Edhe pse gjithmonë kemi dëgjuar se miqësia mes maceve dhe qenve është e pamundur, kjo shpesh është dëshmuar si e pasaktë.

Kështu ndodhi edhe me maçokun e vogël të zi, Binx, dhe labradorin Kamper, të cilëve nuk u desh shumë kohë për t’u bërë miqtë më të mirë.

Pronarja e tyre, e cila ka edhe një labrador tjetër të quajtur Koda, ishte e shqetësuar për mënyrën se si do të silleshin qentë e mëdhenj dhe nëse do të mund të mësoheshin me maçokun, por frika e saj u zëvendësua shpejt nga gëzimi kur pa sa mirë po shkonin marrëdhëniet mes tyre.

@kampinwithkoda he loves sitting on top of the dogs #dogandcat #silverlab #bestfriend #dogsoftiktok #catsoftiktok ♬ Welp, Didn’t Expect That – Yu-Peng Chen & HOYO-MiX

Një nga momentet kur ajo e kuptoi që kafshët e saj do të merreshin vesh për mrekulli, ishte kur hyri në dhomën e ndenjjes dhe pamja që pa i solli buzëqeshje në fytyrë: Kamper po qëndronte i shtrirë në qilim, ndërsa Binx ishte rehatuar sipër tij.

Labradori i mirë e dinte se nuk lejohej të ngrihej derisa maçoku të largohej, dhe kjo skenë e ëmbël u filmua nga pronarja, e cila më pas e ndau në profilin e saj në TikTok.

Videoja u bë virale dhe i solli buzëqeshje mijëra përdoruesve të platformës së njohur. /Telegrafi/

The post Pronari frikësohej se si do të shkonin qeni dhe macja – ata u bënë miqtë më të mirë appeared first on Telegrafi.

AMSTERDAM, 22 korrik /ATSH-DPA/- Autoritetet e Amsterdamit do të ndërtojnë shkallë të posaçme në muret shpesh të larta dhe të rrëshqitshme të kanaleve të qytetit – për t’u lejuar maceve të shpëtojnë veten pasi bien në ujë, raportoi sot e përditshmja “Het Parool”.

“Propozimi ka marrë dritën jeshile edhe nga këshilli bashkiak”, sipas gazetës “Het Parool” me seli në Amsterdam.

Plani për të ndërtuar “Kattentrapjes” u paraqit nga këshilltarja e qytetit, Judith Krom nga Partia për Kafshët (PvdD).

Ajo theksoi se rrugët ujore të Amsterdamit ishin bërë një kurth vdekjeprurës për macet, duke shtuar se vetëm në gjashtë muajt e fundit, ishin mbytur 19 kafshë.

Macet mund të vozisin dhe të qëndrojnë mbi ujë për një kohë të gjatë, por herët a vonë ato duhet të kthehen në tokë të thatë për të shmangur mbytjen.

Shërbimi i Shpëtimit të Kafshëve të Amsterdamit do të ndihmojë në identifikimin e kanaleve ku macet janë kryesisht në rrezik – përpara se të fillojnë punimet e ndërtimit. //a.i/

The post Kanalet e Amsterdamit do të pajisen me shkallë shpëtimi për macet appeared first on Agjencia Telegrafike Shqiptare.

Sipas biologëve evolucionarë, macet janë ndër krijesat më të përkryera në natyrë. Trupi i tyre është ndërtuar për të qenë i heshtur, i shpejtë dhe jashtëzakonisht efikas. Me kthetra të tërheqshme, këmbë të pasme të fuqishme dhe shtyllë kurrizore shumë fleksibile, ato mund të kërcejnë disa herë gjatësinë e trupit të tyre dhe të ndryshojnë drejtim në ajër me një saktësi mahnitëse.

Pupilat vertikale u mundësojnë t’i përshtaten dritës në sekonda, duke i bërë mjeshtre të shikimit natën, ndërsa mustaqet u japin informacion për lëvizjen e ajrit, duke i ndihmuar të lundrojnë në errësirë të plotë, edhe në hapësirat më të ngushta.

Por ajo që i bën macet edhe më të veçanta është aftësia për të kursyer energji. Ndryshe nga shumë grabitqarë të tjerë, ato pushojnë pjesën më të madhe të ditës dhe reagojnë me lëvizje të shkurtra e të fuqishme vetëm kur është e nevojshme. Edhe rutina e tyre e pastrimit nuk është thjesht për estetikë, ajo ndihmon në higjienë, rregullon temperaturën trupore dhe ul aromën, një avantazh i qartë për një gjuetare të padukshme.

Edhe pas mijëra vitesh bashkëjetesë me njerëzit, macet shtëpiake moderne mbeten shumë të ngjashme me paraardhëset e tyre të egra. Studimet tregojnë se ato ruajnë instinktet e gjuetisë, pavarësinë sociale dhe sjelljen territoriale. Kjo ngjashmëri tregon se natyra i kishte përsosur që në fillim dhe nuk kishte shumë për të ndryshuar që ato të përshtateshin me jetën pranë njeriut.

The post Biologët bien dakord: Macet janë ndër krijesat më të përsosura të natyrës appeared first on iconstyle.al.

LONDËR, 13 korrik /ATSH/- Dy studime të reja kanë zbuluar të dhëna – rreth kohës dhe vendit ku macet u zbutën për herë të parë – të cilat na çojnë drejtpërdrejt ne Egjiptin e lashtë, sipas BBC.

Më herët, studiuesit besonin se zbutja e maceve kishte filluar kur macet e egra nisën të endeshin rreth fshatrave të para bujqësore më shumë se 9,000 vjet më parë.

Ndërsa rezervat e grurit tërhiqnin brejtësit, macet e egra të Afrikës së Veriut filluan të gjuanin parazitët, duke krijuar një marrëdhënie të dobishme reciproke – që përfundimisht çoi në zbutjen e tyre. Por ky model tani mbetet nën shqyrtim.

“Shpesh thuhet se paraardhësi i egër – i maces shtëpiake – macja e egër e Afrikës së Veriut – u zbut gjatë Neolitit”, tha Dr. Sean Doherty, një shkencëtar arkeologjik në Universitetin e Exeter dhe autor kryesor i studimit të parë.

“Studimi ynë e sfidon këtë teori – duke shqyrtuar provat osteologjike (të kockave), gjenetike dhe ikonografike në dispozicion. Ne sugjerojmë se zbutja e maceve filloi në Egjipt rreth mijëvjeçarit të dytë deri në mijëvjeçarin e parë para Krishtit”, shtoi ai.

Ekipi i Doherty përdori analiza zooarkeologjike, gjenetikë dhe datim radiokarbon për të rivlerësuar mbetjet e maceve të lashta nga vendet arkeologjike në të gjithë Evropën dhe Afrikën e Veriut – që datojnë nga lashtësia deri në kohët moderne.

Kockat e gjetura në një fshat bujqësor 9,500-vjeçar në Qipro, që dikur mendohej se tregonin zbutje të hershme, u zbulua se ngjanin më shumë me macet e egra.

“Disa gabime në datim mund të kenë ndodhur për shkak të faktit se kockat e maceve janë të vogla dhe mund të zhvendosen midis shtresave të tokës me kalimin e kohës”, tha Doherty.

“Ne përdorëm datimin radiokarbon për të konfirmuar datat e tyre – e cila tregoi se disa mace ishin dukshëm më të reja nga sa besohej”, shtoi ai.

E gjithë kjo sugjeron se afati kohor kur macet u zbutën është në të vërtetë më “i freskët” nga sa mendohej.

Studiuesit argumentojnë se, ndërsa kontrolli i brejtësve ka të ngjarë të ketë luajtur një rol në zbutjen e maceve, feja mund të ketë qenë më e rëndësishme.

Në Egjipt, macet u bënë të shenjta për perëndeshën Bastet dhe miliona prej tyre u rritën për sakrificë rituale.

“Lidhja midis maceve shtëpiake dhe perëndeshës egjiptiane Bastet arriti kulmin e saj në mijëvjeçarin e parë para Krishtit”, tha Doherty.

“Në tempujt kushtuar perëndeshës, gjejmë miliona mace të mumifikuara. Kishte aq shumë saqë në periudhën viktoriane, shumë prej tyre u dërguan sërish në Britani të Madhe për t’u bluar dhe përdorur për pleh”, tha ai.

Në procesin e mbarështimit të miliona maceve për vrasje rituale, tiparet që i bënin ato më të lehta për t’u trajtuar u përzgjodhën gradualisht – dhe ja ku lindi “macja shtëpiake”.

Një studim i dytë gjenomik, në të cilin Doherty është bashkautor, analizoi 87 gjenome macesh të lashta dhe moderne dhe nuk gjeti prova se macet shtëpiake hynë në Evropë me fermerët neolitikë.

Në vend të kësaj, ato mbërritën brenda 2,000 viteve të fundit – me shumë mundësi nga Afrika e Veriut.

“Mendoj se kjo tregon se afërsia midis njerëzve dhe maceve nuk është rezultat i kohëzgjatjes së marrëdhënies midis tyre, si me qenin”, tha Doherty.

Dhe duke pasur parasysh arsyen e zbutjes së tyre të hershme, nuk është çudi që macet ende sillen sikur të jenë perëndi. //a.i/

 

The post Shkencëtarët zbulojnë se kur u mbajtën për herë të parë macet si kafshë shtëpiake appeared first on Agjencia Telegrafike Shqiptare.

Këto janë macet që i kanë hapur probleme me autoritetet strehueses së tyre, Irinit. 82-vjeçarja jeton në Tiranë dhe ushqen jo vetëm macet e saj por edhe të braktisura, por një përkushtim i tillë, nuk është pritur mirë nga Agjencia e Mbrojtjes së konsumatorit në bashkinë e Tiranës që e ka gjobitur të moshuarën me 10 mijë lekë.

Kundërvajtja që ka kryer Irini është ndotja akustike, e ndaj me këtë arsyetim ajo është urdhëruar në fletën e gjobës “Ti largojë menjëherë macet”.

Beteja e të moshuarës që refuzon të paguajë gjobën e të heqë dorë nga macet, ka përfunduar në gjykatën administrative me një padi të rrallë, të cilën e shpjegon avokatja e saj.

“Sipas agjencisë për mbrojtjen e konsumatorit, macet kanë shqetësuar publikun dhe qytetarët dhe kanë vendosur një gjobë administrative të pa mbështetur në ligj dhe në prova.

Rezulton që është konstatuar nga agjencia e mbrojtje së konsumatorit, dhe jo qytetarit. Agjencia nuk mund të dënojë personat që kujdesen për macet por ata që i braktisin. Nuk është problemi te gjoba dhe vlera e saj, por te shkelja e të drejtave të njeriut dhe kafshëve”, u shpreh ajo.

E moshuara i thotë gjykatës administrative se nuk ekziston asnjë ligj që ndalon mbajtjen e maceve, me të cilat Irini jeton dhe u jep dashuri

Gjykata administrative ka hedhur shortin dhe pritet të shqyrtojë në mënyrë të përshpejtuar kërkesën paraprake për sigurim padie, që është mos pagim i gjobës derisa çështja të shqyrtohet në themel.

The post Gjyqi i rrallë në Tiranë, e moshuara 82-vjeçare gjobitet sepse ushqen macet e rrugës appeared first on Albeu.com.

BAGDAD, 2 korrik /ATSH-AA/ – Për herë të dytë, në Suleymaniyah të Irakut u organizua Festivali i Bukurisë së Maceve (Miss Cat), në të cilin morën pjesë rreth 200 mace.

Festivali organizohet çdo vit nga Spitali Mbretëror Veterinar, ku zgjidhen macet më të bukura.

Festivali do të mbahet në disa faza.

Në fazën e parë do të përzgjidhen macet që kanë marrë më shumë pëlqime dhe komente në rrjetet sociale.

Në raundin e dytë, 10 macet fituese do të vlerësohen nga një panel gjyqtarësh për të përcaktuar fituesit.

Në festivalin e këtij viti, një mace me emrin Gula Rana fitoi vendin e parë për shkak të bukurisë dhe atraktivitetit të saj.

Çmimet e festivalit u përcaktuan në para të thata.

Vendi i parë mori 300 mijë dinarë (193 euro), vendi i dytë mori 200 mijë dinarë (129 euro) dinarë dhe vendi i tretë mori 100 mijë dinarë irakian (64 euro).

Vlen të përmendet se festivali “Miss Cat” në Suleymaniyah është bërë ngjarje vjetore dhe e ndjekur, ku njerëzit kanë mundësinë të tregojnë kafshët e tyre të dashura dhe përmes këtij festivali i përçohet shoqërisë mesazhi i kujdesit për kafshët dhe mbrojtjes së tyre./  /os/

The post SOFT NEWS – Festival irakian kushtuar bukurisë së maceve appeared first on Agjencia Telegrafike Shqiptare.

T’i japësh ilaçe një maceje nuk është gjithmonë e lehtë, por me pak durim dhe disa metoda të thjeshta, mund ta bëni procesin më të butë, si për ju, ashtu edhe për macen tuaj.

1. Fsheheni në ushqim

Nëse veterineri ju lejon, mund ta fshihni pilulën në një ushqim që macja e pëlqen shumë – si paste për mace, mus, djathë krem, pak gjalpë apo mish të butë. Sigurohuni që e ka gëlltitur vërtet pilulën, pasi macet dinë ta nxjerrin pa e kuptuar.

2. Përdorni trajtime speciale

Në dyqanet për kafshë ka trajtime të veçanta që shërbejnë për të fshehur pilulat. Kanë shije të forta dhe shpesh merren me kënaqësi nga macet.

3. Jepeni me dorë

Nëse pilula nuk mund të jepet me ushqim, mund t’ia vendosni drejtpërdrejt në gojë. Mbështilleni macen me një peshqir për ta mbajtur të qetë, hapni me kujdes gojën dhe vendoseni pilulën sa më thellë. Mbylleni gojën dhe përkëdhelni nën mjekër derisa të gëlltisë.

4. Zgjidhni pilula me shije

Disa ilaçe vijnë me shije mishi apo peshku, që macet i hanë si trajtim. Pyesni veterinerin nëse ekziston kjo mundësi.

Mos harroni: gjithmonë këshillohuni me veterinerin për mënyrën e duhur të përdorimit të ilaçit.

The post Si t’i jepni një pilulë maces suaj (pa dalë të dy të traumatizuar) appeared first on iconstyle.al.

Macet janë krijesa misterioze dhe shpesh kanë sjellje që mund të duken të çuditshme për pronarët e tyre. Shumë prej këtyre sjelljeve janë mënyra që macet përdorin për të komunikuar me ne ose për të shprehur ndjenja dhe nevoja të caktuara. Ja disa nga ato sjellje që mund t’ju habisin:

Kërkimi i vëmendjes – Macet janë të njohura për ndërprerjen e çdo aktiviteti që bëni, qoftë kur jeni duke lexuar një libër ose duke shkruar në laptop. Kur macja juaj kërkon vëmendje, ajo mund të ngjitet mbi ju dhe t’ju detyrojë të kaloni kohë me të, duke e përkëdhelur në vend të objektit që po përdorni.

Injorimi i thirrjeve – Ndryshe nga qentë, të cilët do të vraponin drejt jush kur i thërrisni, macet shpesh ju injorojnë kur i thërrisni me emër. Ato preferojnë të shprehin dashurinë dhe vëmendjen sipas kushteve të tyre dhe do të vijnë t’ju përshëndetin vetëm kur të kenë dëshirë.

Gjetja e ngushëllimit – Edhe pasi të rriten, macet vazhdojnë të ruajnë një instinkt të ngjashëm me atë që kishin si kotele. Ato fërkojnë putrat e tyre në zona të buta të trupit tuaj, si një mënyrë për t’u ndier të sigurt dhe të qetësuar, duke imituar ndjesinë e gjirit të nënës.

Nuhatja e njerëzve – Kur macja juaj vjen dhe ju nuhat papritmas, kjo është një mënyrë për të përcaktuar praninë tuaj dhe për të marrë një aromë të njohur që i ndihmon të relaksohen. Nuhatja është një mënyrë e natyrshme që ato përdorin për të komunikuar dhe për t’u siguruar se janë të qetë dhe të sigurt në mjedisin e tyre.

Përtypja e plastikës – Nëse macja juaj fillon të përtypë plastikë ose objekte të tjera jo ushqimore, kjo mund të jetë një shenjë stresi ose shqetësimi. Kjo sjellje, e njohur si “pica”, mund të jetë gjithashtu rezultat i mangësive në dietë dhe duhet të shqyrtohet nga një veteriner, pasi mund të jetë e dëmshme për shëndetin e saj.

Këto sjellje janë vetëm disa nga ato që mund të bëjnë macet për të shprehur ndjenja të ndryshme, nga kërkesa për vëmendje deri te reagimi ndaj stresit. Pavarësisht se mund të duken të çuditshme, ato janë një pjesë e natyrshme e personalitetit të maces suaj dhe mund të shërbejnë si mënyra për t’ju afruar dhe krijuar një lidhje më të ngushtë me ju.

The post Pse macet bëjnë disa sjellje të çuditshme që mund t’ju habisin? appeared first on iconstyle.al.

TOKIO, 29 maj /ATSH/ – Një studim i ri sugjeron që macet shtëpiake mund të dallojnë aromën e pronarit të tyre nga ajo e një të huaji, shkruan BBC.

Studimi i Universitetit të Tokios zbuloi se macet morën shumë më tepër kohë për të nuhatur epruvetat që përmbajnë aromat e njerëzve të panjohur sesa ato që përmbajnë aromën e pronarit të tyre.

‘’Kjo sugjeron që macet mund të dallojnë midis njerëzve të njohur dhe të panjohur bazuar në aromën e tyre por është e paqartë nëse ato mund të identifikojnë njerëz specifikë’’, thonë studiuesit.

Macet dihet se përdorin shqisën e tyre të mprehtë të nuhatjes për të identifikuar dhe komunikuar me macet e tjera, por studiuesit ende nuk kanë studiuar nëse ato mund ta përdorin atë edhe për të dalluar midis njerëzve.

Studimet e mëparshme mbi njohjen njerëzore nga macet kanë treguar se ato mund të dallojnë zërat, të interpretojnë shikimin e dikujt për të gjetur ushqim dhe të modifikojnë sjelljen e tyre bazuar në gjendjen emocionale të një personi duke njohur aromën e tyre.

Në studimin e publikuar studiuesit u dhanë 30 maceve shishe plastike që përmbanin një tampon që përmbante aromën e pronarit të tyre, një tampon që përmbante aromën e një personi të të njëjtit seks me jo-pronarin ose një tampon të pastër.

Tamponët që përmbanin aromat u fërkuan nën sqetull, pas veshit dhe midis gishtërinjve të pronarit ose të një të huaji.

‘’Macet kaluan shumë më tepër kohë duke nuhatur njerëzit e panjohur sesa duke nuhatur pronarin ose shishen bosh, duke sugjeruar që ato mund të dallojnë aromat e njerëzve të njohur dhe të panjohur’’, theksoi Hancerno.

Ideja e nuhatjes së një stimuli të panjohur për më gjatë është demonstruar tek macet më parë: Kotelet e vogla nuhatën mace të panjohura më gjatë se nënat e tyre.

Megjithatë, studiuesit paralajmëruan se nuk është e mundur të supozohet se macet mund të identifikojnë njerëz specifikë si pronarët e tyre.

“Stimujt nuhatës të përdorur në këtë studim ishin vetëm ato të njerëzve të njohur dhe të panjohur,” theksoi autori i studimit, Hidehiko Uchiyama.

“Do të na duheshin eksperimente sjelljeje në të cilat macet paraqiten me më shumë stimuj nuhatës të njerëzve të njohur dhe do të na duhej të identifikonim modele specifike sjelljeje tek macet që ndodhin vetëm në përgjigje të aromës së pronarit”, shtoi ai./  /os/

The post SOFT NEWS – Aftësia mbresëlënëse e maceve, dallojnë erën e pronarit nga ajo e të huajit appeared first on Agjencia Telegrafike Shqiptare.

MILANO, 24 maj /ATSH-ANSA/ – Macet moderne shtëpiake mbërritën në Evropë shumë më vonë se sa pritej dhe vendi i tyre i origjinës ishte ndoshta Tunizia.

Dy studime të publikuara në ”bioRxiv”, platforma që mbledh artikuj që ende nuk janë dorëzuar në komunitetin shkencor të rishikuar nga kolegët, të udhëhequr nga Marco De Martino dhe Claudio Ottoni të Universitetit të Romës ”Tor Vergata” dhe Sean Doherty, i Universitetit Britanik të Exeterit, po rishkruajnë historinë e përhapjes së maceve shtëpiake evropiane.

Historia e përhapjes së maceve shtëpiake ka rezultuar të jetë një enigmë e vështirë për t’u zgjidhur me kalimin e kohës dhe shumë të dhëna kanë çuar në supozimin se macet e para shtëpiake në Evropë kishin filluar të bashkëjetonin me njerëzit që rreth 10 mijë vjet më parë, në periudhën neolitike.

Hulumtimi italian, i bazuar në analiza të reja dhe më të sofistikuara gjenetike dhe me datim radiokarbonik të pothuajse 100 vendeve midis Evropës dhe Afrikës së Veriut, tregon se macet shtëpiake mbërritën në Evropë në dy valë, pas rrugëve tregtare, duke filluar në shekullin I pas Krishtit, gjatë periudhës së hershme perandorake romake.

Megjithatë, në Sardenjë, disa nga macet e para shtëpiake u sollën që në shekullin II para Krishtit, duke i dhënë jetë popullatës së egër aktuale të ishullit.

Gjetjet e studiuesve britanikë, bazuar në analizën e eshtrave të lashta nga 206 vende, tregojnë se macet shtëpiake mbërritën në Evropë nga Tunizia në disa valë, e para prej të cilave daton në mijëvjeçarin e parë para Krishtit, shekuj më parë nga sa tregohet nga studiuesit italianë./  a.jor.

The post SOFT NEWS – Macet e para shtëpiake mbërritën në Evropë shumë më vonë nga parashikimet appeared first on Agjencia Telegrafike Shqiptare.

Tërmeti i fortë që goditi mëngjesin e sotëm Kretën, duke shkaktuar panik tek qytetarët.

Në një video të publikuar nga mediat greke dhe e regjistruar në Liqenet e Agios Nikolaos, shfaqet një mace që ecën qetësisht dhe duket se ndjen lëkundjet e tërmetit disa sekonda para se ato të fillojnë.

Në një moment, macja ndalet dhe fillon të shikojë rreth e rrotull, duke u munduar të kuptojë se çfarë po ndodhte, përpara se të nxitonte të fshihej. Pas pak sekondash, toka fillon të dridhet. Tërmeti, me magnitudë 6.2 ballë, u ndje edhe në vende fqinje si Turqia, Libia dhe Egjipti.

The post Macja parandjeu tërmetin e fuqishëm në Kretë, ja si vrapon për të gjetur strehë të sigurtë (Video) appeared first on Sot News | Lajme.

Macja Pumpkin, aventurat e të cilit mund t’i ndiqni në profilin e Instagramit @maple.and.pumpkin, është bërë viral falë dashurisë së tij për të përgjuar macen e fqinjit.

Pronarja publikoi javën e kaluar një video të “misioneve” spiunuese, e cila ka mbledhur mbi tre milionë shikime.

Edhe pse macet janë kafshë natyrisht kurreshtare që e duan eksplorimin e mjedisit të tyre, Pumpkin ka shkuar një hap më tej me fiksimin e tij.

 

View this post on Instagram

 

A post shared by Maple & Pumpkin (@maple.and.pumpkin)

Sa herë që gjendet në oborrin e vet, ai kalon kohë para gardhit duke vëzhguar çfarë po bën macja e fqinjit.

Fatkeqësisht, magjepsja nuk është e ndërsjellë. “Ajo e urren atë”, tha pronarja për Newsweek, duke shtuar se macja e fqinjit në përgjithësi nuk është miqësore dhe nuk i pëlqen macet e tjera.

Në komentet në Instagram, përdoruesit vlerësuan përpjekjet e Pumpkin, dhe disa madje sugjeruan që pronari të bënte sa më shumë vrima në gardh në mënyrë që kjo mace kureshtare të kishte një pamje më të mirë. /Telegrafi/

The post Kjo mace është bërë virale sepse është e fiksuar me fqinjën e saj appeared first on Telegrafi.

UASHINGTON, 19 prill /ATSH-DPA/ – Një mace gjeti rrugën e saj në lëndinën veriore të  Shtëpisë së Bardhë, nën masa të forta sigurie, duke shkaktuar bujë në mesin e gazetarëve që dokumentuan pamjen e kafshës shtëpiake, gri me sy të gjelbër, të quajtur Sophie në mediat sociale.

Përfundimisht, me ndihmën e stafit të Shtëpisë së Bardhë, pronari u gjet.

Sophie madje përfundoi për një kohë të shkurtër në zyrën e famshme të informimit, ku gazetarët zakonisht ia drejtojnë pyetjet e tyre Karoline Leavitt, zëdhënëses së presidentit të SHBA Donald Trump.

Në platformën X, një reporter ndau lajmin dhe shpjegoi se Sophie kishte ndoshta një Airtag, një pajisje e vogël gjurmuese që lejon që objektet ose kafshët shtëpiake të lokalizohen përmes smartphone.

Në një video, një gazetare shihet duke mbajtur kafshën në krahë dhe duke bërë shaka se “mund të ketë një lloj pajisje dëgjimi”.

Sophie përfundimisht u ribashkua me pronarin e saj.

Zona përreth Shtëpisë së Bardhë është një nga objektet më të siguruara në botë.

Shërbimi Sekret monitoron çdo lëvizje dhe kamerat dhe barrierat e aksesit mbrojnë zonën gjatë gjithë kohës.

Megjithatë, kohët e fundit, edhe një foshnjë arriti të hynte.

Ajo me sa duket ”rrëshqiti” përmes gardhit pa u vënë re dhe pak më pas u kthye te prindërit e saj nga forcat e sigurisë./  a.jor.

The post SOFT NEWS – Një mace hyn në zyrën e informimit të… Shtëpisë së Bardhë! appeared first on Agjencia Telegrafike Shqiptare.

Përdoruesit e rrjeteve sociale i adhurojnë kafshët shtëpiake të pazakonta dhe simpatike, dhe ylli më i ri i TikTok-ut është macja Kitty nga Italia, e cila ka mahnitur mbi 26 milionë shikues falë ngjyrës së saj të pazakontë të qimes.

Pronarja e saj, Mariacarla Caruso, ka dhënë një intervistë të shkurtër për Newsweek në lidhje me macen, e cila nuk është unike vetëm për shkak të ngjyrës së veçantë të qimes, por edhe për historinë të jashtëzakonshme të jetës.

Në mars të vitit 2021, Kitty u shpëtua pasi Caruso dhe familja dëgjuan një mjaullima të lehtë jashtë shtëpisë.

@thejacketcat♬ original sound – ᥫ᭡

Ata gjetën një qese plastike të varur në një degë peme dhe brenda saj ishte një kotele e vogël, vetëm disa orësh.

Pavarësisht fillimit të trishtuar, Kitty mori një mundësi të re për jetë dhe shumë shpejt u bë një anëtare e dashur e familjes.

Në fillim të vitit 2024, Caruso nisi të postonte video të Kitty-t në TikTok me emrin e përdoruesit @thejacketcat. Adhuruesit e maceve menjëherë vunë re modelet e pazakonta në qimen e saj. Kitty ka kokën si një mace tipike bardh e zi, ndërsa putrat e përparme i ka të mbuluara me qime portokalli, sikur të ketë veshur një xhaketë.

Kitty i përket grupit të maceve të njohura si calico, që nuk janë një racë më vete, por një kategori që përfshin macet me një kombinim specifik të bardhës, të zezës dhe portokalltë në qimen e tyre. Këto mace shpesh kanë modele unike në trup, por kombinimi i veçantë i ngjyrave të Kitty-t ka magjepsur veçanërisht publikun. /Telegrafi/

The post Macja bëhet virale për gëzofin e pazakontë – videot e kafshës shihen miliona herë appeared first on Telegrafi.

Interneti është plot me video të maceve që bëjnë një shprehje të neveritshme pasi nuhasin diçka.

Qofshin putrat e kujdestarit të tyre apo fryma e qenit, shumë mace nuhasin diçka me kujdes, pastaj hapin gojën me një shprehje që duket pothuajse e tronditur nga era. Ju mund të keni kapur macen tuaj duke e bërë këtë dhe keni qeshur.

Por çfarë po ndodh vërtet në mendjen e maces suaj të vogël në atë moment? A është neveri që sheh në fytyrën e saj? A janë macet vërtet kaq shprehëse në një mënyrë pothuajse njerëzore, apo kështu e interpretojmë këtë sjellje të veçantë?

Pse macet e bëjnë fytyrën si “të neveritur”?

Në fakt, kjo shprehje e veçantë nuk lidhet me aromat e pakëndshme që ka një mace, por me faktin që në atë moment, kafsha juaj po analizon sinjalet kimike në mjedisin e saj.

Shumë kafshë, duke përfshirë macet e egra dhe shtëpiake, lëshojnë feromone në mjedisin e tyre – këto janë sinjale kimike që përdoren për të komunikuar midis kafshëve të së njëjtës specie. Për të zbuluar dhe analizuar këto mesazhe të padukshme, macet mbështeten në një organ të veçantë shqisor në qiellzën e tyre, “organin e Jacobson”.

Ky është një organ i ndarë nga hunda, i cili zbulon aromat, por jo feromonet. Kur një mace zbulon feromonet, ajo i përpunon ato ndryshe sesa përpunon aromat. Ajo hap pak gojën, me buzët nga brenda, një sjellje e veçantë e quajtur “përgjigja e Flehmenit”. Kjo shprehje e bën më të lehtë që molekulat e feromonit të arrijnë në organin e Jacobson-it, duke e ndihmuar macen të përpunojë sinjalet kimike.

Macja thjesht po zbulon dhe përpunon feromonet. Macet tona të dashura shtëpiake përdorin feromone për të marrë dhe për të transmetuar mesazhe të ndryshme: për të shënuar një territor pa pasur nevojë të futen në një konfrontim, për të komunikuar lidhjen midis maces së nënës dhe foshnjave, ose për të përcjellë informacion rreth fazës seksuale në të cilën ndodhen.

The post Pse macet shpesh bëjnë një fytyrë të neveritshme pasi nuhasin diçka? appeared first on iconstyle.al.

Shpesh kur jeni duke bërë pazar në një dyqan aziatik ose duke shijuar një vakt në një restorant japonez ose kinez, mund të shihni një statujë mace të lezetshme që ju përshëndet me putrat e saj.

Ky është Maneki Neko, një figurë që i ka rrënjët në traditën popullore japoneze (edhe pse shumë e konsiderojnë gabimisht si kineze) dhe konsiderohet veçanërisht e favorshme për biznesin apo edhe shtëpinë që e pret.

E bërë zakonisht nga ndonjë material qeramik, metal apo edhe plastikë, kjo statujë gjendet sot në variacione të ndryshme, secila prej të cilave ka kuptimin e vet. Në formën e tij më tradicionale, ajo përshkruan një bisht japonez kalico (trengjyrësh), një racë mace me një bisht të shkurtër karakteristik, e cila është shoqëruar me shekuj në vendin e saj të origjinës me fat. Por ka edhe mjaft flori, të zi, të kuq apo edhe… rozë Maneki Neko, ku çdo variacion ngjyrash premton të sjellë “mundësi” dhe fat në fusha të ndryshme të jetës së kujdestarit të tij.

Ja disa fakte interesante për Maneki Nekon dhe sekretet e tij:

– Nuk na përshëndet, na fton

Kur dikush sheh për herë të parë një “mace me fat”, ata mund të supozojnë – veçanërisht nëse vijnë nga një vend perëndimor – se putra e saj është ngritur në një formë përshëndetjeje. Në fakt, siç e tregon interpretimi i emrit të saj në japonisht, Maneki Neko nuk na përshëndet, por na bën shenjë të afrohemi.

– Legjenda magjepsëse për lindjen e Maneki Nekos

Askush nuk e di me siguri se nga e kanë origjinën këto figura, por besohet gjerësisht se figurinat e para në këtë formë janë krijuar në shekullin e 17-të, qoftë në zonën e Tokios (që në atë kohë quhej Edo) ose në zonën e Kiotos, nga mjeshtrit që bënin qeramikë tradicionale duke përdorur teknikën Imanto.

Ndërsa nuk ka asnjë provë historike se kur ose ku u krijua “macja e parë me fat”, ka shumë legjenda interesante në folklorin japonez që e lidhin pamjen e saj me njerëz, incidente dhe vende të shenjta.

Në një nga këto legjenda, krijuesi i Maneki Neko-s së parë ishte një grua e moshuar që jetonte pranë faltores Shinto në qytetin e Imado. Për shkak të kushteve ekstreme të varfërisë me të cilat përballej, kjo grua u detyrua të linte macen e saj të dashur të ikte. Një ditë, macja e vizitoi në ëndërr dhe i tha se nëse do të bënte një kopje të vetes, do t’i sillte fat. Gruaja ndoqi këtë këshillë dhe bëri një statujë duke përdorur teknikën lokale të bërjes së qeramikës. Kur shkoi ta shiste te porta e faltores, dizajni i tij shkaktoi emocione dhe shpejt filloi të bënte e të shiste më shumë statuja, duke rezultuar që ai të bëhej i pasur dhe “profecia” e maces të realizohej.

Ngjyrat e Maneki Nekos dhe kuptimi i tyre

Siç e përmendëm më lart, variacionet e ndryshme të ngjyrave të “maceve me fat” kanë rëndësinë e tyre.

Këtu është një interpretim i ngjyrave të tyre:

– Calico tradicionale (me ngjyrë të bardhë si mbizotëruese) ose macet e bardha thuhet se në përgjithësi sjellin fat në një shtëpi apo biznes.

– Black Maneki Neko supozohet të të mbrojë nga forcat e së keqes

– Ngjyra e artë në statuja lidhet me prosperitetin ekonomik

– Ngjyra e kuqe simbolizon jetëgjatësinë dhe shëndetin e mirë

– Figurinat rozë besohet se sjellin sukses në dashuri.

– Së fundi, statujat e verdha lidhen me mundësitë financiare dhe blerjen e pasurisë

The post Maneki Neko: Njihuni me macen me fat të Japonisë appeared first on iconstyle.al.

ROMË, 25 shkurt /ATSH/ – Qyteti i Romës u ka dhënë zyrtarisht statusin e mbrojtjes strehëve të saj historike të maceve, duke përfshirë të famshmen Colonia Felina di Torre Argentina, e vendosur në vendin e vrasjes së Jul Cezarit dhe shenjtëroren në Piramidën e Cestiusit, sipas rometravelers.

Qyteti është shtëpia e më shumë se 5 000 kolonive të regjistruara të maceve, me shumë të vendosura në pikat kryesore të referimit.

Vullnetarët, të njohur si ”gattare”, janë kujdesur për macet endacake të Romës për shekuj duke vazhduar një traditë që daton që nga kohërat e lashta.

Vizitorët mund t’i mbështesin këto vende të shenjta përmes donacioneve ose programeve të birësimit në distanca të gjata, duke ndihmuar në ruajtjen e lidhjes unike të Romës me macet e saj endacake./  a.jor.

The post SOFT NEWS – Roma u jep statusin e mbrojtjes strehëve të maceve endacake appeared first on Agjencia Telegrafike Shqiptare.

Macet dhe fëmijët kanë një mënyrë të veçantë për të na magjepsur plotësisht dhe videoja e fundit virale në Instagram nuk është përjashtim.

Me gati 8000 pëlqime, mund të themi me siguri se ky moment i ëmbël i butësisë ka pushtuar zemrat e shumë përdoruesve. Videoja tregon një situatë prekëse, ku macja e familjes pret me durim gjithë natën përpara derës së dhomës së foshnjës.

Kur më në fund vjen mëngjesi, pronarja e hap derën, dhe macja e padurueshme menjëherë vrapon drejt krevatit të foshnjës dhe fillon ta puthë atë.

Macet që janë mësuar me një anëtar të ri të familjes shpesh zhvillojnë lidhje mbrojtëse dhe të buta me fëmijët.

Kjo mund të shfaqet në mënyra të ndryshme, si për shembull mbikëqyrje e vazhdueshme, shtytje të butë ose, siç ndodh në këtë rast, mbushje të fëmijës me puthje.

Liza e maceve zakonisht tregon dashuri, dhe mund të jetë gjithashtu një mënyrë për të shënuar foshnjën me erën e tyre, duke forcuar më tej marrëdhënien e tyre. /Telegrafi/

 

View this post on Instagram

 

A post shared by Hᴇᴀᴛʜᴇʀ Mᴇᴇs (@the_heathermees)

The post Macja e kaloi gjithë natën në derën e dhomës së gjumit duke pritur që fëmija i pronarit të zgjohej appeared first on Telegrafi.

UASHINGTON, 17 shkurt /ATSH-ANSA/ – Sot në mbarë botën festohet Dita Ndërkombëtare e Maceve.

Nga Azia, Afrika, Evropa e deri në Amerikë macet janë protagonistë të padiskutueshëm për udhëtimet e miliona njerëzve që i adhurojnë ato.

Nëse doni të kryeni një udhëtim të jashtëzakonshëm kushtuar dashurisë për macet ja disa prej destinacioneve të jashtëzakonshme, ja ku mund t’i admironi dhe përqafoni ato, sipas studimit të Maximilian Schmidt, Drejtor Menaxhues i CamperDays.

Ku të jetoni midis maceve?

● Aoshima (Japoni)

Ky ishull i vogël në brigjet e Detit të Brendshëm Seto në Japoninë jugore njihet në mbarë botën si “Ishulli i maceve”.

Aoshima dikur ishte pika e zbarkimit për disa anije peshkimi dhe shtëpia e një komuniteti marinarësh, të cilët futën macet në ishull për të përzënë minjtë e tërhequr nga peshqit.

Me 130 mace krahasuar me vetëm 13 banorë njerëzorë, Aoshima është një vend i domosdoshëm për adhuruesit e maceve.

● Shtëpia e Ernest Hemingway

E vendosur në pjesën më jugore të Floridës në Shtetet e Bashkuara, qyteti ishullor i Key West është një destinacion i preferuar për entuziastët e natyrës falë plazheve të tij qiellore me ujërat e kristalta dhe natyrës së tij të egër.

Pranë farit historik, “Key West Lighthouse”, ndodhet edhe Muzeu i Shtëpisë së Ernest Hemingway, i cili strehon një koloni të vogël, por shumë të dashur macesh.

● Amsterdami (Holandë)

Përveçse është kryeqyteti europian i biçikletave, jo të gjithë e dinë që Amsterdami është gjithashtu një destinacion që nuk duhet humbur nëse i doni macet.

Në fakt, duke ecur nëpër rrugë përgjatë kanaleve të ndryshme që përshkojnë qytetin, shumë pika interesante ju lejojnë të përqafoni macet e vogla.

Në perëndim të qytetit, në lagjen e tregut, do të gjeni “KattenKafé Kopjes”, një kafene ku jetojnë 8 mace dhe që është vendi i përsosur për të shijuar një kafe në qetësi, rrethuar nga zhurma e maceve që flenë.

● Venecia (Itali)

Një perlë italiane që ngrihet në kanalet me ngjyrë smeraldi, Venecia është një destinacion i përjetshëm, i paarritshëm për ata që duan të magjepsen nga arti, historia dhe kultura në të cilën është zhytur.

Qyteti është i banuar gjithashtu nga mace të shumta, të importuara nga Lindja gjatë Mesjetës për t’u marrë me infektimet e minjve në anijet tregtare dhe brenda shtëpive.

Në fakt, duke lëvizur nga qendra historike e Venecias, në një lagje të vogël të Lidos, në Malamocco, ekziston një oaz macesh në natyrë që pret më shumë se 250 mace.

● Lanai Cat Sanctuary (Ishulli Lanai, Hawai)

Edhe pse një nga ishujt më të vegjël Havai për sa i përket sipërfaqes, Lanai sigurisht nuk është më pak magjepsës. Ky ishull i Paqësorit, dikur i mbushur me plantacione ananasi, është sot një destinacion i preferuar për turistët.

Lanai ka gjithashtu një cep të vogël të parajsës për dashamirët e maceve: Sanctuary Cat Lanai. E vendosur në pjesën jugore të ishullit, kjo strehë është shtëpia e mbi 600 maceve, ku ato gjejnë strehë dhe kujdes.

● Chefchaouen (Marok)

Shpallur një sit i Trashëgimisë Botërore nga UNESCO, Chefchaouen është një nga qytetet më ndjellëse, elegante dhe piktoreske në Marok, me shtëpitë e tij katrore të lyera në nuanca të ndryshme të blusë, nga bruz në ultramarine.

Përveç veçantisë së tij kromatike, pakkush e di se Chefchaouen është i banuar edhe nga shumë mace, të cilat ofrojnë mundësinë e përsosur për të bërë foto unike në këtë fshat të ëndrrave.

● Stamboll (Turqi)

I pasur me histori të lashtë dhe ndikime të shumta kulturore, ky metropol multi-etnik me pamje nga ngushtica e Bosforit është gjithashtu shtëpia e më shumë se 150 mijë maceve.

Të pavarur nga natyra, këta qytetarë katërkëmbësh enden rrugicave të qytetit, për këtë arsye quhen me ironi edhe “Catsanbul”.

Kujdestarët dhe mbrojtësit kundër minjve, macet admirohen thellësisht në Stamboll, ku mund të lëvizin lirshëm dhe të kenë akses në çdo cep.

Në fakt, duke kaluar nëpër Pazarin e Madh shumëngjyrësh dhe kaotik, tregun qendror, apo edhe duke vizituar vendet e adhurimit si Bazilika e mrekullueshme e Santa Sofias dhe Xhamia e mrekullueshme Blu, nuk mungojnë mundësitë për të parë dhe përkëdhelur këto mace të vogla.   /os/

 

The post SOFT NEWS – ”Të çmendur” pas maceve, ja vendet ku turistët kënaqen me to appeared first on Agjencia Telegrafike Shqiptare.

Një mjek italian është duke u hetuar pasi i bëri maces së tij skaner me rreze X në një spital në Aosta para se ta bënte operacion. Gianluca Fanelli e çoi macen e quajtur Athena në spitalin “Umberto Parini”, ku ai është menaxher i njësisë së radiologjisë, pasi ajo ra nga çatia. “Ajo ishte mes