ROMË, 30 gusht /ATSH/ – Një turist britanik, që përpiqej të vidhte disa gurë nga parku arkeologjik i Pompeit, po përballet me një gjobë të madhe nga autoritetet italiane, sipas larepubblica.it.

Turisti, një 51-vjeçar nga Skocia, u kap me një çantë që përmbante gjashtë artefakte, pesë fragmente gurësh dhe tulle, të marrë nga siti i lashtë romak.

Ai u denoncua pasi u pa duke mbledhur pjesë të kalldrëmit gjatë një turi nga një udhërrëfyes, i cili njoftoi sigurimin e parkut.

Ai  u arrestua nga policia jashtë parkut pranë Villa dei Misteri dhe pranoi se kishte marrë gurët për t’ia dhuruar djalit të tij si pjesë të koleksionit të objekteve të rralla dhe pretendoi se nuk e dinte që ishte e paligjshme të hiqeshin artefakte nga vendi i gërmimeve.

Objektet e vjedhura u konfiskuan dhe iu kthyen parkut arkeologjik, ndërsa turistit i ngarkohet akuza ”vjedhje e rëndë”.

Ai mund të marrë një thirrje për në gjykatë dhe tëpërballet me një dënim të mundshëm deri në gjashtë vjet burg dhe një gjobë maksimale prej 1 500 eurosh.

”Urime dhe falënderime për udhërrëfyesin e vëmendshëm, për kujdestarët dhe stafin e sigurisë dhe për karabinierët në këtë përpjekje bashkëpunuese për të mbrojtur trashëgiminë tonë”, u shpreh Gabriel Zuchtriegel, drejtori i Parkut Arkeologjik të Pompeit./ /Ad.Ab./

The post SOFT NEWS – Nga Pompei nuk mund të marrësh as… gurët! appeared first on Agjencia Telegrafike Shqiptare.

TIRANË, 25 gusht /ATSH/ Administratori i një lokali në në lagjen “Vasil Shanto”, në Shkodër është ndëshkuar me masë administrative 200 000 lekë të rinj, pasi prishi qetësinë publike duke vënë muzikë mbi normat e lejuara

Në kuadër të masave të shtuara për ruajtjen e qetësisë publike dhe për mbrojtjen nga ndotja akustike në zonat turistike, bazuar dhe në telefonatat e qytetarëve, strukturat e DVP Shkodër kanë intensifikuar, monitorimet në subjektet që zhvillojnë veprimtari me muzikë të lartë.

Shërbimet e Komisariatit të Policisë Shkodër, pasi morën njoftim nga salla operative per një ankesë për muzikë të lartë në lagjen “Vasil Shanto”, konstatuan se niveli i muzikës i tejkalonte kufijtë e lejuar me ligj. Në përfundim, ndaj administratorit të këtij subjekti, shtetasit M. L., u vendos masë administrative me vlerë 200 000 lekë.

Drejtoria Vendore e Policisë Shkodër i bën thirrje të gjithë personave fizikë dhe juridikë që të respektojnë nivelin dhe orarin e lejuar për muzikën që gjenerojnë nga aktivitetet në subjektet e tyre.

/gj.m/j.p/

The post Muzikë mbi normat e lejuara, gjobë administratorit të lokalit në Shkodër appeared first on Agjencia Telegrafike Shqiptare.

Administrata Tatimore ka vijuar aksionin për formalizimin e tregtisë së produkteve bujqësore dhe blegtorale.

Gjatë kontrolleve në Tiranë, një biznes që tregtonte produkte dhe nënprodukte mishi u kap me 810 mijë euro të ardhura të fshehura për një periudhë prej 3 vitesh e gjysmë, si dhe me mall pa faturë.

Administrata Tatimore u bën thirrje bizneseve që të respektojnë legjislacionin tatimor, për të shmangur penalitetet që lindin nga moszbatimi i ligjit.

The post 810 mijë euro të ardhura të fshehura, gjobitet biznesi i mishit në Tiranë appeared first on Albeu.com.

GJENEVË, 22 gusht /ATSH – DPA/  Zyra Federale e Prokurorit të Zvicrës ka gjobitur bankën. Safra Sarasin” me 3.5 milion franga zvicerane (4.34 milion dollarë) për përfshirjen e saj në një rast ndërkombëtar korrupsioni.

Banka nuk bëri sa duhej për të parandaluar pastrimin e parave midis viteve 2011 dhe 2014, gjë që rezultoi me dhënien e një dënimi me kusht prej gjashtë muajsh për një ish-menaxher pasurish.

Zyra e prokurorit të Përgjithshëm e vlerësoi vlerën e krimit në 71 milion franga.

Hetimi mbi atë që njihet si “Affari Lava Jato” nisi në vitin 2018, sipas zyrës së prokurorit shtetëror.

Llogaritë në bankë janë përdorur për të marrë dhe transferuar ryshfete nga kompanitë e industrisë së naftës dhe ndërtimit. Fondet dyshohet se janë paguar për drejtues të kompanisë shtetërore braziliane të naftës, “Petrobras”.

“Petrobras” gjithashtu kishte llogari në ish-bankën private zvicerane “Sarasin”, e cila ka qenë pjesë e  “Brazilian Safra” për më shumë se 10 vjet. “Këto shkelje kanë minuar integritetin e qendrës financiare zvicerane,” tha  sot zyra e prokurorit të Përgjithshëm. /Ad.Ab.

The post GJENEVË  – Banka zvicerane gjobitet për pastrim parash appeared first on Agjencia Telegrafike Shqiptare.

BERLIN, 21 gusht /ATSH-DPA/  – Qeveria gjermane rrezikon një gjobë prej 10 000 eurosh në mosmarrëveshjen lidhur me dhënien e vizave për afganët që duan të hyjnë në Gjermani.

Gjykata Administrative e Berlinit vendosis ot se gjoba do të paguhet nëse brenda tre javësh nuk merret një vendim për aplikimet e dorëzuara nga dy familje afgane, tha një zëdhënëse e gjykatës.

Në një rast, gjoba e mundshme është 2 500 euro nëse nuk merret vendim deri më 10 shtator për atë familje, ndërsa në tjetrin është 10 000 euro. Gjykata theksoi se duhet merrt një vendim, por ai nuk ka pse të jetë domosdoshmërisht në favor të aplikuesve.

Ministria e Jashtme fillimisht nuk ishte e disponueshme për koment.

Çështja lidhet me programin federal të pranimit për afganët veçanërisht të rrezikuar, të cilin qeveria e re gjermane e pezulloi në fillim të majit. Aktualisht, Gjykata Administrative e Berlinit po trajton një numër rastesh të ngritura nga afganë që luftojnë për të marrë viza.

Më herët këtë javë, qeveria gjermane njoftoi se 211 persona nga programi i pranimit u deportuan së fundmi nga Pakistani drejt vendit të tyre të origjinës. Ministria e Jashtme tha se Pakistani kishte arrestuar rreth 450 persona nga ky program, ndërsa ambasada gjermane në Islamabad dhe Ministria arritën të siguronin lirimin e 245 prej tyre.

Deri tani, gjykatësit kanë urdhëruar qeverinë gjermane të lëshojë viza në 22 raste, ndërsa tre kërkesa për zbatim të vendimeve janë ende pezull.

Në total, mbi 2 000 afganë po presin të largohen drejt Gjermanisë në kuadër të programeve të ndryshme të pranimit. Ata janë ish-punonjës lokalë ose konsiderohen veçanërisht të rrezikuar. /Ad.Ab./

The post GJERMANI – Gjykata kërcënon qeverinë me gjobë për vizat e afganëve appeared first on Agjencia Telegrafike Shqiptare.

TIRANË, 9 gusht /ATSH/ Policia e Durrësit ka gjobitur me 200 000 lekë, administratorin e një lokali në zonën e plazhit, në të cilin dëgjohej muzika e lartë dhe prishte qetësinë publike.

Policia njoftoi sot “në vijim të kontrolleve të përditshme te subjektet me aktivitete me muzikë, në zonën urbane dhe në atë bregdetare, me mjete të posaçme zhurmëmatëse, shërbimet e Policisë së Durrësit konstatuan se muzika që gjeneronte një lokal në zonën e plazhit, në lagjen nr. 13, ishte në nivelin 85.5 decibel”.

“Në zbatim të ligjit “Për administrimin e zhurmës në mjedis”, administratori i subjektit, shtetasi F. B. u ndëshkua me masë administrative 200 000 lekë”, njoftoi policia.

/m.q/

The post Policia gjobit administratorin e një lokali në zonën e plazhit në Durrës për muzikë të lartë appeared first on Agjencia Telegrafike Shqiptare.

ROMË, 4 gusht /ATSH/- Autoriteti italian i konkurrencës (AGCM) i vendosi sot një gjobë prej 1 milion eurosh (1,16 milion dollarë) një nga kompanive më të mëdha të modës, (fast fashion), “Shein” – të themeluar në Kinë – për mashtrimin e klientëve në lidhje me ndikimin mjedisor të produkteve të tij, sipas “Reuters”.

Ky është sanksioni i dytë financiar ndaj “Shein” nga një autoritet evropian i konkurrencës në pak më shumë se një muaj, pasi Franca gjobiti kompaninë me 40 milionë euro më 3 korrik për zbritje të rreme dhe pretendime mashtruese mjedisore.

Gjoba italiane iu vu “Infinite Styles Services Co. Limited”, një kompani me qendër në Dublin – që operon faqen e internetit të “Shein” në Evropë, pas një hetimi të AGCM të nisur shtatorin e kaluar.

Në një deklaratë, “Shein” tha se kishte bashkëpunuar plotësisht me AGCM dhe kishte ndërmarrë veprime të menjëhershme për të adresuar shqetësimet e ngritura.

AGCM tha se mesazhet e qëndrueshmërisë mjedisore dhe përgjegjësisë sociale në faqen e internetit të “Shein” ndonjëherë ishin të paqarta, të përgjithshme dhe/ose tepër emfatike, dhe në disa raste të tjera mashtruese.

“Pretendimet e “Shein” mbi dizajnin e sistemit rrethor dhe riciklueshmërinë e produktit u raportuan si të rreme ose të paktën konfuze dhe kredencialet e gjelbra të koleksionit të saj “evoluSHEIN by design” – ishin të ekzagjeruara”, tha rregullatori.

“Shein” promovon koleksionin “evoluSHEIN by design” – si rroba të bëra duke përdorur prodhim më të qëndrueshëm dhe të përgjegjshëm.

AGCM tha se konsumatorët mund të mashtrohen duke menduar se koleksioni është bërë me materiale që janë plotësisht të riciklueshme, një fakt që, duke marrë parasysh fibrat e përdorura dhe sistemet ekzistuese të riciklimit, është i pavërtetë. //a.i/

The post “Shein” gjobitet me 1 milion euro për mashtrim të klientëve appeared first on Agjencia Telegrafike Shqiptare.

UASHINGTON, 30 korrik /ATSH-ANSA/ – Presidenti amerikan Donald Trump njoftoi se duke filluar nga 1 gushti, përveç vendosjes së tarifave prej 25% ndaj Indisë, ai do ta gjobisë vendin si “blerësi më i madh i energjisë” nga Rusia.

Presidenti amerikan e shkroi këtë në Truth pa e përcaktuar shumën e gjobës.

“Ne bëjmë pak tregti me ta sepse tarifat e tyre janë ndër më të lartat në botë dhe barrierat e tyre jotarifore janë më të lodhshmet dhe të urryeshmet”, shpjegoi Trump në mesazh.

India gjithashtu “ka blerë shumicën e pajisjeve të saj ushtarake nga Rusia dhe është klienti kryesor i naftës ruse, së bashku me Kinën”./ /os/

The post SHBA – Trump gjobit Indinë për blerjen e energjisë nga Moska appeared first on Agjencia Telegrafike Shqiptare.

TIRANË, 28 korrik/ATSH/ Një rast i ri piraterie online është denoncuar sot nga kryetarja e Autoritetit të Mediave Audiovizive, Armela Krasniqi. Duke iu referuar subjektit të fundit të paligjshëm, të konstatuar, dënuar dhe denoncuar nga ekipet e inspektimit të Autoritetit, Krasniqi ka treguar historikun e gjurmimit dhe bllokimin e një rasti të kapur fillimisht në Kukës, si transmetues i paligjshëm IPTV, e më tej i transferuar në servera të tjerë nëpër Europë.

“Lufta kundër Piraterisë fitohet me partneritet dhe punë në skuadër”, shkruan Krasniqi në rrjetin social Facebook. Ajo sjell në vëmendjen e publikun rastin e një subjekti IPTV, i paligjshëm, i kapur në Kukës, i cili operonte në rrjetin e brendshëm lokal. “Subjekti u ndëshkua në përputhje me ligjin nr. 97/2013 “Për mediat audiovizive”, i ndryshuar. Serveri u sekuestrua dhe ndaj shkelësit u mor masa e ndëshkimit me gjobë 5 milionë lekë. Pak ditë më vonë, në bashkëpunim me strukturat e Hetimit të Krimit Ekonomik dhe Financiar të Policisë së Shtetit, i njëjti subjekt, i shfaqur tashmë si OTT pirat dhe që aksesohej nga një IP publike shqiptare, u bllokua sërish. Domaini iu dërgua AKEP për mbyllje dhe rasti i tij u referua nga specialistët e AMA-s, në Prokurori”.

Por, mundësia për të transmetuar nëpërmjet serverave jashtë Shqipërisë, ka shtuar edhe mundësitë e shkelësve të të drejtave të transmetimit, në përpjekjet e tyre për të operuar në tregun shqiptar.

Pas sekuestrimit dhe dënimit në Shqipëri, subjekti i paligjshëm e ka vazhduar aktivitetin e vet, në shkelje të të drejtave të transmetimit, duke përdorur, fillimisht servera të vendosur në Gjermani, e pas bllokimit aty, edhe në Rumani.

“Falë bashkëpunimit të menjëhershëm me partnerët ndërkombëtarë, ku përmend Hetzner Online GmbH, në Gjermani, i njëjti subjekt shqiptar u bllokua sërish dhe aktiviteti i paligjshëm u ndalua”, shkruan Krasniqi. “Ndërsa sot, pas konstatimit nga ekipet e AMA-s, të të njëjtit subjekt, që operon mbështetur në servera rumunë, kemi lidhur kontaktet me NexonHost, dhe jemi në pritje që edhe kjo lidhje e re të pritet”.

Kryetarja e AMA-s i ka bërë thirrje publikut të denoncojë pranë Autoritetit çdo rast të ngjashëm piraterie.

Nga veprimtaria e piraterisë online të subjektit të gjobitur

1 nga 4

/e.i/r.e/

The post Lufta kundër piraterisë online, AMA gjobë 5 milionë lekë subjektit, denoncim edhe në Prokurori appeared first on Agjencia Telegrafike Shqiptare.

TIRANË, 23 korrik/ATSH/ Federata Shqiptare e Futbollit është njoftuar zyrtarisht nga FIFA për një vendim disiplinor pas ndeshjes Shqipëri–Serbi, e zhvilluar më 7 qershor 2025 në stadiumin “Air Albania”.

Sipas vendimit, FSHF dënohet me një gjobë prej 161,500 franga zvicerane dhe detyrimin që ndeshja e radhës në shtëpi ndaj Letonisë të luhet me të paktën 20% të kapacitetit të stadiumit të mbyllur për publikun, për shkak të sjelljeve të përsëritura të papërshtatshme dhe diskriminuese të një pjese të tifozëve shqiptarë (këngë me përmbajtje diskriminuese, hedhje objektesh, ndezje fishekzjarrësh, përdorimi i gjesteve apo mesazheve të papërshtatshme për një ngjarje sportive, si dhe ndërprerje gjatë himneve kombëtare).

FSHF vlerësoi se ky vendim është një penalizim serioz për gjithë komunitetin futbollistik dhe dëmton jo vetëm Federatën, por mbi të gjitha Kombëtaren.

FSHF u bën thirrje të gjithë tifozëve të Kombëtares që të shmangin çdo veprim që mund të dëmtojë skuadrën tonë, të respektojnë rregullat ndërkombëtare dhe të kontribuojnë për një atmosferë dinjitoze në mbështetje të Shqipërisë.

“Vetëm të bashkuar dhe të përgjegjshëm mund ta mbështesim Kombëtaren siç ajo e meriton”, thuhet në njoftimin e FSHF-së.

The post Ndeshja Shqipëri–Serbi, FSHF dënohet nga FIFA me gjobë 161.500 franga zvicerane dhe mbyllje 20% të stadiumit në ndeshjen me Letoninë appeared first on Agjencia Telegrafike Shqiptare.

Kozak Braçi i njohur për prodhimtarinë në TikTok, është gjobitur me 100.000 lekë gjobë nga policia e Tiranës, pak kohë pasi një video e tij, ku mësonte një turist sesi të hidhte mbeturinat nga makina në rrugë, qarkulloi në rrjetet sociale. “Nuk është problem. Nuk është problem në Shqipëri”, dëgjohet Braçi teksa i sugjeron turistit, që ndodhet pasagjer në të njëjtin automjet me të, që të bëj edhe…

Source

Gjykata e Posaçme ka dënuar me 3 vjet e 6 muaj burgim ish-shefin e anti-drogës në Policinë e Durrësit, Gazmir Preçi. Ai është shpallur fajtor për kryerjen e veprës penale “Korrupsioni pasiv i personave që ushtrojnë funksione publike. Për shkak të gjykimit të shkurtuar, Preçit i është ulur dënimi në 2 vjet e 4 muaj burgim. […]

The post 20 mijë euro “gjobë” pronarit të një lokali, GJKKO jep dënimin për ish shefin e anti-drogës në Durrës appeared first on BoldNews.al.

Policia e Sarandës ka bllokuar një skaf si dhe ka gjobitur drejtuesin e saj me 100 mijë lekë pasi shkeli perimetrin e sigurisë gjatë lundrimit duke u kthyer në rrezik për pushuesit në plazhin e Borshit.

Sipas raportimeve, aksioni i policisë ndodhi pas denoncimeve në rrjete sociale me anë të pamjeve filmike se një mjet lundrues ka shkelur perimetrin e sigurisë ujore për plazhistët duke rrezikuar jetën e tyre.

“Shërbimet e Policisë Kufitare pas lokalizimit dhe bllokimit të mjetit lundrues që shfaqej në pamjet e publikuara, kanë ndëshkuar drejtuesin e këtij mjeti, A. Ll., me masën administrative 100 000 lekë, për shkelje të nenit 24/1/c “Zhvillimi i aktiviteteve jashtë zonave të kufizuara”, të ligjit nr. 43/2020”, njoftoi policia vendore.

Policia Kufitare apeloi për të gjithë përdoruesit e mjeteve lundruese, që të respektojnë me rigorozitet perimetrin e sigurisë ujore për pushuesit, të zbatojnë rregullat për përdorimin e mjeteve lundruese dhe të respektojnë zonat e përcaktuara për lundrim me këto mjete.

The post Rrezikoi jetën e pushuesve në Borsh, bllokohet skafi dhe gjobitet pronari me 100 mijë lekë appeared first on Albeu.com.

Franca njoftoi të enjten një gjobë rekord prej 40 milionë eurosh kundër Shein për praktika mashtruese tregtare pas një hetimi mbi konkurrencën, duke thënë se ai i kishte mashtruar klientët në lidhje me marrëveshjet e çmimeve dhe ndikimin e tij në mjedis. Agjencia franceze e konkurrencës tha se hetimi zbuloi se Shein përdori praktika tregtare mashtruese ndaj konsumatorëve […]

The post Franca gjobit me 40 milionë euro Shein pas një hetimi mbi ofertat “mashtruese” appeared first on BoldNews.al.

TIRANË, 24 qershor/ATSH/ Drejtoria Vendore e Policisë Vlorë vendosi gjobë ndaj një shtetasi, i cili lëvizte me automjet në bregdet.

Pas një videoje të publikuar në rrjete sociale, shërbimet e Komisariatit të Policisë Vlorë, në bashkëpunim me specialistët e Sektorit të Policisë Rrugore, kanë lokalizuar automjetin që shfaqet në pamjet e publikuara dhe kanë identifikuar drejtuesin e tij.

Pas shoqërimit të automjetit në ambientet e komisariatit, shtetasit Gj. I.  iu vendos masa administrative 53 000 lekë, për shkeljen e 3 neneve të Kodit Rrugor, “Rregullimi i qarkullimit në qendrat e banuara “Shpejtësia” dhe “Mosrespektimi i sinjalizimit rrugor”.

Policia sqaroi se ky shtetas nuk është punonjës i Policisë së Shtetit.

Drejtoria Vendore e Policisë Vlorë është e angazhuar maksimalisht për të garantuar rendin dhe sigurinë publike gjatë sezonit turistik, me qëllim krijimin e një ambienti të qetë dhe të sigurtë për të gjithë pushuesit, vendas dhe të huaj. Çdo shkelje që cenon këtë objektiv do të trajtohet me zero tolerancë.

DVP Vlorë fton qytetarët të denoncojnë çdo rast paligjshmërie apo shkelje të rregullave të qarkullimit rrugor, duke telefonuar në numrin 112.

/k.s/j.p/

The post Lëvizte me automjet në bregdet, Policia e Vlorës gjobë shoferit appeared first on Agjencia Telegrafike Shqiptare.

Policia ka vendosur gjobë prej 53 mijë lekësh te reja për drejtuesin e një automjeti që shfaqej në një video në rrjetet sociale duke lëvizur në bregdetin e Vlorës, në zonën e plazhit. Lajmin e ka bërë të ditur vetë Policia përmes një njoftimi, ku shkruhet se ai ka shkelur 3 nene të Kodit Rrugor, […]

The post Qarkulloi me makinë në zonën e plazhit të Vlorës, e pëson shoferi appeared first on BoldNews.al.

Një 32-vjeçar është gjobitur me 100 000 lekë të rinj pasi lundroi në një zonë të ndaluar në bregdetin e Velipojës. Në njoftimin zyrtar blutë bëjnë me dije se kanë bërë gjithashtu edhe bllokimin e mjetit lundrues.

Njoftimi i policisë:

Në lidhje me një video të publikuar në rrjetet sociale, ku shfaqet një mjet lundrues tip skaf, duke lundruar brenda perimetrit të sigurisë për pushuesit, në zonën e Velipojës, ju informojmë se:

Shërbimet e Policisë Kufitare kanë identifikuar drejtuesin e mjetit, shtetasin A. M., 32 vjeç, dhe kanë bërë bllokimin e mjetit lundrues.

Drejtuesit të mjetit lundrues, shërbimet e Policisë Kufitare i vendosën masën administrative prej 100 000 lekësh të rinj, në bazë të ligjit nr. 43/2020, neni 24, germa “c”.

Policia e Shtetit apelon për të gjithë përdoruesit e mjeteve lundruese që të respektojnë me përpikëri rregullat e lundrimit dhe perimetrin e sigurisë së përcaktuar për pushuesit në plazhe.

The post Sezoni turistik/ Gjobitet me 1 mln lekë drejtuesi i skafit, lundroi në zonë të ndaluar të bregdetit appeared first on Sot News | Lajme.

Komisioni Evropian ka vendosur një gjobë prej gati 400 milionë euro për Greqinë, për shkak të keqmenaxhimit të fondeve bujqësore të BE-së dhe kontrolleve të pamjaftueshme.

Brukseli ka urdhëruar Athinën të kthejë 392.2 milionë euro nga fondet evropiane, për shkak të dështimeve sistematike në menaxhimin e subvencioneve bujqësore nga viti 2016 deri në 2023.

Agjencia greke përgjegjëse për mbikëqyrjen e pagesave bujqësore të BE-së akuzohet gjithashtu për kryerjen e pagesave pa verifikime të mjaftueshme dhe pa inspektime në terren.

Gjobat vijnë pas një skandali të madh mashtrimi në sektorin bujqësor grek, që po hetohet nga Zyra Evropiane e Prokurorit Publik (EPPO) dhe që ishte objekt i një hetimi të POLITICO-së më herët gjatë këtij viti.

EPPO po ndjek dhjetëra raste ku shtetas grekë kanë marrë fonde evropiane për toka barishtore që nuk i zotëronin ose nuk i kishin marrë me qira, apo për punë bujqësore që nuk i kanë kryer kurrë, duke privuar bujqit e vërtetë nga paratë që u takonin.

Muajin e kaluar, qeveria greke njoftoi mbylljen e OPEKEPE, agjencisë shtetërore që është në hetim. Prokurorja kryesore evropiane, Laura Kövesi, në një intervistë për POLITICO, garantoi se hetimi për skemën e mashtrimit do të vazhdojë pavarësisht “sulmeve” dhe “frikësimeve” ndaj stafit të saj.

“Kundërvënia ndaj vendit tonë vazhdon dhe besueshmëria e tij ndaj institucioneve evropiane po bie në mënyrë drastike,” deklaroi në një komunikatë kreu i opozitës kryesore greke, Nikos Androulakis.

Sipas vendimit të datës 11 qershor, Komisioni Evropian ka vendosur një korrigjim të përgjithshëm prej 5 për qind mbi të gjitha subvencionet direkte greke për shkak të mungesës së mbikëqyrjes efektive.

Për kategori specifike, si programet për fermerët e rinj gjatë viteve 2018-2020, ky korrigjim shkon deri në 10 për qind. Dënimet më të mëdha vjetore, prej 79 milionë dhe 76 milionë eurosh, lidhen me pagesat sipas zonave, të kryera përkatësisht në vitet 2021 dhe 2022.

Gjobat ndikojnë në disa lloje subvencionesh, përfshirë pagesat direkte, programet për fermerët e vegjël, skemat ekologjike dhe masat vullnetare të mbështetjes së lidhur. Të gjitha u konsideruan me përputhje të pamjaftueshme me kriteret e BE-së.

Greqia pritej të merrte rreth 1.9 miliardë euro në pagesa direkte nga BE-ja vitin e ardhshëm, por tani rreth një e katërta e kësaj shume do të reduktohet për shkak të gjobës.

Në mars të këtij viti, Gjykata e Përgjithshme e Bashkimit Evropian refuzoi një ankesë të Greqisë kundër një seti të ngjashëm sanksionesh, duke mbështetur gjetjet e Komisionit Evropian dhe duke urdhëruar Greqinë të paguajë shpenzimet gjyqësore.

Vendimi aktual nuk lidhet drejtpërdrejt me hetimet për pretendimet mashtruese për tokat barishtore. Sipas zyrtarëve grekë të bujqësisë, priten gjoba të tjera./politico

The post Komisioni Evropian gjobit Greqinë me 400 milionë euro për keqmenaxhim të fondeve bujqësore të BE-së appeared first on Albeu.com.

Një banor i Gramshit i është drejtuar emisionit “Fiks Fare” për një problem me një shofer të autobusit Tiranë – Athinë, i cili i ka marrë 800 euro për t’i vulosur pasaportën pa qenë ai i pranishëm. Shoferi i ka vendosur vulën, por kur denoncuesi kalon doganën pas disa javësh, pala greke i thotë se […]

The post Shoferi i autobusit Tiranë-Athinë i merr 800 euro për vulë në pasaportë, pala greke i vë gjobë 1.200 euro appeared first on BoldNews.al.

Një 39-vjeçar është arrestuar mbrëmjen e kaluar në Vlorë, pasi kundërshtoi me dhunë punonjësit e policisë gjatë ushtrimit të detyrës. Konkretisht ngjarja ka ndodhur rreth orës 21:00, në lagjen ‘Hajro Çakërri’, ku 39-vjeçari me iniciale N.A kishte ndaluar dhe parkuar automjetin e tij në kundërshtim me rregullat e qarkullimit rrugor, duke penguar lëvizjen e lirë të mjeteve dhe kalimtarëve.

Sipas njoftimit zyrtar të policisë, pas komunikimit të masës administrative për shkeljen, 39-vjeçari ka kundërshtuar me dhunë punonjësit e patrullës së përgjithshme, gjatë ushtrimit të detyrës. Gjithashtu materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

The post 39-vjeçari në Vlorë bën “të fortin” për një gjobë, arrestohet nga policia appeared first on Lapsi.al.