Në kuadër të një hetimi penal për abuzim financiar me inceneratorin e Elbasanit dhe Eco Alb,    Prokuroria e Elbasanit, në bashkëpunim me Policinë e Shtetit, ka ndërmarrë një operacion të gjerë kontrollesh, me urdhër të Prokurorisë dhe në zbatim të vendimit të Gjykatës së Elbasanit, janë ushtruar gjatë mëngjesit të sotëm 14 kontrolle në banesa të zyrtarëve dhe përfaqësuesve të përfshirë.

Gjithashtu, policia ka bastisur edhe shtëpinë e administratorit të kompanisë koncesionare “ECO-ELB”, Leli Kraja.

Në fokus të hetimeve, janë gjithashtu disa zëvendëskryetarë bashkish të Qarkut Elbasan, si dhe drejtorë juridikë dhe të Financave, të cilët dyshohet se kanë pasur rol aktiv në marrëdhëniet institucionale dhe financiare me kompaninë që menaxhon mbetjet urbane.

Kontrollet zhvillohen në një moment kur Prokuroria ka përfunduar fazën e marrjes në pyetje të 43 personave, të cilët janë thirrur për të dhënë shpjegime lidhur me funksionimin dhe menaxhimin financiar të inceneratorit.

Hetimi është regjistruar për veprat penale të “Shpërdorimit të detyrës” dhe “Keqmenaxhimit të mbetjeve”, ndërsa burime pranë Policisë së Elbasanit bëjnë me dije se hetimi ka avancuar ndjeshëm.

Pritet që në ditët në vijim të ketë masa sigurie ndaj disa zyrtarëve lokalë, për shkak të dyshimeve për abuzim me fonde publike në bashkëpunim me kompaninë “ECO-ELB”.

Hetimi, që është konsideruar voluminoz dhe kompleks, është hapur në vitin 2024, dhe ka kaluar në fazën e analizës së marrëdhënieve institucionale dhe financiare mes kompanisë “ECO-ELB” dhe tetë bashkive të qarkut Elbasan.

Bëhet fjalë për pagesa të kryera për katër lloje shërbimesh, përfshirë dhe procesin e djegies së mbetjeve, i cili sipas hetimeve është kryer pjesërisht, për periudha të kufizuara, ose nuk është kryer fare, ndonëse pagesat janë realizuar rregullisht.

Të dhënat zyrtare të transaksioneve sipas Prokurorisë janë si vijon.

Bashkia Gramsh, 72 transaksione, në vlerën e 209 milion lekëve të vjetra. Bashkia Librazhd, 65 transaksione, me vlerë 265 milionë lekë të vjetra.

Bashkia Prrenjas, 71 transaksione, në vlerën e 223 milion lekëve të vjetra. Bashkia Cërrik, 71 transaksione, me një shumë totale mbi 308 milion lekë të vjetra.

Për secilën nga këto bashki, po verifikohet nëse shërbimet e kontraktuara janë kryer realisht dhe në përputhje me kontratat.

Ndërsa kontrollet dhe verifikimet e dokumentacionit vijojnë, organet e drejtësisë po përqendrohen edhe në përgjegjësinë individuale të zyrtarëve që kanë firmosur kontratat dhe kanë urdhëruar pagesat.

Sipas burimeve të sigurta me hetimin, çështja pritet të zgjerohet më tej, ndërsa masa konkrete ndaj zyrtarëve të përfshirë pritet të merren në ditët në vijim.

Kjo është një tjetër çështje që shton dyshimet për abuzim me fondet publike në sektorin e menaxhimit të mbetjeve, duke vendosur sërish inceneratorët në qendër të vëmendjes së drejtësisë dhe opinionit publik.

Ndërkohë, situata mjedisore në Elbasan është rënduar ndjeshëm, pas një tjetër ngjarjeje të rëndë në fushën e mbetjeve, ku në muajin qershor të këtij viti, landfilli u përfshi nga flakët për disa ditë me radhë, duke shkaktuar ndotje masive të ajrit dhe shqetësim të madh për banorët përreth.

Djegia e mbetjeve dhe pamundësia për të kontrolluar situatën ngritën pikëpyetje serioze mbi funksionimin e inceneratorit dhe kapacitetet e tij reale.

Kjo ngjarje shërbeu si një nga nxitësit për thellimin e hetimit, për shkak të dyshimeve se shërbimet e kontraktuara për menaxhimin dhe djegien e mbetjeve nuk janë zbatuar siç parashikohet.

The post Hetimet për inceneratorin e Elbasanit/ Pritet arrestimi i disa zyrtarëve, kontrollohet edhe banesa e administratorit të “ECO-ELB”, Leli Kraja appeared first on Albeu.com.

Në orët e para të mëngjesit të sotëm, Prokuroria dhe Policia e Elbasanit, kanë ndërmarrë një operacion të zgjeruar kontrollesh, në kuadër të hetimeve për inceneratorin e qytetit.

Në zbatim të një vendimi të Gjykatës së Elbasanit, janë ushtruar kontrolle në 14 banesa të personave që dyshohet se kanë lidhje me këtë çështje.

Veprimet janë ndërmarrë në kuadër të procedimit penal nr. 1417, i vitit 2024, i cili është regjistruar fillimisht për veprën penale të “zjarrvënies”, pasi fusha e mbetjeve urbane në Elbasan u përfshi nga flakët në vitin 2024. Gjatë hetimeve të thelluara, Prokuroria ka evidentuar elementë të mundshëm të shpërdorimit të detyrës, çka ka zgjeruar natyrën dhe objektin e hetimeve.

Operacioni është shtrirë në të gjithë qarkun e Elbasanit, ndërsa kontrollet e kryera kanë pasur për qëllim grumbullimin e provave të reja dhe ndriçimin e plotë të veprimtarive të dyshimta që lidhen me ndërtimin, funksionimin dhe administrimin e inceneratorit.

Deri më tani, autoritetet nuk kanë bërë të ditur nëse ka persona të ndaluar apo masa të tjera procedurale ndaj të dyshuarve, ndërsa hetimet vijojnë në mënyrë intensive.

Inceneratori i Elbasanit, ashtu si edhe projektet e tjera të ngjashme në vend, vijon të jetë në qendër të vëmendjes publike për shkak të dyshimeve për abuzime me fondet publike dhe keqmenaxhim nga zyrtarë vendorë e qendrorë.

The post Hetimet për Inceneratorin/ Kontrolle në 14 banesa në Elbasan, zbardhen detaje nga operacioni appeared first on Albeu.com.

Pasi çoi fadromat dhe vendosi tritol, kryeministri Edi Rama ka bërë bilancin e prishjeve të banesave në Theth. Kreu i qeverisë iu përgjigj pyetjes se përse autoritetet nuk morën masa më herët për të mos i lejuar këto ndërtime pa leje. Kryeministri u shpreh se për parandalimin e ndërtimeve pa leje në Theth nuk ka […]

The post Ku ishit kur u bënë ndërtimet pa leje në Theth? Rama justifikohet: Nuk ka funksionuar zinxhiri appeared first on BoldNews.al.

TIRANË, 15 korrik/ATSH/ Në njësinë 6 në kryeqytet u shpërndanë, dje dhe sot, 147 apartamente të reja për banorët e dëmtuar nga tërmeti dhe të shpronësuarve nga projektet e zhvillimit urban.

Ministria e Ekonomisë, Kulturës dhe Inovacionit në një postim në rrjetet sociale tha se “ky proces po zhvillohet me transparencë të plotë dhe në prani të qytetarëve përfitues. Ky është një tjetër hap i rëndësishëm në angazhimin tonë për të garantuar strehim dinjitoz për të gjithë ata që janë prekur nga projektet e zhvillimit urban”.

“Me përkushtim dhe vëmendje maksimale, po vijojmë me realizimin e çdo etape të këtij procesi, për të siguruar që asnjë qytetar të mos mbetet pas”, thekson MEKI.

1 nga 6

/k.s//r.e//a.f/

The post Tiranë, ndahen 147 apartamente të reja për të prekurit nga tërmeti dhe të shpronësuarit në njësinë 6 appeared first on Agjencia Telegrafike Shqiptare.

Pasditen e së enjtes është përfshirë nga flakët një banesë private në Tiranë, pranë zonës së Pazarit të Ri. Siç shikohet nga pamjet, flakët duket se kanë përfshirë gjithë banesën e cila po shkrumbohet. Nuk dihen ende pasojat e kësaj ngjarjeje, ndërsa forcat zjarrfikëse janë nisur drejt vendngjarjes.

The post Merr flakë banesa pranë Pazarit të Ri në Tiranë/ VIDEO appeared first on BoldNews.al.

Kosova numëron gjithsej 581,095 banesa, prej të cilave 356,959 janë të banuara, ndërsa 207,165 banesa, ose 35.7%, janë të pabanuara.

Këto të fundit përfshijnë banesat e destinuara për shitje, dhënie me qira apo përdorime të tjera. Agjencia e Statistikave të Kosovës ka publikuar raportin me të dhëna të detajuara për banesat dhe ndërtesat sipas komunave, në kuadër të Regjistrimit të Popullsisë, Ekonomive Familjare dhe Banesave 2024.

Ky publikim ofron një pasqyrë gjithëpërfshirëse mbi strukturën e banesave në nivel kombëtar dhe komunal, duke përfshirë tregues të rëndësishëm që ndihmojnë në analizimin e zhvillimeve në sektorin e banimit dhe planifikimin urban.

Sipas të dhënave të publikuara, në Kosovë janë regjistruar gjithsej 581,095 banesa, nga të cilat 356,959 janë të banuara nga një ose më shumë banorë.

Ndërkohë, 207,165 banesa, që përbëjnë 35.7% të totalit, rezultojnë të pabanuara — përfshirë ato të destinuara për shitje, dhënie me qira apo përdorime të tjera.

“Raporti përfshin informacione të detajuara për: Numrin e përgjithshëm të banesave sipas komunave. Shpërndarjen e banesave në vendbanime urbane dhe rurale. Klasifikimin e banesave në të banuara dhe të pabanuara.

Llojin e furnizimit me ujë. Llojin e sistemit të shkarkimit të ujërave të zeza. Mënyrat e ngrohjes në banesa. Numrin e dhomave në banesat e zakonshme”. 08ac217e-59da-47b2-a933-f9da9d73a868.pdf

ASK thotë se këto të dhëna janë një burim i rëndësishëm për politikat zhvillimore, si dhe për hartimin e strategjive për përmirësimin e kushteve të banimit dhe menaxhimin e qëndrueshëm të hapësirës.

Analiza e shpërndarjes së banesave të banuara dhe të pabanuara shërben gjithashtu për të kuptuar trendët e zhvillimit urban dhe rural, duke ndihmuar komunat në planifikimin e nevojave të ardhshme për infrastrukturë dhe shërbime publike.

Kurse, çmimi i një metri katror të banesave në Prishtinë aktualisht sillet nga 1,200 deri në 2,500 euro.

Sipas të dhënave nga agjencitë imobiliare, një metër katror në kryeqytet kushton nga 1,200 euro deri në 2,500 euro, varësisht nga lokacioni, ndërtimi dhe cilësia e objektit.

Zonat më të shtrenjta mbeten qendra e qytetit, lagjja “Arbëria” dhe “Pejton”, ku çmimet shpesh e tejkalojnë kufirin prej 2,000 euro për metër katror.

Çmimi i banesave në Prishtinë arrin deri në 2,500 euro për metër

Në Zonën e Prishtinës së Re çmimi i një metri katror të banesave aktualisht është 1,200 euro. Në rrugën C, metri katror i një banese sillet nga 1,400 deri në 1,500 euro, ndërsa në rrugën B për ta blerë aktualisht një banesë duhet paguar 1,500 deri në 1,700 euro për metër katror. Dhe, pastaj vjen pjesa e kryeqytetit me zona ndjeshëm më të shtrenjta të banesave.

Zonat më të shtrenjta në kryeqytet janë qendra e qytetit, lagjja Arbëria dhe Pejtoni, ku çmimet shpesh tejkalojnë 2,000 euro për metër katror.

Sipas të dhënave statistikore të Agjencisë së Statistikave edhe sipas ndërtimtarëve është evidente ngritja e kostos së ndërtimit në muajt e deritashëm të 2025-tës.

Sipas të dhënave të publikuara nga ASK-ja të Indeksit të Kostos së Ndërtimit (IKN) për tremujorin e parë (TM1) 2025, “kostoja e ndërtimit në Kosovë pati rritje për 1,7 për qind në tremujorin e parë të 2025-tës, krahasuar me tremujorin e fundit të 2024 -tës”. Ndërsa krahasuar me tremujorin e parë të sivjetshëm me të njëjtën periudhë të vitit paraprak, Indeksi i Kostos së Ndërtimit pati rritje për 6,5 për qind.

ASK-ja ka evidencuar se në këtë periudhë, pagat e punonjësve në sektorin e ndërtimtarisë janë rritur 2,4 për qind, ndërsa materialet e ndërtimit prej 1,9 për qind ishin ndikim në rritjen e kostos së ndërtimit, dhe shpenzimet e tjera në këtë sektor në tremujorin e parë janë rritur për 1,8 për qind.

Për 13 vjet – nga 2011-ta deri më 2024 – numri i banesave dhe shtëpive në Kosovë është rritur për 43 për qind.

Të dhënat e Agjencisë së Statistikave të Kosovës tregojnë se vendi, me rreth 1.6 milion banorë, ka 590 mijë banesa apo shtëpi të banueshme.

Të dhënat e dala nga regjistrimi i popullsisë, vitin e kaluar, tregojnë po ashtu se mbi 96 për qind e familjeve janë pronare të shtëpive ku jetojnë.

Vëzhguesit e këtij trendi thonë se mentaliteti i qytetarëve është që investimi në objekte banimi, siguron zgjidhje afatgjate për mirëqenien e familjes.

Çmimet e banesave në Kosovë nisën të rriten në vitin 2021, për shkak të çrregullimeve në tregjet ndërkombëtare të shkaktuara nga pandemia COVID-19. Me rritjen e çmimeve të materialeve ndërtimore, banesat u shtrenjtuan mbi 20%./ Monitor

The post Kosova me rreth 581 mijë banesa, mbi 207 mijë prej tyre të pabanuara appeared first on Sot News | Lajme.

Dy vatra zjarri janë regjistruar këtë fundjavë në qarkun e Beratit duke shkaktuar dëme në sipërfaqe pyjore.

Një nga zjarret ka rënë në fshatin Mbrakull, Njësia Administrative Mbrakull, në Bashkinë Poliçan. Flakët kanë përfshirë një sipërfaqe të madhe me pisha dhe vazhdojnë të përhapen për shkak të erës së fortë dhe temperaturave të larta.

Ndërhyrja e zjarrfikësve është bërë e vështirë për shkak të terrenit malor, që nuk lejon futjen e mjeteve zjarrfikëse në zonë. Si pasojë, forcat zjarrfikëse po punojnë me mjete rrethanore dhe pompa uji shpine për të lokalizuar dhe shuar flakët.

Një tjetër vatër zjarri është shënuar në fshatin Virjon, Njësia Administrative Otllak në Bashkinë Berat, ku dyshohet se shkaku ka qenë një defekt në linjën elektrike.

Zjarri rrezikoi tre banesa dhe parcela me dru frutorë, por falë ndërhyrjes së shpejtë të shërbimit zjarrfikës me dy mjete dhe gjashtë efektivë u bë e mundur lokalizimi dhe shuarja e flakëve, duke vënë situatën nën kontroll.

Autoritetet bëjnë thirrje për kujdes të shtuar gjatë ditëve të nxehta, pasi rreziku për zjarre mbetet i lartë, veçanërisht në zonat me pyje dhe bimësi të dendur.

The post Berat/ Zjarret rrezikojnë banesat appeared first on Lapsi.al.

Një vatër zjarri është aktivizuar mesditën e sotme në kodrat me ullishte të fshatit Rërëz në bashkinë Patos. Të favorizuara nga era flakët janë përhapur me shpejtësi duke djegur një sipërfaqe të konsiderueshme me ullinj dhe shkurre. Flakët iu janë afruar edhe banesave , një kabine elektrike dhe depozitave të vjetra të naftës. Operacioni për […]

The post Zjarr në Patos/ Flakët i afrohen depozitave të naftës, rrezikohen edhe banesat appeared first on BoldNews.al.

Policia e Shtetit ka arritur të lokalizojë dhe të gjejë dy të rinjtë që ishin larguar para 4 ditësh nga banesat e tyre në fshatrat Zvirinë dhe Leminot në Korçë.

Djali dhe vajza, të dy 15-vjeçarë, janë gjetur në kryeqytet, pas informacioneve të marra në rrugë operative nga policia e Maliqit, e cila në bashkëpunim me uniformat blu të Tiranës, ka mundur të gjejë të miturit që ishin larguar së bashku nga banesat e tyre.

Të miturit u gjetën në gjendje të mirë shëndetësore, në afërsi të një qendre tregtare në Tiranë.

LEXONI GJITHASHTU:

• VIDEO/ Makina digjet në mes të pyllit në Fier, zjarrfikësja shuan flakët
• Durrës/ Një person humb jetën në det, pushuesit nxjerrin trupin e pajetë

The post “4 ditë kërkime”, 15-vjeçarja dhe bashkëmoshatari i saj nga Korça gjenden në Tiranë appeared first on Euronews Albania.

51% e totalit të kredisë të dhënë nga sektori bankar deri në fund të vitit 2024, për individët dhe bizneset, është dhënë për blerje banesash ose pasuri të tjera të paluajtshme.

Stoku total i kredisë në fund të vitit 2024 rezulton 779.5 miliardë lekë, ose afro 7.9 mld euro, ku kredia për biznesin vijon të zërë peshën kryesore me 60.3%, ndërsa pjesa tjetër është kredia për individët.

Ne raportin e fundit te nxjerre nga Banka Qendrore, deri në fund të vitit 2024, bankat kanë dhënë 400 miliardë lekë, ose 4 miliardë euro kredi për biznesit dhe individët për blerje pronash.

Ecuria flet për rritje te ndjeshme te saj, gjate dy viteve te fundit, çka detyroi Bankën e Shqipërisë që të ndërhyjë me disa kufizime rregullatore për kredinë hipotekore.

Në bazë të këtyre ndryshimeve, nga 1 korriku 2025 kreditë bankare për shtëpi do të kenë tavan në raport me vlerën e financimit për banesën, si edhe një tavan për kredinë në raport me të ardhurat e kredimarrësit.

The post ‘Bum’ kreditimi për banesa dhe pasuri te paluajtshme/ Zbulohen shifrat qe japin bankat appeared first on Sot News | Lajme.

Mëngjesin e sotëm, një banesë dykatëshe është përfshirë nga flakët në fshatin Vithkuq të Korçës.

Sipas të dhënave, mësohet se zjarri ka rënë si pasojë e një defekti në rrjetin elektrik, ç`ka ka djegur plotësisht objektin.

Nga flakët u përfshinë të dyja katet, ku njëri prej tyre shërbente si lokal dhe tjetri për banim.

Pavarësisht ndërhyrjes së zjarrfikësve, dëmet ishin të mëdha. Nga ana e policisë po punohet për të zbardhur rrethanat e plota.

The post Përfshihet nga flakët, shkrumbohet banesa dykatëshe në Korçë (FOTO) appeared first on Albeu.com.

Një zjarr ka përfshirë një sipërfaqe me shkurre dhe bar të thatë në lagjen “Çlirim” në periferi të qytetit të Lushnjes. Zjarri ka rënë në një zonë me banesa a private është vënë nën kontroll në kohë rekord nga zjarrfikësit e Lushnjes pasi rrezikonte banesat.

Kanë mbërritur edhe efektivët e rendit dhe po punojnë për zbardhjen e shkaqeve. Në zonë është takuar energjia elektrike dhe është eleminuar rreziku i përhapjes së zjarrit. Pasi është vënë nën kontroll situata zjarrfikësit e Lushnjes kanë konstatuar tela të këputur të energjisë elektrike dhe dyshohet se zjarri ka ardhur si pasojë e ndonjë shkëndije që ka këputur telat përcjellës. Kanë mbërritur dhe punonjësit e grupit të avarive të osshe Lushnje për riparimin e linjës elektrike që furnizon lagjen Çlirim në Lushnje.

The post Zjarr pranë banesave në lagjen “Çlirim” në Lushnje, flakët vihen nën kontroll appeared first on Sot News | Lajme.

TIRANË, 16 qershor /ATSH/ Qeveria ka miratuar një ligj të ri për bashkëpronësinë në banesat kolektive, i cili synon përmirësimin e menaxhimit të hapësirave të përbashkëta dhe për të rritur cilësinë e jetës në komunitetet urbane.

Ministri i Shtetit për Pushtetin Vendor, Arbjan Mazniku, sqaroi sot në një intervistë për mediet ndryshimet që sjell ky ligj dhe ndikimin e tij në jetën e përditshme të qytetarëve.

Mazniku theksoi se deri më sot ka pasur paqartësi për elementet që konsiderohen si pronë e përbashkët. Sipas tij, pas privatizimit të banesave në fillim të viteve ’90, qytetarët blenë apartamentet, por fasadat, soletat, shkallët dhe pjesët e tjera të përbashkëta mbetën pa një status të qartë ligjor.

Ligji i ri e rregullon këtë situatë, duke i njohur të gjitha këto si bashkëpronësi të banorëve dhe duke vendosur detyrime të përbashkëta për mirëmbajtjen dhe menaxhimin e tyre.

Ndryshimi ligjor parashikon gjithashtu krijimin e një “libri të bashkëpronësisë” nga ana e bashkive, një dokument zyrtar që përshkruan qartë hapësirat e përbashkëta dhe detyrimet përkatëse për secilin banor.

Ligji, sipas Maznikut, e forcon rolin e administratorit të pallatit, duke i dhënë mundësinë të regjistrohet me NIPT dhe të lëshojë fatura, të cilat përbëjnë titull ekzekutiv, që do të thotë se janë të detyrueshme për pagesë nga qytetarët. Në këtë mënyrë, theksoi ai, shmanget praktika e refuzimit për të kontribuar financiarisht për shërbime të përbashkëta.

Administratorët do të kenë të drejtë të hapin llogari bankare të posaçme për menaxhimin financiar të godinës, ku do të ruhen pagesat mujore për pastrim, mirëmbajtje, si dhe një fond rezervë për emergjenca apo projekte të veçanta.

Sipas Maznikut, ky model ka treguar se rrit ndjeshëm cilësinë e jetës në ato godina ku zbatohet, pasi hap rrugën për pjesëmarrje në projektet e bashkive dhe përmirësime të vazhdueshme në infrastrukturë.

/r.e/j.p/

The post Ligji i ri për banesat, Mazniku: Banorët bashkëpronarë të hapësirave kolektive, rritet cilësia e jetës appeared first on Agjencia Telegrafike Shqiptare.

Ish-nënkryetari i bashkisë Tiranë, aktualisht Ministër i Shtetit për Pushtetin Vendor, Arbjan Mazniku, është zyrtari i lartë që është vënë nën hetim nga prokuroria e posaçme SPAK. Fillimisht hetimet ndaj Maznikut, janë fokusuar vetëm tek tenderat e bashkisë dhe nisur nga dyshime për abuzime me detyrën, SPAK dhe BKH-ja, kanë kryer 3 muaj para zgjedhjeve […]

The post SPAK po heton Maznikun/ Iu kontrollua banesa para zgjedhjeve, në fokus restoranti dhe tenderat appeared first on BoldNews.al.

Mëngjesin e ditës së djeshme rreth orës 06:00, një ngjarje tragjike ka tronditur komunitetin e West Yorkshire në Angli, ku një zjarr i fuqishëm në një banesë, i ka marrë jetën një vajze 9-vjeçare dhe babait të saj.

Ngjarja e rëndë ndodhi të dielën në mëngjes, kur policia u njoftua për flakët që përfshinë shtëpinë.

Dy vajzat e vogla të familjes, 9 dhe 11-vjeç, u dërguan menjëherë në spital. Fatkeqësisht, më e vogla nuk arriti t’u mbijetonte plagëve të marra dhe ndërroi jetë më vonë gjatë ditës.

Ndërkohë, vajza tjetër 11-vjeçare ndodhet në gjendje kritike.

Edhe babai i tyre mori ndihmë mjekësore në vendngjarje, por nuk arriti të mbijetojë.

Policia e West Yorkshire, ka konfirmuar se nuk ka prova që të tregojnë për ndonjë rrethanë të dyshimtë në lidhje me zjarrin.

Inspektori detektiv Paul Greatorex deklaroi: “Ne po punojmë ngushtë me kolegët tanë në shërbimin e zjarrfikësve për të hetuar këtë incident tmerrësisht të trishtueshëm që ka rezultuar në humbjen e jetës së një babai dhe të bijës”.

Autoritetet kanë nisur hetime të zgjeruara dhe janë në kontakt me familjarët e viktimave, si brenda Mbretërisë së Bashkuar ashtu edhe jashtë saj, për t’u ofruar mbështetjen e nevojshme në këtë moment të vështirë.

“Ndërsa hetimet tona vazhdojnë, nuk besojmë se ka ndonjë element të dyshimtë rreth shkakut të zjarrit. Do të përgatisim një dosje për mjekun ligjor në kohën e duhur”, shtoi inspektori Greatorex.

Policia dhe shërbimi zjarrfikës, mbeten në vendngjarje për të siguruar çdo provë të mundshme që mund të ndihmojë në zbardhjen e plotë të rrethanave të ngjarjes.

The post Ngjarje tragjike/ Banesa përfshihet nga zjarri, humb jetën 9-vjeçarja dhe babai i saj, e motra në gjendje kritike appeared first on Albeu.com.

Një ngjarje tragjike ka tronditur komunitetin e West Yorkshire në Angli, ku një zjarr i fuqishëm në një banesë i ka marrë jetën një vajze 9-vjeçare dhe babait të saj.

Dy vajzat e vogla të familjes, 9 dhe 11 vjeç, u dërguan menjëherë në spital. Fatkeqësisht, më e vogla nuk arriti t’i mbijetonte plagëve të marra dhe ndërroi jetë më vonë gjatë ditës. Ndërkohë, vajza tjetër 11-vjeçare ndodhet në gjendje kritike.

Ngjarja e rëndë ndodhi të dielën në mëngjes, rreth orës 06:00, kur policia u njoftua për flakët që përfshinë shtëpinë. Edhe babai i tyre mori ndihmë mjekësore në vendngjarje, por nuk arriti të mbijetojë.

Policia e West Yorkshire ka konfirmuar se nuk ka prova që të tregojnë për ndonjë rrethanë të dyshimtë në lidhje me zjarrin. Inspektori detektiv Paul Greatorex deklaroi: “Ne po punojmë ngushtë me kolegët tanë në shërbimin e zjarrfikësve për të hetuar këtë incident tmerrësisht të trishtueshëm që ka rezultuar në humbjen e jetës së një babai dhe të bijës.”

Autoritetet kanë nisur hetime të zgjeruara dhe janë në kontakt me familjarët e viktimave, si brenda Mbretërisë së Bashkuar ashtu edhe jashtë saj, për t’u ofruar mbështetjen e nevojshme në këtë moment të vështirë.

“Ndërsa hetimet tona vazhdojnë, nuk besojmë se ka ndonjë element të dyshimtë rreth shkakut të zjarrit. Do të përgatisim një dosje për mjekun ligjor në kohën e duhur,” shtoi inspektori Greatorex.

Policia dhe shërbimi zjarrfikës mbeten në vendngjarje për të siguruar çdo provë të mundshme që mund të ndihmojë në zbardhjen e plotë të rrethanave të ngjarjes.

The post ‘Shkrihet’ familja në Angli/ Zjarri në banesë i merr jetën vajzës 9-vjeçare, dhe babait të saj appeared first on Sot News | Lajme.

Policia e Korçës ka zbardhur një grabitje të regjistruar rreth dy vite më parë në fshatin Goskovë, ku dyshohet se janë grabitur rreth 6 milionë lekë të vjetra nga kasaforta e banesës së shteasit Artur Sejdarasi. Si autorë të kësaj ngjarje rezultojnë tre persona, ku një prej tyre rezulton nipi i mitur i Artur Sejdarasit. […]

The post EMRAT/ Zbardhet vjedhja e 6 mln lekëve në Korçë, autorët detyruan djalin e pronarit t’i merrte nga kasaforta appeared first on BoldNews.al.

Një banesë pranë zonës historike në Vlorë është përfshirë nga flakët mbrëmjen e sotme, duke shkaktuar dëme të mëdha materiale. Fatmirësisht nuk raportohet për të lënduar në njerëz.

Sipas informacioneve paraprake, dyshohet se zjarri ka shpërthyer si pasojë e një shkëndije elektrike në banesë. Menjëherë pas përhapjes së flakëve, banorët e zonës kanë njoftuar shërbimin zjarrfikës, i cili ka ndërhyrë brenda pak minutash.

Në vendngjarje mbërritën forcat zjarrfikëse dhe policia lokale, të cilat arritën të vendosnin situatën nën kontroll, duke shmangur përhapjen e flakëve në banesat përreth.

Ndërkohë, hetimet janë në vijim për të zbardhur plotësisht shkaqet dhe rrethanat e kësaj ngjarjeje.

The post Zjarri përfshin një banesë pranë zonës historike në Vlorë, dyshimet e para appeared first on Sot News | Lajme.

Si rezultat i hetimeve të kryera mbi disa denoncime për vjedhje në banesa dhe biznese, shërbimet e Komisariatit të Policisë Nr. 6, në bashkëpunim me Komisariatin Nr. 2 në Tiranë, kanë mundësuar zbardhjen e autorësisë së katër rasteve.

Në kuadër të këtij operacioni, u arrestuan në flagrancë:

E. D., 20-vjeç, i dyshuar për përfshirje në vjedhjen e një banese dhe dy lokaleve gjatë periudhës maj-qershor;

A. K., 33-vjeç, i cili dyshohet se ka vjedhur një shumë parash ditën e djeshme në një banesë në fshatin Arbanë.

Ndërkohë, është shpallur në kërkim shtetasi E. G., 21-vjeç, bashkëpunëtor i dyshuar në rastet e vjedhjeve me E. D.

Policia vijon punën për kapjen e 21-vjeçarit të shpallur në kërkim, si dhe për dokumentimin e rasteve të tjera të mundshme ku këta shtetas mund të jenë të përfshirë.

Materialet procedurale i janë referuar Prokurorisë së Rrethit Gjyqësor Tiranë, për veprime të mëtejshme ligjore.

The post Identifikohen 3 autorë vjedhjesh në banesa dhe në lokale, arrestohen 2 prej tyre appeared first on Albeu.com.

Një 44-vjeçar nga fshati Nokov e Gjirokastrës i është drejtuar Policisë pas largimit të bashkëshortes së tij nga banesa. Sipas kallëzimit të bërë bashkëshorti, gruaja e tij me iniciale S. L., 39 vjeçe, është larguar nga shtëpia pa lënë gjurmë dhe ai nuk ka asnjë informacion mbi vendndodhjen e saj. “Dje, ka kallëzuar shtetasi M. […]

The post Gjirokastrës/ Gruaja i ikën nga banesa, bashkëshorti ngre alarmin në polici appeared first on BoldNews.al.