Fondi Monetar Ndërkombëtar rekomandon që në Shqipëri të vijoj regjimi i lirë i kursit të këmbimit.Guvernatori Gent Sejko priti në një takim përfaqësues të Fondit Monetar Ndërkombëtar me të cilët u distua për zhvillimet ekonomike në vend.

Përfaqësues të Misionit theksuan se një kurs i lirë këmbimi ofron një instrument të dobishëm në amortizimin e goditjeve të huaja dhe është përqasja më e mirë me standardet e Bashkimit Evropian.

Aktualisht një euro po këmbehet me 97 lekë ndërsa një dollar me 83 lekë.

Guvernatori Sejko vuri theksin në sfidat me të cilat përballet ekonomia vendase të tilla si si intensifikimi i konflikteve gjeopolitike që krijojnë një mjedis me pasiguri të lartë duke kërkuar vëmendjen e nevojshme dhe fleksibilitet për të reaguar në mënyrë efektive./abcnews.al

TIRANË, 27 qershor /ATSH/ Guvernatori i Bankës së Shqipërisë, Gent Sejko mori pjesë në Mbledhjen e Konstituencës së Fondit Monetar Ndërkombëtar (FMN) dhe të Grupit të Bankës Botërore (BB), zhvilluar në Vareze, Itali.

Takimi bëri bashkë guvernatorët dhe ministrat e Financave të vendeve anëtare të kësaj konstituence, për të diskutuar mbi zhvillimet më të fundit të ekonomisë botërore dhe ekonomive përkatëse.

Aktualisht, bota po përballet me sfida të reja gjeopolitike, gjeoekonomike dhe me kufizime tregtare, ndaj dhe në takim u diskutua rreth politikave industriale, të cilat mund të nxisin konkurrueshmërinë dhe rritjen ekonomike të vendeve.

Përfaqësues të lartë të FMN-së dhe BB-së prezantuan perspektivat e dy institucioneve për të garantuar stabilitet financiar dhe rritje ekonomike të qëndrueshme dhe afatgjatë.

Gjatë takimit, Guvernatori Sejko prezantoi zhvillimet më të fundit ekonomike në vend, duke theksuar rolin e rëndësishëm që luan Banka e Shqipërisë në stabilitetin makroekonomik. Ai paraqiti pikëpamjet e Bankës mbi temat kryesore të diskutimit, duke ndarë pikëpamje të ngjashme me institucionet financiare ndërkombëtare, si dhe theksoi rëndësinë e ruajtjes së stabilitetit ekonomik dhe financiar të vendit, si parakusht për rritje të qëndrueshme dhe afatgjatë.

Guvernatori u shpreh se për Shqipërinë, si një ekonomi e vogël dhe e hapur e lidhur ngushtë me Bashkimin Evropian, raundi fillestar i tarifave nga SHBA-ja ka një ndikim të papërfillshëm të drejtpërdrejtë në ekonominë tonë, pasi lidhjet tona tregtare dhe financiare me SHBA-në janë mjaft të kufizuara (rreth 0.2% e PBB-së). Megjithatë, ai vuri në dukje se një luftë tarifore në shkallë globale do të nënkuptonte rënie të kërkesës për eksporte, inflacion të importuar që do të rriste çmimet e brendshme, si dhe rreziqe potenciale në sektorin financiar, pasi kompanitë e ekspozuara ndaj tregtisë do të përballen me kushte më të vështira.

Nga ana tjetër, qëndrueshmëria mbetet thelbësore për të përballuar krizat e shpeshta dhe të mbivendosura që kërcënojnë zhvillimin ekonomik. Në mbarë botën, vendet po ekspozohen gjithnjë e më shumë ndaj rreziqeve dhe katastrofave natyrore. Kjo i vendos ato përballë zgjedhjeve për financimin dhe sigurimin e rreziqeve nga katastrofat, të cilat janë thelbësore për përshtatjen ndaj ndryshimeve klimatike dhe forcimin e qëndrueshmërisë, e që përfshijnë investime si në reduktimin fizik të rrezikut ashtu edhe në përgatitjen financiare.

Në përfundim, Guvernatori u shpreh se, “si bankë qendrore, përparësia jonë është ruajtja e qëndrueshmërisë së çmimeve, garantimi i stabilitetit financiar dhe forcimi i qëndrueshmërisë së ekonomisë, duke u treguar të vëmendshëm ndaj zhvillimeve globale dhe rajonale, dhe përmirësuar vazhdimisht kuadrin tonë të politikës ekonomike”.

Gjatë takimit, duke diskutuar lidhur me zhvillimet në fushën e sistemeve të pagesave, inovacionin në teknologji dhe infrastrukturë, si dhe sfidat e lidhura me to, zëvendësguvernatori i Bankës së Italisë, Luigi Federico Signorini theksoi bashkëpunimin e suksesshëm me Bankën e Shqipërisë lidhur me kontributin dhe lidershipin e treguar për modernizimin e sistemit të pagesave në vend dhe në nivel rajonal.

Republika e Shqipërisë është anëtare e Fondit Monetar Ndërkombëtar (FMN) që prej muajit tetor të vitit 1991. Ajo është në të njëjtën konstituencë me Italinë, Greqinë, Portugalinë, Maltën dhe San Marinon. Drejtor ekzekutiv i Konstituencës është Riccardo Ercoli.

Republika e Shqipërisë është anëtare e Grupit të Bankës Botërore që prej vitit 1991. Ajo është në të njëjtën konstituencë me Italinë, Greqinë, Portugalinë, Maltën, San Marinon dhe Timorin Lindor. Drejtor Ekzekutiv i Konstituencës (EDS21) është Matteo Bugamelli.

/e.xh//r.e//a.f/

The post Sejko: Tarifat e SHBA-së ndikim të papërfillshëm në ekonominë tonë appeared first on Agjencia Telegrafike Shqiptare.

TIRANË, 26 qershor /ATSH/ Guvernatori  i Bankës së Shqipërisë Gent Sejko, bashkë me mininistrin e Financave dhe delegacionin që e shoqëron morën pjesë sot në mbledhjen e Konstituencës së Fondit Monetar Ndërkombëtar dhe të Grupit të Bankës Botërore, e cila zhvillohet në datat 26-27 qershor 2025, në Vareze, Itali.

Ky takim mbledh së bashku guvernatorët dhe ministrat e financave të vendeve anëtare të kësaj konstituence, për të diskutuar mbi zhvillimet më të fundit të ekonomisë botërore dhe ekonomive përkatëse.

Në një njoftim për mediet, BSH-ja bën të ditur se, përfaqësues të FMN-së dhe BB-së do të ndajnë perspektivat e dy institucioneve për të garantuar stabilitet financiar dhe rritje ekonomike të qëndrueshme dhe afatgjatë.

Sipas BSH-së, në këtë takim të rëndësishëm të nivelit të lartë, Guvernatori Sejko do të prezantojë zhvillimet më të fundit ekonomike në vend dhe pikëpamjet e Bankës së Shqipërisë mbi temat kryesore të diskutimit.

1 nga 4

e.xh/j.p/

The post Guvernatori Sejko merr pjesë në mbledhjen e Konstituencës të FMN dhe BB appeared first on Agjencia Telegrafike Shqiptare.

Fondi Monetar Ndërkombëtar (FMN) dhe autoritetet ukrainase kanë arritur një marrëveshje paraprake në kuadër të shqyrtimit të tetë të programit ekonomik të Ukrainës, që do t’i mundësojë Kievit marrjen e këstit të radhës prej 500 milionë dollarësh nga Lehtësia e Zgjeruar e Kredisë (EFF) të miratuar në vitin 2023, njoftoi sot FMN.

Në një deklaratë, FMN bëri të ditur se “stafi i FMN-së dhe autoritetet ukrainase kanë arritur një marrëveshje në nivel stafi (SLA) mbi Rishikimin e Tetë të Marrëveshjes 4-vjeçare prej 15.5 miliardë dollarësh për Lehtësimin e Zgjeruar të Fondit.”

Pas miratimit përfundimtar nga Bordi Ekzekutiv i FMN-së, Ukraina do të ketë qasje në rreth 500 milionë dollarë amerikanë (0.37 miliardë SDR), duke e çuar totalin e disbursimeve në kuadër të këtij programi në 10.65 miliardë dollarë.

Kjo ndihmë financiare është pjesë e përpjekjeve ndërkombëtare për të mbështetur ekonominë ukrainase në kushtet e sfidave të vazhdueshme.

LEXONI GJITHASHTU:

• Putin premton përpjekje për stabilizimin e rajonit të Zaporozhye
• Kanada: Mbi 20 mijë banorë evakuohen për shkak të zjarreve

The post FMN dhe Ukraina arrijnë marrëveshje paraprake për një këst 500 milionë dollarësh appeared first on Euronews Albania.

Njohësit e politikës thonë se situata është paradoksale dhe se i sjell dëme të vazhdueshme vendit e ata të ekonomisë thonë se kjo situatë ndikon në uljën e zhvillimit ekonomik të vendit

Dështimi i vazhdueshëm i konstituimit të Kuvendit, rrjedhimisht edhe mos hapja e rrugës për formimin e Qeverisë vendit duket se do i lë njolla.

Dëmet e shkaktuara nga kjo situatë kanë vend në aspektin politik e sidomos në atë ekonomik.

Profesori universitar, Ilir Hajdini, thotë se situata politike mund ta ulë ritmin e paraparë të rritjes ekonomike për vitin 2025.

“Kjo do të ketë një ndikim në zhvillimin ekonomik të Kosovës. Sipas Fondit Monetar Ndërkombëtar dhe Bankës Evropiane për Rindërtim, Kosova parashihej që të ketë një zhvillim ekonomik mbi katër për qind në vitin 2025. Mirëpo, ky ngërç politik si duket do të ndikojë në uljen e zhvillimit. Kjo rrezikon që të zymtësojë perceptimin e qytetarëve të Kosovës për të ardhmen e vendit”, ka deklaruar Hajdini.

Lexo po ashtu Kuvendi nuk konstituohet as në tentimin e 21-të

Hajdini tutje paralajmëron se Kosova rrezikon të humbasë miliona euro edhe në fonde dhe projekte të BE-së.

Në anën tjetër, analisti Afrim Kasolli thotë se edhe vendimet e marra nga qeveria në detyre janë të kontestueshme ligjërisht.

“Jemi në situatë paradoksale kemi një qeveri e cila sic është konstatuar nga shoqëria civile ka marr dhjetëra vendime një qeveri në detyre e që nuk i nënshtrohet kontrollit të sovranit që është shumë e rrezikshme e tash të mos flasim edhe për implikimet e tjera politike sic e thanë edhe mediumet ndërkombëtare që Kosova është vend i varfër dhe rrezikon të i humb fondet e Bashkimit evropian”, ka deklaruar Kasolli.

Lëvizja Vetëvendosje nuk është duke hequr dorë nga emri i Albulena Haxhiut për kryetare të Kuvendit të Kosovës, e partitë e tjera politike nuk janë duke marr pjesë në votim, as për të ndryshuar mënyrën e votimit./Tv Dukagjini/

The post Humbje milionëshe dhe rënie e besimit, pasojat e moskonstituimit të Kuvendit appeared first on Telegrafi.

PRISHTINË, 20 maj /ATSH/ Këshilli Ekzekutiv i Fondit Monetar Ndërkombëtar përfundoi rishikimin e katërt dhe të fundit të Marrëveshjeve të Stand-By dhe të Shpërblimit të Qëndrueshmërisë për Kosovën, njofton FMN.

Sipas FMN-së, pavarësisht pasigurisë nga tensionet tregtare, rritja ekonomike në Kosovë pritet të mbetet në 4 për qind në vitin 2025.

Po ashtu FMN njofton se gjatë vitit 2025, inflacioni do të jetë 2,25 për qind.

“Kosova ka shënuar një performancë të fortë ekonomike, me rritje prej katër pikë katër për qind në vitin 2024, kryesisht për shkak të konsumit të familjeve dhe kredive private. Inflacioni ka rënë në 1,6 për qind nga 4,9 për qind në vitin 2022. Deficiti i llogarisë së jashtme është zgjeruar në 9 për qind të PBB-së, pasi rritja e konsumit dhe investimeve çoi në rritjen e importeve. Pavarësisht pasigurisë nga tensionet tregtare, rritja pritet të mbetet në 4 për qind në vitin 2025, me inflacionin që stabilizohet në 2,25 për qind”, thuhet në komunikatën e FMN-së.

/KosovaPress/

The post FMN-ja parasheh katër për qind rritje ekonomike në Kosovë për vitin 2025 appeared first on Agjencia Telegrafike Shqiptare.

TIRANË, 27 prill/ATSH/ Në Uashington, u zhvilluan Mbledhjet e Pranverës të Fondit Monetar Ndërkombëtar (FMN) dhe të Grupit të Bankës Botërore (BB).

Në këto mbledhje marrin pjesë ministrat e financave të vendeve anëtare, guvernatorë të bankave qendrore, drejtues të lartë të institucioneve financiare ndërkombëtare, si dhe përfaqësues të botës akademike, biznesit dhe shoqërisë civile.

Në deklaratën për shtyp të Kryetarit të Komitetit Ndërkombëtar Monetar Financiar të FMN-së konstatohet se: “Ekonomia botërore ndodhet në një pikë kthese vendimtare. Pas disa viteve me shqetësime në rritje lidhur me tregtinë, presionet tregtare janë përshkallëzuar papritur, duke nxitur pasigurinë, paqëndrueshmërinë e tregut dhe rreziqet ndaj rritjes ekonomike dhe stabilitetit financiar. Rritja në afatshkurtër parashikohet të vijë duke u ngadalësuar, ndërkohë që dezinflacioni pritet të vazhdojë, por me një ritëm më të ngadaltë. Perspektiva ekonomike mbizotërohet nga intensifikimi i rreziqeve të kahut të poshtëm, në një kontekst tashmë sfidues, ku rritja ekonomike është e dobët dhe borxhi publik i lartë. Luftërat dhe konfliktet kanë sjellë pasoja të rënda ekonomike dhe njerëzore. Forcat shndërruese, të tilla si digjitalizimi/inteligjenca artificiale, ndryshimet demografike dhe tranzicionet klimatike kanë krijuar mundësi të reja, por edhe sfida.”

Banka e Shqipërisë u përfaqësua në këto takime me një delegacion të nivelit të lartë, të kryesuar nga Guvernatori, Gent Sejko.

Me këtë rast, Guvernatori Sejko zhvilloi disa takime të rëndësishme me personalitete të njohura të fushës financiare ndërkombëtare, ndër të cilët veçojmë: Drejtorin Ekzekutiv për Shqipërinë në FMN, Riccardo Ercoli; Drejtorin e Departamentit Evropian në FMN, Alfred Kammer; Asistentedrejtore e Departamentit Monetar dhe Tregjeve Kapitale, zj. Jennifer Elliott; Shefen e Misionit të FMN-së Anke Weber, Zëvendëspresidenten për Rajonin e Evropës dhe Azisë Qendrore në BB, Antonella Bassani; Drejtorin Ekzekutiv për Shqipërinë në BB, Matteo Bugamelli, Drejtoren Rajonale për Ballkanin Perëndimor në BB, Xiaoqing Yu.

Gjatë këtyre takimeve u diskutuan zhvillimet më të fundit makroekonomike dhe financiare në Shqipëri, politikat makroekonomike, si dhe zhvillimet në sektorin financiar e atë bankar. Në fokus të bisedimeve ishin dhe qëndrueshmëria e rritjes ekonomike, kontrolli i inflacionit, konsolidimi fiskal, reformat strukturore dhe politikat monetare të ndjekura nga Banka e Shqipërisë.

Gjatë prezantimit të zhvillimeve ekonomike, Guvernatori Sejko theksoi stabilitetin makroekonomik të Shqipërisë, e cila vazhdon të konfirmojë rritjen ekonomike të qëndrueshme, të mbështetur nga kërkesa e fortë e brendshme dhe sektorët që po rriten, veçanërisht turizmi dhe konsumi privat.

Guvernatori nënvizoi përmirësimin e ndjeshëm të shëndetit financiar të sektorit bankar, duke vënë në dukje se bankat mbeten të mirëkapitalizuara, likuide dhe fitimprurëse, me një nivel të ulët të kredive me probleme. Sipas të dhënave, trendet pozitive në performancën financiare dhe zgjerimi i kreditimit dëshmojnë për besimin në sistemin financiar dhe në aftësinë e tij për të mbështetur rritjen ekonomike të qëndrueshme.

Në lidhje me inflacionin, Shqipëria ka arritur të ketë një inflacion të ulët si rezultat i politikave të qëndrueshme monetare të ndjekura nga Banka e Shqipërisë dhe përmirësimit të kushteve financiare. Aktualisht, inflacioni në vendin tonë është më i ulët krahasuar me vendet e rajonit dhe ato të Bashkimit Evropian.

Në lidhje me perspektivat e ardhshme, pjesëmarrësit theksuan rëndësinë e reformave strukturore, si një mundësi kyçe për përparimin e Shqipërisë. U vu theksi veçanërisht te nevoja për të forcuar transparencën, për të reduktuar nivelin e informalitetit në ekonomi dhe për të përgatitur vendin për fazat e ardhshme të integrimit në Bashkimin Evropian.

Guvernatori vlerësoi mbështetjen dhe angazhimin e Fondit Monetar Ndërkombëtar dhe Bankës Botërore në m zhvillimin e qëndrueshëm ekonomik të Shqipërisë dhe rikonfirmoi gatishmërinë e Bankës së Shqipërisë për të ruajtur stabilitetin financiar të vendit dhe për të adresuar sfidat e mundshme në të ardhmen.

Vlerësimet e përgjithshme ishin pozitive, duke evidentuar se ekonomia shqiptare po ruan një trajektore të qëndrueshme me rritje vjetore prej 3.5% – 4%, inflacion të ulët rreth 2%, i cili pritet të kthehet në objektiv gjatë vitit 2026, borxh publik dhe të jashtëm në rënie, si dhe rezerva valutore në rritje.

Gjithashtu gjatë takimeve u theksua performanca e mirë e sistemit bankar, i cili mbetet likuid, me tregues të shëndetshëm financiarë dhe me një nivel të ulët të kredive me probleme (NPL), që ka rënë nga 25% në vitin 2014, në 4% në 2025. Sistemi bankar ka vijuar të mbështesë kreditimin e ekonomisë, me një kornizë rregullatore të përforcuar dhe përputhshmëri me standardet ndërkombëtare.

Përfaqësuesit e FMN-BB përgëzuan Bankën e Shqipërisë dhe autoritetet përkatëse për punën e shkëlqyer që çoi në anëtarësimin e suksesshëm të Shqipërisë në SEPA (Tregun Unik të Pagesave në Euro), si dhe ndjekjen e hapave të mëtejshëm për zbatim e standardeve të SEPA në praktikë dhe finalizimin me sukses të transaksioneve të para në tetor 2025. Ky sukses përfaqëson një hap të rëndësishëm drejt forcimit të integrimit financiar të vendit tonë me tregun evropian dhe hap perspektiva të reja për zhvillimin ekonomik dhe rritjen e besimit ndërkombëtar ndaj Shqipërisë.

Shqipëria po konsolidohet gjithnjë e më shumë si një histori suksesi në rajon, falë reformave ekonomike dhe politikave të kujdesshme të ndjekura nga autoritetet dhe Banka e Shqipërisë. Në një periudhë globale sfiduese, vendi ka treguar stabilitet makroekonomik, rritje të qëndrueshme dhe përmirësim të klimës së biznesit. Një ndër faktorët kyç të këtij suksesi ka qenë politika e kujdesshme monetare, e ndjekur me një qasje të balancuar nga Banka e Shqipërisë, e cila ka arritur të ruajë stabilitetin e çmimeve, duke mbështetur njëkohësisht rritjen ekonomike. Normat e interesit janë mbajtur në nivele që stimulojnë kreditimin, çka ka ndikuar drejtpërdrejt në rritjen e investimeve private dhe konsumit.

Në përfundim të takimeve, Guvernatori Sejko vlerësoi bashkëpunimin e ngushtë dhe të vazhdueshëm me FMN-në dhe Bankën Botërore, duke nënvizuar rolin e tyre kyç në mbështetjen e reformave ekonomike dhe zhvillimin e qëndrueshëm të Shqipërisë.

Në kuadër të këtyre mbledhjeve, Sejko mori pjesë edhe në seancën plenare të Komitetit Ndërkombëtar Monetar dhe Financiar të FMN-së, si dhe në Komitetin e Zhvillimit të BB-së.

Guvernatori ishte gjithashtu i ftuar në një mëngjes pune me ministrat e financave dhe guvernatorët e bankave qendrore, të organizuar nga Drejtori i Departamentit Evropian pranë FMN-së, Alfred Kammer, gjatë të cilit ai prezantoi zhvillimet makroekonomike në Shqipëri, sektorët kryesorë të zhvillimit, si dhe potencialin që ajo paraqet për investitorët e huaj.

The post Sejko në takimet e FMN dhe BB: Ekonomia shqiptare po ruan trajektore të qëndrueshme, rritja vjetore 3.5% – 4% appeared first on Agjencia Telegrafike Shqiptare.

TIRANË, 26 prill /ATSH/ Guvernatori i Bankës së Shqipërisë, Gent Sejko zhvilloi në Uashington, një takim me Riccardo Ercoli, Drejtor Ekzekutiv për Shqipërinë në Bordin Ekzekutiv të FMN-së, në kuadër të Mbledhjeve të Pranverës të FMN-së dhe BB-së.

Takimi u fokusua në një shkëmbim mendimesh mbi zhvillimet e fundit ekonomike dhe politikat makroekonomike të ndjekura nga autoritetet shqiptare.

“U vlerësua ecuria pozitive e ekonomisë, me rritje të qëndrueshme, inflacion në rënie dhe pritshmëri për rikthimin në objektiv gjatë vitit 2026. Politika monetare e ndjekur ka kontribuar në ruajtjen e stabilitetit të çmimeve, pavarësisht sfidave nga tregjet ndërkombëtare”, u shpreh Sejko.

Guvernatori theksoi se, sistemi bankar shqiptar mbetet i qëndrueshëm, likuid dhe mirëkapitalizuar, ndërsa kursi i këmbimit ka shfaqur forcim të konsiderueshëm, duke reflektuar faktorë themelorë të ekonomisë dhe besimin e tregjeve.

Sejko shprehu vlerësimin për mbështetjen e vazhdueshme të FMN-së ndër vite dhe gatishmërinë për të forcuar më tej bashkëpunimin me institucionin. /j.p/

The post Sejko me drejtorin e FMN-së në Uashington: Ekonomia shqiptare me rritje të qëndrueshme appeared first on Agjencia Telegrafike Shqiptare.

TIRANË, 25 prill /ATSH/ Guvernatori i Bankës së Shqipërisë, Gent Sejko mori pjesë në mbledhjet e Pranverës të Fondit Monetar Ndërkombëtar (FMN) dhe të grupit të Bankës Botërore që u zhvillua në Uashington DC, SHBA.

Guvernatori Sejko ishte i pranishëm në takimin me ministrat e Financave dhe Guvernatorët e Bankave Qendrore të Ballkanit Perëndimor për të diskutuar lidhur me zhvillimet e sistemeve të pagesave, ecurinë e projekteve të përbashkëta dhe bashkëpunimin për të ardhmen.

Sejko bëri të ditur se, “Shqipëria, vendi i parë në Ballkanin Perëndimor që aplikoi dhe u pranua për t’u bërë pjesë e SEPA, duke hapur rrugën për një sistem pagesash më të lehtë, më të shpejtë dhe me kosto më të ulët për qytetarët dhe bizneset”.

“Të 11 bankat shqiptare janë tashmë të pranuara për pjesëmarrje në skemën SEPA Credit Transfer dhe pritet të jenë operacionalisht gati për të kryer pagesa nga data 7 tetor 2025”, u shpreh Guvernatori.

Sejko vlerësoi se, anëtarësismi në SEPA do të ndihmojë qytetarët dhe biznesin në: Uljen e përdorimit të parasë fizike; Thjeshtimin e pagesave për turistët dhe bizneset; Rritjen e remitancave dhe formalizimin e ekonomisë; Nxitjen e investimeve të huaja; Përshpejtimin e integrimit drejt BE-së.

“Në bashkëpunim me Banca d’Italia dhe bankat qendrore të rajonit, Banka e Shqipërisë po punon për krijimin e një sistemi të pagesave të menjëhershme (TIPS-clone), që pritet të jetë funksional në 2026”, theksoi Guvernatori, ndërsa adresoi falënderim të veçantë për asistencën e vazhdueshme nga Banka Botërore në këtë proces transformues.

1 nga 4

/r.e/a.f/

The post Sejko me FMN dhe BB në Uashington: Shqipëria në SEPA, më 7 tetor nisin pagesat appeared first on Agjencia Telegrafike Shqiptare.

TIRANË, 24 prill /ATSH/ Guvernatori i Bankës së Shqipërisë Gent Sejko priti në një takim Anke Weber, shefe e Misionit të Fondit Monetar Ndërkombëtar, (FMN) për Shqipërinë, ku diskutuan mbi zhvillimet më të fundit ekonomike dhe perspektivën pozitive të vendit.

Guvernatori tha se, “ekonomia shqiptare mbetet në një trajektore të qëndrueshme zhvillimi”.

“Rritja ekonomike 3,5% deri në 4% ka gjeneruar rritje të punësimit dhe të pagave dhe të mirëqenies së shoqërisë shqiptare. Në të njëjtën kohë, parametrat kryesorë të shëndetit ekonomik dhe financiar të vendit, ku inflacioni shënon 2%, borxhi publik dhe i jashtëm është në rënie dhe rezervat valutore në rritje”, u shpreh Sejko.

Gjithashtu, nënvizoi Guvernatori, sektori financiar mbetet i qëndrueshëm, me banka të mirëkapitalizuara dhe me fitim, ndërsa niveli i kredive me probleme (NPL-të) është në nivel të ulët.

1 nga 3

/r.e/a.f/

The post Sejko me shefen e Misionit të FMN-së: Ekonomia shqiptare në trajektore të qëndrueshme zhvillimi appeared first on Agjencia Telegrafike Shqiptare.

Sekretari amerikan i Thesarit Scott Bessent hodhi kritika të ashpra ndaj operacioneve të Bankës Botërore dhe Fondit Monetar Ndërkombëtar të mërkurën, edhe pse ai u përpoq të qetësonte investitorët nervozë se Shtetet e Bashkuara do të ruanin rolin e tyre udhëheqës global.

“Amerika së pari nuk do të thotë vetëm Amerikën,” tha ai në një fjalim në Institutin e Financave Ndërkombëtare, ku premtoi gjithashtu mbështetje për misionet kryesore të bankave shumëpalëshe. “Përkundrazi, është një thirrje për bashkëpunim më të thellë dhe respekt të ndërsjellë midis partnerëve tregtarë.”

Edhe pse Bessent tha se FMN dhe Banka Botërore “po dështojnë”, ai nuk bëri thirrje që SHBA të tërhiqen nga institucionet, siç kishin mbrojtur disa konservatorë në një propozim të Projektit 2025 të krijuar nga Fondacioni Heritage.

Ai tha se institucionet “shërbejnë role kritike në sistemin ndërkombëtar. Dhe administrata Trump është e etur të punojë me ta, për sa kohë që ata mund të qëndrojnë besnikë ndaj misioneve të tyre.”

LEXONI GJITHASHTU:

• Kriptomonedha e Trump rritet pasi presidenti ofroi darkë për investitorët kryesorë
• Hegseth: SHBA do të vendosë trupa shtesë në Kanalin e Panamasë

The post Sekretari amerikan i Thesarit: FMN dhe Banka Botërore kanë nevojë për reforma appeared first on Euronews Albania.

Ekonomia globale do të ndikohet nga tensionet në rritje tregtare dhe pasiguria politike.

Rritja e Produktit të Brendshëm Bruto (PBB) global pritet të ngadalësohet në 2.8% në vitin 2025 dhe në 3% në vitin 2026. Kjo sipas Raportit të Përditësuar për Perspektivën Ekonomike Botërore (WEO) të publikuar nga Fondi Monetar Ndërkombëtar (FMN).

Në nivel rajonal, FMN parashikon një ecuri pozitive për vendet e Ballkanit. Ekonomia shqiptare parashikohet të rritet me 3.8% në 2025 nga 3.4% që parashikoheshe në raportin e perspektivës ekonomike të tetorit. Parashikimi për Kosovën mbetet i pandryshuar në 4%, ndërsa parashikon me ulje ekonomitë e tjera në vendet e rajonit. Serbia do të rritet me 3.5%, Mali i Zi dhe Maqedonia e Veriut parashikohen të kenë një rritje të ngjashme prej 3.2%. Pë Bosnjë-Hercegovinën parashikohet të rritet me 2.8%.

Përshkallëzimi i shpejtë i tensioneve tregtare dhe nivelet jashtëzakonisht të larta të pasigurisë politike pritet të kenë një ndikim të ndjeshëm në aktivitetin ekonomik global, thuhet në raportin e ri.

Rishikimi i muajit janar parashikonte një rritje të PBB-së globale prej 3.3% për vitet 2025 dhe 2026.

Theksohet se situata ka ndryshuar pasi qeveritë në mbarë botën po ndryshojnë prioritetet e tyre politike. Ndër të tjera, që nga raporti i janarit, një sërë masash të reja tarifore janë shpallur dhe zbatuar nga Shtetet e Bashkuara dhe kundërmasa nga partnerët e saj tregtarë. Kjo kulmoi me vendosjen e tarifave pothuajse universale nga SHBA më 2 prill, duke e çuar nivelin efektiv të tarifave në një nivel që nuk është parë në shekullin e fundit. Vetë kjo është një tronditje e rëndë negative për rritjen ekonomike, sipas FMN-së.

Paparashikueshmëria me të cilën janë zhvilluar këto masa, ndër të tjera, e bën të vështirë parashikimin. Prandaj, FMN e quan rishikimin e prillit një “parashikim referues”, i bazuar në informacionin deri më 4 prill 2025, përfshirë tarifat e 2 prillit dhe reagimet fillestare. Ai shoqërohet edhe me një sërë skenarësh të tjerë për rritjen globale, kryesisht në varësi të ndryshimeve në politikat tregtare.

Për Ukrainën, parashikimi për rritjen e PBB-së për këtë vit është ruajtur në 2%, ndërsa për vitin e ardhshëm është parashikuar në 4.5%.

FMN pret që inflacioni bazë global të bjerë më ngadalë sesa pritej në janar, duke arritur në 4.3% në vitin 2025 dhe në 3.6% në vitin 2026.

Më herët, drejtoresha menaxhuese e FMN-së, Kristalina Georgieva, kishte theksuar se fragmentimi i sistemit tregtar global ka rritur vëmendjen ndaj çështjeve të sigurisë kombëtare, të cilat favorizojnë prodhimin vendas të mallrave si çeliku, në vend të kostos së tyre – kështu që po rikthehet vetë-mjaftueshmëria.

The post FMN rrit parashikimin e ekonomisë shqiptare për vitin 2025, pritet të shkojë në 3.8% appeared first on Sot News | Lajme.

Ekonomia globale do të ndikohet nga tensionet në rritje tregtare dhe pasiguria politike. Rritja e Produktit të Brendshëm Bruto (PBB) global pritet të ngadalësohet në 2.8% në vitin 2025 dhe në 3% në vitin 2026. Kjo sipas Raportit të Përditësuar për Perspektivën Ekonomike Botërore (WEO) të publikuar nga Fondi Monetar Ndërkombëtar (FMN).

Në nivel rajonal, FMN parashikon një ecuri pozitive për vendet e Ballkanit. Ekonomia shqiptare parashikohet të rritet me 3.8% në 2025 nga 3.4% që parashikoheshe në raportin e perspektivës ekonomike të tetorit. Parashikimi për Kosovën mbetet i pandryshuar në 4%, ndërsa parashikon me ulje ekonomitë e tjera në vendet e rajonit. Serbia do të rritet me 3.5%, Mali i Zi dhe Maqedonia e Veriut parashikohen të kenë një rritje të ngjashme prej 3.2%. Për Bosnjë-Hercegovinën parashikohet të rritet me 2.8%.

Përshkallëzimi i shpejtë i tensioneve tregtare dhe nivelet jashtëzakonisht të larta të pasigurisë politike pritet të kenë një ndikim të ndjeshëm në aktivitetin ekonomik global, thuhet në raportin e ri. Rishikimi i muajit janar parashikonte një rritje të PBB-së globale prej 3.3% për vitet 2025 dhe 2026. Theksohet se situata ka ndryshuar pasi qeveritë në mbarë botën po ndryshojnë prioritetet e tyre politike. Ndër të tjera, që nga raporti i janarit, një sërë masash të reja tarifore janë shpallur dhe zbatuar nga Shtetet e Bashkuara dhe kundërmasa nga partnerët e saj tregtarë. Kjo kulmoi me vendosjen e tarifave pothuajse universale nga SHBA më 2 prill, duke e çuar nivelin efektiv të tarifave në një nivel që nuk është parë në shekullin e fundit. Vetë kjo është një tronditje e rëndë negative për rritjen ekonomike, sipas FMN-së.

Paparashikueshmëria me të cilën janë zhvilluar këto masa, ndër të tjera, e bën të vështirë parashikimin. Prandaj, FMN e quan rishikimin e prillit një “parashikim referues”, i bazuar në informacionin deri më 4 prill 2025, përfshirë tarifat e 2 prillit dhe reagimet fillestare. Ai shoqërohet edhe me një sërë skenarësh të tjerë për rritjen globale, kryesisht në varësi të ndryshimeve në politikat tregtare.

Për Ukrainën, parashikimi për rritjen e PBB-së për këtë vit është ruajtur në 2%, ndërsa për vitin e ardhshëm është parashikuar në 4.5%. FMN pret që inflacioni bazë global të bjerë më ngadalë sesa pritej në janar, duke arritur në 4.3% në vitin 2025 dhe në 3.6% në vitin 2026.

Më herët, drejtoresha menaxhuese e FMN-së, Kristalina Georgieva, kishte theksuar se fragmentimi i sistemit tregtar global ka rritur vëmendjen ndaj çështjeve të sigurisë kombëtare, të cilat favorizojnë prodhimin vendas të mallrave si çeliku, në vend të kostos së tyre – kështu që po rikthehet vetë-mjaftueshmëria./Monitor/

The post FMN rrit parashikimin për ekonominë shqiptare për 2025 appeared first on Lapsi.al.

UASHINGTON, 23 prill /ATSH-DPA/ – Tarifat e vendosura nga presidenti amerikan, Donald Trump dhe masat hakmarrëse nga vendet e tjera po kontribuojnë në një përkeqësim të perspektivës fiskale globale, paralajmëroi Fondi Monetar Ndërkombëtar (FMN).

Sipas raportit të fundit nga Monitori Fiskal i FMN-së, tarifat e reja po shkaktojnë goditje si ofertën ashtu edhe kërkesën, duke ushqyer pasigurinë ekonomike, duke rritur kostot e financimit, duke rritur paqëndrueshmërinë e tregut financiar dhe duke dobësuar perspektivat e rritjes globale.

Si rezultat, borxhi publik global parashikohet të rritet me 2.8 pikë përqindje të produktit të brendshëm bruto (PBB) këtë vit, duke e çuar raportin total të borxhit ndaj PBB-së mbi 95%.

”Ky trend rritës ka të ngjarë të vazhdojë”, tha FMN, me borxhin e qeverisë që të arrijë gati 100% të PBB-së deri në fund të dekadës.

Ekonomitë e mëdha, duke përfshirë Shtetet e Bashkuara, Kinën, Francën, Britaninë, Brazilin dhe Afrikën e Jugut, po kontribuojnë ndjeshëm në rritjen e borxhit global, vuri në dukje raporti.

Ndërsa tarifat më të larta mund të rrisin të ardhurat e qeverisë në afat të shkurtër, FMN ka thënë se ky efekt ka të ngjarë të jetë jetëshkurtër.

Ndërsa çmimet rriten, kërkesa për import dhe prodhimi vendas priren të bien, duke ulur fitimet e të ardhurave dhe duke ulur më tej prodhimin ekonomik./    /os/

The post FOKUS – FMN: Tarifat amerikane po nxisin një rritje të borxhit publik global appeared first on Agjencia Telegrafike Shqiptare.

Fondi Monetar Ndërkombëtar (FMN) ka ulur parashikimet për rritjen ekonomike të Shteteve të Bashkuara për këtë vit, duke e shtrirë atë në vetëm 1.8%, nga 2.7% që ishte parashikuar në janar.

Sipas FMN-së, SHBA-ja do të jetë ndër ekonomitë e përparuara që do të goditen më së shumti nga pasiguria e shkaktuar nga tarifat tregtare dhe tensionet e tjera të politikës ekonomike.

Në të njëjtin raport, FMN ka parashikuar gjithashtu një ulje të rritjes ekonomike të Mbretërisë së Bashkuar, që do të preket nga pasojat e Brexit dhe pasiguria e vazhdueshme. Projekti i rritjes së Mbretërisë së Bashkuar është gjithashtu ulur në raport me parashikimet e mëparshme.

Ndërkohë, tregjet financiare amerikane kanë filluar një rimëkëmbje pas humbjeve të mëdha të së hënës, që ishin shkaktuar pjesërisht nga komentet e Donald Trump ndaj Jerome Powell, shefit të Bankës Qendrore të SHBA-së.

Trump e cilësoi Powell-in si një “humbës të madh” për mos uljen e normës së interesit, duke provokuar shqetësime mbi ndikimin e mundshëm të këtyre tensioneve në politikat monetare të vendit.

Në përgjigje të kësaj situate, Gita Gopinath, kryeekonomistja e FMN-së, theksoi se është “kritike” që bankat qendrore të mbajnë një linjë të pavarur dhe të bëjnë gjithçka që është e nevojshme për të kontrolluar inflacionin dhe për të ruajtur stabilitetin ekonomik. Ajo shtoi se ndikimi i tensioneve politike dhe vendosja e tarifave është një rrezik serioz për ekonominë globale.

The post FMN: SHBA-ja parashikohet të goditet më së shumti nga tarifat e Trump appeared first on Euronews Albania.

Fondi Monetar Ndërkombëtar (FMN) ka ulur parashikimet për rritjen globale, duke i atribuar këtë rishikim të ulët ndikimeve negative të luftës tregtare të administratës Trump, e cila ka sjellë ndërprerje të mëdha në ekonominë botërore.

Sipas parashikimeve të fundit të FMN-së, rritja globale pritet të bjerë në 2.8% këtë vit, nga 3.3% që ishte parashikuar për vitin 2024. Po ashtu, rritja pritet të jetë 3% në 2025, ndërkohë që në janar të këtij viti, Fondi kishte parashikuar 3.3% për të dy vitet, 2025 dhe 2026.

FMN-ja ka fajësuar masat e reja tregtare të Donald Trump për përkeqësimin e situatës, duke përmendur ndikimin e drejtpërdrejtë të këtyre masave si dhe efektet e tyre indirekte përmes rrjetit të lidhjeve tregtare. Pasiguria dhe tensionet politike janë gjithashtu përmendur si faktorë që po pengojnë zhvillimin ekonomik.

Në Perspektivën e tij Ekonomike Botërore, FMN thotë:

“Përshkallëzimi i shpejtë i tensioneve tregtare dhe nivelet jashtëzakonisht të larta të pasigurisë politike pritet të kenë një ndikim të rëndësishëm në aktivitetin ekonomik global.”

Rritja e ekonomive të zhvilluara është gjithashtu e parashikuar të jetë më e ulët se më parë, me një rritje prej vetëm 1.4% në 2025, gjysmë pikë përqindjeje më e ulët nga sa ishte parashikuar në janar.

Raporti i FMN-së thekson gjithashtu se administrata Trump ka rritur normën e tarifave efektive të SHBA-së në nivele që nuk ishin parë prej më shumë se një shekulli, madje më të larta se ato që ndikuan në Depresionin e Madh të viteve 1930.

The post FMN ul parashikimet e rritjes globale për shkak të tensioneve tregtare të Trump appeared first on Euronews Albania.

UASHINGTON, 22 prill /ATSH-DPA/- Fondi Monetar Ndërkombëtar (FMN) ka parashikuar 0% rritje për PBB-në gjermane në vitin 2025 – mes pasigurisë ekonomike për shkak të tarifave amerikane.

Në Perspektivën e saj të fundit Ekonomike Botërore, organizata me qendër në Uashington tha se ekonomia më e madhe e Evropës nuk do të kishte rritje këtë vit – në kundërshtim me parashikimin e saj të janarit – ku FMN-ja tha se pritej një rritje prej 0,3%.

Këshilltari ekonomik i FMN-së, Pierre-Olivier Gourinchas tha se politika e re tarifore e SHBA-së – e njoftuar së fundmi nga presidenti Donald Trump – do të çojë në një ngadalësim të konsiderueshëm të rritjes globale.

Ekonomia gjermane e bazuar në eksporte pritet të jetë veçanërisht e vështirë, ndërsa FMN-ja ka parashikuar një rritje prej 0% të produktit të brendshëm bruto (PBB) – duke e renditur vendin të fundit në grupin (G7) të vendeve të industrializuara. //a.i/

The post SHBA – FMN: Gjermania 0% rritje në 2025 mes pasigurisë ekonomike për shkak të tarifave amerikane appeared first on Agjencia Telegrafike Shqiptare.

Të dhënat e Fondit Monetar Ndërkombëtar mbi rritjen reale të ekonomisë së shqiptarëve për frymë, të publikuara në databazën statistikore online të FMN-së, tregojnë se mirëqënia e shqiptarëve është përmirësuar me 69%, shifër kjo shumë më e ulët se sa pretendimi i qeverisë Rama për “rritje me 2.5 herë” të ekonomisë që prej vitit 2013. […]

The post Si i gënjeu Rama shqiptarët, ja sa u rrit ekonomia në këto 12 vite appeared first on BoldNews.al.

SHQIPËRI- Sistemi bankar në Shqipëri  është i qëndrueshëm me tregues mjaft optimist. Vlerësimi është bërë nga Fondi Monetar Ndërkombëtar,  i cili thekson se ka pasur një ulje të fortë të nivelit të kredive të këqija duke u ulur nga 25% në 2014 në 5% në 2024 dhe  rreth 4% gjatë këtij viti.

Në raportin e  Fondit Monetar theksohet se gjatë dekadës së fundit, sektori bankar shqiptar ka pësuar një transformim të ndjeshëm, i mbështetur nga performanca e fortë makroekonomike dhe reformat financiare të qëndrueshme.

Në një analizë të imtësishme mbi kapitalin dhe likuiditetin theksohet se sektori bankar është gjerësisht rezistent ndaj goditjeve nga kreditë me probleme dhe ndryshimet në normat e interesit.

Pronësia e huaj e aktiveve bankare ra nga 90 për qind në vitin 2013 në 65 për qind në 2024, duke reduktuar rrezikun e infektimit nga goditjet e jashtme, sipas agjencisë financiare.

Por pavarësisht këtyre treguesve pozitiv FMN rekomandon që autoritetet shqiptare të vazhdojnë përpjekjet për rritjen e stabilitetit financiar dhe zhvillimin e mëtejshëm të tregjeve financiare.

Ndërkohë në raportin e dytë analizohen luhatjet e kursit të këmbimit dhe vlerësimi I monedhës kombëtare. Prej kohesh euro qëndron në nivelin e 99 lekëve ndërsa dollari amerikan ka rënë në rreth 87 lekë.

Sipas Fondit Monetar Ndërkombëtar kjo është e nxitur nga ecuria makroekonomike , fluksi turistik I regjistruar së fundmi remitancat dhe investimet. Pavarësisht ndërhyrjeve të Bankës së Shqipërisë e cila tërhoqi nga tregu rreth 932 milion euro leku vijoi të qëndroi i mbivlerësuar ndaj monedhës europiane dhe dollarit.

FMN vlerëson se mbiçmi i lekut është pozitiv pasi mban nën kontroll nivelin e çmimeve dhe inflacionit. Shqipëria ka rezultuar një ndër vendet me nivelin  më të ulët në rajon./abcnews.al

Fondi Monetar Ndërkombëtar ka paralajmëruar se zbatimi i tarifave të larta tregtare  nga Donald Trump përbën një “rrezik të rëndësishëm” për ekonominë globale, ndërsa tregjet e aksioneve vazhdojnë të pësojnë tronditje .

Kristalina Georgieva, drejtoresha menaxhuese e FMN-së, tha se është shumë e rëndësishme që SHBA dhe partnerët e saj tregtarë të shmangnin përshkallëzimin e mëtejshëm të luftës tregtare globale, ndërsa tregjet në Azi dhe Australi pësuan rënie të mëtejshme të premten.

“Ne jemi ende duke vlerësuar implikimet makroekonomike të masave tarifore të shpallura, por ato përfaqësojnë qartë një rrezik të rëndësishëm për perspektivën globale në një kohë të rritjes së ngadaltë.Është e rëndësishme të shmangen hapat që mund të dëmtojnë më tej ekonominë botërore. Ne i bëjmë thirrje Shteteve të Bashkuara dhe partnerëve të saj tregtarë që të punojnë në mënyrë konstruktive për të zgjidhur tensionet tregtare dhe për të reduktuar pasigurinë.”

Drejtoresha Menaxhuese e FMN-së, Kristalina Georgieva paralajmëroi se fushata e gjerë tarifore e Presidentit Trump përbën një rrezik të konsiderueshëm për ekonominë globale mes rritjes së ngadaltë.

FMN-ja në janar e rriti vlerësimin e saj  për ecurinë ekonomike globale për vitin 2025 në 3.3% nga 3.2% në vlerësimin e saj të mëparshëm në tetor, me një përmirësim gjysmë pikë përqindje ndaj perspektivës së SHBA në 2.7% që përbën pjesën më të madhe të kësaj rritjeje.Ndërsa pritshmëritë janë që në takimet e saj të pranverës në Uashington, FMN  të reflektojë një “korrigjim” të vogël në rënie të këtyre vlerësimeve./abcnews.al