Prokurorja e Përgjithshme amerikane Pam Bondi ka urdhëruar prokurorët e Departamentit Amerikan të Drejtësisë që të hapin procedura ligjore mbi akuzat e bëra më herët nga kundërshtarët politikë të Trump, të cilët kanë akuzuar presidentin aktual se në fitoren e tij të parë në vitin 2016 kishte bashkëpunuar me Rusinë për të siguruar marrjen e Shtëpisë së Bardhë.

Prokurorët amerikanë do t’i paraqesin prova një jurie të madhe me përpjekjet e rivalëve politik demokrat me synimin për komplot ndaj Presidentit Donald Trump. Pas dorëzimit të këtyre provave, Juria do të vendosë nëse do të ngrejë akuza penale. Ende nuk dihet se kush janë zyrtarët që do të preken nga këto hetime. Trump, i cili fitoi zgjedhjet presidenciale të vitit 2016 kundër Hillary Clinton, ka akuzuar prej vitesh kundërshtarët e tij për një fushatë shpifjesh lidhur me të ashtuquajturën “Russiagate”.

Muajin e kaluar, Drejtoresha Kombëtare e Inteligjencës, Tulsi Gabbard, akuzoi ish-presidentin Barack Obama dhe ekipin e tij të sigurisë kombëtare për një “grusht shteti të vazhdueshëm” kundër Trump. Ajo pretendoi se administrata Obama politizoi informacionet për ndërhyrjen ruse për ta lidhur në mënyrë të rreme Trump-in me Moskën. Trump reagoi duke e akuzuar Obamën për “tradhti”, gjë që u cilësua si “absurde” nga një zëdhënës i Obamës. Ndërkohë, demokratët theksuan se pretendimet e Gabbard nuk e rrëzojnë vlerësimin e inteligjencës amerikane të janarit 2017, i cili arriti në përfundimin se Rusia kishte synuar të dëmtonte fushatën e Clinton dhe të ndihmonte atë të Trump. Një raport dypartiak i Senatit në vitin 2020 po ashtu konfirmoi përpjekjet e Rusisë për të ndihmuar Trump-in.

Sipas Fox Neës, ish-drejtori i CIA-s John Brennan dhe ish-drejtori i FBI-së James Comey janë nën hetim penal për lidhje me hetimin fillestar për Trump dhe Rusinë. Të dy i mohojnë akuzat dhe thonë se Trump po abuzon me drejtësinë për qëllime politike. Gjysma e mandatit të parë të Trump-it u dominua nga hetimi i prokurorit special Robert Mueller, i cili konkludoi në vitin 2019 se nuk kishte prova që Trump apo fushata e tij kishin bashkëpunuar me Kremlinin. Askush nuk u akuzua për këtë.

Debati për Russiagate u rizgjua javën e kaluar kur një aneks i një hetimi tjetër nga Departamenti i Drejtësisë, i udhëhequr nga Prokurori i Posaçëm John Durham, u deklasifikua. Në të përmendet një dokument i marsit 2016 që sugjeron se Hillary Clinton mund të ketë aprovuar një plan për ta paraqitur Trump-in si agjent rus. Po ashtu, citohet një e-mail i dyshimtë i mundësuar nga hakerë të lidhur me inteligjencën ruse, i cili sugjeron se fushata Clinton kishte qëllim afatgjatë për të paraqitur Donald Trump dhe Presidentin Rus Vladimir Putin si dy figura qe bashkepunonin se bashku.

Durham thekson se nuk ka prova se FBI ka qenë pjesë e këtij plani, megjithatë, hetimi ngre pikëpyetje për bazën e fillimit të hetimit ndaj Trump në vitin 2016. Ai po ashtu vuri në dukje se hetimi fillestar i FBI-së ishte i mangët dhe i bazuar në të dhëna të paprovuara. Zyrtarët amerikanë e kanë konfirmuar ndërhyrjen ruse në zgjedhje përmes rrjeteve sociale dhe sulmeve kibernetike ndaj e-mail-ve të demokratëve, por konkluduan se ndikimi në rezultatin përfundimtar të zgjedhjeve ishte i kufizuar. Hetimi i ri mund të trazojë sërish ujërat në politikën amerikane, me ndikim të madh në debatin për zgjedhjet e ardhshme presidenciale./abcnews.al

Kodi i ri Penal, i përgatitur nga një grup specialistësh të fushës, në bashkëpunim me institucione shtetërore nën koordinimin e Ministrisë së Drejtësisë, kishte përfunduar që më 2023, por u prezantua më 25 korrik 2025. Në ceremoninë e prezantimit merrnin pjesë autoritete dhe specialistë. Pas qarkullimit të projekt-kodit, menjëherë u artikuluan kritika për përmbajtjen e […]

The post Kodi Penal dhe nacionalizmi banal appeared first on Reporter.al.

“Do të funksionojnë, do të funksionojnë!” deklaronte kryeministrja italiane Giorgia Meloni në fund të vitit të kaluar, duke iu referuar kampeve për emigrantët e paligjshëm në Gjadër. Por përmes një vendimi të marrë më 1 gusht në Luksemburg, Gjykata Evropiane e Drejtësisë (GJED) i ka vënë në pikëpyetje themelet ligjore të këtij projekti të dakordësuar me qeverinë Shqiptare të Edi Ramës.

Vendimi paraprak, u bë me dije nga Kreu i Gjykatës, Koen Lenaerts. Ai pritet të zbardhet ditët në vijim.

Në çështjet e bashkuara “C‑758/24 Alace dhe C‑759/24 Canpelli” GJED i referohet caktimit të një vendi origjine si “i sigurt”, një koncept kyç në procedurat e përshpejtuara të azilit, të përdorura nga Italia për dëbimin e emigrantëve të dërguar në Shqipëri.

Sipas gjykatësve evropianë, çdo shtet anëtar ka të drejtë të hartojë një listë të vendeve të sigurta të origjinës, por kjo vendimmarrje nuk është absolute. Ajo duhet të mbështetet në të dhëna të qarta, të dokumentuara dhe të aksesueshme, dhe të jetë e kontrollueshme nga proceset gjyqësore.

“Për të justifikuar përjashtimin e një aplikimi për azil si të papranueshëm, shpallja e një vendi si i sigurt duhet të bazohet në informacion të aksesueshëm dhe të kontrollueshëm, si nga kërkuesi i azilit, ashtu edhe nga gjykata,” thuhet në deklaratën për shtyp të GJED.

“Qeveria e harton listën. Gjykatat e verifikojnë”, theksohet në përmbledhjen e vendimit të lexuar nga kreu i gjykatës Koen Lenaerts.

Rasti nga Bangladeshi dhe reagimet për GJED-në

Rasti që çoi në këtë vendim të GJED-së kishte të bënte me dy shtetas nga Bangladeshi, të transferuar në Gjadër pasi kishin kërkuar azil në Itali, por që kërkesa iu ishte refuzuar përmes procedurave të përshpejtuar.

Refuzimi bazohej në një vendim të vitit 2024, ku qeveria italiane e kishte përfshirë Bangladeshin në listën e vendeve të sigurta. Por vendimi nuk i specifikonte burimet e përdorura për të vlerësuar nivelin e sigurisë në atë shtet.

Kjo sipas GJED pengoi kërkuesit e azilit dhe gjykatat të verifikonin besueshmërinë e listës së qeverisë italiane, duke e bërë procedurën jo të drejtë nga ana ligjore.

Vendimi i GJED-së shkaktoi reagime të forta politike në Itali. Kryeministrja Meloni, nga një takim në Turqi, akuzoi gjykatën evropiane për tejkalim të kompetencave:

“Sërish gjyqësori, kësaj here ai evropian, pretendon hapësira që nuk i përkasin, për çështje që janë ekskluzivisht politike”, thuhej në deklaratën e kryeministres italiane.

Ndërkohë, opozita reagoi me akuza për dështim të projektit “Meloni-Rama” dhe keqmenaxhim të fondeve.

Elly Schlein, kryetare e Partisë Demokratike të Italisë, e quajti investimin në kampet e Shqipërisë “shpërdorim të 800 milionë eurove” që, sipas saj, mund të ishin përdorur për shëndetësinë.

Giuseppe Conte, i Lëvizjes 5 Yjet (M5S), e cilësoi vendimin “të parashikueshëm” dhe kritikoi Melonin për “propagandë boshe” dhe “viktimizim të qëllimshëm”.

Vendimi i GJED-së do të ketë efekt deri më 12 qershor 2026, kur pritet të hyjë në fuqi rregullorja e re e BE-së si pjesë e Paktit për Migracionin.

Edhe pse për momentin ndikimi real është i kufizuar – rreth 150 emigrantë janë sjellë në total në Gjadër nga viti i shkuar, – kjo vendimmarrje ngre dyshime serioze për ligjshmërinë afatgjate të modelit italo-shqiptar për “përpunimin e shpejtë të kërkesave për azil”.

Lexoni gjithashtu:

• Emigrantët vazhdojnë të vijnë në Gjadër, ndërkohë që BE-ja hesht
• Gjadër, aktivistët përkujtojnë emigrantin Hamid Badoui
• Human Rights Watch: “Ballkani nuk është magazinë për emigrantët”

The post Gjykata Evropiane e Drejtësisë “godet” planin e Melonit për emigrantët appeared first on Citizens.al.

I përballur me një lumë kritikash nga drejtues të sistemit të drejtësisë, përfaqësues të Dhomës së Avokatisë, juristë dhe organizata të shoqërisë civile, kryeministri Edi Rama tentoi të distancohej nga përgjegjësia e qeverisë për hartimin e draftit të Kodit të ri Penal, i cili u publikua për konsultim publik një javë më parë. Në një […]

The post Dy vjet në sirtar: Ministria e Drejtësisë, kontribuese dhe koordinuese e Kodit të ri Penal appeared first on Reporter.al.

Gjykata Evropiane e Drejtësisë (GJED) ka përforcuar kriteret dhe pengesat për përcaktimin si vende të sigurta origjine në procedurat e përshpejtuara të azilit. Anëtarët e BE-së mund të hartojnë lista me vende të tilla vetëm nëse paraqesin edhe burimet për vlerësimin e tyre; gjykatat duhet të jenë në gjendje të shqyrtojnë se mbi cilat informacione bazohet vendimi për shpalljen e një vendi si vend i…

Source

Një draft-propozim që supozohej të modernizonte Kodin Penal shqiptar, po kritikohet si kërcënim për të drejtat themelore.

Qeveria e quan reformë të domosdoshme, por shumë aktorë publikë, përfshirë opozitën, organet e drejtësisë, avokatët dhe organizatat të shoqërisë civile, ngrenë alarmin për mungesë transparence dhe rreziqe, sidomos në lirinë e shprehjes.

Proces i nxituar, përmbajtje e kontestuar

Drafti final i Kodit të ri Penal u prezantua të premten, datë 25 korrik nga ministri i Drejtësisë, Ulsi Manja. Sipas tij, Kodi aktual që është në fuqi nuk i përgjigjet më sfidave të kohës dhe zbatimi i tij krijon vështirësi për gjyqësorin, prokurorinë dhe vetë avokatët.

Kodi aktual, me 335 nene u miratua në janar 1995 dhe në 30 vite u ndryshua 24 herë me ligj dhe 10 herë pas vendimeve të Gjykatës Kushtetuese. Kodi i ri parashikon 952 nene bashkë me nenet e shfuqizimeve dhe hyrjes në fuqi.

Sipas ministrit Manja, Kodi Penal i ri synon t’i përshtatet normës ligjore të Bashkimit Evropian në kuadër të integrimit. Për këtë ai ftoi opozitën, mediat, organizatat e shoqërisë civile dhe ekspertë ligjorë që të kontribuojnë me opinionet e tyre gjatë fazës së konsultimit publik.

Por drafti nuk është pritur mirë. Kryeprokurori Olsian Çela e cilësoi atë “ngrehinë pa bazë” duke nënkuptuar këtu mungesën e konsultimeve të gjera me nevojat sociale dhe institucionale.

Sipas Çelës ky hap i qeverisë “nuk përfaqëson më shumë se një veprim të nxituar që rrezikon të minojë në mënyrë të pariparueshme mirëfunksionimin e drejtësisë penale”.

Kryeprokurori ka shprehur shqetësim për formulimet e neneve, të cilat, sipas tij rrezikojnë të sjellin konfuzion te magjistratët duke sjellë një situatë ku për raste të ngjashme të aplikohen interpretime të ndryshme.

Në një takim me gazetarët, të enjten, 31 korrik, Kreu i Prokurorisë së Posaçme Anti-Korrupsion, (SPAK), Altin Dumani, tha se ata nuk ishin përfshirë në grupin e punës dhe as nuk ishin konsultuar për draftin.

“Në momentin që do të na e sjellin, do të kemi një qëndrim zyrtar,” tha Dumani i cili theksoi se personalisht pajtohej me qëndrimin e shprehur nga kryeprokurori Çela.

Dhoma e Avokatisë e përshkroi propozimin e qeverisë si draft “inkuizitor”, me mungesë transparence në përgatitje.

“Nuk kemi prezencën e nevojës, se përse duhet Kodi i ri, nuk është si rrjedhojë e nevojës së organeve të drejtësisë,” theksoi në një konferencë për shtyp Maksim Haxhia, kreu i Dhomës së Avokatisë.

Ndërkohhë Partia Demokratike e quajti procesin të fshehtë dhe draftin si rezultat të një vullneti të njëanshëm politik.

Kodi mund të dënojë satirën

Qeveria ka propozuar ashpërsimin e ndëshkimeve për “përdhosjen e Republikës dhe simboleve të saj” duke përdorur një riformulim që mund të keqpërdoret për të kufizuar dhe ndëshkuar talljen apo dhe satirën publike.

Ndryshe nga kodi aktual – “Neni 268” – që sanksionon vetëm dëmtimin e flamurit ose stemës në institucionet shtetërore me gjobë ose burgim deri në tre muaj, projektligji i ri – “Neni 236” – zgjeron konceptin e përdhosjes duke përfshirë Presidentin, Kuvendin, Qeverinë, gjykatat, forcat e armatosura dhe dëshmorët e atdheut. 

Për fyerje, përçmim apo tallje ndaj këtyre institucioneve parashikohet dënim me burgim deri në tre vjet, ndërsa për personat juridikë mund të vendoset edhe ndalim i veprimtarisë deri në pesë vjet.

Dispozita e re, e përfshirë në kapitullin mbi veprat kundër rendit kushtetues, e konsideron “përdhosje” çdo akt që shihet si dhunim ose poshtërim i vlerave të nderuara të institucioneve të përmendura.

Termat e përdorur janë të gjerë dhe përfshijnë përçmimin, talljen apo përbuzjen, duke ngritur shqetësime për mundësinë e përdorimit të ligjit për të goditur kritikët, mediat dhe gazetarët, pasi me këtë nen mund të dënohet edhe satira.

Ky ndryshim e vendos në të njëjtin nivel mbrojtjeje ligjore flamurin dhe figurat institucionale, me dënime më të larta se ato aktuale.

Ndikimi mbi lirinë e medias dhe shprehjes

Kodi i ri Penal bën hapa prapa në raport me standardet ndërkombëtare për lirinë e shprehjes, sidomos në kontekstin e direktivave të BE-së dhe praktikës së Gjykatës Evropiane për të Drejtat e Njeriut (GJEDNJ), të cilat kanë rekomanduar disa herë dekriminalizimin e shpifjes si kusht për ruajtjen e lirisë së medias dhe demokracisë funksionale.

Në kodin aktual shpifja trajtohet në “Nenin 120” dhe nenet “240”; “241” si shpifje për shkak të detyrës apo “Presidentit të Republikës”. Në to, përhapja e qëllimshme e thënieve apo informacioneve që cenojnë nderin apo dinjitetin e personit, dënohet me gjobë 50,000-500,000 lekë dhe nëse përsëritet dhe u drejtohet disa personave në grup, shkon deri në 3,000,000 lekë.

Në kodin e ri, “Nenin 865” e trajton sërish shpifjen si vepër penale me dënime disproporcionale më të larta: gjobë 500,000-1,500,000 lekë, deri në detyrim për falje publike.

Ky nen penalizon më rëndë ata që shprehen përmes medias apo rrjeteve sociale, duke goditur gazetarët dhe qytetarët kritikë. Për më tepër, kur “shpifja” u drejtohet funksionarëve publikë, dënimet dyfishohen, duke u dhënë atyre mbrojtje të veçantë përballë kritikës publike — në kundërshtim me parimet e një demokracie funksionale.

Por përveç këtij neni, “Neni 536”, i cili dënon me gjobë ose me burgim deri në 3 vjet komentet për gjyqtarë dhe çështje në hetim, konsiderohet një kërcënim i hapur për transparencën publike.

Qendra “Shkencë dhe Inovacion për Zhvillim” (SciDev), SafeJournalists dhe Asociacioni i Gazetarëve (AGSH) kanë kërkuar rishikimin e këtyre neneve, të cilat i konsiderojnë kërcënuese për lirinë e shprehjes pasi penalizojnë gazetarët dhe qytetarët aktivë.

Për drejtuesen e SciDev, Blerjana Bino, riformulimet për shpifjen jo vetëm nuk përmbushin rekomandimet e përsëritura nga ndërkombëtarët, organizatat e medias dhe shoqërisë civile, por shtojnë sanksionet penale me efekt frikësues ndaj gazetarëve dhe aktivistëve.

“Riformulimi i shpifjes dhe ndikimi në pavarësinë e gjykatës janë shqetësuese për lirinë e shprehjes,” tha Isa Myzyraj, kreu i AGSH për Citizens.al, sipas të cilit neni që ndalon komentet e gjyqësorit duhet fshirë i tëri.

“Gjithashtu, Neni 536, i cili penalizon ndërhyrjet në pavarësinë e gjykatës, paraqet rrezik të konsiderueshëm për gazetarët që raportojnë mbi procedurat gjyqësore, duke mos parashikuar përjashtime apo dispozita të qarta mbrojtëse për aktivitetin gazetaresk”, tha Bino për Citizens.

Drafti për Kodin e ri Penal duket se nuk ka kaluar një proces të gjerë konsultimi shoqëror dhe profesional. Mungesa e analizës së kontekstit dhe e transparencës rrezikon të prodhojë pasoja afatgjata për të drejtat themelore.

Në vend të një reforme gjithëpërfshirëse, aktualisht duket se kemi një dokument që nxit mosbesim dhe alarm nga shumë aktorë.

Rishikimi i thelluar, me pjesëmarrje të gjerë, duket i domosdoshëm për të shmangur dështime ligjore dhe politike.

The post Kodi i ri Penal rrezikon lirinë e shprehjes appeared first on Citizens.al.

Një projekt i qeverisë për të miratuar një Kod të ri Penal, i bërë publik më 25 korrik nga ministri i Drejtësisë, Ulsi Manja, është pritur me kritika të forta nga aktorë të ndryshëm të shoqërisë dhe institucionet e pavarura të drejtësisë, si një projekt që cënon liritë e individit. Disa nene që lidhen me […]

The post ‘Arbitrar’: Projekti i Kodit Penal kritikohet edhe për cënimin e lirisë së shprehjes appeared first on Reporter.al.

TIRANË, 25 korrik/ATSH/ Ministri i Drejtësisë, Ulsi Manja u shpreh sot se hartimi i një Kodi të ri Penal nuk është një ngjarje e zakonshme, por një moment i rrallë institucional që shënon jo vetëm rregullimin juridik të një epoke të re, por edhe pjekurinë demokratike të një shoqërie që ka nevojë përditësojë normat penale me zhvillimet shoqërore, kushtetuese dhe ndërkombëtare.

Në aktivitetin për prezantimin e draftit përfundimtar të Kodit të Ri Penal, ku të pranishëm ishin edhe kryetarja e Gjykatës Kushtetuese, Holta Zaçaj, kryetari i Gjykatës së Lartë, Sokol Sadushi, ministrja e Shtetit për Administratën Publike dhe Antikorrupsionin, Adea Pirdeni, Ministrja e Shtetit dhe Kryenegociatorja e Shqipërisë me Bashkimin Evropian, Majlinda Dhuka, aktorë kryesorë të sistemit të drejtësisë, partnerë ndërkombëtarë, universitete, shoqëri civile dhe media, ministri Manja tha se “ky moment shënon një hap të rëndësishëm drejt forcimit të shtetit të së drejtës në vend“.

“Ky draft, që sot hyn në fazën e konsultimit publik, është një dokument themelor për mbrojtjen e të drejtave dhe lirive të çdo qytetari “, tha Manja.

“Në një shtet të së drejtës, Kodi Penal është shtylla themelore e kontratës sonë sociale. Ai përkufizon qartë kufirin ndarës mes sjelljes së lejuar dhe asaj të dënueshme dhe është një instrument i drejtpërdrejtë në mbrojtjen e rendit kushtetues, të drejtave dhe sigurisë juridike të çdo individ”, tha ministri Manja.

Sipas ministrit të Drejtësië, ”Kodi Penal në fuqi u miratua në janar të vitit 1995 dhe hyri në fuqi në 1 qershor të po atij viti, në një kohë kur Shqipëria sapo kishte dalë nga një regjim totalitar dhe kishte nisur ndërtimin e një sistemi të ri drejtësie”.

”Ai përbënte një akt themelor modernizues, për të hequr dorë nga logjika penale e asaj kohe dhe për të përafruar legjislacionin me modelet penale të kohës. Kërkesa për të pasur një Kod Penal të ri nuk është çështje politike, por nevojë e një shteti dhe shoqërie që transformohet çdo ditë. Gjithashtu, është edhe nevojë e një dinamike të re kushtetuese institucionale dhe integruese që duhet reflektuar në Kodin e ri Penal”, vijoi ai.

Ministri Manja u shpreh se Kodi Penal që është në fuqi në momentin e miratimit në vitin 1995 kishte 285 nene dhe 550 paragrafe në strukturë. Sipas Manjës, pas 30 ndërhyrjesh të njëpasnjëshme në kohë të ndryshme, ai numëron rreth 327 nene dhe mbi 750 paragrafe, pra 40 nene dhe 200 paragrafë më shumë të ndryshuar në mënyrë të fragmentarizuar dhe pa koherencë sistemike.

”Kodi i ri Penal do duhet të ketë si bazë kushtetuese, Kushtetutën e vitit 1998, ndërsa kur u miratua në vitin 1995 baza ishte ligji për dispozitat kushtetuese të vitit 1991. Format e reja të kriminalitetit kërkojnë përgjigje të qarta dhe përshtatshme penale.

Reforma në drejtësi ka rikonfiguruar sistemin institucional duke bërë të domosdoshëm rishikimin e normës penale”, shtoi Manja.

Ministri i Drejtësisë u ndal edhe te procesi i integrimit të Shqipërisë në BE që kërkon një përafrim të plotë të Kodit penal me hakinë e BE-së, direktivat evropiane dhe jurisprudencën e pasur të Gjykatës së të Drejtave të Njeriut.

”Kodi aktual nuk i përgjigjet më sfidave të kohës dhe zbatimi paraqet vështirësi për prokutorët, avokatët dhe gjyqtarët. Rikonceptimi i Kodit ishte i domosdoshëm dhe i pashmangshëm. Puna për të pasur një draft pune penal të kryesuar nga prof. Arben Rakipi kishte filluar që në vitin 2019, por në shkurt të vitit 2023, ministri i Drejtësisë e ngarkoi këtë grup pune zyrtarisht për të hartuar Kodin e ri Penal, që nga sot do të jetë për konsultim publik”, pohoi Manja.

Ministri i Drejtësoi tha se ”ky draft nuk është produkt i Qeverisë apo Ministrisë së Drejtësisë, ndërsa MD ka pasur dhe do ketë deri në fund rol organizues dhe mbështetës. Autorësia intelektuale dhe përmbajtja teknike është në pronësi të grupit të punës në çdo fazë të konsultimit publik”.

Gjithashtu, drafti pritet të marrë vulën e certifikimit në Bruksel sipas Manjës, dhe pastaj qeveria do të vijojnë me procedurat e miratimit parlamentar me shumicë të cilësuar, sipas Kushtetutës dhe Rregullores së Kuvendit.

Ministri Manja i bëri ftesë opozitës që të kontribuojë me ekspertizë të mirëfilltë dhe diskutime për Kodin e ri Penal, si një akt shtetëror të rëndësishëm për funksionimin e shtetit dhe drejtësisë në një vend që synon të bëhet pjesë e familjes evropiane deri në vitin 2030.

/e.i/

The post Prezantohet drafti i Kodit të ri Penal, Manja: Përgjigje për format e reja të kriminalitetit, miratimi pas certifikimit në Bruksel appeared first on Agjencia Telegrafike Shqiptare.

TIRANË, 25 korrik /ATSH/ Pas një punë disavjeçare nga një grup ekspertësh, i udhëhequr nga drejtori i Shkollës së Magjistraturës Arben Rakipi, u prezantua sot drafti i Kodit të ri Penal.

Në fjalën e tij, Rakipi bëri edhe prezantimin e risive kryesore të propozuar për Kodin e ri Penal.

Rakipi u ndal fillimisht tek “shtimi i gamës së interpretimit të koncepteve në mënyrë që praktikat gjyqësore të mbështeten në një dokument të unifikuar”.

“Ato koncepte nuk lënë shteg më për t’u keqinterpretuar. Sistemi gjyqësor do të ketë një element më tepër pavarësie në raport me to. Përcaktimi ligjor i koncepteve është një element thelbësor për forcimin e pavarësisë këtij sistemi”, tha Rakipi.

Një çështje tjetër që Rakipi paraqiti si element me plot risi të reja ishte çështja e dënimit në tërësi.

“Dënimi në tërësi në Republikën e Shqipërisë është rregulluar nga dy dispozita të cilat në vetvete janë të pamjaftueshme për t’i dhënë rendësi asaj procedure dhe atyre elementëve që bazohet gjykata për ta mbështetur vendimin e saj. I kemi dhënë peshë specifike të gjitha elementëve mbi kriteret që bazohet vendimi. Është një garanci për të arritur në një dënim të drejtë”, tha Rakipi.

Rakipi shtoi po ashtu se i është dhënë peshë “aplikimit të dënimeve plotësuese”.

Një tjetër risi e Kodit të ri Penal, tha Rakipi do të jetë edhe për konfiskimet.

“Për veprat penale që krijojnë pasuri të padrejtë, është rekomanduar përveç rasteve kur konfiskimet janë të detyruara, kjo masë parandaluese të mund të ketë epërsi në të gjitha rastet e tjera, kur nuk është e detyruar. Është i pamjaftueshëm dënimi penal nëse rikuperimi ndaj veprës nuk është i plotë, siç është rasti i të mirave, të krijuara nga kryerja e veprës penale”, tha Rakipi.

Risi tjetër shtoi Rakipi, është edhe përfshirja e disa elementëve penal procedurale që lidhen me viktimën dhe me të drejtat e viktimës.

Sa i përket të miturve, Rakipi u shpreh se “kjo është një çështje mjaft e rëndësishme e karakterit jo vetëm penal, por edhe social e edukativ.

“Të gjithë ne kemi besuar që rinia është e ardhmja e vendit dhe nisur nga kjo jemi detyruar që qasjen ndaj tyre edhe në fushën penale ta kemi plot takt, dhembshuri dhe humanizëm të shtuar. Ne kemi bërë kujdes që të mund të jemi sa më të dhembshur në raport me to, që masat edukuese përreth tyre të jenë efikase”, tha Rakipi.

Një tjetër risi tha Rakipi është edhe propozimi për trajtimin si të mitur edhe të një 21-vjeçari, i cili deri tani është cilësohej i tillë kur është nën 18-vjeç.

“Risia tjetër është që tek grupmoshat e reja ta rrisim nivelin e moshës dhe kemi parashikuar, se nëse do të plotësohen disa kushte të tjera që janë shënuar në ligj, si i mitur të trajtohet edhe një 21-vjeçar. Është rezultat i një vlerësimi statistikor dhe logjik që mbështet tek pjekuria e tyre”, tha Rakipi.

I ndalur tek persona juridikë, Rakipi tha se “duhet te strukturohet nëpërmjet masash dhe strukturash të posaçme për të bërë të mundur evitimin e kryerjes së veprës penale”.

“Rritet kujdesi i posaçëm që aktiviteti i tyre të lejohet në përputhje me ligjin dhe mos të lejojë shtigje që paligjshmëria të zërë vend. Rregullimi është nja standard që bazohet në direktivat e BE-së të dhëna për akte të ndryshme të cilat sipas gjasave mund të krihen edhe nga personi juridik”, tha Rakipi.

Sa i përket risive të këtij projekti që lidhen me direktivat, Rakipi tha se direktivat janë dhënë për fusha të ndryshme.

“Direktiva lidhet me numrin e veprave penale, direktivat janë në fushën e kibernetikës, terrorizimit, krimet kundër njerëzimit, ushqimit, mjedisit, mbrojtja e kafshëve, financat e BE-së, financat, sistemi tatimor dhe doganor, prokurimet publike dhe elementë të shumtë që janë pasqyruar në këtë kod. Nevoja për t’i rivlerësuar rikonceptuar apo dispozita kanë bërë që numri i tyre të shtohet jo pak”, tha Rakipi.

I ndalur tek perspektiva e vendit drejt integrimit në Bashkimin Evropian, Rakipi tha se drafti “është një përgatitje korrekte e jona për ta pritur me legjislacion penal të gatshëm”.

Rakipi bëri të ditur gjithashtu se është propozuar edhe aplikimi për lirimin parakohe me kusht për personat e dënuar më burgim të përjetshëm.

“Ne kemi patur në ligj disa pengesa që lidhen me lirimin parakohe me kusht sa lidhet me burgimin  e përjetshëm. Ne dolëm në përfundimin që “Po” mund të aplikojmë lirimin parakohe me kusht për dënimin me burgim të përjetshëm. Është një propozim shumë i guximshëm, debati ka qenë i fortë. Sepse këtu mpleksen shumë gjëra, një pjesë së cilës janë viktima, procesi i edukimit, paqja sociale, shkalla e kriminalitetit në vend. Nisur nga besimi që edhe personalisht kam, që njerëzit ndryshojnë përmirësohen, nëse kushtet me të cilët vendosen edhe puna me ta është e efektshme.

“Është një eksperiencë e përditshme që ndodh gjithandej, ndaj e përfundimisht e propozuam këtë zgjidhje. Mund të krijojë debate sidomos në ato çështje që kanë një karakter social mjaft të fortë. Presim të dalim më një zgjidhje të përbashkët. Këtë urim e kam më të gjithë specialistët që ta marrin me seriozitet dhe ta lexojnë me përgjegjësi, të analizojnë konceptin në mënyrë të përgjegjshme”, tha Rakipi.

Rakipi shpjegoi gjithashtu edhe një tjetër risi që lidhet me shkeljet e punonjësve të administratës së Tatimeve.

“Një tjetër risi tjetër që doja ta përmendja lidhet me një proces dekriminalizimi që ne kemi bërë për një grup vepre të fushës së Tatim Doganave si tendencë që jep autoritet administratës publike në raport me shkeljet e para të vërtetuara. Ne kemi ndjekur alternativën që administrata tatimore dhe autoriteti tatimor do të vlerësojnë administrivisht shkeljet e para dhe nëse shkeljet e dyta do të pikasen atëherë merr juridiksion sistemi i drejtësisë penale”, u shpreh Rakipi.

“Nëse shkelja e parë, që në rrugë të zakonshme vlerësohet nga pikëpamja administrative, është me nivel të lartë shmangie evazioni, sjell kompetencën e prokurorit të ushtrojë ndjekjen penale pavarësisht zgjidhjes së rregullit që përshkrova. Nga pikëpamja praktike, do të ulë numrin e çështjeve por do të shtojë edhe përgjegjësinë e organeve përkatëse”, u shpreh ai.

/m.q/

The post Rakipi prezanton risitë e Kodit të ri Penal: Drafti, përgatitje korrekte për anëtarësimin në BE appeared first on Agjencia Telegrafike Shqiptare.

Këshilli i Lartë i Prokurorisë, KLP ka shmangur në dy mbledhjet plenare të fundit, më datat 11 dhe 16 korrik, të shqyrtojë kërkesën e prokurores së Shkodrës, Elsa Gjeli për ta mbrojtur ndaj sulmeve të Kryeministrit Edi Rama ndaj saj, lidhur me mosfillimin e hetimit për një kallëzim të kryer për ndërtimet në Theth, megjithëse […]

The post KLP paragjykon vendimmarrjen e ILD-së për prokuroren Elsa Gjeli appeared first on Reporter.al.

Kryeministri në detyrë, Albin Kurti, ka përkujtuar sot 15-vjetorin e shpalljes së mendimit këshilldhënës të Gjykatës Ndërkombëtare të Drejtësisë (GjND) për ligjshmërinë e deklaratës së Pavarësisë së Kosovës.

Ai përmes një postimi në rrjetin social në Facebook e cilësoi këtë moment si një ndër momentet më të rëndësishme në afirmimin ndërkombëtar të së drejtës së popullit të Kosovës për shtetformim, vetëvendosje dhe liri.

“Sot bëhen 15 vite nga shpallja e Mendimit Këshillëdhënës të Gjykatës Ndërkombëtare të Drejtësisë për Deklaratën e Pavarësisë së Kosovës. Mendimi Këshillëdhënës i GjND-së i dha dritë njohjes vendimtare të së drejtës së popullit të Kosovës për shtetformim, vetëvendosje e liri. Ajo do mbetet akt i vulosjes së ligjshmërisë së pavarësisë së Kosovës në të drejtën ndërkombëtare, dëshmi për legjitimitetin ndërkombëtar të së drejtës për vetëvendosje të popullit të Kosovës dhe akt konfirmues i evidencës shoviniste e kolonizuese të Serbisë ndaj popullit shqiptar të Kosovës”, ka shkruar Kurti.

Sipas kryeministrit në detyrë, mendimi këshillëdhënës është një nga momentet më frymëzuese në marrëdhëniet ndërkombëtare për siç tha “për shkak se i jep shpresë e vullnet popujve liridashës që drejtësia ndaj kauzës së tyre më në fund edhe mund të triumfojë”.

“Vlera juridike e këtij Mendimi, nuk do mend, do t’i shërbejë gjeneratave të juristëve si një mësim për parimësinë dhe etikën në vendosjen e interpretimin e vlerave universale. Ajo do mbetet edhe një mësim për Serbinë, e cila me nxitim loboi në Asamblenë e Përgjithshme të OKB-së për ta pyetur Gjykatën për ligjshmërinë e pavarësisë së Republikës sonë. Nxitimi i saj u kthye në një humbje të madhe të politikës serbomadhe, e po ashtu simbolikisht një kujtim për viktimat e kolonizimit, diskriminimit sistematik e gjenocidit të saj”, ka shkruar Kurti në Facebook. /Telegrafi/

The post 15 vjetori i shpalljes së mendimit të GJND-së, Kurti: Do mbetet akt i vulosjes së ligjshmërisë së Pavarësisë së Kosovës appeared first on Telegrafi.

Me rastin e 15-vjetorit të opinionit këshillimor të Gjykatës Ndërkombëtare të Drejtësisë (GJND) për shpalljen e Pavarësisë së Kosovës, ish-ministri i Jashtëm, Skënder Hyseni ka kujtuar zhvillimet dhe sfidat që i paraprinë këtij vendimi historik.

Hyseni përmes një postimi në rrjetin social në Facebook ka theksuar se ky opinion mbetet një nga arritjet më të rëndësishme diplomatike të Kosovës që nga shpallja e pavarësisë, duke i dhënë legjitimitet ndërkombëtar aktit të 17 shkurtit 2008.

“Sot, 22 korrik 2025, bëhen 15 vjet nga dita e konfirmimit të pavarësisë së Kosovës nga Gjykata Ndërkombëtare e Drejtësisë, që mbetet fitorja më e madhe diplomatike e vendit tonë pas shpalljes së pavarësisë”, ka shkruar Hyseni

Ai ka shtuar se ndihet krenar që e ka koordinuar procesin dhe e ka përfaqësuar Kosovën.

Për më shumë lexoni të plotë postimin e tij:

Sot, 22 korrik 2025, bëhen 15 vjet nga dita e konfirmimit të Pavarësisë së Kosovës nga Gjykata Ndërkombëtare e Drejtësisë, që mbetet fitorja më e madhe diplomatike e vendit tonë pas shpalljes së pavarësisë.

Ndjehem krenar që e kam koordinuar gjithë procesin dhe e kam përfaqësuar Republikën e Kosovës pranë GJND-së. Prandaj në këtë përvjetor do të ndalem pak më gjatë te rrethanat që i paraprinë kësaj ngjarje historike.

Më 22 korrik 2010, u rikonfirmua besimi që kishim artikuluar në mënyrë konsistente në drejtësinë ndërkombëtare, sikundër edhe besimi i thellë në forcën dhe substancën e argumentit tonë në të dyja fazat e procesit.

Gjykata Ndërkombëtare e Drejtësisë, më 22 korrik 2010, me një votë bindëse prej 10 me 4, erdhi në përfundim “se deklarata e Pavarësisë së Kosovës e miratuar me 17 shkurt 2008 nuk ka shkelur të drejtën ndërkombëtare”. Ky Mendim i Gjykatës ishte konfirmim dhe afirmim i qëndrimit të Kosovës dhe argumenteve ligjore përgjatë gjithë procesit këshillëdhënës. Pra mendimi nuk lë asnjë dyshim se Deklarata e Pavarësisë së Kosovës ishte dhe është legjitime dhe në harmoni me të drejtën ndërkombëtare.

Gjykata poashtu ishte e qartë edhe në lidhje me Rezolutën 1244 të KS të KB: “Deklarata e pavarësisë nuk ka shkelur rezolutën e Këshillit të Sigurimit 1244(1999)” thuhet aty duke dhënë arsyetim të drejtpërdrejt: Rezoluta 1244 e KS të KB “ishte në thelb e dizenjuar për të krijuar një regjim të përkohshëm për Kosovën …. Rezoluta nuk ka përmbajtur ndonjë dispozitë që merret me statusin final të Kosovës”. Prandaj, ekzistenca e Kosovës si shtet sovran nuk mund të shkelë rezolutën 1244 të KS të OKB-së.

Vetëm pak muaj pas shpalljes së pavarësisë, me 8 tetor 2008, Asambleja e Përgjithshme e OKB-së, në sesionin e saj të 63-të aprovoi Rezolutën 63/3. Request for an advisory opinion of the International Court of Justice on ëhether the unilateral declaration of independence of Kosovo is in accordance with international laë (Këkresë për një mendim këshillëdhënës të Gjykatës Ndërkombëtare të Drejtësisë (GJND) rreth “Pajtueshmërisë me të Drejtën Ndërkombëtare të Shpalljes së Njëanshme të Pavarësisë së Kosovës’

Pra, pas më pak se tetë muajsh nga shpallja e pavarësisë, Kosova u gjend përballë mbase sfidës më të madhe diplomatike e ligjore deri atëherë.

Projekt-rezoluta serbe u paraqit nga ministri i jashtëm seb Vuk Jeremiç. Ajo u aprovua me 77 vota Për, 6 Kundër dhe 74 Abstenime. Nga shtetet që tashmë e kishin njohur Kosovën, kundër rezolutës u deklaruan vetëm Shtetet e Bashkuara të Amerikës dhe Shqipëria, si dhe katër shtete te vogla nga Paqësori. Aprovimi i Rezolutës 63/3 në tetor 2008 në OKB, pra vetëm pak muaj pasi kisha marrë detyrën e ministrit të parë të jashtëm të Republikës së Kosovës, mua më kishte vënë para një sfide, sipas shumëkujt atëherë, të papërballueshme. Isha në OKB ditën e aprovimit të rezolutës dhe ndonëse zhgënjimi im ishte i madh, vendosa që nga e para ta marr me optimizëm dhe besim.  E vlerësoja me rëndësi që medialisht të shpërthenim. Isha në qendër të interesimit të medias së akredituar në OKB. Interesimit të madh të medias, nga e para iu qasa me pozitivitet. Deklarata ime e parë pas aprovimit të rezolutës serbe ishte e prerë dhe e vendosur, “Kam besim të plotë në drejtësinë ndërkombëtare dhe në Gjykatën Ndërkombëtare të Drejtësisë, si organ kryesor juridik i OKB-së. Në të njëjtën kohë kam besim të palëkundur në forcën e argumenteve që do të paraqesim në Gjykatë posa procesi të filloi”, theksoja me plot vetëbesim derisa po u drejtohesha gazetarëve të shumtë në hollin e ndërtesës së OKB-së në Nju Jork.

Dy ditë më vonë u ktheva në Prishtinë. Koha ishte shume e shkurtë. Menjëherë duhej të fillonin përgatitjet për procesin në GJND. Kërkova takim te Presidenti Fatmir Sejdiu. I sugjerova që në takim ta ftonte edhe kryeministrin Thaçi. Duhej urgjentisht të emërohej një koordinator, i cili do të koordinonte dhe organizonte mbrojtjen si dhe do ta përfaqësonte Kosovën para Gjykatës Ndërkombëtare të Drejtësisë.

Me Presidentin dhe Kryeministrin biseduam gjatë. Përmendëm edhe emra të mundshëm që kishin edhe përgatitje profesionale. Ndodhi ajo që unë realisht nuk e prisja. Presidenti Sejdiu dhe Kryeministri Thaçi më ngarkuan mua me detyrën e koordinatorit dhe përfaqësuesit të Kosovës në procesin e GJND-së.

Për hir të së vërtetës, më duhet të them se në Kosovë ato ditë çuditërisht mbisundonte bindja se gara në GJND ishte apriori e humbur.

Kishte shumë pak njerëz, qoftë në institucione, qoftë në komunitetin juridik, qoftë në shoqëri civile që besonin se Kosova do të fitonte në GJND. Rrjedhimisht nuk kishte shumë interesim nga askush që të merrte “pataten e nxehtë në dorë.” Pra më shumë kishte një kureshtje se kujt po i lihet në dorë ‘patatja e nxehtë.” Madje edhe ministra në qeveri, pa asnjë takt dhe përgjegjësi për fjalën publike, deklaronin ato ditë se në variantin me të mirë vendimi i GJND-së do të jetë “as mish as peshk!!!.”

Duke i hetuar të gjitha këto, ndjehesha thellësisht i zhgënjyer me mosbesimin që po shfaqej në forcën e argumentit të një shteti dhe populli i cili po luftonte për vet ekzistencën, lirinë dhe qenien e vet.

Pavarësisht mosbesimit që gjithandej shfaqej si dhe skepticizmit nëse Kosova do të fitonte, unë e pranova detyrën dhe obligimin që ta përfaqësojë vendin në GJND. Por duke e ditur se ishin pak njerëz që kishin besim në suksesin e Kosovës, e që rrjedhimisht donte të thoshte që në Kosovë nuk kisha shumë aleat, sepse pa besim nuk mund të ndjekësh asnjë kauzë, Presidentit dhe Kryeministrit u kërkova që të më lihen duart e lira gjatë gjithë procesit si dhe në përzgjedhjen e ekipit dhe bashkëpunëtorëve. Ishte përgjegjësia më e madhe që kisha marrë në jetën time. Kisha besimin e palëkundur se me punën që do të bënim si dhe me koordimin e ngushtë me shtetet të cilat tashmë kishin deklaruar gatishmërinë të merrnin pjesë ne proces në favor të Kosovës, do të dilnim fitues. Këtë besim vetëm sa e përforcoja gjatë fazave të procesit. Për hir të korrektësisë duhet thënë se edhe Sejdiu edhe Thaçi më kanë ofruar gjithë hapësirën e nevojshme dhe kushtet e nevojshme për punë.

Pa u vonuar, me 15 tetor 2008 i pata dërguar letër Gjykatës, me kërkesën që dhe Kosovës t’i mundësohet pjesëmarrja në proces. Duke mos qenë anëtare e OKB-së Kosova nuk mund të merrte pjesë meqë GJND ishte organ juridik i OKB-së, por përfaqësimi dhe pjesëmarrja u mundësua si përfaqësues i “Entitetit të Shpalljes së Njëanshme të Pavarësisë”

Përgjigjja nga GJND ishte pozitive. Kosovës i mundësohej pjesëmarrja në të gjitha fazat procesit. Fitorja në GJND u bë e mundshme edhe falë përkrahjes së pakursyer të shumë shteteve që morën pjesë në mbrojtje të Kosovës, SHBA, Britania e Madhe, Gjermania, Franca, Austria, Shqipëria, Finlanda, Suedia, Norvegjia, Danimarka, Holanda, Kroacia, Bulgaria, Mbretëria Hashemite e Jordanisë, Arabia Saudite, Bahreini. Me ekipet nga të gjitha këto vende ishim në komunikim dhe koordinim të përhershëm.

Kishim angazhuar një ekip kulminant ekspertësh ndërkombëtarë në krye me Sir Michael Wood, me të cilët filluam të përgatisnim deklaratat, përkatësisht parashtresat me shkrim që duhej dërgua gjykatës. Pas gati një viti, me 1 dhjetor 2009, Gjykata thirri seancën e dëgjimeve gojore (oral hearings). Edhe sot e kësaj dite fjalën time para gjykatës e konsideroj si një ngjarje me peshën më të rëndë të përgjegjësisë në jetën time politike.

Nuk do të ndalem më gjatë në atë se çfarë kishte ndodhur në ndërkohë sepse në mase të madhe është e njohur. Vetëm dua të nënvizoj se Gjykatës iu deshën gati 8 muaj nga seancat dëgjimore para se të dilte me vendimin, përkatësisht mendimin këshillëdhënës përfundimtar me 22 korrik 2010. Vendimi, mendimi këshillues konstatonte në mënyrë eksplicite “se deklarata e pavarësisë së Kosovës e miratuar me 17 shkurt 2008 nuk ka shkelur të drejtën ndërkombëtare”

Me 21 korrik s’bashku me bashkëpunëtorët e mi, udhëtova për në Hagë për të marrë pjesë në shpalljen e vendimit.

Natyrisht, është krejt e kuptueshme që, edhe përkundër besimit të madh që kisha se fitorja është e sigurt, unë kisha vendosur të jap dorëheqje të parevokueshme nga të gjitha postet publike e politike që mbaja në rast se vendimi i Gjykatës do të ishte i disfavorshëm për Kosovën. Për çdo rast, në xhep tashmë mbaja letrën e nënshkruar të dorëheqjes, të cilën do e beja publike në rast se do të dilnim humbës. Askush, përpos njërit nga bashkëpunëtorët e mi të ngushtë nuk e dinte që kisha vendosur të ipja dorëheqje në rast të humbjes.

Të nesërmen, 22 korrik 2010, i shoqëruar edhe nga Ambasadori jonë në Mbretërinë e Holandës Nexhmi Rexhepi, sëbashku me delegacionin ku ishte edhe Sir Michael Wood, u nisa drejt selisë së Gjykatës.

Në ora 10, erdhi ai momenti i shumëpritur. Kryetari i GJND-së Hisashi Owada njoftonte të pranishmit se Gjykata Ndërkombëtare e Drejtësisë, me një votë bindëse prej dhjetë me katër, kishte konstatuar:  “se deklarata e pavarësisë së Kosovës e miratuar me 17 shkurt 2008 nuk ka shkelur të drejtën ndërkombëtare”.

Kjo seancë e GJND-së po transmetohej live në Kosovë. Përpos i lehtësuar për fitoren monumetale të vendit tim, gëzimi që përjetuan qytetarët e Kosovës, duke pritur në ankth pranë ekraneve televizive shpalljen e vendimit, veç sa nuk më beri të shpërtheja në lot nga emocionet.

The post “Veç sa s’shpërtheva në lot”, ish ministri Hyseni rikujton momentet pas opinionit të GJND-së për Pavarësinë e Kosovës appeared first on Telegrafi.

Një anije me 15 emigrantë të refuzuar për azil në Itali, u ankorua më 26 qershor në Portin e Shëngjinit.  Sipas procedurës, pas kontrolleve, ata priten të zhvendosen në kampin e Gjadrit. Ky është grupi i katërt i transferuar në Shqipëri pas ndryshimit të funksionit të kampit.

Nga Mesdheu drejt riatdhesimit në pritje të Gjykatës Evropiane

Kampi i Gjadrit fillimisht ishte projektuar për emigrantët e paligjshëm që shpëtoheshin nga autoritetet italiane në Mesdhe. Atje pritej të trajtoheshin me procedura të shpejtuara kërkesat e tyre për azil. Por pas dështimit të modelit fillestar, kampi po përdoret për ata të cilëve u është refuzuar azili apo qëndrimi në Itali.

Ministri italian i Brendshëm, Matteo Piantedosi, konfirmoi se në total në Shqipëri janë sjellë 125 persona. Thuajse gjysma janë dëbuar, disa janë liruar, dhe rreth 30 ndodhen ende në kamp. Sipas procedurave të dëbimit, qëndrimi mund të zgjasë deri në 18 muaj.

Gjykata Evropiane e Drejtësisë me seli në Luksemburg, pritet të vendosë për ligjshmërinë e marrëveshjes Rama-Meloni. Vendimi, i planifikuar për në shkurt 2025, u shty për në fund të verës.

Ndërkohë, edhe Gjykata e Lartë italiane e ka dërguar çështjen në Luksemburg. Dy emigrantë të mbyllur në Shqipëri në pritje të dëbimit nga autoritetet italiane, kanë paraqitur ankesa për refuzimin e azilit.

Gjyqtarët italianë argumentuan se protokolli “Itali-Shqipëri” bie ndesh me direktivën për kthimet. Sipas tyre, Shqipëria nuk ofron sistem më efikas se Italia për riatdhesimin.

Rama e Meloni, kritikë për të tjerët, justifikim për veten

Legjitimiteti i kampit të Gjadrit është ende i paqartë, por Kryeministri Edi Rama e ka mbrojtur marrëveshjen. Ai e ka cilësuar unike dhe të veçantë.

Me homologen, Giorgia Meloni, ai kritikoi planet britanike për të aplikuar një marrëveshje të ngjashme me transferim emigrantësh.

Sipas Ramës marrëveshja me Italinë justifikohet nga “marrëdhëniet speciale”. Ai e etiketoi interesimin e Mbretërisë së Bashkuar si “kërkesë për të hedhur emigrantët në një vend tjetër”.

“Italia ka qenë për ne, që kur dolëm nga ferri i të qenit Koreja e Veriut e Evropës,” shtoi ai.

Por aktivistë shqiptarë dhe italianë e kanë konsideruar funksionimin e kampit si të paligjshëm. Ata kanë denoncuar për kushtet e vështira ku mbahen emigrantët.

Kristina Millona thotë se mbi 40 incidente janë raportuar vetëm gjatë muajit të parë të funksionimit. Rastet përfshijnë vetëlëndime, mungesë informacioni, pa garanci ligjore dhe kushte degraduese.

Më 31 maj, u organizua një protestë në Gjadër për të nderuar emigrantin Hamid Badoui. Ai u vetëvra në një qendër riatdhesimi italian dhe thuhet se qe shprehur: “Më mirë burgu se CPR-ja në Shqipëri”.

Lexoni gjithashtu:

• Gjadër, aktivistët përkujtojnë emigrantin Hamid Badoui
• Human Rights Watch: “Ballkani nuk është magazinë për emigrantët”

The post Kampi i Gjadrit: Emigrantët vazhdojnë të vijnë, ndërkohë që BE-ja hesht appeared first on Citizens.al.

TIRANË, 16 korrik /ATSH/ Ministria e Drejtësisë kërkon rikthimin, pas 6 vitesh mungesë, të mbikëqyrjes elektronike si formë e një mase sigurimi, dënimi apo kontrolli për urdhrat e mbrojtjes në rastet e dhunës në familje.

Burime zyrtare për ATSH konfirmuan se, ministria këtë të mërkurë i është drejtuar AKSHI-t me kërkesë për nisjen e procedurave.

Më pas do të vijohet me gjetjen e pajisjeve dhe sigurimin e infrastrukturës së nevojshme, në mënyrë që brenda këtij viti, sistemi i drejtësisë ta ketë të mundshme aplikimin e saj. Gjatë viteve të funksionimit të saj, gjykatat e dhanë si masë mbikëqyrjen me byzylyk elektronik në 347 raste, sipas të dhënave zyrtare të Shërbimit të Provës.

Prej vitit 2011, Shqipëria ka një kuadër ligjor të plotësuar për mbikëqyrjen elektronike. Ajo u vu në funksion në vitin 2013 dhe u aplikua deri në vitin 2019.

/gj.m//r.e//a.f/

The post Ministria e Drejtësisë kërkon rikthimin e mbikëqyrjes elektronike appeared first on Agjencia Telegrafike Shqiptare.

Ministria e Drejtësisë e Serbisë tha të premten se ka qenë shënjestër e sulmeve nga hakerët që nga 4 korriku, dhe se “sulmet kulmuan” me një sulm të hakerëve ndaj qendrës së saj për të dhënat gjyqësore. Në një komunikatë për media, ajo tha se e ka çaktivizuar plotësisht qasjen në rrjet në qendrën e […]

The post Serbia: Ministria e Drejtësisë në shënjestër të një sulmi kibernetik appeared first on BoldNews.al.

Prokurorja e Shkodrës, Elsa Gjeli, reagoi të premten me një kërkesë drejtuar Këshillit të Lartë të Prokurorisë kundër deklaratave të kryeministrit që i cilësoi si “fyerje dhe diskreditim të figurës së magjistratit”. Në kërkesë, Gjeli tha se kryeministri e kishte ekspozuar “ndaj një linçimi të pashembullt mediatik dhe duke minuar çdo kuptim të drejtësisë si […]

The post Përplasja me Ramën, prokurorja e Shkodrës kërkon mbrojtjen e KLP appeared first on Reporter.al.

TIRANË, 9 korrik /ATSH/ Ministria e Drejtvsisë njoftoi se hodhi një tjetër hap për drejtësinë me fokus te riedukimi dhe integrimi duke mundësuar kryerjen e dënimeve alternative pranë Kishës Katolike.

Kështu, Ministria e Drejtësisë, përmes Drejtorit të Shërbimit të Provës, Eris Sheshi, nënshkroi sot një marrëveshje bashkëpunimi me Konferencën Ipeshkvore të Shqipërisë, përfaqësuar nga Gjergj Meta.

Ministria e Drejtësisë njoftoi se “marrëveshja mundëson zbatimin e dënimeve alternative pranë Kishës Katolike, përmes punës në interes publik, siç parashikohet në nenin 63 të Kodit Penal”.

“Një model i ri bashkëpunimi që afron më shumë drejtësinë me jetën e përditshme dhe me vlerat e komunitetit. Drejtësia bëhet më njerëzore kur bashkëpunon me besimin dhe shoqërinë”, thuhet në një postim të Ministrisë së Drejtësisë në rrjetet sociale.

/m.q/j.p/

The post Dënimet alternative, Ministria e Drejtësisë marrëveshje me Konferencën Ipeshkvore appeared first on Agjencia Telegrafike Shqiptare.

TIRANË, 7 korrik /ATSH/ Kryeministri Edi Rama bëri sot publik vendimin e prokurores Elsa Gjeli në lidhje me zënien e hapësirës publike në fshatin turistik të Thethit, ku është ngritur një “fshat i vogël pa leje”. Kreu i qeverisë tha se vendimi e “ka lënë pa fjalë”, pasi sipas gjyqtares ndërtimi në këtë fshat “nuk përbën vepër penale”.

Rama tha se është e pabesueshme që një prokurore përpara trajtimit të një krimi mjedisor ndaj pronës publike të mos nisë hetimet penale në lidhje me këtë çështje.

“Zonja Gjeli, prokurore nga trupa e shumëmirëpaguar e prokurorëve me taksat e shqiptarëve e cila presupozohet se duhet t’i mbrojë pasuritë e përbashkëta të këtij populli thesaret e këtij vendi nga individë, si ai që ka plagosur Thethin në cenim total të çdo lloj norme të bashkëjetesës në këtë vend dhe në shkelje të një sërë ligjesh, pasi aty është zonë e mbrojtur. Është e pabesueshëm deri në kufijtë e të llahtarshme që një prokurore e Republikës së Shqipërisë përpara trajtimit të një krimi mjedisor ndaj pronës publike, ndaj një zone ligjërisht të mbrojtur nga ligji specifik i Republikës së Shqipërisë, të përsiatet në një jerm si ai që ju lexova dhe që është vetëm një pjesëz i një përroi psikik të pashtershëm, të mosfillimit të çështjes penale, ndërkohë që gjithë ai komunitet njerëzish, banorësh, sipërmarrësish të vegjël ndihet i përdhunuar nga një individ që në mes të Thethit ka ngritur fshatin e tij të vogël turistik, pa leje, ndërkohë që për zonjën Gjeli kjo nuk përmban vepër penale. Ky është kulminacioni i një zinxhiri jo të shkurtër hallkash të përbëra nga vendime skandaloze të prokurorëve”, tha Rama.

Rama përmendi gjithashtu edhe rastin e një prokurori në Vlorë në lidhje me vendimin për sekuestro të një prone shtetërore në Pyllin e Sodës.

“Nga ana tjetër, duke qenë se kthehem nga Vlora, po ju jap një tjetër fakt sesi na është bërë e pamundur të zhvillojmë projektin Vlora Sport tek Pylli i Sodës, një truall shtetëror, sepse një prokuror tjetër ka vënë në sekuestro, dhe mirë ka bërë, për falsifikim prone pronat shtetërore përkatëse, por sekuestroja po zgjat prej vitesh të tëra”, tha Rama.

Rama bëri me dije se i ka kërkuar Ministrisë së Drejtësisë që të veprojë ndaj prokurores Gjeli, pasi sipas tij, ka lënë shtetin në baltë dhe theksoi se çështja duhet t’i përcillet edhe Këshillit të Lartë të Prokurorisë.

“I kam kërkuar Ministrisë së Drejtësisë të veprojë ndaj Gjelit, se ka lënë në baltë shtetin, qytetarët e Republikës së Shqipërisë, të gjitha ato struktura që përpiqen të ruajnë kufijtë e ligjit dhe është e padenjë të paguhet nga taksapaguesit shqiptarë si prokurore. Ti përcillet çështja e saj KLP-së dhe të shohë dëmin e madh që i ka sjellë mosfillimi i çështjes penale Republikës së Shqipërisë dhe interesit publik dhe të gjykojë nëse është apo jo e denjë për t’u paguar nga taksat e shqiptarëve si prokurore. Ky është rasti i parë që do të pasohet nga të tjerë, sa herë që ne do të ndeshemi me prokurorë territoresh, që tradhtojnë me paaftësinë e tyre, me paturpësi interesat e Republikës së Shqipërisë”, u shpreh Rama.

Videomesazhi i plotë i kryeministrit Edi Rama:

Ky është Thethi, pas një masakre të mirëfilltë të realizuar nga një individ, i cili rezulton i paarritshëm nga krahu i ligjit.

Thethi që është një kartolinë e mrekullisë shqiptare dhe që është katandisur mu në zemër tij në një praktikisht territor “toke t’xanum”, si ka mundësi? Si është e mundur që pasi Inspektorati  përkatës dhe Policia e Shtetit konstatojnë një ndërhyrje të tillë brutale mu në zemër të asaj mrekullie të maleve shqiptare dhe e përcjellin rastin në Prokurori, Prokuroria nuk shpall në kërkim të menjëhershëm personin, por shpall mos fillimin e çështjes?

Duke qenë se kërkova të kuptoj më shumë, u ndesha me një vendim të një prokuroreje, zonja Gjeli, që më la pa fjalë. E ndava vendimin me disa të tjerë për të kuptuar se çfarë nuk arrija dot të kuptoja unë, por edhe reagimi i të tjerëve ishte pa fjalë dhe po ju lexoj se si arsyeton zonja Gjeli, prokurore në Republikën e Shqipërisë, nga trupa e shumë mirë paguar me taksat e shqiptarëve, e cila presupozohet se duhet t’i mbrojë pasuritë e përbashkëta të këtij populli, thesaret e këtij vendi nga individë si ai që ka plagosur Thethin.

Ka plagosur Thethin në cenim total të çdo lloj norme të bashkëjetesës në këtë vend dhe në shkelje flagrante të një sërë ligjesh, pasi aty nuk është një vend do kudo, po është dhe një zonë e mbrojtur dhe ja se si arsyeton apo “çarsyeton” zonja Gjeli citoj: “Në lidhje me subjektin aktiv të veprës penale vlerësohet se në rastin konkret plotësohet ky element. Patur parasysh neni 12 i Kodit Penal, ku parashikon se: Ka përgjegjësi penale personi që në kohën e kryerjes së një krimi ka mbushur moshën 14 vjeç, personi që kryen një kundërvajtje penale ka përgjegjësi kur ka mbushur moshën 16 vjeç”.

Absurdi sapo ka filluar dhe unë po shkëpus vetëm një pjesë, sepse bëhet fjalë për një sërë çarçafësh që janë njëri më absurd se tjetri.

Vazhdoj të citoj zonjën Gjeli: “Përsa i përket anës subjektive të kësaj figure krimi, fillimisht evidentohet se ky element i figurës së veprës penale lidhet me qëndrimin psikik që mban personi kundrejt veprës së kryer prej tij. Ana subjektive karakterizohet nga dy elementë përbërës, faji pa të cilin nuk mund të ketë përgjegjësi penale “Nullum crimen, nulla poena, sine culpa”,” – na e shpjegon edhe latinisht zonja Gjeli, “neni 4 i Kodit Penal thekson ajo në dy format e tij, dashjen dhe pakujdesinë, si dhe nga motivet dhe qëllimet. Figura e veprës penale, ndërtimi i paligjshëm”, –  gjithmonë shkruan zonja Gjeli, “parashikuar nga neni 199/a i Kodit Penal, kërkon si formë faji dashjen e drejtpërdrejtë. Gjithashtu, vlerësohet se me anën subjektive të figurës së veprës penale zbulohet dhe qartësohet nëpërmjet anës objektive, sepse proceset e brendshme psikike dhe psikologjike, jo vetëm që ngacmohen nga faktorë të jashtëm, por dhe materializohen në veprimtarinë kriminale gjatë dhe nëpërmjet procesit të zhvillimit të anës objektive. Në këto kushte, përderisa nuk provohet se ka fakt penal, atëherë nuk kemi as faj, pasi mungon si element intelektual, ashtu dhe ai volutiv, që të ekzistojë faji si element thelbësor i përgjegjësisë penale. Për të pasur një figurë konkrete të veprës penale, është e domosdoshme ekzistenca e të gjithë elementëve përbërës të saj të marrë së bashku, të cilët janë: objekti i veprës penale, ana objektive, subjekti dhe ana subjektive.”

Është e pabesueshme deri në kufijtë e të llahtarshmes që një Prokurore e Republikës së Shqipërisë përpara trajtimit të një krimi mjedisor, të një krimi ndaj pronës publike, të një krimi ndaj një zone ligjërisht të mbrojtur nga ligji specifik i Republikës së Shqipërisë të përsiatet në një jermë si ai që ju lexova dhe që është vetëm një pjesëz e një përroi psikik të pashtershëm në formën e një vendimi të mos fillimit të çështjes penale, ndërkohë që i gjithë ai komunitet njerëzish, banorësh, sipërmarrësish të vegjël dhe bashkë me ta, vizitorësh dhe turistësh, ndihet i përdhunuar nga një individ që mu në mes të Thethit ka ngritur fshatin e tij të vogël turistik pa leje.

Në ndërkohë, për Zonjën Gjeli, kjo nuk përbën vepër penale dhe Zonja Gjeli është vetëm një kulminacion i një zinxhiri jo të shkurtër hallkash të përbëra nga vendime skandaloze të prokurorëve.

Nga ana tjetër, duke qenë se kthehem nga Vlora, ku vazhdojmë punën që na obligon një mbështetje historike që kemi marrë në qytetin e Vlorës dhe në gjithë qarkun e Vlorës me 9 deputetë, po ju jap një tjetër fakt se si na është bërë e pamundur të zhvillojmë projektin “Vlora Sport” tek pylli i Sodës në truall tërësisht shtetëror, sepse një prokuror tjetër ka vënë në sekuestro dhe mirë ka bërë për falsifikim prone, pronat shtetërore përkatëse, por sekuestroja zgjat prej vitesh e vitesh të tëra dhe të tilla ka plot.

Tani unë i kam kërkuar Ministrisë së Drejtësisë të veprojë menjëherë ndaj zonjës Gjeli, e cila ka lënë në baltë shtetin, e cila ka lënë në baltë qytetarët e Republikës të Shqipërisë, e cila ka lënë në baltë të gjitha ato struktura që përpiqen të ruajnë kufijtë e ligjit dhe cila është e padenjë për të qenë e paguar nga taksapaguesit shqiptare si prokurore dhe kam kërkuar që çështja e saj t’i përcillet Këshillit të Lartë të Prokurorisë, i cili duhet të shikojë dëmin e madh që i ka sjellë mos fillimi i çështjes penale Republikës së Shqipërisë dhe interesit publik dhe të gjykojë pastaj nëse zonja Gjeli është apo nuk është e denjë për t’u paguar ende nga taksat e shqiptarëve si prokurore e Republikës së Shqipërisë dhe ky është vetëm rasti i parë që do të pasohet nga të tjerë, sa herë që ne do të ndeshemi me prokurorë territoresh që nga një anë paguhen më shumë sesa mjekët, edhe sesa mësuesit, sesa punonjësit e Policisë po e po dhe nga ana tjetër, tradhtojnë me paditurinë e tyre, me paaftësinë e tyre apo me qëllim, këtë unë nuk e di, por tradhtojnë me paturpësi interesat e Republikës së Shqipërisë dhe të qytetarëve të këtij vendi.

1 nga 6

/m.q//r.e//a.f/

The post “Fshat turistik pa leje në Theth”, Rama: Vendim skandaloz i prokurores Gjeli, shqetësimi do t’i përcillet KLP-së appeared first on Agjencia Telegrafike Shqiptare.

Në Pallatin e Drejtësisë në Prishtinë, temperaturat brenda zyrave po arrijnë deri në 34 gradë celsius. Mungesa e klimatizimit dhe ventilimit po vështirëson punën e gjyqtarëve, stafit dhe palëve në procedura gjyqësore. Inspektorati i Punës tashmë ka konstatuar shkelje të standardeve ligjore dhe ka kërkuar masa urgjente. Ndërkohë, nga Ministria e Punëve të Brendshme, e cila menaxhon objektin, ende nuk ka një përgjigje se kur do të ndërhyhet.

Me shumicën e dritareve të mbyllura dhe pa sistem klimatizimi funksional, në këto ditë me temperatura të larta, puna po zhvillohet në kushte të vështira brenda Pallatit të Drejtësisë. Temperatura brenda zyrave të stafit dhe gjyqtarëve arrijnë deri në 34°C. As në sallat e gjykimeve situata nuk është më e mirë.

Ky problem, tash e disavjeçar në Pallatin e Drejtësisë, po shkakton telashe shëndetësore për stafin, përveçse po ndikon negativisht edhe në mbarëvajtjen e punës.

Mirlinda Gashi, zëdhënëse e Gjykatës Themelore në Prishtinë tha se “Aktualisht në objektin e Gjykatës Themelore në Prishtinë, klimatizimi nuk është duke funksionuar dhe si pasojë, temperaturat kanë arritur deri në 34°C, duke e vështirësuar punën e gjykatës, mbajtjen e seancave dhe duke ndikuar edhe në shëndetin e stafit”.

Inspektorati i Punës e ka inspektuar këtë objekt dhe ka konstatuar se kushtet e punës nuk janë në përputhje me ligjin, dhe si rrjedhojë, ka dhënë afat për eliminimin e këtij problemi. Edhe Inspektorati i Punës ka konstatuar se në objektin e Pallatit të Drejtësisë janë tejkaluar standardet maksimale të lejuara, sipas legjislacionit në fuqi.

Edhe për palët e tjera, kushtet në Pallatin e Drejtësisë janë të papërballueshme për shkak të temperaturave të larta.

Avokati Arbër Istrefi thekson se kjo çështje është bërë pothuajse e papërballueshme.

“Kam pasur rast edhe personalisht të marr pjesë në një seancë që ka zgjatur një orë e gjysmë. Vetëm ne që kemi qenë brenda e dimë se çfarë kemi përjetuar. Kam ndjerë shumë keqardhje për gjyqtaren e rastit, e cila disa herë ka kërkuar leje për të dalë jashtë zyrës, sepse në korridore temperatura ishte disi më e ulët se në zyrat e gjyqtarëve. Në këtë aspekt e shoh si një dështim kolektiv të Ministrisë apo institucioneve përkatëse që nuk kanë ndërmarrë masa adekuate me kohë”, tha ai.

Për mbajtjen apo jo të seancave do të vendosin gjyqtarët, në varësi të kushteve brenda objektit. Ndërkohë, Ministria e Punëve të Brendshme, e cila është përgjegjëse për menaxhimin e objekteve të Pallatit të Drejtësisë, ende nuk ka dhënë përgjigje se si do të veprojë për të zgjidhur këtë problem./RTK

The post Pallati i Drejtësisë me kushte të rënda pune appeared first on Telegrafi.

Avokati Arbër Hoxha ka ngritur shqetësimin për gjendjen alarmante të vakancave në sistemin e drejtësisë, duke theksuar se mungesa e prokurorëve dhe mbyllja e disa gjykatave po sjellin pasoja të rënda për qytetarët.

Në emisionin “Real Story” në ABC News, ai deklaroi se më shumë se një e treta e vendeve të punës për prokurorë janë të paplotësuara, çka ka çuar në mbingarkesë të stafit ekzistues dhe vonesa të mëdha në shqyrtimin e çështjeve.

Sipas tij, qytetarët detyrohen të presin nga tre deri në pesë muaj për një seancë civile dhe shpesh mbi gjashtë vjet për të marrë drejtësi të plotë.

“Më shumë se 1/3 e vakancave dhe e prokurorëve mungojnë. Pra prokurorët në Prokuroritë e Rretheve nga 3 që duhet të jenë janë vetëm 2 qe bëjnë punën. Pra vakancat në sistemin e drejtësisë kanë kolaps dhe çështjet civile, një seancë sot e kësaj duhet të paktë 3 deri në 5 muaj, që të bëhet. Përveç vakance në sistemi e drejtësisë është edhe mbyllja e pesë Gjykatave të Apelit, të cilat jo vetëm shtojnë kostot për qytetarët, por edhe që të duash të marrësh drejtësi në një çështje civile të duhet të paktën 6 ose 7 vite kohë”, tha avokati./abcnews.al