet mjekësore. Por në fund diçka nuk shkoi siç duhej”, tregon ai, duke mos fshehur zhgënjimin e asaj kohe.

Kryeziu flet edhe për përvojën e tij me Luzernin, klubin ku kaloi të gjitha grupmoshat dhe arriti të bëhej kapiten, si dhe për kthesën e madhe që i dha karriera e tij, kur mori ftesën për t’iu bashkuar Kombëtares së Kosovës – një ftesë që, siç tregon ai, i erdhi nga një gazetar, para se Kosova të pranohej në UEFA e FIFA.

Ai ndalet edhe te tentativa e Shqipërisë për ta afruar në Kombëtare, duke treguar bisedat që kishte me trajnerët Gianni De Biasi dhe Paolo Tramezzani. “I vlerësoj për qasjen e tyre, por zemra më thoshte Kosovë”, u shpreh mesfushori.

Në rrëfimin e tij, Kryeziu ndan edhe pengun më të madh me fanellën e Kosovës, si dhe ndeshjen që nuk do ta harrojë kurrë. Po ashtu, flet për vendimin për të zgjedhur Zurichun në vend të klubeve italiane nga Serie A dhe për arsyet pse nuk u ndje rehat në Ukrainë, duke kërkuar largimin.

Ai zbulon gjithashtu se ishte shumë pranë një marrëveshjeje me një klub të njohur turk, por gjithçka u ndërpre në momentet e fundit.

Në fund, Kryeziu flet për shokët më të mirë në Kombëtare, përvojën e tij të parë si trajner, dhe ndan planet për të ardhmen në botën e futbollit.

Një rrëfim i sinqertë dhe emocionues nga një prej lojtarëve më të përkushtuar që ka njohur futbolli kosovar.

Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorit tonë Golden Eagle Energy Drink dhe Air Munich./Telegrafi/

The post Hekuran Kryeziu rrëfen karrierën në “Arenën e Yjeve”: Kaloi testet mjekësore te Juventusi, gazetari që e ftoi te Kosova dhe biseda me Shqipërinë appeared first on Telegrafi.