Real Madrid-PSG do të jetë gjysmëfinalja e dytë e botërorit të klubeve. Kampionët e Europës dhe Los Blancos siguruan kalimin për në fazën tjetër duke eliminuar respektivisht dy skuadrat gjermane, Bayern dhe Dortmund.

Galaktikët e drejtuar nga Xabi Alonso triumfuan ndaj verdhezinjve, në një ndeshje spektakolare, ku u shënuan 5 gola, e në fund ishin spanjollët që fituan 3-2.

Gonzalo Garsia dhe Fran Garsia I bënë gjërat e thjeshta për galaktikët, të cilët shënuan 2 herë në 20 minutat e para të ndeshjes. Me qetësinë e epërsisë, spanjollët e administruan mirë lojën, deri në kohën shtesë, kur u shënuan dhe 3 gola të tjerë.

Verdhezinjtë ngushtuan diferencën me Beier, por pak moment më vonë Mbappe arriti që të rikthente qetësinë në kampin Los Blancos. Pavarësisht se ishte minuta e pestë e shtesës kur francezi gjeti rrjetën, kishte vend dhe një për një realizim të Guirassy, I cili me  11metërsh kristalizoi shifrat përfundimtare 3-2.

Real Madrid gjen në gjysmëfinale një ndër petendentët kryesor të këtij turneu, PSG. Kampionët e Francës e të Europës u mjaftuan me 2 gola në pjesën e dytë ndaj ndaj Bayern, teksa Doue dhe më pas Dembele I dhanë biletën për në gjysmëfinalet e botëroroit të klubeve.

Francezët vijojnë që të bëjnë mirë dhe kanë mundësinë që të fitojnë çdo trofe të mundshëm këtë edicion, pasi kanë marrë titullin, Kupën e Superkupën në Francë, Ligën e Kampioneve në Europë, si dhe do të luajnë dhe në finalen e Superkupës së Europës.

Gjysmëfinalet e botëroroit të klubeve do të luhen në datat 8 dhe 9 korrik, teksa fillimisht do të jetë përballja mes Fluminenses dhe Chelsesa në orën 21:00, ndërsa 24 orë më vonë do të zhvillohet supersfida mes PSG-së dhe Real Madrid. Të dyja gjysmëfinalet si ashtu si dhe finalja e madhe e 13 korrikut do të transmetohen live dhe ekskluzivisht në ekranin e SuperSport në Digitalb.

Real Madridi ka kaluar në gjysmëfinale të Kupës së Botës, duke eliminuar Dortmundin me rezultat 3-2.

Los Blancos në këtë fazë të turneut do të përballen me Paris Saint-Germain, që eliminoi Bayern Munichun me rezultat 2-0.

GONZALO GARCÍA STRIKES EARLY!

10th minute, 4th goal of the tournament — this young man is on fire! pic.twitter.com/SWqxpqKQJj

— DAZN Football (@DAZNFootball) July 5, 2025

Pas vetëm dhjetë minutash lojë, Gonzalo Garcia shënoi për 1-0 me një asistim brilant nga Arda Guler.

Dhjetë minuta më vonë, Trent Alexander-Arnold e gjeti për mrekulli Fran Garcian, për rezultatin 2-0.

FRAN GARCÍA MAKES IT TWO FOR REAL MADRID!

The left-back with a thunderous finish. Madrid doubling their lead at MetLife! pic.twitter.com/TM9HjI3ZbT

— DAZN Football (@DAZNFootball) July 5, 2025

Madrilenët dominuan edhe në minutat në vazhdim, ndërsa Vinicius Junior lëshoi dy raste të arta.

Në 45 minutat e dytë, nisën me një ritëm të ngadaltë, por që nga fundi u realizuan tre gola të tjerë.

Maximilian Beier (90+3′) shënoi për 2-1, ndërsa madrilenët rikthyen sërish epërsinë prej dy golave.

Kylian Mbappe realizoi për 3-1 në minutën e 90+5-të, por që sërish u ngushtua rezultati.

Dean Huijsen shkaktoi penallti në minutën e 90+7-të, duke u përjashtuar me karton të kuq, ndërsa nga pika e bardhë i saktë u tregua Serhou Guirassy.

Real Madridi ia doli të kalonte në gjysmëfinale të Botërorit për Klube, aty ku do të përballet me PSG-në të mërkurën e javës së ardhshme. /Telegrafi/

The post Real Madridi kalon Dortmundin, në gjysmëfinale takohet me PSG-në appeared first on Telegrafi.

Real shkatërron Dortmund me një pjesë të parë perfekte, pastaj menaxhon ndeshjen deri në minutën e 93’, kur gjithçka rihapet në një fund të çmendur dhe fluturon në gjysmëfinale. Në MetLife Stadium përfundon 3-2 për Merengues, të cilët kalojnë përpara pas vetëm 10 minutash me të zakonshmin Gonzalo Garcia, goli i katërt në turne. Sulmuesi me akrobaci e dërgon topin pas shpinës së Kobel, falë një pasimi të shkëlqyer të Arda Guler. Nga një Garcia tek tjetri: dhjetë minuta më vonë i takon Franit të shtyjë në rrjetë asistin e Alexander Arnold dhe të gjejë kështu golin e dyfishimit.

Ndeshja e mbyllur pas 20 minutash dhe Borussia plotësisht e mpirë nga loja me pasime e skuadrës së Xabi Alonso, thjesht perfekte në menaxhimin e topit. Kovac përpiqet të ndërhyjë në pjesën e dytë me një zëvendësim të trefishtë, dhe në fakt Borussia duket më reaktive në çerekun e parë të orës. Por pastaj, ndryshon edhe Xabi: fut Modric, Mbappé dhe Ceballos dhe topi i ngjitet sërish këmbëve të lojtarëve me fanellë të bardhë.

Lexo më tej: PSG me 9 lojtarë eliminon Bayern Mynih: Doué e Dembélé, francezët në gjysmëfinale

E vetmja drithërimë në pjesën e dytë është një ndërhyrje në kufi e Yan Couto që ngre shumë këmbën dhe godet Fran Garcia në nivelin e fytyrës në mesfushë. Arbitri pret kontrollin e VAR dhe pastaj zgjedh faljen: vetëm karton i verdhë. Pastaj ndodh e pabesueshmja: Rudiger gabon një largim dhe Beier, paksa në befasi, i hap gjithçka. Është minuta e 93’ dhe ka ende për të ndodhur gjithçka. Një minutë më pas Mbappé me një gjysmë rovjeshatë shënon për 3-1, por në sulmin e fundit të Dortmund Huijsen ndëshkohet me të kuq dhe i dhuron penalltinë e 3-2 Guirassy. Pastaj Real Madrid forcon radhët në shtesën e shtesës dhe fluturon në gjysmëfinale, ku do të gjejë PSG për një përballje yjesh. Në shenjën, natyrisht, të Kylian Mbappé.

The post Real Madrid thyen mes spektaklit e telasheve Dortmund:Mbappé gjen në gjysmëfinale PSG appeared first on Lapsi.al.

Të gjithë prisnin të shihnin përplasjen e parë të madhe mes Jude Bellingham dhe vëllait të tij Jobe në Kupën e Botës për Klube, rastin e parë për një ndeshje “familjare” mes dy talenteve anglezë: më i vogli ka lënë së fundmi Southampton për të veshur fanellën e Borussia Dortmund, pikërisht siç ndodhi me vëllain e tij më të madh përpara se të kalonte te Real Madrid. Por në këtë takim, blerja e re e klubit gjerman nuk do të jetë, fajin e ka një pakujdesi që e ka penalizuar.

Në 1/8 e finales, Dortmund fitoi kundër Monterrey dhe në raundin pasues të fazës me eliminim direkt do të përballet me Blancos, një ndeshje veçanërisht e vështirë kundër një prej skuadrave pretendente për fitoren e turneut. Por Jobe nuk do të jetë në fushë për t’u përballur me vëllain e tij dhe do të duhet ta ndjekë ndeshjen nga tribuna, duke u rikthyer në lojë vetëm për një gjysmëfinale të mundshme.

Pse Jobe Bellingham nuk do të luajë kundër vëllait të tij

Kartoni i verdhë i marrë kundër Monterrey ka sjellë pezullimin për më të voglin e familjes Bellingham, i cili nuk e dinte këtë rregull: në Kupën e Botës për Klube pezullimi vjen pas dy ndëshkimeve, ndryshe nga sa ndodh kur luhet një ndeshje kampionati. Jobe nuk e dinte dhe vetëm pas pushimit kuptoi që nuk do të mund të përballej me vëllain e tij në çerekfinale.

View this post on Instagram

A post shared by England football team (@england)

Këtë e ka zbuluar trajneri i tij, Niko Kovac, i cili ka qenë i detyruar t’i shpjegojë rregulloren e turneut: “Jobe nuk e dinte që me kartonin e dytë të verdhë ishte automatikisht i pezulluar. Në pushim nuk e kuptonte ende që nuk do të mund të luante ndeshjen tjetër; iu desh ta thosha unë.” Për të ka qenë një dush i ftohtë sepse do të donte ta sfidonte Jude për herë të parë në karrierën e tij, por do t’i duhet ta shtyjë ndoshta duke menduar për një përballje të mundshme në edicionin e ardhshëm të Champions League.

The post Jobe Bellingham humbet sfidën me Jude: nuk luan ndaj Real sepse nuk njeh rregullat appeared first on Lapsi.al.

Kupa e Botës për Klube, pavarësisht çdo gjëje, duket e destinuar të jetë ngjarja tjetër që “shpërfaq” i FIFA-n, me ekipet më të mëdha nga e gjithë bota që janë përballur për një gjë të pazakontë. Ende nuk është e qartë se si po performon turneu për sa i përket vëmendjes së transmetimeve, por nuk ka arritur të tërheqë imagjinatën e tifozëve vendas në Shtetet e Bashkuara të Amerikës.

FIFA zbatoi çmime dinamike për Kupën e Botës për Klube, me sa duket duke shpresuar që biletat të shiten me çmim të lirë. Megjithatë, kjo nuk ka ndodhur dhe me çerekfinalet e kësaj të premteje dhe të shtune, pasi tani biletat mund të merren për vetëm 11.15 dollarë (9.45 euro).

Sipas The Athletic, stadiumet bosh kanë qenë një pamje e zakonshme gjatë gjithë turneut dhe çmimi i mësipërm është më i liri në dispozicion për përballjen e Al-Hilal me Fluminense në Orlando. Për të parë Chelsean kundër Palmeiras, tifozët mund të vijnë në stadium për vetëm 22.30 dollarë (18.91 euro).

Lexo po ashtu Dhjetë ekipet me fitimet më të mëdha në Kupën e Botës për Klube – Real Madridi kryeson listën  

Përballja kryesore është Bayern Munich kundër Paris Saint-Germain. Pavarësisht se çmimet për atë përballje fillonin nga 500 dollarë (423.93 euro) në janar, tifozët tani mund ta shohin ndeshjen për vetëm 44.60 dollarë (37.81 euro).

Një nga të paktat skuadra që ka pasur shumë tifozë është Real Madridi. Los Blancos duket se kanë mjaftueshëm tifozë për të mbushur stadiumet kudo që shkojnë, dhe të katër ndeshjet e tyre kanë pasur pjesëmarrje mbi 60,000 veta.

Biletat më të lira për të parë skuadrën e Xabi Alonsos të shtunën kundër Borussia Dortmund kushtojnë 128 dollarë (108.53 euro), më shumë në përputhje me çmimet në kryeqytetin spanjoll.

Lexo po ashtu Superkompjuteri parashikon shanset e klubeve për të fituar Kupën e Botës për Klube – befasi ekipi favorit

FIFA ka angazhuar mbi 50 milionë dollarë (42.4 milionë euro) në marketing për Kupën e Botës për Klube, por në ndeshjet e fundit ka dhuruar bileta për veteranët dhe grupet e komunitetit që lidhen me futbollin.

Megjithatë, biletat më të lira për gjysmëfinalen e mundshme të Real Madridit kushtojnë 978 dollarë (829.20 euro), ndërsa gjysmëfinalja e parë kushton 473.90 dollarë (401.80 euro) dhe finalja kushton 892 dollarë (756.29 euro). /Telegrafi/

The post FIFA ulë “për tokë” çmimet e biletave për çerekfinalet e Kupës së Botës për Klube appeared first on Telegrafi.

Fillimi i mirë, gjysma e punës. Kështu thotë shprehja e urtë dhe kështu ndodhi për Dortmundin, ndonëse gjermanët shpëtuan mirë pa u mundur.

Borusia mundi 2-1 Monterrejin meksikan dhe u kualifikua për në çerekfinale të Kupës së Botës për Klubet, falë dy golave të shpejtë të sulmuesit Serhu Girasi në minutat 14 e 24.

Gjithsesi, ajo që erdhi më pas ishte një “ferr” i vërtetë.

Monterrej, nën udhëheqjen e ish-kapitenit të Realit, Sergio Ramos, luftoi fort dhe iu afrua barazimit.

Mbrojtësi i qendrës e donte patjetër një duel me Madridin, ish-skuadrën ku u bë I lavdishëm, por 39-vjeçari nuk mundi ta kishte.

Zherman Berterame shënoi në 48’ duke I dhënë shpresë dhe rastet nuk munguan.

Meksikanët mbajtën topin 59 për qind, patën më shumë se dyfishin e gjuajtjeve të Dortmundit, në kuadrat e jashtë tij, dhe këmbëngulën pa u lodhur.

Portieri Kobel ishte heroi me pritjet e tij, por edhe ai duhet të falenderojë fatin që Ramos nuk shënoi dot në kohën shtesë.

Do të kishte qenë një tjetër gol I sekondave të fundit, për të cilët ish-madrileni është i famshëm.

Gjithsesi gjermanët u kualifikuan dhe në çerekfinale do të luhet ish-finalja e Championsit, Real Madrid-Borusia Dortmund.

Real Madridi është klubi që ka përfituar më shumë para deri tani në Kupën e Botës për Klube 2025, teksa dhjetëshja mbyllet me sauditët e Al-Hilal.

Presidenti i FIFA-s, Gianni Infantino, e përshëndeti me krenari edicionin e parë të zgjeruar Kupës së Botës për Klube këtë verë si një moment “të madh” për futbollin.

Ky edicion iu ka garantuar shumë para thuajse secilës skuadër pjesëmarrëse, por ka disa nga ato që kanë përfituar shumë deri tani, pas arritjes në çerekfinale.

Sipas faqes Sport Illustrated, Real Madridi është klubi që ka përfituar më shumë para deri tani, duke siguruar një shifër prej 61.5 milionë dollarësh apo 52.23 milionë euro.

Ekipi i dytë në listën e përfituesve është Bayern Munich me përfitime prej 49.43 milionë euro, ndërsa ‘podiumin’ e kompleton Paris Saint-Germain me fitime prej 47.5 milionë euro.

Lista vazhdon me Chelsean që ka fituar 45.52 milionë euro, Borussia Dortmundin që ka fituar 44.42 milionë euro dhe Manchesteri City me 43.9 milionë euro.

Klubet braziliane, Palmeiras dhe Fluminense ndajnë pozitën shtatë me përfitime prej 33.80 milionë euro, teksa pasohen nga Interi me 31.25 milionë euro dhe Al Hilal i dhjeti me 29.05 milionë euro.

Më poshtë në listë gjenden klube si Benfica, Flamengo, Botafogo, Juventus, Porto, Atletico Madrid, Inter Miami, Monterrey, River Plate dhe Boca Juniors, të cilat kanë fituar nga Kupa e Botës për Klube nga 25.40 milionë euro deri tek i fundit që ka fituar 14.16 milionë euro.

Ndryshe, paratë e fituara vijnë nga pjesëmarrja e tyre, ku kanë përfituar nga 10 deri në 35 milionë euro, të pasuara me çmime si fitorja në grup që vlente rreth 2 milionë euro, barazimi rreth 1milion euro, kualifikimi në fazën e 1/8-tës rreth 7 milionë euro dhe kalimi në çerekfinale mbi 11 milionë euro.

Lexo po ashtu Kompletohen çerekfinalet e Kupës së Botës për Klube, zbulohen datat dhe orari i ndeshjeve

Sa para ka fituar deri më tani secila skuadër në Kupën e Botës për Klube

1.Real Madrid – 61.5 milionë dollarë (52.23 milionë euro)

2.Bayern Munich – 58.2 milionë dollarë (49.43 milionë euro)

3.Paris Saint-Germain – 55.9 milionë dollarë (47.5 milionë euro)

4.Chelsea – 53.6 milionë dollarë (45.52 milionë euro)

5.Borussia Dortmund – 52.3 milionë dollarë (44.42 milionë euro)

6.Man City – 51.7 milionë dollarë (43.9 milionë euro)

7= Palmeiras – 39.8 milionë dollarë (33.80 milionë euro)

7= Fluminense – 39.8 milionë dollarë (33.80 milionë euro)

9.Inter – 36.8 milionë dollarë (31.25 milionë euro)

10.Al Hilal – 34.2 milionë dollarë (29.05 milionë euro)

/Telegrafi/

The post Dhjetë ekipet me fitimet më të mëdha në Kupën e Botës për Klube – Real Madridi kryeson listën   appeared first on Telegrafi.

Kupa e Botës për Klube ka hyrë në një fazë të nxehtë tashmë pasi kanë mbetur vetëm tetë klube në çerekfinale dhe secila nga to do të tentojë ta fitojë trofeun.

Sipas të dhënave të superkompjuterit të Opta Analyst, Chelsea është shfaqur si favoriti aktual për të fituar Kupën e Botës për Klube FIFA.

Pavarësisht një sezoni të trazuar në Angli, “Blutë” kryesojnë renditjen e probabilitetit me një shans prej 26.79 për qind për të ngritur trofeun në fund.

Lexo po ashtu Kompletohen çerekfinalet e Kupës së Botës për Klube, zbulohen datat dhe orari i ndeshjeve

Paris Saint-Germain vjen pas tyre me mundësi prej 24.9 për qind, ndërsa fuqitë evropiane si Real Madrid dhe Bayern Munich vijnë më poshtë me 16.94 për qind shanse, përkatësisht 14.83 për qind mundësi për të fituar.

Borussia Dortmund ka një përqindje prej 7.64 për qind, ndërsa skuadra saudite Al Hilal ka një përqindje prej 4.35 për qind.

Klubet braziliane vijnë në fund të listës me Palmeiras e shtata me 3.05 për qind shanse dhe Fluminense në fund me vetëm 1.51 për qind.

Pozicioni i Chelseat si favorit mund të habitë shumë njerëz, por kjo pasqyron besimin në potencialin e skuadrës së tyre të ripërtërirë nën drejtimin e trajnerit Enzo Marescas. /Telegrafi/

The post Superkompjuteri parashikon shanset e klubeve për të fituar Kupën e Botës për Klube – befasi ekipi favorit appeared first on Telegrafi.

Nuk do të ketë duel mes vëllezërve Bellingham, pasi Jobe do të jetë i pezulluar në çerekfinale (ishte në rrezik pezullimi), por Borussia Dortmund -Real Madrid do të jetë çerekfinalja e fundit e Botërorit për Klube. Verdhezinjtë vuajnë në mbrojtje në pjesën e dytë, por mposhtin 2-1 Monterrey. Vendimtar Guirassy me dopietën e tij (14’ dhe 24’), ndërsa Berterame ngushton (48’) dhe i anulohet barazimi në pjesën e dytë. Asnjë sfidë me blancos për Sergio Ramos.

Do të jenë pesë ekipet europiane në çerekfinalet e Botërorit për Klube: kuadrin e plotëson Borussia Dortmund, që kalon 2-1 Monterrey. Pas një faze fillestare studimi në Mercedes-Benz Stadium të Atlantës, Rayados e vënë në punë Kobel: gjuajtje e fortë nga Deossa dhe portieri devijon. Reagon dhe shënon menjëherë, megjithatë, Borussia Dortmundi me një shkëmbim të bukur të parë mes Adeyemit dhe Guirassy: guineani gjuan dhe nuk gabon, është 1-0 në minutën e 14’. Corona godet shtyllën e jashtme dhe Monterrey, i pafat, goditet sërish në kundërsulm nga dyshja Adeyemi-Guirassy: pasim prapa nga anësori, pranë Napolit në janar, dhe gjuajtje vdekjeprurëse nga sulmuesi. Deossa sërish vë në provë Kobel, pastaj Guirassy humb dy herë rastin për të tretin: vendimtar (edhe) Andrada.

Lexo më tej: Di Gregorio nuk mjafton për Juventus: Garcia i jep fitoren Realit, Tudor eliminohet

Në pjesën e dytë Monterrey e rihap menjëherë ndeshjen, me asistimin me fat të Aguirres dhe golin e Berterame: kërcim me kokë në mes të zonës, mbrojtja verdhezi e ngrirë dhe është 2-1 (48’). BVB dridhet rrezikshëm dhe rrezikon edhe barazimin, me argjentinasin që sheh t’i anulohet 2-2 në minutën e 64’. Kovac urdhëron disa zëvendësime mbrojtëse, të cilat e qetësojnë ndeshjen deri në minutat e fundit. Aty Dortmundi dridhet sërish, me golin e Sergio Ramos-it të humbur për pak në minutën e 91’. Më shumë se një rrezik për verdhezinjtë, por Borussia është e fundit që kualifikohet për çerekfinale.

Do të përballet me Real Madrid, por nuk do të ketë përballje mes vëllezërve Bellingham në fushë: Jobe, i pezulluar dhe i ndëshkuar, do të jetë i skualifikuar dhe nuk do ta sfidojë vëllain Jude. Kështu plotësohet kuadri i çerekfinaleve: nga njëra anë Palmeiras-Chelsea dhe Fluminense-Al Hilal, nga ana tjetër PSG-Bayern dhe Dortmund-Real. Inzaghi dhe ekipet amerikano-jugore ëndërrojnë të prishin planet, duke shmangur një finale krejtësisht europiane.

The post Dortmund arrin në çerekfinale: kundër Real nuk ka sfidë mes vëllezërve Bellingham appeared first on Lapsi.al.

Pas kualifikimit të Borussia Dortmundit, tashmë dihen katër ndeshjet çerekfinale të Kupës së Botës për Klube.

Kualifikimet më befasuese padyshim se ishin ato të Fluminense dhe Al Hilal , të cilët eliminuan përkatësisht Interin dhe Manchester Cityn.

Ekipet braziliane dhe saudite do të përballen me Palmeiras dhe Chelsea, nga të cilat do të dalë një finalist surprizë apo më pak favorit.

Nga ana tjetër, PSG-Bayern është çerekfinalja e tretë, dhe ata do të garojnë për një vend në gjysmëfinalen e dytë.

Përballja e fundit çerekfinale do të jetë mes Real Madridit, i cili eliminoi Juventusin dhe Dortmundit, i cili mposhti ngushtë Rayados de Monterrey në fazën e 1/8-tës.

Next up: #FIFACWC Quarter-Finals. pic.twitter.com/T49Cj3bOOy

— FIFA Club World Cup (@FIFACWC) July 2, 2025

Datat dhe orari i çerekfinaleve

Pikërisht, Fluminense dhe Al Hilal, do të luajnë ndeshjen e parë çerekfinale në orën 21:00 këtë të premte, më 4 korrik 2025.

Ndërkohë, Palmeiras dhe Chelsea do të luajnë kundër njëra-tjetrës në orët e para të së shtunës apo më saktë në orën 3:00 të mëngjesit.

Ana tjetër e shortit do të vendoset të shtunën në mbrëmje, ku PSG dhe Bayern Munich do të luajnë nga ora 18:00, dhe ndeshja e fundit çerekfinale midis Real Madrid  dhe Dortmund do të jetë në orën 22:00 me orën tonë lokale. /Telegrafi/

The post Kompletohen çerekfinalet e Kupës së Botës për Klube, zbulohen datat dhe orari i ndeshjeve appeared first on Telegrafi.

Dortmundi siguron çerekfinalen, kompletohen çiftet e Kampionatit Botëror për Klube

Borussia Dortmund ka siguruar biletën e fundit për në çerekfinalet e Kampionatit Botëror për Klube, pas një fitoreje të vështirë ndaj skuadrës meksikane Monterrey me rezultat 2:1.

Heroi i ndeshjes për gjermanët ishte sulmuesi Serhou Guirassy, i cili realizoi dy gola të shpejtë në minutat 14 dhe 24. Monterrey reagoi në fillimin e pjesës së dytë përmes Berterame, i cili ngushtoi rezultatin në 2:1 në minutën e 48-të. Meksikanët tentuan barazimin, por Dortmundi menaxhoi mirë presionin dhe ruajti epërsinë deri në fund.

Me këtë fitore, Dortmund cakton një përballje të madhe me Real Madridin në çerekfinale, ndërsa tashmë janë kompletuar të gjitha çiftet e kësaj faze.

Vëmendja më e madhe padyshim do të jetë tek superdueli evropian mes PSG-së dhe Bayernit, i cili do të zhvillohet të shtunën.

Kampionati Botëror për Klube do të ketë një pushim dy-ditor, ndërsa ndeshjet çerekfinale janë planifikuar të zhvillohen ditën e premte dhe të shtunë. /Telegrafi/

Çiftet çerekfinale të Botërorit për Klube:

Fluminense – Al Hilal

Palmeiras – Chelsea

Paris Saint-Germain – Bayern Munich

Real Madrid – Borussia Dortmund

Next up: #FIFACWC Quarter-Finals. pic.twitter.com/T49Cj3bOOy

— FIFA Club World Cup (@FIFACWC) July 2, 2025

The post Dortmundi mposht Monterrey dhe siguron çerekfinalen në Kupën e Botës për Klube appeared first on Telegrafi.

Transferimi i Ardon Jasharit drejt Milanos është një mision i vështirë, pasi në garë për të siguruar shërbimet e mesfushorit ka hyrë dhe Dortmundi, ndërsa më herët interes ka treguar dhe Man United. 3 skuadra të cilat konkurrojnë njëra-tjetrën për kartonin e 22-vjeçarit, i cili mban veshur fanellën e kombëtares zvicerane. Igli Tare më herët bëri një vizitë në Belgjikë, aty ku u takua me drejtuesit e Club Brugge të cilët i bënë të qartë se kërkojnë jo më pak se 35 milionë euro për ta lënë të lirë Jasharin.

Kuqezinjtë kanë ofruar deri në 30 milionë euro, por belgët këmbëngulin për vlerën e plotë të kërkuar. Në këtë situatë në garë është futur Dortmundi, i cili i ka gati paratë që Brugge kërkon, ndërsa është shumë pranë shitjes së Binoe Gittens te Chelsea. Fitimet prej britanikut do të shkojnë menjëherë te skuadra belge në rast se arrihet akordi mes palëve.

Vetë Jashari ka shprehur dëshirën për tu bashkuar me Milanin, ku i ka dhënë konfirmimin Igli Tares, por drejtuesit e Club Brugge deri më tani kanë refuzuar ta lënë të lirë pa u pëmbushur kushtet financiare. Këto të fundit mund ti plotësojë pa asnjë problem Manchester United, që gjithashtu ndjek nga afër lojtarin, e me gjasa në ditët në vijim mund të paraqitet me një ofertë konkrete.

The post Rritet konkurrenca për Milanin, edhe Dortmund futet në garë për mesfushorin shqiptar appeared first on Euronews Albania.

Real Madridi, Bayern Munich dhe Manchester City po i mbushin çantat me para në Kupën e re të Botës për Klube.

Pas fazës së grupeve, tri klubet e lartpërmendura kanë fituar më shumë para se çdo klub tjetër që merr pjesë në Kupën e Botës për Klube deri më tani këtë vit.

Madridi ka fituar 43.55 milionë euro deri më tani, ndërsa Man City ka fituar 42.51 milionë euro, me Bayernin që vjen afër vendit të tretë me 37.6 milionë euro të fituara deri më tani.

Lexo po ashtu Data dhe ora për të gjitha përballet në 1/8 e Kupës së Botës për Klube

Këtë javë, të tri klubet do të synojnë më shumë para në të ardhura, ndërsa gara hyn në fazën eliminatore. Madridi, Man City dhe Bayern fituan 6.45 milionë euro për avancimin në raundin e 16-të. Ata do të fitojnë edhe 11.28 milionë euro të tjera nëse kualifikohen për në çerekfinale.

Secila prej këtyre katër skuadrave do të fitojë 18 milionë euro nëse arrin në gjysmëfinale.

Real Madridi, City dhe Bayern do të marrin 25.8 milionë euro nëse arrijnë në finale dhe 34.3 milionë euro të tjera nëse e fitojnë atë. E njëjta gjë vlen edhe për çdo ekip tjetër.

Të 16 ekipet e mbetura në Kupën e Botës për Klube do të marrin në shtëpi shuma të ndryshme në varësi të modelit jolinear të shpërndarjes ekonomike të turneut.

Real Madrid – 32.8 milionë euro.

Manchester City – 30.9 milionë euro

Bayern Munich – 27.8 milionë euro

PSG – 27.2 milionë euro

Dortmund – 23.4 milionë euro

Inter – 21.6 milionë euro

Atletico Madrid – 19.7 milionë euro

Juventus – 17.1 milionë euro

Porto – 16.7 milionë euro

Benfica – 14.6 milionë euro

Chelsea – 11.6 milionë euro

Salzburg – 11.02 milionë euro. /Telegrafi/

The post Askush si Real Madridi, Bayerni dhe Man City – po mbushin arkat në Kupën e Botës për Klube appeared first on Telegrafi.

Fluminense ia del. Skuadra e Renato Portaluppit kualifikohet për në 1/8-at si forca e dytë e grupit F pas Borussia Dortmund: ndeshja në Miami mbyllet pa gola dhe pa emocione të veçanta, përveç shtyllës së goditur nga Cano. Gjermanët nga ana tjetër marrin suksesin falë një goli të Svensson.

Një gol i Svensson në minutën e 36’ mjafton për Dortmund që të mposhtë 1-0 Ulsan dhe të mbyllë grupin në krye falë barazimit 0-0 mes Fluminense dhe Mamelodi. Në të 1/8 e finaleve do të përballet me të dytën e grupit të Inter, pra River Plate, zikaltërit ose Monterrey. Koreanojugorët largohen nga Botërori pa arritur të marrin asnjë pikë. Bilanci i Borussia Dortmund do të kishte qenë shumë më i pasur po të mos kishin qenë për mrekullitë e Jo, portierit të koreanojugorëve, tashmë hero në kombëtare në fitoren kundër Gjermanisë në Kazan në Botërorin 2018 që i kushtoi eliminimin gjermanëve.

Lexo më tej: Schjelderup i rrëmben vendin e parë Bayern Munich: Benfica kualifikohet në 1/8

Mamelodi nuk çan dot, 0-0 i mjafton Fluminense

Barazimi 0-0 në Miami i mjafton Fluminense për të prerë biletën për në të 1/8 e finales: skuadra e Renato Portaluppit e mbyll grupin në vendin e dytë pas Dortmund dhe plotëson kështu pokerin e ekipeve braziliane të kualifikuara për fazën me eliminim direkt të Kupës së Botës për Klube. Tani në rrugën e Thiago Silvës dhe shokëve të tij mund të jetë Inter, por vetëm nëse zikaltërit mposhtin River gjatë natës dhe kualifikohen të parët në grupin e tyre.

The post Svensson i jep vendin e parë Dortmund: Fluminense e katërta braziliane e kualifikuar appeared first on Lapsi.al.

Portieri i Mamelodi Sundowns bën një pasim pa kuptim dhe i dhuron barazimin Borussia Dortmund: një veprim i pakuptueshëm nga Williams, që i dhuron golin Nmecha. Avantazhi i afrikanëve të jugut zgjati vetëm disa minuta për shkak të këtij gjesti të pafat nga portieri, i cili kërkoi t’ia pasonte shokut të skuadrës pa marrë parasysh afërsinë e kundërshtarit.

Skuadra nga Pretoria e vuri disa herë në vështirësi mbrojtjen e BVB me shpejtësinë e saj, por gabimi i Ronwen Williams e bëri të pavlefshëm golin e hershëm të Lucas Ribeiro, i cili ishte një shqetësim konstant për mbrojtjen gjermane.

????????????????????????????????????? pic.twitter.com/8ZR5t1fMcL

— out of context brasileirão (@oocbrsao) June 21, 2025

Portieri i Mamelodi i dhuron golin Dortmund

Ronwen Williams i dhuroi golin e barazimit Borussia Dortmund-it, pas disavantazhit fillestar të verdhezinjve për shkak të golit të shënuar nga Lucas Ribeiro në minutën e 11-të: portieri i Mamelodi Sundowns kërkoi një shok skuadre me një pasim të sipërfaqshëm dhe jashtëzakonisht të pakujdesshëm.

Nmecha përfitoi, pasi ndodhej në trajektore, dhe nuk pati asnjë problem të godiste drejt portës së klubit nga Afrika e Jugut. Ky gol hapi rrugën për përmbysjen e gjermanëve, të cilët me Guirassy dhe Jobe Bellingham përmbysën gjithçka dhe kaluan në avantazh 3-1 pak para përfundimit të pjesës së parë.

Në pjesën e dytë BVB e thelloi rezultatin falë autogolit të Mudau-t, por Rayners dhe Mothiba tentuan ta mbanin gjallë shpresën për Mamelodi-n deri në fund.

The post Portieri i Mamelodi i dhuroi golin BVB:pasimi absurd i Williams hapi fitoren gjermane appeared first on Lapsi.al.

Kupa e Botës për Klube 2025 ka kaluar tashmë javën e parë, me disa nga grupet që kanë zhvilluar nga dy ndeshje dhe me tifozët që janë argëtuar me disa përballje emocionuese.

Ekipet e Amerikës së Jugut kanë qenë surprizat e turneut, me Botafogon që tronditi PSG-në dhe Flamengon që mposhti Chelsean.

Mes gjithë kësaj, është bërë një krahasim interesant në lidhje me pagat vjetore të çdo ekipi që garon në këtë turne që po mbahet në SHBA.

Lexo po ashtu Rregull i ri u përdor për herë të parë në Kupën e Botës për Klube, të gjithë u mahnitën

Duke pasur parasysh pagat e vlerësuara të skuadrës së parë të secilës skuadër, rezulton se Real Madridi ka faturën më të lartë të pagave me 279 milionë euro paga vjetore për futbollistët.

Bayern Munich është menjëherë pas tyre me një shpenzim të madh pagash prej 274 milionë eurosh në vit dhe Al Hilal që kompleton treshen e parë me një shpenzim prej 256 milionë eurosh në vit në paga.

Ekipi me faturën më të ulët të pagave është ndoshta Auckland City FC, i cili ka një faturë pagash të skuadrës shumë më pak se 1 milion euro, pasi shumica e lojtarëve të tyre kanë punë me kohë të pjesshme diku tjetër.

Manchester City, Paris Saint-Germain, Chelsea, Atletico Madrid, Inter, Borussia Dortmund dhe Juventusi janë klubet tjera që kanë paga vjetore nga 225 milionë euro në 109 milionë euro. /Telegrafi/

The post Zbulohen pagat vjetore të çdo skuadre në Kupën e Botës për Klube – Real Madridi kryeson listën, Auckland City me ‘lëmoshë’ appeared first on Telegrafi.

Kur Jobe Bellingham debutoi për Borussia Dortmund, nuk ishte vetëm paraqitja e tij në klubin e ri që tërhoqi vëmendjen e tifozëve, por edhe detaji në fanellën e gjigantit gjerman.

Mesfushori 19-vjeçar nuk e mbante mbiemrin Bellingham në pjesën e pasme të fanellës, gjë që shkaktoi komente dhe pyetje të shumta në rrjetet sociale. Megjithatë, ekziston një shpjegim shumë i qartë.

Jobe, i cili nënshkroi një kontratë pesëvjeçare me gjigantët gjermanë javën e kaluar, luajti në ndeshjen e Kupës së Botës për Klube kundër Fluminense të Brazilit, e cila përfundoi pa gola. Me këtë, ai zyrtarisht bëri paraqitjen e tij të parë për ekipin nga Dortmundi.

Dhe ndërsa vëllai i tij më i madh, superylli i Real Madridit dhe Anglisë, Jude Bellingham, ende e mban me krenari mbiemrin e familjes në fanellën e tij, Jobe vendosi me vetëdije të kundërtën.

Vendimi i tij u shpjegua më parë nga ish-trajneri i Sunderland, Tony Mowbray, i cili tha: “Mendoj se ai po përpiqet të ndërtojë identitetin e tij. Ai nuk dëshiron që njerëzit ta shohin vetëm si vëllain e Jude – ai dëshiron të provojë veten si një futbollist në të drejtën e tij dhe të tregojë se çfarë mund të bëjë”.

Lexo po ashtu Borussia Dortmund do të paguajë më shumë për Jobe Bellingham se sa për Jude

Vetë Jobe tha kur u prezantua si lojtar i ri i Borussia Dortmund: “Unë nuk po ndjek gjurmët e askujt”.

Kjo praktikë nuk është e pazakontë në botën e futbollit. Virgil van Dijk vesh vetëm Virgil në fanellën e tij të Liverpoolit, dhe Dele Alli mbante vetëm Dele në fanellat e tij.

Shembulli më i fundit është Trent Alexander-Arnold, i cili gjatë prezantimit të tij te Real Madrid mbajti një fanellë me mbishkrimin Trent.

“Sinqerisht, arsyeja është mjaft e thjeshtë. Kur udhëtoj nëpër Evropë, emri im mund t’i ngatërrojë njerëzit – disa më quajnë Arnold, disa më quajnë Alexander, disa më quajnë Alex, disa më quajnë Trent. Thjesht vendosa ta thjeshtoj gjithçka”, deklaroi lojtari i ri i Real Madridit.

Duket se Jobe Bellingham ndjek një logjikë të ngjashme – jo nga rebelimi, por nga dëshira për t’u njohur si lojtari i tij unik, dhe jo thjesht si “vëllai i Jude Bellingham”. /Telegrafi/ 

The post Pse vëllai i Jude Bellingham nuk e mban mbiemrin në fanellën e Borussia Dortmund, shpjegimi tani është i thjeshtë appeared first on Telegrafi.

Raundi i pare i Kampionatit Botëror për Klube vazhdon të japë sinjale shumë të mira nga skuadrat e Amerikës së Jugut. Pas barazimeve të arritura nga Boca Juniors dhe Palmeiras, vjen edhe ai i Fluminense kundër Borussia Dortmund: përfundoi 0-0, pavarësisht rasteve të shumta. Keqardhje e madhe për klubin brazilian, që dominoi për pjesë të gjata të ndeshjes, duke detyruar Kobel të realizojë dy pritje të mëdha. Shumë pasaktësi nga Flu, që nuk arrin të mposhtë BVB-në.

Ndeshja e parë e ditës në Botërorin për Klube solli një barazim me shumë keqardhje për Fluminense, e ndalur në 0-0 nga një Borussia Dortmund, që nuk e vuri kurrë në provë 44-vjeçarin Fabio. Brazilianët e nisën menjëherë me vrull, me një John Arias të pakapshëm. Kolumbiani fillimisht goditi mbi traversë, më pas testoi refleksin e Kobel. Presioni shumë i lartë nga Fluminense dhe Dortmundi nuk shkon më tej se një goditje (e lexueshme) nga Brandt, duke u vënë nën presion nga rivalët. Martinelli iu afrua golit nga distanca, ndërsa Kobel shpëtoi gjithçka ndaj Arias dhe mbrojti rezultatin 0-0.

Lexo më tej: Conor Tracey në Botërorin e Klubeve me leje pa pagesë: “Mezi paguaj qiranë e faturat”

Verdhezinjtë janë jashtë aktiviteti prej një muaji dhe nuk zgjohen as në pjesën e dytë, duke mos arritur pothuajse kurrë të shërbejnë për Guirassy në thellësi. Kështu shanset më të mira i ka klubi brazilian, që shpërdoron me Canobbio dhe e detyron Kobel të ndërhyjë: pritje të jashtëzakonshme, dopio ndërhyrje ndaj Everaldo dhe Nonato. Kovac përpiqet të zgjojë skuadrën me Jobe Bellingham, ndërsa Portaluppi i jep njëzet minuta dyshes së tij sulmuese: hyjnë Cano dhe Serna, me 21 gola së bashku, për të çarë mbrojtjen kundërshtare. Në minutat e fundit, pavarësisht një Gittens të frymëzuar (dhe të çorganizuar), muzika nuk ndryshon. Fluminense vazhdon të shtyjë pa mundur të shënojë, Dortmund nuk krijoi pothuajse asgjë. Përfundoi kështu 0-0 ndeshja e parë e grupit F.

The post Fluminense-Borussia Dortmund pa gola: brazilianët shpërdorojnë, gjermanët shpëtojnë appeared first on Lapsi.al.

Borussia Dortmund ka zyrtarizuar transferimin e mesfushorit anglez Jobe Bellingham nga Sunderland. Klubi gjerman siguron kështu një nga talentet më premtues në futbollin evropian. 19-vjeçari ndjek gjurmët e vëllait të tij, Jude Bellingham, i cili shkëlqeu më parë në Dortmund përpara se të transferohej te Real Madridi. Sipas raporteve, tarifa fillestare e transferimit është 33 […]

The post Vëllai i Jude Bellingham prezantohet te Borussia Dortmund appeared first on BoldNews.al.

Borussia Dortmund ka zyrtarizuar transferimin e mesfushorit anglez Jobe Bellingham nga Sunderland. Klubi gjerman siguron kështu një nga talentet më premtues në futbollin evropian.

19-vjeçari ndjek gjurmët e vëllait të tij, Jude Bellingham, i cili shkëlqeu më parë në Dortmund përpara se të transferohej te Real Madridi.

Sipas raporteve, tarifa fillestare e transferimit është 33 milionë euro, me bonuse që mund ta çojnë shumën totale deri në 38 milionë euro.

Jobe vjen pas një sezoni shumë të mirë në Championship, ku zhvilloi 43 ndeshje, shënoi katër gola dhe u përfshi në formacionin e sezonit.

pic.twitter.com/vlrTjT4otS

— Borussia Dortmund (@BVB) June 10, 2025

Mesfushori i ri ka nënshkruar një kontratë pesëvjeçare me Dortmundin, që e mban të lidhur me klubin deri në vitin 2030.

Ky transferim e konfirmon edhe një herë reputacionin e Borussia Dortmund si destinacion ideal për zhvillimin e lojtarëve të rinj dhe talentuar.

Dortmund synon ta regjistrojë Bellingham në kohë për Kupën e Botës për Klube që do të zhvillohet në SHBA, duke i mundësuar një debutim të rëndësishëm në arenën ndërkombëtare. /Telegrafi/ 

The post Zyrtare: Dortmundi prezanton talentin anglez Jobe Bellingham appeared first on Telegrafi.