Kryetari i Partisë Demokratike të Kosovës, Memli Krasniqi, ka reaguar pas vrasjes së trefishtë që ndodhi të dielën në Gjilan, duke e cilësuar ngjarjen si një alarm serioz për rritjen e pasigurisë dhe kriminalitetit në vend.

Ai u ka bërë thirrje institucioneve që të veprojnë me shpejtësi për të sjellë autorët para drejtësisë dhe për të rikthyer besimin e qytetarëve në sigurinë publike.

“Ngjarja tragjike e sotme në Gjilan, ku u vranë tre persona, është një dhembje e madhe për të gjithë… Ngushëllimet më të sinqerta për familjet e viktimave!”, ka shkruar Krasniqi në Facebook.

The post Krasniqi reagon për vrasjen e trefishtë në Gjilan: Alarm për pasigurinë në vend appeared first on Telegrafi.

Nga Afrim Krasniqi Shqipëria është pjesë e vendeve nënshkruese të deklaratës të lëshuar nga 14 vende, përfshirë SHBA-të, Mbretërinë e Bashkuar, Gjermaninë, Francën dhe Kanadanë, përmes të cilës dënohen operacionet e shërbimeve inteligjente iraniane në territoret e tyre. Deklarata përfaqëson një akt të rëndësishëm politik për Shqipërinë dhe natyrisht edhe një dokument referues historik.

Source

Në seancën dëgjimore për caktim të masës së paraburgimit ndaj Liman Sallaukës, Xhevat Sallaukës, Ramadan Paçarizit dhe ish-drejtorit të Policisë në Prizren, Nexhmi Krasniqi, ky i fundit iu drejtua gjykatës me fjalët: “Nuk jemi rob”.

Sipas dosjes që “Betimi për Drejtësi” ka siguruar, thuhet se Krasniqi është pajtuar me të thënat e avokatit të tij, Besnik Berisha, duke shtuar se “nuk është rob”.

“Unë vetëm një nuk e kuptoj, sepse gjithmonë kemi punuar me gjyqtarë dhe prokurorë. Sinqerisht, kjo që e elaboroi avokati im është tërësisht e vërtetë, mirëpo mos harroni një gjë: nuk jemi rob…”, thuhet të ketë deklaruar Krasniqi, raporton “Betimi për Drejtësi”.

Tutje, Krasniqi është ankuar për gjendjen e tij shëndetësore:

“…nga ana profesionale është dashur të kuptohet mirësia nga ana njerëzore që unë sot të jem në Spitalin Amerikan, sepse këtë termin e kam pasur të planifikuar një muaj më parë dhe më është dashur patjetër të shkoj, për shkak se jam në përfundim të kalimit në dializë, përdor terapi shumë të rëndë, e më keq se kjo nuk gjendet në Kosovë”, ka deklaruar ai.

Gjithashtu, Krasniqi ka përmendur edhe falënderimet që ka marrë nga FBI:

“Unë kam marrë falënderime nga drejtori i FBI-së në Amerikë për shkak të luftës kundër terrorizmit, por kam edhe 50 falënderime e mirënjohje nga shteti i Kosovës”, thuhet të ketë deklaruar në fund.

Paraprakisht, mbrojtësi i Krasniqit, avokati Berisha, ndër të tjera ka deklaruar para gjykatës se kërkesa për paraburgim e Prokurorisë nuk ka të bëjë me ndonjë krim të kryer nga Krasniqi, por është kërkesë për promovim e e mbështjellë me ngjyrën e karrierizmit dhe petkun e Prokurorisë.

Tutje, Berisha ka pretenduar se në kërkesë, Prokuroria askund nuk përmend ndonjë kërcënim apo presion nga i dëmtuari.

Sipas tij, Prokuroria e ka detyruar të deklarohet i dëmtuari.

“Ky është një nga rastet e para dhe më skandaloze që pretendohet se është kryer krim, ku Prokuroria i ka vënë emrin ‘detyrim’, por që të dëmtuarin e thërrasin këta dhe e detyrojnë të deklarohet si ata. Pa çka se ai asnjëherë nuk është paraqitur për ta denoncuar ‘detyrimin’, i cili pretendohet se ka ndodhur në një periudhë dy mujore, por që Prokuroria paska qenë e mëshirshme dhe nuk e paska proceduar deri më 4 gusht 2025”, ka deklaruar Berisha.

Avokati Berisha ka theksuar se Prokuroria, në deklaratën e dhënë në Inspektoratin Policor nga i dëmtuari, shumës prej 400 mijë euro i ka shtuar edhe 50 mijë euro të tjera vetëm e vetëm që Krasniqi të dërgohet në paraburgim dhe që gjatë kohës së paraburgimit të tentohet të sigurohet ndonjë provë.

Kërkesën për caktim të masës së paraburgimit, avokati Berisha e ka quajtur “abuzim”, duke shtuar se është kërkuar nga gjykata që Krasniqi të dërgohet në paraburgim pa e ditur fare se çfarë ka bërë.

Tutje, ai ka theksuar se i dyshuari Krasniqi meriton të dijë se në cilën ditë apo vend e ka detyruar dikë të ndërmarrë veprime përkundër vullnetit të tij, si i dëmtuar.

Për armët e gjetura, avokati Berisha ka theksuar se bëhej fjalë për municion të pashfrytëzuar nga Krasniqi dhe se ishte në kuadër të armës zyrtare.

Sipas Berishës, Krasniqi nuk është kriminel dhe nuk duhet të merret si e mirëqenë ajo që ka deklaruar ministri Xhelal Sveçla. Ai shtoi se Krasniqi është familjar dhe me shëndet të rrënuar prej vitesh.

Avokati Berisha ka kërkuar një masë më të butë se paraburgimi ndaj Krasniqit, duke premtuar se i njëjti do ta respektojë në tërësi çdo masë tjetër alternative dhe është i gatshëm të jetë nën monitorim të policisë.

Në fund, Berisha ka ngritur pikëpyetje se përse është dashur të rrethohet shtëpia e Krasniqit me njësi speciale, kur ai ka qenë i gatshëm të paraqitej me një telefonatë.

Edhe Liman Sallauka ka njoftuar gjykatën se është me terapi për tumor dhe ka thënë se, nëse prokurori pretendon se ai ka dhënë 20.000 euro, duhet të ekzistojë dokument.

Për të dëmtuarin, Sallauka ka deklaruar se është “shpijun” dhe ka pohuar se para katër ditësh ka qenë vetë në shtëpinë e tij.

Mbrojtësi i tij, avokati Forti Skoro, ka deklaruar se nuk ekziston asnjë arsye për të besuar se Liman Sallauka do të fshijë, asgjësojë apo ndryshojë prova, apo se do të pengojë zhvillimin e procedurës penale ndaj tij.

Xhevat Sallauka para gjykatës ka deklaruar se nëse ka bërë vetëm një vepër të kundërligjshme, kërkon që menjëherë të dërgohet në burg – nëse gjendet ndonjë provë se e ka detyruar dikë të bëjë diçka me zor.

Mbrojtësi i tij, avokati Klodian Krasniqi, ka deklaruar se nuk kanë pranuar aktvendimin për fillimin e hetimeve dhe se nuk u janë shpalosur provat që do t’i shihnin si mbrojtje për të dyshuarin.

Ai ka propozuar që ndaj Xhevatit të caktohet arrest shtëpiak, duke e cilësuar paraburgimin si masë të rëndë dhe kufizim të lirisë së lëvizjes.

Ramadan Paçarizi ka deklaruar para gjykatës se ka të drejtë të negociojë dhe lidhë kontrata dhe se nuk e ka dëgjuar ndonjëherë që emri i tij të përmendet nga Prokuroria si i përfshirë në ndonjë detyrim. Ai ka shtuar gjithashtu se vuan nga prostata.

Mbrojtësi i tij, avokati Blerim Mazreku, ka deklaruar se personi që Prokuroria e konsideron të dëmtuar nuk mund të ketë atë cilësi, duke ofruar provë për pronat që pretendohet se janë objekt detyrimi.

Mazreku ka theksuar se prona që është shitur me autorizim nga i dëmtuari ka të meta, pasi për të ekziston tashmë masë sigurie nga gjykata.

Për veprën penale “shmangie nga tatimi”, Mazreku ka deklaruar se Prokuroria nuk ka të qartë se kush është përgjegjës për pagesën e tatimit në marrëveshjen e shitblerjes.

Në fund, ai ka kërkuar që ndaj Paçarizit të shqiptohet një masë më e butë, e jo ajo e paraburgimit.

The post Nexhmi Krasniqi para gjykatës: Unë kam marrë falënderime nga drejtori i FBI-së për shkak të luftës kundër terrorizmit appeared first on Telegrafi.

E mbijetuara e dhunës seksuale gjatë luftës në Kosovë, Vasfije Krasniqi, i është bashkuar protestës kundër padrejtësive ndaj krerëve të UÇK-së në Hagë.

Në një prononcim për gazetaren e Klan Kosovës, Krasniqi tha se në protestë ka dalë për t’i mbrojtur vlerat kolektive, teksa protestën e cilësoi si pak të vonshme.

“Sot kam dalë këtu për t’i mbrojtur vlerat tona kolektive. Është pak me vonesë, por shpresoj që të jetë protestë e fortë për t’i mbështetur vlerat tona të UÇK-së”.

“Vlerësimi im për UÇK-në s’ka ndryshuar kurrë. Në vitin 1998 kur është betuar vëllai im për të luftuar për UÇK-në, është edhe ditën e sotme”, tha Krasniqi për Klan Kosova.

Tutje, ajo u shpreh krenare për Ushtrinë Çlirimtare të Kosovës që e ka pasur Kosova dhe për ushtrinë që Kosova e ka në ditën e sotme.

Në sheshin “Skënderbeu” në Prishtinë ka nisur përgatitja e skenës për fjalime gjatë protestës gjithëpopullore në mbrojtje të vlerave të Ushtrisë Çlirimtare të Kosovës.

Sakaq kanë mbërritur autobusët e parë për t’iu bashkuar protestës kundër padrejtësive në Hagë.

Në protestë merr pjesë edhe bashkëshortja e Jakup Krasniqit.

Ajo u shpreh se pret lirimin e bashkëshortit të saj, por edhe të ish krerëve të tjerë të UÇK.

“Jam shumë e emocionuar, gjykata duhet të ketë parasysh, jo gjykim dënues. Në emër të popullit duhet gjykim lirues. Mirë është me shëndet. Presim ne të rikthehen ata, si të lirë. Po, edhe më herët edhe të vazhdojmë deri në gjykimin përfundimtar”, theksoi ajo./abcnews.al

E mbijetuara e dhunës seksuale gjatë luftës në Kosovë dhe ish-deputetja e Kuvendit të Kosovës, Vasfije Krasniqi, i është bashkuar protestës në përkrahje të ish-krerëve të UÇK-së që po mbahen në Hagë, duke e cilësuar këtë tubim si një mbrojtje të vlerave kombëtare.

“Sot kam dalë këtu për t’i mbrojtur vlerat tona kolektive. Është pak me vonesë, por shpresoj që të jetë protestë e fortë për t’i mbështetur vlerat tona të UÇK-së,” u shpreh ajo për Klan Kosova.

Krasniqi theksoi se vlerësimi i saj për Ushtrinë Çlirimtare të Kosovës nuk ka ndryshuar kurrë, duke kujtuar përkushtimin e familjes së saj ndaj luftës për liri.

“Në vitin 1998 kur është betuar vëllai im për të luftuar për UÇK-në, është edhe ditën e sotme.”

Ajo u shpreh krenare për UÇK-në dhe për ushtrinë që Kosova e ka sot, duke nënvizuar rolin e saj historik në çlirimin dhe ndërtimin e vendit.

The post Vasfije Krasniqi i bashkohet protestës kundër Gjykatës Speciale: Jam krenare me UÇK-në appeared first on Telegrafi.

Djali i Jakup Krasniqit, Altin Krasniqi, ka ftuar qytetarët që t’i bashkohen protestës së sotme që do të mbahet në orën 17:00.

Ai theksoi se kjo protestë nuk ka të bëjë me mbrojtjen e disa individëve, por me mbrojtjen e vlerave të luftës së Ushtrisë Çlirimtare të Kosovës, transmeton Klankosova.tv.

Përmes një postimi në Facebook, Krasniqi tha se protesta është kundër përpjekjeve për të barazuar agresorin me viktimën dhe ndaj padrejtësive që po u bëhen ish-krerëve të UÇK-së.

“Protestoni sot bashkë me ne! Jo për individët, por për çka ata përfaqësojnë – për luftën e drejtë dhe të shenjtë të UÇK-së. Ata luftuan për ne, ne sot kemi obligim moral të ngrihemi për ta”, shkroi ndër të tjera ai.

Sot duke filluar nga ora 17:00 në sheshin “Skënderbeu”, veteranët e luftës kanë organizuar një protestë për të kundërshtuar veprimet e Gjykatës Speciale.

Altin Krasniqi, djali i ish-kryeparlamentarit, Jakup Krasniqi ka bërë thirrje që qytetarët të dalin në protestë, transmeton Telegrafi.

“Protestoni sot, bashkë me ne! Jo thjesht për individët, por për atë që secili prej tyre përfaqëson: luftën e shenjtë dhe të shtrenjtë të Ushtrisë Çlirimtare të Kosovës. Protestoni sot, kundër padrejtësisë. Kundër politikave të Beogradit, që kanë për qëllim ta barazojnë viktimën me agresorin më të madh të Ballkanit”, ka shkruar Krasniqi.

Në Facebook, ai ka shkruar “Protestoni sot bashkë me ne, sepse ndërsa jeta vazhdoi dhe ne po e jetojmë rehatinë që na e solli lufta e UÇK-së, ata po e jetojnë padrejtësinë më të madhe”.

“Larg atdheut, ata përjetuan vdekjen e prindërve e vëllezërve. Fëmijët u rritën, disa u martuan, e babai u bë edhe gjysh. Megjithëse larg atdheut, ata nuk u dorëzuan, e nuk do të dorëzohemi as ne. Sot ata kanë më shumë flokë të thinjura e më shumë rrudha në ballë, por janë më të bashkuar se kurrë dhe më të bashkuar duhet të jemi edhe ne”, pohoi ai.

Krasniqi shkroi tutje se ata kanë luftuar për ne.

“E ne sot e kemi obligim moral dhe kombëtar të protestojmë për ta. Kjo është thirrja jonë për drejtësi. Sepse nëse ka drejtësi, s’mund të gjykohet lufta e drejtë e një populli, heronjtë e saj, ndërsa të mbesin të lirë kriminelët serbë”./Telegrafi/

The post Djali i Jakup Krasniqit bën thirrje për dalje në protestë: Nëse ka drejtësi, s’mund të gjykohet lufta e drejtë e një populli appeared first on Telegrafi.

Vasfije Krasniqi-Goodman, e mbijetuar e dhunës seksuale gjatë luftës në Kosovë ka bërë të ditur se do të merr sot pjesë në protestën e organizuara nga Organizata e Veteranëve të Luftës së Ushtrisë Çlirimtare të Kosovës në mbrojtje të luftës çlirimtare.

Krasniqi në një postim në Facebook shkruan se në protestë do të jetë për të mbrojtur dinjitetin kolektiv.

Lexo po ashtu Veteranët e luftës protestojnë sot në Prishtinë, kundër padrejtësive nga Gjykata Speciale dhe në mbrojtje të luftës së UÇK-së  

“Arsyeja pse më 7 gusht do të jem në protestë është e thjeshtë: përballë një bote ku kriminelët serbë ende janë të lirë, është e papranueshme që ish-ushtarët tanë të përballen me padrejtësi.

Unë nuk dal për të mbrojtur individë, por për të mbrojtur dinjitetin tonë kolektiv, të drejtën tonë për drejtësi të barabartë. Dal si qytetar i këtij shteti, që s’mund të rrijë duarkryq teksa historia jonë përpiqet të njolloset me standarde të dyfishta.

Nuk mund të ketë paqe pa drejtësi, e nuk mund të ketë drejtësi pa të vërtetën e luftës sonë çlirimtare.   UÇK-ja nuk ishte krim – ishte mburoja e këtij populli.

Prandaj më 7 gusht jam aty. Për historinë, për dinjitetin, për Kosovën!”, shkruan ajo. /Telegrafi/

The post Vasfije Krasniqi: Do të jem në protestë, në mbrojtje të dinjitetit kolektiv appeared first on Telegrafi.

Prokuroria Themelore në Prizren ka parashtruar kërkesë për caktimin e masës së paraburgimit ndaj katër të arrestuarve nën dyshimin për detyrim, armëmbajtje pa leje e ikje të tatimit.

Në mesin e të arrestuarve është edhe ish-drejtori i Policisë në Prizren, Nexhmi Krasniqit, aktualisht zyrtar policor. Aksioni ishte zhvilluar nga Prokuroria bashkë me IPK derisa një ditë më vonë Xhelal Sveçla ka kërkuar largimin nga Policia të gjithë atyre që njollosin uniformën policore.

Sipas dosjes së Prokurorisë, që ka siguruar “Betimi për Drejtësi”, Liman Sallauka, Xhevat Sallauka, Nexhmi Krasniqi dhe Ramadan Paçarizi, dyshohen se si pjesë e grupit kishin përdorur kanosjen, duke detyruar të dëmtuarin E.M, të veprojë në dëm të pasurisë së tij.

Sipas dyshimeve të Prokurorisë, i dëmtuari ishin detyruar të tërhiqet nga prona për të cilën kishte autorizim në dobi të Ramadan Paçarizit, i cili pastaj e kishte blerë pronën për 250 mijë euro nën çmimin e tregut pasi e njëjta pronë kishte vlerë deri në gjysmë milioni euro.

Sipas dosjes së Prokurorisë, gjatë muajve nëntor–dhjetor të vitit 2024 në Prizren, Liman Sallauka, Xhevat Sallauka, Nexhmi Krasniqi dhe Ramadan Paçarizi, dyshohen se kanë vepruar si grup i organizuar për të përfituar në mënyrë të kundërligjshme dobi pasurore për vete, përmes kërcënimeve serioze dhe presionit ndaj një personi tjetër.

Sipas dokumentit të siguruar, të pandehurit kanë ushtruar kanosje serioze ndaj të dëmtuarit E.M me qëllim që ai të veprojë në dëm të pasurisë së tij. E.M ka qenë bashkëpronar i një ngastre kadastrale nr. 749 në zonën kadastrale Lubizhdë dhe kishte autorizim gjeneral për të shitur parcelën në fjalë nga personat “Svetozar Nekiq, Stanimir Nekiq dhe Zvonomir Nekiq”.

Lexo po ashtu Arrestimi i kolonelit Nexhmi Krasniqi, Sveçla: Nuk ka vend për kriminelë në radhët e Policisë

Duke qenë në këtë pozitë, i pandehuri Liman Sallauka, sipas Prokurorisë, kishte filluar kontakte të vazhdueshme me të dëmtuarin. Më pas, në proces hyn edhe vëllai i tij, Xhevat Sallauka, i cili kërkon vazhdimisht takim me të dëmtuarin lidhur me ngastrën. Takimi ndodh në një pompë derivatesh në rrugën “Transiti i Ri” në Prizren, ku marrin pjesë Liman Sallauka, Xhevat Sallauka, Nexhmi Krasniqi, dëshmitari E.E. dhe i dëmtuari E.M.

Gjatë këtij takimi, sipas Prokurorisë, të pandehurit i bëjnë presion të dëmtuarit që të heqë dorë nga pjesa e tij në ngastrën nr. 749 në dobi të Ramadan Paçarizit. Përballë frikës dhe presionit, dhe me miratimin e dëshmitarit E.E – i cili gjithashtu kishte pronësi në parcelë – i dëmtuari tërhiqet nga prona. Më pas, Ramadan Paçarizi blen parcelën duke paguar një shumë që përshkruhet si “lënien çmimin e tregut për 250,000 euro”, edhe pse prona në realitet kishte vlerë më të madhe.

Lexo po ashtu Katër të arrestuar, përfshirë kolonelin e Policisë në Prizren, Nexhmi Krasniqi

Sipas Prokurorisë, pasi i dëmtuari e shet pronën nën çmimin e tregut, 10 mijë euro ia jep Nexhmi Krasniqit dhe 20 mijë ia jep Liman Sallaukës.

“E për këtë i dëmtuari së bashku me të pandehurin Liman Sallauka shkojnë në shtëpinë e të pandehurit Nexhmi Krasniqi, ku i dëmtuari hynë në shtëpi dhe nga të hollat e marra prej Ramadan Paçarizit ia jep të pandehurit Nexhmi shumën prej 10.000 euro të vendosura në zarf dhe me të dalë nga aty, 20.000 euro tjera ia jep Liman Sallaukës, në emër të tij dhe për vëllain e tij Xhevat Sallauka”, thuhet në kërkesën e Prokurorisë për caktimin e masës së paraburgimit ndaj të arrestuarve.

Për këto veprime, ata dyshohen për veprën penale të detyrimit nga neni 328, paragrafi 2 lidhur me paragrafin 1 të KPRK-së.

Ramadan Paçarizi po dyshohet edhe për shmangie nga tatimi pasi nuk ka treguar vlerën reale të palujtshmërisë dhe 130 mijë euro ia ka dhënë para kesh blerësit.

Ndërkohë, Liman Sallauka dyshohet edhe për armëmbajtje pa leje pasi në shtëpinë e tij ishin gjetur armë përfshirë edhe një pushkë ajrore e municion.

Edhe në shtëpinë e zyrtarit të Policisë, Nexhmi Krasniqi ishin gjetur 63 fishekë.

Edhe Paçarizit i është gjetur një pushkë ajrore në shtëpi pa leje.

Prokurori Labinot Jetishi në kërkesën për paraburgim ka shkruar se caktimi i paraburgimit është i domosdoshëm dhe i arsyeshëm për zbatimin e suksesshëm të procedurës penale.

Sipas kërkesës, ekziston rreziku që të bëhet presion mbi dëshmitarë, të prishen provat dhe se ekziston rreziku i përsëritjes së veprave penale nga të dyshuarit.

Prokurori i shtetit ka paraqitur kërkesë për caktimin e masës së paraburgimit ndaj të pandehurve Liman Sallauka, Xhevat Sallauka, Nexhmi Krasniqi dhe Ramadan Paçarizi, duke u bazuar në rrezikun real që ata paraqesin për jetën, trupin apo pasurinë e të tjerëve, si dhe për rrjedhën normale dhe të papenguar të procedurës hetimore.

Sipas prokurorit, pamjaftueshmëria e masave tjera më të lehta, të parashikuara me nenin 171 të Kodit të Procedurës Penale të Kosovës, është shqyrtuar në mënyrë të hollësishme, por në bazë të rrethanave konkrete të rastit, është vlerësuar se ato masa nuk garantojnë prezencën e të pandehurve dhe nuk mund të sigurojnë zhvillimin e rregullt të procedurës penale.

Për këto arsye, prokuroria ka propozuar që gjyqtari i procedurës paraprake të caktojë masën e paraburgimit në kohëzgjatje prej një muaji ndaj katër të pandehurve, me qëllim të sigurimit të kushteve për një proces hetimor të papenguar dhe ligjërisht të mbrojtur.

The post Dyshohen se detyruan të shesë pronën e gjysmë milioni për 250 mijë euro, Prokuroria kërkon paraburgim për Nexhmi Krasniqin dhe të tjerët appeared first on Telegrafi.

Gjykata e Posaçme ka lënë në fuqi masat e sigurimit për 7 nga 8 urdhër-arrestet për çështjen e call centerave.

Togat e zeza kanë bërë verifikimin dhe lanë në arrest në burg 4 persona dhe 3 të tjerë arrest në shtëpi. Në mungesë ishin caktuar masat e sigurimit personal arrest në burg për Emiljano Sejdillari, Tafil Dyrmishi, Sokol Krasniqi, Eltion Logu, Rodrigo Guga.

Ndërsa arrest në shtëpi për Lisjane Çulani, Mateo Llozhi dhe Kejdi Nuka.

Tetë shqiptarët u identifikuan nga një hetim i Prokurorisë së Posaçme dhe autoriteteve gjermane si të përfshirë në mashtrim me pasoja të rënda nëpërmjet call centerave që vepronin në Shqipëri.

Vlera e dëmit të shkaktuar dhe të dokumentuar për këtë fazë të hetimit për periudhën disamujore të call center-it është mbi 363 mijë e 501 euro ndërsa bëhet fjalë për 14 viktima të mashtrimit në Gjermani./abcnews.al

Këshilli Drejtues i Universitetit “Haxhi Zeka” në Pejë, në mbledhjen e tij të XX-të, ka rizgjedhur prof. dr. Armand Krasniqin në pozitën e rektorit për një mandat të dytë katërvjeçar.

Prof. dr. Krasniqi ka udhëhequr këtë institucion edhe gjatë katër viteve të fundit, periudhë gjatë së cilës është vlerësuar për përkushtimin në rritjen e cilësisë akademike, forcimin e bashkëpunimeve ndërkombëtare dhe avancimin e reformave institucionale.

Rizgjedhja e tij konsiderohet si shprehje e besimit nga ana e Këshillit Drejtues për punën e deritanishme dhe vizionin e tij për zhvillimin e mëtejmë të universitetit.

Universiteti “Haxhi Zeka” ka uruar rektorin Krasniqi për vazhdimin e detyrës dhe i ka dëshiruar suksese në realizimin e objektivave të reja akademike dhe institucionale.

The post Prof. dr. Armand Krasniqi rizgjedhet rektor i Universitetit “Haxhi Zeka” për një mandat të dytë appeared first on Telegrafi.

Kosova gjendet në një situatë tejet të ndërlikuar, në një bllokadë institucionale, ku edhe pas 54 seancave nuk u arrit konstituimi i Kuvendit të Kosovës.  

Ky bllokim politik ka detyruar Gjykatën Kushtetuese të ndërhyjë me një masë të përkohshme, për të vlerësuar kushtetutshmërinë e procesit dhe për të ofruar zgjidhje për dalje nga kriza.

Albert Krasniqi

Në lidhje me këtë, Albert Krasniqi nga organizata Demokracia Plus, në një prononcim për Telegrafin, theksoi se Gjykata Kushtetuese ka para vetes një mundësi historike, të korrigjoj gabimet që ka bërë përbërja e kësaj Gjykate në aktgjykimin e vitit 2014 lidhur me interpretimin e grupit parlamentar.

Sipas tij, në këtë drejtim, për të pamundësuar bllokadat prej subjektit politik që del i pari në zgjedhje dhe për t’i hapur rrugë konstituimit të Kuvendit, duhet t’i përgjigjet disa pyetjeve thelbësore.

“Se a ka abuzuar Avni Dehari me detyrën e tij si kryesues i seancës konstituive dhe cilat është procedura e zëvendësimit të kryesueseve që abuzojnë? A ka abuzuar VV me të drejtën për propozim të kandidatit për kryetar të Kuvendit përmes bllokadave të qëllimshme që ka vendosur, dhe a humbet kjo e drejtë nëse me të abuzohet dhe nuk ushtrohet?. Nëse po, kush e pason ushtrimin e kësaj të drejte?”.

Krasniqi po ashtu tha se gjykata duhet të sqaroj pasojat e tejkalimit të afatit prej 30 ditësh që ka vendosur për konstituim të Kuvendit.

“Por, që në asnjë rrethanë, kjo nuk duhet të jetë marrja e mandatit të deputetëve aktual apo shpërndarje të Kuvendit për të shkuar në zgjedhje të jashtëzakonshme, pa u dhënë mundësia për të provuar nëse brenda legjislaturës aktual ekziston një shumicë parlamentare”, tha ai.

Në të njëjtën linjë, edhe Eugen Cakolli nga Instituti Demokratik i Kosovës (KDI) ka vlerësuar se vendi ndodhet në një terren të pashkelur kushtetues.

Ai theksoi se mungesa e pasojave të qarta juridike nga ana e Gjykatës në të kaluarën ka krijuar një kulturë të papërgjegjshmërisë politike.

“Është tejkaluar një afat kushtetues, që në vlerësimin tim është cenimi më serioz i rendit kushtetues që mund t’i bëhet procesit të formimit të institucioneve”.

Sipas Cakollit, shtyrja e afatit përtej kushtetutës, apo justifikimi i tij përmes sjelljeve jokushtetuese, rrezikon të kthehet në precedent të rrezikshëm, ku bllokadat politike bëhen mjet legjitim për të penguar funksionimin e shtetit.

Të dy ekspertët bien dakord se Gjykata Kushtetuese është në pozitën që të ndërtojë një precedent të ri kushtetues dhe të vendosë një standard të qartë që ndalon abuzimin me vakuumet ligjore.

Cakolli theksoi se “Gjykata nuk ka nevojë ta shpërndajë Kuvendin, sepse ai nuk është konstituuar. Mjafton të konstatojë jo kushtetutshmëri të mandatit aktual dhe t’i hapë rrugë Presidentes që të shpallë zgjedhje të reja”.

Sipas tij, Gjykata duhet të jetë garant i funksionimit të institucioneve dhe të përforcojë parimin e sigurisë juridike, duke përjashtuar mundësinë e rikthimit të deputetëve të legjislaturës së kaluar, si dhe të vendosë kufizime të qarta për sjellje politike që cenojnë rendin demokratik.

Ndryshe, moskonstituimi i Kuvendit të Kosovës pas zgjedhjeve të vitit 2025 ka nxjerrë në pah një krizë serioze politike dhe institucionale.

Kosova ka mbajtur zgjedhjet parlamentare më 9 shkurt dhe ende nuk ka Kuvend të konsoliduar të dalë nga zgjedhjet e shkurtit.

Pas betimit të deputetëve, procesi ka ngelur në votimin e kryetarit të Kuvendit të Kosovës.

Lëvizja Vetëvendosje, si partia me përqindjen më të lartë të votave që ka marr ka propozuar Albulena Haxhiun për kryetare të Kuvendit dhe nuk po heqë dorë nga ky emër.

Partitë tjera, PDK, LDK, AAK kanë deklaruar se emri i Haxhiut është i papranueshëm për kryetare të Kuvendit pasi nuk është unifikues.

PDK dhe AAK kanë kërkuar që LVV të ndërrojë kandidatin dhe ta vë një emër të pranueshëm, ndërkaq nga LDK kanë deklaruar se nuk do të votojnë për asnjë kandidat të LDK-së.

Pas mospajtimeve, kryesuesi Avni Dehari ka vënë në votim formimin e një Komisioni Zgjedhor që do të mundësonte votim të fshehtë për kryetarin e Kuvendit, por që në mungesë të kuorumit nuk ka kaluar. /Telegrafi/

The post “Terren i pashkelur kushtetues”, analistët: Gjykata Kushtetuese në kërkim të zgjidhjes për ngërçin politik appeared first on Telegrafi.

TIRANË, 30 korrik /ATSH/ Autoriteti i Mediave Audiovizive zhvilloi në Pogradec, tryezën e fundit të Konsultimit Publik për ndryshimet që ka propozuar në rregulloren: “Për kriteret dhe procedurat e dhënies së autorizimeve”.

Kryetarja e AMA-s u shpreh se është marrë dakordësia e mbi 70% operatorëve të autorizuar nga AMA, me të cilët janë realizuar konsultime gjatë këtyre javëve, në gjithë Shqipërinë, për këto ndryshime.

Krasniqi tha se janë propozuar ndryshime që kanë të bëjnë me shtimin e masave përforcuese të respektimit të ligjit.

“Të gjithë subjektet audiovizivë që shesin produkt audioviziv duhet t’i përmbahen vetëm produktit për të cilin janë të licencuar; ky licencim nuk ka lidhje me qasjen në kanalet e hapura për qytetarët”, vijoi Krasniqi.

Kryetarja e AMA-s, theksoi se “është e rëndësishme të kuptohet se, aktiviteti që disa subjekte kanë zgjedhur të bëjnë, duke shitur kanalet e lira bashkë me produktin për të cilin janë të autorizuar, është devijim nga ligji dhe shfrytëzim i hapësirave, që deri tani kanë ekzistuar në rregulloren e autorizimeve”.

“Ky abuzim nuk mund të vazhdojë më! Kjo masë përforcuese e ligjshmërisë nuk është frenim i teknologjisë, por frenim i abuzimit të ndodhur deri më sot nga subjekte që, atë çfarë është pa pagesë, e kanë shitur me gjoja arsyen se po i shërbejnë publikut”, pohoi Krasniqi.

“Për këto arsye të gjithë subjektet duhet të përgatiten që të modulojnë dekoderat dhe të zbatojnë ligjin. Nuk ka asnjë arsye që kanalet e lira për publikun të përfshihen brenda paketave të subjekteve ritransmetuese, pa pasur marrëveshje me prodhuesit e produktit”, nënvizoi Krasniqi, duke theksuar se AMA mbetet e palëkundur në luftën e saj dhe se paligjshmëria duhet dhe do të marrë fund.

Autoriteti i Mediave Audiovizive në Pogradec gjatë tryezës së fundit të Konsultimit Publik

1 nga 5

/e.i/r.e/

The post AMA zhvillon tryezën e fundit të konsultimit publik, Krasniqi: Të vendosur në luftën kundër piraterisë appeared first on Agjencia Telegrafike Shqiptare.

Shkrimtarja dhe autorja e njohur për fëmijë, Meliza Krasniqi, është nderuar me çmimin prestigjioz “Dega e ullirit” në kuadër të edicionit të sivjetmë të Panairit të Librit “Ulqini 2025”, për librin e saj më të fundit “Me quajnë Nexhmije Pagarusha”.

Çmimi u nda gjatë ceremonisë solemne të hapjes së panairit, në prani të figurave të rëndësishme të letrave dhe kulturës shqiptare në rajon. Juria e përbërë nga emra të njohur si Liridon Mulaj (kryetar), znj. Irena Toci, drejtoreshë e Institutit të Librit dhe të Promocionit, z. Genci Nimanbegu, kryetar i Komunës së Ulqinit, dhe z. Čazim Hodžič, vlerësuan lart vlerat artistike dhe edukative të veprës.

Në një reagim publik, Krasniqi u shpreh thellësisht e nderuar për këtë vlerësim, duke theksuar rëndësinë emocionale që ky çmim ka për të.

“Ky çmim ka domethënie të veçantë për mua — si degë ulliri që më kujton se fjala për fëmijë mbjell paqe, kujtesë dhe shpresë”, shkroi ajo në një postim në rrjetet sociale.

“Me quajnë Nexhmije Pagarusha” është një vepër që i prezanton gjeneratave të reja figurën madhështore të “Bilbilit të Kosovës”, në një mënyrë të ndjeshme, edukative dhe letrare. Libri konsiderohet një ndër përpjekjet më të arrira të autorës për të ndërtuar ura mes historisë kulturore dhe lexuesve të vegjël./KultPlus.com

Dhoma e Tregtisë dhe Industrisë Kosovë, së bashku me Odën Ekonomike Gjermano-Kosovare dhe Odën e Hotelerisë dhe Turizmit të Kosovës kanë mbajtur takim me bizneset, me të cilat është diskutuar sa i përket çështjes së furnizimit me energji elektrike për bizneset që janë dalë në treg të lirë.

Sipas një njoftimi për media bëhet e ditur se kryetari i Bordit të DhTIK-së, Skender Krasniqi, ka përmendur hapat e ndërmarrë deri më tani, me të cilave edhe letrat dërguar Komisionit Evropian, Sekretariatit për Energji në Vjenë dhe Zyrës së BE-së në Kosovë.

Tutje në njoftim bëhet e ditur se Krasniqi ka thënë se përkundër kërkesave të vazhdueshme dhe prezantimit të fakteve për një numër të madh të shkeljeve nga ZRRE, Qeveria e Kosovës nuk ka ndërmarrë asnjë veprim që t’u gjendet bizneseve, të cilat mbushin mbi gjysmën e buxhetit të shtetit.

“Nga ana tjetër, drejtori i OEGJK-së, Besnik Vasolli tha se procesi është përcjellë e po vazhdon të përcillet me paqartësi të shumta, derisa përmendi faktin se bizneset që janë furnizuar gjatë dy muajve të fundit me energji nga KEK-u, nuk kanë marrë faturat e energjisë. Hysen Sogojeva nga OHT, shprehu mbështetjen e vazhdueshme në kundërshtim të veprimeve të dëmshme të ZRRE-së”, thuhet në njoftim.

Në këtë takim konsultativ, sipas njoftimit drejtuesit e bizneseve kanë shprehur shqetësimin për mungesë të informatave, pasigurisë për të ardhmen e tyre dhe veprimeve të KEK-ut, që po i largon orët aktuale të rrymës dhe po i vendos të vetat pa asnjë njoftim.

“Si shoqatat e bizneseve ashtu edhe bizneset, kanë ripërsëritur qëndrimin e tyre se askush nuk është kundër liberalizimit të tregut të lirë të energjisë, por se paqartësitë, mungesa e informatave, tregu i pa përgatitur, vërtetuar edhe nga instancat ndërkombëtare, e bëjnë këtë proces të dyshimtë dhe dëmtues për ekonominë. Me këtë rast i është bërë thirrje edhe njëherë Qeverisë së Kosovës, ZRRE-së dhe KEK-ut që të pezullojnë ndërprerjen e furnizimit me energji elektrike dhe të rishqyrtohet i gjithë procesi i liberalizimit të tregut”, bëhet e ditur ndër të tjera në njoftim. /Telegrafi/

The post Shoqatat dhe bizneset bëjnë thirrje për mos ndërprerje të energjisë dhe shtyrje të liberalizmit appeared first on Telegrafi.

TIRANË, 28 korrik/ATSH/ Një rast i ri piraterie online është denoncuar sot nga kryetarja e Autoritetit të Mediave Audiovizive, Armela Krasniqi. Duke iu referuar subjektit të fundit të paligjshëm, të konstatuar, dënuar dhe denoncuar nga ekipet e inspektimit të Autoritetit, Krasniqi ka treguar historikun e gjurmimit dhe bllokimin e një rasti të kapur fillimisht në Kukës, si transmetues i paligjshëm IPTV, e më tej i transferuar në servera të tjerë nëpër Europë.

“Lufta kundër Piraterisë fitohet me partneritet dhe punë në skuadër”, shkruan Krasniqi në rrjetin social Facebook. Ajo sjell në vëmendjen e publikun rastin e një subjekti IPTV, i paligjshëm, i kapur në Kukës, i cili operonte në rrjetin e brendshëm lokal. “Subjekti u ndëshkua në përputhje me ligjin nr. 97/2013 “Për mediat audiovizive”, i ndryshuar. Serveri u sekuestrua dhe ndaj shkelësit u mor masa e ndëshkimit me gjobë 5 milionë lekë. Pak ditë më vonë, në bashkëpunim me strukturat e Hetimit të Krimit Ekonomik dhe Financiar të Policisë së Shtetit, i njëjti subjekt, i shfaqur tashmë si OTT pirat dhe që aksesohej nga një IP publike shqiptare, u bllokua sërish. Domaini iu dërgua AKEP për mbyllje dhe rasti i tij u referua nga specialistët e AMA-s, në Prokurori”.

Por, mundësia për të transmetuar nëpërmjet serverave jashtë Shqipërisë, ka shtuar edhe mundësitë e shkelësve të të drejtave të transmetimit, në përpjekjet e tyre për të operuar në tregun shqiptar.

Pas sekuestrimit dhe dënimit në Shqipëri, subjekti i paligjshëm e ka vazhduar aktivitetin e vet, në shkelje të të drejtave të transmetimit, duke përdorur, fillimisht servera të vendosur në Gjermani, e pas bllokimit aty, edhe në Rumani.

“Falë bashkëpunimit të menjëhershëm me partnerët ndërkombëtarë, ku përmend Hetzner Online GmbH, në Gjermani, i njëjti subjekt shqiptar u bllokua sërish dhe aktiviteti i paligjshëm u ndalua”, shkruan Krasniqi. “Ndërsa sot, pas konstatimit nga ekipet e AMA-s, të të njëjtit subjekt, që operon mbështetur në servera rumunë, kemi lidhur kontaktet me NexonHost, dhe jemi në pritje që edhe kjo lidhje e re të pritet”.

Kryetarja e AMA-s i ka bërë thirrje publikut të denoncojë pranë Autoritetit çdo rast të ngjashëm piraterie.

Nga veprimtaria e piraterisë online të subjektit të gjobitur

1 nga 4

/e.i/r.e/

The post Lufta kundër piraterisë online, AMA gjobë 5 milionë lekë subjektit, denoncim edhe në Prokurori appeared first on Agjencia Telegrafike Shqiptare.

Deputetët e Kuvendit të Kosovës për të 54-në herë dështuan të konstituojnë Kuvendin e Kosovës, ndërkaq nga e diela, më 27 korrik ndalohet çdo vendim i deputetëve, pasi hyn në fuqi masa e përkohshme e vendosur nga Gjykata Kushtetuese.

Kjo ishte edhe tentativa e fundit para se të përfundojë afati 30 ditor, që është vendosur nga Gjykata Kushtetuese.

Gjykata Kushtetuese e Republikës së Kosovës ka vendosur masë të përkohshme ndaj veprimeve dhe vendimeve të deputetëve të zgjedhur të Kuvendit, duke ndaluar çdo aktivitet parlamentar nga data 27 korrik 2025 deri në një vendim tjetër.

Në njoftimin zyrtar, Gjykata thekson se masa është vendosur ex officio, me arsyetimin se çdo veprim pas kësaj date mund të shkaktojë “dëme të pariparueshme për rendin kushtetues të Republikës së Kosovës dhe funksionimin e institucioneve kyçe”.

Lexo po ashtu Dështon edhe tentativa e 54-të për konstituimin e Kuvendit - ndalohet çdo vendim i deputetëve deri më 8 gusht

Pas dështimit të seancës, deputeti i Lëvizjes Vetëvendosje, Hekuran Murati, deklaroi se nuk është mbajtur asnjë seancë për votimin e komisionit për votim të fshehtë.

Ai fajësoi partitë tjera për këtë bllokadë, duke theksuar se VV-ja ka propozuar që të arrihet një dakordim mes kryetares dhe nënkryetares së Kuvendit, por sipas tij, kjo është refuzuar nga opozita.

Murati theksoi se po tentohet të ndryshohet rezultati zgjedhor përmes manovrave.

”Me keqardhje, deri në orët e fundit, pavarësisht përpjekjeve, shtysës tonë të krijohen institucionet, s’patëm sukses. E pamë që deputetët e opozitës sërish refuzuan të kryejnë obligimin e tyre kushtetues, që të votojnë. Nuk u është dhënë shansi deputetëve përmes votimit të fshehtë të krijoheshin institucionet e vendit”, u shpreh Murati.

Ndërkaq, lideri i PDK-së, Memli Krasniqi, pas dështimit të konstituimit të Kuvendit, tha se ata nuk janë bllokues dhe se i vjen keq për atë që ka ndodhur.

Krasniqi tha se nuk bëhen pjesë e shkeljeve të Kushtetutës.

“Nuk bëhemi pjesë e shkeljeve të Kushtetutës. Ne do ta mbrojmë qytetarin, për Kosovën është derdhur gjak”, tha ai në Kuvendin e Kosovës.

Sipas tij, kryeneçësia e Kurtit dhe partisë së tij ishin më e madhe se Kosova dhe demokracia.

Ndërkaq, kryetari i Lidhjes Demokratike të Kosovës, Lumir Abdixhiku i bëri thirrje kryeministrit në detyrë, Albin Kurti, që të respektojë ligjin.

Abdixhiku theksoi se gjuha e përplasjes dhe imponimit duhet të marrë fund. /Telegrafi/

The post Dështoi edhe përpjekja e fundit për konstituimin e Kuvendit – çfarë u tha pas përmbylljes së seancës appeared first on Telegrafi.

Nga Afrim Krasniqi Dita e Presidentit (Presidents’ Day)? Shqipëria nuk ka ditë, shumica e vendeve europiane nuk kanë ditë të tillë. SHBA po, e hëna e tretë e muajit shkurt. Lidhet me ditëlindjen e ish-Presidentit G.Washington. Presidentët amerikane votohen në nëntor, zgjidhen nga Kolegji në dhjetor dhe marrin detyrën në javën e tretë të muajit janar. Shqipëria? Ne kemi një datë “unifikuese”…

Source

Kanë kaluar më shumë se pesë muaj nga mbajtja e zgjedhjeve, por Kuvendi i Kosovës ende nuk është konstituar, duke e lënë vendin në një ngërç institucional.

Arsyeja kryesore është mungesa e dakordimit për zgjedhjen e kryetares së Kuvendit, pasi partitë opozitare po refuzojnë të votojnë kandidaten e propozuar nga Lëvizja Vetëvendosje, Albulena Haxhiun.

Në lidhje me këtë situatë, Albert Krasniqi nga organizata Demokraci Plus (D+) ka ofruar një alternativë për zhbllokimin e procesit. Përmes një postimi në Facebook, ai ka sugjeruar që kandidatura e Glauk Konjufcës do të ishte zgjidhja më e pranueshme për të gjitha palët.

“Meqë Glauk Konjufca është i pranueshëm nga partitë opozitare për kryetar të Kuvendit, Lëvizja Vetëvendosje mund ta propozojë atë për këtë pozitë, ndërsa Albulena Haxhiun si nënkryetare, për të cilët grupet parlamentare kanë diskrecion të plotë se kë propozojnë”, ka shkruar Krasniqi.

Sipas tij, pas konstituimit të Kuvendit, Konjufca mund ta autorizojë Haxhiun që të ushtrojë detyrat e kryetares dhe më pas të japë dorëheqje. Ai thekson se, bazuar në Rregulloren e Kuvendit, një nënkryetar mund të ushtrojë detyrat e kryetarit pa kufizim kohor dhe pa ndonjë autorizim të posaçëm.

“Kjo do t’i mundësonte opozitës të mos e votojë drejtpërdrejt Haxhiun për kryetare, ndërsa Vetëvendosjes t’i ruajë funksionalisht drejtimin e Kuvendit përmes saj”, shton Krasniqi. /Telegrafi/

The post Pesë muaj pas zgjedhjeve, kuvendi ende pa kryetar – Krasniqi propozon Glauk Konjufcën si alternativë për dalje nga kriza appeared first on Telegrafi.