Finalizohet një tjetër fazë e operacionit ndërkombëtar “The Wanted”.

Në kuadër të kësaj faze, falë informacionit të siguruar nga Departamenti i Policisë Kriminale në Policinë e Shtetit dhe shkëmbimit në kohë reale nëpërmjet Interpol Tiranës me Interpol Madridin, u bë i mundur lokalizimi në Spanjë, kapja dhe arrestimi me qëllim ekstradimin, i shtetasit në kërkim ndërkombëtar 25 vjeç, lindur në Laç.

Gjykata e Shkallës së Parë e Juridiksionit të Përgjithshëm Shkodër, në vitin 2023, i ka caktuar këtij shtetasi, masën e sigurisë “Arrest në burg”, për veprat penale “Kultivim i bimëve narkotike”, “Prodhimi dhe shitja e  narkotikëve”, “Grupi i strukturuar kriminal” dhe “Kryerja e veprave penale nga organizata kriminale ose grup i strukturuar kriminal”.

25-vjeçari akuzohet se në bashkëpunim me shtetas të tjerë, në vitin 2023, ka kultivuar 10 900 bimë narkotike Cannabis Sativa, në fshatin Kir, njësia administrative Pult, dhe në afërsi të fshatit Theth, Shkodër.

Interpol Tirana, në bashkëpunim me Interpol Madridin, vijon punën për finalizimin e procedurave të ekstradimit të këtij shtetasi, në Shqipëri.

Pavarësisht thirrje për arritjen e një marrëveshje paqeje, Rusia nuk i ka ndalur sulmet ndaj Ukrainës. Forcat ruse nisën sulme me raketa e dronë në orët e para të mëngjesit në rajonin e Dnipropetrovskit në Ukrainë. Autoritetet lokale raportuan për shpërthime të shumta.

“Rajoni është nën sulm masiv, ka shumë shpërthime. Ka sulme në Dnipro dhe Pavlograd”, tha guvernatori rajonal Serhiy Lysak në një postim në rrjete sociale, duke u bërë thirrje banorëve të qëndrojnë në vende të strehimit.

Ndërkohë, në Zaporizhia, guvernatori rajonal Ivan Fedorov raportoi se tre persona u plagosën për shkak të bombardimeve ruse

A multistory residential apartment building in Zaporizhzhia city was destroyed during the ongoing Russian drone and missile strikes on Ukraine this evening. pic.twitter.com/PhXBhcztwW

— Aryan (@aryan12234567) August 30, 2025

Russian missile strikes on Ukrainian regime positions in the Dnipropetrovsk region. pic.twitter.com/jgv39QnEY7

— Oreshnik News (@Oreshniknews) August 30, 2025

Ujëvara e Peshturës në fshatin Progonat, Tepelenë është kthyer në një atraksion  për turistët. Kryeministri Edi Rama ndau pamje të Ujëvarës së Peshturës, një xhevahir i fshehur mes maleve në Progonat të Tepelenës.

“Ujëvara e Peshturës, perlë e fshehur e Progonatit në zemër të Tepelenës, një tjetër thesar i Parkut Kombëtar të Vjosës”, shkruan Rama në statusin e të publikuar në Facebook.

Ujëvara e Peshturës ndodhet në Progonat të Tepelenës e për të shkuar atje duhet të kalohet përmes malësive të Tepelenës.

Deputetët e Kuvendit të Kosovës do të mblidhen sot sërish në tentimin për të konstituuar Kuvendin e Kosovës. Procesi i konstituimit ka mbetur te zgjedhja e nënkryetarit nga komuniteti pakicë serb.

Në seancën e 26 gushtit, deputeti i Listës Serbe, Sllavko Simiç, tre herë nuk i mori votat për t’u zgjedhur nënkryetar i Kuvendit.

Më pastaj kryetari Kuvendit, Dimal Basha, vendosi që procedura për zgjedhjen e nënkryetarit të bëhet përmes shortit, mirëpo pas vendosjes në votim edhe të deputetit nga komuniteti serb, Nenad Rashiq, as ai nuk mori votat e nevojshme për të marrë këtë post.

Për Rashiqin, i cili kandidojë vetën, sot pritet të jetë hera e tretë dhe e fundit që tenton të marrë besimin e deputetëve. Përndryshe në ditën e 26 gushtit, Dimal Basha mori besimin e 73 deputetëve, 30 ishin kundër dhe tetë abstenuan.

Po në të njëjtën ditë janë zgjedhur nënkryetarët nga tri partitë më të mëdha shqiptare që janë Albulena Haxhiu, Vlora Çitaku dhe Kujtim Shala.

Edhe nga komunitetet tjera pakicë Emilia Rexhepi është zgjedhur si nënkryetare me rotacion.

Pas dështimit në dy seancat e fundit për të zgjedhur nënkryetarit nga komuniteti serb, edhe sot procesi i zgjedhjes së nënkryetarit pritet të vazhdojë përmes shortit, i cili parashihet edhe në rregulloren e Kuvendit./kosovapress/

Sot është Dita Ndërkombëtare e Personave të Zhdukur. Kur janë bërë 26 vjet nga përfundimi i luftës në Kosovë, zyrtarisht edhe mbi 1590 persona figurojnë si të zhdukur.

Dje, krerët e shtetit kanë bërë homazhe te Monumenti i Personave të Zhdukur, në shënim të Ditës Ndërkombëtare të të Zhdukurve me Dhunë.

Edhe këtë të shtunë do të vazhdojnë aktivitete të ndryshme. Pas përfundimit të luftës në Kosovë, në vitin 1999, të zhdukur kanë qenë rreth 6.500 persona.

Që nga ajo kohë janë kryer disa zhvarrime në varreza masive në Kosovë dhe Serbi, dhe deri më tash janë gjetur rreth 70 për qind e të zhdukurve.

Një gjykatë apeli në SHBA ka vendosur që shumica e tarifave të vendosura nga presidenti i SHBA-së, Donald Trump janë të paligjshme, duke krijuar një përballje të mundshme ligjore që mund të përmbysë agjendën e tij të politikës së jashtme.

Vendimi ndikon në tarifat “reciproke” të Trump, të vendosura mbi shumicën e vendeve anembanë botës, si dhe tarifa të tjera të vendosura mbi Kinën, Meksikën dhe Kanadanë.

Në një vendim, Gjykata e Apelit e SHBA-së për Qarkun Federal hodhi poshtë argumentin e Trump se tarifat ishin të lejuara sipas një akti të fuqive ekonomike emergjente, duke i quajtur ato “të pavlefshme si në kundërshtim me ligjin”.

Vendimi nuk do të hyjë në fuqi deri më 14 tetor, për t’i dhënë administratës kohë t’i kërkojë Gjykatës së Lartë të marrë në shqyrtim çështjen.

/abcnews.al/

Një studim i fundit i zhvilluar nga Ohio State University sugjeron se jetesa pranë oqeanit mund të lidhet me jetëgjatësi më të madhe.

Studimi përfshiu të dhëna nga më shumë se 6 000 zona në Shtetet e Bashkuara të Amerikës, duke krahasuar jetëgjatësinë sipas afërsisë me trupat e ujit.

Rezultatet treguan se banorët që jetojnë brenda rreth 30 kilometrash nga oqeani ose gjiri jetojnë mesatarisht një apo dy vite më gjatë se mesatarja kombëtare prej 79 vjetësh.

Në të njëjtën kohë, ata që jetojnë pranë lumenjve dhe liqeneve të brendshme në zonat urbane mund të kenë jetëgjatësi më të shkurtër, rreth 78 vjet.

Edhe banorët ruralë pranë ujërave mund të përfitojnë disa avantazhe, por jo aq të dukshme sa ata pranë bregdetit.

Shkencëtarët shpjegojnë këtë diferencë me faktorë të ndryshëm mjedisorë dhe socialë; ajër më i pastër, temperatura më të ulëta gjatë verës, më shumë mundësi për aktivitet fizik dhe rekreacion, transport më i mirë dhe të ardhura më të larta pranë bregdetit.

Këtë të shtunë vendi ynë do të ndikohet nga kushte atmosferike të paqëndrueshme falë depërtimit të masave ajrore të lagështa me origjinë jugperëndimore.

Moti parashikohet me vranësira mesatare deri të dendura si dhe kthjellimesh të herëpashershme. Reshjet e shiut me intensitet të ulët fillimisht në zonën perëndimore e më pas në pjesën më të madhe të territorit.

Nga orët e mesditës reshjet e shiut parashikohen të herëpashershme me intensitet të ulët deri mesatar në pjesën më të madhe të territorit.

Përgjatë Ultësirës Perëndimore reshjet do të jenë me intensitet mesatar deri dhe të lartë në formën e shtrëngatave shoqëruar me shkarkesa elektrike. Në periudha afatshkurtra këto reshje në formën e rrebesheve.

Parisi dhe Berlini do të vazhdojnë të këmbëngulin për vendosjen e sanksioneve të mëtejshme ndaj Rusisë.

Presidenti francez Emmanuel Macron tha se do të përpiqen ta detyrojnë Rusinë të kthehet në tryezën e negociatave.

“Ne do të vazhdojmë të ushtrojmë presion për vendosjen e sanksioneve shtesë nga ana jonë dhe jemi të gatshëm për këtë, por edhe nga Shtetet e Bashkuara duhet të jetë e njëjta gjë për ta detyruar Rusinë të kthehet në tryezën e negociatave për çështjen e luftës në Ukrainë, theksoi presidenti francez. Të njëjtin qëndrim ka mbështetur edhe Gjermania.

Sipas tij, ditët e ardhshme do të jenë vendimtare në mënyrë që Moska të japë indikacione për vullnetin e saj për t’i dhënë fund luftës, siç dëshiron Presidenti i SHBA-së Donald Trump.

/abcnews.al/

Ushtria izraelite njoftoi se i ka dhënë fund të ashtuquajturës “pauzë humanitare” në Gaza, të cilën planifikon ta pushtojë dhe ku gati 1 milion palestinezë janë strehuar, dhe e ka shpallur atë një “zonë të rrezikshme lufte”.

Ushtria izraelite po intensifikon sulmet e saj në Gazën veriore në ndjekje të pushtimit dhe zhvendosjes me forcë të palestinezëve. Izraeli i cili ka intensifikuar sulmet në Gazën lindore, të cilën planifikon ta pushtojë, synon të zhvendosë me forcë afërsisht 1 milion palestinezë nga zona.

Në një deklaratë me shkrim, ushtria izraelite deklaroi se Gaza është hequr nga e ashtuquajtura “pauzë humanitare”, të cilën e ka shpallur qeveria e Tel Avivit. Në deklaratë Gaza e cila planifikohet të pushtohet, përshkruhet se si “zonë e rrezikshme lufte”.

Pas këtij vendimi, ushtria izraelite pritet të intensifikojë më tej sulmet e saj në Gazën veriore, veçanërisht në qytetin e Gazës.

– Izraeli ka vendosur të pushtojë qytetin e Gazës

Kabineti izraelit i Sigurisë miratoi një plan më 8 gusht për të pushtuar qytetin e Gazës. Kryeministri izraelit, Benjamin Netanyahu tha në një intervistë para mbledhjes së kabinetit se ata synojnë të pushtojnë të gjithë Rripin e Gazës.

Dashi

Hëna do të ketë ndikim të kundërt tek të lindurit e kësaj shenje, të cilët duhet të veprojnë me diplomaci. Ka shumë mundësi që disa nga mënyrat tuaja të të menduarit dhe ndjenjat, të mos përputhen me ata që keni pranë.

Demi

Kjo fundjavë do të sjellë zhvillime të rëndësishme. Janë ditë të cilat i prijnë një dhjetori të mbarë, gjatë të cilave do të çoni përpara projekte të rëndësishme për shtëpinë dhe lidhur me ndjenjat.

Binjakët

Pas disa ditëve mjaft të tensionuara, gjatë kësaj të shtune do të ndiheni disi të lehtësuar, në sajë të ndikimit të favorshëm të Hënës. Edhe pritshmëritë në punë, do të jenë mjaft pozitive.

Gaforrja

Lini mënjanë çdo ngarkesë dhe vijojeni fundjavën sipas rutinës suaj, duke bërë ato gjëra që kanë vërtetë rëndësi. Edhe pse mund t’iu kushtojë, duhet ta bëni patjetër.

Luani

Kjo ditë do të jetë shumë e mirë, duke prirë një javë pozitive. Konfirmime të rëndësishme do të keni në dashuri, të cilat do ju prijnë takimeve të rëndësishme.

Virgjëresha

E shtuna është mjaft e rëndësishme sa i takon dashurisë. Lini mënjanë ndrojtjen dhe guxoni mbi gjithë çfarë doni. Njerëzit që keni pranë ju duan, ndaj duhet që t’ua ktheni.

Peshorja

Hëna do të ketë ndikim të rëndësishëm tek të lindurit e kësaj shenje, pas problemeve që keni pasur me pabesitë, dyshimet dhe pasuritë. Ka ardhur koha për marrjen e vendimeve të rëndësishme.

Akrepi

Ju pret një ditë e rëndësishme, ose thuajse një pikë kthese. Mendimi për paratë dhe shtëpinë, do ju sjellë një lodhje të madhe, ndërkohë që tashmë do i shikoni gjërat me më shumë qetësi.

Shigjetari

Parashikohen kryqëzime të rëndësishme me të lindurit e shenjës së peshores, dashit dhe luanit. Megjithatë do të ndiheni edhe disi të rënduar për shkak të ndjenjës së fajit.

Bricjapi

Dita do të nisë me një ndjesi të re, ndonëse mund të ketë rënie. Megjithatë ekzistojnë rreziqe për gjithë ato çifte që pëlqejnë të bëjnë kaos.

Ujori

Kjo fundjavë do të jetë mjaft e qetë. Parashikohen takime mjaft të favorshme me njerëzit e zemrës, si dhe disa aktivitete premtuese. Po ashtu parashikohet çuarja përpara e projekteve të reja.

Peshqit

Do të ndiheni të lirë dhe të mbushur me gëzim. Pasioni është mjaft i favorizuar, ndonëse do të ndiheni tejet të ndjeshëm. Bëni kujdes ndaj dikujt nga e kaluara që mund t’iu afrohet.

Një influencuese meksikane u gjet e vdekur brenda një kamioni së bashku me bashkëshortin dhe fëmijët e saj. Viktimat janë 32-vjeçarja Esmeralda Ferrer Garibay, bashkëshorti i saj 36-vjeçar, djali i tyre 13-vjeçar dhe vajza 7-vjeçare .

Trupat u gjetën javën e kaluar në Guadalajara, por identitetet e tyre u zbuluan vetëm dje, raporton The Sun.

Familja ishte zhvendosur së fundmi në qytet për të jetuar dhe punuar atje.

Autoritetet dyshojnë se bashkëshorti i Garibay ishte shënjestra e sulmit, por hetimet vijojnë ende dhe pritet që të hedhin dritë mbi ngjarjen makabre.

/abcnews.al/

Ukraina ka shkatërruar dy ura brenda Rusisë duke përdorur disa dronë të lirë për të goditur depot e minave dhe municioneve të fshehura atje nga forcat ruse.

Dy urat ishin pranë kufirit me rajonin e Kharkiv të Ukrainës po përdoreshin nga ushtria ruse për të furnizuar trupat e saj.

Për shkak të rëndësisë së tyre strategjike, urat ishin të minuara – në mënyrë që ushtria ruse të kishte mundësinë t’i hidhte në erë në rast të një avancimi të papritur të Ukrainës.

Ukraina i është kundërpërgjigjur sulmeve ruse duke shkatërruar urat në rrugët që të çonin drejt Kievit. Ky veprim vonoi përparimin rus dhe mbrojti kryeqytetin ukrainas.

Në rastin e dy urave në Rusi, ushtria ukrainase mësoi për depot e minave dhe i përdori ato në avantazhin e vet.

Read More...

Një tërmet me magnitudë 5.5 ballë të shkallës Rihter ka goditur Japoninë, njoftoi Qendra Sizmologjike Evropiane-Mesdhetare.

Sipas raportimeve, epiqendra e tërmetit ishte në det të hapur në Paqësor, në lindje të ishullit Honshu.

Ndërsa, Epiqendra ishte në një thellësi prej 35 kilometrash, rreth 11 kilometra larg qytetit të Sendait me një popullsi prej një milion banorësh.

Ushtria izraelite ka deklaruar se është në fazat fillestare të sulmit në Gaza. Zëdhënësi i IDF Avichay Adraee njoftoi se forcat ushtarake po operojnë me forcë të madhe në periferi të qytetit.

Ndërkohë mijëra persona janë zhvendosur për shkak të bombardimeve të vazhdueshme.

Ndërsa sipas raportimeve të dhëna nga ministria e shëndetësisë së Gazës, të paktën 63,025 palestinezë janë vrarë dhe 159,490 të tjerë janë plagosur në sulmet izraelite në Gaza që nga 7 tetori 2023.

Ndërsa në 24 orët e fundit, u vranë të paktën 59 palestinezë, përfshirë 23 kërkues ndihmash.

/abcnews.al/

Këshilli i Lartë Gjyqësor dhe kryeministri Edi Rama janë përplasur në distancë këtë të premte pas kritikave të kreut të qeverisë për gjyqtarët që japin vendime në dëm të interesit publik.

Fillimisht ishte KLGJ, e cila tha se deklarata të tilla cënojnë figurën dhe dinjitetin e gjyqtarëve si dhe minojnë pavarësinë e pushtetit gjyqësor.

“E vetmja rrugë për të kundërshtuar një vendim gjyqësor është përmes mjeteve procedurale të parashikuara nga ligji, duke u ankuar në një gjykatë më të lartë. Po ashtu, çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse.”, thuhej në reagimin e Këshillin të Lartë Gjyqësor.

E menjëhershme ishte përgjigja e kryeministrit, i cili tha se Këshilli i Lartë Gjyqësor, përpara se të flasë për minim të pavarësisë duhet të shqetësohet për cilësinë e drejtësisë, si edhe të garantojë publikun se vendimet që merren nga gjykatësit në dëm të tij, nuk kalojnë pa u analizuar.

“KLGJ ka harruar gjithashtu se si instanca më e lartë e vetëqeverisjes së gjyqësorit, ka jo vetëm të drejtën po edhe detyrën të marrë seriozisht shqetësimet e palëve të cënuara nga vendime qorre të gjykatësve, të cilat në këtë rast janë të ububushme për nga mungesa e ndjeshmërisë ndaj interesit publik.”, shprehet Rama në reagimin e tij.

Sa i përket thirrjes së Këshilli te Lartë Gjyqësor për të bërë ankesë në një gjykatë më të lartë vendimet e evidentuara, Rama kishte këtë përgjigje.

“KLGJ ka harruar edhe të tjera gjëra më shumë rëndësi, por të paktën ka thënë një të vërtetë që më gjen shumë dakord, duke nënvizuar se “çdo ankesë apo pretendim në lidhje me sjelljen apo integritetin e një gjyqtari duhet të drejtohet pranë institucioneve përkatëse”, gjë për të cilën e kam informuar në çdonjërin nga rastet publikun, se do të bëjmë duke iu drejtuar pikërisht KLGJ dhe ILD si “institucionet përkatëse”, tha më tej Rama.

/abcnews.al/

Akuzat e vazhdueshme të viktimës ndaj autorit në Shkodër për vjedhjen e portofolit dyshohet të jetë shkaku I vrasjes në fshatin Abat të Dukagjinit.

Pasi u vetëdorëzua tek autoritetet policore të Shkodrës në orët e para të së premtes, Ndoc Maçaj ka dhënë dëshminë e tij përpara grupit hetimor.

Autori deklaroi se e kreu krimin pas një konflikti të vazhdueshëm me Piro Prronin, pasi ky i fundit e akuzonte se prej një muaji I kishte vjedhur portofolin, veprim të cilin 58-vjeçari Ndoc Maçaj e mohon.

Iu betova që nuk e kisha vjedhur unë. Ka qenë kjo fjalia që Maçaj ka deklaruar përpara hetuesve e se pavarësisht insistimit të tij, viktima vijonte e akuzonte.

Mbrëmjen e së enjtes, teksa qëndronin bashkë, ai ka treguar se 61-vjeçari e kishte akuzuar sërish dhe e kishte ofenduar, e për këtë arsye, autori nxori armën dhe e qëlloi.

Krimi ndodhi në fshatin Abat të Dukagjinit, ndërsa pas vrasjes, Ndoc Maçaj u largua nga vendngjarja për t’u dorëzuar vetëm pak orë më vonë, së bashku me armën e krimit tek uniformat blu.

Megjithatë, hetimet vijojnë në disa pista, me qëllim zbardhjen e plotë të krimit.

/abcnews.al/

Jo vetëm ndryshime në kabinetin qeveritar por sesioni i ri politik pritet të sjellë ndryshime edhe në strukturën e komisioneve parlamentare.

Për këtë legjislaturë të 11-të, socialistët pritet të propozojnë 11 komisione parlamentare nga 8 që janë aktualisht.

Burime për “Abc News” thanë se të paktën dy komisione do të ndahen, ndërsa Komisioni për Politike të Jashtme do të bashkohet me atë për Çështjet Europiane. Ky i fundit, i cili deri më tani, drejtohej nga opozita pritet të drejtohet nga mazhoranca.

E për ta kompensuar këtë opozitës pritet ti kalojë drejtimi i Komisionit për të drejtat e njeriut, i cili do të dale nga ndarja e Komisionit të Ligjeve.

Po ashtu edhe Komisioni për Veprimtarinë Prodhuese pritet të shkrihet në tre komisione të tjera: përkatësisht burimet natyrore, infrastruktura dhe bujqësia.

Po ashtu edhe komisioni i posaçëm  “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian, do të jetë i përhershëm por me një fushë veprimi më të gjerë.  Gjithashtu pritet të ketë propozime edhe për ndryshimin e emërtimeve të komisioneve dhe uljen e numrit të anëtarëve.

Kjo ndarje parashikohet të bëhet edhe për të lehtësuar punën parlamentare, në përmbushje të angazhimeve që vijnë nga negociatat për anëtarësimin e Shqipërisë në Bashkimin Europian.  Për të gjitha këto do të duhen ndryshime në rregulloren e parlamentit. Ky i fundit pritet të nisë punimet me 12 shtator.

Një tjetër tragjedi në brigjet e Spanjës. Të paktën 69 persona kanë vdekur dhe dhjetëra të tjerë rezultojnë të zhdukur pasi një varkë u përmbys në brigjet e Mauritanisë.

Roja bregdetare tha se të paktën 19 persona janë shpëtuar, ndërsa ende vazhdojnë kërkimet për pasagjerë të tjerë. Sipas dëshmive në varkë dyshohet se ishin rreth 160 persona kryesisht nga Gambia dhe Senegali.

Udhëtimi i rrezikshëm përmes Oqeanit Atlantik është bërë një rrugë gjithnjë e më e zakonshme për emigrantët që përpiqen të arrijnë në Evropë.

/abcnews.al/