Pas intervistës së fundit të Jozefin Markut në emisionin “Live From Tirana”, ku ish-banori i Big Brother VIP Albania foli për eksperiencën në shtëpi dhe komentoi për marrëdhënien e tij me Loredanën, nuk ka munguar një reagim nga ana e saj.

Vetëm pak pas publikimit të intervistës, Loredana ka bërë një postim në Instagram, ku shihet në shoqërinë e gazetarit Eraldo Rexho. Fotoja është shoqëruar me mbishkrimin “Shoqëria e keqe”, një përgjigje që shumë e kanë interpretuar si thumb ironik ndaj deklaratave të Jozit.

Në intervistë, Jozi ishte shprehur se “Loredana ka marrë një drejtim jo të mirë” dhe se “po frekuenton njerëz të papërshtatshëm”, duke lënë të kuptohet për një lidhje të mundshme të saj me reperin Don Xhoni.

The post Deklarata e Jozit! Ironia e Loredanës, prezanton “shoqërinë e saj të keqe” appeared first on iconstyle.al.

Pas intervistës së fundit të Jozefin Markut në emisionin “Live From Tirana”, ku foli për herë të parë pas daljes nga Big Brother VIP Albania dhe komentoi edhe mbi marrëdhënien e tij me Loredanën, nuk ka vonuar reagimi i saj në rrjetet sociale.

Në një postim në Instagram, Loredana ka rishpërndarë një foto ku shfaqet përkrah gazetarit të njohur Eraldo Rexho, të cilin e shoqëron me mbishkrimin ironik: “Shoqëria e keqe”, të shoqëruar me emoji duke qeshur.

Ky reagim vjen menjëherë pas deklaratës së Jozit, i cili tha në intervistë se “Loredana ka marrë një rrugë jo të mirë” dhe se “po shoqërohet me njerëz të padëshirueshëm”, duke aluduar në thashethemet që po qarkullojnë se ajo është në lidhje me reperin shqiptar, Don Xhoni.

Komenti i Loredanës duket si një përgjigje e drejtpërdrejtë dhe ironike ndaj këtyre fjalëve, duke e bërë të qartë që nuk i ka marrë seriozisht akuzat e ish-partnerit të saj.

Kujtojmë që historia mes Loredanës dhe Jozefit nisi gjatë qëndrimit të tyre në shtëpinë e BBVA4 dhe vijoi të komentohej edhe pas daljes së tyre, por tashmë duket se gjërat janë përfundimisht të ftohura mes tyre. /Telegrafi/

The post Loredana ironizon me Jozin pas deklaratave të tij, prezanton “shoqërinë e saj të keqe” appeared first on Telegrafi.

I ftuar në emisionin “Live From Tirana” me Ronaldo Sharkën, Jozefin Marku, ish-banor i “Big Brother VIP 4”, ka ndarë detaje rreth projekteve të tij të reja muzikore dhe jetës personale, por ajo që mori vëmendje të veçantë ishte marrëdhënia e tij me Loredanën. Historia e dashurisë mes tyre, e cila nisi gjatë kohës që qëndronin në shtëpinë më të famshme në Shqipëri, vazhdon të ngjallë interes edhe pas përfundimit të spektaklit. Por a është mbyllur përfundimisht kjo histori?

Në intervistë, Jozi u shpreh se nuk është takuar me Loredanën prej disa muajsh, ndërsa komentet e saj në emisionin “Goca dhe Gra” i cilësoi si të ftohta dhe zhgënjyese.

Pjesë nga intervista:

Ronaldo: Ke diçka për t’i thënë sot?

Jozi: Asgjë, thjesht ka marrë një rrugë jo të mirë mendoj unë. Po shoqërohet me njerëz…

Ronaldo: Në ç’kuptim rrugë jo të mirë?

Jozi: Jo të mirë pra. Për ato kemi arritur këtu ku kemi arritur. Shoqërohet me njerëz të padëshirueshëm. Bën gjeste, aspak të mira dhe të hijshme.

Ronaldo: Çfarë gjestesh? E ke fjalën për këto komentet me Don Xhonin?

Jozi: Të gjitha në përgjithësi…

Ronaldo: I ke parë?

Jozi: Të them të drejtën nuk i marr seriozisht këto gjëra.

Ronaldo: Dy herë i ka kometuar Don Xhoni, një herë një zemër të kuqe dhe dje i kishte shkruar në një video në TikTok ‘zemër je’ e shoqëruar me një zemër të kuqe. Loredana i bën ‘like’.

Jozi: Mirë nuk është për t’u përzierë aty tek punët e Jozit, por…

Ronaldo: Nëse kjo histori është e mbyllur?

Jozi: Le të bëjnë çfarë të duan fundja. Secili ka jetën e vet thjesht janë disa gjëra që më duken shumë të vogla. Ata mendojnë sikur çfarë po bëjnë, por ne i lëmë të bëjnë çfarë të duan.

The post “Ka marrë rrugë jo të mirë”/ Loredana e lidhur me Don Xhonin? Jozi: Mirë nuk është për t’u përzierë appeared first on iconstyle.al.

I ftuar sot në emisionin “Live From Tirana” me Ronaldo Sharkën ka qenë Jozefin Marku.

Gjatë qëndrimit në shtëpinë e “Big Brother VIP” historia e tij e dashurisë me Loredanën ka qenë në qendër të vëmendjes, por edhe pas përfundimit të reality show-t, marrëdhënia e tyre ka ngjallur interes të madh. Ronaldo e ka pyetur Jozin edhe në lidhje me unazën nga dasma me Loredanën që u zhvillua brenda në “Big Brother VIP” dhe ai u përgjigj duke thënë se:

Nuk e di ku ka mbetur. Ka mbetur diku me ndonjë cep, por duhet të interesohem që ta kthejmë të paktën tek vendi ose tek argjendaria.

Kur Ronaldo e pyeti nëse është momentalisht në një lidhje Jozi e konfirmoi duke thënë se:

Po, jam. Vërtet, prej disa kohësh. Nuk është pjesë e ekranit, nuk ka lidhje. Është shqiptare.

A kanë shkëmbyer ata unazat? Kjo ishte pyetja që Ronaldo i drejtoi dhe ish-banori i “Big Brother VIP” u përgjigj:

Jo, por do marrë kohën e vet.

The post “Është shqiptare”/ Joz Marku konfirmon lidhjen e re të dashurisë appeared first on iconstyle.al.

Mbrëmjen e djeshme, më 19 korrik 2025, në orën 22:00, u nda nga jeta në moshën 77-vjeçare, pas një sëmundjeje të gjatë dhe të rëndë At Nikolla Marku, prifti i Kishës Ortodokse Autoqefale Shqiptare “Shën Maria” në Elbasan.

Një humbje e madhe jo vetëm për komunitetin ortodoks, por për të gjithë qytetin e Elbasanit që e njohu nga afër përkushtimin e tij të rrallë, shpirtin e butë dhe urtësinë që e karakterizonte në çdo hap të jetës.

Lindur dhe rritur në Elbasan, At Nikolla, i përkiste atij brezi të klerikëve që e jetuan thirrjen shpirtërore jo si titull, por si mision.

Për dekada me radhë, ai shërbeu me përkushtim dhe përulësi në Kishën “Shën Maria”, në lagjen Kala të Elbasanit, një nga institucionet më të vjetra të besimit ortodoks në vend.

E ktheu këtë kishë jo vetëm në një vend shërbese, por në një qendër të gjallë shpirtërore ku njerëzit gjenin paqe, fjalë të mençura dhe një dorë të hapur për ndihmë.

Gjithë jeta e tij ishte e lidhur me komunitetin në gëzime e në dhimbje, në festa e në periudha të vështira, At Nikolla ishte aty, i thjeshtë, i dashur dhe gjithmonë i gatshëm të dëgjonte, të këshillonte dhe të shërbente me ndershmëri. Me një etikë të lartë shpirtërore dhe morale, ai nuk e ndau asnjëherë fenë nga dashuria për njeriun.

Pritja për ngushëllime po bëhet në Kishën “Shën Maria”, aty ku ai kaloi gjithë jetën në shërbim të Zotit dhe të njerëzve.

Ndërkohë, ceremonia mortore do të mbahet sot, më 20 korrik, në orën 17:00, ku familjarë, miq, bashkëqytetarë dhe besimtarë do t’i japin lamtumirën e fundit një figure të shenjtë të qytetit.

Humbja e At Nikollës lë një boshllëk të madh, por kujtimi i tij do të jetojë gjatë, në historinë e kishës, në kujtesën e komunitetit dhe në çdo zemër që u prek nga fjala dhe shërbesa e tij.

U prehsh në paqe, At Nikolla. Qofsh i përjetshëm në kujtimet e atyre që të deshën dhe të nderuan. Drita dhe mëshira e Zotit qofshin mbi shpirtin tënd.

The post Ndahet nga jeta At Nikolla Marku, Prifti i Kishës Ortodokse Autoqefale Shqiptare “Shën Maria” në Elbasan appeared first on Albeu.com.

Mbrëmjen e së shtunës, më 19 korrik 2025, në orën 22:00, u nda nga jeta në moshën 77 vjeçare, pas një sëmundjeje të gjatë dhe të rëndë At Nikolla Marku, prifti i Kishës Ortodokse Autoqefale Shqiptare “Shën Maria” në Elbasan. Një humbje e madhe jo vetëm për komunitetin ortodoks, por për të gjithë qytetin e […]

The post Ndahet nga jeta At Nikolla Marku, prifti i Kishës Ortodokse “Shën Maria” në Elbasan appeared first on BoldNews.al.

TIRANË, 20 korrik /ATSH/ At Nikolla Marku, prifti i Kishës Ortodokse Autoqefale Shqiptare “Shën Maria” në Elbasan, ka vdekur mbrëmjen e së shtunës, në moshën 77-vjeçare, pas një sëmundjeje të gjatë dhe të rëndë.

Lindur dhe rritur në Elbasan, At Nikolla i përkiste atij brezi të klerikëve që e jetuan thirrjen shpirtërore jo si titull, por si mision. Për dekada me radhë, ai shërbeu me përkushtim dhe përulësi në Kishën “Shën Maria”, në lagjen Kala të Elbasanit, një nga institucionet më të vjetra të besimit ortodoks në vend.

Kisha e Shën Mërisë, e shpallur monument kulture në vitin 1963 nga Rektorati i Universitetit Shtetëror të Tiranës, gjendet në qytetin e Elbasanit dhe shquhet për vlerat e saj etnokulturore e arkitekturore të rralla. Ajo u ndërtua rreth vitit 1830 nga komuniteti ortodoks, mbi themelet e një kishe më të vjetër.

At Nikolla Marku e ktheu këtë kishë jo vetëm në një vend shërbese, por në një qendër të gjallë shpirtërore ku njerëzit gjenin paqe, fjalë të mençura dhe një dorë të hapur për ndihmë.

Gjithë jeta e tij ishte e lidhur me komunitetin në gëzime e në dhimbje, në festa e në periudha të vështira, At Nikolla ishte aty, i thjeshtë, i dashur dhe gjithmonë i gatshëm të dëgjonte, të këshillonte dhe të shërbente me ndershmëri. Me një etikë të lartë shpirtërore dhe morale, ai nuk e ndau asnjëherë fenë nga dashuria për njeriun.

Pritja për ngushëllime po bëhet në Kishën “Shën Maria”, aty ku ai kaloi gjithë jetën në shërbim të Zotit dhe të njerëzve. Ndërkohë, ceremonia mortore do të mbahet sot, më 20 korrik, në orën 17:00, ku familjarë, miq, bashkëqytetarë dhe besimtarë do t’i japin lamtumirën e fundit një figure të shenjtë të qytetit.

Vdekja e At Nikolla Markut është një humbje e madhe jo vetëm për komunitetin ortodoks, por për të gjithë qytetin e Elbasanit që e njohu nga afër përkushtimin e tij të rrallë, shpirtin e butë dhe urtësinë që e karakterizonte në çdo hap të jetës.

The post Vdes At Nikolla Marku, prifti i Kishës Ortodokse Autoqefale Shqiptare “Shën Maria” në Elbasan appeared first on Agjencia Telegrafike Shqiptare.

Joz Marku ka ndarë një moment të veçantë në rrjetet sociale, ku ka treguar se është kontaktuar nga një maturant me një kërkesë të sinqertë: “Ma gjej një makinë për maturë se s’kammmm”.

Duke mos ia mohuar dëshirën, Joz ka bërë të mundur që djali, Kristian, të shkojë në mbrëmjen e maturës me makinë luksoze, siç kishte ëndërruar. Në një postim në Instagram Story, ai shkruan:

“Suksese për Kristianin dhe të gjithë maturantët. Jam i lumtur që më kontaktoi dhe iku në maturë siç donte.”

Mirënjohja nga maturanti nuk mungoi. Në një mesazh falënderimi ai i shkruan Jozzit:

“Shumë faleminderit Jozzz. Dhe nëse je i lirë të presim sonteee je i ftuar nëse dëshiron 15 min thjesht të ishe prezent do doja, meqenëse ke bërë një gjë kaq me vlerë për mua.”

The post Gjest i bukur! Joz Marku i plotëson dëshirën një maturanti për ditën e rëndësishme appeared first on iconstyle.al.

Ish-banori i “Big Brother VIP Albania”, Joz Marku, ka zhvilluar një bisedë virtuale me ndjekësit e tij në rrjete sociale, ku nuk kanë munguar as pyetjet pikante. Një nga temat që tërhoqi më shumë vëmendje ishte ajo për reperin Ledri Vula, i cili kohë më parë deklaroi publikisht se nuk do të realizonte kurrë një bashkëpunim me Jozin.

Ndërsa reagimi i Jozit nuk vonoi. I pyetur për këtë deklaratë, ai zgjodhi të përgjigjej me një mesazh të fortë e simbolik:

“Kingjat në tufe, Luani vetëm në fron.”

Fjalët e tij janë interpretuar si një përgjigje e drejtpërdrejtë dhe krenare ndaj refuzimit të Ledrit, duke e vendosur veten në një pozicion të veçantë e të vetmuar, si “luani” që nuk ka nevojë për “tufën”.

The post Jozi me mesazh thumbues për Ledrin: Kingjat në tufe, Luani vetëm në fron appeared first on iconstyle.al.

Këngëtari i njohur, Joz Marku, ka hapur një bisedë me ndjekësit e tij në Instastory, ku ndau disa të vërteta dhe sqarime për karrierën dhe jetën personale.

Një prej pyetjeve që mori më shumë vëmendje ishte: “A këndon ende në dasma në Kosovë?”. Jozi u përgjigj me qartësi: “Po, bëj dasma, madje javën tjetër kam një në Kosovë”.

Me këtë përgjigje, ai i dha fund hamendësimeve të disa ndjekësve, të cilët pas incidentit të përfolur me Gjestin kishin sugjeruar se ai mund të humbiste interesin nga organizatorët e dasmave në Kosovë.

Përkundrazi, duket se Jozi vazhdon të jetë i angazhuar dhe i kërkuar në mbrëmje dhe evente festive.

Gjatë bisedës virtuale, ai mori edhe shumë komplimente dhe mbështetje nga fansat, të cilët vlerësuan energjinë e tij në skenë dhe qëndrimin pozitiv.

Ndjekësit nuk kursyen as pyetjet rreth fizikut të tij, pasi Jozi shpesh ndan fotoggrafi ku tregon muskujt e tonifikuar.

Disa e pyetën rreth palestrës, duke u treguar kuriozë për stilin e jetës që mban.

Ky komunikim i hapur me fansat konfirmon edhe njëherë lidhjen e fortë të Jozit me publikun dhe dëshirën e tij për të qëndruar pranë tyre, pa filtra dhe me sinqeritet. /Telegrafi/

The post Pas zërave për rënie ftesash, Joz Marku konfirmon: Kam dasmë në Kosovë javën tjetër appeared first on Telegrafi.

Pas një periudhe të shkurtër mungese në komunikimin privat, Joz Marku, ish-banori i Big Brother VIP Albania, ka ndarë një mesazh për ndjekësit e tij në Instagram.

Në një postim të fundit në story, ai shprehu mirënjohjen për mbështetjen që vazhdon të marrë në DM, duke kërkuar njëkohësisht ndjesë për moskthimin e menjëhershëm të mesazheve.
“E vlerësoj shumë dashurinë tuaj. Më falni që s’kam mundur t’ju përgjigjem për shkak të angazhimeve,” shkroi ai.

Jozi nuk harroi të shtojë një notë pozitive e miqësore në fund të mesazhit:

“Sot do mundohem t’ju kthej sa më shumë përgjigje. Më pyesni çfarë të doni,” tha ai, duke i inkurajuar ndjekësit për të bashkëbiseduar lirshëm me të.

The post Ndjesë dhe falënderim! Joz Marku rikthehet me mesazh për ndjekësit appeared first on iconstyle.al.

Në orët e para të mëngjesit, këngëtari Joz Marku ka ndarë një mesazh të drejtpërdrejtë me ndjekësit e tij në Instagram, duke kërkuar ndjesë për mungesën e komunikimit në mesazhet private.

“Mirëmëngjes. E vlerësoj dhe e çmoj shumë mbështetjen dhe dashurinë tuaj në DM, dhe kërkoj falje që në mungesë të kohës nuk mundem t’ju kthej dhe përgjigjem”, shkruan ai në postimin e tij në Instagram.

Duke e shoqëruar këtë ndjesë me një ton miqësor dhe të hapur, Jozi shton:

“Sot do mundohem t’ju përgjigjem shumicës prej jush, po ju lej t’më pyesni a thoni ç’të doni ju.”

Ky postim i këngëtarit ka ngjallur kuriozitet, pasi pritet të japë përgjigje sqaruese për disa nga ngjarjet e fundit që lidhen me Loredana Bratin apo deklaratën e bujshme të Ledri Vulës, i cili u shpreh se nuk do të bashkëpunonte me Jozin.

The post “Ju kërkoj falje…”/ Çfarë ndodhi kaq papritur? Joz Marku kërkon ndjesë publike për…(Foto) appeared first on Sot News | Lajme.

Teksa po fliste për marrëdhënien me prindërit e saj në një emision televiziv Loredana Brati tha se e pyetën lidhur me foton e Jozit që qarkullon në rrjet.

Ish banorja e BBV ka reaguar pas lajmeve që qarkullojnë në mediat rozë, ku thuhet se Jozi tashmë është në një romancë të re. Loredana tha se ‘ndihet mirë’ dhe se ‘zoti i bekoftë’.

“Duan të marrin vesh gjithçka. Për lajmin që doli për Jozin, më thanë si ndidhesh. Thash shumë mirë, zoti i bekoftë. Si ndihem? Nuk më bën asnjë përshtypje”-tha shkurtimisht Lordana.

Dy ish banorët e Big Brother VIP 4 e nisën romancën brenda shtëpisë më të famshme në Shqipëri, por mesa duket nuk është finalizuar.

The post Jozi në një lidhje të re pas ndarjes? Reagon Loredana: Zoti i bekoftë, ndihem.. appeared first on Sot News | Lajme.

Çifti më i përfolur i edicionit të fundit të Big Brother VIP Albania, Jozefin Marku dhe Loredana Brati, po vijojnë të mbeten në qendër të vëmendjes edhe pas përfundimit të reality show-t.

Marrëdhënia e tyre dinamike brenda shtëpisë – e mbushur me ndarje, ribashkime dhe emocione të forta – ka krijuar një ndjekje të vazhdueshme nga publiku, i cili nuk i ka humbur nga sytë as pas daljes nga programi.

Edhe pse kanë kaluar disa javë nga finalja e spektaklit, dyshja ka lënë të nënkuptohet në intervista dhe rrjete sociale se nuk kanë vendosur ende një vijë përfundimtare në marrëdhënien e tyre, duke deklaruar se po “i lënë gjërat të rrjedhin natyrshëm”.

Së fundmi, një video që po qarkullon në rrjetet sociale ka ndezur sërish diskutimet për fatin e kësaj lidhjeje. Në pamjet që kanë tërhequr vëmendjen e mijëra ndjekësve, Jozefin Marku shihet duke performuar në një nga club-et e natës në Tiranë, kur papritur një vajzë ngjitet në skenë dhe e përqafon atë ngrohtësisht.

Dy të rinjtë shkëmbejnë disa fjalë dhe buzëqeshje të sinqerta, ndërsa të pranishmit reagojnë me brohorima dhe entuziazëm.

Edhe pse identiteti i vajzës nuk është konfirmuar, shumë fansa të çiftit kanë komentuar se ajo i ngjan shumë Loredanës, duke ngritur pikëpyetje mbi mundësinë e një ribashkimi të tyre.

Në mungesë të një deklarate zyrtare nga ana e Jozefinit apo Loredanës, misteri rreth marrëdhënies së tyre mbetet i hapur, duke vazhduar të ushqejë kureshtjen e ndjekësve dhe të krijojë zhurmë në rrjete sociale. /Telegrafi/

The post “Skenë e papritur” – përqafimi i Jozit me vajzën misterioze merr vëmendje të madhe appeared first on Telegrafi.

Nga Gjergj Marku Sot u mbushën plot 15 vite që nga nisja e parë e ngritjes së agroturizmit më unik në Shqipërinë e këtyre 35 viteve, me emrin simbolik dhe të rrallë “Mrizi i Zanave”. Altini e ka përçuar përmes pak rreshtave këtë udhëtim, që është modeli më i mirë i këtij tranzicioni, modeli që ka udhëhequr nga Jugu në Veri sa e sa ëndrra të tjera për t’u bërë realitet i prekshëm në atdheun…

Source

Këngëtari dhe ish-banori i Big Brother VIP Albania, Jozi Marku, ka arritur një sukses të madh në muzikë pas daljes nga shtëpia më e famshme në vend.

Kënga e tij më e re, e titulluar “Dhimbje”, është publikuar vetëm tri ditë më parë, por tashmë ka kapur shifrën prej mbi 1 milion klikimesh në YouTube.

Ky sukses vjen pas një daljeje të bujshme nga BBVA, ku Jozi u komentua shumë për gjestin e tij— një shuplakë e befasishme ndaj Gjestit teksa po linte shtëpinë, e cila bëri xhiron e rrjeteve sociale.

Ky moment krijoi ndasi në opinionin publik: disa e konsideruan një gabim të rëndë që do ta penalizonte atë në karrierën artistike, ndërsa të tjerë e panë si një reagim emocional.

Por, ajo që pasoi ishte e papritur — numri i ndjekësve të Jozit u rrit ndjeshëm menjëherë pas këtij incidenti, duke e kthyer atë në një nga figurat më të përfolura të formatit.

Megjithë komentet dhe dyshimet për të ardhmen e tij muzikore, kënga “Dhimbje” dëshmon të kundërtën.

Projekti ka marrë përkrahje të madhe nga publiku, si në klikime, ashtu edhe në komente, ku fansat vlerësojnë stilin, zërin dhe emocionin që përcjell. /Telegrafi/

The post Jozi Marku arrin një milion klikime në vetëm tre ditë me këngën e re “Dhimbje” appeared first on Telegrafi.

Duket se marrëdhënia e tyre nuk është në ditët e tyre më të mira, sipas asaj që duket në rrjete sociale.

Bëhet fjalë për çiftin e krijuar në Big Brother VIP Albania 4, Joz Markun dhe Loredana Bratin.

Siç shihet këngëtari nuk e ndjek më në Instagram, teksa tregon edhe për raportin e tyre aktual.

E në anën tjetër, Lori së fundmi publikoi një video duke shijuar këngën e re të tij “Dhimbje”.

Lexo po ashtu Loredana Brati konfirmon divorcin nga ish-burri

Edhe pse akoma të paqartë, ish-konkurrentja bën me dije se nuk heq dorë lehtë nga ai.

Ata patën ulje e ngritje edhe në kohën kur ishin në Big Brother VIP, duke mos u pajtuar në shumë gjëra.

Sido që të jetë, mbetet për t’u parë në vazhdim se si do të ecë ky raport i dyshes së njohur. /Telegrafi/

The post Edhe pse nuk e ndjek më në Instagram, Loredana publikon video duke dëgjuar këngën e re të Jozit appeared first on Telegrafi.

Gjatë një interviste ekskluzive për emisionin “NOW” në Euronews Albania, pajtuesi i gjaqeve, Gjin Marku foli në lidhje me sagën e gjakmarrjes mes fisit Kaza dhe Gjini, ku viktima më e fundit ishte 57-vjeçari Pjeter Kaza, i cili u vra këtë të dielë në Tale të Lezhës.

Marku, ia faturoi situatën shtetit dhe politikanëve, duke i akuzuar se e kanë mbajtur vendin në një tranzicion të gjatë dhe të vështirë.

Sipas tij, fiset Kaza dhe Gjini janë familje tradicionale të Mirditës dhe të mira, por për shkak të tranzicionit të vështirë, sistemi nuk ka arritur t’i shmangë këto probleme për shoqërinë shqiptare.

Ai dha si shembull periudhën e sistemit komunist, ku tha se u shmang gjakmarrja mes fiseve.

“I shpreh ngushëllimet familjes Kaza, janë familje dhe miq, jo vetëm të mi, por edhe të gjithë mirditorëve. Janë familje shumë mirë dhe të njohura tradicionalisht në Mirditë. Po ashtu edhe familja Gjini. Në Mirditë kemi tre, katër fiset që kanë qenë familjet më të mira, por fatkeqësisht ata nuk i ka vrarë hakmarrja dhe gjakmarrja, por ky sistem dhe ky tranzicion i rrezikshëm për shoqërinë shqiptare. Nuk mund të themi se është hakmarrja apo gjakmarrja ajo që prevalon në këtë rast, por mungesa e përgjegjësisë së shtetit dhe institucioneve, të cilat kanë detyrën kryesore të rregullojnë jetën e shoqërisë, siç populli endërron dhe paguan për këtë. Në sistemin komunist njerëzit nuk lejohej të vriteshin, ndërsa tani, në këtë tranzicion të dëshpëruar dhe rrënues për shoqërinë shqiptare, janë shfaqur këto probleme të mëdha. Ne kemi qenë institucioni i vetëm që kemi luftuar me mish e shpirt për të qenë pranë dhimbjes dhe pajtimit të palëve. Lufta me traditën dhe zakonet mbetet një betejë e humbur. Zakone nuk kanë qenë asnjëherë të këqija, por një mjet i popujve që i kanë ndjekur dhe bazuar. Por në këtë tranzicion kemi papërgjegjshmërinë e atyre që duhet t’i kenë dalë zot vendit, të cilët nuk e kanë bërë dot komunikimin me shoqërinë, sepse u ka interesuar pushteti dhe jo rregullimi i jetës së qytetarëve. Familjet, në të cilat fatkeqësitë nuk ndalen, mbeten në dhimbjen dhe respektin e gjithë mirditorëve,” tha pajtuesi i gjaqeve, Gjin Marku.

LEXONI GJITHASHTU:

• Vrasja në Tale, gazetarja tregon historikun e gjakmarrjes mes fisit Kaza dhe Gjini
• Vrasje me armë zjarri në Lezhë, humb jetën 57-vjeçari

The post Pajtuesi i gjaqeve flet për gjakmarrjen mes fisit Kaza dhe Gjini: Fajin e ka shteti appeared first on Euronews Albania.

TIRANË, 26 maj /ATSH/ Ambasadori Michel Tarran, kryetar i Prezencës së OSBE-së në Shqipëri, u takua sot me Prof. Dr. Mark Markun, dekan i Fakultetit të Historisë dhe të Filologjisë të Universitetit të Tiranës, për të diskutuar rritjen e bashkëpunimit dhe çuarjen përpara të synimeve të Shqipërisë në fushën e lirisë së medias dhe të lirisë së shprehjes.

Duke marrë parasysh rolin e Markut si koordinator i platformës qeveri-media për Promovimin e Lirisë së Shprehjes në Shqipëri përmes Dialogut të Hapur dhe përparimin e shpejtë të grupeve të punës, diskutimi kishte si qëllim edhe përmirësimin e bashkërendimit midis përpjekjeve të Prezencës për zhvillimin e medias dhe iniciativës së Dialogut të Hapur.

Grupet e punës të Dialogut të Hapur kanë trajtuar çështje kritike të medias, përfshirë sigurinë e gazetarëve, legjislacionin për median, vetërregullimin dhe kushtet e punës së profesionistëve të medias-fusha këto që janë, gjithashtu, prioritet i Prezencës. Ambasadori Tarran vlerësoi diskutimet konstruktive të zhvilluara nën platformën e Dialogut të Hapur dhe riafirmoi mbështetjen e Prezencës për ta plotësuar këtë punë përmes programit të saj të zhvillimit të medias dhe angazhimit me Parlamentin dhe institucionet e tjera.

Më tej, Prezenca dhe Universiteti do të bashkëpunojnë në tema kyçe si pavarësia e transmetuesit publik RTSH dhe transparenca në pronësinë e medias. Këto përpjekje do të ndihmojnë në hartimin e axhendës të Forumit vjetor për Zhvillimin e Medias, që organizon Prezenca.

Takimi trajtoi, gjithashtu, nisma të përbashkëta, të kaluara dhe aktuale, përfshirë projektin “Media në fokus”, Grupin e Partnerëve të Medias dhe programet rajonale të shkëmbimit për studentët e gazetarisë. Programet e shkëmbimit, veçanërisht, u japin studentëve ekspozim praktik në mjediset mediatike rajonale, duke përfshirë kuadrot rregullatore, mediat publike dhe shoqatat e gazetarisë në rajon. Ambasadori Tarran riafirmoi angazhimin e Prezencës për të mbështetur këto nisma si një mjet për forcimin e bashkëpunimit akademik dypalësh në edukimin gazetaresk.

Pas takimit, Ambasadori Tarran vizitoi Laboratorin e Integruar të Mediave Dixhitale të Universitetit, ku studentët prodhojnë podkaste dhe materiale të tjera mediatike, si pjesë e formimit të tyre akademik. /j.p/

The post Prezenca e OSBE-së dhe Universiteti i Tiranës forcojnë partneritetin për zhvillimin e medias appeared first on Agjencia Telegrafike Shqiptare.

Kristian Marku, i njohur edhe me mbiemrin Bardhi, ishte vetëm 30 vjeç kur u vra më 13 janar 2025 në fshatin Novoselë, në Vlorë.

Ai nuk ishte një emër i panjohur për autoritetet: dosja e tij penale përmbante një sërë akuzash që lidhen kryesisht me përfshirjen në konfliktin e përgjakshëm mes fiseve Reçi, Gjini dhe Bardhi në qytetin e Rrëshenit.

Ky konflikt i gjatë dhe i ndërlikuar ka rrënjët në një prishje pazari droge në Itali, në vitin 2017, mes Gaspër Reçit dhe Preng Gjinit.

Pas vrasjes së biznesmenit Kastriot Reçi në Rrëshen më datë 7 Janar 2020, pa u mbyllur viti 2020, një tjetër ngjarje kriminale tronditi këtë herë fisin Gjini, ajo e vrasjes së 51 vjeçarit, Anton Keli, kushëri me Preng dhe Armando Gjinin.

Keli u qëllua teksa po zbriste shkallët e pallatit ku banonte.

Ngjarje kriminale e cila në fakt pasonte atë të atentatit me eksploziv në urën e Selitës në Tiranë ndaj Preng Gjinit, makina e të cilit shpërtheu ndërsa po kalonte mbi urë, duke tronditur të gjithë të pranishmit me brutalitetin e saj.

“Preng Gjini deklaron se një vit më parë i kanë vrarë vëllain. Ai thotë po kështu se nuk ka dijeni për ndonjë konflikt apo hasmëri.

Të njëjtën gjë mohuan në dëshmitë e tyre edhe familjarë të Kastriot dhe Gaspër Reçit, dy vëllezërve të vrarë në konflikt me familjen Gjini”, thuhet në dosjen hetimore të vrasjes së Kristian Markut.

Por edhe pse u duk se për disa kohë, dy fiset Reçi dhe Gjini, ulën gjakrat midis tyre, ky hamendësim rezultoi të ishte jo i vërtetë. Pasi në këtë përplasje u futën edhe pjesëtarë të familjes Bardhi, që ishin në anën e fisit Gjini.

Siç ishte e tillë edhe ngjarja e datës 26 Qershor 2023, ku thuhet se Kristian Marku alias Kristi Bardhi, rreth orës 19.00 të mbrëmjes së kësaj datë, qëlloi në qytetin e Rrëshenit në drejtim të shtetasit Saimir Reçi.

Ku të përfshirë në këtë ngjarje ishin edhe Erind Bardhi dhe babai i tij, 58 vjeçari, Martin Bardhi. Ky i fundit që u la në liri nga Gjykata e Lezhës për atentatin  ndaj Saimir Reçit, pasi solli prova filmike se në muajin mars kur ndodhi përplasja me armë ai ndodhej në një vend tjetër, të ndryshëm nga ai i krimit.

Por edhe pse kishte dy muaj që kishte fituar lirinë, Martin Bardhi thuhet se nuk dilte shpesh në qytet.  Ai shihej rrallë në qarkullim. Ndërsa vetëm ditët e fundit, para se të binte pre e atentatit, kishte filluar t’i shpeshtonte vizitat në lokalin e tij.

Gjë që mesa duket e kishin vënë re edhe armiqtë e tij, të cilët kishin kohë që prisnin çastin e duhur për t’u hakmarrë ndaj tij. Mundësi që u erdhi në shteg mëngjesin e datës 27 shtator, kur Martin Bardhi la sërish banesën, për të vizituar lokalin e tij në qendër të Rrëshenit.  Aty ku edhe u ekzekutua ndërsa po pinte kafenë.

Ndërsa viktima e 10-të e kësaj sage hakmarrje të përgjakshme, midis fiseve Reçi-Gjini dhe Bardhi, u bë Kristian Marku i cili u ekzekutua më 13 Janar 2025, pranë fshatit Novoselë në Vlorë duke lënë pas edhe një fëmijë vetëm disa muajsh dhe që nuk pati mundësi ta shijojë babanë e tij./ Në Shënjestër

The post Kristian Marku, viktima e fundit e një zinxhiri gjakmarrjesh që nuk ndalet në Rrëshen appeared first on Sot News | Lajme.