TEL AVIV, 6 gusht /ATSH-DPA/- Presidenti izraelit Isaac Herzog bëri thirrje sot për lirimin e menjëhershëm të pengjeve izraelite të mbajtura nga Hamasi, gjatë një vizite në Estoni.

“Pengjet janë në një situatë që u rrezikohet jeta”, tha Herzog pas një takimi me homologun e tij estonez Alar Karis, në Talin.

Ai i bëri thirrje komunitetit ndërkombëtar të punojë drejt një marrëveshjeje për lirimin e pengjeve dhe arritjen e një armëpushimi.

Ashtu si në ditët e mëparshme gjatë vizitave në Letoni dhe Lituani, ai mbajti lart fotografi të dy pengjeve të publikuara së fundmi nga Hamasi.

Sipas burimeve izraelite, 50 persona të rrëmbyer nga Izraeli ende mbahen në Rripin e Gazës, 20 prej të cilëve besohet se janë gjallë.

Herzog tha se Izraeli ka lejuar 30,000 tonë ndihma në Rripin e Gazës javën e kaluar.

OKB ka akuzuar Izraelin për pengimin e shpërndarjes së ndihmës në Gazë.

Një javë e gjysmë më parë, Izraeli autorizoi importin e furnizimeve me ndihmë në një shkallë të gjerë – për herë të parë në një muaj.

Megjithatë, organizatat ndërkombëtare kanë thënë se sasia që po lejohet të hyjë është e pamjaftueshme për të shmangur një krizë të afërt urie. //a.i/

The post IZRAEL – Presidenti Herzog kërkon marrëveshje për pengjet dhe armëpushim appeared first on Agjencia Telegrafike Shqiptare.

UASHINGTON, 4 gusht /ATSH-DPA/ – Zëvendëskancelari gjerman Lars Klingbeil bëri sot thirrje që qeveria e tij të ndjekë një qasje të ekuilibruar ndaj konfliktit në Gaza, ndërsa presioni ndërkombëtar rritet mbi Izraelin për shkak të situatës së rëndë humanitare në territorin palestinez.

“Është e qartë se presioni duhet të rritet nga të dyja palët”, tha Klingbeil, i cili është edhe si ministër i financave, për transmetuesin gjerman “Welt TV” gjatë një vizite në Uashington.

“Ne kemi nevojë për zgjidhje humanitare. Duhet të sigurohemi që dërgesat e ushqimit të arrijnë, që situata mjekësore të përmirësohet. Dhe duhet të sigurohemi që më në fund të arrihet një armëpushim”.

Klingbeil theksoi se ishte e rëndësishme që Berlini të deklaronte qartë se grupi ekstremist palestinez Hamas është përgjegjës për përshkallëzimin e konfliktit në Gaza, duke vënë në dukje se debati aktual po jepte përshtypjen se duhej vendosur “nëse do të vuash me palën palestineze apo me palën izraelite”.

“Megjithatë, ishte gjithashtu e rëndësishme të theksohej se Izraeli mban një nivel tepër të lartë përgjegjësie në dritën e situatës”, shtoi ai.

“Ata nuk po i japin drejtësi kësaj në shumë vende”, tha Klingbeil në lidhje me përgjegjësinë e Izraelit. “Veprimet e Hamasit duhet të shihen veçmas nga gjendja e vështirë e popullsisë civile palestineze”, theksoi Klinbeil

Ai  përsëriti se Partia e tij Social Demokrate, partneri i vogël në qeverinë e koalicionit të kancelarit konservator Friedrich Merz, nuk ishte në favor të njohjes së shpejtë të një shteti palestinez. Në vend të kësaj, ai tha se “është e rëndësishme të përqendrohemi së pari në një armëpushim dhe të ndihmojmë popullsinë”. /Ad.Ab./

The post SHBA – Zëvendëskancelari gjerman: Duhet rritur presioni ndaj Izraelit dhe Hamasit appeared first on Agjencia Telegrafike Shqiptare.

Në një deklaratë të fundit, grupi militant palestinez Hamas është shprehur se ata janë të gatshëm të bashkëpunojnë me Kryqin e Kuq Ndërkombëtar për të ofruar ushqim për pengjet Izraelite që mbahen në gaza duke I vën kusht Tel Avivit hapjen e Korridoreve Humanitare dhe ndalimin e sulmeve ajrore përgjatë shpërndarjes së ndihmave.

Presioni I grupit militant vjen pas publikimit të një videoje tronditëse të pengut Evyatar David i cili shfaqet i dërrmuar nga Uria the thoshte se po gërmonte varrin e tij.

Videoja ngjalli reagime të ashpra nga fuqitë perëndimore si Franca, Gjermania, Mbretëria e Bashkuar dhe Shtetet e Bashkuara, ndërsa Ministria e Jashtme izraelite njoftoi se Këshilli i Sigurimit i OKB-së do të zhvillojë një seancë të posaçme për çështjen e pengjeve këtë të martë.

Sipas autoriteteve izraelite, në Gaza ndodhen ende 50 pengje, nga të cilët besohet se vetëm 20 janë ende gjallë. Deri më tani, Hamas ka ndaluar organizatat humanitare të kenë qasje tek pengjet, ndërsa familjarët kanë pak ose aspak informacion për gjendjen e tyre.

Kryeministri izraelit Benjamin Netanyahu tha të dielën se i ka kërkuar Kryqit të Kuq që të ofrojë ndihmë humanitare për pengjet, në një bisedë me drejtuesin e delegacionit lokal të Komitetit Ndërkombëtar të Kryqit të Kuq (ICRC). Mediat Izraelite thonë se Netanyahu është zotuar përballë koalicionit të tij se kjo luftë do të përfundojë me shkatërrimin e Hamas, grupi militant I cili qeveris Rripin e Gazës dhe është konsideruar organizatë terroriste nga dhjetëra vende perëndimore përfshirë SHBA.

Forumi i Familjeve të Pengjeve e quajti deklaratën e Hamasit një përpjekje për të fshehur faktin se “ka mbajtur njerëz të pafajshëm në kushte të pamundura për më shumë se 660 ditë” dhe kërkoi lirimin e menjëhershëm të tyre. “Derisa të lirohen,” thuhet në deklaratë, “Hamas ka detyrimin t’u sigurojë gjithçka që u nevojitet. Çdo peng që vdes është përgjegjësi e Hamasit.”
Ndërkohë, Ministria e Shëndetësisë në Gaza njoftoi se gjashtë persona të tjerë kanë vdekur nga uria apo kequshqyerja në 24 orët e fundit, duke e çuar numrin total të viktimave nga uria në 175 që nga fillimi i luftës, përfshirë 93 fëmijë.

Përballë presionit ndërkombëtar në rritje, Izraeli ka premtuar rritje të ndihmave dhe pezullime të përkohshme të luftimeve në zona të caktuara për të lehtësuar shpërndarjen e tyre. Sidoqoftë, OKB-ja thekson se dërgesat ajrore janë të pamjaftueshme dhe se duhet lejuar ndihma tokësore në shkallë të gjerë për të shmangur urinë masive në mesin e 2.2 milionë banorëve të Gazës, shumica e të cilëve janë të zhvendosur.

Qeveria e Hamasit në Gaza tha se që nga fundi i korrikut kanë hyrë rreth 1,600 kamionë me ndihma, por dëshmitarët dhe burime nga Hamasi raportojnë se shumë prej tyre janë plaçkitur nga njerëz të dëshpëruar dhe banda të armatosura.

Lufta në Gaza nisi më 7 tetor 2023, kur Hamasi vrau mbi 1,200 njerëz dhe mori 251 pengje gjatë një sulmi në Izraelin jugor. Që atëherë, ofensiva izraelite ka shkaktuar mbi 60,000 viktima palestineze, sipas autoriteteve shëndetësore në territorin e rrethuar./abcnews.al

TEL AVIV, 4 gusht /ATSH-DPA/ – Kryeministri izraelit, Benjamin Netanyahu deklaroi se grupi militant palestinez Hamas nuk ka interes të arrijë asnjë marrëveshje armëpushimi ose të lirojë pengjet e mbetura në Gaza.

“E kuptoj saktësisht se çfarë dëshiron Hamasi. Nuk dëshiron asnjë marrëveshje”, tha Netanyahu në një mesazh video, sipas një përkthimi në anglisht nga ”The Times of Israel”.

Ai shtoi se videot e fundit të publikuara nga Hamasi vetëm sa e kishin forcuar vendosmërinë e tij për të mposhtur grupin dhe për të sjellë pengjet në shtëpi.

Vërejtjet e Netanyahut u pritën me kritika të ashpra nga Forumi i Familjeve të Pengjeve dhe të Zhdukurve, i cili përfaqëson shumicën e familjeve të 50 pengjeve që besohet se janë ende në Gaza.

“Për 22 muaj tani publikut i është shitur iluzioni se presioni ushtarak dhe luftimet intensive do t’i kthejnë pengjet”, tha grupi në një deklaratë.

Ditët e fundit, Hamasi ka publikuar video që tregojnë dy nga pengjet në një gjendje të kequshqyerjes akute.

Imazhet kanë tronditur publikun izraelit dhe shumë njerëz në mbarë botën gjatë fundjavës, me udhëheqës, përfshirë kancelarin gjerman Friedrich Merz dhe Emmanuel Macron të Francës, që shprehën tronditjen e tyre.

Në Izrael, dyshohet se Hamasi qëllimisht i solli pengjet në prag të urisë në mënyrë që të ushtrojë presion mbi qeverinë e Netanyahut.

“Hamas kërkon të na thyejnë – me këto video tmerruese dhe me propagandën e rreme të tmerrit që përhap në të gjithë botën”, tha Netanyahu.

“Por, ne nuk do të thyhemi”, theksoi ai./ a.jor.

The post TEL AVIV – Netanyahu: Hamasi nuk dëshiron asnjë marrëveshje appeared first on Agjencia Telegrafike Shqiptare.

Grupi terrorist i Hamasit i është përgjigjur pozitivisht kërkesës së Kryqi të Kuq për të siguruar ushqim dhe ilaçe për pengjet e burgosura.

Megjithatë ka theksuar se kjo do të varet edhe nga qëndrimi i Izraelit lidhur me aksesin humanitar në Gaza.

Më herët kryeministri izraelit Benjamin Netanyahu iu drejtuar më një kërkesë Komunitetit Ndërkombëtar të Kryqit të Kuq për të siguruar që pengjet e mbajtura nga Hamasi të marrin kujdes dhe trajtime mjekësore.

/abcnews.al/

Krahu i armatosur i Hamasit, Brigadat Al-Kasam, deklaroi se është i gatshëm të përgjigjet pozitivisht ndaj çdo kërkese nga Kryqi i Kuq Ndërkombëtar për furnizimin me ushqim dhe ilaçe për pengjet që mban, të cilët i quan “robër lufte”.

Megjithatë, në deklaratën e shpërndarë në kanalet e organizatës, theksohet se lejimi i ndihmës varet nga sjellja e Izraelit ndaj qasjes humanitare në Rripin e Gazës.

Deklarata vjen pas një kërkese të drejtpërdrejtë nga kryeministri izraelit Benjamin Netanyahu, i cili i kërkoi Komitetit Ndërkombëtar të Kryqit të Kuq të sigurojë që pengjet të marrin kujdesin mjekësor të nevojshëm dhe ndihmën e menjëhershme.

Në përgjigje, zëdhënësi i Brigadave Al-Kasam, Abu Ubeida, deklaroi se qasja e Kryqit të Kuq do të mundësohet vetëm nëse:

Hapet korridor humanitar i rregullt dhe i përhershëm për ushqim dhe ilaçe për gjithë popullin e Gazës;

Ndalohet çdo aktivitet ajror armiqësor izraelit gjatë orëve të dorëzimit të ndihmës për të burgosurit.

Ai gjithashtu mohoi akuzat për uri të qëllimshme të pengjeve, duke deklaruar se “pengjet hanë të njëjtën ushqim si luftëtarët tanë dhe popullsia civile” dhe se nuk do të trajtohen ndryshe nga populli i Gazës që po vuan nga uria dhe bllokada.

Kjo deklaratë shton tensionet në sfondin e një krize të thellë humanitare në Gazë dhe rrit thirrjet ndërkombëtare për ndërprerje të luftimeve dhe garantimin e ndihmës për civilët.

The post Hamas shprehet e gatshme të lejojë furnizime për pengjet nga Kryqi i Kuq appeared first on Albeu.com.

TEL AVIV, 3 gusht /ATSH/- Dhjetëra mijëra protestues u bashkuan në një tubim në Tel Aviv dje në mbrëmje për të kërkuar lirimin e pengjeve që mbahen ende në Gaza, pas publikimit të videove propagandistike që tregonin dy robër izraelitë të dobësuar, sipas CNN.

Videot e publikuara nga grupet militante Hamas dhe Xhihadi Islamik Palestinez këtë javë treguan pengjet izraelite, Evyatar David dhe Rom Braslavski në një gjendje të rëndë fizike.

Në një video, David – jashtëzakonisht i dobët – shfaqet duke hapur një gropë për atë që ai e quan varrin e tij.

Pjesëmarrësit në tubim – disa prej të cilëve mbanin pankarta që shkruanin “Ndalojeni luftën” dhe “Mos lini askënd pas” – panë një pjesë të videos me David- që ishte projektuar në një ekran të madh pasi familja e tij dha leje që të shikohej.

Ata janë midis 50 pengjeve që mbeten në territor, të paktën 20 prej të cilëve besohet se janë gjallë.

Në atë që ka të ngjarë të jetë një përpjekje për të ushtruar presion mbi autoritetet izraelite, grupet militante publikuan videot ndërsa bisedimet për armëpushim kanë ngecur dhe ndërsa palestinezët përballen me një krizë në rritje të urisë në enklavë.

Zyrtarët e shëndetësisë thonë se 13 persona kanë vdekur nga kequshqyerja në 48 orët e fundit, përfshirë një fëmijë, duke e çuar numrin total të të vdekurve nga uria që nga fillimi i konfliktit në vitin 2023 në 175.

Në tubim, Ofir Braslavski, babai i Rom, tha se nuk e njohu të birin kur e pa për herë të parë.

“Romi im është i uritur për bukë, i etur për ujë, i sëmurë, i thyer fizikisht dhe i shkatërruar mendërisht. Fëmija im po vdes!” tha ai.

“Ju drejtohem juve, kryeministrit Izraelit, Benjamin Netanyahu: Mjaft! Qasja me faza ndaj marrëveshjeve ka dështuar”.

“Merrni vendimin që tani – përfundoni luftën dhe sillini të gjithë këtu. Pengjet, ushtarët e rënë, luftëtarët, rezervistët dhe ata të zhvendosur nga shtëpitë e tyre. Ne duam të rehabilitohemi, të kthehemi në jetë, të marrim frymë”, shtoi ai. //a.i/

The post TEL AVIV – Dhjetëra mijëra izraelitë protestojnë pasi militantët e Gazës publikuan video që tregonin robër të dobësuar appeared first on Agjencia Telegrafike Shqiptare.

Përballja mes Tenerife dhe Las Palmas, është konsideruar tradicionalisht si derbi i madh i Ishujve Kanarie, dhe pas rënies së Las Palmas nga La Liga, këtë sezon do të jetë gjithashtu një nga përballjet më të zjarrta të Segunda División.

Megjithatë, ndeshja miqësore e zakonshme e verës mes dy ekipeve nuk dha shenja pozitive, kryesisht për shkak të sjelljes së tifozëve të Las Palmas.

Rreth 100 prej tyre udhëtuan nga njëri ishull në tjetrin, por që në fillim u bë e qartë se nuk kishin ardhur për futbollin.

Para fillimit të ndeshjes, ata braktisën tribunën e vogël ku ishin vendosur dhe u zhvendosën në anën tjetër të stadiumit, ku ndodheshin tifozët vendas të Tenerifes.

Aty nisën të hedhin sende dhe barriera mbrojtëse drejt tifozëve kundërshtarë, duke krijuar kaos në shkallët e stadiumit.

Për fat të mirë, ndërhyrja e shpejtë e policisë shmangu përshkallëzimin e situatës dhe riktheu qetësinë.

📹 @partidazocope pic.twitter.com/EedNxNXNZq

— ULTRAS 𝕳 ACCOUNT OF (@UltrasAccountOF) August 2, 2025

The post Incidente dhe përplasje në ndeshjen miqësore Tenerife-Las Palmas (VIDEO) appeared first on Albeu.com.

TIRANË, 3 gusht /ATSH/ Të gjithë maturantët, të cilët duan të vijojnë studimet e larta në universitete, sot, 3 gushti është afati i fundit që të aplikojnë për programet që dëshirojnë të ndjekin përmes portalit “U-Albania”.

Ministrja e Arsimit dhe Sportit, Ogerta Manastirliu u ka kujtuar të gjithë maturantëve në një postim në rrjetet sociale se “sot është dita e fundit për të përzgjedhur 10 programet e studimit në raundin e parë të aplikimit në universitetet tona”.

Më herët, ministrja Manastirliu bëri me dije se procesi i aplikimit dhe regjistrimit realizohet online në portalin universitar “U-Albania”.

Kandidatët, përpara aplikimit për zgjedhjen e preferencave në portalin e aplikimit universitar, kryejnë pagesën e tarifës së aplikimit në vlerën 2000 lekë, në zyrat e Postës Shqiptare apo në bankat e nivelit të dytë, nëpërmjet faturës për arkëtim, të cilën e shkarkojnë në portalin “U-Albania”.

Pagesa kryhet deri në datën 28 korrik 2025. Pas dorëzimit të mandatit të pagesës, sekretaritë e shkollave konfirmojnë pagesën e kryer brenda datës 28 korrik, në portalin “U-Albania”.

Më tej, realizohet aplikimi online dhe për këtë periudha e përcaktuar është 29 korrik deri në 3 gusht. Në këtë periudhë, maturantët zgjedhin 10 programe studimi.

Më 29 gusht deri në 11 shtator është faza e regjistrimit në Institucionet e Arsimit të Lartë, ndërsa do të ketë publikim real të renditjes, që do të bëhet në 7 faza 48-orëshe përgjatë 14 ditëve.

Në fund është faza e çregjistrimit, për të cilën është caktuar një kohëzgjatje dyditore, nga 12-13 shtator.

/e.i//a.f/

The post Aplikimet për universitet, Manastirliu: Sot, dita e fundit për të përzgjedhur 10 programet e studimit appeared first on Agjencia Telegrafike Shqiptare.

Hamasi ka thënë se nuk do të çarmatoset nëse nuk krijohet një shtet i pavarur palestinez me kryeqytet Jerusalemin.

Grupi militant tha se po lëshonte një deklaratë “në përgjigje të raporteve të medias që citonin të dërguarin amerikan Steve Witkoff, i cili pretendonte se Hamasi ka treguar gatishmëri për t’u çarmatosur”.

“Ne riafirmojmë se rezistenca dhe krahët e saj janë një e drejtë legjitime kombëtare dhe ligjore për sa kohë që pushtimi vazhdon.”

“Kjo e drejtë njihet nga ligjet dhe normat ndërkombëtare dhe nuk mund të hiqet dorë prej saj përveçse nëpërmjet rivendosjes së plotë të të drejtave tona kombëtare – para së gjithash, krijimit të një shteti palestinez të pavarur, plotësisht sovran me Jerusalemin si kryeqytet.”

Hamasi gjithashtu dënoi vizitën e Witkoff në një qendër shpërndarjeje ndihmash në Gaza si “asgjë më shumë se një shfaqje e paramenduar”, shkruan Sky News.

I dërguari i Donald Trumpit për Lindjen e Mesme, Witkoff, dhe Mike Huckabee, ambasadori i SHBA-së në Izrael, vizituan një qendër të drejtuar nga Fondacioni Humanitar i Gazës (GHF) i diskutueshëm.

Hamasi tha se udhëtimi ishte “i projektuar për të mashtruar opinionin publik, për të përmirësuar imazhin e pushtimit dhe për t’i siguruar atij mbulim politik për fushatën e urisë dhe vrasjen e vazhdueshme sistematike të fëmijëve dhe civilëve të pambrojtur në Rripin e Gazës”./abcnews.al

Ish-presidenti i SHBA-së, Donald Trump, ka reaguar sërish lidhur me konfliktin në Gaza, duke propozuar një zgjidhje të prerë: dorëzimin e Hamasit dhe lirimin e pengjeve.

“Nëse Hamasi dorëzohet dhe lirohen pengjet, kriza humanitare në Gaza mund të marrë fund menjëherë,” shkroi Trump në një postim në platformën e tij, Truth Social.

Deklarata e tij vjen në një moment të tensionuar, ndërsa i dërguari special i SHBA-së, Steve Witkoff, ndodhet në Izrael për një takim me kryeministrin Benjamin Netanyahu. CNN raportoi se vizita e Witkoff vjen vetëm një javë pas tërheqjes zyrtare të SHBA-ve nga bisedimet për armëpushim, duke fajësuar Hamasin për mungesë vullneti dhe “besim të keq” në negociata.

Në sfondin e kësaj deklarate, nuk mungojnë as reagimet ndërkombëtare, ndërsa situata në Gaza vazhdon të përkeqësohet nga dita në ditë.

The post Trump kërkon dorëzimin e Hamasit: Kjo është mënyra më e shpejtë për t’i dhënë fund krizës në Gaza appeared first on iconstyle.al.

TIRANË, 31 korrik /ATSH/ Shkolla 9-vjeçare “Gaqi Karakashi” në Kuçovë është një tjetër institucion arsimor me standarde bashkëkohore për mësuesit dhe nxënësit që i shtohet “zinxhirit” të shkollave të reja që po transformohen në të gjithë vendin, përmes investimeve nga Ministria e Arsimit dhe Sportit.

Ministrja e Arsimit dhe Sportit, Ogerta Manastirliu ndau sot foto nga ambientet e reja të kësaj shkolle, e cila do të hapë dyert në shtator me kushte bashkëkohore falë investimit të Ministrisë së Arsimit dhe Sportit dhe Bashkisë së Kuçovës.

Manastirliu nënvizoi faktin se po investohet për transformimin e shkollave nga veriu në jug, me të njëjtin standard, për të garantuar kushte dinjitoze për mësim dhe zhvillim për nxënësit dhe stafet mësimore.

Më herët, ministrja Manastirliu është shprehur se sezoni i verës është vënë në funksion të përmirësimit të infrastrukturës arsimore.

“Kemi të gjithë fokusin te mirëmbajtja e rrjetit të shkollave ekzistuese dhe te investimet e reja që duam t’i finalizojmë. Vetëm për ciklin 2025-2026, janë mbi 4 miliardë lekë të planifikuara në buxhetin e Ministrisë së Arsimit dhe Sportit për kantiere të reja të shkollave dhe objekteve sportive. Janë 22 objekte arsimore në të gjithë vendin dhe 18 objekte për sportin, pra 40 objekte në total në të cilat po investohet duke filluar nga ky vit, ndërkohë që përmbyllim edhe 40 të tjera të nisura vitin e shkuar, për të bërë të mundur që të kemi një infrastrukturë dinjitoze për më shumë cilësi në arsim”, u shpreh Manastirliu.

Nëpërmjet një programi të integruar ndërtimi dhe rehabilitimi, Ministria e Arsimit dhe Sportit synon të garantojë kushte bashkëkohore mësimore për nxënësit dhe mësuesit në të gjithë vendin.

Nga viti 2025 e në vijim, fokusi mbetet te cilësia në arsim përmes investimeve të qëndrueshme në shkolla, objekte sportive dhe ambiente ndihmëse, duke rritur aksesin, sigurinë dhe funksionalitetin e institucioneve arsimore.

Shkolla 9-vjeçare “Gaqi Karakashi” në Kuçovë e rikonstruktuar

1 nga 7

/e.i/r.e/

The post Shkolla 9-vjeçare “Gaqi Karakashi” në Kuçovë, Manastirliu: Hap dyert në shtator, kushte bashkëkohore appeared first on Agjencia Telegrafike Shqiptare.

TEL AVIV, 30 korrik /ATSH-DPA/- Izraeli mund të kërcënojë të aneksojë pjesërisht Rripin e Gazës me qëllim që të rrisë presionin mbi grupin militant palestinez Hamas gjatë negociatave për armëpushim, tha sot Zeev Elkin, anëtar i Kabinetit të Sigurisë së Izraelit.

Elkin vuri në dukje se Hamasi po i vononte negociatat.

“Gjëja më e dhimbshme për armiqtë tanë është humbja e tokës”, shtoi ai, duke theksuar mundësinë e dhënies së një ultimatumi Hamasit me qëllim arritjen e një marrëveshjeje.

Një ultimatum i tillë do të ishte një mjet i rëndësishëm për të ushtruar presion.

Disa ditë më parë, media izraelite raportoi se qeveria po diskutonte aneksimin gradual të Rripit të Gazës me qëllim që të rriste presionin mbi Hamasin.

Kohët e fundit, ministrat e ekstremit të djathtë në qeverinë e kryeministrit Benjamin Netanyahu shprehën pakënaqësinë e tyre për rifillimin e dërgesave më të mëdha të ndihmës në Rripin e Gazës.

Netanyahu gjithashtu dëshiron të qetësojë partnerët e tij të koalicionit ultra të djathtë me planet.

Negociatat indirekte midis Izraelit dhe Hamasit thuhet se kanë ngecur.

Propozimi i fundit në tryezën e negociatave ishte për një armëpushim 60-ditor.

Gjatë kësaj kohe, Hamasi do të lironte 10 nga 20 pengjet që ishin ende gjallë në Rripin e Gazës.

Stacioni televiziv N12 dhe gazetari izraelit, Barak Ravid raportuan se Izraeli u kishte dhënë dje ndërmjetësve një përgjigje për kërkesat e fundit të Hamasit. //a.i/

The post TEL AVIV – Ministri izraelit propozon aneksimin e zonave në Gazë për të ushtruar presion mbi Hamasin appeared first on Agjencia Telegrafike Shqiptare.

Tom Cruise dhe “dashuria e tij e re” Ana de Armas u panë dorë për dore gjatë një pushimi piktoresk këtë javë në Vermont.

Javën e kaluar, ylli i Top Gun, 63 vjeç, dhe aktorja e Blonde, 37 vjeçe, udhëtuan në Londër me helikopterin e tij dhe kaluan një mbrëmje së bashku në koncertin e Oasis në Wembley.

Tani udhëtimet e tyre verore i kanë kthyer sërish në SHBA, ku u panë duke shijuar një shëtitje romantike në Vermont.

Pas muajsh me thashetheme të vazhdueshme mbi natyrën e marrëdhënies së tyre, duket se Ana dhe Tom më në fund e kanë konfirmuar se janë çift.

Ata u panë duke ecur ngadalë përgjatë një trotuari të mbuluar me pemë në fshatin Woodstock, të shoqëruar nga disa miq, ndërsa dora e saj ishte kapur fort me të tijën.

Tom tregonte fizikun e tij të mirëmbajtur prej aktori aksion në një bluzë të ngushtë, të cilën e kishte kombinuar me xhinse të errëta dhe një kapele bejsbolli.

Ndërkohë Ana dukej e thjeshtë, por me stil, me një bluzë të bardhë të zakonshme, të futur në një palë pantallona elegante të zeza, të stilit “cigarette”. /Telegrafi/

The post Tom Cruise dhe Ana de Armas siç duket zyrtarizuan lidhjen, shihen dorë për dore së bashku appeared first on Telegrafi.

TIRANË, 30 korrik /ATSH/ Ministrja e Arsimit dhe Sportit, Ogerta Manastirliu zhvilloi sot një diskutim në EduLab, me rektorin e Universitetit “Aleksandër Moisiu” në Durrës, prof. dr. Shkëlqim Fortuzi dhe tri studente të ciklit master.

Ministrja Manastirliu tha se Universiteti “Aleksandër Moisiu” i Durrësit po kthehet në një pikë referimi për arsimin e lartë, duke u fokusuar në përgatitjen e të rinjve për tregun e punës dhe në ndërtimin e urave të qëndrueshme të bashkëpunimit mes studentëve dhe sipërmarrjes”.

Manastirliu u ndal edhe te një prej programeve të hapura në bashkëpunim me Universitetin “La Sapienza” të Romës, ndërsa foli edhe për risitë që sjell ky vit akademik me hapjen e programeve të reja bachelor dhe master në fushat e biznesit, turizmit dhe teknologjisë digjitale, në bashkëpunim me universitete prestigjioze evropiane.

“Universiteti “Aleksandër Moisiu” është një universitet ku studentët kanë ardhur në rritje, ndërsa interesi është shtuar. Edhe ju jeni adaptuar duke riorganizuar me programet e reja falë një bashkëpunimi me Universitetin “La Sapienza” në Romë”, u shpreh Manastirliu.

Gjithashtu, rektori i këtij universiteti, prof. dr. Shkëlqim Fortuzi tha se institucioni arsimor që ai drejton është fokusuar që studentët t’i afrojë sa më shumë me tregun e punës.

“Një mundësi e shkëlqyer për studentët, jo vetëm që një pjesë të studimeve të tyre të ciklit master ta zhvillojnë në “La Sapienza”, por çdo ditë e më shumë ne kemi programe të përbashkëta studimi me universitete evropiane. Po punojmë fort që të nxisim mobilitetet nëpërmjet programeve Erasmus+, për të motivuar stafin akademik, kërkuesit shkencorë, studentët tanë për të qenë pjesë e programeve Horizont Evropa”, vijoi Manastirliu.

Tri studentet e ciklit master pranë këtij universiteti, ndanë gjithashtu vlerësimet e tyre duke e konsideruar një risi qasjen e diplomave të dyfishta në Universitetin “Aleksandër Moisiu”, ndërsa thanë se një pjesë të studimeve të tyre i kanë zhvilluar në “La Sapienza” në Romë.

/e.i/r.e/

The post Manastirliu: Universiteti “Aleksandër Moisiu” Durrës, pikë referimi për arsimin e lartë appeared first on Agjencia Telegrafike Shqiptare.

TIRANË, 29 korrik/ATSH/ Investimet e Ministrisë së Arsimit dhe Sportit në laboratorët e teknologjisë së avancuar në Universitetin Politeknik të Tiranës, kanë krijuar kushte të reja për kërkimin shkencor për studentët dhe stafet akademike të këtij universiteti.

Ministrja e Arsimit dhe Sportit, Ogerta Manastirliu gjatë një vizite në një nga laboratorët e teknologjisë, e shoqëruar edhe nga rektori i UPT-së, Akli Fundo, stafi akademik si edhe përfaqësues të industrisë së teknologjisë së informacionit, panë nga afër laboratorët e teknologjisë në këtë universitet.

Ministrja Manastirliu tha se ky investim është një tjetër qasje për të “fuqizuar urat e bashkëpunimit akademi-biznes”.

“Ky është një hap drejt zgjerimit të bashkëpunimit, me qëllim krijimin e zgjidhjeve të reja SMART për industrinë, duke krijuar partneritete të qëndrueshme për të rritur kapacitetet në pjesëmarrjen e projekteve për inovacionin të Bashkimit Evropian”, tha Manastirliu.

Më herët, Manastirliu nënvizoi rëndësinë e laboratorëve për zhvillimin akademik dhe ndërkombëtarizimin e universiteteve.

“Ne duhet të kemi mundësi që të zhvillohemi edhe për sa i përket aspekteve akademike dhe kërkimit shkencor duke krijuar mundësinë e ndërkombëtarizmit. Shqipëria ka mundësi që të zhvillohet në fushën e inovacionit dhe këtu rol të rëndësishëm luajnë universitetet si dhe bashkëpunimi që universitet kanë më institucionet ndërkombëtare partnere”, u shpreh Manastirliu.

Ministrja e Arsimit dhe Sportit, Ogerta Manastirliu gjatë një vizite në një nga laboratorët e t...

1 nga 20

/e.i/r.e/

The post Laboratorët e teknologjisë në UPT, Manastirliu: Fuqizojmë urat e bashkëpunimit akademi-biznes appeared first on Agjencia Telegrafike Shqiptare.

TEL AVIV, 28 korrik /ATSH-DPA/ – Kryeministri izraelit Benjamin Netanyahu riafirmoi objektivat kryesore të qeverisë së tij në luftën kundër Hamasit në Rripin e Gazës: shkatërrimin e grupit militant dhe sigurimin e kthimit të të gjithë pengjeve të mbajtura në Gaza.

“Ne nuk do të heqim dorë nga kjo për asnjë minutë”, tha udhëheqësi izraelit gjatë një vizite në selinë shërbimit sekret ushtarak, e cila u postua gjithashtu në X.

“Dy qëllimet janë të ndërthurura”, theksoi ai.

Izraeli është përballur me kritika të mëdha ndërkombëtare për sjelljen e tij në Gaza.
Kohët e fundit, ministrat e Jashtëm nga më shumë se 24 vende lëshuan një deklaratë të përbashkët duke bërë thirrje për një fund të menjëhershëm të luftës në Gaza.

Udhëheqësi izraelit deklaroi gjithashtu se lufta kundër “boshtit iranian” nuk ka mbaruar.
Përveç Hamasit, Izraeli duhet të adresojë edhe milicinë Huthi në Jemen, e cila mbështetet nga Irani.

Netanyahu shtoi se Izraeli duhet të ruajë arritjet e tij në luftën me Iranin.

Në qershor, Izraeli bombardoi objektet bërthamore dhe vendet e lëshimit të raketave në Iran, i cili u përgjigj me kundërsulme./ /os/

The post FOKUS – Netanyahu këmbëngul në humbjen e Hamasit dhe kthimin e pengjeve, ndërsa kritikat shtohen appeared first on Agjencia Telegrafike Shqiptare.

TIRANË, 28 korrik/ATSH/ Të gjithë maturantët, të cilët duan të vijojnë studimet e larta në universitete, do të kenë mundësi nga nesër (29 korrik) deri më datë 3 gusht që të aplikojnë për programet që dëshirojnë të ndjekin përmes portalit “U-Albania”.

Ministrja e Arsimit dhe Sportit, Ogerta Manastirliu përcolli sot mesazhet e një grupi maturantësh ekselentë të gjimnazeve të Tiranës, të cilët kanë dhënë mesazhe për bashkëmoshatarët e tyre, duke i ftuar ata që të studiojnë në universitetet publike në Shqipëri.

Ata shprehen se kanë zgjedhur të studiojnë në Shqipëri dhe në universitetet publike për të dhënë kontributin profesional në vendin e tyre.

“Unë do të studioj për Inxhinieri Informatike në Universitetin Politeknik të Tiranës”, thotë një maturant, ndërsa një tjetër shprehet se mezi pret që të realizojë ëndrrën e tij në Universitetin e Tiranës.

“Jo çdo rrugë që shkon larg të çon përpara, ndaj unë zgjedh të studioj në vendin tim”, shprehet një tjetër i ri.

“Mjekësia nuk është një degë që kam zgjedhur, por një mision që dua ta shërbej për popullin tim”, tha një tjetër maturante.

Më herët, ministrja Manastirliu bëri me dije se procesi i aplikimit dhe regjistrimit realizohet online në portalin universitar “U-Albania”.

Sipas kalendarit të publikuar, faza e parë ka nisur më 8 korrik dhe mbaron më 28 korrik dhe është faza e pagesave të tarifave.

Kandidatët, përpara aplikimit për zgjedhjen e preferencave në portalin e aplikimit universitar, kryejnë pagesën e tarifës së aplikimit në vlerën 2000 lekë, në zyrat e Postës Shqiptare apo në bankat e nivelit të dytë, nëpërmjet faturës për arkëtim, të cilën e shkarkojnë në portalin “U-Albania”. Pagesa kryhet deri në datën 28 korrik 2025. Pas dorëzimit të mandatit të pagesës, sekretaritë e shkollave konfirmojnë pagesën e kryer brenda datës 28 korrik, në portalin “U-Albania”.

Më tej, realizohet aplikimi online dhe për këtë periudha e përcaktuar është 29 korrik deri në 3 gusht. Në këtë periudhë, maturantët zgjedhin 10 programe studimi.

Më 29 gusht deri në 11 shtator është faza e regjistrimit në Institucionet e Arsimit të Lartë, ndërsa do të ketë publikim real të renditjes, që do të bëhet në 7 faza 48-orëshe përgjatë 14 ditëve.

Në fund është faza e çregjistrimit, për të cilën është caktuar një kohëzgjatje dyditore, nga 12-13 shtator.

/e.i//r.e/

The post Aplikimet për universitet, Manastirliu ndan mesazhet e maturantëve ekselentë të Tiranës appeared first on Agjencia Telegrafike Shqiptare.

Eljif Elmas mund të rikthehet në Serie A, pasi aventura e tij në Bundesliga me RB Leipzig nuk ka shkuar siç pritej. Mesfushori nga Maqedonia e Veriut po kërkon një dalje, dhe interesimi nga Italia nuk mungon.

Sipas gazetarit Nicolo Schira, AS Roma ka kontaktuar me RB Leipzig për të diskutuar mundësinë e transferimit të 25-vjeçarit. Elmas është i hapur për rikthimin në Itali, ku më parë ka luajtur për Napolin.

Torino është gjithashtu në garë, pasi Elmas kaloi gjysmën e dytë të sezonit 2024/25 në huazim te ta, duke realizuar katër gola në 13 ndeshje me klubin torinez do të donte një tjetër huazim.

Nga ana tjetër, Leipzig është i prirur ta shesë përfundimisht. Gjermanët e blenë për 24 milionë euro në janar 2024, por janë të gatshëm ta lënë të largohet për 17 milionë euro këtë verë.

Paga e lartë prej 6 milionë eurosh në sezon dhe paraqitjet e dobëta në Bundesligë, 16 ndeshje pa gol, kanë bërë që Elmas të mos konsiderohet më pjesë e planeve afatgjata të klubit.

Roma e vlerëson shkathtësinë e Elmasit për të mbuluar disa role në mesfushë dhe e sheh atë si alternativë të vlefshme për krahun e majtë. .

Ndërkohë, Torino heziton për shkak të çmimit të kërkuar prej 17 milionë eurosh dhe po pret për të parë nëse Leipzig do të ulë kërkesat në javët në vijim. /Telegrafi/ 

The post Eljif Elmas mund të rikthehet në Serie A, gjiganti italian e do reprezentuesin maqedonas appeared first on Telegrafi.

UASHINGTON, 25 korrik /ATSH/-  Presidenti i SHBA-së, Donald Trump tha se Hamasi nuk dëshironte një marrëveshje armëpushimi në Gazë dhe se ai besonte se udhëheqësit e grupit militant tani do të “ndiqeshin”, sipas “abc news”.

Deklarata e tij vjen një ditë pasi Steve Witkoff, i dërguari i SHBA-së në Lindjen e Mesme, ndërpreu bisedimet indirekte me grupin militant palestinez, në Doha dhe mes shqetësimeve në rritje ndërkombëtar për krizën humanitare në Gazë.

Ndërkohë, kryeministri i Izraelit, Benjamin Netanyahu tha se Izraeli dhe aleatët e tij do të ndjekin “opsione alternative” për të kthyer pengjet e mbetura të 7 tetorit dhe për t’i dhënë fund sundimit të Hamasit në territor, duke shkaktuar shqetësimin se SHBA-ja dhe Izraeli kanë braktisur bisedimet për armëpushim.

“Është shumë keq, pasi ka arritur në një pikë ku do të duhet të përfundojmë punën”, tha presidenti i SHBA-së.

“Mendoj se ata do të ndiqen”, tha Trump duke iu referuar udhëheqësve të Hamasit.

Deklarata e Trump lë pak ose aspak hapësirë për rifillimin e negociatave për të ndaluar luftimet, në një kohë kur shqetësimi ndërkombëtar po rritet për shkak të përkeqësimit të urisë në Gazën e shkatërruar nga lufta.

Trump reagoi gjithashtu ndaj njoftimit të presidentit francez Emmanuel Macron se Franca do të ishte fuqia e parë e madhe perëndimore që do të njihte shtetin e pavarur palestinez.

“Ai është një djalë shumë i mirë, më pëlqen, por kjo deklaratë nuk ka peshë”, tha Trump.

Netanyahu e quajti vendimin një “shpërblim për terrorizmin”.

Vendet perëndimore janë angazhuar për dekada të tëra për një shtet të pavarur palestinez, por prej kohësh kanë thënë se ai duhet të lindë nga një proces paqeje i negociuar.

Dy fuqitë e tjera të mëdha të Evropës, Britania e Madhe dhe Gjermania, e bënë të qartë se nuk kishte plane për të vepruar menjëherë për shtetësinë palestineze. //a.i/

The post SHBA – Trump: Hamasi nuk dëshiron marrëveshje armëpushimi në Gazë appeared first on Agjencia Telegrafike Shqiptare.