Edi Rama e bëri prapë! Për herë të tretë, kryeministri shqiptar u gjunjëzua para Giorgia Melonit, kësaj here në Konferencën për Rimëkëmbjen e Ukrainës. Me duart e kapura, buzëqeshje dhe pak teatrale, Rama iu drejtua Melonit si një kalorës i mesjetës që takon mbretëreshën e tij. Edhe pse Meloni më herët e ka “qortuar” me […]

The post Rama sërish në gjunjë para Melonit, diplomacia në version “show personal” appeared first on BoldNews.al.

BERLIN, 9 korrik /ATSH-DPA/ – Kancelari gjerman, Friedrich Merz shprehu besimin se një marrëveshje do të arrihet së shpejti në mosmarrëveshjen për tarifat SHBA-BE, disa ditë pasi presidenti i SHBA-së Donald Trump e zgjati afatin e tij për arritjen e një marrëveshjeje deri më 1 gusht.

Në një debat të madh në Bundestag, Merz tha se ishte “optimist i kujdesshëm” se një marrëveshje mund të vuloset në ditët e ardhshme ose më së voni deri në fund të muajit.

“Qëllimi ynë është të arrijmë një marrëveshje tregtare me Shtetet e Bashkuara të Amerikës sa më shpejt të jetë e mundur, një që lidh tregtinë reciproke midis Amerikës dhe Bashkimit Evropian me tarifat më të ulëta të mundshme”, tha Merz.

“Arritja e këtij qëllimi nuk është e lehtë duke pasur parasysh kërkesat aktuale të qeverisë amerikane”, pranoi ai, duke shtuar se po ‘’punonte shumë për të gjetur një zgjidhje”, shtoi ai.

Komisioni Evropian ka negociuar me Uashingtonin për mosmarrëveshjen doganore për muaj të tërë.

Administrata Trump ka njoftuar një tarifë bazë prej 10% për të gjitha mallrat e BE-së, së bashku me tarifa të mëtejshme specifike për sektorët kryesorë si makinat, alumini dhe çeliku.

Një afat për bisedime që duhej të skadonte të mërkurën u shty për në gusht nga Trump, i cili më parë këtë javë publikoi më shumë se një duzinë letrash me detaje mbi kërkesat e tij tarifore ndaj vendeve të ndryshme, kryesisht në Azi./  /os/

The post BERLIN – Merz: Optimist mbi marrëveshjen tarifore BE-SHBA appeared first on Agjencia Telegrafike Shqiptare.

BERLIN, 4 korrik /ATSH-DPA/ – Ministri i Brendshëm gjerman, Alexander Dobrindt do të mirëpresë kolegët nga vendet fqinje për bisedime mbi shtrëngimin e politikës evropiane të migracionit, në malin më të lartë të vendit, në Bavari më 18 korrik.

Takimi në Zugspitze, një majë 2 962 metra në kufirin gjermano-austriak, synon të “ofrojë së bashku një shtysë të rëndësishme për një politikë më të ashpër evropiane të migracionit”, sipas një vlerësimi nga Ministria e Brendshme gjermane.

Përveç ministrave të brendshëm të Francës, Polonisë, Austrisë, Danimarkës dhe Republikës Çeke, është ftuar të marrë pjesë edhe Komisioneri Evropian për Çështjet e Brendshme dhe Migracionin, Magnus Brunner.

Ministrat do të diskutojnë gjithashtu se si të luftohet më mirë trafikimi i qenieve njerëzore dhe deportimet në takim, i cili do të mbahet rreth 100 kilometra në jugperëndim të Mynihut.

Shtetet anëtare të BE-së kanë diskutuar prej kohësh shtrëngimin e mëtejshëm të rregullave të reja të Sistemit të Përbashkët të Azilit të Bashkimit Evropian, të njohur si GEAS, që do të zbatohen deri në vitin 2026./   /os/

The post GJERMANI – Samit për shtrëngimin e politikës evropiane të migracionit appeared first on Agjencia Telegrafike Shqiptare.

KIEV, 30 qershor /ATSH-DPA/ – Presidenti ukrainas, Volodymyr Zelensky i ka kërkuar Gjermanisë të furnizojë sisteme shtesë të mbrojtjes ajrore IRIS-T për t’iu kundërvënë sulmeve të rënda ruse me dronë dhe raketa.

Ai e diskutoi këtë çështje me ministrin e Jashtëm gjerman, Johann Wadephul gjatë një takimi në kryeqytetin ukrainas.

Në fillim të vizitës së tij të parë në Kiev që nga marrja e detyrës në fillim të majit, Wadephul inspektoi një instalim të mbrojtjes ajrore IRIS-T, i cili luan një rol vendimtar në mbrojtjen e Kievit nga sulmet ruse.

Që nga prilli, Gjermania i ka siguruar Ukrainës gjashtë nga këto sisteme dhe ka premtuar edhe 10 të tjera.

Gjermania dhe Ukraina synojnë të rrisin bashkëpunimin në sektorin e mbrojtjes, deklaroi ministri i Jashtëm gjerman, Johann Wadephul, ndërsa vizitoi Kievin për herë të parë që nga marrja e detyrës muajin e kaluar.

“Bashkëpunimi ynë në mbrojtje është një kartë e fortë e vërtetë”, tha Wadephul në një takim me homologun e tij ukrainas Andrii Sybiha në Kiev.

“Është një vazhdim logjik i furnizimeve tona materiale dhe ne mund të përfitojmë prej tij nga të dyja palët. Me pasurinë tuaj të ideve dhe përvojës, ne gjithashtu do të bëhemi më të mirë”, shtoi ai.

Wadephul u shoqërua në Kiev nga përfaqësues të lartë të kompanive gjermane të mbrojtjes dhe tha se do t’i çonte drejtuesit e mbrojtjes në një takim me presidentin Volodymyr Zelensky.

“Unë besoj se është në interes të të dyja palëve që të punojmë më ngushtë së bashku këtu”, tha ai.

Qëllimi është të krijohen sipërmarrje të reja të përbashkëta në industrinë e mbrojtjes “në mënyrë që Ukraina të mund të prodhojë më shpejt dhe më shumë për mbrojtjen e saj,” tha ministri i Jashtëm./  /os/

The post KIEV – Zelensky kërkon nga Gjermania më shumë sisteme të mbrojtjes ajrore IRIS-T appeared first on Agjencia Telegrafike Shqiptare.

Sipas raportimeve të BILD, lexuesit dërguan foto që tregonin një re të madhe tymi që shtrihej mbi qytet.

Zjarri shpërtheu rreth orës 8:30 të mëngjesit, ndërsa po kryheshin punime në çati. Një gazetar i “BILD” që ishte pranë përshkroi tre shpërthime të forta, me valë të forta goditëse që u ndjenë edhe në ndërtesat fqinje. Shpërthimet ndodhën pak minuta nga njëra-tjetra.

Beteja me flakët zgjati më shumë se dy orë. Deri në orën 10:30, zjarrfikësit arritën të shuanin pjesën kryesore të zjarrit në çati, megjithatë pjesa e jashtme e ndërtesës vazhdon të laget nga zjarrfikësit si masë paraprake.

Departamenti i Zjarrfikësve vlerëson se zjarri filloi në çati, ku kishte material të ndezshëm. Kjo është ndërtesa e re “John Jahr Haus”, një kompleks zyrash dhe shitjesh me pakicë i teknologjisë së fundit, me një buxhet prej 115 milionë eurosh.

Rreth 100 zjarrfikës nxituan në vendngjarje dhe luftuan për ta vënë zjarrin nën kontroll. Deri më tani, nuk ka raportime për të lënduar.

Sipas një zëdhënësi të Departamentit të Zjarrfikësve, punëtorët arritën të largoheshin të sigurt duke përdorur një ashensor të jashtëm.

The post Çfarë po ndodh?/ Shpërthime në Berlin, re të zeza tymi mbulojnë kryeqytetin gjerman, autoritetet nisin evakuimet appeared first on Sot News | Lajme.

Një zjarr i fuqishëm ka shpërthyer këtë të hënë në katin e sipërm të një ndërtese 17-katëshe në ndërtim e sipër në qendër të Berlinit, shumë pranë selisë së partisë Bashkimi Kristian Demokrat (CDU).

Ngjarja ndodhi në çatinë e ndërtesës “John Jahr Haus”, e cila ndodhet në kryqëzimin mes rrugëve Kurfürstenstrasse dhe Schillstrasse. Sipas raportimeve të para, gjatë zjarrit janë dëgjuar tre shpërthime të forta që dyshohet se janë shkaktuar nga cilindrat e gazit të përdorura gjatë ndërtimeve në ndërtesë.

Më shumë se 100 zjarrfikës u angazhuan në operacionin për shuarjen e flakëve, ndërsa rrugët përreth u mbyllën për qarkullimin e automjeteve, duke shkaktuar trafik të rënduar në zonë.

Autoritetet gjermane konfirmuan se nuk ka të lënduar dhe se të gjithë punëtorët në kantier janë evakuuar në mënyrë të sigurt përmes një ashensori të jashtëm ndihmës. Deri më tani, nuk është përcaktuar shkaku i saktë i zjarrit, ndërsa hetimet janë në vijim.

John Jahr Haus është ndërtesa më e lartë në zonën e Kurfürstenstrasse dhe ndodhet rreth 400 metra nga objektet kryesore qeveritare në kryeqytet.

LEXONI GJITHASHTU:

• VIDEO/ Zjarr i madh në Durrës, tregu i plazhit përfshihet nga flakët
• PAMJE/ Tregtarët në panik, zjarri shkrumbon tregun e Plazhit në Durrës

The post Zjarr në një ndërtesë shumëkatëshe në qendër të Berlinit, pranë selisë së CDU-së appeared first on Euronews Albania.

Berlini ka ndaluar financimin për OJQ-të aktive në Detin Mesdhe.

Ministria e Jashtme gjermane deklaroi se qeveria “nuk planifikon të ofrojë mbështetje të mëtejshme financiare për organizatat joqeveritare që merren me shpëtimin e emigrantëve në Mesdhe”.

Në vitin 2022, Bundestagu kishte vendosur të financonte shpëtimin civil detar me rreth 2 milionë euro në vit deri në vitin 2026.

Financimi i OJQ-ve nën qeverinë e mëparshme Scholz kishte shkaktuar polemika në Itali dhe ishte kritikuar gjithashtu në Gjermani, veçanërisht nga CDU, e cila ishte në opozitë në atë kohë.

The post Berlini ndërpret financimet për OJQ-të në Mesdhe që merren me shpëtimin e emigrantëve appeared first on Albeu.com.

BERLIN, 19 qershor /ATSH-AA/ – Qeveria e re e Gjermanisë ka miratuar eksporte armësh me vlerë rreth 4,0 milionë euro për Izraelin, në pesë javët e para të mandatit të saj.

Duke iu përgjigjur një pyetjeje nga Partia e Majtë, Ministria gjermane e Ekonomisë dhe Mbrojtjes së Klimës njoftoi se qeveria lejoi prodhuesit gjermanë të furnizonin armë midis 7 majit dhe 10 qershorit, me vlerë 3 milionë e 986 mijë euro për Izraelin, i cili akuzohet për kryerjen e gjenocidit në Gaza.

Nga ana tjetër, shitjet e armëve dhe pajisjeve ushtarake të Gjermanisë në Izrael ishin 161,1 milionë euro në vitin 2024.

Qeveria gjermane miratoi shitjen e armëve dhe pajisjeve ushtarake me vlerë prej 327 milionë eurosh për Izraelin në vitin 2023.

Në vitin 2023, shitjet e armëve dhe pajisjeve ushtarake të Gjermanisë në Izrael u rritën 10-fish krahasuar me vitin 2022.

Në Gjermani, vendimi për eksportet e armëve bëhen me pjesëmarrjen e Ministrisë së Çështjeve Ekonomike dhe Mbrojtjes së Klimës, Ministrisë së Punëve të Jashtme dhe Zyrës Federale për Çështje Ekonomike dhe Kontrollin e Eksportit (BAFA).

Në raste veçanërisht të ndjeshme, Këshilli Federal i Sigurisë, i cili përfshin kryeministrin dhe ministra të tjerë, mund të marrë vendimin. Ndërkaq, nuk jepet informacion për publikun lidhur me eksportet e armëve të Gjermanisë në Izrael nëpërmjet vendeve të treta./   /os/

The post BERLIN – Gjermania miraton eksportin e armëve për Izraelin appeared first on Agjencia Telegrafike Shqiptare.

Në Berlin, kryeministri Edi Rama mori pjesë në ceremoninë e ndarjes së çmimit të njohur “Charlemagne” për Ursula von der Leyen, presidente e Komisionit Evropian. Ky çmim i jepet për kontributet e saj të rëndësishme në forcimin e unitetit evropian, ndërsa Bashkimi Evropian po përballet me sfida të mëdha, si lufta në Ukrainë, tensionet tregtare me SHBA-në dhe çështje të sigurisë në kontinent.

Në ceremoni, Mbreti Felipe VI i Spanjës e përshkroi von der Leyen si “mishërimin e shpirtit evropian”, duke vlerësuar rolin e saj kyç në politikën evropiane. Ursula von der Leyen u rizgjodh vitin e kaluar për një mandat të dytë si presidente e Komisionit Evropian, organit ekzekutiv të BE-së, i cili harton dhe zbaton ligjet që prekin 27 vendet anëtare dhe mbi 450 milionë qytetarët e tyre.

Që prej marrjes së detyrës në 2019, von der Leyen ka drejtuar përpjekjet për sigurimin e vaksinave kundër COVID-19 në të gjithë Evropën dhe ka qenë një mbështetëse e fortë e Ukrainës në përballjen me agresionin rus. Me situatën politike të pasigurtë në vende kyçe si Franca dhe Gjermania, ajo ka kërkuar të forcojë rolin e saj dhe të Komisionit në drejtimin e politikave të bllokut evropian.

The post Kryeministri Rama në Berlin, pjesë e ceremonisë për çmimin “Charlemagne” që iu dha Ursula von der Leyen appeared first on Sot News | Lajme.

Kancelari gjerman Friedrich Merz mbajti një konferencë për shtyp pas bisedimeve me presidentin ukrainas Volodymyr Zelensky në Berlin, ku njoftoi vendimin e Gjermanisë për të financuar prodhimin e raketave me rreze të gjatë në Ukrainë. Megjithatë, ai mohoi dorëzimin e raketave gjermane Taurus, të cilat Zelensky i ka kërkuar prej kohësh.

Duke iu përgjigjur pyetjeve për Taurus, Merz theksoi se Gjermania synon të mbështesë prodhimin e përbashkët të këtyre raketave, por preferoi të mos zbulonte detaje në mënyrë publike.

“Nuk do të hyj në detaje këtu, por më lejoni të them se mbështetja ushtarake do të vazhdojë dhe ne do ta zgjerojmë mbështetjen në mënyrë që Ukraina të mund të vazhdojë të mbrojë veten,” tha kancelari.

Ai shtoi se Gjermania do të financojë një sasi të konsiderueshme të sistemit komunikues Starlink dhe se ministritë e mbrojtjes së të dy vendeve do të nënshkruajnë një memorandum për raketat me rreze të gjatë, pa kufizime në distancë, në mënyrë që Ukraina të ketë mundësi të mbrojë territoret e saj edhe përtej kufijve.

“Gjermania dëshiron paqe të përhershme për Ukrainën,” përfundoi Merz në konferencën e shtypit.

Kremlini ka paralajmëruar Gjermaninë se heqja e kufizimeve mbi rrezen e veprimit të raketave që Ukraina mund të përdorë përbën një ndryshim të rrezikshëm në politikën e Rusisë, që mund të dëmtojë përpjekjet për arritjen e një marrëveshjeje politike.

Megjithatë, Merz theksoi se vendimi për heqjen e këtyre kufizimeve ishte marrë nga aleatët perëndimorë disa muaj më parë.

Nga ana e tij, presidenti ukrainas Volodymyr Zelensky ka kërkuar rifillimin e bisedimeve për paqe, duke propozuar një takim trepalësh mes tij, presidentit rus Vladimir Putin dhe presidentit amerikan Donald Trump.

Zëdhënësi i Kremlinit, Dmitry Peskov, nuk e përjashtoi mundësinë e një takimi të tillë, por theksoi se takimi mund të ndodhë vetëm pas arritjes së “marrëveshjeve konkrete” midis delegacioneve të Ukrainës dhe Rusisë.

LEXONI GJITHASHTU:

• Reuters zbulon kushtet e Putinit për marrrëveshjen e paqes në Ukrainë
• Kriset marrëdhënia, Musk kritikon projektligjin e Trump: E rrezikshme për financat

The post Gjermania sfidon Rusinë, premtimet që Merz i dha Zelenskyt në Berlin appeared first on Euronews Albania.

Mesfushori shqiptar Dion Ajvazi ka nënshkruar kontratën e tij të parë profesionale me klubin e njohur gjerman Hertha Berlin. 

Kjo kontratë të cilën e nënshkroi 21-vjeçari do të jetë e vlefshme deri në vitin 2027 ka konfirmuar klubi përmes një njoftimi në rrjetet sociale. 

“Hapi tjetër në rrugën drejt Berlinit për Dion Ajvazin: Mesfushori ka nënshkruar kontratën e tij të parë profesionale me klubin tonë të kryeqytetit. Kontrata e re e 21-vjeçarit është e vlefshme deri në vitin 2027”. 

“Jemi të kënaqur që kemi një tjetër lojtar vendas që luan tek Hertha. Dioni ishte një lojtar absolutisht kyç për ekipin tonë U23 sezonin e kaluar. Tani duhet ta ndihmojmë atë të bëjë hapin tjetër në zhvillimin e tij”, ka thënë  drejtori sportiv Benjamin Weber. 

I lumtur për nënshkrimin me Hertha Berlinin ishte edhe Ajvazi, i cili falenderoi të gjithë për besimin që patën tek ai. 

“Jam shumë i lumtur dhe falënderoj ata që janë përgjegjës për besimin e tyre tek unë. Kjo kontratë është një motivim i madh për mua që të vazhdoj të jap gjithçka për Herthën në të ardhmen”, ka thënë Ajvazi. 

Ajvazi nga BFC Dynamo u transferua në akademinë e Herthas në vitin 2017. 

 Pas 12 paraqitjeve gjatë dy sezoneve të mëparshme, Ajvazi u bë një lojtar i rregullt në grupmoshat U23 të Hertha Berlinit në sezonin 2024/25.  

Reprezentuesi i Shqipërisë U21 bëri 30 paraqitje në Regionalliga Nordost dhe gjithashtu shënoi katër gola dhe pati nëntë asistime./Telegrafi/

The post Dion Ajvazi nënshkruan me Hertha Berlinin appeared first on Telegrafi.

Me një vendim të kabinetit, qeveria e re federale në Gjermani ka vendosur të shfuqizojë disa poste të dërguarish të posaçëm – përfshirë edhe postin për Ballkanin Perëndimor. Ky post ishte krijuar në vitin 2022 nga ministrja e atëhershme e Jashtme, Annalena Baerbock (Të Gjelbrit), për të mbështetur me intensitet procesin e afrimit të rajonit me Bashkimin Evropian.

Ministria e Jashtme Gjermane i tha DW se ky vendim është pjesë e një premtimi qendror të qeverisë së re: shkurtimi dhe thjeshtimi i strukturave shtetërore. “Detyrat që më parë i përkisnin dërguarit të posaçëm do të kalojnë në sektorët përkatës të ministrisë”, i tha një zëdhënës i ministrisë DW dhe shtoi se bashkëpunimi me vendet e rajonit do të vazhdojë të jetë i ngushtë dhe i thelluar, ndërsa Procesi i Berlinit dhe mbështetja për anëtarësimin në BE do të mbeten prioritete të qarta.

Rol ndërmjetësues në Ballkanin Perëndimor

Manuel Sarrazin (Të Gjelbrit), i cili e mbajti këtë post deri tani, ka qenë një figurë shumë aktive në politikën gjermane për Ballkanin Perëndimor. Ai udhëtonte rregullisht në rajon, merrte pjesë në samite dhe ndërmjetësonte mes qeverive. Veçanërisht në kuadër të Procesit të Berlinit, Sarrazin pati një rol kyç në arritjen e marrëveshjeve për mobilitetin në kuadër të Procesit të Berlinit. Në qeverinë e mëparshme tripartiake, Ballkani Perëndimor gëzonte një rëndësi të veçantë.

Në marrëveshjen e re të koalicionit mes socialdemokratëve dhe demokristianëve rajoni përmendet shumë pak. Edhe pse me ministrin e Jashtëm Johann Wadephul dhe ministrin e Evropës Gunther Krichbaum – Gjermania ka në krye të diplomacisë dy njohës të Ballkanit Perëndimor, rajoni nuk arriti të gjente vend as në fjalimin e kanclearit Merz e as në atë të ministrit të jashtëm Wadephul, gjatë prezantimit të prioriteteve të tyre qeveritare të mërkurën, më 14 maj, në Bundestag.

Reagime të përziera në Bundestag

Deputeti i Të Gjelbërve Boris Mijatovic e kritikon heqjen e postit të të dërguarit të posaçëm për Ballkanin Perëndimor. Ai vlerëson se ky rol ishte një instrument i rëndësishëm politik për të dërguar sinjale mbështetjeje ndaj rajonit dhe për të përshpejtuar integrimin në BE. “Siç duket, qeveria e re po largohet nga ideja e një afrimi të shpejtë të rajonit me Bashkimin Evropian”, tha ai për Deutsche Wellen.

Deputeti i partisë bashkëqeverisëse SPD, Adis Ahmetovic, në të kundërtën siguron për DW se me Wadephul dhe Krichbaum qeveria e re ka në krye të diplomacisë figura me përvojë të thellë në rajon dhe çështja do të trajtohet në “nivel të lartë”. “Integrimi i vendeve të Ballkanit Perëndimor do të mbetet një prioritet i lartë për ne si grup parlamentar i SPD-së,” tha Ahmetovic për Deutsche Wellen.

The post “Procesi i Berlinit mbetet prioritet”/ Gjermania heq të dërguarin për Ballkanin Perëndimor, ja arsyeja appeared first on Sot News | Lajme.

BERLIN, 14 maj /ATSH-DPA/ – Kancelari i ri gjerman, Friedrich Merz deklaroi se do të mbështeste unitetin transatlantik në negociatat me Rusinë për t’i dhënë fund luftës në Ukrainë.

“Është me rëndësi themelore që Perëndimi politik të mos lejojë veten të përçahet”, tha konservatori në deklaratën e tij të parë qeveritare në parlament, një javë pasi mori detyrën.

“Për këtë arsye, unë do të vazhdoj të bëj çdo përpjekje për të siguruar unitetin më të madh të mundshëm midis partnerëve evropianë dhe amerikanë”, shtoi ai.

Komentet e tij vijnë pas një ndryshimi në politikën e jashtme të SHBA-së, duke nxitur frikën se administrata e Donald Trump mund të bëjë lëshime ndaj Rusisë në bisedimet e paqes me Ukrainën.

Deri më tani, aleatët evropianë të Uashingtonit janë përjashtuar kryesisht nga bisedimet SHBA-Rusi të iniciuara nga Trump.

Merz theksoi se Ukraina nuk mund të detyrohet të pranojë një marrëveshje paqeje kundër vullnetit të saj.

”Shpresojmë dhe po punojmë shumë për të siguruar që ky qëndrim i qartë të merret jo vetëm në të gjithë Evropën, por edhe nga partnerët tanë amerikanë”, shtoi ai.

Në të njëjtën kohë, ai falënderoi Trump për mbështetjen e tij për propozimin e përbashkët nga Gjermania, Franca, Polonia dhe Mbretëria e Bashkuar për një armëpushim 30-ditor pa kushte./   /os/

The post BERLIN – Merz: Perëndimi nuk mund t’i lejojë vetes të përçahet appeared first on Agjencia Telegrafike Shqiptare.

BERLIN, 9 maj /ATSH-AA/ – Kancelari gjerman, Friedrich Merz dhe presidenti i SHBA-së, Donald Trump, gjatë telefonatës së tyre të parë kanë theksuar nevojën për të forcuar bashkëpunimin për t’i dhënë fund luftës në Ukrainë.

Zëdhënësi i sapo emëruar i qeverisë gjermane, Stefan Kornelius njoftoi se dy liderët ranë dakord për rëndësinë e “bashkëpunimit të ngushtë me qëllim përfundimin e luftës në Ukrainë”.

Kornelius tha se kancelari Merz gjithashtu mbështeti thirrjen e presidentit Trump që lufta Rusi-Ukrainë të përfundojë shpejt. “Rusia tani duhet të bie dakord për armëpushim për të krijuar hapësirë për negociata”, tha Kornelius, duke kërkuar nga Kremlini të ndërmarrë hapa të menjëhershme.

Trump u zotua për mbështetje “të fuqishme” ndaj përpjekjeve gjermane, së bashku me Francën, Mbretërinë e Bashkuar, Poloninë dhe partnerë të tjerë evropianë, për të kërkuar paqe të qëndrueshme në rajon.

Të dy liderët gjithashtu ranë dakord të vazhdojnë shkëmbimet e rregullta dhe të planifikojnë vizita reciproke në SHBA dhe Gjermani.

Merz, lideri konservator i cili të martën mori detyrën si kancelar i 10-të i Gjermanisë, të mërkurën në Paris shprehu mbështetje të plotë për iniciativën e armëpushimit të Trumpit gjatë një konference të përbashkët për media me presidentin francez, Emmanuel Macron.

“Më lejoni të jem shumë i qartë, presidenti Trump ka mbështetjen tonë të plotë për t’i dhënë fund kësaj lufte dhe për të ndaluar vrasjet në Ukrainë”, tha Merz.

“Ne do të punojmë ngushtë me SHBA-në, Ukrainën dhe partnerët tanë evropianë për një paqe të drejtë, të përhershme dhe të qëndrueshme. Sapo të arrihet një armëpushim, ne jemi të gatshëm të marrim pjesë në monitorimin e tij nën udhëheqjen dhe pjesëmarrjen e SHBA-së”, shtoi ai.

Kancelari i sapo zgjedhur gjerman gjithashtu njoftoi plane për të vizituar Kievin në javët e ardhshme për të riafirmuar mbështetjen e Gjermanisë për Ukrainën.

I pyetur për garancitë e mundshme të sigurisë për Ukrainën, Merz tha se është shumë herët për të diskutuar detaje specifike. “Derisa të ketë armëpushim të përhershëm dhe marrëveshje të paqes me Rusinë, ne nuk mund të japim asnjë informacion në lidhje me shkallën e garancive të sigurisë që mund t’i ofrojmë Ukrainës, sepse thjesht nuk i dimë kushtet”, u tha ai gazetarëve.

Merz theksoi se nga pikëpamje e tyre, mbetet e rëndësishme që “SHBA-ja të mbetet e përfshirë në këtë proces” dhe gjithashtu në një kornizë të mëvonshme të garancive të sigurisë për Ukrainën.

“Mbi të gjitha, kjo luftë duhet të përfundojë përgjithmonë dhe jo siç po propozohet aktualisht, thjesht të ndalet për disa ditë”, tha Merz duke iu referuar armëpushimit 3-ditor të shpallur nga presidenti rus, Vladimir Putin, nga mëngjesi i 8 majit deri më 11 maj./ /os/

The post FOKUS – Merz dhe Trump premtojnë bashkëpunim për fundin e luftës në Ukrainë appeared first on Agjencia Telegrafike Shqiptare.

Në kuadër të përzgjedhjes si “Vendi i Nderit” në Panairin Ndërkombëtar të Turizmit ITB Berlin, Shqipëria ka raportuar një kosto prej 2.8 milionë euro, ndërsa zëra brenda sektorit të turizmit sugjerojnë se shifra mund të jetë më e lartë se ajo zyrtare. Shqipëria mbajti titullin “Vend i Nderit” në Panairin Ndërkombëtar të Turizmit në Berlin […]

The post “Vendi i Nderit” në Berlin na kushtoi miliona euro appeared first on BoldNews.al.

Jeni gati për një aventurë në një nga qytetet më magjepsëse të Evropës?

Berlini ju pret me energjinë e tij unike dhe atmosferën shumëkulturore – dhe tani është më lehtë se kurrë të shkoni atje!

PrishtinaTicket ju mundëson fluturime direkte çdo fundjavë nga Prishtina në Berlin, duke ju ofruar komoditet maksimal dhe udhëtime pa ndalesa.

Zbuloni një qytet që kombinon arkitekturën moderne me rrëfimet historike, nga lagjet artistike te galeritë e famshme dhe jeta dinamike e natës. Çdo cep i Berlinit ofron diçka të re për t’u përjetuar.

Mos e humbni mundësinë – siguro biletën tuaj tani me PrishtinaTicket dhe shfrytëzo ofertat që kemi për një udhëtim të veçantë në zemër të Gjermanisë!

Si ta rezervoni biletën tuaj?

Biletat mund ti rezervoni online duke hapur faqen www.prishtinaticket.net, ku mund të caktoni kohën e saktë të udhëtimit tuaj me çmime ekonomike.

Në çmim të biletës përfshihen FALAS rezervim i ulëses, check in, bagazh dore dhe bagazh deri në 20 kg.

Por, biletën tuaj mund ta rezervoni edhe duke kontaktuar shërbimin për klientë çdo ditë duke filluar nga ora 08:00 deri 23:00, në numrat e telefonit:

  +35220334188

+49 7621 9165 313

+41 61 510 06 86

+383 49 200 286

+46 470 580 944

+386 47 774 141

Mënyra e pagesës së biletës tuaj përfundohet lehtësisht nëpërmjet: Mastercard, Visa, Klarna Sofortüberweisung, Apple Pay, Google Pay, Twint, PostFinance ose E Finance.

Të gjitha destinacionet:

-Basel – Prishtinë

-Zürich – Prishtinë

-Geneva – Prishtinë

-Paris-Prishtinë

-Stuttgart – Prishtinë

-München – Prishtinë

-Düsseldorf – Prishtinë

-Hannover – Prishtinë

-Münster Osnabrück -Prishtinë

-Nürnberg – Prishtinë

-Berlin Brandenburg – Prishtinë

-Memmingen – Prishtinë

-Hamburg- Prishtinë

-Dortmund-Prishtinë

-Bremen-Prishtinë

-Köln-Prishtinë

-Ljubljana – Prishtinë

-Göteborg-Prishtinë

-Malmö-Prishtinë

-Luxemburg-Prishtinë

-Stockholm-Prishtinë

Kontaktet në Facebook dhe Instagram.

Udhëtoni sigurtë me ne sepse Prishtina Ticket është anëtare e Swiss Travel Security, të gjithë pasagjerët janë të siguruar për rezervimet e tyre.

The post Udhëtoni drejt Berlinit me PrishtinaTicket – çdo të shtunë, me fluturime direkte! appeared first on Telegrafi.

Ndeshja mes Union Berlin dhe Stuttgart, e vlefshme për javën e 30-të në Bundesligë, ka qenë një spektakël më vete. Rezultati përfundimtar 4-4 dhe të tetë golat janë shënuar brenda pjesës së parë. Vendasit shënuan dy herë të parët me Ilic 5′ dhe Leite 19′, më pas ishte radha e miqve për të shënuar dy […]

The post Spektakël në ndeshjen e Bundesligës, 8 gola të shënuar vetëm në pjesën e parë appeared first on BoldNews.al.

Rusia ka paralajmëruar se dorëzimi i raketave me rreze të gjatë veprimi “Taurus” nga Gjermania drejt Ukrainës do të përbënte një përfshirje të drejtpërdrejtë të Berlinit në konfliktin ushtarak. Përfaqësuesi i Rusisë në OKB, Vassily Nebenzia, në një intervistë për agjencinë Anadolu, tha se një veprim i tillë do të ishte hap i qartë drejt përshkallëzimit të luftës.

“Po, do të bëhej”, u shpreh Nebenzia kur u pyet nëse një veprim i tillë do ta bënte Gjermaninë palë aktive në konfliktin me Rusinë. Ai akuzoi Gjermaninë dhe vende të tjera perëndimore se tashmë janë të përfshira në luftë përmes mbështetjes ushtarake dhe logjistike ndaj Ukrainës, duke i cilësuar këto veprime si një luftë të zhvilluar përmes forcave “proxy”. Sipas tij, dorëzimi i raketave “Taurus”, të cilat kanë një rreze veprimi mbi 500 kilometra dhe aftësi të lartë për të goditur objektiva të fortifikuara, do të ishte një hap tjetër drejt përshkallëzimit serioz të konfliktit.

Duke folur edhe për përpjekjet për armëpushim, Nebenzia kujtoi një marrëveshje të pjesshme për të ndaluar sulmet ndaj infrastrukturës energjetike, për të cilën ishte rënë dakord mes presidentit rus Vladimir Putin dhe presidentit amerikan Donald Trump pas një bisede telefonike më 18 mars. Sipas tij, Rusia ka respektuar këtë marrëveshje, ndërsa Ukraina, pavarësisht deklaratave publike në mbështetje të saj, ka vazhduar me më shumë se 120 sulme, përfshirë edhe mbi objektet energjetike në territorin rus.

“Në këtë pikë është joreale të flitet për një armëpushim”, tha Nebenzia, duke theksuar se shkeljet e vazhdueshme nga pala ukrainase tregojnë mungesë të vullnetit për paqe. Ai gjithashtu u bëri thirrje vendeve evropiane dhe mbështetësve perëndimorë që të ndalojnë armatosjen e Ukrainës dhe të ushtrojnë presion për ndalimin e sulmeve ndaj infrastrukturës.

Duke e përmbyllur deklaratën e tij, Nebenzia akuzoi vendet evropiane për mungesë interesi në arritjen e paqes dhe i cilësoi politikat e tyre si shtytje të mëtejshme të Ukrainës drejt një konfrontimi të thelluar me Rusinë.

The post Rusia-Gjermanisë: Përfshiheni në luftë nëse i jepni Ukrainës raketat “Taurus” appeared first on Euronews Albania.

UASHINGTON, 12prill /ATSH-ANSA/ – Ukraina mund të ndahet, pothuajse si Berlini pas Luftës së Dytë Botërore”, sipas një marrëveshje paqeje midis Kievit dhe Moskës, theksoi i dërguari special i Donald Trump për Ukrainën dhe Rusinë, Keith Kellogg, në një intervistë për The Times.

Gjenerali, një figurë udhëheqëse në përpjekjet e SHBA-së për t’i dhënë fund luftës trevjeçare, sugjeroi që trupat britanike dhe franceze mund të krijonin zona kontrolli në perëndim të vendit si pjesë e një “force sigurie”, me ushtrinë ruse në lindjen e pushtuar.

Midis tyre do të ishin forcat ukrainase dhe një zonë e çmilitarizuar. /os/

The post FOKUS – I dërguari i SHBA-së: Ukraina mund të ndahet si Berlini appeared first on Agjencia Telegrafike Shqiptare.

Berlin, 10 prill /ATSH-DPA/ – Udhëheqësi konservator gjerman, Friedrich Merz, i cili do të pasojë Olaf Scholz njoftoi dje në mbrëmje se së shpejti do të udhëtojë në Uashington për të takuar presidentin amerikan, Donald Trump.

“Do të takohemi së shpejti”, tha Merz për transmetuesin publik ARD – duke shtuar se nuk ishte caktuar një datë specifike për vizitën.

Merz theksoi se konsultimet brenda BE-së do të ishin të nevojshme përpara këtij udhëtimi, veçanërisht për çështje të tilla si tarifat e fundit të presidentit Trump.

Gjatë udhëtimit të tij në Uashington, Merz tha se ai synon të përfaqësojë të gjitha shtetet evropiane, dhe jo vetëm Gjermaninë.

“Për mua, prioritet është Evropa”, shtoi ai.

Në një intervistë për ZDF, Merz vuri në dukje se vendimi i Trump për të pezulluar tarifat – e vendosura së fundmi – për 90 ditë ishte një përgjigje ndaj qëndrimit të bashkuar të Evropës.

Ai tha se Evropa është e gatshme për të negociuar – por njëkohësisht dhe e vendosur për të mbrojtur interesat e saj në konfliktin tregtar ndërkombëtar.

Blloku konservator i Merz – i përbërë nga Kristiandemokratët (CDU) dhe Unioni Kristian-social (CSU) – do të udhëheqë qeverinë pasi dje ra dakord për një koalicion me Partinë Socialdemokrate (SPD) të qendrës së majtë. / /a.i/

The post BERLIN – Merz në vizitë zyrtare në Uashington mes tensioneve tregtare SHBA-Evropë appeared first on Agjencia Telegrafike Shqiptare.